Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32021R0643

Regolament Delegat tal-Kummissjoni (UE) 2021/643 tat-3 ta’ Frar 2021 li, għall-finijiet tal-adattament tagħha għall-progress tekniku u xjentifiku, jemenda l-Parti 1 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, it-tikkettar u l-imballaġġ tas-sustanzi u t-taħlitiet (Test b’rilevanza għaż-ŻEE)

C/2021/441

ĠU L 133, 20.4.2021, p. 5–8 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2021/643/oj

Date of document:
03/02/2021; Data ta' adozzjoni
Date of effect:
10/05/2021; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea, Id-Direttorat Ġenerali għall-Ambjent
Responsible body:
ENV
Form:
Regolament delegat
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32008R1272 Sostituzzjoni anness VI parti 1 punt 1.1.3.1 Test 10/05/2021
Modifies 32008R1272 Sostituzzjoni anness VI parti 1 punt 1.1.3.2 Test 10/05/2021
Link

20.4.2021   

MT

Il-Ġurnal Uffiċjali tal-Unjoni Ewropea

L 133/5

REGOLAMENT DELEGAT TAL-KUMMISSJONI (UE) 2021/643

tat-3 ta’ Frar 2021

li, għall-finijiet tal-adattament tagħha għall-progress tekniku u xjentifiku, jemenda l-Parti 1 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, it-tikkettar u l-imballaġġ tas-sustanzi u t-taħlitiet

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (1), u b’mod partikolari l-Artikolu 53(1) tiegħu,

Billi:

(1)

L-Istati Membri u l-partijiet ikkonċernati talbu li jiġu emendati diversi noti stabbiliti fis-sottotaqsima 1.1.3 tal-Parti 1 tal-Anness VI tar-Regolament (KE) Nru 1272/2008.

(2)

Il-Kummissjoni taċċetta li l-formulazzjoni ta’ dawk in-noti jeħtieġ tittejjeb. Uħud min-noti marbuta mas-sustanzi mhumiex preċiżi u jġibu magħhom xi inċertezzi dwar l-interpretazzjoni korretta tal-obbligi ġuridiċi. B’mod partikolari, uħud minn dawk in-noti jistgħu jiġu interpretati bħallikieku f’ċerti kundizzjonijiet ma hemmx bżonn li jiġu kklassifikati s-sustanzi li għalihom japplikaw l-istess noti, mentri fil-fatt jenħtieġ li dawn ma jkunux koperti mill-klassifikazzjoni u mit-tikkettar armonizzati iżda xorta jenħtieġ li jkunu soġġetti għall-klassifikazzjoni f’konformità mat-Titolu II tar-Regolament (KE) Nru 1272/2008 (awtoklassifikazzjoni).

(3)

Għalhekk, jenħtieġ li r-Regolament (KE) Nru 1272/2008 jiġi emendat skont dan,

ADOTTAT DAN IR-REGOLAMENT:

Artikolu 1

Emendi għar-Regolament (KE) Nru 1272/2008

Il-Parti 1 tal-Anness VI tar-Regolament (KE) Nru 1272/2008 hija emendata kif stabbilit fl-Anness ta’ dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta’ Frar 2021.

Għall-Kummissjoni

Il-President

Ursula VON DER LEYEN

(1)  ĠU L 353, 31.12.2008, p. 1.

ANNESS

Il-Parti 1 tal-Anness VI tar-Regolament (KE) Nru 1272/2008, hija emendata kif ġej:

(1)

fil-punt 1.1.3.1, in-noti J sa R huma sostitwiti b’li ġej:

 

“Nota J:

Il-klassifikazzjoni armonizzata bħala karċinoġenu jew mutaġenu tapplika sakemm ma jistax jintwera li s-sustanza fiha inqas minn 0,1 % piż skont il-piż ta’ benżen (EINECS Nru 200-753-7), u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dawk il-klassijiet ta’ periklu.

 

Nota K:

Il-klassifikazzjoni armonizzata bħala karċinoġenu jew mutaġenu tapplika sakemm ma jistax jintwera li s-sustanza fiha inqas minn 0,1 % piż skont il-piż ta’ 1,3-butadien (EINECS Nru 203-450-8), u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dawk il-klassijiet ta’ periklu. Meta s-sustanza ma tkunx ikklassifikata bħala karċinoġenu jew mutaġenu, minn tal-inqas għandhom japplikaw id-dikjarazzjonijiet ta’ prekawzjoni (P102-)P210-P403.

 

Nota L:

Il-klassifikazzjoni armonizzata bħala karċinoġenu tapplika sakemm ma jkunx jista’ jintwera li s-sustanza fiha inqas minn 3 % estratt tad-dimetil sulfossidu kif imkejjel mill-IP 346 (‘Determination of polycyclic aromatics in unused lubricating base oils and asphaltene free petroleum fractions - Dimethyl sulphoxide extraction refractive index method’ — “Determinazzjoni ta’ sustanzi aromatiċi poliċikliċi fi żjut bażi ta’ lubrifikazzjoni mhux użati u fi frazzjonijiet tal-petroleum ħielsa mill-asfalten — Metodu tal-indiċi rifrattiv għall-estrazzjoni tad-dimetil sulfossidu”, l-Istitut tal-Petroleum, Londra), u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dik il-klassi ta’ periklu.

 

Nota M:

Il-klassifikazzjoni armonizzata bħala karċinoġenu tapplika sakemm ma jistax jintwera li s-sustanza fiha inqas minn 0,005 % piż skont il-piż ta’ benżo[a]-piren (EINECS Nru 200-028-5), u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dik il-klassi ta’ periklu.

 

Nota N:

Il-klassifikazzjoni armonizzata bħala karċinoġenu tapplika sakemm ma tkunx magħrufa l-istorja sħiħa tar-raffinar u ma jkunx jista’ jintwera li s-sustanza li minnha ġiet prodotta dik is-sustanza mhijiex karċinoġenu, u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dik il-klassi ta’ periklu.

 

Nota P:

Il-klassifikazzjoni armonizzata bħala karċinoġenu jew mutaġenu tapplika sakemm ma jistax jintwera li s-sustanza fiha inqas minn 0,1 % piż skont il-piż ta’ benżen (EINECS Nru 200-753-7), u f’dak il-każ għandha ssir ukoll klassifikazzjoni f’konformità mat-Titolu II ta’ dan ir-Regolament għal dawk il-klassijiet ta’ periklu. Meta s-sustanza ma tkunx ikklassifikata bħala karċinoġenu jew mutaġenu, minn tal-inqas għandhom japplikaw id-dikjarazzjonijiet ta’ prekawzjoni (P102-)P260-P262-P301 + P310-P331.

 

Nota Q:

Il-klassifikazzjoni armonizzata bħala karċinoġenu tapplika sakemm ma tiġix issodisfata waħda mill-kundizzjonijiet li ġejjin:

—

test tal-bijopersistenza f’terminu qasir bil-ġbid tan-nifs ikun wera li l-fibri itwal minn 20 μm ikollhom nofs ħajja ponderata ta’ inqas minn għaxart ijiem; jew

—

test tal-bijopersistenza f’terminu qasir b’instillazzjoni intratrakeali jkun wera li l-fibri itwal minn 20 μm ikollhom nofs ħajja ponderata ta’ inqas minn 40

jum; jew

—

test intraperitoneali xieraq ma jkun ipprovda l-ebda evidenza ta’ eċċess ta’ karċinoġeniċità; jew

—

ma tkun ġiet innutata l-ebda patoġeniċità jew bidla neoplastika f’test adattat tal-ġbid tan-nifs f’terminu twil

 

Nota R:

Il-klassifikazzjoni armonizzata bħala karċinoġenu tapplika għajr fil-każ ta’ fibri b’Dijametru Medju Ġeometriku Ponderat skont it-Tul (LWGMD) bit-tnaqqis ta’ żewġ żbalji standard ġeometriċi ikbar minn 6 μm, kif imkejjel f’konformità mal-Metodu ta’ ttestjar A.22 fl-Anness tar-Regolament tal-Kummissjoni (KE) Nru 440/2008 (*1)

(*1)  Ir-Regolament tal-Kummissjoni (KE) Nru 440/2008 tat-30 ta’ Mejju 2008 li jistabbilixxi metodi ta’ ttestjar skont ir-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH) (ĠU L 142, 31.5.2008, p. 1).”"

(2)

fil-punt 1.1.3.2., in-noti 8 u 9 huma sostitwiti b’li ġej:

 

“Nota 8:

Il-klassifikazzjoni bħala karċinoġenu għandha tapplika sakemm ikun jista’ jintwera li l-konċentrazzjoni teorika massima ta’ formaldeid rilaxxabbli, irrispettivament mis-sors, fit-taħlita kif imqiegħda fis-suq tkun inqas minn 0,1 %.

 

Nota 9:

Il-klassifikazzjoni bħala mutaġenu għandha tapplika sakemm ikun jista’ jintwera li l-konċentrazzjoni teorika massima ta’ formaldeid rilaxxabbli, irrispettivament mis-sors, fit-taħlita kif imqiegħda fis-suq tkun inqas minn 1 %.”

(*1)  Ir-Regolament tal-Kummissjoni (KE) Nru 440/2008 tat-30 ta’ Mejju 2008 li jistabbilixxi metodi ta’ ttestjar skont ir-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH) (ĠU L 142, 31.5.2008, p. 1).”’

Top