—

wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0095),

—

wara li kkunsidra l-Artikolu 251(2) u l-Artikolu 285 (1) tat-Trattat KE, skond liema artikoli l-Kummissjoni ppreżentat il-proposta lill-Parlament (C6-0091/2007),

—

wara li kkunsidra l-Artikolu 51 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Iżvilupp Reġjonali (A6-0285/2007),

1.

Japprova l-proposta tal-Kummissjoni kif emendata;

2.

Jitlob lill-Kummissjoni sabiex terġa' tirreferi l-kwistjoni lill-Parlament jekk ikollha l-ħsieb li temenda lproposta b'mod sostanzjali jew li tibdilha b'test ġdid;

3.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

—

wara li kkunsidra l-inizjattiva tar-Repubblika tal-Finlandja (16336/2006) (1),

—

wara li kkunsidra l-Artikolu 10(1) tal-Konvenzjoni ibbażata fuq l-Artikolu K.3 tat-Trattat ta' l-Unjoni Ewropea, li tistabbilixxi Uffiċċju Ewropew tal-Pulizija (Konvenzjoni Europol) iffirmata fi Brussell fis-26 ta' Lulju 1995 (2),

—

wara li kkunsidra l-Artikoli 30(1)(b), 30(2) u 34(2)(c) tat-Trattat UE,

—

wara li kkunsidra l-Artikolu 39(1) tat-Trattat UE, skond liema Artikolu l-Parlament ġie kkonsultat mill-Kunsill (C6-0048/2007),

—

wara li kkunsidra l-Att tal-Kunsill tat-3 ta' Novembru 1998 li jadotta r-regoli applikabbli għall-fajls ta' analiżi ta' l-Europol (3),

—

wara li kkunsidra l-Att tal-Kunsill tas-27 ta' Novembru 2003 li jfassal fuq il-bażi ta' l-Artikolu 43(1) tal-Konvenzjoni Europol, Protokoll li jemenda dik il-Konvenzjoni (4),

—

wara li kkunsidra l-Artikoli 93 u 51 tar-Regoli ta' Proċedura tiegħu,

—

wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6-0288/2007),

1.

Japprova l-inizjattiva tar-Repubblika tal-Finlandja kif emendata;

2.

Jitlob lill-Kunsill sabiex jemenda t-test f'dan is-sens;

3.

Jistieden lill-Kunsill sabiex javżah jekk ikollu l-intenzjoni li jitbiegħed mit-test approvat mill-Parlament;

4.

Jistieden lill-Kunsill sabiex jikkonsultah mill-ġdid jekk ikollu l-intenzjoni li jemenda sostanzjalment linizjattiva tar-Repubblika tal-Finlandja;

5.

Jagħti istruzzjonijiet lill-President tiegħu sabiex jinforma lill-Kunsill, lill-Kummissjoni u lill-Gvern tar-Repubblika tal-Finlandja bil-pożizzjoni tal-Parlament.

—

wara li kkunsidra l-Artikoli 2, 6 u 174 tat-Trattat KE,

—

wara li kkunsidra r-riżoluzzjonijiet tiegħu tas-7 ta' Settembru 2006 dwar in-nirien fil-foresti u l-għargħar (1), tal-5 ta' Settembru 2002 dwar l-għargħar fl-Ewropa (2), ta' l-14 ta' April 2005 dwar in-nixfa fil-Portugall (3), tat-12 ta' Mejju 2005 dwar in-nixfa fi Spanja (4), tat-8 ta' Settembru 2005 dwar id-diżastri naturali (nirien u għargħar) fl-Ewropa (5), u r-riżoluzzjonijiet tiegħu tat-18 ta' Mejju 2006 dwar iddiżastri naturali (nirien fil-foresti, nixfiet u għargħar) — aspetti ta' l-agrikoltura (6), aspetti ta' żvilupp reġjonali (7) u aspetti ambjentali (8),

—

wara li kkunsidra ż-żewġ seduti ta' smigħ konġunti organizzati mill-Kumitati tiegħu għall-Iżvilupp Reġjonali, għall-Ambjent, is-Saħħa Pubblika u s-Sikurezza ta' l-Ikel, u għall-Agrikoltura u l-Iżvilupp Rurali dwar “Strateġija Ewropea għad-Diżastri Naturali” (20 ta' Marzu 2006), u dwar il-“Forza Ewropea għallprotezzjoni ċivili: għajnuna mill-Ewropa” (5 ta' Ottubru 2006),

—

wara li kkunsidra d-Deċiżjoni tal-Kunsill 2001/792/KE, Euratom tat-23 ta' Ottubru 2001 li twaqqaf mekkaniżmu Komunitarju li jiffaċilita l-koperazzjoni msaħħa fl-interventi ta' għajnuna tal-protezzjoni ċivili (9), l-adozzjoni mistennija tad-Deċiżjoni emendata mill-ġdid tal-Kunsill li tistabbilixxi mekkaniżmu Komunitarju ta' protezzjoni ċivili u l-pożizzjoni tal-Parlament ta' l-24 ta' Ottubru 2006 (10),

—

wara li kkunsidra l-proposta tal-Kummissjoni għal regolament tal-Parlament Ewropew u tal-Kunsill li jwaqqaf Fond ta' Solidarjetà ta' l-Unjoni Ewropea (COM(2005)0108), u l-pożizzjoni tal-Parlament tat-18 ta' Mejju 2006 rigward dan (11),

—

wara li kkunsidra r-rapport ta' Michel Barnier tad-9 ta' Mejju 2006, intitolat “Għal forza Ewropea għallprotezzjoni ċivili: għajnuna mill-Ewropa”,

—

wara li kkunsidra il-pożizzjoni tiegħu tal-25 ta' April 2007 dwar il-pożizzjoni komuni tal-Kunsill bilgħan li tkun adottata direttiva dwar il-valutazzjoni u l-immaniġġjar ta' l-għargħar (12),

—

wara li kkunsidra d-Deċiżjoni tal-Kunsill 2007/162/KE, Euratom tal-5 ta' Marzu 2007 li twaqqaf Strument Finanzjarju għall-Protezzjoni Ċivili) (13),

—

wara li kkunsidra l-konklużjonijiet tal-laqgħa tal-Kunsill tal-Ġustizzja u l-Intern tat-12 u t-13 ta' Ġunju 2007 dwar it-titjib tal-ħila ta' koordinazzjoni taċ-Ċentru ta' Monitoraġġ u Informazzjoni (MIC) fil-mekkaniżmu Komunitarju għall-protezzjoni ċivili,

—

wara li kkunsidra l-Protokoll ta' Kyoto għall-Konvenzjoni ta' Qafas tan-Nazzjonijiet Uniti dwar il-Bidla fil-Klima (UNFCCC) tal-11 ta' Diċembru 1997 u r-ratifika tal-Protokoll ta' Kyoto mill-Komunità fl-4 ta' Marzu 2002,

—

wara li kkunsidra r-Regolament (KE) Nru 2152/2003 (14) tas-17 ta' Novembru 2003 (r-regolament “Forest Focus”),

—

wara li kkunsidra l-punt 12 tal-Konklużjonijiet tal-Presidenza tal-Kunsill Ewropew ta' Brussell tal-15 u s-16 ta' Ġunju 2006 dwar ir-reazzjoni ta' l-Unjoni għall-emerġenzi, il-kriżijiet u d-diżastri,

—

wara li kkunsidra l-Komunikazzjoni tal-Kummissjoni li tindirizza l-isfida ta' l-iskarsezza ta' l-ilma u lperjodi ta' nixfa fl-Unjoni Ewropea (COM(2007)0414),

—

wara li kkunsidra l-Artikolu 103(4) tar-Regoli ta' Proċedura tiegħu,

A.

wara li kkunsidra n-nirien devastanti u l-għargħar vjolenti li kkawżaw imwiet u ħerba fil-kontinent Ewropew kollu, b'mod partikulari fil-Greċja u fir-Renju Unit tul is-sajf 2007, li affettwaw Stati Membri ta' l-UE, reġjuni periferali, b'mod partikulari il-Martinique u l-Guadaloupe, li ġew affettwati mill-Uragan Dean, pajjiżi applikanti u l-eqreb ġirien ta' l-UE; billi ż-żona li nħarqet f'Lulju biss kienet kbira daqs iżżona totali li nħarqet matul is-sena l-oħra kollha; billi fix-xahar ta' Awissu, fil-Greċja seħħet traġedja nazzjonali serja minħabba wieħed mid-diżastri l-aktar letali minn nirien li qatt ġraw fid-dinja kollha mill-1871,

B.

billi ż-żona totali ta' veġetazzjoni u art imsaġġra, inklużi Siti ta' Importanza għall-Komunità (SCIs) li huma parti min-network Natura 2000 u żoni oħra b'valur ekoloġiku importanti, b'konnessjoni ekoloġika fir-reġjun sħiħ, milquta min-nirien fl-Ewropa dan is-sajf hija aktar minn 700 000 ettaru, u billi lpajjiżi milquta b'mod l-aktar serju huma l-Greċja, l-Italja, il-Bulgarija, Ċipru, il-Kroazja, l-Ex-Repubblika Jugoslava tal-Maċedonja, Spanja (u b'mod partikulari l-Gżejjer Kanarji u l-provinċja ta' Castillón), l-Ukrajna, it-Turkija u l-Albanija,

C.

billi n-nirien fil-foresti riċenti u devastanti fil-Greċja kkawżaw il-mewt ta' aktar minn 60 ruħ, darbu lil ħafna nies, ħarqu aktar minn 250 000 ettaru, inklużi eluf ta' ettari ta' foresti u ta' art miksija b'siġar żgħar, qatlu l-annimali, qerdu ħafna djar, proprjetajiet u rħula,

D.

billi, fl-istess żmien, kien hemm ħafna għargħar f'partijiet oħra ta' l-Ewropa, b'mod partikulari fir-Renju Unit, li kkawża l-mewt ta' mill-anqas 10 persuni u li kkawża madwar EUR 5 biljun ħsara lil djar, skejjel, infrastruttura u agrikoltura u n-nuqqas ta' provvisti ta' ilma nadif lil aktar minn 420 000 persuna, u dan wassal biex ħafna nies tilfu darhom u għal telf sinifikanti għan-negozji, l-agrikoltura u l-industrija tat-turiżmu; billi fl-Italja kien hemm sitwazzjoni kritika minħabba l-għargħar fiċ-Ċentru u t-Tramuntana u n-nixfiet u nirien fin-nofsinhar filwaqt li kien hemm nixfiet mill-akbar fil-lvant ta' l-Ewropa, b'mod partikulari fir-Rumanija,

E.

billi l-mekkaniżmu Komunitarju għall-Protezzjoni Ċivili kien attivat tnax-il darba għall-istess tip ta' emerġenza fi żmien xahrejn, u sebgħa mill-emerġenzi ġraw fl-istess ħin; billi l-għajnuna ta' l-Istati Membri ma kinitx biżżejjed biex tiżgura reazzjoni ħafifa u xierqa ta' protezzjoni ċivili fl-emerġenzi kollha,

F.

billi, minħabba li s-sjuf qed isiru dejjem aktar sħan u niexfa fl-Ewropa tan-Nofsinhar, in-nirien fil-foresti u nirien oħra f'żoni mhux ikkultivati huma fenomenu rikorrenti, iżda għadhom ivarjaw drammatikament minn sena għal oħra fl-intensità u fil-post ġeografiku; billi t-tendenza ta' dawn l-avvenimenti diżastrużi hija influwenzata wkoll mill-bidla fil-klima u marbuta maż-żieda ta' perjodi ta' sħana qawwija u ta' nixfiet, kif ġie innotat fil-Komunikazzjoni tal-Kummissjoni dwar in-nixfiet; billi investiment filġlieda kontra l-bidla fil-klima huwa għalhekk investiment fil-prevenzjoni ta' diżastri min-nixfiet u nnirien fil-foresti; billi, f'perjodi ta' nixfa, li kulma jmur qed jitwalu, se jkun dejjem aktar diffiċli li jerġgħu jitkabbru l-foresti wara nar, bir-riskju konsegwenti ta' deżertifikazzjoni,

G.

billi jitqiesu l-konsegwenzi dannużi ekonomiċi u soċjali tad-diżastri naturali għall-ekonomiji reġjonali, lattività produttiva u t-turiżmu,

H.

billi n-numru kbir ta' nirien fin-nofsinhar ta' l-Ewropa fl-2007, kif ukoll il-kobor tagħhom, huwa kkawżat minn diversi fatturi, inklużi l-bidla fil-klima, definizzjoni inadegwata u kura insuffiċjenti talforesti u kombinazzjoni ta' kawżi naturali u negliġenza tal-bniedem, iżda wkoll minn attivitajiet kriminali tal-bniedem, flimkien ma' l-implimentazzjoni mhux xierqa ta' liġijiet li jipprojbixxu l-bini illegali fuq artijiet li nħarqu,

I.

billi jeħtieġ li l-Unjoni Ewropea tagħraf in-natura speċifika tad-diżastri naturali li qed jimmanifestaw ruħhom fil-forma ta' nixfa fil-Mediterran u f'nirien u li tadatta l-prevenzjoni tagħha, ir-riċerka, l-immaniġġjar tar-riskji, id-difiża ċivili u l-istrumenti ta' solidarjetà skond il-każ,

1.

Jesprimi l-kondoljanzi tiegħu u solidarjetà qawwija mal-qraba ta' dawk li mietu u mar-residenti fiż-żoni milquta;

2.

Ifaħħar lill-ħaddiema tat-tifi tan-nar, lill-professjonisti oħra u lill-voluntiera li ħadmu bla waqfien u rriskjaw ħajjithom biex jitfu n-nirien, isalvaw in-nies u jillimitaw il-ħsara mid-diżastri naturali ta' dan issajf, kif ukoll lill-bosta individwi li waħedhom iġġieldu biex isalvaw ħajjithom u l-ambjent ta' madwarhom;

3.

Jitlob lill-Kummissjoni biex timmobilizza l-Fond ta' Solidarjetà kurrenti ta' l-UE (EUSF) bl-iktar mod flessibbli possibbli u mingħajr dewmien, filwaqt li tevita proċeduri li jieħdu ħafna żmien jew ostakli amministrattivi; iqis, f'dan ir-rigward, li hemm bżonn li r-riżorsi meħtieġa jkunu disponibbli minnufih sabiex tittaffa t-tbatija u biex il-vittmi u l-qraba tagħhom jingħataw dak kollu li għandhom bżonn permezz ta' l-EUSF u ta' kwalunkwe strumenti Komunitarji oħra (eż. il-Fondi Strutturali jew l-EARDF), jew kwalunkwe mezzi finanzjarji possibbli oħra, fuq il-bażi tal-kundizzjonijiet għall-implimentazzjoni tal-fondi tal-Komunità bħall-prinċipju ta' sħubija u l-iżvilupp sostenibbli;

4.

Iħeġġeġ lill-Kummissjoni biex iddaħħal arranġamenti straordinarji ta' għajnuna Komunitarja, speċjalment ta' natura finanzjarja, sabiex tkun appoġġjata r-rijabilitazzjoni tar-reġjuni li saritilhom ħsara kbira, jerġa' jingħata l-potenzjal tal-produzzjoni fiż-żoni affettwati, jerġa jinbeda l-ħolqien ta' l-impjiegi u jittieħdu l-miżuri neċessarji biex jikkumpensaw għall-ispejjeż soċjali inerenti mit-telf ta' l-impjiegi u sorsi ta' dħul oħra;

5.

Jenfasizza l-ħtieġa li titħaffef il-proċedura ta' aċċess għall-fondi ta' l-UE għall-irkupru ta' l-art agrikola wara għargħar u nirien u l-ħtieġa li tkun disponibbli aktar għajnuna finanzjarja għall-iżvilupp ta' difiżi kontra l-għargħar; jistieden lill-Kummissjoni u lill-Istati Membri biex jirrivedu u jaqsmu l-aħjar prattiki fiddawl ta' l-aħħar riċerka dwar ir-riskji li żdiedu ta' għargħar u ta' nirien fil-foresti kkawżati mill-mod li bih huma mmaniġġjati l-art, l-ambjent u l-iskular ta' l-ilma; iħeġġeġ lill-Istati Membri biex jiffaċilitaw l-iskular naturali u ż-żamma ta' l-ilma fl-ambjent kemm ji sta' jkun, filwaqt li jżidu il-kapaċità ta' l-infrastruttura għall-kontroll ta' l-għargħar u ta' l-iskular ta' l-ilma biex tkun limitata l-ħsara minn xita bil-qliel;

6.

Jirrikonoxxi s-solidarjetà ta' l-Unjoni Ewropea, ta' l-Istati Membri tagħha u ta' pajjiżi oħra bl-għajnuna li taw lir-reġjuni affettwati waqt emerġenzi ta' nirien fil-foresti permezz ta' inġenji ta' l-ajru, tagħmir għat-tifi tan-nar u kompetenza, kif ukoll l-għajnuna ta' min ifaħħarha mogħtija lill-awtoritajiet rilevanti u lis-servizzi tas-salvataġġ, iqis li l-iskala u l-impatt ta' dawn il-fenomeni spiss imorru 'l hinn mil-livelli u l-kapaċitajiet reġjonali u nazzjonali u jitlob li jkun hemm impenn effettiv Ewropew bħala kwistjoni ta' urġenza;

7.

Jirrikonoxxi l-kontribuzzjoni taċ-Ċentru ta' Monitoraġġ u ta' Informazzjoni (MIC) lejn l-appoġġ u liffaċilitar tal-mobilizzazzjoni u l-koordinazzjoni ta' għajnuna għall-protezzjoni ċivili waqt l-emerġenzi; madankollu, jinnota li r-riżorsi ta' l-Istati Membri biex jitfu n-nirien fil-foresti, speċjalment mill-ajru, huma limitati u li m'huwiex dejjem possibbli li Stati Membri joffru appoġġ meta r-riżorsi jkunu meħtieġa fitterritorju nazzjonali tagħhom; għaldaqstant, jinnota li xi Stati Membri rċevew inqas għajnuna minn oħrajn u kellhom joqogħdu fuq ftehimiet bilaterali ma' stati li m'humiex fl-UE għall-għajnuna; għalhekk, jiddispjaċih li f'xi każijiet l-UE kollha kemm hi ma wrietx solidarjetà biżżejjed;

8.

Iħeġġeġ lill-Kunsill b'qawwa biex jieħu deċiżjoni, mingħajr aktar dewmien, dwar ir-regolament propost tal-Fond ta' Solidarjetà, filwaqt li wieħed jiftakar li l-Parlament adotta l-pożizzjoni tiegħu f'Mejju 2006; iqis li d-dewmien tal-Kunsill f'dan ir-rigward m'huwiex aċċettabbli; jemmen li permezz tar-regolament il-ġdid, li — flimkien ma' miżuri oħra — inaqqas il-limiti minimi għall-mobilizzazzjoni ta'l-EUSF, il-ħsara tkun ti sta' tiġi ndirizzata b'mod iktar effettiv, flessibbli u f'waqtu; jistieden lill-Presidenza Portugiża fil-Kariga, kif ukoll lill-Ministri ta' l-UE għall-Finanzi, l-Ambjent, l-Agrikoltura u l-Iżvilupp Reġjonali, biex jieħdu azzjoni qawwija u mgħaġġla minnufih; għalhekk jissuġġerixxi li għandha ssir laqgħa konġunta tal-Kunsill tal-Ministri ta' l-UE responsabbli, filwaqt li l-Parlament u l-Kummissjoni jkunu preżenti bħala osservaturi;

9.

Jitlob li titwaqqaf forza Ewropea li tista' tirreaġixxi minnufih f'emerġenzi, kif propost fir-rapport tal-Kummissarju Barnier, u jiddispjaċih għan-nuqqas ta' reazzjoni u segwitu f'dan ir-rigward; jenfasizza wkoll, f'dan il-kuntest, il-ħtieġa li jitkompla l-iżvilupp ta' kapaċità b'reazzjoni ħafifa bbażat fuq il-mekkaniżmi talprotezzjoni ċivili ta' l-Istati Membri, kif mitlub mill-Kunsill Ewropew ta' Brussell tas-16 u s-17 ta' Ġunju 2006; jitlob lill-Kummissjoni bix tfassal proposta f'dan ir-rigward; jenfasizza l-irwol ta' l-Istati Membri u ta' l-awtoritajiet lokali tagħhom biex jipprevjenu u jitfu n-nirien b'mod effettiv;

10.

10 Iħeġġeġ lill-Kummissjoni Ewropea sabiex titlob lill-Istati Membri informazzjoni dwar il-programmi operattivi li jeżistu sabiex jiffaċċjaw id-diżastri naturali u għall-esperjenzi tagħhom fir-rigward ta'lapplikazzjoni tagħhom, u barra minn dan, biex teżamina kemm huma xierqa l-miżuri użati ta' prevenzjoni, tħejjija u reazzjoni, bil-għan li jkun hemm skambju ta' esperjenzi u li jsiru konklużjonijiet dwar miżuri immedjati, il-koordinazzjoni ta' entitajiet amministrattivi u operattivi u d-disponibilità tar-riżorsi umani u materjali meħtieġa; jistieden lill-Kummissjoni biex tesplora l-potenzjal għal koperazzjoni bejn il-pajjiżi ġirien ta' l-UE u pajjiżi terzi oħra biex jitfu n-nirien diżastrużi, jaqsmu l-aqwa prattiki u kapaċitajiet waqt ix-xhur perikolużi tas-sajf sabiex ikunu ppreparati aħjar għas-sajf ta' l-2008;

11.

Iqis li l-esperjenza tas-snin li għaddew u esperjenzi oħra riċenti jenfasizzaw l-ħtieġa li tissaħħaħ ilkapaċita' Komunitarja ta' prevenzjoni, tħejjija u reazzjoni tal-protezzjoni ċivili fir-rigward tan-nirien fil-foresti u ma' nirien oħra f'żoni mhux ikkultivati, u jħeġġeġ lill-Kummissjoni bil-qawwa biex tieħu azzjoni f'dan irrigward;

12.

Jistieden lill-Kummissjoni biex teżamina l-possibiltà ta' aċċess miftiehem minn qabel għal kapaċità komplementarja biex tkun żgurata reazzjoni ħafifa għal emerġenzi ewlenin, li jistgħu jkunu disponibbli minn sorsi oħra, inkluż is-suq kummerċjali; jissuġġerixxi li l-ispiża tal-forza li tkun qiegħda għassa ti sta' titħallas permezz ta' l-Istrument Finanzjarju għall-Protezzjoni Ċivili;

13.

Jilqa' b'sodisfazzjon id-Deċiżjoni riċenti tal-Kunsill 2007/162/KE, Euratom tal-5 ta' Marzu 2007 li twaqqaf Strument Finanzjarju għall-Protezzjoni Ċivili u jemmen li l-azzjonijiet li jingħataw għajnuna finanzjarja permezz ta' dan l-istrument għandhom jiżguraw li tidher is-solidarjetà Ewropea u jagħtu aktar valur miżjud Ewropew lill-immaniġġjar effettiv ta' diżastri naturali; madankollu, huwa preokkupat li l-ammont allokat għal dan l-istrument ġdid m'huwiex se jkun biżżejjed biex jitwettaq ix-xogħol ambizzjuż tiegħu b'mod effettiv;

14.

Jenfasizza l-bżonn għal miżuri iżjed b'saħħithom immirati għall-prevenzjoni ta' diżastri naturali, u f'dan il-kuntest, jistenna bil-ħerqa l-pubblikazzjoni fl-2008 ta' żewġ studji tal-Kummissjoni mmirati għallħolqien ta' strateġija integrata għall-prevenzjoni ta' diżastri naturali; barra minn hekk jissuġġerixxi li l-Kummissjoni tfittex użi potenzjali ta' koordinazzjoni miftuħa bil-għan li jiġu evitati d-diżastri naturali, permezz ta' kura komprensiva ta' l-art sabiex tiżdied il-kapaċita' ta' retenzjoni ta l-ammonti ta' l-ilma u kura ta' foresti komprensiva sabiex jitnaqqsu safejn ikun possibbli n-nar tal-foresti u t-tifrix u l-veloċità tan-nirien; jiġbed lattenzjoni li l-bijomassa salvata ti sta' tikontribwixxi għall-fattibiltà ekonomika tal-operazzjonijiet;

15.

Jitlob lill-Kummissjoni biex tagħmel iżjed riċerka bil-għan li jitjiebu l-prevenzjoni tan-nar fil-foresti u l-metodi u l-materjali għat-tifi tan-nar fil-foresti u biex ikun hemm reviżjoni ta' l-ippjanar u ta' l-użu ta' l-art; jistieden għalhekk lill-Istati Membri sabiex jieħdu azzjoni b'saħħitha sabiex itejbu u jimplimentaw il-qafas leġiżlattiv tagħhom ta' ħarsien tal-foresti u sabiex jastjenu minn attivitajiet ta' kummerċjalizzazzjoni, riklassifikazzjoni u privatizzazzjoni, biex b'hekk jillimitaw l-intrużjoni u l-ispekulazzjoni; il-ħiliet kollha disponibbli ta' l-UE, inklużi s-sistemi satellitari, għandhom jintużaw għal dan il-għan;

16.

Jiddeplora l-fatt li jidher li ħafna minn dawn in-nirien fil-foresti tqabbdu apposta, u huwa inkwetat b'mod partikulari li atti kriminali apposta qed ikunu dejjem aktar il-kawża ta' nirien fil-foresti fl-Ewropa; jistieden għalhekk lill-Istati Membri biex iżidu l-pieni għal atti kriminali li jagħmlu l-ħsara lill-ambjent u b'mod partikulari għal dawk li jqabbdu n-nirien fil-foresti, u jemmen li investigazzjoni minnufih u effettiva sabiex tistabixxi minn huwa responsabbli, segwita minn kastig proporzjonat, tiskoraġġixxi l-imġieba negliġenti u maħsuba;

17.

Jesprimi l-preokkupazzjoni tiegħu li n-numru li qed jiżdied ta' diżastri kkawżati minn eventi estremi tal-klima li, skond l-esperti, qed jiġru l-aktar minħabba l-bidla fil-klima minħabba t-tisħin tad-dinja; għalhekk, jistieden lill-Istati Membri biex jieħdu l-passi meħtieġa biex ikunu konformi ma' l-objettivi ta' Kyoto, u jistieden lill-Kummissjoni biex tieħu azzjoni biex tiżgura r-rispett għall-impenji ta' Kyoto u tiżgura s-segwitu tagħhom; jistieden lill-Kummissjoni u lill-awtoritajiet pubbliċi rilevanti kollha biex iqisu l-bidla fil-klima u lpossibiltà li żdiedet ta' diżastri bħall-għargħar u n-nirien fil-foresti meta tfassal il-baġits u r-riżervi għal dak li ji sta' jinqala' għas-servizzi ta' l-emerġenza;

18.

Jistieden lill-Kummissjoni sabiex tkompli tikkollabora ma' l-awtoritajiet nazzjonali sabiex jiżviluppaw politiki li jnaqqsu kemm jista' jkun l-impatt ambjentali tan-nirien; jappella għal politika ta' riforestazzjoni bbażata fuq ir-rispett għall-karatteristiċi bijoklimatiċi u ambjentali; jenfasizza l-ħtieġa li tinġabar u tiġi reġistrata data relatata mar-riżorsi naturali ta' kull Stat Membru permezz tal-ħolqien ta' “Kontijiet Ħodor Nazzjonali” fil-forma ta' bażi ta' data miftuħa għaċ-ċittadini kollha;

19.

Jisħaq fuq il-ħtieġa li tingħata attenzjoni speċjali fil-każijiet ta' diżastri naturali għall-bżonnijiet speċifiċi ta' persuni b'diżabilità fl-azzjonijiet kollha li jittieħdu permezz tal-Mekkaniżmi tal-Protezzjoni Ċivili;

20.

Iqis li għandha tiġi promossa u appoġġjata Azzjoni Volontarja ta' Protezzjoni Ċivili mingħajr dewmien, b'attivitajiet ta' taħriġ bażiku u b'tagħmir li jista' juża teknoloġiji avvanzati, billi dan huwa wieħed missorsi ewlenin disponibbli għall-Istati Membri meta jittrattaw stati ta' emerġenza li jirriżultaw minn diżastri naturali; jistieden lill-Unjoni Ewropea u lill-Istati Membri tagħha sabiex jagħmlu lis-soċjetà konxja tal-valur tal-foresti tagħha u r-riżorsi tagħhom u l-benefiċċji tal-konservazzjoni tagħhom, filwaqt li jippromwovu lparteċipazzjoni tas-soċjetà ċivili permezz tal-voluntarjat organizzat jew metodi oħra;

21.

Jemmen li kundizzjoni minn qabel għall-ħarsien fuq żmien twil u għall-kura territorjali tal-foresti hija l-ippjanar sostenibbli u l-implimentazzjoni ta' pjanijiet ta' żvilupp reġjonali u rurali li għandhom l-għan li jrażżnu t-tnaqqis tal-popolazzjoni miż-żoni rurali, joħolqu dħul finanzjarju ġdid u ddiversifikat speċjalment għall-ġenerazzjoni żagħżugħa u jistabbilixxi infrastruttura modernizzata sabiex tiġbed turiżmu u servizzi sostenibbli lejn żoni rurali;

22.

Jenfasizza li d-diżastri naturali, u b'mod partikulari n-nirien fil-foresti, din is-sena poġġew f'periklu konsiderevoli monumenti u siti arkeoloġiċi ta' valur kbir għall-wirt kulturali Ewropew; jiġbed l-attenzjoni, f'dan ir-rigward, għat-theddida lil Olimpja antika, il-post fejn twieled il-Logħob Olimpiku u, b'mod partikulari, lill-mużew tagħha, bħala Sit ta' Wirt Dinji; jitlob li minnufih ikunu disponibbli riżorsi għall-finijiet ta' restawr fil-każ li siti Ewropej li jiffurmaw parti mill-wirt kulturali ssirilhom ħsara bin-nirien li qed ikomplu jaħkmu l-foresti;

23.

Iħeġġeġ lill-Istati Membri sabiex jiżguraw li l-inħawi kollha maħruqa tal-foresta jibqgħu jinżammu bħala foresti u jkunu koperti minn programmi ta' riforestazzjoni, inklużi kundizzjonijiet obbligatorji, u li ma jitħalla jsir ebda tibdil fl-użu ta' l-art, biex jimplimentaw leġiżlazzjoni adegwata dwar il-konservazzjoni u l-użu xieraq ta' l-art inklużi prattiki sostenibbli ta' biedja u silvikultura, immaniġġjar tar-riżorsi ta' l-ilma u mmaniġġjar effiċjenti tar-riskju u sabiex minnufih jippjanaw politiki estiżi ta' rikostruzzjoni għat-turiżmu u għall-ekonomija lokali fejn milquta;

24.

Jistieden lill-Kummissjoni sabiex timmoniterja l-użu xieraq, effiċjenti u effettiv tal-fondi kollha ta' emerġenza li jingħataw lill-Istati Membri sabiex jagħmlu tajjeb għall-konsegwenzi tad-diżastri naturali; u jitlob ir-radd lura ta' flus għal użu mhux xieraq ta' għajnuna Komunitarja, pereżempju fil-każ ta' nuqqas ta' twettiq ta' pjanijiet ta' riforestazzjoni u aġġornamenti katastali;

25.

Jikkundanna l-prattika tal-legalizzazzjoni ta' kostruzzjonijiet illegali fuq żoni protetti u ġeneralment mhux awtorizzati, u jħeġġeġ li t-tentattivi kollha biex tonqos il-protezzjoni tal-foresta permezz ta' tibdil fil-Kostituzzjoni Griega (Artikolu 24), għandhom jitwaqqfu immedjatament;

26.

Jissuġġerixxi li tintbagħat delegazzjoni parlamentari fil-pajjiżi l-aktar milquta mid-diżastri naturali riċenti sabiex tesprimi s-solidarjetà tal-Parlament lill-popolazzjoni, sabiex timmoniterja l-livell tal-qirda ta' ħajjiet, proprjetà, networks soċjali, l-ambjent u l-ekonomija, u sabiex tasal għal konklużjonijiet utli bil-għan li jitjiebu l-prevenzjoni u r-rispons fil-ġejjieni għal sitwazzjonijiet estremi simili fl-UE;

27.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, u lill-parlamenti u l-gvernijiet ta' l-Istati Membri.

—

wara li kkunsidra r-riżoluzzjoni tiegħu tas-26 ta' Ottubru 2000 dwar ir-rapporti tal-Kummissjoni lill-Kunsill Ewropew bit-titolu “Tfassil aħjar ta' Liġijiet 1998 — Responsabilità kondiviża (1998)” u “Tfassil aħjar ta' Liġijiet 1999” (1),

—

wara li kkunsidra r-riżoluzzjoni tiegħu tad-29 ta' Novembru 2001 dwar il-White Paper tal-Kummissjoni dwar it-tmexxija Ewropea (2),

—

wara li kkunsidra r-riżoluzzjoni tiegħu tat-8 ta' April 2003 dwar ir-rapporti tal-Kummissjoni lill-Kunsill Ewropew bit-titolu “Tfassil aħjar ta' Liġijiet 1998 — Responsabilità kondiviża (1998)” u “Tfassil aħjar ta' Liġijiet 1999” (3),

—

wara li kkunsidra r-riżoluzzjoni tiegħu tas-26 ta' Frar 2004 dwar ir-rapport tal-Kummissjoni bit-titolu “Tfassil aħjar ta' Liġijiet 2002” (4),

—

wara li kkunsidra r-riżoluzzjoni tiegħu tad-9 ta' Marzu 2004 dwar il-komunikazzjoni tal-Kummissjoni dwar l-issimplifikar u t-titjib ta' l-attività regolatorja tal-Komunità (5),

—

wara li kkunsidra r-riżoluzzjoni tiegħu ta' l-20 ta' April 2004 dwar l-evalwazzjoni ta' l-impatt tal-leġiżlazzjoni Komunitarja u l-proċeduri ta' konsultazzjoni (6),

—

wara li kkunsidra r-riżoluzzjoni tiegħu tas-16 ta' Mejju 2006 dwar strateġija għas-simplifikazzjoni ta' lambjent regolatorju (7),

—

wara li kkunsidra r-riżoluzzjoni tiegħu tas-16 ta' Mejju 2006 dwar Tfassil aħjar ta' Liġijiet 2004: lapplikazzjoni tal-prinċipju tas-sussidjarjetà — it-12-il rapport annwali (8),

—

wara li kkunsidra r-riżoluzzjoni tiegħu tas-16 ta' Mejju 2006 dwar ir-riżultat ta' l-iscreening ta' proposti leġiżlattivi li jkunu għadhom pendenti quddiem il-leġiżlatur (9),

—

wara li kkunsidra l-Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni ta' l-14 ta' Novembru 2006 li jismu “Reviżjoni strateġika ta' Regolamentazzjoni Aħjar fl-Unjoni Ewropea” (COM(2006)0689),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjonijiet tal-Kumitat għall-Affarijiet Ekonomiċi u Monetarji, tal-Kumitat għall-Ambjent, is-Saħħa Pubblika u s-Sikurezza ta' l-Ikel u tal-Kumitat għall-Iżvilupp Reġjonali (A6-0273/2007),

A.

billi s-suċċess fil-kisba ta' l-objettiv ta' “Regolamentazzjoni Aħjar” huwa wieħed mill-prijoritajiet prinċipali għall-Unjoni Ewropea, għaliex li jiġu massimizzati l-benefiċċji ta' leġiżlazzjoni moderna, razzjonali u effettiva filwaqt li jiġu minimizzati l-ispejjeż tagħha jiżgura l-ogħla livell ta' produttività, tkabbir, aċċettazzjoni u, fl-aħħar mill-aħħar, impjieg madwar l-Ewropa,

B.

billi l-Kummissjoni, fil-komunikazzjoni ta' l-14 ta' Novembru 2006 msemmija hawn fuq, tanalizza lprogress miksub fil-qasam ta' regolamentazzjoni aħjar u tfassal l-isfidi prinċipali tal-ġejjieni, filwaqt li tiġbed l-attenzjoni għall-progress li għandu jsir kemm fil-livell Ewropew u kif ukoll fil-livell ta' Stat Membru biex b'hekk tiżviluppa approċċ globali mmirat biex il-leġiżlazzjoni Komunitarja ssir eħfef biex tiġi applikata u b'hekk tiswa anqas,

C.

billi dan l-approċċ, li għall-Kummissjoni, il-Kunsill u l-Parlament Ewropew huwa għodda utli biex jintlaħqu l-għanijiet ta' l-Istrateġija ta' Liżbona, jirrikjedi sħubija mill-qrib f'dan il-qasam l-ewwel bejn l- Istituzzjonijiet Ewropej u mbagħad bejn dawn ta' l-aħħar u l-awtoritajiet nazzjonali,

D.

billi, fil-komunikazzjoni msemmija hawn fuq, il-Kummissjoni tipproponi li ssaħħaħ l-iskrutinju ta' evalwazzjonijiet ta' impatt permezz tal-ħolqien ta' Bord indipendenti għall-Evalwazzjoni ta' l-Impatt taħt lawtorità tal-President tal-Kummissjoni, u timpenja ruħha li tieħu aktar azzjoni preventiva, filwaqt li ssegwi lill-Istati Membri minn fażi bikrija sabiex tiffaċilita t-traspożizzjoni korretta tad-direttivi ewlenin,

E.

billi, fl-opinjoni tal-Kummissjoni, il-Parlament Ewropew u l-Kunsill għandhom jipprovdu evalwazzjonijiet sistematiċi ta' l-impatt ta' l-emendi ewlenin għall-proposti tagħha u għandhom jagħtu prijoritajiet ogħla lill-proposti ta' simplifikazzjoni pendenti, lill-kodifikazzjoni u lit-tħassir tal-leġiżlazzjoni li m'għadhiex valida,

F.

billi l-Kummissjoni qed tipproponi li l-Istati Membri għandhom ukoll jiżviluppaw u jinfurzaw mekkaniżmi ta' konsultazzjoni u programmi ta' simplifikazzjoni, fejn dawn huma neqsin, u għandhom irawmu aktar evalwazzjoni ta' l-impatti ekonomiċi, soċjali u ambjentali, flimkien ma' applikazzjoni mtejba tal-liġi Komunitarja,

G.

billi regolamentazzjoni aħjar ma tikkonċernax esklussivament it-tnaqqis tal-burokrazija, it-tnaqqis tal-piż amministrattiv, is-simplifikar ta' leġiżlazzjoni jew deregolamentazzjoni eżistenti, iżda tinvolvi wkoll liżgurar li l-proċess leġiżlattiv jinvolvi l-atturi governattivi u mhux governattivi relevanti kollha fil-livelli kollha u li tkun stabbilita sħubija mill-qrib bejn l-istituzzjonijiet Ewropej u l-awtoritajiet nazzjonali, reġjonali u lokali, sabiex tintlaħaq regolamentazzjoni ta' kwalità għolja,

H.

billi kull livell ta' governanza biex jirnexxilha tnaqqas il-piż amministrattiv għandha tkun impenjata lejn regolamentazzjoni aħjar,

I.

billi l-awtoritajiet lokali u reġjonali ħafna drabi jiffaċċjaw l-inkarigu li jimplimentaw u jinfurzaw il-liġi ta' l-UE,

J.

billi, fl-aħħar, il-Kummissjoni qed tipproponi li kemm l-Unjoni Ewropea u kif ukoll l-Istati Membri għandhom jibdew iwettqu strateġija ambizzjuża għat-tnaqqis tal-piż amministrattiv li joriġina mil-leġiżlazzjoni Ewropea u dik nazzjonali, u li l-mira konġunta għat-tnaqqis f'dan ir-rigward għandha tinkiseb sa l-2012,

1.

Jappoġġja ħafna l-proċess ta' Regolamentazzjoni Aħjar bil-għan li jissaħħu l-effettività, l-effiċjenza, ilkoerenza, ir-responsabiltà u t-trasparenza tal-liġi ta' l-UE; madankollu, jenfasizza li tali proċess jeħtieġ li jkun ibbażat fuq numru ta' kundizzjonijiet minn qabel:

2.

Jappoġġja l-għan tal-Kummissjoni li tittejjeb il-kwalità tal-leġiżlazzjoni u li jitnaqqas il-piż amministrattiv; jemmen li l-miżuri msemmija fil-komunikazzjoni tal-Kummissjoni juru impenn ċar u kontinwu għal dak il-għan, iżda jqis li hemm bżonn ta' sforzi akbar f'numru ta' oqsma biex jiġi żgurat li jinkiseb il-benefiċċju ekonomiku massimu mil-leġiżlazzjoni tas-suq intern;

3.

Iħeġġeġ lill-Kummissjoni sabiex tagħmel l-isforzi kollha meħtieġa sabiex tirrazzjonalizza u timmodernizza l-ġabra ta' leġiżlazzjoni Komunitarja eżistenti permezz ta' strateġija xierqa ta' simplifikazzjoni li għandha tinvolvi lill-Istati Membri u lill-partijiet interessati; madanakollu, jafferma mill-ġdid li, għalkemm il-mira ta' regolamentazzjoni aħjar għandha tinqasam fost l-istituzzjonijiet Ewropej kollha, il-Kummissjoni għandha rwol kruċjali fil-preparazzjoni ta' proposti leġiżlattivi ta' kwalità għolja, li jiffurmaw l-aħjar punt ta' tluq għall-proċess sħiħ ta' simplifikazzjoni;

4.

Iħeġġeġ lill-Kummissjoni sabiex tagħmel aktar enfasi fuq l-implimentazzjoni, l-infurzar u l-evalwazzjoni tal-leġiżlazzjoni Komunitarja, bħala parti essenzjali mill-proċess ta' Regolamentazzjoni Aħjar;

5.

Jaqbel mal-Kummissjoni li tfassil aħjar ta' liġijiet ma jistax jinkiseb mingħajr stampa globali ta' l-impatt ekonomiku, soċjali, ambjentali, tas-saħħa u internazzjonali ta' kull proposta leġiżlattiva; għalhekk, jappoġġja bis-sħiħ it-twaqqif fi ħdan il-Kummissjoni ta' Bord għall-Evalwazzjoni ta' l-Impatt taħt l-awtorità tal-President tal-Kummissjoni, sabiex jimmoniterja l-applikazzjoni ta' dawn il-prinċipji meta jitfasslu l-evalwazzjonijiet ta' l-impatt mill-istaff responsabbli tal-Kummissjoni;

6.

Jisħaq, madankollu, li sabiex ikun garantit livell minimu ta' skrutinju indipendenti meta jitfasslu evalwazzjonijiet ta' l-impatt, għandu jitwaqqaf panel ta' esperti indipendenti biex jimmoniterja, permezz ta' kontrolli għall-għarrieda, il-kwalità ta' l-opinjonijiet mogħtija mill-Bord għall-Evalwazzjoni ta' l-Impatt, u li rappreżentanti tal-partijiet interessati għandhom jitħallew jieħdu sehem ukoll fit-tmexxija ta' dawn il-kontrolli;

7.

Iqis li huwa meħtieġ li l-Bord għall-Evalwazzjoni ta' l-Impatt għandu jiggarantixxi l-applikazzjoni ta' metodoloġija komuni għall-evalwazzjonijiet ta' l-impatt kollha, sabiex jiġu evitati approċċi kontradittorji u biex tiġi faċilitata l-komparabilità;

8.

Jinsisti li l-Parlament jiġi infurmat perjodikament dwar id-deċiżjonijiet adottati mill-Bord għall-Evalwazzjoni ta' l-Impatt taħt is-superviżjoni tal-President tal-Kummissjoni, bil-għan li jiġi żgurat djalogu trasparenti bejn iż-żewġ istituzzjonijiet;

9.

Jistieden lill-Kummissjoni sabiex tipprovdi evalwazzjonijiet ta' l-impatt li jippreżentaw numru suffiċjenti ta' xenarji u possibilitajiet ta' politika (inklużi possibilitajiet ta' “ebda azzjoni” kif meħtieġ) bħala bażi għal soluzzjonijiet li jkunu effettivi meta jitqiesu l-ispejjeż, sostenibbli u soċjalment aċċettabbli;

10.

Iqis li hija regola ġenerali li kull evalwazzjoni ta' l-impatt għandha tqis l-effetti sinifikanti possibbli kollha ta' proposta politika fuq is-soċjetà, l-ambjent u l-ekonomija, u aktar minn hekk li, kulmeta jkun possibbli u konsistenti mal-qasam tal-leġiżlazzjoni rilevanti, l-evalwazzjonijiet ta' l-impatt għandhom iqisu wkoll l-effetti sinifikanti kollha possibbli fuq il-gruppi vulnerabbli jew minoranzi kif ukoll l-aspetti ta' linklużjoni tas-sessi u ta' gruppi oħra sensittivi li jkunu fil-mira, pereżempju il-minoranzi etniċi, il-ġenituri li qed irabbu t-tfal, l-anzjani u dawk b'marda permanenti u l-persuni b'diżabilità (“benchmarking soċjali”);

11.

Jitlob lill-Kummissjoni tikkonsulta lill-partijiet interessati relevanti kollha, u b'mod partikulari l-awtoritajiet nazzjonali, reġjonali u lokali meta tkun qed tipprepara evalwazzjoni ta' l-impatt sabiex il-varjazzjonijiet lokali jew reġjonali jistgħu jiġu meqjusa kif jixraq, u biex tinforma fi żmien xieraq lill-Parlament, lill- Kumitat tar-Reġjuni u lil kull korp governattiv reġjonali u lokali dwar ir-riżultati ta' l-evalwazzjoni ta' limpatt;

12.

Iqis li, għal dan l-għan, il-partijiet interessati kollha għandhom jiġu kkonsultati, fl-istadji kollha, possibilment billi tintuża aktar il-website tal-Kummissjoni għall-għanijiet ta' seduti ta' smigħ pubbliċi, li r-riżultat tagħhom jista' għalhekk ikun inċert, u permezz ta' metodi ġodda u aktar strutturati ta' konsultazzjoni, kif maħsub fil-komunikazzjoni tal-Kummissjoni bit-titolu “Lejn kultura msaħħa ta' konsultazzjoni u djalogu — Prinċipji ġenerali u standards minimi għall-konsultazzjoni tal-partijiet interessati mill-Kummissjoni” (COM(2002)0704); huwa tal-fehma li, f'dan ir-rigward, il-Kummissjoni trid turi trasparenza massima billi tippubblika r-reazzjonijiet tal-partijiet interessati;

13.

Jisħaq li l-Parlament Ewropew u l-Kunsill għandhom jipprovdu evalwazzjonijiet ta' l-impatt iktar sistematiċi ta' emendi ewlenin għal proposti tal-Kummissjoni;

14.

Iħeġġeġ lill-Kummissjoni biex tispeċifika f'liema stadju waslu l-evalwazzjonijiet ta' l-impatt li għadhom ma ġewx ippubblikati, filwaqt li tiċċara jekk dawk l-evalwazzjonijiet għadhomx pendenti jew ġewx irtirati, posposti jew mibdija mill-ġdid għal raġunijiet differenti, eċċ. u biex tikkonsulta lill-partijiet interessati dwar dawk li għadhom pendenti;

15.

Jinsisti li l-Istati Membri jipprovdu evalwazzjoni ta' l-impatt għall-inizjattivi tagħhom fil-qasam talpulizija u tal-koperazjoni ġudizzjarja fi kwistjonijiet kriminali, skond l-Artikolu 34(2) tat-Tratta ta' l-UE; iqis li l-Istati Membri għandhom jimpenjaw ruħhom sabiex jirrikonoxxu obbligu reali f'dan ir-rigward;

16.

Jappoġġja l-eżerċizzju tal-Kummissjoni għal screening perjodiku u għall-irtirar tal-proposti pendenti, isostni, madanakollu, li l-eżerċizzju għandu jitqies fid-dawl tal-prerogattivi tal-varji istituzzjonijiet Komunitarji fil-proċess leġiżlattiv, kif definit fit-Trattati, u bi qbil mal-prinċipju ta' koperazzjoni leali fost l-istituzzjonijiet;

17.

Huwa favur il-promozzjoni ta' leġiżlazzjoni bbażata fuq prinċipji u li l-attenzjoni tingħata lill-kwalità aktar milli lill-kwantità; jara d-dibattitu dwar regolamentazzjoni aħjar bħala okkażjoni biex wieħed jirrifletti dwar il-leġiżlazzjoni bħala proċess imfassal biex jintlaħqu għanijiet definiti b'mod ċar, billi l-partijiet interessati kollha jimpenjaw ruħhom għall-fażijiet kollha tal-proċess, mill-preparazzjoni sa l-infurzar, u billi jiġu involuti fihom;

18.

Iqis l-esperjenza tal-proċedura Lamfalussy fir-regolamentazzjoni tas-swieq finanzjarji, u b'mod partikulari d-djalogu bejn regolaturi u parteċipanti tas-suq, bħala każ siewi għal proċess leġiżlattiv dinamiku;

19.

Huwa tal-fehma li l-proċedura Lamfalussy hija mekkaniżmu utli; iqis il-konverġenza ta' prattiki superviżorji bħala kruċjali; jilqa' b'sodisfazzjon il-ħidma tal-Kumitati ta' Livell 3 f'dan ir-rigward u jappoġġja ttalba tagħhom għal għodda adegwata; jemmen li jekk is-superviżuri jingħataw l-ispazju għal manuvri jista' jitneħħa ħafna mill-piż ta' dettall tekniku f'leġiżlazzjoni u jitfasslu regoli adegwati għal suq dinamiku; madankollu, jenfasizza li dan qatt ma jista' jneħħi r-responsabilità politika fir-rigward ta' l-objettivi finali; jinsisti li l-leġiżlaturi għandhom jimmonitorjaw il-proċess bir-reqqa u jtenni li d-drittijiet tal-Parlament filproċedura leġiżlattiva għandhom jiġu rispettati bis-sħiħ;

20.

Jemmen li l-Kummissjoni għandha tirrevedi r-relevanza ta' leġiżlazzjoni pendenti fuq bażi kontinwa u mhux biss meta tiġi maħtura, u jemmen ukoll li l-Kummissjoni għandha tirtira l-proposti li m'għadhomx pertinenti, b'attenzjoni partikulari għal dawk li ilhom pendenti għal ċertu żmien;

21.

Jenfasizza li s-simplifikazzjoni hija meħtieġa wkoll fl-interazzjoni tal-Kummissjoni maċ-ċittadini, eż. fl-oqsma ta' xiri, servizzi finanzjarji, programmi ta' riċerka, regoli dwar għajnuna Statali u applikazzjonijiet għal għotjiet;

22.

Jappoġġja fil-prinċipju, l-adozzjoni mħaffa ta' proposti pendenti ta' simplifikazzjoni, imma jikkunsidra neċessarju li jkun hemm evalwazzjoni fuq il-bażi li kull każ jitqies għalih dwar jekk il-proposta għandhiex implikazzjonijiet aktar wiesgħa, u fil-każ ikun hemm bżonn ta' aktar żmien;

23.

Huwa konxju tal-fatt li x-xogħol leġiżlattiv fi ħdan l-Unjoni jista' jsir b'mod aktar sistematiku; għalhekk jistieden lill-Kummissjoni biex terġa' tqis il-metodi tax-xogħol tagħha u l-organizzazzjoni tagħha sabiex tkun tista' tindirizza kwistjonijiet varji b'mod aktar orizzontali, bl-għan ewlieni li tiżgura aktar koerenza, tibni fuq sinerġiji possibbli u tevita l-inkonsistenzi;

24.

Iqis li l-Kummissjoni għandha tikkunsidra l-fehmiet tal-Parlament meta tirtira proposti pendenti, sabiex jinżamm l-element essenzjali tal-fiduċja bejn il-Kummissjoni u l-Parlament;

25.

Jilqa' b'sodisfazzjon il-komunikazzjoni tal-Kummissjoni li se tirtira 68 proposta li hija tqis bħala inkonsistenti ma' l-objettivi ta' l-Istrateġija ta' Liżbona u mal-prinċipji ta' regolamentazzjoni aħjar, iżda jiddispjaċih li l-Kummissjoni rtirat il-proposta għal direttiva dwar l-Istatut għal soċjetà komuni Ewropea minkejja l-fatt li hija waħda mill-elementi ewlenin ta' l-Istrateġija ta' Liżbona u għalhekk jistieden lill-Kummissjoni biex tadotta inizjattiva qabel l-aħħar ta' l-2007 biex ikun jista' jiġi abbozzat Statut għal soċjetà komuni Ewropea u għal assoċjazzjoni Ewropea;

26.

Jaċċetta li l-Kunsill, bħall-Parlament għandu jikkunsidra l-impatt ta' l-emendi ewlenin tiegħu fuq levalwazzjoni ta' l-impatt tal-Kummissjoni; jenfasizza l-bżonn ta' analiżi dwar spiża u gwadann li tirrifletti aħjar l-istrutturi komplessi ta' l-ispiża regolatorja meta d-direttivi jiġu implimentati permezz ta' leġiżlazzjoni nazzjonali u jbiddlu l-qafas regolatorju li fih joperaw il-kumpaniji u l-individwi; iħeġġeġ bil-kbir trasparenza u skrutinju indipendenti fit-twettiq ta' l-evalwazzjonijiet ta' l-impatt taħt ir-responsabilità sħiħa tal-leġiżlaturi fil-kuntest tal-prijoritajiet politiċi tagħhom;

27.

Jappoġġja bis-sħiħ kull sforzi min-naħa tal-Kummissjoni mmirati lejn it-tisħiħ ġenerali ta' l-infurzar tal-liġi Komunitarja permezz ta' azzjoni aktar preventiva, flimkien ma' proċess ta' segwitu tal-kwistjonijiet ma' l-Istati Membri fi stadju bikri sabiex tiġi ffaċilitata t-traspożizzjoni ta' direttivi ewlenin, u jirrakkomanda li l-Parlament jiġi assoċjat kif għandu jkun ma' inizjattivi bħal dawn;

28.

Iqis li, meta tkun qed timmoniterja l-applikazzjoni tal-liġi Komunitarja minn Stat Membru, il-Kummissjoni għandha mhux sempliċiment tistieden imma tobbliga lill-Istati Membri sabiex jipproduċu tabelli ta' korrelazzjoni u noti ta' traspożizzjoni, speċjalment bil-għan li jeżaminaw kull proċess nazzjonali ta' traspożizzjoni tad-direttivi; għal dan il-għan huwa ta' l-opinjoni li l-Kummissjoni għandha ssejjaħ lill-Istati Membri sabiex jadottaw metodoloġija ta' referenza komuni;

29.

Jikkunsidra li l-enfasi mqiegħda fuq l-importanza ta' l-evalwazzjonijiet ta' l-impatt m'għandhiex twassal għal sitwazzjoni fi ħdan il-Kummissjoni fejn riżorsi maħsuba għall-monitoraġġ tat-traspożizzjoni korretta tal-liġi Komunitarja u għall-ipproċessar ta' każijiet ta' ksur jiġu rijallokati għal evalwazzjonijiet ta' l-impatt; jenfasizza l-ħtieġa li jiżdiedu r-riżorsi maħsuba biex jiżguraw li l-applikazzjoni tal-liġi Komunitarja hija mmonitorjata b'mod effettiv;

30.

Jiddeplora l-prattika ta' l-Istati Membri ta' dak li huwa magħruf bħala “gold-plating”, jiġifieri ż-żieda ta' rekwiżiti mhux previsti, u jistieden lill-Kummissjoni biex tinvestiga liema miżuri ulterjuri jistgħu jittieħdu biex dan jiġi evitat, inkluża l-introduzzjoni ta' dritt ta' azzjoni diretta għaċ-ċittadini; jitlob ’evalwazzjonijiet ta' l-impatt ta' segwitu’ li janalizzaw kif fil-fatt id-deċiżjonijiet jiġu implimentati fl-Istati Membri u fuq livell lokali; jappoġġja l-użu miżjud, fejn hu xieraq, tar-regolamenti;

31.

Ifakkar fl-importanza ta' l-użu ġudizzjuż ta' “klawżoli sunset” biex jiġi żgurat li l-leġiżlazzjoni tibqa' pertinenti;

32.

Jinsisti li, meta tippreżenta proposta leġiżlattiva, il-Kummissjoni għandha tevita espressjonijiet li ma jkunux ċari jew li m'għadhomx jintużaw u preferibilment tuża lingwaġġ sempliċi u li jinfthiem, filwaqt li żżomm il-preċiżjoni terminoloġika u ċ-ċertezza legali; iqis, b'mod partikolari, li l-prattika li jintużaw akronimi li ma jinftiehmux u l-użu żejjed ta' premessi li m'hemmx bżonnhom għandu jiġi abbandunat; iħeġġeġ lil-livelli kollha tal-gvern biex fejn hu possibbli jużaw lingwaġġ ċar li faċilment jinftiehem miċ-ċittadini;

33.

Jistieden lill-Kummissjoni biex, filwaqt li tiżviluppa regolamentazzjoni aħjar, tiżgura li regolamenti ġodda u l-infurzar tagħhom ikunu konsistenti, ġustifikabbli, trasparenti u komprensivi għal dawk interessati u għall-benefiċjarji;

34.

Jistieden lill-Kummissjoni, f'każi ta' regolamenti, biex tipprovdi bil-quddiem noti ta' gwida dwar limplimentazzjoni għall-benefiċċju ta' l-Istati Membri, l-awtoritajiet reġjonali u lokali u aġenziji speċjalizzati;

35.

Jafferma mill-ġdid li regolamentazzjoni aħjar għandha dejjem timplika l-involviment sħiħ tal-Parlament kemm fid-dibattitu interistituzzjonali kif ukoll, bħala leġiżlatur konġunt, fl-adozzjoni ta' leġiżlazzjoni suġġetta għal proċess bħal dan; jenfasizza wkoll li l-Parlament dejjem jista' jikkunsidra l-adegwatezza ta' l-għażla ta' liema strument legali jiġi adottat (regolament, direttiva jew deċiżjoni) u/jew jevalwa jekk ikunx aħjar li jintużaw metodi regolatorji alternattivi;

36.

Iħeġġeġ lill-Kummissjoni tinvestiga alternattivi għal leġiżlazzjoni bil-ħsieb li jitjieb il-funzjonament tas-suq intern, inklużi l-awto-regolamentazzjoni u r-rikonoxximent reċiproku ta' regoli nazzjonali, filwaqt li jenfasizza li dan m'għandhux jimpedixxi l-iskrutinju demokratiku mill-Parlament Ewropew u mill-parlamenti ta' l-Istati Membri; jenfasizza li r-regolament tal-Komunità għandu jitqies fil-kuntest ta' kompetizzjoni internazzjonali u swieq globali,

37.

Iqis li r-regoli l-ġodda ta' komitoloġija, li jsaħħu l-iskrutinju mill-Parlament u mill-Kunsill tas-setgħat ta' implimentazzjoni mogħtija lill-Kummissjoni, huma mod ieħor ta' simplifikazzjoni tal-liġi Komunitarja, għaliex dawn jippermettu firxa wiesgħa ta' setgħat regolatorji sabiex jiġu trasferiti lill-Kummissjoni firrigward ta' dettalji tekniċi u mhux essenzjali u b'hekk jippermetti lill-Parlament u lill-Kunsill sabiex jikkonċentraw l-attività leġiżlattiva tagħhom fuq dispożizzjonijiet aktar essenzjali;

38.

Jilqa' l-konklużjonijiet tal-Kunsill Ewropew tar-Rebbiegħa 2007 dwar regolamentazzjoni aħjar u, b'mod partikulari, id-deċiżjoni biex jitnaqqsu l-piżijiet amministrattivi li jirriżultaw mil-leġiżlazzjoni tal- Komunità, b'25% għall-intrapriżi żgħar u ta' daqs medju (SMEs) sa l-2012; jikkunsidra li din il-mira għandha tirriżulta f'leġiżlazzjoni aktar intelliġenti, aktar effettiva, u aktar faċli għall-utent, tnaqqas piżijiet żejda fuq l-SMEs, mingħajr ma tbaxxi l-istandards fil-leġiżlazzjoni attwali; b'mod partikulari, jappoġġja ddeċiżjoni tal-Kunsill biex jistieden lill-Istati Membri sabiex jistabbilixxu objettivi nazzjonali sa l-2008, u jitlob lill-Kummissjoni u lill-Istati Membri biex jistabbilixxu mekkaniżmi omoġenji ta' monitoraġġ sabiex dan ilproċess ikun jista' jitwettaq b'mod effettiv fl-Istati Membri fuq livelli nazzjonali, reġjonali u lokali;

39.

Jistieden lill-Kummissjoni biex kull sena tippreżenta l-kisbiet tagħha u l-pjanijiet tagħha biex jinkisbu l-għanijiet imwiegħda tat-tnaqqis tal-piż amministrattiv;

40.

Jistieden lill-Kummissjoni sabiex tiżviluppa, b'koperazzjoni mal-Kunsill u mal-Parlament Ewropew, riformi istituzzjonali fi ħdan il-Komunità li se jgħinu ħalli jiġu ffrankati aktar flus u li se jiffaċilitaw ilkoperazzjoni ta' l-istituzzjonijiet biex ikun aċċertat li jkun hemm regolamentazzjoni aħjar u aktar intelliġenti;

41.

Jistieden lill-Kummissjoni biex, fil-kumplament tax-xogħol tagħha dwar regolamentazzjoni aħjar, tqis ir-riżultati ta' l-istudju mitlub mill-Kumitat tal-Parlament dwar l-Ambjent, is-Saħħa Pubblika u s-Sikurezza ta' l-Ikel dwar il-proċess ta' simplifikazzjoni, “Simplifikazzjoni tal-Politika ta' l-UE dwar l-Ambjent” (10);

42.

Hu mħasseb bis-sejbiet ta' diversi studji indipendenti (11) li juru li l-linji gwida tal-Kummissjoni dwar evalwazzjoni ta' l-impatt mhumiex imħarsa bis-sħiħ mid-DGs tal-Kummissjoni, bil-fatt li qed tingħata importanza lill-evalwazzjoni u l-kwantifikazzjoni ta' l-impatti ekonomiċi għad-dannu ta' l-impatti ambjentali, soċjali u internazzjonali, bil-fatt li l-ispejjeż tal-leġiżlazzjoni ingħataw piż ħafna aktar mill-benefiċċji, u bil-fatt li l-kunsiderazzjonijiet fuq żmien qasir qed jitfu lil dawk għal żmien twil; jilqa' l-pjanijiet tal-Kummissjoni li twaqqaf Bord għall-Evalwazzjoni ta' l-Impatt u li tistabbilixxi evalwazzjoni esterna tas-sistema ta' l-evalwazzjoni ta' l-impatt tal-Kummissjoni, waqt li t-tnejn li huma għandhom jikkontribwixxu biex jiżguraw li nnuqqasijiet persistenti elenkati hawn fuq ikunu finalment megħluba;

43.

Jappoġġja l-konklużjoni li rriżultat mill-istudju bit-titolu “Simplifikazzjoni tal-Politika ta' l-UE dwar l- Ambjent” li evalwazzjonijiet ta' l-impatt jista' jkollhom rwol importanti ħafna biex jiżguraw regolamentazzjoni aħjar u li l-kwalità ta' wħud minn dawn l-evalwazzjonijiet hemm bżonn li titjieb; iħeġġeġ lill-Kummissjoni biex tiżgura:

jirrikonoxxi li l-evalwazzjonijiet ta' l-impatt jista' jkollhom rwol importanti ħafna fil-każ ta' proposti ta' emendi mill-Parlament Ewropew jew mill-Kunsill b'impatti potenzjalment sinifikanti;

44.

Jistieden lill-Kummissjoni biex tippromwovi aktar skambji ta' informazzjoni dwar l-aħjar prattiki ta' simplifikazzjoni tal-politika ambjentali ta' l-UE fl-Istati Membri, bħal ma huma:

45.

Jistieden lill-Istati Membri biex jiżviluppaw u jimplimentaw mekkaniżmi ta' konsultazzjoni ma' lawtoritajiet reġjonali u lokali matul il-proċess leġiżlattiv, biex jagħtu kas tat-tħassib tagħhom waqt negozjati ministerjali u biex isaħħu l-irwol tagħhom matul il-proċess tat-traspożizzjoni u l-implimentazzjoni tal-leġiżlazzjoni ta' l-UE;

46.

Jistieden lill-Kummissjoni biex taħdem mill-qrib ma' l-awtoritajiet kollha fl-Istati Membri li huma responsabbli mit-traspożizzjoni tal-leġiżlazzjoni ta' l-UE, u fl-istess ħin jagħti parir lill-Kummissjoni li torganizza seminars fil-livell lokali wkoll dwar is-suġġett tat-traspożizzjoni tal-leġiżlazzjoni ta' l-UE għal liġi domestika, sabiex tiżgura li, permezz ta' mezzi sempliċi u komprensivi, l-informazzjoni relevanti tilħaq b'mod dirett lil dawk kollha interessati;

47.

Jistieden lill-Istati Membri biex jiżviluppaw u jinfurzaw proċeduri meħtieġa, effiċjenti u ċari għal koperazzjoni aħjar bejn il-gvernijiet reġjonali u ċentrali sabiex ikun iffaċilitat il-proċess ta' traspożizzjoni, u biex ikun rikonoxxut l-irwol dejjem akbar tar-reġjuni li għandhom setgħat leġiżlattivi;

48.

Jinkoraġġixxi lill-awtoritajiet fl-Istati Membri biex ifasslu strateġiji formali ta' traspożizzjoni, sabiex jiddefinixxu b'mod ċar l-irwoli u r-responsabilitajiet tal-gvernijiet reġjonali u nazzjonali għal traspożizzjoni aħjar u aktar mgħaġġla;

49.

Jinkoraġġixxi lill-Kummissjoni tippubblika, meta jkun possibbli, il-linji gwida tat-traspożizzjoni għal direttivi fl-istess ħin tad-direttivi nfushom, sabiex gvernijiet nazzjonali u reġjonali jkunu jistgħu jieħdu kont tagħhom qabel ma jibdew il-proċess tat-traspożizzjoni u biex tkun ti sta' ssir traspożizzjoni korretta u f'waqtha fl-Istati Membri;

50.

Jistieden lill-Kummissjoni biex tħaffef il-proċess ħalli titlesta bażi tad-dejta pubblika, komprensiva, u liberament aċċessibbli, ta' liġijiet ta' implimentazzjoni nazzjonali, inklużi varjazzjonijiet reġjonali meta jkun meħtieġ;

51.

Huwa tal-fehma li regolamentazzjoni aħjar m'għandhiex twassal għal tnaqqis fl-istandards ambjentali, soċjali u dawk tal-kwalità;

52.

Jistieden lill-Istati Membri biex jiżguraw li, meta jkunu qed jittrasponu l-leġiżlazzjoni ta' l-UE, ma jimponux fuq persuni fiżiċi u legali obbligi li jmorru lil hinn minn dak li hu mitlub skond il-leġiżlazzjoni trasposta u li ma jpoġġux piż amministrattiv bla bżonn fuq, b'mod partikulari, l-SMEs li huma l-mutur mexxej għall-iżvilupp sostenibbli tar-reġjuni ta' l-Ewropa;

53.

Jitlob lill-Kummissjoni biex ittejjeb il-forniment ta' informazzjoni dwar il-proċedimenti tat-traspożizzjoni u ta' l-infrazzjoni, u biex il-Kummissjoni tagħmel din l-informazzjoni pubblika u aċċessibbli b'mod faċli fuq il-website tagħha;

54.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti ta' l-Istati Membri.

—

wara li kkunsidra r-riżoluzzjoni tiegħu tas-26 ta' Ottubru 2000 dwar ir-rapporti tal-Kummissjoni lill- Kunsill Ewropew li jisimhom “Tfassil aħjar ta' Liġijiet 1998 — Responsabilità kondiviża (1998)” u “Tfassil aħjar ta' Liġijiet 1999” (1),

—

wara li kkunsidra r-riżoluzzjoni tiegħu tad-29 ta' Novembru 2001 dwar il-White Paper tal-Kummissjoni dwar it-tmexxija Ewropea (2),

—

wara li kkunsidra r-riżoluzzjoni tiegħu tat-8 ta' April 2003 dwar ir-rapporti tal-Kummissjoni lill-Kunsill Ewropew li jismu “Tfassil aħjar tal-liġijiet 2000” u “Tfassil aħjar tal-liġijiet 2001” (3),

—

wara li kkunsidra r-riżoluzzjoni tiegħu tas-26 ta' Frar 2004 dwar ir-rapport tal-Kummissjoni “Tfassil aħjar tal-liġijiet 2002” (4)

—

wara li kkunsidra r-riżoluzzjoni tiegħu tad-9 ta' Marzu 2004 dwar il-komunikazzjoni tal-Kummissjoni dwar l-issimplifikar u t-titjib ta' l-attività regolatorja tal-Komunità (5),

—

wara li kkunsidra r-riżoluzzjoni ta' l-20 ta' April 2004 dwar l-evalwazzjoni ta' l-impatt tal-leġiżlazzjoni Komunitarja u l-proċeduri ta' konsultazzjoni (6),

—

wara li kkunsidra l-Komunikazzjoni tal-Kummissjoni lill-Kunsill u lill-Parlament Ewropew li jisimha “Regolamentazzjoni aħjar għat-Tkabbir u għall-Impjiegi fl-Unjoni Ewropea” (COM(2005)0097),

—

wara li kkunsidra r-riżoluzzjoni tiegħu tas-16 ta' Mejju 2006 dwar strateġija għas-simplifikazzjoni ta' lambjent regolatorju (7),

—

wara li kkunsidra r-riżoluzzjoni tiegħu tas-16 ta' Mejju 2006 dwar Leġiżlazzjoni aħjar 2004: l-applikazzjoni tal-prinċipju tas-sussidjarjetà — it-12-il rapport annwali (8),

—

wara li kkunsidra r-riżoluzzjoni tas-16 ta' Mejju 2006 dwar ir-riżultat ta' l-iscreening ta' proposti leġiżlattivi li jkunu għadhom pendenti quddiem il-leġiżlatur (9),

—

wara li kkunsidra r-Rapport tal-Kummissjoni — “Tfassil aħjar tal-liġijiet 2005” skond l-Artikolu 9 tal- Protokoll dwar l-applikazzjoni tal-prinċipji tas-sussidjarjetà u l-proporzjonalità (it-13-il rapport) (COM(2006)0289)

—

wara li kkunsidra d-dokument ta' ħidma tal-Kummissjoni — Il-kejl ta' l-ispejjeż amministrattivi u ttnaqqis tal-piżijiet amministrattivi fl-Unjoni Ewropea (COM(2006)0691),

—

wara li kkunsidra l-Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni — Programm ta' Azzjoni għat-Tnaqqis tal- Piżijiet Amministrattivi fl-Unjoni Ewropea (COM(2007)0023),

—

wara li kkunsidra l-Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni — Reviżjoni strateġika ta' Regolamentazzjoni Aħjar fl-Unjoni Ewropea (COM(2006)0689),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għall-Impjiegi u l- Affarijiet Soċjali (A6-0280/2007),

A.

billi s-suċċess fil-kisba ta' l-objettiv ta' “Tfassil aħjar tal-liġijiet” hija waħda mill— prijoritajiet prinċipali għall-Unjoni Ewropea, għaliex li jiġu massimizzati l-benefiċċji ta' leġiżlazzjoni moderna, razzjonali u effettiva filwaqt li jiġu minimizzati l-ispejjeż tagħha tiżgura l-ogħla livell ta' produttività, tkabbir, aċċettazzjoni u, fl-aħħar mill-aħħar, impjieg madwar l-Ewropa,

B.

billi l-prinċipju tas-sussidjarjetà għandu rwol vitali fil-ħolqien ta' l-awtorità tal-legiżlazzjoni Komunitarja u fid-deċiżjoni ta' jekk il-liġijiet għandhomx jiġu adottati fuq livell ta' l-UE, b'hekk juri li huwa element kruċjali fl-immoniterjar tas-separazzjoni tal-poteri bejn l-UE u l-Istati Membri u għodda utli li tippermetti lill-Istati Membri li jassumu kompetenza leġiżlattiva,

C.

billi r-rispett sħiħ għall-prinċipju tal-proporzjonalità huwa neċessità ċara kemm għal-leġiżlazzjoni Ewropea u kif ukoll għal dik nazzjonali sabiex isaħħaħ iċ-ċertezza legali,

D.

billi l-Qorti tal-Ġustizzja hija responsabbli għall-immoniterjar ta' l-applikazzjoni tal-prinċipji tas-sussidjarjetà u l-proporzjonalità,

E.

billi l-leġiżlazzjoni Ewropea, li spiss tkun ir-riżultat ta' kompromess politiku diffiċli, tista' ma tkunx ċara u l-Istati Membri jistgħu ma jkunux kapaċi jew ma jkunux iridu jimplimentawha kif suppost,

F.

billi r-reputazzjoni u l-effettività tal-leġiżlazzjoni Ewropea huma affettwati minn piżijiet bla bżonn u sproporzjonati spiss imposti fuq ċittadini u intrapriżi kummerċjali minn regoli ta' l-UE,

G.

billi tnaqqis ta' 25 % fil-piż amministrattiv bla bżonn jista' jikkostitwixxi stimolu sinifikanti ta' tkabbir għall-GDP Ewropew u b'hekk kontribuzzjoni prezzjuża għall-kisba ta' l-objettivi ta' Liżbona,

H.

billi piżijiet amministrattivi bla bżonn li jirriżultaw mil-leġiżlazzjoni Ewropea jdgħajfu l-effettività u lkredibilità tal-leġiżlazzjoni Ewropea,

I.

billi l-leġiżlazzjoni Ewropea għandha tagħmilha eħfef għaċ-ċittadini u l-intrapriżi sabiex jibbenefikaw kemm jista' jkun mis-suq intern u m'għandhiex ittaqqalhom bi spejjeż ogħla li jistgħu jiġu evitati,

J.

billi l-arranġament aktar sempliċi (streamlining) ta' l-acquis communautaire permezz ta' simplifikazzjoni u t-tnaqqis ta' piżijiet amministrattivi bla bżonn m'għandux isir għad-dannu taċ-ċertezza legali u l-ħarsien li tipprovdi l-leġiżlazzjoni Ewropea,

1.

Jaqbel li l-ambjent regolatorju li fih jopera l-kummerċ huwa fattur determinanti tal-kompetittività tagħhom, tat-tkabbir sostenibbli u tar-rendiment ta' impjieg tagħhom, u li l-assigurazzjoni li l-ambjent regolatorju eżistenti u futur ikun trasparenti, ċar, effettiv u ġeneralment ta' kwalità għolja għandu jkun objettiv importanti għall-politika ta' l-UE;

2.

Jikkunsidra li kwalità ħażina ta' regolamentazzjoni fl-Istati Membri u f'livell Komunitarju ddgħajjef listat tad-dritt u tbiegħed liċ-ċittadini mill-istituzzjonijiet tagħhom;

3.

Jappoġġja bis-sħiħ l-isforzi tal-Kummissjoni sabiex tippromwovi t-tisħiħ ġenerali ta' l-effettività u linfurzar tal-liġi Komunitarja permezz ta' kwalunkwe inizjattiva relevanti;

4.

Jilqa' b'sodisfazzjon is-suċċess tal-web portal“Your Voice in Europe” u jistieden lill-Kummissjoni sabiex tiżviluppa aktar metodi ta' konsultazzjoni ma' partijiet interessati fl-aspetti kollha tal-proposta leġiżlattiva, inkluża l-evalwazzjoni ta' l-impatt, qabel ma' tniedi proposta leġiżlattiva;

5.

Jisħaq dwar l-importanza ta' evalwazzjoni ta' l-impatt xierqa u indipendenti, ibbażata fuq konsultazzjoni wiesgħa tal-partijiet interessati, u jistieden lill-Kummissjoni sabiex tipprovdi numru suffiċjenti ta' xenarji u possibilitajiet ta' politika (inklużi possibilitijiet ta' “ebda azzjoni” kif meħtieġ) bħala bażi għal soluzzjonijiet li jkunu effettivi meta kkunsidrati l-ispejjeż, sostenibbli u soċjalment aċċettabbli;

6.

Jilqa' b'sodisfazzjoni l-impenn tal-Kummissjoni sabiex issaħħaħ it-trasparenza u r-responsabilità firrigward tal-gruppi esperti tagħha, kif ukoll sabiex toħloq inventarju ta' każijiet eżistenti ta' awtoregolamentazzjoni u regolamentazzjoni konġunta ta' l-UE;

7.

Jenfasizza l-importanza li l-istituzzjonijiet tal-Komunità u l-Istati Membri, permezz ta' awtoritajiet reġjonali u lokali kif ukoll fil-livell ministerjali ċentrali, jimmoniterjaw b'mod permanenti l-applikazzjoni talprinċipji tas-sussidjarjetà u l-proporzjonalità;

8.

Jilqa' b'sodisfazzjon il-programm ta' azzjoni tal-Kummissjoni sabiex jitkejlu l-ispejjeż ammnistrattivi għall-impriżi fl-Ewropa u sabiex jitnaqqsu l-piżijiet amministrattivi bla bżonn b'25 % sa l-2012;

9.

Jinnota li l-istrateġija għal tnaqqis ta' 25 % tirreferi għal piżijiet ammnistrattivi bla bżonn għall-impriżi u ma tistax, għalhekk, titqabbel ma' deregolamentazzjoni, u lanqas twassal għal bidla fl-objettivi ta' politika u fil-livell ta' ambizzjoni li jkun fiha l-leġiżlazzjoni tal-Komunità; jistieden lill-Kummissjoni sabiex tiżgura li ttnaqqis ta' piżijiet żejda ta' amministrazzjoni li jinħolqu minħabba regolamenti m'għandux isir għad-dannu ta' l-objettivi oriġinali tar-regolamenti kkonċernati;

10.

Jappoġġja l-konklużjoni li dan irid ikun objettiv konġunt li jista' jinkiseb biss fuq il-bażi ta' tfittxija komuni mill-Istati Membri u mill-istituzzjonijiet Ewropej;

11.

Jenfasizza partikolarment li strateġija effettiva għat-tnaqqis ta' piżijiet amministrattivi Ewropej bla bżonn għandha tiġi implimentata kemm mill-Kummissjoni, fir-rigward ta' piżijiet amministrattivi bla bżonn li jinħolqu minħabba regolamenti u direttivi Ewropej, u kif ukoll mill-Istati Membri, fir-rigward ta' l-istess piżijiet li jirriżultaw minn leġiżlazzjoni nazzjonali; jistieden lill-Kummissjoni sabiex tieħu t-tmexxija f'idejha u biex ma tagħmilx l-azzjonijiet tagħha biex jitnaqqas il-piż amministrattiv bla bżonn fil-livell ta' l- UE dipendenti fuq l-azzjonijiet li jieħdu l-Istati Membri fil-livell nazzjonali sabiex inaqqsu tali piżijiet bla bżonn li jirriżultaw minn leġiżlazzjoni nazzjonali;

12.

Jilqa' b'sodisfazzjon l-identifikazzjoni min-naħa tal-Kummissjoni ta' 13-il qasam ta' prijorità fejn lispejjeż amministrattivi għandhom jitkejlu u fejn piżijiet amministrattivi bla bżonn għandhom jitnaqqsu bħala approċċ prammatiku u effettiv iżda jistieden lill-Kummissjoni sabiex, fit-tul, tkejjel ukoll l-ispejjeżamministrattivi u tnaqqas il-piżijiet amministrattivi bla bżonn lilhinn minn dawn l-oqsma ta' prijorità; iqis li dan jista' jsir, inter alia, waqt l-evalwazzjoni prevista fir-regolamenti Ewropej relevanti;

13.

Huwa mħasseb ħafna mill-fatt li l-Komunikazzjoni tal-Kummissjoni (COM(2007)0023) (fl-Anness I) qed tipproponi li jiġi limitat l-iskop tal-programm ta' azzjoni għal obbligi ta' negozji; madankollu jikkunsidra li l-istrateġija għall-iżvilupp u għall-impjieg tirrikjedi li l-programm ta' azzjoni jkopri l-piżijiet amministrattivi kollha;

14.

Jenfasizza l-importanza li jiġu involuti l-partijiet interessati fl-identifikazzjoni ta' proposti leġiżlattivi li jikkawżaw piżijiet amministrattivi bla bżonn u li jiġu definiti miżuri li jnaqqsu piżijiet amministrattivi bla bżonn bħal dawn; jistieden lill-Kummissjoni sabiex tistabilixxi djalogu fi ħdan kull Direttorat-Ġenerali malpartijiet interessati Ewropej, kemm fir-rigward tat-13-il qasam prijoritarju u kif ukoll għall-identifikazzjoni ta' oqsma ġodda ta' politika;

15.

Jisħaq li t-tnaqqis ta' 25 % fil-piżijiet amministrattivi bla bżonn għandha realistikament tirrifletti ttnaqqis attwali fil-piżijiet; għalhekk, jenfasizza, l-importanza ta' kejl b'linja bażi inizzjali (initial baseline measurement) u tad-definizzjoni ta' tnaqqis fil-mira ta' 25 % bħala mira netta, sabiex jitqiesu l-piżijiet amministrattivi addizzjonali bla bżonn li jirriżultaw minn regolamenti Ewropej ġodda fl-aħħar evalwazzjoni, fl- 2012, sabiex jiġi stabbilit jekk il-piżijiet amministrattivi bla bżonn fl-Unjoni Ewropea tnaqqsux bil-kwart.

16.

Jappoġġja l-proposta tal-Kummissjoni biex tintroduċi limiti għar-rekwiżiti ta' informazzjoni kollha, u fejn possibbli jiġu limitati għall-SMEs;

17.

Jenfasizza li kull Direttorat Ġenerali fil-Kummissjoni għandu jiġi involut fit-tnaqqis ta' piżijiet amministrativi bla bżonn; jisħaq li kull Direttorat Ġenerali għandu jsir konxju mill-piżijiet amministrattivi bla bżonn permezz ta' kejl b'linja bażi inizzjali u li għandha tiġi ffissata mira ta' tnaqqis fuq il-bażi ta' dan ilkejl b'linja bażi għal kull Direttorat Ġenerali;

18.

Jistieden lill-Kummissjoni sabiex tippubblika kull sena l-miżuri adottati u l-miżuri mfassla sabiex jitnaqqsu l-piżijiet amministrattivi bla bżonn fl-Unjoni Ewropea, iż-żieda fil-piżijiet amministrattivi fl-Unjoni Ewropea li jirriżultaw minn regolamenti ġodda u l-kontribuzzjoni netta maħsuba għal dawn il-miżuri, espressi bħala persentaġġ, tal-kisba tat-tnaqqis immirat ta' 25 % sa l-2012;

19.

Jilqa' b'sodisfazzjoni l-intenzjoni tal-Kummissjoni, li wara t-tlestija ta' l-evalwazzjoni ta' piżijiet amministrattivi bla bżonn fl-2008, tikkontribwixxi b'mod sinifikanti għat-tnaqqis ta' tali piżijiet fiż-żmien qarib permezz ta' l-hekk imsejħa “azzjonijiet mgħaġġla” għall-aktar piżijiet amministrattivi bla bżonn ovvji; jistieden lill-Kummissjoni sabiex tidentifika, fuq il-bażi ta' l-esperjenza ta' l-Istati Membri li diġà wettqu kejl fuq linja bażi, aktar oqsma li fihom jista' jinkiseb tnaqqis sempliċi ta' piżijiet amministrattivi bla bżonn u sabiex tipproponi mira għat-tnaqqis;

20.

Jappoġġja l-isforzi tal-Kummissjoni sabiex telenka l-piżijiet amministrattivi bla bżonn li joħorġu minn leġiżlazzjoni Ewropea ġdida permezz ta' l-integrazzjoni tal-Metodu ta' l-Ispiża Standard (SCM) fil-proċedura ta' evalwazzjoni ta' l-impatt; iqis essenzjali li l-partijiet interessati jgħinu sabiex tinġabar l-informazzjoni meħtieġa għall-użu ta' l-SCM; jenfasizza li l-kwalità ta' l-evalwazzjoni ta' l-impatt għandha tiġi kkontrollata mill-Bord għall-Evalwazzjoni ta' l-Impatt (IAB) permezz ta' opinjonijiet aċċessibbli pubblikament;

21.

Jenfasizza li l-Parlament m'għandu jqis ebda proposta leġiżlattiva min-naħa tal-Kummissjoni li ma jkollhiex magħha evalwazzjoni ta' l-impatt analizzat indipendentement, li jinkludi valutazzjoni ta' l-eżistenza ta' kwalunkwe piż amministrattiv bla bżonn permezz ta' l-SCM;

22.

Huwa tal-fehma li l-valur addizzjonali tal-proċeduri ta' l-evalwazzjoni ta' l-impatt ta' l-IAB għandhom jiġu valutati qabel it-tmiem ta' l-2008; jitlob lill-Kummissjoni li għal dan il-għan, toħloq indikaturi sabiex tkompli tibni fuq l-esperjenzi ta' organizzazzjonijiet internazzjonali u ta' l-Istati Membri;

23.

Jipproponi li l-approprjazzjonijiet li riċentament ingħataw fil-Baġit ta' l-UE għal proġett pilota li jimminimizza l-piżijiet amministrattivi jintużaw sabiex jitwaqqaf penil ta' esperti sabiex jimmoniterja l-kwalità ta' opinjonijiet mogħtija mill-IAB permezz ta' kontrolli għall-għarrieda (spot checks), partikolarment firrigward ta' l-elenkar ta' piżijiet amministrattivi bla bżonn, sabiex jissorvelja l-implimentazzjoni tal-programm ta' azzjoni Ewropew għat-tnaqqis ta' piżijiet amministrattivi;

24.

Jisħaq dwar l-importanza ta' distinzjoni ċara bejn il-każijiet ta' IOs li ma jkunux għadhom fl-użu u li huma superfluwi jew wisq preskrittivi u każijiet fejn, għal raġunijiet relatati mal-ħarsien tas-saħħa pubblika, is-saħħa, is-sikurezza, il-kwalità tax-xogħol u d-drittijiet tal-ħaddiema, l-ambjent jew l-interessi finanzjarji tal-Komunità, l-obbligu li tingħata l-informazzjoni jibqa' meħtieġ;

25.

Jinnota l-bżonn li l-Kunsill u l-Parlament jadottaw proposti simplifikati aktar malajr u għalhekk, jenfasizza l-konklużjoni ta' Ftehima Interistituzzjonali dwar Tħejjija aħjar ta' Liġijiet tas-16 ta' Diċembru 2003 (10) sabiex il-metodi ta' ħidma tal-Kunsill u tal-Parlament jinbidlu, pereżempju permezz tal-ħolqien ta' strutturi ad-hoc li xogħolhom ikun speċifikament li jissimplifikaw il-leġiżlazzjoni;

26.

Jipproponi li, b'mod parallel mal-pjan ta' azzjoni għat-tnaqqis ta' piżijiet amministrattivi bla bżonn, il-Kummissjoni twettaq studju sabiex:

27.

Iħeġġeġ lill-Kummissjoni u lill-Istati Membri biex jikkunsidraw każijiet fejn sorsi differenti jkunu ta' spiss mitluba li jipprovdu l-istess informazzjoni, u sabiex tispiċċa d-duplikazzjoni ta' l-informazzjoni;

28.

Jitlob lill-Istati Membri biex jestendu l-isforzi tagħhom biex inaqqsu l-piż li jirriżulta purament minn leġiżlazzjoni nazzjonali;

29.

Jitlob ukoll lill-Istati Membri biex jibdlu l-produzzjoni ta' informazzjoni stampata ma' informazzjoni prodotta b'mod elettroniku u fuq l-internet, permezz ta' portali ta' l-Internet intelliġenti fejn ikun possibbli;

30.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti ta' l-Istati Membri.

—

wara li kkunsidra l-ftehima interistituzzjonali “Regolamentazzjoni Aħjar”, iffirmata fis-16 ta' Diċembru 2003 (1),

—

wara li kkunsidra r-riżoluzzjoni tas-26 ta' Ottubru 2000 dwar ir-rapporti tal-Kummissjoni lill-Kunsill Ewropew bit-titolu: “Regolamentazzjoni Aħjar 1998: responsabbilità komuni” u “Regolamentazzjoni Aħjar 1999” (2),

—

wara li kkunsidra r-riżoluzzjoni tiegħu tad-29 ta' Novembru 2001 dwar il-’White Paper’ tal-Kummissjoni “Il-Governanza Ewropea” (3),

—

wara li kkunsidra r-riżoluzzjoni tiegħu tat-8 ta' April 2003 dwar ir-rapporti tal-Kummissjoni lill-Kunsill Ewropew “Regolamentazzjoni Aħjar 2000” u “Regolamentazzjoni Aħjar 2001” (4),

—

wara li kkunsidra r-riżoluzzjoni tiegħu tas-26 ta' Frar 2004 dwar ir-rapport tal-Kummissjoni “Leġiżlar aħjar 2002” (5),

—

wara li kkunsidra r-riżoluzzjoni tiegħu tad-9 ta' Marzu 2004 dwar il-komunikazzjonijiet tal-Kummissjoni dwar is-simplifikazzjoni u t-titjib tar-regolamentazzjoni Komunitarja (6),

—

wara li kkunsidra r-riżoluzzjoni tiegħu ta' l-20 ta' April 2004 dwar l-evalwazzjoni ta' l-impatt tal-leġiżlazzjoni Komunitarja u tal-proċedura ta' konsultazzjoni (7),

—

wara li kkusndira r-riżoluzzjoni tiegħu tas-16 ta' Mejju 2006 dwar strateġija għas-simplifikazzjoni ta' lambjent regolatorju (8),

—

wara li kkunsidra r-riżoluzzjoni tiegħu tas-16 ta' Mejju 2006 dwar “Regolamentazzjoni Aħjar 2004” — l-applikazzjoni tal-prinċipju tas-sussidjarjetà (it-tnax-ir rapport annwali) (9),

—

wara li kkunsidra r-riżoluzzjoni tiegħu tas-16 ta' Mejju 2006 dwar ir-riżultat ta' l-iscreening tal-proposti leġiżlattivi pendenti quddiem il-leġiżlatur (10),

—

wara li kkunsidra d-dokument ta' ħidma tal-Kummissjoni ta' l-14 ta' Novembru 2006 intitolat: “Lewwel rapport dwar l-istat ta' avvanz ta' l-istrateġija għas-simplifikazzjoni ta' l-ambjent regolatorju” (COM(2006)0690),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0271/2007),

A.

billi l-Kummissjoni, il-Kunsill u l-Parlament Ewropew għamlu sforzi kontinwi biex tiġi implimentata, definita u mtejba l-applikazzjoni ta' l-istrumenti ta' simplifikazzjoni leġiżlattiva,

B.

billi s-simplifikazzjoni ta' l-ambjent leġiżlattiv sabiex ikun hemm garanzija tal-kjarezza, ta' l-effikaċja u tal-kwalità tal-leġiżlazzjoni hija kondizzjoni essenzjali fid-dawl tal-kisba ta' l-objettiv ta' “regolamentazzjoni aħjar”, li jikkostitwixxi azzjoni prijoritarja ta' l-Unjoni Ewropea maħsuba biex tassigura livellim għolja ta' tkabbir u impjiegi,

C.

billi wieħed mir-riżultati prinċipali tas-simplifikazzjoni jippreżenta ruħu bħala estensjoni progressiva fissetturi kollha li fihom l-Unjoni Ewropea tintervjeni b'atti leġiżlattivi,

D.

billi jinnota l-obbligi u l-objettivi stipulati fil-Ftehima Interistituzzjonali “Regolamentazzjoni Aħjar”, speċjalment dawk relatati mas-simplifikazzjoni u mat-tnaqqis tal-volum tal-leġiżlazzjoni Komunitarja, kif ukoll ma' l-impatt tagħha fl-Istati Membri,

E.

billi d-dokument ta' ħidma tal-Kummissjoni msemmi aktar 'il fuq jagħti segwitu u implimentazzjoni talkomunikazzjoni tal-Kummissjoni, tal-25 ta' Ottubru 2005, bit-titolu: “Implimentazzjoni tal-programm komunitarju ta' Lisbona: Strateġija għas-simplifikazzjoni ta' l-ambjent regolatorju” (COM(2005)0535),

F.

billi d-dokument ta' ħidma msemmi aktar 'l fuq fih programm ġdid immodulat ta' simplifikazzjoni għall-perjodu 2006-2009 li fih se jitħabbru miżuri ta' simplifikazzjoni tal-forma, ippro unċjati f'43 tifsil mill-ġdid, 12-il kodifikazzjoni u 8 abrogazzjonijiet, kif ukoll 46 miżuri oħra ta' simplifikazzjoni tas-sustanza, ġenerikament definiti bħala każijiet ta' “reviżjoni”,

G.

billi fil-miżuri ta' simplifikazzjoni preċedenti għandhom jiżdiedu madwar 500 inizjattiva leġiżlattiva ġdida (fosthom madwar 200 għas-sena 2007 biss) fi programm distint u mmodulat iddedikat speċifikament għall-kodifikazzjoni,

H.

billi l-Kummissjoni tippreċiża li l-programm ta' kodifikazzjoni jibqa' wieħed indikattiv, minħabba li jiddependi fuq id-disponibbilità fil-lingwi kollha ta' l-atti għall-kodifikazzjoni, u li, il-kodifikazzjoni għandha tkun proposta meta jiġu previsti modifiki ġodda ta' l-atti, bil-konsegwenza li, għall-Kummissjoni, l-ordni ta' preżentazzjoni tal-kodifikazzjonijiet indikati fil-programm immodulat jista' jinbidel fiddawl ta' dawn iż-żewġ fatturi,

I.

billi fid-dokument ta' ħidma msemmi aktar 'il fuq, il-Kummissjoni tipproponi li ssaħħaħ il-prassi li tiddaħħal sintesi tal-bidu fil-proposti li tifformula bil-għan li jkunu spjegati aħjar l-objettivi ta' simplifikazzjoni li qed ikunu segwiti,

J.

billi l-fatturi ta' suċċess ta' l-inizjattivi ta' simplifikazzjoni huma rrappreżentati minn pjattaforma solida u metodoloġika, imtejba mill-konsultazzjoni mal-partijiet interessati kollha u ta' l-iżvilupp ta' l-analiżi settorjali, mill-koperazzjoni mill-qrib bejn il-Kummissjoni, il-Parlament u l-Kunsill, kif ukoll minn rikors aktar estiż għall-awtoregolamentazzjoni u għall-koregolamentazzjoni,

K.

billi s-simplifikazzjoni promossa fuq il-livell Ewropew għandha tkun akkumpanjata minn simplifikazzjoni xierqa fuq il-livell nazzjonali li tiggarantixxi li l-vantaġġi tas-simplifikazzjoni komunitarja ma jkunux kompromessi minn liġijiet nazzjonali jew ostakli ta' natura teknika,

1.

Iħeġġeġ lill-Kummissjoni sabiex tagħti aktar importanza lit-twettiq, l-applikazzjoni u l-evalwazzjoni talleġiżlazzjoni Komunitarja, bħala parti essenzjali tal-proċess lejn regolamentazzjoni aħjar;

2.

Jinnota b'sodisfazzjoni li, għall-ewwel darba, l-inizjattivi ta' simplifikazzjoni ġew imdaħħla fil-programm leġiżlattiv u ta' ħidma tal-Kummissjoni għas-sena 2007 bi prova tal-prijorità politika li tingħata lillistrateġija ta' simplifikazzjoni;

3.

Jistieden lill-Kumissjoni sabiex iddaħħal minn issa 'l quddiem u b'mod sistematiku l-inizjattivi ita' simplifikazzjoni f'parti apposta tal-programm leġiżlattiv u ta' ħidma; tindika wkoll fl-istess qasam, liema hi l-prijorità li biħsiebha tagħti lill-inizjattivi individwali ta' simplifikazzjoni u, għal dan l-iskop, tippreċiża minnissa, fl-istrateġija annwali, il-proposti ta' simplifikazzjoni fil-bidu tal-proċess annwali ta' programmazzjoni leġiżlattiva; tevita l-proliferazzjoni ta' dokumenti li fihom listi ta' inizjattivi ta' simplifikazzjoni, b'tali mod li jkollha punt ta' referenza mill-aktar preċiż u possibbli.

4.

Jissuġġerixxi li, eżatt kif kien sar fi tmiem il-kodifikazzjoni ta' l-acquis komunitarju (11), il-Parlament, il-Kummissjoni u l-Kunsill għandhom jilħqu ftehima interistituzzjonali dwar mod ta' ħidma aċċelerat bil-għan li jkunu simplifikati l-miżuri kollha;

5.

Jilqa' b'sodisfazzjon l-isforzi tal-Kummissjoni mmirati sabiex jintensifikaw l-attività tal-kodifikazzjoni ta' l-acquis Komunitarju bħala forma ewlenija u bażika ta' simplifikazzjoni fil-kuntest leġiżlattiv;

6.

Jistieden lill-Kummissjoni sabiex tiffaċċja mill-aktar fis possibbli id-diffikultajiet marbuta mat-traduzzjoni u sabiex tevita li l-preżentazzjoni ta' proposti leġiżlattivi ġodda jkollhom impatt negattiv fuq l-inizjattivi ta' kodifikazzjoni, b'dannu tal-proċess sħiħ ta' simplifikazzjoni; jinsisti sabiex il-Kummissjoni tkun koerenti magħha nnifisha u għaldaqstant tastjeni milli tindika, fil-programm leġiżlattiv u ta' ħidma, proġetti ta' kodifikazzjoni ta' l-istess suġġetti li fihom għandha l-intenzjoni li tressaq proposti leġiżlattivi ta' mertu,

7.

Jipproponi lill-Kummissjoni li tadotta definittivament it-tfassil mill-ġdid bħala teknika leġiżlattiva ordinarja bil-għan li tippermetti li għal kull inizjattiva jkun disponibbli t-test kollu anki fil-preżenza ta' modifiki ta' punti, b'indikazzjoni ċara tal-partijiet il-ġodda u ta' dawk li baqgħu bla tibdil, b'hekk il-qari jkun aktar possibbli u jkun hemm trasparenza akbar fil-leġiżlazzjoni komunitarja;

8.

Jistieden lill-Kummissjoni sabiex iżżomm f'moħħha li, fil-każijiet fejn it-tfassil mill-ġdid ma jkunx possibbli, il-kodifikazzjoni ta' l-ambitu leġiżlattiv interessat għandu jistabbilixxi t-teknika leġiżlattiva ordinarja fi żmien sitt xhur; iqis li, b'konformità mal-Ftehima interistituzzjonali msemmija aktar 'l fuq, jistgħu jinħolqu strutturi speċjali ad hoc, flimkien mal-Kunsill u mal-Kummissjoni, b'involviment xieraq tal-partijiet interessati, propju bil-għan li tiġi promossa s-simplifikazzjoni;

9.

Ifaħħar l-impenn magħmul mill-Kummissjoni sabiex telabora bażijiet metoloġiċi solidi għall-ħidma ta' simplifikazzjoni; għal dan il-għan, jistieden lill-Kummissjoni sabiex tinsisti fuq il-konsultazzjoni mal-partijiet interessati, eżempju billi testendi f'setturi oħra, l-inizjattivi diġà mħabbra f'Ottubru 2005 fil-qasam tal-biedja u s-sajd u ssaħħaħ il-miżuri li għandha l-ħsieb li tadotta f'tali kuntest fil-qasam tal-liġi dwar il-kumpaniji u tad-drittijiet ta' l-awtur; iħeġġeġ lill-Kummissjoni sabiex ittejjeb l-analiżi settorjali u l-kejl tal-piżijiet amministrattivi maħluqa mill-leġiżlazzjoni Komunitarja fis-seħħ;

10.

Jenfasizza l-importanza fundamentali tal-koperazzjoni bejn l-istituzzjonijiet komunitarji bħala kundizzjoni indispensabbli għas-suċċess ta' kull strateġija ta' simplifikazzjoni; xhud ta' tali huwa s-sinjal qawwi ta' volontà tajba mogħti mill-Parlament Ewropew permezz tal-modifiki tar-regolament tiegħu mmirati, rispettivament, lejn l-aġevolazzjoni tal-proċedura ta' adozzjoni tal-kodifikazzjoni u sabiex jintroduċu proċedura leġiżlattiva ad hoc għat-tfassil mill-ġdid;

11.

Itenni li l-istrumenti leġiżlattivi tradizzjonali għandhom ikomplu jiġu wżati b'mod normali sabiex jintlaħqu l-objettivi stipulati fit-Trattat; iqis li l-koregolamentazzjoni u l-awtoregolamentazzjoni jistgħu jintegraw jew jibdlu l-miżuri leġiżlattivi b'mod komdu, fil-każ li tali metodi joffru titjib ekwivalenti jew superjuri għal dak li l-leġiżlazzjoni tista' tippermetti li jkun realizzat; jenfasizza li kwalunkwe użu tal-modalitajiet ta' aġġustament alternattivi għandha ssir b'konformità mal-Ftehima Interistituzzjonali “Regolamentazzjoni Aħjar”; ifakkar li l-Kummissjoni għandha l-obbligu li tiddefinixxi l-kundizzjonijiet u l-limiti li l-partijiet għandhom josservaw fl-eżerċitar ta' prattiki ta' dan it-tip, u li, f'kull każ, jista' jsir użu minn dawn ta' laħħar taħt il-kontroll tal-Kummissjoni, u dan bla ħsara għad-dritt tal-Parlament li jopponi ruħu għall-użu tagħhom;

12.

Jistieden lill-Kummissjoni sabiex timpenja ruħha b'kull mod sabiex il-proċess ta' simplifikazzjoni, u b'mod ġenerali t-titjib tal-kwalità tar-regolamentazzjoni, promoss fuq il-livell Ewropew ma jkunx kompromess fuq il-livell nazzjonali minn liġijiet interni jew minn ostakli ta' natura teknika; jistieden lill-Kummissjoni sabiex torjenta u tikkontrolla tali proċess anki fuq il-livell nazzjonali, eżempju billi taħdem bħala ċentru ta' ġbir u tixrid mill-ġdid ta' l-aħjar prassi żviluppati fl-Unjoni Ewropea u fl-Isati Membri, anki fuq parir talpartijiet interessati;

13.

Jenfasizza li evalwazzjonijiet ta' impatt magħmula b'mod regolari u komplut għandhom rwol fundamentali fil-proċess ta' simplifikazzjoni u li l-Kunsill u l-Parlament, meta jsiru emendi għal proposta matul ilproċess leġiżlattiv;

14.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni, kif ukoll lill-Gvernijiet u lill-Parlamenti ta' l-Istati Membri.

—

wara li kkunsidra t-Trattat KE, u b'mod partikulari l-Artikoli 211, 230 u 249 tiegħu,

—

wara li kkunsidra Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjonijiet tal-Kumitat għall-Affarijiet Kostituzzjonali, tal-Kumitat għas-Suq Intern u l-Ħarsien tal-Konsumatur u tal-Kumitat għall-Kultura u l-Edukazzjoni (A6-0259/2007),

A.

billi l-idea ta' soft law, ibbażata fuq prattika komuni, hija ambigwa u distruttiva, u m'għandha tintuża fl-ebda dokument ta' l-istituzzjonijiet tal-Komunità,

B.

billi d-distinzjoni bejn dura lex/mollis lex m'għandiex tigi aċċettata jew rikonoxxuta, minħabba li hija kunċettwalment anormali,

C.

billi l-hekk imsejħa strumenti ta' soft law bħal rakkomandazzjonijiet, Green u White Papers jew konklużjonijiet tal-Kunsill ma għandhom l-ebda valur legali jew saħħa li torbot,

D.

billi “soft law” ma tipprovdix protezzjoni ġudizzjarja sħiħa,

E.

billi użu estensiv ta' strumenti ta' “soft law” għandu jfisser bidla mill-mudell uniku tal-Kommunità għal dak ta' organizzazzjoni internazzjonali tradizzjonali,

F.

billi bħalissa hemm tilwima dwar kif ti sta' tiżdied l-effiċjenza tal-funzjoni regolatorja ta' l-Unjoni Ewropea fir-rigward ta' kemm “soft law” kif ukoll ta' “hard law”,

G.

billi f'Van Gend en Loos il-Qorti tal-Ġustizzja tal-Komunitajiet Ewropej stabbiliet li t-Trattat "huwa aktar minn ftehima li sempliċiment toħloq obbligi lejn xulxin bejn l-Istati Kontraenti. ... [I]l-Komunità tikkostitwixxi ordni legali ġdida fil-liġi internazzjonali li għall-benefiċċju tagħha l-Istati llimitaw iljeddijiet tas-sovranità tagħhom, għalkemm f'oqsma limitati, u li s-suġġetti tiegħu jinkludu mhux biss lill-Istati Membri imma wkoll liċ-ċittadini tagħhom. ..., Il-Liġi tal-Komunità għaldaqstant mhux biss timponi obbligi fuq l-individwi imma hija intenzjonata wkoll biex tagħtihom jeddijiet li jsiru parti mill-wirt legali tagħhom. Dawn il-jeddijiet jitfaċċaw mhux biss fejn huma mogħtija b'mod espress mit-Trattat, imma wkoll minħabba l-obbligi li t-Trattat jimponi b'mod ċar u definit fuq l-individwi kif ukoll fuq l-Istati Membri u fuq l-istituzzjonijiet tal-Komunità (1);

H.

billi, minħabba f'hekk, il-liġi tal-Komunità tista' tintagħraf mil-liġi pubblika internazzjonali minħabba l-fatt li torbot, mhux biss lill-Istati imma wkoll lill-individwi, li minnha jiksbu jeddijiet li jistgħu jkunu infurzati legalment, u tinvolvi sett ta' istituzzjonijiet, inkluż il-Parlament Ewropew, li huwa elett direttament miċ-ċittadini ta' l-Unjoni; billi, barra minn hekk, l-ordni legali Ewropew huwa msejjes fuq iddemokrazija u l-istat tad-dritt, kif juri b'mod ċar l-Artikolu 6 u il-preambolu tat-Trattat ta' l-UE;

I.

billi dan ifisser li l-istituzzjonijiet ta' l-UE jistgħu jaġixxu biss skond il-prinċipju tal-legalità, jiġifieri, fejn il-bażi legali tagħti l-kompetenza u fil-limiti tal-poteri tagħhom, u billi hemm Qorti Ewropea biex tassigura li jagħmlu hekk,

J.

billi, fejn il-Komunità għandha kompetenza leġiżlattiva, il-mod xieraq li bih għandha taġixxi huwa ladozzjoni ta' leġiżlazzjoni ta' l-isituzzjonijiet demokratiċi ta' l-Unjoni, il-Parlament u l-Kunsill, sakemm din tibqa tidher meħtieġa filwaqt li jitqiesu kif jistħoq il-prinċipji ta' sussidjarjetà u ta' proporzjonalità; billi huwa biss permezz ta' l-adozzjoni ta' leġiżlazzjoni permezz tal-proċeduri istituzzjonali stipulati fit-Trattat li ċ-ċertezza legali, l-istat tad-dritt, il-kontroll ġudizzjarju u l-infurzar jistgħu jiġu żgurati, u billi dan jinvolvi wkoll rispett għall-bilanċ istituzzjonali mħaddan fit-Trattat u jippermetti t-trasparenza fit-teħid tad-deċiżjonijiet,

K.

billi, ġeneralment, fejn il-Komunità għandha kompetenza leġiżlattiva, dan jipprekludi l-użu ta' “soft law” jew tar-“Regoli ta' mġiba li huma stipulati fi strumenti li ma ngħatawx saħħa legali li torbot, iżda madankollu jista' jkollhom ċerti effetti legali indiretti, u li għandhom l-għan li jipproduċu effetti prattiċi u jistgħu jagħmlu dan” (2), li storikament ġew użati biex itaffu n-nuqqas ta' kapaċità formali ta' leġizlar u/jew mezzi ta' infurzar u għalhekk huma tipiċi tal-liġi internazzjonali pubblika,

L.

billi, fejn it-Trattat jipprovdi għalihom b'mod ċar, l-istrumenti ta' soft law huma leġittimi, sakemm ma jintużawx bħala sostitut għal leġiżlazzjoni fejn il-Komunità għandha poter leġiżlattiv, u fejn ir-regolamentazzjoni fuq il-livell tal-Komunità għadha tidher neċessarja filwaqt li jitqisu kif jistħoq il-prinċipji ta' sussidjarjetà u ta' proporzjonalità, peress li dan ikun qed jikkostitwixxi ukoll ksur tal-prinċipju talpoteri speċifiċi konferiti, u billi dan japplika a fortiori għal komunikazzjonijiet tal-Kummissjoni li jwasslu għal interpretazzjoni tal-leġiżlazzjoni Komunitarja; billi, strumenti preparatorji, bħal Green u White Papers, ukoll jikkostitwixxu użu leġittimu ta' soft law, flimkien ma' avviżi u linji gwida ppubblikati mill-Kummissjoni bl-għan li jispjegaw kif tapplika l-kompetizzjoni u l-politika ta' l-għajnuna ta' l-Istat,

M.

billi strumenti bħal dawn, li jistgħu jintużaw bħala għodda li jinterpretaw jew preparatorji għal atti leġiżlattivi li jorbtu, m'għandhomx jiġu trattati bħala leġiżlazzjoni jew jingħataw kwalunkwe effettività ta' ffissar ta' normi,

N.

billi sitwazzjoni bħal din iġġib magħha konfużjoni u nuqqas ta' sigurtà f'qasam fejn iċ-ċarezza u ċċertezza legali għandhom jirbħu, fl-interess ta' l-Istati Membri u taċ-ċittadini ,

O.

billi, filwaqt li jirrispetta d-dritt għall-inizzjattiva tal-Kummissjoni, il-Parlament isostni wkoll d-dritt tiegħu stess li jistieden lill-Kummissjoni tagħmel proposta leġiżlattiva (Artikolu 192 tat-Trattat KE),

P.

billi metodu miftuħ ta' koordinazzjoni ji sta' jkun ta' servizz fil-promozzjoni tal-kisba tas-suq intern iżda huwa ta' dispjaċir illi l-involviment tal-Parlament u tal-Qorti tal-Ġustizzja f'dan ir-rigward huwa dgħajjef ħafna; billi, minħabba dan in-nuqqas demokratiku fl-hekk imsejjah metodu miftuħ ta' koordinazzjoni, dan m'għandux ikun użat ħażin biex jissostitwixxi n-nuqqas ta' kompetenza leġiżlattiva tal-Komunità u b'dan il-mod biex jimponi de facto fuq l-Istati Membri l-obbligi li jkollhom l-istess effett tal-leġiżlazzjoni iżda jitqajmu barra mill-proċeduri leġiżlattivi stipulati fit-Trattat,

Q.

billi, l-Artikolu 211 tat-Trattat KE jipprovdi li “[b]iex jiġu żgurati l-funzjonament u l-iżvilupp xieraq tas-suq komuni, il-Kummissjoni għandha tifformula rakkomandazzjonijiet... fuq kwistjonijiet indirizzati f' dan it-Trattat jekk dan jipprovdi b'mod espliċitu jew jekk il-Kummissjoni tqis neċessarju”, iżda, skond l-Artikolu 249, il-ħames paragrafu, ir-rakkomandazzjonijiet m'għandhomx saħħa li torbot u, skond il-Qorti, dawn huma “miżuri li, anke fir-rigward tal-persuni li għalihom huma indirizzati, mhumiex intiżi li jipproduċu effetti ta' rabta” (3) u ma joħolqux drittijiet fuqhiex l-individwi jistgħu jafdaw fihom quddiem qorti nazzjonali (4), u billi l-Artikolu 230 tat-Trattat KE jipprekludi l-annullament tarrakkomandazzjonijiet, peress li dawn ma jorbtux;

R.

billi, minkejja kollox, il-Qorti sostniet li atti bħal dawn “ma jistgħux... jitqiesu bla effett legali. Il-Qrati nazzjonali huma marbuta li jikkunsidraw ir-rakkomandazzjonijiet sabiex jiddeċiedu fuq tilwim imressqa lilhom, b'mod partikolari fejn dawn jitfgħu dawl fuq l-interpretazzjoni ta' miżuri nazzjonali adottati sabiex jimplimentawhom jew fejn huma mfassla biex jissupplimentaw dispożizzjonijiet tal-Komunità li jorbtu” (5);

S.

billi hu possibbli li ji sta' jirriżulta li ċerti atti tal-Kummissjoni jkunu ultra vires jekk ir-rakkomandazzjonijiet, ma jkunux użati b'biżżejjed kura,

T.

billi l-Artikolu I-33 tat-Trattat li jistabbilixxi Kostituzzjoni għall-Ewropa jħaddan fih dispozizzjoni simili għall-Artikolu 211 tat-Trattat KE, iżda jżid li “Meta jitqiesu abbozzi ta' atti leġiżlattivi, il-Parlament Ewropew u l-Kunsill għandhom iżommu lura milli jadottaw atti li għalihom mhux provdut filproċedura leġiżlattiva rilevanti fil-qasam ikkonċernat”;

U.

billi fl-2005, il-Kummissjoni adottat rakkomandazzjoni fuq it-tmexxija tad-drittijiet ta' l-awtur bejn ilfruntieri għal servizzi mużikali online leġittimi fuq il-bażi ta' l-Artikolu 211 tat-Trattat KE, deskritta bħala strument ta' “soft law” ... mfassal biex jagħti lis-suq il-possibiltà li jimxi fid-direzzjoni t-taj ba' u mid-dehra imfassal biex jitlaħħmu d-Direttivi eżistenti fuq id-drittijiet ta' l-awtur fis-Soċjetà ta' l-Informatika (6) u fuq id-dritt tal-kera u d-dritt tas-self u fuq ċerti drittijiet marbutin mad-drittijiet ta' lawtur (7), u billi, peress illi l-mira prinċipali hija li tinkoraġġixxi liċenzjar multi-territorjali u r-rakkomandazzjoni ta' kif għandha tkun regolata, il-Kummissjoni qed ġġib fis-seħħ għażliet politiċi partikulari permezz ta' soft law;

V.

billi l-Kummissjoni ħasbet fi jew tidher li qed tikkunsidra li taġixxi fuq rakkomandazzjoni f'oqsma oħra li fihom il-Komunità għandha kompetenzi legiżlattivi, inkluż ir-regolament tad-dazji tad-drittijiet ta' l-awtur u li tpoġġi limiti fuq ir-responsabiltà ta' l-awdituri,

W.

billi, flimkien ma' dan, il-proġett Ewropew tal-liġi tal-kuntratt jibqa' fin-natura ta' soft law,

X.

billi, fejn il-Komunità għandha kompetenza leġiżlattiva iżda jidher li hija nieqsa mir-rieda politika li ddaħħal leġiżlazzjoni, l-użu ta' soft law ji sta' jevita il-korpi leġiżlattivi kompetenti, jista' juru disprezz lejn il-prinċipji tad-demokrazija u l-istat tad-dritt skond l-Artikolu 6 tat-Trattat UE, kif ukoll lejn dawk tas-sussidjarjetà u tal-proporzjonalità skond l-Artikolu 5 tat-Trattat KE, u jista' jirriżulta fl-azzjoni ultra vires tal-Kummissjoni;

Y.

billi soft law għandha wkoll it-tendenza li toħloq perċezzjoni ta' “super-burokrazija” mingħajr il-leġittimità demokratika, mhux biss remota miċ-ċittadini, iżda saħansitra ostili lejhom, u lesta biex tilħaq kompromessi ma' lobbies b'saħħithom fejn in-negozjati ma huma la trasparenti u lanqas li jinftehmu miċ-ċittadini, u billi dan ji sta' jqajjem aspettativi leġittimi min-naħa ta' terzi persuni affettwati (eż ilkonsumaturi) li imbgħad ma jkollhom l-ebda mezz biex jiddefendu lilhom nfushom quddiem il-liġi minħabba l-atti li għalihom ikollhom effetti ħżiena;

Z.

billi l-aġenda ta' leġizlazzjoni aħjar m'għandhiex tiġi sovvertita sabiex tħalli lill-eżekuttiv tal-Komunità jilleġizla b'mod effettiv permezz ta' istrumenti ta' soft law, u b'hekk jitnaqqas potenzjalment l-ordni ġuridiku Komunitarju, billi jiġi evitat l-involviment tal-Parlament elett demokratikament u r-reviżjoni legali mill-Qorti tal-Ġustizzja u ċ-ċittadini jiċċaħdu mir-rimedji legali tagħhom;

AA.

billi ma hi stipulata l-ebda proċedura biex il-Parlament jiġi kkonsultat fuq il-proposta dwar l-użu ta' listrumenti ta' soft law, bħal rakkomandazzjonijiet u komunikazzjonijiet interpretattivi,

1.

Iqis li, fil-kuntest tal-Komunità, ta' soft law spiss tkun strument ambigwu u ineffettiv li għandu ttendenza jkollu effett ta' ħsara fuq il-leġiżlazzjoni tal-Komunità u l-bilanċ istituzzjonali u għandu jintuża bi prudenza, anke fejn ikun hemm dispożizzjoni għalih fit-Trattat;

2.

Ifakkar li l-hekk imsejħa soft law ma tistax tkun sostitut għal atti u strumenti legali, li huma disponibbli biex jiżguraw il-kontinwità tal-proċess leġiżlattiv, speċjalment fil-qasam tal-kultura u l-edukazzjoni;

3.

Jisħaq li kull istituzzjoni ta' l-UE, inkluż il-Kunsill Ewropew, għandha tikkunsidra l-għażliet kemm leġiżlattivi kif ukoll dawk mhux leġiżlattivi fid-deċiżjoni, każ b'każ, dwar liema azzjoni għandha tittieħed, jekk ikun il-każ;

4.

Iqis il-metodu miftuħ ta' koordinazzjoni huwa legalment dubjuż, peress li jiffunzjona mingħajr parteċipazzjoni suffiċjenti tal-Parlament u tal-kontroll ġudizzjarju; jemmen, għaldaqstant, li għandu jiġi użat f'każijiet eċċezzjonali biss u li jkun mixtieq li jiġi kkunsidrat kif il-Parlament jista' jkun involut f'din il-proċedura;

5.

Jiddeplora l-użu mill-Kummissjoni ta' soft law fejn tkun sostitut għall-leġiżlazzjoni li għada meħtieġa per se, filwaqt li jqisu kif jistħoq il-prinċipji ta' sussidjarjetà u ta' proporzjonalità, jew fejn testrapola lġurisprudenza tal-Qorti tal-Ġustizzja f'oqsma mhux magħrufa;

6.

Iheġġeġ lill-istituzzjonijiet biex jaġixxu b'analoġija ma' l-Artikolu I-33 tat-Trattat Kostituzzjonali billi jżommu lura milli jadottaw l-istrumenti ta' soft law meta abbozzi ta' atti leġiżlattivi jkunu qed jiġu kkunsidrati; iqis li, anke skond il-liġi eżistenti, dan ir-rekwiżit ġej mill-prinċipju ta' l-istat tad-dritt skond l-Artikolu 6 tat-Trattat UE;

7.

Iheġġeġ lill-Kummissjoni biex tagħmel sforz partikulari sabiex tiggarantixxi t-trasparenza, il-viżibilità u r-responsabilità pubblika fil-proċess ta' l-adozzjoni ta' atti tal-Kommunità li ma jorbtux, kif ukoll sabiex jiżdied l-użu ta' evalwazzjoni ta' impatt fil-proċess ta' teħid ta' deċiżjonijiet;

8.

Jistieden lill-Kummissjoni biex tqis sew l-effett ta' soft law fuq il-konsumaturi u l-meżżi possibbli għalihom biex ifittxu rimedju qabel ma tiġi proposta xi miżura li tinvolvi strumenti ta' soft law;

9.

Huwa tal-fehma, fir-rigward tal-komunikazzjoni tal-Kummissjoni, li Green u White Papers ma jimponux obbligi legali diretti; madankollu, hu ta' l-opinjoni li l-adozzjoni ta' dokumenti ta' konsultazzjoni u dikjarazzjonijiet politiċi ta' intenzjoni m'għandhomx jitqisu li qed jimplikaw xi obbligu legali dwar ħruġ ta' regolamenti korrispondenti;

10.

Huwa tal-fehma li komunikazzjonijiet interpretattivi tal-Kummissjoni jaqdu l-iskop leġittimu li jipprovdu ċertezza legali, iżda l-irwol tagħhom m'għandux imur lilhinn minn dan il-punt; iqis li, meta dawn iservu biex jimponu obbligi ġodda, il-komunikazzjonijiet interpretattivi jikkostitwixxu estensjoni inammissibbli ta' leġiżlar permezz ta' soft law; isostni li meta komunikazzjoni tistipula regolamenti dettaljati, li ddispożizzjonijiet tagħhom ma jkunux inklużi b'mod dirett fil-libertajiet fundamentali stabbiliti fit-Trattat, din ma tkunx qed issegwi l-iskop formali tagħha u għalhekk titqies bħala nulla u bla effett (8);

11.

Huwa ta' l-opinjoni li komunikazzjonijiet li jissodisfaw il-kriterji msemmija hawn fuq konsegwentement għandhom jinħarġu f'dawk il-każi biss fejn il-Parlament u l-Kunsill, jiġifieri l-leġiżlatura, ikunu taw istruzzjonijiet lill-Kummissjoni biex tfassal il-komunikazzjonijiet interpretattivi meħtieġa; iqis li huwa l-kompitu tal-leġiżlatura li tittrasforma t-Trattat f'realtà, filwaqt li l-interpretazzjoni hija r-responsabilità tal-Qorti tal-Ġustizzja;

12.

Huwa tal-fehma li l-istandardizzazzjoni u l-kodiċi ta' kondotta huma elementi importanti ta' l-awtoregolazzjoni; iqis, madankollu, li l-istandardizzazzjoni m'għandhiex twassal għal regolamentazzjoni żejda u b'hekk tikkostitwixxi piż żejjed b'mod partikulari għall-intrapriżi żgħar u ta' daqs medju; għalhekk jemmen li l-bażijiet legali kkonċernati għandhom jinkorporaw salvagwardji fihom nfushom kontra r-regolamentazzjoni żejda;

13.

Jindika li, filwaqt li huwa leġittimu għall-Kummissjoni li tagħmel użu ta' strumenti pre-leġiżlattivi, ilproċess pre-leġiżlattiv m'għandux jiġi abbużat jew imtawwal għal xejn; iqis li, f'oqsma bħal ma huma lproġett tal-kuntratt legali, ser jasal il-mument fejn il-Kummissjoni tiddeċiedi jekk tużax jew le d-dritt ta' linizjattiva tagħha u fuq liema bażi legali;

14.

Jenfasizza li l-Parlament, bħala l-unika istituzzjoni tal-Komunità eletta b'mod demokratiku, m'huwiex fil-preżent konsultat dwar l-użu ta' l-hekk imsejħa strumenti ta' soft law, bħal rakkomandazzjonijiet tal-Kummissjoni, ibbażati fuq l-Artikolu 211 tat-Trattat KE, u komunikazzjonjiet interpretattivi u dokumenti oħra ta' natura simili;

15.

Iqis li l-ftehimiet interistituzzjonali jistgħu joħolqu effetti legali biss fuq relazzjonijiet bejn l-istituzzjonijiet ta' l-UE u li għalhekk ma jikkostitwixxux soft law kif definit f'termini ta' effett legali fuq terzi persuni;

16.

Jistieden lill-Kummissjoni biex, b'koperazzjoni mal-Parlament, tiżviluppa modus operandi li tiggarantixxi l-parteċipazzjoni tal-korpi li huma eletti b'mod demokratiku, li possibilment tinkludi wkoll mezz ta' ftehima interistituzzjonali, u għalhekk monitoraġġ aktar effettiv tal-ħtieġa ta' l-adozzjoni ta' strumenti ta' “soft law”.

17.

Jistieden lill-Kummissjoni biex tikkonsulta mal-Parlament dwar kif il-Parlament jista' jiġi kkonsultat qabel il-Kummissjoni tadotta l-istrumenti tal-liġi li ma torbtx sabiex ikunu jistgħu jiġu eżaminati bir-reqqa lmiżuri proposti ta' soft law u biex jiġi evitat kull użu ħażin tal-poter min-naħa ta' l-eżekuttiv; għalhekk jipproponi taħdidiet ta' ftuħ dwar il-konklużjoni ta' ftehima interistituzzjonali dwar dan; iqis li ftehima bħal din għandha b'mod partikulari tfittex li ssolvi l-kontradizzjoni li qamet bejn id-dispożizzjonijiet ta'l-Artikoli 211, 249(5) u 230 tat-Trattat KE u l-ġurisprudenza tal-Qorti tal-Ġustizzja tal-Komunitajiet Ewropej, meta l-Qorti tirrikjedi li fit-tilwim legali preżenti l-qrati nazzjonali biex jqisu b'mod xieraq ir-rakkomandazzjonijiet li per se m'humiex ta' rbit skond it-Trattat;

18.

Itenni l-importanza li l-Parlament, bħala r-rappreżentant ewlieni ta' l-interessi taċ-ċittadini ta' l-UE jipparteċipa, fil-proċessi kollha ta' teħid ta' deċiżjoni, sabiex jgħin liċ-ċittadini biex inaqqsu n-nuqqas ta' fiduċja attwali tagħhom fl-integrazzjoni u l-valuri Ewropej;

19.

Għalhekk jenfasizza li l-espressjoni ta' soft law, u kif ukoll l-invokazzjoni tagħha, għandhom jiġu evitati f'kull ħin f'kwalunkwe dokument uffiċjali ta' l-istituzzjonijiet Ewropej;

20.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, u lill-gvernijiet u lill-parlamenti ta' l-Istati Membri.

—

wara li kkunsidra l-Komunikazzjoni tal-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni bit-titolu ”Suq Uniku għaċ-ċittadini — Rapport Interim għall-Kunsill Ewropew tar-Rebbiegħa ta' l-2007” (COM(2007)0060),

—

wara li kkunsidra l-Komunikazzjoni tal-Kummissjoni lill-Kunsill bl-isem ”Aġenda taċ-ċittadini — il-kisba ta' riżultati għall-Ewropa” (COM(2006)0211),

—

wara li kkunsidra l-Komunikazzjoni tal-Kummissjoni lill-Kunsill Ewropew tar-Rebbiegħa bl-isem ”Implimentazzjoni ta' l-Istrateġija Mġedda ta' Liżbona għat-Tkabbir Ekonomiku u l-Impjiegi — Sena ta' Twettiq” (COM(2006)0816),

—

wara li kkunsidra l-Komunikazzjoni tal-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni bit-titolu ”Strateġija Annwali tal-Politika għall-2008” (COM(2007)0065),

—

wara li kkunsidra l-Komunikazzjoni tal-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew bit-titolu ”Is-Suq Intern għall-Merkanzija: ġebla tax-xewka tal-kompetittività ta' l-Ewropa” (COM(2007)0035),

—

wara li kkunsidra l-Green Paper dwar ir-reviżjoni ta' l-Acquis tal-Konsumatur ippreżentata mill-Kummissjoni (COM(2006)0744),

—

wara li kkunsidra l-Komunikazzjoni tal-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni bit-titolu ”Reviżjoni strateġika ta' Regolamentazzjoni Aħjar fl-Unjoni Ewropea” (COM(2006)0689),

—

wara li kkunsidra l-Konklużjonijiet tal-Presidenza tal-Kunsill Ewropew ta' Brussell li sar fit-8 u d-9 ta' Marzu 2007,

—

wara li kkunsidra r-riżoluzzjoni tiegħu ta' l-14 ta' Marzu 2007 dwar is-servizzi soċjali ta' interess ġenerali fl-Unjoni Ewropea (1),

—

wara li kkunsidra r-riżoluzzjoni tiegħu tat-23 ta' Mejju 2007 dwar l-impatt u l-konsegwenzi ta' l-esklużjoni tas-servizzi tas-saħħa mid-Direttiva dwar is-Servizzi fis-Suq Intern (2),

—

wara li kkunsidra d-dikjarazzjoni finali tar-Raba' Konferenza Ewropea dwar l-Artiġjanat u l-Intrapriżi Żgħar li saret fi Stuttgart fis-16 u s-17 ta' April 2007,

—

wara li kkunsidra d-dikjarazzjoni ta' Berlin tal-25 ta' Marzu 2007,

—

wara li kkunsidra d-dokument tal-Kummissjoni, Economic Paper No 271, “Steps towards a deeper economic integration: the Internal Market in the 21st century — A contribution to the Single Market Review”,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Suq Intern u għall-Ħarsien tal-Konsumatur u l-opinjoni tal-Kumitat għall-Affarijiet Ekonomiċi u Monetarji (A6-0295/2007),

A.

billi s-Suq Wieħed kien kisba ewlenija u bla preċedent fil-kuntest Ewropew, li ġab għażla usa' u prezzijiet irħas lill-konsumaturi, ħoloq ambjent kompetittiv u dinamiku għan-negozji u ppermetta l-iskambju ta' l-ideat u ta' l-esperjenzi fost il-kulturi Ewropej,

B.

billi l-Istrateġija ta' Liżbona enfasizzat l-objettiv tal-koeżjoni soċjali u pprovdiet irwol akbar għaddimensjoni soċjali fil-politiki speċifikament settorjali ta' l-Unjoni,

C.

billi s-Suq Wieħed u l-erba' prinċipji ewlenin tiegħu, jiġifieri l-moviment ħieles tal-prodotti, tas-servizzi, tan-nies u tal-kapital kienu pass deċiżiv 'il quddiem għall-integrazzjoni Ewropea,

D.

billi l-istabbiliment tas-Suq Wieħed fl-1992 kien ibbażat fuq it-tliet prinċipji li ġejjin:

E.

billi l-Istrateġija ta' Liżbona se twassal għal riformi strutturali fl-Istati Membri u għall-ftuħ tas-swieq, u se żżid ukoll in-neċessità ta' regolamentazzjoni li tippermetti li tiġi żgurata kompetizzjoni ġusta,

F.

billi l-adozzjoni tad-Direttiva 2006/123/KE tal-Parlament Ewropew u tal-Kunsill tat-12 ta' Diċembru 2006 dwar is-servizzi fis-suq intern (3), ippermettiet li jsir progress sinifikanti sabiex jitwettaq is-Suq Wieħed fis-settur tas-servizzi;

G.

billi l-ewro ġab it-trasparenza, l-effiċjenza u aċċess faċli għas-Suq Wieħed,

H.

billi fl-amministrazzjonijiet ta' l-Istati Membri xorta għad baqa' attitudnijiet ta' protezzjoniżmu, kemm pubblikament kif ukoll bil-moħbi,

I.

billi għad baqa' bosta ostakoli għall-implimentazzjoni ta' l-erba' libertajiet fundamentali, billi huwa essenzjali li jittejjeb iżjed kif jaħdem is-Suq Wieħed u li jiġu iffukati l-isforzi sabiex jinkiseb Suq Wieħed ħieles minn kull ostakolu,

J.

billi jeħtieġ li jsiru sforzi sabiex jiġi implimentat approċ dinamiku, globali u flessibbli għas-Suq Wieħed sabiex jinkiseb l-appoġġ taċ-ċittadini tagħna,

K.

billi huwa neċessarju li tiġi finalizzata l-liberalizzazjoni ta' l-industriji ta' network, bħal tat-trasport, tattelekomunikazzjonijiet, tas-servizzi tal-posta u tat-twassil ta' l-enerġija, li, kif tixhed id-definizzjoni, huma maħsuba sabiex jorbtu n-negozji ma' l-individwi; billi, għal dak li hu żvilupp u liberalizzazzjoni, dawn huma għalhekk l-aħjar mezzi sabiex jitwettaq is-Suq Wieħed bħala parti minn ekonomija tas-suq responsabbli, li tkun iffaċilitata b'mekkaniżmi regolatorji effettivi,

L.

billi l-Unjoni Ewropea fis-snin reċenti adottat diversi miżuri leġiżlattivi mmirati lejn it-tisħiħ tas-Suq Wieħed fis-servizzi finanzjarji, bħas-servizzi bankarji, l-immaniġġjar ta' l-assi, l-assigurazzjoni, il-fondi tal-pensjonijiet u l-kontabilità, li ġabu benefiċċji kemm għan-negozju kif ukoll għall-konsumatur, u għamlu lill-UE mexxejja globali li kapaċi tfassal xejriet u standards ġodda fl-industrija tas-servizzi finanazjarji,

M.

billi minkejja li sar progress tajjeb lejn it-twetttiq tas-Suq Wieħed fis-servizzi finanzjarji ta' bejgħ blingrossa, s'issa għad hemm ftit x'juri li dan jista' jissarraf ukoll b'mod sinifikattiv fil-livell tal-bejgħ blimnut, l-aktar minħabba preferenzi kulturali u tradizzjonali taċ-ċittadini, iżda wkoll minħabba ostakoli legali u fiskali,

N.

billi l-Kummissjoni għandha responsabilità importanti li tinforza l-konformità mar-regoli tal-kompetizzjoni sabiex tiżgura kundizzjonijiet ġusti u ugwali għall-intrapriżi ta' l-UE u l-kisba totali tal-benefiċċji tas-Suq Wieħed mill-konsumaturi ta' l-UE,

O.

billi minkejja li l-Istati Membri se jżommu d-drittijiet esklussivi tagħhom fuq kwistjonijiet ta' taxxa, il-Kummissjoni tista' xorta jkollha rwol utli f'ċerti aspetti tal-politika ta' tassazzjoni, li jgħin aktar biex jinkiseb Suq Wieħed reali,

P.

billi huwa neċessarju li jitnaqqas il-piż amministrattiv fuq l-impriżi, b'mod partikulari fuq l-intrapriżi żgħar u ta' daqs medju (SMEs),

Q.

billi l-UE, meta mqabbla mal-kompettituri tagħha, tbagħti minn nuqqas ta' innovazzjoni,

R.

billi s-Suq Wieħed huwa l-iżjed għodda effiċjenti biex jiġu indirizzati l-isfidi tal-globalizzazzjoni billi jippermetti ekonomija Ewropea li tkun iżjed kompetittiva u dinamika,

S.

billi l-Kummissjoni għandha tikkunsidra bis-sħiħ it-tkabbir ta' l-UE fl-implementazzjoni tal-politiki tagħha (b'mod partikulari dik tas-Suq Wieħed) u l-impatt ta' dawn fuq l-Istati Membri l-ġodda, kif ukoll informazzjoni ġdida dwar il-bidliet soċjali u l-progress teknoloġiku,

T.

billi t-tkabbir żied l-opportunitajiet li għandhom jinkisbu mis-Suq Wieħed, iżda ippreżenta wkoll sfida għat-tħaddim xieraq tiegħu billi żied l-eteroġeneità fost il-membri tiegħu, u billi l-eteroġeneità fil-qasam tat-tassazzjoni korporattiva tista' tkun sors ta' tensjoni bejn l-Istati Membri;

1.

Jilqa' b'sodisfazzjoni l-irwol attiv u l-perspettiva li tħares 'il quddiem dwar is-Suq Wieħed tal-Kummissjoni, kif ukoll il-ħidma tagħha fuq ir-reviżjoni tas-Suq Wieħed u jenfasizza l-importanza li jkunu inklużi f'dak il-proċess il-partijiet kollha involuti;

2.

Jixtieq li l-evalwazzjoni tas-Suq Wieħed isservi sabiex turi lill-pubbliku Ewropew il-benefiċċji kollha li hu jista' jgawdi bit-twettiq ta' Suq Wieħed; jappella lill-Kummissjoni u lill-Istati Membri sabiex inaqqsu ddifferenza bejn il-potenzjal u r-realtà tas-Suq Wieħed;

3.

Jenfasizza l-importanza li jiġi żgurat li l-membri kollha tal-pubbliku jibbenefikaw mis-Suq Wieħed; iqis li ċerti gruppi vulnerabbli m'għandhomx aċċess sħiħ għas-Suq Wieħed u jfakkar li d-Dikjarazzjoni 22 annessa mat-Trattat ta' Amsterdam tistabbilixxi li l-istituzzjonijiet tal-Komunità għandhom iqisu l-bżonnijiet tal-persuni b'diżabilità meta jkunu qed jiġu elaborati miżuri msemmija fl-Artikolu 95 tat-Trattat KE;

4.

Jixtieq li r-relazzjonijiet fuq ix-xogħol mal-Parlamenti nazzjonali jiġu msaħħa sabiex il-kwistjonijiet u lbenefiċċji tas-Suq Wieħed ikunu iktar ċari għar-rappreżentanti nazzjonali taċ-ċittadini ta' l-Istati Membri; jenfasizza, f'dan ir-rigward, id-djalogu kostruttiv bejn il-parlamenti nazzjonali u l-Parlament Ewropew permezz ta' laqgħat annwali dwar l-Aġenda ta' Liżbona li jservi bħala eżempju tajjeb ta' koperazzjoni li jista' jinbena fuqu fil-futur;

5.

Jenfasizza l-ħtieġa fundamentali li jiġi attwat l-kontenut tad-Dikjarazzjoni finali tar-Raba' Konferenza Ewropea dwar l-Artiġjanat u l-Intrapriżi ż-Żgħar, meta jitqies l-irwol essenzjali ta' dawn l-intrapriżi fl-ekonomija Ewropea; jitlob għalhekk li jitqiesu dawn il-konklużjonijiet fl-elaborazzjoni u l-implementazzjoni talpolitiki Komunitarji, b'mod partikulari fil-qafas tar-reviżjoni tas-Suq Wieħed u tar-reviżjoni tal-politika għall-SMEs;

6.

Jiddispjaċih li fil-livell prattiku l-Istati Membri ma jħossux biżżejjed li huma sidien tas-Suq Wieħed;

7.

Jirrikonoxxi li f'Suq Wieħed iridu jitqiesu l-provvista tal-kwalità tal-ħajja u l-kwistjonijiet konnessi malprotezzjoni ta' l-ambjent u tal-konsumatur;

8.

Iqis li l-inizjattivi ġodda ta' politika għandhom jibbażaw ruħhom aktar fuq l-analiżi ta' l-impatt li dawn ikollhom fuq is-swieq differenti, is-setturi ekonomiċi diversi, fuq l-ambjent u fuq il-qasam soċjali;

9.

Peress li l-koeżjoni soċjali u territorjali hija waħda mill-komponenti essenzjali tas-Suq Wieħed, jerġa' jfakkar fl-importanza li tiżdied il-fiduċja taċ-ċittadini billi jiġu promossi l-objettivi soċjali u ambjentali komuni għall-Istati Membri, bħall-impjiegi ta' kwalità, l-opportunitajiet indaqs, il-protezzjoni tas-saħħa u ta' l-ambjent, filwaqt li tiġi rrispettata d-diversità kulturali Ewropea; jitlob lill-Kummissjoni sabiex tiżgura lmissjoni ta' protezzjoni ta' l-UE f'dawn l-oqsma u sabiex tevita l-kompetizzjoni regulatorja bejn l-Istati Membri;

10.

Jenfasizza li l-koeżjoni soċjali, flimkien mal-protezzjoni konsistenti tal-konsumatur, jistgħu iwasslu sabiex iċ-ċittadini jagħrfu aħjar il-vantaġġi tas-Suq Wieħed;

11.

Jenfasizza l-importanza li jiġi mħeġġeġ il-moviment liberu tal-ħaddiema fi ħdan is-Suq Wieħed; ifakkar illi l-mobilità tal-ħaddiema ġewwa l-fruntieri ta' l-Unjoni hija element ewlieni fil-promozzjoni tal-kompetittività ta' l-intrapriżi u li din tistimola l-innovazzjoni permezz ta' l-iskambju ta' kompetenzi u permezz ta' aktar kompetizzjoni;

12.

Jenfasizza li politika tajba ta'-Suq Wieħed hija fundamentali kemm għat-tħeġġiġ ta' l-innovazzjoni permezz tat-tisħiħ tal-kompetizzjoni, kif ukoll għal ambjent li jkun favorevoli għall-kummerċ, li huwa ta' importanza speċjali għall-SMEs; jitlob lill-Kummissjoni u lill-Istati Membri biex, b'mod partikulari, jimplementaw miżuri konkreti li jappoġġjaw il-potenzjal ta' innovazzjoni ta' l-intrapriżi ż-żgħar u ta' l-intrapriżi artiġjanali, partikularment permezz ta' għodod ta' finanzjament għall-innovazzjoni adattati għall-karatteristiċi ta' dawn l-intrapriżi;

13.

Iħeġġeġ lill-Kummissjoni sabiex tadotta strateġija globali għad-drittijiet ta' proprjetà intellettwali u sabiex issaħħaħ il-protezzjoni ta' dawn id-drittijiet sabiex tappoġġja l-innovazzjoni, tippromwovi l-kapaċità industrijali ta' l-Ewropa u tinkuraġġixxi t-tkabbir tagħha; jenfasizza l-importanza tat-twaqqif ta' Privattiv Komunitarju u ta' sistema ġudizzjarja għal Privattivi Ewropej li tkun ta' kwalità għolja u effiċjenti finanzjarjament, u li tiffavorixxi l-innovazzjoni u tirrispetta l-kompetenza tal-Qorti tal-Ġustizzja tal-Komunitajiet Ewropej; jieħu nota tal-Komunikazzjoni tal-Kummissjoni tat-3 ta' April dwar titjib għas-sistema ta' privattivi fl-Ewropa(COM(2007)0165),

14.

Iqis li politika tal-kompetizzjoni effettiva se tgħin biex tinbena l-fiduċja tal-konsumatur, u tiżgura li ċċittadini jibbenefikaw minn iżjed għażla, prezzijiet irħas u kwalità ogħla; jistieden lill-Kummissjoni biex tesplora kif tista' tintegra aħjar il-miżuri tal-politika tal-kompetizzjoni f'politika usa' dwar is-Suq Wieħed;

15.

Jenfasizza l-importanza tal-ġlieda kontra l-frodi u l-iffalsifikar fi ħdan is-Suq Wieħed;

16.

Iqis illi impenn kontra t-tibdil fil-klima u favur is-sostenibilità ta' l-iżvilupp huwa ta' importanza essenzjali u li dan jista' jirnexxi biss permezz ta' taħlita bbilanċjata ta' enerġija, u li politika waħdanija tas-Suq Wieħed li tippromwovi enerġija sostenibbli u kompetittiva hija essenzjali biex jintlaħqu dawn l-għanijiet; jinnota bi pjaċir il-Konklużjonijiet diġà msemmija tal-Presidenza tal-Kunsill Ewropew ta' Brussell; jiddispjaċih madankollu li l-kontribuzzjoni potenzjali ta' l-enerġija nukleari ma ġietx enfasizzata biżżejjed;

17.

Skond it-taqsima III, pargarafu 19, punt (i) tal-Mandat ta' l-IGC 2007 (4) li jirrigwarda Protokoll dwar servizzi ta' interess ġenerali li se jkun anness mat-Trattati, jistieden lill-Kummissjoni biex tieħu inizjattivi sabiex tintgħeleb l-inċertezza legali rigward l-istatus ta' servizzi ta' interess ġenerali, b'mod speċjali l-għajnuna mill-istat u r-regolamenti dwar l-appalt pubbliku; jilqa' l-inizjattivi tal-Kummissjoni li għandhom l-għan li jneħħu l-ambigwità fl-oqsma tas-servizzi tas-saħħa u tas-servizzi soċjali ta' interess ġenerali fis-Suq Wieħed; iqis li servizzi ta' interess ġenerali b'saħħithom u moderni huma neċessarji sabiex jinkisbu objettivi ta' interess pubbliku, bħall-koeżjoni soċjali u territorjali, il-protezzjoni ta' l-ambjent u d-diversità kulturali;

18.

Jenfasizza għalhekk il-ħtieġa li tissaħħaħ l-effikaċja tal-liġi tal-konsumatur għas-Suq Wieħed, u hawnhekk jilqa' bi pjaċir il-green paper tal-Kummissjoni dwar ir-reviżjoni ta' l-Acquis tal-Konsumatur; jinnota li lklawsoli attwali dwar l-armonizzazzjoni minima li jinsabu fit-tmien direttivi indirizzati mir-reviżjoni jikkostitwixxu sors ta' inċertezza ġuridika għall-intrapriżi u għall-konsumaturi; mingħajr ma jipprevedi r-riżultat tal-konsultazzjoni, huwa għalhekk ta' l-opinjoni li l-possibilità ta' approċċ imħallat b'istrument orizzontali jidher li huwa l-iktar approċċ adegwat sabiex tissaħħaħ il-fiduċja tal-konsumaturi;

19.

Ifakkar li huma biss 6% tal-konsumaturi li jagħmlu użu mill-kummerċ elettroniku transkonfinali talmerkanzija; jenfasizza għalhekk l-importanza li tiżdied il-fiduċja tal-konsumaturi fix-xiri transkonfinali billi tintemm il-frammentazzjoni tas-Suq Wieħed fl-ambjent diġitali; jinkoraġġixxi għalhekk lill-Kummissjoni sabiex tappoġġja qafas adattat għall-iżvilupp tal-kummerċ elettroniku, biex jinħoloq ambjent ekonomiku iktar favorevoli, biex ittejjeb il-kwalità tal-leġiżlazzjoni u biex issaħħaħ id-drittijiet tal-konsumaturi u s-sitwazzjoni ta' l-SME's fis-suq;

20.

Jenfasizza li la l-konsumaturi u lanqas il-fornituri tas-servizzi ma jkunu jistgħu jagħrfu dejjem liema reġim legali jkun applikabbli għal kull aspett ta' l-attivitajiet tagħhom; għalhekk jitlob lill-Kummissjoni biex tipproponi kjarifika dwar l-interazzjoni bejn l-istrumenti tal-liġi internazzjonali privata u l-istrumenti tas-Suq Wieħed sabiex ma jitħalla l-ebda dubju dwar meta tkun tapplika l-leġiżlazzjoni jew ir-regolament tal-pajjiż ta' l-oriġini jew dak tal-pajjiż ospitant, u sabiex ma jitħallewx lakuni fir-reġim ta' responsabilità applikabbli għall-fornituri tas-servizzi;

21.

Jitlob li jitkompla l-iżvilupp ta' standards ta' disinn bil-għan li tittejjeb aktar l-aċċessibilità għan-nies b'diżabilità, għall-anzjani u għat-tfal; jenfasizza l-importanza li kellu dan il-proċess — f'setturi bħal taxxarabanks urbani, il-lifts, il-makkinarji elettriċi u l-ICT — fl-estensjoni tal-benefiċċji tas-Suq Wieħed għal ċittadini vulnerabbli u fil-ħolqien ta' iżjed ċertezza u fil-prevenzjoni tal-ħolqien ta' ostakoli għall-industrija fl-Unjoni Ewropea;

22.

Jenfasizza li l-kuntratti pubbliċi għandhom jingħataw b'mod ġust u trasparenti, billi jiġu osservati rregoli f'dan il-qasam sabiex ikunu jistgħu wkoll jikkontribwixxu għal promozzjoni ta' l-innovazzjoni u liżvilupp teknoloġiku u sabiex isibu soluzzjoni għat-tħassib ambjentali u soċjali, inkluż għall-aċċessibilità għall-persuni b'diżabilità; jitlob lill-Kummissjoni sabiex ittejjeb l-aċċess ta' l-SMEs għall-kuntratti pubbliċi u sabiex tagħti kuntratti qabel il-kummerċjalizzazjoni sabiex ittejjeb il-kapaċita' ta' innovazzjoni fis-Suq Wieħed.

23.

Iqis li l-moviment liberu tal-merkanzija huwa fundamentali għall-effikaċja tas-Suq Wieħed; ifakkar li 25 % ta' l-oġġetti prodotti fl-Unjoni Ewropea għadhom ma jaqawx taħt miżuri ta' armonizzazzjoni; jilqa' għalhekk l-inizjattiva tal-Kummissjoni sabiex jiġi mtejjeb kif jaħdem is-Suq Wieħed f'dan il-qasam; jitlob lill-Istati Membri sabiex jagħmlu użu sħiħ mir-rikonoxximent reċiproku sabiex jiżguraw it-twettiq ta' din illibertà fundamentali fl-interess tal-konsumaturi u ta' l-intrapriżi

24.

Jisħaq ukoll fuq l-importanza li jitneħħew l-ostakoli għall-ħolqien ta' żona waħda ta' pagamenti, kif ukoll fuq iżjed liberalizzazzjoni tas-swieq postali, filwaqt li jiġi żgurat l-iffinanzjar ta' servizz universali effiċjenti;

25.

Hu tal-fehma li t-tkomplija ta' l-integrazzjoni finanzjarja fl-Unjoni Ewropea hija meħtieġa sabiex tikkontribwixxi għal tkabbir sostenibbli, b'mod speċjali permezz ta' spejjeż aktar baxxi għat-transazzjonijiet, opportunitajiet usa' għall-kondiviżjoni tar-riskju u allokazzjoni aktar effiċjenti tar-riżorsi;

26.

Jemmen li s-sistemi preżenti tal-VAT u tat-taxxi tas-sisa huma ta' ostaklu għar-realizzazzjoni sħiħa tas-Suq Wieħed, b'mod partikulari f'dak li jirrigwarda l-kummerċ transkonfinali; jistieden lill-Kummissjoni sabiex tinvestiga l-problemi tat-taxxa relatati ma' ordnijiet personali bil-posta u xiri personali bl-internet, u sabiex tressaq proposti li jiffaċilitaw l-eżerciżżju sħiħ taċ-ċittadini ta' l-UE tad-drittijiet tagħhom għall-moviment ħieles ta' prodotti;

27.

Jitlob li tingħata attenzjoni partikulari lit-tħassib ta' l-SME's rigward is-Suq Wieħed, b'mod partikulari permezz ta' titjib fl-ispiża u l-ħeffa tal-proċessi biex jinħoloq negozju, id-disponibilità ta' kapital ta' riskju, ilprezz u l-ħeffa tas-servizzi ta' pagament, u l-mobilità ta' persuni, prodotti u servizzi; jistieden lill-Kummissjoni biex tiżgura li l-kapital ta' riskju mill-Fond Ewropew għall-Investiment ikun jilħaq b'mod utli lill-SMEs u lill-intrapriżi innovattivi;

28.

Iqis li n-networks informali, bħas-Solvit u n-network taċ-Ċentri Ewropej tal-Konsumaturi (ECC-Net), jikkostitwixxu żieda importanti ma' l-istrumenti formali u ġuridiċi li diġà hemm għad-dispożizzjoni taċċittadini u ta' l-impriżi; jilqa' l-inizjattiva sabiex jitwaqqaf network ta' informazzjoni tas-suq intern (IMI — Sistema ta' Informazzjoni tas-Suq Intern); jitlob lill-Kummissjoni sabiex iżżid minnufih ir-riżorsi ta' staff u biex ittejjeb l-istrateġija tagħha ta' reklamar biex iċ-ċittadini u l-intrapriżi jsiru jafu li jeżistu dawn in-networks, hekk li dawn isiru tabilħaqq effikaċi;

29.

Jemmen li għandu jkun hemm aktar konsultazzjonijiet u li jeħtieġ li jinsabu mekkaniżmi xierqa sabiex tilwim jiġi solvut aktar malajr; jitlob għalhekk li jiġi stabbilit fil-livell ta' l-UE mekkaniżmu effettiv ta' arbitraġġ b' riparazzjoni ta' malajr biex tkun promossa r-riżoluzzjoni immedjata ta' nuqqas ta' qbil dwar ir-regoli tas-Suq Wieħed;

30.

Jilqa' l-inizjattivi tal-Kummissjoni sabiex jonqos il-piż amministrattiv ta' l-intrapriżi u jitlob li jissoktaw sforzi ta' dan it-tip sabiex jittejjeb l-aċċess għas-Suq Wieħed bla ma titnaqqas il-protezzjoni meħtieġa għaċ-ċittadini, għall-konsumaturi u għall-impjegati;

31.

Jenfasizza li r-rikonoxximent reċiproku jikkostitwixxi element importanti tas-Suq Wieħed u li ma jtellifx l-approssimazzjoni tal-leġiżlazzjoni fejn ikun xieraq;

32.

Jenfasizza madankollu li s-Suq Wieħed tas-Seklu 21 għandu jaħdem fil-qafas ta' regoli neċessarji u proporzjonati; jemmen li armonizzazzjoni akbar tista' tkun meħtieġa f'ċerti oqsma, b'mod partikulari fisservizzi finanzjarji bl-imnut (inklużi l-metodi ta' pagamenti) u fil-funzjonament tas-sistema tat-taxxa;; jilqa' l-Green Paper tal-Kummissjoni dwar is-Servizzi Finanzjarji bl-Imnut fis-Suq Wieħed (COM(2007)0226) u, filwaqt li jirrikonoxxi n-natura lokali tas-servizzi finanzjarji bl-imnut, iħeġġeġ lill-Kummissjoni biex tippromwovi l-passi li diġà ttieħdu u li qegħdin jittieħdu biex jinħolqu kundizzjonijiet għal Suq Wieħed li fihom ilkonsumaturi u l-fornituri jistgħu jagħżlu li jieħdu sehem; huwa tal-fehma li għal dan il-għan l-ittestjar talkonsumaturi għal inizjattivi possibbli jrid isir dejjem; iħeġġeġ lill-Kummissjoni biex tkompli miexja 'l quddiem bil-proposti tagħha għal bażi ta' taxxa korporattiva komuni u konsolidata;

33.

Jenfasizza li regolamentazzjoni ”aħjar” mhux neċessarjament tfisser ”inqas” regolamentazzjoni; jitlob lill-Kummissjoni biex tikkunsidra inizjattivi ġodda għat-titjib tat-tħaddim u l-integrazzjoni tas-Suq Wieħed u biex tikkonsolida u tissimplifika l-leġiżlazzjoni;

34.

Iqis li l-proċeduri ta' konsultazzjoni tal-Kummissjoni għandhom ikunu iktar trasparenti u iktar immirati sabiex iħeġġu lill-partijiet interessati kollha, u speċjalment lill-SMEs, biex jipparteċipaw f'dawn il-proċeduri;

35.

Jemmen li l-ispinta li tingħata lill-kompetizzjoni permezz tar-riforma regolatorja hija l-istimulu li teħtieġ l-Ewropa biex ittejjeb il-produttività; itenni li d-drittijiet tal-Parlament fil-kuntest tar-riforma regolatorja għandhom jiġi rrisppettati bis-sħiħ;

36.

Iqis illi l-istudji dwar impatt tal-Kummissjoni għandhom ikunu iktar koerenti u għandhom iqisu lopinjoni tal-partijiet involuti kollha; jilqa' għalhekk il-ħolqien mill-Kummissjoni ta' Bord għall-evalwazzjoni ta' l-analiżi ta' impatt u jitlob lill-Kummissjoni sabiex ixxandar l-opinjonijiet tal-Bord; jitlob li l-Parlament Ewropew jagħmel iktar analiżi ta' l-impatt sabiex jappoġġja l-proposti tiegħu;

37.

Jitlob lill-Kummissjoni biex tinkorpora “Test tas-Suq Intern” fil-mekkaniżmi għal regolamentazzjoni aħjar, kif kien imħeġġeġ mill-Parlament Ewropew, sabiex tiżgura li r-regolaturi jqisu dejjem l-implikazzjonijiet ta' l-azzjonijiet tagħhom fuq l-erba' libertajiet fi ħdan is-Suq Wieħed, flimkien ma' aspetti oħra li huma għandhom jikkunsidraw, b'mod partikulari is-sostenibilità u l-impjiegi;

38.

Ifakkar illi jaqbel li ssir ukoll evalwazzjoni ex-post tal-leġiżlazzjoni sabiex jiġi żgurat li r-regoli jkunu qed jaħdmu kif mistenni u sabiex jinkixfu effetti negattivi eventwali li ma jkunux previsti;

39.

Jaqbel ma' l-opinjoni tal-Kummissjoni li l-koregolamentazzjoni u l-awtoregolamentazzjoni jikkostitwixxu strumenti li jistgħu jikkompletaw l-inizjattivi leġiżlattivi f'ċerti oqsma, filwaqt li jibqgħu rispettati lprerogattivi tal-legiżlatur; jenfasizza wkoll l-effikaċja tal-koperazzjoniji iktar mill-qrib f'ċerti oqsma sabiex wieħed jasal għal armonizzazzjoni fuq bażi volontarja;

40.

Iqis illi traspożizzjoni inadegwata tikkostitwixxi wieħed mill-ostakli maġġuri għat-twettiq tas-Suq Wieħed u li l-Istati Membri huma responsabbli għat-titjib fit-traspożizzjoni u għall-implimentazzjoni talleġiżlazzjoni ta' l-UE; jilqa' t-titjib irreġistrat fit-traspożizzjoni nazzjonali. kif ukoll l-objettiv iffissat mill-Kunsill Ewropew ta' Brussell imsemmi hawn fuq sabiex jitnaqqas b'mod progressiv għal 1% d-defiċit ta' traspożizzjoni ”mira”; jitlob lill-Istati Membri sabiex jevitaw li jaqgħu fin-nasba tar-regolamentazzjoni nazzjonali żejda (gold plating);

41.

Jenfasizza l-importanza li tissaħħaħ u tittejjeb il-koperazzjoni amministrattiva bejn l-awtoritajiet nazzjonali ta' l-Istati Membri responsabbli għas-Suq Wieħed;

42.

Jiddispjaċih li ċerti Stati Membri qegħdin jimplimentaw miżuri għall-protezzjoni tas-suq nazzjonali tagħhom; jenfasizza l-importanza li jinkisbu kundizzjonijiet ta' kompetizzjoni ġusta fis-Suq Wieħed; jisħaq li Suq Wieħed li jiffunzjona tajjeb jikkostitwixxi vantaġġ kompetittiv għall-Ewropa vis à vis il-globalizzazzjoni;

43.

Jistieden lill-Kummissjoni biex fit-tfassil ta' politiki interni tevalwa b'mod sistematiku u tqis politiki simili ta' l-imsieħba l-kbar ta' l-Unjoni Ewropea (l-Istati Uniti, ir-Russja, iċ-Ċina, l-Indja, il-Brażil, il-Ġappun...) bil-għan li tittejjeb il-kompetittività Ewropea u sabiex jitneħħew l-ostakoli għan-negozju globali;

44.

Jisħaq fuq il-fatt li l-inizjattivi ta' politika biex tiżdied il-kompetizzjoni m'għandhomx ibaxxu l-istandards Ewropej; ifakkar fl-importanza li jiġi żviluppat djalogu kostruttiv u bbilanċjat ma' l-imsieħba esterni bl-iskop li jinfluwenza l-elaborazzjoni ta' standards internazzjonali;

45.

Jinnota l-inizjattiva tal-Kummissjoni li timpenja ruħha li ssir reviżjoni komprensiva ta' l-istrumenti ta' difiża kummerċjali ta' l-UE; jenfasizza li f'ekonomija dinjija li qiegħda tevolvi malajr, l-istrumenti effikaċi ta' difiża kummerċjali huma vitali għall-kompetittività, għat-tkabbir u għall-impjiegi; ifakkar li l-UE għandha tkompli żżomm l-irwol ta' tmexxija li wriet fil-passat għat-titjib u t-tisħiħ tad-dixxiplina fil-livell tad-WTO;

46.

Huwa tal-fehma li l-UE tkun kapaċi tirnexxi fl-ekonomija globali biss jekk tilħaq, jew saħansitra tiżboq, il-kapaċità innovattiva ta' l-imsieħba kummerċjali tagħha; jinsisti fuq il-fatt li l-UE teħtieġ miżuri speċifiċi sabiex tagħmel lis-Suq Wieħed iżjed innovattiv; barra minn hekk, jistieden lill-istituzzjonijiet ta' l-UE biex jistabbilixxu lill-Unjoni bħala entità fir-rigward ta' xejriet futuri ta' l-ekonomija globali sabiex tiżgura kemm l-effiċjenza tad-difiża kummerċjali, kif ukoll il-kompetittività sostenibbli tagħha; huwa tal-fehma li s-Suq Intern Transatlantiku jista' jkun strument xieraq biex jintlaħqu dawn l-għanijiet;

47.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni u lill-gvernijiet u l-parlamenti ta' l-Istati Membri.