8.7.2010   

MT

Il-Ġurnal Uffiċjali tal-Unjoni Ewropea

CE 184/1

A.

billi l-IPA huwa l-istrument finanzjarju l-ġdid li jieħu post l-istrumenti u l-programmi għall-pajjiżi kandidati u dawk potenzjali, fosthom il-Phare, is-SAPARD, l-ISPA, l-assistenza finanzjarja għat-Turkija qabel l-adeżjoni, u l-programm CARDS, kif ukoll għandu l-għan li jorganizza l-fondi tal-UE b'mod flessibbli sabiex jitfasslu għall-kapaċità ġestjonali u għall-bżonnijiet speċifiċi ta' dawn il-pajjiżi,

B.

billi l-Istrument għal Għajnuna qabel l-Adeżjoni jikkonsisti fil-ħames komponenti li ġejjin li jkopru l-prijoritajiet iddefiniti skont il-bżonnijiet tal-pajjiżi benefiċjarji, fosthom:

C.

billi l-Istrument għal Għajnuna qabel l-Adeżjoni huwa fattur prinċipal għat-titjib fil-kwalità tal-ħajja taċ-ċittadini, l-istandards soċjali, il-koperazzjoni reġjonali u ta' bejn il-fruntieri, kif ukoll għall-promozzjoni tar-rispett tad-drittijiet tal-bniedem fil-pajjiżi kandidati u fil-pajjiżi kandidati potenzjali,

D.

billi l-iskop tal-kontroll parlamentari fuq l-implimentazzjoni tal-baġit fil-qasam tal-politika għat-tkabbir mhuwiex biss li jiġi żgurat li l-fondi tal-UE ntużaw skont id-dispożizzjonijiet regolatorji u l-politiki tal-UE, iżda huwa wkoll li jevalwa kemm jekk dawn ġewx allokati b'mod effikaċi għal dawk il-prijoritajiet identifikati fir-rapporti ta' strateġija u progress għall-pajjiżi benefiċjarji kif ukoll jekk ikunux laħqu r-riżultati mixtieqa bl-iskop tal-interessi komuni tal-UE,

E.

billi huwa importanti ħafna li l-implimentazzjoni tal-IPA tiġi eżaminata bir-reqqa u fi stadju bikri sabiex jiġu evitati l-problemi li jkunu ġew identifikati tard fl-implimentazzjoni tal-istrumenti preċedenti għall-għajnuna ta' qabel l-adeżjoni, filwaqt li wieħed iżomm f'moħħu li l-irregolaritajiet li ma jkunux ġew ikkunsidrati fiż-żmien stipulat se jimmultiplikaw u li se jkun diffiċli ħafna li dawn jiġu indirizzati iktar tard minħabba li jieħdu l-forma ta' prattiki ħżiena permanenti,

F.

billi l-ġlieda kontra l-korruzzjoni u r-riformi settorjali (tal-ġudikatura, tal-pulizija u tas-settur tal-amministrazzjoni pubblika) għandhom piż mhux biss fuq il-governanza tajba u l-istat tad-dritt iżda wkoll fuq l-ambjent ġenerali tan-negozju,

G.

billi l-IPA, b'mod partikulari permezz tal-analiżi tad-Dokumenti tal-Ippjanar Indikattiv Pluriennali (MIPDs), joffri flessibilità konsiderevoli li tippermetti l-adattament għall-evoluzzjoni tal-ħtiġijiet u tal-kapaċità ta' ġestjoni tal-pajjiżi benefiċjarji,

H.

billi, skont l-Artikolu 27 tar-Regolament (KE) Nru 1085/2006 (ir-Regolament tal-IPA), il-Kummissjoni għandha l-obbligu li tippreżenta lill-Parlament Ewropew u lill-Kunsill, sal-31 ta' Diċembru 2010, rapport ta' evalwazzjoni ta' nofs it-terminu dwar l-implimentazzjoni tal-IPA, u jekk ikun il-każ, flimkien ma' proposta leġiżlattiva biex jiġi emendat dan ir-Regolament,

I.

billi, bħala segwitu għat-talba tal-Parlament, il-Kummissjoni ntrabtet li sa mill-2009 tagħmel reviżjoni ta' nofs it-terminu tal-pakkett ta' strumenti ta' għajnuna esterna li jinkludi l-Istrument għal Għajnuna ta' Qabel l-Adeżjoni,

J.

billi l-Parlament għandu, minn issa 'l quddiem, jikkomunika mal-parlamenti nazzjonali tal-pajjiżi li jibbenefikaw mill-IPA,

1.

Jilqa' b'sodisfazzjon id-djalogu strutturat stabbilit mal-Kummissjoni dwar l-implimentazzjoni tal-IPA u jfakkar il-pożizzjoni tiegħu f'dan ir-rigward, speċjalment il-bżonn li jingħata aċċess ekwu lill-pajjiżi benefiċjarji kollha għall-firxa sħiħa ta' għodod ta' politika disponibbli taħt l-istrument, biex tingħata prijorità xierqa lill-ġlieda kontra l-korruzzjoni u l-kriminalità organizzata u biex tingħata dejjem aktar attenzjoni lill-bini tal-kapaċità istituzzjonali, b'mod partikulari fil-livell parlamentari, lill-iżvilupp tal-organizzazzjonijiet tas-soċjetà ċivili, lill-miżuri għall-promozzjoni tal-prinċipju ta' tolleranza u nondiskriminazzjoni, lill-iżvilupp uman u lill-kooperazzjoni reġjonali fl-oqsma ta' politika prinċipali;

2.

Jinnota b'sodisfazzjoni ir-rata għolja ta' implimentazzjoni tal-impenji tal-IPA fl-2007; jiddispjaċih, madankollu, li l-ewwel programmi tal-IPA ġew adottati biss fl-aħħar tal-2007 filwaqt li l-implimentazzjoni propja bdiet biss fl-2008, minħabba l-adozzjoni tard tal-istrument il-ġdid minn naħa u d-dewmien tal-pajjiżi benefiċjarji biex iwaqqfu l-istrutturi u s-sistemi ta' mmaniġġjar neċessarji min-naħa l-oħra; iħeġġeġ lill-Kummissjoni biex tkompli għaddejja bl-implimentazzjoni tal-proġetti u tissorvelja l-allokazzjoni tal-fondi u r-riżultati miksuba sabiex jiġi żgurat li l-IPA ikollu impatt viżibbli fil-pajjiżi kkonċernati;

3.

Jinnota li, minħabba l-adozzjoni tard tar-Regolament dwar l-IPA u tar-Regolament (KE) Nru 718/2007 (Regolament għall-implimentazzjoni tal-IPA), u sussegwentement tal-ewwel Qafas Finanzjarju Indikattiv Pluriennali u l-MIPDs, il-monitoraġġ, l-evalwazzjoni u r-rappurtar tal-programmi u l-proġetti 2007 tal-IPA kienu limitati u għadhom ma tawx riżultati; jenfasizza li t-tranżizzjoni bla xkiel mill-istrumenti preċedenti ta' qabel l-adeżjoni għall-IPA teħtieġ kontinwità fl-ipprogrammar, l-implimentazzjoni xierqa tal-proġetti u l-ħlas tal-pagamenti;

4.

Iqis li kien hemm koerenza sodisfaċenti bejn il-Programmi nazzjonali tal-IPA 2007 u l-politika ta' qabel l-adeżjoni tal-UE, minħabba li ħafna mill-objettivi stabbiliti fil-Programmi kienu konformi mal-prijoritajiet identifikati fir-rapporti tal-Kummissjoni dwar l-Progress rispettivi;

5.

Jinnota li l-pajjiżi kandidati primarjament jiffokaw fuq l-implimentazzjoni tal-istandards Ewropej, jiġifieri l-istandards statistiċi, ambjentali u fiskali, u dan huwa konsistenti mal-politika tal-UE għat-tkabbir; madankollu, jinnota li l-importanza tal-kriterji politiċi, jiġifieri l-governanza demokratika, ir-rispett għad-drittijiet tal-bniedem, il-libertà tar-reliġjon, id-drittijiet tan-nisa u tal-minoranzi, u l-istat tad-dritt m'għandhiex tiddgħajjef minħabba li jekk dawn ma jiġux issodisfati jistgħu jinħolqu komplikazzjonijiet u dewmien fin-negozjati; iqis li għandu jkun hemm bilanċ aħjar bejn il-proġetti maħsuba biex jintlaħqu l-kriterji politiċi u l-proġetti maħsuba għall-implimentazzjoni tal-acquis;

6.

Ifakkar lill-Kummissjoni li l-leġittimità u l-kapaċità tal-Unjoni li tippromwovi r-riformi jistgħu jikbru sew jekk l-IPA jiddirezzjona l-għajnuna tiegħu lejn oqsma ta' benefiċċju dirett għaċ-ċittadini tal-pajjiżi kandidati u tal-pajjiżi kandidati potenzjali, b'mod partikulari fid-dawl tal-ħtiġijiet u l-isfidi ġġenerati mill-kriżi finanzjarja globali;

7.

Għalhekk, huwa tal-opinjoni li l-IPA għandu jappoġġja l-isforzi mwettqa mill-pajjiżi benefiċjarji biex jilħqu r-rekwiżiti stipulati fil-pjan direzzjonali għal-liberalizzazzjoni tal-viża, sabiex iċ-ċittadini tal-Balkani tal-Punent finalment ikunu jistgħu jgawdu l-libertà tal-moviment u jipparteċipaw b'mod sħiħ fil-programmi u l-iskemi tal-UE; jilqa' b'sodisfazzjon l-intenzjoni tal-Kummissjoni li żżid aktar l-allokazzjoni tal-fondi tal-IPA lejn il-programmi Tempus, Erasmus Mundus u Youth in Action;

8.

Jinnota l-fatt li l-Kummissjoni kienet f'pożizzjoni li tagħti akkreditazzjoni għall-ġestjoni diċentralizzata lill-Kroazja għall-Komponenti I sa IV u lit-Turkija għall-Komponenti I u II lejn l-aħħar tal-2008; iħeġġeġ lill-Kummissjoni biex tkompli taħdem b'mod intensiv mal-pajjiżi kandidati u dawk potenzjali sabiex fil-futur qrib dawn il-pajjiżi jkunu kapaċi jimmaniġġjaw il-fondi b'mod deċentralizzat u b'hekk jiksbu aċċess totali għall-komponenti kollha tal-IPA; madankollu, jiġbed l-attenzjoni għall-fatt li s-setgħat ġestjonali jingħataw bil-kundizzjoni u skont l-effikaċja tagħhom;

9.

Jenfasizza li l-użu tal-Istrument għal Għajnuna qabel l-Adeżjoni huwa responsabililtà komuni bejn il-Kummissjoni u l-gvernijiet nazzjonali tal-pajjiżi kandidati u l-pajjiżi kandidati potenzjali; jistieden lill-Kummissjoni biex ittejjeb il-koperazzjoni u l-komunikazzjoni bejn id-delegazzjonijiet tagħha u l-awtoritajiet rispettivi, biex tistabbilixxi kontroll permanenti fuq il-proċeduri tal-implimentazzjoni tal-proġetti u biex taħdem għal miżuri komuni għat-titjib tal-kapaċità amministrattiva tal-pajjiżi benefiċjarji;

10.

Jenfasizza l-bżonn ta' ġestjoni u kontroll trasparenti u effettiv tal-Istrument għal Għajnuna qabel l-Adeżjoni, filwaqt li jitqiesu l-partikularitajiet tal-verifiki interni u s-sistemi ta' kontroll ta' kull pajjiż kif ukoll l-aħjar prattiki fil-proċeduri ta' qabel l-adeżjoni tal-pajjiżi li qabel kienu pajjiżi kandidati;

11.

Jistenna li kull sena l-Kummissjoni tgħaddi rapport lill-Parlament u lill-Kumitat għall-Kontroll tal-Baġit dwar il-pagamenti u l-implimentazzjoni tal-fondi tal-Istrument għal Għajnuna qabel l-Adeżjoni, kif ukoll dwar il-fondi li fadal mill-Istrument għall-Politika Strutturali għal Qabel l-Adeżjoni, l-Istrument għal Assistenza Qabel l-Adeżjoni għall-Iżvilupp Rurali u l-Programm Speċjali ta' Adeżjoni għall-Iżvilupp Agrikolu u Rurali, filwaqt li jingħataw dettalji għal kull pajjiż reċipjent u eżempji tal-aħjar prattika, u tirraporta dwar il-problemi kollha jew l-irregolaritajiet li wieħed iltaqa' magħhom;

12.

Jinnota li l-kwistjonijiet orizzontali, bħal ma huma l-evalwazzjoni tal-impatt ambjentali, il-governanza tajba, l-involviment tas-soċjetà ċivili, l-opportunitajiet ugwali u n-nuqqas ta' diskriminazzjoni mhumiex preżenti u viżibbli biżżejjed fil-proġetti tal-IPA għall-2007; jistieden lill-Kummissjoni tiżviluppa, b'mod partikulari, programmi reġjonali jew orizzontali li jgawdi minnhom kulħadd, speċjalment fir-rigward tal-ġlieda kontra l-korruzzjoni u l-kriminalità organizzata, id-djalogu interkulturali u l-ugwaljanza bejn is-sessi;

13.

Jinnota li ġew allokati fondi limitati għal żoni ġeografiċi kbar jew żoni ta' politika komprensiva u li dawn il-fondi huma maqsuma f'ħafna proġetti żgħar aktar milli kkonċentrati fuq anqas proġetti li jkunu aktar viżibbli; jinnota li l-programmi nazzjonali annwali għandhom jilħqu bilanċ bejn il-provvediment ta' reazzjoni adegwata għall-prijoritajiet prinċipali identifikati fir-rapporti ta' progress u l-evitar tal-frammentazzjoni żejda tal-fondi;

14.

Jenfasizza l-bżonn, bħala kwistjoni ta' importanza u urġenza kbira, li l-IPA jintuża biex tissaħħaħ il-ġlieda kontra l-korruzzjoni u l-kriminalità organizzata fil-pajjiżi benefiċjarji kollha, b'attenzjoni speċjali fuq il-ħasil tal-flus, il-migrazzjoni illegali u t-traffikar tal-bnedmin; jinnota li, minkejja li r-rapporti ta' progress kollha tal-2008 identifikaw il-korruzzjoni bħala problema serja u bħala prijorità ewlenija, mhux il-programmi tal-IPA għall-2007 kollha jqisu l-korruzzjoni b'mod suffiċjenti; jissuġġerixxi li għandhom jiġu allokati fondi għal dan il-għan, bħal fil-każijiet tal-Kroazja (15) u l-Montenegro (16) u jistieden lill-Kummissjoni biex tiżviluppa strateġija aktar koerenti f'dan il-kuntest, li tibni fuq dak li ħareġ fl-aħħar rawnds tat-tkabbir;

15.

Jinnota li fil-pajjiżi benefiċjarji, l-organizzazzjonijiet tas-soċjetà ċivili (CSOs) għandhom jinvolvu ruħhom b'mod aktar attiv fl-iżvilupp u t-tnedija tal-proġetti; jiġbed l-attenzjoni għall-fatt li l-programmi IPA tal-ġejjieni għandhom jindirizzaw id-dipendenza sistematika tad-donaturi min-naħa tas-CSOs, sabiex tiġi evitata l-eżistenza ta' CSOs “fuq talba”, u għandhom jindirizzaw ukoll l-iżvilupp ta' wħud mis-CSOs skont il-linji tal-konflitt etniku u politiku, b'mod speċjali fil-Bożnja u l-Ħerzegovina, u fl-ex Repubblika Jugoslava tal-Maċedonja u fil-Kosovo (17); jistenna li l-Faċilità tas-Soċjetà Ċivili l-ġdida tindirizza ħafna mill-problemi fir-rigward tad-diversità, il-kumplessità, u l-frammentazzjoni tal-programmi tal-UE;

16.

Jinsisti li appoġġ kostanti għall-Organizzazzjonijiet tas-Soċjetà Ċivili f'pajjiżi kandidati jew pajjiżi kandidati potenzjali huwa bżonjuż sabiex jinħoloq ambjent kompetittiv fosthom u biex tiġi żgurata s-sostenibilità fil-ħidma tagħhom lejn il-kisba tar-riżultati fl-implimentazzjoni tal-Istrument għal Għajnuna qabel l-Adeżjoni u aktar parteċipazzjoni fil-proġetti ta' ġestjoni;

17.

Jinnota li l-proġetti u l-attivitajiet iffinanzjati mill-IPA fir-realtà ma tantx huma ta' suċċess f'termini ta' viżibilità tal-UE u ma ġġenerawx leġittimità “minn isfel għal fuq” biex ikomplu jitjiebu r-relazzjonijiet mal-UE;

18.

Iqis li l-edukazzjoni u l-impjieg taż-żgħażagħ huma prekundizzjonijiet għall-istabilità u l-iżvilupp fit-tul li għadhom ma ġewx indirizzati b'mod adegwat; jisħaq fuq il-ħtieġa tal-ġlieda kontra l-qgħad, b'mod speċjali l-qgħad fit-tul fost is-żgħażagħ, bħala kwistjoni ta' importanza kbira li tmiss is-setturi kollha; f'dan ir-rigward jissuġġerixxi li l-Kummissjoni għandha teżamina l-possibilità li tagħmel aktar użu mill-flessibilità mogħtija fl-IPA sabiex tippermetti aktar finanzjament, fejn ikun xieraq, tal-miżuri relatati mal-komponenti III-V permezz tal-ewwel żewġ komponenti;

19.

Jinnota li l-appoġġ finanzjarju reġjonali mill-IPA huwa relattivament żgħir (madwar 10 % tal-IPA totali), meta wieħed iqis b'mod partikulari li dan ikopri ħdax-il qasam ta' intervent f'sitt pajjiżi, mill-edukazzjoni u ż-żgħażagħ sas-sikurezza nukleari;

20.

Huwa mħasseb minħabba li l-allokazzjonijiet totali tal-IPA 2007 għall-Komponent II kienu biss EUR 38 800 000 minn IPA totali ta' EUR 497 200 000 (jiġifieri anqas minn 8 %); jiġbed l-attenzjoni għall-fatt li dan jikkontradixxi d-dikjarazzjoni tal-Kummissjoni li l-koperazzjoni transkonfinali tgħin ir-rikonċiljazzjoni u r-relazzjonijiet tajba bejn il-ġirien u dan huwa relevanti b'mod partikulari f'reġjun bi storja reċenti ta' kunflitti; jiddispjaċih li kienet diffiċli li tiġi stabbilita koperazzjoni effetiva, fil-prattika, minħabba diversi raġunijiet, fosthom in-nuqqas ta' qbil fl-istrutturi u l-proċeduri bejn xi msieħba, kif ukoll diffikultajiet politiċi; jistieden lill-pajjiżi benefiċjarji u lill-Kummissjoni sabiex, skont dan il-komponent, jippromwovu l-koperazzoni eżistenti u jiżviluppaw koperazzjoni ġdida, b'konformità mal-objettivi li jitrawmu relazzjonijiet tajba bejn il-viċinat u tiġi promossa l-integrazzjoni ekonomika, b'mod speċjali fl-oqsma tal-ambjent, tal-wirt naturali u kulturali u l-ġlieda kontra l-korruzzjoni u l-kriminalità organizzata;

21.

Huwa mħasseb ukoll minħabba li l-ebda programm tal-IPA 2007 ppreżentat mill-pajjiżi benefiċjarji ma jindirizza direttament id-drittijiet tan-nisa jew l-ugwaljanza bejn is-sessi, minkejja li l-kwistjonijiet dwar is-sessi ġew identifikati bħala sfida ewlenija kemm fir-rapporti ta' progress kif ukoll fl-MIPDs; itenni l-appell tiegħu lill-Kummissjoni biex tipprovdi fondi qabel l-adeżjoni għat-tisħiħ tad-drittijiet tan-nisa fil-Pajjiżi tal-Balkani, b'mod partikulari permezz tal-NGOs u tal-organizzazzjonijiet favur in-nisa; jerġa' jistieden lill-Kummissjoni biex talloka l-fondi tal-IPA kif jixraq, sabiex jiġi mħeġġeġ l-ibbaġitjar skont is-sessi fil-politika ta' qabel l-adeżjoni u biex tħeġġeġ lill-pajjiżi benefiċjarji jressqu proposti għal proġetti relevanti;

22.

Jenfasizza l-bżonn li jiġu involuti dejjem aktar l-organizzazzjonijiet nongovernattivi fit-tfassil u fl-implimentazzjoni ta' proġetti ffinanzjati mill-IPA sabiex ikun żgurat li l-għajnuna tal-IPA tirrifletti l-bżonnijiet u l-aspettattivi reali, biex ikun hemm viżibilità akbar tal-proġetti tal-IPA u biex jiġi promoss l-iżvilupp ta' soċjetà ċivili mimlija ħajja u proattiva fil-pajjiżi benefiċjarji;

23.

Jistieden lill-Qorti Ewropea tal-Awdituri biex tippreżenta rapport ta' evalwazzjoni speċjali ta' nofs it-terminu sa tmiem l-2010 dwar l-implimentazzjoni tal-IPA;

24.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-Qorti Ewropea tal-Awdituri, kif ukoll lill-gvernijiet, lill-parlamenti u lill-istituzzjonijiet ta' verifika nazzjonali tal-pajjiżi li jibbenefikaw mill-IPA.

8.7.2010   

MT

Il-Ġurnal Uffiċjali tal-Unjoni Ewropea

CE 184/7

A.

billi, skont il-prinċipji tas- sussidjarjetà u tal-proporzjonalità, l-adozzjoni ta“ strument Komunitarju fil-qasam tal-koperazzjoni ġudizzjarja fis-suġġetti ċivili li għandhom effetti transkonfinali tista” titqies biss f'każ li jintwera li fil-livell nazzjonali jkun impossibbli li jitneħħa l-ostaklu li jimpedixxi t-tisjis jew il-funzjonament tas-Suq Intern,

B.

billi l-ħlas tard u l-ħlasijiet mhux onorati jipperikolaw l-interessi tan-negozji u tal-konsumaturi, l-aktar meta l-kreditur u l-awtoritajiet tal-infurzar ma jkollhom ebda tagħrif dwar fejn ikun jinsab id-debitur jew dwar l-assi tiegħu jew tagħha; billi dan huwa aggravat aktar minħabba l-klima ekonomika attwali, li fiha l-likwidità hija ferm importanti għas-sopravivenza tan-negozji,

C.

billi l-problemi tal-irkupru transkonfinali tad-djun jistgħu jkunu xkiel serju għaċ-ċirkolazzjoni ħielsa tal-ordnijiet għal ħlas fl-UE u jistgħu jxekklu l-aċċess għall-ġustizzja; billi, barra minn hekk, jekk id-deċiżjonijiet tal-qorti ma jkunux jistgħu jiġu infurzati, il-ġustizzja tiddgħajjef flimkien mal-istandards tal-moralità kummerċjali,

D.

billi, b'mod ġenerali, l-irkupru tad-dejn huwa problema kbira ferm, ħaġa li hija aggravata meta t-talbiet huma ta' natura transkonfinali, l-aktar għan-negozji żgħar li ma jkollhomx għad-dispożizzjoni tagħhom avukati speċjalizzati jew dipartimenti ddedikati għall-ġbir tal-ħlasijiet, u li spiss jispiċċaw f'pożizzjoni xejn sabiħa li fiha jkollhom jiddedikaw ħaddiema, riżorsi finanzjarji limitati u, fuq kollox, ħin għal din il-problema minflok għal attivitajiet aktar produttivi,

E.

billi hemm indikazzjonijiet li d-Direttiva dwar Ħlasijiet Tardivi (3) mhijiex irrispettata jew magħrufa biżżejjed; billi kieku dik id-Direttiva kellha tiġi aġġornata u implimentata kif imiss jista' jkollha impatt konsiderevoli fit-tnaqqis ta' pagamenti tardivi jew nuqqas ta' pagament,

F.

billi hemm diverġenzi enormi skont is-sistemi differenti tal-liġijiet nazzjonali tal-kuntratti u tal-insolvenza dwar kif il-kredituri jistgħu jiggarantixxu l-ħlas tad-dejn tagħhom fl-istadju tal-kuntratt, b'mod partikulari bl-użu ta' klawżoli ta' riżerva tat-titlu jew ta' mekkaniżmi simili oħra li kultant dak li jkun isib mezz kif jaħrab minnhom minħabba dawn id-diverġenzi,

G.

billi l-adozzjoni ta' liġi Komunitarja dwar l-eżekuzzjoni b'mod effikaċi tas-sentenzi ġudizzjarji għandha tapplika għad-debituri kollha, mingħajr ebda distinzjoni minn qabel bejn id-debituri bona fide u dawk li mhumiex,

H.

billi l-evażjoni, id-dewmien fil-ħlas u n-nuqqas ta' ħlas tad-djun spiss huwa aggravat min-nuqqas ta' attenzjoni mill-partijiet fl-innegozjar prekuntrattwali u kuntrattwali tagħhom; billi jeħtieġ ikun hemm aktar enfasi fuq l-għarfien kummerċjali u possibbilment l-użu ta' klawżoli fakultattivi ta' “stil Ewropew” skont il-Qafas Komuni ta' Referenza (QKR) li jiżguraw li l-partijiet iqisu sewwa dawn il-kwistjonijiet fil-bidu tar-relazzjonijiet kummerċjali tagħhom,

I.

billi l-Parlament ġie mgħarraf li jista' jkun hemm problema serja f'każijiet transkonfinali li jkunu jinvolvu debituri li jirrifjutaw li jobdu ordnijiet, jiġifieri persuni li jkunu jistgħu jħallsu djunhom jew li jkunu jistgħu jħallsu l-passiv tagħhom imma li ma jagħmlux hekk jew persuni li fir-rigward tagħhom ikun hemm ir-riskju li mhux se jħallsu dak li għandhom jagħtu anke jekk tkun inqatgħet is-sentenza kontrihom; billi jidher li dawn il-persuni spiss ikollhom assi sostanzjali f'diversi entitajiet, organi ta' rappreżentanza (nominees) u fondi fiduċjarji (trusts) u billi ma jistax jinkiseb infurzar effettiv mingħajr l-informazzjoni meħtieġa; billi spiss jinħtieġ li din l-informazzjoni tinkiseb mingħajr ma jiġi mwissi d-debitur li jinsisti li ma jobdix – li spiss ikun f'qagħda li jkun jista' jċaqlaq dawn l-assi lejn xi ġurisdizzjoni oħra f'qasir żmien,

J.

billi wkoll il-Parlament ġie mgħarraf li ċerti Stati sovrani ma jonorawx id-deċiżjonijiet jew is-sentenzi ta' arbitraġġ mogħtija mill-qrati ta' Stat ieħor, bir-riżultat li nibtu “fondi opportunistiċi” (vulture funds) li jakkwistaw dan id-dejn sovran b'rati sostanzjalment imnaqqsa u mbaghad ifittxu li jagħmlu l-profitt permezz tal-infurzar; billi jista jkun diskutibilment aħjar u aktar ġust li l-kredituri oriġinali jingħataw il-mezzi biex jiksbu rimedju huma stess,

K.

billi huwa argumentat li hemm ftit Stati li m'għandhom l-ebda assi ta' xejn lil hinn mill-fruntieri tagħhom u li, jekk il-kreditur ma jkollux prospetti li se jakkwista l-infurzar fl-Istat Membru tiegħu jew tagħha (biss) jew fl-Istat ikkonċernat, mela l-unika riparazzjoni effettiva sseħħ permezz ta' qrati barra l-pajjiż, b'mod partikulari fi Stati Membri oħra tal-UE,

L.

billi skont ir-Regolament I ta' Brussell (4) kull Stat Membru għandu l-miżuri proviżorji tiegħu proprji msawra u rregolati mil-liġi nazzjonali tiegħu u l-ordnijiet ex parte mhumiex is-suġġett ta' rikonoxximent u infurzar reċiproku skont dak ir-Regolament; billi l-ordnijiet inter partes jiġu esegwiti mit-tribunal kompetenti permezz tal-miżura ta' kumpens l-aktar approssimattiva li dan it-tribunal ikun jista' jagħti,

M.

billi l-miżuri proviżorji jinkludu: (i) ordnijiet għall-iżvelar ta' informazzjoni dwar assi li jistgħu jsiru s-suġġett ta' miżuri ta' esekuzzjoni ta' sentenza u (ii) ordnijiet li jħarsu l-assi sakemm ikun hemm infurzar, u (iii) jistgħu jkunu wkoll f'forma ta' ordni proviżorju ta' pagament, li jippermetti li l-kreditur jitħallas immedjat sakemm tiġi solvuta t-tilwima kkonċernata,

N.

billi l-għoti ta' miżuri proviżorji għandu jkun suġġett għall-kundizzjonijiet simili għal dawk applikati mill-Qorti tal-Ġustizzja, jiġifieri l-kreditur ikollu jipperswadi l-qorti li għandu talba ġustifikabbli fuq il-merti (dritt li jista' jiġi infurzat fis-sura ta' ordni tal-qorti jew sturmenti awtentiċi jew evidenza tat-talba li toħloq każ prima facie – fumus boni juris), u juri urġenza (riskju ġenwin li l-infurzar tat-talba jista' jiġi sfrattat jekk il-miżura ma tingħatax (periculum in mora)), u billi l-għoti ta' miżuri bħal dawn jista' jsir suġġett għat-tressiq ta' sigurtà,

O.

billi f'każijiet ta' skala żgħira, l-aktar meta l-ispejjeż legali jkunu għolja ferm, id-dewmien tal-ġustizzja jissarraf f'inġustizzja u billi, f'każijiet ta' skala akbar, jista' jkun in-nuqqas ta' informazzjoni dwar l-assi li jkun l-akbar ostakolu; billi, għaldaqstant, ir-rikors għal ordnijiet ta' miżuri proviżorji jista' jkun li verament jipprovdi soluzzjoni sempliċi u intelliġenti fiż-żewġ tipi ta' każijiet,

P.

billi, barra dan, kwalunkwe azzjoni Komunitarja maħsuba biex informazzjoni ssir disponibbli jeħtieġ li titqies ukoll fil-kuntest ta' dawn it-tipi ta' każijiet, li fihom in-nuqqas ta' informazzjoni tikkawża inġustizzja serja; billi, jekk ma jkunx hemm informazzjoni disponibbli għall-kreditur dwar l-assi ta' debitur (u a fortioridebitur li jinsisti li jonqos li jonora l-obbligi tiegħu) li jistgħu jiġu ssekwestrati biex tkun infurzata sentenza, il-kreditur ma jkunx jista' jinfurzaha,

Q.

billi, fil-prattika, din il-problema mhix limitata biss għall-każijiet fejn diġà tkun ingħatat sentenza li, madankollu, ma tkunx ġiet onorata: din il-problema tista' tqum ukoll qabel il-persuni jressqu t-talbiet tagħhom,

R.

billi, madankollu, huwa assolutament meħtieġ li kwalunkwe miżuri li jiġu proposti jkunu proporzjonati; billi, barra minn hekk, m'għandhomx sempliċement jirrepetu dak li diġà jista' jinkiseb permezz tal-miżuri nazzjonali eżistenti u għandhom ikunu limitati għal talbiet transkonfinali, u għandha tkun evitata l-armonizzazzjoni li mhix xierqa u li mhix meħtieġa,

S.

billi intwera xi tħassib li uħud mill-ideat dwar l-eżekuzzjoni b'mod effikaċi ta' sentenzi fl-Unjoni Ewropea permezz tat-trasparenza tal-assi tad-debituri, jistgħu jiksru d-drittijiet fundamentali, inkluż id-dritt għall-privatezza (ħarsien tad-data), idgħajfu s-salvagwardji proċedurali u jmorru kontra t-tradizzjonijiet kostituzzjonali ta' ħafna Stati Membri,

T.

billi kull proposta mressqa għandha tkun effettiva f'sens ta' nefqa u integrata f'oqsma oħra tal-politika Komunitarja sabiex jiġi evitat li jkun hemm duplikazzjoni bla bżonn tal-isforzi,

1.

Jilqa' b'sodisfazzjon il-Green Paper tal-Kummissjoni msemmija hawn fuq tas-6 ta' Marzu 2008, għax tikkontribwixxi għall-Istrateġija ta' Liżbona;

2.

Jiddikjara li n-nuqqas ta' ċarezza tal-informazzjoni meħtieġa biex wieħed jisforza lid-debitur li jwettaq l-obbligi tiegħu jmur kontra l-prinċipji komuni ta' rieda tajba u ta' responsabilità tal-flus; isostni li n-nuqqas ta' għarfien dwar il-liġijiet nazzjonali fir-rigward tal-mezzi tal-infurzar jew tan-nuqqas ta' effikaċità tagħhom fih innifsu jimpedixxi r-realizzazzjoni ta' suq intern magħqud u jwassal għal spejjeż mhux ġustifikati;

3.

Jinnota li ħlas li jsir tard, l-ebda ħlas u l-problema tal-irkuprar tad-dejn jagħmlu ħsara lill-interessi tal-intrapriżi u tal-konsumaturi kredituri, inaqqsu l-fiduċja fis-suq intern u jdgħajfu l-azzjoni ġuridika;

4.

Jappoġġja strateġija integrata u effikaċji bbażata fuq il-prinċipji ta' “leġiżlar aħjar” u jqis li l-objettiv tal-irkupru tad-dejn għandu jintlaħaq filwaqt li jkunu żgurati n-nuqqas ta' diskriminazzjoni, il-protezzjoni ta' data sensittiva u l-garanziji ġudizzjarji permezz tar-rikors għal miżuri proporzjonati li jiżguraw it-trasparenza meħtieġa u jnaqqsu b'mod konsiderevoli l-ispejjeż tal-ipproċessar tal-informazzjoni u tal-ġestjoni;

5.

Jinsisti li, minbarra l-informazzjoni disponibbli pubblikament, il-kreditur għandu jkollu aċċess għad-data meħtieġa, taħt is-superviżjoni jew bl-assistenza tal-awtorità kompetenti, biex ikun jista' jibda l-proċedura tal-infurzar u jikseb ir-rimbors tal-kreditu tiegħu, skont modalitajiet sempliċi biex jiġu implimentati fis-suq intern kollu;

6.

Jaqbel mal-Kummissjoni li l-irkupru transkonfinali tad-dejn permezz tal-infurzar tas-sentenzi ġudizzjarji hija problema mill-akbar tas-suq intern, imma jqis li s-soluzzjonijiet imressqa għad-diskussjoni mill-Kummissjoni jeħtieġu aktar xogħol sabiex jindirizzaw b'mod adegwat il-problema l-aktar diffiċli, dik tad-debituri li jirrifjutaw li jobdu ordnijiet;

7.

Josserva li dan il-manwal jista' jkun li jkun diffiċli u jieħu fit-tul u jiswa' ħafna flus biex jiġi prodott u aġġornat, li, għall-individwi li jkunu qed ifittxu rimedju, jista' jkun aktar faċli li jkun hemm reġim wieħed applikabbli, u li fil-maġġoranza tal-każijiet il-kredituri jkollhom jieħdu parir mingħand avukati fil-ġuriżdizzjoni barranija rilevanti; iqis, madankollu, li verżjoni simplifikata tista' tkun utli fin-nuqqas ta' reġim transkonfinali funzjonabbli;

8.

Jemmen bis-sħiħ li l-pubblikazzjoni ta' direttorji nazzjonali ta' avukati barranin li jeżerċitaw id-drittijiet tagħhom tas-suq intern skont id-Direttivi 77/249/KEE (5) u 98/5/KE (6) ikunu utli; jinnota li dawn id-direttorji nazzjonali jistgħu jkunu marbuta ma' website tal-Kummissjoni u jistgħu jkunu kumlementari għall-manwal;

9.

Jinsab kontra l-għoti ta' aċċess mhux ġustifikat, indiskriminat u arbitrarju għal kull xorta ta' data miżmuma dwar popolazzjoni, sigurtà soċjali u reġistri tat-taxxa, u huwa favur qafas adegwat u proporzjonat maħsub biex jiġi żgurat l-infurzar effikaċi tas-sentenzi fl-Unjoni Ewropea;

10.

Jargumenta li aċċess xieraq għar-reġistri tal-popolazzjoni (fejn ikunu jeżistu) jista' jkun utli biex jinstabu individwi privati b'xortihom ħażina li jonqsu li jħallsu l-pagamenti tal-manteniment jew ta' self privati, u biex jiġu evitati l-abbużi;

11.

Iqis li, filwaqt li l-aċċess imtejjeb għas-sigurtà soċjali u għar-reġistri tat-taxxa kien innovazzjoni ta' suċċess f'ċerti ġurisdizzjonijiet, jeħtieġ ukoll li tiġi żgurata l-osservanza tar-regoli dwar il-protezzjoni tad-data u dwar il-kunfidenzjalità; jirrimarka li din hija materja sensittiva għall-pubbliku; jinnota, barra dan, li jista' jkun hemm tassew problemi legali bl-użu ta' informazzjoni għal skop li jkun differenti minn dak li għalih tkun inġabret;

12.

Josserva, barra minn hekk, li d-dikjarazzjonijiet tat-taxxa u r-rekords tas-sigurtà soċjali huma kunfidenzjali f'ħafna Stati Membri u li l-idea ta' reġistru, bir-riskji kollha li jista' jġib miegħu fejn jistgħu jintilfu xi rekords, mhix sejra tintlaqa' tajjeb f'dawk il-pajjiżi u tkun titqies bħala abbuż tas-setgħa eżekuttiva;

13.

Isostni li, li kieku l-proposta kienet sproporzjonata għall-għan imfittex, hija tista' tkun miftuħa għall-abbuż u tista' tikkostitwixxi ksur tad-dritt għall-privatezza;

14.

Iqis li ta' min tkun studjata aktar l-idea ta' koperazzjoni mtejba bejn il-korpi tal-infurzar pubbliku, iżda jirrimarka li korpi bħal dawn ma jeżistux fl-Istati Membri kollha;

15.

Huwa tal-fehma li jista' jkun utli li dikjarazzjoni tad-debitur tkun tagħmel parti mill-proċedura tal-infurzar ta' sentenza, fejn hija tista' tiġi ssostanzjata minn sanzjonijiet skont il-liġi nazzjonali;

16.

Iqis li m'hemm l-ebda ħtieġa ta' azzjoni Komunitarja f'dan il-qasam, sakemm ma jiġix ippruvat li l-istrumenti eżistenti tal-Istati Membri mhumiex effiċjenti;

17.

Jissuġġerixxi li tista' tiġi kkunsidrata l-idea li tiġi introdotta forma ta' miżura Komunitarja proviżorja apparti dawk tal-qrati nazzjonali; iqis li din tista' tieħu s-sura ta' proċedura sempliċi u flessibbli li tkun tista' titħaddem madwar l-UE kollha, u b'hekk jiġi evitat dewmien u spejjeż bla bżonn; huwa tal-fehma li din tkun effettiva u ġusta wkoll għal dawk il-partijiet li mhumiex implikati;

18.

Jipproponi li din il-miżura tista' tapplika għat-talbiet ta' arbitraġġ ukoll u tista' wkoll titqies fil-kuntest tar-reviżjoni li ġejja dalwaqt tar-Regolament I ta' Brussell;

19.

Jistieden lill-Kummissjoni biex tittratta din il-kwistjoni bħala prijorità u biex twettaq (a) valutazzjoni dettaljata tal-problema, (b) studju tal-fattibilità ta' strumenti Komunitarji possibbli u (c) evalwazzjoni tal-impatt ta' rimedji possibbli tal-liġi Komunitarja ristretti għall-aspetti transkonfinali; iqis li l-istħarriġ tal-Kummissjoni għandu jidentifika wkoll u jiġġustifika kif jixraq il-bażi legali xierqa għal kwalunkwe strument Komunitarju li jiġi propost, li għandu jkun ristretta għal każijiet transkonfinali u jkun kumplementari għall-applikazzjoni ta' rimedji purament nazzjonali f'dan il-qasam u mhux ixekkluha;

20.

Iħeġġeġ lill-Kummissjoni biex tqis bir-reqqa l-miżuri prekuntrattwali u kuntrattwali li jista' jkollhom rabta mal-iżvilupp tal-Qafas Komuni ta' Referenza u kull strument fakultattiv li joriġina minnu, biex jiġi żgurat li l-partijiet li għandhom sehem f'kuntratti transkonfinali Ewropej jikkunsidraw kwistjonijiet ta' pagamenti tardivi u nuqqas ta' pagament fl-att tal-kuntratt;

21.

Jistenna bil-ħerqa l-eżami tad-Direttiva dwar Ħlasijiet Tardivi u jħeġġeġ lill-Kummissjoni biex tipproċedi dwar dan malajr kemm jista' jkun, minħabba l-klima ekonomika ta' bħalissa;

22.

Jissuġġerixxi li jsir studju dwar il-metodi legali nazzjonali diverġenti għar- riżerva tat-titlu u mekkaniżmi oħra simili, bil-għan li jiġi żgurat ir-rikonoxximent reċiproku tagħhom;

23.

Jissuġġerixxi li parti li tkun akkwistat drittijiet tal-proprjetà rikonoxxuti f'deċiżjoni ġudizzjarja għandha tkun tista' tinforza dawk id-drittijiet bl-istess kundizzjonijiet bħal dawk tal-parti li tkun tat l-informazzjoni;

24.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, kif ukoll lill-parlamenti tal-Istati Membri.

8.7.2010   

MT

Il-Ġurnal Uffiċjali tal-Unjoni Ewropea

CE 184/12

A.

filwaqt li jagħraf l-importanza tal-proċess tal-petizzjonijiet u l-attributi speċifiċi tiegħu, li jippermettu lill-kumitat responsabbli jfittex soluzzjonijiet u spjegazzjonijiet għaċ-ċittadini tal-UE li jressqu petizzjoni quddiem il-Parlament,

B.

wara li kkunsidra l-għadd dejjem jikber ta' ċittadini tal-UE li jressqu petizzjonijiet quddiem il-Parlament, flimkien mal-isforzi mill-Kumitat għall-Petizzjonijiet biex ikompli jħaffef il-proċeduri tiegħu sabiex jiġi pprovdut servizz aħjar liċ-ċittadini li qed ifittxu l-assistenza tiegħu,

C.

billi diversi rakkomandazzjonijiet minn dawk li ġew adottati fir-Rapport Annwali tal-2007 għadhom iridu jiġu implimentati mill-awtoritajiet tal-Parlament, bħat-talba għal titjib urġenti tar-riżorsi amministrattivi, inklużi riżorsi fl-għarfien espert lingwistiku u legali, tal-Kumitat tal-Petizzjonijiet sabiex tiżdied il-kapaċità tal-Parlament biex imexxi investigazzjonijiet indipendenti tal-petizzjonijiet indirizzati lilu, u, pereżempju li jikkopera aktar mill-qrib ma' SOLVIT fil-qasam tal-petizzjonijiet u l-ilmenti rigward is-suq intern, kif ukoll il-ħolqien ta' portal komuni tal-UE għaċ-ċittadini Ewropej,

D.

filwaqt li huwa konxju mill-fatt li, minkejja l-progress konsiderevoli fl-iżvilupp tal-istrutturi u l-politiki tal-Unjoni waqt dan il-perjodu, iċ-ċittadini jibqgħu konxji b'mod dirett ta' ħafna nuqqasijiet fl-applikazzjoni tal-politiki u l-programmi tal-Unjoni peress li jaffettwawhom b'mod dirett u billi dawn spiss huma s-suġġett tal-petizzjonijiet li jaslu,

E.

billi l-istituzzjoni tal-“Inizjattivi taċ-Ċittadini” skont it-Trattat ta' Liżbona se tirriżulta f'parteċipazzjoni pubblika akbar fl-attivitajiet u fil-ħidma tal-Unjoni Ewropea,

F.

billi, konsegwentement, il-Parlament għandu responsabilità li jiżgura applikazzjoni aħjar tal-liġi Komunitarja mill-Istati Membri individwali fl-interessi taċ-ċittadini u r-reisidenti tal-UE, u b'hekk li jaħdem id f'id mal-Istati Membri biex jintlaħaq dan l-objettiv,

G.

billi, madankollu, ħafna Stati Membri jibqgħu jsibuha bi tqila li jikkoperaw b'mod attiv mal-kumitat responsabbli, b'mod partikulari billi jonqsu milli jattendu laqgħat tal-kumitat, u peress li dan juri nuqqas ta' koperazzjoni leali mal-istituzzjoni,

H.

billi n-nuqqas ta' koperazzjoni attiva u f'waqtha mal-ħidma tal-kumitat responsabbli fl-interess tal-applikazzjoni korretta tal-liġi Komunitarja tqajjem dubji dwar ix-xewqa u l-intenzjoni tal-Istat Membru kkonċernat li japplika korrettament il-politiki u l-objettivi tal-UE u għalhekk jesponi lill-awtoritajiet għal miżuri fis-sura ta' sanzjonijiet u pieni li huma disponibbli skont it-termini tat-Trattati kif ukoll għall-kritika pubblika,

I.

filwaqt li jagħraf, madankollu, li ħafna Stati Membri juru livell tajjeb ta' koperazzjoni u ħidma mal-Parlament fi sforz biex iwieġbu għall-preokkupazzjonijiet taċ-ċittadini kif inhuma espressi permezz tal-proċess tal-petizzjonijiet,

J.

filwaqt li jagħraf il-kontribut kostruttiv li jsir lill-proċess tal-petizzjonijiet mis-servizzi tal-Kummissjoni, li b'mod regolari jipprovdu, fuq it-talba tal-kumitat responsabbli, evalwazzjonijiet preliminari ta' ħafna petizzjonijiet li jaslu,

K.

billi koperazzjoni bħal din tista' u għandha tkompli tissaħħaħ aktar, speċjalment f'dak li jirrigwarda l-proċeduri skont l-Artikoli 226 u 228 tat-Trattat KE f'każijiet li jkunu ġġustifikati kif jixraq,

L.

billi l-Parlament iqis li hu leġittimu li jagħmel użu mis-setgħat tiegħu skont l-Artikolu 230 tat-Trattat KE, jekk dan ikun meħtieġ sabiex jintemm ksur serju tal-liġi Komunitarja li jkun ġie żvelat fil-kors tal-eżami ta' petizzjoni u meta tippersisti differenza sinifikanti fl-interpretazzjoni, minkejja sforzi biex din tiġi riżolta, bejn il-Parlament u l-Kummissjoni, rigward l-azzjoni meħtieġa skont il-liġi Komunitarja għall-ħarsien tad-drittijiet taċ-ċittadini fil-każ konċernat,

M.

billi l-proċedura ta' ksur ma tipprovdix rimedju għall-petizzjonanti anke meta Stat Membru jkun obbligat mill-Qorti tal-Ġustizzja li jimmodifika l-leġiżlazzjoni tiegħu sabiex iġibha konformi mal-atti leġiżlattivi tal-UE,

N.

billi l-inabilità li jkun ipprovdut rimedju mhux ġudizzjarju direttament liċ-ċittadini tal-UE li kienu jew li saru vittmi tan-nuqqas ta' applikazzjoni xierqa tal-liġi tal-UE tikkostitwixxi inġustizzja bażika li jeħtieġ li tingħata aktar attenzjoni mill-istituzzjonijiet tal-UE, u b'mod partikulari mill-Parlament,

O.

billi, skont l-Artikolu 230 tat-Trattat KE, il-Parlament għandu d-dritt li jressaq azzjonijiet quddiem il-Qorti tal-Ġustizzja bl-istess kundizzjonijiet bħall-Kunsill u l-Kummissjoni u billi, skont l-Artikolu 201 tat-Trattat KE, il-Parlament għandu s-setgħa li jeżerċita kontroll fuq l-attivitajiet tal-Kummissjoni u b'hekk għandu disponibbli kemm l-istrumenti legali kif ukoll dawk politiċi biex jirreaġixxi b'mod iktar effettiv għat-tħassib leġittimu taċ-ċittadini,

P.

billi l-Parlament għandu jeżamina mill-ġdid il-proċeduri tiegħu stess sabiex jiffaċilita l-azzjonijiet, partikolarment skont l-Artikolu 121 tar-Regoli ta' Proċedura tiegħu, quddiem il-Qorti tal-Ġustizzja meta d-drittijiet tal-petizzjonanti jkunu f'riskju,

Q.

billi għandu jitfakkar li skont l-Artikolu 6 tat-Trattat UE, l-Unjoni hija msejsa fuq il-prinċipji tal-libertà, tad-demokrazija, tar-rispett għad-drittijiet tal-bniedem u l-libertajiet fundamentali, u tal-istat tad-dritt, prinċipji li huma wkoll element bażiku tal-kriterji ta' Kopenħagen għall-adeżjoni fl-UE, u billi l-Artikolu 7 tat-Trattat UE jistipula proċeduri speċifiċi li jistgħu jinbdew f'każ ta' ksur serju u konsistenti tal-prinċipji msemmija, jew riskju ċar ta' dan,

R.

filwaqt li huwa konxju mill-mozzjonijiet għal riżoluzzjonijiet imressqa f'seduti plenarji fl-2008 u adottati mill-maġġoranza l-kbira tal-Membri, skont l-Artikolu 192(1) tar-Regoli ta' Proċedura tal-Parlament fuq il-bażi tal-petizzjonijiet li waslu rigward l-impatt tal-pipeline tal-gass tan-Nord Stream taħt il-Baħar Baltiku u rigward kumpaniji tad-direttorju qarrieqa,

S.

billi ż-żieda fit-tħassib dwar is-sigurtà tal-provvista tal-enerġija rriżultat fi proġetti għal pipelines għall-gass naturali u għall-gass naturali likwefatt li, speċjalment meta jsiru bl-għaġla mingħajr evalwazzjoni xierqa tar-riskji u tal-alternattivi, iqajmu t-tħassib tal-petizzjonanti dwar in-nuqqas ta' kunsiderazzjoni li tingħata lir-riskji potenzjalment serji għall-ambjent u għas-saħħa u s-sikurezza tal-bniedem partikolarment fir-rigward ta' proġetti fil-Baħar Baltiku, Wales u l-Irlanda,

T.

billi huwa evidenti mill-eżami tal-petizzjonijiet li l-listi tal-proġetti msemmija fl-Annessi tad-Direttiva tal-Kunsill 85/337/KEE tas-27 ta' Ġunju 1985 dwar l-istima tal-effetti ta' ċerti proġetti pubbliċi u privati fuq l-ambjent (1), kif emendata, ma jkoprux numru ta' stallazzjonijiet u attivitajiet importanti li tfaċċaw wara l-aħħar emendi għal dawk l-Annessi, bħall-impjanti ta' rigassifikazzjoni u l-impjanti tal-bijodiżil,

U.

billi l-bosta petizzjonijiet imressqa dwar in-netwerk Natura 2000 komplew juru li l-waqfien tat-telf tal-bijodiversità hu sfida kbira għall-Unjoni u li d-Direttiva dwar il-Ħabitats (2) u d-Direttiva dwar l-Għasafar (3) jikkostitwixxu għodda bażika u indispensabbli sabiex ikun onorat l-impenn tal-UE li ttemm it-telf tal-bijodiversità sal-2010,

V.

billi l-eżami tal-petizzjonijiet wera wkoll li n-nuqqas ta' sorsi biżżejjed ta' ilma ħelu spiss huwa aggravat minn fatturi oħra bħad-domanda li qed tiżdied għall-ilma minħabba l-urbanizzazzjoni eċċessiva u l-proġetti għall-ħin ħieles, il-manutenzjoni inadegwata tal-infrastruttura u tal-prevenzjoni tat-tnixxijiet, l-użu intensiv tal-ilma mill-agrikoltura industrijali u politika tal-prezzijiet li ma tinkoraġġixxix l-użu sostenibbli tal-ilma,

W.

filwaqt li huwa konxju mir-rakkomandazzjonijiet magħmula mill-Kumitat għall-Petizzjonijiet wara ż-żjarat f'Fos-sur-Mer, Franza, f'Ċipru u fir-Rumanija,

X.

filwaqt li jżomm f'moħħu t-tħassib li ġie espress mill-Kumitat għall-Petizzjonijiet fir-rigward ta' ċerti proġetti ta' infrastruttura fil-Muntanji Rila fil-Bulgarija, li kienu osservati waqt żjara għall-ġbir tal-fatti fl-2008,

Y.

billi minkejja li Ann Abraham, l-Ombudsman Parlamentari u tas-Servizz tas-Saħħa tar-Renju Unit, indirizzat il-Kumitat għall-Petizzjonijiet f'Diċembru tal-2008 u ppreżentatlu r-riżultati tal-investigazzjoni tagħha, investigazzjoni li damet sejra erba' snin, ir-reazzjoni sussegwenti mill-Gvern tar-Renju Unit f'Jannar tal-2009, li kienet tinkludi ħlasijiet ex gratia lil kull min intlaqat b'mod sproporzjonat, ma tistax titqies bħala rimedju xieraq għall-ħafna vittmi tal-falliment,

Z.

filwaqt li jagħraf il-koperazzjoni pożittiva u kostruttiva mal-Ombudsman Ewropew fl-2008, l-appoġġ ipprovdut mill-Kumitat għall-Petizzjonijiet għar-rakkomandazzjonijiet miġbura fir-Rapport Annwali tiegħu tal-2007 u fir-Rapporti Speċjali tiegħu dwar l-ilmenti 1487/2005/ u 3453/2005 rigward l-użu tal-lingwi fl-applikazzjoni tal-proċedura ta' ksur mill-Kunsill u mill-Kummissjoni rispettivament, u filwaqt li jilqa' b'sodisfazzjon il-modifiki għall-Istatut tiegħu approvati mill-Parlament,

AA.

billi fl-2008 il-Kumitat għall-Petizzjonijiet irċieva 1 886 petizzjoni, li minnhom 1 065 kienu ddikjarati ammissibbli u 821 kienu ddikjarati inammissibbli; billi l-għadd ta' petizzjonijiet li ma jissodisfawx il-kundizzjonijiet tal-Artikolu 191(1) tar-Regoli ta' Proċedura żdied b'mod sinifikanti mill-bidu tal-2007,

1.

Jilqa' b'sodisfazzjon l-involviment u l-kontribut tal-petizzjonanti f'kull laqgħa tal-Kumitat għall-Petizzjonijiet, li jippermetti djalogu dirett u miftuħ mar-rappreżentanti tal-Parlament Ewropew u jkompli jagħmel kuraġġ liċ-ċittadini individwali u lill-assoċjazzjonijiet komunitarji tal-UE biex iressqu kwistjonijiet li jikkonċernaw il-qasam ta' attività tal-Unjoni Ewropea u li jaffettwawhom b'mod dirett, filwaqt li jemmen li dan il-proċess jippermetti lill-Parlament bħala istituzzjoni li jkollu rwol sinifikanti fil-monitoraġġ tal-applikazzjoni tal-liġi Komunitarja fl-Istati Membri u li jiddefendi aħjar u jippromwovi d-drittijiet fundamentali taċ-ċittadini kollha tal-UE kif definiti fit-Trattat tal-UE;

2.

Iħeġġeġ lill-parlamenti nazzjonali u reġjonali, bħala rappreżentanti taċ-ċittadini tal-UE, biex jibqgħu għassa fir-rigward tal-mod li bih l-Istati Membri japplikaw it-Trattati u l-atti leġiżlattivi tal-UE, b'mod partikulari fir-rigward ta' kwistjonijiet relatati mal-ambjent, mad-drittijiet soċjali u tal-impjieg, mal-moviment ħieles tal-persuni, oġġetti u servizzi, mas-servizzi finanzjarji, mad-drittijiet fundamentali taċ-ċittadini inkluż id-dritt tagħhom għal proprjetà li tkun akkwistata b'mod leġittimu, mal-għarfien tal-kwalifiki tagħhom u ma' kull sura ta' diskriminazzjoni, u jistieden lill-istituzzjonijiet tal-UE sabiex jikkomunikaw b'mod effettiv maċ-ċittadini sabiex dawn ikunu konxji tad-drittijiet tagħhom u tad-dmirijiet tal-istituzzjonijiet nazzjonali u lokali;

3.

Jenfasizza li, skont il-prinċipju tas-sussidjarjetà, il-Parlament ma jistax iqis bħala ammissibbli petizzjonijiet li jappellaw kontra deċiżjonijiet ta' awtoritajiet kompetenti jew ta' korpi ġudizzjarji tal-Istati Membri u li informazzjoni f'dak ir-rigward trid tiġi kkomunikata b'mod ċar u li jiftiehem lill-petizzjonanti; jenfasizza, barra minn hekk, li l-ilmenti jridu jissodisfaw il-kundizzjonijiet tal-Artikolu 191(1) tar-Regoli ta' Proċedura tal-Parlament qabel ma jkunu jistgħu jiġu ddikjarati ammissibbli;

4.

Jitlob li dawk ir-rakkomandazzjonijiet li ġew adottati fir-Rapport Annwali tal-2007 li għadhom iridu jiġu implimentati, jiġu implimentati f'perjodu ta' żmien raġonevoli;

5.

Jistieden lill-Kummissjoni, lill-Istati Membri kollha u lill-istituzzjonijiet nazzjonali, reġjonali u lokali tagħhom, flimkien mar-Rappreżentanti Permanenti tagħhom, biex jikkoperaw bis-sħiħ mal-kumitat responsabbli tal-Parlament Ewropew meta jkunu qed jiġu investigati allegazzjonijiet jew proposti li jkunu jinsabu fil-petizzjonijiet, fuq bażi leali u kostruttiva, bil-għan li jinstabu soluzzjonijiet għall-kwistjonijiet li jitqajmu permezz tal-proċess tal-petizzjonijiet;

6.

Jitlob li l-korpi responsabbli fil-Parlament Ewropew, il-Kummissjoni u l-Kunsill imexxu eżami mill-ġdid sħiħ tal-proċeduri possibbli biex tkun żgurata azzjoni ta' rimedju għaċ-ċittadini tal-UE u li tkun innegozjata ftehima interistituzzjonali ġdida li tkun tinkorpora setgħat imsaħħa għall-kumitati ta' inkjesta, sabiex ikomplu jiġu msaħħa d-drittijiet taċ-ċittadini tal-UE;

7.

Jemmen li eżami mill-ġdid bħal dan jikkumplementa kull implimentazzjoni eventwali li tista' ssir tat-Trattat ta' Liżbona billi jipprovdi salvagwardji bbażati fuq id-drittijiet u l-obbligi ddikjarati taċ-ċittadini tal-UE u tal-istituzzjonijiet tal-UE;

8.

Ifakkar li, kif il-Parlament enfasizza fir-riżoluzzjoni tiegħu tal-20 ta' April 2004 dwar il-komunikazzjoni tal-Kummissjoni dwar l-Artikolu 7 tat-Trattat dwar l-Unjoni Ewropea (4), ir-rispett lejn il-valuri, u l-promozzjoni tal-valuri li fuqhom hija msejsa l-Unjoni u d-difiża tad-demokrazija, l-istat tad-dritt u d-drittijiet fundamentali huma responsabilità partikolari għall-Parlament bħala r-rappreżentant elett direttament taċ-ċittadini Ewropej, u jfakkar ukoll li l-Parlament fisser il-fehma f'dik ir-riżoluzzjoni li “l-injorar tal-ħtieġa possibbli għal penali joħloq l-impressjoni li l-Unjoni mhix imħejjija jew mhijiex f'pożizzjoni li tuża l-mezzi kollha għad-dispożizzjoni tagħha biex tiddefendi l-valuri tagħha”;

9.

Jistieden lill-Kummissjoni, għal darba oħra, biex tiżgura li jingħata aktar għarfien lill-proċess tal-petizzjonijiet u li titqiegħed aktar enfasi fuqu, b'mod partikulari fir-rigward tal-applikazzjoni tal-proċeduri ta' ksur u r-rekwiżit li l-Kumitat għall-Petizzjonijiet ikun mgħarraf b'mod dirett u b'mod uffiċjali meta jittieħdu deċiżjonijiet biex jingħata bidu għal proċeduri skont l-Artikolu 226 u/jew l-Artikolu 228 li huma relatati mal-kwistjonijiet li jitqajmu f'petizzjonijiet individwali;

10.

Ifakkar li l-Parlament ikkunsidra li l-allegazzjonijiet ta' ksur serju tal-liġi Komunitarja li l-Kumitat għall-Petizzjonijiet qies li kellhom bażi soda fid-dawl tal-eżami tal-petizzjonijiet iżda li l-Istat Membru kkonċernat jirrifjuta li jammetti, u li x'aktarx se joħolqu preċedent fil-livell nazzjonali, finalment għandhom jiġu eżaminati mill-Qorti tal-Ġustizzja sabiex tkun żgurata l-konsistenza u l-koerenza tal-liġi Komunitarja u r-realtà tas-suq intern (5);

11.

Jirrikonoxxi li l-proċeduri ta' ksur, anki meta jirnexxu, jistgħu ma jirriżultawx f'rimedju immedjat għat-tħassib speċifiku mqajjem minn petizzjonanti individwali, u li dan spiss idgħajjef il-kunfidenza pubblika fil-ħila tal-istituzzjonijiet tal-UE li jilħqu l-aspettattivi tagħhom;

12.

Huwa tal-fehma li, peress li hemm indikazzjonijiet ċari li l-objettiv li jintemm it-telf tal-bijodiversità fl-UE sal-2010 ma jistax jintlaħaq, trid tittieħed azzjoni urġenti sabiex l-applikazzjoni tad-Direttiva dwar il-Ħabitats u tad-Direttiva dwar l-Għasafar tkun aktar effettiva, u jistieden lill-Kummissjoni biex tagħmel l-almu tagħha biex tiżgura li dawk id-direttivi jiġu applikati mill-Istati Membri b'mod li huwa konsistenti ma' dan l-objettiv;

13.

Jitlob lill-Kummissjoni biex, b'koperazzjoni mal-Parlament, tippromwovi mal-Istati Membri l-importanza li wieħed jaħseb fit-tul – speċjalment fil-qasam tal-approvazzjonijiet tal-ippjanar – bħala għajnuna biex jiġi evitat ksur potenzjali tad-dispożizzjonijiet tal-liġi Komunitarja li ġew adottati iżda li għadhom mhumiex fis-seħħ;

14.

Jagħraf li, xi drabi, ikun impossibbli li jinstabu soluzzjonijiet għall-ilmenti li jkunu tqajmu mill-petizzjonanti, minħabba nuqqasijiet fil-leġiżlazzjoni Komunitarja applikabbli nnifsha;

15.

Huwa preokkupat dwar l-għadd kbir ta' petizzjonijiet li jirċievi l-Kumitat għall-Petizzjonijiet li jitolbu d-drittijiet tal-vot għal residenti “mhux” ċittadini tal-Latvja fl-elezzjonijiet lokali; ifakkar li l-Kumitat tan-Nazzjonijiet Uniti (NU) għad-Drittijiet tal-Bniedem, il-Kumitat tan-NU dwar il-Qerda tad-Diskriminazzjoni Razzjali, l-Assemblea Parlamentari tal-Kunsill tal-Ewropa, il-Kungress tal-Awtoritajiet Lokali u Reġjonali tal-Kunsill tal-Ewropa, il-Kummissarju għad-Drittijiet tal-Bniedem tal-Kunsill tal-Ewropa, il-Kummissjoni Ewropea kontra r-Razziżmu u l-Intolleranza kif ukoll l-Assemblea Parlamentari tal-Organizzazzjoni għas-Sigurtà u l-Koperazzjoni fl-Ewropa rrakkomandaw li min mhuwiex ċittadin għandu jitħalla jipparteċipa fl-elezzjonijiet lokali; iħeġġeġ lill-Kummissjoni Ewropea biex timmonitorja mill-qrib u tinkoraġġixxi r-regolarizzazzjoni tal-istatus ta' persuni li “mhumiex” ċittadini fil-Latvja, li ħafna minnhom twieldu fil-Latvja;

16.

Jinnota li ħafna mill-petizzjonijiet li jirċievi l-Parlament minn individwi u assoċjazzjonijiet jikkonċernaw kwistjonijiet li ma jikkostitwixxux ksur tal-liġi Komunitarja u li għalhekk għandha tinstabilhom soluzzjoni billi jintużaw il-proċeduri legali kollha ta' rimedju li jkunu disponibbli fl-Istati Membri konċernati; jinnota wkoll li, ladarba jkunu ttieħdu l-miżuri kollha f'livell nazzjonali, il-korp ta' appell xieraq huwa l-Qorti Ewropea tad-Drittijiet tal-Bniedem;

17.

Jinnota li l-“petizzjoni sede waħda” ffirmata minn 1 500 000 ruħ, li l-għan tagħha huwa li l-Parlament jiltaqa' f'sede waħda biss, għadha ma ġietx indirizzata bis-sħiħ; jirrakkomanda li l-Kumitat għall-Petizzjonijiet jittratta din il-kwistjoni bħala prijorità fil-mandat parlamentari li jmiss;

18.

Għalhekk jistieden lill-kumitati leġiżlattivi responsabbli biex iżommu f'moħħhom proposti jew suġġerimenti li jistgħu jsiru minn żmien għal żmien mill-Kumitat għall-Petizzjonijiet fir-rigward tal-applikazzjoni ta' leġiżlazzjoni speċifika tal-UE min-naħa tal-Istati Membri, bil-għan li possibilment issir reviżjoni jew li ssir aktar investigazzjoni;

19.

Ifakkar fit-talba tal-Parlament lill-Kummissjoni sabiex iżżid il-monitoraġġ tagħha tal-implimentazzjoni tad-Direttiva 2006/114/KE tal-Parlament Ewropew u tal-Kunsill tat-12 ta' Diċembru 2006 dwar reklamar qarrieqi u komparattiv (6) fir-rigward tal-kumpaniji tad-direttorji kummerċjali qarrieqa kif ukoll biex tagħti rapport lill-Parlament dwar il-fattibilità u l-konsegwenzi possibbli tal-estensjoni tal-qasam ta' applikazzjoni tad-Direttiva 2005/29/KE tal-Parlament Ewropew u tal-Kunsill tal-11 ta' Mejju 2005 dwar prattiki kummerċjali żleali fin-negozju mal-konsumatur fis-suq intern (7), speċifikament billi l-kelma “konsumatur” tinbidel bil-kliem “mira tal-prattika”;

20.

Japprova t-talba tal-Ombudsman lill-Kunsill li jżid l-għażliet tal-lingwa tal-websajts tal-Presidenzi tiegħu sabiex jinkludu l-lingwi l-aktar mitkellma tal-Unjoni Ewropea, bil-għan li jkun żgurat li ċ-ċittadini jkollhom aċċess dirett għall-attivitajiet tal-Presidenzi tal-Kunsill; jirreferi f'dan ir-rigward għall-Presidenza Franċiża tal-Kunsill, li ppubblikat il-websajt uffiċjali tagħha b'konformità mar-rakkomandazzjonijiet tal-Ombudsman;

21.

Japprova s-sejħa tal-Ombudsman lill-Kummissjoni, b'referenza għall-implimentazzjoni tad-Direttiva dwar il-Ħin tax-Xogħol (8), biex l-ilmenti taċ-ċittadini jiġu ttrattati b'konformità mal-prinċipji tal-amministrazzjoni tajba fil-qasam tal-poteri ta' diskrezzjoni tal-Kummissjoni rigward il-bidu ta' proċeduri ta' ksur;

22.

Jilqa' b'sodisfazzjon il-koperazzjoni kostruttiva bejn l-Ombudsman u l-UE fi ħdan il-qafas istituzzjonali xieraq; japprova t-talbiet ripetuti tal-Ombudsman għall-adozzjoni ta' Kodiċi ta' Imġiba Amministrattiva Tajba, komuni għall-istituzzjonijiet u l-korpi kollha tal-UE, kif approvat mill-Parlament fir-riżoluzzjoni tiegħu tas-6 ta' Settembru 2001 dwar ir-Rapport Speċjali tal-Ombudsman Ewropew lill-Parlament Ewropew wara l-istħarriġ fuq inizjattiva proprja dwar l-eżistenza u l-aċċessibilità pubblika, fl-istituzzjonijiet u l-korpi Komunitarji differenti, ta' Kodiċi ta' Imġiba Amministrattiva Tajba (9); huwa tal-fehma li l-Ombudsman, il-Kummissjoni u l-Parlament għandhom jiżviluppaw portal komuni tal-UE sabiex ikunu ttrattati l-ilmenti li jitressqu quddiem l-istituzzjonijiet tal-UE;

23.

Iħeġġeġ l-implimentazzjoni mill-firmatarji kollha tar-Riżoluzzjoni 550 (1984) tal-Kunsill tas-Sigurtà tan-NU dwar il-kwistjoni ta' Ċipru, li twassal sabiex il-proprjetà tintradd b'mod sħiħ lis-sidien leġittimi tagħha f'Varosha; jissuġġerixxi li, f'każ li ma jkunx hemm riżultati ċari sa tmiem l-2009, il-kumitat responsabbli jista' jikkunsidra li jressaq il-kwistjoni tal-petizzjonanti ta' Famagusta quddiem il-plenarja;

24.

Jistieden lill-awtoritajiet Rumeni biex jadottaw miżuri għall-ħarsien tal-wirt arkitettoniku u storiku tar-Rumanija, skont l-Artikolu 151 tat-Trattat KE, kif mitlub mid-Dikjarazzjoni tal-Parlament tal-11 ta' Ottubru 2007 dwar il-ħtieġa ta' miżuri biex jitħares il-Katidral Kattoliku Ruman ta' San Ġużepp f'Bukarest ir-Rumanija, monument storiku u arkitettoniku mhedded (10); b'referenza għall-problemi rigward ir-radd tal-proprjetà kkonfiskata fi żmien ir-reġim Komunista, jiġbed l-attenzjoni li, skont l-Artikolu 295 tat-Trattat KE, is-sjieda tal-proprjetà hija kwistjoni ta' kompetenza nazzjonali;

25.

Jitlob lill-awtoritajiet Franċiżi jħejju evalwazzjoni epidemjoloġika sabiex ikun iddeterminat l-impatt fuq iz-zona qrib Fos-Berre, fil-viċinanzi tal-impjant ta' inċinerazzjoni li qed jinbena f'Fos-sur-Mer; jirrikonoxxi li d-Direttiva tal-Kunsill 1999/30/KE tat-22 ta' April 1999 dwar il-valuri ta' limitu tad-diossidu tal-kubrit, tad-diossidu tan-nitroġenu u l-ossidi tan-nitroġenu, materji f'partiċelli u ċomb fl-arja ambjentali (11) ma tipprojbixxix il-kostruzzjoni ta' inċineratur f'zona diġà affettwata mit-tniġġis tal-arja, iżda jiġbed l-attenzjoni li, skont id-Direttiva 1999/30/KE u d-Direttiva tal-Kunsill 96/62/KE tas-27 ta' Settembru 1996 dwar l-istima u l-immaniġġjar tal-kwalità tal-arja ċirkostanti (12), għandhom jittieħdu miżuri sabiex tkun żgurata l-konformità mal-istandards Ewropej dwar it-tniġġis tal-arja;

26.

Ifakkar fir-rakkomandazzjonijiet miġbura fir-Rapport Annwali tal-2007 tal-Kumitat għall-Petizzjonijiet bil-għan li jkunu analizzati mill-ġdid il-proċeduri amministrattivi għat-trattament tal-petizzjonijiet, bħal, pereżempju, it-trasferiment tar-reġistrazzjoni tal-petizzjonijiet lis-segretarjat tal-Kumitat għall-Petizzjonijiet, il-koperazzjoni mill-qrib ma' SOLVIT, it-titjib ulterjuri tal-bażi ta' data tal-petizzjonijiet, l-iżvilupp ta' portal tal-UE għaċ-ċittadini Ewropej, eċċ; jilqa' b'sodisfazzjon l-abbozzar minn Membri ta' Kodiċi ta' Prattika Tajba għat-trattament tal-petizzjonijiet, li jidħol fis-seħħ fil-bidu tal-mandat parlamentari li jmiss;

27.

Jagħti istruzzjonijiet lill-President tiegħu sabiex jgħaddi din ir-riżoluzzjoni u r-rapport tal-Kumitat għall-Petizzjonijiet lill-Kunsill, lill-Kummissjoni, lill-Ombudsman Ewropew, lill-gvernijiet u lill-parlamenti tal-Istati Membri, lill-kumitati għall-petizzjonijiet tagħhom u lill-ombudsmen tagħhom jew lil entitajiet simili kompetenti.

8.7.2010   

MT

Il-Ġurnal Uffiċjali tal-Unjoni Ewropea

CE 184/18

A.

billi t-trattament ugwali bejn l-irġiel u n-nisa huwa prinċipju fundamentali tad-dritt Komunitarju u li skont l-Artikolu 2 tat-Trattat, dan jagħmel parti mill-missjonijiet tal-Komunità,

B.

billi l-Artikolu 3(2) tat-Trattat jistabbilixxi l-prinċipju tal-approċċ integrat għat-trattament indaqs filwaqt li jistipula, li fl-azzjonijiet kollha tagħha, il-Komunità tfittex li telimina l-inugwaljanzi u tippromwovi t-trattament ugwali bejn l-irġiel u n-nisa,

C.

billi l-perċentwal ta' Membri nisa fil-Parlament żdied b'mod kostanti minn 17,5 % fl-1979 għal 31,8 % fl-2009,

D.

billi hemm numru żgħir ta' Membri li għandhom karigi għolja fl-organi tal-Parlament (Presidenza jew membri tal-kumitati jew ta' delegazzjonijiet, pereżempju),

E.

billi fid-Direttorati Ġenerali tal-politiki interni u tal-politiki esterni tal-Parlament, in-nisa għandhom rappreżentanza għolja u jiffurmaw rispettivament is-66,5 % u s-66 % tal-persunal, filwaqt li jinnota l-progress konsiderevoli miksub dan l-aħħar fid-Direttorat Ġenerali tal-politiki interni, li wassal għall-għoti tal-“prempju għall-ugwaljanza 2007 – l-aħjar prassi” kemm għall-ħolqien ta' ambjent ta' xogħol favur l-ugwaljanza u għall-approċċ integrat tal-ugwaljanza kif ukoll għaż-żieda konsiderevoli tan-numru ta' nisa li jokkupaw karigi għolja ta' tmexxija ( in-numru ta' nisa li huma kapijiet ta' unità pereżempju, żdied minn 5 % għal 30 % wara l-2005),

F.

billi l-maġġoranza tal-Kumitati parlamentari b'mod ġenerali tagħti ċerta importanza għall-approċċ integrat għat-trattament ugwali bejn in-nisa u l-irġiel (pereżempju fil-qafas tal-ħidmiet leġiżlattivi tagħhom, tar-relazzjonijiet uffiċjali mal-kumitat għad-Drittijiet tan-Nisa u l-Ugwaljanza bejn is-Sessi jew l-iżvilupp ta' pjan ta' Azzjoni għall-Ugwaljanza) filwaqt li minoranza tal-Kumitati dan jinteressahom rarament jew qatt,

G.

Jenfasizza l-fatt li l-użu ta' netwerk inkarigat mill-approċċ integrat tal-ugwaljanza fil-kumitati u li jkun magħmul minn Membri u minn membri tal-persunal tas-segretarjat, sa issa għadu ma ħalliex riżultati,

H.

Jenfasizza l-fatt li l-Grupp ta' Livell Għoli dwar l-Ugwaljanza bejn is-Sessi u d-Diversità ppropona l-ħolqien ta' netwerk simili ta' delegazzjonijiet interparlamentari bil-għan li l-kwistjonijiet dwar l-ugwaljanza bejn l-irġiel u n-nisa jkunu integrati fir-relazzjonijiet esterni tal-Unjoni Ewropea,

1.

Jenfasizza li t-talba għat-trattament ugwali bejn in-nisa u l-irġiel għandha tissarraf f'approċċ prattiku li ma jpoġġix lin-nisa kontra l-irġiel;

2.

Jenfasizza li l-approċċ integrat għat-trattament ugwali jikkostitwixxi żvilupp pożittiv għan-nisa kif ukoll għall-irġiel;

3.

Jenfasizza li l-approċċ integrat għat-trattament ugwali jipprevedi r-riorganizzazzjoni, it-titjib, l-iżvilupp u l-evalwazzjoni tal-politiki biex fil-livelli u l-istadji kollha, l-atturi li normalment ikunu marbuta mad-deċiżjonijiet politiċi jinkludu l-perspettiva tat-trattament ugwali fil-politiki kollha;

4.

Ifakkar fil-ħtieġa li tiġi adottata u applikata strateġija adegwata b'miri konkreti għal approċċ integrat għat-trattament ugwali bejn in-nisa u l-irġiel fil-politiki tal-Komunità rigward il-kumitati u d-delegazzjonijiet parlamentari;

5.

Jenfasizza l-importanza tal-mandat tal-Grupp ta' Livell Għoli dwar l-Ugwaljanza bejn is-Sessi u d-Diversità u jistiednu biex ikompli jħeġġeġ u jippromwovi dan il-proċess fil-Parlament kollu, kif ukoll fir-relazzjonijiet u l-kollaborazzjoni mal-Kummissjoni, mal-Kunsill u mal-istituzzjonijiet l-oħra;

6.

Jifraħ lill-kumitati parlamentari li fil-ħidma tagħhom l-approċċ integrat tat-trattament ugwali għamluh operattiv, u jitlob lill-kumitati l-oħra u lid-delegazzjonijiet biex jagħmlu l-istess;

7.

Jitlob li r-rikors għal netwerk inkarigat mill-approċċ integrat tal-ugwaljanza jkun imsaħħaħ f'dak li jirrigwarda d-delegazzjonijiet interparlamentari u l-missjonijiet ta' osservazzjoni tal-elezzjonijiet;

8.

Iħeġġeġ lis-Segretarju Ġenerali biex jagħti prijorità lit-taħriġ għall-approċċ integrat għat-trattament ugwali tal-uffiċjali fil-livelli kollha tal-kumitati u d-delegazzjonijiet parlamentari; itenni t-talba tiegħu biex jingħata taħriġ dwar it-trattament ugwali bejn l-irġiel u n-nisa lill-Membri kollha tal-Parlament, u dan sa mill-bidu tal-leġiżlatura li jmiss;

9.

Jissokta jħeġġeġ in-netwerking tal-uffiċjali tas-Segretarjati tal-kumitati tal-Parlament u tad-delegazzjonijiet interparlamentari tad-Direttorati Ġenerali tal-politiki interni u l-politiki esterni mħarrġa b'mod speċjali dwar l-approċċ integrat tal-ugwaljanza tal-ġeneri sabiex ikun hemm skambju regolari ta' prattiki tajba;

10.

Jenfasizza l-ħtieġa li, fil-kumitati u d-delegazzjonijiet tal-Parlament, jkun hemm disponibbli l-għodod adegwati għall-għarfien tajjeb tal-approċċ integrat għat-trattament ugwali, bħalma huma indikaturi, data u statistika maqsuma skont il-ġeneru, kif ukoll it-taqsim tar-riżorsi tal-baġit mill-aspett tat-trattament ugwali bejn in-nisa u l-irġiel;

11.

Jenfasizza li l-implimentazzjoni tal-approċċ integrat għat-trattament ugwali għandu jikkunsidra l-ispeċifiċità ta' kull kumitat jew delegazzjoni tal-Parlament; jitlob li l-kumitati u d-delegazzjonjiet jipparteċipaw b'mod attiv fl-evalwazzjonijiet li regolarment jitwettqu taħt il-patroċinju tal-Kumitat għad-Drittijiet tan-Nisa u l-Ugwaljanza bejn is-Sessi, fuq il-bażi tal-kwestjonarju li jitressaq lill-Presidenti u lill-Viċi Presidenti responsabbli tal-approċċ integrat għat-trattament ugwali bejn in-nisa u l-irġiel, filwaqt li jiġu inklużi n-nuqqasijiet f'dan il-kuntest fil-ħidma tal-kumitati u d-delegazzjonijiet kif ukoll il-progress tal-istabbiliment tal-approċċ integrat għat-trattament ugwali f'kull Kumitat;

12.

Jenfasizza l-importanza għall-kumitati u d-delegazzjonijiet tal-Parlament li l-irwol u r-responsabbiltajiet tagħhom fil-qasam tal-approċċ integrat għat-trattament ugwali bejn ġeneri jkunu speċifikati tajjeb;

13.

Jenfasizza l-importanza ta' kollaborazzjoni effikaċi u koordinata bejn il-Grupp ta' Livell Għoli dwar l-Ugwaljanza bejn is-Sessi u d-Diversità u n-netwerk inkarigat mill-approċċ integrat tal-ugwaljanza fil-kumitati parlamentari u d-delegazzjonijiet interparlamentari kif ukoll mal-Kumitat għad-Drittijiet tan-Nisa u l-Ugwaljanza bejn is-Sessi;

14.

Jistieden lis-Segretarju Ġenerali biex isegwi l-implimentazzjoni tal-istrateġija integrata li għandha l-għan li tikkonċilja l-ħajja familjali mal-ħajja professjonali u li tiffaċilita l-iżvilupp tal-karriera tal-uffiċjali nisa;

15.

Jistieden lill-gruppi politiċi biex jikkunsidraw l-objettiv ta' parteċipazzjoni bilanċjata bejn l-irġiel u n-nisa meta jinħatru l-persuni f'karigi għoljin u ta' responsabilità;

16.

Jistieden lill-Bureau tal-Parlament biex jenfasizza, fil-kuntatti tiegħu mal-Parlamenti tal-Istati Membri, l-esperjenza pożittiva tal-Grupp ta' Livell Għoli dwar l-Ugwaljanza bejn is-Sessi u d-Diversità;

17.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Kunsill tal-Ewropa.

8.7.2010   

MT

Il-Ġurnal Uffiċjali tal-Unjoni Ewropea

CE 184/20

A.

billi r-relazzjonijiet bejn il-Komunitajiet Ewropej u t-Turkmenistan bħalissa huma mmexxija mill-Ftehima dwar il-Kummerċ u l-Koperazzjoni Kummerċjali u Ekonomika bejn il-Komunità Ekonomika Ewropea u l-Komunità Ewropea tal-Enerġija Atomika u l-Unjoni tar-Repubbliki Sovjetiċi Soċjalistif'Diċembru1989; billi din il-ftehima ma fihiex klawżola dwar id-drittijiet tal-bniedem,

B.

billi l-Ftehima Interim tat-2 ta' Diċembru 1998 dwar il-Kummerċ u dwar Kwistjonijiet marbuta mal-Kummerċ, iffirmata bejn il-Komunità Ewropea, il-Komunità Ewropea tal-Faħam u tal-Azzar u l-Komunità Ewropea tal-Enerġija Atomika, min-naħa, u t-Turkmenistan, min-naħa l-oħra, bħalissa qed tiġi approvata fil-Kunsill,

C.

billi f'Mejju 1997 beda l-proċess lejn Ftehima ta' Sħubija u Koperazzjoni (PCA) mat-Turkmenistan, li ġiet iffirmata fl-1998; billi minn dak iż-żmien, 11-il Stat Membru rratifikaw il-PCA - Franza, l-Irlanda, ir-Renju Unit u l-Greċja għad iridu jagħmlu dan - u t-12-il Stat Membru ġdid se jirratifikawha permezz ta' protokoll wieħed; billi t-Turkmenistan irratifika l-PCA fl-2004,

D.

billi l-PCA, ladarba tiġi ratifikata b'mod sħiħ, se tiġi ffirmata għal perijodu inizjali ta' 10 snin, imbagħad tiġġedded kull sena, sakemm ebda mill-partijiet ma titterminaha; billi l-partijiet jistgħu jespandu jew jemendaw il-PCA jew ikomplu jelaborawha, sabiex iqisu żviluppi ġodda,

E.

billi t-Turkmenistan għandu rwol importanti fir-reġjun tal-Ażja Ċentrali, u b'hekk il-koperazzjoni mill-qrib bejnu u bejn l-Unjoni Ewropea hija mixtieqa,

F.

billi s-sitwazzjoni fit-Turkmenistan tjiebet minn wara l-bidla tal-president; billi l-gvern wera r-rieda tiegħu biex iwettaq riformi ewlenin; billi għad hemm bżonn ta' progress sostanzjali f'bosta oqsma ewlenin, bħad-drittijiet tal-bniedem, l-istat tad-dritt, id-demokrazija u l-libertajiet individwali,

G.

billi l-Ftehima Kummerċjali Interim (ITA) proposta bejn il-Komunitajiet Ewropej u t-Turkmenistan tistipula r-rispett tad-demokrazija u d-drittijiet tal-bniedem bħala kundizzjoni għall-koperazzjoni,

H.

billi l-ITA għalhekk ikollha l-potenzjal li tikkontribwixxi għall-iżvilupp tar-riformi demokratiċi li qed iseħħu fit-Turkmenistan,

I.

billi l-ITA tinkludi mekkaniżmu li jagħti ċ-ċans lil kwalunkwe parti sabiex titterminaha billi tavża lill-parti l-oħra,

1.

Jinnota li wara l-bidla tal-president fit-Turkmenistan, jidher li hemm rieda li jitwettqu riformi f'oqsma ewlenin; jilqa' b'mod partikulari l-ħolqien ta' Istitut Nazzjonali għad-Demokrazija u d-Drittijiet tal-Bniedem; jinnota l-proċess ta' reviżjoni tal-Kostituzzjoni, li għandu l-għan li jsaħħaħ id-demokrazija, il-libertajiet individwali u l-istat tad-dritt; jinnota, barra minn hekk, ir-reviżjoni tal-liġi elettorali; jilqa' l-adeżjoni tat-Turkmenistan għall-konvenzjonijiet internazzjonali bħat-Tieni Protokoll Fakultattiv għall-Konvenzjoni Internazzjonali dwar id-Drittijiet Ċivili u Politiċi, li jimmira biex jabolixxi l-piena tal-mewt u l-Konvenzjoni dwar id-Drittijiet Politiċi tan-Nisa; jilqa' r-riformi tas-sistema edukattiva, bil-għan li titjieb il-kwalità u tiżdied l-ugwaljanza għall-istudenti;

2.

Jitlob lill-Gvern tat-Turkmenistan biex jimxi malajr lejn id-demokrazija u r-rispett tal-istat tad-dritt; jitlob, b'mod partikulari, li jsiru elezzjonijiet miftuħa u demokratiċi, li tingħata l-libertà tar-reliġjon, li jseħħ l-iżvilupp ta' soċjetà ċivili ġenwina, il-ħelsien tal-priġunieri politiċi u l-priġunieri ta' kuxjenza kollha, it-tneħħija tar-restrizzjonijiet fuq l-ivvjaġġar, u l-aċċess għal osservaturi indipendenti;

3.

Jisħaq fuq il-ħtieġa li l-Unjoni Ewropea tkompli tħeġġeġ dawn l-iżviluppi; jenfasizza li l-attivitajiet tal-Gvern tat-Turkmenistan iridu jinflew bir-reqqa u b'mod regolari;

4.

Jitlob lill-Kunsill u lill-Kummissjoni biex iżommuh informat, b'mod regolari u sostantiv, dwar il-qagħda tad-drittijiet tal-bniedem fit-Turkmenistan;

5.

Jiddeplora l-fatt li, f'bosta oqsma, b'mod partikulari d-drittijiet tal-bniedem u d-demokrazija, il-qagħda għadha mhix soddisfaċenti; jiġbed l-attenzjoni b'mod partikulari għall-ħtieġa li l-priġunieri politiċi kollha jinħelsu bla kundizzjonijiet; jenfasizza l-importanza tat-tneħħija tal-ostakoli għall-ivvjaġġar ħieles u għall-aċċess ħieles għall-osservaturi indipendenti, fosthom is-Salib l-Aħmar Internazzjonali; jitlob għal aktar titjib fil-libertajiet ċivili, inklużi għall-NGOs; jenfasizza l-ħtieġa li jiġu implimentati riformi fil-livelli kollha u fl-oqsma kollha tal-amministrazzjoni;

6.

Jisħaq fuq l-importanza tar-relazzjonijiet ekonomiċi u kummerċjali għall-ftuħ tas-soċjetà Turkmena u t-titjib tal-qagħda demokratika, ekonomika u soċjali taċ-ċittadini Turkmeni;

7.

Iqis li l-ITA, filwaqt li tistipula regoli dwar ir-relazzjonijiet ekonomiċi, tista' tkun pass lejn relazzjonijiet sodi u sostenibbli bejn l-Unjoni Ewropea u t-Turkmenistan u lieva potenzjali għat-tisħiħ tal-proċess ta' riforma fit-Turkmenistan;

8.

Jenfasizza li l-ITA mhuwiex karta bajda għat-Turkmenistan; jitlob, għalhekk, li jkun hemm monitoraġġ strett u evalwazzjonijiet regolari tal-iżviluppi fl-oqsma ewlenja fit-Turkmenistan u, jekk xieraq, li jiġi sospiż il-ftehim jekk ikun hemm provi li l-kundizzjonijiet mhux qed jiġu sodisfatti; jitlob li jsir aġġornament regolari dwar il-monitoraġġ mill-Kummissjoni u mill-Kunsill;

9.

Jitlob lill-Kunsill u lill-Kummissjoni biex jinkludu klawżola ċara sospensiva dwar id-drittijiet tal-bniedem fil-PCA; jenfasizza li d-Dikjarazzjoni Universali tan-Nazzjonijiet Uniti dwar id-Drittijiet tal-Bniedem għandha tiġi rrispettata; jitlob lill-Kunsill sabiex jaċċetta kwalunkwe talba mill-Parlament biex jisspospendi l-ftehima;

10.

Jitlob lill-Kunsill u lill-Kummissjoni biex jinkludu wkoll klawżola ta' reviżjoni fil-PCA; jitlob li jiġi kkonsultat fuq kwalunkwe reviżjoni tal-PCA;

11.

Jirrimarka li l-PCA tirrekjedi l-kunsens tal-Parlament sabiex tidħol fis-seħħ; filwaqt li l-ITA sfortunatament ma tirrikjedix il-kunsens tiegħu, jitlob li l-punti msemmija f'din ir-riżoluzzjoni jitqiesu bis-sħiħ, minħabba li, jekk dan ma jsirx, il-kunsens tiegħu għall-PCA jista' jiġi mxekkel; bl-istess mod, għandu l-ħsieb jibbaża l-opinjoni tiegħu dwar l-ITA fuq it-tweġibiet mogħtija mill-Kunsill u mill-Kummissjoni fl-istqarrijiet tagħhom;

12.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-parlamenti tal-Istati Membri u l-Gvern u l-Parlament tat-Turkmenistan.

8.7.2010   

MT

Il-Ġurnal Uffiċjali tal-Unjoni Ewropea

CE 184/23

A.

billi l-migrazzjoni lejn l-Ewropa ser tkun dejjem parti mir-realtà sakemm ikun hemm differenzi kunsiderevoli fil-ġid u l-kwalità tal-ħajja bejn l-Ewropa u reġjuni oħra tad-dinja,

B.

billi huwa essenzjali li tintuża strateġija komuni dwar l-immigrazzjoni fl-UE, l-aktar f'żona komuni mingħajr kontrolli fuq il-fruntieri interni, fejn l-azzjoni jew in-nuqqas ta' azzjoni ta' Stat Membru għandha impatt dirett fuq stati oħra u fuq l-UE kollha,

C.

billi l-migrazzjoni mmaniġġjata b'mod dgħajjef tista' tisfratta l-koeżjoni soċjali tal-pajjiżi destinatarji u tista' tkun ukoll detrimentali għall-pajjiżi ta' oriġini kif ukoll għall-migranti stess,

D.

billi l-migrazzjoni regolari tippreżenta opportunità li minnha jgawdu il-migranti, il-pajjiż ta' oriġini tagħhom (li jgawdu mill-flus li jibagħtu lejn arthom il-migranti) kif ukoll l-Istati Membri; billi, madankollu, il-progress fil-qasam tal-migrazzjoni regolari jrid jimxi id f'id ma’ azzjoni effettiva biex tiġġieled l-immigrazzjoni irregolari, ifakkar b'mod partikolari li tali immigrazzjoni tinkoraġġixxi l-eżistenza ta' ċrieki kriminali tat-traffikar tal-bnedmin,

E.

billi politika ġenwina komuni tal-migrazzjoni għall-Komunità għandha tkun ibbażata mhux biss fuq il-ġlieda kontra l-migrazzjoni irregolari iżda wkoll fuq il-koperazzjoni ma’ pajjiżi terzi u ma’ pajjiżi ta' tranżitu u fuq politika adegwata għall-integrazzjoni tal-migranti,

F.

billi l-politiki ta' migrazzjoni Ewropej iridu jirrispettaw ir-regoli tal-liġi internazzjonali, l-aktar dawk dwar id-drittijiet tal-bniedem, id-dinjità tal-bniedem u d-dritt għall-ażil,

G.

billi l-Unjoni Ewropea hija u għandha tkompli tkun ambjent li jilqa' lil dawk li jkunu ngħataw id-dritt li jibqgħu, sew jekk ikunu immigranti li jfittxu x-xogħol, membri tal-familja, studenti jew persuni li jkunu jeħtieġu protezzjoni internazzjonali,

H.

billi l-migranti kellhom rwol essenzjali fl-iżvilupp tal-UE u tal-proġett Ewropew f'dawn l-aħħar għexieren ta' snin, u hu essenzjali li jiġu rikonoxxuti kemm l-importanza tagħhom u kemm il-fatt li l-Unjoni se tkompli jkollha bżonn ix-xogħol tal-migranti,

I.

billi, skont il-Eurostat, l-avvanz fl-età tal-popolazzjoni tal-UE se tkun realtà fuq medda ta' żmien medju, it-tnaqqis ta' kważi 50 miljun tal-popolazzjoni attiva li hija prevista sal-2060; billi l-immigrazzjoni jista' jkollha l-irwol ta' katalista biex ittejjeb ir-riżultati ekonomiċi tal-UE,

J.

billi l-aspetti tat-tkabbir u l-impjiegi tal-Istrateġija ta' Liżbona, jistgħu jkunu mfixkla min-nuqqas ta' ħaddiema, li jista' jwassal biex ma jinkisbux l-objettivi tagħha, u billi l-qgħad bħalissa qiegħed jiżdied; billi dan in-nuqqas jista' jiġi indirizzat fuq medda qasira ta' żmien permezz ta' amministrazzjoni adegwata u strutturata tal-immigrazzjoni ekonomika,

K.

billi l-migranti ħafna drabi jkunu esposti għal impjieg f'xogħol każwali, impjiegi ta' kwalità baxxa, jew impjiegi ta' taħt il-livell tagħhom ta' kwalifiki,

L.

billi l-UE għandha żżid ukoll l-isforzi tagħha sabiex tindirizza problemi ta' nuqqas ta' ħaddiema u ta' ħiliet internament, billi ddur għal setturi ta' persuni f'xogħol mhux adegwat għalihom, bħal nies b'diżabilitajiet u bi żvantaġġ edukattiv jew dawk ir-residenti li qed ifittxu l-ażil li ilhom qiegħda għal żmien twil,

M.

billi n-numru ta' immigranti nisa qiegħed jiżdied b'mod kostanti fl-UE, u jkopri bejn wieħed u ieħor 54 % tan-numru totali tal-immigranti,

N.

billi l-parti l-kbira tal-immigranti nisa jsibu problemi sinifikanti biex jintegraw u biex ikollhom aċċess għas-suq tax-xogħol minħabba l-livell baxx ta' edukazzjoni tagħhom u l-isterjotipi u prattiki negattivi li nġiebu mill-pajjiżi ta' oriġini tagħhom, kif ukoll tal-isterjotipi negattivi u d-diskriminazzjoni li jeżistu fl-Istati Membri; billi, madankollu, ħafna nisa żgħażagħ b'livell għoli ta' edukazzjoni jaslu fl-UE biex jieħdu xogħlijiet li relattivament ma jirrikjedux kwalifiki,

1.

Jappoġġja bis-sħiħ it-twaqqif ta' politika komuni Ewropea għall-immigrazzjoni msejsa fuq livell għoli ta' solidarjetà politika u operazzjonali, fiduċja reċiproka, trasparenza, sħubija, responsabilità maqsuma u sforzi konġunti permezz ta' prinċipji komuni u azzjonijiet konkreti, kif ukoll il-valuri minquxa fil-Karta tad-Drittijiet Fundamentali tal-Unjoni Ewropea;

2.

Itenni li l-immaniġġjar tal-flussi ta' migrazzjoni għandu jkun ibbażat fuq approċċ koordinat waqt li titqies is-sitwazzjoni demografika u ekonomika tal-UE u tal-Istati Membri tagħha;

3.

Jikkunsidra li l-iżvilupp ta' politika komuni dwar l-immigrazzjoni jista' jibbenefika sostanzjalment minn konsultazzoni ikbar u regolari ma’ rappreżentanti tas-soċjetà ċivili, bħalma huma organizzazjonijiet li jaħdmu għall-komunitajiet tal-migranti jew li jaħdmu magħhom;

4.

Jiddispjaċih li, sa issa, sar ftit wisq biex tiġi stabbilita politika komuni tal-immigrazzjoni legali u jilqa’ b'sodisfazzjon l-istrumenti leġiżlattivi ġodda adottati fi ħdan il-qafas tal-politika komuni Ewropea għall-immigrazzjoni legali;

5.

Jenfasizza li politika Ewropea komuni dwar l-immigrazzjoni li tkun koerenti u bbilanċjata żżid fil-kredibilità tal-UE fir-relazzjonijiet tagħha ma’ pajjiżi terzi;

6.

Itenni li l-immaniġġjar effettiv tal-migrazzjoni jeħtieġ l-involviment tal-awtoritajiet reġjonali u lokali u sħubija u koperazzjoni ġenwina mal-pajjiżi terzi ta' oriġini u ta' tranżitu, li spiss jieħdu l-impressjoni li xi deċiżjonijiet jiġu imposti fuqhom b'mod unilaterali; jenfasizza li tali koperazzjoni tista' tinkiseb biss meta l-pajjiż terz jirrispetta l-liġijiet internazzjonali dwar id-drittijiet tal-bniedem u l-protezzjoni, u jkun firmatarju tal-Konvenzjoni ta' Ġinevra dwar l-Istatus tar-Refuġjati tal-1951;

7.

Iqis li l-immigrazzjoni lejn l-UE mhix is-soluzzjoni biex jingħelbu l-isfidi li qed iħabbtu wiċċhom magħhom il-pajjiżi li qed jiżviluppaw, u li politika komuni dwar l-immigrazzjoni għandha topera id f'id ma’ politika effettiva għall-iżvlupp tal-pajjiżi tal-oriġini;

8.

Jilqa’ b'sodisfazzjon l-adozzjoni ta' Patt Ewropew dwar l-Immigrazzjoni u l-Ażil imsemmi hawn fuq u l-azzjonijiet, għodod u proposti mressqa mill-Kummissjoni fil-Komunikazzjoni tagħha msemmija hawn fuq dwar Politika Komuni Ewropea dwar l-Immigrazzjoni: Prinċipji, Azzjonijiet u Għodod; jistieden lill-Kunsill u lill-Kummissjoni sabiex mingħajr dewmien jimxu għall-fażi ta' implimentazzjoni ta' dawn l-impenji;

9.

Jilqa’ b'sodisfazzjon l-implikazzjonijiet istituzzjonali tat-Trattat ta' Liżbona, b'mod partikulari l-estensjoni ta' kodeċiżjoni u l-votazzjoni b'maġġoranza kkwalifikata għall-politiki kollha tal-immigrazzjoni, il-kjarifika tal-kompetenza tal-UE dwar il-viżi u l-kontrolli fuq il-fruntieri, l-estensjoni tal-kompetenza tal-UE dwar l-ażil, kif ukoll dwar l-immigrazzjoni legali u irregolari;

10.

Iqis li politika komuni għall-immigrazzjoni teħtieġ ukoll it-twaqqif ta' politika komuni għall-ażil u jfakkar fir-riżoluzzjoni tiegħu msemmija hawn fuq dwar il-ġejjieni ta' Sistema Komuni Ewropea għall-Ażil (CEAS) u l-proposta tal-Kummissjoni għal regolament li jistabbilixxi Uffiċċju ta' Appoġġ Ewropew fil-qasam tal-Ażil;

11.

Jikkunsidra li l-migrazzjoni legali tibqa’ meħtieġa sabiex jiġu indirizzati l-ħtiġijiet demografiċi, il-bżonnijiet tas-suq tax-xogħol u l-ħtiġijiet ta' kompetenzi tal-Ewropa minħabba l-effett li għandhom fuq l-ekonomija t-tnaqqis demografiku u l-fatt li l-popolazzjoni tixjieħ; hija tikkontribwixxi wkoll għall-iżvilupp ta' pajjiżi terzi permezz taċ-ċiklu ta' skambju ta' għarfien u know how u permezz tat-trasferiment tal-flus li jintbagħtu lura lejn art l-immigranti; jitlob għall-implimentazzjoni ta' sistemi sikuri li jiffaċilitaw dawn it-trasferimenti finanzjarji lejn pajjiżi terzi;

12.

Iqis li l-migrazzjoni regolari għandha tkun l-alternattiva għall-immigrazzjoni irregolari peress li din toffri dħul legali, sikur u organizzat għall-Unjoni Ewropea;

13.

Ifakkar li l-projezzjonijiet ippreżentati mill-Kummissjoni jistmaw il-ħtieġa ta' 60 miljun ħaddiem migrant sal-2050 u dan jeħtieġ il-ftuħ ta' kanali għall-migrazzjoni legali;

14.

Jenfasizza l-ħtieġa ta' evalwazzjoni komprensiva tal-ħtiġijiet ta' kompetenzi u tal-ħtiġijiet tas-suq tal-UE; iqis, madankollu, li kull Stat Membru għandu jibqagħlu l-kontroll fuq in-numru ta' persuni meħtieġa għall-bżonnijiet tas-suq tax-xogħol tiegħu u jqis il-prinċipju ta' Preferenza Komunitarja sakemm il-miżuri tranżitorji japplikaw;

15.

Jappoġġja l-iżilupp ta' “Profili tal-Immigrazzjoni” nazzjonali bl-iskop li jagħti stampa integrata tas-sitwazzjoni tal-immigrazzjoni fi ħdan kull Stat Membru f'kull ħin, u l-ħtiġijiet tas-suq tax-xogħol għandhom ikunu l-aspett ċentrali ta' dawn il-profili;

16.

Itenni l-ħtieġa li l-UE ssir aktar attraenti għall-ħaddiema bi kwalifiki għolja, anki permezz tad-disponibilità ta' informazzjoni dwar id-destinazzjoni u s-swieq tax-xogħol ospitanti, filwaqt li jitqiesu l-implikazzjonijiet li dan jista' jkollu fuq it-tluq tal-aħjar imħuħ mill-pajjiżi ta' oriġini; iqis li t-telf tal-aħjar imħuħ jista' jittaffa permezz ta' migrazzjoni temporanja jew ċirkolari, billi jiġi pprovdut taħriġ fil-pajjiżi ta' oriġini sabiex jiġu ppreservati postijiet tax-xogħol f'setturi ewlenin, b'mod partikolari l-edukazzjoni u s-saħħa, u billi jiġu ffirmati ftehimiet ta' koperazzjoni mal-pajjiżi ta' oriġini; jitlob lill-Istati Membri biex ma jagħmlux reklutaġġ attiv tal-persunal f'pajjiżi li qed jiżviluppaw li jsofru min-nuqqas ta' riżorsi umani fis-setturi fundamentali bħal dak tas-saħħa u l-edukazzjoni;

17.

Jitlob lill-Kummissjoni u lill-Istati Membri biex jiżviluppaw mekkaniżmi, linji gwida u strumenti oħra li jiffaċilitaw il-migrazzjoni ċirkolari u temporanja kif ukoll miżuri, b'koperazzjoni mal-pajjiżi ta' oriġini, biex jikkumpensaw għat-telfien tar-riżorsi umani, filwaqt li joffru appoġġ konkret għat-taħriġ ta' professjonisti f'setturi fundamentali li jonqsu minħabba dan it-telf ta' kapaċitajiet;

18.

Jilqa’ b'sodisfazzjon l-approċċ imniedi mid-dokument dwar il-“karta blu” għal Politika Komuni għall-Immigrazzjoni legali, iżda jitlob lill-Istati Membri biex jersqu iktar lejn regoli komuni għal politika tal-immigrazzjoni li ma tillimitax ruħha għal ħaddiema b'ħiliet speċjalizzati biss;

19.

Jesprimi s-sodisfazzjon tiegħu għall-adozzjoni tal-karta blu dwar il-kundizzjonijiet tad-dħul u tar-residenza ta' ċittadini ta' pajjiżi terzi għall-finijiet ta' impjieg bi kwalifiki għolja u jħeġġeġ lill-Kummissjoni biex tippreżenta inizjattivi għall-kategoriji oħra tal-impjieg kemm jista' jkun malajr, anki bil-għan li ssir reazzjoni kontra l-immigrazzjoni irregolari u l-isfruttament tal-immigranti mhux reġistrati;

20.

Jitlob għal miżuri ġodda biex jiffaċilitaw aktar l-akkoljenza ta' studenti u riċerkaturi u l-moviment tagħhom fl-UE;

21.

Jiġbed l-attenzjoni dwar l-importanza tar-rikonoxximent tal-kompetenzi tal-immigranti, b'mod partikolari billi tingħata attenzjoni partikulari għall-kwalifiki formali, mhux formali u informali miksuba fil-pajjiż ta' oriġini tagħhom; iqis li dan ir-rikonoxximent se jeħodha kontra l-ħela tal-ħiliet li ta' sikwit qed jidher fost l-immigranti, primarjament in-nisa, li jispiċċaw f'impjiegi li għalihom huma kkwalifikati żżejjed;

22.

Jitlob lill-Kummissjoni biex tqis, fid-dokumenti futuri dwar is-suġġett, il-kwistjoni tar-rikonoxximent tal-kompetenzi, kif ukoll l-inċentiv għat-tagħlim tul il-ħajja, filwaqt li tiżgura wkoll li l-Istati Membri jipprovdu lill-immigranti b'opportunitajiet biex jitgħallmu l-lingwa tal-pajjiż biex tkun żgurata l-integrazzjoni soċjali, professjonali u kulturali tagħhom fl-Unjoni Ewropea u jagħtuhom kompetenza aħjar sabiex jgħinu fl-iżvilupp tat-tfal tagħhom; jitlob ukoll lill-Kummissjoni biex tagħmel użu mir-riżultati tad-deliberazzjonijiet dwar l-edukazzjoni lingwistika ta' tfal immigranti u t-tagħlim fl-Istat Membru ta' residenza tal-lingwa u l-kultura tal-pajjiż ta' oriġini u jitlob li l-qafas li se jkun propost jirrispetta l-prinċipji ta' sussidjarjetà u proporzjonalità;

23.

Jirrijafferma li n-netwerk EURES huwa wieħed mill-istrumenti adegwati biex ilaqqa’ l-provvista u d-domanda tas-suq tax-xogħol b'mod trasparenti, responsabbli u effiċjenti; għaldaqstant jirrakkomanda l-firxa tal-kunċett tan-netwerk EURES sabiex jiffaċilita l-kuntatt bejn l-Ewropej li jimpjegaw li jfittxu ħaddiema bi kwalifiki preċiżi u kandidati għall-impjieg li ġejjin minn pajjiżi terzi; jipproponi li Ċentri Speċjali (li jeżistu jew li jridu jitwaqqfu) jew ir-rappreżentazzjonijiet tal-UE fil-pajjiżi terzi jintużaw bħala pjattaforma ta' dan it-tixrid tan-netwerk EURES, u li tkun żgurata l-kontinwità u t-tixrid tiegħu fir-rigward tal-istrumenti u tal-appoġġ għal min jaħdem għal rasu jew għall-użu tal-mikrokreditu; jenfasizza li l-bżonn tal-Ewropa għal ħaddiema speċjalizzati m'għandux iwassal għat-telf tal-aħjar imħuħ (“brain drain”) ta' pajjiżi terzi, b'konsegwenza ta' danni lill-ekonomiji emerġenti u lill-infrastruttura soċjali tagħhom;

24.

Huwa tal-opinjoni li immigranti mill-hekk imsejħa pajjiżi terzi għandhom ikunu mogħtija d-dritt għal mobiltà fl-UE, sabiex – bħala residenti legali fi Stat Membru – ikunu jistgħu jaħdmu bħala ħaddiema li jaħdmu bejn il-fruntieri fi Stat Membru ieħor mingħajr ma jkunu meħtieġa li japplikaw għal permess tax-xogħol, u li dawn l-immigranti għandhom ikunu mogħtija moviment ħieles u totali bħala ħaddiema wara perjodu ta' ħames snin ta' residenza legali fi Stat Membru;

25.

Jenfasizza l-importanza tal-koordinazzjoni bejn l-awtoritajiet lokali u reġjonali, li għandhom responsabilità partikolari għat-taħriġ, u l-awtoritajiet nazzjonali u Ewropej fil-qasam tal-amministrazzjoni tal-ħtiġiet tas-suq tax-xogħol, b'konformità mal-prinċipju tal-preferenza tal-Komunità; jenfasizza li koperazzjoni bħal din hija fundamentali għall-implimentazzjoni effettiva ta' politika dwar l-immigrazzjoni li tista' ttaffi n-nuqqas tal-ħaddiema li nstab f'ċerti setturi u fl-Istati Membri, u għall-integrazzjoni effiċjenti u adegwata tal-immigranti;

26.

Jistieden lill-Kummissjoni tpoġġi għad-dispożizzjoni fil-pajjiżi ta' oriġini tagħrif dwar il-possibiliatjiet tal-migrazzjoni legali kif ukoll dwar id-drittijiet u l-obbligi tal-migranti ġaladarba jkunu waslu fl-UE;

27.

Jitlob lill-Istati Membri biex jużaw b'mod sodisfaċenti l-mekkaniżmi ta' finanzjament tal-Komunità li jirrigwardaw il-politika tal-immigrazzjoni sabiex joħolqu iktar impjiegi u impjiegi aħjar għall-immigranti;

28.

Jenfasizza li l-integrazzjoni tkattar id-diversità kulturali fl-UE u għandha tkun ibbażata fuq l-inklużjoni soċjali, l-anti-diskriminazzjoni u l-opprtunitajiet ugwali, bil-possibilità ta' aċċess għas-saħħa, l-edukazzjoni, it-taħriġ fil-lingwa u l-impjieg; iqis li l-politiki ta' integrazzjoni għandhom ikunu bbażati fuq programmi innovattivi u jirrikonoxxi s-sehem ewlieni tal-awtoritajiet lokali u reġjonali, l-għaqdiet tal-ħaddiema, l-organizzazzjonijiet tal-immigranti, il-federazzjonijiet u l-assoċjazzjonijiet professjonali fl-integrazzjoni tal-immigranti;

29.

Jappoġġja l-isforzi ta' integrazzjoni magħmula mill-Istati Membri, kif ukoll mill-migranti regolari u dawk li jibbenefikaw minn protezzjoni internazzjonali, filwaqt li jitqiesu l-identità u l-valuri tal-UE u tal-Istati Membri tagħha, inkluż ir-rispett għad-drittijiet tal-bniedem, għall-istat tad-dritt, għad-demokrazija, għat-tolleranza u għall-ugwaljanza, għal-libertà ta'opinjoni u l-iskola obbligatorja għat-tfal; ifakkar li l-integrazzjoni hija proċess minn żewġ naħat li jinvolvi aġġustamenti kemm min-naħa tal-immigranti kif ukoll mill-popolazzjoni ospitanti kif stabbilit mill-prinċipji bażiċi komuni (CBPs) adottati mill-Kunsill, u tista' tibbenefika mill-iskambju tal-aħjar prattiki; jagħraf li l-integrazzjoni hija aktar diffiċli li tintlaħaq fl-Istati Membri li qed iħabbtu wiċċhom ma’ pressjonijiet sostanzjali ta' migrazzjoni minħabba s-sitwazzjoni ġeografika partikolari tagħhom, iżda li m'għandhomx, madankollu, jiġi abbandunati bħala għan; jistieden lil Stati Membri oħra jikkontribwixxu biex jittaffew pressjonijiet bħal dawn fi spirtu ta' solidarjetà, billi tiġi ffaċilitata l-integrazzjoni tal-benefiċjarji ta' protezzjoni internazzjonali li huma fi ħdan l-Istati Membri tal-UE, b'mod parallel mal-promozzjoni tal-migrazzjoni legali;

30.

Jenfasizza li proċess tajjeb ta' integrazzjoni huwa l-aqwa għodda biex jelimina n-nuqqas ta' fiduċja u s-suspett bejn iċ-ċittadini nattivi u l-migranti u huwa fundamentali biex jitneħħew l-ideat u l-azzjonijiet ksenofobiċi kollha;

31.

Jinkoraġġixxi l-iżvilupp ta' mekkaniżmi ta' tagħlim reċiproku u l-iskambju tal-aqwa prattiki bejn l-Istati Membri sabiex tissaħħaħ il-kapaċità tal-pajjiżi ospitanti li jimmaniġġjaw id-diversità li dejjem qed tikber u anke sistema ta' indikaturi komuni u kapaċità statistika adattata biex tiġi użata mill-Istati Membri biex jevalwaw ir-riżultati tal-politika dwar l-immigrazzjoni;

32.

Ifakkar li l-parteċipazzjoni politika u ċivika tal-migranti għandha tkun imtejba bħala parti mill-proċess tal-integrazzjoni, notament billi tiżdied il-parteċipazzjoni fl-edukazzjoni politika u ċivika, u l-parteċipazzjoni u rappreżentazzjoni tal-immigranti fl-oqsma kollha tat-tmexxija, soċjeta ċivili u t-teħid ta' deċiżjonijiet u ta' tfassil tal-politika;

33.

Jilqa’ b'sodisfazzjon l-inizjattiva tal-Kummissjoni u tal-Kumitat Ekonomiku u Soċjali Ewropew li tissaħħaħ il-koerenza tal-politiki ta' integrazzjoni bl-implimentazzjoni tal-Forum Ewropew ta' Integrazzjoni li għandu l-parteċipzzjoni u l-involviment tal-organizzazzjonijiet soċjali u tal-assoċjazzjonijiet tal-immigranti u li għandu bħala għan l-iskambju tal-esperjenzi u t-tfassil ta' rakkomandazzjonijiet; jitlob lill-Istati Membri biex jikkoordinaw l-isforzi tagħhom fl-integrazzjoni bl-iskambju tal-aqwa prattiki li jinsabu fil-pjanijiet nazzjonali ta' integrazzjoni tagħhom;

34.

Jitlob lill-Kummissjoni tagħti appoġġ finanzjarju li jkun xieraq skont l-integrazzjoni strutturali u kulturali tal-immigranti ukoll permezz ta' programmi tal-Unjoni Ewropea, pereżempju t-“Tagħlim Tul il-ħajja”, iċ-“Ċittadini għall-Ewropa”, iż-“Żgħażagħ Attivi” u l-“Kultura 2007-2013”; jinnota li bosta drabi l-għalliema qajla huma mħejjija għal għadd kbir ta' tfal immigranti fil-klassijiet u jitlob li jkun hemm taħriġ aħjar għall-għalliema u sostenn finanzjarju xieraq;

35.

Jinnota li l-programmi skolastiċi u ta' tagħlim tul il-ħajja għandhom rwol essenzjali fil-proċess ta' integrazzjoni fl-iżvilupp tal-ħiliet, b'mod partikulari dawk lingwistiċi; iqis ukoll li l-parteċipazzjoni mingħajr xkiel f'dawn il-programmi ta' taħriġ u ta' tagħlim tul il-ħajja għandhom ikunu jedd u opportunità għall-immigranti li jkunu għadhom kemm waslu;

36.

Jitlob lill-Kummissjoni u l-Istati Membri sabiex ikomplu jippromovu politiki kontra d-diskriminazzjoni, inkluż dawk implimentati mill-awtoritajiet pubbliċi;

37.

Jistieden lill-Istati Membri jirrispettaw u jappoġġjaw id-direttivi relevanti: id-Direttivi tal-Kunsill 2000/78/KE (17), 2000/43/KE (18) u 2004/113/KE (19), fil-ġlieda kontra d-diskriminazzjoni;

38.

Jistieden lill-Istati Membri biex jirratifikaw il-Konvenzjoni Internazzjonali dwar il-Protezzjoni tad-Drittijiet tal-Ħaddiema Immigranti Kollha u tal-Membri tal-Familja Tagħhom adottata mill-Assemblea Ġenerali tan-NU fit-18 ta' Diċembru 1990 (20);

39.

Jitlob lill-Kummissjoni sabiex tiġbor data relatata mas-sessi rigward l-immigrazzjoni fl-UE, u sabiex tħejji għall-analiżi ta' din id-data mill-Istitut Ewropew għall-Ugwaljanza Bejn is-Sessi sabiex jiġu enfasizzati aktar il-ħtiġijiet u l-problemi partikolari tal-immigranti nisa u l-miżuri l-aktar xierqa biex dawn jiġu integrati fis-soċjetajiet tal-pajjiżi li qed jospitawhom;

40.

Jistieden l-Istati Membri biex iqisu b'mod korrett, fid-definizzjoni tal-politiki tagħhom dwar l-integrazzjoni, id-dimensjoni tas-sessi u dwar is-sitwazzjoni speċifika u l-bżonnijiet tan-nisa migranti;

41.

Jitlob lill-Istati Membri biex jiggarantixxu r-rispett għad-drittijiet fundamentali tan-nisa immigranti, irrispettivament minn jekk ikollhomx status legali;

42.

Jitlob lill-Istati Membri biex jappoġġjaw kampanji ta' informazzjoni mmirati lejn nisa migranti, maħsubin biex jinformawhom dwar id-drittijiet tagħhom, il-possibilitajiet għall-edukazzjoni u t-taħriġ tal-lingwi, it-taħriġ professjonali u l-aċċess għall-impjiegi, u biex jipprevjenu ż-żwiġijiet irranġati, il-mutilazzjoni ġenitali femminili u forom oħra ta' sfurzar mentali jew fiżiku;

43.

Jenfasizza l-bżonn ta' pjan komprensiv (master plan) li jistabbilixxi l-objettivi ġenerali u l-arkitettura tal-istrateġija għall-immaniġġjar tal-fruntieri tal-UE, inklużi d-dettalji li juru kif il-programmi u l-iskemi kollha relatati f'dan il-qasam jistgħu jiġu ottimizzati aħjar; huwa tal-fehma li, meta titqies l-arkitettura tal-istrateġija għall-immaniġġjar tal-fruntieri tal-UE, il-Kummissjoni għandha tanalizza l-ewwel l-effikaċja tas-sistemi tal-ġestjoni tal-fruntieri tal-Istati Membri li diġà jeżistu, sabiex jinkisbu s-sinerġiji ottimali bejniethom u biex tipprovdi aktar informazzjoni dwar l-effettività tas-sistemi ġodda proposti meta mqabbla mal-ispiża: Dħul/Ħruġ, Sistema ta' Awtorizzazzjoni Elettronika tal-Ivvjaġġjar, Kontroll Awtomatizzat tal-Fruntieri u Programm tal-Vjaġġatur Reġistrat, fi ħdan il-qafas tal-ġestjoni integrata tal-fruntieri tal-UE;

44.

Jenfasizza li l-immaniġġjar integrat tal-fruntieri jeħtieġ li jilħaq bilanċ tajjeb bejn l-assigurazzjoni tal-moviment ħieles tul il-fruntieri ta' numru ta' nies li dejjem jiżdied u l-assigurazzjoni ta' sigurtà ikbar għaċ-ċittadini tal-UE; ma jiċhadx li l-użu tad-dejta joffri vantaġġi ċari; fl-istess ħin, huwa tal-opinjoni li l-fiduċja pubblika fl-azzjoni tal-gvern tista' tinżamm biss jekk jiġu pprovduti ħarsien suffiċjenti tal-protezzjoni tad-dejta, superviżjoni u mekaniżmi ta' rimedju;

45.

Jitlob għal evalwazzjoni tal-vijabilità ta' approċċ integrat b'erba’ livelli, fejn il-kontrolli jistgħu jsiru b'mod sistematiku f'kull stadju li fih l-immigranti jkunu qed jivvjaġġjaw fl-Unjoni;

46.

Jenfasizza l-fatt li l-istrateġija tal-fruntieri tal-UE għandha tkun kumplimentata wkoll b'miżuri konkreti mmirati għat-tisħiħ tal-fruntieri tal-pajjiżi terzi fi ħdan il-qafas tas-Sħubija Afrika-UE u l-Politika Ewropea tal-Viċinat (Is-Sħubija tal-Lvant, EUROMED);

47.

Jitlob sabiex il-viżi ta' Schengen nazzjonali attwali jinbidlu b'viżi ta' Schengen Ewropej li jkunu uniformi, sabiex jitħalla li jkun hemm trattament ugwali ta' dawk kollha li japplikaw għall-viża; jixtieq li jiġi infurmat dwar l-iskeda preċiża u d-dettalji kemm tal-istudju dwar il-politika kif ukoll l-istudju tekniku tal-Kummissjoni li se janalizza l-vijabilità, l-implikazzjonijiet prattiki u l-impatt ta' sistema li tirrikjedi li ċittadini ta' pajjiżi terzi jiksbu awtorizzazzjoni elettronika għas-safar qabel ma jsiefru lejn territorju tal-UE (Sistema ta' Awtorizzazzjoni Elettronika tal-Ivvjaġġjar, ESTA); jappella għat-titjib tal-koperazzjoni bejn il-konsulati tal-Istati Membri u servizzi konsulari konġunti għall-viżi jiġu stabbiliti gradwalment;

48.

Jitlob lill-Kunsill biex jadotta mekkaniżmi bbażati fuq s-solidarjetà bejn l-Istati Membri b'tali mod li jiġu allokati l-obbligi li ġejjin mill-kontroll tal-fruntieri u biex jikkoordina l-politiki nazzjonali tal-istess Stati Membri;

49.

Jikkunsidra l-ġlieda effikaċi kontra l-immigrazzjoni irregolari bħala parti kruċjali mill-politika komprensiva tal-UE dwar il-migrazzjoni, u għaldaqstant jiddispjaċih li t-teħid effettiv tad-deċiżjonijiet f'dan il-qasam huwa limitat minħabba l-kapaċità insuffiċjenti tal-Istati Membri li jaħdmu tassew flimkien fl-interessi reċiproċi tagħhom;

50.

Jesprimi x-xokk tiegħu dwar it-traġedja umana li hija kkawżata mir-rotot illegali migratorji bil-baħar, l-aktar fil-fruntieri tal-baħar tan-nofsinhar tal-Unjoni, li jsegwu dawk li jitilqu mix-xtut Afrikani u jwettqu qasma perikoluża bil-baħar lejn l-Ewropa; jappella bil-qawwa għal azzjoni urġenti sabiex tintemm darba għal dejjem din it-traġedja umana u biex jissaħħu d-djalogu u l-koperazzjoni mal-pajjiżi ta' oriġini;

51.

Ifakkar li l-immigrazzjoni irregolari ħafna drabi hija organizzata minn netwerks kriminali, li s'issa wrew li kienu aktar effettivi mill-azzjoni komuni Ewropea; jinsab konvint li tali netwerks huma responsabbli għall-mewt ta' mijiet ta' persuni li jitilfu ħajjithom fil-baħar kull sena; ifakkar li l-Istati Membri, f'konformità mal-obbligazzjonijiet internazzjonali, għandhom responsabilità komuni fis-salvataġġ tal-ħajjiet fil-baħar; jistieden, għaldaqstant, lill-Kummissjoni u lill-Kunsill biex jirdoppjaw l-isforzi tagħhom fil-ġlieda kontra l-kriminalità organizzata, it-traffikar tal-bnedmin u l-kontrabandu li jseħħu f'partijiet varji tal-UE, u b'mod partikolari biex jippruvaw iżarmaw in-netwerks, billi jitrattaw mhux biss il-kuntrabandisti tal-bnedmini, li mhumiex għajr il-pern viżibbli, iżda għal dawk li, fil-quċċata tal-iskala, jagħmlu l-aktar profitt minn dawn l-attivitajiet kriminali;

52.

Jitlob lill-Kummissjoni tintensifika l-programmi ta' kuxjenza f'pajjiżi ta' tranżitu u ta' oriġini dwar il-perikli tal-immigrazzjoni irregolari;

53.

Jilqa’ b'sodisfazzjon l-adozzjoni tad-Direttiva l-ġdida dwar is-sanzjonijiet kontra min iħaddem lil ċittadini minn pajjiżi terzi b'residenza illegali u jqis li din hi għodda effettiva li tikkontrolla l-isfruttament ta' ħaddiema migranti u li tnaqqas l-attrazzjoni ta' wieħed mill-fatturi ewlenin li jimmotiva l-immigrazzjoni irregolari;

54.

Iħeġġeġ l-Istati Membri biex ma jdewmux it-traspożizzjoni tad-Direttiva l-ġdida li tipprevedi sanzjonijiet għal min iħaddem lill-immigranti li jinsabu f'sitwazzjoni illegali;

55.

Jemmen li huwa essenzjali li jiġu msaħħa l-mezzi ta' djalogu mal-pajjiżi ta' oriġini u li jiġu stabbiliti ftehimiet dwar il-koperazzjoni ma’ dawn il-pajjiżi, bil-għan li l-fenomenu inuman u katastrofiku tal-migrazzjoni irregolari jiġi eliminat;

56.

Iqis li minkejja ż-żidiet kontinwi fil-mezzi finanzjarji li dwarhom insista l-Parlament, l-Aġenzija Ewropea għall-Immaniġġjar tal-Koperazzjoni Operattiva fil-Fruntieri Esterni ta' l-Istati Membri tal-Unjoni Ewropea (FRONTEX) għadha mhix kapaċi tipprovdi koordinazzjoni suffiċjenti tal-isforzi għall-kontroll fuq il-fruntieri esterni tal-Unjoni, minħabba l-mandat limitat tagħha u minħabba nuqqas ta' sforz fl-involviment ta' pajjiżi terzi speċjalment fejn jikkonċerna operazzjonijiet marittimi;

57.

Jilqa’ b'sodisfazzjon l-inizjattiva tal-Kummissjoni għal proposta biex issir reviżjoni tal-mandat tal-FRONTEX u jqis li hemm ħtieġa urġenti li din tissaħħaħ, l-aktar billi tiżdied il-kapaċità ta' koordinazzjoni tagħha u l-kapaċità tagħha li tikkoordina missjonijiet permanenti f'żoni li jħabbtu wiċċhom ma’ pressjonijiet migratorji kbar fuq talba tal-Istati Membri kkonċernati u l-kapaċità tagħha li tinvolvi pajjiżi terzi; jemmen li għandu jkun hemm enfażi fuq iż-żieda tal-analiżi ta' riskju tal-FRONTEX u l-kapaċità ta' ġbir ta' informazzjoni;

58.

Iqis li, sabiex tissodisfa l-mandat tagħha b'mod effikaċi, il-FRONTEX teħtieġ riżorsi adegwati, u mhux biss finanzjarji, u jħajjar l-użu ta' teknoloġiji ġodda għall-ġlieda kontra l-immigrazzjoni irregolari, lill-Istati Membri sabiex jaqsmu aktar il-mezzi tekniċi, u lill-Kummissjoni biex tressaq proposti leġiżlattivi sabiex tistabbilixxi solidarjetà obligatorja għall-Inventarju Ċentralizzat tat-Tagħmir Tekniku Disponibbli (CRATE) fuq l-istess bażi ta' dak maħsub għat-Timijiet ta' Intervent Rapidu fil-Fruntieri (RABITs);

59.

Jistieden lill-FRONTEX u lill-Kummissjoni sabiex iwettqu studju, li jkun jinkludi stimi, dwar il-possibilità li l-FRONTEX ikollha t-tagħmir tagħha u dwar ir-rekwiżiti għall-possibilità li l-FRONTEX minn operazzjonijiet fil-baħar issir gwardja tax-xtut tal-UE mingħajr ma jitnaqqar il-kontroll tal-Istati Membri fuq il-fruntieri tagħhom;

60.

Iqis li l-FRONTEX tista' tkun biss effettiva bis-sħiħ jekk jiżdiedu l-isforzi dwar l-azzjonijiet kumplimentari, bħall-ammissjoni mill-ġdid u l-koperazzjoni ma’ pajjiżi terzi; jistieden lill-Kummissjoni biex tappoġġja lill-FRONTEX f'dan ir-rigward;

61.

jjappoġġja l-ħolqien ta' uffiċċji speċjalizzati tal-FRONTEX biex dawn iqisu u jevalwaw aħjar is-sitwazzjonijiet speċifiċi fil-fruntieri ta' sensittività partikulari, speċjalment għall-fruntieri tal-art fil-Lvant u fruntieri tal-baħar fin-Nofsinhar;

62.

Jinnota li differenzi fl-interpretazzjoni ta' termini legali, fl-interpretazzjoni tal-liġijiet internazzjonali tal-baħar u differenzi fil-leġiżlazzjoni u fil-proċeduri nazzjonali, kollha kemm huma fixklu l-operazzjonijiet tal-FRONTEX; jitlob li jsiru studji komprensivi biex jinstab approċċ komuni u jiġu solvuti d-differenzi konfliġġenti bejn il-leġiżlazzjonijiet u l-proċeduri nazzjonali;

63.

Jitlob għal aktar koperazzjoni u koperazzjoni kostanti bejn il-FRONTEX u l-korpi u l-aġenziji nazzjonali;

64.

Jitlob għal aktar żviluppi tal-kunċett ta' EUROSUR kif ukoll billi tiġi mtejba l-koordinazzjoni bejn l-Istati Membri;

65.

Jinnota li s-sajjieda, il-bastimenti privati u l-ħaddiema privati ta' fuq il-baħar ħafna drabi jħabbtu wiċċhom ma’ immigranti illegali quddiem il-forzi navali tal-pajjiż; jenfasizza l-bżonn li tali partijiet jiġu infurmati b'mod aktar ċar dwar l-obbligi tagħhom fir rigward tal-liġi internazzjonali biex jiġu megħjuna l-immigranti meta jkunu fil-periklu u jitlob għal mekkaniżmu ta' kumpens għall-ħin ta' xogħol mitluf minħabba l-operazzjonijiet ta' salvataġġ;

66.

Jenfasizza l-fatt li hemm ħtieġa ċara għal statistika affidabbli sabiex jiġu stabbiliti għodod konkreti għall-ġlieda kontra l-migrazzjoni irregolari fil-livell ta' UE u jistieden lill-Kummissjoni biex tieħu l-miżuri meħtieġa biex tipprovdi dik l-istatistika;

67.

Iqis li l-migranti li mhumiex intitolati għal protezzjoni internazzjoanli jew li qed joqogħdu b'mod irregolari fit-territorju tal-Istati Membri jeħtieġ li jħallu t-territorju tal-Unjoni Ewropea; jinnota, f'dan ir-rigward, l-adozzjoni ta' Direttiva għar-Ritorn u jitlob sabiex l-Istati Membri, fil-qafas tat-traspożizzjoni tagħha, jiżguraw li jżommu d-dispożizzjonijiet l-aktar vantaġġużi diġà previsti fil-liġi nazzjonali tagħhom; jistieden lill-Istati Membri sabiex jiżguraw li r-ritorn jitwettaq b'rispett tal-liġi u d-dinjità tal-persuni involuti, filwaqt li tingħata preferenza għar-ritorn volontarju;

68.

Jitlob li tiġi mwaqqfa sistema ta' Servizzi ta' Pariri dwar ir-Ritorn f'ċentri ta' akkomodazzjoni magħluqin u miftħin, li jservu ta' punt ta' kuntatt għall-persuni li għandhom ix-xewqa jitgħallmu aktar dwar l-assistenza għar-ritorn;

69.

Jistieden lill-Kummissjoni tistabbilixxi monitoraġġ u appoġġ għall-mekkaniżmi ta' integrazzjoni soċjali u professjonali mill-ġdid fil-pajjiżi ta' oriġini għall-migranti li ġew irritornati f'pajjiżhom;

70.

Jistieden lill-Istati Membri biex jagħtu prijorità lill-allinjament tal-politika tagħhom ta' ammissjoni mill-ġdid fil-qafas ta' politika komuni aktar milli ta' ftehimiet bilaterali;

71.

Jitlob, fir-rigward tal-ftehimiet ta' ammissjoni mill-ġdid, sabiex il-Parlament Ewropew u l-Kumitati kompetenti tiegħu jkunu infurmati b'mod regolari, matul id-diskussjonijiet mal-pajjiżi terzi, dwar il-progress u kwalunkwe ostakolu li sabu n-negozjaturi;

72.

Jistieden lill-Kummissjoni biex tiżgura li l-Istati Membri jkollhom biss ftehimiet bilaterali ta' ammissjoni mill-ġdid ma’ pajjiżi terzi li jipprovdu garanzija totali li se jiġu rispettati d-drittijiet tal-bniedem fir-rigward ta' dawk il-persuni li jkunu qed jgħaddu minn ammissjoni mill-ġdid u li ffirmaw il-Konvenzjoni ta' Ġinevra tal-1951;

73.

Jistieden lill-Kummissjoni sabiex taħdem għall-infurzar effettiv tal-obbligu tal-pajjiżi terzi li jieħdu lura ċ-ċittadini tagħhom li jkunu qegħdin fit-territorju tal-UE b'mod irregolari, kif maħsub fl-Artikolu 13 tal-Ftehima ta' Cotonou tat-23 ta' Ġunju 2000; Jitlob għat-tisħiħ ta' dawn id-dispożizzjonijiet waqt in-negozjati dwar il-Ftehima l-ġdida tal-ACP (Afrika, Karibew u l-Istati tal-Paċifiku);

74.

Jenfasizza l-ħtieġa ta' dimensjoni Ewropea ġenwina dwar il-politika tar-ritorn permezz tar-rikonoxximent reċiproku tad-deċiżjonijiet ta' ritorn; Iħeġġeġ sabiex ikun hemm aktar koperazzjoni bejn l-Istati Membri fl-implimentazzjoni tal-proċessi ta' ritorn, kif ukoll it-tisħiħ tal-irwol tal-FRONTEX f'operazzjonijiet konġunti ta' ritorn;

75.

Jitlob sabiex tissaħħaħ il-koperazzjoni, inkluż permezz ta' koperazzjoni bejn il-konsulati, mal-pajjiżi ta' oriġini u ta' tranżitu sabiex jitħaffu l-proċeduri ta' ammissjoni mill-ġdid, u jistieden lill-Kummissjoni sabiex tevalwa l-ftehimiet eżistenti ta' ammissjoni mill-ġdid bil-għan li l-implimentazzjoni tagħhom titħaffef u sabiex iservu ta' lezzjoni għall-ftehimiet fil-ġejjieni;

76.

Jistieden lill-Kunsill biex iqis il-promulgazzjoni ta' dispożizzjonijiet leġiżlattivi bil-għan li jitwaqqaf “Laissez Passer” Ewropew li jingħata lil ċittadini minn pajjiżi terzi b'residenza illegali bil-għan li titħaffef l-ammissjoni mill-ġdid tagħhom f'pajjiżi terzi. għandha tittieħed azzjoni biex tinkorpora l-“Laissez Passer” Ewropew fil-Ftehimiet ta' Ammissjoni mill-Ġdid tal-Unjoni sabiex issir vinkolanti fil-Pajjiżi Terzi konċernati;

77.

Jiddispjaċih ferm li l-Istati Membri m'urewx biżżejjed solidarjetà meta ffaċċjati bl-isfida dejjem tikber tal-immigrazzjoni; jitlob għal reviżjoni urġenti tal-Programm ta' Qafas fuq is-Solidarjetà u l-Amministrazzjoni tal-Flussi ta' Migrazzjoni għall-perjodu 2007-2013 (21) u tal-erba' strumenti finanzjarji tiegħu sabiex ikunu jistgħu jirriflettu realtajiet ġodda li jinħolqu mill-pressjonijiet dejjem jikbru tal-migrazzjoni u sabiex jintużaw biex jindirizzaw ħtiġijiet urġenti, bħal fil-każ ta' sitwazzjonijiet ta' flussi kbar ta' immigranti;

78.

Jinnota l-impenji meħuda mill-Istati Membri fil-Patt Ewropew dwar l-Immigrazzjoni u l-Ażil imsemmi hawn fuq, fir-rigward tal-ħtieġa għas-solidarjetà; jilqa’, b'mod partikulari, l-inklużjoni ta' mekkaniżmu volontarju ta' qsim tal-piż li jippermetti r-rilokazzjoni fl-UE ta' dawk li jibbenefikaw minn protezzjoni internazzjonali, minn Stati Membri li jħabbtu wiċċhom ma’ pressjonijiet speċifiċi u disproporzjonati fuq is-sistemi nazzjonali tal-ażil tagħhom, partikolarment minħabba l-qagħda ġeografika u demografika tagħhom, lejn Stati Membri oħra, u jappella lill-Istati Membri biex jimplimentaw dawn l-impenji; jilqa’ b'sodisfazzjon ukoll l-allokazzjoni ta' 5 miljun Euro għal dan il-għan fil-baġit tal-UE għall-2009 taħt il-Fond Ewropew għar-Refuġjati; jinsisti, madankollu, dwar l-introduzzjoni ta' strumenti vinkolanti; jistieden lill-Kummissjoni sabiex timplimenta dan il-mekkaniżmu minnufih u sabiex tipproponi bla dewmien inizjattiva leġiżlattiva sabiex tistabbilixxi dan il-mekkaniżmu fuq livell Ewropew fuq bażi permanenti;

79.

Jilqa’ b'sodisfazzjon it-tfassil mill-ġdid tar-regolament ta' Dublin u d-dispożizzjonijiet proposti għal mekkaniżmu li jissospendi t-trasferimenti ta' Dublin jekk ikun hemm dubji dwar il-fatt li t-trasferimenti ta' Dublin jistgħu jwasslu għall-fatt li l-applikanti ma jgawdux minn standards adegwati ta' protezzjoni fl-Istati Membri responsabbli, b'mod partikolari, f'termini ta' kundizzjonijiet ta' akkoljenza u ta' aċċess għall-proċedura tal-ażil, kif ukoll f'każijiet fejn dawn it-trasferimenti ta' Dublin iżidu mal-piż ta' dawk l-Istati Membri li qed iħabbtu wiċċhom ma’ pressjonijiet speċifiċi u sproporzjonati minħabba, b'mod partikolari, il-qagħda ġeografika u demografika tagħhom; jenfasizza, madankollu, li dawn id-dispożizzjonijiet se jispiċċaw ikunu dikjarazzjoni politika minflok strument effikaċi li jappoġġja b'mod serju lil Stat Membru mingħajr l-introduzzjoni ta' strument vinkolanti minn żewġ naħat għall-Istati Membri kollha;

80.

Jilqa’ b'sodisfazzjon il-proposta tal-Kummissjoni għal regolament imfassal mill-ġdid dwar it-twaqqif tal-“Eurodac” għat-tqabbil tal-marki tas-swaba u jfakkar lill-Istati Membri dwar l-obbligi tagħhom li jimmarkaw is-swaba u li jibagħtu d-dejta skont ir-regolament attwali tal-Eurodac; hu tal-opinjoni li d-dejta bijometrika, bħall-marki tas-swaba, għandha tiġi sfruttata sabiex itejbu l-effikaċja ta' operazzjonijiet ta' kontroll tal-fruntieri;

81.

Jiddispjaċih li l-koperazzjoni ma’ pajjiżi terzi ma tatx biżżejjed riżultati, ħlief għall-koperazzjoni eċċezzjonali ta' Spanja ma’ pajjiżi terzi, bħas-Senegal u pajjiżi oħra tal-Afrika Sub-Saħarjana u tal-Afrika ta' Fuq; jitlob għal appoġġ immirat għall-pajjiżi terzi ta' tranżitu u ta' oriġini sabiex jingħataw għajnuna biex iwaqqfu kapaċitajiet ta' mmaniġġjar effettiv tal-fruntieri, li jinvolvu lill-FRONTEX f'missjonijiet ta' għajnuna fuq il-fruntieri f'dawk il-pajjiżi;

82.

Ifakkar lill-Kummissjoni, lill-Kunsill u lill-Istati Membri li jeħtieġ li jitkompla d-djalogu stabbilit mal-pajjiżi ta' oriġini u ta' tranżitu bi qbil mal-Konferenzi tal-Ministri UE-Afrika dwar l-immigrazzjoni u l-iżvilupp li saru fi Tripli, Rabat u Liżbona ;

83.

Jitlob għall-implimentazzjoni tal-istrumenti ta' politika żviluppati fil-qafas tal-“Approċċ Globali dwar il-Migrazzjoni” (22) kif ukoll fil-“Proċess ta' Rabat” tal-2006 dwar il-migrazzjoni u l-iżvilupp u fis-Sħubija bejn l-UE u l-Afrika dwar il-Migrazzjoni, il-Mobilità u l-Impjiegi li sar ftehim fuqu f'Liżbona f'Diċembru 2007;

84.

Jenfasizza l-importanza ta' politika ta' żvilupp fil-pajjiżi terzi ta' oriġini jew ta' tranżitu bħala mezz kif tiġi indirizzata f'ras il-għajn l-isfida tal-immigrazzjoni; jitlob li ikun hemm koordinazzjoni mtejba tal-politiki tal-Unjoni dwar l-immigrazzjoni u l-iżvilupp, filwaqt li jitqiesu bis-sħiħ l-objettivi strateġiċi bħall-Għanijiet tal-Millennju għall-Iżvilupp;

85.

Josserva, madankollu, li l-politika ta' żvilupp ma tistax tkun l-unika alternattiva għall-migrazzjoni għaliex ma jistax ikun hemm żvilupp sod mingħajr mobilità permanenti;

86.

Jitlob li jsir tisħiħ tal-koperazzjoni mal-Organizzazzjoni Internazzjonali għall-Emigrazzjoni (IOM) u ma’ organizzazzjonijiet internazzjonali oħra fit-twaqqif ta' uffiċċji reġjonali ġodda f'żoni sensittivi fejn hi meħtieġa għajnuna prattika dwar, inter alia, il-migrazzjoni legali jew ir-ritorn volontarju tal-immigranti;

87.

Jenfasizza l-importanza li jiġu stabbiliti Ċentri għall-Informazzjoni u l-Immaniġġjar tal-Migrazzjoni, bħal dak inawgurat fil-Mali f'Ottubru 2008; jemmen li ċentri bħal dawn għandhom ikunu kapaċi jikkontribwixxu b'mod sinifikattiv biex jiġu trattati problemi ta' migrazzjoni billi jiġu indirizzati l-problemi ta' migranti potenzjali, migranti li jirritornaw lura u migranti li jgħixu fl-UE; jitlob lill-Kummissjoni tipprovdi informazzjoni neċessarja dwar il-proġetti ta' twaqqif ta' ċentri oħrajn fil-qafas tas-Sħubija UE-Afrika u jitlob lill-Kummissjoni tqis il-possibiltà li jitwaqqfu ċentri bħal dawn f'pajjiżi ġirien tal-Lvant;

88.

Jenfasizza li l-ftehimiet kollha ma’ pajjiżi ta' oriġini u ta' tranżitu għandhom jinkludu kapitli dwar il-koperazzjoni fl-immigrazzjoni u jappella biex ikun hemm politika ambizzjuża ma’ pajjiżi terzi dwar il-koperazzjoni ġudizzjarja u bejn il-pulizija biex jiġu miġġielda l-organizzazzjonijiet kriminali internazzjonali li jwettqu traffikar tal-bnedmin u sabiex il-persuni kkonċernati jittellgħu l-qorti, bl-involviment tal-Europol u tal-Eurojust; jistieden ukoll lill-Kummissjoni sabiex tintensifika l-appoġġ tagħha, inkluża għajnuna finanzjarja u teknika, favur il-pajjiżi terzi biex jinħolqu kundizzjonijiet ekonomiċi u soċjali li jiskoraġġixxu lmigrazzjoni irregolari, l-attivitajiet tad-droga u l-kriminalità organizzata;

89.

Jistieden lill-Kummissjoni biex tippromwovi n-negozjati ta' ftehimiet dinjin Ewropej bħal dawk iffirmati mal-Kap Verde, biex tagħmel progress fin-negozjati dinjin li għandha mal-Marokk, is-Senegal u l-Libja u biex tippromwovi l-konklużjoni ta' ftehimiet mal-pajjiżi ta' oriġini ewlenin tal-immigrazzjoni;

90.

Jitlob biex ikun hemm appoġġ għall-pajjiżi terzi biex jiżviluppaw il-qafas nazzjonali leġiżlattiv tagħhom u biex iwaqqfu sistemi ta' immigrazzjoni u ta' ażil li jkunu konformi bis-sħiħ mal-liġi internazzjonali u jappella wkoll lill-pajjiżi terzi ta' tranżitu biex jiffirmaw u biex jonoraw il-Konvenzjoni ta' Ġinevra tal-1951;

91.

Jistieden lill-Istati Membri biex iqisu l-kwistjoni ta' “refuġjati ambjentali”, migranti li sal-lum ma jistgħux jitqiesu bħala migranti ekonomiċi, u li mhuma lanqas rikonoxxuti bħala refuġjati kif imsemmi fil-Konvenzjoni ta' Ġinevra;

92.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u l-parlamenti tal-Istati Membri.

8.7.2010   

MT

Il-Ġurnal Uffiċjali tal-Unjoni Ewropea

CE 184/35

A.

billi d-definizzjoni politika tal-politika TEN-T kif deskritta fid-Deċiżjoni Nru 1692/96/KE tal-Parlament Ewropew u tal-Kunsill tat-23 ta' Lulju 1996 dwar il-linji gwida għall-iżvilupp tan-netwerk ta' trasport trans-Ewropew (3) u d-Deċiżjoni Nru 884/2004/KE tal-Parlament Ewropew u tal-Kunsill tad-29 ta' April 2004 li emendat id-Deċiżjoni Nru 1692/96/KE dwar il-linji gwida tal-Komunità dwar l-iżvilupp tan-netwerk ta' trasport trans-Ewropew (4) wasslet għal sensiela ta' “xewqat” ta' 30 proġett prijoritarju mnebbħin prinċipalment mill-interessi nazzjonali,

B.

billi l-kompetittività esterna tat-trasport tal-merkanzija bil-ferrovija u bil-baħar meta mqabbel mat-trasport bl-art għandha tittejjeb biex ikun żgurat li jsir użu bilanċjat tal-awtostradi, ir-rotot marittimi u l-kurituri tal-merkanzija bil-ferrovija,

C.

billi t-30 proġett prijoritarju wasslu għal proposta tal-Kummissjoni maħsuba biex tipprovdi madwar EUR 20 000 000 000 ta' fondi tal-UE fil-Qafas Finanzjarju 2007-2013 lin-netwerk tat-trasport trans-Ewropew kollu kemm hu, li wara tnaqqsu għal madwar EUR 8 000 000 000, li minnhom EUR 5 300 000 000 biss għat-30 proġett prijoritarju, fuq insistenza tal-Kunsill,

D.

wara li kkunsidra n-nuqqas ta' ħila magħrufa tal-Unjoni Ewropea li tkun konformi mar-regoli tal-finanzjament tat-TEN-Ts stipulati fir-Regolament (KE) Nru 680/2007 tal-Parlament Ewropew u tal-Kunsill tal-20 ta' Ġunju 2007 li jistipula regoli ġenerali biex tingħata għajnuna finanzjarja Komunitarja fil-qasam tat-trasport trans-Ewropew u netwerks ta' enerġija (5), li toħloq inċertezza fl-ippjanar tal-finanzjament tal-proġetti,

E.

billi huwa meħtieġ li tissaħħaħ il-ħila tal-Kummissjoni li tkompli bil-proġetti kbar transkonfinali, b'mod speċjali fis-settur tal-ferroviji, li jeħtieġu koperazzjoni mill-qrib li ma taqtax bejn l-Istati Membri involuti u finanzjament fuq medda ta' ħafna snin, li jestendi lil hinn mill-qafas taż-żmien tal-qafas finanzjarju pluriennali,

F.

billi l-annessi għall-Komunikazzjoni tal-Kummissjoni tal-14 ta' Mejju 2008 msemmija hawn fuq juru li madwar 49 % tal-approprijazzjonijiet għall-proġetti tat-trasport jintnefqu fuq toroq, madwar 31 % fuq linji tal-ferroviji u madwar 9 % fuq trasport urban, imma mhuwiex preċiżament ċar liema proġetti speċifiċi huma kofinanzjati,

1.

Jagħraf li l-ewwel tentattivi biex tiġi żviluppata l-politika ta' infrastruttura ta' trasport tal-UE, imnebbħa mill-“ħoloq neqsin” tal-Mejda t-Tonda Ewropea tal-Industrijalisti (ERT), ingħataw spinta mill-Komunikazzjoni tal-Kummissjoni tat-2 ta' Diċembru 1992 bit-titolu “L-iżvilupp ġejjjieni tal-politika tat-trasport komuni”, bil-ġustifkazzjoni li għandu “jinkiseb it-tkabbir ekonomiku, il-kompetittività u l-impjiegi” u ġew iddirezzjonati tajjeb mill-ex-Kummissarju għat-Trasport Karel Van Miert; jinnota li r-Regolament tal-Kunsill (KE) Nru 2236/95 tat-18 ta' Settembru 1995 li jippreskrivi r-regoli għall-għoti tal-għajnuna finanzjarja komunitarja fil-qasam tan-netwerks trans-Ewropej (6) u d-Deċiżjoni Nru 884/2004/KE ippruvaw ikunu orjentati lejn l-objettivi msemmijin aktar ’il fuq; u jiġbed l-attenzjoni għall-istimolu mogħti lil din il-politika mill-Kummissarju responsabbli għall-affarijiet ta' enerġija u trasport, il-Viċi-President Loyola de Palacio;

2.

Jikkunsidra r-rapporti tal-Koordinaturi TEN-T bħala eżempji interessanti għal aktar koordinament u integrazzjoni f'għażla limitata ta' proġetti importanti; għalhekk jitlob lill-Kummissjoni u lill-Istati Membri biex ikomplu bl-isforzi mmirati lejn it-titjib tal-proġetti ta' prijorità eżistenti; iqis li l-investiment fuq żmien medju u fit-tul għandu jitkompla b'koerenza mal-objettiv li jitkomplew in-netwerks kollha;

3.

Jilqa' b'sodisfazzjon il-preżentazzjoni bikrija tal-Komunikazzjoni tal-Kummissjoni tal-4 ta' Frar 2009, bil-għan li jikkunsidra fundamentalment il-politika tal-infrastruttura tat-trasport tal-UE u t-TEN-T, skont l-isfidi marbuta mat-trasport ta' bħalissa u tal-ġejjieni, il-mobilità transkonfinali u l-isfidi finanzjarji, ekonomiċi, reġjonali (inklużi reġjuni żvantaġġati b'mod permanenti), soċjali, ta' sikurezza u ambjentali;

4.

F'dan ir-rigward, ma jarax il-bażi loġika għall-introduzzjoni ta' kunċett vag tal-pilastru konċettwali, li jgħabbi żżejjed il-lista ta' prijoritajiet; jemmen li bil-kuntrarju tal-għan iddikjarat mill-Kummissjoni, pilastru muri b'mod espress bħala konċettwali ma jtejjibx il-kredibilità tal-politika tat-TEN-T, li pjuttost tista' tittejjeb bl-iżvilupp ta' proġetti konkreti;

5.

Jaqbel għalhekk li jiġi żviluppat approċċ għal netwerk aktar koerenti u integrat li jirrifletti l-ħtiġiet tal-konnessjoni intermodali għaċ-ċittadini u l-merkanzija; jenfasizza għalhekk li l-prijorità għandha tingħata lill-ferroviji, lill-portijiet, lil mogħdijiet tal-ilma marittimi u interni sostenibbli u lill-konnessjoni tagħhom aktar ’il ġewwa jew il-perni intermodali tagħhom fil-ħoloq infrastrutturali mal-Istati Membri l-ġodda jew ġo fihom, u kif ukoll lil ħoloq aħjar mal-ajruporti u l-portijiet tal-baħar fin-netwerks trans Ewropej; jisħaq li għandha tingħata attenzjoni għall-bżonnijiet differenti imma kumplimentarji kemm tal-passiġġieri kif ukoll tal-merkanzija; jirrakkomanda li l-Istati Membri u l-awtoritajiet reġjonali itejbu l-istazzjonijiet intermedjarji u l-interkonnessjonijiet lokali bħala ħoloq mat-TEN-T sabiex l-ispejjeż marbuta malli wieħed ikun f'sitwazzjoni periferali jitnaqqsu kemm jistgħu;

6.

Jistieden lill-Kummissjoni biex tipprovdi appoġġ partikolari għall-proġetti ta' prijorità b'ħoloq intermodali u interoperabilità konsistenti li jgħaddu minn numru ta' Stati Membri; jinnota li l-konnessjoni ta' oqsma ekonomiċi matul dawn il-proġetti ta' prijorità huma dmirijiet nazzjonali;

7.

Jinnota b'approvazzjoni li forom ta' trasport tajbin għall-ambjent jirċievu sehem disproporzjonalment kbar ta' konsiderazzjoni fil-lista ta' proġetti ta' prijorità; jistieden lill-Kummissjoni f'dan ir-rigward biex tiżgura li dawk il-proporzjonijiet ikunu ppreservati fil-ġejjieni meta jiġu implimentati l-proġetti;

8.

Jisħaq dwar il-ħtieġa li jiġu integrati l-ħarsien tal-klima u l-iżvilupp sostenibbli għall modi kollha ta' trasport fil-politika Ewropea tal-infrastruttura sabiex ikun hemm konformità mal-miri tal-UE għat-tnaqqis fl-emissjonijiet tas-CO2;

9.

Jistieden lill-Kummissjoni biex tħeġġeġ lill-Istati Membri biex jintegraw l-leġiżlazzjoni ambjentali Ewropea fit-teħid tad-deċiżjonijiet u fl-ippjanar tal-proġetti TEN-T, bħalma huma d-Direttivi Natura 2000, SEA, EIA, dwar il-Kwalità tal-Arja, dwar il-Kwalità tal-Ilma, dwar l-Abitat, u dwar l-Għasafar kif ukoll ir-rapporti dwar il-Mekkaniżmu ta' Rappurtaġġ tat-Trasport u Ambjentali (TERM) dwar l-indikaturi għat-trasport u l-ambjent mill-Aġenzija Ewropea tal-Ambjent;

10.

Iħeġġeġ lill-Kummissjoni timminimizza dispożizzjonijiet vagi u kuntradittorji relatati ma’ dikjarazzjonijiet ta' interess komuni u l-applikazzjoni ta' leġiżlazzjoni ambjentali; jemmen, barra minn hekk, li ladarba jingħata status TEN-T lill-proġetti, l-Istati Membri m'għandhomx jabbużaw mil-leġiżlazzjoni Ewropea msemmija taħt il-paragrafu 9, sabiex jimblukkaw l-implimentazzjoni tal-proġetti TEN-T;

11.

Jistieden lill-Kummissjoni u lill-Istati Membri biex iqisu l-iżviluppi l-ġodda, bħalma huma l-kriżi finanzjarja globali, il-bidla demografika, it-tkabbir, il-pajjiżi ġirien il-ġodda, u r-rabtiet intensifikati ma' pajjiżi tal-Lvant u Mediterranji bħala fatturi relevanti għall-politika Ewropea għall-infrastruttura tat-trasport;

12.

Jenfasizza li, speċjalment fil-kuntest preżenti tal-kriżi ekonomika, l-iżvilupp tat-TEN-T u l-integrazzjoni tat-trasport fl-Unjoni ma' dak tal-pajjiżi ġirien huwa l-aktar mezz ta' min jorbot fuqu li jiżgura kemm is-sostenibilità fuq terminu ta' żmien twil tas-suq intern kif ukoll il-koeżjoni ekonomika u soċjali fl-Unjoni;

13.

Jistieden lill-Kummissjoni biex tintensifika l-isforzi tagħha biex tiżgura koordinament Ewropew aħjar tal-iżvilupp territorjali (l-Aġenda Territorjali għall-Unjoni Ewropea kif ukoll il-prinċipju tal-Koeżjoni Territorjali) u l-ippjanar tat-trasport billi titqies l-aċċessibilità reġjonali permezz ta' netwerks imsaħħa bejn ir-reġjuni; jinnota li għandhom jitqiesu d-differenzi kbar li hemm bejn żoni muntanjużi, żoni ta' max-xtajta jew gżejjer, żoni ċentrali, żoni periferali jew żoni transkonfinali, kif ukoll il-ħtieġa għall-integrazzjoni aħjar ta' sisemi ta' mobilità urbana fit-TEN-T;

14.

Jistieden lill-Kummissjoni biex tagħti prijorità partikolari għall-proġetti ewlenin relatati mar-rotot ewlenin sew ferrovjarji, sew bit-triq u sew fuq mogħdijiet tal-ilma interni sabiex jiġu żgurati ħoloq transkonfinali mal-Istati Membri l-ġodda u ma' pajjiżi terzi;

15.

Jissuġġerixxi f'dan ir-rigward li l-Perspettiva Ewropea tal-Iżvilupp tal-Ispazji (ESDP) ghandha tkun inkluża bħala l-bażi għall-ippjanar u li l-istudji disponibbli tal-ESPON għandhom jiġu inklużi bħala informazzjoni xjentifika tal-isfond u orjentata lejn l-ippjanar dwar l-iżvilupp tat-trasport;

16.

Jenfasizza l-ħtieġa li jiġu inkorporati kemm l-objettivi tal-Istrateġija ta' Liżbona u dawk tal-Pjan ta' Rkupru fl-iżvilupp tal-politika tat-TEN-T, meta wieħed iqis l-importanza ewlenija tal-mobilità, l-aċċessibilità u l-loġistika tagħhom għall-kompetittività tal-UE, u għat-titjib tal-koeżjoni territorjali;

17.

Jitlob lill-Kummissjoni u l-Istati Membri biex jintegraw kurituri ħodor, netwerks ta' ferroviji tal-merkanzija, kurituri tas-Sistema tal-Immaniġġjar tat-Traffiku tal-Ferroviji Ewropej (ERTMS), rotot ewlenin marittimi, bħal ma huma t-trasport marittimu fil-qrib, mogħdijiet tal-ilma intereni b'kapaċità limitata jew kanali magħluqin (locks) b'kapaċità mhux suffiċjenti, portijiet niexfa, pjattaformi tal-loġistika, u perni ta' mobilità urbana, kif ukoll l-estensjoni pproġettata tat-TEN-T għall-pajjiżi tal-Politika Ewropea tal-Maġar u għall-pajjiżi tal-Lvant u tal-Mediterran f'kunċett intermodali tat-TEN-T, imsejjes fuq l-azzjonijiet ippjanati favur modalitajiet aktar favur l-ambjent, aktar żguri u li jikkunsmaw anqas żejt, biex jiġi żgurat użu ottimali tat-tipi kollha ta' trasport u titħeġġeġ il-kompatibilità tal-konnessjonijiet bejn it-tipi varji ta' trasport, b'mod partikolari r-rabtiet ferrovjarji fil-portijiet; barra minn hekk, jitlob li jkun hemm konsistenza bejn il-qafas attwali u ġejjieni tat-TEN-T u l-leġiżlazzjoni proposta dwar il-kurituri tal-merkanzija bil-ferrovija;

18.

Jinnota li sa reċentament 1 % biss tal-fondi Infrastrutturali Ewropej kienu użati għall-mogħdijiet tal-ilma interni skont l-aħħar riċerka; jikkunsidra li hemm bżonn appoġġ Ewropew suffiċjenti biex tiġi żviluppata l-infrastruttura tal-mogħdijiet tal-ilma interni fl-Ewropa, sabiex jintuża l-potenzjal kollu tal- mogħdijiet tal-ilma interni bħala mod ta' trasport sostenibbli u ta' min joqgħod fuqu;

19.

Jistieden lill-Kummissjoni biex tara li jkun żgurat li l-espansjoni tat-trasport tal-merkanzija bil-ferrovija jkun intensifikat bil-ħsieb li jkun hemm effiċjenza ogħla tan-netwerk u trasport aktar mgħaġġel;

20.

Jilqa' b'sodisfazzjon f'dan ir-rigward il-proposta tal-Kummissjoni għal regolament tal-Parlament Ewropew u tal-Kunsill li jikkonċerna netwerk Ewropew tal-ferrovija għall-merkanzija kompetittiva (COM(2008)0852) u l-komunikazzjoni tal-Kummissjoni msemmija hawn fuq tat-18 ta' Ottubru 2007;

21.

Jisħaq dwar l-importanza li tkun permessa l-kondiviżjoni tal-informazzjoni fit-trasport intermodali, sabiex tiġi promossa u sostnuta l-interazzjoni bejn l-infrastruttura tas-software u tal-hardware (is-sistemi ta' informazzjoni bħalma huma ERTMS/RIS/ITS/SESAR/Galileo) u sabiex jittejjbu l-interoperabilità, il-vetturi kollha li jimxu fuq il-linji tal-ferrovija (it-tagħmir hardware u software ERTMS fil-ferroviji u t-tnaqqis tal-istorbju fil-vaguni tal-merkanzija), il-loġistika ambjentali, il-konnessjonijiet u l-perni intermodali, is-servizzi deċentralizzati tal-katina ta' provvista bieb-bieb u l-ġestjoni tal-mobilità;

22.

Jenfasizza l-importanza tal-iżvilupp ta' Sistemi ta' Trasport Intelliġenti standardizzati u armonizzati għat-TEN-T sabiex ikun hemm ġestjoni tat-trasport aktar effiċjenti, li tmexxi, aktar sigura u favorevoli għall-ambjent;

23.

Jirrakkomanda li l-implimentazzjoni tat-TEN-T tittejjeb billi jkun provdut aċċess aħjar għall-informazzjoni permezz ta' sistemi bħal ma hi s-Sistema ta' Informazzjoni TENtec billi jiġi stabbilit metodu miftuħ ta' koordinament li jinvolvi l-istabbiliment tal-limiti u l-iskambju ta l-aħjar prattika;

24.

Jiffoka fuq il-ħtieġa li tingħata spinta lill-effiċjenza tal-infrastruttura eżistenti fi ħdan il-proġetti TEN-T fit-terminu l-qasir, b'mod partikolari fejn l-implimentazzjoni ta' proġetti bħal dawn tkun diġà bdiet, sabiex il-kurituri jsiru aktar vijabbli u effiċjenti mingħajr ma jkun hemm sempliċi stennija għat-twettiq fit-terminu t-twil ta' proġetti kbar ħafna f'dawn l-istess kurituri;

25.

Jappoġġja l-“għażla strutturali 3 għat-tiswir tat-TEN-T” tal-Green Paper, jiġifieri li jkun hemm żewġ saffi konsistenti f'netwerk komprensiv, imsejsa fuq il-mapep TEN-T ta' bħalissa, u “core network” intermodali, li għad irid jiġi definit bil-ferroviji, kanali sostenibbli u portijiet u l-konnessjoni tagħhom ma ċentri loġistiċi bħala prijoritajiet;

26.

Jappoġġja l-kunċett ta' ‧netwerk prinċipali‧ li jikkonsisti f‧pilastru ġeografiku‧ u ‧pilastru konċettwali‧ li bihom il-‧pilastru konċettwali‧ fih kriterji u objettivi li jippermettu proġetti, kurituri u partijiet tan-netwerk li jkunu identifikati b'mod flessibbli biż-żmien milli pjuttost b'mod riġidu fil-bidu tal-perjodu tal-baġit għall-perjodu kollu kemm hu; huwa tal-fehma li għandu jkun possibbli li tiġi estiża l-flessibilità tat-TEN-T matul il-perjodu tal-baġit sabiex ikun hemm adattament mal-kundizzjonijiet tas-suq li jinbidlu;

27.

Jirrikonoxxi l-irwol kruċjali tal-Istati Membri, f'konsultazzjoni mal-awtoritajiet reġjonali u lokali tagħhom, partijiet interessati tas-soċjetà ċivili u l-popolazzjonijiet lokali, fid-deċiżjoni, l-ippjanar u l-iffinanzjar tal-infrastruttura tat-trasport, inkluż il-koordinament u kooperazzjoni Ewoprej transkonfinali; jistenna aktar koerenza mill-Kunsill Ewropew bejn talbiet għal proġetti TEN-T u deċiżjonijet dwar baġits TEN-T; minħabba r-reviżjoni ta' nofs it-terminu tal-Qafas Finanzjarju tal-UE kif wkoll fir-rigward tad-diskussjoni attwali dwar il-Pjan ta' Rkupru tal-UE, jitlob lill-Istati Membri biex jikkunsidraw b'mod xieraq il-kwistjoni tal-għajnuna finanzjarja neċessarja għall-infrastrutturi tat-trasport li jagħmlu parti min-netwerk tat-TEN-T bħala prijorità skont il-politika tal-UE stabbilita sa issa;

28.

Jaqbel kompletament mal-għan tal-Komunità li jitnaqqas il-piż amministrattiv u għalhekk jinkoraġġixxi b'mod qawwi lill-Kummissjoni biex tirrevedi l-oqfsa finanzjarji għall-proġetti ta' prijorità TEN-T bil-ħsieb li tkompli tinqata' l-burokrazija;

29.

Jitlob lill-Istati Membri u l-Kummissjoni biex jirrinforzaw il-koordinament tal-politiki segwiti fil-livell nazzjonali sabiex tiġi stabbilita l-konsistenza fil-ko-finanzjament u r-realizzazzjoni tal-programm TEN-T b'konformità mal-Artikoli 154 u 155 tat-Trattat KE;

30.

Jisħaq, f'dan ir-rigward, li l-kriżi finanzjarja tqiegħed pressjoni akbar fuq l-Unjoni Ewropea, l-Istati Membri u r-reġjuni biex isejsu d-deċiżjonijiet tagħhom dwar il-proġetti ta' infrastruttura tat-trasport fuq valutazzjonijiet magħmulin sodi bbażati fuq ir-rabta bejn l-ispejjeż u l-benefiċċji, is-sostenibilità u l-valur Ewropew miżjud transkonfinalment;

31.

Jinnota, madankollu, li l-investiment fl-infrastruttura tat-trasport huwa mod wieħed ewlieni kif jingħelbu l-kriżijiet ekonomiċi u finanzjarji, u għalhekk jistieden lill-Kummissjoni biex tħaffef il-proġetti infrastrutturali marbuta mat-TEN-T u ffinanzjati taħt il-fondi Strutturali u/jew ta' Koeżjoni; jistieden lill-Istati Membri biex jerġgħu jivvalutaw il-prijoritajiet ta' investiment tagħhom billi jikkunsidraw dan l-approċċ, sabiex iħaffu l-proġetti tat-TEN-T taħt ir-responsabilità tagħhom, b'mod partikolari f'sezzjonijiet transkonfinali;

32.

Ifakkar lill-Kummissjoni li l-kofinanzjament tal-UE għall-proġetti ta' infrastruttura tat-trasport mit-TEN-T, fondi ta' koeżjoni u reġjonali u l-EIB għandhom jikkorrespondu mal-kriterji li ġejjin: fattibilità ekonomika, kompetittività msaħħa, il-promozzjoni tas-suq uniku, sostenibilità ambjentali, trasparenza għat-taxpayers u l-involviment taċ-ċittadin (il-prinċipju tas-sħubija); f'dan ir-rigward, jenfasizza l-importanza tal-iżvilupp tas-sħubijiet pubbliċi-privati biex ikunu ffinanzjati l-proġetti tat-TEN-T u l-bżonn li jinstabu soluzzjonijiet flessibbli għall-problemi li jqumu f'xogħlijiet ta' dan il-kalibru (diffikultajiet ġeografiċi u tekniċi, oppożizzjoni pubblika, eċċ.);

33.

Jistieden lill-Kummissjoni biex tiżgura f'dan is-sens li proġetti valutati taħt il-programmi ta' finanzjament tal-UE jikkunsidraw l-impatt possibbli tagħhom fuq il-finanzjament nazzjonali għal investimenti neċessarji oħra li mhumiex megħjuna minn fondi tal-UE; huwa tal-fehma, b'mod partikolari, li l-approprjazzjonijiet użati mill-Istati Membri biex jissupplimentaw proġetti ffinanzjati mill-UE m'għandhomx ikunu allokati għad-detriment taż-żamma jew l-investiment fil-linji sekondarji; huwa tal-fehma, pjuttost, li l-proġetti għandhom għalhekk jitfasslu u jiġu vvalutati mill-inqas parzjalment fuq il-bażi tal-potenzjal tagħhom biex jintegraw (u mhux jabbandunaw) l-iżvilupp u ż-żamma tal-infrastruttura sekondarja supplimentari neċessarja;

34.

Jenfasizza il-ħtiġijiet ta' investiment, li qed jikbru b'mod mgħaġġel, tas-suq tat-trasport tal-ajru Ewropew taħt il-pakkett tas-Sema Waħdani Ewropew II kif ukoll l-“approċċ tas-sistema tal-avjazzjoni totali” propost; għalhekk jistieden lill-Kummissjoni biex tikkunsidra tgħolli s-sehem tal-finanzjament disponibbli għall-ajruporti u l-ATM/ANS meta tirrevedi l-qafas baġitarju tat-TEN-T;

35.

Jinnota li huma meħtieġa aktar riċerka u żvilupp dwar l-aħjar prattiki u l-aktar effiċjenti fil-finanzjament tal-infrastruttura tat-trasport u l-impatt pożittiv tagħhom fuq il-kompetittività u l-impjiegi kwantitattivi u kwalitattivi, inklużi l-esperjenzi ta' sħubijiet pubbliċi-privati f'dan ir-rigward, li diġa beda jsir fl-istudji tal-Kummissjoni li għaddejjin bħalissa;

36.

Jenfasizza l-bżonn li jitwaqqaf grupp ta' ħidma fl-Aġenzija Eżekuttiva TEN-T sabiex jiżdied l-użu tas-sħubija pubblika-privata biex jiġi ffinanzjat xi proġett jew sezzjonijiet ta' prijorità, u jkun hemm it-tixrid tas-soluzzjonijiet bħala l-aħjar prattika;

37.

Jisħaq li dipendenza miżjuda fuq l-isħubijiet pubbliċi-privati u l-Bank Ewropew tal-Investiment mhux se tkun sostitut għal porzjon sinifikanti tal-iffinanzjar baġitarju għal proġetti fuq skala kbira b'perjodu ta' ħlas lura interġenerazzjonali;

38.

Jiffavorixxi konsiderazzjoni mill-ġdid tal-baġit tat-TEN-Ts mill-Istati Membri fil-kuntest tar-reviżjoni ta' nofs it-terminu tal-perspettivi finanzjarji 2009-2010, b'ħarsa lejn it-treġġigħ lura tal-qtugħ drastiku ta' proġetti oħrajn u l-ambizzjonijiet biex jiġu żviluppati ferroviji u mogħdijiet tal-ilma li jmorru id f'id magħhom;

39.

Jenfasizza l-bżonn li jiġi allokat persentaġġ mit-taxxi għall-użu tat-triq fl-infrastruttura tat-toroq għall-finanzjament tal-proġetti TEN-T biex tiżdied l-influenza pożittiva fuq is-self;

40.

Jitlob lill-Kummissjoni telenka numru ta' eżempji ta' konnessjonijiet bil-ferrovija reġjonali transkonfinali, li ġew żarmati jew abbandunati, filwaqt li tiffavorixxi speċjalment dawk li jistgħu jiġu interkonnessi mat-TEN-T;

41.

Jitlob lill-Kummissjoni u lill-Istati Membri jqisu l-Eurovelo-Network u il-Mogħdija tal-Purtiera tal-Ħadid bħala opportunità għall-promozzjoni tan-netwerks ta' infrastruttura ċiklika transkonfinali, li jappoġġjaw il-mobilità mingħajr karozzi (magħrufa bħala soft mobility) u t-turiżmu sostenibbli;

42.

Jitlob lill-Kummissjoni, sabiex tqajjem il-kompetittività tan-netwerk kollu tal-ferrovija TEN, u tipproponi - sal-aħħar tal-mandat tagħha - inizjattiva leġiżlattiva li tikkonċerna l-ftuħ tas-swieq domestiċi tal-passiġġieri tal-ferrovija mill-1 ta' Jannar 2012;

43.

Jiddispjaċih li l-pass bil-mod tal-implimentazzjoni ta' proġetti ta' prijorità f'żoni konfinali partikolarment dawk fil-Pirinej li huma vitali għall-Peniżola tal-Iberja u Franza;

44.

Iħeġġeġ lill-Kummissjoni żżomm lill-Parlament u lill-Kunsill Ewropew imdaħħlin fil-proposti u l-għażliet (multi)annwali tagħha dwar il-kofinanzjament tal-proġetti TEN-T;

45.

Jitlob lill-Kummissjoni biex tirrapporta lill-Parlament Ewropew u l-Kunsill, għal kull proġett prijoritarju, b'mod regolari u għall-inqas darba fis-sena, dwar is-sitwazzjoni ta' kull proġett, dwar kemm wieħed jista' joqgħod fuq l-ispejjeż tal-proġett, dwar il-fattibilità ta' kull proġett u dwar iż-żmien tal-implimentazzjoni tal-proġett;

46.

Jistieden lill-Kummissjoni u l-BIE biex jissottomettu lista annwali ta' proġetti speċifiċi ko-finanzjati lill-Parlament u l-Kunsill fil-każ ta' proġetti reġjonali, ta' koeżjoni u l-ko-finanzjament tal-proġetti TEN-T mill-BIE kif diġà huwa l-każ tal-ko-finanzjament tat-TEN-T;

47.

Isostni li, mil-lat ekoloġiku u ekonomiku, is-sistemi ta' trasport multimodali, li jippermettu l-użu ta' mezzi ta' trasport differenti fuq l-istess rotta, f'ħafna każijiet huma l-unika għażla viabbli u sostenibbli għall-futur;

48.

Jisħaq li, fiż-żona Schengen li tkabbret reċentement, l-infrastruttura tat-trasport bejn l-Ewropa tal-Punent u dik tal-Lvant hija ta' sinifikanza enormi minħabba l-potenzjal ta' tkabbir ekonomiku, partikolarment fl-Istati Membri l-ġodda, li huma marbutin magħha; jitlob lill-Kummissjoni u lill-Istati Membri biex jiżviluppaw u jħeġġu l-kollegamenti transnazzjonali bit-triq u bil-ferrovija bejn l-Ewropa tal-Lvant u dik tal-Punent, u jagħtu appoġġ partikolarment għall-infrastruttura transkonfinali tat-trasport permezz ta' programm ta' azzjoni speċifiku implimentat b'kooperazzjoni ma' awtoritajiet lokali, reġjonali u nazzjonali; jenfasizza wkoll li interkonnessjoni aħjar tat-TEN-T u ta' netwerks ta' trasport ta' pajjiżi terzi ttejjeb il-pożizzjoni ta' żoni konfinali b'mod partikulari u ġġib magħha valur miżjud fil-kooperazzjoni interreġjonali u fl-UE kollha;

49.

Jagħti istruzzjonijiet lill-President tiegħu biex iressaq din ir-riżoluzzjoni lill-Kunsill u l-Kummissjoni u lill-gvernijiet u l-parlamenti tal-Istati Membri.

8.7.2010   

MT

Il-Ġurnal Uffiċjali tal-Unjoni Ewropea

CE 184/41

A.

billi l-UE trid li tillimita t-tisħin globali għal 2 °C u tnaqqas it-telf ta' bijodiversità bin-nofs, billi l-analiżi ta' Eliasch jikkalkulaw li bejn 17 u 33 biljun dollaru Amerikan se jkunu meħtieġa kull sena sabiex id-deforestazzjoni tonqos bin-nofs sal-2030,

B.

billi ekonomija bbilanċjata tal-foresti hija ta' importanza kruċjali għall-ġlieda kontra d-deforestazzjoni u hija aspett essenzjali tal-iżvilupp ekonomiku,

C.

billi d-deforestazzjoni hija responsabbli għal madwar 20 % tal-emissjonijiet globali ta' gass b'effett ta' serra, hija l-kawża ewlenija li ġġib it-telf tal-bijodiversità u tikkonstitwixxi theddida serja għall-iżvilupp u, b'mod partikolari, għall-għajxien tal-foqra,

D.

billi d-deforestazzjoni ssir b'rata allarmanti ta' 13-il miljun ettaru kull sena, primarjament fil-foresti tropikali, iżda sa ċertu punt fl-Ewropa, speċjalment fl-Ewropa Ċentrali u l-Ewropa tal-Lvant,

E.

billi d-deforestazzjoni tirriżulta fi ħsara ambjentali li jkun diffiċli tiġi rranġata, bħal tħarbit fil-kundizzjonijiet tal-ilma fuq perjodu ta' żmien twil, formazzjoni ta' steppa u deżertifikazzjoni, kif ukoll telf tal-bijodiversità, li l-ispiża ekonomika tagħhom fuq żmien twil tiżboq sewwa n-nefqa fuq miżuri ta' ħarsien u ta' riabilitazzjoni,

F.

billi d-degradazzjoni tal-foresti tieħu forom differenti u diffiċli tiġi definita, iżda għandha impatti qawwija fuq il-klima, il-bijodiversità u l-oġġetti u s-servizzi,

G.

billi għandu jinkiseb tnaqqis sinifikattiv miż-żieda “normali” fl-emissjonijiet fil-pajjiżi li qed jiżviluppaw, inkluż tnaqqis fl-emissjonijiet relatati mad-deforestazzjoni, flimkien ma' tnaqqis ta' 25-40 % fil-pajjiżi industrijalizzati sal-2020 meta mqabbel mal-1990 sabiex it-tisħin dinji jiġi limitat għal 2 °C, skont ir-Raba' Rapport ta' Evalwazzjoni tal-Bord Intergovernattiv dwar il-bidla fil-Klima;

H.

billi t-tnaqqis tad-deforestazzjoni se jkollu rwol importanti mhux biss fir-rigward tal-mitigazzjoni tal-bidla fil-klima iżda wkoll tal-adattament għall-bidla fil-klima,

1.

Jenfasizza l-bżonn għal aktar koerenza bejn il-konservazzjoni tal-foresti u l-politiki ta' mmaniġġjar sostenibbli u politiki oħra interni u esterni tal-UE; jitlob għal evalwazzjoni kwantifikata tal-impatt fuq il-forest tal-politiki tal-UE bħall-enerġija (speċjalment il-bijofjuwils), il-biedja, il-produzzjoni u l-konsum sostenibbli, l-akkwist, il-kummerċ u l-kooperazzjoni għall-iżvilupp;

2.

Jistieden lill-Kummissjoni tippreżenta lill-Parlament u lill-Kunsill proposti għal rekwiżiti Komunitarji riġidi ta' sostenibilità għall-injam kollu u l-prodotti tal-injam li joriġinaw mill-foresti;

3.

Jistieden lill-Kummissjoni tippubblika sa tmiem l-2009 studju komprensiv li jevalwa l-impatt tal-produzzjoni, il-konsum u l-kummerċ tal-UE kemm ta' oġġetti tal-ikel u mhux tal-ikel fuq id-deforestazzjoni u d-degrazzjoni tal-foresti; jitlob li l-istudju jevalwa u jispeċifika kull kontribut negattiv minn setturi differenti tal-industrija u jagħmel rakkomandazzjonijiet għal aktar miżuri u innovazzjoni, sabiex jitnaqqsu impatti bħal dawn;

4.

Jinnota l-ħtieġa li kwistjonijiet relatati mal-kundizzjonijiet tal-ilma għandhom jiġu trattati bil-għaqal fil-kuntest tal-ekonomija tal-foresti, u jiġbed l-attenzjoni għall-bżonn essenzjali għal żvilupp konġunt tar-riżorsi tal-foresti u tal-ilma u l-armonizzazzjoni tal-politiki relevanti tal-UE, sabiex il-kapaċità tal-ekosistemi li jżommu l-ilma terġa' tinbena u tissaħħaħ;

5.

Jilqa' b'sodisfazzjon il-politiki dwar l-Akkwisti Pubbliċi Ekoloġiċi (Green Public Procurement – GPP) u l-promozzjoni ta' strumenti bħall-ekotikkettar u l-iskemi ta' ċertifikazzjoni tal-foresti; jitlob għall–adozzjoni u l-implimentazzjoni malajr tal-politiki GPP għall-prodotti tal-injam madwar l-UE; jistieden lill-Istati Membri jibbażaw il-politika tagħhom ta' akkwist pubbliku fuq standards għolja ta' sostenibilità u fejn ikun xieraq jiffissaw miri realistiċi fir-rigward ta' standards bħal dawn;

6.

Jikkunsidra li għandu jingħata appoġġ sinifikattiv lill-pajjiżi li qed jiżviluppaw biex iwaqqfu telf gross ta' deforestazzjoni tropikali sal-2020 l-aktar tard, u li turija ta' impenn għal dan tkun deċiżiva fin-negozjati internazzjonali għal ftehim komprensiv globali post-2012 dwar il-klima;

7.

Jirrikonoxxi li l-mobilizzazzjoni ta' ffinanzjar suffiċjenti skont il-ftehim globali dwar il-klima se jkun assolutament kruċjali sabiex id-deforestazzjoni globali tonqos bin-nofs u eventwalment titwaqqaf; f'dan il-kuntest, jappoġġa l-proposta tal-Kummissjoni biex toħloq Mekkaniżmu Globali tal-Karbonju tal-Foresti (Global Forest Carbon Mechanism – GFCM) fi ħdan il-qafas tal-Konvenzjoni ta' Qafas tan-Nazzjonijiet Uniti dwar il-Bidla fil-Klima, ibbażat fuq skema permanenti ta' ffinanzjar; jistieden lill-Istati Membri biex jappoġġjaw l-impenn tagħhom li jwaqqfu d-deforestazzjoni globali u d-degradazzjoni tal-foresti milli tkompli għaddejja billi jallokaw parti sinifikattiva mid-dħul tal-irkantar li jsir mill-iskema tal-UE għall-iskambju tal-emissjonijiet (ETS) biex jitnaqqsu d-deforestazzjoni u d-degradazzjoni tal-foresti fil-pajjiżi li qed jiżviluppaw, u billi jiffokaw in-negozjati fuq sorsi ta' finanzjament kif ġie spegat fil-Komunikazzjoni tal-Kummissjoni tat-28 ta' Jannar 2009 intitolata “Lejn ftehim komprensiv dwar it-tibdil fil-klima f'Kopenħagen” (COM(2009)0039); barra minn hekk, jistieden lill-Istati Membri biex jappoġġjaw il-proposta tal-Kummissjoni biex tħaddan il-proposta ta' finanzjament li saret minn Norveġja u biex jallokaw parti mid-dħul ġejjieni mill-irkant tal-Unitajiet ta' Ammont Assenjati lill-Kummissjoni Ġenerali tas-Sajd għall-Meditteran (GFCM);

8.

Huwa favur il-fatt li l-għajnuna pprovduta permezz tal-GFCM għandha tkun ibbażata fuq il-prestazzjoni u tiġi pprovduta fuq il-bażi ta' riżultati verifikati f'termini gross ta' tnaqqis ta' deforestazzjoni u degradazzjoni ta' foresti; jenfasizza li din l-għajnuna għandha tipprovdi wkoll benefiċċji addizzjonali f'termini ta' protezzjoni tal-bijodiversità, reżistenza akbar, u għajxien aħjar fir-reġjuni forestali;

9.

Jenfasizza l-ħtieġa li jiġu rispettati bis-sħiħ id-drittijiet tal-popli lokali tal-foresti inklużi d-drittijiet tal-popli indiġeni għall-kunsens minn qabel, liberu u infumat għall-użu tal-foresti li normalment jintużaw minnhom; iqis essenzjali li komunitajiet lokali u popli indiġeni jiġu involuti b'mod sinifikattiv u komprensiv fl-istadji kollha meta jiġu evalwati, ippjanati u implimentati miżuri għal tnaqqis ta' emissjonijiet mid-degradazzjoni tal-foresti u d-deforestazzjoni;

10.

Jenfasizza li kwalunkwe mekkaniżmu taħt il-Programm ta' Kollaborazzjoni tan-Nazzjonijiet Uniti dwar it-Tnaqqis ta' Emissjonijiet mid-Deforestazzjoni u d-Degradazzjoni tal-Foresti fil-Pajjiżi li qed jiżviluppaw (United Nations Collaborative Programme on Reducing Emissions from Deforestation and Forest Degradation in Developing Countries) li huwa konkluż bħala parti mill-ftehim internazzjonali post-2012 dwar il-klima l-ewwel u qabel kollox għandu jiżgura li l-foresti primordjali jiġu protetti;

11.

Jinnota li l-proċess ta' deforestazzjoni fl-Ewropa tal-Lvant qed jikkontribwixxi għad-degradazzjoni tal-ambjent naturali u qed jeffettwa wkoll, inter alia, l-kwalità tal-ħajja;

12.

Jinnota li l-krediti ta' foresti fis-suq tal-karbonju jistgħu, kemm f'perjodu ta' żmien medju u anke wara żmien twil, ikunu parti minn taħlita ta' politiki li jindirizzaw id-deforestazzjoni, jekk jistgħu jiġu żgurati metodoloġiji preċiżi għall-kalkolu tal-karbonju fil-foresti u mekkaniżmi ta' monitoraġġ affidabbli; jenfasizza li deċiżjoni finali rigward l-inklużjoni tal-krediti ta' foresti fl-EST għandha tittieħed wara li tkun saret analiżi rigoruża tal-fattibilità tal-mekkaniżmi ta' finanzjament potenzjali kollha u evalwazzjoni ta' dak li jkun ħareġ mill-Konferenza tal-Partijiet f'Kopenħagen u tal-konklużjonijiet li jkunu nsiltu mill-proġetti pilota;

13.

Ifakkar li kull kreditu minn proġetti tal-foresti li jintuża biex ipatti għal emissjonijiet ta' gass b'effett ta' serra fil-pajjiżi indistrijalizzati ma jistax jingħadd doppju għall-miri ta' tnaqqis min-“normalità” li l-pajjiżi li qed jiżviluppaw mistennija jimpenjaw ruħhom għalihom fil-ftehim internazzjonali post-2012 dwar il-klima;

14.

Jenfasizza li kull sistema ta' kumpens għat-tnaqqis tad-deforestazzjoni u d-degradazzjoni tal-foresti skont sistema futura dwar il-klima għandu jikkunsidra mhux biss bjar tal-karbonju iżda wkoll is-servizzi tal-ekosistema u l-benefiċċji soċjali pprovduti mill-foresti;

15.

Jistieden lill-UE tippromwovi standards soċjali u ambjentali b'saħħithom għat-tnaqqis ta' emissjonijiet mid-deforestazzjoni u d-degradazzjoni (REDD); Jistieden lill-Unjoni Ewropea biex tiffavorixxi mekkaniżmi tar-REDD li jmorru lilhinn mill-proġett attwali tal-Mekkaniżmu ta' Żvilupp Nadif (CDM) u tindirizza l-kawżi li verament jikkawżaw id-deforestazzjoni, bħalma huma l-governanza fqira, il-faqar, il-korruzzjoni u n-nuqqas ta' infurzar tal-liġi, billi tappoġġja riforma politika u istituzzjonali kemm fil-livell lokali u nazzjonali;

16.

Jiddispjaċih li l-Komunikazzjoni, kuntrarju għat-titlu tagħha, ma tittrattax id-degradazzjoni tal-foresti; jistieden lill-Kummissjoni tiżviluppa pjanijiet ta' azzjoni u proġetti pilota biex turi impenn fil-politika tagħha stess ta' forestrija biex twaqqaf mhux biss id-deforestazzjoni iżda wkoll id-degradazzjoni tal-foresti (inkluż fl-Unjoni Ewropea) billi tiżviluppa u tistabbilixxi wkoll sistemi ta' monitoraġġ effettiv sabiex tinkiseb data xierqa dwar il-ħamrija u l-bijomassa fil-foresti;

17.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, u lill-gvernijiet u l-parlamenti tal-Istati Membri.

8.7.2010   

MT

Il-Ġurnal Uffiċjali tal-Unjoni Ewropea

CE 184/43

A.

billi t-trasport urban jikkostitwixxu proporzjon konsiderevoli tat-trasport kollu u li għalhekk l-Artikoli 70 sa 80 tat-Trattat KE jikkostitwixxu bażi legali li tagħti lill-Unjoni Ewropea kompetenza maqsuma mal-Istati Membri f'dan il-qasam,

B.

billi bosta direttivi u regolamenti Ewropej, trażversali jew modali, għandhom impatt fuq it-trasport urban u jeħtieġu jiġu allinjati permezz ta' approċċ speċifiku għall-problema tal-ivvjaġġar urban,

C.

billi l-pjan “Klima Ewropea” adottat mill-Kunsill Ewropew tat-8 u d-9 ta' Marzu 2007 jiffissa l-objettivi ambizzjużi ta' tnaqqis b'20 % tal-konsum tal-enerġija, ta' tnaqqis b'20 % ta' emmissjonijiet ta' gassijiet b'effett serra u ta' sehem ta' 20 % ta' enerġija rinnovabbli mill-kkonsum kollu ta' enerġija sal-2020, u li dawn l-objettivi ma jistgħux jintlaħqu mingħajr ma jkun hemm strateġija adattata kif suppost għat-trasport urban,

D.

billi l-programm ta' riċerka u żvilupp CIVITAS kellu suċċess kbir ferm, hekk li jirrifletti l-importanza li awtoritajiet u kumpaniji lokali jorganizzaw it-trasport tal-investiment Ewropew fi programmi innovattivi għat-trasport urban,

E.

billi l-Fondi ta' Koeżjoni u l-Fondi Strutturali jiffinanzjaw il-programmi ta' mobilità urbana, iżda għandhom l-iżvantaġġ li minn banda m'għandhom ebda strateġija jew objettivi Ewropej għall-mobilità urbana u, mill-banda l-oħra, mhumiex imqassma b'mod indaqs mat-territorju kollu tal-Unjoni,

F.

billi z-zoni urbani huma poli ewlenin ta' interkonnessjoni u intermodalità għan-Netwerks Trans-Ewropej tat-Trasport, li għandu jgħin sabiex jintlaħqu l-objettivi ġenerali tagħhom ta' mobilità sostenibbli Ewropea u l-kompetittività sostenibbli tan-netwerks tal-ibliet kbar u iżgħar Ewropej,

G.

billi z-zoni urbani huma ċentri importanti ta' attività ta' negozju u billi t-trasport tal-merkanzija huwa kruċjali biex jiġu sodisfatti l-bżonnijiet tal-popolazzjoni u fl-istess ħin jiffaċċja sfidi minħabba spazju limitat għall-ħżin u dati ta' skadenza qosra,

H.

billi r-rispett strett tal-prinċipju tas-sussidjarjetà u tad-dritt għall-awtonomija fl-ippjanar lokali ma jippermettux politika Ewropea preskrittiva, iżda jippermetti lill-Unjoni li tadotta strateġija ta' inċentivi bħal dawk li għandha l-politika reġjonali u ta' koeżjoni tagħha, mingħajr ma jiġu imposti soluzzjoni minn fuq,

I.

billi l-problema taz-zoni urbani ma tistax tiġi solvuta permezz ta' politika modali iżda permezz ta' politika mmirata lejn l-utenti u sistemi ta' trasport integrati,

J.

billi politika tat-trasport urban effiċjenti u sostenibbli għall-benefiċċju kemm taċ-ċittadini Ewropej u kemm tal-ekonomija Ewropea hija ggarantita biss billi jiġi żgurat trattament ġust għat-trasport tal-merkanzija u l-passiġġieri u l-mezzi differenti ta' trasport,

K.

Ha. billi l-ippjanar urban li jikkunsidra l-bidliet demografiċi fis-soċjetà billi, pereżempju, jipprovdi akkomodazzjoni speċjali għall-anzjani fiċ-ċentri tal-ibliet u ħwienet viċin l-abitazzjonijiet, jista' jikkontribwixxi bil-kbir biex jiġi evitat it-trasport,

L.

billi jeħtieġ li jitqies il-bżonn għal strateġiji sodi ta' trasport urban li jottimizzaw l-istrumenti rilevanti billi jiġu żviluppati l-pjattaformi ta' skambju intermodali u billi jiġu integrati sistemi differenti ta' vvjaġġar,

M.

billi jeħtieġ informazzjoni statistika affidabbli u iktar sistematika, li tippermetti li ssir evalwazzjoni tal-politiki pubbliċi lokali u li jsir skambju tal-aħjar prattika fil-qasam tat-trasport urban,

N.

billi diversi tekniki implimentati fit-trasport urban huma ta' importanza ekonomika u teknoloġika f'termini ta' kompetittività u ta' kummerċ estern tal-Unjoni Ewropea,

O.

billi l-iskadenza tal-elezzjonijiet leġiżlattivi Ewropej li ġejjin ifisser li irid jirrispetta l-kalendarju previst għad-diskussjoni fil-Parlament dwar il-pjan ta' azzjoni għal-mobilità urbana mħabbar mill-Kummissjoni,

1.

Jiddispjaċih li ma ġiex ippubblikat il-pjan ta' azzjoni dwar il-mobilità urbana mħabbar mill-Kummissjoni u filwaqt li japprova l-inizjattivi differenti, jinsisti dwar il-bżonn li jkun hemm approċċ koerenti; jiddeċiedi għalhekk li jagħti segwitu għar-rapport ta' inizjattiva tiegħu, b'rispett sħiħ għall-prinċipji ta' sussidjarjetà u proporzjonalità, billi jfassal proposti għal pjan ta' azzjoni Ewropew dwar il-mobilità urbana;

2.

Ifakkar li t-trasport urban huwa soġġett għall-prinċipju ta' sussidjarjetà; jenfasizza, madankollu, li l-awtoritajiet lokali ma jistgħux jiffaċċjaw dawn l-isfidi mingħajr ma jkun hemm koperazzjoni u koordinazzjoni Ewropea, u li għalhekk il-Kummissjoni għandha tipprovdi studji u qafas ġuridiku, tiffinanzja r-riċerka u tippromwovi u xxerred il-prattika tajba f'formati li jkunu aċċessibbli għal kulħadd bil-lingwi uffiċjali kollha tal-Unjoni Ewropea;

3.

Jitlob lill-Kummissjoni biex tippubblika ġabra tad-dispożizzjonijiet vinkolanti regolamentarji Ewropej applikabbli f'dan il-qasam u biex tipproponi oqfsa ta' referenza koerenti komuni lir-reġjuni u lill-ibliet, li jiffaċilitawlhom it-teħid ta' deċiżjonijiet fl-ippjanar u l-implimentazzjoni tal-istrateġiji għall-żvilupp;

4.

Jipproponi li jitnieda immedjatament programm ta' aġġornament tal-istatistiċi u tal-bażijiet tad-dejta dwar il-mobilità urbana mill-Eurostat, billi b'mod partikolari jiġu inklużi:

5.

Jissuġġerixxi li jitnedew immedjatament portal u forum Ewropej fuq l-Internet dwar il-mobilità urbana sabiex jiġi faċilitat l-iskambju u t-tixrid tal-informazzjoni, tal-aħjar prattika u tal-innovazzjonijiet, b'mod partikolari fil-qasam tat-trasport li ma jagħmilx ħsara;

6.

Jissuġġerixxi li jitwaqqaf premju Ewropew annwali, li jinkludi l-premji taċ-CIVITAS, fil-qafas tal-Ġimgħa Ewropea tal-Mobilità sabiex jiġu ppremjati inizjattivi u proġetti ta' trasport li jispikkaw u li huma trasferibbli;

7.

Jipproponi l-iżvilupp tat-tielet ġenerazzjoni taċ-CIVITAS (CIVITAS III), madwar sejħiet għal tressiq ta' proġetti li b'mod partikolari jkunu jinkludu:

8.

Jipproponi t-tisħiħ tar-riċerka u l-iżvilupp tas-Sistemi ta' Trasport Intelliġenti (STI) sabiex ikunu kkoordinati aħjar mal-ħtiġijiet u l-għanijiet tar-residenti tal-ibliet u l-awtoritajiet lokali u li jkunu indirizzati lejn l-aspetti li ġejjin:

9.

Jitlob għal żieda fl-għajnuna finanzjarja nazzjonali u Ewropea għall-applikazzjonijiet tal-ITS sabiex ikun hemm użu akbar tal-ITS mill-awtoritajiet lokali;

10.

Jitlob li l-prinċipju tal-approċċ integrat ikun promoss permezz ta' qafas ta' governanza bbażat fuq is-sħubija li jgħaqqad il-parteċipanti mill-ibliet u dawk periurbani, nazzjonali u Ewropej, u li jikkunsidra kwistjonijiet marbuta mat-trasport bħall-integrazzjoni soċjali, l-istorbju, is-sikurezza, il-kompetittività, l-ambjent, eċċ; itenni t-talba tiegħu li l-implimentazzjoni ta' approċċ integrat għandu jkun obbligatorju fil-programmazzjoni u fl-għażla ta' proġetti għall-Fondi Strutturali;

11.

Jirrakkomanda l-implimentazzjoni ta' pjanijiet ta' vjaġġar urban sostenibbli ta' 'l fuq minn 100 000 abitant, li jinkludu:

12.

Jipproponi l-ħolqien ta' forum Ewropew permanenti dwar il-governanza tat-trasport urban bejn l-awtoritajiet li jirrappreżentaw l-organizzaturi tat-trasport, inklużi l-assoċjazzjonijiet tal-utenti u taċ-ċittadini u federazzjonijiet professjonali tal-operaturi tat-trasport, sabiex jippromwovi l-iskambu u t-tixrid ta' prattiki tajbin;

13.

Jipproponi li finanzjamenti Ewropew fil-qasam tat-trasport urban jingħataw biss bil-kundizzjoni li jkun hemm pjani integrati ta' mobilità urbana (pjani ta' vvjaġġar urban);

14.

Iħeġġeġ il-koperazzjoni u l-integrazzjoni operattiva bejn l-awtoritajiet responsabbli għall-organizzjoni tat-trasport pubbliku, tat-traffiku u tal-ipparkjar f'i bliet Ewropej ta' 'l fuq minn 250 000 abitant, f'zonijiet komparabbli, li jkunu bbażati fuq flussi ta' popolazzjoni u ta' merkanzija skont il-karatteristiċi lokali;

15.

Iħeġġeġ lill-awtoritajiet organizzaturi tat-trasport biex jiffissaw miri voluntarji proattiovi u koerenti għat-tnaqqis tal-emissjonijiet ta' gass b'effett serra permezz ta' politika ta' mobilità stipulata fil-pjani ta' vvjaġġar urban integrat u sostenibbli fuq imsemmija u biex jittrasformaw dawn il-miri f'obbligi ta' prestazzjonijiet speċifiċi għall-operaturi ta' servizzi ta' trasport pubbliku jew privat;

16.

Jipproponi li jiġi evalwat studju dwar l-esperjenzi ta' integrazzjoni tat-tariffi (inkluż il-proġett “Interoperable Fare Management”), tal-informazzjoni intermodali u tal-informazzjoni bejn l-awtoritajiet organizzaturi tat-trasport fil-konurbazzjonijiet tal-Unjoni sabiex jiġi ffaċilitat l-iskambju tal-aħjar prattiki;

17.

Iħeġġeġ it-twaqqif ta' osservatorju tal-mobilità urbana fi ħdan il-Kummissjoni, iżda ma jixtieqx li tinħoloq aġenzija ġdida;

18.

Jiddispjaċih li matul il-perjodu ta' għajnuna attwali 2007-2013, 9 % biss (ekwivalenti għal EUR 8 000 000 000) tar-riżorsi mill-Fond Strutturali li jintefqu fuq it-trasport (ekwivalenti għal EUR 82 000 000 000) huma previsti għat-trasport urban; iqis li dan il-proporzjon huwa żgħir wisq biex tinstab mobilità xierqa fl-ibliet Ewropej u protezzjoni għall-ambjent u l-klima;

19.

Jissuġġerixxi bil-qawwa li tiġi mistħarrġa l-possibilità, taħt il-qafas finanzjarju għall-2014-2020, ta' strument finanzjarju Ewropew għall-mobilità urbana (programm integrat tat-tip Marco Polo) li jippermetti l-kofinanzjament ta':

u jipproponi li dan l-finanzjament jingħata bħala inċentiv fuq il-bażi ta' sejħiet għal offerti b'termini ta' referenza Ewropej;

20.

Jitlob lill-Kummissjoni biex tħejji rapport dwar zoni li għandhom regolazzjonijiet dwar aċċess limitat f'setturi urbani sabiex tevalwa l-impatt tagħhom fuq il-mobilità, il-kwalità tal-ħajja, l-emissjonijiet u effetti esterni, is-saħħa u s-sikurezza, filwaqt li jitqies il-bżonn ta' sistema għall-infurzar ta' offiżi transkonfinali, kemm kriminali u kemm mhux kriminali;

21.

Jipproponi t-twaqqif ta' netwerk ta' informazzjoni u ta' bejgħ ta' biljetti għad-destinazzjonijiet urbani prinċipali fl-Unjoni Ewropea fl-istazzjonijiet u fl-ajruporti tal-postijiet tat-tluq, meta dawn ikunu jinsabu fl-Unjoni Ewropea;

22.

Jipproponi li tiġi mfassla “karta tal-utenti” għat-trasport urban li tkun tinkludi l-persuni li jimxu u li jirkbu r-rota, it-tqassim ta' merkanzija u servizzi u li tkopri l-qsim tal-użu tat-toroq, sabiex jonqsu l-inugwaljanzi eżistenti;

23.

Huwa tal-opinjoni li l-kunċett ta' belt orjentata lejn rotot qosra (short journey city) huwa l-aħjar mod biex tiġi żgurata mobilità favur l-ambjent u favur il-klima fl-ibliet;

24.

Iħeġġeġ lill-Kummissjoni u lill-awtoritajiet lokali sabiex iżidu u jestendu l-inizjattivi tagħhom rigward il-jiem mingħajr karozzi, hekk kif iseħħ matul il-Jum Annwali Ewropew Mingħajr Karozzi;

25.

Jistieden lill-Kummissjoni biex issib approċċ armonizzat għall-ħolqien ta' zoni ħodor u l-iżvilupp ta' sticker unika Ewropea għaz-zoni l-ħodor kemm jista' jkun malajr sabiex jiġi evitat l-iżvilupp ta' sistemi differenti għal kull belt jew Stat Membru b'inkonvenjenza kunsiderevoli għaċ-ċittadini u l-kumpaniji;

26.

Jikkunsidra li l-mobilità urbana għandha tinkludi li jiġu stabbiliti netwerks interurbani li jippermettu li l-ibliet il-kbar jingħaqdu flimkien, li jkun żgurat l-iżvilupp ekonomiku tagħhom u li t-trasport rapidu u mingħajr xkiel ta' persuni u merkanziji jkun iffaċilitat;

27.

Jissuġġerixxi t-twaqqif ta' politika Ewropea ta' normalizzazzjoni u ta' ċertifikazzjoni ta' tagħmir fir-rigward tas-sigurtà u tas-saħħa, tal-kumdità (ħsejjes, vibrazzjonijiet), tal-interoperabilità tan-netwerks (“busway”, tram-train, eċċ.), tal-aċċessibilità għall-persuni b'mobilità mnaqqsa jew persuni bit-trabi f'pushchairs, tal-mezzi li ma jagħmlux ħsara u tal-magni nodfa (karozzi tal-linja, taxis) fuq il-bażi ta' bilanċ tal-karbonju u analiżi tal-impatt fuq l-ispejjeż għall-operaturi u l-utenti;

28.

Jipproponi li jkun hemm attenzjoni kostanti fir-rigward tad-deċiżjonijiet kollha biex tiġi żgurata proporzjonalità bejn l-ispejjeż u l-benefiċċju u l-possibilità ta' sussidju lill-utenti inqas vantaġġjati finanzjarjament;

29.

Jissuġġerixxi li jinħarġu linji gwida għar-rakkomandazzjonijiet minimi ta' kwalità tas-servizzi, l-evalwazzjoni u l-parteċipazzjoni tal-utenti u taċ-ċittadini, fil-kuntest tal-ftuħ għall-kompetizzjoni tan-netwerks tat-trasport urban, bi qbil mar-Regolament (KE) Nru 1370/2007;

30.

Jissuġġerixxi li parti kbira mill-krediti meħlusa permezz tal-Pjan ta' Rkupru tal-Ekonomija Ewropea tingħata għall-finanzjament tal-investimenti u tax-xogħol tat-trasport urban u t-trasport kollettiv li qed isir bħalissa u li jista' jiġi ffinanzjat u mwettaq qabel il-31 ta' Diċembru 2009;

31.

Jinnota li, fil-qafas tal-Pjan ta' Rkupru Ekonomiku Ewropew, riżorsi mill-Fondi Strutturali ġew mogħtija minn qabel għall-proġetti infrastrutturali sostenibbli; jistieden lill-Istati Membri u lir-reġjuni biex jużaw b'urġenza parti sostanzjali minn dawn ir-riżorsi għat-trasport urban favur l-ambjent;

32.

Jitlob lill-Kummissjoni sabiex tqis il-proposti f'din ir-Riżoluzzjoni, kif ukoll ir-rieda tal-Parlament Ewropew, li hi tieħu l-inizjattiva f'dan il-qasam li jkun jista' jwassal kemm jista' jkun malajr għal pjan ta' azzjoni;

33.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri.

8.7.2010   

MT

Il-Ġurnal Uffiċjali tal-Unjoni Ewropea

CE 184/50

A.

billi s-Sistemi ta' Trasport Intelliġenti (STI) huma applikazzjonijiet avvanzati li jużaw it-Teknoloġiji tal-Informazzjoni u l-Komunikazzjoni (TIK) għat-trasport u jipprovdu servizzi innovattivi fil-modi tat-trasport u l-ġestjoni tat-traffiku,

B.

billi s-STI għandhom potenzjal kbir għall-aktar użu effiċjenti tal-modi kollha tat-trasport li jistgħu jilħqu l-ħtiġijiet u l-isfidi tal-politika Ewropea tat-trasport,

C.

billi l-konġestjoni tat-traffiku fit-toroq taffettwa 10 % tan-netwerk tat-toroq u f'sena tiġi tiswa 1 % ta-PGD tal-UE, il-fatalitajiet fit-toroq għadhom jammontaw għal 42 953 (2006), ħafna ogħla mill-mira maħsuba tat-tnaqqis għal 25 000 sa 2010 u t-trasport bit-toroq jgħodd għal 72 % tal-emissjonijiet tas-CO2 relatati mat-trasport kollu filwaqt li 40 % tal-emissjonijiet tas-CO2 tat-trasport bit-toroq fl-Ewropa huma kkawżati mit-traffiku urban,

D.

billi s-STI wrew li huma essenzjali fit-tnaqqis tal-konsum tal-enerġija u t-trasport iktar ekoloġiku,

E.

billi l-applikazzjonijiet intelliġenti ġew żviluppati għal modi differenti ta' trasport bħal pereżempju t-trasport bil-ferrovija (ERTMS u TAF-TSI), it-trasport fl-ilmijiet interni u t-trasport marittimu (LRITS, SafeSeaNet, VTMIS, RIS), it-trasport bl-ajru (SESAR) u t-trasport fuq l-art, bħat-trasport tal-bhejjem,

1.

Jenfasizza li s-STI huma strument importanti sabiex isir użu effikaċi tal-infrastruttura eżistenti, it-trasport ikun aktar effiċjenti, bla periklu, sikur u li jħammeġ inqas l-ambjent, u b'dan il-mod jingħata kontribut favur l-iżvilupp ta' mobilità sostenibbli għaċ-ċittadini u l-ekonomija;

2.

Jenfasizza l-effett pożittiv fuq l-iżvilupp sostenibbli li s-STI għandhom fit-titjib tar-rendiment ekonomiku tar-reġjuni kollha, inklużi z-zoni urbani, jiddeterminaw il-kondizzjonijiet ta' aċċessibilità reċiproka, iżidu l-attività tal-kummerċ lokali u interreġjonali, jiżviluppaw is-suq intern tal-Unjoni Ewropea u x-xogħol marbut mal-attivitajiet ġejjin mill-implimentazzjoni tas-STI;

3.

iqis li s-STI jistgħu jtejbu l-kondizzjonijiet ta' ħajja taċ-ċittadini Ewropej, b'mod partikolari ta' dawk li jgħixu f'zoni urbani, u se jikkontribwixxu wkoll biex ikun hemm aktar sikurezza fit-toroq, jitnaqqsu l-emissjonijiet dannużi u t-tniġġis ambjentali, iżidu l-effiċjenza tat-traffiku, jitjieb l-aċċess għaz-zoni periferiċi, u titħaddem il-politika tat-tnaqqis tat-traffiku;

4.

Jilmenta dwar id-dewmien fl-istabbiliment ta' qafas komuni għall-implimentazzjoni tas-STI fl-UE u n-nuqqas ta' varar koordinat tas-STI b'miri speċifiċi l-iktar minħabba l-barrieri għall-interoperabiltà, nuqqas ta' koperazzjoni effiċjenti bejn l-atturi kollha, u l-privatezza ta' data mhux solvuta u kwistjonijiet ta' responsabilità;

5.

Jilqa' b'sodisfazzjon il-Pjan ta' Azzjoni tal-Kummissjoni dwar s-STI (“il-pjan ta' azzjoni”) bħala qafas komuni ta' azzjonijiet u programmi b'dati ta' skadenza ċari għall-għoti tar-riżultati;

6.

Jemmen ħafna li huwa meħtieġ l-istabbiliment ta' strument fil-politika tat-trasport li jrawwem l-użu tas-STI; jappoġġja strument leġiżlattiv biex jiffissa l-qafas għall-varar tas-STI u jitlob li l-Kummissjoni tipprovdi tagħrif aħjar dwar is-sitwazzjoni kurrenti għal dawk li huma azzjonijiet, il-fondi u l-ipprogrammar tal-pjan tal-azzjoni sabiex jassigura li sett ta' azzjonijiet ċari b'dati ta' skadenza jkunu stabbiliti fid-Direttiva li tistipula l-qafas għall-varar tas-STI;

7.

Huwa konxju tal-limitazzjoni ta' għajnuna finanzjarja mogħtija mill-Komunità (fl-2008) lill-azzjoni EasyWay, li huwa proġett għall-varar tas-STI fuq skala Ewropea fil-kurituri l-iktar importanti tan-netwerk Trans-Ewropew tat-toroq (NTET) f'21 Stat Membru tal-UE mmexxija mill-awtoritajiet nazzjonali tat-toroq u operaturi bi msieħba assoċjati mill-pubbliku u partijiet interessati privati;

8.

Jindika li s-STI għandhom jintużaw fil-mezzi kollha ta' trasport u mill-vjaġġaturi kollha fl-Ewropa, f'approċċ koordinat mal-applikazzjonijiet Galileo; jappoġġa bis-sħiħ l-applikazzjoni immedjata ta' dawn is-sistemi biex tiżdied l-intermodalità bejn is-settur pubbliku u dak privat u fit-trasport pubbliku għal titjib fl-informazzjoni ġenerali u żieda fil-kapaċità ta' ġestjoni;

9.

Iħeġġeġ lill-Kummissjoni u lill-Istati Membri biex jindirizzaw il-kwistjoni ta' responsabilità li tikkostitwixxi ostaklu kbir fl-iżvilupp bla xkiel u koerenti tas-STI fl-Ewropa;

10.

Jikkunsidra li l-interoperabiltà fl-iżvilupp tas-STI hija ta' importanza kbira biex ikun hemm varar effettiv u koerenti tas-STI fl-Ewropa; jenfasizza li fil-każ ta' investimenti fl-NTET (bini jew manutenzjoni ta' toroq) jeħtieġ li jsiru sforzi għall-varar meħtieġ ta' servizzi tas-STI;

11.

Jitlob lill-Kummissjoni – peress li diġà hemm firxa importanti fis-suq Ewropew tas-STI – biex tistabbilixxi speċifikazzjonijiet għal livell minimu ta' applikazzjonijiet u servizzi ta' STI li jista' jintlaħaq mill-Istati Membri kollha u li huwa neċessarju għall-varar, l-implimentazzjoni u l-ġestjoni effiċjenti tas-STI;

12.

Jikkonsidra li huwa importanti li ssir evalwazzjoni tat-talba li hemm fis-suq li tevalwa l-ħtiġijiet reali – lil hinn mil-livell minimu stabbilit għall-applikazzjonijiet u s-servizzi tas-STI – kif ukoll li jissaħħu l-aspetti tas-swieq interni tas-STI permezz ta' standardizzazzjoni u qafas regolatorju xieraq;

13.

Jisħaq fuq kemm hi siewja l-koperazzjoni transkonfinali fil-fruntieri esterni tal-UE f'livell kemm tekniku u kemm amministrattiv, peress li hija ta' importanza kbira għall-varar effikaċi tas-STI fl-UE;

14.

Jenfasizza li hemm bżonn li jinkiseb ammont kbir ta' data u ta' informazzjoni mill-inqas fil-ħames oqsma bażiċi li ġejjin għall-varar effettiv tas-STI: informazzjoni fil-ħin reali tat-traffiku u tal-ivvjaġġar; data dwar in-netwerk tat-toroq; data pubblika għall-mapep diġitali; data għal servizzi ta' informazzjoni universali minimi dwar it-traffiku u sistemi multimodali ta' pjanifikazzjoni tal-vjaġġi tat-tip “minn bieb għal bieb”;

15.

Jitlob li s-servizzi ta' informazzjoni universali minimi jkopru n-Netwerk trans-Ewropew (TEN-T);

16.

Jenfasizza li għall-adozzjoni u l-varar tas-STI fuq firxa wiesgħa jeħtieġ li jiġu kkunsidrati kemm l-informazzjoni dwar it-traffiku u kemm l-orarju stabbilit għad-diversi mezzi tat-trasport;

17.

Jisħaq fuq l-importanza li jiġi pprovdut tagħrif fil-ħin reali lill-vjaġġaturi u għall-infrastruttura u l-importanza li dan it-tagħrif ikun aktar preċiż, affidabbli u uniformi, filwaqt li jiġu rispettati l-speċifiċitajiet Ewopej (geografiċi, kulturali u lingwistiċi) u li tiġi aċċertata l-kontinwità geografika;

18.

Jikkunsidra li hu essenzjali għall-iżvilupp tas-STI li jkun garantit l-aċċess tas-settur privat għad-data dwar toroq, traffiku u l-ivvjaġġar waqt li tiġi rispettata l-privatezza u tiġi indirizzata l-kwistjoni tad-drittijiet ta' proprjetà intellettwali;

19.

Jemmen li huwa essenzjali li jkun żgurat li s-STI jkunu armonizzati, interoperabbli u affidabbli filwaqt li titħares il-libertà tal-utent fl-għażla tas-STI;

20.

Jistieden lill-Kummissjoni u lill-Istati Membri biex jikkoordinaw u jgħaqqdu s-STI mal-inizjattivi ta' mobilità urbana tal-UE għall-mobilità ta' trasport aktar effiċjenti u għall-fluwidità fil-ġestjoni tat-trasport kif ukoll, biex titnaqqas il-konġestjoni minn fuq it-toroq, kurituri TEN-T, kurituri għat-trasport tal-merkanzija u konurbazzjonijiet;

21.

Jikkunsidra li huwa meħtieġ li jkun hemm koperazzjoni transkonfinali u żvilupp ta' programmi għall-varar u l-implementazzjoni tas-STI, bħalma hu l-proġett Easy Way;

22.

Jistieden lill-Kummissjoni biex tidentifika informazzjoni ta' prijorità, tagħmir tat-trasport u standards ta' vetturi biex il-varar tas-STI kif ukoll tal-miżuri li jippromwovu infrastruttura tal-awtostradi aktar armonizzata jiġu żviluppati;

23.

Jikkunsidra li huwa essenzjali li l-istima tal-ispiża ekonomika ta' kull vettura u tal-infrastruttura li toħroġ mill-varar tas-STI tkun ibbażata fuq analiżi ta' benefiċċju meta mqabbla mal-ispiża li tkopri l-ispejjeż kollha assoċjati (ekonomiċi, soċjali u ambjentali);

24.

Huwa favur l-iżvilupp ta' metodi u sistemi għall-informazzjoni tal-utenti dwar servizzi disponibbli ta' trasport urban u l-qagħda tan-netwerks ikkonċernati, b'mod partikulari bl-użu tat-teknoloġija GSM;

25.

Jissuġerixxi li ssir aktar riċerka dwar sistemi ta' tariffi komuni bejn l-awtoritajiet kompetenti ta' xi reġjun u b'mod partikulari dwar il-metodi tekniċi relatati;

26.

Iħeġġeġ l-iżvilupp ta' tekniki intermodali li jipprovdu aċċess aħjar għall-mezzi tat-trasport u l-mobilità urbana għal persuni b'mobilità mnaqqsa;

27.

Jistieden lill-Kummisjoni u lill-Istati Membri biex jippreparaw għall-varar u l-integrazzjoni armonizzati tal-applikazzjoni eCall fil-pajjiżi kollha tal-UE sas-sena 2010, hekk kif jitlestew it-testijiet ta' standardizzazzjoni;

28.

Jikkunsidra li l-applikazzjoni u l-użu tas-STI għandhom:

29.

Iħeġġeġ lill-Kummissjoni biex b'urġenza taħdem favur tnaqqis ulterjuri tal-ispejjeż tal-komunikazzjoni, sabiex ikun jista' jsir użu usa' tat-tagħmir tal-komunikazzjoni u l-informazzjoni fuq il-bażi tat-telekomunikazzjoni;

30.

Huwa favur l-inizjattiva ssuġġerita “e-freight” (trasport elettroniku tal-merkanzija) u jħeġġeġ lill-Kummissjoni biex tintroduċi l-kunċett tat-“trasport intelliġenti tal-merkanzija”, bil-għan li jittieħed approċċ multimodali għas-servizzi tas-STI fil-qasam tat-trasport tal-merkanzija – b'enfasi partikulari fuq l-oġġetti perikolużi;

31.

Jistieden lill-Kummissjoni u lill-Istati Membri biex jagħtu importanza indaqs lit-trasport tal-passiġġieri u tal-merkanzija, biex tiġi evitata diskriminazzjoni kontra t-trasport tal-passiġġieri, li għandha impatt partikularment negattiv fuq il-mobiltà tal-persuni;

32.

Jirrakkomanda qafas regolatorju xieraq għall-interazzjoni bejn il-magna u l-bniedem (HMI) u għall-protokolli oħra tas-STI u jenfasizza l-ħtieġa li jiġu indirizzati kwistjonijiet ta' responsabilità;

33.

Jistieden lill-Kummissjoni biex tindirizza l-kwistjoni ta' utenti tat-trasport dgħajfa, inklużi nies b'mobilità mnaqqsa u biex testendi l-azzjonijiet biex jiġi adottat il-varar tas-SAAS u ta' oħrajn bħas-STI u l-HMI għal vetturi b'żewġ roti skont is-sottoazzjonijiet proposti fil-pjan ta' azzjoni;

34.

Jistieden lill-Kummissjoni biex tisfrutta l-potenzjalità tas-STI fir-rigward tal-miżuri preventivi kontra l-ismogg u l-konċentrazzjonijiet għoljin wisq tal-ożonu u favur it-tnaqqis tat-tniġġis akustiku u tal-emissjonijiet ta' partikulati, ossidi tan-nitroġenu u diossidu tal-karbonju;

35.

Jenfasizza l-importanza li tiġi definita arkitettura ta' pjattaforma komuni għal interkonnessjonijiet u protokolli standardizzati li jiffaċilitaw il-varar tas-STI, sistemi koperattivi u speċifikazzjonijiet ta' bejn infrastruttura u oħra (I2I), ta' bejn vettura u infrastruttura (V2I), u ta' bejn vettura u oħra (V2V);

36.

Jistieden lill-Kummissjoni biex timplementa pjan direzzjonali dwar s-STI bi pjattaformi komuni rigward l-applikazzjonijiet u l-varar tas-STI u bil-parteċipazzjoni tal-qasam privat u dak pubbliku, kif ukoll biex tistabbilixxi qafas xieraq biex jiġu solvuti kwistjonijiet ta' responabiltà rigward s-STI;

37.

Jinnota li l-istħarriġ dwar applikazzjonijiet tas-STI għandu jkun imħeġġeġ biex itejjeb il-kapaċità tal-utent fit-trasport u jiffaċilita l-interazzjoni bejn il-bniedem u l-magna;

38.

Jistieden lill-Kummissjoni u lill-Istati Membri biex jipprovdu forum miftuħ għall-iskambju ta' informazzjoni u biex ikunu indirizzati kwistjonijiet rigward s-STI;

39.

Jisħaq l-ħtieġa li titħares il-privatezza u jqis li kwistjonijiet ta' privatezza u ta' sigurtà u protezzjoni tad-data mill-istadji bikrin tal-iżvilupp tad-disinn tas-STI għandhom jitqiesu meta jkunu stabbiliti l-istruttura u l-miżuri ta' implimentazzjoni (“Privacy by design”);

40.

Jistieden lill-partijiet kollha involuti fl-applikazzjonijiet tas-STI biex ikunu konformi mad-direttivi tal-KE dwar il-protezzjoni tad-data personali u tal-privatezza fis-settur tal-komunikazzjoni elettronika (Direttivi 95/46/KE (11) u 2002/58/KE (12)) u jistieden lill-Kummissjoni biex tiżgura l-użu xieraq tad-data skont l-applikazzjonijiet u l-varar tas-STI;

41.

Jemmen li l-użu anonimu tad-data dwar l-applikazzjonijiet tas-STI huwa neċessarju għall-varar bla xkiel tas-STI waqt li tiġi aċċertata l-privatezza u l-qbil mal-qafas legali u l-protezzjoni tad-data tal-KE;

42.

Jappella lill-Kummissjoni u lill-Istati Membri biex jiżviluppaw tmexxija b'saħħitha u governanza ġenwina lejn il-varar tas-STI fl-Ewropa;

43.

Jinkuraġġixxi l-promozzjoni tal-iżvilupp ta' sistemi multimodali nazzjonali u Ewropej ta' pjanifikazzjoni tal-vjaġġi tat-tip “minn bieb għal bieb”, filwaqt li jitqiesu kif xieraq l-alternattivi tat-trasport pubbliku, u l-interkonnessjoni tagħhom madwar l-Ewropa kollha;

44.

Iħeġġeġ lill-Kummissjoni biex tuża aħjar il-kapaċitajiet tal-UE bil-programmi tas-Sistema Ewropea tan-Navigazzjoni Globali bis-Satelliti (GNSS) EGNOS u Galileo, filwaqt li ttejjeb l-interkonnettività multimodali;

45.

Jenfasizza li dawn it-teknoloġiji għandhom jiġu applikati b'tali mod li tiġi evitata l-inkompatibilità bejn il-modi ta' trasport u tkun imħarsa l-libertà tal-għażla fir-rigward tal-użu ta' dawn it-teknoloġiji;

46.

Jistieden lill-Kummissjoni u lill-Istati Membri jikkunsidraw li s-STI għandhom jinvolvu attivament fil-proċess tal-ippjanar u fil-proċess tal-implimentazzjoni lill-awtoritajiet lokali u reġjonali u lill-partijiet interessati li qed joperaw fit-territorju Ewropew;

47.

Jenfasizza l-importanza tas-sħubijiet pubbliċi-privati (PPP) fl-implimentazzjoni tas-STI u jistieden lill-Kummissjoni u lill-Istati Membri jieħdu passi attivi biex jippromwovu u jiffaċilitaw l-użu tagħhom;

48.

Jistieden lill-Kummissjoni biex tipprovdi spjega sħiħa tal-pjan ta' azzjoni għall-finanzjament tal-programmi tagħha u jappella lill-Kunsill biex jaċċerta li jkun hemm finanzjament biżżejjed;

49.

Iħeġġeġ lill-Istati Membri biex waqt ir-reviżjoni ta' nofs it-terminu dwar l-użu tal-Fondi Strutturali jindirizzaw it-temi tal-mobilità urbana u t-tnaqqis tal-konġestjoni tat-traffiku permezz ta' STI u biex iżiduhom mal-lista tal-prijoritajiet għall-perjodu 2010 - 2013;

50.

Jindika l-ħtieġa li l-potenzjal sinifikanti taz-zoni urbani jiġi definit u sfruttat aħjar, u jenfasizza l-irwol li z-zoni rurali u periferiċi jista' jkollhom biex jinkiseb żvilupp bilanċjat u biex jintlaħqu l-objettivi għall-perjodu medju ta' żmien u għall-futur imbiegħed;

51.

Iqis li hu ta' importanza vitali li jiġu implimentati netwerks ta' trasport intelliġenti f'zoni b'potenzjal turistiku kbir bil-ħsieb li jiġu ffaċilitati l-flussi tat-traffiku, jitnaqqsu l-inċidenti u tiżdied is-sikurezza; iqis li s-STI jikkontribwixxu għall-iżvilupp ekonomiku tar-reġjuni li jinkludu zoni periferiċi;

52.

Jisħaq fuq l-importanza tal-koperazzjoni interreġjonali, transkonfinali u transnazzjonali għall-iżvilupp u l-implimentazzjoni tas-STI u jħeġġeġ lill-Kummissjoni tiżviluppa sistema għall-iskambju tal-prattika tajba li tkun disponibbli b'mod mifrux fil-lingwi kollha tal-UE, iżda jħeġġeġ lill-Istati Membri jiżguraw li l-aħjar prattiki jinqasmu u jiġu skambjati bejn ir-reġjunijiet infushom, bl-objettiv doppju tal-ksib tat-trasferiment tan-know-how fil-qasam tas-STI u tal-evitar tal-frammentazzjoni tas-sistema;

53.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri.