19.3.2016 |
MT |
Il-Ġurnal Uffiċjali tal-Unjoni Ewropea |
L 74/8 |
REGOLAMENT TAL-KUMMISSJONI (UE) 2016/403
tat-18 ta' Marzu 2016
li jissupplimenta r-Regolament (KE) Nru 1071/2009 tal-Parlament Ewropew u tal-Kunsill fir-rigward tal-klassifikazzjoni ta' ksur serju tar-regoli tal-Unjoni, li jista' jwassal għat-telf ta' reputazzjoni tajba tal-operatur tat-trasport bit-triq u li jemenda l-Anness III tad-Direttiva 2006/22/KE tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1071/2009 tal-Parlament Ewropew u tal-Kunsill tal-21 ta' Ottubru 2009 li jistabbilixxi regoli komuni dwar il-kondizzjonijiet li għandhom jiġu rispettati għall-eżerċizzju tal-professjoni ta' operatur tat-trasport bit-triq u li jħassar id-Direttiva tal-Kunsill 96/26/KE (1), u b'mod partikolari l-Artikolu 6(2) tiegħu,
Wara li kkunsidrat id-Direttiva tal-Parlament Ewropew u tal-Kunsill 2006/22/KE tal-15 ta' Marzu 2006 dwar il-kondizzjonijiet minimi għall-implimentazzjoni tar-Regolamenti tal-Kunsill (KEE) Nri 3820/85 u 3821/85 dwar il-leġiżlazzjoni soċjali li għandha x'taqsam ma' attivitajiet tat-trasport bit-triq u li tħassar id-Direttiva tal-Kunsill 88/599/KEE (2), u b'mod partikolari l-Artikolu 9(3) tagħha,
Billi:
(1) |
Bl-Artikolu 6(2)(b) tar-Regolament (KE) Nru 1071/2009, il-Kummissjoni hija mitluba li tħejji lista ta' kategoriji, tipi u gradi ta' serjetà ta' ksur serju ta' regoli tal-Unjoni, li b'żieda ma' dawk stabbiliti fl-Anness IV ta' dak ir-Regolament, jistgħu jwasslu għat-telf ta' reputazzjoni tajba tal-impriża tat-trasport bit-triq jew tal-maniġer tat-trasport. |
(2) |
Għal dan l-għan, il-Kummissjoni għandha tiddefinixxi l-grad ta' serjetà tal-ksur b'referenza għar-riskju ta' fatalitajiet jew ta' korrimenti gravi u għandha tipprovdi l-frekwenza ta' okkorrenzi li lil hinn minnhom ksur ripetut għandu jitqies bħala iżjed serju. |
(3) |
Il-lista ta' kategoriji, tipi u gradi ta' serjetà ta' ksur serju li jridu jiġu stabbiliti għandhom jinkludu ksur tar-regoli tal-Unjoni relatati mal-oqsma msemmija fl-Artikolu 6(1)(b) tar-Regolament (KE) Nru 1071/2009. |
(4) |
L-Istati Membri għandhom jikkunsidraw l-informazzjoni dwar dak il-ksur meta jistabbilixxu l-prijoritajiet għall-kontrolli mmirati lejn impriżi li huma kklassifikati li jippreżentaw riskju miżjud, kif meħtieġ mill-Artikolu 12(1) tar-Regolament (KE) Nru 1071/2009. |
(5) |
Il-miżuri li jridu jiġu adottati huma meħtieġa biex jiżguraw it-trasparenza, l-imparzjalità u ċ-ċertezza legali fl-evalwazzjoni tas-serjetà tal-ksur u l-implikazzjonijiet tagħhom fuq ir-reputazzjoni tajba tal-impriża tat-trasport jew tal-maniġer tat-trasport. |
(6) |
Madankollu, hija r-responsabbiltà tal-awtorità kompetenti ta' Stat Membru biex twettaq il-proċedura amministrattiva nazzjonali sħiħa biex jiġi ddeterminat jekk it-telf ta' reputazzjoni tajba jikkositwixxix reazzjoni proporzjonata f'każ individwali. Proċedura ta' eżami nazzjonali bħal din għandha tinkludi, jekk ikun xieraq, kontrolli fil-bini tal-impriża kkonċernata. Għall-valutazzjoni tar-reputazzjoni tajba, l-Istati Membri għandhom jikkunsidraw il-kondotta tal-impriża, tal-maniġers tagħha u ta' kwalunkwe persuna rilevanti oħra. |
(7) |
Il-kategorizzazzjoni armonizzata tal-ksur serju għandha tipprovdi l-bażi għall-estensjoni tas-sistema nazzjonali tal-klassifikazzjoni tar-riskju stabbilita minn kull Stat Membru skont l-Artikolu 9 tad-Direttiva 2006/22/KE, sabiex tkopri kull ksur serju tar-regoli tat-trasport bit-triq tal-Unjoni, indikat fl-Artikolu 6(1)(b) tar-Regolament (KE) Nru 1071/2009, li jistgħu jaffettwaw ir-reputazzjoni tajba tal-impriża tat-trasport jew tal-maniġer tat-trasport. |
(8) |
L-Artikolu 16(2) tar-Regolament (KE) Nru 1071/2009 jipprovdi wkoll li l-Istati Membri għandhom jinkludu l-ksur serju fir-reġistru elettroniku nazzjonali tal-impriżi tat-trasport bit-triq mhux aktar tard mill-1 ta' Jannar 2016. Il-kategorizzazzjoni armonizzata tal-ksur hija għalhekk pass importanti 'l quddiem li jiżgura kompetizzjoni ġusta bejn l-impriżi, aktar infurzar armonizzat u funzjonament effettiv tas-sistema ta' skambju tal-informazzjoni tar-Reġistru Ewropew tal-Impriżi tat-Trasport bit-triq. |
(9) |
Huwa fl-interess tat-trasparenza u tal-kompetizzjoni ġusta li jiġi stabbilit metodu komuni tal-kalkolu ta' frekwenza tal-okkorrenzi li lil hinn minnhom ksur ripetut għandu jitqies bħala iżjed serju mill-awtorità kompetenti tal-Istat Membru ta' stabbiliment. Tali ksur ripetut jista' jwassal biex titnieda l-proċedura amministrattiva nazzjonali, li, mingħajr preġudizzju għad-diskrezzjoni tal-awtorità kompetenti, jista' jwassal għat-telf ta' reputazzjoni tajba minn operatur tat-trasport. |
(10) |
Bħala regola ġenerali, il-frekwenza għandha tkun determinata billi jitqiesu s-serjetà tal-ksur, iż-żmien u l-għadd medju ta' sewwieqa. Dan għandu jitqies bħala l-limitu massimu, filwaqt li għall-Istati Membri titħalla l-possibbiltà li japplikaw limiti aktar baxxi, kif previst fil-proċedura amministrattiva nazzjonali tagħhom għall-valutazzjoni ta' reputazzjoni tajba. |
(11) |
Għall-assigurazzjoni tal-konsistenza legali u t-trasparenza, huwa wkoll meħtieġ li jiġi emendat l-Anness III tad-Direttiva 2006/22/KE billi jinbidel il-grad ta' serjetà ta' ċertu ksur stipulat hemmhekk skont il-lista tal-ksur l-aktar serju stipulati fl-Anness IV tar-Regolament (KE) Nru 1071/2009. |
(12) |
Il-lista ta' kategoriji, tipi u gradi ta' serjetà ta' ksur serju ġiet determinata f'konsultazzjoni mal-Istati Membri u l-partijiet ikkonċernati tal-Unjoni, fejn il-valutazzjoni tal-livell ta' serjetà kienet ibbażata fuq l-aqwa prassi u fuq l-esperjenza fl-infurzar tad-dispożizzjonijiet leġiżlattivi rilevanti fl-Istati Membri. L-aktar każijiet serji ta' ksur stabbiliti fl-Anness IV tar-Regolament (KE) Nru 1071/2009 kienu jikkostitwixxu l-limitu massimu ta' referenza għall-valutazzjoni tal-grad ta' serjetà ta' ksur rilevanti oħra. |
(13) |
Il-miżuri stipulati f'dan ir-Regolament huma skont l-opinjoni tal-Kumitat fuq it-Trasport bit-Triq stabbilit bl-Artikolu 18(1) tar-Regolament tal-Kunsill (KEE) Nru 3821/85 (3), |
ADOTTAT DAN IR-REGOLAMENT:
Artikolu 1
1. Dan ir-Regolament jistabbilixxi lista komuni ta' kategoriji, tipi u gradi ta' serjetà ta' ksur serju tar-regoli tal-Unjoni tat-trasport bit-triq kummerċjali, kif stabbiliti fl-Anness I ta' dan ir-Regolament, li, b'żieda ma' dawk stabbiliti fl-Anness IV tar-Regolament (KE) Nru 1071/2009, jistgħu jwasslu għat-telf ta' reputazzjoni tajba ta' operatur tat-trasport tat-triq.
2. Dan ir-Regolament jistipula l-frekwenza massima tal-okkorrenza li lil hinn minnha, ksur serju ripetut għandu jitqies bħala iżjed serju, billi jittieħed f'kunsiderazzjoni l-għadd ta' xufiera użati għall-attivitajiet ta' trasport mmexxija mill-maniġer tat-trasport, kif stipulat fl-Anness II.
3. L-Istati Membri għandhom iqisu l-informazzjoni dwar il-ksur serju msemmi fil-paragrafi 1 u 2 meta jwettqu l-proċedura amministrattiva nazzjonali dwar il-valutazzjoni ta' reputazzjoni tajba.
Artikolu 2
L-Anness III tad-Direttiva 2006/22/KE huwa emendat kif stipulat fl-Anness III ta' dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Huwa japplika mill-1 ta' Jannar 2017.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Marzu 2016.
Għall-Kummissjoni
Il-President
Jean-Claude JUNCKER
(1) ĠU L 300, 14.11.2009, p. 51.
(2) ĠU L 102, 11.4.2006, p. 35.
(3) Ir-Regolament tal-Kunsill (KEE) Nru 3821/85 tal-20 ta' Diċembru 1985 dwar apparat ta' reġistrazzjoni għat-trasport bit-triq (ĠU L 370, 31.12.1985, p. 8).
ANNESS I
Kategorizzazzjoni ta' ksur serju
(imsemmi fl-Artikolu 1)
It-tabelli li ġejjin fihom il-kategoriji u t-tipi ta' ksur serju tar-regoli tal-UE tat-trasport bit-triq kummerċjali, maqsuma fi tliet kategoriji ta' gradi ta' serjetà skont il-potenzjal tagħhom li joħolqu riskju ta' fatalitajiet jew ta' korrimenti gravi.
1. Gruppi ta' ksur tar-Regolament (KE) Nru 561/2006 tal-Parlament Ewropew u taql-Kunsill (1) (Ħin ta' sewqan u ta' mistrieħ)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ (2) |
|||
KAS |
KSĦ |
KS |
||||
Ekwipaġġ |
||||||
1. |
Art. 5.1 |
Ma jitħarsux l-etajiet minimi tal-kundutturi |
|
|
X |
|
Perjodi ta' sewqan |
||||||
2. |
Art. 6.1 |
Aktar minn disa' (9) sigħat ta' sewqan kuljum meta mhux permessal-possibbiltà tal-estensjoni għal limitu ta' 10 sigħat |
10s ≤ … < 11s |
|
|
X |
3. |
11s ≤ … |
|
X |
|
||
4. |
Aktar minn disa' (9) sigħat ta' sewqan b'50 % jew iżjed mingħajr brejk jew mingħajr kwalunkwe mistrieħ ta' mill-inqas 4,5 sigħat |
13s30 ≤ … u l-ebda brejk/serħan |
X |
|
|
|
5. |
Jinqabeż il-ħin estiż ta' sewqan kuljum ta' 10 sigħat meta l-estensjoni hija permessa meta l-estensjoni hija permessa |
11s ≤ … < 12s |
|
|
X |
|
6. |
12s ≤ … |
|
X |
|
||
7. |
Aktar minn 10 sigħat ta' sewqan kuljum b'50 % jew iżjed mingħajr brejk jew mingħajr mistrieħ ta' mill-inqas 4,5 sigħat |
15s ≤ … u l-ebda brejk/serħan |
X |
|
|
|
8. |
Art. 6.2 |
Jinqabeż il-ħin ta' sewqan permess fil-ġimgħa |
60s ≤ … < 65s |
|
|
X |
9. |
65s ≤ … < 70 |
|
X |
|
||
10. |
Jinqabeż il-ħin ta' sewqan permess fil-ġimgħa b'25 % jew aktar |
70s ≤ … |
X |
|
|
|
11. |
Art. 6.3 |
Jinqabeż il-ħin ta' sewqan massimu totali f'ġimgħatejn (2) konsekuttivi |
100s ≤ … < 105s |
|
|
X |
12. |
100s ≤ … < 112s30 |
|
X |
|
||
13. |
Jinqabeż il-ħin ta' sewqan massimu totali f'ġimgħatejn (2) konsekuttivi b'25 % jew aktar |
112s30 ≤ … |
X |
|
|
|
Brejks |
||||||
14. |
Art. 7 |
Jinqabeż il-ħin ta' sewqan mhux interrott ta' 4,5 sigħat qabel il-brejk |
5s ≤ … < 6s |
|
|
X |
15. |
6s ≤ … |
|
X |
|
||
Perjodi ta' Serħan |
||||||
16. |
Art. 8.2 |
Perjodu insuffiċjenti ta' serħan ta' inqas minn 11-il siegħa meta mhux permess perjodu mnaqqas ta' serħan ta' kuljum |
8s30 ≤ … < 10s |
|
|
X |
17. |
… < 8s30 |
|
X |
|
||
18. |
Perjodu mnaqqas insuffiċjenti ta' serħan ta' kuljum ta' inqas minn disa' (9) sigħat meta t-tnaqqis huwa permess |
7s ≤ … < 8s |
|
|
X |
|
19. |
… < 7s |
|
X |
|
||
20. |
Perjodu maqsum insuffiċjenti ta' serħan ta' kuljum ta' inqas minn 3s + 9s |
3s + [7s ≤ … < 8s] |
|
|
X |
|
21. |
3s + [… < 7s] |
|
X |
|
||
22. |
Art. 8.5 |
Perjodu insuffiċjenti ta' serħan ta' kuljum ta' inqas minn disa' (9) sigħat għal vettura b'aktar minn sewwieq wieħed |
7s ≤ … < 8s |
|
|
X |
23. |
… < 7s |
|
X |
|
||
24. |
Art. 8.6 |
Perjodu mnaqqas insuffiċjenti ta' serħan fil-ġimgħa ta' inqas minn 24 siegħa |
20s ≤ … < 22s |
|
|
X |
25. |
… < 20s |
|
X |
|
||
26. |
Perjodu insuffiċjenti ta' serħan fil-ġimgħa inqas minn 45 siegħa meta mhux permess perjodu mnaqqas ta' serħan fil-ġimgħa |
36s ≤ … < 42s |
|
|
X |
|
27. |
… < 36s |
|
X |
|
||
28 |
Art. 8.6 |
Aktar minn sitt (6) perjodi konsekuttivi ta' 24 siegħa wara l-perjodu preċedenti ta' serhan fil-ġimgħa |
3s ≤ … < 12s |
|
|
X |
12s ≤ … |
|
X |
|
|||
Deroga mir-regola ta' 12-il jum |
||||||
29. |
Art. 8.6a |
Aktar minn 12-il perjodu konsekuttivi ta' 24 siegħa wara perjodu preċedenti ta' serhan fil-ġimgħa |
3s ≤ … < 12s |
|
|
X |
12s ≤ … |
|
X |
|
|||
30. |
Art. 8.6 a (b)(ii) |
Perjodu ta' serhan fil-ġimgħa jittieħed wara 12-il perjodu konsekuttivi ta' 24 siegħa |
65s < … ≤ 67s |
|
|
X |
… ≤ 65s |
|
X |
|
|||
31. |
Art. 8.6 a (d) |
Perjodu ta' sewqan, bejn l-22.00 u s-6.00, ta' aktar minn tliet sigħat qabel il-brejk, jekk il-vettura ma jkollhiex aktar minn sewwieq wieħed |
3s < … < 4,5s |
|
|
X |
4,5s ≤ … |
|
X |
|
|||
Organizzazzjoni tax-xogħol |
||||||
32. |
Art. 10.1 |
Relazzjoni bejn il-paga u d-distanza misjuqa jew l-ammont ta' oġġetti trasportati |
|
X |
|
|
33. |
Art. 10.2 |
L-ebda organizzazzjoni jew l-organizzazzjoni mhux xierqa tax-xogħol tal-kunduttur, l-ebda struzzjoni jew struzzjonijiet mhux xierqa mogħtija lill-kunduttur li jippermettulu li jikkonforma mal-liġi |
|
X |
|
2. Gruppi ta' ksur tar-Regolament (KE) Nru 165/2014 tal-Parlament Ewropew u tal-Kunsill (3) (Takografu)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
L-installazzjoni ta' takografu |
|||||
1. |
Artikoli 3.1 u 22 |
Ma jkunx installat u użat takografu tat-tip approvat (pereżempju: it-takografu ma jkunx installat minn fitters, workshops jew manifatturi tal-vetturi li huma approvati mill-awtoritajiet kompetenti tal-Istati Membri, l-użu ta' takografu mingħajr is-siġilli neċessarji mqiegħda jew sostitwiti minn fitter, minn workshop jew minn manifattur tal-vetturi li huma approvati jew l-użu ta' takografu mingħajr il-pjanċa tal-installazzjoni) |
X |
|
|
Użu tat-takografu, tal-karta tas-sewwieq jew tal-folja ta' reġistrazzjoni |
|||||
2. |
Art. 23.1 |
L-użu ta' takografu mhux spezzjonat minn workshop approvat |
|
X |
|
3. |
Art. 27 |
Is-sewwieq għandu fil-pussess tiegħu u/jew juża aktar minn karta tas-sewwieq waħda li hija tiegħu u li hija valida |
|
X |
|
4. |
Sewqan b'karta tas-sewwieq falsifikata (meqjus bħala sewqan mingħar karta tas-sewwieq) |
X |
|
|
|
5. |
Sewqan b'karta tas-sewwieq li tagħha s-sewwieq mhuwiex id-detentur (meqjus bħala sewqan mingħar karta tas-sewwieq) |
X |
|
|
|
6. |
Sewqan b'karta tas-sewwieq li ġiet akkwistata abbażi ta' dikjarazzjonijiet foloz u/jew ta' dokumenti ffalsifikati (meqjus bħala sewqan mingħar karta tas-sewwieq) |
X |
|
|
|
7. |
Art. 32.1 |
Takografu ma jiffunzjonax tajjeb (pereżempju it-takografu ma jkunx spezzjonat, ikkalibrat u ssiġillat b'mod tajjeb) |
|
X |
|
8. |
Artikoli 32.1 u 33.1 |
Takografu użat b'mod ħażin (pereżempju: l-użu ħażin b'mod intenzjonat, volontarju jew imponut, nuqqas ta' struzzjonijiet dwar l-użu korrett eċċ.) |
|
X |
|
9. |
Art. 32.3 |
L-użu ta' tagħmir ta' falsifikazzjoni li jkun kapaċi jimmodifika r-reġistrazzjonijiet tat-takografu |
X |
|
|
10. |
Falsifikazzjoni, ħabi, suppressjoni jew qerda tad-dejta rreġistrata fuq il-folji tar-reġistrazzjoni jew tad-dejta maħżuna u ddawnlowdjata mit-takografu u/jew mill-karta tas-sewwieq |
X |
|
|
|
11. |
Art. 33.2 |
L-impriża ma żżommx folji tar-reġistrazzjoni, karti stampati u dejta li titniżżel |
|
X |
|
12. |
Id-dejta rreġistrata jew maħżuna mhix disponibbli għal mill-inqas sena |
|
X |
|
|
13. |
Art. 34.1 |
Il-folji tar-reġistrazzjoni/il-karta tas-sewwieq jintużaw ħażin |
|
X |
|
14. |
Irtirar mhux awtorizzat tal-folji jew tal-karta tas-sewwieq li jħalli impatt fuq ir-reġistrazzjoni tad-dejta rilevanti |
|
X |
|
|
15. |
Tintuża folja tar-reġistrazzjoni jew karta tas-sewwieq biex tkopri perjodu itwal minn dak intenzjonat u tintilef xi dejta |
|
X |
|
|
16. |
Art. 34.2 |
Jintużaw folji tar-reġistrazzjoni jew karti tas-sewwieqa maħmuġin jew danneġġati u d-dejta mhijiex leġibbli |
|
X |
|
17. |
Art. 34.3 |
Ma jsirx input manwali, meta dan ikun meħtieġ |
|
X |
|
18. |
Art. 34.4 |
Ma tintużax il-folja korretta jew il-karta tas-sewwieq tkun fi slott ħażin (aktar minn sewwieq wieħed) |
|
|
X |
19. |
Art. 34.5 |
Il-mekkaniżmu ta' kommutazzjoni jintuża ħażin |
|
X |
|
Preżentazzjoni tal-informazzjoni |
|||||
20. |
Art. 36 |
Rifjut li ssir verifika |
|
X |
|
21. |
Art. 36 |
Preżentazzjoni mhux possibbli tar-reġistrazzjonijiet ta' dik il-ġurnata u tat-28 jum preċedenti |
|
X |
|
22. |
Preżentazzjoni mhux possibbli tar-reġistrazzjonijiet tal-karta tas-sewwieq, meta s-sewwieq ikollu waħda |
|
X |
|
|
23. |
Art. 36 |
Preżentazzjoni mhux possibbli tar-reġistrazzjonijiet manwali u tal-karti stampati li saru matul dik il-ġurnata u matul it-28 jum preċedenti |
|
X |
|
24. |
Art. 36 |
Preżentazzjoni mhux possibbli tal-karta tas-sewwieq, meta s-sewwieq ikollu waħda |
|
X |
|
Funzjonament ħażin |
|||||
25. |
Artikoli 37.1 u 22.1 |
Takografu mhux imsewwi minn fitter jew minn workshop li huma approvati |
|
X |
|
26. |
Art. 37.2 |
Is-sewwieq ma jniżżilx l-informazzjoni kollha meħtieġa għal dawk il-perjodi ta' ħin li matulhom ma sarux reġistrazzjonijiet meta t-takografu ma jkunx jista' jissewwa jew ikun qed jaħdem ħażin |
|
X |
|
3. Gruppi ta' ksur tar-Regolament (KEE) Nru 2002/15/KE) tal-Parlament Ewropew u tal-Kunsill (4) (Ir-regoli dwar il-ħin tax-xogħol)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
|||
KAS |
KSĦ |
KS |
||||
Ħin tax-xogħol massimu matul il-ġimgha |
||||||
1. |
Art. 4 |
Aktar mill-ħin tax-xogħol massimu ta' 48 siegħa fil-ġimgħa meta l-possibbiltajiet għal estensjoni għal 60s diġà ġew eżawriti |
56s ≤ …< 60s |
|
|
X |
2. |
60s ≤ … |
|
X |
|
||
3. |
Aktar mill-ħin tax-xogħol massimu ta' 60 siegħa fil-ġimgħa meta ma ngħatat l-ebda deroga skont l-Art. 8 |
65 ≤ … < 70s |
|
|
X |
|
4. |
70s ≤ … |
|
X |
|
||
Brejks |
||||||
5. |
Art. 5.1 |
Brejk obbligatorju insuffiċjenti meħud meta l-ħin tax-xogħol huwa ta' bejn 6 u 9 sigħat |
10 < … ≤ 20 min |
|
|
X |
6. |
… ≤ 10 min |
|
X |
|
||
7. |
Brejk obbligatorju insuffiċjenti meħud meta l-ħin tax-xogħol huwa ta' aktar minn 9 sigħat |
20 < … ≤ 30min |
|
|
X |
|
8. |
… ≤ 20 min |
|
X |
|
||
Xogħol ta' billejl |
||||||
9. |
Art. 7.1 |
Ħin tax-xogħol ta' kuljum f'kull 24s meta jitwettaq ix-xogħol ta' billejl jekk ma ngħatat l-ebda deroga skont l-Art. 8 |
11s ≤ … < 13s |
|
|
X |
10. |
13s < … |
|
X |
|
||
Reġistrazzjonijiet |
||||||
11. |
Art. 9 |
Min iħaddem jiffalsifika r-reġistrazzjonijiet tal-ħin tax-xogħol jew jirrifjuta li jipprovdi reġistrazzjonijiet lill-uffiċjal tal-ispezzjoni |
|
X |
|
|
12. |
Is-sewwieqa impjegati/is-sewweiqa li jaħdmu għal rashom jiffalsifikaw ir-reġistrazzjonijiet tal-ħin tax-xogħol jew jirrifjutaw li jipprovdu r-reġistrazzjonijiet lill-uffiċjal tal-ispezzjoni |
|
X |
|
4. Gruppi ta' ksur tar-Regolament tal-Kunsill (KEE) Nru 96/53/KE (5) (Ir-regoli dwar il-piż u l-qies)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
|||
KAS |
KSĦ |
KS |
||||
Piżijiet |
||||||
1. |
Art. 1 |
Jinqabeż il-piż massimu permissibbli għal vetturi N |
5 % ≤ … < 10 % |
|
|
X |
2. |
10 % ≤ … < 20 % |
|
X |
|
||
3. |
20 % ≤ … |
X |
|
|
||
4. |
Jinqabeż il-piż massimu permissibbli għal vetturi N2 |
5 % ≤ … < 15 % |
|
|
X |
|
5. |
15 % ≤ … < 25 % |
|
X |
|
||
6. |
25 % ≤ … |
X |
|
|
||
Tulijiet: |
||||||
7. |
Art. 1 |
Jinqabeż it-tul massimu permissibbli |
2 % < … < 20 % |
|
|
X |
8. |
20 % ≤ … |
|
X |
|
||
Wisa' |
||||||
9. |
Art. 1 |
Jinqabeż il-wisa' massima permissibbli |
2,65 ≤ … < 3,10 metri |
|
|
X |
10. |
3,10 metri ≤ … |
|
X |
|
5. Gruppi ta' ksur tad-Direttiva 2014/45/UE tal-Parlament Ewropew u tal-Kunsill (6) (It-testijiet perjodiċi tal-affidabilità stradali) u d-Direttiva 2014/47/UE tal-Parlament Ewropew u tal-Kunsill (7) (Spezzjoni teknika waqt it-traġitt)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
Affidabilità stradali |
|||||
1. |
Artikoli 8 u 10 tad-Direttiva 2014/45/KE u l-Art. 7.1 tad-Direttiva 2014/47/UE |
Sewqan mingħajr prova valida ta' testijiet b'suċċes tal-affidabilità stradali, kif meħtieġ mil-liġi tal-UE |
X |
|
|
2. |
L-Art. 12.2 tad-Direttiva 2014/47/UE |
Li vettura ma tinżammx f'kundizzjoni tajba ta' sikurezza u ta' affidabilità li mbagħad tirriżulta f'difett serju ħafna fis-sistema tal-brejkijiet, fil-konnessjonijiet tal-istering, fir-roti/tajers, is-sospensjoni jew xażi jew tagħmir ieħor li joħloq tali riskju immedjat għas-sikurezza fit-triq li jwassal għal deċiżjoni ta' immobilizzazzjoni tal-vettura |
X |
|
|
Id-Direttiva 2014/47/UE dwar l-ispezzjoni teknika waqt it-traġitt tal-affidabilità stradali ta' vetturi kummerċjali fih fl-Anness II tagħha klassifikazzjoni dettaljata ta' nuqqasijiet tekniċi maqsuma, skont il-grad tagħhom ta' severità, f'nuqqasijiet minuri, maġġuri u perikolużi. L-Artikolu 12.2 ta' din id-Direttiva jistipula d-definizzjonijiet li ġejjin:
(a) |
nuqqasijiet minuri li ma għandhom l-ebda effett sinifikanti fuq is-sikurezza tal-vettura jew ikollhom impatt fuq l-ambjent, u nuqqasijiet minuri ta' konformità oħrajn; |
(b) |
nuqqasijiet maġġuri li jistgħu jippreġudikaw is-sikurezza tal-vettura jew ikollhom impatt fuq l-ambjent jew iqiegħdu fil-periklu lil utenti oħra tat-triq jew nuqqasijiet ta' konformità sinifikanti oħrajn; |
(c) |
nuqqasijiet perikolużi li joħolqu riskju dirett u immedjat għas-sikurezza fit-triq jew li jkollhom impatt fuq l-ambjent. |
Il-livell ta' ksur kontra d-dispożizzjonijiet tad-direttivi dwar l-affidabilità stradali għandhom jirriflettu n-nuqqasijiet tal-Anness II tad-Direttiva 2014/47/UE, jiġifieri: KS = nuqqasijiet maġġuri, KSĦ = nuqqasijiet perikolużi, KAS = sewqan b'nuqqasijiet, li joħloq riskji immedjati għas-sikurezza tat-triq, nuqqasijiet minuri huma ugwali għal ksur minuri.
6. Gruppi ta' ksur tad-Direttiva tal-Kunsill 92/6/KEE (8) (L-apparat li jillimita l-veloċità)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
1. |
Artikoli 2 u 3 |
L-apparat li jillimita l-veloċità mhux mgħammar |
X |
|
|
2. |
Art. 5 |
L-apparat li jillimita l-veloċità ma jissodisfax ir-rekwiżiti tekniċi applikabbli |
|
X |
|
3. |
Art. 5 |
L-apparat li jillimita l-veloċità mhux mgħammar minn workshop approvat |
|
|
X |
4. |
|
L-użu ta' apparat frodulenti li jkun kapaċi jiffalsifika d-dejta tal-apparat li jillimita l-veloċità jew l-użu ta' apparat li jillimita l-veloċità frodulenti |
X |
|
|
7. Gruppi ta' ksur tad-Direttiva 2003/59/KE tal-Parlament Ewropew u tal-Kunsill (9) (Il-kwalifika inizjali u t-taħriġ perjodiku tas-sewwieqa)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
Taħriġ u liċenzja |
|||||
1. |
Art. 3 |
Il-ġarr ta' merkanzija jew ta' passiġġieri mingħajr kwalifika inizjali obbligatorja u/jew taħriġ perjodiku obbligatorju |
|
X |
|
2. |
Art. 10 u l-Anness II |
Ma jkunx possibbli għas-sewwieq li jippreżenta karta ta' kwalifikazzjoni valida jew il-liċenzja tas-sewqan bl-indikazzjonjiet, kif meħtieġ bil-liġi nazzjonali (pereżempju: mitlufa, minsija, danneġġati, mhux leġibbli) |
|
|
X |
8. Gruppi ta' ksur tad-Direttiva 2006/126/KE tal-Parlament Ewropew u tal-Kunsill (10) (Ir-rekwiżiti tal-liċenzji tas-sewqan)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
1. |
Artikoli 1 u 4 tad-Direttiva 2006/126/KE |
Il-ġarr ta' passiġġieri jew oġġetti mingħajr liċenzja tas-sewqan valida |
X |
|
|
2. |
Art. 1 Anness I |
L-użu ta' liċenzja tas-sewqan li hija danneġġata jew li ma tistax tinqara jew li mhijiex konformi ma' mudell komuni |
|
|
X |
9. Gruppi ta' ksur tad-Direttiva 2008/68/KE tal-Parlament Ewropew utal-Kunsill (11) (It-trasport bit-triq ta' merkanzija perikoluża)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
1. |
L-Anness I, it-Taqsima I.1, tad-Direttiva 2008/68/KE |
It-trasport ta' oġġetti perikolużi li huma pprojbiti għat-trasport |
X |
|
|
2. |
It-trasport ta' oġġetti perikolużi f'mezzi ta' konteniment li huma pprojbiti jew mhux approvati, b'riżultat ta' periklu għall-ħajja jew għall-ambjent sa tali punt li dan iwassal għal deċiżjoni li tiġi immobilizzata l-vettura |
X |
|
|
|
3. |
It-trasport ta' oġġetti perikolużi mingħajr l-identifikazzjoni tagħhom fuq il-vettura bħala merkanzija perikoluża, b'riżultat ta' periklu għall-ħajja jew għall-ambjent sa tali punt li dan iwassal għal deċiżjoni li tiġi immobilizzata l-vettura |
X |
|
|
|
4. |
Likiġ ta' sustanzi perikolużi |
|
X |
|
|
5. |
Il-ġarr ta' volumi f'kontejner li mhuwiex strutturalment tajjeb għas-servizz |
|
X |
|
|
6. |
Il-ġarr f'vettura mingħajr ċertifikat xieraq ta' approvazzjoni |
|
X |
|
|
7. |
Il-vettura ma għadhiex tikkonforma mal-istandards ta' approvazzjoni u tippreżenta periklu immedjat; |
|
X |
|
|
8. |
Nuqqas ta' konformità mar-regoli li jirregolaw l-irbit u l-istivar tat-tagħbija |
|
X |
|
|
9. |
Nuqqas ta' konformità mar-regoli li jirregolaw it-tagħbija mħallta ta' pakketti |
|
X |
|
|
10. |
Id-dispożizzjonijiet li jillimitaw il-kwantitajiet li jinġarru f'unità waħda tat-trasport ma jkunux ġew osservati, inklużi livelli permissibbli tal-mili tat-tankijiet jew tal-pakketti; |
|
X |
|
|
11. |
Nuqqas ta' informazzjoni rilevanti dwar is-sustanza li qed tinġarr li tippermetti d-determinazzjoni tal-grad ta' serjetà tal-offiża (pereżempju n-numru NU, id-denominazzjoni, korretta tal-ispeditur, il-grupp tal-ippakkjar) |
|
X |
|
|
12. |
Is-sewwieq ma għandux ċertifikat ta' taħriġ vokazzjonali validu |
|
X |
|
|
13. |
Qed jintuża nar jew dawl mhux protett |
|
X |
|
|
14. |
Il-projbizzjoni fuq it-tipjip mhix qed tiġi osservata. |
|
X |
|
|
15. |
Il-vettura mhijiex taħt superviżjoni jew mhix ipparkjata b'mod tajjeb |
|
|
X |
|
16. |
L-unità tat-trasport fiha aktar minn trejler/semitrejler wieħed |
|
|
X |
|
17. |
Il-vettura ma għadhiex tikkonforma mal-istandards ta' approvazzjoni iżda ma tippreżentax periklu immedjat |
|
|
X |
|
18. |
Il-vettura mhux qed iġġorr tagħmir operattiv għat-tifi tan-nar kif meħtieġ |
|
|
X |
|
19. |
Il-vettura ma fihiex it-tagħmir meħtieġ mill-ADR jew mill-istruzzjonjiet bil-miktub |
|
|
X |
|
20. |
Qed jinġarru pakketti b'ippakkjar danneġġat, IBCs jew ippakkjar kbir jew danneġġat, mhux imnaddaf u vojt |
|
|
X |
|
21. |
Merkanzija ppakkjata qed tinġarr f'kontejner li mhuwiex strutturalment tajjeb għas-servizz |
|
|
X |
|
22. |
It-tankijiet/kontejners tat-tankijiet (inklużi dawk li huma vojta u mhux imnaddfa) ma jingħalqux sew |
|
|
X |
|
23. |
It-tikkettar, l-immarkar jew il-plakards mhumiex korretti fuq il-vettura u/jew ta' trażżin |
|
|
X |
|
24. |
Ma hemmx struzzjonijiet bil-miktub li jikkonformaw mal-ADR, jew l-struzzjonijiet bil-miktub mhumiex rilevanti għall-merkanzija li qed tinġarr |
|
|
X |
Id-Direttiva tal-Kummissjoni 2004/112/KE (12), li tadatta għall-progress tekniku lid-Direttiva tal-Kunsill 95/50/KE (13) dwar proċeduri uniformi għal verifiki fuq it-trasport ta' merkanzija perikoluża bit-triq, tinkludi fl-Anness II tagħha klassifikazzjoni dettaljata ta' ksur kontra d-dispożizzjonijiet rilevanti, diviżi, skont il-livell ta' severità, fi tliet kategoriji ta' riskju: Kategorija tar-Riskju I, Kategorija tar-Riskju II, Kategorija tar-Riskju III.
Il-grad ta' ksur kontra d-dispożizzjonijiet għandu jirrifletti l-kategoriji tar-riskju provduti fl-Anness II tad-Direttiva 2004/112/KE, b'tali mod li l-Kategorija tar-Riskju I = KSĦ (ħlief dak il-ksur li diġà huwa definit bħala Ksur l-Aktar Serju (KAS) fl-Anness IV tar-Regolament (KE) Nru 1071/2009), il-Kategorija tar-Riskju II = Ksur Serju (KS). Il-Kategorija tar-Riskju III hija ugwali għal-grad ta' ksur minuri.
Din it-tabella tkopri biss dawk il-każijiet ta' ksur li għalihom trasportatur għandu jkun meqjus kompletament jew parzjalment responsabbli. Il-grad ta' responsabbiltà għall-ksur ta' trasportatur għandu jiġi vvalutat skont il-proċedura tal-infurzar tal-Istat Membru nazzjonali.
10. Gruppi ta' ksur tar-Regolament (KE) Nru 1072/2009 tal-Parlament Ewropew u tal-Kunsill (14) (L-aċċess għas-suq internazzjonali tat-trasport bit-triq tal-merkanzija)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
Liċenzja Komunitarja |
|||||
1. |
Art. 3 |
It-trasport ta' merkanzija mingħajr liċenzja Komunitarja valida (jiġifieri: l-ebda liċenzja jew liċenzja ffalsifikata, irtirata, skaduta eċċ.) |
X |
|
|
2. |
Art. 4 |
L-impriża tat-trasport bit-triq tal-merkanzija jew is-sewwieq ma jkunux jistgħu jippreżentaw liċenzja Komunitarja valida jew kopja attestata awtentika valida tal-liċenzja Komunitarja lill-uffiċjal tal-ispezzjoni (jiġifieri: Liċenzja Komunitarja jew kopja attestata awtentika tal-liċenzja Komunitarja mitlufin, minsijin, danneġġati, eċċ.) |
|
X |
|
Attestazzjoni tas-sewwieq |
|||||
3. |
Art. 3 u 5 |
Il-trasport ta' merkanzija mingħajr liċenzja Komunitarja valida (jiġifieri: l-ebda liċenzja jew liċenzja ffalsifikata; irtirata, skaduta eċċ.) |
|
X |
|
4. |
Ma jkunx possibbli għas-sewwieq jew għall-impriża tat-trasport bit-triq tal-merkanzija, li jippreżentaw ċertifikat tas-sewwieq validu jew kopja attestata valida taċ-ċertifikat tas-sewwieq lill-uffiċjal tal-ispezzjoni (jiġifieri ċertifikat tas-sewwieq jew kopja attestata awtentika taċ-ċertifikat tas-sewwieq mitlufin, minsijin, danneġġati eċċ.) |
|
|
X |
11. Gruppi ta' ksur tar-Regolament (KE) Nru 1073/2009 tal-Parlament Ewropew u tal-Kunsill (15) (L-aċċess għas-suq tas-servizzi tal-kowċ u tax-xarabank)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KS |
KS |
|||
Liċenzja Komunitarja |
|||||
1. |
Art. 4 |
Il-ġarr ta' passiġġieri jew oġġetti mingħajr liċenzja tas-sewqan Komunitarja valida l-ebda liċenzja jew liċenzja ffalsifikata, irtirata, skaduta eċċ.) |
X |
|
|
2. |
Art. 4.3 |
Ma jkunx possibbli għat-trasportatur jew għas-sewwieq li jippreżenta liċenzja Komunitarja valida jew kopja attestata awtentika valida tal-liċenzja Komunitarja lill-uffiċjal tal-ispezzjoni (jiġifieri liċenzja tas-sewwieq jew kopja attestata awtentika mitlufin, minsijin, danneġġati eċċ.) |
|
X |
|
Awtorizzazzjoni għal servizzi regolari |
|||||
3. |
Artikoli 5 u 6 |
Servizzi regolari mingħajr awtorizzazzjoni valida (jiġifieri: l-ebda liċenzja jew liċenzja ffalsifikata, irtirata, skaduta eċċ.) |
|
X |
|
4. |
Art. 19 |
Ma jkunx possibbli għas-sewwieq li jippreżenta l-awtorizzazzjoni lill-uffiċjal tal-ispezzjoni (jiġifieri awtorizzazzjoni mitlufa, minsija, danneġġata, ecc.) |
|
|
X |
5. |
Artikoli 5 u 6 |
Il-waqfiet f'servizzi regolari ta' Stat Membru ma jikkorrispondux għall-awtorizzazzjoni maħruġa |
|
|
X |
Formola tal-vjaġġ għal servizzi okkażjonali u għal servizzi oħra eżenti mill-awtorizzazzjoni |
|||||
6. |
Art. 12 |
Sewqan mingħajr formola tal-vjaġġ valida (jiġifieri l-ebda formola tal-vjaġġ jew formola tal-vjaġġ iffalsifikata jew li ma fihiex l-informazzjoni meħtieġa, eċċ.) |
|
|
X |
12. Gruppi ta' ksur tar-Regolament tal-Kunsill (KE) Nru 1/2005 (16) (Il-ġarr tal-annimali)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
||
KAS |
KSĦ |
KS |
|||
1. |
L-Anness I, il-Kapitolu II, |
Id-diviżorji (partitions) mhumiex b'saħħithom biżżejjed biex jifilħu għall-piż ta' annimali |
|
X |
|
2. |
L-Anness I, il-Kapitolu III, |
L-użu ta' rampi tat-tagħbija jew tal-ħatt li għandhom uċuħ li jiżolqu, bil-protezzjonijiet laterali nieqsa jew li huma weqfin wisq |
|
|
X |
3. |
L-użu ta' pjattaformi ta' rfigħ jew ta' sulari ta' fuq li ma għandhomx ostakli tas-sikurezza li jżommu l-annimali milli jaqgħu jew milli jaħarbu matul l-operazzjonijiet tat-tagħbija u tal-ħatt |
|
|
X |
|
4. |
Art. 7 |
Mezzi tat-trasport mhux approvati għal vjaġġi twal, jew mhux approvati għat-tip ta' annimali li jkunu qed jiġu ttrasportati. |
|
|
X |
5. |
Artikoli 4, 5 u 6 |
It-trasport mingħajr id-dokumentazzjoni valida meħtieġa, il-ktieb tal-vjaġġ jew l-awtorizzazzjoni tat-trasportatur jew iċ-ċertifikat ta' kompetenza |
|
|
X |
(1) Ir-Regolament (KE) Nru 561/2006 tal-Parlament Ewropew u tal-Kunsill tal-15 ta' Marzu 2006 dwar l-armonizzazzjoni ta' ċertu leġiżlazzjoni soċjali li għandha x'taqsam mat-trasport bit-triq u li jemenda r-Regolamenti tal-Kunsill (KEE) Nru 3821/85 u (KE) Nru 2135/98 u li jħassar ir-Regolament tal-Kunsill (KEE) Nru 3820/85, (ĠU L 102, 11.4.2006, p. 1).
(2) KAS = Ksur l-Aktar Serju/KSĦ = Ksur Serju Ħafna/KS = Ksur Serju
(3) Ir-Regolament (UE) Nru 165/2014 tal-Parlament Ewropew u tal-Kunsill tal-4 ta' Frar 2014 dwar takografi fit-trasport bit-triq, li jħassar ir-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq u li jemenda r-Regolament (KE) Nru 561/2006 tal-Parlament Ewropew u tal-Kunsill dwar l-armonizzazzjoni ta' ċerta leġiżlazzjoni soċjali li għandha x'taqsam mat-trasport bit-triq (ĠU L 60, 28.2.2014, p. 1).
(4) Id-Direttiva 2002/15/KE tal-Parlament Ewropew u tal-Kunsill tal-11 ta' Marzu 2002 dwar l-organizzazzjoni tal-ħin tax-xogħol ta' ħaddiema li jwettqu attivitajiet mobbli tat-trasport fit-toroq, (ĠU L 80, 23.3.2002, p. 35).
(5) Id-Direttiva tal-Kunsill 96/53/KE tal-25 ta' Lulju 1996 li tistabbilixxi ghal certi vetturi tat-triq li jiccirkolaw fi hdan il-Komunità id-dimensjonijiet massimi awtorizzati fit-traffiku nazzjonali u internazzjonali u l-piżijiet massimi awtorizzati fit-traffiku internazzjonali, (ĠU L 235, tas-17.9.1996, p. 59). Id-Direttiva ġiet emendata mid-Direttiva (UE) 2015/719 tal-Parlament Ewropew u tal-Kunsill (ĠU L 115, 6.5.2015, p. 1) li għandha tiġi trasposta mill-Istati Membri sas-7 ta' Mejju 2017.
(6) Id-Direttiva 2014/45/UE tal-Parlament Ewropew u tal-Kunsill tat-3 ta' April 2014 dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u li tħassar id-Direttiva 2009/40/KE, (ĠU L 127, 29.4.2014, p. 51).
(7) Id-Direttiva 2014/47/UE tal-Parlament Ewropew u tal-Kunsill tat-3 ta' April 2014 dwar l-ispezzjonijiet tekniċi waqt it-traġitt tal-affidabilità stradali ta' vetturi kummerċjali li jiċċirkolaw fl-Unjoni u li jirrevoka d-Direttiva 2000/30/KE, (ĠU L 127, 29.4.2014, p. 134).
(8) Id-Direttiva tal-Kunsill 92/6/KEE tal-10 ta' Frar 1992 dwar l-istallazzjoni u l-użu ta' apparat li jillimita l-veloċità għal ċerti kategoriji ta' vetturi tal-mutur fil-Komunità (ĠU L 57, 2.3.1992, p. 27).
(9) Id-Direttiva 2003/59/KE tal-Parlament Ewropew u tal-Kunsill tal-15 ta' Lulju 2003 dwar il-kwalifika inizjali u taħriġ perjodiku ta' sewwieqa ta' ċerti vetturi tat-triq għat-trasport ta' prodotti jew passiġġieri, li temenda r-Regolament tal-Kunsill (KEE) Nru 3820/85 u d-Direttiva tal-Kunsill 91/439/KEE u li tħassar id-Direttiva tal-Kunsill 76/914/KEE, (ĠU L 226, 10.9.2003, p. 4).
(10) Id-Direttiva 2006/126/KE tal-Parlament Ewropew u tal-Kunsill tal-20 ta' Diċembru 2006 dwar il-liċenzji tas-sewqan, ĠU L 403, 30.12.2006, p. 18
(11) Id-Direttiva 2008/68/KE tal-Parlament Ewropew u tal-Kunsill tal-24 ta' Settembru 2008 dwar it-trasport intern ta' oġġetti perikolużi, (ĠU L 260, 30.9.2008, p. 13).
(12) Id-Direttiva tal-Kummissjoni 2004/112/KE tat-13 ta' Diċembru 2004 li tadatta għall-progress tekniku lid-Direttiva tal-Kunsill 95/50/KE dwar proċeduri uniformi għal verifiki fuq it-trasport ta' merkanzija perikoluża bit-triq (ĠU L 367, 14.12.2004, p. 23).
(13) Id-Direttiva tal-Kunsill 95/50/KE tas-6 ta' Ottubru 1995 dwar proċeduri uniformi għal verifiki fuq it-trasport ta' merkanzija perikoluża bit-triq (ĠU L 249, 17.10.1995, p. 35).
(14) Ir-Regolament (KE) Nru 1072/2009 tal-Parlament Ewropew u tal-Kunsill tal-21 ta' Ottubru 2009 dwar regoli komuni għall-aċċess għas-suq internazzjonali tat-trasport bit-triq tal-merkanzija ĠU L 300, 14.11.2009, p. 72).
(15) Ir-Regolament (KE) Nru 1073/2009 tal-Parlament Ewropew u tal-Kunsill tal-21 ta' Ottubru 2009 dwar regoli komuni għall-aċċess għas-suq internazzjonali tas-servizzi tal-kowċ u x-xarabank u li jħassar ir-Regolament (KE) Nru 561/2006 (ĠU L 300, 14.11.2009, p. 88).
(16) Ir-Regolament (KE) Nru 1/2005 tal-Kunsill tat-22 ta' Diċembru 2004 dwar il-protezzjoni tal-annimali waqt it-trasport u operazzjonijiet relatati u li temenda d-Direttivi 64/432/KEE u 93/119/KE u r-Regolament (KE) Nru 1255/97, (ĠU L 3, 5.1.2005, p. 1).
ANNESS II
Frekwenza tal-okkorrenza ta' ksur serju
1. |
Il-Ksur Serju u l-Ksur Serju Ħafna elenkati fl-Anness I, meta jitwettqu b'mod ripetut għandu jitqies bħala iżjed serju mill-awtorità kompetenti ta' Stat Membru ta' stabbiliment. Meta tiġi kkalkolata l-frekwenza tal-okkorrenza ta' ksur ripetut l-Istati Membri għandhom iqisu l-fatturi li ġejjin:
|
2. |
Il-potenzjal li jinħoloq riskju għas-sikurezza stradali, b'frekwenza massima ta' ksur serju li tmur lil hinn minn dak li għandu jitqies bħala iżjed serju għandu jiġi stabbilit kif ġej:
|
3. |
L-għadd ta' ksur għal kull sewwieq fis-sena huwa ċ-ċifra medja kkalkulata permezz tad-diviżjoni tal-għadd totali tal-ksur kollha tal-istess grad ta' serjetà (Ksur Serju jew Ksur Serju Ħafna) bl-għadd medju ta' sewwieqa impjegati matul is-sena. Il-formula tal-frekwenza jistipula limitu massimu għall-okkorrenza tal-ksur serju li lil hinn minnu dawn għandhom jitqiesu bħala aktar serji. L-Istati Membri jistgħu jistabbilixxu limiti iktar stretti jekk dawn huma previsti fil-proċedura amministrattiva nazzjonali tagħhom għall-valutazzjoni ta' reputazzjoni tajba. |
ANNESS III
L-Anness III tad-Direttiva 2006/22/KE jinbidel b'dan li ġej:
“ANNESS III
1. Gruppi ta' ksur tar-Regolament (KE) Nru 561/2006
Nru |
BAŻI ĠURIDIKA |
TIPI TA' KSUR |
GRAD TA' SERJETÀ (1) |
||||
KAS |
KSĦ |
KS |
KM |
||||
A |
Ekwipaġġ |
||||||
A1 |
Art. 5.1 |
Ma jitħarsux l-etajiet minimi tal-kundutturi |
|
|
X |
|
|
B |
Perjodi ta' sewqan |
||||||
B1 |
Art. 6.1 |
Aktar minn disa' (9) sigħat ta' sewqan kuljum meta mhux permessal-possibbiltà tal-estensjoni għal limitu ta' 10 sigħat |
9s < … < 10s |
|
|
|
X |
B2 |
10s ≤ … < 11s |
|
|
X |
|
||
B3 |
11s ≤ … |
|
X |
|
|
||
B4 |
Aktar minn disa' (9) sigħat ta' sewqan kuljum b'50 % jew iżjed mingħajr brejk jew mingħajr mistrieħ ta' mill-inqas 4,5 sigħat |
13s30 ≤ … u l-ebda brejk/serħan |
X |
|
|
|
|
B5 |
Jinqabeż il-ħin estiż ta' sewqan kuljum ta' 10 sigħat meta l-estensjoni hija permessa |
10s < … < 11s |
|
|
|
X |
|
B6 |
11s ≤ … < 12s |
|
|
X |
|
||
B7 |
12s ≤ … X |
|
X |
|
|
||
B8 |
Aktar minn 10 sigħat ta' sewqan kuljum b'50 % jew iżjed mingħajr brejk jew mingħajr mistrieħ ta' mill-inqas 4,5 sigħat |
15s ≤ … u l-ebda brejk/serħan |
X |
|
|
|
|
B9 |
Art. 6.2 |
Jinqabeż il-ħin ta' sewqan permess fil-ġimgħa |
56s < … < 60s |
|
|
|
X |
B10 |
60s ≤ … < 65s |
|
|
X |
|
||
B11 |
65s ≤ … < 70s |
|
X |
|
|
||
B12 |
Jinqabeż il-ħin ta' sewqan permess fil-ġimgħa b'25 % jew aktar |
70s ≤ … |
X |
|
|
|
|
B13 |
Art. 6.3 |
Jinqabeż il-ħin ta' sewqan massimu totali f'ġimgħatejn (2) konsekuttivi |
90s < … < 100s |
|
|
|
X |
B14 |
100s ≤ … < 105s |
|
|
X |
|
||
B15 |
100s ≤ … < 112s30 |
|
X |
|
|
||
B16 |
Jinqabeż il-ħin ta' sewqan massimu totali f'ġimgħatejn (2) konsekuttivi b'25 % jew aktar |
112s30 ≤ … |
X |
|
|
|
|
C |
Brejks |
||||||
C1 |
Art. 7 |
Jinqabeż il-ħin ta' sewqan mhux interrott ta' 4,5 sigħat qabel il-brejk |
4s30 < … < 5s |
|
|
|
X |
C2 |
5s ≤ … < 6s |
|
|
X |
|
||
C3 |
6s ≤ … |
|
X |
|
|
||
D |
Perjodi ta' Serħan |
||||||
D1 |
Art. 8.2 |
Perjodu insuffiċjenti ta' serħan ta' inqas minn 11-il siegħa meta mhux permess perjodu mnaqqas ta' serħan ta' kuljum |
10s ≤ … < 11s |
|
|
|
X |
D2 |
8s30 ≤ … < 10s |
|
|
X |
|
||
D3 |
… < 8s30 |
|
X |
|
|
||
D4 |
Perjodu mnaqqas ta' serħan ta' kuljum insuffiċjenti ta' inqas minn disa' (9) sigħat meta t-tnaqqis huwa permess |
8s ≤ … < 9s |
|
|
|
X |
|
D5 |
7s ≤ … < 8s |
|
|
X |
|
||
D6 |
… < 7s |
|
X |
|
|
||
D7 |
Perjodu maqsum insuffiċjenti ta' serħan ta' kuljum ta' inqas minn 3s + 9s |
3s + [8s ≤ … < 9s] |
|
|
|
X |
|
D8 |
3s + [7s ≤ … < 8s] |
|
|
X |
|
||
D9 |
3s +[ … < 7s] |
|
X |
|
|
||
D10 |
Art. 8.5 |
Perjodu insuffiċjenti ta' serħan ta' kuljum ta' inqas minn disa' (9) sigħat għal vettura b'aktar minn sewwieq wieħed |
8s ≤ … < 9s |
|
|
|
X |
D11 |
7s ≤ … < 8s |
|
|
X |
|
||
D12 |
… < 7s |
|
X |
|
|
||
D13 |
Art. 8.6 |
Perjodu mnaqqas insuffiċjenti ta' serħan fil-ġimgħa ta' inqas minn 24 siegħa |
22s ≤ … < 24s |
|
|
|
X |
D14 |
20s ≤ … < 22s |
|
|
X |
|
||
D15 |
… < 20s |
|
X |
|
|
||
D16 |
Perjodu insuffiċjenti ta' serħan fil-ġimgħa ta' inqas minn 45 siegħa meta mhux permess perjodu mnaqqas ta' serħan fil-ġimgħa |
42s ≤ … < 45s |
|
|
|
X |
|
D17 |
36s ≤ … < 42s |
|
|
X |
|
||
D18 |
… < 36s |
|
X |
|
|
||
D19 |
Art. 8.6 |
Aktar minn 6 perjodi konsekuttivi ta' 24 siegħa wara l-perjodu preċedenti ta' serhan fil-ġimgħa |
… < 3s |
|
|
|
X |
D20 |
3s ≤ … < 12s |
|
|
X |
|
||
D21 |
12s ≤ … |
|
X |
|
|
||
E |
Deroga mir-regola ta' 12-il jum |
||||||
E1 |
Art. 8.6a |
Aktar minn 12-il perjodu konsekuttivi ta' 24 siegħa wara l-perjodu preċedenti ta' serhan fil-ġimgħa |
… < 3s |
|
|
|
X |
E2 |
3s ≤ … < 12s |
|
|
X |
|
||
E3 |
12s ≤ … X |
|
X |
|
|
||
E4 |
Art. 8.6a (b)(ii) |
Perjodu ta' serhan fil-ġimgħa jittieħed wara 12-il perjodu konsekuttivi ta' 24 siegħa |
65s < … ≤ 67s |
|
|
X |
|
E5 |
… ≤ 65s |
|
X |
|
|
||
E6 |
Art. 8.6a (d) |
Perjodu ta' sewqan, bejn il-22.00 u s-6.00, ta' aktar minn tliet sigħat qabel il-brejk, jekk il-vettura ma jkollhiex aktar minn sewwieq wieħed |
3s < … < 4,5s |
|
|
X |
|
E7 |
4,5s ≤ … |
|
X |
|
|
||
F |
Organizzazzjoni tax-xogħol X29. |
||||||
F1 |
Art. 10.1 |
Relazzjoni bejn il-paga u d-distanza misjuqa jew l-ammont ta' oġġetti trasportati |
|
X |
|
|
|
F2 |
Art. 10.2 |
L-ebda organizzazzjoni jew l-organizzazzjoni mhux xierqa tax-xogħol tal-kunduttur, l-ebda struzzjoni jew struzzjonijiet mhux xierqa mogħtija lill-kunduttur li jippermettulu li jikkonforma mal-liġi |
|
X |
|
|
2. Gruppi ta' ksur tar-Regolament (UE) Nru 165/2014 tal-Prlament Ewropew utal-Kunsill (2) (Takografu)
Nru |
BAŻI ĠURIDIKA |
TIPI TA' KSUR |
GRAD TA' SERJETÀ |
|||
KAS |
KSĦ |
KS |
KM |
|||
G |
Installazzjoni ta' takografu |
|||||
G1 |
Artikoli 3.1 u 22.2 |
Ma jkunx installat u użat takografu tat-tip approvat (pereżempju: it-takografu ma jkunx installat minn fitters, workshops jew manifatturi tal-vetturi li huma approvati mill-awtoritajiet kompetenti tal-Istati Membri, l-użu ta' takografu mingħajr is-siġilli neċessarji mqiegħda jew sostitwiti minn fitter, minn workshop jew minn manifattur tal-vetturi li huma approvati jew l-użu ta' takografu mingħajr il-pjanċa tal-installazzjoni) |
X |
|
|
|
H |
Użu tat-tagħmir ta' reġistrazzjoni, tal-karta tas-sewwieq jew tal-folja ta' reġistrazzjoni |
|||||
H1 |
Art. 23.1 |
L-użu ta' takografu mhux spezzjonat minn kumpanija approvata |
|
X |
|
|
H2 |
Art. 27 |
Is-sewwieq għandu fil-pussess tiegħu u/jew juża aktar minn karta tas-sewwieq waħda li hija tiegħu u li hija valida |
|
X |
|
|
H3 |
Sewqan b'karta tas-sewwieq falsifikata (meqjus bħala sewqan mingħar karta tas-sewwieq) |
X |
|
|
|
|
H4 |
Sewqan b'karta tas-sewwieq li tagħha s-sewwieq mhuwiex id-detentur (meqjus bħala sewqan mingħar karta tas-sewwieq) |
X |
|
|
|
|
H5 |
Sewqan b'karta tas-sewwieq li ġiet akkwistata abbażi ta' dikjarazzjonijiet foloz u/jew ta' dokumenti ffalsifikati (meqjus bħala sewqan mingħar karta tas-sewwieq) |
X |
|
|
|
|
H6 |
Art. 32.1 |
Takografu ma jiffunzjonax tajjeb (pereżempju: it-takografu ma jkunx spezzjonat, ikkalibrat u ssiġillat b'mod tajjeb) |
|
X |
|
|
H7 |
Artikoli 32.1 u 33.1 |
Takografu użat b'mod ħażin (pereżempju: l-użu ħażin b'mod intenzjonat, volontarju jew imponut, nuqqas ta' struzzjonijiet dwar l-użu korrett eċċ.) |
|
X |
|
|
H8 |
Art. 32.3 |
L-użu ta' tagħmir ta' falsifikazzjoni li jkun kapaċi jimmodifika r-reġistrazzjonijiet tat-takografu |
X |
|
|
|
H9 |
Falsifikazzjoni, ħabi, suppressjoni jew qerda tad-dejta rreġistrata fuq il-folji tar-reġistrazzjoni jew tad-dejta maħżuna u ddawnlowdjata mit-takografu u/jew mill-karta tas-sewwieq |
X |
|
|
|
|
H10 |
Art. 33.2 |
L-impriża ma żżommx folji tar-reġistrazzjoni, karti stampati u dejta li titniżżel |
|
X |
|
|
H11 |
Id-dejta rreġistrata jew maħżuna mhix disponibbli għal mill-inqas sena |
|
X |
|
|
|
H12 |
Art. 34.1 |
Il-folji ta' reġistrazzjoni/il-karta tas-sewwieq jintużaw ħażin |
|
X |
|
|
H13 |
Irtirar mhux awtorizzat tal-folji jew tal-karta tas-sewwieq li jħalli impatt fuq ir-reġistrazzjoni tad-dejta rilevanti |
|
X |
|
|
|
H14 |
Tintuża folja ta' reġistrazzjoni jew karta tas-sewwieq biex tkopri perjodu itwal minn dak intenzjonat u tintilef xi dejta |
|
X |
|
|
|
H15 |
Art. 34.2 |
Jintużaw folji ta' reġistrazzjoni jew karti tas-sewwieqa maħmuġin jew danneġġati u d-dejta mhijiex leġibbli |
|
X |
|
|
H16 |
Art. 34.3 |
Ma jsirx input manwali, meta dan ikun meħtieġ |
|
X |
|
|
H17 |
Art. 34.4 |
Ma tintużax il-folja korretta jew il-karta tas-sewwieq tkun fi slott ħażin (aktar minn sewwieq wieħed) |
|
|
X |
|
H18 |
Art. 34.5 |
Il-mekkaniżmu ta' kommutazzjoni jintuża ħażin |
|
X |
|
|
I |
Preżentazzjoni tal-informazzjoni |
|||||
I1 |
Art. 36 |
Rifjut li ssir verifika |
|
X |
|
|
I2 |
Art. 36 |
Preżentazzjoni mhux possibbli tar-reġistrazzjonijiet ta' dik il-ġurnata u tat-28 jum preċedenti |
|
X |
|
|
I3 |
Preżentazzjoni mhux possibbli tar-reġistrazzjonijiet tal-karta tas-sewwieq, jekk is-sewwieq ikollu waħda |
|
X |
|
|
|
I4 |
Art. 36 |
Preżentazzjoni mhux possibbli tar-reġistrazzjonijiet manwali u tal-karti stampati li saru matul dik il-ġurnata u matul it-28 jum preċedenti |
|
X |
|
|
I5 |
Art. 36 |
Preżentazzjoni mhux possibbli tal-karta tas-sewwieq, jekk is-sewwieq ikollu waħda |
|
X |
|
|
J |
Funzjonament ħażin |
|||||
J1 |
Artikoli 37.1 u 22.1 |
Takografu mhux imsewwi minn fitter jew minn workshop li huma approvati |
|
X |
|
|
J2 |
Art. 37.2 |
Is-sewwieq ma jniżżilx l-informazzjoni kollha meħtieġa għal dawk il-perjodi ta' ħin li matulhom ma sarux reġistrazzjonijiet meta t-takografu ma jkunx jista' jissewwa jew ikun qed jaħdem ħażin |
|
X” |
|
|
(1) KAS = Ksur l-Aktar Serju/KSĦ = Ksur Serju Ħafna/KS = Ksur Serju/KM = Ksur Minuri
(2) Ir-Regolament (UE) Nru 165/2014 tal-Parlament Ewropew u tal-Kunsill tal-4 ta' Frar 2014 dwar takografi fit-trasport bit-triq, li jħassar ir-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq u li jemenda r-Regolament (KE) Nru 561/2006 tal-Parlament Ewropew u tal-Kunsill dwar l-armonizzazzjoni ta' ċerta leġiżlazzjoni soċjali li għandha x'taqsam mat-trasport bit-triq (ĠU L 60, 28.2.2014, p. 1).