Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012FN0142

Kawża F-142/12: Rikors ippreżentat fis- 16 ta’ Novembru 2012 — ZZ vs Il-Kummissjoni

ĠU C 26, 26.1.2013, p. 77–77 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

26.1.2013   

MT

Il-Ġurnal Uffiċjali tal-Unjoni Ewropea

C 26/77

Rikors ippreżentat fis-16 ta’ Novembru 2012 — ZZ vs Il-Kummissjoni

(Kawża F-142/12)

2013/C 26/161

Lingwa tal-kawża: il-Franċiż

Partijiet

Rikorrent: ZZ (rappreżentanti: B. Cambier u A. Paternostre, avukati)

Konvenuta: Il-Kummissjoni Ewropea

Suġġett

Annullament tad-deċiżjoni tal-Kummissjoni dwar it-talba għal rikonoxximent ta’ marda kkaġunata mix-xogħol, li r-rikorrent kien ressaq skont l-Artikolu 73 tar-Regolamenti tal-Persunal, li rrikonoxxitlu rata ta’ invalidità permanenti parzjali ta’ 20 % u li tiffissa d-data ta’ konsolidazzjoni fil-25 ta’ Frar 2010 u l-kumpens għad-dannu morali u materjali tiegħu.

Talbiet tar-rikorrent

—

jiddikjara lill-Kummissjoni responsabbli bil-ksur tat-terminu raġonevoli u tan-nuqqasijiet differenti li hija u l-korpi tagħha wettqu matul l-istruttorja tat-talba għal rikonoxximent ta’ marda kkaġunata mix-xogħol imressqa mir-rikorrent abbażi tal-Artikolu 73 tar-Regolamenti tal-Persunal, u billi jagħmel hekk;

—

jannulla d-deċiżjonijiet tal-Awtorità tal-Ħatra tal-11 ta’ Jannar u tas-7 ta’ Awwissu 2012;

—

jikkundanna lill-Kummissjoni tħallas lir-rikorrent u lill-familja tiegħu ammont ta’ EUR 100 000 iddestinat sabiex jikkumpensa d-dannu morali speċifikament ikkawżat lir-rikorrent indipendentement mill-marda tiegħu;

—

jiddikjara lill-Kummissjoni responsabbli min-nuqqasijiet differenti, ikkawżati minnha stess u mill-korpi tagħha, li kkontribwixxew għal-bidu, tkomplija u l-aggravament tas-sitwazzjoni ta’ saħħa tar-rikorrent u li jikkundannaha, bħala konsegwenza, għall-ħlas lir-rikorrent tas-somma ta’ EUR 1 798 650 sabiex tikkumpensa d-dannu materjali tiegħu u ta’ EUR 145 850 f’dak li jikkonċerna d-dannu morali u l-ispejjeż diversi tiegħu; Dan l-ammont globali jista’ jitnaqqas bi EUR 268 679,44 li diġà tħallas lir-rikorrent skont l-Artikolu 73 tar-Regolamenti tal-Persunal;

—

jikkundanna lill-Kummissjoni tħallas interessi bir-rata ta’ 12 % fuq is-somom kollha msemmija iktar ’il fuq, u dan mix-xahar ta’ Novembru 2004, data li fiha t-talba tar-rikorrent abbażi tal-Artikolu 73 tar-Regolamenti tal-Persunal setgħet tiġi deċiża;

—

tikkundanna lill-Kummissjoni għall-ispejjeż.
Top