13.8.2008   

GA

Iris Oifigiúil an Aontais Eorpaigh

L NaN/1

(1)

Ceanglaítear ar na Ballstáit le Rialachán (CE) Uimh. 788/96 ón gComhairle an 22 Aibreán 1996 maidir le tíolacadh staidrimh i ndáil le táirgeacht dobharshaothraithe ag Ballstáit (2) sonraí bliantúla maidir le toirt na táirgeachta a thíolacadh.

(2)

Éilíonn cion méadaithe an dobharshaothraithe i dtáirgeacht iomlán iascaigh an Chomhphobail go mbeadh raon níos leithne sonraí ar fáil chun forbairt agus bainistiú réasúnach a dhéanamh ar an earnáil seo laistigh den Chomhbheartas Iascaigh.

(3)

Éilíonn tábhacht mhéadaitheach gorlann agus plandlann don ghníomhaíocht dobharshaothraithe sonraí mionsonraithe le haghaidh monatóireacht agus bainistiú oiriúnach a dhéanamh ar an earnáil seo laistigh den Chomhbheartas Iascaigh.

(4)

Tá gá le faisnéis maidir le toirt agus le luach na táirgeachta araon chun athbhreithniú agus measúnú a dhéanamh ar an margadh do tháirgí dobharshaothraithe.

(5)

Tá gá le faisnéis maidir le struchtúr na hearnála agus leis na teicneolaíochtaí a bhíonn in úsáid chun tionscal atá slán ó thaobh an chomhshaoil de a áirithiú.

(6)

Ba cheart Rialachán (CE) Uimh. 788/96 a aisghairm.

(7)

Chun trasdul réidh ón gcóras is infheidhme faoi Rialachán (CE) Uimh. 788/96 a áirithiú, ba cheart go gceadófaí leis an Rialachán seo idirthréimhse nach faide ná trí bliana a dheonú do Bhallstáit i gcás ina n-éileofaí móroiriúnuithe lena chur i bhfeidhm ar a gcórais náisiúnta staidrimh agus i gcás inar dócha go gcúiseofaí leis fadhbanna suntasacha praiticiúla.

(8)

Ó tharla nach féidir leis na Ballstáit cuspóir an Rialacháin seo, eadhon creat dlíthiúil comhchoiteann i gcomhair soláthar córasach staidreamh Comhphobail maidir leis an earnáil dobharshaothraithe a bhunú, a bhaint amach go leordhóthanach agus gur fearr is féidir é sin a bhaint amach ar leibhéal an Chomhphobail, féadfaidh an Comhphobal bearta a ghlacadh, i gcomhréir le prionsabal na coimhdeachta, a leagtar amach in Airteagal 5 den Chonradh. I gcomhréir le prionsabal na comhréireachta, a leagtar amach san Airteagal céanna sin, ní théann an Rialachán seo thar a bhfuil riachtanach chun an cuspóir sin a bhaint amach.

(9)

Foráiltear do chreat tagartha do staidreamh i réimse an iascaigh le Rialachán (CE) Uimh. 322/97 ón gComhairle an 17 Feabhra 1997 maidir le Staidreamh Comhphobail (3). Ceanglaíonn sé, go háirithe, go gcomhlíonfar prionsabail na neamhchlaontachta, na hiontaofachta, na hábharthachta, na cost-éifeachtúlachta, na rúndachta staidrimh agus na trédhearcachta.

(10)

Is uirlis fíor-riachtanach é bailiú agus tíolacadh sonraí staidrimh le haghaidh bainistíocht shlán an Chomhbheartais Iascaigh.

(11)

Ba cheart na bearta is gá do chur chun feidhme an Rialacháin seo a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (4).

(12)

Ba cheart, go háirithe, go dtabharfaí de chumhacht don Choimisiún athruithe teicniúla ar na hIarscríbhinní atá ag gabháil leis an Rialachán seo a ghlacadh. Ó tharla go bhfuil raon feidhme ginearálta ag na bearta sin agus go gceapfar iad le haghaidh eilimintí neamhriachtanacha den Rialachán seo a leasú, inter alia trína fhorlíonadh le heilimintí nua neamhriachtanacha, caithfear iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(13)

Ba cheart go dtabharfadh an Buanchoiste um Staidreamh Talmhaíochta arna chur ar bun le Cinneadh 72/279/CEE ón gComhairle (5) cúnamh don Choimisiún,

(a)

‘staidreamh Comhphobail’ mar a shainmhínítear é in Airteagal 2 de Rialachán (CE) Uimh. 322/97;

(b)

‘dobharshaothrú’ mar a shainmhínítear é in Airteagal 3(d) de Rialachán (CE) Uimh. 1198/2006 ón gComhairle an 27 Iúil 2006 maidir leis an gCiste Iascaigh Eorpach (6);

(c)

ciallaíonn ‘dobharshaothrú gabháil-bhunaithe’ an cleachtas eiseamail a bhailiú as an bhfiadhúlra agus iad a úsáid ina dhiaidh sin sa dobharshaothrú;

(d)

ciallaíonn ‘táirgeacht’ aschur ón dobharshaothrú ag an gcéad díolachán, lena n-áirítear táirgeacht ó ghorlanna agus ó phlandlanna arna tairiscint lena díol.

(a)

an táirgeacht bhliantúil (toirt agus luach aonaid) dobharshaothraithe;

(b)

an t-ionchur bliantúil (toirt agus luach aonaid) sa dobharshaothrú gabháil-bhunaithe;

(c)

táirgeacht bhliantúil ghorlann agus phlandann;

(d)

struchtúr na hearnála dobharshaothraithe.

13.8.2008   

GA

Iris Oifigiúil an Aontais Eorpaigh

L NaN/14

(1)

Ní foláir don Choimisiún (Eurostat) sonraí atá sách iontaofa, mionsonraithe agus comparáideach a bheith aige ar an daonra agus ar an tithíocht, ionas go gcuirfear ar chumas an Chomhphobail na cúraimí a shanntar dó a chomhlíonadh, go háirithe na cúraimí a shanntar dó le hAirteagal 2 agus le hAirteagal 3 den Chonradh. Caithfear comparáideacht dhóthanach a áirithiú ar leibhéal an Chomhphobail maidir le modheolaíocht, sainmhínithe agus clár na sonraí staidrimh agus na meiteashonraí.

(2)

Tá gá le sonraí staidrimh tréimhsiúla ar an daonra agus ar phríomhthréithe teaghlaigh, sóisialta, eacnamaíocha agus tithíochta daoine chun staidéar a dhéanamh ar na beartais réigiúnacha, shóisialta agus chomhshaoil a dhéanann difear d'earnálacha áirithe den Chomhphobal agus chun sainmhíniú a dhéanamh orthu. Tá gá, go háirithe, le faisnéis mhionsonraithe faoin tithíocht a bhailiú mar thaca le gníomhaíochtaí éagsúla Comhphobail, amhail cur chun cinn an chuimsithe shóisialta agus monatóireacht a dhéanamh ar an gcuimsiú sóisialta ar leibhéal réigiúnach, nó caomhnú an chomhshaoil agus cur chun cinn na héifeachtachta fuinnimh.

(3)

I bhfianaise na bhforbairtí modheolaíochta agus teicneolaíochta, ba cheart go sainaithneofaí na dea-chleachtais agus ba cheart go gcothófaí feabhsú na bhfoinsí sonraí agus na modheolaíochtaí a úsáidtear do dhaonáirimh sna Ballstáit.

(4)

Ba cheart go dtagródh na sonraí a úsáidtear don bhliain tagartha chéanna chun comparáideacht na sonraí a chuireann na Ballstáit ar fáil a áirithiú agus chun forléargais iontaofa a tharraingt suas ar leibhéal an Comhphobail.

(5)

I gcomhréir le Rialachán (CE) Uimh. 322/97 ón gComhairle an 17 Feabhra 1997 maidir le Staidreamh Comhphobail (2), ar creat tagartha é d'fhorálacha an Rialacháin seo, is gá don bhailiú staidreamh prionsabail na neamhchlaontachta a chomhlíonadh, go háirithe an oibiachtúlacht agus an neamhspleáchas eolaíoch, chomh maith leis an trédhearcacht, leis an iontaofacht, leis an ábharthacht, leis an gcost-éifeachtúlacht agus leis an rúndacht staidrimh.

(6)

Déantar tarchur sonraí atá faoi réir rúndachta staidrimh a rialú le Rialachán (CE) Uimh. 322/97 agus le Rialachán (Euratom, CEE) Uimh. 1588/90 ón gComhairle an 11 Meitheamh 1990 maidir le sonraí atá faoi réir rúndachta staidrimh a tharchur chuig Oifig Staidrimh na gComhphobal Eorpach (3). Áirithítear le bearta a dhéantar i gcomhréir leis na Rialacháin sin cosaint fhisiceach agus loighiciúil ar shonraí rúnda agus nach dtarlódh nochtadh neamhdhleathach nó úsáid neamhstaidrimh nuair a dhéantar staidreamh Comhphobail a chur ar fáil agus a scaipeadh.

(7)

Agus staidreamh Comhphobail á chur ar fáil agus á scaipeadh faoin Rialachán seo, ba cheart do na húdaráis náisiúnta staidrimh agus do na húdaráis Chomhphobail staidrimh na prionsabail a chur san áireamh a leagtar amach sa Chód Cleachtais do Staidreamh Eorpach a ghlac an Coiste um an gClár Staidrimh an 24 Feabhra 2005, a bunaíodh le Cinneadh 89/382/CEE, Euratom (4) ón gComhairle, agus atá i gceangal leis an Moladh ón gCoimisiún ar neamhspleáchas, ar ionracas agus ar fhreagracht na n-údarás náisiúnta staidrimh agus na n-údarás Comhphobail staidrimh.

(8)

Ó tharla nach féidir leis na Ballstáit cuspóirí an Rialacháin seo, eadhon staidreamh comparáideach agus cuimsitheach Comhphobail ar an daonra agus ar an tithíocht a bhailiú agus a thiomsú, a bhaint amach go leordhóthanach de bharr easpa tréithe comhchoiteanna staidrimh agus ceanglas cáilíochta agus easpa trédhearcachta modheolaíochta, agus gur fearr, dá bhrí sin, is féidir na cuspóirí sin a bhaint amach ar leibhéal an Chomhphobail, trí bhíthin comhchreata staidrimh, féadfaidh an Comhphobal bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh. I gcomhréir le prionsabal na comhréireachta, a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach.

(9)

Ba cheart na bearta is gá chun an Rialachán seo a chur chun feidhme a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (5).

(10)

Ba cheart, go háirithe, go dtabharfaí de chumhacht don Choimisiún na coinníollacha a leagan amach chun na blianta tagartha ina dhiaidh sin a bhunú agus chun an clár sonraí staidrimh agus na meiteashonraí a ghlacadh. Ó tharla go bhfuil raon feidhme ginearálta ag na bearta sin agus go gceapfar iad chun eilimintí neamhriachtanacha den Rialachán seo a leasú, inter alia trína fhorlíonadh le heilimintí nua neamhriachtanacha, caithfear iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(11)

Chuathas i gcomhairle leis an gCoiste um an gClár Staidrimh i gcomhréir le hAirteagal 3 de Chinneadh 89/382/CEE, Euratom,

(a)

ciallaíonn ‘daonra’ an daonra náisiúnta, réigiúnach agus áitiúil ag a ghnátháit chónaithe ar an dáta tagartha;

(b)

ciallaíonn ‘tithíocht’ áitreabh cónaithe agus foirgnimh chomh maith le socruithe tithíochta agus an bhaint atá ag an daonra leis an áitreabh cónaithe ar leibhéal náisiúnta, ar leibhéal réigiúnach agus ar leibhéal áitiúil ar an dáta tagartha;

(c)

ciallaíonn ‘foirgnimh’ foirgnimh bhuana a bhfuil áitreabh cónaithe iontu a cheaptar mar áit chónaithe do dhaoine, nó gnáth-theaghaisí a chuirtear i leataobh d'úsáid shéasúrach nó d'úsáid thánaisteach nó atá folamh;

(d)

ciallaíonn ‘gnátháit chónaithe’ an áit a gcaitheann duine an sos laethúil go hiondúil, is cuma é a bheith as láthair go sealadach chun críocha áineasa, saoire, cuairteanna ar chairde agus ar ghaolta, gnó, cóireála leighis nó oilithreachta reiligiúnaí.

Measfar gurb iad na daoine seo a leanas amháin na gnáthchónaitheoirí sa cheantar geografach a bheidh i gceist:

I gcás nach féidir na himthosca a ndéantar cur síos orthu i bpointe (i) nó i bpointe (ii) a shuíomh, ciallóidh ‘gnátháit chónaithe’ an áit chónaithe dhlíthiúil nó an áit chónaithe chláraithe;

(e)

ciallóidh ‘dáta tagartha’ an dáta dá dtagraítear i sonraí an Bhallstáit iomchuí, i gcomhréir le hAirteagal 5(1) den Rialachán seo;

(f)

ciallóidh ‘náisiúnta’ ar chríoch Ballstáit;

(g)

ciallóidh ‘réigiúnach’ a bheith ar leibhéal NUTS 1, ar leibhéal NUTS 2 nó ar leibhéal NUTS 3, mar a shainmhínítear iad i rangú aonad críochach le haghaidh staidrimh (NUTS), arna bhunú le Rialachán (CE) Uimh. 1059/2003 ó Pharlaimint na hEorpa agus ón gComhairle (6) sa leagan de a bheidh infheidhme ar an dáta tagartha;

(h)

ciallóidh ‘áitiúil’ ar leibhéal 2 de na hAonaid Riaracháin Áitiúil (LAU leibhéal 2);

(i)

ciallóidh ‘gnéithe riachtanacha daonáireamh agus áireamh tithíochta’ ríomh ar leith, comhuaineacht, uilíocht laistigh de chríoch shainithe, infhaighteacht sonraí limistéir bhig agus tréimhsiúlacht shainithe.

(a)

daonáirimh thraidisiúnta;

(b)

daonáirimh atá bunaithe ar chláir;

(c)

teaglaim de dhaonáirimh thraidisiúnta agus de shamplashuirbhéanna;

(d)

teaglaim de dhaonáirimh atá bunaithe ar chláir agus de shamplashuirbhéanna;

(e)

teaglaim de dhaonáirimh atá bunaithe ar chláir agus de dhaonáirimh thraidisiúnta;

(f)

teaglaim de dhaonáirimh bunaithe ar chláir, de shamplashuirbhéanna agus de dhaonáirimh thraidisiúnta; agus

(g)

suirbhéanna iomchuí a bhfuil samplaí ag baint leo de réir uainíochta (daonáireamh rollach).

—

déanfaidh ‘ábharthacht’ tagairt don mhéid a chomhlíonann staidreamh riachtanais reatha agus riachtanais ionchasacha úsáideoirí;

—

déanfaidh ‘cruinneas’ tagairt do ghaireacht na meastachán do na fíorluachanna anaithnide;

—

déanfaidh ‘tráthúlacht’ agus ‘poncúlacht’ tagairt don mhoill idir an tréimhse thagartha agus infhaighteacht na dtorthaí;

—

déanfaidh ‘inrochtaineacht’ agus ‘soiléireacht’ tagairt do na coinníollacha faoina bhféadfaidh úsáideoirí sonraí a fháil, a úsáid agus a léiriú agus na modúlachtaí trína bhféadfaidh siad sin a dhéanamh;

—

déanfaidh ‘comparáideacht’ tagairt don mhéid tionchair atá ag difríochtaí i gcoincheapa feidhmeacha staidrimh agus in uirlisí tomhais agus i nósanna imeachta nuair a dhéantar comparáid ar staidreamh idir limistéir gheografacha, idir fearainn earnálacha nó thar thréimhse ama; agus

—

déanfaidh ‘comhchuibheas’ tagairt do leordhóthanacht na sonraí a chomhcheanglófar go hiontaofa ar bhealaí difriúla agus d'úsáidí éagsúla.

(a)

sonraíochtaí teicniúla na n-ábhar mar a cheanglaítear leis an Rialachán seo iad chomh maith leis na miondealuithe ar na hábhair dá bhforáiltear in Airteagal 5(4);

(b)

formáid theicniúil iomchuí mar a fhoráiltear in Airteagal 5(5) a bhunú; agus

(c)

modúlachtaí agus struchtúr na dtuarascálacha cáilíochta dá bhforáiltear in Airteagal 6(3).

(a)

na blianta tagartha a shocrú de réir mar a fhoráiltear in Airteagal 5(1); agus

(b)

clár na sonraí staidrimh agus na meiteashonraí staidrimh a ghlacadh, mar a fhoráiltear in Airteagal 5(3).

13.8.2008   

GA

Iris Oifigiúil an Aontais Eorpaigh

L NaN/21

(1)

Is é atá sa mhargadh inmheánach limistéar gan teorainneacha inmheánacha, ina n-áirithítear saorghluaiseacht earraí faoin gConradh, rud a chuireann toirmeasc ar bhearta a bhfuil éifeachtaí acu atá comhionann le srianta cainníochtúla a chur ar allmhairí. Cumhdaíonn an toirmeasc sin aon bheart náisiúnta a d'fhéadfadh bacainn a chur, go díreach nó go hindíreach, go hiarbhír nó go féideartha, ar thrádáil earraí laistigh den Chomhphobal.

(2)

Cheal chomhchuibhiú na reachtaíochta, d'fhéadfadh údaráis inniúla na mBallstát constaicí a chruthú, go neamhdhleathach, maidir le saorghluaiseacht earraí idir Bhallstáit, de thoradh ar rialacha teicniúla a chur i bhfeidhm maidir le táirgí atá ar an margadh go dleathach i mBallstáit eile, agus ar rialacha teicniúla iad lena leagtar síos ceanglais a chaithfidh na táirgí sin a chomhlíonadh, amhail rialacha a bhaineann le hainmniú, foirm, méid, meáchan, comhdhéanamh, cur i láthair, lipéadú agus pacáistiú. D'fhéadfadh sé a bheith contrártha le hAirteagal 28 agus Airteagal 30 de Chonradh CE rialacha den sórt sin a chur i bhfeidhm maidir le táirgí atá ar an margadh go dleathach i mBallstát eile, fiú má bhaineann siad sin le gach táirge, gan idirdhealú.

(3)

Tá prionsabal an aitheantais fhrithpháirtigh, a eascraíonn as cásdlí Chúirt Bhreithiúnais na gComhphobal Eorpach, ar cheann de na modhanna lena n-áirithítear saorghluaiseacht earraí laistigh den mhargadh inmheánach. Baineann aitheantas frithpháirteach le táirgí nach bhfuil faoi réir reachtaíocht an Chomhphobail i ndáil le comhchuibhiú, nó le gnéithe de tháirgí nach dtagann faoi raon feidhme na reachtaíochta sin. De réir an phrionsabail sin, ní féidir le Ballstát cosc a chur ar tháirgí a bheith ar díol ina chríoch, más táirgí iad atá ar an margadh go dleathach i mBallstát eile, fiú má monaraíodh iad i gcomhréir le rialacha teicniúla atá éagsúil leis na cinn a bhfuil na táirgí náisiúnta faoina réir. Ní bheidh aon eisceachtaí ón bprionsabal sin ann ach amháin srianta a dhlitear ar na forais a leagtar amach in Airteagal 30 den Chonradh, nó ar bhonn sárchúiseanna eile ar mhaithe leis an leas poiblí agus iad ar comhréir leis an aidhm atá á saothrú.

(4)

Tá go leor fadhbanna ann fós maidir le cur i bhfeidhm phrionsabal an aitheantais fhrithpháirtigh ag na Ballstáit. Tá sé riachtanach, dá bhrí sin, nósanna imeachta a bhunú i dtreo is gur lú an seans go gcruthóidh rialacha teicniúla bacainní neamhdhleathacha maidir le saorghluaiseacht earraí idir Bhallstáit. Cheal nósanna imeachta den sórt sin sna Ballstáit, cruthaítear constaicí breise do shaorghluaiseacht earraí, de bhrí go ndíspreagtar gnóthais óna dtáirgí a dhíol i gcríoch an Bhallstáit a bhfuil na rialacha teicniúla á bhfeidhmiú aige cé go bhfuil na táirgí ar an margadh go dleathach i mBallstát eile. Tá sé léirithe ag suirbhéanna go ndéanann go leor gnóthas, go háirithe gnóthais bheaga agus mheánmhéide (GBManna), a gcuid táirgí a chomhoiriúnú, chun cloí le rialacha teicniúla na mBallstát, nó go n-éiríonn siad as iad a chur ar an margadh sna Ballstáit sin.

(5)

Chomh maith leis sin, níl nósanna imeachta iomchuí ag údaráis inniúla chun a gcuid rialacha teicniúla a chur i bhfeidhm maidir le táirgí sonracha atá ar an margadh go dleathach i mBallstát eile. Laghdaíonn an easpa nósanna imeachta sin a gcumas measúnú a dhéanamh ar chomhréireacht táirgí de réir an Chonartha.

(6)

I Rún ón gComhairle an 28 Deireadh Fómhair 1999 maidir le haitheantas frithpháirteach (3), meabhraíodh nár bhain oibreoirí eacnamaíocha agus saoránaigh an úsáid iomlán ná an úsáid cheart i gcónaí as prionsabal an aitheantais fhrithpháirtigh toisc nach raibh a ndóthain faisnéise acu i dtaobh an phrionsabail ná a chuid iarmhairtí oibriúcháin. D'iarr an Chomhairle ar na Ballstáit bearta iomchuí a fhorbairt chun creat éifeachtúil le haghaidh an aitheantais fhrithpháirtigh a sholáthar d'oibreoirí eacnamaíocha agus do shaoránaigh, inter alia, trí dhéileáil go héifeachtúil le hiarratais ó oibreoirí eacnamaíocha agus ó shaoránaigh, agus trí fhreagra sciobtha a thabhairt ar na hiarratais sin.

(7)

Chuir Comhairle Eorpach an 8 agus 9 Márta 2007 béim ar an tábhacht a bhaineann le spreagadh úr a thabhairt don mhargadh inmheánach d'earraí trí aitheantas frithpháirteach a neartú, agus ardleibhéal sábháilteachta agus ardleibhéal cosanta don tomhaltóir á ráthú ag an am céanna. Dearbhaíodh ag Comhairle Eorpach an 21 agus 22 Meitheamh 2007 go bhfuil sé ríthábhachtach i gcónaí don fhás, don iomaíochas agus don fhostaíocht ceithre shaoirse an mhargaidh inmheánaigh (saorghluaiseacht earraí, daoine, seirbhísí agus caipitil) a neartú tuilleadh agus feidhmiú an mhargaidh inmheánaigh a fheabhsú.

(8)

Chun go bhfeidhmeoidh an margadh inmheánach d'earraí mar is ceart, teastaíonn modhanna leordhóthanacha agus trédhearcacha chun réiteach a fháil ar na fadhbanna a eascraíonn as rialacha teicniúla de chuid Ballstáit amháin a chur i bhfeidhm maidir le táirgí sonracha atá ar an margadh go dleathach i mBallstát eile.

(9)

Níor chóir go ndéanfadh an Rialachán seo dochar do chomhchuibhiú breise a dhéanfaí ar rialacha teicniúla, nuair is cuí sin, d'fhonn feidhmiú an mhargaidh inmheánaigh a fheabhsú.

(10)

D'fhéadfadh bacainní trádála teacht freisin ó chineálacha eile beart a thagann faoi raon feidhme Airteagal 28 agus Airteagal 30 den Chonradh. Ar na bearta sin, d'fhéadfaí a áireamh, mar shampla, sonraíochtaí teicniúla a tharraingeofar suas maidir le nósanna imeachta um sholáthar poiblí nó oibleagáidí chun teangacha oifigiúla a úsáid sna Ballstáit. Níor chóir go bhféachfaí ar bhearta den sórt sin áfach mar rialacha teicniúla de réir bhrí an Rialacháin seo agus níor chóir, dá réir sin, go dtiocfadh siad faoina raon feidhme.

(11)

Rialacha teicniúla de réir bhrí an Rialacháin seo, déantar iad a chur i bhfeidhm uaireanta le linn nó trí bhíthin nósanna imeachta um réamhúdarú éigeantach, a bhunaítear le dlí Ballstáit amháin agus faoina gcaithfear formheas foirmiúil a fháil ó údarás inniúil an Bhallstáit tar éis iarratais sula bhféadfaidh táirge nó cineál táirge a chur ar mhargadh an Bhallstáit sin nó ar chuid de. Is srian iad na nósanna imeachta sin iontu féin ar shaorghluaiseacht earraí. Dá bhrí sin, le go mbeidh sé inghlactha ó thaobh phrionsabal bunúsach na saorghluaiseachta earraí laistigh den mhargadh inmheánach, ba cheart go saothródh nós imeachta an réamhúdaraithe éigeantaigh cuspóir ar mhaithe leis an leas poiblí atá aitheanta ag dlí an Chomhphobail agus ba cheart go mbeadh sé neamh-idirdhealaitheach agus comhréireach; is é sin le rá, ba cheart go mbeadh sé iomchuí chun an aidhm atá á saothrú a bhaint amach ach nach rachadh sé thar a bhfuil riachtanach chun an aidhm sin a bhaint amach. Ba cheart a mheas an gcomhlíonann nós imeachta den sórt sin prionsabal na comhréireachta i bhfianaise na ndálaí a leagtar amach i gcásdlí na Cúirte Breithiúnais.

(12)

Níor chóir gurbh ionann ceanglas go gcuirfí táirge faoi réir réamhúdarú sula gcuirfí ar an margadh é agus riail theicniúil de réir bhrí an Rialacháin seo agus, mar sin, cinneadh chun táirge a eisiamh nó a bhaint ón margadh a dhéantar ar an gcúis amháin nach bhfuil réamhúdarú bailí aige, níor chóir gur chinneadh é lena mbainfeadh an Rialachán seo. Nuair a dhéanfar iarratas ar réamhúdarú sainordaitheach den sórt sin do tháirge, áfach, aon chinneadh a bheartófar chun an t-iarratas a dhiúltú ar bhonn rialacha teicniúla, ba cheart go ndéanfaí é i gcomhréir leis an Rialachán seo, chun go mbeidh an t-iarratasóir in ann leas a bhaint as an nós imeachta cosanta a chuirtear ar fáil leis.

(13)

Cinntí ó chúirteanna nó ó bhinsí náisiúnta ina ndéantar measúnacht ar dhlíthiúlacht cásanna ina ndiúltaítear rochtain ar mhargadh Ballstáit eile do tháirgí atá ar an margadh go dleathach i mBallstáit eile nó ina gcuirtear pionóis i bhfeidhm de bharr chur i bhfeidhm rialach teicniúla, ba cheart iad a eisiamh ó raon feidhme an Rialacháin seo.

(14)

Is táirgí iad airm a d'fhéadfadh a bheith ina riosca tromchúiseach do shláinte agus do shábháilteacht an duine agus do shlándáil phoiblí na mBallstát. Chun sláinte agus sábháilteacht an duine a chosaint agus chun an choiriúlacht a chosc, féadfaidh roinnt cineálacha arm ar leith atá ar an margadh go dleathach i mBallstát amháin a bheith faoi réir beart sriantach i mBallstát eile. Is éard is féidir a bheith i gceist leis na bearta sin rialuithe sonracha agus údaruithe sonracha sula ndéanfar airm atá ar an margadh go dleathach i mBallstát amháin a chur ar an margadh i mBallstát eile. Ba cheart, dá bhrí sin, go gceadófar do Bhallstáit cosc a chur ar airm a chur ar a margaí go dtí go gcomhlíonfar go hiomlán a gceanglais náisiúnta nós imeachta.

(15)

Le Treoir 2001/95/CE ó Pharlaimint na hEorpa agus ón gComhairle an 3 Nollaig 2001 maidir le sábháilteacht ghinearálta táirgí (4) sonraítear nach féidir ach táirgí sábháilte a chur ar an margadh agus leagtar síos oibleagáidí na dtáirgeoirí agus na ndáileoirí maidir le sábháilteacht na dtáirgí. Tugtar teideal do na húdaráis táirge contúirteach ar bith a thoirmeasc láithreach, nó táirge a d'fhéadfadh a bheith contúirteach a thoirmeasc go sealadach ar feadh na tréimhse is gá le haghaidh na meastóireachtaí sábháilteachta, na seiceálacha agus na srianta éagsúla. Tugtar teideal freisin do na húdaráis na céimeanna is gá a ghlacadh chun bearta iomchuí amhail na bearta dá dtagraítear in Airteagal 8(1)(b) go (f) a chur i bhfeidhm le luas cuí, i gcás táirgí lena ngabhann riosca tromchúiseach. Ba cheart, dá bhrí sin, bearta a ghlacann údaráis inniúla na mBallstát de bhun dlíthe náisiúnta a ghlactar chun críocha chur chun feidhme Airteagal 8(1)(d) go (f) agus Airteagal 8(3) de Threoir 2001/95/CE a eisiamh ó raon feidhme an Rialacháin seo.

(16)

Le Rialachán (CE) Uimh. 178/2002 ó Pharlaimint na hEorpa agus ón gComhairle an 28 Eanáir 2002 lena leagtar síos prionsabail agus ceanglais ghinearálta dhlí an bhia, lena mbunaítear an tÚdarás Eorpach um Shábháilteacht Bia agus lena leagtar amach nósanna imeachta in ábhair a bhaineann le sábháilteacht bia (5), bunaítear, inter alia, córas mear-rabhaidh chun riosca díreach nó indíreach do shláinte an duine, a thagann ó bhia nó ó bheathú, a fhógairt. Cuirtear d'oibleagáid ar na Ballstáit fógra a thabhairt don Choimisiún láithreach, faoin gcóras mear-rabhaidh, maidir le haon bheart a ghlacann siad a bhfuil d'aidhm aige srian a chur le bia nó beatha a chur ar an margadh, nó a bhfuil d'aidhm aige bia nó beatha a aistarraingt nó a aisghairm ón margadh, d'fhonn sláinte an duine a chosaint, agus a éilíonn gníomhaíocht ghasta. Ba cheart, dá bhrí sin, bearta a ghlacann údaráis inniúla na mBallstát de bhun Airteagal 50(3)(a) agus Airteagal 54 de Rialachán (CE) Uimh. 178/2002 a eisiamh ó raon feidhme an Rialacháin seo.

(17)

Le Rialachán (CE) Uimh. 882/2004 ó Pharlaimint na hEorpa agus ón gComhairle an 29 Aibreán 2004 maidir le feidhmiú rialuithe oifigiúla chun comhlíonadh dlíthe um beatha agus bia, rialacha um shláinte ainmhithe agus rialacha um leasa ainmhithe a áirithiú (6), leagtar síos rialacha ginearálta maidir le feidhmiú rialuithe oifigiúla le comhlíonadh a fhíorú i gcás rialacha a bhfuil d'aidhm acu, go háirithe, rioscaí, cibé acu go díreach nó tríd an gcomhshaol, do dhaoine agus d'ainmhithe, a chosc, a dhíothú nó a laghdú go dtí leibhéal inghlactha, agus a bhfuil d'aidhm acu freisin cleachtais chóra a ráthú sa trádáil beatha agus bia, agus leas tomhaltóirí a chosaint, lena n-áirítear lipéadú beatha agus bia, agus cineálacha eile faisnéise le haghaidh tomhaltóirí. Leagtar síos leis nós imeachta sonrach d'fhonn a áirithiú, i gcás neamhchomhlíonadh na ndlíthe um beatha agus bia nó na rialacha um shláinte ainmhithe agus um leas ainmhithe, go gcuirfidh na hoibreoirí eacnamaíocha cúrsaí ina gceart. Ba cheart, dá bhrí sin, bearta a ghlacann údaráis inniúla na mBallstát de bhun Airteagal 54 de Rialachán (CE) Uimh. 882/2004, a eisiamh ó raon feidhme an Rialacháin seo. Bearta arna nglacadh nó arna mbeartú ag údaráis inniúla ar bhonn rialacha náisiúnta teicniúla, ba cheart go mbeadh siad faoi réir an Rialacháin seo, sa mhéid nach mbaineann siad le cuspóirí Rialachán (CE) Uimh. 882/2004.

(18)

Le Treoir 2004/49/CE ó Pharlaimint na hEorpa agus ón gComhairle an 29 Aibreán 2004, maidir le sábháilteacht ar iarnróid an Chomhphobail (Treoir um Shábháilteacht Iarnróid) (7), foráiltear do nós imeachta um údarú maidir leis an rothra atá ann cheana a chur i seirbhís, rud a fhágfaidh scóip chun rialacha áirithe náisiúnta a chur i bhfeidhm. Ba cheart, dá bhrí sin, bearta a ghlacann na húdaráis inniúla de bhun Airteagal 14 den Treoir sin a eisiamh ó raon feidhme an Rialacháin seo.

(19)

Le Treoir 96/48/CE ón gComhairle an 23 Iúil 1996 maidir le hidirinoibritheacht an chórais iarnróid ardluais thras-Eorpaigh (8) agus Treoir 2001/16/CE ó Pharlaimint na hEorpa agus ón gComhairle an 19 Márta 2001 maidir le hidirinoibritheacht an ghnáthchórais iarnróid thras-Eorpaigh (9), foráiltear do chórais agus d'oibríochtaí a chomhchuibhiú de réir a chéile, trí Shonraíochtaí Teicniúla don Idirinoibritheacht a ghlacadh go comhleanúnach. Ba cheart, dá bhrí sin, córais agus comhdhamhnaí idirinoibritheachta a thagann laistigh de raon feidhme na dTreoracha sin a eisiamh ó raon feidhme an Rialacháin seo.

(20)

Le Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach na ceanglais maidir le creidiúnú agus faireachas margaidh a bhaineann le táirgí a chur ar an margadh (10), bunaítear córas creidiúnaithe lena n-áirithítear go nglacfar go frithpháirteach le leibhéal inniúlachta na gcomhlachtaí measúnaithe comhréireachta. Níor chóir, dá bhrí sin, i gcás tuarascálacha tástála nó deimhnithe arna n-eisiúint ag comhlacht measúnaithe comhréireachta atá creidiúnaithe chuige sin, go ndiúltódh údaráis inniúla na mBallstát dóibh a thuilleadh ar fhorais a bhaineann le hinniúlacht an chomhlachta sin. Thairis sin, féadfaidh Ballstáit glacadh le tuarascálacha tástála agus deimhnithe arna n-eisiúint ag comhlachtaí eile measúnaithe comhréireachta, i gcomhréir le dlí an Chomhphobail.

(21)

Le Treoir 98/34/CE ó Pharlaimint na hEorpa agus ón gComhairle an 22 Meitheamh 1998 ag leagan síos nós imeachta maidir le soláthar faisnéise i réimse na gcaighdeán agus na rialachán teicniúil agus rialacha maidir le seirbhísí na Sochaí Faisnéise (11), cuirtear d'oibleagáid ar na Ballstáit aon dréachtrialachán teicniúil a bhaineann le haon táirge, lena n-áirítear táirgí talmhaíochta agus éisc, a chur in iúl don Choimisiún agus do na Ballstáit eile mar aon le ráiteas ar na forais gur gá an Rialachán sin a achtú. Is gá a áirithiú, áfach, go gcuirfear prionsabal an aitheantais fhrithpháirtigh i bhfeidhm i gceart maidir le táirgí sonracha i gcásanna aonair, tar éis Rialachán teicniúil den sórt sin a ghlacadh. Leis an Rialachán seo, leagtar síos nós imeachta maidir le cur i bhfeidhm phrionsabal an aitheantais fhrithpháirtigh i gcásanna aonair, trí oibleagáid a chur ar an údarás inniúil chun go léireoidh sé na forais theicniúla nó eolaíocha atá ann le nach gcuirfí an táirge sonrach ar an margadh sa chruth ina bhfuil sé ag an am sin ina Bhallstát, i gcomhréir le hAirteagal 28 agus Airteagal 30 den Chonradh. I gcomhthéacs an Rialacháin seo, níor chóir go dtuigfí go gciallaíonn fianaise cruthúnas dlíthiúil. Ní bheidh sé d'oibleagáid ar údaráis na mBallstát, i gcomhthéacs an Rialacháin seo, an riail theicniúil féin a dhlisteanú. I gcás go gcuirfí an riail theicniúil i bhfeidhm maidir le táirge atá ar an margadh go dleathach i mBallstát eile, áfach, ba cheart go ndlisteanóidís é sin, mar a leagtar síos sa Rialachán seo.

(22)

I gcomhréir le prionsabal an aitheantais fhrithpháirtigh, ba cheart go bhforálfaí leis an nós imeachta a leagtar síos sa Rialachán seo go gcuirfeadh na húdaráis inniúla in iúl don oibreoir eacnamaíoch i ngach cás, ar bhonn na n-eilimintí ábhartha teicniúla nó eolaíocha atá ar fáil, go bhfuil sárchúiseanna ann ar mhaithe leis an leas poiblí chun rialacha teicniúla náisiúnta a fhorchur ar an táirge nó ar an gcineál táirge lena mbaineann agus nach féidir rialacha is lú srian a úsáid. Leis an bhfógra i scríbhinn, ba cheart go gceadófaí don oibreoir eacnamaíoch tuairimí a nochtadh maidir le gnéithe ábhartha uile an chinnidh a bheartaítear agus lena gcuirfear srian le rochtain ar an margadh. Níl aon chúis ann nach mbeadh an t-údarás inniúil in ann gníomhú tar éis an spriocdháta le haghaidh na dtuairimí sin mura bhfaighfear freagra ón oibreoir eacnamaíoch.

(23)

Maidir le coincheap na sárchúiseanna leasa phoiblí dá dtagraítear i bhforálacha áirithe den Rialachán seo, coincheap atá ag éabhlóidiú i gcónaí atá ann, a d'fhorbair an Chúirt Bhreithiúnais ina cásdlí maidir le hAirteagal 28 agus Airteagal 30 den Chonradh. Leis an gcoincheap sin, cuimsítear, inter alia, éifeachtúlacht na maoirseachta fioscaí, cothroime sna hidirbhearta tráchtála, cosaint na dtomhaltóirí, caomhnú an chomhshaoil, cothabháil éagsúlacht an phreasa agus an baol atá ann go ndéanfar lagú tromchúiseach ar chothromaíocht airgeadais an chórais slándála shóisialta. D'fhéadfadh sárchúiseanna den sórt sin a bheith ina ndlisteanú do na húdaráis inniúla chun rialacha teicniúla a chur i bhfeidhm. Níor chóir áis a bhaint as an bhfeidhmiú sin, áfach, chun idirdhealú treallach a dhéanamh ná srian faoi cheilt a chur ar an trádáil idir Bhallstáit. Ina theannta sin, ba cheart, i gcónaí, go n-urramófaí prionsabal na comhréireachta agus go bhféachfaí arbh é an beart is lú srian atá roghnaithe ag na húdaráis inniúla.

(24)

Le linn d'údarás inniúil de chuid Ballstáit an nós imeachta atá leagtha síos sa Rialachán seo a chur i bhfeidhm, níor chóir dó táirge nó cineál táirge a aistarraingt as a mhargadh ná srian a chur lena chur ar an margadh, más táirge nó cineál táirge é atá ar an margadh go dleathach i mBallstát eile. Is cuí, áfach, go mbeidh údarás inniúil in ann bearta sealadacha a ghlacadh i gcás ina mbeadh gá le gníomhaíocht sciobtha le nach ndéanfaí dochar do shábháilteacht nó do shláinte na n-úsáideoirí. Féadfaidh an t-údarás inniúil na bearta sealadacha sin a ghlacadh freisin le nach gcuirfear táirge ar a mhargadh a bhfuil toirmeasc ginearálta ann maidir lena chur ar an margadh ar chúiseanna a bhaineann leis an moráltacht phoiblí nó leis an tslándáil phoiblí, lena n-áirítear cosc na coireachta. Ba cheart, dá bhrí sin, go gceadófaí do na Ballstáit, ag céim ar bith den nós imeachta a leagtar síos sa Rialachán seo, fionraíocht shealadach a chur ar tháirgí nó ar chineálacha táirge a chur ar an margadh ina gcríocha sna himthosca sin.

(25)

Ba cheart go sonrófaí, le cinneadh ar bith a bhfuil feidhm ag an Rialachán seo ina leith, na réitigh atá ar fáil, ionas gur féidir le hoibreoir eacnamaíoch imeachtaí a thionscnamh os comhair na cúirte náisiúnta inniúla nó os comhair an bhinse náisiúnta inniúil.

(26)

Is cuí go gcuirfear an t-oibreoir eacnamaíoch ar an eolas freisin maidir leis na meicníochtaí neamhbhreithiúnacha atá ar fáil chun fadhbanna a réiteach, amhail córas SOLVIT, chun go seachnófar éiginnteacht dhlíthiúil agus costais dlí.

(27)

Agus cinneadh glactha ag údarás inniúil chun táirge a eisiamh ar bhonn rialach teicniúla i gcomhréir le ceanglais nós imeachta an Rialacháin seo, aon bheart breise a dhéanfar i ndáil leis an táirge sin, a bheidh bunaithe ar an gcinneadh sin agus ar an riail theicniúil chéanna, níor chóir go mbeadh sé faoi réir cheanglais an Rialacháin seo.

(28)

Tá sé tábhachtach a áirithiú, ar mhaithe leis an margadh inmheánach d'earraí, gur féidir teacht go héasca ar na rialacha náisiúnta teicniúla, i dtreo is gur féidir le gnóthais, agus go háirithe gnóthais bheaga agus mheánmhéide (GBManna), faisnéis chruinn iontaofa a bhailiú maidir leis an dlí atá i bhfeidhm.

(29)

Is gá, dá bhrí sin, prionsabail um shimpliú riaracháin a chur i ngníomh, inter alia, trí chóras Pointí Teagmhála do Tháirgí a bhunú. Ba cheart go gcinnteodh sé seo go mbeidh gnóthais in ann faisnéis a fháil i gceart agus ar bhealach trédhearcach, ionas gur féidir na moilleanna, na costais agus na héifeachtaí athchomhairleacha a chruthaíonn rialacha náisiúnta teicniúla a sheachaint.

(30)

D'fhonn saorghluaiseacht earraí a éascú, ba cheart go ndéanfadh na Pointí Teagmhála do Tháirgí faisnéis a chur ar fáil, saor in aisce, maidir lena rialacha náisiúnta teicniúla agus maidir le cur i bhfeidhm phrionsabal an aitheantais fhrithpháirtigh ó thaobh táirgí de. Ba cheart go mbeadh trealamh leordhóthanach agus acmhainní leordhóthanacha ag na Pointí Teagmhála do Tháirgí agus ba cheart go spreagfaí iad freisin chun an fhaisnéis a chur ar fáil ar láithreán gréasáin agus i dteangacha eile de chuid an Chomhphobail. D'fhéadfadh na Pointí Teagmhála do Tháirgí aon fhaisnéis bhreise nó barúlacha breise a chur in iúl freisin d'oibreoirí eacnamaíocha le linn an nós imeachta a leagtar síos sa Rialachán seo. Féadfaidh na Pointí Teagmhála do Tháirgí táillí a ghearradh i gcás faisnéise eile, a bheidh i gcomhréir le costais na faisnéise sin.

(31)

De bhrí nár chóir go gcuirfeadh bunú na bPointí Teagmhála do Tháirgí isteach ar an tslí a leithdháiltear feidhmeanna ar údaráis inniúla laistigh de chórais riaracháin na mBallstát, ba cheart go bhféadfadh Ballstáit Pointí Teagmhála do Tháirgí a bhunú de réir inniúlachtaí réigiúnacha nó áitiúla. Chomh maith leis sin, ba cheart go bhféadfadh Ballstáit ról Pointí Teagmhála do Tháirgí a dheonú do phointí teagmhála a bunaíodh cheana féin i gcomhréir le hionstraimí eile Comhphobail, d'fhonn nach ndéanfaí an iomarca pointí teagmhála neamhriachtanacha a bhunú agus d'fhonn nósanna imeachta riaracháin a shimpliú. Ba cheart go mbeadh Ballstáit in ann ról Pointe Teagmhála do Tháirgí a thabhairt, ní amháin do sheirbhísí atá ann cheana laistigh den chóras riaracháin phoiblí, ach do lárionaid náisiúnta SOLVIT, do chumainn lucht tráchtála, d'eagraíochtaí gairmiúla agus do chomhlachtaí príobháideacha, i dtreo is nach leagfaí costais bhreise riaracháin ar ghnóthais agus ar údaráis inniúla araon.

(32)

Ba cheart go spreagfaí na Ballstáit agus an Coimisiún chun oibriú go dlúth le chéile d'fhonn oiliúint na foirne a bheidh fostaithe ag Pointí Teagmhála do Tháirgí a éascú.

(33)

Agus ríomhsheirbhís Rialtais uile-Eorpach á forbairt agus á bunú, maille lena bunlíonraí teileamaitice idirinoibritheacha, ba cheart go bhféachfaí arbh fhéidir córas leictreonaice a bhunú le haghaidh malartú faisnéise idir Phointí Teagmhála do Tháirgí, de réir Chinneadh 2004/387/CE ó Pharlaimint na hEorpa agus ón gComhairle an 21 Aibreán 2004 maidir le ríomhsheirbhísí Rialtais uile-Eorpacha a chur ar fáil go hidiroibritheach do chórais riaracháin phoiblí, do ghnóthais agus do shaoránaigh (IDABC) (12).

(34)

Ba cheart meicníochtaí monatóireachta agus meastóireachta atá iontaofa agus éifeachtach a bhunú d'fhonn faisnéis a chur ar fáil maidir le cur i bhfeidhm an Rialacháin seo chun eolas a bhaineann le feidhmiú an mhargaidh inmheánaigh d'earraí in earnálacha nach bhfuil faoi réir an chomhchuibhithe a fheabhsú agus chun a áirithiú go gcuirfidh údaráis inniúla na mBallstát prionsabal an aitheantais fhrithpháirtigh i bhfeidhm go cuí. Níor chóir go rachadh na meicníochtaí sin thar a bhfuil riachtanach chun na cuspóirí sin a bhaint amach.

(35)

Ní bheidh feidhm ag an Rialachán seo ach amháin maidir le táirgí nó le gnéithe áirithe de tháirgí nach bhfuil faoi réir bhearta an Chomhphobail um chomhchuibhiú a cheaptar chun constaicí ar thrádáil idir Bhallstáit a dhíchur agus a eascraíonn as an éagsúlacht atá ann maidir le rialacha náisiúnta teicniúla. Is forálacha de chineál cuimsitheach go minic iad forálacha na mbearta sin um chomhchuibhiú, agus sa chás sin ní fhéadfaidh Ballstáit srian, cosc ná bac a chur ar tháirgí a chur ar an margadh ina gcríocha má chomhlíonann siad an beart sin. Ceadaítear do Bhallstáit, áfach, le bearta áirithe um chomhchuibhiú de chuid an Chomhphobail, coinníollacha teicniúla breise a fhorchur maidir le táirge a chur ar a margadh. Ba cheart go mbeadh na coinníollacha breise sin faoi réir Airteagal 28 agus Airteagal 30 den Chonradh agus faoi réir fhorálacha an Rialacháin seo. Is cuí, dá bhrí sin, ar mhaithe le cur i bhfeidhm éifeachtach an Rialacháin seo, go mbunódh an Coimisiún liosta táscach agus neamhchuimsitheach de tháirgí nach bhfuil faoi réir comhchuibhithe ar leibhéal an Chomhphobail.

(36)

Maidir leis an scéim monatóireachta a bunaíodh le Cinneadh Uimh. 3052/95/CE ó Pharlaimint na hEorpa agus ón gComhairle an 13 Nollaig 1995 lena mbunaítear nós imeachta chun faisnéis a mhalartú maidir le bearta náisiúnta de mhaolú ar phrionsabal na saorghluaiseachta earraí laistigh den Chomhphobal (13), níor éirigh léi den chuid is mó, sa mhéid is nach bhfuair an Coimisiún a dhóthain faisnéise as cur chun feidhme na scéime chun na hearnálacha a aithint ina bhféadfadh an comhchuibhiú a bheith oiriúnach. Níor éirigh léi ach oiread réiteach mear a aimsiú ar fhadhbanna áirithe maidir le saorghluaiseacht. Ba cheart, dá bhrí sin, Cinneadh Uimh. 3052/95/CE a aisghairm.

(37)

Is cuí idirthréimhse a thabhairt isteach do chur i bhfeidhm an Rialacháin seo le go mbeidh sé ar chumas na n-údarás inniúil iad féin a chur in oiriúint do na ceanglais a leagtar síos leis.

(38)

Ó tharla nach féidir leis na Ballstáit cuspóir an Rialacháin seo, eadhon na constaicí teicniúla maidir le saorghluaiseacht earraí idir Bhallstáit a dhíchur, a bhaint amach go leordhóthanach ar leibhéal na mBallstát agus gur fearr dá bhrí sin, de bharr a fhairsinge agus a éifeachtaí, a fhéadfar é a ghnóthú ar leibhéal an Chomhphobail, féadfaidh an Comhphobal bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh. I gcomhréir le prionsabal na comhréireachta, a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach.

(39)

Ba cheart na bearta is gá chun an Rialachán seo a chur chun feidhme a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na rialacha mionsonraithe maidir le feidhmiú na gcumhachtaí cur chun feidhme arna dtabhairt don Choimisiún (14),

(a)

toirmeasc ar an táirge nó ar an gcineál táirge sin a chur ar an margadh;

(b)

modhnú nó tástáil bhreise ar an táirge nó ar an gcineál táirge sin sula bhféadfaí é a chur nó a choinneáil ar an margadh;

(c)

aistarraingt an táirge nó an chineáil táirge sin ón margadh.

(a)

nach bhfuil faoi réir an chomhchuibhithe ar leibhéal an Chomhphobail; agus

(b)

a chuireann toirmeasc ar tháirge nó ar chineál táirge a chur ar an margadh i gcríoch an Bhallstáit sin nó a fhágann nach féidir a bhfuil éigeantach a chomhlíonadh nuair a chuirtear táirge nó cineál táirge ar an margadh i gcrích an Bhallstáit sin, agus a leagann síos ceachtar ceann díobh seo a leanas:

(a)

cinntí de chineál breithiúnach arna ndéanamh ag cúirteanna náisiúnta nó binsí náisiúnta;

(b)

cinntí de chineál breithiúnach arna ndéanamh ag údaráis forghníomhaithe an dlí le linn fiosrú nó ionchúiseamh a bheith á dhéanamh ar chion coiriúil maidir le téarmaíocht, siombailí nó tagairt ábharach d'eagraíochtaí míbhunreachtúla nó coiriúla nó ar chionta de chineál ciníoch nó seineafóibeach.

(a)

Airteagal 8(1)(d) go (f) agus Airteagal 8(3) de Threoir 2001/95/CE;

(b)

Airteagal 50(3)(a) agus Airteagal 54 de Rialachán (CE) Uimh. 178/2002;

(c)

Airteagal 54 de Rialachán (CE) Uimh. 882/2004;

(d)

Airteagal 14 de Threoir 2004/49/CE.

(a)

faisnéis ábhartha maidir le saintréithe an táirge nó saintréithe an chineáil táirge atá i gceist;

(b)

faisnéis atá ábhartha agus ar fáil go réidh maidir leis an táirge a bheith ar an margadh go dleathach i mBallstát eile.

(a)

go bhfuil call leis an gcinneadh a bheartaítear ar bhonn ceann de na forais ar mhaithe leis an leas poiblí a leagtar amach in Airteagal 30 den Chonradh, nó trí thagairt do shárchúiseanna eile leasa phoiblí; agus

(b)

gurb iomchuí an cinneadh a bheartaítear chun a áirithiú go mbainfear amach an cuspóir atá á shaothrú, agus nach dtéann sé thar a bhfuil riachtanach chun an cuspóir sin a bhaint amach.

(a)

go bhfuil baol tromchúiseach do shláinte agus do shábháilteacht na n-úsáideoirí i gceist leis an táirge nó leis an gcineál táirge lena mbaineann, faoi ghnáthchoinníollacha úsáide nó faoi choinníollacha úsáide a mbeadh coinne réasúnta leo; nó

(b)

go bhfuil toirmeasc ginearálta ar an táirge nó ar an gcineál táirge sin a chur ar an margadh i mBallstát ar chúiseanna a bhaineann leis an moráltacht phoiblí nó leis an tslándáil phoiblí.

(a)

do dhéantóir an táirge, i gcás ina bhfuil sé nó sí bunaithe sa Chomhphobail, nó don duine a chuir an táirge ar an margadh nó atá ag iarraidh ar an údarás inniúil go gcuirfí an táirge ar an margadh;

(b)

i gcás nach féidir leis an údarás inniúil céannacht ná sonraí teagmhála na n-oibreoirí eacnamaíocha dá dtagraítear i bpointe (a) a dheimhniú, d'ionadaí an déantóra, nuair nach bunaithe sa Chomhphobal don déantóir nó, mura bhfuil aon ionadaí bunaithe sa Chomhphobal aige, d'allmhaireoir an táirge;

(c)

i gcás nach féidir leis an údarás inniúil céannacht ná sonraí teagmhála aon cheann de na hoibreoirí eacnamaíocha dá dtagraítear i bpointe (a) agus i bpointe (b) a dheimhniú, do ghairmí eile sa slabhra soláthair, a mbíonn éifeacht ag a ghníomhaíochtaí ar airí ar bith den táirge atá faoi réir na rialach teicniúla atá á cur i bhfeidhm air;

(d)

i gcás nach féidir leis an údarás inniúil céannacht ná sonraí teagmhála aon cheann de na hoibreoirí eacnamaíocha dá dtagraítear i bpointí (a), (b) ná (c) a dheimhniú, do ghairmí ar bith sa slabhra soláthair nach mbíonn éifeacht ag a ghníomhaíochtaí ar airí ar bith den táirge atá faoi réir na rialach teicniúla atá á cur i bhfeidhm air.

(a)

na rialacha teicniúla is infheidhme maidir le cineál sonrach táirge sa chríoch ina bhfuil na Pointí Teagmhála do Tháirgí sin bunaithe agus faisnéis maidir le cibé acu an bhfuil an cineál sin táirge faoi réir ceanglais maidir le réamhúdarú faoi dhlíthe Bhallstát na bPointí Teagmhála do Tháirgí, mar aon le faisnéis maidir le prionsabal an aitheantais fhrithpháirtigh agus maidir le cur i bhfeidhm an Rialacháin seo i gcríoch an Bhallstáit sin;

(b)

sonraí teagmhála na n-údarás inniúil laistigh den Bhallstát sin, trínar féidir dul i dteagmháil leo go díreach, lena n-áirítear sonraí na n-údarás a bhfuil sé d'fhreagracht orthu maoirseacht a dhéanamh ar chur chun feidhme na rialacha teicniúla sin i gcríoch an Bhallstáit sin;

(c)

na réitigh atá ar fáil de ghnáth i gcríoch an Bhallstáit sin i gcás ina mbeadh aighneas ann idir na húdaráis inniúla agus oibreoir eacnamaíoch.

(a)

líon na bhfógraí i scríbhinn a seoladh de bhun Airteagal 6(1) agus na cineáil táirgí lena mbaineann;

(b)

faisnéis leordhóthanach maidir le cinneadh ar bith a glacadh de bhun Airteagal 6(2), lena n-áirítear na forais ar a bunaíodh na cinntí sin agus an cineál táirgí lena mbaineann;

(c)

líon na gcinntí a glacadh de bhun Airteagal 6(3) agus na cineáil táirgí lena mbaineann.

13.8.2008   

GA

Iris Oifigiúil an Aontais Eorpaigh

L NaN/30

(1)

Ní mór a áirithiú go gcomhlíonann táirgí a thairbhíonn ó shaorghluaiseacht earraí laistigh den Chomhphobal ceanglais lena gcuirtear ardleibhéal cosanta ar fáil do leasanna an phobail, amhail sláinte agus sábháilteacht i gcoitinne, sláinte agus sábháilteacht san ionad oibre, cosaint tomhaltóirí, caomhnú an chomhshaoil agus cosaint slándála, agus ní mór a áirithiú nach gcuirfear srian ar shaorghluaiseacht táirgí seachas mar a cheadaítear é faoin reachtaíocht Chomhphobail um chomhchuibhiú nó faoi aon rialacha ábhartha eile de chuid an Chomhphobail. Ba cheart, dá bhrí sin, foráil a dhéanamh do rialacha maidir le creidiúnú, faireachas margaidh, rialuithe ar tháirgí ó thríú tíortha agus marc an CE.

(2)

Ní foláir creat foriomlán rialacha agus prionsabal a bhunú maidir le creidiúnú agus faireachas margaidh. Níor cheart go ndéanfadh an creat sin difear do rialacha substainteacha na reachtaíochta atá ann cheana lena leagtar amach na forálacha a chaithfear a urramú chun leasanna an phobail amhail sláinte, sábháilteacht, cosaint tomhaltóirí agus caomhnú an chomhshaoil a chosaint, ach ba cheart go mbeadh sé mar aidhm leis an gcreat cur le hoibríocht na rialacha sin.

(3)

Ba cheart go n-amharcfaí ar an Rialachán seo mar Rialachán lena gcomhlánaítear Cinneadh Uimh. 3615/2008/CE ó Pharlaimint na hEorpa agus ón gComhairle an 9 Iúil 2008 i ndáil le creat maidir le táirgí a mhargú (3).

(4)

Tá sé an-deacair reachtaíocht Chomhphobail a ghlacadh i ndáil le gach táirge atá ann nó le gach táirge a d'fhéadfaí a fhorbairt; tá gá le creat reachtach, a mbeidh bonn leathan faoi agus ar creat cothrománach é chun déileáil le táirgí den sórt sin, chun bearnaí a chumhdach, go háirithe nó go ndéanfar athbhreithniú ar an reachtaíocht shonrach atá ann, agus chun cur le forálacha atá sa reachtaíocht shonrach atá ann nó a bheidh ann amach anseo, go háirithe d'fhonn ardleibhéal cosanta maidir le sláinte, sábháilteacht, caomhnú an chomhshaoil agus cosaint tomhaltóirí a áirithiú, faoi mar a cheanglaítear le hAirteagal 95 den Chonradh.

(5)

Ba cheart go gcomhlánódh agus go neartódh an creat don fhaireachas margaidh a bhunaítear leis an Rialachán seo na forálacha atá sa reachtaíocht Chomhphobail um chomhchuibhiú cheana maidir le faireachas margaidh agus maidir leis na forálacha sin a fhorghníomhú. I gcomhréir le prionsabal an lex specialis, áfach, níor cheart go mbeadh feidhm ag an Rialachán seo ach amháin a mhéid nach ann d'aon fhorálacha sainiúla a bhfuil an cuspóir céanna leo nó a bhfuil an éifeacht chéanna acu, nó ar den chineál céanna iad, i rialacha eile atá ann nó a bheidh ann amach anseo de chuid na reachtaíochta Comhphobail um chomhchuibhiú. Tá samplaí le fáil sna hearnálacha seo a leanas: réamhtheachtaithe drugaí, feistí leighis, táirgí íocshláinte lena n-úsáid ag an duine agus le haghaidh úsáide tréidliachta, mótarfheithiclí agus eitlíocht. Níor cheart, dá bhrí sin, go mbeadh feidhm ag forálacha comhfhreagracha an Rialacháin seo sna réimsí a chumhdaítear le forálacha sainiúla den sórt sin.

(6)

Le Treoir 2001/95/CE ó Pharlaimint na hEorpa agus ón gComhairle an 3 Nollaig 2001 maidir le sábháilteacht ghinearálta táirgí (4), bunaíodh rialacha chun sábháilteacht táirgí tomhaltóirí a áirithiú. Ba cheart go bhféadfadh na húdaráis um fhaireachas margaidh na bearta is sainiúla atá ar fáil dóibh faoin Treoir sin a ghlacadh.

(7)

Chun leibhéal sábháilteachta níos airde do tháirgí tomhaltóirí a bhaint amach, áfach, ba cheart na sásraí faireachais dá bhforáiltear i dTreoir 2001/95/CE a neartú a mhéid a bhaineann le táirgí a bhfuil riosca tromchúiseach ag baint leo, i gcomhréir leis na prionsabail a bhunaítear leis an Rialachán seo. Ba cheart, dá bhrí sin, Treoir 2001/95/CE a leasú dá réir sin.

(8)

Is cuid de chóras foriomlán, lena n-áirítear measúnú comhréireachta agus faireachas margaidh, a ceapadh chun comhréireacht leis na ceanglais is infheidhme a mheas agus a áirithiú, an creidiúnú.

(9)

Fiúntas ar leith a bhaineann le creidiúnú is ea go dtugann sé ráiteas údarásach faoi inniúlacht theicniúil comhlachtaí a bhfuil de chúram orthu a áirithiú go bhfuiltear ag comhlíonadh na gceanglas is infheidhme.

(10)

Déantar creidiúnú sna Ballstáit uile, cé nach bhfuil sé á rialú fós ar leibhéal an Chomhphobail. De bharr easpa rialacha comhchoiteanna don ghníomhaíocht sin, tá cur chuige difriúil agus córais éagsúla tagtha chun cinn ar fud an Chomhphobail agus, dá bhrí sin, ní ionann a dhéine a chuirtear an creidiúnú i bhfeidhm i ngach Ballstát. Ní foláir, mar sin, creat cuimsitheach a fhorbairt maidir le creidiúnú agus na prionsabail maidir le heagrú agus oibriú an chreata sin a leagan síos ar leibhéal an Chomhphobail.

(11)

Níor cheart go ndéanfadh bunú comhlachta aonfhoirmigh creidiúnaithe náisiúnta dochar do leithdháileadh feidhmeanna laistigh de na Ballstáit.

(12)

I gcás ina bhforáiltear sa reachtaíocht Chomhphobail um chomhchuibhiú do chomhlachtaí um measúnú comhréireachta a roghnú chun an reachtaíocht sin a chur chun feidhme, ba cheart go measfadh na húdaráis phoiblí náisiúnta ar fud an Chomhphobail gurb é an creidiúnú trédhearcach, dá bhforáiltear sa Rialachán seo, lena n-áirithítear an leibhéal muiníne is gá i ndeimhnithe comhréireachta, an rogha modh chun inniúlacht theicniúil na gcomhlachtaí sin a léiriú. Féadfaidh na húdaráis náisiúnta, áfach, a mheas go bhfuil na bealaí iomchuí acu chun an mheastóireacht sin a dhéanamh iad féin. Sna cásanna sin, chun a áirithiú go mbeidh an leibhéal iomchuí creidiúnachta ag meastóireachtaí a dhéanfaidh údaráis náisiúnta eile, ba cheart dóibh an fhianaise dhoiciméadach is gá a léiríonn go gcomhlíonann na comhlachtaí um measúnú comhréireachta na ceanglais rialúcháin iomchuí a chur ar fáil don Choimisiún agus do na Ballstáit eile.

(13)

Cuidíonn córas creidiúnaithe a fheidhmíonn faoi threoir rialacha ceangailteacha le muinín frithpháirteach a neartú idir na Ballstáit maidir lena n-inniúlacht mar chomhlachtaí um measúnú comhréireachta agus, mar thoradh air sin, maidir leis na deimhnithe agus na tuarascálacha tástála a eisíonn siad. Ar an mbealach sin cuireann sé le prionsabal an aitheantais fhrithpháirtigh agus ba cheart, dá bhrí sin, go mbeadh feidhm ag forálacha an Rialacháin seo maidir le creidiúnú i leith comhlachtaí a bhíonn i mbun measúnuithe comhréireachta sa réimse rialaithe agus sa réimse neamhrialaithe araon. Is é caighdeán na ndeimhnithe agus na dtuarascálacha tástála atá faoi chaibidil, tagaidís faoin réimse rialaithe nó faoin réimse neamhrialaithe, agus níor cheart aon idirdhealú a dhéanamh, dá bhrí sin, idir na réimsí sin.

(14)

Chun críocha an Rialacháin seo, ba cheart go dtuigfí gurb ionann oibríocht sheachbhrabúsach a dhéanann comhlacht creidiúnaithe náisiúnta agus gníomhaíocht nach bhfuil sé mar aidhm léi cur le hacmhainní úinéirí an chomhlachta ná le hacmhainní chomhaltaí an chomhlachta. Cé nach bhfuil sé de chuspóir ag na comhlachtaí creidiúnaithe náisiúnta brabúis a uasmhéadú nó a dháileadh, d'fhéadfaidís seirbhísí a sholáthar ar íocaíocht nó ioncam a fháil. Féadfar aon ioncam barrachais a thiocfaidh ó sheirbhísí den sórt sin a úsáid le haghaidh infheistíochta chun tuilleadh forbartha a dhéanamh ar a ngníomhaíochtaí náisiúnta, fad a bheidh sin ag teacht le príomhghníomhaíochtaí na gcomhlachtaí sin. Ba cheart, dá réir sin, a threisiú gur cheart gurbh é príomhchuspóir na gcomhlachtaí creidiúnaithe náisiúnta i gcónaí tacú le gníomhaíochtaí, nó a bheith páirteach go gníomhach i ngníomhaíochtaí nach bhfuil aidhm bhrabúsach leo.

(15)

Ós rud é gurb éard is cuspóir le creidiúnú, ráiteas údarásach a sholáthar faoi inniúlacht comhlachta chun gníomhaíochtaí measúnaithe comhréireachta a dhéanamh, níor cheart go ndéanfadh na Ballstáit cothabháil ar níos mó ná comhlacht creidiúnaithe náisiúnta amháin agus ba cheart dóibh a áirithiú go n-eagraítear an comhlacht sin ar shlí a dhéanfaidh coimirce ar oibiachtúlacht agus neamhchlaontacht a ghníomhaíochtaí. Ba cheart do chomhlachtaí creidiúnaithe náisiúnta den sórt sin feidhmiú go neamhspleách ar ghníomhaíochtaí measúnaithe chomhréireachta tráchtála. Is iomchuí mar sin a fhoráil go n-áiritheoidh na Ballstáit, agus a dtascanna á gcur i gcrích dóibh, go mbeidh údarás poiblí ag comhlachtaí creidiúnaithe náisiúnta, beag beann ar a stádas dlíthiúil.

16)

Chun measúnú agus monatóireacht leanúnach a dhéanamh ar inniúlacht comhlachta um measúnú comhréireachta, tá sé fíor-riachtanach go gcinnfí an t-eolas teicniúil agus an taithí atá aige agus an cumas atá ann measúnú a dhéanamh. Dá bhrí sin, caithfidh an t-eolas ábhartha, an inniúlacht agus na hacmhainní chun a chuid tascanna a fheidhmiú mar is iomchuí a bheith ag an gcomhlacht creidiúnaithe náisiúnta.

(17)

Ba cheart i bprionsabal go bhfeidhmeodh creidiúnú mar ghníomhaíocht fhéinchothaitheach. Ba cheart do na Ballstáit a áirithiú go bhfuil tacaíocht airgeadais ann chun tascanna speisialta a chomhlíonadh.

(18)

Sna cásanna sin nuair nach mbeidh sé fóinteach ná inbhuanaithe do Bhallstát ó thaobh na heacnamaíochta de comhlacht creidiúnaithe náisiúnta a bhunú, ba cheart go rachadh an Ballstát sin ar iontaoibh comhlachta creidiúnaithe náisiúnta Ballstáit eile agus ba cheart é a spreagadh chun a oiread tairbhe agus is féidir a bhaint as an deis sin.

(19)

De thoradh na hiomaíochta idir chomhlachtaí creidiúnaithe náisiúnta d'fhéadfaí go ndéanfaí tráchtálú ar a ngníomhaíocht, rud a bheadh ar neamhréir leis an ról atá acu mar an leibhéal deiridh rialaithe ar shlabhra an mheasúnaithe chomhréireachta. Is é cuspóir an Rialacháin seo a áirithiú, laistigh den Aontas Eorpach, go mbeidh deimhniú creidiúnaithe amháin ann a bheidh leordhóthanach do chríoch iomlán an Aontais agus go seachnófar creidiúnú iolrach, a mbeadh costas breise leis ach nach mbeadh aon fhiúntas breise leis. D'fhéadfadh comhlachtaí creidiúnaithe náisiúnta a bheith in iomaíocht lena chéile ar mhargaí tríú tíortha, ach ní fhéadfadh aon tionchar a bheith aige sin ar a ngníomhaíochtaí laistigh den Chomhphobal, ná ar na gníomhaíochtaí comhair agus meastóireachta piara a eagraíonn an comhlacht a aithnítear faoin Rialachán seo.

(20)

Chun creidiúnú iolrach a sheachaint, chun cur le haitheantas agus leis an nglacadh atá le deimhnithe creidiúnaithe agus le monatóireacht éifeachtúil a dhéanamh ar chomhlachtaí creidiúnaithe um measúnú comhréireachta, ba cheart go n-iarrfadh comhlachtaí um measúnú comhréireachta creidiúnú ó chomhlacht creidiúnaithe náisiúnta an Bhallstáit a bhfuil a gceanncheathrú acu ann. Mar sin féin, ní mór a áirithiú go bhfuil an deis ag comhlacht measúnaithe náisiúnta creidiúnú a iarraidh i mBallstát eile nuair nach bhfuil aon chomhlacht creidiúnaithe náisiúnta ina Bhallstát féin nó nuair nach bhfuil comhlacht creidiúnaithe náisiúnta ábalta na seirbhísí creidiúnaithe a iarrtar a chur ar fáil. I gcásanna den sórt sin, ba cheart go mbunófaí comhoibriú iomchuí agus malartú faisnéise iomchuí idir chomhlachtaí creidiúnaithe náisiúnta.

(21)

Chun a áirithiú go gcomhlíonann comhlachtaí creidiúnaithe náisiúnta na ceanglais agus na hoibleagáidí dá bhforáiltear sa Rialachán seo, tá sé tábhachtach go dtacódh na Ballstáit le feidhmiú ceart an chórais chreidiúnaithe, go ndéanfaidís monatóireacht go rialta ar a gcuid comhlachtaí creidiúnaithe náisiúnta agus go nglacfaidís bearta iomchuí ceartúcháin laistigh de fhráma ama réasúnta nuair is gá.

(22)

Chun coibhéis i leibhéal cumais na gcomhlachtaí um measúnú comhréireachta a áirithiú, chun aitheantas frithpháirteach a éascú agus chun glacadh foriomlán na ndeimhnithe creidiúnaithe agus thorthaí na measúnuithe comhréireachta a eisíonn comhlachtaí creidiúnaithe a chur chun cinn, caithfidh comhlachtaí creidiúnaithe náisiúnta córas dian, trédhearcach meastóireachta a fheidhmiú agus meastóireacht den sórt sin a dhéanamh go rialta orthu.

(23)

Ba cheart go bhforálfaí leis an Rialachán seo go dtabharfaí aitheantas d'eagraíocht aonair ar leibhéal na hEorpa i ndáil le feidhmeanna áirithe i réimse an chreidiúnaithe. Tá bainistiú á dhéanamh ag an gComhar Eorpach um Chreidiúnú (an ‘CC’), arb é a phríomh-mhisean córas trédhearcach, arna threorú ag cáilíocht, a chur chun cinn chun meastóireacht a dhéanamh ar inniúlacht comhlachtaí um measúnú comhréireachta ar fud na hEorpa, ar chóras meastóireachta piara i measc na gcomhlachtaí creidiúnaithe náisiúnta ó na Ballstáit agus ó thíortha Eorpacha eile. Tá sé léirithe go bhfuil an córas sin éifeachtach agus go bhfuil muinín fhrithpháirteach cothaithe aige. Ba cheart, dá bhrí sin, gurb é an CC an chéad chomhlacht a dtabharfaí aitheantas dó faoin Rialachán seo agus ba cheart do na Ballstáit a áirithiú go n-iarrfaidh a gcuid comhlachtaí creidiúnaithe náisiúnta comhaltas ar an CC, agus go gcoimeádfaidh siad an comhaltas sin, fad a bheidh an t-aitheantas sin aige. Ag an am céanna, ba cheart go bhforálfaí don fhéidearthacht go bhféadfaí an comhlacht iomchuí a shainaithnítear faoin Rialachán seo a athrú, ar fhaitíos go mbeadh gá leis sin sa todhchaí.

(24)

Tá comhoibriú éifeachtúil idir chomhlachtaí creidiúnaithe náisiúnta fíor-riachtanach chun meastóireacht phiara a chur chun feidhme i gceart agus maidir le creidiúnú trasteorann. Ar mhaithe le trédhearcacht, mar sin, tá sé riachtanach a fhoráil go gcuirfí d'oibleagáid ar chomhlachtaí creidiúnaithe náisiúnta faisnéis a mhalartú eatarthu féin agus faisnéis a bhaineann le hábhar a chur ar fáil do na húdaráis náisiúnta agus don Choimisiún. Ba cheart go gcuirfí faisnéis ar fáil don phobal a bheadh cruinn agus cothrom le dáta maidir leis an bhfáil atá ar ghníomhaíochtaí creidiúnaithe a dhéanann comhlachtaí creidiúnaithe náisiúnta agus, dá bhrí sin, ba cheart go dtabharfaí rochtain do chomhlachtaí um measúnú comhréireachta uirthi, go háirithe.

(25)

Ba cheart go gcumhdódh na scéimeanna creidiúnaithe earnálacha na réimsí gníomhaíochta i gcás nach leor na ceanglais ghinearálta maidir le hinniúlacht comhlachtaí um measúnú comhréireachta chun an leibhéal cosanta is gá a áirithiú i gcás go bhforchuirtear ceanglais shonracha a bhaineann le teicneolaíocht nó sláinte agus sábháilteacht. Ós rud é go bhfuil réimse leathan saineolais theicniúil ar fáil don CC, ba cheart go n-iarrfaí air scéimeanna den sórt sin a fhorbairt, go háirithe le haghaidh réimsí a chumhdaítear faoin reachtaíocht Chomhphobail.

(26)

D'fhonn a áirithiú go ndéantar an reachtaíocht Chomhphobail um chomhchuibhiú a fhorghníomhú go coibhéiseach agus go comhsheasmhach, bunaítear leis an Rialachán seo creat Comhphobail maidir le faireachas margaidh, lena sainmhínítear na ceanglais íosta maidir leis na cuspóirí atá le baint amach ag na Ballstáit agus creat maidir le comhoibriú riaracháin lena n-áirítear malartú faisnéise idir na Ballstáit.

(27)

I gcás ina mbeidh tuarascálacha tástála nó deimhnithe lena bhfianaítear comhréireacht ag oibreoirí eacnamaíocha, ar tuarascálacha nó deimhnithe iad a d'eisigh comhlacht creidiúnaithe um measúnú comhréireachta agus nach n-éilíonn an reachtaíocht Chomhphobail um chomhchuibhiú na tuarascálacha nó na deimhnithe sin, ba cheart do na húdaráis um fhaireachas margaidh aird chuí a thabhairt orthu agus iad ag déanamh seiceálacha ar shaintréithe an táirge.

(28)

Beidh comhoibriú idir údaráis inniúla ar an leibhéal náisiúnta agus trasna teorainneacha chun faisnéis a mhalartú, sáruithe a imscrúdú agus gníomh a ghlacadh chun stad a chur leo, fiú sula gcuirfear táirgí contúirteacha ar an margadh, trí bhearta a neartú chun iad a shainaithint, i gcalafoirt, go príomha, fíor-riachtanach chun sláinte agus sábháilteacht a chosaint agus chun feidhmiú réidh an mhargaidh inmheánaigh a áirithiú. Ba cheart do na húdaráis cosanta tomhaltóirí náisiúnta comhoibriú, ar leibhéal náisiúnta, leis na húdaráis náisiúnta um fhaireachas margaidh agus ba cheart dóibh faisnéis a mhalartú leo maidir le táirgí a bhfuiltear in amhras fúthu go bhfuil riosca ag baint leo.

(29)

Ba cheart go gcuirfí na sonraí iomchuí go léir san áireamh sa mheasúnú riosca, lena n-áirítear, i gcás ina mbíonn fáil orthu, sonraí maidir le rioscaí iarbhír i ndáil leis an táirge lena mbaineann. Ba cheart aon bheart a d'fhéadfadh a bheith glactha ag na hoibreoirí eacnamaíocha maidir leis na rioscaí a laghdú a chur san áireamh freisin.

(30)

I gcás ina mbíonn riosca tromchúiseach ag baint le táirge, bíonn gá le hidirghabháil mhear, idirghabháil a bhféadfadh sé a bheith ag gabháil léi go ndéanfaí an táirge a tharraingt siar ón margadh nó a aisghairm nó a thoirmeasc óna bheith ar fáil ar an margadh. I gcásanna den sórt sin caithfear fáil a bheith ar chóras luathmhalartaithe faisnéise idir na Ballstáit agus an Coimisiún. Tá sé cruthaithe ag an gcóras dá bhforáiltear le hAirteagal 12 de Threoir 2001/95/CE a éifeachtúlaí agus a éifeachtaí atá sé sa réimse táirgí tomhaltóirí. Chun dúbailt nach bhfuil gá léi a sheachaint, ba cheart an córas sin a úsáid chun críocha an Rialacháin seo. Ina theannta sin, éilíonn faireachas comhleanúnach margaidh ar fud an Chomhphobail nach mór malartú cuimsitheach faisnéise a bheith ann faoi ghníomhaíochtaí náisiúnta sa chomhthéacs seo, rud a théann thar chumas an chórais seo.

(31)

Ba cheart go mbeadh faisnéis a mhalartaítear idir údaráis inniúla faoi réir na ráthaíochtaí is déine maidir le rúndacht agus rúndacht ghairmiúil agus go láimhseálfaí iad i gcomhréir leis na rialacha maidir le rúndacht de bhun an dlí náisiúnta is infheidhme nó, maidir leis an gCoimisiún, Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid de chuid Pharlaimint na hEorpa, na Comhairle agus an Choimisiúin (5), chun a áirithiú nach gcuirfear imscrúduithe i gcontúirt agus nach ndéanfar dochar do chlú oibreoirí eacnamaíocha. Tá feidhm ag Treoir 95/46/CE ó Pharlaimint na hEorpa agus ón gComhairle an 24 Deireadh Fómhair 1995 maidir le daoine aonair a chosaint i dtaca le próiseáil sonraí pearsanta agus maidir le saorghluaiseacht sonraí den sórt sin (6) agus ag Rialachán (CE) Uimh. 45/2001 ó Pharlaimint na hEorpa agus ón gComhairle an 18 Nollaig 2000 maidir le daoine aonair a chosaint i ndáil le sonraí pearsanta a phróiseáil ag institiúidí agus ag comhlachtaí an Chomhphobail agus maidir le saorghluaiseacht sonraí den sórt sin (7) i gcomhthéacs an Rialacháin seo.

(32)

Leis an reachtaíocht Chomhphobail um chomhchuibhiú déantar foráil maidir le nósanna imeachta sonracha lena suitear cibé acu an bhfuil údar maith le beart náisiúnta a chuireann srian le saorghluaiseacht táirge nó nach bhfuil (nósanna imeachta an chlásail coimirce). Beidh feidhm ag na nósanna imeachta sin tar éis luathmhalartú faisnéise ar tháirgí a bhfuil riosca tromchúiseach ag baint leo.

(33)

Is áit mhaith iad na pointí iontrála ag na teorainneacha seachtracha chun teacht ar tháirgí contúirteacha neamh-chomhréireacha nó táirgí a mbíonn an marc CE curtha orthu go falsa nó ar shlí mhíthreorach fiú sula gcuirfear ar an margadh iad. Is féidir, dá bhrí sin, rannchuidiú le margadh níos sábháilte ach oibleagáid a chur ar na húdaráis atá i mbun rialú a dhéanamh ar tháirgí a thagann isteach i margadh an Chomhphobail seiceálacha a dhéanamh ar scála leordhóthanach. Chun éifeachtúlacht seiceálacha den sórt sin a mhéadú, ba cheart do na húdaráis chustaim an fhaisnéis go léir is gá maidir le táirgí contúirteacha neamh-chomhréireacha a fháil ó na húdaráis um fhaireachas margaidh i bhfad roimh ré.

(34)

Le Rialachán (CEE) Uimh. 339/93 ón gComhairle an 8 Feabhra 1993 maidir le seiceálacha ar chomhlíonadh na rialacha maidir le sábháilteacht táirgí i gcás táirgí arna n-allmhairiú ó thríú tíortha (8) leagtar síos rialacha maidir le táirgí a scaoileadh i saorchúrsaíocht ag údaráis chustaim a fhionraí agus déantar foráil maidir le bearta breise lena n-áirítear rannpháirteachas údarás um fhaireachas margaidh. Is iomchuí, dá bhrí sin, go ndéanfar na forálacha sin, lena n-áirítear rannpháirteachas údarás um fhaireachas margaidh, a ionchorprú sa Rialachán seo.

(35)

Léiríonn an taithí ar an ábhar gur minic a dhéantar táirgí nach scaoiltear i saorchúrsaíocht a ath-onnmhairiú agus go dtagann siad isteach i margadh an Chomhphobail ag pointí iontrála eile dá éis sin, rud a bhaineann bonn ó iarrachtaí na n-údarás custaim. Ba cheart mar sin deis a thabhairt do na húdaráis um fhaireachas margaidh dul ar aghaidh agus táirgí a scriosadh má mheasann siad gur iomchuí sin a dhéanamh.

(36)

Laistigh de bhliain ón tráth a bhfoilseofar an Rialachán seo in Iris Oifigiúil an Aontais Eorpaigh, ba cheart don Choimisiún grinnanailís i réimse na marcanna um shábháilteacht an tomhaltóra a thíolacadh, agus tograí reachtacha ina dhiaidh sin, más gá.

(37)

Is é an marc CE, lena léirítear comhréireacht táirge, an iarmhairt infheicthe ar phróiseas iomlán a chuimsíonn measúnú comhréireachta sa chiall is leithne. Ba cheart go leagfaí amach na prionsabail ghinearálta a rialaíonn an marc CE sa Rialachán seo ionas go mbeidh siad infheidhme láithreach agus chun go ndéanfar an reachtaíocht a bheidh ann amach anseo a shimpliú.

(38)

Ba cheart gurbh é an marc CE an t-aon mharc comhréireachta lena léireofaí go bhfuil an táirge i gcomhréir leis an reachtaíocht Chomhphobail um chomhchuibhiú. Mar sin féin, féadfar marcanna eile a úsáid fad go gcuireann siad le cosaint níos fearr a thabhairt don tomhaltóir, agus fad nach mbeidh siad cumhdaithe ag an reachtaíocht Chomhphobail um chomhchuibhiú.

(39)

Caithfidh na Ballstáit foráil do dheis chuí sásaimh sna cúirteanna inniúla agus sna binsí inniúla i ndáil le bearta a ghlacann na húdaráis inniúla lena gcuirtear srian ar tháirge a chur ar an margadh nó lena n-éilítear an táirge sin a tharraingt siar nó a aisghairm.

(40)

D'fhéadfadh sé a bheith úsáideach do na Ballstáit comhoibriú a bhunú leis na páirtithe leasmhara lena mbaineann, lena n-áirítear eagraíochtaí gairmiúla earnálacha agus eagraíochtaí tomhaltóirí, chun tairbhe a bhaint as an bhfaisnéis atá ar fáil faoin margadh agus cláir um fhaireachas margaidh á mbunú, á gcur chun feidhme agus á dtabhairt cothrom le dáta.

(41)

Ba cheart do na Ballstáit rialacha a leagan síos maidir leis na pionóis is infheidhme maidir le sáruithe ar fhorálacha an Rialacháin seo agus a áirithiú go gcuirfear chun feidhme iad. Ba cheart do na pionóis sin a bheith éifeachtúil, comhréireach agus athchomhairleach agus d'fhéadfaí iad a mhéadú dá mba rud é go raibh sárú comhchosúil ar fhorálacha an Rialacháin seo déanta ag an oibreoir eacnamaíoch iomchuí roimhe sin.

(42)

Chun cuspóirí an Rialacháin seo a bhaint amach, caithfidh an Comhphobal ranníocaíochtaí a dhéanamh maidir le maoiniú gníomhaíochtaí a bhfuil gá leo chun beartais i réimse an chreidiúnaithe agus an fhaireachais margaidh a chur chun feidhme. Ba cheart maoiniú a chur ar fáil i bhfoirm deontas don chomhlacht a aithnítear faoin Rialachán seo gan glao ar thairiscintí, i bhfoirm deontas tar éis glao ar thairiscintí, nó trí chonarthaí a dhámhachtain ar an gcomhlacht sin nó ar chomhlachtaí eile, ag brath ar chineál na gníomhaíochta a bheidh le maoiniú agus i gcomhréir le Rialachán (CE, Euratom) Uimh. 1605/2002 ón gComhairle an 25 Meitheamh 2002 maidir leis an Rialachán Airgeadais is infheidhme maidir le buiséad ginearálta na gComhphobal Eorpach (9) (‘an Rialachán Airgeadais’).

(43)

Maidir le roinnt tascanna speisialaithe, ar nós scéimeanna earnálacha creidiúnaithe a chur le chéile agus a athbhreithniú, agus tascanna eile a bhaineann le fíorú an chumais theicniúil agus le saoráidí saotharlann agus comhlachtaí deimhniúcháin nó iniúchta, ba cheart go mbeadh an CC i dteideal maoiniú a fháil ón gComhphobal i dtús báire, ós rud é go bhfuil sé in ann an taithí theicniúil is gá a chur ar fáil i dtaca leis sin.

(44)

I bhfianaise ról an chomhlachta a aithnítear faoin Rialachán seo maidir le meastóireacht phiara ar chomhlachtaí creidiúnaithe agus i bhfianaise a chumais cuidiú leis na Ballstáit chun an mheastóireacht phiara sin a bhainistiú, ba cheart go mbeadh an Coimisiún i riocht deontais a chur ar fáil d'fheidhmiú rúnaíocht an chomhlachta a aithnítear faoin Rialachán seo ar cheart di tacaíocht leanúnach a thabhairt do ghníomhaíochtaí creidiúnaithe ar leibhéal an Chomhphobail.

(45)

Ba cheart comhaontú comhpháirtíochta a shíniú, i gcomhréir le forálacha an Rialacháin Airgeadais, idir an Coimisiún agus an comhlacht a aithnítear faoin Rialachán seo chun na rialacha riaracháin agus airgeadais maidir le maoiniú gníomhaíochtaí creidiúnaithe a shocrú.

(46)

Ina theannta sin, ba cheart go mbeadh maoiniú ar fáil freisin do chomhlachtaí seachas an comhlacht a aithnítear faoin Rialachán seo i ndáil le gníomhaíochtaí eile a bhaineann le measúnú comhréireachta, méadreolaíocht, creidiúnú agus faireachas margaidh, ar nós treoirlínte a tharraingt suas agus a thabhairt cothrom le dáta, gníomhaíochtaí idirchomparáideacha atá nasctha le hoibriú clásal coimirce, réamhghníomhaíochtaí nó gníomhaíochtaí coimhdeacha i dtaca le cur chun feidhme na reachtaíochta Comhphobail sna réimsí sin agus sna cláir chúnaimh theicniúil sin agus comhoibriú le tríú tíortha mar aon le feabhsú na mbeartas sna réimsí sin ar leibhéal an Chomhphobail agus ar leibhéal idirnáisiúnta.

(47)

Urramaítear leis an Rialachán seo na cearta bunúsacha agus na prionsabail atá léirithe i gCairt um Chearta Bunúsacha an Aontais Eorpaigh.

(48)

Ó tharla nach féidir leis na Ballstáit cuspóir an Rialacháin seo, eadhon a áirithiú go gcomhlíonann táirgí atá ar an margadh agus a chumhdaítear faoin reachtaíocht Chomhphobail ceanglais lena gcuirtear ardleibhéal cosanta ar fáil do shláinte agus do shábháilteacht agus do leasanna eile an phobail agus feidhmiú an mhargaidh inmheánaigh á ráthú trí chreat a chur ar fáil maidir le creidiúnú agus faireachas margaidh, a bhaint amach go leordhóthanach agus gur fearr, dá bhrí sin, de bharr fhairsinge agus iarmhairtí an Rialacháin, féadfar an cuspóir sin a bhaint amach ar leibhéal an Chomhphobail, féadfaidh an Comhphobal bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach,

1)

ciallóidh ‘a chur ar fáil ar an margadh’ aon soláthar táirge lena dháileadh, lena thomhailt nó lena úsáid ar mhargadh an Chomhphobail le linn gníomhaíochta tráchtála, bíodh sin ar íocaíocht nó saor in aisce;

2)

ciallóidh ‘a chur ar an margadh’ táirge a chur ar fáil ar mhargadh an Chomhphobail den chéad uair;

3)

ciallóidh ‘monaróir’ aon duine nádúrtha nó dlítheanach a mhonaraíonn táirge nó a chuireann táirge á dhearadh nó á mhonarú, agus a mhargaíonn an táirge sin faoina ainm nó faoina thrádmharc;

4)

ciallóidh ‘ionadaí údaraithe’ aon duine nádúrtha nó aon duine dlítheanach atá bunaithe laistigh den Chomhphobal a bhfuil sainordú i scríbhinn faighte aige ó mhonaróir chun gníomhú thar a cheann i dtaca le tascanna sainithe maidir le hoibleagáidí an mhonaróra faoin reachtaíocht iomchuí Chomhphobail;

5)

ciallóidh ‘allmhaireoir’ aon duine nádúrtha nó dlítheanach atá bunaithe sa Chomhphobal agus a chuireann táirge ó thríú tír ar mhargadh an Chomhphobail;

6)

ciallóidh ‘dáileoir’ aon duine nádúrtha nó dlítheanach sa slabhra soláthair, seachas monaróir nó allmhaireoir, a chuireann táirge ar fáil ar an margadh;

7)

ciallóidh ‘oibreoirí eacnamaíocha’ an monaróir, an t-ionadaí údaraithe, an t-allmhaireoir agus an dáileoir;

8)

ciallóidh ‘sonraíocht theicniúil’ doiciméad lena bhforordaítear na ceanglais theicniúla a chaithfidh táirge, próiseas nó seirbhís a chomhlíonadh;

9)

ciallóidh ‘caighdeán comhchuibhithe’ caighdeán arna ghlacadh ag ceann de na comhlachtaí caighdeánaithe Eorpacha atá liostaithe in Iarscríbhinn I a ghabhann le Treoir 98/34/CE ó Pharlaimint na hEorpa agus ón gComhairle an 22 Meitheamh 1998 lena leagtar síos nós imeachta maidir le soláthar faisnéise i réimse na gcaighdeán agus na Rialachán teicniúil agus rialacha maidir le seirbhísí na Sochaí Faisnéise (10) bunaithe ar iarraidh arna dhéanamh ag an gCoimisiún i gcomhréir le hAirteagal 6 den Treoir sin;

10)

ciallóidh ‘creidiúnú’ fianú ó chomhlacht creidiúnaithe náisiúnta go gcomhlíonann comhlacht um measúnú comhréireachta na ceanglais a leagtar síos le caighdeáin chomhchuibhithe chun gníomhaíocht measúnaithe chomhréireachta shonrach a chur i gcrích agus, i gcás inarb infheidhme, aon cheanglais bhreise, lena n-áirítear ceanglais a leagtar amach i scéimeanna ábhartha earnálacha;

11)

ciallóidh ‘comhlacht creidiúnaithe náisiúnta’ an t-aon chomhlacht amháin i mBallstát a dhéanann creidiúnú agus a mbeidh údarás faighte aige chuige sin ón Stát;

12)

ciallóidh ‘measúnú comhréireachta’ an próiseas lena léirítear cibé ar comhlíonadh ceanglais shainiúla a bhaineann le táirge, próiseas, seirbhís, córas, duine nó comhlacht;

13)

ciallóidh ‘comhlacht um measúnú comhréireachta’ comhlacht a dhéanann gníomhaíochtaí measúnaithe chomhréireachta, lena n-áirítear calabrú, tástáil, deimhniúchán agus cigireacht;

14)

ciallóidh ‘aisghairm’ aon bheart a bhfuil sé d'aidhm leis táirge a bhíonn curtha ar fáil cheana féin don úsáideoir críochnaitheach a fháil ar ais;

15)

ciallóidh ‘tarraingt siar’ aon bheart a bhfuil sé d'aidhm leis cosc a chur le táirge sa slabhra soláthair a chur ar fáil ar an margadh;

16)

ciallóidh ‘meastóireacht phiara’ próiseas ina measann comhlachtaí creidiúnaithe náisiúnta eile comhlacht creidiúnaithe náisiúnta, agus a dhéantar i gcomhréir le ceanglais an Rialacháin seo, agus, i gcás inarb infheidhme, sonraíochtaí teicniúla earnálacha breise;

17)

ciallóidh ‘faireachas margaidh’ gníomhaíochtaí a dhéanann na húdaráis phoiblí agus bearta a ghlacann siad lena áirithiú go gcomhlíonann táirgí na ceanglais a leagtar amach sa reachtaíocht ábhartha Chomhphobail um chomhchuibhiú agus nach mbíonn na táirgí ina riosca do shláinte, do shábháilteacht nó d'aon ghné eile de chosaint leas an phobail;

18)

ciallóidh ‘údarás um fhaireachas margaidh’ údarás Ballstáit a bhíonn freagrach as faireachas margaidh a dhéanamh ina chríoch féin;

19)

ciallóidh ‘scaoileadh i saorchúrsaíocht’ an nós imeachta a leagtar síos in Airteagal 79 de Rialachán (CEE) Uimh. 2913/92 ón gComhairle an 12 Deireadh Fómhair 1992 lena mbunaítear Cód Custaim an Chomhphobail (11);

20)

ciallóidh ‘an marc CE’ marc lena léiríonn an monaróir go bhfuil an táirge i gcomhréir leis na ceanglais atá infheidhme agus a leagtar síos sa reachtaíocht Chomhphobail um chomhchuibhiú lena bhforáiltear maidir leis an marc sin a chur ar an táirge;

21)

ciallóidh ‘an reachtaíocht Chomhphobail um chomhchuibhiú’ aon reachtaíocht lena ndéantar comhchuibhiú ar na coinníollacha do mhargú na dtáirgí.

(a)

i gcás inar chinn an Ballstát ina bhfuil sé bunaithe gan comhlacht creidiúnaithe náisiúnta a bhunú agus nach ndeachaidh sé ar iontaoibh comhlachta creidiúnaithe náisiúnta Ballstáit eile i gcomhréir le hAirteagal 4(2);

(b)

i gcás nach ndéanann na comhlachtaí creidiúnaithe dá dtagraítear sa chéad fhomhír creidiúnú i dtaca leis na gníomhaíochtaí measúnaithe chomhréireachta a bhfuil creidiúnú iarrtha ina leith;

(c)

i gcás nach bhfuil meastóireacht phiara faoi Airteagal 10, i dtaca leis na gníomhaíochtaí measúnaithe chomhréireachta a bhfuil an creidiúnú iarrtha ina leith, déanta go rathúil ar na comhlachtaí creidiúnaithe náisiúnta dá dtagraítear sa chéad fhomhír.

1)

beidh sé eagraithe ar shlí go mbeidh sé neamhspleách ar na comhlachtaí um measúnú comhréireachta a mbeidh measúnú á dhéanamh aige orthu agus ar bhrúnna tráchtála, agus ar shlí a áiritheoidh nach mbeidh aon choinbhleachtaí leasa le comhlachtaí um measúnú comhréireachta ann;

2)

beidh sé eagraithe agus riartha ar shlí a dhéanfaidh coimirce ar oibiachtúlacht agus neamhchlaontacht a chuid gníomhaíochtaí;

3)

áiritheoidh sé go mbeidh gach cinneadh a bhaineann le fianú na hinniúlachta glactha ag daoine inniúla nach iad na daoine céanna iad a rinne an measúnú;

4)

beidh socruithe leordhóthanacha déanta aige chun coimirce a dhéanamh ar rúndacht na faisnéise a gheofar;

5)

aithneoidh sé na gníomhaíochtaí measúnaithe comhréireachta a bhfuil sé inniúil ar chreidiúnú a dhéanamh orthu, ag tagairt, nuair is iomchuí, don reachtaíocht Chomhphobail nó don reachtaíocht náisiúnta agus do chaighdeáin;

6)

bunóidh sé na nósanna imeachta is gá chun bainistíocht éifeachtach agus rialuithe inmheánacha iomchuí a áirithiú;

7)

beidh líon comhaltaí foirne inniúla ar fáil dó ar leor é chun a chuid feidhmeanna a chomhlíonadh mar is iomchuí;

8)

déanfaidh sé tuairisciú ar dhualgais, ar fhreagrachtaí agus ar údaráis an phearsanra a d'fhéadfadh difear a dhéanamh do cháilíocht an mheasúnaithe agus d'fhianú na hinniúlachta;

9)

déanfaidh sé na nósanna imeachta maidir le monatóireacht a dhéanamh ar fheidhmíocht agus ar inniúlacht na gcomhaltaí foirne lena mbaineann a bhunú, a chur chun feidhme agus a chothabháil;

10)

fíoróidh sé go bhfuil measúnuithe comhréireachta á ndéanamh ar shlí chuí, rud a chiallaíonn nach gcuirfear ualaí nach bhfuil gá leo ar ghnóthais agus go dtugtar aird chuí ar mhéid gnóthais, ar an earnáil ina n-oibríonn sé, ar a struchtúr, ar a chasta a bhíonn an teicneolaíocht táirge a bhíonn i gceist agus ar chineál olltáirgthe nó ar chineál sraitheach an phróisis táirgíochta;

11)

foilseoidh sé cuntais iniúchta bhliantúla i gcomhréir leis na prionsabail chuntasaíochta a nglactar go coitianta leo.

(a)

a iarraidh ar an gcomhlacht a aithnítear faoi Airteagal 14 critéir agus nósanna imeachta meastóireachta a leagan síos don mheastóireacht phiara agus scéimeanna creidiúnaithe earnálacha a fhorbairt;

(b)

glacadh le haon scéimeanna atá ann cheana agus a leagann síos critéir agus nósanna imeachta meastóireachta don mheastóireacht phiara.

(a)

fiosruithe leantacha nó tuarascálacha leantacha a dhéanamh maidir le saincheisteanna a bhaineann le rioscaí a eascraíonn i dtaca le táirgí atá faoi réir na reachtaíochta Comhphobail um chomhchuibhiú;

(b)

monatóireacht a dhéanamh ar thimpistí agus ar dhochar do shláinte a meastar gurb iad na táirgí sin is cúis leo;

(c)

a fhíorú go ndearnadh gníomh ceartaitheach; agus

(d)

an saineolas teicniúil agus eolaíoch a bhaineann le cúrsaí sábháilteachta a leanúint.

(a)

cláir oiliúna agus malartú oifigeach náisiúnta a fhorbairt agus a eagrú;

(b)

cláir a fhorbairt, a eagrú agus a bhunú chun taithí, faisnéis agus dea-chleachtas a mhalartú, cláir agus gníomhartha a fhorbairt, a eagrú agus a bhunú le haghaidh comhthionscadal, feachtais faisnéise a fhorbairt, a eagrú agus a bhunú, comhchláir chuairte a fhorbairt, a eagrú agus a bhunú agus comhroinnt acmhainní dá réir sin.

(a)

go léiríonn an táirge saintréithe a thugann údar lena chreidiúint, ar an gcoinníoll go mbíonn sé suiteáilte, cothabháilte agus úsáidte i gceart, go bhfuil riosca tromchúiseach ag baint leis do shláinte, do shábháilteacht, don chomhshaol nó d'aon leas pobail eile dá dtagraítear in Airteagal 1;

(b)

nach bhfuil na doiciméid i scríbhinn nó na doiciméid leictreonacha a éilítear leis an reachtaíocht Chomhphobail ábhartha um chomhchuibhiú ag gabháil leis an táirge nó nach bhfuil sé marcáilte i gcomhréir leis an reachtaíocht sin;

(c)

go bhfuil an marc CE greamaithe den táirge ar shlí fhalsa nó ar shlí mhíthreorach.

(a)

táirgeadh agus athbhreithniú na scéimeanna creidiúnaithe earnálacha dá dtagraítear in Airteagal 13(3);

(b)

gníomhaíochtaí rúnaíocht an chomhlachta a aithnítear faoi Airteagal 14, amhail comhordú gníomhaíochtaí creidiúnaithe, próiseáil oibre teicniúla atá nasctha le hoibriúchán an chórais mheastóireachta piara, soláthar faisnéise do pháirtithe leasmhara agus rannpháirteachas an chomhlachta i ngníomhaíochtaí eagraíochtaí idirnáisiúnta i réimse an chreidiúnaithe;

(c)

ábhar a tharraingt suas agus a thabhairt cothrom le dáta a bhaineann le treoirlínte i réimsí a bhaineann le creidiúnú, le fógra a thabhairt don Choimisiún faoi chomhlachtaí um measúnú comhréireachta, le measúnú comhréireachta agus le faireachas margaidh;

(d)

gníomhaíochtaí idirchomparáideacha atá nasctha le hoibriú na gclásal coimirce;

(e)

saineolas teicniúil a chur ar fáil don Choimisiún chun cuidiú leis an gCoimisiún comhoibriú riaracháin i ndáil le faireachas margaidh, lena n-áirítear maoiniú grúpaí comhoibrithe riaracháin, cinntí faireachais margaidh agus clásail choimirce a chur chun feidhme;

(f)

réamhobair nó obair choimhdeach a dhéanamh i ndáil le cur chun feidhme na ngníomhaíochtaí measúnaithe comhréireachta, méadreolaíochta, creidiúnaithe agus faireachais margaidh atá nasctha leis an reachtaíocht Chomhphobail a chur chun feidhme, amhail staidéir, cláir, meastóireachtaí, treoirlínte, anailísí comparáideacha, comhchuairteanna frithpháirteacha, obair thaighde, bunachair shonraí a fhorbairt agus a chothabháil, gníomhaíochtaí oiliúna, obair saotharlainne, promhadh inniúlachta, tástálacha idirshaotharlainne agus obair measúnaithe comhréireachta, chomh maith le feachtais Eorpacha um fhaireachas margaidh agus gníomhaíochtaí comhchosúla;

(g)

gníomhaíochtaí a rinneadh faoi chláir um chúnamh teicniúil, comhoibriú le tríú tíortha a chur i gcrích agus an measúnú comhréireachta Eorpach, faireachas margaidh agus beartais agus córais creidiúnaithe i measc na bpáirtithe leasmhara sa Chomhphobal agus ar leibhéal idirnáisiúnta a chur chun cinn agus a fheabhsú.

(a)

gan glao ar thograí, don chomhlacht a aithnítear faoi Airteagal 14 chun na gníomhaíochtaí dá dtagraítear in Airteagal 32(1)(a) go (g) ar féidir deontais a dhámhachtain ina leith i gcomhréir leis an Rialachán Airgeadais a chur i gcrích;

(b)

i bhfoirm deontas tar éis glao ar thograí, nó trí nósanna imeachta um sholáthar poiblí, do chomhlachtaí eile chun na gníomhaíochtaí dá dtagraítear in Airteagal 32(1)(c) go (g) a chur i gcrích.

13.8.2008   

GA

Iris Oifigiúil an Aontais Eorpaigh

L NaN/48

(1)

Chuir Rialachán (CE) Uimh. 515/97 (3) ón gComhairle feabhas ar an meicníocht dhlíthiúil a bhí ann roimhe sin, go háirithe trína cheadú go stórálfaí faisnéis i mbunachar sonraí Comhphobail an Chórais Eolais Custaim (CEC).

(2)

Léirigh an taithí a fuarthas ó tháinig Rialachán (CE) Uimh. 515/97 i bhfeidhm, áfach, maidir le húsáid an CEC chun críocha dearcaidh, tuairiscithe, faireacháin dhiscréidigh nó seiceálacha sonracha, agus chun na gcríoch sin amháin, nach gcumasaíonn sí cuspóir an chórais a ghnóthú ina iomláine, arb éard atá ann cabhrú le hoibríochtaí a sháraíonn an reachtaíocht chustaim nó an reachtaíocht talmhaíochta a chosc, a imscrúdú agus a ionchúiseamh.

(3)

Fágann na hathruithe a tugadh isteach nuair a méadaíodh an tAontas Eorpach chun 27 Ballstát a áireamh gur gá athbhreithniú a dhéanamh ar chomhar custaim an Chomhphobail i gcreat níos leithne agus le meicníochtaí nuachóirithe.

(4)

Mhodhnaigh Cinneadh 1999/352/CE, CECG, Euratom ón gCoimisiún an 28 Aibreán 1999 lena mbunaítear an Oifig Eorpach Frithchalaoise (OLAF) (4) agus an Coinbhinsiún maidir le húsáid theicneolaíocht na faisnéise chun críocha custaim (5), a tarraingíodh suas le Gníomh ón gComhairle an 26 Iúil 1995 (6), an creat ginearálta don chomhar idir na Ballstáit agus an Coimisiún maidir le cionta faoi reachtaíocht an Chomhphobail a chosc, a imscrúdú agus a ionchúiseamh.

(5)

Ba chóir go gcabhródh torthaí anailíse straitéisí leo siúd a bhfuil freagracht orthu ag an leibhéal is airde chun na tionscnaimh, na cuspóirí agus na beartais chun calaois a chomhrac a chinneadh, chun gníomhaíochtaí a phleanáil agus chun na hacmhainní is gá chun na cuspóirí oibríochtúla a leagtar síos a bhaint amach a chur á n-úsáid.

(6)

Ba chóir go gcabhródh torthaí anailíse oibríochtúla maidir le gníomhaíochtaí, acmhainní agus a bhfuil ar intinn ag daoine áirithe nó ag gnóthaí áirithe nach gcomhlíonann an reachtaíocht chustaim ná an reachtaíocht talmhaíochta, nó nach ndealraíonn sé go gcomhlíonann siad an reachtaíocht chustaim ná an reachtaíocht talmhaíochta, leis na húdaráis chustaim agus leis an gCoimisiún na bearta iomchuí a ghlacadh i gcásanna sonracha chun na cuspóirí a leagtar síos maidir leis an gcomhrac i gcoinne na calaoise a chur i gcrích.

(7)

Faoin meicníocht atá ann faoi láthair, a leagtar amach i Rialachán (CE) Uimh. 515/97, ní fhéadfar sonraí pearsanta a d'iontráil Ballstát a chóipeáil ón CEC isteach i gcórais phróiseála sonraí eile ach amháin le húdarú roimh ré ón gcomhpháirtí CEC a d'iontráil iad, agus sin faoi réir na gcoinníollacha a forchuireadh air i gcomhréir le hAirteagal 30(1). Ceapadh an leasú ar an Rialachán chun imeacht ó phrionsabal sin an údaraithe roimh ré sa chás sin amháin ina mbeidh na sonraí le próiseáil ag na húdaráis náisiúnta agus seirbhísí an Choimisiúin a bhfuil bainistiú riosca mar fhreagracht orthu d'fhonn díriú ar rialuithe ar ghluaiseachtaí earraí.

(8)

Is gá an mheicníocht atá ann faoi láthair a fhorlíonadh le creat dlíthiúil lena mbunófar Bunachar Sonraí um Shainaithint Comhad Custaim a chumhdóidh comhaid a bhí ann agus comhaid reatha. Leanann cruthú bunachair shonraí den sórt sin as an tionscnamh um chomhar custaim idir-rialtasach ónar eascair glacadh an Ghnímh ón gComhairle an 8 Bealtaine 2003 ag tarraingt suas an Phrótacail lena leasaítear an Coinbhinsiún maidir le húsáid theicneolaíocht na faisnéise chun críocha custaim (7), ar mhaithe le bunachar sonraí um shainaithint comhad custaim a chruthú.

(9)

Is gá a áirithiú, chun an comhar custaim idir na Ballstáit, agus idir na Ballstáit agus an Coimisiún a neartú, agus gan dochar d'fhorálacha eile Rialachán (CE) Uimh. 515/97, go bhféadfar sonraí áirithe a mhalartú d'fhonn cuspóirí an Rialacháin sin a bhaint amach.

(10)

Ina theannta sin, is gá comhlántacht níos fearr a áirithiú le gníomhaíocht a dhéantar i gcomhthéacs an chomhair custaim idir-rialtasaigh agus an chomhair le comhlachtaí eile agus le gníomhaireachtaí eile de chuid an Aontais Eorpaigh agus le heagraíochtaí idirnáisiúnta agus réigiúnacha eile. Tagann an ghníomhaíocht sin sna sála ar Rún ón gComhairle an 2 Deireadh Fómhair 2003 maidir le straitéis don chomhar custaim (8) agus ar Chinneadh ón gComhairle an 6 Nollaig 2001 a shíneann sainordú Europol chuig an gcomhrac in aghaidh na bhfoirmeacha tromchúiseacha sin den choireacht idirnáisiúnta a liostaítear san Iarscríbhinn a ghabhann le Coinbhinsiún Europol (9).

(11)

D'fhonn comhleanúnachas a chothú idir na gníomhaíochtaí a rinne an Coimisiún, comhlachtaí eile agus gníomhaireachtaí eile an Aontais Eorpaigh agus na heagraíochtaí náisiúnta eile agus na heagraíochtaí réigiúnacha eile, ba chóir go dtabharfaí údarú don Choimisiún oiliúint a chur ar fáil, agus gach cineál cúnaimh seachas cúnamh airgeadais a thabhairt, d'oifigigh idirchaidrimh de chuid tríú tíortha agus de chuid eagraíochtaí idirnáisiúnta agus Eorpacha agus gníomhaireachtaí idirnáisiúnta agus Eorpacha, lena n-áirítear malartú an dea-chleachtais leis na comhlachtaí sin, agus, mar shampla, le Europol agus leis an nGníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh (Frontex).

(12)

Ba chóir go ndéanfaí na dálaí do chur chun feidhme oibríochtaí comhpháirteacha custaim i gcomhthéacs an Chomhphobail a chruthú faoi Rialachán (CE) Uimh. 515/97. Ba chóir go gcumhachtófaí don Choiste dá bhforáiltear le hAirteagal 43 de Rialachán (CE) Uimh. 515/97 an sainordú d'oibríochtaí comhpháirteacha custaim Comhphobail a chinneadh.

(13)

Caithfear bonneagar buan a chruthú laistigh den Choimisiún chun go bhféadfar oibríochtaí comhpháirteacha custaim a chomhordú i gcaitheamh na bliana féilire agus chun go bhféadfar aíocht a dhéanamh ar ionadaithe na mBallstát agus, más gá, ar oifigigh idirchaidrimh ó thríú tíortha nó ó eagraíochtaí nó ó ghníomhaireachtaí Eorpacha nó idirnáisiúnta, ó Europol agus ón Eagraíocht Dhomhanda Chustaim (EDC) agus ó Interpol, go háirithe, don tréimhse ama is gá chun oibríocht amháin ar leith nó níos mó a sheoladh.

(14)

D'fhonn dul i ngleic le saincheisteanna maoirseachta a bhaineann le CEC, ba chóir don Mhaoirseoir Eorpach ar Chosaint Sonraí cruinniú a thionól leis na húdaráis mhaoirseachta náisiúnta um chosaint sonraí ar a laghad uair sa bhliain.

(15)

Caithfidh na Ballstáit a bheith in ann an bonneagar sin a athúsáid le haghaidh oibríochtaí comhpháirteacha custaim arna n-eagrú ar mhodh comhair custaim, mar a fhoráiltear dó in Airteagal 29 agus in Airteagal 30 den Chonradh ar an Aontas Eorpach, gan dochar do ról Europol. Sa chás sin, ba chóir go seolfaí oibríochtaí comhpháirteacha custaim faoin sainordú a chinnfidh meitheal oibre iomchuí na Comhairle i dtaca le comhar custaim faoi Theideal VI den Chonradh ar an Aontas Eorpach.

(16)

Ina theannta sin, éilíonn forbairt margaí nua, an méadú ar idirnáisiúnú na trádála agus an méadú atá ag teacht go tiubh air sin, chomh maith leis an méadú atá faoi luas iompair earraí, gur gá do riaracháin chustaim coimeád suas le gluaiseacht chun nach ndéanfar díobháil d'fhorbairt gheilleagar na hEorpa.

(17)

Is iad na cuspóirí bunaidh go mbeadh ar chumas na n-oibreoirí uile na doiciméid uile is gá a chur ar fáil roimh ré agus a naisc leis na húdaráis chustaim a ríomhairiú ina n-iomláine. Idir an dá linn, leanfaidh an staid reatha de bheith ann agus leibhéil éagsúla forbartha ar na córais ríomhairí náisiúnta, agus caithfear meicníochtaí frithchalaoise a fheabhsú ós rud é go bhféadann sraontaí trádála tarlú i gcónaí.

(18)

Chun críche an chomhraic i gcoinne na calaoise, is gá, mar sin, i dteannta an athchóirithe agus an nuachóirithe ar chórais chustaim, faisnéis a lorg ag an bpointe is luaithe is féidir. Chomh maith leis sin, d'fhonn cabhrú le húdaráis inniúla na mBallstát gluaiseachtaí earraí, arb ábhair d'oibríochtaí iad a d'fhéadfadh a bheith ag sárú na reachtaíochta custaim nó na reachtaíochta talmhaíochta, agus gluaiseachtaí meán iompair, lena n-áirítear coimeádáin, a úsáidtear chuige sin a bhrath, is fiú sonraí ó na príomhsholáthróirí seirbhíse ar fud an domhain, bídís poiblí nó príobháideach, atá gníomhach sa slabhra soláthair idirnáisiúnta a chomhthiomsú in eolaire sonraí lárnach Eorpach.

(19)

Tá cosaint daoine nádúrtha i dtaca le sonraí pearsanta a phróiseáil faoi rialú ag Treoir 95/46/CE ó Pharlaimint na hEorpa agus ón gComhairle an 24 Deireadh Fómhair 1995 maidir le daoine aonair a chosaint i dtaca le sonraí pearsanta a phróiseáil agus maidir le saorghluaiseacht sonraí den sórt sin (10) agus ag Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus le cosaint príobháideachais san earnáil teileachumarsáide leictreonaí (Treoir maidir le príobháideacht agus le cumarsáidí leictreonacha) (11), a bhfuil feidhm iomlán acu maidir le seirbhísí shochaí na faisnéise. Bunaítear cheana leis na Treoracha sin creat dlíthiúil Comhphobail i réimse na sonraí pearsanta agus mar sin ní gá an cheist a chumhdach sa Rialachán seo chun oibriú rianúil an mhargaidh inmheánaigh, go háirithe saorghluaiseacht sonraí pearsanta idir na Ballstáit, a áirithiú. Caithfear an Rialachán seo a chur chun feidhme agus a chur i bhfeidhm i gcomhréir leis na rialacha um chosaint sonraí pearsanta, go háirithe maidir le faisnéis a mhalartú agus a stóráil a thacaíonn le gníomhaíocht chun an chalaois a chosc agus a bhrath.

(20)

Ba chóir go mbeadh malartú sonraí pearsanta le tríú tíortha faoi réir fíorúcháin roimh ré go soláthraítear le rialacha um chosaint sonraí sa tír ghlactha leibhéal cosanta atá coibhéiseach leis an leibhéal cosanta sonraí a fhoráiltear le dlí an Chomhphobail.

(21)

Ós rud é go ndearna na Ballstáit Treoir 945/46/CE a thrasuí ó glacadh Rialachán (CE) Uimh. 515/97, agus ós rud é gur bhunaigh an Coimisiún údarás neamhspleách chun a áirithiú go n-urramóidh institiúidí agus comhlachtaí an Chomhphobail saoirsí agus cearta bunúsacha daoine agus sonraí pearsanta á bpróiseáil i gcomhréir le Rialachán (CE) Uimh. 45/2001 ó Pharlaimint na hEorpa agus ón gComhairle an 18 Nollaig 2000 maidir le daoine aonair a chosaint i ndáil le próiseáil sonraí pearsanta ag institiúidí agus ag comhlachtaí Comhphobail agus maidir le saorghluaiseacht na sonraí sin (12), ba cheart na bearta rialaithe um chosaint sonraí pearsanta a ailíniú agus ba cheart tagairt don Mhaoirseoir Eorpach ar Chosaint Sonraí a chur in ionad na tagartha don Ombudsman Eorpach, gan dochar do chumhachtaí an Ombudsman.

(22)

Ba cheart na bearta is gá chun Rialachán (CE) Uimh 515/97 a chur chun feidhme a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (13).

(23)

Ba cheart, go háirithe, go dtabharfaí de chumhacht don Choimisiún cinneadh a dhéanamh maidir le hítimí a bheidh le háireamh sa CEC agus oibríochtaí a chinneadh a bhaineann le cur i bhfeidhm na reachtaíochta talmhaíochta a bhfuil faisnéis ina leith le hiontráil ann. Ó tharla go bhfuil raon feidhme ginearálta ag na bearta sin agus gur le haghaidh eilimintí neamhriachtanacha de Rialachán (CE) Uimh. 515/97 a leasú a cheapfar iad, inter alia trína fhorlíonadh le heilimintí nua neamhriachtanacha, caithfear iad a ghlacadh i gcomhréir leis an nós imeachta lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(24)

Ba cheart an tuarascáil ar chur chun feidhme Rialachán (CE) Uimh. 515/97 a lánpháirtiú sa tuarascáil a chuirtear faoi bhráid Pharlaimint na hEorpa agus faoi bhráid na Comhairle gach bliain maidir leis na bearta a glacadh i gcur chun feidhme Airteagal 280 den Chonradh.

(25)

Ba cheart Rialachán (CE) Uimh. 515/97 a leasú dá réir.

(26)

Ó tharla nach féidir leis na Ballstáit cuspóir an Rialacháin seo, eadhon an comhrac i gcoinne na calaoise agus i gcoinne aon ghníomhaíochta eile a dhéanann dochar do leasanna airgeadais an Chomhphobail a chomhordú, a ghnóthú go leordhóthanach, agus gur fearr, dá bhrí sin, de bharr a fhairsinge agus a éifeachtaí, is féidir é a ghnóthú ar leibhéal an Chomhphobail, féadfaidh an Comhphobal bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh. I gcomhréir le prionsabal na comhréireachta, a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach.

(27)

Urramaítear na cearta bunúsacha leis an Rialachán seo agus cloítear ann leis na prionsabail a aithnítear go háirithe le Cairt um Chearta Bunúsacha an Aontais Eorpaigh (14). Is é is aidhm don Rialachán seo, go háirithe, a áirithiú go n-urramófar ina iomláine an ceart go ndéanfar sonraí pearsanta a chosaint (Airteagal 8 de Chairt um Chearta Bunúsacha an Aontais Eorpaigh).

(28)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 28(2) de Rialachán (CE) Uimh. 45/2001 agus thug an Maoirseoir tuairim an 22 Feabhra 2007 (15),

1)

cuirtear na fleasca seo a leanas le hAirteagal 2(1):

2)

cuirtear isteach an tAirteagal seo a leanas:

‘Airteagal 2a

Gan dochar d'fhorálacha eile an Rialacháin seo, agus chun a chuspóirí a shaothrú, go háirithe i gcás nach dtíolacfar aon dearbhú custaim ná aon dearbhú simplithe nó i gcás ina mbeidh an dearbhú neamhiomlán nó i gcás ina bhfuil cúis ann go gcreidfí go bhfuil na sonraí a bheidh ann bréagach, féadfaidh an Coimisiún nó údaráis inniúla gach Ballstáit na sonraí seo a leanas a mhalartú le húdarás inniúil aon Bhallstáit eile agus leis an gCoimisiún:

Ní bheidh feidhm ag an Airteagal seo maidir le gluaiseachtaí earraí seachas na hearraí a ndéantar cur síos orthu sa chéad fhleasc d'Airteagal 2(1).’;

3)

leasaítear Airteagal 15 mar a leanas:

4)

leasaítear Airteagal 18 mar a leanas:

5)

cuirtear na hAirteagail seo a leanas le Teideal III:

‘Airteagal 18a

1.   Gan dochar d'inniúlachtaí na mBallstát, d'fhonn cabhrú leis na húdaráis dá dtagraítear in Airteagal 1(1) gluaiseachtaí earraí is ábhar d'oibríochtaí ar sárú ionchasach ar an reachtaíocht chustaim agus ar an reachtaíocht talmhaíochta iad agus meáin iompair, lena n-áirítear coimeádáin, a úsáidtear chun na críche sin, a bhrath, féadfaidh an Coimisiún eolaire a bhunú agus a bhainistiú, ar eolaire é ina mbeidh na sonraí a gheofar ó sholáthróirí seirbhísí poiblí nó ó sholáthróirí seirbhísí príobháideacha atá gníomhach sa slabhra soláthair idirnáisiúnta. Beidh an t-eolaire sin inrochtana go díreach ag na húdaráis sin.

2.   Agus an Coimisiún ag bainistiú an eolaire sin, cumhachtófar dó:

3.   Baineann na sonraí dá dtagraítear san Airteagal seo go háirithe le gluaiseachtaí coimeádán agus/nó meán iompair agus le hearraí agus le daoine a bhfuil baint acu leis na gluaiseachtaí sin. Cuimseoidh na sonraí sin, i gcás ina mbeidh siad ar fáil:

4.   Laistigh den Choimisiún, ní chumachtófar ach d'anailíseoirí ainmnithe sonraí pearsanta a phróiseáil, ar anailíseoirí a bhfuil feidhm ag mír 2(b) agus mír 2(c) maidir leo.

Scriosfar láithreach bonn aon sonraí pearsanta nach mbeidh riachtanach chun an aidhm atá i gceist a bhaint amach nó bainfear na fachtóirí sainaitheantais amach astu. Ní fhéadfar na sonraí pearsanta a stóráil ar feadh tréimhse níos faide ná trí bliana, ar chaoi ar bith.

Airteagal 18b

1.   Údarófar don Choimisiún oiliúint a chur ar fáil, agus gach cineál cúnaimh seachas cúnamh airgeadais a thabhairt d'oifigigh idirchaidrimh de chuid tríú tíortha agus de chuid eagraíochtaí agus gníomhaireachtaí Eorpacha agus idirnáisiúnta.

2.   Féadfaidh an Coimisiún saineolas, cúnamh teicniúil nó cúnamh lóistíochtúil, gníomhaíocht oiliúna nó chumarsáide nó aon tacaíocht oibríochtúil eile a chur ar fáil do na Ballstáit chun cuspóirí an Rialacháin seo a bhaint amach agus i bhfeidhmiú dualgas na mBallstát laistigh de chreat cur chun feidhme an chomhair chustaim dá bhforáiltear le hAirteagal 29 agus le hAirteagal 30 den Chonradh ar an Aontas Eorpach.’;

6)

cuirtear an méid seo a leanas in ionad Airteagal 19:

‘Airteagal 19

Ar choinníoll go mbeidh an tríú tír lena mbaineann tar éis í féin a chur faoi ghealltanas dlíthiúil an cúnamh is gá a thabhairt chun an fhianaise go léir maidir le cineál neamhrialta na n-oibríochtaí a ndealróidh sé go bhfuil siad ag sárú na reachtaíochta custaim nó na reachtaíochta talmhaíochta a chur i dtoll a chéile nó chun méid na n-oibríochtaí ar fionnadh gur sáruithe ar an reachtaíocht sin a bhí iontu a chinneadh, maidir le faisnéis a gheofar de bhun an Rialacháin seo:

Déanfaidh an Ballstát an chumarsáid sin i gcomhlíonadh fhorálacha infheidhme baile an Bhallstáit maidir le sonraí pearsanta a aistriú chuig tríú tíortha.

I ngach cás, áiritheofar go gcuirfidh rialacha an tríú tír lena mbaineann leibhéal cosanta atá coibhéiseach leis an leibhéal dá bhforáiltear in Airteagal 45(1) agus (2) ar fáil.’;

7)

scriostar pointe (d) in Airteagal 20(2);

8)

leasaítear Airteagal 23 mar a leanas:

9)

cuirtear na pointí seo a leanas le hAirteagal 24:

10)

cuirtear an méid seo a leanas in ionad Airteagal 25:

‘Airteagal 25

1.   Cinnfear na hítimí a bheidh le háireamh sa CEC, ar ítimí iad a bhaineann le gach ceann de na catagóirí dá dtagraítear in Airteagal 24(a) go (h), i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 43(2), a mhéid is gá sin chun aidhm an Chórais a bhaint amach. Ní ceadmhach sonraí pearsanta a bheith sa chatagóir dá dtagraítear in Airteagal 24(e) in imthosca ar bith.

2.   Maidir leis na catagóirí dá dtagraítear in Airteagal 24(a) go (d), ní mó a bheidh sna hítimí faisnéise a áireofar maidir le sonraí pearsanta ná:

3.   Maidir leis an gcatagóir dá dtagraítear in Airteagal 24(f), ní mó a bheidh i gceist sna hítimí faisnéise a chuirfear san áireamh i ndáil le sonraí pearsanta ná sloinnte agus céadainmneacha na saineolaithe.

4.   Maidir leis na catagóirí dá dtagraítear in Airteagal 24(g) agus (h), ní mó a bheidh sna hítimí faisnéise a áireofar maidir le sonraí pearsanta ná:

5.   Ní áireofar i gcás ar bith sonraí pearsanta a nochtfaidh tionscnamh ciníoch nó eitneach, tuairimí polaitiúla, creidimh reiligiúnacha nó fealsúnacha, ballraíocht i gceardchumann nó sonraí maidir le sláinte nó maidir le saol gnéis duine.’;

11)

cuirtear an méid seo a leanas in ionad Airteagal 27:

‘Airteagal 27

1.   Ní áireofar na sonraí pearsanta a áirítear sna catagóirí dá dtagraítear in Airteagal 24 a áireamh sa CEC ach amháin chun críocha na ngníomhartha molta seo a leanas:

2.   Ní fhéadfar sonraí pearsanta a áirítear sna catagóirí dá dtagraítear in Airteagal 24 a áireamh sa CEC ach amháin má bhíonn tásc réadach ann, go háirithe ar bhonn gníomhaíochtaí mídhleathacha a rinne an duine atá i gceist roimhe sin, nó ar bhonn faisnéise a tugadh mar chúnamh, gur sheol an duine atá i gceist oibríochtaí a sháraigh an reachtaíocht chustaim nó an reachtaíocht talmhaíochta, go bhfuil oibríochtaí den sórt sin á seoladh aige nó go bhfuil sé ar tí iad a sheoladh, agus ar oibríochtaí iad a bhfuil ábharthacht ar leith ag baint leo ar leibhéal an Chomhphobail.’;

12)

cuirtear an méid seo a leanas in ionad Airteagal 34(3):

‘3.   D'fhonn a áirithiú go ndéanfar forálacha um chosaint sonraí an Rialacháin seo a chur i bhfeidhm i gceart, féachfaidh na Ballstáit agus an Coimisiún ar an CEC mar chóras próiseála sonraí pearsanta atá faoi réir na nithe seo a leanas:

13)

cuirtear an méid seo a leanas in ionad Airteagal 35:

‘Airteagal 35

1.   Faoi réir Airteagal 30(1), cuirtear toirmeasc ar chomhpháirtithe CEC aon úsáid a bhaint as sonraí pearsanta ón CEC seachas chun na críche sin a luaitear in Airteagal 23(2).

2.   Is chun críocha teicniúla amháin a fhéadfar sonraí a dhúbailt, ar choinníoll go bhfuil an dúbailt sin riachtanach le haghaidh cuardaigh a bheidh le déanamh ag na húdaráis dá dtagraítear in Airteagal 29.

3.   Ní fhéadfar sonraí pearsanta a d'áirigh Ballstát nó an Coimisiún sa CEC a chóipeáil i gcórais phróiseála sonraí a bhfuil na Ballstáit nó an Coimisiún freagrach astu, ach amháin i gcórais do bhainistiú riosca a úsáidtear chun rialuithe custaim náisiúnta a stiúradh nó i gcóras anailíse oibríochtúla a úsáidtear chun gníomhartha a chomhordú ar leibhéal an Chomhphobail.

Sa chás sin, is iad na hanailísithe a cheap údaráis náisiúnta gach Ballstáit agus na hanailísithe a cheap seirbhísí an Choimisiúin, agus iad siúd amháin, a chumhachtófar chun próiseáil a dhéanamh ar shonraí pearsanta a fuarthas ón CEC laistigh de chreat córais do bhainistiú riosca a úsáidtear chun rialuithe custaim ag údaráis náisiúnta a stiúradh nó córais anailíse oibríochtúla a úsáidtear chun gníomhartha a chomhordú ar leibhéal an Chomhphobail faoi seach.

Seolfaidh na Ballstáit chuig an gCoimisiún liosta de na ranna bainistíochta riosca a bhfuil a gcuid anailísithe údaraithe chun sonraí pearsanta a iontráladh sa CEC a chóipeáil agus a phróiseáil. Cuirfidh an Coimisiún an liosta sin in iúl do na Ballstáit eile dá réir. Cuirfidh sé faisnéis chomhréireach ar fáil freisin do gach Ballstát maidir lena seirbhísí féin atá freagrach as anailís oibríochtúil.

Foilseoidh an Coimisiún mar fhaisnéis in Iris Oifigiúil an Aontais Eorpaigh an liosta de na húdaráis ainmnithe náisiúnta agus de sheirbhísí an Choimisiúin.

Ní choimeádfar sonraí pearsanta a cóipeáladh ón CEC ach ar feadh an ama atá riachtanach chun an cuspóir ar chuige a cóipeáladh iad a ghnóthú. Déanfaidh comhpháirtí cóipeála an CEC athbhreithniú gach bliain ar a laghad ar an ngá atá lena gcoimeád. Ní rachaidh an tréimhse stórála thar dheich mbliana. Scriosfar láithreach bonn aon sonraí pearsanta nach bhfuil riachtanach chun leanúint leis an anailís, sin nó bainfear aon fhachtóirí sainaitheantais astu.’;

14)

cuirtear an méid seo a leanas in ionad an dara fomhír d'Airteagal 36(2):

‘Ar chaoi ar bith, féadfar rochtain a dhiúltú d'aon duine a bpróiseáiltear a chuid sonraí i rith na tréimhse ina bhfuil gníomhartha á gcur i gcrích chun críocha dearcaidh agus tuairiscithe nó faireacháin dhiscréidigh agus i rith na tréimhse ina bhfuil anailís oibríochtúil ar siúl ar na sonraí nó fiosrúchán riaracháin nó imscrúdú coiriúil.’;

15)

leasaítear Airteagal 37 mar a leanas:

16)

cuirtear an méid seo a leanas in ionad Chaibidil 7 i dTeideal V: ‘Slándáil sonraí’;

17)

cuirtear an pointe seo a leanas le hAirteagal 38(1):

18)

cuirtear isteach an Teideal seo a leanas:

‘TEIDEAL Va

BUNACHAR SONRAÍ UM SHAINAITHINT COMHAD CUSTAIM

CAIBIDIL 1

Bunachar sonraí um shainaithint comhad custaim a bhunú

Airteagal 41a

1.   Cuirfear bunachar sonraí faoi leith san áireamh sa CEC chomh maith dá ngairtear an “Bunachar sonraí um shainaithint comhad custaim”(“FIDE”). Faoi réir fhorálacha an Teidil seo, beidh feidhm ag gach foráil den Rialachán seo a bhaineann leis an CEC maidir leis an FIDE freisin, agus folóidh aon tagairt don CEC an bunachar sonraí sin.

2.   Is iad a bheidh mar chuspóirí ag an FIDE cabhrú le cosc a chur ar oibríochtaí a sháraíonn an reachtaíocht chustaim agus an reachtaíocht talmhaíochta is infheidhme maidir le hearraí a thiocfaidh isteach i gcríoch custaim an Chomhphobail nó a fhágfaidh críoch custaim an Chomhphobail agus brath agus ionchúiseamh na n-oibríochtaí sin a éascú agus a luathú.

3.   Is é an chríoch a bheidh ag an FIDE a chur ar chumas an Choimisiúin, agus comhad comhordaithe de réir bhrí Airteagal 18 á oscailt aige nó misean Comhphobail i dtríú tír de réir bhrí Airteagal 20 á ullmhú aige, agus a chur ar chumas údaráis inniúla aon Bhallstáit a cheaptar maidir le himscrúduithe riaracháin i gcomhréir le hAirteagal 29, agus comhad imscrúdaithe á oscailt acu nó le linn dóibh duine amháin nó níos mó a imscrúdú nó le linn dóibh gnó amháin nó níos mó a imscrúdú, údaráis inniúla na mBallstát eile nó ranna an Choimisiúin a shainaithint a bhfuil na daoine nó na gnóthaí lena mbaineann á n-imscrúdú acu nó a raibh siad á n-imscrúdú acu, d'fhonn na cuspóirí a shonraítear i mír 2 a bhaint amach trí bhíthin faisnéise faoi chomhaid imscrúdaithe a bheith ann.

4.   Má bhíonn faisnéis níos iomláine de dhíth ar Bhallstát nó ar an gCoimisiún agus iad i mbun cuardaigh sa FIDE maidir leis na comhaid imscrúdaithe cláraithe i ndáil le daoine nó le gnóthaí, iarrfaidh sé cúnamh ar an mBallstát ar soláthróir é.

5.   Féadfaidh údaráis chustaim na mBallstát an FIDE a úsáid laistigh de chreat an chomhair chustaim dá bhforáiltear le hAirteagal 29 agus le hAirteagal 30 den Chonradh ar an Aontas Eorpach. I gcás den sórt sin, áiritheoidh an Coimisiún bainistiú teicniúil ar an mbunachar sonraí.

CAIBIDIL 2

An FIDE a oibriú agus a úsáid

Airteagal 41b

1.   Féadfaidh na húdaráis inniúla sonraí ó chomhaid imscrúdaithe a iontráil sa FIDE chun na gcríoch a shainmhínítear in Airteagal 41a(3) maidir le cásanna ina sáraítear an reachtaíocht chustaim nó an reachtaíocht talmhaíochta atá infheidhme maidir le hearraí a thiocfaidh isteach i gcríoch custaim an Chomhphobail nó a fhágfaidh críoch custaim an Chomhphobail agus a bhfuil ábharthacht ar leith ag baint leo ar leibhéal an Chomhphobail. Ní chumhdóidh na sonraí ach na catagóirí seo a leanas amháin:

Cuirfear isteach go leithleach na sonraí dá dtagraítear i bpointe (a), i bpointe (b), agus i bpointe (c) do gach duine agus do gach gnó. Toirmiscfear naisc a chruthú idir na sonraí sin.

2.   Ní bheidh sna sonraí pearsanta dá dtagraítear i mír 1(a) ach an méid seo a leanas amháin:

3.   Déanfar sonraí a iontráil ar feadh tréimhse teoranta i gcomhréir le hAirteagal 41d.

Airteagal 41c

1.   Is do na húdaráis dá dtagraítear in Airteagal 41a amháin a fhorchoimeádfar go heisiach an ceart sonraí a thabhairt isteach agus a cheadú sa FIDE.

2.   Caithfear na sonraí pearsanta seo a leanas a shonrú agus an FIDE á cheadú:

CAIBIDIL 3

Sonraí a stóráil

Airteagal 41d

1.   Braithfidh an tréimhse ar lena linn a fhéadfar sonraí a stóráil ar dhlíthe, ar rialacháin agus ar nósanna imeachta na mBallstát a sholáthraíonn iad. Is iad seo a leanas na huastréimhsí, ar uastréimhsí iad nach bhféadfar a shárú, arna ríomh ó dháta iontrála na sonraí sa chomhad imscrúdaithe:

Ní bheidh na tréimhsí sin carnach.

2.   Ag gach céim de chomhad imscrúdaithe dá dtagraítear i mír 1(a), (b) agus (c), a luaithe nach mbeidh amhras a thuilleadh faoi dhuine ná faoi ghnó a bhfuil feidhm ag Airteagal 41b maidir leis faoi dhlíthe, faoi rialacháin agus faoi nósanna imeachta an Bhallstáit ar soláthróir é, scriosfar láithreach aon sonraí a bhaineann leis an duine nó leis an ngnó sin.

3.   Scriosfaidh an FIDE na sonraí go huathoibríoch a luaithe a bheidh an uastréimhse stórála sonraí dá bhforáiltear i mír 1 caite.’;

19)

cuirtear isteach an méid seo a leanas in ionad Theideal VI.

‘TEIDEAL VI

MAOINIÚ

Airteagal 42a

1.   Is é an rialachán seo an gníomh bunaidh ar a mbunaítear gníomhaíocht uile an Chomhphobail dá bhforáiltear anseo, lena n-áirítear:

2.   Íocfar as buiséad ginearálta an Aontais Eorpaigh freisin an caiteachas a bhaineann le comhpháirteanna Comhphobail an líonra chomhchoitinn cumarsáide a úsáidtear chun críocha mhír 1(c) a fháil agus an caiteachas a bhaineann le staidéar, le forbairt agus le cothabháil a dhéanamh orthu. Cuirfidh an Coimisiún na conarthaí riachtanacha i gcrích thar ceann an Chomhphobail le cineál oibríochtúil na gcomhpháirteanna sin a áirithiú.

3.   Gan dochar do na costais a bhaineann le hoibriú an CEC ná do na méideanna dá bhforáiltear mar chúiteamh de bhun Airteagal 40, tarscaoilfidh na Ballstáit agus an Coimisiún gach uile éileamh ar aisíoc caiteachais a bhaineann le soláthar faisnéise nó a bhaineann le soláthar doiciméad nó a bhaineann le himscrúdú riaracháin nó a bhaineann le haon ghníomhaíocht oibríochtúil eile a chur chun feidhme de bhun an Rialacháin seo agus a chuirtear i gcrích ar iarraidh ó Bhallstát nó ón gCoimisiún, seachas a mhéid a bhaineann leis na liúntais, más ann dóibh, a íocfar le saineolaithe.

20)

leasaítear Airteagal 43 mar a leanas:

21)

in Airteagal 44 agus in Airteagal 45(2), cuirtear na téarmaí ‘i dTeideal V agus i dTeideal Va’ in ionad na dtéarmaí ‘i dTeideal V maidir leis an CEC’;

22)

cuirtear isteach an tAirteagal seo a leanas:

‘Airteagal 51a

Cuirfidh an Coimisiún, i gcomhar leis na Ballstáit, tuarascáil faoi bhráid Pharlaimint na hEorpa agus faoi bhráid na Comhairle gach bliain maidir leis na bearta a glacadh i gcur chun feidhme an Rialacháin seo.’;

23)

leasaítear Airteagal 53 mar a leanas:

13.8.2008   

GA

Iris Oifigiúil an Aontais Eorpaigh

L NaN/60

(1)

Ag tógáil ar chonclúidí na Comhairle an 20 Meán Fómhair 2001 agus ar chonclúidí na Comhairle Eorpaí in Laeken i mí na Nollag 2001, in Sevilla i Meitheamh 2002, in Thessaloniki i Meitheamh 2003 agus sa Bhruiséil i Márta 2004, tá bunú an Chórais Faisnéise Víosaí (VIS) ar cheann de phríomhthionscnaimh i mbeartais an Aontais Eorpaigh atá dírithe ar limistéar saoirse, slándála agus ceartais a chur ar bun.

(2)

Chuir Cinneadh 2004/512/CE ón gComhairle an 8 Meitheamh 2004 ag bunú an Chórais Faisnéise Víosaí (VIS) (2) an VIS ar bun mar chóras chun sonraí víosaí a mhalartú idir Bhallstáit.

(3)

Is gá anois cuspóir, feidhmiúlachtaí agus freagrachtaí an VIS a shainiú agus na coinníollacha agus na nósanna imeachta a bhunú chun sonraí víosaí idir Bhallstáit a mhalartú d'fhonn scrúdú na n-iarratas ar víosaí agus ar chinntí gaolmhara a éascú, agus na treoshuímh d'fhorbairt an VIS a ghlac an Chomhairle an 19 Feabhra 2004 á gcur san áireamh, agus is gá sainordú a thabhairt don Choimisiún chun an VIS a chur ar bun.

(4)

Ar feadh idirthréimhse, ba cheart go mbeadh an Coimisiún freagrach as bainistiú oibríochtúil an VIS Láir, na gComhéadan Náisiúnta agus gnéithe áirithe den bhonneagar cumarsáide idir an VIS Láir agus na Comhéadain Náisiúnta.

San fhadtéarma, agus tar éis measúnú iarmharta a bheith déanta ina mbeidh anailís shubstaintiúil ar na roghanna atá ann ó thaobh airgeadais, ó thaobh oibríochta agus ó thaobh eagrúcháin agus tar éis tograí reachtacha ón gCoimisiún a fháil, ba cheart Údarás Bainistíochta buan a bhunú a bheadh freagrach as na tascanna sin. Níor chóir go mairfeadh an idirthréimhse níos mó ná cúig bliana ón dáta a dtiocfaidh an Rialachán seo i bhfeidhm.

(5)

Ba cheart go mbeadh sé de chuspóir ag an VIS feabhas a chur ar chur chun feidhme an chomhbheartais víosaí, ar an gcomhar consalach agus ar an gcomhchomhairle idir na húdaráis víosaí láir trí éascú a dhéanamh ar mhalartú sonraí idir Bhallstáit maidir leis na hiarratais agus na cinntí lena mbaineann, d’fhonn an nós imeachta um iarratas a dhéanamh ar víosa a éascú, chun ‘siopadóireacht víosaí’ a chosc, chun an comhrac i gcoinne na calaoise a éascú agus chun seiceálacha ag láithreacha trasnaithe teorann agus laistigh de chríoch na mBallstát a éascú. Ba cheart go gcabhródh an VIS freisin aon duine nach gcomhlíonann na coinníollacha iontrála, na coinníollacha fanachta ná na coinníollacha cónaithe i gcríoch na mBallstát, nó nach gcomhlíonann a thuilleadh iad, a aithint, agus ba cheart go n-éascódh sé cur i bhfeidhm Rialachán (CE) Uimh. 343/2003 ón gComhairle an 18 Feabhra 2003 lena mbunaítear na critéir agus an mheicníocht chun a chinneadh cén Ballstát atá freagrach as an scrúdú ar iarratas ar thearmann arna thaisceadh ag náisiúnach tríú tír i gceann de na Ballstáit (3), agus ba cheart go gcuideodh sé chun bagairtí ar shlándáil inmheánach aon Bhallstáit a chosc.