Il-Ġurnal Uffiċjali |
MT Serje L |
2024/298 |
18.1.2024 |
REGOLAMENT DELEGAT TAL-KUMMISSJONI (UE) 2024/298
tas-7 ta’ Novembru 2023
li jissupplimenta r-Regolament (UE) 2019/1700 tal-Parlament Ewropew u tal-Kunsill billi jispeċifika n-numru u t-titolu tal-varjabbli għas-suġġett ad hoc għall-2025 “Enerġija u ambjent” fid-dominju tal-introjtu u l-kundizzjonijiet tal-għajxien
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1700 tal-Parlament Ewropew u tal-Kunsill tal-10 ta’ Ottubru 2019 li jistabbilixxi qafas komuni għall-istatistika Ewropea relatata ma’ persuni u unitajiet domestiċi, abbażi ta’ data fuq livell individwali miġbura minn kampjuni, li jemenda r-Regolamenti (KE) Nru 808/2004, (KE) Nru 452/2008 u (KE) Nru 1338/2008 tal-Parlament Ewropew u tal-Kunsill, u li jħassar ir-Regolament (KE) Nru 1177/2003 tal-Parlament Ewropew u tal-Kunsill u r-Regolament tal-Kunsill (KE) Nru 577/98 (1), u partikolarment l-Artikolu 6(1) tiegħu,
Billi:
(1) |
Id-dominju tal-introjtu u l-kundizzjonijiet tal-għajxien, stabbilit fl-Artikolu 3(1), il-punt (b), tar-Regolament (UE) 2019/1700, jipprovdi l-informazzjoni meħtieġa għas-Semestru Ewropew (2) u l-Pilastru Ewropew tad-Drittijiet Soċjali (3), b’mod partikolari dwar id-distribuzzjoni tal-introjtu, il-faqar u l-esklużjoni soċjali. Jipprovdi wkoll informazzjoni għal diversi politiki oħra tal-Unjoni relatati mal-kundizzjonijiet tal-għajxien u mal-faqar. |
(2) |
Is-suġġett ad hoc li għalih għandha tinġabar id-data fl-2025 dwar “Enerġija u ambjent” f’konformità mar-Regolament Delegat tal-Kummissjoni (UE) 2020/256 (4) huwa importanti ħafna, speċjalment fid-dawl tal-Komunikazzjoni tal-Kummissjoni “Lesti għall-mira ta’ 55 %” (5) li tipprevedi proposta għal rakkomandazzjoni (6) dwar l-iżgurar ta’ tranżizzjoni ġusta lejn in-newtralità klimatika. |
(3) |
Jenħtieġ li l-Kummissjoni tispeċifika n-numru u t-titolu tal-varjabbli għas-suġġett ad hoc“Enerġija u ambjent”. |
(4) |
Skont l-Artikolu 6(2) tar-Regolament (UE) 2019/1700, in-numru tal-varjabbli li jridu jinġabru ma għandux jaqbeż b’aktar minn 5 % n-numru tal-varjabbli miġbura għad-dominju tal-introjtu u l-kundizzjonijiet tal-għajxien fit-3 ta’ Novembru 2019, |
ADOTTAT DAN IR-REGOLAMENT:
Artikolu 1
In-numru u t-titolu tal-varjabbli għas-suġġett ad hoc għall-2025 dwar “Enerġija u ambjent” fid-dominju tal-introjtu u l-kundizzjonijiet tal-għajxien, huma stabbiliti fl-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Novembru 2023.
Għall-Kummissjoni
Il-President
Ursula VON DER LEYEN
(1) ĠU L 261 I, 14.10.2019, p. 1.
(2) Is-Semestru Ewropew huwa l-qafas tal-Unjoni Ewropea għall-koordinazzjoni u s-sorveljanza tal-politiki ekonomiċi u soċjali.
(3) Il-Parlament Ewropew, il-Kunsill u l-Kummissjoni pproklamaw il-Pilastru Ewropew tad-Drittijiet Soċjali fl-2017 waqt is-Summit ta’ Gothenburg. Il-Pilastru jistabbilixxi 20 prinċipju ewlieni li jiggwidawna lejn Ewropa soċjali b’saħħitha li tkun ġusta, inklużiva u mimlija opportunitajiet fis-seklu 21.
(4) Ir-Regolament Delegat tal-Kummissjoni (UE) 2020/256 tas-16 ta’ Diċembru 2019 li jissupplimenta r-Regolament (UE) 2019/1700 tal-Parlament Ewropew u tal-Kunsill billi jistabbilixxi ppjanar kontinwu pluriennali (ĠU L 54, 26.2.2020, p. 1).
(5) Il-Komunikazzjoni tal-Kummissjoni “Lesti għall-mira ta’ 55 %”: Nilħqu l-Mira Klimatika tal-UE għall-2030 fi Triqitna lejn in-Newtralità Klimatika” (COM(2021) 550 final).
(6) Il-proposta għal Rakkomandazzjoni tal-Kunsill dwar l-iżgurar ta’ tranżizzjoni ġusta lejn in-newtralità klimatika (COM(2021) 801 final).
ANNESS
In-numru u t-titolu tal-varjabbli għas-suġġett ad hoc għall-2025 “Enerġija u ambjent” fid-dominju tal-introjtu u l-kundizzjonijiet tal-għajxien:
Modulu |
Identifikatur tal-varjabbli |
Isem il-varjabbli |
Suġġett ad hoc għall-2025 dwar “Enerġija u ambjent” (20 varjabbli obbligatorju) |
HEE01 |
Distanza bil-mixi sal-eqreb spazju aħdar pubbliku |
PW201 |
Sodisfazzjon bl-ispazji ħodor pubbliċi fiż-żona lokali |
|
PEE03 |
Kapaċità ta’ aċċess fi żmien siegħa waħda għal xogħol/skola/università bit-trasport pubbliku, bir-rota jew bil-mixi |
|
PEE04 |
Trasport primarju użat |
|
PEE05 |
Trasport sekondarju użat |
|
HC006 |
Sena tal-kostruzzjoni tal-abitazzjoni ewlenija |
|
HC003 A |
Rinovazzjoni tal-effiċjenza enerġetika (insulazzjoni termika, twieqi jew sistema tat-tisħin) |
|
HEE07 |
Ostakli għat-titjib tal-effiċjenza enerġetika |
|
PEE08 |
Ħsara lid-dar/lill-appartament minħabba kawżi ambjentali/tat-temp |
|
HEE09 |
Separazzjoni tal-fliexken tal-plastik fid-dar |
|
PEE10 |
Frekwenza ta’ kemm jittiekel laħam, pollam jew ħut |
|
HEE11 |
Numru ta’ karozzi privati, mikrija jew tal-kumpanija fl-unità domestika |
|
HEE12 |
Tip ta’ karozza (l-aktar ġdida) |
|
HEE13 |
Sena tal-ewwel reġistrazzjoni tal-karozza (l-aktar ġdida) |
|
HEE14 |
Sena tal-ewwel reġistrazzjoni tal-karozza (l-eqdem waħda) |
|
PEE15 |
Numru ta’ titjiriet privati jew għan-negozju fl-Ewropa |
|
PEE16 |
Numru ta’ titjiriet privati jew għan-negozju barra mill-Ewropa |
|
PEE17 |
Numru ta’ sigħat imqattgħin f’karozza mhux elettrika bħala sewwieq matul 7 ijiem tas-soltu |
|
PEE20 |
Attentati ta’ tiswija tal-mowbajl meta tiġrilu ħsara |
|
PEE21 |
Azzjoni meħuda għall-mowbajl li ma jistax jintuża |
ELI: http://data.europa.eu/eli/reg_del/2024/298/oj
ISSN 1977-074X (electronic edition)