ISSN 1977-074X |
||
Il-Ġurnal Uffiċjali tal-Unjoni Ewropea |
L 240 |
|
Edizzjoni bil-Malti |
Leġiżlazzjoni |
Volum 65 |
Werrej |
|
II Atti mhux leġiżlattivi |
Paġna |
|
|
FTEHIMIET INTERNAZZJONALI |
|
|
* |
||
|
* |
||
|
|
REGOLAMENTI |
|
|
* |
Regolament tal-Kummissjoni (UE) 2022/1531 tal-15 ta’ Settembru 2022 li jemenda u jikkoreġi r-Regolament (KE) Nru 1223/2009 tal-Parlament Ewropew u tal-Kunsill rigward l-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi ( 1 ) |
|
|
|
DEĊIŻJONIJIET |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
FTEHIMIET INTERNAZZJONALI
16.9.2022 |
MT |
Il-Ġurnal Uffiċjali tal-Unjoni Ewropea |
L 240/1 |
Informazzjoni relatata mad-dħul fis-seħħ tal-Protokoll bejn l-Unjoni Ewropea, il-Konfederazzjoni Żvizzera u l-Prinċipat tal-Liechtenstein għall-Ftehim bejn il-Komunità Ewropea u l-Konfederazzjoni Żvizzera dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ talba għall-ażil magħmula fi Stat Membru jew fl-Iżvizzera fir-rigward ta’ aċċess għall-Eurodac għall-finijiet tal-infurzar tal-liġi
Il-Protokoll bejn l-Unjoni Ewropea, il-Konfederazzjoni Żvizzera u l-Prinċipat tal-Liechtenstein għall-Ftehim bejn il-Komunità Ewropea u l-Konfederazzjoni Żvizzera dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ talba għall-ażil magħmula fi Stat Membru jew fl-Iżvizzera fir-rigward ta’ aċċess għall-Eurodac għall-finijiet tal-infurzar tal-liġi, iffirmat fi Brussell fis-27 ta’ Ġunju 2019 (1), daħal fis-seħħ fl-1 ta’ Mejju 2022, f’konformità mal-Artikolu 4(2) tiegħu, wara li l-proċeduri meħtieġa għad-dħul fis-seħħ tlestew fit-28 ta’ April 2022.
16.9.2022 |
MT |
Il-Ġurnal Uffiċjali tal-Unjoni Ewropea |
L 240/2 |
Informazzjoni dwar id-dħul fis-seħħ tal-Protokoll bejn l-Unjoni Ewropea, l-Iżlanda u r-Renju tan-Norveġja għall-Ftehim bejn il-Komunità Ewropea u r-Repubblika tal-Iżlanda u r-Renju tan-Norveġja dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ talba għall-ażil ippreżentata fi Stat Membru jew fl-Iżlanda jew fin-Norveġja fir-rigward ta’ aċċess fil-Eurodac għall-finijiet tal-infurzar tal-liġi
Il-Protokoll bejn l-Unjoni Ewropea, l-Iżlanda u r-Renju tan-Norveġja għall-Ftehim bejn il-Komunità Ewropea u r-Repubblika tal-Iżlanda u r-Renju tan-Norveġja dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ talba għall-ażil ippreżentata fi Stat Membru jew fl-Iżlanda jew fin-Norveġja fir-rigward ta’ aċċess fil-Eurodac għall-finijiet tal-infurzar tal-liġi, iffirmat fi Brussell fl-24 ta’ Ottubru 2019 (1), daħal fis-seħħ fl-1 ta’ Settembru 2022, f’konformità mal-Artikolu 4(2) tiegħu, wara li l-proċeduri għad-dħul fis-seħħ tlestew fid-9 ta’ Awwissu 2022.
REGOLAMENTI
16.9.2022 |
MT |
Il-Ġurnal Uffiċjali tal-Unjoni Ewropea |
L 240/3 |
REGOLAMENT TAL-KUMMISSJONI (UE) 2022/1531
tal-15 ta’ Settembru 2022
li jemenda u jikkoreġi r-Regolament (KE) Nru 1223/2009 tal-Parlament Ewropew u tal-Kunsill rigward l-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta’ Novembru 2009 dwar il-prodotti kożmetiċi (1), u b’mod partikolari l-Artikolu 15(1), u r-raba’ subparagrafu tal-Artikolu 15(2) tiegħu,
Billi:
(1) |
Ir-Regolament (KE) Nru 1272/2008 tal-Parlament Ewropew u tal-Kunsill (2) jipprevedi klassifikazzjoni armonizzata tas-sustanzi bħala karċinoġeniċi, mutaġeniċi jew tossiċi għar-riproduzzjoni (CMR) abbażi ta’ valutazzjoni xjentifika mwettqa mill-Kumitat għall-Istima tar-Riskji tal-Aġenzija Ewropea għas-Sustanzi Kimiċi. Is-sustanzi huma kklassifikati bħala sustanzi CMR tal-kategorija 1 A, sustanzi CMR tal-kategorija 1B jew sustanzi CMR tal-kategorija 2 skont il-livell tal-evidenza tal-proprjetajiet CMR tagħhom. |
(2) |
L-Artikolu 15 tar-Regolament (KE) Nru 1223/2009 jipprevedi li għandu jiġi pprojbit li s-sustanzi kklassifikati bħala sustanzi CMR tal-kategorija 1 A, tal-kategorija 1B jew tal-kategorija 2 tal-Parti 3 tal-Anness VI tar-Regolament (KE) Nru 1272/2008 (sustanzi CMR) jintużaw fil-prodotti kożmetiċi. Madankollu, sustanza CMR tista’ tintuża fil-prodotti kożmetiċi meta jiġu ssodisfati l-kundizzjonijiet stabbiliti fit-tieni sentenza tal-Artikolu 15(1) jew fit-tieni subparagrafu tal-Artikolu 15(2) tar-Regolament (KE) Nru 1223/2009. |
(3) |
Sabiex tiġi implimentata b’mod uniformi l-projbizzjoni tas-sustanzi CMR fis-suq intern, ħalli tkun żgurata ċ-ċertezza legali, b’mod partikolari għall-operaturi ekonomiċi u għall-awtoritajiet nazzjonali kompetenti, u sabiex jiġi żgurat livell għoli tal-protezzjoni tas-saħħa tal-bniedem, jenħtieġ li s-sustanzi CMR kollha jiġu inklużi fil-lista ta’ sustanzi pprojbiti fl-Anness II tar-Regolament (KE) Nru 1223/2009 u, fejn rilevanti, jitħassru mil-listi ta’ sustanzi ristretti jew awtorizzati fl-Annessi III sa VI ta’ dak ir-Regolament. Meta jiġu ssodisfati l-kundizzjonijiet stabbiliti fit-tieni sentenza tal-Artikolu 15(1) jew fit-tieni subparagrafu tal-Artikolu 15(2) tar-Regolament (KE) Nru 1223/2009, jenħtieġ li l-listi ta’ sustanzi ristretti jew permessi fl-Annessi III sa VI ta’ dak ir-Regolament jiġu emendati kif xieraq. |
(4) |
Dan ir-Regolament ikopri s-sustanzi kklassifikati bħala sustanzi CMR tal-kategoriji 1 A, 1B jew 2 mir-Regolament Delegat tal-Kummissjoni (UE) 2021/849 (3), li se jibda japplika mis-17 ta’ Diċembru 2022. |
(5) |
Fir-rigward tas-sustanza “metil 2-idrossibenżoat” (Nru CAS 119-36-8), bl-isem “Saliċilat tal-Metil” tan-Nomenklatura Internazzjonali tal-Kożmetiċi tal-Ingredjent (INCI), li ġiet ikklassifikata bħala sustanza CMR tal-kategorija 2 (Tossika għar-Riproduzzjoni), fil-25 ta’ Mejju 2021 tressqet talba għall-applikazzjoni tat-tieni sentenza tal-Artikolu 15(1) tar-Regolament (KE) Nru 1223/2009 rigward l-użu ta’ dik is-sustanza bħala ingredjent tal-fwieħa f’diversi prodotti kożmetiċi. |
(6) |
Is-Saliċilat tal-Metil jintuża bħala ingredjent tal-fwieħa, aġent aromatizzanti u aġent li jtaffi f’diversi prodotti kożmetiċi u bħalissa mhuwiex elenkat fl-Annessi tar-Regolament (KE) Nru 1223/2009. |
(7) |
F’konformità mat-tieni sentenza tal-Artikolu 15(1) tar-Regolament (KE) Nru 1223/2009, sustanzi CMR tal-kategorija 2 jistgħu jintużaw fil-prodotti kożmetiċi meta s-sustanza tkun ġiet evalwata mill-Kumitat Xjentifiku dwar is-Sikurezza tal-Konsumatur (SCCS) u jkun instab li l-użu tagħha f’prodotti bħal dawn huwa sikur. |
(8) |
Fl-opinjoni tiegħu tas-26-27 ta’ Ottubru 2021, l-SCCS ikkonkluda (4) li l-Methyl Salicylate jista’ jitqies sikur bħala ingredjent fil-prodotti kożmetiċi sal-konċentrazzjonijiet massimi pprovduti mill-applikant. Fid-dawl tal-klassifikazzjoni tal-Methyl Salicylate bħala sustanza CMR tal-kategorija 2 u l-opinjoni tal-SCCS fil-verżjoni finali tagħha, jenħtieġ li l-Methyl Salicylate jiżdied mal-lista ta’ sustanzi ristretti fil-prodotti kożmetiċi fl-Anness III tar-Regolament (KE) Nru 1223/2009. |
(9) |
Għajr it-talba għal-Saliċilat tal-Metil, ma tressqitx talba oħra biex issir eċċezzjoni ħalli xi sustanza oħra kklassifikata bħala sustanza CMR, tintuża fil-prodotti kożmetiċi skont ir-Regolament (KE) Nru 1272/2008 bir-Regolament Delegat (UE) 2021/849. Għaldaqstant, is-sustanzi CMR li mhumiex diġà elenkati fl-Anness II tar-Regolament (KE) Nru 1223/2009 jenħtieġ li jiżdiedu mal-lista f’dak l-Anness tas-sustanzi ipprojbiti fil-prodotti kożmetiċi. |
(10) |
Permezz tar-Regolament Delegat tal-Kummissjoni (UE) 2020/1182 (5) is-sustanza N-(idrossimetil)gliċinat tas-sodju (Nru CAS 70161-44-3) ġiet ikklassifikata bħala karċinoġenika tal-kategorija 1B u mutaġenika tal-kategorija 2. Min-noti 8 u 9 ta’ din il-klassifikazzjoni jirriżulta li din tapplika biss jekk ma jistax jintwera li l-konċentrazzjoni teoretika massima ta’ formaldeid rilaxxabbli, irrispettivament mis-sors, fit-taħlita kif imqiegħda fis-suq hija inqas minn 0,1 %. Fir-Regolament tal-Kummissjoni (UE) 2021/1902 (6), l-“N-(idrossimetil)gliċinat tas-sodju” ġie miżjud bi żball bħala l-entrata 1669 fil-lista ta’ sustanzi pprojbiti fl-Anness II tar-Regolament (KE) Nru 1223/2009, minkejja l-fatt li kien diġà elenkat fl-entrata 51 tal-Anness V ta’ dak ir-Regolament taħt l-isem kimiku/INN “Idrossimetilammino aċetat tas-sodju” bħala preservattiv permess fil-prodotti kożmetiċi taħt ċerti kundizzjonijiet. Is-sustanza jenħtieġ li tiġi elenkata kemm fl-Anness II kif ukoll fl-Anness V tar-Regolament (KE) Nru 1223/2009 u għalhekk l-entrata 1669 jenħtieġ li titħassar mill-Anness II ta’ dak ir-Regolament. |
(11) |
Il-kundizzjoni addizzjonali li ġiet introdotta fil-kolonna h tal-entrata 51 tal-Anness V tar-Regolament (KE) Nru 1223/2009 bir-Regolament (UE) 2021/1902 dwar il-konċentrazzjoni teoretika massima ta’ formaldeid bi żball ingħatat formulazzjoni kemxejn differenti mill-kundizzjoni stabbilita fin-noti 8 u 9 għall-klassifikazzjoni CMR tas- “N-(idrossimetil)gliċinat tas-sodju”. Sabiex tiġi riflessa b’mod korrett il-projbizzjoni ta’ dik is-sustanza fil-prodotti kożmetiċi abbażi tal-klassifikazzjoni CMR, il-formulazzjoni tal-kundizzjonijiet jenħtieġ li jkun allinjat u l-entrata 51 jenħtieġ li tiġi adattata skont dan. |
(12) |
L-entrata 51 tal-Anness V tar-Regolament (KE) Nru 1223/2009 fiha wkoll żball fil-kolonna b fir-rigward tal-isem kimiku tas-sustanza. L-isem korrett tas-sustanza huwa “N-(idrossimetil) gliċinat tas-sodju”, kif imsemmi fir-Regolament Delegat (UE) 2020/1182. |
(13) |
Għalhekk, jenħtieġ li r-Regolament (KE) Nru 1223/2009 jiġi emendat u kkoreġut skont dan. |
(14) |
L-emendi għar-Regolament (KE) Nru 1223/2009 li huma bbażati fuq il-klassifikazzjonijiet tas-sustanzi rilevanti bħala sustanzi CMR permezz tar-Regolament Delegat (UE) 2021/849 jenħtieġ li japplikaw mill-istess data ta’ dawk il-klassifikazzjonijiet. |
(15) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Kożmetiċi, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 1223/2009 huma emendati f’konformità mal-Anness I ta’ dan ir-Regolament.
Artikolu 2
L-Annessi II u V tar-Regolament (KE) Nru 1223/2009 huma ikkoreġuti f’konformità mal-Anness II ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
L-Artikolu 1 għandu japplika mis-17 ta’ Diċembru 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Settembru 2022.
Għall-Kummissjoni
Il-President
Ursula VON DER LEYEN
(1) ĠU L 342, 22.12.2009, p. 59.
(2) Ir-Regolament (KE) Nru 1272/2008 tal-Parlament Ewropew u tal-Kunsill ta’ 16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).
(3) Ir-Regolament Delegat tal-Kummissjoni (UE) 2021/849 tal-11 ta’ Marzu 2021 li jemenda, għall-finijiet tal-adattament tiegħu għall-progress tekniku u xjentifiku, il-Parti 3 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, it-tikkettar u l-imballaġġ tas-sustanzi u tat-taħlitiet (ĠU L 188, 28.5.2021, p. 27).
(4) SCCS (Kumitat Xjentifiku dwar is-Sikurezza tal-Konsumatur), Opinjoni dwar l-methyl salicylate (methyl 2-hydroxybenzoate), verżjoni preliminari tal-24-25 ta’ Ġunju, verżjoni finali tas-26-27 ta’ Ottubru 2021, SCCS/1633/21.
(5) Ir-Regolament Delegat tal-Kummissjoni (UE) 2020/1182 tad-19 ta’ Mejju 2020 li jemenda, għall-finijiet tal-adattament tiegħu għall-progress tekniku u xjentifiku, il-Parti 3 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, it-tikkettar u l-imballaġġ tas-sustanzi u tat-taħlitiet (ĠU L 261, 11.8.2020, p. 2).
(6) Ir-Regolament tal-Kummissjoni (UE) 2021/1902 tad-29 ta’ Ottubru 2021 li jemenda l-Annessi II, III u V tar-Regolament (KE) Nru 1223/2009 tal-Parlament Ewropew u tal-Kunsill f’dak li għandu x’jaqsam mal-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi (ĠU L 387, 3.11.2021, p. 120).
ANNESS I
L-Annessi II u III tar-Regolament (KE) Nru 1223/2009 huma emendati kif ġej:
(1) |
fl-Anness II, jiżdiedu l-entrati li ġejjin:
|
(2) |
fl-Anness III tiżdied l-entrata li ġejja:
|
ANNESS II
L-Annessi II u V tar-Regolament (KE) Nru 1223/2009 huma emendati kif ġej:
(1) |
fl-Anness II, l-entrata 1669 titħassar; |
(2) |
fl-Anness V, l-entrata 51 hija sostitwita b’dan li ġej:
|
DEĊIŻJONIJIET
16.9.2022 |
MT |
Il-Ġurnal Uffiċjali tal-Unjoni Ewropea |
L 240/9 |
DEĊIŻJONI TAL-KUNSILL (UE) 2022/1532
tal-24 ta’ Jannar 2022
li taħtar membru propost mill-Ungerija, fil-Kumitat tar-Reġjuni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 305 tiegħu,
Wara li kkunsidra d-Deċiżjoni tal-Kunsill (UE) 2019/852 tal-21 ta’ Mejju 2019 li tiddetermina l-kompożizzjoni tal-Kumitat tar-Reġjuni (1),
Filwaqt li kkunsidra l-proposta mill-Gvern Ungeriż,
Billi:
(1) |
Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta. |
(2) |
Fl-20 ta’ Jannar 2020, il-Kunsill adotta d-Deċiżjoni (UE) 2020/102 (2) li taħtar il-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2020 sal-25 ta’ Jannar 2025. |
(3) |
Konsegwentement għar-riżenja tas-Sur János Ádám KARÁCSONY mill-mandat nazzjonali li abbażi tagħha ġie propost għall-ħatra tas-Sur János Ádám KARÁCSONY, sar vakanti s-siġġu ta’ membru fil-Kumitat tar-Reġjuni. |
(4) |
Il-Gvern Ungeriż ippropona, abbażi ta’ mandat nazzjonali differenti, is-Sur János Ádám KARÁCSONY, rappreżentant ta’ korp reġjonali li għandu mandat elettorali ta’ awtorità reġjonali (Pest Megyei Közgyűlés tagja - Membru tal-Kunsill tal-Kontea ta’ Pest Megye), bħala membru tal-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025, |
ADOTTA DIN ID-DEĊIŻJONI:
Artikolu 1
Is-Sur János Ádám KARÁCSONY, rappreżentant ta’ korp reġjonali li għandu mandat elettorali, Pest Megyei KözgyȘ lés tagja (Membru tal-Kunsill tal-Kontea ta’ Pest Megye) (bidla fil-mandat) huwa b’dan maħtur bħala membru tal-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-24 ta’ Jannar 2022.
Għall-Kunsill
Il-President
J. BORRELL FONTELLES
(1) ĠU L 139, 27.5.2019, p. 13.
(2) Id-Deċiżjoni tal-Kunsill (UE) 2020/102 tal-20 ta’ Jannar 2020 li taħtar il-membri u l-membri supplenti tal-Kumitat tar-Reġjuni għall-perijodu mis-26 ta’ Jannar 2020 sal-25 ta’ Jannar 2025 (ĠU L 20, 24.1.2020, p. 2).