1.   Leis an Rialachán seo, leagtar síos na rialacha maidir leis na nithe seo a leanas:

2.   Tá feidhm ag an Rialachán seo maidir leis an tacaíocht ón Aontas atá á maoiniú as CERT agus CETFT le haghaidh idirghabhálacha atá sonraithe i bPlean Straitéiseach CBT arna tharraingt suas ag Ballstát agus arna fhormheas ag an gCoimisiún, lena gcumhdaítear an tréimhse ón 1 Eanáir 2023 go dtí an 31 Nollaig 2027 (“tréimhse an Phlean Straitéisigh CBT”).

1.   Tá feidhm ag Rialachán (AE) 2021/2116 agus ag na forálacha a ghlactar de bhun an Rialacháin sin maidir leis an tacaíocht dá bhforáiltear faoin Rialachán seo.

2.   Tá feidhm ag Airteagal 19, Caibidil II de Theideal III cé is moite d’Airteagal 28, an chéad fhomhír, pointe (c), agus Airteagal 46 agus Airteagal 48 de Rialachán (AE) 2021/1060 maidir leis an tacaíocht arna maoiniú ag CETFT faoin Rialachán seo.

1.   Déanfaidh na Ballstáit foráil ina bPleananna Straitéiseacha CBT maidir leis na sainmhínithe ar “gníomhaíocht talmhaíochta”, “limistéar talmhaíochta”, “heicteár incháilithe”, “feirmeoir gníomhach”, “feirmeoir óg” agus “feirmeoir nua”, chomh maith leis na coinníollacha ábhartha i gcomhréir leis an Airteagal seo.

2.   Déanfar “gníomhaíocht talmhaíochta” a chinneadh ar bhealach go gceadaítear rannchuidiú le hearraí príobháideacha agus poiblí a sholáthar trí cheann amháin nó tríd an dá cheann díobh seo a leanas:

3.   Déanfar ‘limistéar talmhaíochta’ a chinneadh sa chaoi gur talamh arúil, barra buana agus féarthailte buana atá ann, lena n-áirítear nuair a bhunaítear córais agrafhoraoiseachta leo ar an limistéar sin. Déanfaidh na Ballstáit na téarmaí “talamh arúil”, “barra buana” agus “féarthailte buana” a shonrú tuilleadh faoi chuimsiú an mhéid seo a leanas:

4.   Chun críche cineálacha idirghabhála ar íocaíochtaí díreacha iad, déanfar “heicteár incháilithe” a chinneadh sa chaoi is go gcumhdaítear leis limistéir atá ar fáil don fheirmeoir agus go gcuimsítear ann:

Ní heicteáir incháilithe a bheith i limistéir a úsáidtear chun cnáib a tháirgeadh ach amháin i gcás nach mó ná 0,3 % an cion teitrihidreacannaibionóil sna cineálacha cnáibe a úsáidtear.

5.   Déanfar “feirmeoir gníomhach” a chinneadh ar bhealach lena n-áiritheofar nach ndeonófar tacaíocht ach do dhaoine nádúrtha nó dlítheanacha, nó do ghrúpaí daoine nádúrtha nó dlítheanacha, a bhfuil íosleibhéal gníomhaíochta talmhaíochta ar siúl acu, gan, ag an am céanna, tacaíocht a thabhairt d'fheirmeoirí ilghníomhacha nó páirtaimseartha a chosc go hiondúil.

Agus cinneadh á dhéanamh cé a bheidh ina “feirmeoir gníomhach”, cuirfidh na Ballstáit critéir oibiachtúla, neamh-idirdhealaitheacha i bhfeidhm, amhail tástálacha ioncaim, ionchur saothair ar an bhfeirm, cuspóir na cuideachta agus a ghníomhaíochtaí talmhaíochta i gcláir náisiúnta nó réigiúnacha a chur san áireamh. Féadfar critéir den sórt sin a thabhairt isteach i bhfoirm amháin nó níos mó arna roghnú ag na Ballstáit, lena n-áirítear trí liosta diúltach lena ndícháilítear feirmeoir ó bheith measta a bheith ina fheirmeoir nó feirmeoir gníomhach. I gcás ina measfaidh Ballstát gur 'feirmeoirí gníomhacha' iad na feirmeoirí sin nach bhfuair íocaíochtaí díreacha atá níos mó ná méid áirithe don bhliain roimhe sin, ní bheidh an méid sin níos mó ná EUR 5 000.

6.   Déanfar “feirmeoir óg” a chinneadh ar bhealach lena n-áireofar leis:

7.   Déanfar “feirmeoir nua” a chinneadh ar bhealach lena dtagróidh sé d’fheirmeoir seachas feirmeoir óg, agus arb é “ceann an ghabháltais” é den chéad uair. Féadfaidh na Ballstáit ceanglais bhreise oibiachtúla agus neamh-idirdhealaitheacha a bhaineann le hoiliúint agus scileanna iomchuí a áireamh.

8.   Chun an tsláinte phoiblí a chosaint, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha a fhágann gur ar choinníoll síolta deimhnithe de chineálacha áirithe cnáibe a úsáid a dheonófar íocaíochtaí agus leis an nós imeachta le haghaidh cineálacha cnáibe a chinneadh agus, chomh maith leis sin, lena gcion teitrihidreacannaibionóil dá dtagraítear i mír 4, an dara fomhír, den Airteagal, seo a fhíorú.

1.   Déanfar gnóthú na gcuspóirí ginearálta a shaothrú leis na cuspóirí sonracha seo a leanas:

2.   Déanfar na cuspóirí sin a leagtar amach i mír 1 a chomhlánú agus a idirnascadh leis an gcuspóir trasghearrtha maidir leis an talamhaíocht agus le ceantair thuaithe a nuachóiriú tríd eolas, nuálaíocht agus an digitiú a chothú agus a roinnt in earnáil na talmhaíochta agus i gceantair thuaithe, agus tríd an nglacadh atá leo i measc feirmeoirí a spreagadh, trí rochtain níos fearr a sholáthar ar thaighde, ar nuálaíocht, ar mhalartú faisnéise agus ar oiliúint.

3.   Agus na cuspóirí sonracha a leagtar amach i mír 1 agus mír 2 á saothrú acu, déanfaidh na Ballstáit, le tacaíocht ón gCoimisiún, bearta iomchuí chun an t-ualach riaracháin a laghdú agus chun simpliú i gcur chun feidhme CBT a áirithiú.

1.   Déanfar gnóthú na gcuspóirí dá dtagraítear in Airteagal 5 agus Airteagal 6(1) agus (2) a mheas ar bhonn comhtháscairí a bhaineann le haschur, toradh, tionchar agus comhthéacs mar a leagtar amach in Iarscríbhinn I. Áireofar leis na comhtháscairí sin na nithe seo a leanas:

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 145 lena leasaítear Iarscríbhinn I chun na comhtháscairí aschuir, toraidh, tionchair agus comhthéacs a oiriúnú. Beidh na gníomhartha tarmligthe sin teoranta go docht d'aghaidh a thabhairt ar fhadhbanna teicniúla a bheidh ag na Ballstáit i ndáil le cur i bhfeidhm na dtáscairí sin.

1.   I gcás ina ndéanfaidh na Ballstáit foráil d'idirghabhálacha limistéarbhunaithe, cé is moite díobh sin a chomhlíonann forálacha Iarscríbhinn 2 a ghabhann le Comhaontú na hEagraíochta Domhanda Trádála maidir leis an Talmhaíocht, lena n-áirítear tacaíocht ioncaim chúpláilte faoi Theideal III, Caibidil II, Roinn 3, Foroinn 1, den Rialachán seo, agus i gcás ina mbainfidh na hidirghabhálacha sin le cuid de na síolta ola nó na síolta ola uile dá dtagraítear san iarscríbhinn a ghabhann leis an Meabhrán Tuisceana idir Comhphobal Eacnamaíochta na hEorpa agus Stáit Aontaithe Mheiriceá maidir le síolta ola faoin gComhaontú Ginearálta um Tharaifí agus Trádáil, ní bheidh iomlán an limistéir tacaíochta ar bhonn na n-aschur atá beartaithe agus a áirítear i bPleananna Straitéiseacha CBT na mBallstát lena mbaineann níos airde ná an limistéar uasta tacaíochta san Aontas ina iomláine lena áirithiú go gcomhlíonfar gealltanais idirnáisiúnta an Aontais.

2.   Faoin 8 Meitheamh 2022, glacfaidh an Coimisiún gníomhartha cur chun feidhme lena socrófar limistéar tacaíochta tagartha táscach maidir le gach Ballstát ar leith, arna ríomh ar bhonn an sciar de mheánlimistéar an tsaothraithe san Aontas a bhí ag gach Ballstát ar leith feadh thréimhse na mblianta 2016 go 2020. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 153(2).

3.   Gach Ballstát a bhfuil sé ar intinn aige an tacaíocht dá dtagraítear i mír 1 den Airteagal seo a dheonú, déanfaidh sé na haschuir chomhfhreagracha atá beartaithe i bhfoirm heicteár a thabhairt le fios ina thogra le haghaidh an Phlean Straitéisigh CBT dá dtagraítear in Airteagal 118(1).

Más rud é, tar éis do na Ballstáit fógra a thabhairt faoi na haschuir uile atá beartaithe, go mbeidh an limistéar uasta don Aontas dá dtagraítear i mír 1 den Airteagal seo ina iomláine sáraithe, déanfaidh an Coimisiún i gcás gach Ballstáit a d'fhógair farasbarr i gcomparáid lena limistéar tagartha, comhéifeacht laghdaithe a ríomh a bheidh comhréireach leis an bhfarasbarr de na haschuir atá beartaithe ag na Ballstáit sin chun an limistéar uasta tacaíochta don Aontas ina iomláine a choimeád ar bun. Cuirfear gach Ballstát lena mbaineann ar an eolas faoin gcomhéifeacht laghdaithe sin sna barúlacha a thabharfaidh an Coimisiún ar Phlean Straitéiseach CBT i gcomhréir le hAirteagal 118(3). Déanfar an chomhéifeacht laghdaithe maidir le gach Ballstát ar leith a shocrú sa chinneadh cur chun feidhme dá dtagraítear in Airteagal 118(6) trí bhíthin lena ndéanfaidh an Coimisiún an Plean Straitéiseach CBT a fhormheas.

Tar éis an dáta dá dtagraítear in Airteagal 118(1), ní dhéanfaidh na Ballstáit a limistéar tacaíochta féin a leasú ar a thionscnamh féin.

4.   I gcás ina mbeidh sé ar intinn ag na Ballstáit cur lena n-aschuir bheartaithe dá dtagraítear i mír 1 den Airteagal seo a leagtar amach ina Phlean Straitéiseach CBT agus a d'fhormheas an Coimisiún sna Pleananna Straitéiseacha CBT, tabharfaidh siad fógra maidir leis na haschuir bheartaithe athbhreithnithe don Choimisiún trí iarraidh ar leasú ar Phleananna Straitéiseacha CBT i gcomhréir le hAirteagal 119 faoin 1 Eanáir den bhliain roimh an mbliain éilimh lena mbaineann.

5.   I gcás inarb iomchuí, d'fhonn a sheachaint go sárófar an limistéar uasta tacaíochta don Aontas ina iomláine dá dtagraítear i mír 1, socróidh an Coimisiún comhéifeachtaí laghdaithe nó déanfaidh sé athbhreithniú ar na comhéifeachtaí laghdaithe atá ann cheana i gcás inar socraíodh a leithéid de chomhéifeachtaí i gcomhréir le mír 3, an dara fomhír, maidir leis na Ballstáit sin uile a bhfuil an limistéar tacaíochta tagartha a bhí sonraithe ina bPleananna Straitéiseacha CBT sáraithe acu.

Faoin 31 Eanáir den bhliain roimh an mbliain éilimh lena mbaineann, cuirfidh an Coimisiún na Ballstáit sin lena mbaineann ar an eolas faoi na comhéifeachtaí laghdaithe.

Faoin 31 Márta den bhliain roimh an mbliain éilimh lena mbaineann, tíolacfaidh gach Ballstát lena mbaineann iarraidh chomhfhreagrach ina n-iarrfar an Plean Straitéiseach CBT a leasú tríd an gcomhéifeacht laghdaithe dá dtagraítear sa dara fomhír a chur sa Phlean. Déanfar an chomhéifeacht laghdaithe don Bhallstát sin a shocrú sa chinneadh cur chun feidhme dá dtagraítear in Airteagal 119(10) trína bhformheasann an Coimisiún an leasú ar an bPlean Straitéiseach CBT.

6.   Maidir leis na síolta ola a mbaineann an Meabhrán Tuisceana dá dtagraítear i mír 1 den Airteagal seo, déanfaidh na Ballstáit líon iomlán na heicteár ar íocadh tacaíocht go hiarbhír ina leith a chur in iúl don Choimisiún sna tuarascálacha bliantúla ar fheidhmíocht dá dtagraítear in Airteagal 134.

7.   Déanfaidh na Ballstáit saothrú síolta lus na gréine a eisiamh ó aon idirghabháil limistéarbhunaithe dá dtagraítear i mír 1.

1.   Áireoidh na Ballstáit ina bPleananna Straitéiseacha CBT córas coinníollachta faoina mbeidh feirmeoirí agus tairbhithe eile a fhaigheann íocaíochtaí díreacha faoin Chaibidil II nó íocaíochtaí bliantúla faoi Airteagal 70, Airteagal 71 agus Airteagal 72 faoi réir pionós riaracháin mura gcomhlíonfaidh siad na ceanglais reachtúla bainistíochta faoi dhlí an Aontais agus na caighdeáin GAEC a bhunaítear sa Phleananna Straitéiseacha CBT, mar a liostaítear in Iarscríbhinn III, a bhaineann leis na réimsí sonracha seo a leanas:

2.   Áireofar sna Pleananna Straitéiseach CBT na rialacha maidir le córas comhréireach éifeachtach pionós riaracháin. Comhlíonfaidh na rialacha sin go háirithe leis na ceanglais a leagtar amach i dTeideal IV, Caibidil IV, de Rialachán (AE) 2021/2116.

3.   Na gníomhartha dlíthiúla dá dtagraítear in Iarscríbhinn III maidir leis na ceanglais reachtúla bhainistithe, beidh feidhm ag an leagan sin díobh is infheidhme agus, i gcás Treoracha, faoi mar atá siad á gcur chun feidhme ag na Ballstáit.

4.   Chun críoch na roinne seo, is é a chiallaíonn “ceanglas reachtúil bainistithe” gach ceanglas reachtúil bainistithe aonair faoi dhlí an Aontais a liostaítear in Iarscríbhinn III laistigh de ghníomh dlí ar leith, agus atá difriúil ó thaobh substainte de le haon cheanglas eile atá sa ghníomh céanna.

1.   Áiritheoidh na Ballstáit go gcoinneofar gach limistéar talmhaíochta, lena n-áirítear talamh nach n-úsáidtear a thuilleadh chun críoch táirgthe, i ndea-riocht talmhaíochta agus comhshaoil. Socróidh na Ballstáit, ar an leibhéal náisiúnta nó réigiúnach, na híoschaighdeáin d'fheirmeoirí agus tairbhithe eile le haghaidh gach ceann de na caighdeáin GAEC a liostaítear in Iarscríbhinn III i gcomhréir le príomhchuspóir na gcaighdeán dá dtagraítear san Iarscríbhinn sin. Agus na caighdeáin á socrú acu, cuirfidh na Ballstáit san áireamh, i gcás inarb ábhartha, saintréithe na limistéar lena mbaineann lena n-áirítear dálaí ithreach agus aeráide, na córais feirmeoireachta atá ann cheana, úsáid na talún amhail cleachtais feirmeoireachta, méid feirme agus struchtúir feirme, agus sainiúlachtaí na réigiún is forimeallaí.

2.   Maidir leis na príomhchuspóirí a leagtar síos in Iarscríbhinn III, féadfaidh na Ballstáit caighdeáin a shocrú sa bhreis orthu sin a leagtar síos san Iarscríbhinn sin a bhaineann leis na príomhchuspóirí sin. Beidh caighdeáin bhreise den sórt sin neamh-idirdhealaitheach agus comhréireach agus beidh siad ag freagairt do na riachtanais a shainaithneofar.

Ní shocróidh na Ballstáit íoschaighdeáin maidir le príomhchuspóirí seachas na príomhchuspóirí a leagtar síos in Iarscríbhinn III.

3.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha chun cothrom na Féinne a áirithiú maidir leis an gcóimheas le haghaidh chaighdeán GAEC 1.

1.   Ar a dhéanaí, amhail ón 1 Eanáir 2025, sonróidh na Ballstáit ina bPleananna Straitéiseacha CBT go mbeidh feirmeoirí agus tairbhithe eile a fhaigheann íocaíochtaí díreacha faoi Chaibidil II nó na híocaíochtaí bliantúla faoi Airteagal 70, Airteagal 71 agus Airteagal 72 le bheith faoi réir pionóis riaracháin mura gcomhlíonfaidh siad na ceanglais a bhaineann leis na dálaí oibre agus fostaíochta is infheidhme, nó oibleagáidí fostóra a eascraíonn as na gníomhartha dlíthiúla dá dtagraítear in Iarscríbhinn IV.

2.   Agus córas pionós riaracháin á chur san áireamh acu ina bPleananna Straitéiseacha CBT dá dtagraítear i mír 1, rachaidh na Ballstáit i gcomhréir lena bhforálacha institiúideacha, i gcomhairle leis na comhpháirtithe sóisialta náisiúnta ábhartha, a dhéanann ionadaíocht thar ceann lucht bainistíochta agus saothair in earnáil na talmhaíochta, agus urramóidh siad a neamhspleáchas go hiomlán, mar aon lena gceart comhaontuithe comhchoiteanna a chaibidil agus a thabhairt i gcrích. Leis an gcóras pionós riaracháin sin, ní dhéanfar difear do chearta ná d'oibleagáidí na gcomhpháirtithe sóisialta i gcás ina bhfuil siad freagrach as cur chun feidhme nó forfheidhmiú na ngníomhartha dlí dá dtagraítear in Iarscríbhinn IV, i gcomhréir leis na creataí náisiúnta cómhargála agus dlíthiúla náisiúnta.

3.   Áireofar sa Phlean Straitéiseach CBT na rialacha maidir le córas comhréireach éifeachtach pionós riaracháin, Comhlíonfaidh na rialacha sin leis na ceanglais ábhartha a leagtar amach i dTeideal IV, Caibidil V, de Rialachán (AE) 2021/2116.

4.   Na gníomhartha dlíthiúla dá dtagraítear in Iarscríbhinn IV ina bhfuil na forálacha atá le cumhdach leis an gcóras pionós riaracháin dá dtagraítear i mír 1, beidh feidhm acu sa leagan is infheidhme, agus de réir mar a chuirfidh na Ballstáit chun feidhme iad.

1.   Áireoidh na Ballstáit ina bPleananna Straitéiseach CBT córas lena gcuirfear seirbhísí comhairleacha i dtaobh bainistiú talún agus bainistiú feirme (“seirbhísí comhairleacha feirme”) ar fáil d’fheirmeoirí agus do thairbhithe eile a fhaigheann tacaíocht CBT. Féadfaidh na Ballstáit cur leis na córais atá ann cheana.

2.   Cumhdóidh na seirbhísí comhairleacha feirme gnéithe eacnamaíocha, comhshaoil agus sóisialta, agus cleachtais feirmeoireachta atá ann cheana á gcur san áireamh acu, agus cuirfidh siad faisnéis teicneolaíochta agus eolaíoch cothrom le dáta arna bhfháil trí tionscadail thaighde agus nuálaíochta, lena n-áirítear a mhéid a bhaineann le hearraí poiblí a sholáthar.

Trí na seirbhísí comhairleacha feirme, tairgfear cúnamh iomchuí ar feadh thimthriall na forbartha feirme, lena n-áirítear dul i mbun gnó den chéad uair, patrúin táirgeachta a iompú i dtreo éileamh na dtomhaltóirí, cleachtais nuálacha, teicnící talmhaíochta maidir le hathléimneacht in aghaidh an athraithe aeráide, lena n-áirítear agrafhoraoiseacht agus agrai-éiceolaíocht, leas ainmhithe feabhsaithe, agus i gcás inar gá, caighdeáin sábháilteachta agus tacaíocht shóisialta.

Déanfar na seirbhísí comhairleacha feirme a chomhtháthú sna seirbhísí gaolmhara atá i AKIS, mar atá, comhairleoirí feirme, taighdeoirí, eagraíochtaí feirmeoirí agus geallsealbhóirí ábhartha eile.

3.   Áiritheoidh na Ballstáit gur comhairle neamhchlaonta a bheidh sa chomhairle a thabharfar agus, i dtaca leis na comhairleoirí, gur oiriúnach a gcáilíochtaí agus gur iomchuí a oiliúint agus go bhfuil siad saor ó aon choinbhleacht leasa.

4.   Déanfar na seirbhísí comhairleacha feirme a oiriúnú do na cineálacha éagsúla táirgthe agus feirmeacha agus cumhdóidh siad an méid seo a leanas ar a laghad:

1.   Féadfaidh na cineálacha idirghabhála faoin gCaibidil seo a bheith ina n-íocaíochtaí díreacha cúpláilte agus díchúpláilte.

2.   Seo a leanas a bheidh sna híocaíochtaí díreacha díchúpláilte:

3.   Seo a leanas a bheidh sna híocaíochtaí díreacha cúpláilte:

1.   Féadfaidh na Ballstáit uasteorainn a chur le méid na tacaíochta bunúsaí ioncaim i dtaobh na hinbhuanaitheachta atá le deonú d'fheirmeoir i mbliain féilire áirithe. Na Ballstáit a roghnaíonn uasteorannú a thabhairt isteach, déanfaidh siad laghdú 100 % ar an méid is mó ná EUR 100 000.

2.   Féadfaidh na Ballstáit méid na tacaíochta bunúsaí ioncaim i dtaobh na hinbhuanaitheachta atá le deonú d'fheirmeoir i mbliain féilire áirithe is mó ná EUR 60 000 a laghdú suas le 85 %.

Féadfaidh na Ballstáit tráinsí breise os cionn EUR 60 000 a shocrú agus céatadáin an laghdaithe a shonrú do na tráinsí breise sin. Áiritheoidh siad go mbeidh an laghdú i gcás gach tráinse cothrom leis an tráinse roimhe sin nó níos mó ná é.

3.   Sula gcuirfear mír 1 nó mír 2 i bhfeidhm, féadfaidh na Ballstáit an méid seo a leanas a dhealú ó mhéid na tacaíochta bunúsaí ioncaim i dtaobh na hinbhuanaitheachta atá le deonú d'fheirmeoir i mbliain féilire áirithe:

Chun na méideanna dá dtagraítear sa chéad fhomhír, pointe (a), a ríomh, úsáidfidh na Ballstáit costais tuarastail arna dtabhú go hiarbhír ag an bhfeirmeoir. I gcásanna a bhfuil údar cuí leo, féadfaidh feirmeoirí a iarraidh go n-úsáidfí costais caighdeán a bheidh le cinneadh ag an mBallstát lena mbaineann de réir modha a shonrófar a thuilleadh ina Phlean Straitéiseach CBT bunaithe ar na meántuarastail chaighdeánacha a bhaineann le gníomhaíocht talmhaíochta ar an leibhéal náisiúnta nó réigiúnach arna iolrú faoi líon na n-aonad oibre bliantúil a dhearbhaigh an feirmeoir lena mbaineann.

Chun na méideanna dá dtagraítear sa chéad fhomhír, pointe (b), a ríomh, úsáidfidh na Ballstáit costais chaighdeánacha a chinnfidh an Ballstát lena mbaineann de réir modha a shonrófar a thuilleadh ina Phlean Straitéiseach CBT bunaithe ar na meántuarastail chaighdeánacha a bhaineann le gníomhaíocht talmhaíochta ar an leibhéal náisiúnta nó réigiúnach arna iolrú faoi líon na n-aonad oibre bliantúil a dhearbhaigh an feirmeoir lena mbaineann.

4.   I gcás duine dlítheanach, nó grúpa daoine nádúrtha nó dlítheanacha, féadfaidh na Ballstáit an laghdú dá dtagraítear i mír 1 agus mír 2 den Airteagal seo a chur i bhfeidhm ar leibhéal chomhaltaí na ndaoine nó na ngrúpaí dlítheanacha sin i gcás ina bhforálfar leis an dlí náisiúnta do chearta agus d'oibleagáidí na gcomhaltaí aonair atá inchomparáide le cearta feirmeoirí aonair a bhfuil stádas mar cheann gabháltais acu, go háirithe maidir lena stádas eacnamaíoch, sóisialta agus cánach, ar choinníoll gur rannchuidigh siad le struchtúir thalmhaíochta na ndaoine nó na ngrúpaí dlíthiúla lena mbaineann a neartú.

5.   Úsáidfear an toradh measta ar an laghdú ar íocaíochtaí, den chuid is mó, chun rannchuidiú leis an tacaíocht ioncaim athdháilte fhorlíontach i dtaobh na hinbhuanaitheachta, má tá sé bunaithe sa Phlean Straitéiseach CBT ábhartha, agus ina dhiaidh sin, le hidirghabhálacha eile ar íocaíochtaí díreacha díchúpláilte iad a mhaoiniú.

Féadfaidh na Ballstáit, freisin, an toradh iomlán, nó cuid de, a úsáid chun cineálacha idirghabhála faoi CETFT a shonraítear i gCaibidil IV a mhaoiniú trí bhíthin aistriú. Beidh aistriú den sórt sin chuig CETFT ina chuid de tháblaí airgeadais an Phlean Straitéisigh CBT agus féadfar é a athbhreithniú in 2025 i gcomhréir le hAirteagal 103. Ní bheidh sé faoi réir na n-uasteorainneacha le haghaidh aistriú cistí ó CERT go CETFT arna leagan síos faoin Airteagal sin.

6.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha lena mbunaítear bonn comhchuibhithe maidir leis an laghdú ar íocaíochtaí a leagtar síos i mír 1 agus mír 2 den Airteagal seo a ríomh chun rialacha mionsonraithe a sholáthar do dháileadh na gcistí ar na feirmeoirí.

1.   Socróidh na Ballstáit limistéar íosta agus ní dheonóidh siad íocaíochtaí díreacha d'fheirmeoirí gníomhacha a bhfuil a limistéar incháilithe den ghabháltas a bhfuil íocaíochtaí díreacha á n-éileamh acu ina leith níos lú ná an limistéar íosta sin.

De rogha air sin, féadfaidh na Ballstáit íosmhéid a shocrú do na híocaíochtaí díreacha a fhéadfar a íoc le feirmeoir.

2.   I gcás inar chinn Ballstát limistéar íosta a leagan síos i gcomhréir le mír 1, an chéad fhomhír, mar sin féin, leagfaidh sé síos íosmhéid i gcomhréir le mír 1, an dara fomhír, do na feirmeoirí sin a fhaigheann tacaíocht in aghaidh an ainmhí i bhfoirm íocaíochtaí díreacha a bhaineann le hainmhithe agus ar lú na heicteáir atá ina seilbh acu ná an limistéar íosta sin.

Agus an limistéar íosta nó an t-íosmhéid á socrú, beidh sé d'aidhm ag na Ballstáit a áirithiú nach ndéantar íocaíochtaí díreacha a dheonú ach d'fheirmeoirí gníomhacha, más rud é:

3.   Féadfaidh an Ghréig cinneadh a dhéanamh gan an t-Airteagal seo a chur i bhfeidhm maidir leis na hoileáin bheaga Aeigéacha.

1.   Déanfaidh na Ballstáit foráil do thacaíocht bhunúsach ioncaim i dtaobh na hinbhuanaitheachta (“tacaíocht bhunúsach ioncaim”) faoi na coinníollacha a leagtar amach san fhoroinn seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Déanfaidh na Ballstáit foráil do thacaíocht bhunúsach ioncaim i bhfoirm íocaíocht bhliantúil dhíchúpláilte in aghaidh an heicteáir incháilithe.

3.   Gan dochar d’Airteagail 23 go 27, déanfar an tacaíocht bhunúsach ioncaim a dheonú i leith gach heicteár incháilithe arna dhearbhú ag feirmeoir gníomhach.

1.   Ach amháin má chinneann na Ballstáit an tacaíocht bhunúsach ioncaim a dheonú ar bhonn teidlíochtaí íocaíochta dá dtagraítear in Airteagal 23, íocfar an tacaíocht mar mhéid aonfhoirmeach in aghaidh an heicteáir.

2.   Féadfaidh na Ballstáit a chinneadh méid na tacaíochta bunúsaí ioncaim in aghaidh an heicteáir a dhifreáil de réir grúpaí difriúla críoch a mbíonn orthu déileáil le dálaí socheacnamaíocha nó agranamaíocha comhchosúla, lena n-áirítear cineálacha traidisiúnta talmhaíochta de réir mar a chinneann na Ballstáit, amhail féarach Alpach fairsing traidisiúnta. I gcomhréir le hAirteagal 109(2), pointe (d), féadfar méid na tacaíochta bunúsaí ioncaim in aghaidh an heicteáir a laghdú agus tacaíocht faoi idirghabhálacha eile sa Phlean Straitéiseacha CBT lena mbaineann á cur san áireamh.

1.   Ballstáit a mbeidh scéim na híocaíochta bunúsaí a leagtar síos i dTeideal III, Caibidil I, Roinn 1, de Rialachán (AE) Uimh. 1307/2013 curtha i bhfeidhm acu, féadfaidh siad a chinneadh an tacaíocht bhunúsach ioncaim a dheonú ar bhonn teidlíochtaí íocaíochta i gcomhréir le hAirteagail 24 go 27 den Rialachán seo.

2.   I gcás na mBallstát a mbeidh scéim na híocaíochta bunúsaí a leagtar síos i dTeideal III, Caibidil I, Roinn 1, de Rialachán (AE) Uimh. 1307/2013 curtha i bhfeidhm acu, agus a chinnfidh gan an tacaíocht bhunúsach ioncaim a dheonú a thuilleadh ar bhonn teidlíochtaí íocaíochta, rachaidh na teidlíochtaí íocaíochta arna leithdháileadh faoin Rialachán sin in éag an 31 Nollaig den bhliain roimh an mbliain óna gcuirfear an cinneadh i bhfeidhm.

1.   Déanfaidh na Ballstáit luach aonaid na dteidlíochtaí íocaíochta roimh chóineasú a chinneadh i gcomhréir leis an Airteagal seo trí luach na dteidlíochtaí íocaíochta a choigeartú i gcomhréir leis an luach a bhunaítear i gcomhréir le Rialachán (AE) Uimh. 1307/2013 i leith na bliana éilimh 2022 agus an íocaíocht ghaolmhar i leith cleachtais talmhaíochta atá tairbheach don aeráid agus don chomhshaol dá bhforáiltear i gCaibidil III de Theideal III den Rialachán sin i leith na bliana éilimh 2022.

2.   Féadfaidh na Ballstáit a chinneadh luach na dteidlíochtaí íocaíochta a dhifreáil i gcomhréir le hAirteagal 22(2).

3.   Déanfaidh gach Ballstát, faoin mbliain éilimh 2026 ar a dhéanaí, leibhéal uasta a shocrú maidir le luach na dteidlíochtaí íocaíochta aonair i gcás an Bhallstáit nó i gcás gach grúpa críoch dá dtagraítear in Airteagal 22(2).

4.   I gcás nach bhfuil luach na dteidlíochtaí íocaíochta a chinntear i gcomhréir le mír 1 ina luach aonfhoirmeach i mBallstát nó i ngrúpa críoch dá dtagraítear in Airteagal 22(2), áiritheoidh an Ballstát lena mbaineann go ndéanfar luach na dteidlíochtaí íocaíochta a chóineasú sa chaoi is gur luach aonaid aonfhoirmeach a bheidh ann faoin mbliain éilimh 2026 ar a dhéanaí.

5.   Chun críocha mhír 4, áiritheoidh gach Ballstát go mbeidh luach na dteidlíochtaí íocaíochta uile, faoin mbliain éilimh 2026 ar a dhéanaí, cothrom le 85 % ar a laghad den mheán-aonadmhéid beartaithe dá dtagraítear in Airteagal 102(1) don tacaíocht bhunúsach ioncaim i leith na bliana éilimh 2026, mar a leagtar síos ina Phlean Straitéiseach CBT maidir leis an mBallstát nó an grúpa críoch dá dtagraítear in Airteagal 22(2).

6.   Déanfaidh na Ballstáit na méaduithe ar luach na dteidlíochtaí íocaíochta is gá chun cloí le mír 4 agus mír 5 den Airteagal seo a mhaoiniú trí aon mhéideanna a d'fhéadfadh a bheith ar fáil le cur i bhfeidhm mhír 3 den Airteagal seo a úsáid agus, i gcás inar gá, trí laghdú a dhéanamh ar an difríocht idir luach aonaid na dteidlíochtaí íocaíochta a chinntear i gcomhréir le mír 1 den Airteagal seo agus an t-aonadmhéid beartaithe dá dtagraítear in Airteagal 102(1), don tacaíocht bhunúsach ioncaim i leith na bliana éilimh 2026 mar a leagtar síos sa Phlean Straitéiseach CBT maidir leis an mBallstát nó an grúpa críoch dá dtagraítear in Airteagal 22(2).

Féadfaidh na Ballstáit a chinneadh an laghdú a chur i bhfeidhm maidir leis na teidlíochtaí íocaíochta uile, nó cuid díobh, ar a bhfuil luach a chinntear i gcomhréir le mír 1 den Airteagal seo is mó ná an t-aonadmhéid uasta, dá dtagraítear in Airteagal 102(1), don tacaíocht bhunúsach ioncaim i leith na bliana éilimh 2026 mar a leagtar síos sa Phlean Straitéiseach CBT maidir leis an mBallstát nó an grúpa críoch dá dtagraítear in Airteagal 22(2).

7.   Beidh na laghduithe dá dtagraítear i mír 6 bunaithe ar chritéir oibiachtúla agus neamh-idirdhealaitheacha. Gan dochar don íosluach a leagtar síos i gcomhréir le mír 5, féadfar a áireamh sna critéir sin laghdú uasta nach ísle ná 30 % a shocrú.

8.   Áiritheoidh na Ballstáit go gcuirfear tús leis an gcoigeartú ar na luachanna teidlíochta íocaíochta i gcomhréir le míreanna 3 go 7 ón mbliain 2023 ar aghaidh.

1.   Na Ballstáit a chinn tacaíocht a dheonú ar bhonn teidlíochtaí íocaíochta, déanfaidh siad tacaíocht bhunúsach ioncaim a dheonú d'fheirmeoirí gníomhacha a bhfuil teidlíochtaí íocaíochta dá gcuid féin acu nó faoi léas acu a luaithe a ghníomhachtófar na teidlíochtaí íocaíochta sin. Áiritheoidh na Ballstáit go ndéanfaidh na feirmeoirí gníomhacha, chun teidlíochtaí íocaíochta a ghníomhachtú, na heicteáir incháilithe a ghabhann le gach teidlíocht íocaíochta a dhearbhú.

2.   Áiritheoidh na Ballstáit nach ndéanfar na teidlíochtaí íocaíochta, lena n-áirítear i gcás oidhreacht iarbhír nó oidhreacht ionchais, a ghníomhachtú ach sa Bhallstát sin nó sa ghrúpa críoch sin dá dtagraítear in Airteagal 22(2) inar leithdháileadh iad.

3.   Áiritheoidh na Ballstáit go dtabharfar, le teidlíochtaí íocaíochta gníomhachtaithe, ceart íocaíochta ar bhonn an mhéid a shocraítear iontu.

1.   Gach Ballstát a chinneann tacaíocht bhunúsach ioncaim a dheonú ar bhonn teidlíochtaí íocaíochta, déanfaidh sé cúlchiste náisiúnta a bhainistiú.

2.   De mhaolú ar mhír 1 den Airteagal seo, i gcás ina gcinnfidh Ballstát an tacaíocht bhunúsach ioncaim a dhifreáil i gcomhréir le hAirteagal 22(2), féadfaidh sé a chinneadh cúlchiste a bhunú maidir le gach grúpa críoch ar leith dá dtagraítear san Airteagal sin.

3.   Áiritheoidh na Ballstáit gur ar feirmeoirí gníomhacha amháin a leithdháilfear teidlíochtaí íocaíochta as an gcúlchiste.

4.   Bainfidh na Ballstáit úsáid as an gcúlchiste atá acu chun teidlíochtaí íocaíochta a leithdháileadh, mar thosaíocht, ar na feirmeoirí seo a leanas:

5.   Déanfaidh Ballstát, i gcás feirmeoirí gníomhacha atá i dteideal de bhua rialú deiridh cúirte nó de bhua gníomh riaracháin deiridh a rinne údarás inniúil an Bhallstáit sin, teidlíochtaí íocaíochta a leithdháileadh orthu nó luach na dteidlíochtaí íocaíochta atá acu cheana féin a mhéadú. Áiritheoidh sé go bhfaighidh na feirmeoirí gníomhacha sin líon agus luach na dteidlíochtaí íocaíochta arna leagan síos sa rialú nó sa ghníomh sin ar dháta a bheidh le socrú ag an mBallstát sin.

6.   I gcás nach leor an cúlchiste chun leithdháileadh teidlíochtaí íocaíochta a chumhdach i gcomhréir le mír 4 agus mír 5, áiritheoidh na Ballstáit go ndéanfar an cúlchiste a athsholáthar trí laghdú líneach a dhéanamh ar luach na dteidlíochtaí íocaíochta.

7.   Féadfaidh na Ballstáit rialacha breise a leagan síos chun an cúlchiste a úsáid, lena n-áirítear catagóirí breise feirmeoirí a bhfreastalófar orthu ón gcúlchiste ar choinníoll gur freastalaíodh cheana ar na grúpaí tosaíochta dá dtagraítear i mír 4 agus mír 5 agus le haghaidh na gcásanna ina spreagfaí athsholáthar an chúlchiste. I gcás ina ndéanfar an cúlchiste a athsholáthar trí laghdú líneach a dhéanamh ar luach na dteidlíochtaí íocaíochta uile, beidh feidhm ag laghdú líneach den sórt sin maidir leis na teidlíochtaí íocaíochta uile ar an leibhéal náisiúnta, nó i gcás ina gcuirfidh na Ballstáit an maolú dá bhforáiltear i mír 2 i bhfeidhm, ar leibhéal an ghrúpa críoch ábhartha dá dtagraítear in Airteagal 22(2).

8.   Déanfaidh na Ballstáit luach na dteidlíochtaí íocaíochta nua a leithdháiltear as an gcúlchiste a shocrú ag meánluach náisiúnta na dteidlíochtaí íocaíochta i mbliain an leithdháilte nó ag meánluach na dteidlíochtaí íocaíochta maidir le gach grúpa críoch ar leith dá dtagraítear in Airteagal 22(2) i mbliain an leithdháilte.

9.   Féadfaidh na Ballstáit a chinneadh luach na dteidlíochtaí íocaíochta atá ann cheana a ardú go dtí an meánluach náisiúnta i mbliain an leithdháilte nó go dtí an meánluach maidir le gach grúpa críoch dá dtagraítear in Airteagal 22(2).

1.   Ach amháin i gcás aistriú le hoidhreacht iarbhír nó le hoidhreacht ionchais, is chuig feirmeoir gníomhach atá bunaithe sa Bhallstát céanna amháin a aistreofar teidlíochtaí íocaíochta.

2.   I gcás ina gcinnfidh na Ballstáit an tacaíocht bhunúsach ioncaim a dhifreáil i gcomhréir le hAirteagal 22(2), ní dhéanfar teidlíochtaí íocaíochta a aistriú ach laistigh den ghrúpa críoch inar leithdháileadh iad.

1.   Déanfaidh na Ballstáit foráil maidir le tacaíocht ioncaim athdháilte fhorlíontach i dtaobh na hinbhuanaitheachta (“tacaíocht ioncaim athdháilte”) faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

De mhaolú ar an gcéad fhomhír den mhír seo nó ar Airteagal 98, féadfaidh na Ballstáit aghaidh a thabhairt ar an ngá atá le hathdháileadh na tacaíochta ioncaim ó ionstraimí agus idirghabhálacha eile arna maoiniú ag CERT lena saothraítear an cuspóir maidir le dáileadh níos cothroime agus spriocdhíriú níos éifeachtaí agus níos éifeachtúla ar thacaíocht ioncaim, ar choinníoll gur féidir leo a léiriú ina bPleananna Straitéiseacha CBT go dtugtar aghaidh go leordhóthanach ar an ngá sin.

2.   Áiritheoidh na Ballstáit go ndéanfar íocaíochtaí díreacha a athdháileadh ó ghabháltais mhóra go gabháltais bheaga nó mheánmhéide trí fhoráil a dhéanamh maidir le tacaíocht ioncaim athdháilte a thabharfar i bhfoirm íocaíocht dhíchúpláilte bhliantúil in aghaidh an heicteáir incháilithe do na feirmeoirí sin atá i dteideal íocaíochta faoin tacaíocht bhunúsach ioncaim dá dtagraítear in Airteagal 21.

3.   Bunóidh na Ballstáit, ar an leibhéal náisiúnta nó réigiúnach, a fhéadfaidh a bheith ar leibhéal na ngrúpaí críoch dá dtagraítear in Airteagal 22(2), méid in aghaidh an heicteáir nó méideanna éagsúla i leith réimsí éagsúla heicteár, mar aon leis an uaslíon heicteár in aghaidh an fheirmeora lena n-íocfar an tacaíocht ioncaim athdháilte.

4.   An méid in aghaidh an heicteáir a bheartófar maidir le bliain éilimh áirithe, ní bheidh sé níos airde ná meánmhéid náisiúnta na n-íocaíochtaí díreacha in aghaidh an heicteáir maidir leis an mbliain éilimh sin.

5.   Is é an sainmhíniú ar mheánmhéid náisiúnta na n-íocaíochtaí díreacha in aghaidh an heicteáir an cóimheas idir uasteorainn náisiúnta na n-íocaíochtaí díreacha i leith bliain éilimh áirithe mar a leagtar síos in Iarscríbhinn V agus líon iomlán na n-aschur atá beartaithe maidir leis an tacaíocht bhunúsach ioncaim i leith na bliana éilimh sin, agus an cóimheas sin léirithe mar líon heicteár.

6.   I gcás duine dlítheanach, nó grúpa daoine nádúrtha nó dlítheanacha, féadfaidh na Ballstáit an t-uaslíon heicteár dá dtagraítear i mír 3 a chur i bhfeidhm ar leibhéal chomhaltaí na ndaoine nó na ngrúpaí dlítheanacha i gcás ina bhforáiltear leis an dlí náisiúnta go mbeidh cearta agus oibleagáidí na gcomhaltaí aonair inchomparáide le cearta feirmeoirí aonair a bhfuil stádas mar cheann gabháltais acu, go háirithe a mhéid a bhaineann lena stádas eacnamaíoch, sóisialta agus cánach, ar choinníoll gur rannchuidigh siad le struchtúir thalmhaíochta na ndaoine nó na ngrúpaí dlítheanacha lena mbaineann a neartú.

I gcás feirmeoirí atá ina gcuid de ghrúpa eintiteas cleamhnaithe, arna chinneadh ag na Ballstáit, féadfaidh na Ballstáit an t-uaslíon heicteár dá dtagraítear i mír 3 a chur i bhfeidhm ar leibhéal an ghrúpa sin faoi choinníollacha a chinnfidh siad.

1.   Féadfaidh na Ballstáit foráil a dhéanamh maidir le tacaíocht ioncaim fhorlíontach d’fheirmeoirí óga arna cinneadh i gcomhréir leis na critéir a leagtar síos in Airteagal 4(6) faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   I measc na n-oibleagáidí atá orthu feirmeoirí óga a mhealladh i gcomhréir leis an gcuspóir a leagtar amach in Airteagal 6(1), pointe (g), agus chun méid nach lú ná mar a leagtar amach in Iarscríbhinn XII a chaitheamh ar an gcuspóir sin i gcomhréir le hAirteagal 95, féadfaidh na Ballstáit tacaíocht ioncaim fhorlíontach a thabhairt d'fheirmeoirí óga a bhfuil gabháltas nua bunaithe acu den chéad uair riamh agus atá i dteideal íocaíocht faoin tacaíocht bhunúsach ioncaim dá dtagraítear in Airteagal 21.

Féadfaidh na Ballstáit a chinneadh an tacaíocht faoin Airteagal seo a dheonú d'fheirmeoirí a bhfuil tacaíocht faighte acu faoi Airteagal 50 de Rialachán (AE) Uimh. 1307/2013 don chuid eile den tréimhse dá dtagraítear i mír 5 den Airteagal sin.

3.   Deonófar an tacaíocht ioncaim fhorlíontach d‘fheirmeoirí óga go ceann uastréimhse 5 bliana, ag tosú ón gcéad bhliain a thíolacfar an t-iarratas ar íocaíocht d’fheirmeoirí óga, agus faoi réir na gcoinníollacha atá le cinneadh le creat dlíthiúil CBT is infheidhme don tréimhse tar éis 2027 nuair a leanfaidh an tréimhse 5 bliana ar aghaidh tar éis 2027. Áiritheoidh na Ballstáit nach gcruthófar ionchais dhlíthiúla tairbhithe don tréimhse tar éis 2027.

Is i bhfoirm íocaíocht bhliantúil dhíchúpláilte in aghaidh an heicteáir incháilithe nó i bhfoirm íocaíocht chnapshuime in aghaidh an fheirmeora óig a bheidh an tacaíocht sin.

Féadfaidh na Ballstáit a chinneadh an tacaíocht faoin Airteagal seo a dheonú d’uaslíon heicteár in aghaidh an fheirmeora óig agus sin amháin.

4.   I gcás duine dlítheanach, nó grúpa daoine nádúrtha nó dlítheanacha amhail grúpa feirmeoirí, eagraíochtaí táirgeoirí nó comharchumainn, féadfaidh na Ballstáit an t-uaslíon heicteár dá dtagraítear i mír 3 a chur i bhfeidhm ar leibhéal chomhaltaí na ndaoine nó na ngrúpaí dlítheanacha sin:

1.   Bunóidh na Ballstáit scéimeanna deonacha aeráide, comhshaoil agus leasa ainmhithe (‘éiciscéimeanna’) agus soláthróidh siad tacaíocht dóibh faoi na coinníollacha a leagtar amach san Airteagal seo, agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Tacóidh na Ballstáit faoin Airteagal seo le feirmeoirí gníomhacha nó grúpaí feirmeoirí gníomhacha a thugann gealltanais cloí le cleachtais talmhaíochta atá tairbheach don aeráid, don comhshaol agus do leas ainmhithe agus frithsheasmhacht in aghaidh ábhair fhrithmhiocróbacha a chomhrac.

3.   Bunóidh na Ballstáit liosta de chleachtais talmhaíochta atá tairbheach don aeráid, don chomhshaol agus do leas ainmhithe agus lena ndéanfar fhrithsheasmhacht in aghaidh ábhair fhrithmhiocróbacha dá dtagraítear i mír 2 a chomhrac. Déanfar na cleachtais sin a cheapadh sa chaoi go gcomhlíonfar ceann amháin nó níos mó de na cuspóirí sonracha a leagtar amach in Airteagal 6(1), pointe (d), pointe (e) agus pointe (f), agus, a mhéid a bhaineann le leas ainmhithe a fheabhsú agus frithsheasmhacht in aghaidh ábhair fhrithmhiocróbacha a chomhrac, in Airteagal 6(1), pointe (i).

4.   Cumhdófar le gach éiciscéim, i bprionsabal, ar a laghad dhá cheann de na réimsí gníomhaíochta seo a leanas maidir leis an aeráid, leis an gcomhshaol, le leas ainmhithe agus le frithsheasmhacht in aghaidh ábhair fhrithmhiocróbacha a chomhrac:

5.   Faoin Airteagal seo, ní thabharfaidh na Ballstáit ach íocaíochtaí lena gcumhdaítear gealltanais:

Maidir leis na gealltanais dá dtagraítear sa chéad fhomhír, pointe (b), i gcás ina bhforchuirfidh an dlí náisiúnta ceanglais nua a théann thar na híoscheanglais chomhfhreagracha a leagtar síos i ndlí an Aontais, féadfar tacaíocht a dheonú do ghealltanais lena gcuirtear le comhlíonadh na gceanglas sin ar feadh uastréimhse 24 mhí ón dáta a bheidh siad éigeantach don ghabháltas.

6.   De bhun mhír 5, féadfaidh na Ballstáit, maidir leis an tuairisc ar na gealltanais atá le comhlíonadh ag tairbhí na n-éiciscéimeanna dá dtagraítear san Airteagal seo, ceann amháin nó níos mó de na ceanglais agus de na caighdeáin a bhunaítear faoi Chaibidil I, Roinn 2, a fhorbairt, ar choinníoll go rachaidh oibleagáidí na n-éiciscéimeanna thar na ceanglais reachtúla bhainistíochta ábhartha agus na híoschaighdeáin maidir le dea-bhail talmhaíochta agus comhshaoil talún arna mbunú ag na Ballstáit faoi Chaibidil I, Roinn 2.

Gan dochar d’Airteagal 87(1) de Rialachán (AE) 2021/2116, measfar feirmeoirí gníomhacha nó grúpaí feirmeoirí gníomhacha a ghlacfaidh páirt in éiciscéimeanna a bhunófar i gcomhréir leis an gcéad fhomhír, measfar iad a bheith ag comhlíonadh na riachtanas agus na gcaighdeán ábhartha dá dtagraítear in Iarscríbhinn III, ar choinníoll go gcomhlíonann siad na gealltanais faoin éiciscéim lena mbaineann.

Maidir leis na Ballstáit a bhunóidh éiciscéimeanna i gcomhréir le céad fhomhír na míre seo, féadfaidh siad a áirithiú nach ndéanfar seiceála faoi dhó trína gcórais bhainistíochta i gcás ina gcuirfear na ceanglais agus na caighdeáin chéanna i bhfeidhm faoi na héiciscéimeanna sin, agus faoi na hoibleagáidí a shocraítear in Iarscríbhinn III araon.

7.   Is i bhfoirm íocaíocht bhliantúil do na heicteáir incháilithe uile a chumhdaítear leis na gealltanais a bheidh an tacaíocht d’éiciscéim ar leith. Déanfar íocaíochtaí a dheonú mar:

De mhaolú ar an gcéad fhomhír, maidir le híocaíochtaí arna ndeonú i gcomhréir le pointe (b) de le haghaidh gealltanais leasa ainmhithe, féadfaidh gealltanais chun frithsheasmhacht in aghaidh ábhair fhrithmhiocróbacha a chomhrac agus, má tá údar cuí leo, gealltanais maidir le cleachtais talmhaíochta atá tairbheach don aeráid, féadfaidh siad a bheith i bhfoirm íocaíocht bhliantúil do na haonaid bheostoic freisin.

8.   Léireoidh na Ballstáit an chaoi a bhfreagróidh na cleachtais talmhaíochta a dhéantar faoi éiciscéimeanna ar na riachtanais dá dtagraítear in Airteagal 108 agus conas a chuirfidh siad le hailtireacht chomhshaoil agus aeráide dá dtagraítear in Airteagal 109(2), pointe (a), agus le leas ainmhithe agus le frithsheasmhacht in aghaidh ábhair fhrithmhiocróbacha a chomhrac. Bainfidh siad úsáid as córas rátála nó scórála, nó as aon mhodheolaíocht iomchuí eile chun éifeachtacht agus éifeachtúlacht na n-éiciscéimeanna a áirithiú chun na spriocanna arna socrú a ghnóthú. Agus leibhéal na n-íocaíochtaí maidir le gealltanais éagsúla faoi na héiciscéimeanna de bhun mhír 7, an chéad fhomhír, pointe (a), den Airteagal seo á mbunú acu, cuirfidh na Ballstáit san áireamh leibhéal inbhuanaitheachta agus uaillmhéine gach éiciscéime, bunaithe ar chritéir oibiachtúla agus thrédhearcacha.

9.   Áiritheoidh na Ballstáit go bhfuil na hidirghabhálacha faoin Airteagal seo i gcomhréir leis na hidirghabhálacha sin atá bunaithe ar Airteagal 70.

1.   Féadfaidh na Ballstáit tacaíocht ioncaim chúpláilte a dheonú d’fheirmeoirí gníomhacha faoi na coinníollacha a leagtar amach san Fhoroinn seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Cabhróidh idirghabhálacha na mBallstát leis na hearnálacha agus na réimsí táirgeachta a fhaigheann tacaíocht nó na cineálacha sonracha feirmeoireachta atá i gceist iontu a liostaítear in Airteagal 33 chun aghaidh a thabhairt ar na deacrachtaí a bhíonn acu tríd an iomaíochas, an inbhuanaitheacht agus an cháilíocht a fheabhsú dóibh. Ní cheanglaítear ar na Ballstáit na deacrachtaí a bhíonn acu maidir le barra próitéine a léiriú.

3.   Is íocaíocht bhliantúil in aghaidh an heicteáir nó an ainmhí a bheidh sa tacaíocht ioncaim chúpláilte.

1.   Is i gcás limistéir a chinnfidh na Ballstáit iad a bheith ina heicteáir incháilithe, agus i gcás na limistéar sin amháin, a fhéadfaidh na Ballstáit tacaíocht ioncaim chúpláilte a dheonú i bhfoirm íocaíochta in aghaidh an heicteáir.

2.   I gcás ina mbaineann an tacaíocht ioncaim chúpláilte le bó-ainmhithe nó caoirigh agus gabhair, déanfaidh na Ballstáit a shocrú mar choinníollacha incháilitheachta don tacaíocht na ceanglais chun na hainmhithe a shainaithint agus a chlárú i gcomhréir le Cuid IV, Teideal I, Caibidil 2, Roinn 1, de Rialachán (AE) 2016/429. Mar sin féin, gan dochar do choinníollacha incháilitheachta eile is infheidhme, measfar go bhfuil bó-ainmhithe nó caoirigh agus gabhair incháilithe do thacaíocht ar choinníoll go gcomhlíontar na ceanglais maidir le sainaithint agus clárú faoi dháta áirithe sa bhliain éilimh lena mbaineann, dáta a bheidh le socrú ag na Ballstáit.

1.   Deonófar an íocaíocht bharrshonrach do chadás in aghaidh an heicteáir de limistéar incháilithe cadáis. Ní bheidh an limistéar sin incháilithe ach amháin má bhíonn sé lonnaithe ar thalamh talmhaíochta a údaróidh an Ballstát le haghaidh táirgthe cadáis, má bhíonn cineálacha cadáis a údaróidh an Ballstát ann agus má bhainfear an cadás faoi ghnáthchoinníollacha fáis.

2.   Íocfar an íocaíocht bharrshonrach do chadás as cadás maith cóir atá oiriúnach le díol.

3.   Déanfaidh an Bhulgáir, an Ghréig, an Spáinn agus an Phortaingéil an talamh agus na cineálacha cadáis dá dtagraítear i mír 1 a údarú i gcomhréir le haon rialacha agus coinníollacha a ghlactar de bhun mhír 5.

4.   Le haghaidh na n-idirghabhálacha a chumhdaítear san fhoroinn seo:

5.   Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha agus coinníollacha faoina n-údarófar talamh agus cineálacha cadáis chun críocha na híocaíochta barrshonraí do chadás.

6.   Glacfaidh an Coimisiún gníomhartha cur chun feidhme, lena leagfar síos rialacha maidir leis an nós imeachta chun an talamh agus cineálacha cadáis a údarú chun críocha na híocaíochta barrshonraí do chadás agus an nós imeachta chun fógra a bhaineann leis an údarú sin a thabhairt do na táirgeoirí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 153(2).

1.   Bunaítear na bunlimistéir náisiúnta seo a leanas:

2.   Bunaítear an táirgeacht sheasta a leanas don tréimhse tagartha:

3.   Déanfar méid na híocaíochta bharrshonraí in aghaidh an heicteáir de limistéar incháilithe a ríomh tríd an táirgeacht a bhunaítear i mír 2 a iolrú faoi na méideanna tagartha seo a leanas:

4.   Má sháraíonn an limistéar incháilithe cadáis i mBallstát ar leith i mbliain ar leith an bunlimistéar a bhunaítear i mír 1, déanfar laghdú ar an méid dá dtagraítear i mír 3 don Bhallstát sin i gcomhréir le méid an tsáraithe ar an mbunlimistéar.

5.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha maidir leis na coinníollacha faoina ndeonaítear an íocaíocht bharrshonrach do chadás, maidir leis na ceanglais incháilitheachta agus maidir leis na cleachtais agranamaíocha.

6.   Glacfaidh an Coimisiún gníomhartha cur chun feidhme lena leagfar síos rialacha maidir le ríomh an laghduithe dá bhforáiltear i mír 4. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 153(2).

1.   Chun críoch na foroinne seo, ciallaíonn “eagraíocht idirchraoibhe fhormheasta” eintiteas dlítheanach ina bhfuil feirmeoirí a tháirgeann cadás, agus scilligeoir cadáis amháin ar a laghad, a bhíonn i mbun gníomhaíochtaí den sórt seo a leanas:

2.   Déanfaidh an Ballstát ina bhfuil na scilligeoirí cadáis bunaithe eagraíochtaí idirchraoibhe a fhormheas a chomhlíonann aon chritéir a leagtar síos de bhun mhír 3.

3.   Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 chun an Rialachán seo a fhorlíonadh le rialacha maidir leis an méid seo a leanas:

1.   Déanfar an íocaíocht bharrshonrach do chadás a dheonú d'fheirmeoirí in aghaidh an heicteáir atá incháilithe, faoi mar a leagtar síos in Airteagal 38 é.

2.   I gcás feirmeoirí ar baill d'eagraíocht idirchraoibhe fhormheasta iad, cuirfear méadú EUR 2 leis an íocaíocht bharrshonrach do chadás in aghaidh an heicteáir atá incháilithe laistigh den bhunlimistéar a leagtar síos in Airteagal 38(1).

1.   Ní bheidh feidhm ag Airteagal 101 agus Airteagal 102 ná ag Teideal VII, cé is moite de Chaibidil III de, maidir leis an íocaíocht bharrshonrach do chadás a leagtar síos san Fhoroinn seo.

2.   Ní áireofar an íocaíocht bharrshonrach do chadás in aon roinn den Phlean Straitéiseach CBT dá dtagraítear in Airteagail 108 go 114, ach amháin a mhéid a bhaineann le hAirteagal 112(2), pointe (a), a bhaineann leis an bplean airgeadais.

3.   Ní bheidh feidhm ag Airteagal 55(1), an dara fomhír ná an tríú fomhír, de Rialachán (AE) 2021/2116 maidir leis na hidirghabhálacha dá dtagraítear san Fhoroinn seo.

1.   Na cineálacha idirghabhála in earnáil na dtorthaí agus na nglasraí dá dtagraítear in Airteagal 42, pointe (a), beidh siad éigeantach i gcás Ballstáit ina bhfuil eagraíochtaí táirgeoirí san earnáil sin a aithnítear faoi Rialachán (AE) Uimh. 1308/2013.

I gcás ina n-aithneoidh Ballstát nach bhfuil eagraíochtaí táirgeoirí aitheanta in earnáil na dtorthaí agus na nglasraí aige, tráth a Phlean Straitéiseach CBT a thíolacadh, eagraíocht táirgeoirí san earnáil sin faoi Rialachán (AE) Uimh. 1308/2013 le linn thréimhse an Phlean Straitéisigh CBT, cuirfidh an Ballstát sin iarraidh isteach maidir leis an bPlean Straitéiseach CBT a leasú i gcomhréir le hAirteagal 119 chun idirghabhálacha in earnáil na dtorthaí agus na nglasraí a chur san áireamh.

2.   Na cineálacha idirghabhála in earnáil na beachaireachta dá dtagraítear in Airteagal 42, pointe (b), beidh siad éigeantach i gcás gach Ballstáit.

3.   Na cineálacha idirghabhála in earnáil an fhíona dá dtagraítear in Airteagal 42, pointe (c), beidh siad éigeantach i gcás na mBallstát sin a liostaítear in Iarscríbhinn VII.

4.   Féadfaidh na Ballstáit a roghnú ina bPleananna Straitéiseacha CBT na cineálacha idirghabhála dá dtagraítear in Airteagal 42, pointe (d), pointe (e) agus pointe (f) a chur chun feidhme.

5.   Féadfaidh an Ghearmáin na cineálacha idirghabhála dá dtagraítear in Airteagal 42, pointe (f), a chur chun feidhme in earnáil na leannlusanna, má chinneann sí ina Plean Straitéiseach CBT gan na cineálacha idirghabhála dá dtagraítear in Airteagal 42, pointe (d), a chur chun feidhme, agus sa chás sin amháin.

6.   Féadfaidh an Ghréig, an Fhrainc agus an Iodáil na cineálacha idirghabhála dá dtagraítear in Airteagal 42, pointe (f), a chur chun feidhme in earnáil na hola olóige agus na n-ológ boird, má chinneann siad ina bPleananna Straitéiseacha CBT gan na cineálacha idirghabhála dá dtagraítear in Airteagal 42, pointe (e), a chur chun feidhme, agus sa chás sin amháin.

1.   Sna hearnálacha dá dtagraítear in Airteagal 42, féadfaidh an tacaíocht a bheith in aon cheann de na foirmeacha seo a leanas:

2.   Is ar cheann de na bealaí seo a leanas a shocrófar na méideanna i gcomhair na bhfoirmeacha tacaíochta dá dtagraítear i mír 1, pointe (b), pointe (c) agus pointe (d):

1.   Maidir le gach cuspóir arna roghnú as measc na gcuspóirí sin dá dtagraítear in Airteagal 46, pointí (a) go (i) agus pointe (k), déanfaidh na Ballstáit ceann amháin nó níos mó de na cineálacha idirghabhála seo a leanas a roghnú sna hearnálacha dá dtagraítear in Airteagal 42, pointí (a), (d), (e) agus (f) ina bPleananna Straitéiseacha CBT:

2.   Maidir leis an gcuspóir dá dtagraítear in Airteagal 46, pointe (j), déanfaidh na Ballstáit ceann amháin nó níos mó de na cineálacha idirghabhála seo a leanas a roghnú sna hearnálacha dá dtagraítear in Airteagal 42, pointí (a), (d), (e) agus (f) ina bPleananna Straitéiseacha CBT:

1.   Na cuspóirí dá dtagraítear in Airteagal 46 agus na hidirghabhálacha in earnáil na dtorthaí agus na nglasraí atá leagtha amach ag na Ballstáit ina bPleananna Straitéiseacha CBT, déanfar iad a chur chun feidhme trí bhíthin cláir oibríochtúla fhormheasta de chuid eagraíochtaí táirgeoirí nó comhlachais eagraíochtaí táirgeoirí a aithnítear faoi Rialachán (AE) Uimh. 1308/2013, nó an dá cheann díobh, faoi na coinníollacha a leagtar síos san Airteagal seo.

2.   Mairfidh na cláir oibríochtúla ar feadh 3 bliana ar a laghad agus ar feadh 7 mbliana ar a mhéid.

3.   Saothrófar na cuspóirí dá dtagraítear in Airteagal 46, pointe (b), pointe (e) agus pointe (f), ar a laghad, sna cláir oibríochtúla.

4.   Maidir le gach cuspóir a roghnófar, tabharfar tuairisc sna cláir oibríochtúla ar na hidirghabhálacha a roghnófar as measc na n-idirghabhálacha sin arna leagan síos ag na Ballstáit ina bPleananna Straitéiseacha CBT.

5.   Cuirfidh eagraíochtaí táirgeoirí nó comhlachais eagraíochtaí táirgeoirí a aithnítear faoi Rialachán (AE) Uimh. 1308/2013 cláir oibríochtúla faoi bhráid na mBallstát lena bhformheas agus, má fhormheastar iad, cuirfidh siad chun feidhme iad.

6.   Cláir oibríochtúla na gcomhlachas eagraíochtaí táirgeoirí, ní chumhdófar iontu na hidirghabhálacha céanna a chumhdaítear i gcláir oibríochtúla na n-eagraíochtaí sin is comhaltaí. Déanfaidh na Ballstáit cláir oibríochtúla na gcomhlachas eagraíochtaí táirgeoirí agus cláir oibríochtúla na n-eagraíochtaí is comhaltaí a mheas le chéile.

Chuige sin, áiritheoidh na Ballstáit:

7.   Áiritheoidh na Ballstáit, i gcás gach cláir oibríochtúla:

I gcás ina bhfuil 80 % ar a laghad de na comhaltaí in eagraíocht táirgeoirí faoi réir gealltanas agra-chomhshaoil-aeráide nó feirmeoireachta orgánaí amháin nó níos mó atá comhionann dá bhforáiltear i gCaibidil IV, áireofar gach ceann de na gealltanais sin mar ghníomhaíocht i dtaca leis an íosmhéid de thrí ghealltanas dá dtagraítear sa chéad fhomhír, pointe (b).

8.   Féadfar na gníomhaíochtaí atá beartaithe chun a áirithiú go mbeidh dálaí oibre cothroma sábháilte ag oibrithe san earnáil a leagan amach i gcláir oibríochtúla.

1.   Féadfaidh aon eagraíocht táirgeoirí in earnáil na dtorthaí agus na nglasraí nó comhlachais d'eagraíochtaí táirgeoirí den sórt sin ciste oibríochtúil a bhunú. Cuirfear maoiniú ar fáil don chiste:

2.   Is i gcás cláir oibríochtúla a d'fhormheas na Ballstáit, agus na cláir oibríochtúla sin amháin, a úsáidfear cistí oibríochtúla chun cláir oibríochtúla a mhaoiniú.

1.   Beidh an cúnamh airgeadais ón Aontas cothrom le méid na ranníocaíochtaí airgeadais dá dtagraítear in Airteagal 51(1), pointe (a), mar a íoctar go hiarbhír iad agus ní bheidh sé níos mó ná 50 % den chaiteachas iarbhír a thabhaítear.

2.   Is í an uasteorainn a bheidh leis an gcúnamh airgeadais ón Aontas:

Féadfaidh méadú 0,5 pointe céatadáin teacht ar na teorainneacha sin ar choinníoll nach mbaintear leas as an méid atá de bhreis ar an gcéatadán ábhartha a leagtar amach sa chéad fhomhír ach le haghaidh idirghabháil amháin nó níos mó a nasctar leis na cuspóirí dá dtagraítear in Airteagal 46, pointí (d), (e), (f), (h), (i) agus (j). I gcás comhlachais eagraíochtaí táirgeoirí, lena n-áirítear comhlachais eagraíochtaí táirgeoirí thrasnáisiúnta, féadfaidh an comhlachas na hidirghabhálacha sin a chur chun feidhme thar ceann a chomhaltaí.

3.   Arna iarraidh sin d'eagraíocht táirgeoirí nó do chomhlachas eagraíochtaí táirgeoirí, déanfar an uasteorainn 50 % dá bhforáiltear i mír 1 a ardú go 60 % i gcomhair clár oibríochtúil nó i gcomhair cuid de chlár oibríochtúil má tá feidhm ag ceann amháin ar a laghad de na nithe seo a leanas:

4.   Déanfar an teorainn 50 % dá bhforáiltear i mír 1 a mhéadú go 80 % i gcás caiteachas a nasctar leis an gcuspóir dá dtagraítear in Airteagal 46, pointe (d), i gcás ina gcumhdóidh an caiteachas sin 5 % ar a laghad den chaiteachas faoin gclár oibríochtúil.

5.   Déanfar an teorainn 50 % dá bhforáiltear i mír 1 a mhéadú go 80 % i gcás caiteachas a nasctar leis an gcuspóir dá dtagraítear in Airteagal 46, pointe (e) agus pointe (f), i gcás ina gcumhdóidh an caiteachas sin 20 % ar a laghad den chaiteachas faoin gclár oibríochtúil.

6.   Déanfar an uasteorainn 50 % dá bhforáiltear i mír 1 a ardú go 100 % sna cásanna seo a leanas:

1.   I réigiúin de chuid na mBallstát ina bhfuil leibhéal eagrúcháin na dtáirgeoirí in earnáil na dtorthaí agus na nglasraí go mór faoi bhun mheán an Aontais, féadfaidh na Ballstáit cúnamh airgeadais náisiúnta atá cothrom le 80 % ar a mhéad de na ranníocaíochtaí airgeadais dá dtagraítear in Airteagal 51(1), pointe (a), den Rialachán seo agus suas le 10 % de luach na táirgeachta arna margú ag eagraíochtaí táirgeoirí a aithnítear faoi Rialachán (AE) Uimh. 1308/2013 a dheonú do na heagraíochtaí táirgeoirí sin. Beidh an cúnamh airgeadais náisiúnta sa bhreis ar an gciste oibríochtúil.

2.   Measfar go mbeidh leibhéal eagrúcháin na dtáirgeoirí i réigiún de chuid Ballstáit go mór faoi bhun mheán an Aontais i gcás inar lú ná 20 % an meánleibhéal eagrúcháin maidir le 3 bliana as a chéile roimh chur chun feidhme an chláir oibríochtúil. Déanfar an leibhéal eagrúcháin a ríomh mar an luach a bhí ar tháirgeacht na dtorthaí agus na nglasraí sa réigiún lena mbaineann agus a chuir na heagraíochtaí táirgeoirí agus na comhlachais eagraíochtaí táirgeoirí a aithnítear faoi Rialachán (AE) Uimh. 1308/2013 ar an margadh, arna roinnt ar luach iomlán na táirgeachta torthaí agus glasraí a bhí sa réigiún sin.

3.   Ballstáit a dheonaíonn cúnamh airgeadais náisiúnta i gcomhréir le mír 1, cuirfidh siad an Coimisiún ar an eolas faoi na réigiúin a chomhlíonann na critéir dá dtagraítear i mír 2 agus faoin gcúnamh airgeadais náisiúnta arna dheonú d’eagraíochtaí táirgeoirí sna réigiúin sin

1.   Maidir le gach cuspóir sonrach roghnaithe a leagtar amach in Airteagal 6(1), déanfaidh na Ballstáit ceann amháin nó níos mó de na cineálacha idirghabhála seo a leanas in earnáil na beachaireachta a roghnú ina bPleananna Straitéiseacha CBT:

2.   Tabharfaidh na Ballstáit le fios ina bPleananna Straitéiseacha CBT an bunús atá leis an rogha a rinne siad maidir le cuspóirí sonracha agus cineálacha idirghabhála. Maidir leis na cineálacha idirghabhála atá roghnaithe acu, sonróidh siad na hidirghabhálacha sin.

3.   Leagfaidh na Ballstáit amach ina bPleananna Straitéiseacha CBT an cistiú atá curtha ar fáil acu le haghaidh na gcineálacha idirghabhála a roghnaíodh ina bPleananna Straitéiseacha CBT.

4.   Cuirfidh na Ballstáit ar a laghad méid céanna an chistiúcháin ar fáil leis an gcúnamh airgeadais ón Aontas a úsáideann siad ar bhonn Airteagal 88(2) chun tacú leis na cineálacha idirghabhála dá dtagraítear i mír 2 den Airteagal seo.

5.   Ní rachaidh an cúnamh airgeadais iomlán a sholáthróidh an tAontas agus na Ballstáit thar an gcaiteachas arna thabhú ag an tairbhí.

6.   Agus a bPleananna Straitéiseacha CBT á dtarraingt suas ag na Ballstáit, comhoibreoidh siad le hionadaithe eagraíochtaí i réimse na beachaireachta.

7.   Tabharfaidh na Ballstáit fógra don Choimisiún gach bliain maidir le líon na gcoirceog beach atá ar a gcríoch.

1.   Maidir le gach cuspóir a roghnaítear as measc na gcuspóirí sin a leagtar síos in Airteagal 57, déanfaidh na Ballstáit dá dtagraítear in Airteagal 88(1) ceann amháin nó níos mó de na cineálacha idirghabhála seo a leanas a roghnú ina bPleananna Straitéiseacha CBT:

Ní bheidh feidhm ag an gcéad fhomhír, pointe (k), ach amháin maidir le fíonta a bhfuil ainmniúchán tionscnaimh faoi chosaint nó tásc geografach faoi chosaint acu nó maidir le fíonta a bhfuil tásc faoin gcineál fíonchaor acu. Beidh oibríochtaí cur chun cinn agus cumarsáide atá dírithe ar chomhdhlúthú asraonta margaidh teoranta d’uastréimhse neamh-insínte 3 bliana, agus ní bhainfidh siad ach le scéimeanna cáilíochta an Aontais lena gcumhdaítear ainmniúcháin tionscnaimh agus tásca geografacha.

2.   Tabharfaidh na Ballstáit dá dtagraítear in Airteagal 88(1) le fios ina bPleananna Straitéiseacha CBT an bunús atá leis an rogha a rinne siad maidir le cuspóirí agus cineálacha idirghabhála in earnáil an fhíona. Maidir leis na cineálacha idirghabhála atá roghnaithe acu, sonróidh na Ballstáit na hidirghabhálacha sin.

Maidir leis na Ballstáit a roghnaigh na cineálacha idirghabhála dá bhforáiltear i mír 1, an chéad fhomhír, pointe (k), den Airteagal seo, leagfaidh siad síos forálacha sonracha le haghaidh na ngníomhaíochtaí faisnéise agus cur chun cinn, go háirithe maidir lena dtréimhse uasta.

3.   De bhreis ar na ceanglais a leagtar amach i dTeideal V, leagfaidh na Ballstáit dá dtagraítear in Airteagal 88(1) amach ina bPleananna Straitéiseacha CBT sceideal maidir le cur chun feidhme na gcineálacha idirghabhála atá roghnaithe acu, na hidirghabhálacha agus tábla airgeadais ginearálta ina dtaispeánfar na hacmhainní a bheidh le himscaradh agus an leithdháileadh acmhainní atá beartaithe a dhéanamh ar na cineálacha idirghabhála atá roghnaithe agus na hidirghabhálacha i gcomhréir leis na leithdháiltí airgeadais a leagtar síos in Iarscríbhinn VII.

1.   An cúnamh airgeadais a thabharfaidh an tAontas le haghaidh fíonghoirt a athstruchtúrú agus a athchóiriú dá dtagraítear in Airteagal 58(1), an chéad fhomhír, pointe (a), ní bheidh sé níos airde ná 50 % de na costais iarbhír a bhaineann le hathstruchtúrú agus athchóiriú na bhfíonghort nó níos airde ná 75 % de na costais iarbhír a bhaineann le hathstruchtúrú agus athchóiriú na bhfíonghort i réigiúin bheagfhorbartha.

Mar sin féin, maidir leis an gcúnamh airgeadais i gcás fánaí géara agus léibhinn i limistéir ina bhfuil an claonadh níos mó ná 40 %, féadfaidh sé dul suas go 60 % de na costais iarbhír a bhaineann le hathstruchtúrú agus athchóiriú fíonghort, nó suas go 80 % de na costais iarbhír a bhaineann le hathstruchtúrú agus athchóiriú fíonghort i réigiúin bheagfhorbartha.

Féadfaidh an cúnamh a bheith i bhfoirm cúiteamh le táirgeoirí i leith caillteanas ioncaim de dheasca chur chun feidhme na hidirghabhála agus ina thacaíocht leis na costais a bhaineann le hathstruchtúrú agus athchóiriú na bhfíonghort. I gcás cúiteamh le táirgeoirí i leith caillteanas ioncaim de dheasca chur chun feidhme na hidirghabhála, féadfar suas le 100 % den chaillteanas lena mbaineann a chumhdach, agus beidh sé i gceann de na foirmeacha seo a leanas:

2.   Maidir leis an gcúnamh airgeadais ón Aontas le haghaidh na n-infheistíochtaí dá dtagraítear in Airteagal 58(1), an chéad fhomhír, pointe (b), ní sháróidh sé na huasteorainneacha seo a leanas:

An cúnamh airgeadais ón Aontas ag an ráta uasta a leagtar amach sa chéad fhomhír, ní dhéanfar é a dheonú ach do mhicrifiontair agus d’fhiontair bheaga agus mheánmhéide de réir bhrí Mholadh 2003/361/CE ón gCoimisiún (43). Mar sin féin, féadfar é a dheonú do gach cineál fiontair sna réigiúin is forimeallaí agus sna hoileáin bheaga Aeigéacha.

Déanfar na huasleibhéil cúnaimh airgeadais ón Aontas a leagtar amach sa chéad fhomhír den mhír seo a laghdú faoina leath i gcás na bhfiontar sin nach gcumhdaítear le hAirteagal 2(1) den Iarscríbhinn a ghabhann le Moladh 2003/361/CE, agus a bhfuil níos lú ná 750 fostaí iontu nó a bhfuil láimhdeachas bliantúil níos ísle ná EUR 200 milliún acu.

Ní dhéanfar aon chúnamh airgeadais ón Aontas a dheonú d’fhiontair atá i gcruachás de réir bhrí na teachtaireachta ón gCoimisiún dar teideal Guidelines on State aid for rescuing and restructuring non-financial undertakings in difficulty [Treoirlínte maidir le Státchabhair chun teacht i gcabhair ar ghnólachtaí atá i gcruachás agus athstruchtúrú a dhéanamh orthu] (44).

3.   An cúnamh airgeadais ón Aontas le haghaidh glasbhuaint dá dtagraítear in Airteagal 58(1), an chéad fhomhír, pointe (c), ní bheidh sé níos airde ná 50 % de shuim na gcostas díreach a bhaineann leis na triopaill fíonchaor a scriosadh nó a bhaint agus an chaillteanais ioncaim de bharr an scriosta nó na bainte sin.

4.   An cúnamh airgeadais ón Aontas le haghaidh na n-idirghabhálacha dá dtagraítear in Airteagal 58(1), an chéad fhomhír, pointe (i), pointe (j) agus pointe (m), ní rachaidh sé thar 50 % de na costais dhíreacha nó incháilithe.

5.   Maidir leis an gcúnamh airgeadais ón Aontas le haghaidh árachas buainte dá dtagraítear in Airteagal 58(1), an chéad fhomhír, pointe (d), ní sháróidh sé na huasteorainneacha seo a leanas:

Féadfar cúnamh airgeadais ón Aontas a dheonú maidir le hárachas buainte más rud é nach dtugann na híocaíochtaí árachais lena mbaineann cúiteamh do tháirgeoirí i leith breis agus 100 % den chaillteanas ioncaim a tharlaíonn dóibh, agus cuirfear san áireamh aon chúiteamh a d'fhéadfadh a bheith faighte ag na táirgeoirí ó scéimeanna tacaíochta eile a bhaineann leis an riosca a bhfuarthas árachas ina aghaidh. Beidh sé de cheangal leis na conarthaí árachais go ndéanfaidh tairbhithe na bearta is gá maidir le riosca a chosc.

6.   Maidir leis an gcúnamh airgeadais ón Aontas le haghaidh na nuálaíochta dá dtagraítear in Airteagal 58(1), an chéad fhomhír, pointe (e), ní sháróidh sé na huasteorainneacha seo a leanas:

An cúnamh airgeadais ón Aontas ag an ráta uasta a leagtar amach sa chéad fhomhír, is do mhicrifiontair agus fiontair bheaga agus mheánmhéide de réir bhrí Mholadh 2003/361/CE amháin a dheonófar é; mar sin féin, féadfar é a dheonú do gach cineál fiontair sna réigiúin is forimeallaí agus sna hoileáin bheaga Aeigéacha.

Déanfar na huasleibhéil cúnaimh airgeadais ón Aontas a leagtar amach sa chéad fhomhír den mhír seo a laghdú faoina leath i gcás na bhfiontar sin nach gcumhdaítear le hAirteagal 2(1) den iarscríbhinn a ghabhann le Moladh 2003/361/CE, agus a bhfuil níos lú ná 750 fostaí iontu nó a bhfuil láimhdeachas bliantúil níos ísle ná EUR 200 milliún acu.

7.   An cúnamh airgeadais ón Aontas le haghaidh bearta faisnéise agus tionscnaimh dá dtagraítear in Airteagal 58(1), an chéad fhomhír, pointe (h) agus pointe (k), ní bheidh sé níos airde ná 50 % den chaiteachas incháilithe.

Ina theannta sin, féadfaidh na Ballstáit dá dtagraítear in Airteagal 88(1) íocaíochtaí náisiúnta a dheonú de suas le 30 % de chaiteachas incháilithe ach ní sháróidh cúnamh airgeadais an Aontais agus íocaíochtaí na mBallstát le chéile 80 % den chaiteachas incháilithe.

8.   Glacfaidh an Coimisiún gníomhartha cur chun feidhme chun an cúnamh airgeadais ón Aontas le haghaidh fotháirgí na fíonóireachta a dhriogadh dá dtagraítear in Airteagal 58(1), an chéad fhomhír, pointe (g), a shocrú i gcomhréir leis na rialacha sonracha a leagtar síos in Airteagal 60(3). Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 153(2).

1.   Áiritheoidh na Ballstáit dá dtagraítear in Airteagal 88(1) nach bhfágfaidh an cúnamh airgeadais ón Aontas le haghaidh árachas buainte go saobhfar an iomaíocht sa mhargadh árachais.

2.   Cuirfidh na Ballstáit dá dtagraítear in Airteagal 88(1) córas ar bun a bheidh bunaithe ar chritéir oibiachtúla lena áirithiú nach dtabharfar, de thoradh glasbhuainte, cúiteamh níos airde ná an uasteorainn a leagtar síos in Airteagal 59(3) do tháirgeoirí aonair.

3.   Déanfar méid an chúnaimh ón Aontas le haghaidh dhriogadh fhotháirgí na fíonóireachta dá dtagraítear in Airteagal 58(1), an chéad fhomhír, pointe (g), a shocrú de réir an chéatadáin de réir toirte, agus de réir an heictilítir, d'alcól a tháirgtear. Ní dhéanfar aon chúnamh airgeadais ón Aontas a íoc i leith an mhéid sin d'alcól de réir toirte atá sna fotháirgí atá le driogadh a sháraíonn 10 % den mhéid alcóil de réir toirte atá san fhíon a tháirgtear.

Áiritheoidh na Ballstáit dá dtagraítear in Airteagal 88(1) go ndéanfar an cúnamh airgeadais ón Aontas le haghaidh dhriogadh fhotháirgí na fíonóireachta a íoc le driogairí a dhéanann fotháirgí na fíonóireachta a phróiseáil chun iad a dhriogadh ina n-alcól amh ar mó ná 92 %, ar a laghad, a neart alcólach arna thomhas mar chéatadán dá thoirt.

Áireofar sa chúnamh airgeadais ón Aontas cnapshuim lena gcúiteofar na costais a bhaineann le fotháirgí na fíonóireachta a bhailiú. Déanfar an méid sin a aistriú ón driogaire chuig an táirgeoir, i gcásanna gurb é an táirgeoir a chlúdaíonn na costais ábhartha sin.

Áiritheoidh na Ballstáit dá dtagraítear in Airteagal 88(1) gur chun críoch tionsclaíoch nó fuinnimh amháin nach ndéanann saobhadh ar an iomaíocht a úsáidtear an t-alcól a thagann as driogadh fhotháirgí na fíonóireachta ar deonaíodh cúnamh airgeadais ón Aontas ina leith.

4.   Áiritheoidh na Ballstáit dá dtagraítear in Airteagal 88(1) ina bPleananna Straitéiseacha CBT go gcuirfear ar a laghad 5 % den chaiteachas i leataobh agus go nglacfar gníomhaíocht amháin ar a laghad ar mhaithe le comhlíonadh na gcuspóirí atá dírithe ar chosaint an chomhshaoil, ar an oiriúnú don athrú aeráide, ar inbhuanaitheacht córas agus próiseas táirgthe a fheabhsú, ar an tionchar a bhíonn ag earnáil an fhíona san Aontas ar an gcomhshaol a laghdú, ar chaomhnú fuinnimh agus ar éifeachtúlacht fuinnimh ar bhonn domhanda a fheabhsú in earnáil an fhíona, i gcomhréir leis na cuspóirí a leagtar síos in Airteagal 57, pointe (b), pointe (d) agus pointe (h).

1.   Déanfaidh an Ghearmáin ceann amháin nó níos mó de na cuspóirí a leagtar amach in Airteagal 46, pointí (a) go (h), pointe (j) agus pointe (k) a shaothrú in earnáil na leannlusanna.

2.   Déanfaidh an Ghearmáin ceann amháin nó níos mó de na cineálacha idirghabhála dá dtagraítear in Airteagal 47 a roghnú ina Plean Straitéiseach CBT chun na cuspóirí atá roghnaithe de réir mhír 1 den Airteagal seo a shaothrú. Maidir leis na cineálacha idirghabhála atá roghnaithe aige, sonróidh an Ghearmáin na hidirghabhálacha sin. Tabharfaidh sí le fios ina Plean Straitéiseach CBT an bunús atá leis an rogha a rinne sé maidir le cuspóirí, cineálacha idirghabhála agus idirghabhálacha chun na cuspóirí sin a ghnóthú.

3.   Déanfar na hidirghabhálacha arna sonrú ag an nGearmáin a chur chun feidhme trí chláir oibríochtúla ceadaithe na n-eagraíochtaí táirgeoirí nó a comhlachais a aithnítear faoi Rialachán (AE) Uimh. 1308/2013.

4.   Comhlíonfaidh na cláir oibríochtúla dá dtagraítear i mír 3 na coinníollacha a leagtar síos in Airteagal 50(2, (4), (5), (6) agus (8).

5.   Áiritheoidh an Ghearmáin nach rachaidh, ar an meán i gcaitheamh 3 bliana as a chéile, an cúnamh airgeadais ón Aontas a chuirfear ar fáil do gach eagraíocht táirgeoirí nó dá gcomhlachais d'eagraíochtaí táirgeoirí faoin Airteagal seo le haghaidh na gcineálacha idirghabhála dá dtagraítear in Airteagal 47(2), pointe (f), pointe (g) agus pointe (h), thar aon trian den chúnamh airgeadais iomlán ón Aontas a fuarthas dá clár oibríochtúil thar an tréimhse chéanna.

1.   Laistigh den leithdháileadh airgeadais a leagtar amach in Airteagal 88(3), déanfaidh an Ghearmáin dá dtagraítear sa mhír sin an cúnamh airgeadais uasta ón Aontas a leithdháileadh ar na heagraíochtaí táirgeoirí nó ar a comhlachais a chuireann chun feidhme na cláir oibríochtúla dá dtagraítear in Airteagal 61(3), i gcomhréir le líon na heicteár a shaothraíonn gach eagraíocht táirgeoirí le leannlusanna.

2.   Laistigh de na huasmhéideanna a leithdháiltear ar gach eagraíocht táirgeoirí nó comhlachas eagraíochtaí táirgeoirí de bhun mhír 1, beidh an cúnamh airgeadais ón Aontas do na cláir oibríochtúla dá dtagraítear in Airteagal 61 teoranta do 50 % den chaiteachas iarbhír arna thabhú le haghaidh na gcineálacha idirghabhála dá dtagraítear san Airteagal sin. Is é an eagraíocht nó an comhlachas táirgeoirí a fuair cúnamh airgeadais ón Aontas a íocfaidh an chuid eile den chaiteachas.

Íocfar an cúnamh airgeadais ón Aontas le cistí oibríochtúla arna mbunú ag eagraíochtaí táirgeoirí nó ag a gcomhlachais a aithnítear faoi Rialachán (AE) Uimh. 1308/2013 agus a chuireann na cláir oibríochtúla chun feidhme. Chuige sin, beidh feidhm ag Airteagal 51 den Rialachán seo mutatis mutandis.

3.   Déanfar an uasteorainn 50 % dá bhforáiltear i mír 2 a ardú go 100 % sna cásanna seo a leanas:

1.   Chun na cuspóirí dá dtagraítear in Airteagal 63 a shaothrú, déanfaidh an Ghréig, an Fhrainc agus an Iodáil ceann amháin nó níos mó de na cineálacha idirghabhála dá dtagraítear in Airteagal 47 a roghnú ina bPleananna Straitéiseacha CBT. Maidir leis na cineálacha idirghabhála atá roghnaithe acu, déanfaidh na Ballstáit idirghabhálacha a shonrú.

2.   Déanfar na hidirghabhálacha arna sonrú ag an Ghréig, an Fhrainc agus an Iodáil a chur chun feidhme trí chláir oibríochtúla fhormheasta na n-eagraíochtaí táirgeoirí agus/nó na gcomhlachas eagraíochtaí táirgeoirí a aithnítear faoi Rialachán (AE) Uimh. 1308/2013. Chuige sin, beidh feidhm mutatis mutandis ag Airteagal 50(2), (4), (5), (6) agus (8) agus Airteagal 51 den Rialachán seo, gan dochar d'Airteagal 65(3).

1.   An cúnamh airgeadais ón Aontas le haghaidh na gcostas incháilithe, ní sháróidh sé na huasteorainneacha seo a leanas:

2.   Maidir le gach eagraíocht táirgeoirí nó comhlachas eagraíochtaí táirgeoirí, déanfar an cúnamh airgeadais ón Aontas a theorannú le nach sáróidh sé 30 % de luach na táirgeachta arna margú in 2023 agus 2024, 15 % in 2025 agus 2026 agus 10 % amhail ó 2027.

3.   Féadfaidh an Ghréig, an Fhrainc agus an Iodáil maoiniú comhlántach a chur ar fáil do na cistí oibríochtúla dá dtagraítear in Airteagal 51 chun suas le 50 % de na costais nach gcumhdaítear leis an gcúnamh airgeadais ón Aontas a mhaoiniú.

4.   Áiritheoidh an Ghréig, an Fhrainc agus an Iodáil nach sáróidh an caiteachas ar na cineálacha idirghabhála dá dtagraítear in Airteagal 47(2), pointe (f), pointe (g) agus pointe (h), aon trian den chaiteachas iomlán faoi gach clár oibríochtúil mar a leagtar amach ina bPleananna Straitéiseacha CBT.

1.   I gcás gach earnála arna roghnú i gcomhréir le hAirteagal 66, roghnóidh na Ballstáit ceann amháin nó níos mó de na cineálacha idirghabhála dá dtagraítear in Airteagal 47 a chuirfear chun feidhme trí chláir oibríochtúla fhormheasta arna dtarraingt suas ag:

2.   Leagfaidh na Ballstáit amach na critéir maidir le grúpaí táirgeoirí a shainaithint agus cinnfidh siad gníomhaíochtaí agus cuspóirí na ngrúpaí táirgeoirí dá dtagraítear i mír 1, pointe (b), agus é mar aidhm go mbeidh na grúpaí táirgeoirí sin in ann na ceanglais a chomhlíonadh maidir le haitheantas mar eagraíochtaí táirgeoirí faoi Airteagail 152 go 154 nó 161 de Rialachán (AE) Uimh. 1308/2013 nó faoi mhír 7 den Airteagal seo.

3.   Déanfaidh na grúpaí táirgeoirí dá dtagraítear i mír 1, pointe (b), de bhreis ar chlár oibríochtúil, plean aitheantais a tharraingt suas agus a chur isteach d'fhonn na ceanglais a leagtar síos in Airteagail 152 go 154 nó 161 de Rialachán (AE) Uimh. 1308/2013 nó faoi mhír 7 den Airteagal seo a chomhlíonadh, laistigh den idirthréimhse dá dtagraítear sa phointe sin, maidir le haitheantas mar eagraíochtaí táirgeoirí.

Sa phlean aitheantas socrófar gníomhaíochtaí agus spriocanna chun a áirithiú go ndéanfar dul chun cinn maidir leis an aitheantas sin a ghnóthú.

Aon tacaíocht a dheonófar do ghrúpa táirgeoirí nach bhfuil aitheanta mar eagraíocht táirgeoirí faoi dheireadh na hidirthréimhse, beidh sí faoi réir aisghabhála.

4.   Tabharfaidh na Ballstáit le fios an bunús atá leis an rogha a rinne siad maidir le cineálacha idirghabhála dá dtagraítear i mír 1.

Na Ballstáit a chinnfidh na cineálacha idirghabhála dá bhforáiltear sa Roinn seo a chur chun feidhme i gcás táirgí a liostaítear in Iarscríbhinn VI, roghnóidh siad, i gcás gach earnála a shainíonn siad, liosta na dtáirgí a chumhdaítear san earnáil sin.

5.   Ní bheidh feidhm ag na cineálacha idirghabhála dá dtagraítear in Airteagal 47(2), pointe (c) agus pointí (f) go (i), maidir le cadás, síolta ráibe nó síolta colsa, síolta lus na gréine agus pónairí soighe a áirítear in Iarscríbhinn VI.

6.   Comhlíonfaidh na cláir oibríochtúla dá dtagraítear i mír 1 na coinníollacha a leagtar síos in Airteagal 50(2), (4), (5), (6) agus (8).

7.   Na Ballstáit a roghnaíonn cineálacha idirghabhála dá dtagraítear in Airteagal 42, pointe (f), a chur chun feidhme in earnáil an chadáis, tabharfaidh siad aitheantas d'eagraíochtaí táirgeoirí den sórt sin san earnáil sin agus do chomhlachais na n-eagraíochtaí táirgeoirí sin i gcomhréir leis na ceanglais agus ag úsáid na nósanna imeachta a leagtar síos in Airteagal 152(1) agus in Airteagail 153 go 156 de Rialachán (AE) Uimh. 1308/2013. Maidir le grúpaí táirgeoirí cadáis agus cónaidhmeanna de na grúpaí táirgeoirí sin atá aitheanta ag na Ballstáit i gcomhréir le Prótacal Uimh. 4 a ghabhann le hIonstraim Aontachais na Poblachta Heilléanaí 1979 roimh theacht i bhfeidhm an Rialacháin seo, chun críocha na Roinne seo, measfar gur eagraíochtaí táirgeoirí nó comhlachais eagraíochtaí táirgeoirí iad, faoi seach.

8.   Áiritheoidh na Ballstáit nach sáróidh an caiteachas ar na cineálacha idirghabhála dá dtagraítear in Airteagal 47(2), pointe (f), pointe (g) agus pointe (h), aon trian den chaiteachas iomlán faoi gach clár oibríochtúil mar a leagtar amach ina bPleananna Straitéiseacha CBT.

1.   Ní bheidh an cúnamh airgeadais ón Aontas níos airde ná 50 % den chaiteachas iarbhír a thabhaítear maidir leis na cineálacha idirghabhála dá dtagraítear in Airteagal 67. Is iad na tairbhithe a íocfaidh an chuid eile den chaiteachas.

Íocfar an cúnamh airgeadais ón Aontas le cistí oibríochtúla arna mbunú ag eagraíochtaí táirgeoirí nó ag a gcomhlachais a aithnítear faoi Rialachán (AE) Uimh. 1308/2013 nó faoi Airteagal 67(7) den Rialachán seo nó ag grúpaí táirgeoirí dá dtagraítear in Airteagal 67(1), pointe (b) den Rialachán seo. Chuige sin, beidh feidhm mutatis mutandis ag Airteagal 51 agus Airteagal 52(1) den Rialachán seo.

2.   Déanfar an uasteorainn 50 % dá bhforáiltear i mír 1 a ardú go 60 % i gcomhair eagraíochtaí táirgeoirí nó comhlachais eagraíochtaí táirgeoirí a aithnítear faoi Rialachán (AE) Uimh. 1308/2013 nó faoi Airteagal 67(7) den Rialachán seo do na chéad 5 bliana tar éis na bliana aitheantais.

3.   Déanfar an cúnamh airgeadais ón Aontas a theorannú le nach sáróidh sé 6 % de luach na táirgeachta arna margú de na páirtithe seo a leanas:

1.   Áiritheoidh na Ballstáit go mbeidh gealltanais agra-chomhshaoil-aeráide i measc na n-idirghabhálacha ina bPleananna Straitéiseacha CBT agus d'fhéadfaí gealltanais bhainistíochta eile a áireamh iontu freisin. Déanfar na híocaíochtaí maidir leis na gealltanais sin a dheonú faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit sna Pleananna Straitéiseacha CBT.

2.   Ní dhéanfaidh na Ballstáit íocaíochtaí a dheonú ach d'fheirmeoirí nó do thairbhithe eile a thugann faoi ghealltanais bhainistithe, ar bhonn deonach, a meastar a bheith ina gcuidiú chun ceann amháin nó níos mó de na cuspóirí sonracha a leagtar amach in Airteagal 6(1) agus (2) a ghnóthú.

3.   Faoin Airteagal seo, ní thabharfaidh na Ballstáit íocaíochtaí ach do ghealltanais:

Maidir leis na gealltanais dá dtagraítear sa chéad fhomhír, pointe (b), i gcás ina bhforchuirtear ceanglais nua, a sháraíonn na híoscheanglais chomhfhreagracha a leagtar síos i ndlí an Aontais, leis an dlí náisiúnta, féadfar tacaíocht a dheonú do ghealltanais lena rannchuidítear le comhlíonadh na gceanglas sin ar feadh uastréimhse 24 mhí ón dáta a bheidh siad éigeantach don ghabháltas.

4.   Déanfaidh na Ballstáit na híocaíochtaí a shocrú a bheidh le déanamh ar bhonn na gcostas breise a tabhaíodh agus an ioncaim tarscaoilte de thoradh na ngealltanas a rinneadh, agus na spriocanna a socraíodh á gcur san áireamh. Déanfar na híocaíochtaí sin a dheonú go bliantúil agus féadfar aon chostais idirbheartaíochta a áireamh iontu. I gcásanna a bhfuil údar cuí leo, féadfaidh na Ballstáit tacaíocht a dheonú mar íocaíocht aonuaire in aghaidh an aonaid.

5.   Féadfaidh na Ballstáit scéimeanna comhinfheistíochta agus scéimeanna íocaíochta bunaithe ar thorthaí a chur chun cinn agus tacú leo chun feirmeoirí nó tairbhithe eile a spreagadh chun cur go mór le cáilíocht an chomhshaoil ar scála níos mó nó ar shlí níos intomhaiste.

6.   Tabharfar faoi na gealltanais ar feadh tréimhse idir 5 bliana agus 7 mbliana.

Mar sin féin, féadfaidh na Ballstáit na nithe seo a leanas a chinneadh ina gCláir Straitéiseacha CBT:

7.   Áiritheoidh na Ballstáit go ndéanfar foráil do chlásal um athbhreithniú d'oibríochtaí a chuirtear chun feidhme faoin gcineál idirghabhála dá dtagraítear san Airteagal seo chun a áirithiú go ndéanfar iad a choigeartú mar thoradh ar leasuithe ar na caighdeáin, ceanglais nó oibleagáidí éigeantacha ábhartha dá dtagraítear i mír 3 nach mór do na gealltanais a shárú, nó chun a áirithiú go gcomhlíonfar an chéad fhomhír, pointe (d), den mhír sin. I gcás nach nglacfaidh an tairbhí leis an oiriúnú sin, rachaidh an gealltanas in éag agus ní éileoidh na Ballstáit aisíocaíocht na n-íocaíochtaí faoin Airteagal seo le linn na tréimhse ina mbeidh an gealltanas i bhfeidhm.

Áiritheoidh na Ballstáit freisin go ndéanfar foráil do chlásal um athbhreithniú d'oibríochtaí a chuirtear chun feidhme faoin gcineál idirghabhála dá dtagraítear san Airteagal seo a rachaidh níos faide ná tréimhse an Phlean Straitéisigh CBT chun go bhféadfar iad a oiriúnú do chreat dlí is infheidhme sa chéad tréimhse eile.

8.   I gcás ina ndéantar tacaíocht faoin Airteagal seo a dheonú i leith gealltanais talmhaíochta, chomhshaoil agus aeráide nó gealltanais a bhfuil d'aidhm leo cleachtais agus modhanna feirmeoireachta orgánaí a leagtar síos i Rialachán (AE) 2018/848 a chothabháil nó aistriú chucu, bunóidh na Ballstáit íocaíocht in aghaidh an heicteáir. I gcás gealltanais eile, féadfaidh na Ballstáit aonaid eile nach heicteáir iad a chur i bhfeidhm. I gcásanna a bhfuil údar cuí leo, féadfaidh na Ballstáit tacaíocht a thabhairt faoin Airteagal seo mar chnapshuim.

9.   Áiritheoidh na Ballstáit go mbeidh rochtain ag daoine a dhéanann oibríochtaí faoin gcineál seo idirghabhála ar an eolas agus ar an bhfaisnéis ábhartha is gá chun na hoibríochtaí sin a chur chun feidhme, agus, chun cabhrú le feirmeoirí a thugann gealltanas a gcórais táirgthe a athrú, go gcuirfear oiliúint iomchuí ar fáil dóibh siúd a bhfuil gá acu léi, mar aon le rochtain ar shaineolas.

10.   Áiritheoidh na Ballstáit go bhfuil na hidirghabhálacha faoin Airteagal seo comhsheasmhach leis na hidirghabhálacha sin atá bunaithe ar Airteagal 31.

1.   Féadfaidh na Ballstáit, d'fhonn cabhrú le gnóthú ceann amháin nó níos mó de na cuspóirí sonracha a leagtar amach in Airteagal 6(1) agus (2), íocaíochtaí a dheonú i leith srianta nádúrtha nó srianta eile a bhaineann go sonrach le limistéar faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Déanfar íocaíochtaí faoin Airteagal seo a dheonú d'fheirmeoirí gníomhacha i ndáil le limistéir a ainmnítear de bhun Airteagal 32 de Rialachán (AE) Uimh. 1305/2013.

3.   Féadfaidh na Ballstáit cleachtadh mionchoigeartúcháin a dhéanamh i gcomhréir leis na coinníollacha dá bhforáiltear in Airteagal 32(3), an tríú fomhír, de Rialachán (AE) Uimh. 1305/2013.

4.   Ní fhéadfaidh na Ballstáit íocaíochtaí a dheonú faoin Airteagal seo ach amháin chun tairbhithe a chúiteamh i leith na gcostas breise uile, nó cuid de na costais sin, agus an ioncaim tarscaoilte maidir leis na srianta nádúrtha nó na srianta eile a bhaineann go sonrach le limistéar sa limistéar lena mbaineann.

5.   Déanfar na costais bhreise agus an t-ioncam tarscaoilte dá dtagraítear i mír 4 a ríomh maidir leis na srianta nádúrtha nó na srianta a bhaineann go sonrach le limistéar trí chomparáid a dhéanamh le limistéir nach ndéantar difear dóibh leis na srianta nádúrtha sin nó na srianta a bhaineann go sonrach le limistéar.

6.   Déanfar na híocaíochtaí faoin Airteagal seo a dheonú go bliantúil in aghaidh an heicteáir den limistéar talmhaíochta.

1.   Féadfaidh na Ballstáit, d'fhonn cabhrú le gnóthú ceann amháin nó níos mó de na cuspóirí sonracha a leagtar amach in Airteagal 6(1) agus (2), íocaíochtaí a dheonú i leith míbhuntáistí a bhaineann go sonrach le limistéar agus ar míbhuntáistí iad a fhorchuirtear le ceanglais a eascraíonn as Treoracha 92/43/CEE, 2009/147/CE nó 2000/60/CE a chur chun feidhme, faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Deonófar aon íocaíochtaí faoin Airteagal seo d’fheirmeoirí, do shealbhóirí foraoise agus dá gcomhlachais agus do bhainisteoirí eile talún.

3.   Agus na limistéir faoi mhíbhuntáiste á gcinneadh ag na Ballstáit, féadfaidh siad ceann amháin nó níos mó de na limistéir seo a leanas chur san áireamh:

4.   Ní fhéadfaidh na Ballstáit íocaíochtaí a dheonú faoin Airteagal seo ach chun tairbhithe a chúiteamh i leith na gcostas breise uile, nó cuid de na costais sin, agus an ioncaim tarscaoilte maidir leis na míbhuntáistí a bhaineann go sonrach le limistéar sa limistéar lena mbaineann, lena n-áirítear costais idirbheartaíochta.

5.   Déanfar na costais bhreise agus an t-ioncam tarscaoilte dá dtagraítear i mír 4 a ríomh mar seo a leanas:

6.   Déanfar na híocaíochtaí faoin Airteagal seo a dheonú go bliantúil in aghaidh an heicteáir.

1.   Féadfaidh na Ballstáit tacaíocht a dheonú maidir le hinfheistíochtaí faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Ní fhéadfaidh na Ballstáit tacaíocht a dheonú faoin Airteagal seo ach maidir leis na hinfheistíochtaí sin i sócmhainní inláimhsithe agus doláimhsithe a chuireann le gnóthú ceann amháin nó níos mó de na cuspóirí sonracha a leagtar amach in Airteagal 6(1) agus (2).

I gcás gabháltas thar thairseach áirithe, a chinnfidh na Ballstáit ina bPleananna Straitéiseacha CBT, tabharfar tacaíocht d'earnáil na foraoise ar choinníoll go soláthrófar faisnéis ábhartha a thiocfaidh ó phlean bainistithe foraoise nó ó ionstraim chomhionann atá i gcomhréir le bainistiú inbhuanaithe foraoisí arna shainmhíniú i dTreoirlínte Ginearálta maidir le Bainistiú Inbhuanaithe Foraoisí san Eoraip, a glacadh ag an Dara Comhdháil Aireachta um Chosaint Foraoisí san Eoraip a tionóladh in Heilsincí an 16-17 Meitheamh 1993.

3.   Leagfaidh na Ballstáit síos liosta infheistíochtaí agus catagóirí caiteachais neamh-incháilithe, lena n-áirítear an méid seo a leanas ar a laghad:

I gcás ina dtugtar tacaíocht trí ionstraimí airgeadais, ní bheidh feidhm ag an gcéad fhomhír, pointí (a), (b), (d) agus (f).

4.   Cuirfidh na Ballstáit teorainn leis an tacaíocht do ráta amháin nó níos mó nach mó ná 65 % de na costais incháilithe.

Féadfar na huasrátaí tacaíochta a mhéadú go:

5.   I gcás ina mbeidh sé mar thoradh ar dhlí an Aontais go gcuirfear ceanglais nua ar fheirmeoirí, féadfar tacaíocht a dheonú d'infheistíochtaí chun na ceanglais sin a chomhlíonadh ar feadh uastréimhse 24 mhí ón dáta a mbeidh siad éigeantach don ghabháltas talmhaíochta.

1.   Féadfaidh na Ballstáit tacaíocht a dheonú d’infheistíochtaí in uisciú i limistéir uiscithe nua agus i limistéir uiscithe atá ann cheana, ar choinníoll go gcomhlíontar na coinníollacha a leagtar síos in Airteagal 73 agus san Airteagal seo.

2.   Ní thacófar le hinfheistíochtaí in uisciú ach amháin i gcás ina gcuirfidh an Ballstát lena mbaineann chuig an gCoimisiún plean bainistithe abhantracha dá bhforáiltear i dTreoir 2000/60/CE don limistéar iomlán ina ndéanfar an infheistíocht, agus d’aon limistéir eile a bhféadfadh an infheistíocht difear a dhéanamh dá gcomhshaol. Na bearta a mbeidh feidhm acu faoin bplean bainistithe abhantracha i gcomhréir le hAirteagal 11 den Treoir sin agus atá ábhartha d'earnáil na talmhaíochta, beidh siad sonraithe i gclár ábhartha na mbeart.

3.   beidh an méadrú uisce lena gcumasófar úsáid uisce a thomhas ar leibhéil na hinfheistíochta tacaithe i bhfeidhm nó cuirfear i bhfeidhm é mar chuid den infheistíocht.

4.   Ní fhéadfaidh na Ballstáit tacaíocht a thabhairt d’infheistíocht ar mhaithe le suiteáil uisciúcháin atá ann cheana nó cuid de bhonneagar uisciúcháin a fheabhsú ach amháin sna cásanna seo a leanas:

Socróidh na Ballstáit céatadáin maidir le coigilteas a d’fhéadfaí a dhéanamh ar uisce agus maidir le laghdú éifeachtach ar úsáid uisce mar choinníoll incháilitheachta ina bPleananna Straitéiseacha CBT i gcomhréir le hAirteagal 111, pointe (d). Léireoidh an coigilteas uisce sin na riachtanais a leagtar amach sna pleananna bainistithe abhantracha a thagann as Treoir 2000/60/CE a liostaítear in Iarscríbhinn XIII a ghabhann leis an Rialachán seo.

Ní bheidh feidhm ag aon cheann de na coinníollacha i mír 4 sa mhír seo ar infheistíocht i suiteáil atá ann cheana agus nach ndéanann difear ach d’éifeachtúlacht fuinnimh, d’infheistíocht a bhaineann le taiscumar a chruthú nó d’infheistíocht a bhaineann le huisce athchúrsáilte a úsáid nach ndéanann difear do dhobharlach screamhuisce nó uisce dhromchla.

5.   Ní fhéadfaidh na Ballstáit tacaíocht a thabhairt d’infheistíochtaí in úsáid uisce athshlánaithe mar sholáthar uisce malartach ach amháin má tá soláthar agus úsáid an uisce sin i gcomhréir le Rialachán (AE) 2020/741 ó Pharlaimint na hEorpa agus ón gComhairle. (46).

6.   Ní fhéadfaidh na Ballstáit tacaíocht a dheonú d’infheistíocht as a dtiocfaidh méadú glan ar an limistéar uiscithe a dhéanann difear do dhobharlach screamhuisce nó uisce dhromchla ach amháin sna cásanna seo a leanas:

7.   Ní fhéadfaidh na Ballstáit tacaíocht a thabhairt ach amháin d’infheistíocht i gcruthú nó i leathnú taiscumair chun críche uisciúcháin ach amháin sa chás nach mbeidh tionchar diúltach suntasach ar an gcomhshaol mar thoradh air.

8.   Cuirfidh na Ballstáit teorainn leis an tacaíocht do ráta amháin nó níos mó nach sáróidh:

1.   Féadfaidh na Ballstáit, d’fhonn rannchuidiú le ceann amháin nó níos mó de na cuspóirí sonracha a leagtar amach in Airteagal 6(1) agus (2) a ghnóthú, tacaíocht a dheonú chun cabhrú le feirmeoirí óga agus feirmeoirí nua dul i mbun gnó agus le tionscnamh gnólachtaí tuaithe, lena n-áirítear cabhrú le feirmeoirí óga dul i mbun gnó, faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Ní fhéadfaidh na Ballstáit tacaíocht a dheonú faoin Airteagal seo ach chun cabhrú leis an méid seo a leanas:

3.   Leagfaidh na Ballstáit síos coinníollacha maidir le plean gnó a thíolacadh agus maidir le hinneachar an phlean sin gur chóir dóibh cur ar fáil ionas go bhfaighidh tairbhithe tacaíocht faoin Airteagal seo.

4.   Deonóidh na Ballstáit an tacaíocht i gcnapshuimeanna nó i bhfoirm ionstraimí airgeadais nó mar mheascán den dá rud. Uasmhéid cabhrach EUR 100 000 a bheidh sa tacaíocht agus féadfar í a dhifreáil i gcomhréir le critéar oibiachtúil.

1.   Féadfaidh na Ballstáit tacaíocht a dheonú maidir le huirlisí bainistithe riosca faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT.

2.   Féadfar tacaíocht faoin Airteagal seo a dheonú chun uirlisí bainistithe riosca a chur chun cinn, ar uirlisí iad a chabhraíonn le feirmeoirí gníomhacha rioscaí táirgeachta agus ioncaim a bhaineann lena ngníomhaíocht talmhaíochta a bhainistiú nuair nach bhfuil aon smacht acu ar na rioscaí sin agus ar uirlisí iad a rannchuidíonn chun ceann amháin nó níos mó de na cuspóirí sonracha a leagtar amach in Airteagal 6(1) agus (2) a ghnóthú.

3.   Féadfaidh na Ballstáit, i gcomhréir lena measúnú ar riachtanais, tacaíocht a dheonú do chineálacha éagsúla uirlisí bainistíochta riosca, lena n-áirítear a huirlisí cobhsaithe ioncaim, agus, go háirithe, le haghaidh:

4.   Leagfaidh na Ballstáit síos na coinníollacha incháilitheachta seo a leanas agus an tacaíocht dá dtagraítear i mír 3 á tabhairt acu:

5.   Áiritheoidh na Ballstáit nach ndeonófar tacaíocht ach chun caillteanais a sháraíonn tairseach 20 % ar a laghad den mheántáirgeacht bhliantúil nó de mheánioncam an fheirmeora sa tréimhse 3 bliana roimhe sin nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a chur san áireamh, a chúiteamh. Leis na huirlisí earnála bainistithe riosca táirgthe, ríomhfar na caillteanais ar leibhéal an ghabháltais nó ar leibhéal ghníomhaíocht san earnáil lena bhaineann an ghabháltais.

Féadfaidh na Ballstáit tacaíocht a chur ar fáil i bhfoirm maoiniú caipitil oibre neamhspleách faoi ionstraimí airgeadais dá dtagraítear in Airteagal 80(3) chun caillteanais dá dtagraítear sa chéad fhomhír den mhír seo a chúiteamh d’fheirmeoirí nach bhfuil rannpháirteach in uirlis bainistíochta riosca.

6.   Cuirfidh na Ballstáit teorainn leis an tacaíocht do ráta amháin nó níos mó nach mó ná 70 % de na costais incháilithe.

Ní bheidh feidhm ag an mír seo maidir leis na ranníocaíochtaí dá dtagraítear in Airteagal 19.

7.   Áiritheoidh na Ballstáit go seachnófar aon róchúiteamh de dheasca na hidirghabhálacha faoin Airteagal seo a úsáid in éineacht le scéimeanna eile poiblí nó príobháideacha bainistithe riosca.

1.   Féadfaidh na Ballstáit tacaíocht a dheonú i leith comhair faoi na coinníollacha a leagtar amach san Airteagal seo agus a bhfuil sonraí breise ina dtaobh tugtha ag na Ballstáit ina bPleananna Straitéiseacha CBT, chun:

2.   Ní fhéadfaidh na Ballstáit tacaíocht a dheonú faoin Airteagal seo ach chun foirmeacha nua comhair a chur chun cinn, lena n-áirítear comhar atá ann cheana má thosaíonn siad ar ghníomhaíocht nua. Beidh beirt ghníomhaithe ar a laghad bainteach leis an gcomhar agus beidh an comhar sin ina rannchuidiú chun cuspóir sonrach amháin nó níos mó a ghnóthú, arna leagan amach in Airteagal 6(1) agus (2).

3.   Féadfaidh na Ballstáit na costais a bhaineann le gach gné den chomhar a chumhdach faoin Airteagal seo.

4.   Féadfaidh na Ballstáit an tacaíocht a dheonú mar mhéid iomlán faoin Airteagal seo a chumhdóidh costais an chomhair agus costais na n-oibríochtaí arna gcur chun feidhme, nó féadfaidh siad gan ach costais an chomhair a chumhdach agus cistí as cineálacha eile idirghabhála le haghaidh forbairt tuaithe, nó ó ionstraimí tacaíochta náisiúnta nó de chuid an Aontais eile a úsáid, chun na costais na n-oibríochtaí arna gcur chun feidhme a chumhdach.

I gcás ina n-íocfar tacaíocht mar mhéid foriomlán, áiritheoidh na Ballstáit go gcomhlíonfaidh an oibríocht atá á cur chun feidhme na rialacha agus na ceanglais ábhartha a leagtar síos in Airteagail 70 go 76 agus Airteagal 78.

Maidir le LEADER, de mhaolú ar an gcéad fhomhír den mhír seo:

5.   Ní dhéanfaidh na Ballstáit comhar nach bhfuil ann ach comhlachtaí taighde a mhaoiniú faoin Airteagal seo.

6.   I gcás comhar a bhaineann le comharbas feirme, go háirithe d’athnuachan ghlúine ar leibhéal na feirme, ní fhéadfaidh na Ballstáit tacaíocht a dheonú ach d'fheirmeoirí a bhfuil aois an scoir bainte amach acu nó d'fheirmeoirí a mbeidh aois an scoir bainte amach acu faoi dheireadh na hoibríochta, arna chinneadh ag an mBallstát lena mbaineann de réir a reachtaíochta náisiúnta.

7.   Déanfaidh na Ballstáit uasteorainn 7 mbliana a cheangal. Ní bheidh feidhm ag an gceanglas sin maidir le LEADER agus i gcásanna a bhfuil údar cuí leo gníomhaíochtaí comhchoiteanna comhshaoil agus aeráide a bhfuil fíorghá leo chun na cuspóirí sonracha a leagtar amach in Airteagal 6(1), pointe (d), pointe (e) agus pointe (f) a ghnóthú.

8.   Cuirfidh na Ballstáit teorainn leis an tacaíocht don mhéid seo a leanas:

1.   Féadfaidh na Ballstáit tacaíocht a dheonú do mhalartú eolais agus scaipeadh faisnéise faoi na coinníollacha a leagtar amach san Airteagal seo agus mar a shonraítear tuilleadh ina bPleananna Straitéiseacha CBT d’fhonn rannchuidiú le ceann amháin nó níos mó de na cuspóirí sonracha a leagtar amach in Airteagal 6(1) agus (2) a ghnóthú, agus béim shonrach á leagan ar chosaint an dúlra, an chomhshaoil agus na haeráide, lena n-áirítear gníomhaíochtaí a bhaineann le hoideachas agus feasacht ar an gcomhshaol agus le gnólachtaí agus pobail tuaithe a fhorbairt.

2.   D’fhéadfadh tacaíocht faoin Airteagal seo costais a chumhdach a bhaineann le haon ghníomhaíocht ábhartha chun an nuálaíocht a chur chun cinn, oiliúint agus comhairle, agus modhanna eile chun eolas a mhalartú agus faisnéis a scaipeadh, lena n-áirítear trí phleananna agus staidéir a dhréachtú agus a nuashonrú d'fhonn eolas a mhalartú agus faisnéis a scaipeadh. Leis na gníomhaíochtaí sin, rannchuideofar chun ceann amháin nó níos mó de na cuspóirí sonracha a leagtar amach in Airteagal 6(1) agus (2) a ghnóthú.

3.   Is do sheirbhísí comhairleacha a chomhlíonann Airteagal 15(3) amháin a dheonófar tacaíocht.

4.   Féadfaidh na Ballstáit, chun seirbhísí comhairleacha a bhunú, méid seasta EUR 200 000, ar a mhéid, a dheonú mar thacaíocht. Áiritheoidh siad go mbeidh teorainn ama leis an tacaíocht.

5.   Áiritheoidh na Ballstáit go mbunófar na gníomhaíochtaí a mhaoineofar faoin gcineál seo idirghabhála ar an tuairisc a thugtar ar AKIS ina bPleananna Straitéiseacha CBT agus go mbeidh siad comhsheasmhach léi sin, i gcomhréir le hAirteagal 114, pointe (a)(i).

1.   Tar éis dul i gcomhairle leis an gcoiste faireacháin dá dtagraítear in Airteagal 124 (“an coiste faireacháin”), déanfaidh an t-údarás bainistíochta náisiúnta, na húdaráis bhainistíochta réigiúnacha i gcás inarb ábhartha, nó comhlachtaí idirmheánacha ainmnithe na critéir roghnúcháin a leagan amach maidir leis na hidirghabhálacha a bhaineann leis na cineálacha idirghabhála seo a leanas: infheistíochtaí, cabhrú le feirmeoirí óga agus le feirmeoirí nua dul i mbun gnó agus gnólachtaí tuaithe a thionscnamh, comhar, eolas a mhalartú agus faisnéis a scaipeadh. Beidh sé d'aidhm leis na critéir roghnúcháin sin cóir chomhionann i leith na n-iarratasóirí, úsáid fheabhsaithe acmhainní airgeadais agus spriocdhíriú na tacaíochta i gcomhréir le cuspóir na n-idirghabhálacha a áirithiú.

Féadfaidh na Ballstáit a chinneadh gan na critéir roghnúcháin a bhaineann le hidirghabhálacha infheistíochta a chur i bhfeidhm i gcás infheistíochtaí atá spriocdhírithe go soiléir ar chuspóirí comhshaoil nó a ceapadh maidir le gníomhaíochtaí athchóirithe.

De mhaolú ar an gcéad fhomhír, féadfar modh roghnúcháin difriúil a bhunú i gcásanna a bhfuil údar cuí leo, tar éis dul i gcomhairle leis an gcoiste faireacháin.

2.   An fhreagracht atá ar na húdaráis bainistíochta, nó ar chomhlachtaí idirmheánacha ainmnithe a leagtar amach i mír 1, beidh sí dochar do chúraimí na ngrúpaí gníomhaíochta áitiúla dá dtagraítear in Airteagal 33 de Rialachán (AE) 2021/1060.

3.   Ní bheidh feidhm ag mír 1 i gcás inar ionstraimí airgeadais atá sa tacaíocht.

4.   Féadfaidh na Ballstáit cinneadh a dhéanamh gan critéir roghnúcháin dá dtagraítear i mír 1 a chur i bhfeidhm i gcás oibríochtaí a bhfuil deimhniú an tSéala Barr Feabhais faighte acu faoi Fís 2020, a bhunaítear le Rialachán (AE) Uimh 1291/2013 ó Pharlaimint na hEorpa agus ón gComhairle (47), faoi Fís Eorpach nó faoin gClár don Chomhshaol agus do Ghníomhú ar son na hAeráide (LIFE), a bhunaítear le Rialachán (AE) 2021/783 ó Pharlaimint na hEorpa agus ón gComhairle (48), ar choinníoll go bhfuil na hoibríochtaí sin comhréireach leis an bPlean Straitéiseach CBT.

5.   Féadfar oibríocht iomlán nó cuid di a chur chun feidhme lasmuigh den Bhallstát lena mbaineann, lena n-áirítear lasmuigh den Aontas, ar choinníoll go rannchuidíonn an oibríocht le cuspóirí Phlean Straitéisigh CBT a ghnóthú.

1.   Féadfar tacaíocht i bhfoirm ionstraimí airgeadais dá dtagraítear in Airteagal 58 de Rialachán (AE) 2021/1060 a dheonú faoi na cineálacha idirghabhála dá dtagraítear in Airteagail 73 go 78 den Rialachán seo.

2.   I gcás ina ndeonófar tacaíocht i bhfoirm ionstraimí airgeadais, beidh feidhm ag na sainmhínithe ar “ionstraim airgeadais”, “táirge airgeadais”, “faighteoir deiridh”, “ciste sealbhaíochta”, “ciste sonrach”, “éifeacht ghiarála”, “cóimheas iolraitheora”, “costais bhainistíochta” agus “táillí bainistíochta” a leagtar síos in Airteagal 2 de Rialachán (AE) 2021/1060 agus ag forálacha Theideal V, Caibidil II, Roinn II, den Rialachán sin.

Lena chois sin, beidh feidhm i mír 3, mír 4 agus mír 5 den Airteagal seo.

3.   I gcomhréir le hAirteagal 58(2) de Rialachán (AE) 2021/1060, féadfaidh caipiteal oibre, lena n-áirítear caipiteal oibre neamhspleách, a bheith ina chaiteachas incháilithe faoi Airteagail 73, 74, 76, 77 agus 78 den Rialachán seo, má rannchuidíonn sé le cuspóir sonrach amháin laghad is ábhartha don idirghabháil a ghnóthú. Féadfar tacaíocht do mhaoiniú caipitil oibre neamhspleách faoi aon cheann de na hAirteagail sin a sholáthar gan a bheith faoi réir an cheanglais go bhfaighidh an faighteoir deiridh tacaíocht do chaiteachas eile faoin Airteagal céanna.

I gcás gníomhaíochtaí a thagann faoi raon feidhme Airteagal 42 CFAE, ní mó ná coibhéis deontais chomhláin EUR 200 000 thar aon tréimhse de 3 bliana fhioscacha a bheidh sa mhéid iomlán tacaíochta do chaipiteal oibre a chuirtear ar fáil d’fhaighteoir deiridh.

4.   De mhaolú ar Airteagail 73, 74, 76, 77 agus 78, ní bheidh feidhm ag na rátaí tacaíochta a leagtar síos sna hAirteagail sin maidir le maoiniú caipitil oibre neamhspleách.

5.   Is é a bheidh i gcaiteachas incháilithe ionstraime airgeadais méid iomlán an chaiteachais phoiblí incháilithe arna eisíoc diomaite den mhaoiniú breise náisiúnta dá dtagraítear in Airteagal 115(5), nó i gcás ráthaíochtaí, arna chur i leataobh do chonarthaí ráthaíochta, ag an ionstraim airgeadais le linn na tréimhse incháilitheachta. Leis an méid sin, déanfar na nithe seo a leanas a chomhfhreagrú:

I gcás ina gcuirtear ionstraim airgeadais chun feidhme le linn clárthréimhsí comhleanúnacha, is féidir tacaíocht a thabhairt do thairbhithe deiridh nó ar mhaithe le faighteoirí deiridh, lena n-áirítear costais bhainistíochta agus táillí bainistíochta, bunaithe ar chomhaontuithe a rinneadh faoin gclárthréimhse roimhe sin, ar choinníoll go gcomhlíontar rialacha incháilitheachta na clárthréimhse ina dhiaidh sin leis an tacaíocht sin. I gcásanna mar sin, cinnfear incháilitheacht an chaiteachais a cuireadh isteach sna dearbhuithe caiteachais i gcomhréir le rialacha na clárthréimhse lena mbaineann.

Chun críocha na chéad fhomhíre, pointe (b), mura bhfuil an t-eintiteas a bhaineann thairbhe as na ráthaíochtaí tar éis méid beartaithe na n-iasachtaí nua, na n-infheistíochtaí cothromais nó cuasachothromais a íoc amach le faighteoirí deiridh i gcomhréir leis an gcóimheas iolraitheora, déanfar an caiteachas incháilithe a laghdú go comhréireach. Féadfar an cóimheas iolraitheora a athbhreithniú i gcás ina mbeidh údar leis sin i ngeall ar athruithe ina dhiaidh sin ar dhálaí an mhargaidh. Ní bheidh éifeacht shiarghabhálach ag athbhreithniú den sórt sin.

Chun críocha phointe (d) den chéad fhomhír den mhír seo, is ar fheidhmíocht a bheidh na táillí bainistíochta bunaithe. I gcás ina roghnaítear comhlachtaí a bhfuil ciste sealbhaíochta á chur chun feidhme acu trí chonradh a dhámhachtain go díreach de bhun Airteagal 59(3) de Rialachán (AE) 2021/1060, an méid costais bainistíochta agus táillí a íocfar leis na comhlachtaí sin is féidir a dhearbhú mar chaiteachas incháilithe, beidh sé faoi réir tairseach suas le 5 % de mhéid iomlán an chaiteachais phoiblí incháilithe a íocadh amach le faighteoirí deiridh in iasachtaí nó a cuireadh i leataobh le haghaidh conarthaí ráthaíochta agus suas le 7 % de mhéid iomlán an chaiteachais phoiblí incháilithe a íocadh amach le faighteoirí deiridh in infheistíochtaí cothromais nó infheistíochtaí cuasachothromais.

I gcás ina roghnaítear comhlachtaí a bhfuil ciste sonrach á chur chun feidhme acu trí chonradh a dhámhachtain go díreach de bhun Airteagal 59(3) de Rialachán (AE) 2021/1060, an méid costais bainistíochta agus táillí a íocfar leis na comhlachtaí sin is féidir a dhearbhú mar chaiteachas incháilithe, beidh sé faoi réir tairseach suas le 7 % de mhéid iomlán an chaiteachais phoiblí incháilithe a íocadh amach le faighteoirí deiridh in iasachtaí nó a cuireadh i leataobh le haghaidh conarthaí ráthaíochta agus suas le 15 % de mhéid iomlán an chaiteachais phoiblí incháilithe a íocadh amach le faighteoirí deiridh in infheistíochtaí cothromais nó infheistíochtaí cuasachothromais.

Chun críocha na chéad fhomhíre, pointe (d), i gcás ina roghnaítear comhlachtaí a bhfuil ciste sealbhaíochta nó cistí sonracha á gcur chun feidhme acu trí thairiscint iomaíoch i gcomhréir leis an dlí infheidhme, bunófar méid na gcostas bainistíochta agus na dtáillí bainistíochta sa chomhaontú cistiúcháin lena léireofar toradh na tairisceana iomaíche.

Má ghearrtar táillí socraíochta, nó aon chuid díobh, ar fhaighteoirí deiridh, ní dhéanfar iad a dhearbhú mar chaiteachas incháilithe.

1.   Sa togra le haghaidh Plean Straitéiseach CBT dá dtagraítear in Airteagal 118 nó san iarraidh ar leasú ar Phlean Straitéiseach CBT dá dtagraítear in Airteagal 119, féadfaidh na Ballstáit leithdháileadh a dhéanamh ar mhéid suas le 3 % den leithdháileadh tosaigh iomlán don Phlean Straitéiseach CBT atá le ranníoc le InvestEU agus arna sheachadadh trí ráthaíocht AE agus trí Mhol Comhairleach InvestEU. Beidh réasúnú sa Phlean Straitéiseach CBT ar úsáid InvestEU agus luafar an bealach ar rannchuidigh sé le ceann amháin nó níos mó de na cuspóirí sonracha a leagtar amach in Airteagal 6(1) agus (2) agus a roghnaítear sa Phlean Straitéiseach CBT a ghnóthú.

Cuirfear an méid a ranníocfar le InvestEU chun feidhme i gcomhréir leis na rialacha arna mbunú le Rialachán (AE) 2021/523.

2.   Cinnfidh na Ballstáit an méid iomlán a ranníocfar i gcomhair gach bliana. I gcás iarraidh ar leasú ar Phlean Straitéiseach CBT, ní bhainfidh na méideanna sin ach le blianta atá le teacht

3.   Úsáidfear an méid dá dtagraítear i mír 1 chun soláthar don chuid de ráthaíocht AE atá in urrann an Bhallstáit agus do Mhol Comhairleach EU, ar thabhairt i gcrích an chomhaontaithe ranníocaíochta, dá dtagraítear in Airteagal 10(3) de Rialachán (AE) 2021/523. Féadfaidh an Coimisiún na gealltanais bhuiséadacha ón Aontas maidir le gach comhaontú ranníocaíochta a dhéanamh i dtráthchodanna bliantúla le linn na tréimhse idir an 1 Eanáir 2023 agus an 31 Nollaig 2027.

4.   I gcás nár tugadh i gcrích comhaontú ranníocaíochta, dá dtagraítear in Airteagal 10(2) de Rialachán (AE) 2021/523 le haghaidh an mhéid dá dtagraítear i mír 1 den Airteagal seo arna leithdháileadh sa Phlean Straitéiseach CBT laistigh de 4 mhí tar éis ghlacadh an chinnidh chur chun feidhme ón gCoimisiúin lena bhformheastar an Plean Straitéiseach CBT sin i gcomhréir le hAirteagal 118 den Rialachán seo, déanfar an méid comhfhreagrach a athdháileadh sa Phlean Straitéiseach CBT tar éis iarraidh ón mBallstát ar leasuithe a fhormheas, arna dtaisceadh i gcomhréir le hAirteagal 119 den Rialachán seo.

Comhaontú ranníocaíochta le haghaidh an mhéid dá dtagraítear i mír 1 den Airteagal seo a leithdháiltear in iarraidh ar leasú ar Phlean Straitéiseach CBT arna dtaisceadh i gcomhréir le hAirteagal 119 den Rialachán seo, tabharfar i gcrích é an tráth céanna le glacadh an chinnidh chur chun feidhme ón gCoimisiúin lena formheastar leasú ar an bPlean Straitéiseach CBT.

5.   I gcás nach bhfuil comhaontú ráthaíochta, dá dtagraítear in Airteagal 10(4), an dara fomhír, de Rialachán (AE) 2021/523, tugtha i gcrích laistigh de 9 mí ón tráth a fhormheasfar an comhaontú ranníocaíochta, cuirfear deireadh nó síneadh leis an gcomhaontú ranníocaíochta trí chomhaontú frithpháirteach.

I gcás ina scoirfear de rannpháirtíocht Bhallstáit in InvestEU, na méideanna lena mbaineann arna n-íoc isteach ag an mBallstát sin sa chiste don soláthar coiteann mar sholáthar, déanfar iad a aisghabháil mar ioncam sannta inmheánach, de bhun Airteagal 21(5) den Rialachán Airgeadais agus cuirfidh an Ballstát iarraidh isteach ar leasú ar a Phlean Straitéiseach CBT chun na méideanna arna n-aisghabháil agus na méideanna arna leithdháileadh ar bhlianta féilire amach anseo a úsáid i gcomhréir le mír 2 den Airteagal seo.

Déanfar an foirceannadh nó leasú ar an gcomhaontú ranníocaíochta a thabhairt i gcrích an tráth céanna le glacadh an chinnidh chur chun feidhme ón gCoimisiúin lena formheastar leasú an Phlean Straitéisigh CBT agus ar a dhéanaí an 31 Nollaig 2026.

6.   Mura gcuirfear comhaontú ráthaíochta, dá dtagraítear in Airteagal 10(4), an tríu fomhír, de Rialachán (AE) 2021/523, chun feidhme go hiomchuí laistigh den tréimhse a comhaontaíodh sa chomhaontú ranníocaíochta, ach nach mó ná 4 bliana tar éis shíniú an chomhaontaithe ráthaíochta, leasófar an comhaontú ranníocaíochta. Féadfaidh an Ballstát a iarraidh go gcaithfí leis na méideanna a ranníocadh le ráthaíocht AE faoi mhír 1 den Airteagal seo agus a gealladh sa chomhaontú ráthaíochta ach nach gcumhdaítear leo iasachtaí foluiteacha, infheistíochtaí cothromais ná ionstraimí rioscúla eile i gcomhréir le mír 5 den Airteagal seo.

7.   Acmhainní a gineadh leis na méideanna arna ranníoc le ráthaíocht AE, nó atá inchurtha i leith na méideanna sin, cuirfear ar fáil do na Ballstáit iad i gcomhréir le hAirteagal 10(5), pointe (a), de Rialachán (AE) 2021/523 agus úsáidfear le haghaidh tacaíochta iad faoin gcuspóir céanna nó faoi na cuspóirí céanna dá dtagraítear i mír 1 den Airteagal seo i bhfoirm ionstraimí airgeadais nó ráthaíochtaí buiséadacha.

8.   Cuirfear tús leis an teorainn ama a bhaineann leis an saoradh uathoibríoch, dá bhforáiltear in Airteagal 34 de Rialachán (AE) 2021/2116, do na méideanna atá le hathúsáid i bPlean Straitéiseach CBT, i gcomhréir le mír 4, mír 5 agus mír 6 den Airteagal seo, an bhliain ina ndéantar na gealltanais bhuiséadacha chomhfhreagracha.

1.   Gan dochar d’Airteagail 70, 71, 72 agus 75, féadfaidh na deontais faoin gCaibidil seo a bheith ar aon cheann de na foirmeacha seo a leanas:

2.   Is ar cheann de na bealaí seo a leanas a socrófar na méideanna i gcomhair na bhfoirmeacha deontais dá dtagraítear i mír 1, pointe (b), pointe (c) agus pointe (d):

3.   Féadfaidh na Ballstáit deontais faoi choinníollacha a chur ar fáil do thairbhithe, ar deontais iad a bheidh in-aisíoctha go hiomlán nó i bpáirt, mar a shonraítear sa doiciméad ina leagtar amach na coinníollacha le haghaidh tacaíochta agus i gcomhréir leis na coinníollacha seo a leanas:

1.   Ar na cineálacha idirghabhála a ndéanfaidh CERT a mhaoiniú tá:

2.   Maoineoidh CETFT na cineálacha idirghabhála dá dtagraítear i Caibidil IV de Theideal III, agus cúnamh teicniúil ar thionscnamh na mBallstát dá dtagraítear in Airteagal 94.

1.   Beidh caiteachas incháilithe:

2.   An caiteachas a thagann chun bheith incháilithe mar thoradh ar leasú ar Phlean Straitéiseach CBT, beidh sé incháilithe do ranníocaíocht ó CETFT tar éis don Choimisiún an leasú a fhormheas agus amhail ó dháta gabhálaéifeachta an leasaithe arna shocrú ag an mBallstáit lena mbaineann i gcomhréir le hAirteagal 119(8).

3.   An caiteachas a thagann chun bheith incháilithe mar thoradh ar leasú ar Phlean Straitéiseach CBT, beidh sé incháilithe do ranníocaíocht ó CETFT ón dáta a chuirtear an t-iarratas ar leasú faoi bhráid an Choimisiúin, nó ón dáta a thugtar fógra faoi mhodhnú, dá dtagraítear in Airteagal 119(9).

De mhaolú ar an gcéad fhomhír den mhír seo agus ar mhír 4, an dara fomhír, i gcásanna ina bhfuil bearta éigeandála i gceist i ngeall ar thubaistí nádúrtha, teagmhais thurraingeacha nó teagmhais dhíobhálacha aeráide nó i ngeall ar athrú suntasach agus tobann ar dhálaí socheacnamaíocha an Bhallstáit nó an réigiúin, féadfar a fhoráil sa Phlean Straitéiseach CBT go bhféadfaidh incháilitheacht an chaiteachais arna mhaoiniú le CETFT a bhaineann le leasanna ar an bPlean Straitéiseach CBT a thosú ón dáta a tharla an teagmhas.

4.   Beidh caiteachas incháilithe do ranníocaíocht ó CETFT más é gur tairbhí a thabhaigh é agus gur íocadh é faoin 31 Nollaig 2029. Sa bhreis air sin, ní bheidh caiteachas incháilithe do ranníocaíocht ó CETFT ach amháin sa chás ina bhfuil an chabhair ábhartha íoctha go hiarbhír ag an ngníomhaireacht íocaíochta faoin 31 Nollaig 2029.

Leagfaidh na Ballstáit síos dáta tosaigh incháilitheachta na gcostas arna dtabhú ag an tairbhí. Ní bheidh an dáta tosaigh roimh an 1 Eanáir 2023.

Ní bheidh oibríochtaí incháilithe do thacaíocht i gcás ina ndearnadh iad a lánchríochnú nó a chur chun feidhme go hiomlán sula gcuirtear an t-iarratas ar thacaíocht faoi bhráid an údaráis bainistíochta, is cuma má rinneadh na híocaíochtaí gaolmhara go léir.

Mar sin féin, oibríochtaí a bhaineann le haire a thabhairt go luath do sheastáin síológ agus le haire a thabhairt do sheastáin óga i gcomhréir le prionsabail bainistithe inbhuanaithe foraoisí agus a thugann aghaidh ar cheann amháin nó níos mó de na cuspóirí sonracha a leagtar amach in Airteagal 6(1), pointe (d), pointe (e) agus pointe (f), mar atá sainmhínithe ag an mBallstát, féadfaidh siad a bheith incháilithe do thacaíocht fiú i gcás ina ndearnadh iad a chomhlánú go fisiciúil gan an t-iarratas ar thacaíocht a bheith curtha roimhe sin faoi bhráid an údaráis bainistíochta.

5.   Ranníocaíochtaí comhchineáil agus costais dímheasa, féadfaidh siad a bheith incháilithe do thacaíocht faoi CETFT, faoi réir coinníollacha a leagfaidh na Ballstáit síos.

1.   Gan dochar d’Airteagal 17 de Rialachán(AE) 2021/2116, an méid iomlán maidir le cineálacha idirghabhála ar íocaíochtaí díreacha iad a d’fhéadfaí a dheonú i mBallstát de bhun Chaibidil II de Theideal III, den Rialachán seo i ndáil le bliain féilire amháin, ní dhéanfaidh sé leithdháileadh airgeadais an Bhallstáit sin a shárú a leagtar amach in Iarscríbhinn V.

Gan dochar d’Airteagal 17 de Rialachán(AE) 2021/2116, an t-uasmhéid iomlán a d’fhéadfaí a dheonú i mBallstát, i mbliain féilire amháin, de bhun Theideal III, Caibidil II, Roinn 3, Foroinn 2, den Rialachán seo agus sula gcuirtear Airteagal 17 den Rialachán seo i bhfeidhm, ní dhéanfaidh sé leithdháileadh airgeadais an Bhallstáit sin a shárú mar a leagtar amach in Iarscríbhinn VIII.

Chun críoch Airteagal 96, Airteagal 97 agus Airteagal 98, an leithdháileadh airgeadais atá ag Ballstáit a leagtar amach in Iarscríbhinn V tar éis na méideanna arna leagan amach in Iarscríbhinn VIII a asbhaint agus sula ndéanfar aon aistrithe de bhun Airteagal 17, leagtar amach in Iarscríbhinn IX é.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 lena leasaítear leithdháiltí na mBallstát arna leagan amach in Iarscríbhinní V agus IX chun na forbairtí a bhaineann le huasmhéid iomlán na n-íocaíochtaí díreacha a d’fhéadfaí a dheonú a chur san áireamh, lena n-áirítear na haistrithe dá dtagraítear in Airteagal 17 agus Airteagal 103, aistrithe leithdháiltí dá dtagraítear in Airteagal 88(5) agus aon asbhaintí atá ag teastáil chun cineálacha idirghabhála a mhaoiniú in earnálacha eile dá dtagraítear in Airteagal 88(6).

Le glacadh Iarscríbhinn IX, áfach, ní chuirfear aon aistrithe a dhéanfar i gcomhréir le hAirteagal 17 san áireamh.

3.   Na leithdháiltí táscacha airgeadais in aghaidh na hidirghabhála dá dtagraítear in Airteagal 101 le haghaidh cineálacha idirghabhála i bhfoirm íocaíochtaí díreacha arna leagan síos in Airteagal 16 a dheonófar i mBallstát i ndáil le bliain féilire, d’fhéadfadh an méid sin leithdháileadh an Bhallstáit sin arna leagan amach in Iarscríbhinn V a shárú le méid measta laghdú na n-íocaíochtaí, cúraimí atá á ndéanamh sa Phlean Straitéiseach CBT i gcomhréir le hAirteagal 112(3), pointe (a), an dara fomhír.

1.   Déantar cúnamh airgeadais an Aontais le haghaidh cineálacha idirghabhála in earnáil an fhíona a leithdháileadh ar na Ballstáit de réir mar a leagtar amach in Iarscríbhinn VII.

2.   Déantar cúnamh airgeadais an Aontais le haghaidh cineálacha idirghabhála in earnáil beachaireachta a leithdháileadh ar na Ballstáit de réir mar a leagtar amach in Iarscríbhinn X.

3.   Is é EUR 2 188 000 in aghaidh na bliana airgeadais cúnamh airgeadais an Aontais do chineálacha idirghabhála in earnáil na leannlusanna a leithdháilfear sa Ghearmáin.

4.   Seo a leanas mar a leithdháilfear cúnamh airgeadais an Aontais le haghaidh cineálacha idirghabhála in earnáil an ola olóige agus na n-ológ boird, in aghaidh na bliana airgeadais:

5.   Féadfaidh na Ballstáit lena mbaineann a chinneadh ina bPleananna Straitéiseacha CBT na leithdháiltí iomlána airgeadais dá dtagraítear i mír 3 agus mír 4 a aistriú chuig a gcuid leithdháiltí le haghaidh íocaíochtaí díreacha. Ní féidir athbhreithniú a dhéanamh ar an gcinneadh sin.

Maidir le leithdháiltí na mBallstát a aistreofar chuig leithdháiltí le haghaidh íocaíochtaí díreacha, ní bheidh siad ar fáil feasta le haghaidh na gcineálacha idirghabhála dá dtagraítear i mír 3 agus mír 4.

6.   Féadfaidh na Ballstáit a chinneadh ina bPleananna Straitéiseacha CBT suas le 3 % dá leithdháiltí a úsáid le haghaidh íocaíochtaí díreacha arna leagan amach in Iarscríbhinn V, i gcás inarb ábhartha, tar éis na leithdháiltí le haghaidh cadáis a asbhaint arna leagan amach in Iarscríbhinn VIII, le haghaidh cineálacha idirghabhála in earnálacha eile dá dtagraítear i dTeideal III, Caibidil III, Roinn 7.

Féadfaidh na Ballstáit a chinneadh an céatadán, dá dtagraítear sa chéad fhomhír, a mhéadú suas go dtí 5 %. Sa chás sin, bainfear an méid a chomhfhreagraíonn don mhéadú sin as an uasmhéid a leagtar amach in Airteagal 96(1), (2) nó (5) agus ní bheidh an méid ar fáil a thuilleadh le leithdháileadh ar chineálacha idirghabhála dá dtagraítear i dTeideal III, Caibidil II, Roinn 3, Fo-roinn 1.

An méid a chomhfhreagraíonn do chéatadán leithdháiltí na mBallstát le haghaidh íocaíochtaí díreacha dá dtagraítear sa chéad agus sa dara fomhír den mhír seo agus a úsáidtear le haghaidh cineálacha idirghabhála in earnálacha eile le linn bliain áirithe airgeadais, measfar gur leithdháiltí na mBallstát iad in aghaidh na bliana airgeadais le haghaidh cineálacha idirghabhála in earnálacha eile.

7.   Féadfaidh na Ballstáit, in 2025, a gcuid cinntí dá dtagraítear i mír 6 a athbhreithniú mar chuid d'iarraidh ar leasú ar a bPleananna Straitéiseacha CBT a dhéantar i gcomhréir le hAirteagal 119.

8.   Na méideanna a leagtar amach sa Phlean Straitéiseach formheasta CBT de thoradh ar chur i bhfeidhm mhír 6 agus mhír 7, beidh siad ceangailteach sa Bhallstát lena mbaineann.

1.   Is é EUR 60 544 439 600 an méid iomlán tacaíochta ón Aontas le haghaidh cineálacha idirghabhála le haghaidh forbairt tuaithe faoin Rialachán seo don tréimhse ón 1 Eanáir 2023 go dtí an 31 Nollaig 2027, i bpraghsanna an lae inniu i gcomhréir leis an gcreat ilbhliantúil airgeadais do na blianta 2021 go dtí 2027 a leagtar amach i Rialachán (AE, Euratom) 2020/2093.

2.   Tiomnófar 0.25 % de na hacmhainní dá dtagraítear i mír 1 do ghníomhaíochtaí an chúnaimh theicniúil a mhaoiniú ar thionscnamh ón gCoimisiún dá dtagraítear in Airteagal 7 de Rialachán (AE) 2021/2116, lena n-áirítear an líonra Eorpach CBT dá dtagraítear in Airteagal 126(2) den Rialachán seo agus CEN dá dtagraítear in Airteagal 127 den Rialachán seo. D'fhéadfadh baint a bheith ag na gníomhaíochtaí sin le clárthréimhsí den Phlean Straitéiseach CBT a bhí ann roimhe agus a bheidh ann amach anseo.

3.   Leagtar amach in Iarscríbhinn XI an miondealú bliantúil de réir Ballstáit ar na méideanna dá dtagraítear i mír 1, tar éis an méid dá dtagraítear i mír 2 a asbhaint.

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 152 lena leasaítear Iarscríbhinn XI chun an miondealú bliantúil in aghaidh an Bhallstáit a athbhreithniú chun forbairtí ábhartha a chur san áireamh, lena n-áirítear na haistrithe dá dtagraítear in Airteagal 17 agus Airteagal 103, chun coigeartuithe teicniúla a dhéanamh gan na leithdháiltí a athrú ar an iomlán, nó chun aon athrú eile dá bhforáiltear le gníomh reachtach a chur san áireamh tar éis ghlacadh an Rialacháin seo.

1.   Leis na Pleananna Straitéiseacha CBT, bunófar ar an leibhéal réigiúnach nó náisiúnta ráta ranníocaíocht CETFT amháin is infheidhme maidir le gach idirghabháil.

2.   De mhaolú ar mhír 1, seo a leanas uasráta ranníocaíocht CETFT a bheidh ann:

3.   De mhaolú ar mhír 1 agus mír 2, seo a leanas uasráta ranníocaíocht CETFT a bheidh ann, más ísle an ráta arna shocrú sa Phlean Straitéiseach CBT i gcomhréir le mír 2:

4.   Is é 20 % den chaiteachas poiblí incháilithe uasráta ranníocaíocht CETFT a bheidh ann.

5.   Ní áireofar ar an gcaiteachas poiblí incháilithe dá dtagraítear i mír 2, mír 3 agus mír 4 an maoiniú náisiúnta breise dá dtagraítear in Airteagal 115(5).

1.   Forchoimeádfar 5 % ar a laghad de ranníocaíocht CETFT leis an bPlean Straitéiseach CBT, mar a leagtar amach in Iarscríbhinn XI, do LEADER.

2.   Ar feadh thréimhse iomlán an Phlean Straitéisigh CBT, ní sháróidh caiteachas iomlán CETFT ar fhorbairt tuaithe, nach caiteachas ar LEADER é, mar a bhunaítear sa phlean airgeadais i gcomhréir le hAirteagal 112(2), pointe (a), 95 % de ranníocaíocht iomlán CETFT leis an bPlean Straitéiseach CBT mar a leagtar amach in Iarscríbhinn XI. Uasteorainn airgeadais arna shocrú le dlí an Aontais a bheidh san uasteorainn airgeadais sin, nuair a bheidh sé formheasta ag an gCoimisiún i gcomhréir le hAirteagal 118 nó le hAirteagal 119.

1.   Forchoimeádfar 35 % ar a laghad, de ranníocaíocht iomlán CETFT le Plean Straitéiseach CBT, mar a leagtar amach in Iarscríbhinn XI, do na hidirghabhálacha a thabharfaidh aghaidh ar na cuspóirí sonracha, a leagtar amach in Airteagal 6(1), pointe (d), pointe (e) agus pointe (f), agus, a mhéid a bhaineann le leas ainmhithe in Airteagal 6(1), pointe (i).

2.   Chun an ranníocaíocht leis an gcéatadán a leagtar amach i mír 1 a chinneadh, áireoidh na Ballstáit caiteachas i leith na n-idirghabhálacha seo a leanas:

3.   Ar feadh thréimhse iomlán an Phlean Straitéisigh CBT, ní sháróidh caiteachas iomlán CETFT ar fhorbairt tuaithe, nach caiteachas é a úsáidtear le haghaidh na n-idirghabhálacha dá dtagraítear i mír 2 den Airteagal seo, mar a bhunaítear sa phlean airgeadais i gcomhréir le hAirteagal 112(2), pointe (a), 65 % de ranníocaíocht iomlán CETFT leis an bPlean Straitéiseach CBT mar a leagtar amach in Iarscríbhinn XI. Uasteorainn airgeadais arna shocrú le dlí an Aontais a bheidh san uasteorainn airgeadais sin nuair a bheidh sé formheasta ag an gCoimisiún i gcomhréir le hAirteagal 118 nó le hAirteagal 119.

4.   Ní bheidh feidhm ag an Airteagal seo maidir le caiteachas ar na réigiúin is forimeallaí.

1.   Féadfaidh uasmhéid 4 % de ranníocaíocht iomlán CETFT leis an bPlean Straitéiseach CBT arna leagan amach in Iarscríbhinn XI a úsáid chun gníomhaíochtaí an chúnaimh theicniúil a mhaoiniú ar thionscnamh na mBallstát dá dtagraítear in Airteagal 125.

Féadfar ranníocaíocht CETFT a mhéadú go dtí 6 % le haghaidh Pleananna Straitéiseacha CBT i gcás ina mbeidh méid iomlán tacaíochta ón Aontas tagtha go dtí EUR 1,1 billiún.

2.   Déanfar cúnamh teicniúil a aisíoc mar bheadh maoiniú ar bhonn ráta comhréidh i gcomhréir le hAirteagal 125(1), pointe (e), den Rialachán Airgeadais i gcreat íocaíochtaí idirthréimhseacha de bhun Airteagal 32 de Rialachán (AE) 2021/2116. Is é an céatadán arna leagan amach sa Phlean Straitéiseach CBT le haghaidh cúnamh teicniúil an chaiteachais iomláin arna dhearbhú a bheidh sa ráta comhréidh sin.

1.   I gcás gach Ballstáit, forchoimeádfar an t-íosmhéid a leagtar amach in Iarscríbhinn XII chun rannchuidiú leis an gcuspóir sonrach a leagtar amach in Airteagal 6(1), pointe (g), a ghnóthú. Bunaithe ar anailís an cháis i dtéarmaí láidreachtaí, laigí, deiseanna agus bagairtí (“an anailís SWOT”) agus ar na riachtanais a shainaithint a dtabharfar aghaidh orthu, úsáidfear an méid sin do cheann amháin den dá chineál idirghabhála seo a leanas nó don dá cheann acu:

2.   De bhreis ar na cineálacha idirghabhála dá dtagraítear i mír 1 den Airteagal seo, féadfaidh na Ballstáit an t-íosmhéid dá dtagraítear sa mhír sin a úsáid le haghaidh idirghabhálacha infheistíochta d’fheirmeoirí óga dá dtagraítear in Airtegal 73, ar choinníoll go gcuirtear ráta tacaíochta níos airde i gcomhréir le hAirteagal 73(4), an dara fomhír, pointe (a)(ii), i bhfeidhm. Nuair a bhainfear úsáid as an bhféidearthacht sin, comhairfear uasmhéid 50 % den chaiteachas i leith infheistíochtaí dá dtagraítear sa chéad abairt in aghaidh an íosmhéid atá le forchoimeád.

3.   Ar feadh gach bliain féilire, ní sháróidh an caiteachas iomlán ar chineálacha idirghabhála ar íocaíochtaí díreacha iad cé is moite den tacaíocht ioncaim fhorlíontach d’fheirmeoirí óga, mar a leagtar síos in Airteagal 30, an leithdháileadh airgeadais d’íocaíochtaí díreacha don bhliain féilire ábhartha mar a leagtar síos in Iarscríbhinn V, arna laghdú leis an gcuid d’Iarscríbhinn XII a fhorchoimeádtar faoin tacaíocht ioncaim fhorlíontach d’fheirmeoirí óga don bhliain féilire ábhartha arna bunú ag na Ballstáit ina bplean airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119. Uasteorainn airgeadais arna shocrú le dlí an Aontais a bheidh san uasteorainn airgeadais sin.

4.   Ar feadh thréimhse iomlán an phlean CBT, ní sháróidh caiteachas iomlán CETFT ar fhorbairt tuaithe nach caiteachas é a úsáidtear chun cabhrú le feirmeoirí óg dul i mbun gnó dá dtagraítear in Airteagal 75(2), pointe (a), ranníocaíocht iomlán CETFT leis an bPlean Straitéiseach CBT mar a leagtar amach in Iarscríbhinn XI, arna laghdú leis an gcuid d’Iarscríbhinn XII a fhorchoimeádtar chun cabhrú le feirmeoirí óga dul i mbun gnó dá dtagraítear in Airteagal 75(2), pointe (a), ar feadh thréimhse iomlán an Phlean Straitéisigh CBT arna bhunú ag na Ballstáit ina bpleananna airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

5.   I gcás ina gcinnfidh Ballstát leas a bhaint as an bhféidearthacht dá bhforáiltear i mír 2 den Airteagal seo, déanfar sciar an chaiteachais le haghaidh idirghabhálacha infheistíochta d’fheirmeoirí óga lena ngabhann ráta tacaíochta níos airde i gcomhréir le hAirteagal 73(4), an dara fomhír, pointe (a)(iii), sciar nach mó ná 50 % é arna bhunú ag na Ballstáit ina bplean airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119, a áireamh i gcomhair bhunú na huasteorann airgeadais dá dtagraítear i mír 4 den Airteagal seo.

1.   Cuirfear uasteorainn 13 % de na méideanna a leagtar amach in Iarscríbhinn IX leis na leithdháiltí táscacha airgeadais maidir leis na hidirghabhálacha tacaíochta ioncaim chúpláilte dá dtagraítear i dTeideal III, Caibidil II, Roinn 3, Foroinn 1.

2.   De mhaolú ar mhír 1, na Ballstáit a d'úsáid níos mó ná 13 % dá n-uasteorainn bhliantúil náisiúnta a leagtar amach in Iarscríbhinn II a ghabhann leis an Rialachán sin i gcomhréir le hAirteagal 53(4) de Rialachán (AE) Uimh. 1307/2013 chun críche tacaíochta cúpláilte deonaí, féadfaidh siad a chinneadh, chun críche tacaíochta ioncaim cúpláilte, níos mó ná 13 % den mhéid a leagtar amach in Iarscríbhinn IX a ghabhann leis an Rialachán seo a úsáid. An céatadán a thagann as sin, ní sháróidh sé an céatadán a dhéanfaidh an Coimisiún a fhormheas maidir le tacaíocht chúpláilte dheonach maidir le bliain éilimh 2018.

3.   An céatadán dá dtagraítear i mír 1, d'fhéadfaí 2 phointe céatadáin a chur leis, ar an mhéad, ar choinníoll go ndéanfar an méid a chomhfhreagraíonn don chéatadán a sháraíonn an 13 % a leithdháileadh ar an tacaíocht do bharraí próitéine faoi Theideal III, Caibidil II, Roinn 3, Foroinn 1.

4.   Ní féidir an méid atá san áireamh sa Phlean Straitéiseach formheasta CBT a eascraíonn as cur i bhfeidhm mhír 1, mhír 2 agus mhír 3 a shárú.

5.   De mhaolú ar mhír 1 agus mír 2, féadfaidh na Ballstáit a chinneadh suas le EUR 3 mhilliún in aghaidh na bliana a úsáid chun an tacaíocht chúpláilte a mhaoiniú.

6.   Gan dochar d'Airteagal 17 de Rialachán (AE) 2021/2116, an t-uasmhéid iomlán a d'fhéadfaí a dheonú do Bhallstát sula gcuirtear Airteagal 17 den Rialachán seo, de bhun Theideal III, Caibidil II, Roinn 3, Foroinn 1, den Rialachán seo i ndáil le bliain féilire, ní dhéanfaidh sé na méideanna atá socraithe sa Phlean Straitéiseach CBT a shárú i gcomhréir leis an Airteagal seo.

1.   Forchoimeádfar 25 % ar a laghad de na leithdháiltí a leagtar amach in Iarscríbhinn IX do gach bliain féilire ó 2023 go 2027 le haghaidh na n-éiciscéimeanna dá dtagraítear i dTeideal III, Caibidil II, Roinn 2, Foroinn 4.

2.   I gcás inar mó méid iomlán ranníocaíocht CETFT arna fhorchoimeád ag Ballstát i gcomhair idirghabhálacha i gcomhréir le hAirteagail 70, 72, 73 agus 74, a mhéid a thugtar aghaidh leis na hidirghabhálacha sin ar na cuspóirí sonracha a leagtar amach in Airteagal 6(1), pointe (d), pointe (e) agus pointe (f), agus a mhéid a bhaineann le leas ainmhithe in Airteagal 6(1), pointe (i), ná 30 % de ranníocaíocht iomlán CETFT mar a leagtar amach in Iarscríbhinn XI don tréimhse Phlean Straitéiseach CBT, féadfaidh na Ballstáit suim na méideanna atá le forchoimeád faoi mhír 1 den Airteagal seo a laghdú. Ní bheidh an laghdú iomlán níos airde ná an méid a sháraítear an céatadán dá dtagraítear sa chéad abairt.

3.   Ní fhéadfaidh laghdú níos mó ná 50 % den mhéid bliantúil atá le forchoimeád d'éiciscéimeanna do tréimhse an Phlean Straitéisigh CBT de bhun na chéad fhomhíre a bheith mar thoradh ar an laghdú dá dtagraítear i mír 2.

4.   De mhaolú ar mhír 3, féadfaidh na Ballstáit an méid bliantúil atá le forchoimeád de bhun mhír 1 a laghdú suas le 75 % má tá an méid iomlán atá beartaithe níos mó ná idirghabhálacha faoi Airteagal 70 le linn na tréimhse Phlean Straitéiseach CBT ná 150 % de shuim na méideanna atá le forchoimeád de bhun mhír 1 den Airteagal seo roimh chur i bhfeidhm mhír 2.

5.   Féadfaidh na Ballstáit, i mblianta féilire 2023 agus 2024, i gcomhréir le hAirteagal 101(3), úsáid a bhaint as na méideanna a fhorchoimeádtar i gcomhréir leis an Airteagal seo d'éiciscéimeanna chun idirghabhálacha eile dá dtagraítear i dTeideal III, Caibidil II, Roinn 2, a mhaoiniú sa bhliain sin, ar choinníoll gur ídíodh na féidearthachtaí uile na cistí a úsáid d'éiciscéimeanna:

6.   Agus mír 5, pointe (b), á cur i bhfeidhm acu, leasóidh na Ballstáit a bPleananna Straitéiseacha CBT i gcomhréir le hAirteagal 119 chun an méid seo a leanas a dhéanamh:

7.   Má úsáideann Ballstát méid is mó ná 2,5 % de shuim na leithdháiltí a leagtar amach in Iarscríbhinn IX do na blianta 2023 go 2024 agus mír 5, pointe (a), á chur i bhfeidhm aige, chun idirghabhálacha eile dá dtagraítear i dTeideal III, Caibidil II, Roinn 2, a mhaoiniú, cúiteoidh sé na méideanna is mó ná 2,5 % de shuim na leithdháiltí a leagtar amach in Iarscríbhinn IX do na blianta 2023 agus 2024 agus a úsáidtear chun idirghabhálacha eile dá dtagraítear i dTeideal III, Caibidil II, Roinn 2, a mhaoiniú sna blianta sin trí leasú a dhéanamh ar a Phlean Straitéiseach CBT i gcomhréir le hAirteagal 119 chun an méid seo a leanas a dhéanamh:

8.   Féadfaidh na Ballstáit, i mblianta féilire 2025 agus 2026, i gcomhréir le hAirteagal 101(3), úsáid a bhaint as méid suas le tairseach arb ionann í agus 2 % de na méideanna a leagtar amach in Iarscríbhinn IX don bhliain féilire lena mbaineann, agus a fhorchoimeádtar i gcomhréir leis an Airteagal seo d'éiciscéimeanna a mhaoiniú sa bhliain chéanna sin, ar choinníoll gur ídíodh na féidearthachtaí uile na cistí a úsáid d'éiciscéimeanna agus go bhfuil coinníollacha mhír 9 á gcomhlíonadh.

9.   Agus mír 8 á cur i bhfeidhm, leasóidh na Ballstáit a bPleananna Straitéiseacha CBT i gcomhréir le hAirteagal 119 chun an méid seo a leanas a dhéanamh:

10.   Ar feadh gach bliain féilire amhail ón mbliain féilire 2025, ní sháróidh an caiteachas iomlán ar na cineálacha idirghabhála ar íocaíochtaí díreacha iad seachas na héiciscéimeanna an leithdháileadh airgeadais le haghaidh íocaíochtaí díreacha don bhliain féilire ábhartha mar a leagtar síos in Iarscríbhinn V arna laghdú de réir méid a chomhfhreagraíonn do 23 % den mhéid atá in Iarscríbhinn IX a fhorchoimeádtar d'éiciscéimeanna i gcomhréir leis an mír seo i leith na bliana féilire 2025 agus 2026, agus a chomhfhreagraíonn do 25 % den mhéid atá in Iarscríbhinn IX a fhorchoimeádtar d'éiciscéimeanna i gcomhréir leis an mír seo i leith na bliana féilire 2027, arna gcoigeartú i gcás inarb ábhartha leis an méid a eascraíonn as cur i bhfeidhm a míreanna 2, 3, 4, 6, 7 agus 9 den Airteagal seo agus arna bhunú ag na Ballstáit ina bpleananna airgeadais in Airteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

11.   I gcás ina gcuirfidh na Ballstáit míreanna 2, 3, 4, 6, 7 agus 9 den Airteagal seo i bhfeidhm le linn thréimhse iomlán an Phlean Straitéisigh CBT, maidir le caiteachas iomlán CETFT ar fhorbairt tuaithe seachas na méideanna a fhorchoimeádtar i gcomhair idirghabhálacha i gcomhréir le hAirteagail 70, 72, 73 agus 74, a mhéid a thugtar aghaidh leis na hidirghabhálacha sin ar na cuspóirí sonracha a leagtar amach in Airteagal 6(1), pointe (d), pointe (e) agus pointe (f), agus a mhéid a bhaineann le leas ainmhithe, in Airteagal 6(1), pointe (i), ní sháróidh sé ranníocaíocht iomlán CETFT le forbairt tuaithe ar feadh thréimhse iomlán an Phlean Straitéisigh CBT mar a leagtar amach in Iarscríbhinn XI, arna laghdú leis na méideanna a fhorchoimeádtar i gcomhair idirghabhálacha i gcomhréir le hAirteagail 70, 72, 73 agus 74, a mhéid a thugtar aghaidh leis na hidirghabhálacha sin ar na cuspóirí sonracha a leagtar amach in Airteagal 6(1), pointe (d), pointe (e) agus pointe (f), agus, a mhéid a bhaineann le leas ainmhithe, in Airteagal 6(1), pointe (i), tar éis chur i bhfeidhm mhíreanna 2, 6, 7 agus 9 den Airteagal seo, arna bhunú ag na Ballstáit ina bpleananna airgeadais in Airteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

1.   Forchoimeádfar 10 % ar a laghad de na leithdháiltí a leagtar amach in Iarscríbhinn IX go bliantúil don tacaíocht ioncaim athdháilte dá dtagraítear in Airteagal 29.

2.   Maidir le gach bliain féilire, ní sháróidh an caiteachas iomlán ar chineálacha idirghabhála ar íocaíochtaí díreacha iad seachas an tacaíocht ioncaim athdháilte an leithdháileadh airgeadais d’íocaíochtaí díreacha don bhliain féilire ábhartha mar a leagtar síos in Iarscríbhinn V, arna laghdú le méid a chomhfhreagraíonn do 10 % den leithdháileadh airgeadais le haghaidh íocaíochtaí díreacha don bhliain féilire ábhartha mar a leagtar síos an méid sin Iarscríbhinn IX, arna choigeartú i gcás inarb ábhartha tar éis chur i bhfeidhm Airteagal 29(1), an dara fomhír, arna bhunú ag na Ballstáit ina bpleananna airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 118 nó le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

1.   Ar bhonn na faisnéise arna soláthar ag na Ballstáit, déanfaidh an Coimisiún meastóireacht ar rannchuidiú an bheartais le gnóthú chuspóirí an athraithe aeráide trí mhodheolaíocht shimplí choiteann a úsáid.

2.   Déanfar ranníocaíocht le gnóthú na sprice caiteachais a mheas trí ualuithe sonracha a chur i bhfeidhm arna ndifreáil bunaithe ar cé acu a rannchuidíonn nó nach rannchuidíonn an tacaíocht go mór nó go measartha le cuspóirí an athraithe aeráide a ghnóthú. Déanfar na hualuithe sin mar a leanas:

3.   Tugtar de chumhacht don Choimisiún gníomhartha tarmligthe a ghlacadh tar éis an 31 Nollaig 2025 i gcomhréir le hAirteagal 152 lena leasaítear mír 2 den Airteagal seo chun na hualuithe dá dtagraítear ann a mhodhnú, i gcás ina bhfuil údar leis an modhnú sin chun rianú níos beaichte a dhéanamh ar chaiteachas ar chuspóirí comhshaoil agus cuspóirí a bhaineann leis an aeráid.

1.   Leagfaidh na Ballstáit amach, ina bPlean Straitéiseach CBT, leithdháileadh táscach airgeadais le haghaidh gach idirghabhála agus gach bliana. Is é a bheidh sa leithdháileadh táscach airgeadais sin leibhéal na n-íocaíochtaí a bhfuiltear ag súil leis faoin bPlean Straitéiseach CBT i gcomhair na hidirghabhála sa bhliain airgeadais ábhartha, cé is moite d’íocaíochtaí a bhfuiltear ag súil leo ar bhonn an mhaoinithe náisiúnta bhreise dá dtagraítear in Airteagal 115(5).

2.   De mhaolú ar mhír 1, maidir leis na cineálacha idirghabhála sna hearnálacha dá dtagraítear in Airteagal 42, pointí (a), (d), (e) agus (f), leagfaidh na Ballstáit amach, ina bPlean Straitéiseach CBT, an leithdháileadh táscach airgeadais do gach earnáil agus do gach bliain, lena léireofar leibhéal na n-íocaíochtaí a bhfuiltear ag súil leis i gcomhair na n-idirghabhálacha san earnáil sin in aghaidh na bliana airgeadais, cé is moite d’íocaíochtaí a bhfuiltear ag súil leo ar bhonn an chúnaimh airgeadais náisiúnta dá dtagraítear in Airteagal 53.

3.   Ní chuirfidh na leithdháiltí táscacha airgeadais arna leagan amach ag na Ballstáit i gcomhréir le mír 1 agus mír 2 cosc ar na Ballstáit sin cistí ó na leithdháiltí táscacha airgeadais sin a úsáid mar chistí le haghaidh idirghabhálacha eile, gan na Pleananna Straitéiseach CBT i gcomhréir le hAirteagal 119 a leasú, faoi réir chomhlíonadh an Rialacháin seo, agus go háirithe Airteagail 87, 88, 89, 90, 92 go 98 agus 102 de, agus Rialachán (AE) 2021/2116, agus go háirithe Airteagal 32(6), pointe (b), de, agus leis na coinníollacha seo a leanas:

Chun críoch na chéad fhomhíre, pointe (a), féadfaidh na Ballstáit sin a chinn an tacaíocht bhunúsach ioncaim i dtaobh a dheonú ar bhonn teidlíochtaí íocaíochta i gcomhréir le hAirteagal 23, féadfaidh siad na méideanna atá le híoc a mhéadú nó a laghdú go líneach bunaithe ar luach na dteidlíochtaí a gníomhachtaíodh sa bhliain féilire, laistigh de theorainneacha na n-aonadmhéideanna íosta agus uasta atá beartaithe agus a leagtar amach le haghaidh idirghabhálacha faoin tacaíocht bhunúsach ioncaim don Inbhuaaitheacht i gcomhréir le hAirteagal 102(2).

1.   Leagfaidh na Ballstáit amach aonadmhéid beartaithe amháin nó níos mó maidir le gach idirghabháil a áirítear ina bPleananna Straitéiseacha CBT. Féadfaidh an t-aonadmhéid atá beartaithe a bheith aonfhoirmeach nó meánach, de réir mar a chinnfidh na Ballstáit. Féadfaidh an t-aonadmhéid atá beartaithe a bheith aonfhoirmeach nó meánach, de réir mar a chinnfidh na Ballstáit. Ciallaíonn “aonadmhéid aonfhoirmeach beartaithe” an luach a mheastar a bheidh le híoc i gcás gach aschuir ghaolmhair. Ciallaíonn “meán-aonadmhéid beartaithe” meánluach na n-aonadmhéideanna éagsúla a mheastar a bheidh le híoc i gcás na n-aschur gaolmhar.

Maidir le hidirghabhálacha a chumhdaítear leis an gcóras comhtháite dá dtagraítear in Airteagal 65(2) de Rialachán (AE) 2021/2116, leagfar amach aonadmhéideanna aonfhoirmeacha, ach amháin i gcás nach bhfuil aonadmhéideanna indéanta nó iomchuí, mar gheall ar dhearadh nó ar raon feidhme na hidirghabhála. I gcásanna mar sin, leagfar amach meán-aonadmhéideanna.

2.   Maidir le hidirghabhálacha ar íocaíochtaí díreacha iad, féadfaidh na Ballstáit aonadmhéideanna beartaithe uasta nó íosta, nó an dá rud, a shocrú i gcás gach aonadmhéid atá beartaithe do gach idirghabháil.

Is é atá san “aonadmhéid íosta atá beartaithe” agus san “aonadmhéid uasta atá beartaithe” na haonadmhéideanna uasta agus íosta a mheastar a bheidh le híoc i gcás gach aschur.

Agus na haonadmhéideanna uasta nó íosta atá beartaithe, nó an dá rud, á socrú ag na Ballstáit, féadfaidh siad bonn cirt a thabhairt do na luachanna sin leis an tsolúbthacht ath-leithdháilte is gá chun neamhúsáid cistí a sheachaint.

Ní féidir an t-aonadmhéid réadaithe dá dtagraítear in Airteagal 134(5), an chéad fhomhír, pointe (c), a bheith níos ísle ná an t-aonadmhéid atá beartaithe nó an t-aonadmhéid íosta atá beartaithe i gcás ina leagtar amach méid den sórt sin, chun barrachas leithdháiltí airgeadais le haghaidh cineálacha idirghabhála ar íocaíochtaí díreacha iad dá dtagraítear in Airteagal 87(1) a sheachaint.

3.   Maidir le cineálacha idirghabhála le haghaidh forbairt tuaithe, i gcás úsáid meán-aonadmhéideanna beartaithe, féadfaidh na Ballstáit meán-aonadmhéid uasta beartaithe a shocrú.

Is é “an meán-aonadmhéid uasta beartaithe” an méid uasta a mheastar a bheidh le híoc ar an meán le haghaidh na n-aschur gaolmhar.

4.   I gcás ina socraítear aonadmhéideanna éagsúla le haghaidh idirghabhála, beidh feidhm ag mír 2 agus mír 3 maidir le gach aonadmhéid ábhartha a bhaineann leis an idirghabháil sin.

5.   Leagfaidh na Ballstáit amach na haschuir bhliantúla atá beartaithe le haghaidh gach idirghabhála cainníochtaithe do gach aonadmhéid aonfhoirmeach nó meán-aonadmhéid atá beartaithe. Laistigh d'idirghabháil, féadfar na haschuir bhliantúla atá beartaithe a sholáthar ar leibhéal comhthiomsaithe maidir le gach aonadmhéid nó grúpa aonadmhéideanna.

1.   Mar chuid dá Phlean Straitéiseach CBT dá dtagraítear in Airteagal 118(1), féadfaidh Ballstát a chinneadh an méid seo a leanas a dhéanamh:

2.   An céatadán a aistrítear ó leithdháileadh Ballstáit le haghaidh íocaíochtaí díreacha chuig a leithdháileadh le haghaidh CETFT dá dtagraítear i mír 1, pointe (a), féadfar é a mhéadú mar a leanas:

3.   An céatadán a aistrítear ó leithdháileadh Ballstáit le haghaidh CETFT chuig a leithdháileadh le haghaidh íocaíochtaí díreacha dá dtagraítear i mír 1, pointe (b), féadfar é a mhéadú go 30 % i gcás Ballstáit a bhfuil a gcuid íocaíochtaí díreacha in aghaidh an heicteáir faoi bhun 90 % de mheán an Aontais. Déantar an choinníoll sin a chomhlíonadh i gcás na dtíortha seo a leanas: an Bhulgáir, an Eastóin, an Spáinn, an Laitvia, an Liotuáin, an Pholainn, an Phortaingéil, an Rómáin, an tSlóvaic, an Fhionlainn agus an tSualainn.

4.   Na cinntí dá dtagraítear i mír 1, leagfar amach leo an céatadán dá dtagraítear i mír 1, mír 2 agus mír 3, agus féadfaidh sin athrú de réir na bliana féilire.

5.   Féadfaidh na Ballstáit, in 2025, a gcuid cinntí dá dtagraítear i mír 1 a athbhreithniú mar chuid d'iarraidh ar leasú ar a bPleananna Straitéiseacha CBT dá dtagraítear in Airteagal 119.

1.   Déanfaidh na Ballstáit pleananna Straitéiseacha CBT a bhunú i gcomhréir leis an Rialachán seo chun tacaíocht ón Aontas a chur chun feidhme arna mhaoiniú ag CEFT agus CETFT chun cuspóirí sonracha a ghnóthú a leagtar amach in Airteagal 6(1) agus (2).

2.   Bunóidh gach Ballstát Plean Straitéiseach CBT amháin le haghaidh iomlán a chríche féin, agus a chuid forálacha bunreachtúla agus institiúideacha á gcur san áireamh aige.

I gcás ina mbunaítear eilimintí den Phlean Straitéiseach CBT ar an leibhéal réigiúnach, déanfaidh an Ballstát an comhleanúnachas agus an chomhsheasmhacht a áirithiú le heilimintí an Phlean Straitéisigh CBT ar an leibhéal náisiúnta. Déanfar na heilimintí a bhunaítear ar an leibhéal réigiúnach a léiriú go hiomchuí sna ranna ábhartha den Phlean Straitéiseach CBT mar a leagtar síos in Airteagal 107.

3.   Bunaithe ar an anailís SWOT dá dtagraítear in Airteagal 115(2) agus ar mheasúnú ar riachtanais dá dtagraítear in Airteagal 108, bunóidh na Ballstáit straitéis idirghabhála dá dtagraítear in Airteagal 109 sna Pleananna Straitéiseacha CBT, straitéis ina leagfar síos spriocanna cainníochtúla agus garspriocanna chun na cuspóirí sonracha a ghnóthú arna leagan amach in Airteagal 6(1) agus (2). Déanfar na spriocanna a shocrú trí shraith choiteann táscairí torthaí a úsáid arna leagan amach in Iarscríbhinn I.

Chun na spriocanna sin a ghnóthú, leagfaidh na Ballstáit amach idirghabhálacha bunaithe ar na cineálacha idirghabhála arna leagan síos i dTeideal III.

4.   Cumhdóidh gach Plean Straitéiseach CBT an tréimhse ón 1 Eanáir 2023 go dtí an 31 Nollaig 2027.

1.   Cuirfidh na Ballstáit rompu a rannchuidiú níos mó a dhéanamh ar an iomlán, trína bPleananna Straitéiseacha CBT, agus go háirithe trí eilimintí sa straitéis idirghabhála dá dtagraítear in Airteagal 109(2), pointe (a), chun na cuspóirí sonracha a ghnóthú a leagtar amach in Airteagal 6(1), pointe (d), pointe (e), agus pointe (f), i gcomparáid lena ndéantar ar an iomlán chun an cuspóir a ghnóthú arna leagan síos in Airteagal 110(2), an chéad fhomhír, pointe (b), de Rialachán (AE) Uimh. 1306/2013 trí thacaíocht a fháil faoi CEFT agus faoi CETFT sa tréimhse 2014 go dtí 2020.

2.   Míneoidh na Ballstáit ina bPleananna Straitéiseacha CBT, bunaithe ar fhaisnéis atá ar fáil, an dóigh a mbeidh sé beartaithe acu rannchuidiú níos mó a dhéanamh ar an iomlán arna leagan amach i mír 1. Bunófar an míniú sin ar fhaisnéis ábhartha, amhail na heilimintí dá dtagraítear in Airteagal 107(1), pointí (a) go (f), agus in Airteagal 107(2), pointe (b), chomh maith leis na feabhsuithe a mbeifear ag súil leo in aghaidh na dtáscairí ábhartha tionchair a leagtar amach in Iarscríbhinn I.

1.   Déanfaidh na Ballstáit na Pleananna Straitéiseacha CBT a dhréachtú ar bhonn nósanna imeachta trédhearcacha, i gcás inarb infheidhme, i gcomhar lena réigiúin, i gcomhréir lena gcreat institiúideach agus dlíthiúil.

2.   Áiritheoidh comhlacht an Bhallstáit atá freagrach as an bPlean Straitéiseach CBT a dhréachtú an méid seo a leanas:

3.   Eagróidh gach Ballstát comhpháirtíocht leis na húdaráis inniúla réigiúnacha agus áitiúla. Beidh na comhpháirtithe seo a leanas ar a laghad mar chuid den chomhpháirtíocht:

Tabharfaidh na Ballstáit ar na comhpháirtithe sin a bheith rannpháirteach ar dhóigh éifeachtach in ullmhúchán na bPleananna Straitéiseacha CBT agus rachaidh siad i gcomhairle le geallsealbhóirí ábhartha, lena n-áirítear maidir leis na híoschaighdeáin dá dtagraítear in Airteagal 13, i gcás inarb iomchuí.

4.   Comhoibreoidh na Ballstáit, lena n-áirítear a réigiúin, i gcás inarb infheidhme, agus an Coimisiún lena áirithiú gur ann do chomhordú éifeachtach i gcur chun feidhme Phleananna Straitéiseacha CBT, agus prionsabail na comhréireachta agus na bainistíochta roinnte á gcur san áireamh acu.

5.   Déanfar eagrú agus cur chun feidhme na comhpháirtíochta i gcomhréir leis an ngníomh tarmligthe a glacadh ar bhonn Airteagal 5(3) de Rialachán (AE) Uimh. 1303/2013.

1.   I ngach ceann de na Pleananna Straitéiseacha CBT beidh ranna faoin méid seo a leanas:

2.   I ngach ceann de Phleananna Straitéiseacha CBT beidh na hiarscríbhinní seo a leanas:

3.   Na rialacha mionsonraithe le haghaidh inneachar na rann agus le haghaidh iarscríbhinní na bPleananna Straitéiseacha CBT dá dtagraítear i mír 1 agus mír 2, leagtar síos in Airteagail 108 go 115 iad.

1.   Le haghaidh gach cuspóra shonraigh a leagtar amach in Airteagal 6(1) agus (2) agus a dtugtar aghaidh air sa Phlean Straitéiseach CBT, leagfar amach na nithe seo a leanas sa straitéis idirghabhála dá dtagraítear in Airteagal 107(1), pointe (b):

2.   Léireofar sa straitéis idirghabhála comhsheasmhacht na straitéise agus comhlántacht na n-idirghabhálacha síos trí na cuspóirí sonracha arna leagan amach in Airteagal 6(1) agus (2) tríd an méid seo a leanas a sholáthar:

3.   I gcás ina mbunaítear eilimintí den Phlean Straitéiseach CBT ar an leibhéal réigiúnach, áiritheofar leis an straitéis idirghabhála comhleanúnachas agus comhsheasmhacht na n-eilimintí sin le heilimintí an Phlean Straitéisigh CBT a bhunaítear ar an leibhéal náisiúnta.