Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52008XC0506(03)

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 70/2001 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat lil impriżi żgħar u ta' daqs medju

ĠU C 111, 6.5.2008, p. 22–24 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

6.5.2008   

MT

Il-Ġurnal Uffiċjali ta’ l-Unjoni Ewropea

C 111/22

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 70/2001 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat lil impriżi żgħar u ta' daqs medju

(2008/C 111/08)

Numru XA: XA 7054/07

Stat Membru: L-Italja

Reġjun: Umbria

Titlu ta' l-iskema ta' l-għajnuna jew isem il-kumpanija benefiċjarja ta' għajnuna indvidwali: Progetti integrati di filiera a favore delle PMI attive nel settore della produzione, trasformazione e commercializzazione dei prodotti di cui all'allegato I del trattato. Criteri per la concessione degli aiuti

Bażi ġuridika: Deliberazione della Giunta regionale n. 1798 del 12 novembre 2007 avente per oggetto «Modifiche ed integrazioni alla DGR 1449/2007 concernente: progetti integrati di filiera a favore delle PMI attive nel settore della produzione, trasformazione e commercializzazione dei prodotti di cui all'allegato I del trattato, criteri per la concessione degli aiuti».

L-iskema ta' l-għajnuna preżenti għandha tiqies bħal modifika fl-iskema ta' l-għajnuna preċedenti eżentata rreġistrata, skond ir-Regolament (KE) Nru 1/2004, taħt XA 02/05. Se tiġi mnedija permezz ta' avviż pubbliku speċifiku li jistabbilixxi it-termini u l-mod għall-preżentazzjoni ta' l-applikazzjonijiet għall-għajnuna, li jinħareġ biss wara li tiġi kkonfermata, skond l-Artikolu 9 tar-Regolament (KE) Nru 70/2001, il-wasla għand il-Kummissjoni ta' din in-nota fil-qosor u tal-pubblikazzjoni relatata fis-sit elettroniku tal-Kummissjoni stess.

Għall-kategoriji ta' l-għajnuna relatati mas-settur tal-produzzjoni tal-prodotti elenkati fl-Anness I tat-Trattat, ta' min wieħed jinnota li l-bażi ġuridika, irrappreżentata mill-iskema ta' l-għajuna eżentata nru. XA 02/05 għandha tiġi emendata skond id-dispożizzjonijiet tar-Regolament (KE) Nru 1857/2006. Għaldaqstant, l-Artikolu 20 tar-Regolament imsemmi, jipprovdi għat-trażmissjoni lill-Kummissjoni tal-KE, flimkien ma' din in-nota, is-sinteżi relatata li fiha l-informazzjoni fil-qosor li tirrappreżenta l-premessa legali għat-tnedija ta' l-iskema ta' l-għajnuna eżentata fit-tali settur

Nefqa annwali ppjanata taħt l-iskema jew ammont annwali kumplessiv ta' l-għajnuna individwali mogħtija lill-impriża: EUR 5 450 000 li minnhom:

EUR 5 000 000 prijoritarjament għall-impriżi fid-distrett tal-Lago Trasimeno — PG, (Magione, Panicale, C.del Lago, Tuoro, Passignano, Città della Pieve, Piegaro, Paciano);

EUR 450 000 bħala l-ewwel allokazzjoni u skond id-definizzjoni tal-PSR ta' l-Umbria għall-2007-2013, li qed tistenna l-approvazzjoni mill-Kummissjoni Ewropea, għall-għoti ta' l-għajnuna għas-sostenn tal-proġetti fis-settur ta' l-industrija ta' l-ikel, għall-bqija tar-reġjun.

Intensità massima ta' l-għajnuna:

1.

Għas-settur tal-produzzjoni primarja l-għajnuna, fil-forma ta' kontribut kapitali, tingħata skond il-limitu massimu kif ġej:

—

40 fil-mija tan-nefqa mġarrba għal dawn l-interventi/l-operat:

(a)

Il-bini jew it-tijib fil-proprjetà immobbli kif ukoll l-akkwist ta' artijiet agrikoli sal-massimu ta' 10 % ta' l-ispiża kumplessiva ta' l-intervent minn kull attwarju relatat. Bl-istess mod huwa permess l-akkwist ta' proprjetà immobbli, jekk dan ikun indispensabbli biex il-proġett jiġi ffinalizzat, sa l-ammont massimu tan-nefqa eliġibbli ta' EUR 516 għal kull metru kwadru li jista' jiġi użat.

(b)

Spejjeż marbutin ma' l-introduzzjoni ta' sistemi ta' kwalità skond il-kriterji ta' l-istandards ta' l-ISO 9000.

—

20 fil-mija tan-nefqa mġarrba għall-akkwist ta' makkinarji u tagħmir inklużi dawk ta' l-informatika,

—

12 % għall-ispejjeż ġenerali marbutin ma' a) u b), inklużi l-akkwist ta' brevetti u ta' liċenzji.

Ir-rati msemmija jiżdiedu b'10 punti jekk l-intervent/l-operat iseħħ fiż-żoni tal-muntanji jew żvantaġġjużi kif stabbiliti fil-Programm għall-iżvilupp rurali ta' l-Umbria għall-2007-2013, skond l-Artikoli 50 u 94 tar-Regolament (KE) Nru 1698/2005 u b'10 punti oħra jekk dan jiġi realizzat minn bdiewa żgħażagħ

Fi kwalunkwe każ l-ammont globali ta' l-għajnuna li jingħata lil impriża individwali fi kwalunkwe perjdou matul tliet snin finanzjarji ma jistax jaqbeż l-EUR 400 000 jew il-EUR 500 000 fil-każ li l-impriża tinstab f'żona fil-muntanji jew żvantaġġjuża kif stabbilita fil-Programm għall-Iżvilupp Rurali ta' l-Umbria għall-2007-2013, skond l-Artikoli 50 u 94 tar-Regolament (KE) Nru 1698/2005.

Inklużi ukoll fis-settur tal-produzzjoni primarja huwa l-investimenti realizzati fl-istabbiliment agrikolu meħtieġa għat-tħejjija tal-prodotti ta' l-annimali jew tal-ħaxix għall-ewwel bejgħ. L-ewwel bejgħ ifisser dak li jsir minn produttur primarju lill-bejjiegħa jew il-proċessuri u kull operat meħtieġ għat-tħejjija ta' dan l-ewwel bejgħ kif ukoll għall-bejgħ lill-konsumatur finali sakemm dan iseħħ f'postijiet mhux separati minn postijiet oħra użati għall-attività primarja.

Esklużi mill-għajnuna huma:

—

l-akkwist ta' drittijiet ta' produzzjoni kemm ta' annimali kif ukoll ta' ħxejjxe annwali,

—

dranaġġ, tagħmir u xogħlijiet marbutin ma' irrigazzjoni,

—

tħawwil ta' pjanti annwali,

—

investimenti sempliċi ta' bdil,

—

investimenti fil-manifattura ta' prodotti li jimitaw jew jissostitwixxu l-ħalib u prodotti tal-ħalib.

2.

Għas-settur ta' l-ipproċessar u l-kummerċjalizzazzjoni l-għajnuna, fil-forma ta' kontributi kapitali, tingħata sal-limitu massimu ta' 40 fil-mija tan-nefqa mġarrba għal dawn l-interventi/l-operazionijiet:

(a)

il-kostruzzjoni jew it-tijib ta' proprjetà immobbli. Bl-istess mod huwa permess l-akkwist ta' proprjetà immobbli, jekk dan ikun indispensabbli biex il-proġett jiġi ffinalizzat, sa l-ammont massimu tan-nefqa eliġibbli ta' EUR 516 għal kull metru kwadu li jista' jiġi użat;

(b)

spejjeż marbuta ma' l-introduzzjoni ta' sistemi ta' kwalità fl-istabbilimenti skond il-kriterji ta' l-istandards ta' l-ISO 9000;

(c)

l-akkwist ta' makkinarju, tagħmir inklużi dwk ta' l-informatika, stallazzjonijiet teknoloġiċi;

(d)

ispejjeż ġenerali marbutin ma' l-ispejjeż taħt (a), (b) u (c) sal-massimu ta' 12 %, inklużi l-akkwist ta' brevetti u ta' liċenzji.

Esklużi mill-għajnuna huma:

—

l-investimenti fil-fażi li ssegwi l-ewwel produzzjoni fil-każ li fl-istabbiliment ma sseħħx l-ewwel produzzjoni ta' prodott elenkat fil-Anness I tat-Trattat,

—

l-investimenti fil-livell tal-kummerċ bl-imnut,

—

l-investimenti fl-ipproċessar u l-kummerċjalizzazzjoni ta' prodotti ġejjin minn pajjiżi barra mill-Komunità.

Għal kull impriża, l-ispejjeż massimi eliġibbli huma limitati għal 40 % tal-qligħ imsemmi fl-aħħar bilanċ approvat fid-data tal-preżentazzjoni ta' l-applikazzjoni jew inkella s-sehem kapitali għal għaxar darbiet aktar sottoskritt fl-istess data.

Fi kwalunkwe każ, fir-rigward ta' l-impriżi ta' l-ipproċessar u tal-kummerċjalizzazzjoni tal-prodotti agrikoli elenkati fl-Anness I tat-Trattat, l-ispejjeż huma eliġibbli għall-għajnuna biss jekk ikunu konformi mar-Regolament (KE) Nru 70/2001

3.

Għas-settur tal-ġestjoni integrata f'termini ta' kwalità, protezzjoni ambjentali, saħħa pubblika, saħħa tal-pjanti u ta' l-annimali, il-benessri ta' l-annimali u sikurezza fuq ix-xogħol l-għajnuna, fil-forma ta' kontribut f'kapital, tingħata skond il-limitu kif ġej:

—

sa 100 % ta' l-ispejjeż imġarrba mill-produtturi, individwali jew assoċjati, u sa massimu ta' EUR 30 000 għal kull stabbiliment, fir-rigward ta' l-interventi li ġejjin:

(a)

spejjeż relatati mal-verifiki tal-ħruġ ta' l-ewwel ċertifikat kif previst għall-prodotti ta' kwalità rikonoxxuti fil-livell Komunitarju (DOC, DOCG, DOP, IGT, IGP, SGT u prodotti organiċi),

—

sa 50 % ta' l-ispejjeż imġarrba u sa massimu ta' EUR 100 000 għal kull impriża, għall-interventi li ġejjin:

(b)

spejjeż marbutin ma' l-introduzzjoni ta' sistemi ta' kwalità ambjenti fl-istabbiliment skond il-kriterji ta' l-istandards ta' l-ISO 14000 jew EMAS;

—

sa 80 % ta' l-ispejjeż imġarrba u sa massimu ta' EUR 100 000 kull impriża, għall-interventi li ġejjin:

(c)

infiq marbut ma' l-introduzzjoni ta' sistemi ta' ċertifikazzjoni fil-katina ta' l-industrija ta' l-ikel;

—

sa 70 % ta' l-ispejjeż imġarrba minn impriżi individwali jew assoċjati u sa massimu ta' EUR 200 000 għall-interventi relatati mas-servizzi ta' sostenn għall-kummerċjalizzazzjoni, bħal:

(d)

pubblikazzjoni, bħal katalgi jew siti elettroniċi, li fihom informazzjoni dwar il-prodott imsemmi fis-settur sakemm l-informazzjoni tkun newtrali u sakemm l-operaturi kollha fis-settur ikollhom possibbiltà ndaqs li jidhru fil-pubblikazzjonijiet;

(e)

l-organizzazzjoni u l-parteċipazzjoni fil-kompetizzjonijiet, fieri kummerċjali, wirjiet u fora għall-qsim ta' l-għarfien bejn l-istabbilimenti limitata għall-ispejjeż marbutin ma'; reġistrazzjonijiet, vjaġġi, pubblikazzjonijiet, kiri ta' stands, premji simboliċi sa EUR 250 kull premju u kull rebbieħ;

(f)

għall-prodotti ta' kwalità rikonoxxuti fil-livell Komunitarju ((DOC, DOCG, DOP, IGT, IGP, SGT u prodotti organiċi):

(i)

it-tixrid ta' għarfien xjentifiku;

(ii)

l-informazzjoni dwar is-sistemi ta' kwalità u dwar il-benefiċċji nutrittivi tat-tali prodotti u l-użu tagħhom sakemm ir-referenzi għall-oriġini jikkorrispondu eżattament mar-referenzi rreġistrati mill-Komunità.

L-għajnuna relatata mas-servizzi ta' assistenza teknika fl-ebda każ ma tinvolvi ħlasijiet diretti lill-produtturi agrikoli, ħlief fil-każijiet previsti skond l-Artikolu 14 (15) tar-Regolament (KE) Nru 1857/2006

Data ta' l-applikazzjoni: l-1 ta' Ottubru 2007

Tul ta' żmien ta' l-iskema: sal-31 ta' Diċembru 2008

Għan ta' l-għajnuna: Interventi ta' sostenn għall-SMEs attivi fis-settur tal-produzzjoni, l-ipproċessar u l-kummerċjalizzazzjoni tal-prodotti elenkati fl-Anness I tat-Trattat tal-KE (eskluż is-setturi forestali, tal-bioenerġija u tas-sajd) finalizzati għat-tisħiħ fil-kompetittività tas-setturi prinċipali ta' l-industrija ta' l-ikel ta' l-Umbria permezz ta' l-introduzzjoni ta' innovazzjonijiet ta' prodott u ta' proċess u ta' ġestjoni integrata rigward kwalità, sikurezza u protezzjoni ambjentali u s-servizzi ta' sostenn għall-kummerċjalizzazzjoni tal-prodotti agrikoli, l-aktar prodotti ta' kwalità.

Għas-settur tal-produzzjoni, l-Artikoli tar-Regolament (KE) Nru 1857/2006 li ġew applikati għall-eżenzjoni ta' l-iskema preżenti huma: 4, 14, u 15.

Għas-settur ta' l-ipproċessar u l-kummerċjalizzazzjoni, l-Artikoli tar-Regolament (KE) Nru 70/2006 li ġew applikati għall-eżenzjoni ta' l-iskema preżenti huma: 4 u 5.

L-ispejjeż eliġibbi koperti bis-sistema ta' l-għajnuna huma indikati fil-paragrafu preċedenti “Intensità massima ta' l-għajnuna”

Settur(i) konċernat(i): Is-setturi kkonċernati fis-sistema ta' l-għajnuna huma dawk tal-produzzjoni, ta' l-ipproċessar u tal-kummerċjalizzazzjoni tal-prodotti elenkati fl-Anness I tat-Trattat tal-KE (esklużi s-setturi forestali, tal-bioenerġija u tas-sajd).

L-inizjattivi kollha previsti fl-iskema ta' l-għajnuna għandhom juru prova ta' l-eżistenza normali ta' opportunitajiet tas-suq. M'humiex eliġibbli investimenti li jżidu l-kapaċità produttiva fis-setturi b'limitazzjonijiet speċifiċi fl-ambitu ta' l-organizzazzjonijiet tas-suq komuni sakemm ma jkunux iġġustifikati mill-akkwist tal-kwoti tal-produzzjoni korrispondenti.

Isem u indrizz ta' l-awtorità li tagħti l-għajnuna:

Regione Umbria — Direzione regionale Agricoltura e foreste, aree protette, valorizzazione dei sistemi naturalistici e paesaggistici, beni ed attività culturali, sport e spettacolo

Centro direzionale Fontivegge

I-06100 Perugia

Sit ta' l-internet: www.regione.umbria.it

ikklikkja fuq “aree tematiche”

ikklikkja fuq “agricoltura e foreste”

taħt “ultime notizie” ikklikkja fuq “D.G.R. del”

ikklikkja fuq “clicca qui”

Posta elettronika: fgarofalo@regione.umbria.it

Tagħrif ieħor: L-għajnuna prevista għal kull settur fil-produzzjoni tal-prodotti agrikoli elenkati fl-Anness I tat-Trattat huma applikata fl-iskema ta' l-għajnuna eżentata skond ir-Regolament (KE) Nru 1857/2006. Għaldaqstant, f'konformità ma' l-Artikolu 20 tar-Regolament imsemmi, in-nota dwar l-informazzjoni fil-qosor dwar l-għajnuna eżentata fit-tali settur qed tintbagħat lill-Kummissjoni flimkien ma' din in-nota

Top