(1)

ciallaíonn ‘luachshocrú eolais’ an próiseas chun luach sóisialta agus eacnamaíoch a chruthú ó eolas trí réimsí agus earnálacha éagsúla a nascadh le chéile agus trí shonraí, fios gnó agus torthaí taighde a chlaochlú ina dtáirgí inbhuanaithe, ina seirbhísí, ina réitigh agus ina mbeartais eolasbhunaithe a théann chun tairbhe don tsochaí (12);

(2)

ciallaíonn ‘comhchruthú idir an tionscal agus an saol acadúil’ an próiseas maidir le táirgeadh comhpháirteach agus luachshocrú eolais idir an tionscal, gníomhaithe T&N agus páirtithe leasmhara eile b’fhéidir, amhail údaráis phoiblí, comhpháirtithe sóisialta agus an tsochaí shibhialta (13);

(3)

ciallaíonn ‘an saol acadúil’ ollscoileanna agus institiúidí ardoideachais eile, lena n-áirítear eagraíochtaí taighde agus teicneolaíochta poiblí agus príobháideacha (14), ollscoileanna na heolaíochta feidhmí agus institiúidí ardoideachais gairmoideachais agus gairmoiliúna eile;

(4)

ciallaíonn ‘sócmhainn intleachtúil’ aon toradh nó táirge a ghintear trí aon ghníomhaíocht T&N (amhail cearta maoine intleachtúla, sonraí, fios gnó, fréamhshamhlacha, próisis, cleachtais, teicneolaíochtaí agus bogearraí);

(5)

ciallaíonn ‘eolaíocht oscailte’ cur chuige i leith an phróisis eolaíoch atá bunaithe ar obair chomhoibríoch oscailte, uirlisí agus scaipeadh eolais, mar a shainmhínítear in Airteagal 2, pointe (5) de Rialachán (AE) 2021/695 ó Pharlaimint na hEorpa agus ón gComhairle (15);

(6)

ciallaíonn ‘nuálaíocht oscailte’ an cur chuige maidir leis an bpróiseas nuálaíochta a oscailt lasmuigh d’eagraíocht (16);‘

(7)

ciallaíonn ‘rochtain oscailte’ rochtain a chuirtear ar fáil saor in aisce don úsáideoir deiridh ar shonraí taighde, lena n-áirítear foilseacháin eolaíocha, i gcomhréir le hAirteagal 14(1)(a) agus Airteagal 39(3) de Rialachán (AE) 2021/695.

(a)

misean soiléir a leagan amach chun comhchruthú idir an tionscal agus an saol acadúil a chur chun cinn le haghaidh luachshocrú eolais agus straitéisí taighde agus forbartha atá oiriúnach don fheidhm a fhorbairt, ar straitéisí iad arna bhformhuiniú ag an ardbhainistíocht agus ag an meánbhainistíocht;

(b)

comhar trasdisciplíneach agus malartú eolais laistigh den eagraíocht a spreagadh chun cultúr nuálaíochta agus idirphlé oscailte a chur chun cinn, agus dea-thorthaí agus dúshláin araon á gcomhroinnt agus ag foghlaim trí ghníomhaíocht;

(c)

breithniú a dhéanamh ar fhoirne tiomnaithe a bhunú a bheidh freagrach as comhar idir an tionscal agus an saol acadúil a éascú agus as tacú leis an gcomhar sin; am agus acmhainní a infheistiú; treoraíocht maidir le comhpháirtithe a d’fhéadfadh a bheith ann a shainaithint (agus leasanna, gealltanas, taithí roimh ré agus comhlántacht na gcumas á gcur san áireamh); agus faisnéis a sholáthar maidir leis na cineálacha comhchruthaithe agus comhpháirtíochtaí atá ar fáil (leibhéil éagsúla rannpháirtíochta, faid agus dálaí);

(d)

idirphlé idir an tionscal agus an saol acadúil a neartú ar leibhéal na struchtúr comhairleach agus treochláir chomhpháirteacha a shaothrú ina mbeidh an saol acadúil, an tionscal, údaráis phoiblí, comhpháirtithe sóisialta, braislí, gnólachtaí nuathionscanta agus saoránaigh rannpháirteach, mar shampla trí bhoird thiomnaithe a bhunú; cruinnithe comhchéime, socruithe comhoibríocha nó próisis chomhoibritheacha a eagrú, b’fhéidir, lena n-áirítear anailís a dhéanamh ar riachtanais scileanna chun dúshláin oideachais a shainiú agus chun inniúlachtaí scileanna atá ábhartha do mhargadh an tsaothair a shainaithint d’fhonn curaclaim agus modhanna teagaisc a oiriúnú dá réir sin agus scileanna a bheidh slán i bhfad na haimsire a thabhairt do mhic léinn;

(e)

struchtúir chomhpháirteacha a fhorbairt amhail moil nuálaíochta agus eolais, institiúidí fíorúla agus acadaimh fiontraíochta (17) chun comhar a chothú agus éiceachórais idirnasctha inbhuanaithe a bhunú; saotharlanna beo a chruthú, b’fhéidir,agus gníomhaíochtaí dúshlánbhunaithe a chur ar fáil amhail haiceatóin, lena dtabharfar le chéile foirne mac léinn, taighdeoirí, cuideachtaí agus cathracha atá éagsúil go hidirnáisiúnta agus trasdisciplíneach chun réitigh nuálacha atá ábhartha do chuideachtaí agus do chathracha a fhorbairt;

(f)

deiseanna a chruthú chun mic léinn bhaitsiléara agus mháistreachta, iarrthóirí dochtúireachta agus taighdeoirí iardhochtúireachta a óstáil i gcuideachtaí agus páirt ghníomhach a ghlacadh i dtaighde comhoibríoch agus T&N atá dírithe ar mhisean;

(g)

gníomhaíochtaí a chur chun cinn chun cur le hiontaoibh agus eolas frithpháirteach (amhail líonrú, iasachtaí agus malartuithe foirne idir comhpháirtithe) agus uirlisí a úsáid (amhail dearbháin nuálaíochta) chun comhpháirtíochtaí níos éifeachtúla agus níos inbhuanaithe a chothú.

(a)

cultúr comhchruthaithe idirearnálaigh agus foghlama frithpháirtí a chothú trí smaointe maidir le topaicí leasa choitinn a mhalartú agus trí shamplaí de scéalta ratha agus de dhea-chleachtais a chomhroinnt (18);

(b)

leasanna poiblí agus príobháideacha a ailíniú trí dhúshláin agus cuspóirí comhroinnte idir an tionscal agus an saol acadúil a shainaithint, amhail dul i ngleic le riachtanais shochaíocha nó nuálaíocht teicneolaíochta a chur chun cinn;

(c)

cumarsáid a dhéanamh maidir leis na tairbhí a bhaineann le comhchruthú eolais don tionscal, amhail rannchuidiú le haon riachtanas sochaíoch, tionchar sóisialta a chruthú, feabhas a chur ar thaighde tionsclaíoch, rochtain a fháil ar mhalartuithe daoine tréitheacha agus scileanna, nuálaíochtaí sóisialta agus eagraíochtúla san áit oibre a uas-scálú, rochtain a fháil ar chláir thaighde a chistítear go poiblí, rioscaí a chomhroinnt chun smaointe agus teicneolaíochtaí nua a thástáil, feabhas a chur ar tháirgí nó ar sheirbhísí, agus feabhas a chur ar iomaíochas gnó;

(d)

cumarsáid a dhéanamh maidir leis na tairbhí a bhaineann le comhchruthú eolais d’eagraíochtaí taighde, amhail rannchuidiú le riachtanais shochaíocha, tionchar sóisialta a chruthú, forbairt seach-chuideachtaí, tionscadal comhpháirteach agus foilseachán a spreagadh, cur i bhfeidhm tionsclaíoch na dtorthaí taighde, teagmháil leis an tionscal, malartuithe scileanna agus rochtain ar bhonneagair, nuálaíochtaí sóisialta agus eagraíochtúla a uas-scálú, feabhas a chur ar infhostaitheacht mac léinn agus taighdeoirí, agus deiseanna airgeadais (lena n-áirítear níos mó deiseanna cistiúcháin);

(e)

comhpháirtíochtaí rathúla idir an tionscal agus an saol acadúil laistigh den eagraíocht a chur i dtábhacht, agus béim á leagan ar a thábhachtaí atá sé sócmhainní intleachtúla a bhainistiú go héifeachtach agus an luach a chruthaítear i gcomhchruthú idir an tionscal agus an saol acadúil á léiriú;

(f)

dul i gcomhar le lucht ceaptha beartas agus riaracháin phoiblí maidir le beartais, cistiú agus dreasachtaí cánach le haghaidh an chomhchruthaithe idir an tionscal agus an saol acadúil (mar shampla, chun dochtúireachtaí sa tionsclaíocht a chistiú);

(g)

gníomhaíochtaí comhpháirteacha (amhail comórtais chás-staidéir, haiceatóin, feachtais chumarsáide, oiliúintí comhpháirteacha agus cruthúnais choincheapa) a chruthú agus ról a thabhairt do shaoránaigh i ngníomhaíochtaí comhchruthaithe idir an tionscal agus an saol acadúil i gcomhréir le Moladh (AE) 2024/736 ón gCoimisiún (19).

(a)

aitheantas agus luach saothair a thabhairt do chomhpháirtíochtaí rathúla idir an tionscal agus an saol acadúil, do mhalartú foirne nó do shoghluaisteacht idirearnálach agus do na scileanna a fhorbraítear i gcomhchruthú idir an tionscal agus an saol acadúil san earcaíocht, i meastóireachtaí feidhmíochta (21), i measúnuithe gairme agus i ndul chun cinn na foirne; ba cheart breithniú a dhéanamh ar dhreasachtaí eile, amhail cistiú, comhúinéireacht maoine intleachtúla agus comhroinnt ríchíosanna;

(b)

cumarsáid a dhéanamh maidir leis na tairbhí a bhaineann le deiseanna éagsúla comhchruthaithe agus comhpháirtíochta don tionscal agus d’fhoirne acadúla, amhail foghlaim ar feadh an tsaoil, forbairt ghairmiúil agus phearsanta, neamhspleáchas taighde, róil cheannaireachta agus deiseanna tráchtálaithe taighde;

(c)

an fhoireann uile a bheith rannpháirteach sa tsoghluaisteacht idirearnálach dhéthreoch, ón tionscal go dtí an saol acadúil agus ón saol acadúil go dtí an tionscal, chun gníomhaíochtaí comhchruthaithe agus trasdisciplíneacha a chur chun cinn, amhail cláir champais, chun an bhearna idir taighde agus feidhmeanna praiticiúla ag an tionscal a dhúnadh;

(d)

faisnéis a sholáthar don fhoireann uile maidir le huirlisí agus cláir ábhartha, lena n-áirítear faisnéis maidir le deontais tionscadail, comhaltachtaí, scoláireachtaí, cláir dhochtúireachta agus iardhochtúireachta sa tionsclaíocht, amhail socrúcháin neamhacadúla Chomhaltachtaí Iardhochtúireachta Ghníomhaíochtaí Marie Skłodowska-Curie (GMSC) (22) agus Líonraí Dochtúireachta GMSC (lena n-áirítear dochtúireachtaí sa tionsclaíocht) (23), deontais le haghaidh cruthúnas coincheapa (24), comhghuaillíochtaí d’Ollscoileanna Eorpacha (25), deiseanna síolchistiúcháin, seirbhísí tacaíochta, oiliúint agus cóitseáil, deiseanna cistiúcháin agus imeachtaí.

(a)

cóitseáil, meantóireacht agus deiseanna forbartha gairmiúla agus pearsanta do gach ball foirne ar fud an tionscail agus an tsaoil acadúil (lena n-áirítear micridhintiúir agus gairmoiliúint) (26);

(b)

infheistíocht a dhéanamh i ndeiseanna foghlama éagsúla agus solúbtha, lena n-áirítear micridhintiúir, chun aghaidh a thabhairt ar riachtanais a bhíonn ag athrú ar fud an tionscail agus an tsaoil acadúil agus ról a thabhairt do mhúinteoirí agus d’aoi-léachtóirí a bhfuil próifílí éagsúla acu, go háirithe ón tionscal;

(c)

scileanna idirdhisciplíneacha bhaill foirne an tionscail agus an tsaoil acadúil a neartú, ar scileanna iad a bhfuil gá leo le haghaidh comhar éifeachtach trasdisciplíneach agus trasearnála, amhail cumarsáid, ceannaireacht, oiriúnú do thimpeallachtaí oibre a bhíonn ag athrú, solúbthacht agus scileanna idirbheartaíochta;

(d)

tuiscint chuimsitheach a chothú ar an gcaoi a n-oibríonn gnólachtaí agus oiliúint agus deiseanna a sholáthar do mhic léinn agus do thaighdeoirí a dtionscadail a chur faoi bhráid painéil ionadaithe tionsclaíochta chun aiseolas a fháil agus líonra a chruthú dá bhforbairt ghairmiúil amach anseo, lena n-áirítear trí ghorlanna mac léinn a bhunú;

(e)

scileanna a fhorbairt maidir le bainistiú tionscadal, maoirseacht agus meantóireacht, measúnú tionchair, cumarsáid, comhchruthú eolais, luachshocrú agus nuálaíocht do gach ball foirne agus mac léinn ar fud an tsaoil acadúil; áirítear leis sin oiliúint i modheolaíochtaí meastóireachta, creataí tomhais agus measúnú a dhéanamh ar thorthaí tionscadail agus ar an tionchar a bhíonn acu ar an tsochaí;

(f)

smaointeoireacht straitéiseach agus scileanna fiontraíochta a chothú do mhic léinn agus do thaighdeoirí chun seach-chuideachtaí agus gnólachtaí nuathionscanta a fhorbairt bunaithe ar tháirgí agus ar sheirbhísí nuálacha, agus a dtorthaí taighde a thabhairt isteach i bhfeidhmeanna praiticiúla ar an margadh;

(g)

níos mó oiliúna i ndeiseanna cistiúcháin T&N a sholáthar agus tuiscint chuimsitheach ar fheidhmiú agus ar ghníomhaíochtaí institiúidí acadúla agus taighde ar fud an tionscail a chothú, go háirithe FBManna, agus gorlanna, moil nuálaíochta agus lárionaid scaipthe teicneolaíochta a chur chun cinn chun tacú le próisis nuálaíochta FBM, mar shampla cur leis an obair a rinneadh faoi Ionaid Barr Feabhais Gairme (27);

(h)

oiliúint a chur ar fáil maidir le bainistiú sócmhainní intleachtúla (ba cheart don oiliúint díriú freisin ar an tionscal, go háirithe FBManna, agus ar an saol acadúil lena n-áirítear mic léinn, i ngrúpaí measctha más féidir) agus díriú ar shócmhainní intleachtúla a bhainistiú i dtionscadail agus i gcomhpháirtíochtaí, lena n-áirítear an eolaíocht oscailte agus breithnithe nuálaíochta oscailte, i gcomhréir le Moladh (AE) 2023/499 ón gCoimisiún;

(i)

oiliúint a chur ar fáil maidir le caighdeánú chun feabhas a chur ar an tuiscint ar na saintréithe agus ar na naisc idir taighde, nuálaíocht agus caighdeánú agus ar an gcaoi ar féidir leo tacú le chéile chun borradh a chur faoin luachshocrú eolais, i gcomhréir le Moladh (AE) 2023/498 ón gCoimisiún (28);

(j)

scileanna foirne, mac léinn agus taighdeoirí a fhorbairt maidir le hardáin agus uirlisí digiteacha a úsáid, lena n-áirítear na scileanna sin a bhaineann le litearthacht sonraí agus bainistiú sonraí le haghaidh luachshocrú eolais;

(k)

rannpháirtíocht na foirne (lena n-áirítear foireann bhainistíochta agus riaracháin) agus na dtaighdeoirí uile a spreagadh i scéimeanna soghluaisteachta idirearnálacha idirnáisiúnta idir an saol acadúil agus an tionscal agus i scéimeanna eile, amhail Líonraí Dochtúireachta GMSC, Malartuithe Foirne GMSC (29), COFUND GMSC (30), Erasmus+ (31), cláir oideachais agus oiliúna phobail eolais agus nuálaíochta na hInstitiúide Eorpaí um Nuálaíocht agus Teicneolaíocht (EIT) (32) agus an Chomhphobail um Thaighde agus Nuálaíocht Eorpach maidir leis an tSlándáil (CERIS).

(a)

foireann a spreagadh chun páirt a ghlacadh i ngníomhaíochtaí líonraithe laistigh den eagraíocht agus le heagraíochtaí seachtracha agus feasacht a mhúscailt maidir le deiseanna líonraithe;

(b)

imeachtaí a eagrú agus páirt a ghlacadh iontu, ar imeachtaí iad lena dtugtar le chéile an tionscal (lena n-áirítear FBManna, seach-chuideachtaí agus gnólachtaí nuathionscanta, aingil ghnó, cistí caipitil fiontair agus páirtithe leasmhara eile) agus an saol acadúil chun leasanna, dúshláin agus deiseanna coiteanna a phlé;

(c)

líonra alumni gníomhach a choinneáil ar bun chun naisc a chruthú agus deiseanna a sholáthar d’fhiontraithe is alumni agus dóibh siúd a oibríonn sa tionscal chun a gcuid saineolais a chomhroinnt le mic léinn agus meantóireacht a sholáthar (33);

(d)

braislí (34), líonraí (35), ardáin (36), pobail chleachtais, meithleacha comhpháirteacha, agus boird chomhairliúcháin (idir fhoirmiúil agus neamhfhoirmiúil) a thabhairt le chéile agus na seirbhísí tacaíochta atá ar fáil (amhail gorlanna, luasairí, oifigí aistrithe eolais agus teicneolaíochta (KT/TTOnna), oifigí idirchaidrimh agus saineolaithe tríú páirtí) a úsáid ar leibhéal an Aontais, ar an leibhéal náisiúnta agus ar an leibhéal réigiúnach;

(e)

feasacht a mhúscailt maidir le dúshláin, lena n-áirítear slándáil taighde a bhaineann le comhar T&N agus cur isteach eachtrach a d’fhéadfadh a bheith ann (37), agus comhpháirtíochtaí idir gnólachtaí an Aontais agus comhpháirtithe acadúla domhanda a chur chun cinn (38);

(f)

cumarsáid oscailte agus éifeachtach a spreagadh agus tuiscint ar na téarmaí a úsáideann gníomhaithe éagsúla a áirithiú;

(g)

ardáin dhigiteacha nó gnólachtaí bróicéireachta (le roghanna cuardaigh, scagairí, foláirimh, etc.) atá seanbhunaithe agus a reáchtáiltear go gairmiúil a shainaithint agus a úsáid lena ndéantar an méid seo a leanas:

(h)

oifigí idirchaidrimh inmheánacha a bhunú leis na modhanna agus na hacmhainní is gá chun feidhmiú mar phointí teagmhála le haghaidh an chomhchruthaithe idir an tionscal agus an saol acadúil, ar pointí teagmhála iad a chuirfidh faisnéis ar fáil maidir le deiseanna agus a áiritheoidh caidreamh rianúil le comhpháirtithe;

(i)

rannpháirtíocht iarthionscadail fhadtéarmach agus inbhuanaithe a chur chun cinn agus caidrimh agus comhpháirtíochtaí leanúnacha idir an tionscal agus an saol acadúil a chothú.

(a)

fís, spriocanna, ionchais agus cuspóirí comhroinnte a chomhaontú as a dtiocfaidh ardleibhéal rannpháirtíochta agus gealltanais fhadtéarmaigh agus urraim á tabhairt don tsaoirse acadúil an tráth céanna agus, i gcás inar féidir agus inarb ábhartha, rannpháirtíocht páirtithe leasmhara eile á cur san áireamh chun an creat comhpháirtíochta a chruthú;

(b)

iontaoibhe agus gealltanas a chothú i measc gach páirtí a bhfuil baint acu leis an gcreat comhpháirtíochta;

(c)

creat conarthach soiléir agus cuimsitheach, struchtúr rialachais, socruithe chun an chomhpháirtíocht a bhainistiú agus nós imeachta chun coinbhleacht a réiteach, na nithe sin uile a leagan amach le tacaíocht ó shaineolaithe dlí;

(d)

sceideal mionsonraithe agus treochlár le haghaidh na comhpháirtíochta a chomhaontú, lena n-áirítear garspriocanna agus sprioc-amanna agus an t-athbhreithniú tráthrialta orthu, agus téarmaíocht oibre thrasearnálach choiteann idir na comhpháirtithe a tharraingt suas;

(e)

táscairí sonracha a leagan síos chun faireachán agus meastóireacht a dhéanamh ar an dul chun cinn, ar an luach a chruthaítear, ar thionchar (comhshaoil, teicneolaíoch, eacnamaíoch, sochaíoch, polaitiúil agus sláinte) agus ar inbhuanaitheacht na comhpháirtíochta;

(f)

straitéis chomhpháirteach um bainistiú sócmhainní intleachtúla a fhorbairt (39), lena n-áirítear breithnithe maidir le heolas cúlra, malartú sonraí, luacháil, bainistíocht agus úinéireacht chomhpháirteach maoine intleachtúla, an eolaíocht oscailte, cleachtais nuálaíochta oscailte agus rannchuidithe leis an gcaighdeánú;

(g)

teacht ar chomhaontú maidir le saincheisteanna rúndachta, úinéireachta sonraí agus príobháideachais sonraí agus beartas maidir le coinbhleachtaí leasa;

(h)

struchtúr soiléir a bhunú le haghaidh comhar le baill foirne a bhfuil oiliúint shonrach orthu (agus foireann thiomnaithe in eagraíochtaí comhpháirtíochta más ábhartha); féadfar tacú leis na foirne sin le KT/TTOnna le haghaidh comhpháirtithe acadúla nó le comhlachais ábhartha le haghaidh comhpháirtithe tionscail;

(i)

comhionannas, éagsúlacht, inbhuanaitheacht agus cuimsiú a chur chun cinn agus laofacht inscne a sheachaint i gcuspóirí agus i ngníomhaíochtaí comhpháirtíochta;

(j)

feasacht a mhúscailt maidir leis an gcreat comhpháirtíochta agus maidir le luachanna, róil, dreasachtaí agus acmhainní na gcomhpháirtithe chun soiléireacht agus ailíniú a áirithiú.

(a)

tairbhiú de thacaíocht ó chineálacha éagsúla idirghabhálaithe, lena n-áirítear gairmithe aistrithe eolais agus teicneolaíochta agus bainisteoirí conartha a dhéanann formhaoirseacht ar idirbhearta foirmiúla laistigh den eagraíocht (amhail ábhair a bhaineann le bainistiú sócmhainní intleachtúla); féadfar a áireamh ar idirghabhálaithe freisin éascaitheoirí a bhfuil bonn corparáideach leo agus éascaitheoirí gairmiúla eile (amhail an earnáil tionsclaíochta nó comhlachais eolaíochta) a chuidíonn le hidirphlé agus le tuiscint a fháil ar chaidrimh oibre nó ar eagraíochtaí a dhéanann maoirseacht ar spásanna comhchruthaithe ilpháirtithe leasmhara (amhail boscaí gainimh, binsí tástála, ardáin agus saotharlanna beo);

(b)

tairbhiú de thacaíocht na n-idirghabhálaí sa chomhpháirtíocht chun idirghabháil agus cumarsáid idir na comhpháirtithe a éascú;

(c)

ról a thabhairt do na hidirghabhálaithe ó thaobh creataí comhpháirtíochta a fhorbairt agus páirt a ghlacadh i nglaonna iomaíocha le gníomhaireachtaí cistiúcháin;

(d)

dul i dteagmháil le hidirghabhálaithe chun léargais a thabhairt ar nuálaíocht fhreagrach, ar chomhairle rialála agus ar threoraíocht maidir le hábhair a bhféadfadh sé nach bhfuil saineolas ag an eagraíocht ina leith (amhail bainistiú riosca teicneolaíochta);

(e)

acmhainní leordhóthanacha a sholáthar, lena n-áirítear cistiú agus infheistíocht a dhéanamh i ngairmiúlú idirghabhálaithe, agus aitheantas a thabhairt don ról ríthábhachtach atá acu in éiceachórais nuálaíochta an Aontais, náisiúnta agus réigiúnacha agus i ndáil le leasanna ilpháirtithe leasmhara, idirearnálacha agus réigiúnacha a ailíniú sa tionscal agus sa saol acadúil;

(f)

tacú le comhar agus le malartú dea-chleachtas idir idirghabhálaithe a bhfuil baint acu le comhchruthú idir an tionscal agus an saol acadúil agus turgnamh a spreagadh chun oiriúnú do theicneolaíochtaí nua agus chun tairbhiú díobh, amhail an intleacht shaorga;

(g)

idirghabhálaithe a chumhachtú agus infheistíocht a dhéanamh sna scileanna is gá trí chuairteanna staidéir a chistiú agus deiseanna oiliúna a sholáthar maidir le luachshocrú airgeadais agus neamhairgeadais torthaí agus fiontraíochta sóisialta;

(h)

idirghabhálaithe ón tionscal agus ón saol acadúil a spreagadh chun dul i dteagmháil le lucht ceaptha beartas agus riaracháin réigiúnacha, caipitlithe fiontair, aingil ghnó agus cistí infheistíochta chun moil nuálaíochta réigiúnacha a chruthú agus/nó a neartú agus chun infheistíocht a mhealladh.

(a)

lena n-áirítear, le haghaidh gach toraidh a bhfuiltear ag súil leis, rialacha maidir le húinéireacht agus rialú (lena n-áirítear rochtain oscailte agus cosaint maoine intleachtúla) agus plean luachshocraithe le haghaidh tionchar níos mó; leis an bplean seo, ba cheart ról gach páirtí, na céimeanna atá le glacadh chun tionchar a imirt agus na céimeanna atá le glacadh le haghaidh saothrú comhpháirteach a leagan amach i gcás inarb ábhartha agus i gcás ina bhfuil príomhleasanna na gcomhpháirtithe ailínithe;

(b)

bealaí agus uirlisí éifeachtacha a bhunú (41), lena n-áirítear le haghaidh caighdeánú, chun glacadh na dtorthaí a áirithiú agus chun liosta de na príomhbhaill foirne agus de na pointí teagmhála a thugtar cothrom le dáta go tráthrialta a tharraingt suas do gach comhpháirtí i gcomhar ar leith;

(c)

feasacht a mhúscailt agus leas a bhaint as scéimeanna cistiúcháin poiblí agus príobháideacha, lena n-áirítear cláir cistiúcháin fréamhshamhla chun indéantacht theicniúil na dtorthaí taighde a léiriú, agus as cistiú ón Aontas agus cistiú náisiúnta maidir le himscaradh;

(d)

úsáid uirlisí agus seirbhísí seanbhunaithe a spreagadh lena gcuirtear chun cinn sainaithint torthaí a bhfuil acmhainneacht ard-nuálaíochta acu agus lena dtacaítear le straitéisí agus pleananna gnó a fhorbairt lena nglacadh sa tsochaí.

(a)

infheistíocht a dhéanamh i mbonneagair chomhpháirteacha taighde agus teicneolaíochta (42), agus i saoráidí comhchruthaithe, amhail spásanna oibre comhroinnte, binsí tástála agus páirceanna nuálaíochta, saoráidí tástála agus turgnamhaíochta (43) agus línte píolótacha (44), agus páirt a ghlacadh iontu, rud a d’fhéadfadh tacaíocht ghairmiúil foirne a chur ar fáil i réimsí amhail forbairt ghnó, idirchaidreamh tionscail, bainistiú KT/TTOanna agus bainistiú cistithe taighde chun an bhearna idir an tionscal agus an saol acadúil a dhúnadh;

(b)

rochtain ar acmhainní a sholáthar, amhail saoráidí comhroinnte, trealamh agus stórais sonraí, chun tacú le gníomhaíochtaí comhpháirteacha taighde agus nuálaíochta (agus saincheisteanna rúndachta gaolmhara á gcur san áireamh);

(c)

tacú le hardáin nuálaíochta oscailte agus páirt a ghlacadh iontu (lena n-áirítear timpeallachtaí agus uirlisí digiteacha le haghaidh comhchruthaithe agus meaitseáil ghairmiúil idir an tionscal agus an saol acadúil) chun tionscadail nuálaíochta a thionscnamh agus a fhorbairt, ag tosú le smaointe nuálaíochta, dúshláin thionsclaíocha agus riachtanais agus iad a thabhairt chun críche trí chuibhreannais agus foirne tionscadail nuálaíochta a thógáil;

(d)

treoraíocht a chur ar fáil maidir le modhanna comhchruthaithe, nuálaíocht oscailte agus dea-chleachtais luachshocraithe atá saincheaptha do spriocanna agus cuspóirí sonracha na comhpháirtíochta; féadfar a áireamh ar na modhanna sin smaointeoireacht deartha, cineálacha cur chuige atá dírithe ar an úsáideoir agus gníomhaíocht rannpháirtíochta.

(a)

méadrachtaí oiriúnacha le haghaidh measúnuithe den sórt sin a chomhaontú go comhpháirteach agus cothromaíocht a áirithiú idir méadrachtaí atá dírithe ar ghnó, ar an tsochaí agus ar thaighde. Féadfar a áireamh orthu sin nuálaíochtaí sainaitheanta, ceadúnais, trádmharcanna agus bogearraí, rannchuidithe le caighdeáin agus comhfhoilseacháin phoiblí-príobháideacha. Ba cheart meastóireacht a dhéanamh ar an tionchar (amhail éifeachtaí comhshaoil, teicneolaíochta, eacnamaíocha, sochaíocha, polaitíochta agus sláinte). Ba cheart tionchair dhiúltacha a thuairisciú, agus ba cheart measúnú a dhéanamh ar ábhair imní eiticiúla;

(b)

méadrachtaí cáilíochtúla a chomhaontú agus a fhorbairt go comhpháirteach chun meastóireacht a dhéanamh ar thorthaí na comhpháirtíochta (amhail caidrimh ghairmiúla, iontaoibhe a fhorbraítear agus comhroinnt eolais) mar shampla trí shuirbhéanna spriocdhírithe agus trí bhabhtaí aiseolais tráthrialta a úsáid;

(c)

cás-staidéir a úsáid chun measúnú a dhéanamh ar an tionchar sochaíoch agus ar an luach a chruthaítear, go háirithe le haghaidh tionscadail a chistítear go poiblí den chuid is mó, agus na cás-staidéir sin a chur ar fáil go poiblí;

(d)

athbhreithniú a dhéanamh ar mhéadrachtaí agus ar tháscairí le himeacht ama agus faireachán a dhéanamh ar thionchar fadtéarmach na comhpháirtíochta i dtéarmaí comhsheasmhachta, inbhuanaitheachta, inscálaitheachta agus in-athúsáideachta;

(e)

comhroinnt chóir agus chothrom an luacha arna ghiniúint ag gníomhaíochtaí comhchruthaithe idir an tionscal agus an saol acadúil a áirithiú bunaithe ar an tionchar a chruthaíonn na gníomhaíochtaí sin;

(f)

a áirithiú go mbreithneoidh na páirtithe uile lena mbaineann an luach agus an tionchar a chruthaíonn an chomhpháirtíocht agus gníomhaíochtaí agus comhpháirtíochtaí a bheidh ann amach anseo á bhforbairt acu.