1.   Ir-rilaxx intenzjonat ta’ gassijiet fluworurati b’effett ta’ serra fl-atmosfera għandu jkun ipprojbit meta r-rilaxx ma jkunx teknikament neċessarju għall-użu maħsub.

Jekk rilaxx intenzjonat ikun teknikament neċessarju għall-użu maħsub, l-operaturi ta’ tagħmir li fih gassijiet fluworurati b’effett ta’ serra jew ta’ faċilitajiet fejn jintużaw gassijiet fluworurati b’effett ta’ serra għandhom jieħdu l-miżuri kollha li huma teknikament u ekonomikament fattibbli sabiex jipprevjenu, sa fejn ikun possibbli, ir-rilaxx tagħhom fl-atmosfera, inkluż billi jiġu rkuprati l-gassijiet emessi.

2.   Fil-każ tal-fumigazzjoni bil-fluworur tas-sulfuril, l-operaturi għandhom jiddokumentaw l-użu tal-miżuri tal-qbid u tal-ġbir jew jispeċifikaw ir-raġunijiet għaliex il-miżuri tal-qbid u tal-ġbir ma kinux teknikament jew ekonomikament fattibbli. L-operaturi għandhom iżommu l-evidenza ta’ sostenn għal 5 snin u jagħmluha disponibbli, fuq talba, lill-awtorità kompetenti tal-Istat Membru kkonċernat jew lill-Kummissjoni.

3.   L-operaturi u l-manifatturi ta’ tagħmir li fih gassijiet fluworurati b’effett ta’ serra jew l-operaturi ta’ faċilitajiet fejn jintużaw il-gassijiet fluworurati b’effett ta’ serra, kif ukoll l-impriżi fil-pussess ta’ tali tagħmir matul it-trasport jew il-ħżin tiegħu, għandhom jieħdu l-prekawzjonijiet neċessarji kollha sabiex jipprevjenu r-rilaxx mhux intenzjonat ta’ gass bħal dan. Huma għandhom jieħdu l-miżuri kollha li jkunu teknikament u ekonomikament fattibbli sabiex jimminimizzaw it-tnixxija tal-gassijiet.

4.   Matul il-produzzjoni, il-ħżin, it-trasport, u t-trasferiment ta’ gassijiet fluworurati b’effett ta’ serra minn kontenitur jew minn sistema għal oħra, għal tagħmir jew għal faċilità, l-impriża kkonċernata għandha tieħu l-prekawzjonijiet neċessarji kollha sabiex tillimita kemm jista’ jkun ir-rilaxx tal-gassijiet fluworurati b’effett ta’ serra. Dan il-paragrafu għandu japplika wkoll meta l-gassijiet fluworurati b’effett ta’ serra jiġu prodotti bħala prodotti sekondarji.

5.   Meta tinstab tnixxija tal-gassijiet fluworurati b’effett ta’ serra, l-operaturi u l-manifatturi tat-tagħmir u tal-installazzjonijiet u l-operaturi ta’ faċilitajiet fejn jintużaw il-gassijiet fluworurati b’effett ta’ serra, u l-impriżi fil-pussess ta’ tali tagħmir matul it-trasport jew il-ħżin, għandhom jiżguraw li t-tagħmir jew il-faċilità fejn jintużaw il-gassijiet fluworurati b’effett ta’ serra tissewwa mingħajr dewmien żejjed.

Meta t-tagħmir ikun soġġett għal kontrolli għal tnixxijiet skont l-Artikolu 5(1) u tnixxija fit-tagħmir tkun issewwiet, l-operaturi tat-tagħmir għandhom jiżguraw li t-tagħmir jiġi vverifikat minn persuna fiżika li tkun iċċertifikata f’konformità mal-Artikolu 10 mill-aktar fis possibbli wara li jkun għadda l-ħin operattiv ta’ 24 siegħa iżda mhux aktar tard minn xahar wara t-tiswija sabiex jiġi vverifikat li t-tiswija kienet effettiva. Għat-tagħmir mobbli elenkat fl-Artikolu 5(3), il-punti (a), (b) u (c), jista’ jsir kontroll tat-tnixxija direttament wara tiswija.

6.   Mingħajr preġudizzju għall-Artikolu 11(1), l-ewwel subparagrafu, it-tqegħid fis-suq ta’ gassijiet fluworurati b’effett ta’ serra għandu jkun ipprojbit, sakemm il-produtturi jew l-importaturi ma jipprovdux evidenza lill-awtorità kompetenti ta’ Stat Membru fiż-żmien ta’ tali tqegħid fis-suq, li kwalunkwe trifluworometan prodott bħala prodott sekondarju matul il-proċess tal-produzzjoni tal-gassijiet fluworurati b’effett ta’ serra, inkluż matul il-produzzjoni tal-materja prima għall-produzzjoni ta’ dawk il-gassijiet, ikun inqered jew ġie rkuprat għall-użu sussegwenti, bl-użu tal-aħjar tekniki disponibbli.

Għall-finijiet li tiġi pprovduta dik l-evidenza, il-produtturi u l-importaturigħandhom ifasslu dikjarazzjoni ta’ konformità, akkumpanjata minn dokumentazzjoni ta’ sostenn li:

Il-produtturi u l-importaturi għandhom iżommu d-dikjarazzjoni ta’ konformità u d-dokumentazzjoni ta’ sostenn għal perjodu ta’ mill-inqas 5 snin mit-tqegħid fis-suq u għandhom jagħmluhom disponibbli, fuq talba, lill-awtorità kompetenti tal-Istat Membru kkonċernat u lill-Kummissjoni.

Il-Kummissjoni tista’, permezz ta’ atti ta’ implimentazzjoni, tiddetermina l-arranġamenti dettaljati relatati mad-dikjarazzjoni ta’ konformità u mad-dokumentazzjoni ta’ sostenn imsemmija fit-tieni subparagrafu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

7.   Il-persuni fiżiċi li jwettqu l-attivitajiet imsemmija fl-Artikolu 10(1), l-ewwel subparagrafu, il-punti (a), (b) u (c), għandhom jiġu ċċertifikati f’konformità mal-Artikolu 10 u għandhom jieħdu miżuri ta’ prekawzjoni sabiex jipprevjenu t-tnixxija ta’ gassijiet fluworurati b’effett ta’ serra elenkati fl-Annessi I u II, u fejn il-gassijiet fluworurati b’effett ta’ serra jintużaw f’kommutatur tal-elettriku, fl-Anness III wkoll.

Il-persuni ġuridiċi li jwettqu l-installazzjoni, il-manutenzjoni jew is-servizzjar, it-tiswija jew id-dekummissjonar tat-tagħmir elenkat fl-Artikolu 5(2), il-punti (a) sa (e), u fl-Artikolu 5(3), il-punti (a) u (b), għandhom jiġu ċċertifikati f’konformità mal-Artikolu 10 u għandhom jieħdu miżuri ta’ prekawzjoni sabiex jipprevjenu t-tnixxija ta’ gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II.

Il-persuni fiżiċi li jwettqu l-manutenzjoni jew is-servizzjar u t-tiswija ta’ tagħmir tal-arja kondizzjonata li fihom gassijiet fluworurati b’effett ta’ serra f’vetturi bil-mutur li jaqgħu fil-kamp ta’ applikazzjoni tad-Direttiva 2006/40/KE tal-Parlament Ewropew u tal-Kunsill (25) u ta’ tagħmir mobbli elenkat fl-Artikolu 5(3), il-punt (c), ta’ dan ir-Regolament għandu jkollhom mill-inqas attestazzjoni ta’ taħriġ f’konformità mal-Artikolu 10(1), it-tieni subparagrafu, ta’ dan ir-Regolament.

1.   L-operaturi u l-manifatturi ta’ tagħmir li fih 5 tunnellati f’ekwivalenti ta’ CO2 jew aktar ta’ gassijiet fluworurati b’effett ta’ serra elenkati fl-Anness I jew kilogramma jew aktar ta’ gassijiet fluworurati b’effett ta’ serra elenkati fit-Taqsima 1 tal-Anness II, li mhux inklużi fil-fowms, għandhom jiżguraw li t-tagħmir jiġi vverifikat għal tnixxijiet.

Tagħmir issiġillat ermetikament ma għandux jiġi vverifikat għal tnixxijiet sakemm ikun ittikkettat bħala tagħmir issiġillat ermetikament u jikkonforma ma’ waħda mill-kundizzjonijiet li ġejjin:

B’deroga mit-tieni subparagrafu, fejn tagħmir issiġillat ermetikament jiġi installat f’bini residenzjali, huwa ma għandux jiġi vverifikat għal tnixxijiet meta dak it-tagħmir ikun fih inqas minn 3 kilogrammi ta’ gassijiet fluworurati b’effett ta’ serra dment li jkun ittikkettat bħala ssiġillat ermetikament.

Il-kommutatur tal-elettriku ma għandux jiġi vverifikat għal tnixxijiet dment li jkun konformi ma’ waħda mill-kundizzjonijiet li ġejjin:

2.   Il-paragrafu 1 għandu japplika għall-operaturi u l-manifatturi tat-tagħmir stazzjonarju li ġej li fih gassijiet fluworurati b’effett ta’ serra elenkati fl-Anness I jew fit-Taqsima 1 tal-Anness II:

3.   Il-paragrafu 1 għandu japplika għall-operaturi u l-manifatturi tat-tagħmir mobbli li ġej li fih gassijiet fluworurati b’effett ta’ serra elenkati fl-Anness I jew fit-Taqsima 1 tal-Anness II:

Fir-rigward tat-tagħmir imsemmi fil-paragrafu 2, il-punti (a) sa (e), u l-punti (a) u (b) ta’ dan il-paragrafu, il-kontrolli għandhom jitwettqu minn persuni fiżiċi ċċertifikati f’konformità mal-Artikolu 10.

4.   Fir-rigward tat-tagħmir mobbli msemmi fil-paragrafu 3, il-punt (c), il-kontrolli għandhom jitwettqu minn persuni fiżiċi li jkollhom tal-anqas attestazzjoni ta’ taħriġ f’konformità mal-Artikolu 10(1), it-tieni subparagrafu.

5.   Il-paragrafi 1 u 6 ma għandhomx japplikaw għall-operaturi ta’ tagħmir mobbli skont il-paragrafu 3, il-punti (b) u (c), sat-12 ta’ Marzu 2027.

6.   Il-kontrolli ta’ tnixxijiet imsemmija fil-paragrafu 1 għandhom jitwettqu bil-frekwenza li ġejja:

7.   L-obbligi stabbiliti fil-paragrafu 1 għat-tagħmir għall-protezzjoni min-nar kif imsemmi fil-paragrafu 2, il-punt (d), għandhom jitqiesu li ġew issodisfati dment li jiġu ssodisfati kundizzjonijiet li ġejjin:

L-obbligi stabbiliti fil-paragrafu 1, għat-tagħmir mobbli tal-arja kondizzjonata u għall-pompi tas-sħana, kif imsemmi fil-paragrafu 3, il-punt (c), għandhom jitqiesu li ġew issodisfati dment li t-tagħmir mobbli tal-arja kondizzjonata u l-pompi tas-sħana jkunu soġġetti għal reġim ta’ spezzjoni regolari li jinkludi kontrolli tat-tnixxijiet.

8.   Il-Kummissjoni tista’, permezz ta’ atti ta’ implimentazzjoni, tispeċifika r-rekwiżiti għall-kontrolli tat-tnixxijiet li għandhom jitwettqu f’konformità mal-paragrafu 1 għal kull tip ta’ tagħmir imsemmi fil-paragrafi 2 u 3 u tidentifika dawk il-partijiet tat-tagħmir li x’aktarx li jnixxu l-aktar. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

1.   L-operaturi tat-tagħmir stazzjonarju elenkat fl-Artikolu 5(2), il-punti (a) sa (d), li fih gassijiet fluworurati b’effett ta’ serra elenkati fl-Anness I fi kwantitajiet ta’ 500 tunnellata jew aktar f’ekwivalenti ta’ CO2 jew 100 kilogramma jew aktar ta’ gassijiet elenkati fit-Taqsima 1 tal-Anness II, għandhom jiżguraw li t-tagħmir ikollu sistema ta’ detezzjoni ta’ tnixxijiet li twissi lill-operatur jew lil kumpanija tas-servizzjar dwar kwalunkwe tnixxija.

2.   L-operaturi tat-tagħmir stazzjonarju elenkat fl-Artikolu 5(2), il-punti (e) u (f), li fih gassijiet fluworurati b’effett ta’ serra elenkati fl-Anness I fi kwantitajiet ta’ 500 tunnellata jew aktar ta’ ekwivalenti ta’ CO2 u installat mill-1 ta’ Jannar 2017 ’il quddiem, għandhom jiżguraw li t-tagħmir ikollu sistema ta’ detezzjoni ta’ tnixxijiet li twissi lill-operatur jew lil kumpanija tas-servizzjar dwar kwalunkwe tnixxija.

3.   L-operaturi tat-tagħmir stazzjonarju elenkat fl-Artikolu 5(2), il-punti (a) sa (e), li jkun soġġett għall-paragrafu 1 jew 2 ta’ dan l-Artikolu, għandhom jiżguraw li s-sistemi ta’ detezzjoni ta’ tnixxijiet jiġu vverifikati tal-anqas kull 12-il xahar sabiex jiġi żgurat il-funzjonament xieraq tagħhom.

4.   L-operaturi tat-tagħmir stazzjonarju elenkat fl-Artikolu 5(2), il-punt (f), li jkunu soġġetti għall-paragrafu 2 ta’ dan l-Artikolu għandhom jiżguraw li s-sistemi ta’ detezzjoni ta’ tnixxijiet jiġu vverifikati tal-anqas darba kull 6 snin sabiex jiġi żgurat il-funzjonament xieraq tagħhom.

1.   L-operaturi tat-tagħmir li jeħtieġ li jiġi vverifikat għal tnixxijiet skont l-Artikolu 5(1) għandhom jistabbilixxu u jżommu rekords għal kull biċċa tagħmir bħal dan, li jispeċifikaw l-informazzjoni li ġejja:

2.   Sakemm ir-rekords imsemmija fil-paragrafu 1 ma jkunux maħżunin f’bażi ta’ data stabbilita mill-awtoritajiet kompetenti, japplikaw ir-regoli li ġejjin:

Fuq talba, ir-rekords imsemmija fil-paragrafu 1 għandhom jitqiegħdu għad-dispożizzjoni tal-awtorità kompetenti tal-Istat Membru kkonċernat jew tal-Kummissjoni.

3.   Għall-finijiet tal-Artikolu 11(6), l-impriżi li jfornu gassijiet fluworurati b’effett ta’ serra elenkati fl-Anness I jew fit-Taqsima 1 tal-Anness II, għandhom jistabbilixxu rekords tal-informazzjoni rilevanti dwar ix-xerrejja ta’ dawk il-gassijiet fluworurati b’effett ta’ serra, li jinkludu d-dettalji li ġejjin:

L-impriżi li jfornu l-gassijiet għandhom iżommu r-rekords għal tal-anqas 5 snin u għandhom, fuq talba, iqiegħdu dawk ir-rekords għad-dispożizzjoni tal-awtorità kompetenti tal-Istat Membru kkonċernat jew tal-Kummissjoni.

4.   Għall-finijiet tal-Artikolu 11(7), l-impriżi li jbigħu tagħmir mhux ermetikament issiġillat iċċarġjat b’gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, għandhom iżommu rekords tat-tagħmir mibjugħ u tal-impriżi ċċertifikati li jwettqu l-installazzjoni. L-impriżi li jbigħu it-tagħmir imsemmi fl-Artikolu 11(7) għandhom iżżommu ir-rekords għal perjodu ta’ mill-inqas 5 snin u għandhom iqiegħdu dawk ir-rekords għad-dispożizzjoni, fuq talba, tal-awtorità kompetenti tal-Istat Membru kkonċernat.

5.   L-impriżi li jipproduċu, inkluż bħala prodott sekondarju, iqiegħdu fis-suq, ifornu jew jirċievu s-sustanzi elenkati fit-Taqsima 1 tal-Anness I, maħsuba għall-użi eżentati msemmija fl-Artikolu 16(2), għandhom iżommu rekords li jkun fihom mill-inqas l-informazzjoni li ġejja, kif applikabbli:

L-impriżi għandhom iżommu r-rekords imsemmija fl-ewwel subparagrafu għal mill-inqas 5 snin wara l-produzzjoni, it-tqegħid fis-suq, il-provvista jew l-irċevuta, u għandhom iqiegħduhom għad-dispożizzjoni, fuq talba, tal-awtoritajiet kompetenti tal-Istat Membru kkonċernat jew tal-Kummissjoni. Dawk l-awtoritajiet kompetenti u l-Kummissjoni għandhom jiżguraw il-kunfidenzjalità tal-informazzjoni inkluża f’dawk ir-rekords.

6.   Il-Kummissjoni, permezz ta’ att ta’ implimentazzjoni, tista’ tiddetermina l-format tar-rekords imsemmija fil-paragrafi 1, 3, 4 u 5 u tispeċifika kif jenħtieġ li dawn jiġu stabbiliti u jinżammu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 34(2).

1.   L-operaturi ta’ tagħmir li jkun fih gassijiet fluworurati b’effett ta’ serra, li ma humiex inklużi f’fowms, għandhom jiżguraw li dawk is-sustanzi jiġu rkuprati u, wara d-dekummissjonar tat-tagħmir, jiġu riċiklati, reklamati jew meqruda.

L-irkupru ta’ dawk is-sustanzi għandu jitwettaq minn persuni fiżiċi li jkollhom iċ-ċertifikati rilevanti previsti fl-Artikolu 10.

2.   L-obbligu stabbilit fil-paragrafu 1 għandu japplika għall-operaturi ta’ kwalunkwe wieħed mit-tagħmir stazzjonarju li ġej:

3.   L-obbligu stabbilit fil-paragrafu 1 għandu japplika għall-operaturi ta’ kwalunkwe wieħed mit-tagħmir mobbli li ġej:

4.   Għall-irkupru ta’ gassijiet fluworurati b’effett ta’ serra minn tagħmir tal-arja kundizzjonata f’vetturi bil-mutur li jaqgħu fil-kamp ta’ applikazzjoni tad-Direttiva 2006/40/KE u minn tagħmir mobbli msemmi fl-paragrafu (3), il-punti (b) u (c), huma biss il-persuni fiżiċi li jkollhom mill-inqas attestazzjoni ta’ taħriġ f’konformità mal-Artikolu 10(1), it-tieni subparagrafu, ta’ dan ir-Regolament, li għandhom jitqiesu li huma kwalifikati kif xieraq.

5.   L-obbligu stabbilit fil-paragrafu 1 għandu japplika għall-operaturi tat-tagħmir mobbli skont il-paragrafu 3, il-punti (b) u (c), mit-12 ta’ Marzu 2027.

6.   Kwalunkwe gass fluworurat b’effett ta’ serra rkuprat elenkat fl-Anness I u fit-Taqsima 1 tal-Anness II, ma għandux jintuża għall-mili jew għall-mili mill-ġdid ta’ tagħmir sakemm il-gass ma jkunx ġie rriċiklat jew irreklamat.

7.   Eżatt qabel ma tarmih, impriża li tuża kontenitur b’gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, għandha tagħmel arranġamenti għall-irkupru ta’ kwalunkwe gass residwu sabiex tiżgura li jiġu rriċiklati, irreklamati jew jinqerdu.

8.   Mill-1 ta’ Jannar 2025, is-sidien u l-kuntratturi tal-bini għandhom jiżguraw li, matul ir-rinnovazzjoni, ir-rikondizzjonar jew l-attivitajiet ta’ demolizzjoni li jimplikaw it-tneħħija ta’ pannelli tal-fowm li jkun fihom fowms b’gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, l-emissjonijiet jiġu evitati sa fejn ikun possibbli permezz tat-trattament tal-fowms jew tal-gassijiet li jinsabu fihom b’mod li jiżgura l-qerda ta’ dawk il-gassijiet. Fil-każ tal-irkupru ta’ dawk il-gassijiet, l-irkupru għandu jitwettaq biss minn persuni fiżiċi kkwalifikati kif xieraq.

9.   Mill-1 ta’ Jannar 2025, is-sidien u l-kuntratturi tal-bini għandhom jiżguraw, li matul ir-rinnovazzjoni, ir-rikondizzjonar jew l-attivitajiet ta’ demolizzjoni li jimplikaw it-tneħħija ta’ fowms f’bordijiet laminati installati f’kavitajiet jew fi strutturi mibnijin li fihom gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, l-emissjonijiet jiġu evitati sa fejn ikun possibbli permezz ta’ trattament tal-fowms jew il-gassijiet li jinsabu fihom b’mod li jiżgura l-qerda ta’ dawk il-gassijiet. Fil-każ tal-irkupru ta’ dawk il-gassijiet, l-irkupru għandu jitwettaq biss minn persuni fiżiċi kkwalifikati kif xieraq.

Meta lit-tneħħija tal-fowms imsemmija fl-ewwel subparagrafu ma jkunx teknikament fattibbli, is-sid jew il-kuntrattur tal-bini għandu jfassal dokumentazzjoni li tipprovdi evidenza dwar l-infattibbiltà tat-tneħħija fil-każ speċifiku. Tali dokumentazzjoni għandha tinżamm għal 5 snin u għandha titqiegħed għad-dispożizzjoni, fuq talba, tal-awtorità kompetenti tal-Istat Membru kkonċernat jew tal-Kummissjoni.

10.   L-operaturi ta’ prodotti u ta’ tagħmir mhux elenkati fil-paragrafu 2, 3, 8 jew 9 li fihom gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, għandhom jagħmlu arranġamenti għall-irkupru tal-gassijiet, sakemm ma jkunx jista’ jiġi stabbilit li dan ma jkunx teknikament fattibbli jew jinvolvi kostijiet sproporzjonati. L-operaturi għandhom jiżguraw li l-irkupru jitwettaq minn persuni fiżiċi kwalifikati kif xieraq, sabiex il-gassijiet jiġu rriċiklati, irreklamati jew jinqerdu jew għandhom jagħmlu arranġamenti għall-qerda tagħhom mingħajr irkupru minn qabel.

L-irkupru ta’ gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, minn tagħmir tal-arja kundizzjonata f’vetturi tat-triq li ma jaqgħux fil-kamp ta’ applikazzjoni tad-Direttiva 2006/40/KE għandu jitwettaq biss minn persuni fiżiċi li mill-inqas ikollhom attestazzjoni ta’ taħriġ f’konformità mal-Artikolu 10(1), it-tieni subparagrafu, ta’ dan ir-Regolament.

11.   Il-gassijiet fluworurati b’effett ta’ serra elenkati fit-Taqsima 1 tal-Anness I, u l-prodotti u t-tagħmir li fihom tali gassijiet, għandhom jinqerdu biss minn teknoloġija ta’ qerda li tkun ġiet approvata mill-Partijiet għall-Protokoll.

Gassijiet fluworurati b’effett ta’ serra oħrajn li għalihom ma tkunx ġiet approvata teknoloġija ta’ qerda, għandhom jinqerdu biss permezz tat-teknoloġija ta’ qerda li tikkonforma mal-liġi tal-Unjoni u dik nazzjonali dwar l-iskart u meta jiġu ssodisfati rekwiżiti addizzjonali skont tali liġi.

12.   Il-Kummissjoni għandha s-setgħa li tadotta atti delegati f’konformità mal-Artikolu 32 sabiex tissupplimenta dan ir-Regolament billi tistabbilixxi lista ta’ prodotti u ta’ tagħmir li għalihom l-irkupru ta’ gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, jew il-qerda ta’ prodotti u ta’ tagħmir li fihom gassijiet bħal dawn mingħajr irkupru minn qabel ta’ dawk il-gassijiet għandhom jitqiesu teknikament u ekonomikament fattibbli, filwaqt li tiġi speċifikata, jekk ikun xieraq, it-teknoloġija li għandha tiġi applikata.

13.   L-Istati Membri għandhom jippromwovu l-irkupru, ir-riċiklaġġ, ir-reklamazzjoni u l-qerda ta’ gassijiet fluworurati b’effett ta’ serra elenkati fl-Annessi I u II.

1.   Il-persuni fiżiċi għandhom jiġu ċċertifikati sabiex iwettqu l-attivitajiet li ġejjin li jinvolvu gassijiet fluworurati b’effett ta’ serra skont it-tifsira tal-Artikolu 4(7), l-Artikolu 5(1) u l-Artikolu 8(2), li jkopru l-gassijiet fluworurati b’effett ta’ serra speċifikati fihom, jew li jinvolvu alternattivi rilevanti għall-gassijiet fluworurati b’effett ta’ serra, inklużi refriġeranti naturali, fejn rilevanti:

Il-persuni fiżiċi għandu jkollhom mill-inqas attestazzjoni ta’ taħriġ biex iwettqu l-attivitajiet li ġejjin li jinvolvu gassijiet fluworurati b’effett ta’ serra skont it-tifsira tal-Artikolu 4(7), l-Artikolu 5(1) u l-Artikolu 8(3), li jkopru l-gassijiet fluworurati b’effett ta’ serra speċifikati fihom, jew li jinvolvu alternattivi rilevanti għall-gassijiet fluworurati b’effett ta’ serra, inklużi refriġeranti naturali, fejn rilevanti:

2.   Il-persuni ġuridiċi għandhom jiġu ċċertifikati skont it-tifsira tal-Artikolu 4(7), li jkopri l-gassijiet fluworurati b’effett ta’ serra speċifikati fihom, sabiex iwettqu l-installazzjoni, il-manutenzjoni jew is-servizzjar, it-tiswija jew id-dekummissjonar tat-tagħmir elenkat fl-Artikolu 5(2), fil-punti (a) sa (e), u fl-Artikolu 5(3), il-punti (a) u (b), li jkun jinvolvi gassijiet fluworurati b’effett ta’ serra jew alternattivi rilevanti għall-gassijiet fluworurati b’effett ta’ serra inklużi refriġeranti naturali, fejn rilevanti.

3.   Fi żmien sena mid-dħul fis-seħħ tal-att ta’ implimentazzjoni msemmi fil-paragrafu 8, l-Istati Membri għandhom jistabbilixxu jew jadattaw programmi ta’ ċertifikazzjoni, inklużi proċessi ta’ evalwazzjoni, u jiżguraw li t-taħriġ dwar il-ħiliet prattiċi u l-għarfien teoretiku jkun disponibbli għall-persuni fiżiċi li jwettqu l-attivitajiet imsemmija fil-paragrafu 1. L-Istati Membri għandhom jiżguraw ukoll li jkunu disponibbli programmi ta’ taħriġ għall-kisba ta’ attestazzjonijiet ta’ taħriġ f’konformità mal-paragrafu 1, it-tieni subparagrafu.

4.   Fi żmien sena mid-dħul fis-seħħ tal-att ta’ implimentazzjoni imsemmi fil-paragrafu 8, l-Istati Membri għandhom jistabbilixxu jew jadattaw programmi ta’ ċertifikazzjoni għall-persuni ġuridiċi msemmija fil-paragrafu 2.

5.   Il-programmi ta’ ċertifikazzjoni u t-taħriġ dwar il-ħiliet prattiċi u l-għarfien teoretiku previsti fil-paragrafu 3 għandhom ikopru dan li ġej:

6.   Il-programmi ta’ ċertifikazzjoni u t-taħriġ dwar il-ħiliet prattiċi u l-għarfien teoretiku previsti fil-paragrafu 3 li jikkonċernaw l-inġenji tal-ajru għandhom jiġu riflessi fil-proċess ta’ aġġornament tal-ispeċifikazzjonijiet taċ-ċertifikazzjoni u speċifikazzjonijiet dettaljati oħra, mezzi aċċettabbli ta’ konformità u materjal ta’ gwida maħruġa mill-Aġenzija Ewropea tas-Sikurezza tal-Avjazzjoni skont l-Artikolu 76(3) u l-Artikolu 115 tar-Regolament (UE) 2018/1139.

7.   Iċ-ċertifikati taħt il-programmi ta’ ċertifikazzjoni msemmijin fil-paragrafu 3 għandhom ikunu soġġetti għall-kundizzjoni li l-applikant ikun temm b’suċċess proċess ta’ evalwazzjoni kif imsemmi f’dak il-paragrafu.

8.   Sat-12 ta’ Marzu 2026, il-Kummissjoni għandha, permezz ta’ atti ta’ implimentazzjoni, tistabbilixxi r-rekwiżiti minimi għall-programmi ta’ ċertifikazzjoni u l-attestazzjonijiet tat-taħriġ imsemmija fil-paragrafi 3 u 4 għall-attivitajiet imsemmija fil-paragrafu 1. Dawk ir-rekwiżiti minimi għandhom jispeċifikaw, għal kull tip ta’ tagħmir imsemmi fil-paragrafu 1, il-ħiliet prattiċi u l-għarfien teoretiku meħtieġa, filwaqt li ssir distinzjoni, fejn xieraq, bejn l-attivitajiet differenti li għandhom jiġu koperti, l-arranġamenti taċ-ċertifikazzjoni jew tal-attestazzjoni, kif ukoll il-kundizzjonijiet għar-rikonoxximent reċiproku taċ-ċertifikati u tal-attestazzjonijiet tat-taħriġ. Il-Kummissjoni għandha, permezz ta’ atti ta’ implimentazzjoni, tadatta, fejn neċessarju, tali rekwiżiti minimi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

9.   Iċ-ċertifikati u l-attestazzjonijiet tat-taħriġ eżistenti maħruġin f’konformità mar-Regolament (UE) Nru 517/2014 għandhom jibqgħu validi f’konformità mal-kundizzjonijiet li fihom ikunu nħarġu oriġinarjament. Sat-12 ta’ Marzu 2027, l-Istati Membri għandhom jiżguraw li l-persuni fiżiċi ċċertifikati jkunu meħtieġa jipparteċipaw f’korsijiet ta’ taħriġ ta’ aġġornament jew jikkompletaw il-proċess ta’ evalwazzjoni msemmi fil-paragrafu 3, mill-inqas kull 7 snin. L-Istati Membri għandhom jiżguraw li l-persuni fiżiċi li jkollhom ċertifikat jew attestazzjoni ta’ taħriġ skont ir-Regolament (UE) Nru 517/2014 għandhom jipparteċipaw f’tali korsijiet ta’ taħriġ ta’ aġġornament jew jikkompletaw tali proċessi ta’ evalwazzjoni għall-ewwel darba mhux aktar tard mit-12 ta’ Marzu 2029.

10.   Fi żmien sena mid-dħul fis-seħħ tal-att ta’ implimentazzjoni skont il-paragrafu 8, l-Istati Membri għandhom jinnotifikaw lill-Kummissjoni dwar il-programmi ta’ ċertifikazzjoni u ta’ taħriġ tagħhom.

L-Istati Membri għandhom jirrikonoxxu ċ-ċertifikati u l-attestazzjonijiet tat-taħriġ maħruġin fi Stat Membru ieħor f’konformità ma’ dan l-Artikolu. Ma għandhomx jirrestrinġu l-libertà li jiġu pprovduti servizzi jew il-libertà tal-istabbiliment għaliex ċertifikat ikun inħareġ fi Stat Membru ieħor.

11.   Il-Kummissjoni, permezz ta’ atti ta’ implimentazzjoni, tista’ tiddetermina l-format tan-notifika msemmija fil-paragrafu 10. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

12.   Impriża għandha tassenja attività msemmija fil-paragrafu 1 jew 2 lil impriża oħra biss wara verifika li din tal-aħħar ikollha ċ-ċertifikati neċessarji għall-attivitajiet meħtieġa msemmijin fil-paragrafu 1 jew 2, rispettivament.

13.   Meta l-obbligi skont dan l-Artikolu relatati mal-provvista ta’ ċertifikazzjoni u ta’ taħriġ ikunu jimponu piżijiet sproporzjonati fuq Stat Membru minħabba d-daqs żgħir tal-popolazzjoni tiegħu u n-nuqqas konsegwenti ta’ domanda għal tali ċertifikazzjoni u taħriġ, il-konformità tista’ tinkiseb permezz tar-rikonoxximent ta’ ċertifikati maħruġin fi Stati Membri oħrajn.

L-Istati Membri li japplikaw l-ewwel subparagrafu għandhom jinfurmaw lill-Kummissjoni. Il-Kummissjoni għandha wara dan tinforma lill-Istati Membri l-oħrajn.

14.   Dan l-Artikolu ma għandux jipprevjeni lill-Istati Membri milli jistabbilixxu aktar programmi ta’ ċertifikazzjoni u ta’ taħriġ fir-rigward ta’ tagħmir u attivitajiet oħra minbarra dawk imsemmija fil-paragrafu 1.

1.   It-tqegħid fis-suq tal-prodotti u tat-tagħmir, inklużi partijiet tagħhom, elenkati fl-Anness IV, b’eżenzjoni għal tagħmir militari, għandu jkun projbit mid-data speċifikata f’dak l-Anness, filwaqt li ssir distinzjoni, fejn ikun applikabbli, skont it-tip jew il-potenzjal ta’ tisħin globali tal-gass li jkun hemm fihom.

B’deroga mill-ewwel subparagrafu, it-tqegħid fis-suq ta’ partijiet ta’ prodotti u ta’ tagħmir meħtieġa għat-tiswija u s-servizzjar ta’ tagħmir eżistenti elenkat fl-Anness IV huwa permess dment li t-tiswija jew is-servizzjar ma jirriżultawx fi:

Il-prodotti u t-tagħmir, inklużi partijiet minnhom, imqegħdin illegalment fis-suq wara d-data msemmija fl-ewwel subparagrafu, ma għandhomx sussegwentement jintużaw jew jiġu forniti, jew jitqiegħdu għad-dispożizzjoni ta’ persuni oħrajn fl-Unjoni għall-ħlas jew mingħajr ħlas, jew jiġu esportati. L-esportazzjoni mill-ġdid ta’ tali prodotti u tagħmir hija permessa meta n-nuqqas ta’ konformità ma’ dan ir-Regolament ikun ġie stabbilit qabel ir-rilaxx għaċ-ċirkolazzjoni libera tal-merkanzija għall-iskop tal-importazzjoni, f’konformità mal-miżuri msemmija fl-Artikolu 23(12). Tali prodotti u tagħmir jistgħu jinħażnu jew jiġu ttrasportati biss għar-rimi sussegwenti u għall-irkupru tal-gass qabel ir-rimi skont l-Artikolu 8 jew għall-esportazzjoni mill-ġdid tagħhom.

L-esportazzjoni mill-ġdid ta’ prodotti u ta’ tagħmir li għalihom ikun ġie stabbilit in-nuqqas ta’ konformità ma’ dan ir-Regolament qabel ir-rilaxx tagħhom għaċ-ċirkolazzjoni libera tkun permessa. F’tali każijiet l-Artikolu 22(3) ma għandux japplika.

Sena wara d-dati individwali elenkati fl-Anness IV, il-provvista jew it-tqegħid sussegwenti għad-dispożizzjoni lil persuna oħra fl-Unjoni għall-ħlas jew mingħajr ħlas ta’ prodotti jew ta’ tagħmir imqegħdin legalment fis-suq qabel id-data msemmija fl-ewwel subparagrafu għandhom ikunu permessi biss jekk tiġi pprovduta evidenza li l-prodott jew it-tagħmir tqiegħed legalment fis-suq qabel dik id-data.

2.   Il-projbizzjoni stabbilita fil-paragrafu 1, l-ewwel subparagrafu, ma għandhiex tapplika għal tagħmir li, skont ir-rekwiżiti ta’ ekodisinn adottati skont id-Direttiva 2009/125/KE, għalih ġie stabbilit li l-emissjonijiet ekwivalenti għas-CO2 matul iċ-ċiklu tal-ħajja jkunu anqas minn dawk ta’ tagħmir ekwivalenti li jissodisfa dawk ir-rekwiżiti ta’ ekodisinn rilevanti.

3.   Minbarra l-projbizzjonijiet tat-tqegħid fis-suq stabbiliti fil-punt 1 tal-Anness IV, il-punt l-importazzjoni, kwalunkwe provvista sussegwenti jew it-tqegħid għad-dispożizzjoni għal persuni oħrajn fl-Unjoni bi ħlas jew mingħajr ħlas, l-użu jew l-esportazzjoni ta’ kontenituri li ma jistgħux jerġgħu jimtlew għall-gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, vojta, jew mimlijin kompletament jew parzjalment, għandu jkun ipprojbit. Tali kontenituri jistgħu jinħażnu jew jiġu ttrasportati biss għar-rimi sussegwenti. Dan il-paragrafu ma japplikax għal kontenituri għal użi fil-laboratorji jew analitiċi ta’ gassijiet fluworurati b’effett ta’ serra.

L-ewwel subparagrafu għandu japplika għal kontenituri li ma jistgħux jerġgħu jimtlew, jiġifieri:

4.   Impriżi li jqiegħdu fis-suq kontenituri li jistgħu jerġgħu jimtlew għal gassijiet fluworurati b’effett ta’ serra għandhom jipproduċu dikjarazzjoni ta’ konformità li tinkludi evidenza li tikkonferma li hemm arranġamenti vinkolanti stabbiliti biex dawk il-kontenituri jiġi rritornat għall-fini li jimtela mill-ġdid, u li b’mod partikolari tidentifika l-atturi rilevanti, l-impenji obbligatorji tagħhom u l-arranġamenti loġistiċi rilevanti. Dawk l-arranġamenti għandhom ikunu vinkolanti fuq id-distributuri tal-kontenituri li jistgħu jerġgħu jimtlew għall-gassijiet fluworurati b’effett ta’ serra lill-utent aħħari.

L-impriżi msemmija fl-ewwel subparagrafu għandhom iżommu d-dikjarazzjoni ta’ konformità għal perjodu ta’ mill-inqas 5 snin mit-tqegħid fis-suq tal-kontenituri li jistgħu jerġgħu jimtlew għal gassijiet fluworurati b’effett ta’ serra u għandhom jagħmlu dik id-dikjarazzjoni disponibbli, fuq talba, għall-awtorità kompetenti tal-Istat Membru kkonċernat jew għall-Kummissjoni. Il-fornituri tal-kontenituri li jistgħu jerġgħu jimtlew għal gassijiet fluworurati b’effett ta’ serra li fornihom lill-utenti aħħarin għandhom iżommu evidenza tal-konformità ma’ dawk l-arranġamenti msemmija fl-ewwel subparagrafu għal perjodu ta’ mill-inqas 5 snin mill-forniment lill-utent aħħari u għandhom jagħmlu dik l-evidenza disponibbli, fuq talba, għall-awtorità kompetenti tal-Istat Membru kkonċernat jew għall-Kummissjoni.

Il-Kummissjoni tista’, permezz ta’ atti ta’ implimentazzjoni, tiddetermina r-rekwiżiti biex jiġu inklużi l-elementi li huma essenzjali għall-arranġamenti vinkolanti msemmija fl-ewwel subparagrafu ta’ dan il-paragrafu fid-dikjarazzjoni ta’ konformità. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

5.   B’segwitu għal talba ssostanzjata minn awtorità kompetenti ta’ Stat Membru u b’kont meħud tal-objettivi ta’ dan ir-Regolament, il-Kummissjoni tista’, eċċezzjonalment, permezz ta’ atti ta’ implimentazzjoni, tawtorizza eżenzjoni għal mhux aktar minn 4 snin sabiex tippermetti t-tqegħid fis-suq ta’ prodotti u ta’ tagħmir elenkati fl-Anness IV, jew b’deroga mill-Artikolu 13(9), it-tħaddim ta’ kommutaturi elettriċi ġodda jew estiżi, inklużi partijiet tagħhom, li jkun fihom gassijiet fluworurati b’effett ta’ serra jew li l-funzjonament tagħhom jiddependi minn dawk il-gassijiet, meta jintwera li:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

6.   Huma biss il-persuni fiżiċi li għandhom ċertifikat meħtieġ skont l-Artikolu 10(1), l-ewwel subparagrafu, il-punt (a), jew impriżi li jimpjegaw persuni fiżiċi li għandhom ċertifikat meħtieġ skont l-Artikolu 10(1), l-ewwel subparagrafu, il-punt (a), jew attestazzjoni ta’ taħriġ meħtieġa skont l-Artikolu 10(1), it-tieni subparagrafu, għandhom jitħallew jixtru gassijiet fluworurati b’effett ta’ serra elenkati fl-Anness I jew fit-Taqsima 1 tal-Anness II, għall-fini tat-twettiq tal-installazzjoni, tal-manutenzjoni jew tas-servizzjar, jew tat-tiswija tat-tagħmir li fih dawk il-gassijiet, jew li l-funzjonament tiegħu jiddependi minn dawk il-gassijiet, imsemmija fl-Artikolu 5(2), il-punti (a) sa (f), u l-Artikolu 5(3), il-punti (a) u (b), u koperti taħt l-Artikolu 10(1), it-tieni subparagrafu. Il-bejjiegħa għandhom ibigħu jew joffru għall-bejgħ, direttament jew indirettament, tali gassijiet esklużivament lill-impriżi msemmija f’dan il-paragrafu.

Dan il-paragrafu ma għandux jipprevjeni lill-impriżi mhux iċċertifikati li ma jwettqux l-attivitajiet imsemmija fl-ewwel subparagrafu milli jiġbru, jittrasportaw jew li jwasslu gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II.

7.   Tagħmir mhux ermetikament issiġillat iċċarġjat b’gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, jista’ jinbiegħ biss lil utent aħħari meta tingħata prova li l-installazzjoni għandha titwettaq minn impriża ċertifikata f’konformità mal-Artikolu 10.

8.   Huma biss l-impriżi bi stabbiliment fl-Unjoni, jew li jkunu ħatru rappreżentant uniku bi stabbiliment fl-Unjoni li jassumi responsabbiltà sħiħa għall-konformità ma’ dan ir-Regolament, li għandhom jitħallew iqiegħdu fis-suq u sussegwentement ifornu gassijiet fluworurati b’effett ta’ serra bl-ingrossa. Ir-rappreżentant uniku jista’ jkun ir-rappreżentant maħtur skont l-Artikolu 8 tar-Regolament (KE) Nru 1907/2006.

1.   Il-prodotti u t-tagħmir li ġejjin li fihom gassijiet fluworurati b’effett ta’ serra jew li l-funzjonament tagħhom jiddependi minn dawk il-gassijiet, għandhom jitqiegħdu fis-suq biss, u sussegwentement jiġu fornuti u magħmula disponibbli għal kwalunkwe persuna oħra, jekk ikunu ttikkettati bħala:

2.   Prodotti jew tagħmir li huma soġġetti għal eżenzjoni kif imsemmi fl-Artikolu 11(5), kif ukoll prodotti jew tagħmir li jkun fihom gassijiet fluworurati b’effett ta’ serra elenkati fit-Taqsima 1 tal-Anness I, li huma soġġetti għal eżenzjoni kif imsemmi fl-Artikolu 16(4) għandhom ikunu ttikkettati kif xieraq, filwaqt li tiġi speċifikata d-data tat-tmiem tal-eżenzjoni, u għandhom jinkludu referenza li dawk il-prodotti jew tagħmir jistgħu jintużaw biss għall-fini li għalih tkun ingħatat eżenzjoni skont dak l-Artikolu.

3.   It-tikketta meħtieġa skont il-paragrafu 1 għandha tindika l-informazzjoni li ġejja:

It-tikketta għandha tindika l-informazzjoni li ġejja, fejn applikabbli:

Meta l-prodotti jew it-tagħmir ikunu ġew modifikati b’mod retroattiv u l-gassijiet fluworurati b’effett ta’ serra jkunu nbidlu, dawk il-prodotti jew it-tagħmir għandhom jiġu ttikkettati mill-ġdid b’informazzjoni aġġornata kif imsemmi f’dan il-paragrafu.

4.   It-tikketta meħtieġa skont il-paragrafu 1 għandha tkun tinqara b’mod ċar u ma tkunx tista’ titħassar u għandha titqiegħed jew:

It-tikketta għandha tkun miktuba bil-lingwi uffiċjali tal-Istat Membru li fih l-oġġett għandu jitqiegħed fis-suq, jiġi magħmul disponibbli jew jiġi fornut.

5.   Fowms u polioli mħalltin minn qabel li jkun fihom gassijiet fluworurati b’effett ta’ serra elenkati fl-Annessi I u II ma għandhomx jitqiegħdu fis-suq, jiġu magħmula disponibbli jew jiġu fornuti, sakemm il-gassijiet fluworurati b’effett ta’ serra ma jkunux identifikati permezz ta’ tikketta li tuża d-denominazzjoni industrijali aċċettata, jew jekk ma tkun disponibbli l-ebda denominazzjoni bħal din, l-isem kimiku. It-tikketta għandha tindika b’mod ċar li l-fowm jew il-poliolu mħallat minn qabel fih gassijiet fluworurati b’effett ta’ serra. Fil-każ ta’ pannelli tal-fowm u tal-bordijiet laminati, dik l-informazzjoni għandha tiġi ddikjarata b’mod ċar u li ma jistax jitħassar fuq il-pannelli jew il-bordijiet.

6.   Fejn rilevanti, il-kontenituri li fihom gassijiet fluworurati b’effett ta’ serra mimlija mill-ġdid għandhom jiġu ttikkettati mill-ġdid bl-informazzjoni aġġornata kif imsemmi fl-ewwel subparagrafu tal-paragrafu 3.

7.   Kontenituri li fihom gassijiet fluworurati b’effett ta’ serra reklamati jew irriċiklati elenkati fl-Annessi I u II għandhom ikunu ttikkettati b’indikazzjoni li s-sustanza ġiet reklamata jew irriċiklata. Fil-każ tar-reklamazzjoni, għandha tiġi inkluża informazzjoni dwar in-numru tal-lott u l-isem u l-indirizz tal-faċilità tar-reklamazzjoni fl-Unjoni.

8.   Kontenituri li fihom gassijiet fluworurati b’effett ta’ serra elenkati fl-Anness I u mqegħdin fis-suq, magħmula disponibbli jew fornuti għall-qerda għandhom ikunu ttikkettati b’indikazzjoni li l-kontenut tal-kontenitur huwa biss għall-qerda.

9.   Kontenituri li fihom gassijiet fluworurati b’effett ta’ serra elenkati fl-Anness I u maħsubin għall-esportazzjoni diretta għandhom ikunu ttikkettati b’indikazzjoni li l-kontenut tal-kontenitur huwa biss għall-esportazzjoni diretta.

10.   Kontenituri li fihom gassijiet fluworurati b’effett ta’ serra elenkati fl-Anness I u mqegħdin fis-suq, magħmula disponibbli jew fornuti għall-użu f’tagħmir militari għandhom ikunu ttikkettati b’indikazzjoni li l-kontenut tal-kontenitur għandu jintuża biss għal dak il-fini.

11.   Kontenituri li fihom gassijiet fluworurati b’effett ta’ serra elenkati fl-Annessi I u II u mqegħdin fis-suq, magħmula disponibbli jew fornuti għall-inċiżjoni ta’ materjal semikonduttur jew għat-tindif ta’ kmamar ta’ depożizzjoni ta’ fwar tal-kimiċi fis-settur tal-manifattura tas-semikondutturi għandhom ikunu ttikkettati b’indikazzjoni li l-kontenut tal-kontenitur għandu jintuża biss għal dak il-fini.

12.   Kontenituri li fihom gassijiet fluworurati b’effett ta’ serra elenkati fl-Anness I u mqegħdin fis-suq, magħmula disponibbli jew fornuti għall-użu bħala materja prima għandhom ikunu ttikkettati b’indikazzjoni li l-kontenut tal-kontenitur għandu jintuża bħala materja prima biss.

13.   Kontenituri li fihom gassijiet fluworurati b’effett ta’ serra elenkati fit-Taqsima 1 tal-Anness I, u mqegħdin fis-suq, magħmula disponibbli jew fornuti, għall-produzzjoni ta’ inalaturi b’doża mkejla għall-għoti ta’ ingredjenti farmaċewtiċi għandhom ikunu ttikkettati b’indikazzjoni li l-kontenut tal-kontenitur għandu jintuża għal dak il-fini biss.

14.   Fil-każ ta’ kontenituri li fihom gassijiet fluworurati b’effett ta’ serra elenkati fit-Taqsima 1 tal-Anness I, it-tikketta msemmija fil-paragrafi 8 sa 12 għandha tinkludi l-indikazzjoni “eżentat mill-kwota skont ir-Regolament (UE) 2024/573 tal-Parlament Ewropew u tal-Kunsill”.

Fin-nuqqas tar-rekwiżiti tat-tikkettar imsemmija fl-ewwel subparagrafu ta’ dan il-paragrafu u fil-paragrafi 8 sa 12, l-idrofluworokarburi għandhom ikunu soġġetti għar-rekwiżiti tal-kwota skont l-Artikolu 16(1).

15.   Fil-każijiet imsemmija fil-punti 2(b), 4, 5(c), 7(b), (c) u (d), 8(b) sa (e), 9(b) sa (f), 11(c), 16, 17(a), (b) u (c), u 19(a) u (b) tal-Anness IV, il-prodott jew it-tagħmir għandhom ikunu ttikkettati b’indikazzjoni li għandhom jintużaw biss fejn meħtieġ mir-rekwiżiti ta’ sikurezza jew standards ta’ sikurezza nazzjonali, kif applikabbli. Dawk ir-rekwiżiti jew standards għandhom jiġu speċifikati fuq it-tikketta. Fil-każijiet imsemmija fil-punti 19 u 21 tal-Anness IV, il-prodott jew it-tagħmir għandhom ikunu ttikkettati b’indikazzjoni li l-prodott jew it-tagħmir għandhom jintużaw biss fejn meħtieġ mill-applikazzjoni medika speċifikata fuq it-tikketta.

16.   L-informazzjoni msemmija fil-paragrafi 3 u 5 għandha tiġi inkluża f’manwali ta’ struzzjonijiet għall-prodotti u għat-tagħmir ikkonċernati.

Fil-każ ta’ prodotti u ta’ tagħmir li fihom gassijiet fluworurati b’effett ta’ serra elenkati fl-Annessi I u II b’potenzjal ta’ tisħin globali ta’ 150 jew aktar, dik l-informazzjoni għandha tiġi inkluża wkoll fid-deskrizzjonijiet użati għar-reklamar.

17.   Il-Kummissjoni, permezz ta’ atti ta’ implimentazzjoni, tista’ tiddetermina l-format tat-tikketti msemmijin fil-paragrafu 1 u fil-paragrafi 4 sa 15 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

18.   Il-Kummissjoni għandha s-setgħa li tadotta atti delegati skont l-Artikolu 32 biex temenda r-rekwiżiti tat-tikkettar stabbiliti fil-paragrafi 4 sa 15, ta’ dan l-Artikolu fejn xieraq, fid-dawl ta’ żvilupp kummerċjali jew teknoloġiku.

1.   L-użu tal-SF6 fil-pressofunditura tal-manjeżju u fir-riċiklaġġ tal-ligi tal-pressofunditura tal-manjeżju għandu jkun ipprojbit.

2.   L-użu tal-SF6 tal-kubrit sabiex jimtlew it-tajers tal-vetturi għandu jkun ipprojbit.

3.   L-użu ta’ gassijiet fluworurati b’effett ta’ serra, b’potenzjal ta’ tisħin globali ta’ 2 500 jew aktar, għall-manutenzjoni jew għas-servizzjar ta’ tagħmir ta’ refriġerazzjoni b’daqs ta’ ċarġ ta’ 40 tunnellata tal-ekwivalenti ta’ CO2 jew aktar, għandu jkun projbit. Mill-1 ta’ Jannar 2025, l-użu ta’ gassijiet fluworurati b’effett ta’ serra, b’potenzjal ta’ tisħin globali ta’ 2 500 jew aktar, għall-manutenzjoni jew għas-servizzjar ta’ kwalunkwe tagħmir ta’ refriġerazzjoni għandu jkun ipprojbit.

Il-projbizzjoni msemmija fl-ewwel subparagrafu ma għandhiex tapplika għal tagħmir militari jew tagħmir intenzjonat għal applikazzjonijiet iddisinjati biex ikessħu l-prodotti għal temperaturi taħt - 50 °C.

Sal-1 ta’ Jannar 2030, il-projbizzjonijiet imsemmija fl-ewwel subparagrafu ma għandhomx japplikaw għall-kategoriji ta’ gassijiet fluworurati b’effett ta’ serra li ġejjin:

Il-projbizzjonijiet imsemmija fl-ewwel subparagrafu ma għandhomx japplikaw għal tagħmir ta’ refriġerazzjoni li għalih tkun ġiet awtorizzata eżenzjoni f’konformità mal-Artikolu 11(5).

4.   Mill-1 ta’ Jannar 2026, l-użu ta’ gassijiet fluworurati b’effett ta’ serra elenkati fl-Anness I, b’potenzjal ta’ tisħin globali ta’ 2 500 jew aktar, għall-manutenzjoni jew għas-servizzjar ta’ tagħmir ta’ arja kundizzjonata u pompi tas-sħana għandu jkun ipprojbit.

Il-projbizzjoni msemmija fl-ewwel subparagrafu ma għandhiex tapplika għall-kategoriji ta’ gassijiet fluworurati b’effett ta’ serra li ġejjin sal-1 ta’ Jannar 2032:

5.   Mill-1 ta’ Jannar 2032, l-użu ta’ gassijiet fluworurati b’effett ta’ serra elenkati fl-Anness I, b’potenzjal ta’ tisħin globali ta’ 750 jew aktar, għall-manutenzjoni jew għas-servizzjar ta’ tagħmir ta’ refriġerazzjoni stazzjonarju, bl-esklużjoni ta’ chillers għandu jkun ipprojbit.

Il-projbizzjoni msemmija fl-ewwel subparagrafu ma għandhiex tapplika għal tagħmir militari jew għal tagħmir intenzjonat għal applikazzjonijiet iddisinjati għat-tkessiħ ta’ prodotti għal temperaturi taħt – 50 °C jew tagħmir intenzjonat għal applikazzjonijiet iddisinjati għat-tkessiħ ta’ impjanti tal-enerġija nukleari.

Il-projbizzjoni msemmija fl-ewwel subparagrafu ma għandhiex tapplika għall-kategoriji ta’ gassijiet fluworurati b’effett ta’ serra li ġejjin:

6.   Wara talba ssostanzjata minn awtorità kompetenti ta’ Stat Membru u b’kont meħud tal-objettivi ta’ dan ir-Regolament, il-Kummissjoni għandha tivvaluta d-disponibbiltà ta’ gassijiet fluworurati b’effett ta’ serra reklamati u riċiklati li jaqgħu fil-kamp ta’ applikazzjoni tal-paragrafi 4 u 5. Meta l-valutazzjoni tal-Kummissjoni tindika nuqqas ivverifikat ta’ gass fluworurat b’effett ta’ serra reklamat u riċiklat, il-Kummissjoni tista’, eċċezzjonalment, permezz ta’ atti ta’ implimentazzjoni, tawtorizza eżenzjoni mill-projbizzjonijiet stabbiliti fil-paragrafu 4 jew 5, għal mhux aktar minn 4 snin, sal-il-punt meħtieġ biex jiġi indirizzat in-nuqqas identifikat.

7.   Mill-1 ta’ Jannar 2035, l-użu ta’ SF6 għall-manutenzjoni jew għas-servizzjar ta’ tagħmir ta’ kommutatur elettriku għandu jkun ipprojbit sakemm ma jiġix reklamat jew riċiklat, ħlief jekk jiġi ppruvat li SF6 reklamati jew riċiklati:

F’tali każijiet, l-utent għandu jipprovdi evidenza, fuq talba, li tistabbilixxi l-ġustifikazzjoni għall-użu lill-awtorità kompetenti tal-Istat Membru kkonċernat jew lill-Kummissjoni.

Dan il-paragrafu ma għandux japplika għal tagħmir militari.

8.   L-użu ta’ desfluran bħala anestetiku li jittieħed man-nifs għandu jkun ipprojbit mill-1 ta’ Jannar 2026, ħlief meta tali użu jkun strettament meħtieġ u, għal raġunijiet mediċi, ma jkun jista’ jintuża l-ebda anestetiku ieħor. L-istituzzjoni tal-kura tas-saħħa għandha żżomm evidenza tal-ġustifikazzjoni medika, u tipprovdiha, fuq talba, lill-awtorità kompetenti tal-Istat Membru kkonċernat jew lill-Kummissjoni.

9.   It-tħaddim tal-kommutatur elettriku li ġej, li juża, jew li l-funzjonament tiegħu jkun jiddependi minn, gassijiet fluworurati b’effett ta’ serra f’mezz iżolanti jew ta’ qtugħ għandu jkun ipprojbit kif ġej:

10.   It-tneħħija mit-tħaddim ta’ kommutatur elettriku li jkun qed jopera fl-Unjoni u t-tħaddim sussegwenti ta’ dak il-kommutatur elettriku f’sit differenti fl-Unjoni ma għandhomx jitqiesu bħala tħaddim għall-finijiet ta’ dan l-Artikolu.

11.   B’deroga mill-paragrafu 9, it-tħaddim ta’ kommutatur elettriku li juża jew li l-funzjonament tiegħu jkun jiddependi minn mezz iżolanti jew ta’ qtugħ b’potenzjal ta' tisħin globali ta’ anqas minn 1 000 huwa permess jekk, wara proċedura ta’ akkwist li tqis l-ispeċifiċitajiet tekniċi tat-tagħmir meħtieġ għall-użu speċifiku kkonċernat, tapplika waħda mis-sitwazzjonijiet li ġejjin:

12.   B’deroga mill-paragrafu 11, it-tħaddim ta’ kommutaturi elettriċi b’mezz iżolanti jew ta’ qtugħ b’potenzjal ta' tisħin globali ta’ 1 000 jew aktar huwa permess jekk, wara proċedura ta’ akkwist li tqis l-ispeċifiċitajiet tekniċi tat-tagħmir meħtieġ għall-użu speċifiku kkonċernat, ma tkun waslet l-ebda offerta għal kommutatur elettriku b’mezz iżolanti jew ta’ qtugħ b’potenzjal ta' tisħin globali ta’ anqas minn 1 000.

13.   Il-paragrafu 9 ma għandux japplika għal kommutatur elettriku li għalih ikun ġie stabbilit skont ir-rekwiżiti tal-ekodisinn adottati skont id-Direttiva 2009/125/KE, li l-emissjonijiet ekwivalenti għas-CO2 matul iċ-ċiklu tal-ħajja tiegħu jkunu anqas minn dawk ta’ tagħmir ekwivalenti li jissodisfa r-rekwiżiti ta’ ekodisinn rilevanti u jkun konformi mal-limiti tal-potenzjal ta' tisħin globali fil-paragrafu 9.

14.   Il-paragrafu 9 ma għandux japplika meta l-operatur jista’ jipprovdi evidenza li l-ordni għall-kommutatur elettriku tkun tqiegħdet qabel il-11 ta’ Marzu 2024.

15.   Il-paragrafu 9 ma għandux japplika meta l-apparati għall-estensjoni tal-kommutatur elettriku eżistenti li juża gassijiet fluworurati b’effett ta’ serra b’potenzjal ta' tisħin globali aktar baxx mill-gassijiet fluworurati b’effett ta’ serra użati fil-kommutatur elettriku eżistenti ma jkunx kompatibbli mal-kommutatur elettriku eżistenti, u l-użu ta’ dawk l-apparati jkun jeħtieġ is-sostituzzjoni tal-kommutatur elettriku kollu eżistenti.

16.   Meta tapplika deroga elenkata fil-paragrafi 10, 11, 12, 13, 14 jew 15, l-operatur għandu jżomm dokumentazzjoni li tistabbilixxi l-evidenza għad-deroga għal mill-inqas 5 snin u għandu jagħmilha disponibbli, fuq talba, lill-awtorità kompetenti tal-Istat Membru kkonċernat u lill-Kummissjoni.

17.   L-operatur għandu jinnotifika lill-awtorità kompetenti fl-Istat Membru fejn il-kommutatur elettriku jibda jitħaddem meta japplika deroga elenkata fil-paragrafi 11, 12, 14 jew 15.

18.   Partijiet ta’ tagħmir jistgħu jiġu installati għat-tiswija jew għas-servizzjar ta’ kommutatur elettriku eżistenti dment li ma jkun hemm l-ebda bidla tat-tip ta’ gass fluworurat b’effett ta’ serra użat li jwassal għal żieda fil-potenzjal ta’ tisħin globali tal-gass fluworurat b’effett ta’ serra użat jew għal żieda fl-ammont ta’ gassijiet fluworurati b’effett ta’ serra li jinsabu fit-tagħmir.

19.   It-tħaddim ta’ kwalunkwe tagħmir jew l-utilizzazzjoni ta’ kwalunkwe prodott elenkat fil-punti 2(b), 4, 5(c), 7(b), (c) u (d), 8(b) sa (e), 9(b) sa (f), 11(c), 17(c) u 19(b) tal-Anness IV wara d-data ta’ projbizzjoni rispettiva speċifikata f’dawk il-punti għandu jkun ipprojbit sakemm l-operatur ma jkunx jista’ jipprovdi evidenza li:

20.   L-operatur għandu jżomm dokumentazzjoni li tistabbilixxi l-evidenza msemmija fil-paragrafu 19 għal mill-inqas 5 snin u għandu jagħmilha disponibbli, fuq talba, lill-awtorità kompetenti tal-Istat Membru kkonċernat jew lill-Kummissjoni.

1.   Għall-finijiet ta’ dan l-Artikolu, l-Artikolu 15 u l-Anness V, il-produzzjoni ta’ idrofluworokarburi hija l-ammont ta’ idrofluworokarburi prodotti nieqes l-ammont meqrud mit-teknoloġija approvata mill-Partijiet għall-Protokoll, u nieqes l-ammont użat kompletament bħala materja prima fil-manifattura ta’ sustanzi kimiċi oħra, iżda li tinkludi l-idrofluworokarburi ġġenerati bħala prodott sekondarju, sakemm ma jkunux maqbuda jew sakemm dak il-prodott sekondarju ma jkunx inqered bħala parti mill-proċess tal-produzzjoni jew wara l-proċess tal-produzzjoni mill-produttur jew ingħadda lil impriża oħra għall-qerda. L-ebda ammont ta’ idrofluworokarburi reklamati ma għandu jitqies fil-kalkolu tal-produzzjoni tal-idrofluworokarburi.

2.   Il-produzzjoni ta’ idrofluworokarburi għandha tkun permessa sal-il-punt li l-produtturi jkunu ġew allokati drittijiet ta’ produzzjoni mill-Kummissjoni f’konformità ma’ dan l-Artikolu.

3.   Qabel l-1 ta’ Jannar 2025, il-Kummissjoni għandha, permezz ta’ atti ta’ implimentazzjoni, talloka d-drittijiet tal-produzzjoni fuq il-bażi tal-Anness V għall-produtturi li pproduċew idrofluworokarburi fl-2022, fuq il-bażi tad-data rrapportata skont l-Artikolu 19 tar-Regolament (UE) Nru 517/2014. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

4.   Permezz ta’ atti ta’ implimentazzjoni, u fuq talba tal-awtorità kompetenti ta’ Stat Membru, il-Kummissjoni tista’ temenda l-atti ta’ implimentazzjoni msemmijin fil-paragrafu 3 sabiex talloka drittijiet ta’ produzzjoni addizzjonali lill-produtturi msemmijin fil-paragrafu 3 jew lil kwalunkwe impriża oħra stabbilita fl-Unjoni, sakemm ma jinqabżux il-limiti tal-produzzjoni tal-Istat Membru skont il-Protokoll. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

5.   Fin-nuqqas ta’ att ta’ implimentazzjoni li jkun effettiv qabel l-1 ta’ Jannar 2025, il-produtturi jistgħu jkomplu jipproduċu idrofluworokarburi mingħajr ma jiġu allokati drittijiet tal-produzzjoni. L-idrofluworokarburi prodotti matul tali perjodu għandhom jgħoddu għall-allokazzjoni tad-drittijiet tal-produzzjoni ladarba jinħarġu f’konformità mal-att ta’ implimentazzjoni msemmi fil-paragrafu 3.

6.   Tliet snin wara l-adozzjoni tal-atti ta’ implimentazzjoni msemmija fil-paragrafu 3, u kull 3 snin wara din, il-Kummissjoni għandha tirrieżamina u, jekk meħtieġ, temenda, dawk l-atti ta’ implimentazzjoni, filwaqt li tqis il-bidliet fid-drittijiet tal-produzzjoni skont l-Artikolu 15 matul it-3 snin preċedenti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

1.   Għall-finijiet ta’ razzjonalizzazzjoni industrijali fi Stat Membru, il-produtturi jistgħu jittrasferixxu totalment jew parzjalment id-drittijiet tal-produzzjoni tagħhom lil kwalunkwe impriża oħra f’dak l-Istat Membru, dment li jiġu rrispettati l-livelli kkalkolati tal-produzzjoni tal-Partijiet għall-Protokoll. It-trasferimenti għandhom jiġu approvati mill-Kummissjoni u mill-awtoritajiet kompetenti rilevanti u jitwettqu permezz tal-Portal tal-gassijiet F.

2.   Għall-finijiet ta’ razzjonalizzazzjoni industrijali bejn l-Istati Membri, il-Kummissjoni tista’, bi qbil kemm mal-awtorità kompetenti tal-Istat Membru li fih tinsab il-produzzjoni rilevanti ta’ produttur, u l-awtorità kompetenti tal-Istat Membru li fih ikunu disponibbli livelli kkalkolati ta’ produzzjoni żejda skont il-Protokoll, tawtorizza permezz tal-Portal tal-gassijiet F lil dak il-produttur sabiex jeċċedi id-drittijiet ta’ produzzjoni tiegħu msemmija fl-Artikolu 14(3) b’ammont speċifikat, b’kunsiderazzjoni tal-kundizzjonijiet stabbiliti fil-Protokoll.

3.   Il-Kummissjoni tista’, bi qbil kemm mal-awtorità kompetenti tal-Istat Membru li fih tinsab il-produzzjoni rilevanti ta’ produttur kif ukoll mal-awtorità kompetenti tal-Parti kkonċernata tal-pajjiż terz, tawtorizza produttur sabiex jgħaqqad id-drittijiet ta’ produzzjoni msemmija fl-Artikolu 14 mal-livelli kkalkolati ta’ produzzjoni permessi lil produttur f’Parti ta’ pajjiż terz skont il-Protokoll u l-liġi nazzjonali ta’ dak il-produttur għall-fini ta’ razzjonalizzazzjoni industrijali ma’ Parti ta’ pajjiż terz, dment li l-produzzjoni kkombinata miż-żewġ produtturi ma twassalx għal skorriment tal-livelli kkalkolati ta’ produzzjoni taż-żewġ Partijiet għall-Protokoll u tiġi rrispettata kwalunkwe liġi nazzjonali rilevanti.

1.   It-tqegħid fis-suq ta’ idrofluworokarburi għandu jkun permess biss sal-il-punt li l-produtturi u l-importaturi jkunu ġew allokati kwota mill-Kummissjoni kif stabbilit fl-Artikolu 17.

Il-produtturi u l-importaturi li jqiegħdu idrofluworokarburi fis-suq ma għandhomx jaqbżu l-kwota disponibbli għalihom fil-mument tat-tqegħid fis-suq.

2.   Il-paragrafu 1 ma għandux japplika għal idrofluworokarburi li huma:

3.   Il-Kummissjoni għandha s-setgħa li tadotta atti delegati f’konformità mal-Artikolu 32 sabiex temenda l-paragrafu 2 u teskludi mir-rekwiżit tal-kwota stabbilit fil-paragrafu 1 idrofluworokarburi f’konformità mad-deċiżjonijiet tal-Partijiet għall-Protokoll.

4.   B’segwitu għal talba ssostanzjata minn awtorità kompetenti ta’ Stat Membru u b’kont meħud tal-objettivi ta’ dan ir-Regolament, u fid-dawl ta’ kwalunkwe data pprovduta mill-Aġenzija Ewropea għall-Mediċini, il-Kummissjoni tista’, eċċezzjonalment, permezz ta’ atti ta’ implimentazzjoni, tawtorizza eżenzjoni għal mhux aktar minn 4 snin sabiex ikunu esklużi mir-rekwiżit tal-kwota stabbilit fil-paragrafu 1 l-idrofluworokarburi għall-użu f’applikazzjonijiet speċifiċi, jew kategoriji speċifiċi ta’ prodotti jew ta’ tagħmir, meta fit-talba jintwera li:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

5.   L-emissjoni tal-idrofluworokarburi matul il-produzzjoni għandha titqies bħala mqiegħda fis-suq fis-sena li fiha sseħħ.

6.   Dan l-Artikolu u l-Artikoli 17, 20 sa 29 u 31 għandhom japplikaw ukoll għall-idrofluworokarburi li jinsabu f’polioli mħalltin minn qabel.

1.   Sal-31 ta’ Ottubru 2024 u mill-inqas kull 3 snin wara dan, il-Kummissjoni għandha tiddetermina l-valuri ta’ referenza għall-produtturi u għall-importaturi f’konformità mal-Anness VII għat-tqegħid tal-idrofluworokarburi fis-suq.

Il-Kummissjoni għandha tiddetermina dawk il-valuri ta’ referenza għall-produtturi u għall-importaturi kollha li jkunu qiegħdu fis-suq idrofluworokarburi matul 3 snin preċedenti, permezz ta’ att ta’ implimentazzjoni li jiddetermina l-valuri ta’ referenza għall-produtturi u għall-importaturi kollha. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

2.   Produttur jew importatur jista’ jinnotifika lill-Kummissjoni dwar suċċessjoni jew akkwiżizzjoni permanenti tal-parti tan-negozju tiegħu rilevanti għal dan l-Artikolu, li jirriżulta f’bidla fl-attribuzzjoni tal-valuri ta’ referenza tiegħu u dawk tas-suċċessur legali tiegħu.

Il-Kummissjoni tista’ titlob dokumentazzjoni rilevanti għal dak l-għan. Il-valuri ta’ referenza aġġustati għandhom ikunu aċċessibbli fil-Portal tal-gassijiet F.

3.   Sal-1 ta’ Ġunju 2024 u sal-1 ta’ April 2027 u mill-inqas kull 3 snin wara dan, il-produtturi u l-importaturi jistgħu jagħmlu dikjarazzjoni għar-riċevuta ta’ kwota mir-riżerva msemmija fl-Anness VIII permezz tal-Portal tal-gassijiet F.

4.   Sal-31 ta’ Diċembru 2024 u kull sena wara dan, il-Kummissjoni għandha talloka kwota għal kull produttur u importatur għat-tqegħid fis-suq ta’ idrofluworokarburi, skont l-Anness VIII. Il-kwota għandha tiġi nnotifikati permezz tal-Portal tal-gassijiet F lill-produtturi u lill-importaturi.

5.   L-allokazzjonijiet tal-kwota għandhom ikunu soġġetti għall-ħlas tal-ammont dovut li huwa ugwali għal tliet euro għal kull tunnellata f’ekwivalenti ta’ CO2 tal-kwota li għandha tiġi allokata. Il-produtturi u l-importaturi għandhom jiġu nnotifikati permezz tal-Portal tal-gassijiet F bl-ammont totali dovut għall-allokazzjoni massima kkalkolata tal-kwota tagħhom għas-sena kalendarja ta’ wara u bl-iskadenza għat-tlestija tal-pagament. Permezz ta’ atti ta’ implimentazzjoni, il-Kummissjoni tista’ tiddetermina l-arranġamenti dettaljati għall-pagament tal-ammont dovut. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

Il-produtturi u l-importaturi u l-produtturi jistgħu jħallsu biss għal parti mill-allokazzjoni massima kkalkolata tal-kwota offruta lilhom. F’każ bħal dan, dawk il-produtturi u l-importaturi għandhom jiġu allokati l-kwota li tikkorrispondi għall-pagament li jsir sal-iskadenza msemmija fl-ewwel subparagrafu.

Sal-31 ta’ Diċembru 2027, il-Kummissjoni għandha tqassam mill-ġdid il-kwota li għaliha ma jkunx sar pagament sal-iskadenza stabbilita, mingħajr ħlas, lil dawk il-produtturi u l-importaturi biss li jkunu ħallsu l-ammont totali dovut għall-allokazzjoni massima kkalkolata tal-kwota tagħhom imsemmija fl-ewwel subparagrafu u li jkunu għamlu dikjarazzjoni kif imsemmi fil-paragrafu 3. Dik id-distribuzzjoni mill-ġdid għandha ssir fuq il-bażi tas-sehem ta’ kull produttur jew importatur mis-somma tal-kwota massima kkalkolata kollha offruta lil dawk il-produtturi u l-importaturi mħallsa bis-sħiħ minnhom. Mill-1 ta’ Jannar 2028, il-kwota li għaliha ma jkunx sar pagament sal-iskadenza stabbilita għandha titħassar.

Il-Kummissjoni għandha tkun awtorizzata li ma tallokax bis-sħiħ il-kwantità massima msemmija fl-Anness VII jew talloka kwota addizzjonali, bħala kontinġenza għal kwistjonijiet ta’ implimentazzjoni matul il-perjodu ta’ allokazzjoni.

6.   Il-Kummissjoni għandha s-setgħa li tadotta atti delegati f’konformità mal-Artikolu 32 sabiex temenda l-paragrafu 5 ta’ dan l-Artikolu fir-rigward tal-ammonti dovuti għall-allokazzjoni tal-kwota u tal-mekkaniżmu sabiex tiġi allokata l-kwota li jifdal, sabiex tikkumpensa għall-inflazzjoni.

7.   Kull sena, jew aktar spiss wara talba ssostanzjata minn awtorità kompetenti ta’ Stat Membru, il-Kummissjoni għandha, wara konsultazzjoni mal-partijiet ikkonċernati rilevanti, tivvaluta l-impatt tas-sistema ta’ tnaqqis gradwali tal-kwota stabbilita fl-Anness VII fuq is-suq tal-pompi tas-sħana tal-Unjoni filwaqt li tqis il-fatturi rilevanti, b’mod partikolari, l-iżvilupp tal-prezzijiet tal-gassijiet fluworurati b’effett ta’ serra elenkati fit-Taqsima 1 tal-Anness I ir-rata ta’ tkabbir tat-tagħmir tal-pompi tas-sħana li jkun għadu jeħtieġ tali gassijiet, l-adozzjoni mis-suq ta’ teknoloġija alternattiva u l-istat tal-mira tar-rata ta’ introduzzjoni tal-pompi tas-sħana pprovduta skont il-Pjan REPowerEU. Il-Kummissjoni għandha tinkludi l-konklużjonijiet minn dawk il-valutazzjonijiet fir-Rapport Annwali tal-Attività rilevanti dwar l-Azzjoni Klimatika.

Meta l-valutazzjoni turi nuqqas sever ta’ gassijiet fluworurati b’effett ta’ serra elenkati fit-Taqsima 1 tal-Anness I għall-introduzzjoni ta’ pompi tas-sħana li tista’ tipperikola l-ilħuq tal-miri tal-introduzzjoni tal-pompi tas-sħana REPowerEU, il-Kummissjoni għandha tadotta atti delegati f’konformità mal-Artikolu 32 biex temenda l-Anness VII sabiex tippermetti t-tqegħid fis-suq ta’ kwantità ta’ gassijiet fluworurati b’effett ta’ serra elenkati fl-Anness I, flimkien mal-kwota skont l-Anness VII, rispettivament sa 4 410 247 tunnellata ta’ ekwivalenti ta’ CO2, kull sena, għall-perjodu 2025-2026 u sa 1 425 536 tunnellata ta’ ekwivalenti ta’ CO2, kull sena, għall-perjodu 2027-2029.

Meta l-Kummissjoni tadotta att delegat kif imsemmi fit-tieni subparagrafu ta’ dan l-Artikolu, il-kwota addizzjonali għandha titqassam lill-produtturi u lill-importaturi li jkunu rrappurtaw skont l-Artikolu 26, fis-sena preċedenti, dwar l-użu tal-pompi tas-sħana bħala waħda mill-kategoriji ewlenin ta’ applikazzjoni li fiha tintuża s-sustanza, wara li t-talba tagħhom titressaq permezz tal-Portal tal-gassijiet F.

8.   Id-dħul iġġenerat mill-ammont tal-allokazzjoni tal-kwota għandu jikkostitwixxi dħul assenjat estern f’konformità mal-Artikolu 21(5) tar-Regolament (UE, Euratom) 2018/1046 tal-Parlament Ewropew u tal-Kunsill (26). Dak id-dħul għandu jiġi assenjat lill-programm LIFE u lill-Intestatura 7 tal-qafas finanzjarju pluriennali (l-Amministrazzjoni Pubblika Ewropea), sabiex ikopri l-kostijiet tal-persunal estern li jaħdem fuq il-ġestjoni tal-allokazzjoni tal-kwota, tas-servizzi tal-IT, u tas-sistemi ta’ liċenzjar għall-finijiet tal-implimentazzjoni ta’ dan ir-Regolament u sabiex tiġi żgurata l-konformità mal-Protokoll. Id-dħul użat biex ikopri dawk il-kostijiet ma għandux jaqbeż l-ammont massimu annwali ta’ EUR 3 miljun. Kwalunkwe dħul li jifdal wara li jiġu koperti dawn il-kostijiet għandu jiddaħħal fil-baġit ġenerali tal-Unjoni.

1.   Il-kwota għandha tiġi allokata biss lill-produtturi jew lill-importaturi li għandhom stabbiliment fl-Unjoni, jew li jkunu ħatru lil rappreżentant uniku bi stabbiliment fl-Unjoni li jassumi r-responsabbiltà sħiħa għall-konformità ma’ dan ir-Regolament u mar-rekwiżiti tat-Titolu II tar-Regolament (KE) Nru 1907/2006. Ir-rappreżentant uniku jista’ jkun l-istess wieħed maħtur skont l-Artikolu 8 tar-Regolament (KE) Nru 1907/2006.

2.   Huma biss il-produtturi u l-importaturi li jkollhom esperjenza fl-attivitajiet ta’ negozjar ta’ sustanzi kimiċi jew fis-servizzjar tar-refriġerazzjoni, l-arja kundizzjonata, jew it-tagħmir tal-protezzjoni min-nar jew il-pompi tas-sħana għal 3 snin konsekuttivi qabel il-perjodu ta’ allokazzjoni tal-kwota, li jistgħu jissottomettu dikjarazzjoni msemmija fl-Artikolu 17(3) jew jirċievu allokazzjoni tal-kwota fuq dik il-bażi, skont l-Artikolu 17(4). Il-produtturi u l-importaturi għandhom jippreżentaw evidenza għal dak l-għan lill-Kummissjoni, fuq talba.

3.   Għall-finijiet tar-reġistrazzjoni fil-Portal tal-gassijiet F, il-produtturi u l-importaturi għandhom jipprovdu indirizz fiżiku fejn tinsab l-impriża u minn fejn twettaq in-negozju tagħha. Impriża waħda biss għandha tiġi rreġistrata bl-istess indirizz fiżiku.

Għall-finijiet tas-sottomissjoni ta’ dikjarazzjoni tal-kwota skont l-Artikolu 17(3) u tar-riċevuta ta’ allokazzjoni tal-kwota skont l-Artikolu 17(4), kif ukoll għall-fini tad-determinazzjoni tal-valuri ta’ referenza skont l-Artikolu 17(1), l-impriżi kollha li jikkondividu l-istess sid benefiċjarju, għandhom jitqiesu bħala impriża unika. Hija biss dik l-impriża unika, li hija dik reġistrata l-ewwel fil-Portal tal-gassijiet F sakemm ma jkunx indikat mod ieħor mis-sid benefiċjarju, li għandha tkun intitolata għal valur ta’ referenza skont l-Artikolu 17(1) u għal allokazzjoni tal-kwota skont l-Artikolu 17(4).

1.   Tagħmir tar-refriġerazzjoni u tal-arja kundizzjonata, pompi tas-sħana u inalaturi b’doża mkejla ċċarġjati minn qabel b’sustanzi elenkati fit-Taqsima 1 tal-Anness I, ma għandhomx jitqiegħdu fis-suq ħlief jekk dawk is-sustanzi li bihom ġew iċċarġjati minn qabel il-prodotti jew it-tagħmir jitqiesu fis-sistema tal-kwota msemmija f’dan il-Kapitolu.

Il-projbizzjoni stabbilita fl-ewwel subparagrafu għandha tapplika għal tali inalaturi ta' doża mkejla mill-1 ta' Jannar 2025.

2.   Meta jqiegħdu fis-suq prodotti jew tagħmir iċċarġjati minn qabel kif imsemmi fil-paragrafu 1, il-manifatturi u l-importaturi tal-prodotti jew tat-tagħmir għandhom jiżguraw li l-konformità mal-paragrafu 1 tkun iddokumentata bis-sħiħ u għandhom ifasslu dikjarazzjoni ta’ konformità f’dan ir-rigward.

Bil-formulazzjoni tad-dikjarazzjoni ta’ konformità, il-manifatturi u l-importaturi tal-prodotti jew tat-tagħmir għandhom jassumu r-responsabbiltà għall-konformità ma’ dan il-paragrafu u mal-paragrafu 1.

Il-manifatturi u l-importaturi tal-prodotti jew tat-tagħmir għandhom iżommu d-dokumentazzjoni u d-dikjarazzjoni ta’ konformità għal perjodu ta’ mill-inqas 5 snin mit-tqegħid fis-suq ta’ dawk l-prodotti jew ta’ dak it-tagħmir u għandhom jagħmluhom disponibbli, fuq talba, għall-awtorità kompetenti tal-Istat Membru kkonċernat jew lill-Kummissjoni.

3.   Meta l-idrofluworokarburi li jinsabu fil-prodotti jew fit-tagħmir imsemmija fil-paragrafu 1 ma jkunux tqiegħdu fis-suq qabel ma jiġu ċċarġjati l-prodotti jew it-tagħmir, l-importaturi ta’ dawk il-prodotti jew ta’ dak it-tagħmir għandhom jiżguraw li, sat-30 ta’ April 2025 u kull sena wara dan, l-akkuratezza tad-dokumentazzjoni, tad-dikjarazzjoni ta’ konformità u l-veraċità tar-rapport tagħhom skont l-Artikolu 26(7) ikunu kkonfermati, għas-sena kalendarja preċedenti, f’livell raġonevoli ta’ assigurazzjoni minn awditur indipendenti reġistrat fil-Portal tal-gassijiet F.

L-awditur indipendenti għandu jkun jew:

4.   Il-Kummissjoni għandha, permezz ta’ atti ta’ implimentazzjoni, tiddetermina l-arranġamenti dettaljati relatati mad-dikjarazzjoni ta’ konformità msemmija fil-paragrafu 2, mal-verifika mill-awditur indipendenti u l-akkreditazzjoni tal-awdituri. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

5.   Importatur tal-prodotti jew tat-tagħmir imsemmija fil-paragrafu 1, li ma għandu l-ebda stabbiliment fl-Unjoni, għandu jaħtar lil rappreżentant uniku bi stabbiliment fl-Unjoni li jassumi r-responsabbiltà sħiħa tal-konformità ma’ dan ir-Regolament. Ir-rappreżentant uniku jista’ jkun l-istess wieħed maħtur skont l-Artikolu 8 tar-Regolament (KE) Nru 1907/2006.

6.   Dan l-Artikolu ma għandux japplika għal impriżi li jqiegħdu fis-suq anqas minn 10 tunnellati f’ekwivalenti ta’ CO2 ta’ idrofluworokarburi, fis-sena, li jinsabu fil-prodotti jew fit-tagħmir imsemmija fil-paragrafu 1.

1.   Il-Kummissjoni għandha tistabbilixxi u tiżgura t-tħaddim ta’ sistema elettronika għall-ġestjoni tas-sistema tal-kwota, għar-rekwiżiti ta’ liċenzjar tal-importazzjonijiet u tal-esportazzjonijiet, u għall-obbligi ta’ rapportar dwar gassijiet fluworurati b’effett ta’ serra (“il-Portal tal-gassijiet F”).

2.   Il-Kummissjoni għandha tiżgura l-interkonnessjoni tal-Portal tal-gassijiet F mal-Ambjent ta’ Tieqa Unika tal-UE għad-Dwana permezz tat-Tieqa Unika Doganali tal-Unjoni Ewropea — Sistema ta’ Skambju taċ-Ċertifikati (EU CSW-CERTEX) stabbilita bir-Regolament (UE) 2022/2399.

3.   L-Istati Membri għandhom jiżguraw l-interkonnessjoni tal-ambjenti nazzjonali tagħhom ta’ tieqa unika għad-dwana mas-CSW-CERTEX tal-UE għall-fini tal-iskambju ta’ informazzjoni mal-Portal tal-gassijiet F.

4.   L-impriżi għandu jkollhom reġistrazzjoni valida fil-Portal tal-gassijiet F qabel ma jwettqu kwalunkwe waħda mill-attivitajiet li ġejjin:

Ir-reġistrazzjoni fil-Portal tal-gassijiet F għandha tkun valida biss ladarba l-Kummissjoni tivvalidaha u sakemm ma tkunx sospiża jew revokata mill-Kummissjoni jew irtirata mill-impriża.

5.   Reġistrazzjoni valida fil-Portal tal-gassijiet F fil-mument tal-importazzjoni jew tal-esportazzjoni tikkostitwixxi liċenzja meħtieġa skont l-Artikolu 22.

6.   Sa fejn ikun neċessarju, permezz ta’ atti ta’ implimentazzjoni, il-Kummissjoni għandha tikkjarifika r-regoli ta’ reġistrazzjoni fil-Portal tal-gassijiet F biex tiżgura l-funzjonament bla xkiel tal-Portal tal-gassijiet F u l-kompatibbiltà mal-Ambjent ta’ Tieqa Unika tal-UE għad-Dwana. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

7.   L-awtoritajiet kompetenti, inklużi l-awtoritajiet doganali, tal-Istati Membri għandu jkollhom aċċess għall-Portal tal-gassijiet F sabiex jippermettu l-implimentazzjoni tar-rekwiżiti u tal-kontrolli rilevanti. L-aċċess għall-Portal tal-gassijiet F mill-awtoritajiet doganali għandu jiġi żgurat permezz tal-Ambjent ta’ Tieqa Unika tal-UE għad-Dwana.

L-awtorità kompetenti tal-Istati Membri u l-Kummissjoni għandhom jiżguraw il-kunfidenzjalità tad-data inkluża fil-Portal tal-gassijiet F.

Il-Kummissjoni għandha tagħmel disponibbli għall-pubbliku, mhux aktar tard minn 3 xhur wara li titlesta l-allokazzjoni għal sena partikolari, dan li ġej:

8.   Kwalunkwe talba mill-produtturi u mill-importaturi għal korrezzjoni tal-informazzjoni li huma jkunu rreġistraw fil-Portal tal-gassijiet F, dwar it-trasferimenti tal-kwota msemmijin fl-Artikolu 21(1), l-awtorizzazzjonijiet għall-użu tal-kwota msemmija fl-Artikolu 21(2) jew id-delegazzjonijiet tal-awtorizzazzjonijiet imsemmija fl-Artikolu 21(3), għandha tiġi kkomunikata, bil-kunsens tal-impriżi kollha involuti fit-tranżazzjoni, lill-Kummissjoni mingħajr dewmien żejjed u sa mhux aktar tard mill-31 ta’ Marzu tas-sena ta’ wara dik tar-reġistrazzjoni tat-trasferiment tal-kwota jew tal-awtorizzazzjoni għall-użu tal-kwota, jew tad-delega tal-awtorizzazzjoni, skont kif xieraq. It-talba għandha tiġi ssostanzjata b’evidenza li tistabbilixxi li tikkonċerna żball klerikali.

Minkejja l-ewwel subparagrafu, it-talbiet għal korrezzjoni ta’ data li taffettwa b’mod negattiv l-intitolamenti ta’ produtturi u ta’ importaturi oħrajn mhux involuti fit-tranżazzjoni sottostanti għandhom jiġu miċħudin.

1.   Kwalunkwe produttur jew importatur li għalih ikun ġie ddeterminat valur ta’ referenza skont l-Artikolu 17(1) jista’ jittrasferixxi fil-Portal tal-gassijiet F l-allokazzjoni tal-kwota tiegħu fuq il-bażi tal-Artikolu 17(4), għall-kwantitajiet kollha jew għal kwalunkwe kwantità, lil produttur jew lil importatur ieħor fl-Unjoni jew lil produttur jew lil importatur ieħor li jkun rappreżentat fl-Unjoni minn rappreżentant uniku msemmi fl-Artikolu 18(1).

Il-kwota li hija ttrasferita skont l-ewwel subparagrafu ma għandhiex tiġi ttrasferita għat-tieni darba.

2.   Kwalunkwe produttur jew importatur li għalih ikun ġie ddeterminat valur ta’ referenza skont l-Artikolu 17(1), jista’ jawtorizza fil-Portal tal-gassijiet F impriża fl-Unjoni jew rappreżentat fl-Unjoni minn rappreżentant uniku msemmi fl-Artikolu 19(5), sabiex juża l-kwota tiegħu kollha jew parti minnha għall-fini tal-importazzjoni ta’ tagħmir iċċarġjat minn qabel imsemmi fl-Artikolu 19.

Il-kwantitajiet rispettivi tal-idrofluworokarburi għandhom jitqiesu li tqiegħdu fis-suq mill-produttur jew mill-importatur tal-awtorizzazzjoni fil-mument tal-awtorizzazzjoni.

3.   Kwalunkwe impriża li tirċievi awtorizzazzjonijiet tista’ tiddelega dik l-awtorizzazzjoni għall-użu ta’ kwota riċevuta f’konformità mal-paragrafu 2 fil-Portal tal-gassijiet F lil impriża għall-fini tal-importazzjoni ta’ tagħmir iċċarġjat minn qabel imsemmi fl-Artikolu 19. Awtorizzazzjoni delegata ma għandhiex tiġi ddelegata għat-tieni darba.

4.   It-trasferimenti ta’ kwota, l-awtorizzazzjonijiet għall-użu ta’ kwota u d-delegazzjonijiet tal-awtorizzazzjonijiet imwettqin permezz tal-Portal tal-gassijiet F għandhom ikunu validi biss jekk l-impriża riċeventi taċċettahom permezz tal-Portal tal-gassijiet F.

1.   L-importazzjoni u l-esportazzjoni ta’ gassijiet fluworurati b’effett ta’ serra, u ta’ prodotti u ta’ tagħmir li jkun fihom dawk il-gassijiet jew li l-funzjonament tagħhom jiddependi minn dawk il-gassijiet għandhom ikunu soġġetti għall-preżentazzjoni ta’ liċenzja valida lill-awtoritajiet doganali maħruġa mill-Kummissjoni skont l-Artikolu 20(4) u (5), ħlief fil-każ ta’ ħażna temporanja.

Dan il-paragrafu ma japplikaw għal prodotti u tagħmir li jkunu oġġetti personali.

2.   Il-gassijiet fluworurati b’effett ta’ serra importati fl-Unjoni għandhom jitqiesu bħala gassijiet verġni.

3.   Mit-12 ta’ Marzu 2025 l-esportazzjoni ta’ fowms, aerosols tekniċi, tagħmir ta’ refriġerazzjoni stazzjonarju u tagħmir tal-arja kondizzjonata u pompi tas-sħana stazzjonarji kif imsemmi fl-Anness IV li jkun fihom, jew li l-funzjonament tagħhom ikun jiddependi minn, gassijiet fluworurati b’effett ta’ serra b’GWP ta’ 1 000 jew aktar għandha tkun ipprojbita.

Il-projbizzjoni stabbilita fl-ewwel subparagrafu ma għandhiex tapplika għal tagħmir militari jew għal prodotti u tagħmir li jistgħu jitqiegħdu fis-suq fl-Unjoni f’konformità mal-Anness IV.

4.   B’deroga mill-paragrafu 3, il-Kummissjoni tista’, permezz ta’ atti ta’ implimentazzjoni, għal każijiet ta’ natura eċċezzjonali, b’segwitu għal talba ssostanzjata mill-awtorità kompetenti tal-Istat Membru kkonċernat, u filwaqt li tqis l-objettivi ta’ dan ir-Regolament, tawtorizza l-esportazzjoni tal-prodotti u t-tagħmir imsemmija fil-paragrafu 3, meta jintwera li fid-dawl tal-valur ekonomiku u l-ħajja li għad fadal mistennija tal-oġġett speċifiku, il-projbizzjoni tal-esportazzjoni timponi piż sproporzjonat fuq l-esportatur. Tali esportazzjonijiet għandhom ikunu permessi biss jekk ikunu konformi mal-liġi nazzjonali tal-pajjiż tad-destinazzjoni.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

5.   L-impriżi bi stabbiliment fl-Unjoni għandhom jieħdu l-miżuri kollha neċessarji biex jiżguraw li l-esportazzjoni ta’ tagħmir ta’ refriġerazzjoni u ta’ arja kondizzjonata u ta’ pompi tas-sħana ma tiksirx ir-restrizzjonijiet fuq l-importazzjoni li l-istat importatur ikun innotifika skont il-Protokoll.

1.   L-awtoritajiet doganali u l-awtoritajiet tas-sorveljanza tas-suq għandhom jinfurzaw il-projbizzjonijiet u restrizzjonijiet oħrajn stabbiliti f’dan ir-Regolament fir-rigward tal-importazzjonijiet u tal-esportazzjonijiet.

2.   Għall-finijiet tar-rilaxx għaċ-ċirkolazzjoni libera, l-impriża li jkollha kwota jew awtorizzazzjonijiet sabiex tuża kwota kif meħtieġ skont dan ir-Regolament, u reġistrata fil-Portal tal-gassijiet F skont l-Artikolu 20 għandha tkun l-importatur indikat fid-dikjarazzjoni doganali.

Għall-finijiet tal-importazzjonijiet, għajr għar-rilaxx għaċ-ċirkolazzjoni libera, l-impriża reġistrata fil-Portal tal-gassijiet F skont l-Artikolu 20 għandha tkun id-dikjarant indikat fid-dikjarazzjoni doganali li jkun id-detentur tal-awtorizzazzjoni għal proċedura speċjali għajr it-tranżitu, sakemm ma jkunx hemm trasferiment ta’ drittijiet u obbligi skont l-Artikolu 218 tar-Regolament (UE) Nru 952/2013 biex persuna oħra titħalla tkun id-dikjarant. Fil-każ ta’ proċedura ta’ tranżitu, l-impriża li jkollha kwota jew awtorizzazzjonijiet biex tuża l-kwota kif meħtieġ skont dan ir-Regolament għandha tkun id-detentur tal-proċedura.

Għall-finijiet tal-esportazzjonijiet, l-impriża reġistrata fil-Portal tal-gassijiet F skont l-Artikolu 20 għandha tkun l-esportatur indikat fid-dikjarazzjoni doganali.

3.   F’każijiet ta’ gassijiet fluworurati b’effett ta’ serra, u ta’ prodotti u ta’ tagħmir li jkun fihom dawk il-gassijiet jew li l-funzjonament tagħhom jiddependi minn dawk il-gassijiet, l-importatur jew, meta dan ma jkunx disponibbli, id-dikjarant indikat fid-dikjarazzjoni doganali jew fid-dikjarazzjoni għall-ħażna temporanja, u f’każijiet ta’ esportazzjonijiet l-esportatur indikat fid-dikjarazzjoni doganali, għandu jipprovdi lill-awtoritajiet doganali l-informazzjoni li ġejja, meta dan ikun rilevanti, fid-dikjarazzjoni doganali:

4.   L-awtoritajiet doganali għandhom jivverifikaw, b’mod partikolari, jekk f’każijiet ta’ rilaxx għaċ-ċirkolazzjoni libera, l-importatur indikat fid-dikjarazzjoni doganali għandux kwota jew awtorizzazzjonijiet għall-użu ta’ kwota kif meħtieġ skont dan ir-Regolament qabel ma jirrilaxxaw il-merkanzija għaċ-ċirkolazzjoni libera. L-awtoritajiet doganali għandhom jiżguraw li, f’każijiet ta’ importazzjonijiet, l-importatur indikat fid-dikjarazzjoni doganali jew, meta dan ma jkunx disponibbli, id-dikjarant, u, f’każijiet ta’ esportazzjonijiet, l-esportatur indikat fid-dikjarazzjoni doganali, ikun reġistrat fil-Portal tal-gassijiet F skont l-Artikolu 20.

5.   Meta jkun rilevanti, l-awtoritajiet doganali għandhom jikkomunikaw informazzjoni dwar l-iżdoganar tal-merkanzija lill-Portal tal-gassijiet F permezz tal-Ambjent ta’ Tieqa Unika tal-UE għad-Dwana.

6.   L-importaturi ta’ gassijiet fluworurati b’effett ta’ serra elenkati fl-Anness I u fit-Taqsima 1 tal-Anness II, f’kontenituri li jistgħu jerġgħu jimtlew, għandhom jagħmlu disponibbli għall-awtoritajiet doganali, fiż-żmien meta tiġi ppreżentata d-dikjarazzjoni doganali relatata mar-rilaxx għaċ-ċirkolazzjoni libera, dikjarazzjoni ta’ konformità kif imsemmi fl-Artikolu 11(4), il-punt li tinkludi evidenza li tikkonferma l-arranġamenti fis-seħħ għar-ritorn tal-kontenitur għall-fini ta’ mili mill-ġdid.

7.   L-importaturi ta’ gassijiet fluworurati b’effett ta’ serra għandhom jagħmlu disponibbli għall-awtoritajiet doganali fiż-żmien meta tiġi ppreżentata d-dikjarazzjoni doganali relatata mar-rilaxx għaċ-ċirkolazzjoni libera, l-evidenza msemmija fl-Artikolu 4(6).

8.   Id-dikjarazzjoni ta’ konformità u d-dokumentazzjoni msemmija fl-Artikolu 19(2) għandhom ikunu disponibbli għall-awtoritajiet doganali fiż-żmien meta tiġi ppreżentata d-dikjarazzjoni doganali relatata mar-rilaxx għaċ-ċirkolazzjoni libera.

9.   L-awtoritajiet doganali għandhom jivverifikaw il-konformità mar-regoli dwar l-importazzjonijiet u l-esportazzjonijiet stabbiliti f’dan ir-Regolament, meta jwettqu l-kontrolli bbażati fuq analiżi tar-riskju fil-kuntest tas-Sistema għall-Ġestjoni tar-Riskju Doganali u f’konformità mal-Artikolu 46 tar-Regolament (UE) Nru 952/2013. Dik l-analiżi tar-riskju għandha tqis, b’mod partikolari, kwalunkwe informazzjoni disponibbli dwar il-probabbiltà ta’ kummerċ illegali ta’ gassijiet fluworurati b’effett ta’ serra u l-istorja tal-konformità tal-impriża kkonċernata.

10.   Fuq il-bażi tal-analiżi tar-riskju, meta twettaq kontrolli doganali fiżiċi fuq is-sustanzi, il-prodotti u t-tagħmir koperti minn dan ir-Regolament, l-awtorità doganali għandha, b’mod partikolari, tivverifika dan li ġej fuq l-importazzjonijiet u fuq l-esportazzjonijiet:

L-importatur jew fejn l-importatur mhux disponibbli, id-dikjarant, jew l-esportatur, kif meħtieġ, għandhom jagħmlu l-liċenzja disponibbli għall-awtoritajiet doganali matul il-kontrolli f’konformità mal-Artikolu 15 tar-Regolament (UE) Nru 952/2013.

11.   L-awtoritajiet doganali jew l-awtoritajiet tas-sorveljanza tas-suq għandhom jieħdu l-miżuri neċessarji kollha biex jipprevjenu tentattivi ta’ importazzjoni jew esportazzjoni tas-sustanzi, tal-prodotti u tat-tagħmir koperti minn dan ir-Regolament li diġà ma kinux permessi jidħlu jew joħorġu mit-territorju.

12.   L-awtoritajiet doganali għandhom jikkonfiskaw jew jaqbdu kontenituri li ma jistgħux jerġgħu jimtlew kif imsemmi fl-Artikolu 11(3), it-tieni subparagrafu, il-punt (a), ta’ dan ir-Regolament, li huma pprojbiti minn dan ir-Regolament sabiex jintremew billi jinqerdu f’konformità mal-Artikoli 197 u 198 tar-Regolament (UE) Nru 952/2013 jew għandhom jinfurmaw lill-awtoritajiet kompetenti sabiex jiżguraw il-konfiska u l-qbid ta’ tali kontenituri sabiex jintremew billi jinqerdu. L-awtoritajiet tas-sorveljanza tas-suq għandhom ukoll jirtiraw jew isejħu lura mis-suq tali kontenituri f’konformità mal-Artikolu 16 tar-Regolament (UE) 2019/1020.

F’każijiet oħra, mhux imsemmija fl-ewwel subparagrafu, ta’ importazzjoni illegali, provvista sussegwenti, jew esportazzjoni mwettqa bi ksur ta’ dan ir-Regolament, b’mod partikolari meta gassijiet fluworurati b’effett ta’ serra elenkati fit-Taqsima 1 tal-Anness I jitqiegħdu fis-suq bl-ingrossa jew jiġu ċċarġjati fi prodotti u tagħmir bi ksur tar-rekwiżiti tal-kwota u tal-awtorizzazzjoni stabbiliti f’dan ir-Regolament, l-awtoritajiet doganali jew l-awtoritajiet tas-sorveljanza tas-suq jistgħu jieħdu miżuri alternattivi. Tali miżuri jistgħu jinkludu l-irkant dment li t-tqegħid fis-suq sussegwenti jkun f’konformità ma’ dan ir-Regolament.

L-esportazzjoni ta’ gassijiet fluworurati b’effett ta’ serra elenkati fit-Taqsima 1 tal-Anness I li fir-rigward ikun ġie stabbilit in-nuqqas ta’ konformità wara r-rilaxx tagħhom għaċ-ċirkolazzjoni libera, għandha tiġi pprojbita.

13.   L-Istati Membri għandhom jappuntaw jew japprovaw uffiċċji doganali jew postijiet oħrajn u għandhom jispeċifikaw ir-rotta lejn dawk l-uffiċċji u l-postijiet, f’konformità mal-Artikoli 135 u 267 tar-Regolament (UE) Nru 952/2013, għall-preżentazzjoni lill-awtoritajiet tad-dwana tal-gassijiet fluworurati b’effett ta’ serra elenkati fl-Anness I għal, u tal-prodotti u tat-tagħmir imsemmija fl-Artikolu 19 ta’ dan ir-Regolament, mad-dħul tagħhom fit-territorju doganali tal-Unjoni jew mal-ħruġ tagħhom minnu. Il-kontrolli għandhom jitwettqu mill-persunal tal-uffiċċju doganali jew minn persuni awtorizzati oħra f’konformità mar-regoli nazzjonali, li jkollhom għarfien dwar kwistjonijiet relatati mal-prevenzjoni ta’ attivitajiet illegali koperti minn dan ir-Regolament u jkollhom aċċess għal tagħmir xieraq biex iwettqu l-kontrolli fiżiċi rilevanti abbażi ta’ analiżi tar-riskju.

L-uffiċċji doganali jew postijiet oħra appuntati jew approvati msemmija fl-ewwel subparagrafu biss għandhom ikunu awtorizzati jiftħu jew itemmu proċedura ta’ tranżitu tal-gassijiet u tal-prodotti jew tat-tagħmir koperti minn dan ir-Regolament.

1.   Abbażi tal-monitoraġġ regolari tal-kummerċ tal-gassijiet fluworurati b’effett ta’ serra u tal-valutazzjoni tar-riskji potenzjali ta’ kummerċ illegali marbuta mal-movimenti ta’ gassijiet fluworurati b’effett ta’ serra, ta’ prodotti u ta’ tagħmir li jkun fihom dawk il-gassijiet jew li l-funzjonament tagħhom jiddependi minn dawk il-gassijiet, il-Kummissjoni għandha s-setgħa li tadotta atti delegati skont l-Artikolu 32 biex:

2.   Meta tadotta att delegat skont il-paragrafu 1, il-Kummissjoni għandha tqis il-benefiċċji ambjentali u l-impatti soċjoekonomiċi tal-metodoloġija li għandha tiġi stabbilita skont il-punti (a), (b) u (c) ta’ dak il-paragrafu.

1.   L-importazzjoni u l-esportazzjoni ta’ idrofluworokarburi u ta’ prodotti u ta’ tagħmir li jkun fihom idrofluworokarburi jew li l-funzjonament tagħhom jiddependi minn dawk il-gassijiet minn u lejn kwalunkwe Stat jew organizzazzjoni ta’ integrazzjoni ekonomika reġjonali li ma tkunx qablet li tkun marbuta bid-dispożizzjonijiet tal-Protokoll applikabbli għal dawk il-gassijiet, għandhom ikunu pprojbiti mill-1 ta’ Jannar 2028.

2.   Il-Kummissjoni għandha s-setgħa li tadotta atti delegati skont l-Artikolu 32 biex tissupplimenta dan ir-Regolament billi tistabbilixxi r-regoli applikabbli għar-rilaxx għaċ-ċirkolazzjoni libera u għall-esportazzjoni ta’ prodotti u ta’ tagħmir importati minn u esportati lejn kwalunkwe Stat jew organizzazzjoni ta’ integrazzjoni ekonomika reġjonali fis-sens tal-paragrafu 1, li ġew prodotti bl-użu ta’ idrofluworokarburi iżda li ma fihomx gassijiet li jistgħu jiġu identifikati b’mod pożittiv bħala idrofluworokarburi, kif ukoll regoli dwar l-identifikazzjoni ta’ tali prodotti u tagħmir. Meta tadotta dawk l-atti delegati, il-Kummissjoni għandha tqis id-deċiżjonijiet rilevanti meħuda mill-Partijiet għall-Protokoll u, fir-rigward tar-regoli dwar l-identifikazzjoni ta’ tali prodotti u tagħmir, kwalunkwe parir tekniku perjodiku mogħti lill-Partijiet għall-Protokoll.

3.   B’deroga mill-paragrafu 1, il-kummerċ ma’ kwalunkwe Stat jew organizzazzjoni reġjonali ta’ integrazzjoni ekonomika fis-sens tal-paragrafu 1 f’idrofluworokarburi, u fi prodotti u tagħmir li jkun fihom idrofluworokarburi jew li l-funzjonament tagħhom jiddependi minn dawk il-gassijiet jew li huma prodotti permezz ta’ xi wieħed jew aktar minn dawk il-gassijiet, jista’ jkun awtorizzat mill-Kummissjoni, permezz ta’ atti ta’ implimentazzjoni, dment li jiġi ddeterminat, minn laqgħa tal-Partijiet għall-Protokoll skont l-Artikolu 4(8) tal-Protokoll, li l-Istat jew l-organizzazzjoni reġjonali ta’ integrazzjoni ekonomika tkun f’konformità sħiħa mal-Protokoll u tkun issottomettiet data għal dak l-għan kif speċifikat fl-Artikolu 7 tal-Protokoll. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżaminazzjoni msemmija fl-Artikolu 34(2).

4.   Soġġett għal kwalunkwe deċiżjoni meħuda mill-Partijiet għall-Protokoll, kif imsemmi fil-paragrafu 2, il-paragrafu 1 għandu japplika għal kwalunkwe territorju mhux kopert mill-Protokoll bl-istess mod kif tali deċiżjonijiet japplikaw għal kwalunkwe Stat jew organizzazzjoni reġjonali ta’ integrazzjoni ekonomika fis-sens tal-paragrafu 1.

5.   Meta l-awtoritajiet ta’ territorju li ma jkunx kopert mill-Protokoll ikunu konformi mal-Protokoll u jkunu ppreżentaw data għal dak l-iskop kif speċifikat fl-Artikolu 7 tal-Protokoll, il-Kummissjoni tista’ tiddeċiedi, permezz ta’ atti ta’ implimentazzjoni, li wħud mid-dispożizzjonijiet jew id-dispożizzjonijiet kollha tal-paragrafu 1 ta’ dan l-Artikolu ma għandhomx japplikaw għal dak it-territorju. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

1.   Sal-31 ta’ Marzu 2025 u kull sena minn hemm ’il quddiem, kull produttur, importatur u esportatur li pproduċew, importaw jew esportaw idrofluworokarburi jew kwantitajiet li jaqbżu tunnellata metrika waħda jew 100 tunnellata f’ekwivalenti ta’ CO2 ta’ gassijiet fluworurati b’effett ta’ serra oħrajn matul is-sena kalendarja preċedenti għandhom jirrapportaw lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja. Dan il-paragrafu għandu japplika wkoll għall-impriżi kollha li jirċievu kwota skont l-Artikolu 21(1).

Sal-31 ta’ Marzu 2024 u kull sena minn hemm ’il quddiem, kull produttur jew importatur li jkun ġie allokat kwota skont l-Artikolu 17(4), jew li lilu tkun ġiet ittrasferita kwota skont l-Artikolu 21(1), iżda ma jkun qiegħed l-ebda kwantità ta’ idrofluworokarburi fis-suq matul is-sena kalendarja preċedenti, għandu jirrapporta lill-Kummissjoni billi jissottometti “rapport żero”.

2.   Sal-31 ta’ Marzu 2025 u kull sena minn hemm ’il quddiem, kull impriża li tkun qerdet idrofluworokarburi jew kwantitajiet ta’ gassijiet fluworurati b’effett ta’ serra oħrajn li jaqbżu tunnellata metrika waħda jew 100 tunnellata f’ekwivalenti ta’ CO2 matul is-sena kalendarja preċedenti għandha tirrapporta lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja.

3.   Sal-31 ta’ Marzu 2025 u kull sena minn hemm ’il quddiem, kull impriża li użat 1 000 tunnellata ta’ ekwivalenti ta’ CO2 jew aktar f’gassijiet fluworurati b’effett ta’ serra elenkati fl-Anness I bħala materja prima matul is-sena kalendarja preċedenti għandha tirrapporta lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja.

4.   Sal-31 ta’ Marzu 2025 u kull sena minn hemm ’il quddiem, kull impriża li qiegħdet 10 tunnellati f’ekwivalenti ta’ CO2 jew aktar ta’ idrofluworokarburi, jew 100 tunnellata f’ekwivalenti ta’ CO2 jew aktar ta’ gassijiet fluworurati b’effett ta’ serra, li jinsabu fi prodotti jew f’tagħmir fis-suq matul is-sena kalendarja preċedenti għandha tirrapporta lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja.

5.   Sal-31 ta’ Marzu 2025 u kull sena minn hemm ’il quddiem, kull impriża li tkun irċeviet kwalunkwe kwantità ta’ idrofluworokarburi msemmija fl-Artikolu 16(2) għandha tirrapporta lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja.

Sal-31 ta’ Marzu 2025 u kull sena minn hemm ’il quddiem, kull produttur jew importatur li jkun qiegħed fis-suq idrofluworokarburi bl-għan li jipproduċi inalaturi b’doża mkejla għall-konsenja ta’ ingredjenti farmaċewtiċi għandu jirrapporta lill-Kummissjoni d-data speċifikata fl-Anness IX. Il-manifatturi ta’ tali inalaturi b’doża mkejla għandhom jirrapportaw lill-Kummissjoni d-data speċifikata fl-Anness IX dwar l-idrofluworokarburi riċevuti.

6.   Sal-31 ta’ Marzu 2025 u kull sena minn hemm ’il quddiem, kull impriża li tkun irreklamat kwantitajiet li jaqbżu tunnellata metrika waħda jew 100 tunnellata f’ekwivalenti ta’ CO2 ta’ gassijiet fluworurati b’effett ta’ serra għandha tirrapporta lill-Kummissjoni d-data speċifikata fl-Anness IX dwar kull waħda minn dawk is-sustanzi għal dik is-sena kalendarja.

7.   Sat-30 ta’ April 2025 u kull sena minn hemm ’il quddiem, kull importatur ta’ tagħmir li jkun qiegħed fis-suq tagħmir iċċarġjat minn qabel kif imsemmi fl-Artikolu 19 li jkun fih tal-anqas 1 000 tunnellata ta’ idrofluworokarburi ekwivalenti ta’ CO2, u meta dawk l-idrofluworokarburi ma jkunux tqiegħdu fis-suq qabel l-iċċarġjar tat-tagħmir, għandu jissottometti lill-Kummissjoni rapport ta’ verifika maħruġ skont l-Artikolu 19(3).

8.   Sat-30 ta’ April 2025 u kull sena minn hemm ’il quddiem, kull impriża li, skont il-paragrafu 1, tirrapporta dwar it-tqegħid fis-suq ta’ 1 000 tunnellata ta’ ekwivalenti ta’ CO2 jew aktar ta’ idrofluworokarburi matul is-sena kalendarja preċedenti għandha, barra minn hekk, tiżgura li l-veraċità tar-rapport tagħha tiġi kkonfermata, f’livell raġonevoli ta’ assigurazzjoni, minn awditur indipendenti. L-awditur għandu jiġi rreġistrat fil-Portal tal-gassijiet F u għandu jkun akkreditat:

It-tranżazzjonijiet imsemmija fl-Artikolu 16(2), il-punt (c), għandhom jiġu vverifikati irrispettivament mill-kwantitajiet involuti.

Il-Kummissjoni tista’ titlob impriża tiżgura li l-veraċità tar-rapport tagħha tiġi kkonfermata minn awditur indipendenti f’livell raġonevoli ta’ assigurazzjoni, irrispettivament mill-kwantitajiet involuti, meta dan ikun meħtieġ biex tiġi kkonfermata l-konformità tal-impriża ma’ dan ir-Regolament.

Permezz ta’ atti ta’ implimentazzjoni, il-Kummissjoni tista’ tispeċifika d-dettalji tal-verifika tar-rapporti u tal-akkreditazzjoni tal-awdituri. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

9.   Ir-rapportar u l-verifika kollha msemmija f’dan l-Artikolu għandhom jitwettqu permezz tal-Portal tal-gassijiet F.

Il-Kummissjoni tista’, permezz ta’ atti ta’ implimentazzjoni, tiddetermina l-format tas-sottomissjoni tar-rapporti msemmija f’dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 34(2).

1.   Meta jkun meħtieġ biex tiġi żgurata l-konformità ma’ dan ir-Regolament, l-awtoritajiet kompetenti ta’ kull Stat Membru, inklużi l-awtoritajiet doganali, l-awtoritajiet tas-sorveljanza tas-suq, l-awtoritajiet ambjentali u kwalunkwe awtorità kompetenti oħra b’funzjonijiet ta’ spezzjoni għandhom jikkooperaw ma’ xulxin, mal-awtoritajiet kompetenti ta’ Stati Membri oħrajn, mal-Kummissjoni u, jekk ikun neċessarju, ma’ awtoritajiet amministrattivi ta’ pajjiżi terzi.

Meta tkun meħtieġa kooperazzjoni mal-awtoritajiet doganali biex tiġi żgurata implimentazzjoni xierqa tas-Sistema Doganali għall-Ġestjoni tar-Riskji, l-awtoritajiet kompetenti tal-Istati Membri għandhom jipprovdu l-informazzjoni neċessarja kollha lill-awtoritajiet doganali f’konformità mal-Artikolu 47(2) tar-Regolament (UE) Nru 952/2013.

2.   Meta l-awtoritajiet doganali, l-awtoritajiet tas-sorveljanza tas-suq jew kwalunkwe awtorità kompetenti oħra ta’ Stat Membru jindividwaw ksur ta’ dan ir-Regolament, dik l-awtorità kompetenti għandha tinnotifika lill-awtorità ambjentali jew, jekk ma tkunx rilevanti, lil kwalunkwe awtorità oħra responsabbli għall-infurzar tal-penali f’konformità mal-Artikolu 31.

3.   L-Istati Membri għandhom jiżguraw li l-awtoritajiet kompetenti tagħhom ikun jista’ jkollhom aċċess u jiskambjaw b’mod effiċjenti bejniethom kwalunkwe informazzjoni neċessarja għall-infurzar ta’ dan ir-Regolament. Tali informazzjoni għandha tinkludi data relatata mad-dwana, informazzjoni dwar is-sjieda u l-istatus finanzjarju, kwalunkwe ksur tal-liġi ambjentali, kif ukoll data reġistrata fil-Portal tal-gassijiet F.

L-informazzjoni msemmija fl-ewwel subparagrafu għandha tkun disponibbli wkoll għall-awtoritajiet kompetenti ta’ Stati Membri oħrajn u għall-Kummissjoni meta dan ikun meħtieġ sabiex jiġi żgurat l-infurzar ta’ dan ir-Regolament. L-awtoritajiet kompetenti għandhom jinformaw minnufih lill-Kummissjoni dwar ksur tal-Artikolu 16(1).

4.   L-awtoritajiet kompetenti għandhom iwissu lill-awtoritajiet kompetenti ta’ Stati Membri oħra meta jindividwaw ksur ta’ dan ir-Regolament li jista’ jaffettwa aktar minn Stat Membru wieħed. L-awtoritajiet kompetenti għandhom, b’mod partikolari, jinformaw lill-awtoritajiet kompetenti ta’ Stati Membri oħra meta jindividwaw prodott rilevanti fis-suq li ma jkunx konformi ma’ dan ir-Regolament, biex ikunu jista’ jiġi ssekwestrat, ikkonfiskat, irtirat jew jinġabar lura mis-suq għar-rimi.

Is-Sistema għall-Ġestjoni tar-Riskji Doganali għandha tintuża għall-iskambju ta’ informazzjoni doganali relatata mar-riskju.

L-awtoritajiet doganali għandhom jiskambjaw ukoll kwalunkwe informazzjoni rilevanti relatata ma’ ksur ta’ dan ir-Regolament f’konformità mar-Regolament tal-Kunsill (KE) Nru 515/97 (28) u għandhom jitolbu assistenza mill-Istati Membri l-oħrajn u mill-Kummissjoni meta dan ikun neċessarju.

1.   L-awtoritajiet kompetenti tal-Istati Membri għandhom iwettqu kontrolli biex jistabbilixxu jekk l-impriżi jikkonformawx mal-obbligi tagħhom skont dan ir-Regolament.

2.   Il-kontrolli għandhom jitwettqu skont approċċ ibbażat fuq ir-riskju, li jqis, b’mod partikolari, l-istorja tal-konformità ta’ impriżi, ir-riskju ta’ nuqqas ta’ konformità ta’ prodott speċifiku ma’ dan ir-Regolament, u kwalunkwe informazzjoni rilevanti oħra riċevuta mill-Kummissjoni, mill-awtoritajiet doganali, mill-awtoritajiet tas-sorveljanza tas-suq, mill-awtoritajiet ambjentali u minn awtoritajiet oħrajn b’funzjonijiet ta’ spezzjoni tal-Istati Membri, jew mill-awtoritajiet kompetenti ta’ pajjiżi terzi.

L-awtoritajiet kompetenti tal-Istati Membri għandhom iwettqu wkoll kontrolli meta jkollhom evidenza jew informazzjoni rilevanti oħra, inkluż fuq il-bażi ta’ tħassib sostanzjat ipprovdut minn partijiet terzi, jew mill-Kummissjoni, dwar nuqqas potenzjali ta’ konformità ma’ dan ir-Regolament.

3.   Il-kontrolli msemmija fil-paragrafu 1 u 2 għandhom jinkludu:

Mingħajr preġudizzju għar-Regolament (UE) 2022/2065 tal-Parlament Ewropew u tal-Kunsill (29), meta pjattaforma online, li taqa’ fil-kamp ta’ applikazzjoni tal-Kapitolu III tat-Taqsima 4, ta’ dak ir-Regolament, tippermetti l-konklużjoni ta’ kuntratti mill-bogħod ma’ impriżi li joffru gassijiet fluworurati b’effett ta’ serra jew prodotti u tagħmir li jkun fihom tali gassijiet, l-awtoritajiet kompetenti tal-Istati Membri għandhom jivverifikaw jekk l-impriża, il-gassijiet fluworurati b’effett ta’ serra, il-prodotti jew it-tagħmir offruti jikkonformawx mar-rekwiżiti stabbiliti f’dan ir-Regolament. L-awtoritajiet kompetenti tal-Istati Membri għandhom jinfurmaw u jikkooperaw mal-Kummissjoni u mal-awtoritajiet kompetenti rilevanti msemmija fl-Artikolu 49 tar-Regolament (UE) 2022/2065 għall-fini li jiżguraw il-konformità ma’ dak ir-Regolament.

Il-kontrolli għandhom jitwettqu mingħajr ma tingħata twissija minn qabel lill-impriża, ħlief meta tkun neċessarja notifika minn qabel sabiex tiġi żgurata l-effettività tal-kontrolli. L-Istati Membri għandhom jiżguraw li l-impriżi jipprovdu lill-awtoritajiet kompetenti bl-assistenza kollha neċessarja biex dawk l-awtoritajiet ikunu jistgħu jwettqu l-kontrolli previsti f’dan l-Artikolu.

4.   L-awtoritajiet kompetenti tal-Istati Membri għandhom iżommu rekords tal-kontrolli, li jindikaw b’mod partikolari n-natura u r-riżultati tagħhom, u tal-miżuri meħuda f’każ ta’ nuqqas ta’ konformità. Għandhom jinżammu r-rekords tal-kontrolli kollha għal tal-anqas 5 snin.

5.   Fuq talba ta’ Stat Membru ieħor, Stat Membru jista’ jwettaq kontrolli jew investigazzjonijiet formali oħrajn fuq impriżi li jkunu suspettati li jkunu involuti fil-moviment illegali ta’ gassijiet, prodotti jew tagħmir koperti minn dan ir-Regolament u li jkunu qegħdin joperaw fit-territorju ta’ dak l-Istat Membru. L-Istat Membru rikjedenti għandu jiġi informat dwar ir-riżultat tal-kontroll jew tal-investigazzjoni.

6.   Fit-twettiq tal-kompiti assenjati lilha minn dan ir-Regolament, il-Kummissjoni tista’ titlob l-informazzjoni neċessarja kollha minn awtoritajiet kompetenti tal-Istati Membri u mill-impriżi. Meta titlob informazzjoni minn impriża, l-Kummissjoni għandha fl-istess waqt tgħaddi kopja tat-talba lill-awtorità kompetenti tal-Istat Membru li fit-territorju tiegħu tkun tinsab l-impriża.

7.   Il-Kummissjoni għandha tieħu l-passi xierqa sabiex tippromwovi skambju adegwat ta’ informazzjoni u kooperazzjoni bejn l-awtoritajiet kompetenti tal-Istati Membri u bejn dawk l-awtoritajiet kompetenti u l-Kummissjoni. Il-Kummissjoni għandha tieħu l-passi xierqa sabiex tipproteġi l-kunfidenzjalità tal-informazzjoni miksuba skont dan l-Artikolu.

1.   Mingħajr preġudizzju għall-obbligi tal-Istati Membri skont id-Direttiva 2008/99/KE tal-Parlament Ewropew u tal-Kunsill (30), l-Istati Membri għandhom jistabbilixxu r-regoli dwar il-penali applikabbli għall-ksur ta’ dan ir-Regolament u għandhom jieħdu l-miżuri neċessarji kollha biex jiżguraw li dawk il-penali jiġu implimentati. Qabel l-1 ta’ Jannar 2026, l-Istati Membri għandhom jinnotifikaw lill-Kummissjoni b’dawk ir-regoli u b’dawk il-miżuri u għandhom jinnotifikawha, mingħajr dewmien, bi kwalunkwe emenda sussegwenti li taffettwahom.

2.   Il-penali għandhom ikunu effettivi, proporzjonati u dissważivi, u għandhom jiġu ddeterminati filwaqt li tingħata kunsiderazzjoni xierqa lil dan li ġej, kif applikabbli:

3.   Il-penali għandhom jinkludu:

4.   Il-penali finanzjarji amministrattivi msemmija fil-paragrafu 3, il-punt (a), għandhom ikunu proporzjonati mal-ħsara ambjentali, meta dan ikun applikabbli, u effettivament iċaħħdu lil dawk responsabbli mill-benefiċċji ekonomiċi derivati mill-ksur tagħhom. Il-livell ta’ penali finanzjarji amministrattivi għandu jiżdied gradwalment għal ksur ripetut.

Fil-każ ta’ produzzjoni, importazzjoni, esportazzjoni, tqegħid fis-suq jew użu illegali ta’ gassijiet fluworurati b’effett ta’ serra, jew ta’ prodotti u ta’ tagħmir li jkun fihom dawk il-gassijiet jew li l-funzjonament tagħhom jiddependi minn dawk il-gassijiet, l-ammont massimu tal-penali finanzjarja amministrattiva għandu jkun mill-inqas ħames darbiet il-valur tas-suq tal-gassijiet jew tal-prodotti u tat-tagħmir ikkonċernati. Fejn tali ksur jiġi ripetut f’perjodu ta’ ħames snin, l-ammont massimu tal-penali finanzjarja amministrattiva għandu jkun mill-inqas tmien darbiet ogħla mill-valur tas-suq tal-gassijiet jew tal-prodotti u tat-tagħmir ikkonċernati.

5.   Flimkien mal-penali msemmija fil-paragrafu 1, l-impriżi li jkunu qabżu l-kwota tagħhom għat-tqegħid fis-suq ta’ idrofluworokarburi, allokata f’konformità mal-Artikolu 17(4), jew trasferita lilhom f’konformità mal-Artikolu 21(1), jistgħu jiġu allokati biss allokazzjoni ta’ kwota mnaqqsa għall-perjodu ta’ allokazzjoni wara li jkun instab l-eċċess.

L-ammont tat-tnaqqis għandu jiġi kkalkulat bħala 200 % tal-ammont li bih tkun inqabżet il-kwota. Jekk l-ammont tat-tnaqqis ikun akbar mill-ammont li għandu jiġu allokat skont l-Artikolu 17(4) bħala kwota għall-perjodu ta’ allokazzjoni wara li jkun instab l-eċċess, ma għandha tiġi allokata l-ebda kwota għal dak il-perjodu ta’ allokazzjoni u l-kwota għall-perjodi ta’ allokazzjoni ta’ wara għandha titnaqqas ukoll sa ma jkun tnaqqas l-ammont sħiħ. It-tnaqqis għandu jiġi rreġistrat fil-Portal tal-gassijiet F.

1.   Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.

2.   Is-setgħa ta’ adozzjoni ta’ atti delegati msemmija fl-Artikolu 8(12), fl-Artikolu 12(18), fl-Artikolu 16(3), fl-Artikolu 17(6), fl-Artikolu 24(1), fl-Artikolu 25(2), fl-Artikolu 35(1) u fl-Artikolu 35(2) għandha tingħata lill-Kummissjoni għal perjodu ta’ żmien indeterminat mill-11 ta’ Marzu 2024.

3.   Id-delega tas-setgħa msemmija fl-Artikolu 8(12), fl-Artikolu 12(18), fl-Artikolu 16(3), fl-Artikolu 17(6), fl-Artikolu 24(1), fl-Artikolu 25(2), fl-Artikolu 35(1) u fl-Artikolu 35(2) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 8(12), l-Artikolu 12(18), l-Artikolu 16(3), l-Artikolu 17(6), l-Artikolu 24(1), l-Artikolu 25(2), l-Artikolu 35(1) u l-Artikolu 35(2) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tkun megħjuna minn kumitat dwar il-gassijiet fluworurati b’effett ta’ serra. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

1.   Il-Kummissjoni għandha s-setgħa li tadotta atti delegati skont l-Artikolu 32 biex temenda l-Annessi I, II, III u VI fir-rigward tal-potenzjal ta’ tisħin globali tal-gassijiet elenkati fihom, meta dan ikun neċessarju fid-dawl ta’ Rapporti ta’ Valutazzjoni ġodda adottati mill-IPCC jew ta’ rapporti ġodda tal-Bord ta’ Valutazzjoni Xjentifika (PSA) tal-Protokoll.

2.   Il-Kummissjoni għandha s-setgħa li tadotta atti delegati skont l-Artikolu 32 biex temenda l-listi ta’ gassijiet fl-Annessi I, II u III, meta jkun instab mill-SAP jew minn awtorità oħra ta’ statura ekwivalenti li tali gassijiet għandhom impatt sinifikanti fuq il-klima u meta tali gassijiet jiġu esportati, importati, prodotti jew imqiegħda fis-suq fi kwantitajiet sinifikanti.

3.   Sal-1 ta’ Lulju 2027, il-Kummissjoni għandha tippubblika rapport li jivvaluta jekk jeżistux alternattivi kosteffettivi, teknikament fattibbli, effiċjenti fl-użu tal-enerġija u affidabbli, li jippermettu li l-gassijiet fluworurati b’effett ta’ serra jiġu sostitwiti fit-tagħmir mobbli ta’ refriġerazzjoni u tal-arja kondizzjonata, u meta jkun xieraq, tressaq proposta leġislattiva lill-Parlament Ewropew u lill-Kunsill biex il-lista stabbilita fl-Anness IV tiġi emendata.

4.   Sal-1 ta’ Lulju 2028, il-Kummissjoni għandha tippubblika rapport li jivvaluta l-impatt ta’ dan ir-Regolament fuq is-settur tas-saħħa, b’mod partikolari d-disponibbiltà tal-inalaturi b’doża mkejla għall-konsenja ta’ ingredjenti farmaċewtiċi, kif ukoll l-impatt fuq is-suq tat-tagħmir tat-tkessiħ użat flimkien mal-batteriji.

5.   Sal-1 ta’ Jannar 2030, il-Kummissjoni għandha tippubblika rapport dwar l-effetti ta’ dan ir-Regolament.

Ir-rapport għandu jinkludi evalwazzjoni ta’ dan li ġej:

Il-Kummissjoni għandha tippreżenta, jekk ikun xieraq, proposta leġiżlattiva, li tista’ tinkludi emendi għall-Anness IV, lill-Parlament Ewropew u lill-Kunsill.

6.   Qabel l-1 ta’ Jannar 2040, il-Kummissjoni għandha teżamina mill-ġdid il-ħtiġijiet ta’ idrofluworokarburi fis-setturi fejn ikunu għadhom jintużaw u l-eliminazzjoni gradwali tal-kwoti tal-HFC stabbiliti fl-Anness VII għas-sena 2050, b’mod partikolari, filwaqt li tqis l-iżviluppi teknoloġiċi, id-disponibbiltà ta’ alternattivi għall-idrofluworokarburi għall-applikazzjonijiet rilevanti u l-miri klimatiċi tal-Unjoni. Meta jkun xieraq, ir-rieżami għandu jkun akkumpanjat minn proposta leġiżlattiva lill-Parlament Ewropew u lill-Kunsill.

7.   Il-Bord Konsultattiv Xjentifiku Ewropew dwar it-Tibdil fil-Klima, stabbilit skont l-Artikolu 10a tar-Regolament (KE) Nru 401/2009 tal-Parlament Ewropew u tal-Kunsill (31), jista’, fuq inizjattiva proprja, jipprovdi parir xjentifiku u joħroġ rapporti dwar il-koerenza ta’ dan ir-Regolament mal-objettivi tar-Regolament (UE) 2021/1119 u mal-impenji internazzjonali tal-Unjoni fl-ambitu tal-Ftehim ta’ Pariġi.

1.   Ir-Regolament (UE) Nru 517/2014 huwa mħassar.

2.   L-Artikolu 12 tar-Regolament (UE) Nru 517/2014 kif applikabbli fl-10 ta’ Marzu 2024 għandu jkompli japplika sal-31 ta’ Diċembru 2024.

3.   L-Artikolu 14(2), it-tieni subparagrafu, u l-Artikolu 19 tar-Regolament (UE) Nru 517/2014 kif applikabbli fl-10 ta’ Marzu 2024 għandu jkompli japplika fir-rigward tal-perjodu ta’ rapportar mill-1 ta’ Jannar 2023 sal-31 ta’ Diċembru 2023.

4.   Il-kwota allokata skont l-Artikolu 16(5) tar-Regolament (UE) Nru 517/2014 għandha tibqa’ valida għall-fini ta’ konformità ma’ dan ir-Regolament. L-eżenzjoni tal-idrofluworokarburi msemmija fl-Artikolu 15(2), it-tieni subparagrafu, il-punt (f), tar-Regolament (UE) Nru 517/2014 għandha tapplika sal-31 ta' Diċembru 2024.

5.   Ir-referenzi għar-Regolament imħassar għandhom jiftiehmu bħala referenzi għal dan ir-Regolament u għandhom jinqraw f’konformità mat-tabella ta’ korrelazzjoni fl-Anness X.