EUR-Lex Access to European Union law
This document is an excerpt from the EUR-Lex website
Document 32004R1767
Commission Regulation (EC) No 1767/2004 of 13 October 2004 amending Regulation (EC) No 2318/2001 as regards the recognition of producer organisations in the fishery and aquaculture sector
Regolament tal-Kummissjoni (KE) Nru 1767/2004 tat- 13 ta' Ottubru 2004 li jemenda r-Regolament (KE) Nru 2318/2001 fir-rigward ta’ l-għarfien ta’ organizzazzjoniet produtturi fl-oqsma tas-sajd u l-akwakultura
Regolament tal-Kummissjoni (KE) Nru 1767/2004 tat- 13 ta' Ottubru 2004 li jemenda r-Regolament (KE) Nru 2318/2001 fir-rigward ta’ l-għarfien ta’ organizzazzjoniet produtturi fl-oqsma tas-sajd u l-akwakultura
ĠU L 315, 14.10.2004, p. 28–29
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 183M, 5.7.2006, p. 257–258
(MT)
No longer in force, Date of end of validity: 31/12/2013; Imħassar b' 32013R1420
5.7.2006 |
MT |
Il-Ġurnal Uffiċjali ta' l-Unjoni Ewropea |
257 |
REGOLAMENT TAL-KUMMISSJONI (KE) Nru 1767/2004
tat-13 ta' Ottubru 2004
li jemenda r-Regolament (KE) Nru 2318/2001 fir-rigward ta’ l-għarfien ta’ organizzazzjoniet produtturi fl-oqsma tas-sajd u l-akwakultura
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabilixxi il-Komunità Ewropea,
Wara li kkunsidrat ir-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq tal-prodotti tas-sajd u l-akwakultura, u b’mod partikulari l-Artikolu 6(7) tiegħu,
Billi:
(1) |
Ir-Regolament tal-Kummissjoni (KE) Nru 2318/2001, li jistipola regoli dettaljati għall-applikazzjoni tar-Regolament tal-Kunsill (KE) Nru 104/2000 fir-rigward ta’ l-għarfien ta’ organizzazzjonijiet produtturi fl-oqsma tas-sajd u l-akwakultura fih kriterji partikolari għall-għarfien ta’ l-assoċjazzjonijiet ta’ l-organizazzjonijiet produtturi rikonoxxuti fi Stat Membru wieħed. Dawn il-kriterji mhumiex biżżejjed biex ikopru l-għarfien ta’ assoċjazzjonijiet ta’ organizzazzjonijiet ta’ produtturi rikonoxxuti fi Stati Membri differenti. |
(2) |
Huwa meħtieġ li jiġu stipolati l-kondizzjonijiet u l-proċeduri għall-għoti ta’ l-għarfien mill-Istati Membri lil, u għall-irtir ta’ l-għarfien minn, assoċjazzjonijiet ta’ organizzazzjonijiet tal-produtturi rikonoxxuti fl-Istati Membri differenti b’tali mod li jiggarantixxu applikazzjoni konsistenti tar-regoli li jiggvernaw l-organizzazzjoni komuni tas-swieq tal-prodotti tal-ħut u l-akwakultura. |
(3) |
It-twaqqif ta’ assoċjazzonijiet ta’ organizzazzjonijiet tal-produtturi rikonoxxuti fi Stati Membri differenti jista’ jikkontribwixxi għall-għan ġenerali tal-kisba ta’ sfruttament razzjonali u sostenibbli tar-riżorsi li jaqgħu taħt il-Politika Komuni tas-Sajd u li jassiguraw viabilità għal żmien twil fil-qasam tas-sajd. |
(4) |
Ir-regoli tal-kompetizzjoni tal-Komunità huma applikabbli għall-produzzjoni ta’ u n- negozju fi prodotti tas-sajd sakemm l-applikazzjoni tagħhom ma xxekkilx regolamenti espliċiti li jistabilixxu l-organizzazzjoni tas-suq komuni fil-prodotti tas-sajd u ta’ l-akwakultura jew li jipperikolaw il-ksib ta’ l-għanijiet tal-Politika Komuni tas-Sajd. |
(5) |
Id-dispożizzjonijiet għal estensjoni lil dawk li mhumiex membri ta’ regoli li ġew introdotti minn organizzazzjoni ta’ produttur mniżżla fi Artikoli 7 u 8 ta’ Regolament (KE) Nru 104/2000 mhumiex applikabbli lil assoċjazzjoni ta’ organizzazzjonijiet ta’ produtturi fi Stati Membri differenti. |
(6) |
Ir-Regolament (KE) Nru 2318/2001 irid, għalhekk, jiġi emendat. |
(7) |
[Il-miżuri pprovduti għal dan ir-Regolament huma skond l-opinjoni tal-Kumitat tal-Ġestjoni tal-Prodotti tas-Sajd]. |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2318/2001 jiġi emendat hekk kif ġej:
(1) |
Fit-titlu il-kliem “li jistipola regoli dettaljati għall-applikazzjoni tar-Regolament tal-Kunsill (KE) Nru 104/2000 fir-rigward ta’ l-għarfien ta’ organizzazzjonijiet ta’ produtturi fl-oqsma tas-sajd u ta’ l-akwakultura” jiġu sostitwiti b’li ġej: “li jistipola regoli dettaljati għall-applikazzjoni tar-Regolament tal-Kunsill (KE) Nru 104/2000 fir-rigward ta’ l-għarfien ta’ l-organizzazzjonijiet ta’ produtturi u assoċjazzjonijiet ta’ organizzazzjonijiet ta’ produtturi fl-oqsma tas-sajd u l-akwakultura.” |
(2) |
Artikolu 2 jiġi sostitwit b’li ġej: “Artikolu 2 1. Stat Membru jista jagħti għarfien lil assoċjazzjoni ta’ organizzazzjonijiet ta’ produtturi rikonoxxuti f’dak l-Istat Membru biss bil-kundizzjoni li:
2. Stat Membru jista jagħti għarfien lil assoċjazzjoni ta’ organizzazzjonijiet ta’ produtturi rikonoxxuti fi Stati Membri differenti, bil-kundizzjoni li:
3. L-Istat Membru li jilqa’ l-Kwartieri Ġenerali ta’ l-assoċjazzjoni ser iwaqqaf, b’kollaborazzjoni ma l-Istati Membri l-oħra kkonċernati, il-kooperazzjoni amministrattiva meħtieġa biex tiżgura li l-kondizzjonijiet għall-għarfien huma rrispettati u biex jitwettqu kontrolli fuq l-attivitajiet ta’ l-assoċjazzjoni. Tali kooperazzjoni amministrativa ser tkopri ukoll l-irtirar ta’ l-għarfien. 4. Assoċjazzjoni ta’ organizzazzjonijiet produtturi ma jistax ikollha pożizzjoni dominanti f’suq partikolari sakemm mhux neċessarju għat-twettiq ta’ l-għanijiet ta’ l-Artikolu 33 tat-Trattat. 5. L-Artikoli 3, 4, 5, 6 u 7 tar-Regolament (KE) Nru 2318/2001 ser japplikaw mutatis mutandis lill-assoċjazzjoni ta’ organizzazzjonijiet ta’ produtturi rikonoxxuti f'wieħed u aktar minn Stat Membru wieħed.” 6. L-Artikolu 2(2) tar-Regolament tal-Kummissjoni (KE) Nru 908/2000 mhux ser japplika lill-assoċjazzjonijiet ta’ l-organizzazzjonijiet tal-produtturi rikonoxxuti fi Stati Membri differenti. |
Artikolu 2
Dan ir-Regolament ser jidħol fis-seħħ fis-seba’ jum wara il-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament ser jorbot fl-intier tiegħu u jkun applikabli direttament fl-Istati Membri kollha.
Magħmul fi Brussel, nhar it-13 ta' Ottubru 2004.
Għall-Kummissjoni
Franz FISCHLER
Membru tal-Kummissjoni