2.2.2016   

GA

Iris Oifigiúil an Aontais Eorpaigh

1

(1)

Is gné riachtanach den straitéis le haghaidh reachtóireacht níos fearr atá á cur chun feidhme ag institiúidí an Aontais trédhearcacht dhlí an Aontais a fheabhsú. Sa chomhthéacs sin, is iomchuí na gníomhartha sin nach bhfuil aon chuspóir acu a thuilleadh a aisghairm.

(2)

Roinnt gníomhartha ar cuid de acquis Schengen iad, níl siad ábhartha a thuilleadh mar gheall ar a gcineál sealadach nó toisc go bhfuil an méid atá le fáil iontu i ngníomhartha eile a tháinig ina ndiaidh.

(3)

I gCinneadh SCH/Com-ex (95) PV 1 rev. ón gCoiste Feidhmiúcháin (2), rinneadh tagairt do chás an-sonrach i ndáil leis an réamhchomhairliúchán a d’iarr an Phortaingéil i leith iarratasóirí Indinéiseacha ar víosaí. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 810/2009 ó Pharlaimint na hEorpa agus ón gComhairle (3) agus theacht i bhfeidhm Rialachán (CE) Uimh. 767/2008 ó Pharlaimint na hEorpa agus ón gComhairle (4), ar rialacháin iad lena ndéantar foráil do rialacha nua i gcomhair réamhchomhairliúchán le Ballstáit eile maidir le víosaí a eisiúint.

(4)

Le Cinneadh SCH/Com-ex (95) 21 ón gCoiste Feidhmiúcháin (5), rinneadh foráil don oibleagáid atá ar na Ballstáit faisnéis staidrimh a mhalartú chun faireachán níos fearr a dhéanamh ar an imirce ag teorainneacha seachtracha. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 2007/2004 ón gComhairle (6), ar rialachán é lena gcuirtear na cúraimí ar Frontex anailís riosca a dhéanamh i ndáil le rioscaí atá ag teacht chun cinn agus i ndáil leis an staid reatha ag na teorainneacha seachtracha, agus freisin córais faisnéise a fhorbairt agus a oibriú lena bhféadfaí faisnéis den sórt sin a mhalartú.

(5)

Le Cinneadh SCH/Com-ex (96) 13 rev. 1 ón gCoiste Feidhmiúcháin (7), bunaíodh na prionsabail lena rialaítear cearta agus oibleagáidí na mBallstát a bhfuil ionadaíocht á déanamh acu agus cearta agus oibleagáidí na mBallstát a bhfuil ionadaíocht á déanamh orthu i ndáil le víosaí Schengen a eisiúint i dtríú tíortha nach ndéantar ionadaíocht ar gach stát de chuid Schengen iontu. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 810/2009, ar rialachán é lena ndéantar foráil do rialacha nua maidir leis na socruithe ionadaíochta i gcásanna ina dtoilíonn Ballstát ionadaíocht a dhéanamh thar ceann Ballstát eile chun iarratais a scrúdú agus víosaí a eisiúint thar ceann an Bhallstáit sin.

(6)

Le Cinneadh SCH/Com-ex (97) 39 rev. ón gCoiste Feidhmiúcháin (8), formheasadh na treoirphrionsabail i ndáil le modhanna cruthúnais agus le fianaise tháscach faoi na comhaontuithe um athligean isteach idir stáit Schengen. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 343/2003 ón gComhairle (9) agus theacht i bhfeidhm Rialachán (CE) Uimh. 1560/2003 ón gCoimisiún (10), ar rialacháin iad lena ndéantar foráil go bhfuil eilimintí cruthúnais agus fianaise imthoisceach le húsáid chun a chinneadh cé acu Ballstát atá freagrach as scrúdú a dhéanamh ar an iarratas ar thearmann.

(7)

Le Cinneadh SCH/Com-ex (98) 1 rev. 2 ón gCoiste Feidhmiúcháin (11), rinneadh foráil do roinnt beart lenar díríodh ar éifeachtúlacht na seiceálacha ag teorainneacha seachtracha a fheabhsú. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 562/2006 ó Pharlaimint na hEorpa agus ón gComhairle (12), ar rialachán é lena leagtar amach na rialacha maidir le teorainneacha seachtracha a thrasnú, agus theacht i bhfeidhm Rialachán (CE) Uimh. 2007/2004 ón gComhairle, ar rialachán é lena gcuirtear an cúram ar Frontex an bealach a réiteach chun na bearta Comhphobail a bhaineann le bainistiú na dteorainneacha seachtracha a chur i bhfeidhm, trína áirithiú go gcomhordaítear gníomhaíochtaí na mBallstát agus na bearta sin á gcur chun feidhme.

(8)

Le Cinneadh SCH/Com-ex (98) 18 rev. ón gCoiste Feidhmiúcháin (13), rinneadh foráil do nós imeachta a bheidh le leanúint ag na stáit de chuid Schengen a bhfuil deacrachtaí tromchúiseacha acu laissez-passer a fháil chun náisiúnaigh eachtracha neamhdhleathacha a aisdúichiú. Foráladh leis freisin don deis fiosrú a dhéanamh, ar leibhéal an Aontais, ar an ngá atá ann úsáid a bhaint as modh eile níos ceangailtí ar na tíortha lena mbaineann fadhbanna i ndáil leis sin. D’imigh an Cinneadh sin as feidhm tar éis don Aontas comhaontuithe um athligean isteach a thabhairt i gcrích le roinnt tríú tíortha. Leis na comhaontuithe sin, leagadh amach na nósanna imeachta agus na hoibleagáidí sonracha a bheidh le comhlíonadh ag údaráis na dtríú tíortha agus na mBallstát maidir le náisiúnaigh eachtracha a bhfuil cónaí orthu san Aontas go mírialta a aisdúichiú.

(9)

Le Cinneadh SCH/Com-ex (98) 21 ón gCoiste Feidhmiúcháin (14), formheasadh rialacha comhchoiteanna maidir le stampaí a ghreamú de phas gach iarratasóra ar víosa mar bhealach chun an duine céanna a chosc ó iarratais ar víosa iolracha nó i ndiaidh a chéile a chur isteach. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 810/2009, ar rialachán é lenar foráladh do shraith nua rialacha maidir le víosaí a eisiúint agus maidir le doiciméad taistil iarratasóra a stampáil.

(10)

Le Cinneadh SCH/Com-ex (98) 37 def. 2 ón gCoiste Feidhmiúcháin (15), bunaíodh tacar beart leis an aidhm cur chuige comhtháite a bhunú chun dlús a chur leis an gcomhrac i gcoinne na himirce neamhdhleathaí. Rinneadh na bearta a chur i bhfeidhm le Cinneadh ón Lárghrúpa an 27 Deireadh Fómhair 1998 maidir le bearta a ghlacadh chun an inimirce neamhdhleathach a chomhrac (SCH/Com-ex (98) 117). D’imigh na Cinntí sin as feidhm tar éis theacht i bhfeidhm Rialachán (CE) Uimh. 377/2004 ón gComhairle (16), ar rialachán é lena mbunaítear creat coiteann chun oifigigh idirchaidrimh inimirce a phostú i dtríú tíortha, theacht i bhfeidhm Rialachán (CE) Uimh. 562/2006, ar rialachán é lena ndéantar foráil do shraith choiteann beart maidir le rialú ag teorainneacha seachtracha, agus theacht i bhfeidhm Chinneadh 2009/371/CGB ón gComhairle (17), ar cinneadh é lena gcuirtear cúraimí sonracha ar Europol, ar cúraimí iad a bhaineann le malartú faisnéise, lena n-áirítear ar an imirce neamhrialta a chomhrac.

(11)

Le Cinneadh SCH/Com-ex (98) 59 rev. ón gCoiste Feidhmiúcháin (18), rinneadh foráil do shraith treoirlínte maidir le comhairleoirí doiciméad a imscaradh ar dhóigh chomhordaithe le haghaidh trácht muirí agus aeir agus ag ionadaíochtaí consalacha na mBallstát leis an gcuspóir go neartófaí an comhrac in aghaidh na hinimirce neamhdhleathaí. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 377/2004, ar rialachán é lena mbunaítear rialacha nua do na hoifigigh idirchaidrimh a imscaradh i dtríú tíortha.

(12)

Le Cinneadh SCH/Com-ex (99) 7 rev. 2 ón gCoiste Feidhmiúcháin (19), formheasadh plean maidir le hoifigigh idirchaidrimh na mBallstát a thabhairt ar iasacht chómhalartach chun comhairle agus cúnamh a thabhairt i gcomhlíonadh cúraimí slándála agus seiceála ag teorainneacha seachtracha. D’imigh an Cinneadh sin as feidhm tar éis theacht i bhfeidhm Rialachán (CE) Uimh. 562/2006 agus theacht i bhfeidhm Rialachán (CE) Uimh. 2007/2004, ar rialacháin iad lenar tugadh isteach creat dlíthiúil nua le haghaidh comhair idir na Ballstáit maidir leis an rialú ag teorainneacha seachtracha, lena n-áirítear oifigigh idirchaidrimh a thabhairt ar iasacht.

(13)

Le Rialachán (CE) Uimh. 189/2008 ón gComhairle (20), bunaíodh sonraíochtaí atá ábhartha do thástálacha áirithe SIS II leis an aidhm go léireofaí go bhfeidhmíonn SIS II láir, an bonneagar cumarsáide agus na hidirghníomhaíochtaí idir SIS II láir agus na córais náisiúnta (N.SIS II) i gcomhréir leis na ceanglais theicniúla agus fheidhmiúla a leagtar amach in ionstraimí dlí SIS II. Chuaigh éifeacht dhlíthiúil an rialacháin sin i léig a luaithe a bhí feidhm ag SIS II an 9 Aibreán 2013.

(14)

Ar mhaithe le deimhneacht agus soiléire dhlithiúil, ba cheart na Cinntí sin agus an Rialachán sin atá imithe as feidhm a aisghairm.

(15)

Ós rud é nach féidir leis na Ballstáit cuspóir an Rialacháin seo, eadhon aisghairm roinnt gníomhartha de chuid an Aontais ó acquis Schengen atá imithe as feidhm, a ghnóthú go leordhóthanach ach gur féidir é a ghnóthú níos fearr ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach (CAE). I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(16)

I gcomhréir le hAirteagal 1 agus le hAirteagal 2 de Phrótacal Uimh. 22 maidir le seasamh na Danmhairge atá i gceangal le CAE agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm. Ós rud é go gcuireann an Rialachán seo le acquis Schengen, cinnfidh an Danmhairg, i gcomhréir le hAirteagal 4 den Phrótacal sin, laistigh de thréimhse sé mhí tar éis don Chomhairle cinneadh a dhéanamh ar an Rialachán seo, an gcuirfidh sí chun feidhme ina dlí náisiúnta é.

(17)

Is é atá sa Rialachán seo forbairt ar fhorálacha acquis Schengen nach bhfuil an Ríocht Aontaithe rannpháirteach iontu, i gcomhréir le Cinneadh 2000/365/CE ón gComhairle (21). Dá bhrí sin, níl an Ríocht Aontaithe rannpháirteach ina ghlacadh agus níl sí faoina cheangal aige ná faoi réir a chur i bhfeidhm.

(18)

Is é atá sa Rialachán seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (22). Dá bhrí sin, níl Éire rannpháirteach ina ghlacadh agus níl sí faoi cheangal aige ná faoi réir a chur i bhfeidhm.

(19)

Maidir leis an Íoslainn agus an Iorua, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt (23), ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE ón gComhairle (24).

(20)

Maidir leis an Eilvéis, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (25), ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE arna léamh i gcomhar le hAirteagal 3 de Chinneadh 2008/146/CE ón gComhairle (26) agus le hAirteagal 3 de Chinneadh 2008/149/CGB ón gComhairle (27).

(21)

Maidir le Lichtinstéin, is é atá sa Rialachán seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin maidir le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (28), a bhaineann le seiceálacha ag teorainneacha inmheánacha a dhíothú agus gluaiseacht daoine, ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE arna léamh i gcomhar le hAirteagal 3 de Chinneadh 2011/349/AE ón gComhairle (29) agus le hAirteagal 3 de Chinneadh 2011/350/AE ón gComhairle (30),

—

Cinneadh SCH/Com-ex (95) PV 1 rev. (beartas víosaí),

—

Cinneadh SCH/Com-ex (95) 21 (malartú faisnéise staidrimh),

—

Cinneadh SCH/Com-ex (96) 13 rev. 1 (eisiúint víosaí Schengen),

—

Cinneadh SCH/Com-ex (97) 39 rev. (fianaise faoi na comhaontuithe um athligean isteach),

—

Cinneadh SCH/Com-ex (98) 1 rev. 2 (tascfhórsa),

—

Cinneadh SCH/Com-ex (98) 18 rev. (deacrachtaí laissez-passer a fháil),

—

Cinneadh SCH/Com-ex (98) 21 (stampáil pasanna),

—

Cinneadh SCH/Com-ex (98) 37 def. 2 (an comhrac i gcoinne na hinimirce neamhdhleathaí),

—

Cinneadh SCH/C (98) 117 (an comhrac i gcoinne na hinimirce neamhdhleathaí),

—

Cinneadh SCH/Com-ex (98) 59 rev. (comhairleoirí doiciméad),

—

Cinneadh SCH/Com-ex (99) 7 rev. 2 (oifigigh idirchaidrimh), agus

—

Rialachán (CE) Uimh. 189/2008 ón gComhairle (tástálacha SIS II).

2.2.2016   

GA

Iris Oifigiúil an Aontais Eorpaigh

6

(1)

Is gné riachtanach den straitéis le haghaidh reachtóireacht níos fearr atá á cur chun feidhme ag institiúidí an Aontais trédhearcacht dhlí an Aontais a fheabhsú. Sa chomhthéacs sin, is iomchuí na gníomhartha sin nach bhfuil aon chuspóir acu a thuilleadh a aisghairm.

(2)

Roinnt gníomhartha a glacadh i réimse an chomhair phóilíneachta agus an chomhair bhreithiúnaigh in ábhair choiriúla, agus ar cuid de acquis Schengen iad, níl siad ábhartha a thuilleadh mar gheall ar a gcineál sealadach nó toisc go bhfuil an méid atá le fáil iontu i ngníomhartha eile a tháinig ina ndiaidh.

(3)

Bhí sé d’aidhm ag Cinneadh SCH/Com-ex (93) 14 ón gCoiste Feidhmiúcháin (2) comhar breithiúnach praiticiúil a fheabhsú chun gáinneáil ar dhrugaí a chomhrac maidir leis na cásanna sin inar dhiúltaigh Ballstát comhoibriú, agus sna cásanna sin amháin. D’imigh an Cinneadh sin as feidhm tar éis theacht i bhfeidhm an Choinbhinsiúin um Chúnamh Frithpháirteach in Ábhair Choiriúla idir Ballstáit an Aontais Eorpaigh, a bunaíodh le Gníomh 2000/C-197/01 ón gComhairle (3), ar coinbhinsiún é lena bhforáiltear do chomhar níos doimhne idir na Ballstáit i réimse an chúnaimh fhrithpháirtigh maidir le gach cion agus dá bhrí sin maidir le gáinneáil drugaí.

(4)

Le Dearbhú SCH/Com-ex (97) decl.13, rev. 2 ón gCoiste Feidhmiúcháin (4), tugadh aghaidh ar fhuadach mionaoiseach agus ar thógáil neamhdhleathach mionaoiseach ag duine de na tuismitheoirí ón duine ar tugadh an ceart coimeádta dó nó di. D’imigh an Dearbhú sin as feidhm tar éis theacht i bhfeidhm Rialachán (CE) Uimh. 562/2006 ó Pharlaimint na hEorpa agus ón gComhairle (5) agus Chinneadh Cur Chun Feidhme 2013/115/AE ón gCoimisiún (6), ar nithe iad a dhéanann foráil do rialacha nua maidir le mionaoisigh a sheiceáil agus an teorainn sheachtrach á trasnú acu agus maidir leis na gníomhaíochtaí comhfhreagracha de chuid bhiúrónna Sirene.

(5)

Le Cinneadh SCH/Com-ex (98) 52 ón gCoiste Feidhmiúcháin (7), glacadh lámhleabhar Schengen maidir le comhar póilíneachta trasteorann lena gcabhraítear leis na Ballstáit oibríochtaí trasteorann a chur i gcrích. D’imigh an Cinneadh sin as feidhm nuair a cuireadh ábhar an lámhleabhair isteach sa chatalóg uasdátaithe moltaí maidir le cur i bhfeidhm ceart acquis Schengen agus maidir le dea-chleachtais i gcomhar póilíneachta, sa lámhleabhar maidir le hoibríochtaí trasteorann agus sa choimre d’oifigigh idirchaidrimh fhorfheidhmiú an dlí.

(6)

Le Cinneadh SCH/Com-ex (99) 11 rev. 2 ón gCoiste Feidhmiúcháin (8), glacadh Comhaontú maidir le Comhar in Imeachtaí um Chionta i gcoinne na Rialachán um Thrácht ar Bhóithre. Tugadh an Comhaontú sin i gcrích idir Ballstáit áirithe agus tugadh i gcrích é le dhá thríú stát freisin (an Íoslainn agus an Iorua). Ní cuid de acquis Schengen é dá bhrí sin. Ina theannta sin, níor tháinig sé i bhfeidhm riamh agus níor thug aon cheann de na Ballstáit dearbhú faoi Airteagal 20(3) den Chomhaontú sin i dtaca le cur i bhfeidhm an Chomhaontaithe idir na Ballstáit sin a bhfuil sé daingnithe acu. Dá bhrí sin, níl aon ábharthacht ag an gCinneadh sin agus ba cheart é a aisghairm.

(7)

Le Cinneadh 2008/173/CGB ón gComhairle (9), leagadh amach an raon feidhme mionsonraithe agus na nósanna imeachta le haghaidh eagrú, comhordú agus bailíochtú i dtaca le tástálacha áirithe arb é is aidhm leo a mheas an gcomhlíontar le Córas Faisnéise Schengen II (SIS II) na ceanglais theicniúla agus fheidhmiúla mar a shainítear in ionstraimí dlíthiúla SIS II iad. Chuaigh éifeacht dhlíthiúil an Chinnidh sin i léig a luaithe a tháinig SIS II chun bheith oibríochtúil an 9 Aibreán 2013.

(8)

Ar mhaithe le deimhneacht agus soiléire dhlithiúil, ba cheart na Cinntí sin agus an Dearbhú sin atá imithe as feidhm a aisghairm.

(9)

Ós rud é nach féidir leis na Ballstáit cuspóir an Rialacháin seo, eadhon roinnt gníomhartha de chuid an Aontais i réimse an chomhair phóilíneachta agus an chomhair bhreithiúnaigh in ábhair choiriúla atá imithe as feidhm, agus ar cuid de acquis Schengen iad, a aisghairm, a ghnóthú go leordhóthanach ach gur féidir é a ghnóthú níos fearr ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta faoi mar a leagtar amach iad in Airteagal 5 den Chonradh ar an Aontas Eorpach (CAE). I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(10)

I gcomhréir le hAirteagal 1 agus le hAirteagal 2 de Phrótacal Uimh. 22 maidir le seasamh na Danmhairge, atá i gceangal le CAE agus leis an gConradh ar Fheidhmiú an Aontais Eorpaigh (CFAE), níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm. Ós rud é go gcuireann an Rialachán seo le acquis Schengen, cinnfidh an Danmhairg, i gcomhréir le hAirteagal 4 den Phrótacal sin, laistigh de thréimhse sé mhí tar éis don Chomhairle cinneadh a dhéanamh ar an Rialachán seo, an gcuirfidh sí chun feidhme ina dlí náisiúnta é.

(11)

Is é atá sa Rialachán seo forbairt ar fhorálacha acquis Schengen ina bhfuil Éire rannpháirteach i gcomhréir le hAirteagal 5(1) de Phrótacal Uimh. 19 maidir le acquis Schengen arna lánpháirtiú i gcreat an Aontais Eorpaigh atá i gceangal le CAE agus le CFAE, agus i gcomhréir le hAirteagal 6(2) de Chinneadh 2002/192/CE ón gComhairle (10).

(12)

Tar éis don Ríocht Aontaithe fógra a thabhairt an 24 Iúil 2013 i gcomhréir leis an gcéad abairt den chéad fhomhír d’Airteagal 10(4) de Phrótacal Uimh. 36 maidir le forálacha idirthréimhseacha, níl feidhm a thuilleadh ag na Cinntí ná ag an Dearbhú atá imithe as feidhm agus dá dtagraítear thuas, maidir leis an Ríocht Aontaithe amhail ón 1 Nollaig 2014, de bhun an dara habairt den chéad fhomhír d’Airteagal 10(4) den Phrótacal sin. Dá bhrí sin, níl an Ríocht Aontaithe rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(13)

Maidir leis an Íoslainn agus an Iorua, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt (11), ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE ón gComhairle (12).

(14)

Maidir leis an Eilvéis, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (13), ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE arna léamh i gcomhar le hAirteagal 3 de Chinneadh 2008/149/CGB ón gComhairle (14).

(15)

Maidir le Lichtinstéin, is é atá sa Rialachán seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin maidir le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (15), ar forálacha iad a thagann faoi réim an réimse dá dtagraítear in Airteagal 1 de Chinneadh 1999/437/CE, arna léamh i gcomhar le hAirteagal 3 de Chinneadh 2011/349/AE ón gComhairle (16),

—

Cinneadh SCH/Com-ex (93) 14 (gáinneáil ar dhrugaí a chomhrac),

—

Dearbhú SCH/Com-ex (97) decl. 13 rev 2 (fuadach mionaoiseach),

—

Cinneadh SCH/Com-ex (98) 52 (an lámhleabhar póilíneachta),

—

Cinneadh SCH/Com-ex (99) 11 rev. 2 (cionta i gcoinne na rialachán um thrácht ar bhóithre), agus

—

Cinneadh 2008/173/CGB (tástálacha SIS II).

2.2.2016   

GA

Iris Oifigiúil an Aontais Eorpaigh

9

(1)

Is gné riachtanach den straitéis le haghaidh reachtóireacht níos fearr atá á cur chun feidhme ag institiúidí an Aontais trédhearcacht dhlí an Aontais a fheabhsú. Sa chomhthéacs sin, is iomchuí na gníomhartha sin nach bhfuil aon chuspóir acu a thuilleadh a aisghairm.

(2)

Tá roinnt gníomhartha a glacadh i réimse an chomhair phóilíneachta agus an chomhair bhreithiúnaigh in ábhair choiriúla tar éis imeacht as feidhm toisc go bhfuil an méid atá iontu le fáil i ngníomhartha eile a tháinig ina ndiaidh.

(3)

Le Gníomhaíocht Chomhpháirteach 96/610/CGB ón gComhairle (2), cruthaíodh Eolaire inniúlachtaí, scileanna agus saineolais speisialaithe frithsceimhlitheoireachta chun go mbeadh fáil níos forleithne agus níos éasca orthu ag gníomhaireachtaí sna Ballstáit go léir. D’imigh an Ghníomhaíocht Chomhpháirteach sin as feidhm tar éis theacht i bhfeidhm Chinneadh 2009/371/CGB ón gComhairle (3), ar cinneadh é lena gcuirtear an cúram ar Europol tacú leis an gcomhar frithpháirteach idir údaráis forfheidhmithe dlí na mBallstát agus é a neartú chun an sceimhlitheoireacht agus cineálacha eile coireachta tromchúisí a chosc agus a chomhrac, agus tar éis theacht i bhfeidhm Chinneadh 2008/615/CGB ón gComhairle (4), ar cinneadh é lenar tugadh isteach creat nua ar mhaithe le comhar trasteorann chun an sceimhlitheoireacht a chomhrac.

(4)

Le Gníomhaíocht Chomhpháirteach 96/699/CGB ón gComhairle (5), ainmníodh Aonad Drugaí Europol mar an t-údarás ar cheart faisnéis ó na Ballstáit i dtaca le próifíliú ceimiceach a sheoladh chuige. D’imigh an Ghníomhaíocht Chomhpháirteach as feidhm tar éis theacht i bhfeidhm Chinneadh 2009/371/CGB.

(5)

Bhí sé d’aidhm ag Gníomhaíocht Chomhpháirteach 96/747/CGB ón gComhairle (6) an comhar idir gníomhaireachtaí forfheidhmithe dlí na mBallstát a neartú trí eolaire réimsí inniúlachtaí, scileanna agus saineolais speisialaithe a chruthú. D’imigh an Ghníomhaíocht Chomhpháirteach sin as feidhm tar éis theacht i bhfeidhm Chinneadh 2009/371/CGB, ar cinneadh é lena gcuirtear an cúram ar Europol eolas speisialaithe ar nósanna imeachta imscrúdaitheacha údaráis inniúla na mBallstát a fhorbairt agus comhairle a thabhairt faoi imscrúduithe.

(6)

Bhí sé d’aidhm ag Gníomhaíocht Chomhpháirteach 96/750/CGB ón gComhairle (7) an comhar idir údaráis ábhartha na mBallstát sa chomhrac i gcoinne na handúile i ndrugaí a neartú agus iarraidh ar na Ballstáit a ndlíthe a chomhfhogasú agus iad a dhéanamh comhoiriúnach lena chéile a mhéid is gá chun an gháinneáil neamhdhleathach ar dhrugaí a chosc agus a chomhrac san Aontas. D’imigh an Ghníomhaíocht Chomhpháirteach sin as feidhm tar éis theacht i bhfeidhm an Choinbhinsiúin um Chúnamh Frithpháirteach in Ábhair Choiriúla idir Ballstáit an Aontais Eorpaigh a bunaíodh le Gníomh 2000/C 197/01 ón gComhairle (8) agus theacht i bhfeidhm Chinneadh Réime 2004/757/CGB ón gComhairle (9).

(7)

Le Gníomhaíocht Chomhpháirteach 97/339/CGB ón gComhairle (10) bhí na Ballstáit in ann obair i gcomhar le chéile agus tugadh an t-údarás dóibh faisnéis a roinnt maidir le himeachtaí ar mhórscála ar a bhfreastalaíonn líon mór daoine ó níos mó ná Ballstát amháin, chun an t-ord poiblí a chaomhnú, daoine agus a gcuid maoine a chosaint, agus cionta coiriúla a chosc. D’imigh an Ghníomhaíocht Chomhpháirteach sin as feidhm tar éis theacht i bhfeidhm Chinneadh 2008/615/CGB ón gComhairle, Chinneadh 2002/348/CGB ón gComhairle (11) agus Chinneadh 2007/412/CGB (12), ar cinntí iad lena bhforáiltear do rialacha nua i ndáil le malartú sonraí neamhphearsanta agus pearsanta agus cineálacha eile comhair chun an t-ord poiblí agus an tslándáil a chaomhnú i gcás mórimeachtaí.

(8)

Bhí sé d’aidhm ag Gníomhaíocht Chomhpháirteach 97/372/CGB ón gComhairle (13) malartú faisnéise agus eolais a mhéadú idir údaráis chustaim agus údaráis eile forfheidhmithe dlí, go háirithe maidir le drugaí. D’imigh an Ghníomhaíocht Chomhpháirteach sin as feidhm tar éis theacht i bhfeidhm Ghníomh 98/C 24/01 ón gComhairle (14), gníomh lenar dréachtaíodh an Coinbhinsiún um Chúnamh agus Comhar Frithpháirteach idir Riaracháin Chustaim, lenar tugadh rialacha mionsonraithe isteach maidir le cúnamh agus comhar frithpháirteach idir na Ballstáit chun sáruithe ar fhorálacha náisiúnta custaim a chosc agus a bhrath, agus tar éis theacht i bhfeidhm Chinneadh 2009/917/CGB ón gComhairle (15), ar cinneadh é a mhéadaíonn éifeachtacht nósanna imeachta comhair agus rialaithe na n-údarás custaim trí chóras eolais custaim a bhunú agus tar éis theacht i bhfeidhm Chinneadh 2009/371/CGB, ar cinneadh é lena gcuirtear an cúram ar Europol tacú le comhar custaim.

(9)

Níor dhaingnigh ach seacht mBallstát Coinbhinsiún an 17 Meitheamh 1998 maidir le Dícháiliúcháin ón Tiomáint, arna dhréachtú le Gníomh 98/C 216/01 ón gComhairle (16), agus níor tháinig an Coinbhinsiún sin i bhfeidhm riamh. Ina theannta sin, i measc na seacht mBallstát sin, ní raibh dearbhú déanta ach ag Éirinn agus ag an Ríocht Aontaithe i gcomhréir le hAirteagal 15(4) den Choinbhinsiún sin a cheadaigh go mbeadh feidhm ag an gCoinbhinsiún eatarthu sula dtiocfadh sé i bhfeidhm i ngach Ballstát. Mar sin féin, tar éis fógra a bheith tugtha ag an Ríocht Aontaithe an 24 Iúil 2013 i gcomhréir leis an gcéad abairt den chéad fhomhír d’Airteagal 10(4) de Phrótacal Uimh. 36 maidir le forálacha idirthréimhseacha, tá an Gníomh sin ón gComhairle agus an Coinbhinsiún sin scortha d’fheidhm a bheith acu maidir leis an Ríocht Aontaithe amhail ón 1 Nollaig 2014, de bhun an dara habairt den chéad fhomhír d’Airteagal 10(4) den Phrótacal sin. Toisc nach bhfuil na hionstraimí sin infheidhme a thuilleadh idir aon cheann de na Ballstáit, tá a n-ábharthacht in acquis an Aontais caillte acu agus ba cheart iad a aisghairm.

(10)

Le Gníomhaíocht Chomhpháirteach 98/427/CGB ón gComhairle (17), bunaíodh córas maidir le dea-chleachtas a mhalartú idir na Ballstáit ar mhaithe le hiarrataí ar chúnamh dlíthiúil in ábhair choiriúla a chomhlíonadh. D’imigh an Ghníomhaíocht Chomhpháirteach sin as feidhm tar éis theacht i bhfeidhm an Choinbhinsiúin um Chúnamh Frithpháirteach in Ábhair Choiriúla idir na Ballstáit.

(11)

Cuireadh Treoir 2014/41/AE ó Pharlaimint na hEorpa agus ón gComhairle (18) maidir leis an Ordú Eorpach um Imscrúduithe (EIO) in ionad Chinneadh Réime 2008/978/CGB ón gComhairle (19) maidir leis an mBarántas Fianaise Eorpach (EEW) toisc go raibh raon feidhme EEW ró-theoranta. Ós rud é go mbeidh feidhm ag EIO idir 26 Bhallstát agus nach mbeidh feidhm ag EEW ach amháin idir an dá Bhallstát nach bhfuil rannpháirteach in EIO, níl EEW úsáideach, dá bhrí sin, a thuilleadh mar ionstraim le haghaidh comhar in ábhair choiriúla agus ba cheart é a aisghairm.

(12)

Ar mhaithe le deimhneacht agus soiléire dhlíthiúil, ba cheart na Gníomhaíochtaí Comhpháirteacha sin atá imithe as feidhm, an Coinbhinsiún sin, an Gníomh sin ón gComhairle agus an Cinneadh Réime sin a aisghairm.

(13)

Cé go bhforáiltear in Airteagal 83(1) den Chonradh ar Fheidhmiú an Aontais Eorpaigh (CFAE) do threoracha a ghlacadh, is é an rogha i ndáil le rialachán mar ionstraim chun Gníomhaíocht Chomhpháirteach 96/750/CGB agus Cinneadh Réime 2008/978/CGB a aisghairm an rogha iomchuí ós rud é nach mbunaítear leis an Rialachán seo rialacha íosta maidir le cionta agus smachtbhannaí coiriúla a shainiú, ach ní dhéantar ach gníomhartha atá imithe as feidhm a aisghairm leis gan gníomhartha nua a chur ina n-ionad.

(14)

Ós rud é nach féidir leis na Ballstáit cuspóir an Rialacháin seo, eadhon roinnt gníomhartha de chuid an Aontais i réimse an chomhair phóilíneachta agus an chomhair bhreithiúnaigh in ábhair choiriúla atá imithe as feidhm a aisghairm, a ghnóthú go leordhóthanach ach gur féidir é a bhaint amach níos fearr ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach (CAE). I gcomhréir le prionsabal na comhréireachta, mar a leagtar amach san Airteagal sin é, ní théann an Rialachán seo thar a bhfuil riachtanach chun an cuspóir sin a bhaint amach.

(15)

I gcomhréir le hAirteagal 1 agus le hAirteagal 2 de Phrótacal Uimh. 22 maidir le seasamh na Danmhairge, atá i gceangal le CAE agus le CFAE, níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(16)

I gcomhréir le hAirteagal 3 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, tá fógra tugtha ag Éirinn gur mian léi a bheith rannpháirteach i nglacadh agus i gcur i bhfeidhm an Rialacháin seo.

(17)

Tar éis an fógra a bheith tugtha ag an Ríocht Aontaithe an 24 Iúil 2013 i gcomhréir leis an gcéad abairt den chéad fhomhír d’Airteagal 10(4) de Phrótacal Uimh. 36 maidir le forálacha idirthréimhseacha, tá scortha ag Gníomhaíochtaí Comhpháirteacha 96/610/CGB, 96/699/CGB, 96/747/CGB, 96/750/CGB, 97/339/CGB, 97/372/CGB agus 98/427/CGB, agus Gníomh 98/C 216/01 ón gComhairle d’fheidhm a bheith acu maidir leis an Ríocht Aontaithe amhail ón 1 Nollaig 2014, de bhun an dara habairt den chéad fhomhír d’Airteagal 10(4) den Phrótacal sin. Dá bhrí sin, níl an Ríocht Aontaithe rannpháirteach i nglacadh an Rialacháin seo i ndáil leis na gníomhartha dlíthiúla sin agus níl sí faoi cheangal aige ná faoi réir a chur i bhfeidhm.Mar sin féin, i gcomhréir leis an tríú habairt den chéad fhomhír d’Airteagal 10(4) den Phrótacal sin, lean Cinneadh Réime 2008/978/CGB, faoi mar a cuireadh Treoir 2014/41/AE ina ionad, de bheith infheidhme maidir leis an Ríocht Aontaithe. Dá bhrí sin, i gcomhréir le hAirteagal 3 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, tá fógra tugtha ag an Ríocht Aontaithe gur mian léi a bheith rannpháirteach i nglacadh agus i gcur i bhfeidhm an Rialacháin seo,

—

Gníomhaíocht Chomhpháirteach 96/610/CGB (eolaire d’inniúlachtaí frith-sceimhlitheoireachta),

—

Gníomhaíocht Chomhpháirteach 96/699/CGB (próifíliú ceimiceach drugaí),

—

Gníomhaíocht Chomhpháirteach 96/747/CGB (eolaire d’inniúlachtaí don chomhrac in aghaidh na coireachta eagraithe),

—

Gníomhaíocht Chomhpháirteach 96/750/CGB (andúil i ndrugaí agus an gháinneáil ar dhrugaí a chomhrac),

—

Gníomhaíocht Chomhpháirteach 97/339/CGB (comhar i dtaca leis an ord poiblí agus leis an tslándáil),

—

Gníomhaíocht Chomhpháirteach 97/372/CGB (comhar idir údaráis chustaim),

—

Gníomh 98/C 216/01 ón gComhairle agus Coinbhinsiún an 17 Meitheamh 1998 (dícháiliúcháin ón tiomáint),

—

Gníomhaíocht Chomhpháirteach 98/427/CGB (dea-chleachtas i gcúnamh dlíthiúil frithpháirteach in ábhair choiriúla), agus

—

Cinneadh Réime 2008/978/CGB (barántas fianaise Eorpach).

2.2.2016   

GA

Iris Oifigiúil an Aontais Eorpaigh

13

(1)

Le Rialachán (AE) Uimh. 1236/2010 ó Pharlaimint na hEorpa agus ón gComhairle (3), cuirtear i bhfeidhm i ndlí an Aontais forálacha na scéime um rialú agus um fhorfheidhmiú (“an Scéim”) arna bunú le moladh a ghlac an Coimisiún um Iascach an Atlantaigh Thoir Thuaidh (NEAFC) le linn a chruinnithe bhliantúil an 15 Samhain 2006, agus arna leasú ina dhiaidh sin le roinnt moltaí ag na Cruinnithe Bliantúla i Samhain 2007, Samhain 2008, agus Samhain 2009.

(2)

Le linn a chruinnithe bhliantúil i Samhain 2012, ghlac NEAFC Moladh 15:2013 lenar leasaíodh Airteagal 13 den scéim maidir le heolas faoi thrasloingsiú agus faoin gcalafort cur i dtír a chur in iúl. Le linn a chéad chruinnithe bhliantúil eile i Samhain 2013, ghlac NEAFC Moladh 9:2014 lenar leasaíodh Airteagal 1, Airteagail 20 go 25, agus Airteagal 28 den scéim, maidir leis na sainmhínithe, le roinnt forálacha a bhfuil feidhm acu maidir le rialú ag stát an chalafoirt ar shoithí iascaireachta eachtracha agus le nósanna imeachta maidir le sárú. Le linn a chruinnithe bhliantúil i Samhain 2014, ghlac NEAFC Moladh 12:2015 lenar leasaíodh Moladh 9:2014 i ndáil le hAirteagal 22 agus le hAirteagal 23 den scéim maidir le rialú ag stát an chalafoirt ar shoithí iascaireachta eachtracha.

(3)

Faoi Airteagal 12 agus Airteagal 15 den Choinbhinsiún um Chomhar Iltaobhach sa Todhchaí in Iascaigh an Atlantaigh Thoir Thuaidh arna fhormheas le Cinneadh 81/608/CEE ón gComhairle (4), tháinig Moladh 15:2013 i bhfeidhm an 8 Feabhra 2013.

(4)

Tháinig Moladh 9:2014, arna leasú le Moladh 12:2015, i bhfeidhm an 1 Iúil 2015. Ós rud é gur tháinig Moladh 9.2014 chun bheith ina cheangal ar na Páirtithe Conarthacha ar an dáta sin, is iomchuí dáta chur i bhfeidhm forálacha áirithe den Rialachán seo a ailíniú le dáta chur i bhfeidhm an Mholta sin.

(5)

Is gá na Moltaí sin a chur i bhfeidhm i ndlí an Aontais. Ba cheart, dá bhrí sin, Rialachán (AE) Uimh. 1236/2010 a leasú dá réir,

(1)

Leasaítear Airteagal 3 mar a leanas:

(2)

(3)

(4)

(5)

(6)

leasaítear Airteagal 24 mar a leanas:

(7)

leasaítear Airteagal 25 mar a leanas:

(8)

leasaítear Airteagal 26 mar a leanas:

(9)

(10)

déantar Iarscríbhnn I den Iarscríbhinn;

(11)

cuirtear Iarscríbhinn II nua isteach mar a leagtar amach in Iarscríbhinn I a ghabhann leis an Rialachán seo;

(12)

cuirtear Iarscríbhinn III nua isteach mar a leagtar amach in Iarscríbhinn II a ghabhann leis an Rialachán seo.