1.   Tá feidhm ag an Rialachán seo in ábhair shibhialta nó thráchtála ina n‐iarrann cúirt Bhallstáit, i gcomhréir le dhlí an Bhallstáit sin:

2.   Ní dhéanfar iarraidh ar fhianaise a fháil nach bhfuil sé i gceist a úsáid in imeachtaí breithiúnacha atá tosaithe cheana féin nó atá á mbeartú.

1.   Is í an chúirt a bhfuil na himeachtaí tionscanta nó beartaithe os a comhair (“cúirt iarrthach”) a tharchuirfidh iarrataí dá dtagraítear i bpointe (a) d’Airteagal 1(1) go díreach chuig cúirt inniúil Ballstáit eile (“cúirt iarrtha”) chun fianaise a ghlacadh.

2.   Déanfaidh gach Ballstát liosta a dhréachtú de na cúirteanna atá inniúil chun fianaise a ghlacadh i gcomhréir leis an Rialachán seo. Léireofar sa liosta freisin dlínse chríochach agus, i gcás inarb infheidhme, dlínse speisialta na gcúirteanna sin.

1.   Ainmneoidh gach Ballstát comhlacht lárnach a bheidh freagrach as an méid seo a leanas:

2.   Beidh saoirse ag Ballstáit fheidearálacha, Ballstáit ina bhfuil dlíchórais éagsúla i bhfeidhm agus Ballstáit a bhfuil aonaid chríochacha fhéinrialaithe iontu níos mó ná comhlacht lárnach amháin a ainmniú.

3.   Ainmneoidh gach Ballstát freisin an comhlacht lárnach dá dtagraítear i mír 1 den Airteagal seo nó údarás inniúil amháin nó níos mó a bheidh freagrach as cinntí a dhéanamh maidir le hiarrataí arna ndéanamh de bhun Airteagal 19.

1.   Déanfar iarrataí agus úsáid á baint as foirm A nó, i gcás inarb iomchuí, as foirm L in Iarscríbhinn I. Beidh na sonraí seo a leanas i ngach iarraidh:

2.   Beidh an iarraidh agus na doiciméid uile a ghabhann léi díolmhaithe ón ngá fíordheimhniú nó aon fhoirmiúlacht choibhéiseach a dhéanamh.

3.   Na doiciméid a mheasann an chúirt iarrthach gur gá iad a chur i gceangal chun go bhforghníomhfar an iarraidh, beidh aistriúchán ar na doiciméid sin sa teanga inar scríobhadh an iarraidh ag gabháil leo.

1.   Maidir le hiarrataí agus teachtaireachtaí a dhéantar de bhun an Rialacháin seo, tarchuirfear iad trí chóras TF slán iontaofa agus urraim chuí á tabhairt do chearta bunúsacha agus do shaoirsí bunúsacha. Beidh an córas TF díláraithe sin bunaithe ar réiteach idir-inoibritheach amhail e-CODEX.

2.   An creat dlí ginearálta le haghaidh úsáid seirbhísí iontaoibhe cáilithe a leagtar amach i Rialachán (AE) Uimh. 910/2014, beidh feidhm aige maidir leis na hiarrataí agus na teachtaireachtaí arna dtarchur tríd an gcóras TF díláraithe.

3.   I gcás inar gá séala nó síniú lámhscríofa le haghaidh iarrataí agus teachtaireachtaí dá dtagraítear i mír 1 den Airteagal seo, nó i gcás ina bhfuil séala nó síniú lámhscríofa ina chuid díobh, féadfar ríomhshéalaí cáilithe nó ríomhshínithe cáilithe, mar a shainmhínítear i Rialachán (AE) Uimh. 910/2014, a úsáid ina ionad.

4.   I gcás nach féidir tarchur a dhéanamh i gcomhréir le mír 1 mar gheall ar chur isteach ar an gcóras TF díláraithe nó mar gheall ar chineál na fianaise lena mbaineann, nó mar gheall ar imthosca eisceachtúla, déanfar an tarchur ar na modhanna malartacha is tapúla agus is iomchuí, agus an gá atá le hiontaofacht agus slándáil a áirithiú á chur san áireamh.

1.   Laistigh de 7 lá tar éis iarraidh a fháil, seolfaidh an chúirt inniúil iarrtha admháil fála chuig an gcúirt iarrthach trí úsáid a bhaint as foirm B in Iarscríbhinn I. I gcás nach gcomhlíonann an iarraidh na coinníollacha a leagtar síos in Airteagail 6 agus 7, cuirfidh an chúirt iarrtha nóta chuige sin san admháil fála.

2.   I gcás nach bhfuil dlínse ag an gcúirt iarrtha chun iarraidh a fhorghníomhú, iarraidh arna déanamh trí úsáid a bhaint as foirm A in Iarscríbhinn I, a chomhlíonann na coinníollacha a leagtar síos in Airteagal 6, cuirfidh an chúirt sin an iarraidh ar aghaidh chuig cúirt inniúil a Ballstáit agus cuirfidh sí an chúirt iarrthach ar an eolas faoi sin trí úsáid a bhaint as foirm C in Iarscríbhinn I.

1.   Mura féidir iarraidh a fhorghníomhú toisc nach bhfuil an fhaisnéis uile dá dtagraítear in Airteagal 5 inti, cuirfidh an chúirt iarrtha an chúirt iarrthach ar an eolas faoi sin gan mhoill agus, ar a dhéanaí, laistigh de 30 lá tar éis an iarraidh a fháil trí úsáid a bhaint as foirm D in Iarscríbhinn I, agus iarrfaidh sí ar an gcúirt iarrthach an fhaisnéis atá in easnamh a sheoladh, agus an fhaisnéis atá in easnamh á sonrú aici ar an mbealach is cruinne agus is féidir.

2.   Mura féidir iarraidh a fhorghníomhú toisc gur iarradh éarlais nó réamhíocaíocht i gcomhréir le hAirteagal 22(3), cuirfidh an chúirt iarrtha an chúirt iarrthach ar an eolas faoi sin gan mhoill, ar a dhéanaí laistigh de 30 lá tar éis an iarraidh a fháil trí úsáid a bhaint as foirm D in Iarscríbhinn I, agus cuirfidh sí an chúirt iarrthach ar an eolas i dtaobh conas a dhéanfar an éarlais nó an réamhíocaíocht. Admhóidh an chúirt iarrtha gan mhoill go bhfuarthas an éarlais nó an réamhíocaíocht, ar a dhéanaí laistigh de 10 lá tar éis an éarlais nó an réamhíocaíocht a fháil, trí úsáid a bhaint as foirm E in Iarscríbhinn I.

1.   Má tá sé luaite ag an gcúirt iarrtha ar an admháil fála de bhun Airteagal 9(1) nach gcomhlíonann an iarraidh na coinníollacha a leagtar síos in Airteagail 6 agus 7 nó má chuir sí an chúirt iarrthach ar an eolas de bhun Airteagal 10 nach féidir an iarraidh a fhorghníomhú toisc nach bhfuil an fhaisnéis uile is gá dá dtagraítear in Airteagal 5 inti, cuirfear tús leis an teorainn ama a leagtar síos in Airteagal 12 nuair a gheobhaidh an chúirt iarrtha an iarraidh arna comhlánú go cuí.

2.   I gcás inar iarr an chúirt iarrtha éarlais nó réamhíocaíocht i gcomhréir le hAirteagal 22(3), cuirfear tús leis an teorainn ama a leagtar síos in Airteagal 12 nuair a dhéanfar an éarlais nó an réamhíocaíocht.

1.   Déanfaidh an chúirt iarrtha an iarraidh a fhorghníomhú gan mhoill agus, ar a dhéanaí, laistigh de 90 lá tar éis an iarraidh a fháil.

2.   Déanfaidh an chúirt iarrtha an iarraidh a fhorghníomhú i gcomhréir lena dlí náisiúnta.

3.   Féadfaidh an chúirt iarrthach a iarraidh go ndéanfar an iarraidh a fhorghníomhú i gcomhréir le nós imeachta speisialta dá bhforáiltear ina dlí náisiúnta, trí úsáid a bhaint as foirm A in Iarscríbhinn I. Déanfaidh an chúirt iarrtha an iarraidh sin a fhorghníomhú i gcomhréir leis an nós imeachta speisialta ach amháin i gcás nach mbeadh sé ag luí lena dlí náisiúnta dá ndéanfaí amhlaidh nó i gcás nach bhfuil sí in ann déanamh amhlaidh mar gheall ar mhórdheacrachtaí praiticiúla. Mura gcomhlíonann an chúirt iarrtha an glao go ndéanfar an iarraidh a fhorghníomhú i gcomhréir le nós imeachta speisialta ar cheann de na cúiseanna sin, cuirfidh sí an chúirt iarrthach ar an eolas faoi sin trí úsáid a bhaint as foirm H in Iarscríbhinn I.

4.   Féadfaidh an chúirt iarrthach a iarraidh ar an gcúirt iarrtha úsáid a bhaint as teicneolaíocht chumarsáide shonrach le linn fianaise a ghlacadh, go háirithe trí úsáid a bhaint as físchomhdháil nó teileachomhdháil.

Úsáidfidh an chúirt iarrtha an teicneolaíocht chumarsáide a shonraítear de bhun na chéad fhomhíre ach amháin i gcás nach mbeadh sé ag luí lena dlí náisiúnta dá ndéanfaí amhlaidh nó i gcás nach bhfuil an chúirt iarrtha in ann déanamh amhlaidh mar gheall ar mhórdheacrachtaí praiticiúla.

Mura n‐úsáideann an chúirt iarrtha an teicneolaíocht chumarsáide sonraithe ar cheann de na cúiseanna sin, cuirfidh sí an chúirt iarrthach ar an eolas faoi sin trí úsáid a bhaint as foirm H in Iarscríbhinn I.

Mura bhfuil an teicneolaíocht chumarsáide dá dtagraítear sa chéad fhomhír ar fáil sa chúirt iarrthach nó sa chúirt iarrtha, féadfaidh na cúirteanna sin teicneolaíocht chumarsáide den sórt sin a chur ar fáil trí chomhaontú frithpháirteach.

1.   Má foráiltear amhlaidh i ndlí Bhallstáit na cúirte iarrthaí, beidh sé de cheart ag na páirtithe agus a n‐ionadaithe, más ann dóibh, a bheith i láthair le linn don chúirt iarrtha fianaise a ghlacadh.

2.   Ina hiarraidh, cuirfidh an chúirt iarrthach an chúirt iarrtha ar an eolas, trí úsáid a bhaint as foirm A in Iarscríbhinn I, go mbeidh na páirtithe, agus a n‐ionadaithe, más ann dóibh, i láthair agus, i gcás inarb iomchuí, go n‐iarrtar a gcuid rannpháirtíochta le linn fianaise a ghlacadh. Féadfar an fhaisnéis sin a thabhairt ag aon am iomchuí eile freisin.

3.   Má iarrtar go mbeadh na páirtithe agus a n‐ionadaithe, más ann dóibh, rannpháirteach le linn fianaise a ghlacadh, cinnfidh an chúirt iarrtha na coinníollacha faoina bhféadfaidh siad a bheith rannpháirteach, i gcomhréir le hAirteagal 12.

4.   Tabharfaidh an chúirt iarrtha fógra do na páirtithe agus dá n‐ionadaithe, más ann dóibh, faoin am agus faoin áit a ndéanfar an fhianaise a ghlacadh agus, i gcás inarb iomchuí, faoi na coinníollacha faoina bhféadfaidh siad a bheith rannpháirteach le linn fianaise a ghlacadh, trí úsáid a bhaint as foirm I in Iarscríbhinn I.

5.   Ní dochar míreanna 1 go 4 do chumas na cúirte iarrtha a iarraidh ar na páirtithe agus a n‐ionadaithe, más ann dóibh, a bheith i láthair nó a bheith rannpháirteach le linn fianaise a ghlacadh má dhéantar foráil maidir leis sin i ndlí a Ballstáit.

1.   I gcás ina bhfuil sé ag luí le dlí Bhallstáit na cúirte iarrthaí, beidh sé de cheart ag ionadaithe na cúirte iarrthaí a bheith i láthair le linn don chúirt iarrtha fianaise a ghlacadh.

2.   Chun críocha an Airteagail seo, áirítear leis an téarma “ionadaí” comhaltaí den phearsanra breithiúnach arna n‐ainmniú ag an gcúirt iarrthach i gcomhréir lena dlí náisiúnta. Féadfaidh an chúirt iarrthach aon duine eile, mar shampla saineolaí, a ainmniú chun ionadaíocht a dhéanamh thar a ceann, i gcomhréir lena dlí náisiúnta.

3.   Ina hiarraidh, cuirfidh an chúirt iarrthach an chúirt iarrtha ar an eolas, trí úsáid a bhaint as foirm A in Iarscríbhinn I, go mbeidh a páirtithe i láthair agus, i gcás inarb iomchuí, go n‐iarrtar a gcuid rannpháirtíochta le linn fianaise a ghlacadh. Féadfar an fhaisnéis sin a thabhairt ag aon am iomchuí eile freisin.

4.   Má iarrtar go mbeadh ionadaithe na cúirte iarrthaí rannpháirteach le linn fianaise a ghlacadh, cinnfidh an chúirt iarrtha, i gcomhréir le hAirteagal 12, na coinníollacha faoina bhféadfaidh siad a bheith rannpháirteach.

5.   Tabharfaidh an chúirt iarrtha fógra don chúirt iarrthach faoin am agus faoin áit a ndéanfar an fhianaise a ghlacadh agus, i gcás inarb iomchuí, faoi na coinníollacha faoina bhféadfaidh a hionadaithe a bheith rannpháirteach le linn fianaise a ghlacadh, trí úsáid a bhaint as foirm I in Iarscríbhinn I.

1.   Ní dhéanfar iarraidh ar cheistiú duine a fhorghníomhú i gcás ina n‐agraíonn an duine lena mbaineann an ceart diúltú fianaise a thabhairt nó ina dtoirmeasctar ar an duine sin fianaise a thabhairt:

2.   Ní fhéadfar diúltú le hiarraidh a fhorghníomhú ar fhorais seachas iad sin dá dtagraítear i mír 1 ach i gcás ina bhfuil feidhm ag ceann amháin nó níos mó de na forais seo a leanas:

3.   Ní dhiúltóidh cúirt iarrtha iarraidh a fhorghníomhú ar an bhforas go bhfuil, faoina dlí náisiúnta, dlínse eisiach ag cúirt eile de chuid an Bhallstáit sin ar ábhar an cháis nó nach gceadaítear an ceart caingin i leith an ábhair sin faoi dhlí an Bhallstáit sin agus ar an bhforas sin amháin.

4.   Má dhiúltaítear an iarraidh a fhorghníomhú ar cheann de na forais dá dtagraítear i mír 2, cuirfidh an chúirt iarrtha sin in iúl don chúirt iarrthach laistigh de 60 lá tar éis don chúirt iarrtha an iarraidh a fháil, trí úsáid a bhaint as foirm K in Iarscríbhinn I.

1.   I gcás ina n‐iarrann cúirt go nglacfaí fianaise go díreach i mBallstát eile, cuirfidh sí iarraidh faoi bhráid chomhlacht lárnach nó údarás inniúil an Bhallstáit sin, trí úsáid a bhaint as foirm L in Iarscríbhinn I.

2.   Ní fhéadfar fianaise a ghlacadh go díreach ach amháin más féidir í a ghlacadh ar bhonn deonach gan bearta comhéigneacha a úsáid.

I gcás nach mór duine a cheistiú mar gheall ar fhianaise a bheith á glacadh go díreach, cuirfidh an chúirt iarrthach an duine sin ar an eolas go ndéanfar an fhianaise a ghlacadh ar bhonn deonach.

3.   Déanfaidh comhalta den phearsanra breithiúnach nó aon duine eile, amhail saineolaí, a ainmneofar i gcomhréir le dlí Bhallstát na cúirte iarrthaí, fianaise a ghlacadh go díreach.

4.   Laistigh de 30 lá tar éis an iarraidh a fháil ar fhianaise a ghlacadh go díreach, cuirfidh comhlacht lárnach nó údarás inniúil an Bhallstáit iarrtha an chúirt iarrthach ar an eolas i dtaobh ar glacadh leis an iarraidh agus, más gá sin, cuirfidh an comhlacht nó an t‐údarás sin an chúirt iarrthach ar an eolas faoi na coinníollacha faoina nglacfar fianaise go díreach de réir dhlí a Bhallstáit, trí úsáid a bhaint as foirm M in Iarscríbhinn I.

Féadfaidh an comhlacht lárnach nó an t‐údarás inniúil cúirt de chuid a Bhallstáit a shannadh chun páirt a ghlacadh i nglacadh díreach na fianaise chun a áirithiú go gcuirtear an tAirteagal seo i bhfeidhm mar is cuí agus go gcomhlíontar na coinníollacha faoina nglacfar fianaise go díreach.

5.   I gcás nach bhfuil faisnéis i dtaobh ar glacadh leis an iarraidh faighte ag an gcúirt iarrthach laistigh de 30 lá tar éis na hadmhála go bhfuarthas an iarraidh ar fhianaise a ghlacadh go díreach, féadfaidh sí meabhrúchán a sheoladh chuig comhlacht lárnach nó chuig údarás inniúil an Bhallstáit iarrtha. Mura bhfaigheann an chúirt iarrthach freagra laistigh de 15 lá tar éis na hadmhála go bhfuarthas an meabhrúchán, measfar go bhfuiltear tar éis glacadh leis an iarraidh ar fhianaise a ghlacadh go díreach. In imthosca urghnácha, áfach, i gcás inar cuireadh cosc ar an gcomhlacht lárnach nó ar an údarás inniúil freagairt don iarraidh laistigh den sprioc tar éis an mheabhrúcháin, féadfar na forais le diúltú d’fhianaise a ghlacadh go díreach a agairt go heisceachtúil fós tráth ar bith tar éis don sprioc sin imeacht in éag go dtí go nglacfar an fhianaise go díreach go hiarbhír.

6.   Féadfaidh comhlacht lárnach nó údarás inniúil an Bhallstáit iarrtha cúirt de chuid a Bhallstáit a shannadh chun cúnamh praiticiúil a thabhairt le linn fianaise a ghlacadh go díreach.

7.   Ní fhéadfaidh comhlacht lárnach ná údarás inniúil an Bhallstáit diúltú d’iarraidh ar fhianaise a ghlacadh go díreach ach amháin más fíor an méid seo a leanas:

8.   Gan dochar d’aon choinníollacha a leagtar síos i gcomhréir le mír 4, déanfaidh an chúirt iarrthach an fhianaise a ghlacadh go díreach i gcomhréir le dlí a Ballstáit.

1.   I gcás ina bhfuil fianaise le glacadh trí dhuine atá i láthair i mBallstát eile a cheistiú, agus go n‐iarrann an chúirt go nglacfaí fianaise go díreach i gcomhréir le hAirteagal 19, déanfaidh an chúirt sin an fhianaise a ghlacadh trí úsáid a bhaint as físchomhdháil nó teicneolaíocht chianchumarsáide eile, ar choinníoll go bhfuil teicneolaíocht den sórt sin ar fail don chúirt agus go measann an chúirt gurb iomchuí i ngeall ar dhálaí sonracha an cháis teicneolaíocht den sórt sin a úsáid.

2.   Iarraidh ar fhianaise a ghlacadh go díreach trí úsáid a bhaint as físchomhdháil nó teicneolaíocht chianchumarsáide eile, déanfar í trí úsáid a bhaint as foirm N in Iarscríbhinn I. An chúirt iarrthach agus comhlacht lárnach nó údarás inniúil an Bhallstáit iarrtha nó an chúirt a sannadh chun cúnamh praiticiúil a thabhairt le linn fianaise a ghlacadh go díreach, tiocfaidh siad ar chomhaontú faoi shocruithe praiticiúla maidir leis an gceistiú.

Arna iarraidh sin, tabharfar cúnamh don chúirt iarrthach ateangaire a fháil más gá.

1.   Ní bheidh forghníomhú iarrata ar fhianaise a ghlacadh go díreach i gcomhréir le hAirteagal 12 ina chúis le haon éileamh ar chánacha nó costais a aisíoc.

2.   De mhaolú ar mhír 1, féadfaidh an chúirt iarrtha ceangal a chur go ndéanfar cánacha nó costais a aisíoc. Má éilíonn an chúirt iarrtha amhlaidh, áiritheoidh an chúirt iarrthach go ndéanfar na nithe seo a leanas a aisíoc gan mhoill:

Is le dlí Bhallstát na cúirte iarrthaí a rialófar an oibleagáid atá ar na páirtithe táillí nó costais den sórt sin a íoc.

3.   I gcás ina bhfuil tuairim saineolaí de dhíth, sula bhforghníomhóidh sí an iarraidh ar fhianaise a ghlacadh, féadfaidh an chúirt iarrtha éarlais nó réamhíocaíocht leordhóthanach i leith chostais thuairim an tsaineolaí a bhfuiltear ag súil leo a iarraidh ar an gcúirt iarrthach. I ngach cás eile, ní bheidh éarlais ná réamhíocaíocht mar choinníoll le hiarraidh ar ghlacadh na fianaise a fhorghníomhú.

Is iad na páirtithe a dhéanfaidh an éarlais nó an réamhíocaíocht má dhéantar foráil ina leith i ndlí Bhallstát na cúirte iarrthaí.

1.   Déanfaidh an Coimisiún lámhleabhar a tharraingt suas agus a thabhairt cothrom le dáta go rialta ina mbeidh an fhaisnéis a sholáthair na Ballstáit i gcomhréir le hAirteagal 31 agus na comhaontuithe nó na socruithe atá i bhfeidhm, i gcomhréir le hAirteagal 29(3). Cuirfidh sé an lámhleabhar ar fail go leictreonach, go háirithe tríd an nGréasán Breithiúnach Eorpach in Ábhair Shibhialta agus Thráchtála agus ar an Tairseach Eorpach don r-Cheartas.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 24 chun Iarscríbhinn I a leasú chun na foirmeacha a leagtar amach inti a thabhairt cothrom le dáta nó chun athruithe teicniúla a dhéanamh ar na foirmeacha sin.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 23(2) a thabhairt don Choimisiún go ceann tréimhse 5 bliana ón 22 Nollaig 2020. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 23(2) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta níos déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n‐ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 23(2) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Glacfaidh an Coimisiún gníomhartha cur chun feidhme lena mbunaítear an córas TF díláraithe, lena leagtar amach na nithe seo a leanas:

2.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh faoin 23 Márta 2022 i gcomhréir leis an nós imeachta scrúdúcháin dá dtagraítear in Airteagal 26(2).

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Is é an Coimisiún a bheidh freagrach as bogearraí cur chun feidhme tagartha a chruthú, a chothabháil agus a fhorbairt amach anseo, bogearraí a fhéadfaidh na Ballstáit rogha a dhéanamh a chur i bhfeidhm mar chóras cúil seachas mar chóras náisiúnta TF. Is as buiséad ginearálta an Aontais a mhaoineofar cruthú agus cothabháil na mbogearraí cur chun feidhme tagartha, agus a bhforbairt amach anseo.

2.   Déanfaidh an Coimisiún, ar bhonn saor in aisce, cur chun feidhme na gcomhpháirteanna bogearra is bunús le pointí rochtana a chur ar fáil agus a chothabháil agus tacóidh sé leis.

1.   Íocfaidh gach Ballstát na costais a bhaineann le suiteáil, oibriú agus cothabháil a phointí rochtana féin lena ndéantar na córais náisiúnta TF a idirnascadh i gcomhthéacs an chórais TF dhíláraithe.

2.   Íocfaidh gach Ballstát na costais a bhaineann lena chórais náisiúnta TF a bhunú agus a choigeartú chun go mbeidh siad idir-inoibritheach leis na pointí rochtana, agus íocfaidh siad na costais a bhaineann leis na córais sin a riar, a oibriú agus a chothabháil.

3.   Ní dochar míreanna 1 agus 2 don fhéidearthacht atá ag na Ballstáit iarratas a dhéanamh ar dheontais chun tacú leis na gníomhaíochtaí dá dtagraítear sna míreanna sin faoi chláir airgeadais an Aontais.

1.   Maidir le hábhair a bhfuil feidhm aige maidir leo, beidh forlámhas ag an Rialachán seo ar fhorálacha eile atá i gcomhaontuithe déthaobhacha nó iltaobhacha nó i socruithe déthaobhacha nó iltaobhacha arna dtabhairt i gcrích ag na Ballstáit, agus go háirithe Coinbhinsiún na Háige an 1 Márta 1954 maidir le Nós Imeachta Sibhialta agus Coinbhinsiún na Háige an 18 Márta 1970 maidir le Fianaise a Ghlacadh ar an gCoigríoch in Ábhair Shibhialta nó Thráchtála, sa chaidreamh idir na Ballstáit ar páirtithe iad iontu.

2.   Ní choiscfidh an Rialachán seo ar Bhallstáit comhaontuithe nó socruithe a chothabháil nó a thabhairt i gcrích chun glacadh fianaise a éascú tuilleadh, ar choinníoll go mbeidh na comhaontuithe nó na socruithe sin ag luí leis an Rialachán seo.

3.   Seolfaidh na Ballstáit an méid seo a leanas chuig an gCoimisiún:

1.   Aon phróiseáil sonraí pearsanta a dhéantar de bhun an Rialacháin seo, lena n‐áirítear malartú nó tarchur sonraí pearsanta ag na húdaráis inniúla, beidh sí i gcomhréir le Rialachán (AE) 2016/679.

Aon mhalartú nó tarchur faisnéise a dhéanfaidh údaráis inniúla ar leibhéal an Aontais, déanfar é i gcomhréir le Rialachán (AE) 2018/1725.

Sonraí pearsanta nach bhfuil ábhartha maidir le cás sonrach a láimhseáil, scriosfar iad láithreach.

2.   Measfar gur rialaitheoirí de réir bhrí Rialachán (AE) 2016/679 an t‐údarás inniúil nó na húdaráis inniúla faoin dlí náisiúnta i ndáil le próiseáil sonraí pearsanta faoin Rialachán seo.

3.   D’ainneoin mhíreanna 1 agus 2, ní úsáidfidh an chúirt iarrtha faisnéis arna tarchur faoin Rialachán seo ach amháin chun na críche ar tarchuireadh í.

4.   Déanfaidh na cúirteanna iarrtha a áirithiú go bhfanfaidh faisnéis den sórt sin faoi rún i gcomhréir lena ndlí náisiúnta.

5.   Ní dochar míreanna 3 agus 4 do dhlíthe náisiúnta lena gcumasaítear ábhair sonraí a chur ar an eolas faoin úsáid a bhaintear as faisnéis arna tarchur faoin Rialachán seo.

6.   Ní dochar an Rialachán seo do Threoir 2002/58/CE.

1.   Cuirfidh na Ballstáit an méid seo a leanas in iúl don Choimisiún:

2.   Cuirfidh na Ballstáit an Coimisiún ar an eolas maidir le haon athruithe a dhéanfar ina dhiaidh sin ar an bhfaisnéis dá dtagraítear i mír 1.

3.   Cuirfidh gach Ballstát in iúl don Choimisiún mionsonraí maidir leis na húdaráis eile atá inniúil ar fhianaise a ghlacadh chun críoch imeachtaí breithiúnacha in ábhair shibhialta agus thráchtála. Cuirfidh na Ballstáit an Coimisiún ar an eolas maidir le haon athruithe a dhéanfar ina dhiaidh sin ar na mionsonraí sin.

4.   I gcás ina mbeidh na Ballstáit in ann an córas TF díláraithe a oibriú tráth níos luaithe ná mar a cheanglaítear faoin Rialachán seo, féadfaidh siad fógra a thabhairt don Choimisiún ina thaobh. Cuirfidh an Coimisiún an fhaisnéis sin ar fáil go leictreonach, go háirithe tríd an Tairseach Eorpach don r-Cheartas.

1.   Faoin 2 Iúil 2023, bunóidh an Coimisiún clár mionsonraithe chun faireachán a dhéanamh ar aschuir, torthaí agus tionchar an Rialacháin seo.

2.   Sonrófar sa chlár faireacháin an ghníomhaíocht atá le déanamh ag an gCoimisiún agus na Ballstáit chun faireachán a dhéanamh ar aschuir, torthaí agus tionchar an Rialacháin seo. Leagfar amach ann an tráth a ndéanfar na sonraí dá dtagraítear i mír 3 a bhailiú den chéad uair, an 2 Iúil 2026 ar a dhéanaí a bheidh i gceist leis, agus na heatraimh ina dhiaidh sin a ndéanfar na sonraí sin a bhailiú,

3.   Soláthróidh na Ballstáit don Choimisiún na sonraí seo a leanas is gá chun faireachán a dhéanamh, más ann dóibh:

4.   Na bogearraí cur chun feidhme tagartha agus, i gcás ina bhfuil sé feistithe déanamh amhlaidh, an córas náisiúnta cúil, déanfaidh siad na sonraí dá dtagraítear i bpointí (a) agus (b) de mhír 3 a bhailiú ar bhonn ríomhchláraithe agus a tharchur chuig an gCoimisiún ar bhonn rialta.

1.   Tráth nach déanaí ná 5 bliana tar éis dháta chur i bhfeidhm Airteagal 7 i gcomhréir le hAirteagal 35(3), déanfaidh an Coimisiún meastóireacht ar an Rialachán seo, agus cuirfidh sé tuarascáil ar a phríomhthorthaí faoi bhráid Pharlaimint na hEorpa, na Comhairle agus Choiste Eacnamaíoch agus Sóisialta na hEorpa, agus, i gcás inarb iomchuí, beidh togra reachtach ag gabháil léi.

2.   Soláthróidh na Ballstáit don Choimisiún an fhaisnéis is gá chun an tuarascáil dá dtagraítear i mír 1 a ullmhú.

1.   Aisghairtear Rialachán (CE) Uimh. 1206/2001 le héifeacht amhail ó dháta chur i bhfeidhm an Rialacháin seo, cé is moite d’Airteagal 6 de Rialachán (CE) Uimh. 1206/2001, Airteagal a aisghairfear amhail ó dháta chur i bhfeidhm Airteagal 7 dá dtagraítear in Airteagal 35(3) den Rialachán seo.

2.   Déanfar tagairtí don Rialachán aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil atá in Iarscríbhinn III.

1.   Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Iúil 2022.

2.   Beidh feidhm ag Airteagal 31(3) ón 23 Márta 2022.

3.   Beidh feidhm ag Airteagal 7 ón gcéad lá den mhí tar éis na tréimhse 3 bliana tar éis dháta theacht i bhfeidhm na ngníomhartha cur chun feidhme dá dtagraítear in Airteagal 25.