REGOLAMENT TAL-KUNSILL (KE) Nru 2222/2004

tad-19 ta' Novembru 2004

dwar l-amministrazzjoni ta' importazzjonijiet ta' ċerti prodotti ta' l-azzar mill-Ukraina

(Test b'relevanza għall-EEA)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu,

Wara li kkunsidra l-proposta tal-Kummissjoni (1),

Billi:

ADOTTA DAN IR-REGOLAMENT:

KAPITOLU I

DISPOSIZZJONIJIET ĠENERALI

Artikolu 1

Għan

1.   Dan ir-Regolament japplika għal importazzjonijiet ta' prodotti ta' l-azzar elenkati fl-Anness I, li joriġinaw fl-Ukraina.

2.   Il-prodotti ta' l-azzar għandhom ikunu klassifikati fi gruppi ta' prodotti kif imniżżel fl-Anness I.

3.   Il-klassifikazzjoni ta' prodotti elenkati fl-Anness I għandha tkun ibbażata fuq in-nomenklatura magħquda (NM) stabbilita bir-Regolament tal-Kunsill (KEE) Nru 2658/87 (5). Il-proċeduri għall-applikazzjoni ta' dan il-paragrafu huma mniżżla fil-kapitolu II it-taqsima 1.

4.   L-oriġini tal-prodotti msemmija fil-paragrafu 1 għandha tkun determinata skond ir-regoli fis-seħħ fil-Komunità.

5.   Il-proċeduri għall-verifikazzjoni ta' l-oriġini tal-prodotti msemmija fil-paragrafu 1 huma mniżżla fil-kapitoli II u III.

Artikolu 2

Limiti kwantitattivi

1.   L-importazzjoni fil-Komunità tal-prodotti ta' l-azzar elenkati fl-Anness I li joriġinaw fl-Ukraina għandhom ikunu suġġetti għal-limiti kwantitattivi annwali mniżżla fl-Anness V. Ir-rilaxx għaċ-ċirkolazzjoni ħielsa fil-Komunità tal-prodotti mniżżla fl-Anness I li joriġinaw fl-Ukraina għandhom ikunu suġġetti għall-preżentazzjoni ta' awtorizzazzjoni ta' importazzjoni maħruġa mill-awtoritajiet ta' l-Istati Membri skond id-disposizzjonijiet ta' l-Artikolu 4.

L-importazzjonijiet awtorizzati għandhom jgħoddu fil-konfront tal-limiti kwantitattivi stabbiliti għas-sena li fiha l-prodotti jkunu trasportati fil-pajjiż ta' l-esportazzjoni.

2.   Sabiex ikun assigurat li l-kwantitajiet li għalihom jinħarġu l-awtorizzazzjonijiet ta' l-importazzjoni fl-ebda ħin ma jaqbżu l-limiti kwantitattivi għal kull grupp ta' prodotti, l-awtoritajiet kompetenti għandhom joħorġu awtorizzazzjonijiet ta' importazzjoni biss malli jkollhom konferma mill-Kummissjoni li jkun għad baqa' kwantitajiet disponibbli fi ħdan il-limiti kwantitattivi għall-grupp ta' prodotti rilevanti ta' prodotti ta' l-azzar fir-rigward tal-pajjiż fornitur, li għalihom importatur jew importaturi jkun ressqu applikazzjoni lill-awtoritajiet imsemmija.

3.   Importazzjonijiet ta' prodotti mill-1 ta' Jannar 2004 li għalihom kienet meħtieġa liċenzja skond id-Deċiżjoni tal-Kunsill 2003/893/KE għandhom jgħoddu fil-konfront tal-limiti rilevanti għall-2004 stabbiliti fl-Anness V.

4.   Għall-għanijiet ta' dan ir-Regolament u mid-data ta' l-applikazzjoni tiegħu, it-trasport tal-prodotti għandu jkun meqjus li seħħ fid-data li fiha jkunu tgħabbew fuq il-mezz ta' transport ta' l-esportazzjoni.

Artikolu 3

Arranġamenti sospensivi

1.   Il-limiti kwantitattivi msemmija fl-Anness V m'għandhomx japplikaw għal prodotti mqiegħda f'żona ħielsa jew f'maħżen ħieles jew impurtati taħt l-arranġamenti li jirregolaw l-imħażen tad-dwana, l-importazzjoni temporanja jew l-ipproċċessar intern (sistema ta' sospensjoni).

2.   Fejn il-prodotti msemmija fil-paragrafu 1 ikunu sussegwentement rilaxxati għaċ-ċirkolazzjoni libera, jew fi stat mhux alterat inkella wara xi xogħol jew ipproċessar, għandu japplika l-Artikolu 2(2) u l-prodotti għandhom jgħoddu fil-konfront tal-limitu kwantitattiv rilevanti stabbilit fl-Anness V.

Artikolu 4

Regoli speċifiċi għall-amministrazzjoni tal-limiti kwantitattivi tal-Komunità

1.   Bil-għan li jkun applikat l-Artikolu 2(2), qabel joħorġu awtorizzazzjonijiet ta' importazzjoni, l-awtoritajiet kompetenti ta' l-Istati Membri għandhom jinnotifikaw lill-Kummissjoni bl-ammonti ta' talbiet għal awtorizzazzjonijiet ta' importazzjoni, sostnuti b'liċenzji ta' l-esportazzjoni oriġinali, li huma jkunu rċevew. Min-naħa tagħha, il-Kummissjoni għandha tinnotifika l-konferma tagħha li l-ammont(i) ta' kwantitajiet mitluba huma disponibbli għall-importazzjoni fl-ordni kronoloġika li fiha jkunu ġew riċevuti n-notifiki ta' l-Istati Membri (“fuq il-bażi tal-prinċipju li min jiġi l-ewwel, jinqeda l-ewwel”).

2.   It-talbiet inklużi fin-notifiki lill-Kummissjoni għandhom ikunu validi jekk jistabbilixxu b'mod ċar f'kull każ il-pajjiż ta' l-esportazzjoni, il-grupp tal-prodott konċernat, l-ammonti li se jkunu importati, in-numru tal-liċenzja ta' l-esportazzjoni, is-sena tal-kwota u l-Istat Membru li fih hu maħsub li l-prodotti jitqiegħdu fiċ-ċirkolazzjoni libera.

3.   Sakemm ikun possibbli, il-Kummissjoni għandha tikkonferma lill-awtoritajiet l-ammont sħiħ indikat fit-talbiet notifikati għal kull grupp tal-prodotti. Barra minnhekk, il-Kummissjoni għandha minnufih tikkuntattja lill-awtoritajiet Ukraini f'każi fejn it-talbiet notifikati jaqbżu l-limiti sabiex tfittex kjarifika u soluzzjoni rapida.

4.   L-awtoritajiet kompetenti għandhom minnufih javżaw lill-Kummissjoni wara li jkunu infurmati b'xi kwantità li ma tkunx użata waqt it-tul ta' żmien ta' validità ta' l-awtorizzazzjoni ta' importazzjoni. Dawn il-kwantitajiet mhux użati għandhom awtomatikament ikunu trasferiti fil-kwantitajiet li jifdal tat-total tal-limitu kwantitattiv tal-Komunità għal kull grupp ta' prodott.

5.   In-notifiki msemmija fil-paragrafi 1 sa 4 hawnfuq għandhom ikunu komunikati b'mod elettroniku fi ħdan in-network integrat imwaqqaf għal dan il-għan, għajr jekk minħabba xi raġunijiet tekniċi jkun neċessarju li jintużaw mezzi oħra ta' komunikazzjoni b'mod temporanju.

6.   L-awtorizzazzjonijiet ta' importazzjoni jew dokumenti ekwivalenti għandhom jinħarġu skond il-Kapitolu II.

7.   L-awtoritajiet kompetenti ta' l-Istati Membri għandhom jinnotifikaw lill-Kummissjoni bi kwalunkwe kanċellazzjoni ta' awtorizzazzjonijiet ta' importazzjoni jew ta' dokumenti ekwivalenti li jkunu nħarġu diġà f'każi fejn il-liċenzji ta' l-esportazzjoni korrispondenti jkunu ġew irtirati jew imħassra mill-awtoritajiet kompetenti Ukraini. Madankollu, jekk il-Kummissjoni jew l-awtoritajiet kompetenti ta' l-Istat Membru ikunu ġew infurmati mill-awtoritajiet kompetenti Ukraini bl-irtirar jew kanċellazzjoni ta' liċenzja ta' l-esportazzjoni wara li l-prodotti relatati jkun ġew importati lejn il-Komunità, il-kwantitajiet in kwistjoni għandhom jgħoddu fil-konfront tal-limitu kwantitattiv għas-sena li fiha jkun sar it-trasport tal-prodotti.

Artikolu 5

Statistika

1.   L-Istati Membri għandhom jinnotifikaw il-Kummissjoni kull xahar, fi żmien xahar mill-aħħar ta' kull xahar, bil-kwantitajiet totali ta' prodotti ta' l-azzar elenkati fl-Anness I li ddaħħlu fiċ-ċirkolazzjoni libera matul dak ix-xahar, waqt li jindikaw il-kodiċi tan-nomenklatura magħquda u li jużaw l-unitajiet statistiċi u, fejn meħtieġ, l-unitajiet supplimentari użati f'dak il-kodiċi. L-importazzjonijiet għandhom ikunu mqassma skond il-proċeduri statistiċi fis-seħħ.

2.   Sabiex ikun possibbli li l-andamenti tas-suq fil-prodotti koperti b'dan ir-Regolament ikunu monitorati, l-Istati Membri għandhom jikkomunikaw lill-Kummissjoni, qabel il-31 ta' Marzu ta' kull sena, d-data statistika dwar l-importazzjonijiet tas-sena preċedenti.

Artikolu 6

Ħrib

1.   Fejn, wara l-investigazzjonijiet imwettqa skond il-proċeduri mniżżla f'Kapitolu III, il-Kummissjoni tinnota li l-informazzjoni fil-pussess tagħha tikkostitwixxi prova li l-prodotti elenkati fl-Anness I li joriġinaw fl-Ukraina ġew trasbordati, b'rotot differenti jew inkella importati lejn il-Komunità permezz ta' ħrib mill-limiti kwantitattivi msemmija fl-Artikolu 2 u li hemm ħtieġa li jsir aġġustament, hija għandha titlob li jinfetħu l-konsultazzjonijiet sabiex jintlaħaq ftehim dwar aġġustament ekwivalenti għal-limiti kwantitattivi korrispondenti.

2.   Waqt li wieħed ikun qed jistenna r-riżultat tal-konsultazzjonijiet imsemmija fil-paragrafu 1, il-Kummissjoni tista' titlob lill-Ukraina li tieħu l-passi prekawzjonali meħtieġa biex tassigura li l-aġġustamenti għal-limiti kwantitattivi miftehma wara dawn il-konsultazzjonijiet ikunu jistgħu jitwettqu għas-sena li fiha tkun saret it-talba għall-konsultazzjonijiet jew għas-sena ta' wara, jekk il-limiti kwantitattivi għas-sena preżenti jkunu spiċċaw, fejn ikun hemm evidenza ċara ta' ħrib.

3.   Jekk il-Komunità u l-Ukraina jonqsu milli jaslu għal soluzzjoni sodisfaċenti u jekk il-Kummissjoni tinnota li hemm evidenza ċara ta' ħrib, hija għandha tnaqqas mil-limiti kwantitattivi volum ekwivalenti ta' prodotti li joriġinaw mill-Ukraina.

Artikolu 7

Dan ir-Regolament m'għandu bl-ebda mod jikkostitwixxi deroga mid-disposizzjonijiet tal-ftehim bilaterali dwar il-kummerċ ta' ċerti prodotti ta' l-azzar (6) li l-Komunità ikkonkludiet ma' l-Ukraina u li, f'kull każ ta' kunflitt, għandu jkun dominanti.

KAPITOLU II

MODALITAJIET APPLIKABBLI GĦALL-AMMINISTRAZZJONI TAL-LIMITI KWANTITATTIVI

TAQSIMA 1

Klassifikazzjoni

Artikolu 8

Il-klassifikazzjoni tal-prodotti ta' l-azzar koperti b'dan ir-Regolament għandha tkun ibbażata fuq in-nomenklatura magħquda (NM).

Artikolu 9

Fuq l-inizjattiva tal-Kummissjoni jew ta' Stat Membru, it-taqsima tat-tariffi u tan-nomenklatura statistika tal-Kumitat tal-Kodiċi Doganali, li kien imwaqqaf bir-Regolament tal-Kunsill (KEE) Nru 2658/87 għandha teżamina b'mod urġenti, skond id-disposizzjonijiet tar-Regolament imsemmi qabel, il-kwistjonijiet kollha li jikkonċernaw il-klassifikazzjoni tal-prodotti koperti b'dan ir-Regolament fi ħdan in-nomenklatura magħquda sabiex tikklassifikahom fil-gruppi xierqa tal-prodott.

Artikolu 10

Il-Kummissjoni għandha tinforma lill-Ukraina bi kwalunkwe bidla fin-nomenklatura magħquda (NM) li taffettwa l-prodotti koperti b'dan ir-Regolament dwar l-adozzjoni tagħhom mill-awtoritajiet kompetenti tal-Komunità.

Artikolu 11

Il-Kummissjoni għandha tinforma lill-awtoritajiet kompetenti Ukraini bi kwalunkwe deċiżjoni adottata skond il-proċeduri fis-seħħ fil-Komunità relatati mal-klassifikazzjoni tal-prodotti koperti b'dan ir-Regolament, mhux aktar tard minn xahar mill-adozzjoni tagħhom. Din it-tip ta' komunikazzjoni għandha tinkludi:

Artikolu 12

1.   Fejn deċiżjoni ta' klassifikazzjoni adottata skond il-proċeduri fis-seħħ tal-Komunità tirriżulta f'tibdil tal-prattiċi tal-klassifikazzjoni jew f'tibdil fil-grupp tal-prodott ta' xi prodott kopert b'dan ir-Regolament, l-awtoritajiet kompetenti ta' l-Istati Membri għandhom jipprovdu avviż ta' 30 ġurnata, mid-data tan-notifika tal-Kummissjoni, qabel id-deċiżjoni tiddaħħal fis-seħħ.

2.   Prodotti trasportati qabel id-data ta' l-applikazzjoni tad-deċiżjoni għandhom jibqgħu suġġetti għall-prattika ta' klassifikazzjoni preċedenti, bil-kondizzjoni li l-merkanzija in kwistjoni tiddaħħal fl-importazzjoni fi żmien 60 jum minn dik id-data.

Artikolu 13

Fejn deċiżjoni ta' klassifikazzjoni adottata skond il-proċeduri fis-seħħ tal-Komunità msemmija fl-Artikolu 12 tinvolvi grupp ta' prodott li jkun suġġett għal limitu kwantitattiv, il-Kummissjoni għandha, fejn meħtieġ, tibda mingħajr telf ta' żmien konsultazzjonijiet skond l-Artikolu 9 sabiex tilħaq ftehim dwar xi aġġustamenti neċessarji għal-limiti kwantitattivi korrispondenti provduti fl-Anness V.

Artikolu 14

1.   Mingħajr preġudizzju għal kwalunkwe disposizzjoni oħra dwar dan is-suġġett, fejn il-klassifikazzjoni indikata fid-dokumentazzjoni neċessarja għall-importazzjoni ta' prodotti koperti b'dan ir-Regolament tkun differenti mill-klassifikazzjoni determinata mill-awtoritajiet kompetenti ta' l-Istat Membru li fih ikunu se jiġu importati, l-merkanzija in kwistjoni għandha tkun b'mod proviżorju suġġetta għall-arranġamenti ta' importazzjoni li, skond id-disposizzjonijiet ta' dan ir-Regolament, huma applikabbli għalihom fuq il-bażi tal-klassifikazzjoni determinata mill-awtoritajiet imsemmija qabel.

2.   L-awtoritajiet kompetenti ta' l-Istati Membri għandhom jinfurmaw lill-Kummissjoni bil-każi msemmija fil-paragrafu 1, waqt li b'mod partikolari jindikaw:

3.   L-awtoritajiet kompetenti ta' l-Istati Membri m'għandhomx joħorġu awtorizzazzjoni ġdida ta' importazzjoni għal prodotti ta' l-azzar suġġetti għal limitu kwantitattiv tal-Komunità mniżżel fl-Anness V wara r-riklassifikazzjoni qabel ma jkunu kisbu konferma mill-Kummissjoni li l-ammonti li se jkunu importati huma disponibbli skond il-proċedura mniżżla fl-Artikolu 4.

4.   Il-Kummissjoni għandha tinnotifika lill-pajjiżi ta' l-esportazzjoni konċernati bil-każi msemmija f'dan l-Artikolu.

Artikolu 15

Fil-każi msemmija fl-Artikolu 14, kif ukoll f'dawk il-każi ta' natura simili li jirriżultaw mill-awtoritajiet kompetenti Ukraini, il-Kummissjoni, jekk meħtieġ, għandha tidħol f'konsultazzjonijiet ma' l-Ukraina, sabiex tilħaq ftehim dwar il-klassifikazzjoni applikabbli definittivament għall-prodotti involuti fid-diverġenza.

Artikolu 16

Il-Kummissjoni, fi qbil ma' l-awtoritajiet kompetenti ta' l-Istat jew Stati Membri li jimpurtaw u ta' l-Ukraina, tista', fil-każi msemmija fl-Artikolu 15, tiddetermina l-klassifikazzjoni applikabbli definittivament għall-prodotti involuti fid-diverġenza.

Artikolu 17

Meta każ ta' diverġenza msemmi fl-Artikolu 14 ma jkunx jista' jiġi solvut skond l-Artikolu 15, il-Kummissjoni għandha tadotta, skond id-disposizzjonijiet ta' l-Artikolu 10 tar-Regolament (KEE) Nru 2658/87, miżura li tistabbilixxi l-klassifikazzjoni tal-merkanzija fin-Nomenklatura Magħquda.

TAQSIMA 2

Sistema ta' ċċekkjar doppju

(għall-amministrazzjoni tal-limiti kwantitattivi)

Artikolu 18

1.   L-awtoritajiet kompetenti Ukraini għandhom joħorġu liċenzja ta' l-esportazzjoni fir-rigward tal-kunsinni kollha tal-prodotti ta' l-azzar suġġetti għal-limiti kwantitattivi mniżżla fl-Anness V sal-livell tal-limiti msemmija.

2.   Il-liċenzja ta' l-esportazzjoni oriġinali għandha tkun preżentata mill-importatur għall-iskopijiet tal-ħruġ ta' l-awtorizzazzjoni ta' importazzjoni msemmija fl-Artikolu 21.

Artikolu 19

1.   Il-liċenzja ta' l-esportazzjoni għal-limiti kwantitattivi għandha tkun konformi mal-kampjun stabbilit fl-Anness u għandha tiċċertifika, inter alia, li l-kwantità tal-merkanzija in kwistjoni tkun ġiet magħduda fil-konfront tal-limitu kwantitattiv stabbilit għall-grupp ta' prodott konċernat.

2.   Kull liċenzja ta' l-esportazzjoni għandha tkopri wieħed biss mill-gruppi ta' prodott elenkati fl-Anness I.

Artikolu 20

L-esportazzjonijiet għandhom ikunu magħduda fil-konfront tal-limiti kwantitattivi stabbiliti għas-sena li fiha l-prodotti koperti mil-liċenzja ta' l-esportazzjoni jkunu ġew trasportati skond it-tifsira ta' l-Artikolu 2 (4).

Artikolu 21

1.   Sakemm il-Kummissjoni tkun ikkonfermat skond l-Artikolu 4 li l-ammont mitlub hu disponibbli mal-limitu kwantitattiv in kwistjoni, l-awtoritajiet kompetenti ta' l-Istati Membri għandhom joħorġu awtorizzazzjoni ta' l-importazzjoni fi żmien massimu ta' ħamest ijiem utli mill-preżentazzjoni mill-importatur tal-liċenzja ta' l-esportazzjoni oriġinali korrispondenti. Din il-preżentazzjoni trid tkun effetwata mhux iktar tard mill-31 ta' Marzu tas-sena ta' wara dik li fiha l-merkanzija koperta mil-liċenzja tkun ġiet trasportata bil-vapur. Awtorizzazzjoniiet ta' importazzjoni għandhom ikunu maħruġa mill-awtoritajiet kompetenti ta' kwalunkwe Stat Membru irrespettivament mill-Istat Membru indikat fuq il-liċenzja ta' l-esportazzjoni, sakemm il-Kummissjoni, skond l-Artikolu 4, tkun ikkonfermat li l-ammont mitlub hu disponibbli fil-limitu kwantitattiv in kwistjoni.

2.   L-awtorizzazzjonijiet ta' importazzjoni għandhom ikunu validi għal erba' xhur mid-data tal-ħruġ tagħhom. Fuq talba motivata b'mod korrett mill-importatur, l-awtoritajiet kompetenti ta' Stat Membru jistgħu jestendu l-perijodu ta' validità għal perijodu addizzjonali li ma jaqbiżx l-erba' xhur.

3.   L-awtorizzazzjonijiet ta' importazzjoni għandhom ikunu mfassla fuq il-formola stabbilita fl-Anness III u għandhom ikunu validi fit-territorju doganali tal-Komunità.

4.   Id-dikjarazzjoni jew talba magħmula mill-importatur sabiex jikseb l-awtorizzazzjoni ta' importazzjoni għandu jkun fiha:

5.   L-importaturi m'għandhomx ikunu obbligati li jimportaw l-kwantità totali koperta mill-awtorizzazzjoni ta' importazzjoni f'kunsinna waħda.

Artikolu 22

Il-validità ta' l-awtorizzazzjonijiet ta' importazzjoni maħruġa mill-awtoritajiet ta' l-Istati Membri għandha tkun suġġetta għall-validità tal-liċenzji ta' l-esportazzjoni u tal-kwantitajiet indikati fil-liċenzji ta' l-esportazzjoni maħruġa mill-awtoritajiet kompetenti Ukraini li fuq il-bażi tagħhom jkunu maħruġa l-awtorizzazzjonijiet ta' importazzjoni.

Artikolu 23

L-awtorizzazzjonijiet ta' l-importazzjoni jew dokumenti ekwivalenti għandhom ikunu maħruġa mill-awtoritajiet kompetenti ta' l-Istati Membri skond l-Artikolu 2(2) u mingħajr diskriminazzjoni għal xi importatur fil-Komunità jkun x'ikun il-post ta' l-istabbilimenti tiegħu fil-Komunità, mingħajr preġudizzju għall-konformità ma' kondizzjonijiet oħrajn meħtieġa taħt ir-regoli attwali.

Artikolu 24

1.   Jekk il-Kummissjoni ssib li l-kwantitajiet totali koperti bil-liċenzji ta' l-esportazzjoni maħruġa mill-Ukraina għal grupp partikolari ta' prodott f'kwalunkwe sena ta' ftehim jaqbżu l-limitu kwantitattiv stabbilit għal dak il-grupp ta' prodott, l-awtoritajiet kompetenti tal-liċenzji fl-Istati Membri għandhom ikunu infurmati minnufih sabiex ikunu jistgħu jissospendu l-ħruġ ulterjuri ta' awtorizzazzjonijiet ta' importazzjoni. F'dan il-każ, il-Kummissjoni għandha immedjatament tibda l-konsultazzjonijiet.

2.   L-awtoritajiet kompetenti ta' Stat Membru għandhom jirrifjutaw li joħorġu awtorizzazzjonijiet ta' importazzjoni għal prodotti li joriġinaw fl-Ukraina li m'humiex koperti minn liċenzji ta' l-esportazzjoni maħruġa skond id-disposizzjonijiet ta' dan il-Kapitolu.

TAQSIMA 3

Disposizzjonijiet komuni

Artikolu 25

1.   Il-liċenzja ta' l-esportazzjoni msemmija fl-Artikolu 18 u ċ-ċertifikat ta' l-oriġini msemmi fl-Anness II jistgħu jinkludu kopji addizzjonali u indikati bħala tali. Dawn għandhom isiru bl-Ingliż.

2.   Jekk id-dokumenti msemmija hawnfuq ikunu kompilati bl-idejn, il-kitba trid tkun bil-linka u b'ittri kbar.

3.   Il-liċenzji ta' l-esportazzjoni jew dokumenti ekwivalenti u ċ-ċertifikati ta' l-oriġini għandhom ikollhom qies ta' 210 × 297 mm. Il-karta għandha tkun karta bajda tal-kitba, bid-daqs, li ma jkollhiex polpa mekkanika u li tkun tiżen inqas minn 25 g/m2. Kull parti jrid ikollha sfond b'disinn guilloche stampat li jirrendi kwalunkwe falsifikazzjoni b'mezzi mekkaniċi jew kimiċi viżibbli għall-għajn.

4.   Għandhom jiġu aċċettati bħala validi l-oriġinali biss mill-awtoritajiet kompetenti fil-Komunità għal skopijiet ta' importazzjoni b'mod konformi mad-disposizzjonijiet ta' dan ir-Regolament.

5.   Kull liċenzja ta' l-esportazzjoni jew dokument ekwivalenti u ċ-ċertifikat ta' l-oriġini għandu jkollu numru standarizzat tas-serje, sew jekk stampat jew le, li bih ikun jista' jiġi identifikat.

6.   Dan in-numru għandu jkun kompost mill-elementi li ġejjin:

Artikolu 26

Il-liċenzja ta' l-esportazzjoni u ċ-ċertifikat ta' l-oriġini jistgħu jkunu maħruġa wara li jkunu trasportati l-prodotti relatati magħhom. F'dawn il-każi huma għandu jkollhom immarkat ’maħruġa retrospettivament’.

Artikolu 27

Fl-eventwalità ta' serq, telfien jew distruzzjoni tal-liċenzja ta' l-esportazzjoni jew taċ-ċertifikat ta' l-oriġini, l-esportatur għandu jmur għand l-awtorità kompetenti li tkun ħarġet id-dokument biex isirlu duplikat fuq il-bażi tad-dokumenti ta' l-esportazzjoni fil-pussess tiegħu. Il-liċenzja jew iċ-ċertifikat dupplikat maħruġ b'dan il-mod għandu jkollu l-marka “duplikat”.

Id-duplikat għandu jkollu d-data tal-liċenzja oriġinali jew taċ-ċertifikat.

TAQSIMA 4

LIċenzja ta' importazzjoni tal-komunità – formola komuni

Artikolu 28

1.   Il-formoli li għandhom jiġu wżati mill-awtoritajiet kompetenti ta' l-Istati Membri (lista mehmuża ma') għall-ħruġ ta' l-awtorizzazzjonijiet imsemmija fl-Artikolu 21 għandhom ikunu konformi mal-kampjun tal-liċenzja ta' importazzjoni stabbilita fl-Anness III.

2.   Il-formoli tal-liċenzji ta' importazzjoni u estratti tagħhom għandhom ikunu mfassla f'duplikati, kopja waħda, immarkata “Kopja tal-Pussessur” u li jkollha n-numru 1 li għandha tinħareġ lill-applikant, u l-oħra, immarkata “Kopja għall-awtorità tal-ħruġ” li jkollha n-numru 2, biex tinżamm mill-awtorità li toħroġ il-liċenzja. Għal għanijiet amministrattivi l-awtoritajiet kompetenti jistgħu jżidu kopji addizzjonali mal-formola 2.

3.   Il-formoli għandhom ikunu stampati fuq karta bajda mingħajr polpa mekkanika, maħsuba għall-kitba u tiżen bejn 55 u 65 g/m2. Id-daqs tagħhom għandu jkun ta' 210 × 297 mm; it-tip ta' spazju bejn il-linji għandu jkun 4,24 mm (wieħed minn sitta ta' pulzier); il-mod ta' kif għandhom ikunu mqassma l-formoli għandu jkun segwit b'mod dettaljat. Iż-żewġ naħat tal-kopja Nru 1, li hi l-liċenzja nfisha, għandha barra minnhekk jkollha sfond b'disinn guilloche stampat bl-aħmar sabiex jikxef kwalunkwe falsifikazzjoni b'mezzi mekkaniċi jew kimiċi.

4.   L-Istati Membri għandhom ikunu responsabbli mill-istampar tal-formoli. Il-formoli jistgħu wkoll ikunu stampati minn stampaturi maħtura mill-Istat Membru li fih jkunu stabbiliti. F'dan l-aħħar każ, ir-referenza għall-ħatra mill-Istat Membru għandha tidher fuq kull formola. Kull formola għandu jkollha identifikazzjoni ta' l-isem u l-indirizz ta' l-istampatur jew marka li tippemetti li l-istampatur jkun identifikat.

5.   Fil-ħin tal-ħruġ tagħhom il-liċenzji ta' l-importazzjoni jew estratti tagħhom għandhom jingħataw numru tal-ħruġ li għandu jkun determinat mill-awtoritajiet kompetenti ta' l-Istat Membru. Il-liċenzja ta' l-importazzjoni għandha tkun notifikata lill-Kummissjoni b'mod elettroniku fi ħdan in-network integrat stabbilit taħt l-Artikolu 4.

6.   Il-liċenzji u l-estratti tagħhom għandhom ikunu kompilati fil-lingwa uffiċjali, jew f'waħda mil-lingwi uffiċjali, ta' l-Istat Membru tal-ħruġ.

7.   Fil-kaxxa 10 l-awtoritajiet kompetenti għandhom jindikaw l-grupp tal-prodott ta' l-azzar adattat.

8.   Il-marki ta' l-aġenziji tal-ħruġ u ta' l-awtoritajiet tad-debitu għandhom ikunu applikati permezz ta' timbru. Madankollu, stampa b'tipi mqabbża flimkien ma' ittri jew ċifri magħmula permezz ta' perforazzjoni, jew stampar fuq il-liċenzja jistgħu jkunu sostituti bit-timbu ta' l-awtorità tal-ħruġ. L-awtoritajiet tal-ħruġ għandhom jużaw metodu li ma jistax jiġi alterat biex jirrekordjaw l-kwantità allokata b'tali mod li jagħmilha impossibbli li jkunu mdaħħla ċifri jew referenzi.

9.   Fuq wara tal-kopja Nru 1 u tal-kopja Nru 2 għandu jkun hemm kaxxa li fiha jkunu jistgħu jiddaħlu l-kwantitajiet, jew mill-awtoritajiet tad-dwana meta jitlestew il-formalitajiet ta' l-importazzjoni, jew mill-awtoritajiet amministrattivi kompetenti meta jkun maħruġ estratt. Jekk l-ispazju merfugħ għad-debiti fuq il-liċenzji jew estratt tiegħu ma jkunx biżżejjed, l-awtoritajiet kompetenti jistgħu jehmżu waħda jew aktar paġni żejda li jkollhom kaxxi li jaqblu ma' dawk fuq wara tal-kopja Nru 1 u kopja Nru 2 tal-liċenzja jew l-estratt. L-awtoritajiet tad-debitu għandhom ipoġġu t-timbru tagħhom b'tali mod li nofsu jkun fuq il-liċenzja jew l-estratt tagħha u n-nofs l-ieħor jkun fuq il-paġna żejda. Jekk ikun hemm iktar minn paġna waħda żejda, għandu jitpoġġa timbru ieħor bl-istess mod fuq kull paġna u l-paġna preċedenti.

10.   Il-liċenzji ta' l-importazzjoni u l-estratti maħruġa, flimkien mad-dħul jew l-endorsjar magħmul, mill-awtoritajiet ta' Stat Membru partikolari għandu jkollhom l-istess effett legali f'kull wieħed mill-Istati Membri l-oħrajn bħala dokumenti maħruġa, u dħul u endorsjar magħmula, mill-awtoritajiet ta' tali Stati Membri.

11.   L-awtoritajiet kompetenti ta' l-Istati Membri konċernati jistgħu, fejn dan ikun indispensabbli, jitolbu li l-kontenuti tal-liċenzji jew l-estratti jiġu tradotti fil-lingwa uffiċjali jew f'waħda mil-lingwi uffiċjali ta' dak l-Istat Membru.

KAPITOLU III

KOOPERAZZJONI AMMINISTRATTIVA

Artikolu 29

Il-Kummissjoni għandha tforni lill-awtoritajiet ta' l-Istati Membri l-ismijiet u l-indirizzi ta' l-awtoritajiet fl-Ukraina kompetenti mill-ħruġ taċ-ċertifikat ta' l-oriġini u l-liċenzji ta' l-esportazzjoni flimkien ma' kampjuni tat-timbri użati minn dawn l-awtoritajiet.

Artikolu 30

Għall-prodotti ta' l-azzar suġġetti għas-sistema ta' ċċekkjar doppju l-Istati Membri għandhom jinnotifikaw lill-Kummissjoni fl-ewwel għaxart ijiem ta' kull xahar bil-kwantitajiet totali, f'unitajiet xierqa u bil-pajjiż ta' l-oriġini u l-grupp tal-prodotti, li għalihom ġew maħruġa awtorizzazzjonijiet ta' importazzjoni matul ix-xahar preċedenti.

Artikolu 31

1.   Verifika sussegwenti taċ-ċertifikati ta' l-oriġini jew tal-liċenzji ta' l-esportazzjoni għandha ssir at random, jew kull meta l-awtoritajiet kompetenti tal-Komunità jkollhom dubju raġonevoli fir-rigward ta' l-awtentiċità taċ-ċertifikat ta' l-oriġini jew tal-liċenzja ta' l-esportazzjoni jew fir-rigward tal-preċiżjoni ta' l-informazzjoni relatata ma' l-oriġini reali tal-prodotti in kwistjoni.

Fit-tali każijiet l-awtoritajiet kompetenti tal-Komunità għandhom jirritornaw iċ-ċertifikat ta' l-oriġini jew il-liċenzja ta' l-esportazzjoni u kopja tagħhom lill-awtorità governattiva kompetenti ta' l-Ukraina, waqt li jagħtu, fejn meħtieġ, ir-raġunijiet għall-inkjesta. Jekk il-fattura tkun ġiet imressqa, t-tali fattura jew kopja tagħha għandha tkun mehmuża maċ-ċertifikat ta' l-oriġini jew mal-liċenzja ta' l-esportazzjoni jew ma' kopja tagħhom. L-awtoritajiet kompetenti għandhom jibagħtu wkoll kwalunkwe informazzjoni li ġiet offruta li tindika li d-dettalji mogħtija fl-imsemmi ċertifikat ta' l-imsemmija liċenzja huma ineżatti.

2.   Id-disposizzjonijiet tal-paragrafu 1 għandhom japplikaw ukoll għall-verifiki sussegwenti tad-dikjarazzjonijiet ta' l-oriġini.

3.   Ir-riżultati tal-verifiki sussegwenti mwettqa skond il-paragrafu 1 għandhom ikunu komunikati lill-awtoritajiet kompetenti tal-Komunità f'mhux aktar tard minn tliet xhur. L-informazzjoni komunikata għandha tindika jekk iċ-ċertifikat, liċenzja jew dikjarazzjoni in kwistjoni, japplikax għall-merkanzija attwalment esportata u jekk il-merkanzija hijiex eleġibbli għall-esportazzjoni fil-Komunità taħt dan l-Kapitolu. L-awtoritajiet kompetenti tal-Komunità jistgħu jitolbu kopji tad-dokumentazzjoni neċessarja biex jiddeterminaw il-fatti b'mod sħiħ, inkluż, b'mod partikolari, l-oriġini tal-merkanzija.

4.   Jekk dawn il-verifiki juru abbuż jew irregolaritajiet kbar fl-użu tad-dikjarazzjoni ta' l-oriġini, l-Istat Membru konċernat għandu jinforma l-Kummissjoni b'dan il-fatt. Il-Kummissjoni għandha tgħaddi l-informazzjoni lill-Istati Membri l-oħra. Il-Komunità tista' tiddeċiedi li l-importazzjonijiet tal-prodotti in kwistjoni lejn il-Komunità għandhom ikunu akkompanjati b'ċertifikat ta' l-oriġini Ukraina msemmi fl-Artikolu 25(1).

5.   Rikors mhux ippjanat għall-proċedura speċifikata f'dan l-Artikolu m'għandux jikkostitwixxi ostakolu għar-rilaxx fiċ-ċirkolazzjoni libera tal-prodotti in kwistjoni.

Artikolu 32

1.   Fejn il-proċedura ta' verifika msemmija fl-Artikolu 30 jew fejn informazzjoni fil-pussess tal-awtoritajiet kompetenti tal-Komunità tindika li d-disposizzjonijiet ta' dan il-Kapitolu qed jiġu miksura, l-awtoritajiet imsemmija għandhom jitolbu lill-Ukraina biex twettaq l-inkjesti xierqa u taħdem biex isiru tali inkjesti li jikkonċernaw l-operazzjonijiet li jiksru jew jidhru li jiksru d-disposizzjonijiet ta' dan il-Kapitolu. Ir-riżultati ta' dawn l-inkjesti għandhom ikunu komunikati lill-awtoritajiet kompetenti tal-Komunità flimkien ma' informazzjoni pertinenti oħra li tgħin biex tiġi determinata l-oriġini vera tal-merkanzija.

2.   Skond l-azzjoni meħuda taħt it-termini ta' dan il-Kapitolu, l-awtoritajiet kompetenti tal-Komunità jistgħu jiskambjaw kwalunkwe informazzjoni li tkun meqjusa utli biex jiġi evitat l-ksur tad-disposizzjonijiet ta' dan il-Kapitolu ma' l-awtoritajiet kompetenti governattivi tar-Repubblika ta' l-Ukraina.

3.   Fejn ikunu stabbilit li d-disposizzjonijiet ta' dan il-Kapitolu kienu miksura, l-Kummissjoni tista' tieħu l-miżuri neċessarji li jwaqqfu milli jerġa' jseħħ t-tali ksur.

Artikolu 33

Il-Kummissjoni għandha tikkoordina l-azzjoni meħuda mill-awtoritajiet kompetenti ta' l-Istati Membri taħt id-disposizzjonijiet ta' dan il-Kapitolu. L-awtoritajiet kompetenti ta' l-Istati Membri għandhom jinformaw lill-Kummissjoni u lill-Istati Membri l-oħra bl-azzjoni li huma jieħdu u bir-riżultati miksuba.

KAPITOLU IV

DISPOSIZZJONIJIET FINALI

Artikolu 34

Revoka

Id-Deċiżjoni tal-Kunsill 2003/893/KE hija hawnhekk revokata.

Artikolu 35

Dħul fis-seħħ

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

(1)  ĠU L 49, 19.12.1998, p. 3.

(2)  ĠU L 49, 19.2.1998, p. 3.

(3)  ĠU L 384, 28.12.2004, p. 1.

(4)  ĠU L 333, 20.12.2003, p. 84.

(5)  ĠU L 256, 7.9.1987, p. 1. Regolament kif emendat l-aħħar bir-Regolament tal-Kummissjoni (KE) Nru 2344/2003 (ĠU L 346,31.12.2003 p. 38).

(6)  ĠU L 333, 20.12.2003, p. 84.