Talba għal deċiżjoni preliminari mressqa mit-Tribunal Central Administrativo Norte (il-Portugall) fit-12 ta’ Novembru 2012 — Joaquim Fernando Macedo Maia et vs Fundo de Garantia Salarial, IP

(Kawża C-511/12)

2013/C 26/60

Lingwa tal-kawża: il-Portugiż

Qorti tar-rinviju

Tribunal Central Administrativo Norte

Partijiet fil-kawża prinċipali

Rikorrenti: Joaquim Fernando Macedo Maia et

Konvenut: Fundo de Garantia Salarial, IP

Domanda preliminari

Id-dritt tal-Unjoni Ewropea fil-qasam speċifiku ta’ garanzija tad-djun marbuta mal-paga li jirriżultaw fil-każ ta’ insolvenza tal-persuna li timpjega, b’mod partikolari l-Artikoli 4 u 10 tad-Direttiva 80/987/KEE (1), għandu jiġi interpretat fis-sens li jipprekludi dispożizzjoni tad-dritt nazzjonali li tiggarantixxi biss id-djun dovuti fis-sitt xhur qabel il-bidu ta’ proċedimenti ta’ insolvenza tal-persuna li timpjega anki meta l-impjegati jkunu kkontestaw quddiem it-tribunal industrijali l-imsemmija persuna li timpjegahom bil-għan li jiġi ffissat l-ammont mhux imħallas u li jiġi infurzat l-irkupru ta’ dan l-istess ammont?

(1)  Direttiva tal-Kunsill 80/987/KEE, tal-20 ta’ Ottubru 1980, dwar it-taqrib tal-liġijiet tal-Istati Membri dwar il-protezzjoni tal-impjegati f'każ tal-insolvenza ta’ min iħaddimhom (ĠU Edizzjoni Speċjali bil-Malti, Kapitolu 5, Vol. 1, p. 217)