32004D0792

Deċiżjoni tal-Kunsill 2004/792/PESK

tat- 22 ta' Novembru 2004

li testendi u temenda d-Deċiżjoni 1999/730/PESK li timplimenta l-Azzjoni Konġunta 1999/34/PESK bil-ħsieb ta' kontribut ta’ l-Unjoni Ewropea għall-ġlieda kontra l-akkumulazzjoni u t-tixrid destabbilizzanti ta’ armi żgħar u armamenti ħfief fil-Kambodja

IL-KUNSILL TA’ L-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 23(2) tiegħu,

Wara li kkunsidra l-Azzjoni Konġunta 1999/34/PESK tas- 17 ta’ Diċembru 1998 dwar il-kontribut ta’ l-Unjoni Ewropea għall-ġlieda kontra l-akkumulazzjoni u t-tixrid destabbilizzanti ta’ armi żgħar u armamenti ħfief [1], u b’mod partikolari l-Artikolu 6 tiegħu,

Billi:

(1) Fil- 15 ta’ Novembru 1999 il-Kunsill adotta d-Deċiżjoni 1999/730/PESK li timplimenta l-Azzjoni Konġunta 1999/34/PESK li tikkonċerna kontribut ta’ l-Unjoni Ewropea għall-ġlieda kontra l-akkumulazzjoni u t-tixrid destabbilizzanti ta’ armi żgħar u armamenti ħfief fil-Kambodja [2].

(2) Xi għanijiet ma setgħux jitwettqu sal- 15 ta’ Novembru 2004, id-data li fiha tiskadi d-Deċiżjoni 1999/730/PESK, u oħrajn għandhom jiġu konsolidati u mwessgħin wara dik id-data. Il-proġett in kwistjoni huwa proġett pluriennali.

(3) Id-Deċiżjoni 1999/730/PESK għandha għalhekk tiġi estiża u emendata,

IDDEĊIEDA KIF ĠEJ:

Artikolu 1

Id-Deċiżjoni 1999/730/PESK hi hawnhekk emendata kif ġej:

1) fl-Artikolu 3(1), l-ammont ta’ referenza finanzjarju "EUR 1436953" għandu jiġi sostitwit bi "EUR 1375565";

2) fl-Artikolu 4, it-tieni subparagrafu, " 15 ta’ Novembru 2004" għandu jiġi sostitwit bi " 15 ta’ Novembru 2005";

Artikolu 2

Din id-Deċiżjoni għandha tieħu effett fis- 16 ta’ Novembru 2004.

Artikolu 3

Din id-Deċiżjoni għandha tiġi ppubblikata fil-Ġurnal Uffiċjali ta’ l-Unjoni Ewropea.

Magħmula fi Brussel, nhar it- 22 ta' Novembru 2004.

Għall-Kunsill

Il-President

B. R. Bot

[1] ĠU L 9, 15.1.1999, p. 1.

[2] ĠU L 294, 16.11.1999, p. 5.

--------------------------------------------------