9.2.2012 |
MT |
Il-Ġurnal Uffiċjali tal-Unjoni Ewropea |
C 35/40 |
SEJĦA GĦALL-PROPOSTI – EACEA/5/12
MEDIA 2007 – Żvilupp, distribuzzjoni, promozzjoni u taħriġ
Taħriġ
2012/C 35/07
1. Għanijiet u deskrizzjoni
Dan l-avviż ta’ Sejħa għall-Proposti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta’ Novembru 2006 dwar l-implimentazzjoni ta’ programm ta’ appoġġ lis- settur awdjoviżiv Ewropew (MEDIA 2007) (1).
Waħda mill-miżuri li għandha tiġi implimentata skont din id-Deċiżjoni tinvolvi t-titjib tat-taħriġ professjonali kontinwu tal-professjonisti fis-settur awdjoviżiv, sabiex dawn jingħataw l-għarfien u l-kapaċitajiet li għandhom bżonn biex joħolqu prodotti kompetittivi fis-swieq Ewropej u oħrajn.
Il-sejħa għall-proposti EACEA/5/12 hija l-aħħar sejħa għal Taħriġ mnedija taħt il-programm MEDIA 2007 u toffri Ftehim Qafas ta' Sħubija għal 2 snin.
2. Kandidati eliġibbli
Il-kandidati għandhom ikunu stabbiliti f’wieħed mill-pajjiżi li ġejjin:
— |
Is-27 pajjiż tal-Unjoni Ewropea; |
— |
il-pajjiżi ż-ŻEE: l-Iżlanda, il-Liechtenstein, in-Norveġja; |
— |
l-Iżvizzera u l-Kroazja |
Dan l-avviż huwa indirizzat lill-kandidati f’waħda mill-kategoriji ta’ stabbiliment imsemmija hawn taħt, li l-attivitajiet tagħhom jikkontribwixxu għall-miżuri msemmija fuq:
— |
Skejjel taċ-ċinema u tat-televiżjoni |
— |
Universitajiet |
— |
Organizzazzjonijiet speċjalizzati fit-taħriġ professjonali |
— |
Kumpaniji privati fis-settur awdjoviżiv |
— |
Organizzazzjonijiet/assoċjazzjonijiet professjonali li jispeċjalizzaw fis-settur awdjoviżiv. |
3. Azzjonijiet eliġibbli
Huma eliġibbli l-azzjonijiet li ġejjin u l-attivitajiet tagħhom, li jseħħu fil-pajjiżi MEDIA.
Azzjonijiet immirati lejn l-iżvilupp tal-kapaċità tal-professjonisti awdjoviżivi biex jifhmu u jintegraw dimensjoni Ewropea f’xogħolhom billi jtejbu l-għarfien espert fl-oqsma li ġejjin:
— |
Taħriġ fil-ġestjoni ekonomika, finanzjarja u kummerċjali |
— |
Taħriġ f’teknoloġiji awdjoviżivi ġodda |
— |
Taħriġ fl-iżvilupp ta’ proġetti ta’ skripts |
It-tul massimu għall-proġetti huwa 12-il xahar.
4. Kriterji għall-għoti
Il-punti għall-applikanti eliġibbli se jiġu allokati minn total ta' 100 fuq il-bażi tal-kunsiderazzjonijiet li ġejjin:
— |
Il-kwalità tal-kontenut tal-attività (20 punt) |
— |
Il-ġestjoni tal-proġett (20 punt) |
— |
Il-kwalità tas-sħubija mal-industrija tal-awdjoviżiv (20 punt) |
— |
Id-dimensjoni Ewropea (20 punt) |
— |
L-Impatt (20 punt) |
5. Baġit
L-ammont massimu disponibbli fl-ambitu ta’ din is-sejħa għall-proposti huwa EUR 7 000 000.
L-appoġġ finanzjarju mill-Kummissjoni ma jistax jaqbeż il-50 %/60 % tal-ispejjeż totali eliġibbli.
L-Aġenzija żżomm il-possibbiltà li ma tattribwix il-fondi kollha disponibbli.
6. Skadenza għall-preżentazzjoni tal-applikazzjonijiet
Id-dati ta’ skadenza għas-sottomissjoni tal-applikazzjonijiet ser ikunu is-16 ta’ April 2012.
L-applikazzjonijiet għandhom jintbagħtu fl-indirizz li ġej:
Education, Audiovisual and Culture Executive Agency (EACEA) |
Call for proposals EACEA/5/12 |
Mr Constantin DASKALAKIS |
BOUR 3/30 |
Avenue du Bourget/Bourgetlaan 1 |
1140 Bruxelles/Brussel |
BELGIQUE/BELGIË |
L-applikazzjonijiet ippreżentati fuq il-formola adegwata, mimlijin kif xieraq, datati u ffirmati mill-persuna bis-setgħa li tirrappreżenta legalment il-korp li qiegħed jagħmel it-talba biss jistgħu jiġu aċċettati.
L-applikazzjonijiet li jintbagħtu bil-faks jew bil-posta elettronika ma jiġux aċċettati.
7. Tagħrif sħiħ
Il-linji gwida ddettaljati għall-kandidati, kif ukoll il-formoli tal-applikazzjoni, jistgħu jinkisbu mill-indirizz li ġej
http://ec.europa.eu/culture/media/programme/training/forms/index_en.htm
Huwa obbligatorju li l-applikazzjonijiet jintbagħtu fuq il-formola pprovduta u jkollhom l-Annessi u l-informazzjoni kollha mitluba.
(1) ĠU L 327, 24.11.2006, p. 12.