Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0498

Kawża T-498/12: Rikors ippreżentat fis- 16 ta’ Novembru 2012 — Koinopraxia Touristiki Loutrakiou vs Il-Kummissjoni

ĠU C 26, 26.1.2013, p. 58–59 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

26.1.2013   

MT

Il-Ġurnal Uffiċjali tal-Unjoni Ewropea

C 26/58

Rikors ippreżentat fis-16 ta’ Novembru 2012 — Koinopraxia Touristiki Loutrakiou vs Il-Kummissjoni

(Kawża T-498/12)

2013/C 26/118

Lingwa tal-kawża: il-Grieg

Partijiet

Rikorrenti: Koinopraxia Touristiki Loutrakiou AE OTA — Loutraki AE — Club Hotel Loutraki Casino Touristikes kai Xenodocheiakes Epicheiriseis AE (Loutraki, il-Greċja) (rappreżentant: S. Pappas, avukat)

Konvenuta: Il-Kummissjoni Ewropea

Talbiet

—

tannulla d-deċiżjoni konfermattiva tal-Kummissjoni tat-18 ta’ Settembrui 2012 — Ares (2012)1082114 — li permezz tagħha nċaħdet it-talba tar-rikorrenti intiża sabiex ikollha aċċess għal ċerti dokumenti, u

—

tikkundanna lill-Kummissjoni għall-ispejjeż.

Motivi u argumenti prinċipali

Permezz tar-rikors tagħha, ir-rikorrenti titlob, skont l-Artikolu 263 TFUE, l-annullament tad-deċiżjoni tal-Kummissjoni Ewropea tat-18 ta’ Settembru 2012 li permezz tagħha nċaħdet definittivament it-talba konfermattiva tar-rikorrenti intiża sabiex ikollha aċċess għall-ittra tal-awtoritajiet Elleniċi tas-16 ta’ Mejju 2012 dwar id-determinazzjoni tal-ammont tal-għajnuna mill-Istat illegali li għandu jiġi rkuprat skont id-deċiżjoni tad-Direttorat Ġenerali għall-Kompetizzjoni tal-Kummissjoni Ewropea tal-24 ta’ Mejju 2011 (1).

Insostenn tar-rikors tagħha, ir-rikorrenti tippreżenta l-motivi li ġejjin:

 

L-ewwel nett, ir-rikorrenti tinvoka l-ksur tal-obbligu għall-amministrazzjoni li timmotiva d-deċiżjonijiet ta’ ċaħda, billi, fir-risposta tagħha, l-amministrazzjoni tillimita ruħha għal riferiment ġenerali tal-eċċezzjonijiet previsti mir-Regolament (KE) Nru 1049/2001, mingħajr żvilupp supplementari jew motivazzjoni reali tad-deċiżjoni.

 

It-tieni nett, ir-rikorrenti tinvoka l-ksur tal-prinċipju ta’ trasparenza, kuntrarjament għar-Regolament (KE) Nru 1049/2001 u għar-Regolament (KE) Nru 659/1999 (2), billi d-deċiżjoni kkontestata ma tagħtix lill-pubbliku l-aċċess l-iktar wiesgħa possibbli għad-dokumenti billi ma tinterpretax u billi ma tapplikax b’mod strett l-eċċezzjonijiet previsti mir-Regolament (KE) Nru 1049/2001.

 

Fl-aħħar nett, ir-rikorrenti tinvoka wkoll il-ksur tal-Artikolu 108(2) TFUE kif ukoll tal-Artikoli 6 u 20 tar-Regolament (KE) Nru 659/1999, bi ksur tad-drittijiet tad-difiża tar-rikorrenti u, bl-estensjoni, tal-prinċipju ta’ amministrazzjoni tajba.

(1)  Deċiżjoni tal-Kummissjoni Ewropea tal-24 ta’ Mejju 2011, E(2011) 3504 final, dwar l-għajnuna mill-Istat mogħtija lil ċerti każinojiet Griegi Nru C 16/2010 (ex NN 22/2010, ex CP 318/2009).

(2)  Regolament tal-Kunsill (KE) Nru 659/1999, tat-22 ta’ Marzu 1999, li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE (ĠU Edizzjoni Speċjali bil-Malti, Kapitolu 8, Vol. 1, p. 339).

Top