EUR-Lex Access to European Union law
This document is an excerpt from the EUR-Lex website
Document 62008CA0243
Case C-243/08: Judgment of the Court (Fourth Chamber) of 4 June 2009 (Reference for a preliminary ruling from the Budaörsi Városi Bíróság (Hungary)) — Pannon GSM Zrt v Erzsébet Sustikné Győrfi (Directive 93/13/EEC — Unfair terms in consumer contracts — Legal effects of an unfair term — Power of and obligation on the national court to examine of its own motion the unfairness of a term conferring jurisdiction — Criteria for assessment)
Kawża C-243/08: Sentenza tal-Qorti tal-Ġustizzja (Ir-Raba’ Awla) tal- 4 ta’ Ġunju 2009 (talba għal deċiżjoni preliminari tal-Budaörsi Városi Bíróság — Ir-Repubblika tal-Ungerija) — Pannon GSM Zrt vs Erzsébet Sustikné Győrfi (Direttiva 93/13 KEE — Klawżoli inġusti f’kuntratti mal-konsumatur — Effetti ġuridiċi ta’ klawżola inġusta — Setgħa u obbligu tal-qorti nazzjonali li teżamina ex officio n-natura inġusta ta’ klawżola ta’ ġurisdizzjoni — Kriterji ta’ evalwazzjoni)
Kawża C-243/08: Sentenza tal-Qorti tal-Ġustizzja (Ir-Raba’ Awla) tal- 4 ta’ Ġunju 2009 (talba għal deċiżjoni preliminari tal-Budaörsi Városi Bíróság — Ir-Repubblika tal-Ungerija) — Pannon GSM Zrt vs Erzsébet Sustikné Győrfi (Direttiva 93/13 KEE — Klawżoli inġusti f’kuntratti mal-konsumatur — Effetti ġuridiċi ta’ klawżola inġusta — Setgħa u obbligu tal-qorti nazzjonali li teżamina ex officio n-natura inġusta ta’ klawżola ta’ ġurisdizzjoni — Kriterji ta’ evalwazzjoni)
ĠU C 180, 1.8.2009, p. 19–20
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
1.8.2009 |
MT |
Il-Ġurnal Uffiċjali tal-Unjoni Ewropea |
C 180/19 |
Sentenza tal-Qorti tal-Ġustizzja (Ir-Raba’ Awla) tal-4 ta’ Ġunju 2009 (talba għal deċiżjoni preliminari tal-Budaörsi Városi Bíróság — Ir-Repubblika tal-Ungerija) — Pannon GSM Zrt vs Erzsébet Sustikné Győrfi
(Kawża C-243/08) (1)
(Direttiva 93/13 KEE - Klawżoli inġusti f’kuntratti mal-konsumatur - Effetti ġuridiċi ta’ klawżola inġusta - Setgħa u obbligu tal-qorti nazzjonali li teżamina ex officio n-natura inġusta ta’ klawżola ta’ ġurisdizzjoni - Kriterji ta’ evalwazzjoni)
2009/C 180/32
Lingwa tal-kawża: L-Ungeriż
Qorti tar-rinviju
Budaörsi Városi Bíróság
Partijiet fil-kawża prinċipali
Rikorrent: Pannon GSM Zrt
Konvenut: Erzsébet Sustikné Győrfi
Suġġett
Talba għal deċiżjoni preliminari — Budaörsi Városi Bíróság — Interpretazzjoni tad-Direttiva tal-Kunsill 93/13/KEE tal-5 ta’ April 1993, dwar klawżoli inġusti f’kuntratti mal-konsumatur (ĠU L 95, p. 29) — Klawżola ta’ ġurisdizzjoni li tistabbilixxi qorti li fil-ġurisdizzjoni territorjali tagħha jinsab l-uffiċċju rreġistrat tal-bejjiegħ jew tal-fornitur — Setgħa tal-qorti nazzjonali li teżamina ex officio n-natura inġusta ta’ klawżola ta’ ġurisdizzjoni fil-kuntest tal-eżami tal-ġurisdizzjoni tagħha — Kriterji ta’ evalwazzjoni tan-natura inġusta tal-klawżola.
Dispożittiv
|
1) |
L-Artikolu 6(1) tad-Direttiva tal-Kunsill 93/13 KEE tal-5 ta’ April 1993 dwar klawżoli inġusti f’kuntratti mal-konsumatur għandu jiġi interpretat fis-sens li klawżola kuntrattwali inġusta ma torbotx lill-konsumatur, u li mhuwiex neċessarju, f’dan ir-rigward, li dan ikun minn qabel ikkontesta b’suċċess tali klawżola. |
|
2) |
Il-qorti nazzjonali hija marbuta teżamina ex officio n-natura inġusta ta’ klawżola kuntrattwali meta jkollha għad-dispożizzjoni tagħha l-elementi ta’ dritt u ta’ fatt neċessarji għal dan il-għan. Meta tikkunsidra tali klawżola bħala inġusta, hija m’għandhiex tapplikaha, ħlief meta l-konsumatur jopponi dan. Dan l-obbligu huwa impost ukoll fuq il-qorti nazzjonali meta din tkun qed tistħarreġ il-ġurisdizzjoni territorjali tagħha. |
|
3) |
Huwa l-kompitu tal-qorti nazzjonali li tiddetermina jekk klawżola kuntrattwali bħal dik li hija s-suġġett tal-kawża prinċipali tissodisfax il-kriterji neċessarji sabiex tiġi kklassifikata bħala inġusta fis-sens tal-Artikolu 3(1) tad-Direttiva 93/13. Meta tagħmel dan, il-qorti nazzjonali għandha tikkunsidra l-fatt li klawżola f’kuntratt konkluż bejn konsumatur u bejjiegħ jew fornitur, inkluża mingħajr ma tkun ġiet innegozjata individwalment u li tikkonferixxi ġurisdizzjoni esklużiva lill-qorti li fil-ġurisdizzjoni territorjali tagħha jkun jinsab l-uffiċċju rreġistrat tal-bejjiegħ jew tal-fornitur, tista’ tiġi kkunsidrata bħala inġusta. |