5.12.2017   

MT

Il-Ġurnal Uffiċjali tal-Unjoni Ewropea

L 319/1

(1)

Skont l-Artikolu 50(2)(a) tar-Regolament (UE) Nru 1151/2012, l-applikazzjoni tal-Ungerija għar-reġistrazzjoni tad-denominazzjoni “Makói petrezselyemgyökér” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Il-Kummissjoni ma rċeviet l-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li d-denominazzjoni “Makói petrezselyemgyökér” tiġi rreġistrata,

5.12.2017   

MT

Il-Ġurnal Uffiċjali tal-Unjoni Ewropea

L 319/2

(1)

Dan l-aħħar kien hemm diversi Stati Membri li indikaw problemi ta' sikurezza fir-rigward tal-użu taż-żejt tal-karawett, l-estratti tiegħu u d-derivattivi tiegħu fil-prodotti kożmetiċi. Tqajjem tħassib dwar is-sensitizzazzjoni għall-karawett li tista' tiġi kkaġunata permezz tal-espożizzjoni tal-ġilda għaż-żejt tal-karawett permezz tal-użu ta' prodotti kosmetiċi.

(2)

Il-Kumitat Xjentifiku dwar is-Sikurezza tal-Konsumatur (“SCCS”) irrikonoxxa dan it-tħassib fl-opinjoni riveduta tiegħu tat-23 ta' Settembru 2014 (2). F'dik l-opinjoni, il-Kumitat Xjentifiku dwar is-Sikurezza tal-Konsumatur ikkonkluda li m'hemmx biżżejjed dejta biex tiddefinixxi livell sikur ta' espożizzjoni tal-ġilda fil-popolazzjoni mhux sensitizzata. Madankollu, wieħed irid iżid li fid-dawl tal-livelli sikuri dokumentati ta' doża orali tal-proteini tal-karawett f'individwi sensitizzati u fid-dawl tal-kapaċità tal-industrija li tirfina ż-żejt tal-karawett għal-livelli ta' proteina ta' 0,5 ppm jew anqas, dan il-valur jista' jiġi aċċettat bħala l-konċentrazzjoni massima permissibbli fiż-żejt (irfinut) tal-karawett, l-estratti tiegħu u d-derivattivi tiegħu li jintużaw fil-prodotti kożmetiċi.

(3)

Diversi Stati Membri indikaw ukoll problemi ta' sikurezza fir-rigward tal-prodotti kożmetiċi li jkun fihom proteini tal-qamħ idrolizzata. Ġew irrappurtati għadd ta' każijiet ta' urtikarja minn kuntatt pprovokata minn tali prodotti kożmetiċi, segwita minn xokk anafilattiku wara l-inġestjoni tal-ikel li jkun fih proteini mill-qamħ.

(4)

Fl-opinjoni riveduta tiegħu tat-22 ta' Ottubru 2014 (3), il-SCCS qies li l-użu tal-proteini tal-qamħ idrolizzati fil-prodotti kożmetiċi huwa sikur għall-konsumaturi, kemm-il darba l-piż molekolari medju massimu tal-peptidi fl-idrolisati huwa 3,5 kDa.

(5)

Fid-dawl tal-opinjonijiet mogħtija mill-SCCS, l-użu tal-prodotti kożmetiċi li jkun fihom żejt tal-karawett, l-estratti tiegħu u d-derivattivi tiegħu u l-użu tal-prodotti kożmetiċi li jkun fihom proteini tal-qamħ idrolizzati jippreżenta riskju potenzjali għas-saħħa tal-bniedem. Sabiex tiġi żgurata s-sikurezza ta' dawk il-prodotti kożmetiċi għas-saħħa tal-bniedem, jixraq li tiġi stabbilita konċentrazzjoni massima ta' 0,5 ppm għall-proteini tal-karawett fiż-żejt tal-karawett, fl-estratti tiegħu u fid-derivattivi tiegħu li jintużaw fil-prodotti kożmetiċi u biex jiġi ristrett il-piż medju molekulari tal-peptidi fil-proteini tal-qamħ idrolizzati użata fil-prodotti kożmetiċi għal massimu ta' 3,5 kDa.

(6)

L-industrija għandha tingħata perjodu raġonevoli ta' żmien biex tadatta għar-rekwiżiti l-ġodda billi tagħmel l-aġġustamenti meħtieġa fil-formulazzjonijiet tal-prodott tagħha sabiex tiżgura li l-prodotti li jikkonformaw biss ma' dawk ir-rekwiżiti jiġu mqiegħda fis-suq. L-industrija għandha tingħata wkoll perjodu raġonevoli ta' żmien biex tirtira mis-suq dawk il-prodotti li ma jikkonformawx mar-rekwiżiti l-ġodda.

(7)

Għaldaqstant, l-Anness III tar-Regolament (KE) Nru 1223/2009 jenħtieġ li jiġi emendat skont dan,

(8)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi,

5.12.2017   

MT

Il-Ġurnal Uffiċjali tal-Unjoni Ewropea

L 319/6

(1)

Id-Direttiva 2002/32/KE tipprevedi l-projbizzjoni tal-użu tal-prodotti maħsubin għall-għalf tal-annimali li jkun fihom is-sustanzi mhux mixtieqa f'livelli li jaqbżu l-livelli massimi stabbiliti fl-Anness I ta' dik id-Direttiva.

(2)

L-Awtorità Ewropea dwar is-Sigurtà fl-Ikel (minn hawn 'il quddiem imsejħa “l-Awtorità”) adottat opinjoni xjentifika dwar is-sikurezza u l-effikaċja tal-ossidu tar-ram (I) bħala addittiv tal-għalf għall-ispeċijiet kollha (2). F'dik l-opinjoni jingħad li, f'ċerti każijiet, il-livelli taċ-ċomb fl-ossidu tar-ram (I) jaqbżu l-livelli massimi attwali tal-Unjoni għaċ-ċomb, iżda li dawn il-livelli ma jippreżentaw l-ebda tħassib dwar is-sikurezza minħabba li l-annimali se jkunu inqas esposti għaċ-ċomb mill-użu ta' dak l-addittiv milli se jkunu mill-użu ta' komposti tar-ram oħrajn li huma konformi mal-liġijiet tal-Unjoni. Abbażi tat-tagħrif ipprovdut, l-ossidu tar-ram (I) ma jistax jilħaq il-livell massimu taċ-ċomb fl-addittivi tal-għalf li jappartjenu għall-grupp funzjonali tal-komposti tal-mikronutrijenti b'mod konsistenti meta wieħed japplika prattiki tajbin tal-manifattura. Huwa xieraq li l-livell massimu taċ-ċomb fl-ossidu tar-ram (I) jiġi adattat skont dan.

(3)

Ħafna koprodotti u prodotti sekondarji tal-industrija tal-ikel maħsubin għall-għalf għall-annimali domestiċi jsiru l-iktar mit-tonn. Il-livelli massimi attwali tal-merkurju għal dawk il-koprodotti u għal dawk il-prodotti sekondarji huma inqas mil-livell massimu tal-merkurju li japplika għat-tonn għall-konsum mill-bniedem, u dan iwassal biex ma jkunx hemm biżżejjed provvisti ta' dawk il-koprodotti u ta' dawk il-prodotti sekondarji li jkunu konformi mal-livell massimu tal-merkurju li jista' jintuża fl-għalf għall-annimali. Għalhekk huwa xieraq li l-livell massimu tal-merkurju għall-ħut, għall-annimali akkwatiċi l-oħrajn u għall-prodotti derivati minnhom maħsubin għall-produzzjoni ta' għalf kompost għall-klieb, għall-qtates, għall-ħut ornamentali u għall-annimali pilużi, jiġi adattat skont dan, filwaqt li jinżamm livell għoli ta' ħarsien tas-saħħa tal-annimali.

(4)

L-Awtorità adottat opinjoni xjentifika dwar is-sikurezza u l-effikaċja tal-aċidu gwanidinoaċetiku (minn hawn 'il quddiem imsejjaħ “il-GAA”) għat-tiġieġ tas-simna, għat-tiġieġ għat-tgħammir, għas-sriedaq u għall-ħnieżer (3). Huwa speċifikat li l-aċidu gwanidinoaċetiku, li huwa addittiv, ikun fih il-melamina bħala impurità sa livell ta' 20 milligramma għal kull kilogramm. L-Awtorità kkonkludiet li l-kontribut tal-GAA għall-kontenut tal-melamina fl-għalf mhux se jkun ta' tħassib. Il-livell massimu tal-melamina fl-għalf ġie stabbilit fid-Direttiva 2002/32/KE. S'issa għall-GAA għadu ma ġie stabbilit l-ebda livell massimu tal-melamina. Għalhekk huwa xieraq li jiġi stabbilit il-livell massimu tal-melamina fil-GAA.

(5)

Ir-Regolament ta' Implimentazzjoni tal-Kummissjoni (UE) Nru 291/2014 (4) naqqas iż-żmien għall-irtirar tad-dekokinat minn tlett ijiem għall-ebda jum. Għalhekk jenħtieġ li titħassar id-dispożizzjoni dwar it-trażmissjoni inevitabbli tad-dekokinat fil-withdrawal feed maħsub għat-tiġieġ tas-simna.

(6)

Għaldaqstant, jenħtieġ li d-Direttiva 2002/32/KE tiġi emendata skont dan.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

5.12.2017   

MT

Il-Ġurnal Uffiċjali tal-Unjoni Ewropea

L 319/10

(1)

Wara investigazzjoni tal-antidumping (“l-investigazzjoni oriġinali”), il-Kunsill impona, permezz tar-Regolament (KE) Nru 1631/2005 (2), dazju antidumping definittiv fuq l-importazzjonijiet tal-aċidu triklorojsoċjanuriku (“TCCA”) li joriġinaw mir-Repubblika tal-Poplu taċ-Ċina (“ir-RPĊ”) u l-Istati Uniti tal-Amerka (“Stati Uniti”). Il-miżuri kontra r-RPĊ ħadu l-forma ta' dazji individwali ad valorem li jvarjaw minn 7,3 % sa 40,5 %, b'dazju residwu ta' 42,6 %.

(2)

Bir-Regolament ta' Implimentazzjoni (UE) Nru 855/2010 (3), il-Kunsill baxxa d-dazju individwali applikat għal kumpanija waħda minn 14,1 % għal 3,2 %.

(3)

Wara rieżami ta' skadenza tal-miżuri (“l-ewwel rieżami ta' skadenza”), li kien indirizzat biss għall-importazzjonijiet ta' TCCA li joriġinaw fir-RPĊ, il-Kunsill estenda d-dazji antidumping fuq it-TCCA ta' oriġini Ċiniża għal ħames (5) snin oħra permezz tar-Regolament ta' Implimentazzjoni tal-Kunsill (UE) Nru 1389/2011 (4).

(4)

Fit-28 ta' Awwissu 2013 u fl-1 ta' Lulju 2014 rispettivament, il-Kummissjoni bdiet żewġ verifiki tal-esportaturi ġodda. Permezz tar-Regolament ta' Implimentazzjoni (UE) Nru 569/2014 (5), il-Kummissjoni imponiet dazju individwali ta' 32,8 % fuq it-TCCA magħmul minn produttur esportatur Ċiniż ġdid (6). Il-produttur esportatur Ċiniż l-ieħor (7) irtira formalment it-talba tiegħu u b'konsegwenza l-Kummissjoni temmet l-investigazzjoni permezz tar-Regolament ta' Implimentazzjoni tal-Kummissjoni (UE) 2015/392 (8).

(5)

Wara l-pubblikazzjoni tal-avviż tal-iskadenza imminenti (9) tal-miżuri antidumping fis-seħħ, il-Kummissjoni rċeviet talba għall-bidu ta' rieżami tal-iskadenza tal-miżuri fis-seħħ skont l-Artikolu 11(2) tar-Regolament tal-Kunsill (KE) Nru 1225/2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (10).

(6)

It-talba ġiet ippreżentata minn żewġ produtturi tal-Unjoni: Ercros S.A. u Inquide S.A.(“l-applikanti”) li fl-2015 kienu jirrappreżentaw aktar minn 50 % tal-produzzjoni totali ta' TCCA tal-Unjoni.

(7)

It-talba kienet ibbażata fuq ir-raġuni li l-iskadenza tal-miżuri fis-seħħ kienet wisq probabbli se tirriżulta fir-rikorrenza tad-dumping u r-rikorrenza tal-ħsara għall-industrija tal-Unjoni.

(8)

Wara li ddeterminat li kienet hemm biżżejjed evidenza, fl-20 ta' Diċembru 2016 il-Kummissjoni ħabbret, permezz ta' avviż ippubblikat f'Il-Ġurnal Uffiċjali tal-Unjoni Ewropea  (11) (“in-Notifika ta' Bidu”), il-bidu ta' rieżami tal-iskadenza skont l-Artikolu 11(2) tar-Regolament bażiku.

(9)

L-investigazzjoni tal-probabbiltà ta' kontinwazzjoni jew rikorrenza tad-dumping kopriet il-perjodu mill-1 ta' Ottubru 2015 sat-30 ta' Settembru 2016 (il-“perjodu ta' investigazzjoni tar-rieżami” jew “PIR”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew rikorrenza tad-dannu kopra l-perjodu mill-1 ta' Jannar 2013 sat-tmiem tal-perjodu ta' investigazzjoni tar-rieżami (il-“perjodu taħt kunsiderazzjoni”).

(10)

Il-Kummissjoni għarrfet lill-applikanti, lill-produttur l-ieħor magħruf tal-Unjoni, lill-produtturi esportaturi magħrufa fir-RPĊ, lill-importaturi, lill-kummerċjanti, lill-utenti, u lill-assoċjazzjonijiet magħrufa li huma kkonċernati u lir-rappreżentanti tar-RPĊ bil-bidu tar-rieżami tal-iskadenza.

(11)

Il-partijiet interessati ngħataw l-opportunità li jagħtu l-fehmiet tagħhom bil-miktub u biex jitolbu seduta ta' smigħ fil-limitu taż-żmien stabbilit fin-Notifika ta' Bidu. L-ebda parti ma ppreżentat ruħha u talbet seduta ta' smigħ fl-istadju tal-bidu tal-investigazzjoni.

(12)

Fin-Notifika ta' Bidu, il-Kummissjoni qalet li hi, f'konformità mal-Artikolu 17 tar-Regolament bażiku, kellha l-intenzjoni li tieħu kampjuni tal-produtturi esportaturi u importaturi mhux relatati fil-każ li għadd sinifikanti minnhom jippreżentaw irwieħhom.

(13)

Sabiex tiddeċiedi jekk il-kampjunar kienx meħtieġ u, jekk iva, biex tagħżel kampjun, il-Kummissjoni talbet lill-produtturi esportaturi magħrufa kollha fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-missjoni tar-RPĊ għall-Unjoni sabiex tidentifika u/jew tikkuntattja lil produtturi esportaturi Ċiniżi oħrajn, jekk hemm, li jistgħu jkunu interessati jieħdu sehem fl-investigazzjoni.

(14)

Fil-bidu, ġew ikkuntattjati 27 produttur esportatur Ċiniż magħruf. Ma kien hemm l-ebda produttur esportatur fir-RPĊ li ppreżenta tweġiba għall-formola ta' kampjunar jew li ddeċieda li jikkoopera fir-rieżami tal-iskadenza. Għaldaqstant, l-ebda kampjunar tal-produtturi esportaturi Ċiniżi ma kien meħtieġ f'din il-proċedura.

(15)

Biex ikun deċiż jekk kienx hemm bżonn kampjunar u, jekk dan ikun il-każ, jittieħed kampjun, l-importaturi/distributuri magħrufa kollha (14 b'kollox) ġew mistednin jimlew il-formola ta' kampjunar mehmuża man-Notifika ta' Bidu.

(16)

Kienu ħames importaturi biss li wieġbu għall-formola tal-kampjunar, u għaldaqstant il-kampjunar ma kienx meqjus neċessarju.

(17)

Il-Kummissjoni fittxet u vverifikat l-informazzjoni kollha meqjusa neċessarja biex tiġi determinata l-probabbiltà ta' kontinwazzjoni jew ta' rikorrenza ta' dumping, tal-probabbiltà ta' kontinwazzjoni jew ta' rikorrenza ta' ħsara, u l-interess tal-Unjoni.

(18)

Il-Kummissjoni bagħtet kwestjonarji liż-żewġ produtturi magħrufin fil-pajjiż analogu (il-Ġappun), lit-tliet produtturi magħrufin tal-Unjoni, żewġ importaturi mhux relatati u 39 utent magħruf fl-Unjoni.

(19)

Waslu risposti kompluti għall-kwestjonarju mingħand iż-żewġ produtturi fil-pajjiż analogu, żewġ produtturi tal-Unjoni (12), u importatur ieħor mhux relatat.

(20)

Il-Kummissjoni wettqet verifiki fil-bini tal-kumpaniji li ġejjin:

(21)

Il-prodott ikkonċernat huwa t-TCCA u taħlietiet tiegħu, magħruf ukoll bħala “simklosene” skont l-isem nonproprjetarju internazzjonali (INN), li bħalissa jaqa' taħt il-kodiċjiet NM ex 2933 69 80 u ex 3808 94 20 (kodiċijiet TARIC 2933698070 u 3808942020) u li joriġina mir-RPĊ.

(22)

It-TCCA huwa prodott kimiku użat bħala diżinfettant u bliċer organiku ġenerali tal-kloru, użat b'mod partikolari bħala diżinfettant tal-ilma fil-pixxini u l-ispas. Użi oħrajn jinkludu t-trattament tal-ilma fit-tankijiet settiċi jew torrijiet tat-tkessiħ u t-tindif tal-apparat elettrodomestiku. It-TCCA jinbiegħ bħala trab, bċejjeċ żgħar, pilloli jew laqx. Il-forom u t-taħlitiet kollha tat-TCCA għandhom l-istess karatteristiċi bażiċi (diżinfettanti) u għaldaqstant jitqiesu bħala prodott wieħed.

(23)

Il-prodott ikkonċernat u l-prodott simili prodotta u mibjugħ fis-suq domestiku tal-Ġappun, il-pajjiż analogu, kif ukoll il-prodott simili prodott u mibjugħ fl-Unjoni mill-industrija tal-Unjoni nstabu li għandhom l-istess użi u karatteristiċi fiżiċi, kimiċi u tekniċi.

(24)

Għaldaqstant, il-Kummissjoni kkonkludiet li dawn il-prodotti huma simili fis-sens tal-Artikolu 1(4) tar-Regolament bażiku.

(25)

F'konformità mal-Artikolu 11(2) tar-Regolament bażiku, il-Kummissjoni l-ewwel eżaminat jekk l-iskadenza tal-miżuri fis-seħħ aktarx twassal biex id-dumping mir-RPĊ ikompli jew jerġa' jseħħ.

(26)

Meta nbdiet l-investigazzjoni ta' rieżami, il-produtturi esportaturi Ċiniżi kollha magħrufin ġew mistiedna jippreżentaw ruħhom u jipprovdu tweġibiet għall-formola ta' kampjunar mehmuża man-Notifika ta' Bidu. Madankollu, l-ebda kumpanija Ċiniża ma rreaġiet għall-bidu tal-investigazzjoni ta' rieżami u/jew iddeċidiet li tikkoopera fi kwalunkwe stadju ulterjuri tal-proċedura.

(27)

Il-Missjoni tar-Repubblika tal-Poplu taċ-Ċina għall-Unjoni Ewropea ġiet infurmata permezz ta' note verbale li taħt dawn iċ-ċirkustanzi l-Kummissjoni kellha l-intenzjoni li ssejjes il-kostatazzjonijiet tagħha rigward il-probabbiltà tat-tkomplija jew ir-rikorrenza ta' dumping u ħsara fuq il-fatti disponibbli skont l-Artikolu 18 tar-Regolament bażiku. Ma wasal l-ebda kumment.

(28)

Għaldaqstant, il-kostatazzjonijiet rigward it-tkomplija jew ir-rikorrenza ta' dumping ġew imsejsa fuq it-tagħrif li jinsab fit-talba għal rieżami, statistiċi tal-Eurostat, il-bażi ta' dejta tal-Artikolu 14(6) u l-Bażi ta' Dejta ta' Esportazzjoni Ċiniża u l-estimi tas-suq tal-produtturi fil-pajjiż analogu li kkooperaw.

(29)

F'konformità mal-Artikolu 2(7)(a) tar-Regolament bażiku, il-valur normali ġie ddeterminat abbażi tal-prezzijiet imħallsa jew pagabbli fis-suq domestiku jew il-valur maħdum f'pajjiż terz xieraq b'ekonomija tas-suq (il-“pajjiż analogu”).

(30)

Kemm fl-investigazzjoni oriġinali, kif ukoll fl-ewwel rieżami tal-iskadenza, il-Kummissjoni għażlet lill-Ġappun bħala pajjiż analogu biex jiġi stabbilit il-valur normali. Wara t-talba għal rieżami, fin-notifika ta' bidu, il-Kummissjoni infurmat lill-partijiet interessati li kienet qed terġa' tippjana li tuża l-Ġappun bħala l-pajjiż analogu. Barra minn hekk, in-Notifika ta' Bidu semmiet li produtturi oħrajn f'ekonomija tas-suq setgħu jinsabu, fost l-oħrajn, fl-Istati Uniti tal-Amerka. Ma wasal l-ebda kumment.

(31)

Il-Kummissjoni kkuntattjat lill-produtturi esportaturi magħrufin kollha, jiġifieri tnejn fil-Ġappun u tlieta fl-Istati Uniti. L-ebda kumpanija mill-Istati Uniti ma qablet li tikkoopera fl-investigazzjoni. Iż-żewġ kumpaniji Ġappuniżi, Nissan Chemical Industries Ltd u Shikoku Chemicals Corporation qablu li jikkooperaw fl-investigazzjoni u wieġbu l-kwestjonarju, li wara ġie vverifikat fil-post.

(32)

Il-Ġappun għandu suq domestiku mdaqqas (14) għat-TCCA, b'livell sodisfaċenti ta' kompetizzjoni. Hemm tal-anqas tliet produtturi domestiċi kompetituri (15) fil-Ġappun, u tul il-perjodu tal-investigazzjoni ta' rieżami 15 % tas-suq kien kopert mill-importazzjonijiet (16). Il-pajjiż mhuwiex protett permezz ta' dazji doganali għoljin (17). Finalment, il-Ġappun ma għandu l-ebda miżuri għad-difiża tal-kummerċ fuq l-importazzjonijiet tat-TCCA.

(33)

Fid-dawl ta' dan, il-Kummissjoni kkonkludiet li l-Ġappun kien pajjiż analogu xieraq skont l-Artikolu 2(7)(a) tar-Regolament bażiku.

(34)

Minħabba n-nuqqas ta' kooperazzjoni mir-RPĊ, il-kalkolu tad-dumping sar mingħajr differenzjazzjoni tat-tipi ta' prodott.

(35)

Il-valur normali għall-produtturi esportaturi mingħajr TES ġie stabbilit abbażi tad-data verifikata fil-kwartieri taż-żewġ produtturi li kkooperaw fil-Ġappun.

(36)

F'konformità mal-Artikolu 2(2) tar-Regolament bażiku, il-Kummissjoni l-ewwel eżaminat jekk il-volum totali tal-bejgħ domestiku tal-prodott simili lil klijenti indipendenti li sar mill-produtturi kooperanti tal-pajjiż analogu matul il-perjodu ta' investigazzjoni tar-rieżami kienx rappreżentattiv. Għal dan il-għan, il-volumi ta' bejgħ kombinati tagħhom tqabblu mal-volum totali tal-prodott ikkonċernat esportat minn produtturi esportaturi Ċiniżi mingħajr TES lejn l-Unjoni matul l-istess perjodu. Fuq dik il-bażi, il-Kummissjoni kkonstatat li l-prodott simili kien jinbiegħ fi kwantitajiet rappreżentattivi fis-suq domestiku tal-Ġappun.

(37)

Sussegwentement, il-Kummissjoni eżaminat, fir-rigward tal-produtturi tal-pajjiż analogu, jekk il-prodott li kien jinbiegħ fis-suq domestiku setax jitqies li kien jinbiegħ fit-tmexxija ordinarja tal-kummerċ kif iddefinita fl-Artikolu 2(4) tar-Regolament bażiku.

(38)

It-test tat-tmexxija ordinarja tal-kummerċ wera li l-volum li nbigħ bi prezz tal-bejgħ nett li kien daqs jew iktar mill-kost tal-produzzjoni kkalkulat (kostijiet tal-manifattura u kostijiet SG&A) kien jirrappreżenta inqas minn 80 % tal-volum tal-bejgħ domestiku totali, u għalhekk il-valur normali ġie stabbilit abbażi tal-prezzijiet tat-tranżazzjonijiet domestiċi profitabbli biss.

(39)

Fin-nuqqas ta' kooperazzjoni mill-esportaturi Ċiniżi, il-prezz ta' esportazzjoni medju għall-perjodu ta' investigazzjoni ta' rieżami ġie stabbilit abbażi tal-bażi tad-data tal-Artikolu 14(6).

(40)

Il-valur normali u l-prezz tal-esportazzjoni Ċiniż medju kif determinat iktar 'il fuq ġew ipparagunati fuq bażi ta' kif joħroġ mill-fabbrika.

(41)

Sabiex ikun żgurat tqabbil ġust bejn il-valur normali u l-prezz tal-esportazzjoni, saret konsiderazzjoni xierqa fil-forma ta' aġġustamenti għad-differenzi li jaffettwaw il-prezzijiet u l-kumparabbiltà tal-prezzijiet skont l-Artikolu 2(10) tar-Regolament bażiku. Għal dan l-għan, il-valur normali ġie aġġustat għat-trasport intern u l-kostijiet tal-immaniġġar (fil-medda ta' bejn 8 % u 13 %). Il-prezz tal-esportazzjoni ġie aġġustat għat-tariffi għall-ġarr bil-baħar u t-trasport intern abbażi tal-estimi li jinsabu fit-talba għal rieżami (li jvarjaw bejn 3 % u 8 %).

(42)

Il-marġni tad-dumping li għalhekk ġie stabbilit għall-produtturi esportaturi Ċiniżi mingħajr TES ammonta għal 80,2 % tul il-perjodu tal-investigazzjoni ta' rieżami.

(43)

Il-valur normali għall-produtturi esportaturi bit-TES ġie bbażat fuq il-kost tal-produzzjoni fir-RPĊ kif stmat fit-talba għal rieżami.

(44)

Il-prezz ta' esportazzjoni ġie stabbilit abbażi tal-prezzijiet ta' esportazzjoni tat-tliet kumpaniji TES għall-Unjoni kif irreġistrat fil-bażi tad-data tal-Artikolu 14(6).

(45)

Il-valur normali u l-prezz tal-esportazzjoni Ċiniż medju kif determinat iktar 'il fuq ġew ipparagunati fuq bażi ta' kif joħroġ mill-fabbrika.

(46)

Sabiex ikun żgurat tqabbil ġust bejn il-valur normali u l-prezz tal-esportazzjoni, saret konsiderazzjoni xierqa fil-forma ta' aġġustamenti għad-differenzi li jaffettwaw il-prezzijiet u l-kumparabbiltà tal-prezzijiet skont l-Artikolu 2(10) tar-Regolament bażiku. Għal dan l-għan, abbażi tal-estimi li jinsabu f'din it-talba għal rieżami, il-prezz tal-esportazzjoni ġie aġġustat għat-tariffi tal-ġarr bil-baħar u t-trasport intern (li jmorru minn 3 % sa 8 %).

(47)

Il-marġnijiet ta' dumping li nstabu kienu ta' 49,4 % għal Hebei Jiheng Chemical Co. Limited, 49,2 % għal Heze Huayi Chemical Co. Limited u 37,4 % għal Puyang Cleanway Chemicals Limited.

(48)

Il-Kummissjoni kkonstatat li l-produtturi esportaturi Ċiniżi komplew jesportaw it-TCCA għall-Unjoni bi prezzijiet oġġett ta' dumping tul l-investigazzjoni ta' rieżami.

(49)

Il-Kummissjoni analizzat jekk kienx hemm il-probabbiltà ta' kontinwazzjoni tad-dumping jekk il-miżuri fis-seħħ jitħallew jiskadu. Hija u tagħmel dan, fliet il-kapaċità ta' riżerva Ċiniża, l-attraenza tas-suq tal-Unjoni u l-imġiba tal-esportaturi Ċiniżi fi swieq oħra.

(50)

L-ewwel rieżami ta' skadenza stima li l-kapaċità ta' riżerva għall-produzzjoni tat-TCCA fir-RPĊ kienet ta' 180 000 tunnellata kull sena (18). Skont it-talba għal rieżami, il-kapaċita ta' produzzjoni totali Ċiniża kienet stmata għal 278 000 tunnellata fl-2015 (19). Il-produzzjoni Ċiniża tul il-PIR kienet stmata għal madwar 145 000 tunnellata, li kienet tinkludi 125 000 tunnellata ta' esportazzjonijiet (20) u madwar 20 000 tunnellata għall-konsum domestiku (21). Dan kollu taha kapaċità ta' riżerva annwali ta' madwar 130 000 tunnellata, li hija kważi tliet darbiet il-konsum tal-Unjoni kif stabbilit fit-Tabella 1 iktar 'il quddiem. Wieħed mill-produtturi Ġappuniżi fil-pajjiż analogu, abbażi tal-informazzjoni dwar is-suq tiegħu, kellu stima iktar moderata tal-kapaċità ta' riżerva fir-RPĊ ta' madwar 50 000 tunnellata fis-sena. Din id-data, madankollu, ma setgħetx tiġi vverifikata. F'kull każ, abbażi tal-fatti disponibbli, m'hemm l-ebda dubju li l-kapaċità ta' riżerva Ċiniża tat-TCCA hija sinifikanti, u faċilment tisboq il-konsum totali tal-Unjoni (li varja bejn madwar 41 000 u 48 000 tunnellata bejn l-2013 u l-PIR).

(51)

L-attraenza tas-suq tal-Unjoni hija riflessa fil-fatt li minkejja l-miżuri antidumping fis-seħħ, il-volumi ta' esportazzjonijiet Ċiniżi lejn l-Unjoni komplew jespandu. Ir-RPĊ esportat 28 000 tunnellata TCCA lejn l-Unjoni fil-perjodu ta' investigazzjoni tar-rieżami, minn 21 500 tunnellata matul il-perjodu ta' investigazzjoni tal-investigazzjoni oriġinali.

(52)

Is-suq tal-Unjoni huwa t-tieni l-ikbar suq għat-TCCA fid-dinja wara l-Istati Uniti, u dan ifisser li huwa attraenti fejn jidħol id-daqs tiegħu (il-volum ta' opportunitajiet ta' bejgħ).

(53)

Abbażi tal-Bażi ta' Data tal-Esportazzjonijiet Ċiniżi, il-Kummissjoni sabet li tul il-perjodu tal-investigazzjoni ta' rieżami, madwar 23 % tal-esportazzjonijiet Ċiniżi kienu ddestinati għall-Unjoni. Meta qabblet il-prezzijiet medji tal-esportazzjoni (FOB iċ-Ċina) il-Kummissjoni sabet li madwar 47 % tal-volum tal-bejgħ Ċiniż għall-bqija tad-dinja kien mibjugħ bi prezzijiet medji li kienu inqas mill-prezz ta' esportazzjoni medju lejn l-Unjoni (22). Il-volum tal-esportazzjoni jikkorrespondi għal 46 100 tunnellata, jiġifieri volum tad-daqs tal-konsum totali tal-Unjoni. Barra minn hekk, abbażi tal-bażi tad-data tal-esportazzjonijiet Ċiniżi, il-Kummissjoni identifikat ukoll li l-maġġoranza ta' dan il-bejgħ (madwar 85 %, ekwivalenti għal 40 000 tunnellata) saru mill-produtturi esportaturi Ċiniżi mingħajr it-TES (jiġifieri kumpaniji li bħalissa huma soġġetti għall-ogħla dazji antidumping fis-suq tal-Unjoni). Għalhekk, dawn il-volumi huma wisq iktar probabbli li jiġu diretti lejn is-suq tal-Unjoni hekk kif il-miżuri jiskadu, ladarba li fil-każ tagħhom, it-tneħħija tad-dazji relattivament għoljin huwa inċentiv akbar.

(54)

Abbażi ta' dan li għadu kemm intqal, il-Kummissjoni kkonkludiet li s-suq tal-Unjoni kien jikkostitwixxi suq attraenti għall-produtturi esportaturi tat-TCCA, kemm rigward il-prezz kif ukoll id-daqs, u li mill-inqas kien se jkun hemm 40 000 tunnellata ta' TCCA Ċiniż li jinbiegħ bi prezzijiet oġġett ta' dumping li jiġu diretti lejn is-suq tal-Unjoni malli jitneħħew il-miżuri antidumping attwali.

(55)

L-investigazzjoni wriet li l-produtturi esportaturi Ċiniżi baqgħu jbigħu t-TCCA lejn is-suq tal-Unjoni bi prezzijiet oġġett ta' dumping. Il-Kummissjoni stabbiliet ukoll li r-RPĊ kellha kapaċità ta' riżerva sinifikanti tal-prodott ikkonċernat. Finalment, is-suq tal-Unjoni għadu attraenti għall-produtturi esportaturi Ċiniżi minħabba d-daqs kbir u l-prezzijiet relattivament għoljin tiegħu.

(56)

Il-prodott simili kien manifatturat minn tliet produtturi tal-Unjoni matul il-perjodu tal-investigazzjoni ta' rieżami (23).

(57)

Tul l-investigazzjoni, il-Kummissjoni stabbiliet li wieħed minn dawn il-produtturi, Inquide S.A.U, ma kellux jiġi kkunsidrat bħala parti mill-“industrija tal-Unjoni” skont it-tifsira tal-Artikolu 4(1) tar-Regolament bażiku ladarba dan il-produttur kien hu stess importatur nett tal-prodott allegatament oġġett ta' dumping. Id-data li ppreżentat fit-tweġiba tagħha wriet li din il-kumpanija importat il-prodotto ikkonċernat, li l-volumi importati kienu jeċċedu l-volumi manifatturati fl-Unjoni, u li dawn l-importazzjonijiet ma kinux ta' natura temporanja.

(58)

Fuq dan l-isfond, il-Kummissjoni ddeċidiet li ma tqisx lil din il-kumpanija bħala parti mill-industrija tal-Unjoni. F'termini prattiċi, din id-deċiżjoni timplika li d-data marbuta mal-kumpanija ma tqisitx meta ġew stabbiliti l-indikaturi tal-ħsara pertinenti għas-sitwazzjoni tal-industrija tal-Unjoni. Il-volumi tal-bejgħ ta' Inquide S.A.U., madankollu, ittieħdu inkonsiderazzjoni biex jiġi stabbilit il-konsum totali tal-Unjoni.

(59)

B'riżultat tal-esklużjoni ta' Inquide S.A.U., u biex tiġi rrispettata l-informazzjoni kummerċjali riservata, l-informazzjoni rigward iż-żewġ produtturi tal-Unjoni kkonċernati qed tiġi ppreżentata f'forma indiċjata jew f'meded.

(60)

Il-Konsum Komunitarju ġie stabbilit fuq il-bażi tal-volumi tal-bejgħ verifikati tal-industrija tal-Unjoni fis-suq tal-Unjoni, il-volum ta' bejgħ verifikat ta' Inquide S.A.U., u l-volumi tal-importazzjonijiet (livell TARIC) fis-suq tal-Unjoni rrappurtat fl-Eurostat.

(61)

Matul il-perjodu kkunsidrat, il-konsum Komunitarju żviluppa kif ġej:

Tabella 1

Konsum Komunitarju

(62)

Il-konsum Komunitarju żdied kontinwament u kumplessivament bi 18 % mill-2013 sal-PIR. Dan kellu implikazzjonijiet kbar fuq ċerti indikaturi tal-ħsara kif deskritt iktar 'il quddiem.

(63)

L-importazzjonijiet fl-Unjoni mir-RPĊ żviluppaw kif ġej:

Tabella 2

Volum u s-sehem mis-suq tal-importazzjonijiet mir-RPĊ

(64)

L-importazzjonijiet tat-TCCA mir-RPĊ żdiedu b'kollox f'termini assoluti u f'termini tas-sehem mis-suq tul il-perjodu kkunsidrat. L-unika eċċezzjoni minuri kienet l-2015, fejn il-volumi ta' importazzjoni fil-fatt naqsu xi ftit meta mqabbel mas-sena ta' qabel, li kienet tirrifletti l-istaġnar fil-konsum tal-Unjoni f'dik is-sena, kif muri fit-Tabella 1. Dan it-tnaqqis fl-importazzjonijiet imbagħad ġie segwit minn risorġiment notevoli ta' importazzjonijiet fil-PIR (iktar minn 24 % meta mqabbel mal-2015). Meta titqies komprensivament, iż-żieda dinamika fil-konsum kif murija fit-Tabella 1 ġiet assorbita kważi esklussivament mill-importazzjonijiet li kienu qed jiżdiedu mir-RPĊ.

(65)

B'mod parallel, l-importazzjonijiet mir-RPĊ żiedu s-sehem tagħhom mis-suq b'mod sinifikanti mill-2013, u kkonsolidaw gwadann sinifikanti ta' iktar minn 16-il punt perċentwali bejn l-2013 u l-PIR.

(66)

Il-prezz medju tal-importazzjonijiet fl-Unjoni mill-pajjiż ikkonċernat żviluppa kif ġej:

Tabella 3

Prezz medju tal-importazzjonijiet mir-RPĊ

(67)

Il-prezzijiet medji tal-importazzjoni mir-RPĊ varjaw xi ftit tul il-perjodu kkunsidrat, u mmarkaw żieda kumplessiva ta' 4 %. Din ix-xejra tista', sa ċertu punt, tirrifletti varjazzjonijiet bejn sena u oħra fit-taħlita tal-prodott (24).

(68)

Id-data mill-Bażi Tad-Data tal-Esportazzjonijiet Ċiniżi (25) madankollu wriet xejra ta' pprezzar differenti. Fil-fatt, għall-perjodu ta' referenza, il-prezz medju tal-esportazzjoni tat-TCCA lejn l-Unjoni f'USD naqas b' 9 %. Dan jagħti x'wieħed jifhem li ż-żieda fil-prezz kienet konsegwenza tal-fluttwazzjonijiet fil-kambju, iktar milli rifless tal-imġiba fl-ipprezzar fis-suq tal-Unjoni, kif fehmet l-ewwel l-Eurostat.

(69)

Il-prezzijiet tal-importazzjonijiet mir-RPĊ baqgħu taħt il-prezzijiet tal-industrija tal-unjoni tul il-perjodu sħiħ ikkunsidrat, bl-eċċezzjoni tal-2015. Biex tiddetermina kemm kien hemm twaqqigħ tal-prezz, il-Kummissjoni bbażat il-kalkolu tagħha fuq il-prezzijiet ta' esportazzjoni CIF tar-RPĊ miksubin mill-Eurostat, bl-aġġustamenti xierqa 'l fuq għad-dazji doganali u kostijiet ta' wara l-importazzjoni (26). Il-prezzijiet tal-prodott ikkonċernat tqabblu mal-medja differenzjata tal-prezz tal-industrija tal-Unjoni aġġustat għal-livell ta' kif joħroġ mill-fabbrika.

(70)

Il-paragun wera li, tul il-PIR, l-importazzjonijiet mir-RPĊ kienu qed iwaqqgħu l-prezzijiet tal-industrija tal-Unjoni b'bejn 2 % sa 4 %, mingħajr ma jitqies id-dazju antidumping fis-seħħ.

(71)

It-tabella segwenti turi l-iżvilupp tal-importazzjonijiet lejn l-Unjoni min pajjiżi terzi li mhumiex ir-RPĊ tul il-perjodu kkunsidrat f'termini ta' volum u sehem mis-suq:

Tabella 4

Importazzjonijiet minn pajjiżi terzi oħrajn

(72)

Hux f'termini ta' volum jew ta' sehem mis-suq, l-importazzjonijiet lejn l-Unjoni minn pajjiżi li mhumiex ir-RPĊ kienu negliġibbli bejn l-2013 u l-2015 u żdiedu moderatament f'punt perċentwali fil-PIR. Fir-rigward tal-livell tal-prezzijiet ta' dawn l-importazzjonijijet, ix-xejra osservata tista', sa ċertu punt, tirrefletti varjazzjonijiet minn sena għall-oħra fit-taħlita tal-prodott. Madankollu, hemm bżonn li jiġi enfasizzat li l-prezz medju tal-importazzjonijiet minn pajjiżi terzi oħrajn qatt ma kien baxx daqs il-prezzijiet Ċiniżi.

(73)

B'konformità mal-Artikolu 3(5) tar-Regolament bażiku, l-eżami tal-impatt tal-importazzjonijiet li huma l-oġġett ta' dumping fuq l-industrija tal-Unjoni kien jinkludi evalwazzjoni tal-indikaturi ekonomiċi kollha li kellhom effett fuq l-istat tal-industrija tal-Unjoni matul il-perjodu taħt kunsiderazzjoni.

(74)

Għad-determinazzjoni tal-ħsara, il-Kummissjoni ma għamlitx distinzjoni bejn l-indikaturi tal-ħsara makroekonomiċi u dawk mikroekonomiċi peress li l-industrija tal-Unjoni skont it-tifsira tal-Artikolu 4(1) tar-Regolament bażiku hija kkostitwita minn żewġ produtturi biss. Il-Kummissjoni evalwat l-indikaturi ekonomiċi abbażi tad-data relatata ma' dawn iż-żewġ produtturi, bl-eċċezzjoni tal-investimenti u r-redditu fuq l-investimenti li minħabba nuqqas ta' data jikkonċernaw biss waħda minn dawn iż-żewġ kumpaniji.

(75)

L-indikaturi ekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, l-impjiegi, il-produttività, il-kost tax-xogħol, il-kobor tal-marġini ta' dumping, u l-irkupru minn dumping tal-passat, il-prezzijiet medji ta' unità, il-kost unitarju, l-inventarji, il-profittabbiltà, il-fluss tal-flus, l-investimenti, ir-redditu fuq l-investimenti, u l-abbiltà li jiġi ġġenerat il-kapital. Dawn huma analizzati kif ġej.

(76)

Il-produzzjoni totali, il-kapaċità ta' produzzjoni u l-użu tal-kapaċità tal-Unjoni żviluppaw kif ġej matul il-perjodu kkunsidrat:

Tabella 5

Il-produzzjoni, il-kapaċità tal-produzzjoni u l-użu tal-kapaċità

(77)

Mill-2013, il-produtturi tal-Unjoni gradwalment żiedu l-volumi tal-produzzjoni u l-kapaċità installata tagħhom huma u jirreaġġixxu għad-domanda miżjuda, kif muri fit-Tabella 1 iktar 'il fuq. Mill-2015, l-industrija tal-Unjoni kienet pjuttost qed topera bil-kapaċità sħiħa. L-użu ottimali tal-faċilitajiet tal-produzzjoni ġie rifless pożittivament f'kostijiet ta' manifattura iktar baxxi, u, għalhekk, fil-profittabbiltà tal-industrija tal-Unjoni, kif jiġi nnutat iktar 'il quddiem.

(78)

Il-volum tal-bejgħ lil konsumaturi indipendenti u s-sehem mis-suq tal-industrija tal-Unjoni żviluppaw hekk matul il-perjodu kkunsidrat:

Tabella 6

Il-volum tal-bejgħ u s-sehem mis-suq

(79)

Kollox ma' kollox, il-bejgħ tal-industrija tal-Unjoni naqas b'5 % bejn l-2013 u l-PIR, minkejja li l-konsum żdied bi 18 % tul l-istess perjodu. B'riżultat ta' dan, is-sehem mis-suq tal-industrija tal-Unjoni naqas b'mod evidenti minn sena għal sena. Min-naħa l-oħra, tul l-istess żmien, il-produtturi esportaturi Ċiniżi rnexxielhom iżidu s-sehem mis-suq u l-volumi tal-esportazzjoni tagħhom, kif indikat fit-Tabella 2.

(80)

Matul il-perjodu taħt kunsiderazzjoni, l-impjiegi u l-produttività żviluppaw kif ġej:

Tabella 7

L-impjiegi u l-produttività

(81)

Il-livell ta' impjiegi tal-industrija tal-Unjoni żdied bi 12 % bejn l-2013 u l-PIR. Il-produttività espressa skont il-volum tal-produzzjoni għal kull impjegat żdiedet bi 19 % tul il-perjodu kkunsidrat.

(82)

Il-kostijiet lavorattivi medji tal-industrija tal-Unjoni żviluppaw kif ġej matul il-perjodu taħt kunsiderazzjoni:

Tabella 8

Kost lavorattiv medju għal kull impjegat

(83)

Il-kostijiet lavorattivi medji għal kull impjegat naqsu b'4 % mill-2013 sal-2014, u sussegwentement baqgħu relattivament konsistenti sal-PIR.

(84)

Matul il-perjodu taħt kunsiderazzjoni, il-prezzijiet tal-bejgħ medji tal-industrija tal-Unjoni lil klijenti mhux relatati fl-Unjoni żviluppaw kif ġej:

Tabella 9

Prezzijiet tal-bejgħ u l-kost tal-oġġetti mibjugħa tal-industrija tal-Unjoni

(85)

Il-prezzijiet tal-bejgħ tat-TCCA fl-UE baqgħu pjuttost stabbli, bħala medja, sal-2015, u żdiedu bi ftit, b'4 %, tul il-PIR. Din iż-żieda tirrefletti, sa ċertu punt, l-effett imsemmi tat-taħlita tal-prodott (ara n-nota f'qiegħ il-paġna nru 24).

(86)

Minħabba ż-żieda fil-volumi tal-produzzjoni u l-evoluzzjoni tal-prezzijiet tal-materja prima, il-kost tal-unità tal-merkanzija mibjugħa niżel b'5 % tul il-perjodu kkunsidrat.

(87)

Il-livelli tal-ħażniet naqsu b'40 % bejn l-2013 u l-2014, u baqgħu fl-istess medda fl-2015. Il-livell ogħla ta' ħażniet fi tmiem il-PIR jirrifletti t-tnaqqis fil-bejgħ tul l-istess perjodu.

(88)

Matul il-perjodu kkunsidrat, il-profittabbiltà, il-fluss tal-flus, l-investimenti u r-redditu fuq l-investimenti tal-produtturi tal-Unjoni żviluppaw kif ġej:

Tabella 11

Il-profittabbiltà, il-fluss tal-flus, l-investimenti u r-redditu fuq l-investimenti

(89)

Il-Kummissjoni stabbiliet il-profittabbiltà tal-industrija tal-Unjoni billi l-profitt nett qabel it-taxxa tal-bejgħ tal-prodott simili lil konsumaturi mhux relatati fl-Unjoni ġie espress bħala perċentwal tal-fatturat ta' dak il-bejgħ. Tul il-perjodu kkunsidrat, il-profittabbiltà tal-industrija tal-Unjoni tjiebet gradwalment, biex tul il-PIR saret pożittiva. Din il-profittabbiltà hija madankollu ħafna inqas mill-profitt fil-mira stabbilit fl-investigazzjoni oriġinali, li kien stabbilit fil-livell ta' profitt miksub mill-industrija tal-Unjoni fin-nuqqas ta' dumping dannuż.

(90)

Il-perjodu mill-2013 sal-2015 kien ikkaratterizzat minn nuqqas ta' profittabbiltà u redditu negattiv fuq l-investimenti. L-aħħar ċifri juru li hemm ritorn għal redditi pożittivi baxxi. Il-pressjoni konsiderevoli ta' volum imqiegħda fuq l-industrija tal-Unjoni miż-żieda fl-importazzjonijiet mir-RPĊ tul l-2013 u r-RIP waqqfet lill-industrija tal-Unjoni milli tibbenefika għalkollox mit-tkabbir dinamiku tal-konsum tal-Unjoni. Kif indikat fil-premessa (64) aktar 'il fuq, dan it-tkabbir kien assorbit kważi għalkollox mill-importazzjonijiet oġġett ta' dumping mir-RPĊ.

(91)

Il-fluss tal-flus nett huwa l-kapaċità tal-industrija tal-Unjoni li tiffinanzja hija stess l-attività tagħha. Il-fluss tal-flus nett żdied bosta drabi matul il-perjodu kkunsidrat. Iż-żieda sostanzjali fil-fluss tal-flus hija prinċipalment spjegata minn bidliet fil-kapital operatorju.

(92)

Il-livelli osservati fil-perjodu 2014 sal-PIR ma jirriflettux biss ir-rati ta' investiment standard li jkopru l-manteniment kontinwu u l-bdil ta' komponenti tal-makkinarju meħtieġ, iżda l-inċentivi biex tittejjeb il-produttività u l-proċessi tal-produzzjoni.

(93)

Ir-redditu fuq l-investimenti huwa l-profitt f'perċentwal tal-valur kontabilistiku nett tal-assi fissi. Bħal fil-każ tal-indikaturi finanzjarji l-oħrajn, ir-redditu fuq l-investimenti relatat mal-produzzjoni u mal-bejgħ tal-prodott simili wkoll żviluppa pożittivament iżda xorta għadu ma wasalx fil-punt li jkun raġonevoli.

(94)

Il-marġnijiet ta' dumping instabu li kienu ferm ogħla l-livell de minimis u l-livell attwali tal-miżuri (ara l-premessi (2), (4) u (47) iktar 'il fuq). Barra minn hekk, meta jitqiesu l-kapaċità ta' riżerva u l-prezzijiet tal-importazzjoni mir-RPĊ (Ara l-premessi (50) u (66)), l-impatt tal-marġnijiet reali tad-dumping fuq l-industrija tal-Unjoni ma jistax jitqies negliġibbli.

(95)

Il-miżuri oriġinali ġew imposti f'Ottubru 2005. Kif indikat fil-premessa (89) iktar 'il fuq, fil-PIR l-industrija tal-Unjoni kellha rendiment ferm inqas mill-profitt fil-mira ta' 10 % kif determinat fl-investigazzjoni oriġinali (27). Meta nqisu s-sitwazzjoni kumplessiva tal-industrija tal-Unjoni, kif ukoll l-evoluzzjoni tal-importazzjonijiet mir-RPĊ fi snin riċenti, nistgħu nikkonkludu li l-industrija tal-Unjoni għadha ma rkupratx għalkollox minn dawn l-effetti, minkejja d-dazji antidumping li hemm fis-seħħ.

(96)

Fid-dawl ta' dak li ntqal aktar 'il fuq, huwa konkluż li l-industrija tal-Unjoni ma sofrietx ħsara materjali skont it-tifsira tal-Artikolu 3(5) tar-Regolament bażiku matul il-perjodu tal-investigazzjoni ta' rieżami. Għadd ta' indikaturi, b'mod partikolari l-indikaturi finanzjarji, tjiebu matul il-perjodu kkunsidrat.

(97)

Madankollu, l-indikaturi msemmija ma jistgħux jitqiesu f'iżolament minn xulxin. Fil-fatt, it-telfien tas-sehem mis-suq, il-volumi ta' bejgħ li qed jonqsu u l-livelli ta' profittabbiltà, meta analizzati f'korrelazzjoni ma' kuntest pjuttost favorevoli għall-konsum, jikkonfermaw li raġonevolment seta' jkun mistenni li l-industrija tal-Unjoni jkollha prestazzjoni eqreb lejn il-marġni ta' 10 % tal-fatturat, li huwa meqjus raġonevoli għas-settur taħt kundizzjonijiet normali tal-kummerċ, fin-nuqqas ta' importazzjonijiet oġġett ta' dumping. Barra minn hekk, ix-xejra pożittiva osservata fil-produzzjoni, fil-kapaċità u l-profittabbiltà għandha tiġi attribwita wkoll għal deċiżjonijiet li l-industrija tal-Unjoni ħadet biex tinvesti f'faċilitajiet ta' produzzjoni addizzjonali u għal użu iktar razzjonali tal-makkinarju eżistenti. Dan l-użu ottimali tal-kapaċità huwa spjegat ukoll mil-livell ta' esportazzjonijiet li qiegħed jogħla lejn swieq terzi.

(98)

Dawn l-iżviluppi, flimkien maż-żieda sinifikanti tal-importazzjonijiet oġġett ta' dumping miċ-Ċina, iwasslu għall-konklużjoni li minkejja x-xejra pożittiva osservata għal xi fatturi tal-ħsara, kollox ma' kollox, minkejja li l-industrija tal-Unjoni ma sofrietx ħsara tul il-PIR, xorta tinsab f'sitwazzjoni vulnerabbli li fiha ma tkunx kapaċi tlaħħaq ma' mewġiet ġodda ta' importazzjonijiet oġġett ta' dumping mir-RPĊ.

(99)

Kif ġie konkluż fil-premessi (96) sa (98), l-industrija tal-Unjoni ma sofrietx ħsara materjali tul il-perjodu ta' investigazzjoni tar-rieżami, iżda s-sitwazzjoni tagħha għadha prekarja.

(100)

Sabiex tiġi stabbilita l-probabbiltà ta' rikorrenza tal-ħsara li kieku jitħassru l-miżuri kontra r-RPĊ, ġew analizzati l-elementi li ġejjin: (a) id-disponibbiltà tal-kapaċità ta' riżerva tal-produtturi esportaturi mir-RPĊ; (b) l-attrattività tas-suq tal-Unjoni u l-imġiba ta' esportazzjoni tal-produtturi esportaturi Ċiniżi fi swieq terzi oħrajn; u (c) l-impatt probabbli tal-importazzjonijiet ta' TCCA mir-RPĊ.

(101)

Ir-RPĊ hija l-akbar produttur ta' TCCA fid-dinja u fi tmiem l-2015 kienet tirrappreżenta madwar 57 % tal-kapaċità tal-produzzjoni dinjija. L-analiżi li saret fil-premessa (50) uriet li l-kapaċitajiet ta' riżerva disponibbli fiċ-Ċina kienu stmati li jaqbżu, b'mod sinifikanti, il-konsum totali tal-Unjoni fil-PIR. F'dan ir-rigward huwa importanti li jiġi nnutat ukoll li, skont informazzjoni mit-talba għal rieżami u kif ikkonfermat ukoll mill-produtturi esportaturi Ġappuniżi li kkooperaw, is-suq tal-Unjoni huwa t-tieni l-akbar fid-dinja wara l-Istati Uniti.

(102)

Fid-dawl ta' dawn l-elementi, hemm probabbiltà qawwija li, li kieku l-miżuri jitneħħew, il-produtturi esportaturi Ċiniżi jiggwidaw il-produzzjoni tagħhom lejn is-suq tal-Unjoni.

(103)

L-attraenza tas-suq tal-Unjoni hija riflessa fil-fatt li minkejja l-miżuri antidumping fis-seħħ, il-volumi ta' esportazzjonijiet Ċiniżi lejn l-Unjoni komplew jespandu rapidament tul il-perjodu kkunsidrat. Ir-RPĊ esportat 28 000 tunnellata TCCA lejn l-Unjoni fil-perjodu ta' investigazzjoni tar-rieżami, minn 17 000 tunnellata fl-2013.

(104)

Il-Kummissjoni ddeterminat ukoll li tul il-PIR, madwar 23 % tal-esportazzjonijiet Ċiniżi kienu destinati għas-suq tal-Unjoni. Min-naħa l-oħra, l-evidenza li nġabret wasslet biex jiġi stabbilit li madwar 47 % tal-volum tal-bejgħ f'esportazzjonijiet Ċiniżi għall-bqija tad-dinja kien mibjugħ bi prezzijiet medji li kienu inqas mill-prezz ta' esportazzjoni medju lejn is-suq tal-Unjoni. Il-volum tal-esportazzjoni jikkorrespondi għal volum li jiġi madwar id-daqs tal-konsum totali tal-Unjoni.

(105)

Fil-każ li l-miżuri jitħallew jiskadu, kif imsemmi fil-premessa (53), il-volumi tal-esportazzjonjiet li jsiru minn esportaturi Ċiniżi mingħajr TES huma saħansitra iktar probabbli li jiġu diretti lejn is-suq tal-Unjoni, ladarba fil-każ tagħhom, it-tneħħija tad-dazji relattivament għoljin huwa inċentiv iktar b'saħħtu.

(106)

Għar-raġunijiet imsemmija, il-Kummissjoni kkonkludiet li s-suq tal-Unjoni huwa suq attraenti għall-produtturi esportaturi Ċiniżi, kemm f'termini ta' prezzijiet kif ukoll f'termini ta' daqs.

(107)

Hi u tivvaluta l-impatt probabbli tal-importazzjonijiet oġġett ta' dumping fuq l-industrija tal-Unjoni, il-Kummissjoni għamlet simulazzjoni biex tivvaluta l-impatt li l-volumi Ċiniżi aktarx ikollhom fuq l-industrija tal-Unjoni. Jekk wieħed jassumi tnaqqis pjuttost moderat fil-volum tal-bejgħ u l-produzzjoni ta' 5 000 tunnellata b'riżultat ta' żieda fl-importazzjonijiet Ċiniżi ta' TCCA, il-kost ta' produzzjoni tal-unità jiżdied b'7,1 %, li jiddeterjora s-sitwazzjoni tal-produtturi tal-Unjoni u jwassalhom biex jagħmlu t-telf.

(108)

Barra minn hekk, ma jistax jiġi eskluż li aktar importazzjonijiet Ċiniżi jżidu wkoll il-pressjoni tal-prezz fis-suq tal-Unjoni. Kif imsemmi fil-premessa (70), il-prezzijiet tal-importazzjoni tal-produtturi esportaturi Ċiniżi fis-suq tal-Unjoni diġà jwaqqgħu l-prezz tal-bejgħ tal-industrija tal-Unjoni bi 2 % sa 4 %. Fil-każ probabbli li l-importazzjonijiet addizzjonali diġà msemmija jidħlu bl-istess prezz, l-impatt negattiv fuq l-industrija tal-Unjoni jkompli jiggrava.

(109)

Il-profittabbiltà, minkejja li qed tiżviluppa b'mod pożittiv, għadha wisq baxxa biex tiżgura s-sostenibbiltà finanzjarja fit-tul. Barra minn hekk, ir-redditi msemmija seħħew f'kuntest ta' volumi ta' produzzjoni li qed jiżdiedu li ma ġewx riflessi f'termini ta' sehem mis-suq. Għalhekk, seta' jiġi mistenni li l-industrija tal-Unjoni tkompli tammortizza l-kostijiet fissi tagħha bis-saħħa tal-volumi akbar prodotti.

(110)

Huwa importanti li jiġi nnutat li ma kienx hemm importazzjonijiet lejn l-UE minn pajjiżi oħrajn f'volumi suffiċjenti biex dawn jitqiesu fattur relevanti għas-sitwazzjoni attwali tal-industrija tal-Unjoni.

(111)

Abbażi ta' dan ta' hawn fuq, u fin-nuqqas ta' kummenti, il-Kummissjoni sabet li r-revoka tal-miżuri tirriżulta f'rikorrenza tal-ħsara għall-industrija tal-Unjoni.

(112)

F'konformità mal-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri eżistenti kontra r-RPĊ tmurx kontra l-interess tal-Unjoni b'mod ġenerali. Id-determinazzjoni tal-interess tal-Unjoni kienet ibbażata fuq valutazzjoni tal-bosta interessi involuti, inklużi dawk tal-industrija tal-Unjoni, tal-importaturi u tal-utenti.

(113)

Fid-dawl tal-konklużjonijiet dwar is-sitwazzjoni tal-industrija tal-Unjoni ppreżentati fil-premessi (96) sa (98) iktar 'il fuq, u konformement mal-argumenti li jirfdu l-probabbiltà tar-rikorrenza tal-ħsara kif iddeterminat fil-premessa (111), il-Kummissjoni sabet li l-iskadenza tal-miżuri fis-seħħ twassal għad-deterjorament tas-sitwazzjoni ekonomika prekarja tal-industrija tat-TCCA tal-Unjoni, li batiet biex tlaħħaq mal-importazzjonijiet oġġett ta' dumping mir-RPĊ u li s-sitwazzjoni tagħha hija 'l bogħod minn ekwa meta mqabbla mal-produtturi esportaturi mir-RPĊ.

(114)

Għaldaqstant, it-tkomplija tal-miżuri tibbenefika lill-industrija tal-Unjoni, li fda'n il-każ tkun tista' tirkupra aktar mill-effett tad-dumping kontinwu. Kuntrarjament, il-waqfien tal-miżuri jġib fi tmiem l-irkupru tal-industrija tal-Unjoni u b'hekk jhedded serjament il-vijabilità tagħha, u, minħabba f'hekk, ipoġġi l-eżistenza tagħha fil-periklu, biex b'hekk tonqos il-provvista u l-kompetizzjoni fis-suq.

(115)

Erbatax-il importatur/distributur, 11-il Federazzjoni Nazzjonali Ewropea u żewġ assoċjazzjonijiet Ewropej ġew ikkuntattjati fl-istadju tal-bidu. Importatur wieħed fi Spanja wieġeb il-kwestjonarju.

(116)

Dan il-kummerċant xtara kwantitajiet kbar ta' TCCA mir-RPĊ (6 % tal-importazzjonijiet totali) tul il-PIR. Dan xtara wkoll kwantitajiet limitati ta' TCCA mingħand fornituri fl-Unjoni. In-negozju tat-TCCA huwa parti minn diviżjoni tan-negozju akbar, li fl-2015 kienet tikkostitwixxi 35 % tal-fatturat totali tal-kumpanija. Il-kumpanija rrapportat profitt għall-prodott taħt rieżami fil-PIR iżda eventwalment ma pprovdietx biżżejjed spjegazzjonijiet dwar kif iddeterminat dan il-profitt. Il-kumpanija topponi li l-miżuri jitkomplew iżda ma ppreżentatx argumenti konvinċenti biex issostni din il-fehma.

(117)

Kif stipulat fil-premessa (57), waqt l-investigazzjoni, il-Kummissjoni ddeċidiet li ma tqisx lil Inquide S.A.U, wieħed mill-applikanti, bħala parti mill-industrija tal-Unjoni, minħabba li dan il-produttur kien hu stess importatur nett tal-prodott allegatament oġġett ta' dumping. Wara li ġiet innotifikata, Inquide S.A.U. ma oġġezzjonatx għal din id-deċiżjoni. Madankollu, Inquide S.A.U. saħqet li, tkun xi tkun id-deċiżjoni tal-Kummissjoni, l-appoġġ tagħha għall-issoktar tal-miżuri fuq l-importazzjonijiet tat-TCCA mir-RPĊ baqa' ma nbidilx.

(118)

Fin-nuqqas ta' kwalunkwe informazzjoni oħra, l-investigazzjoni ma wrietx li t-tkomplija tal-miżuri se jkollha xi impatt negattiv sinifikanti fuq dan l-importatur, jew l-importaturi inġenerali.

(119)

Għaldaqstant, abbażi tal-informazzjoni disponibbli u fin-nuqqas ta' xi informazzjoni jew evidenza li tindika l-kuntrarju, il-Kummissjoni kkonkludiet li ż-żamma tal-miżuri ma għandha l-ebda impatt negattiv sinifikanti fuq l-importaturi fl-Unjoni.

(120)

Intbagħtu kwestjonarji lil 39 utent identifikat fil-fażi ta' bidu. L-ebda utent ma wieġeb. Ladarba ma kienx hemm tweġibiet, ma setgħux jinsiltu konklużjonjiet dwar l-interess tal-utenti. Fin-nuqqas, l-appoġġ mill-utenti għal dawn il-miżuri, kif stipulat fil-premessa 91 tar-Regolament dwar l-ewwel rieżami tal-iskadenza, jiġifieri li t-tkomplija tal-miżuri ma jkollhiex impatt negattiv fuq il-kompetizzjoni fis-suq tal-Unjoni u li din tagħti lill-industrija tal-utenti b'firxa usa' ta' fornituri li jikkompetu fi prezzijiet tas-suq, tista' għaldaqstant titqies li għadha relevanti.

(121)

Wara li qieset dawn il-fatturi kollha, il-Kummissjoni kkonkludiet li ma hemmx raġunijiet konvinċenti biex il-miżuri fuq l-importazzjonijiet tat-TCCA mir-RPĊ ma jinżammux.

(122)

Il-partijiet kollha ġew infurmati dwar il-fatti essenzjali u l-kunsiderazzjonijiet li abbażi tagħhom il-Kummissjoni kellha l-intenzjoni li żżomm il-miżuri eżistenti kontra r-RPĊ. Ingħataw ukoll perjodu biex jissottomettu kummenti wara din id-divulgazzjoni. L-ebda parti interessata ma ppreżentat kummenti għad-divulgazzjoni.

(123)

Minn dan isegwi li, kif previst fl-Artikolu 11(2) tar-Regolament bażiku, il-miżuri antidumping applikabbli għall-importazzjonijiet tat-TCCA li joriġinaw fir-RPĊ imposti bir-Regolament ta' Implimentazzjoni (UE) Nru 1389/2011, jenħtieġ li jinżammu.

(124)

Il-Kumitat stabbilit permezz tal-Artikolu 15(1) tar-Regolament bażiku ma tax l-opinjoni tiegħu.

5.12.2017   

MT

Il-Ġurnal Uffiċjali tal-Unjoni Ewropea

L 319/28

(1)

Kaesler Nutrition GmbH ppreżentat applikazzjoni skont l-Artikolu 13(3) tar-Regolament (KE) Nru 1831/2003 fejn tipproponi bidla fl-isem tad-detentur tal-awtorizzazzjoni kif stipulat fir-Regolament ta' Implimentazzjoni tal-Kummissjoni (UE) 2016/329 (2).

(2)

Lohmann Animal Nutrition GmbH, id-detentur tal-awtorizzazzjoni għall-addittiv tal-għalf 6-fitażi, biddel isimu għal “Kaesler Nutrition GmbH” b'effett mit-3 ta' Lulju 2017. L-applikant ippreżenta d-dejta rilevanti li ssostni t-talba tiegħu.

(3)

Il-bidla proposta tad-detentur tal-awtorizzazzjoni hi purament amministrattiva fin-natura tagħha u ma tirrikjedix valutazzjoni mill-ġdid tal-addittivi kkonċernati. L-Awtorità Ewropea dwar is-Sigurtà fl-Ikel ġiet mgħarrfa bl-applikazzjoni.

(4)

Sabiex Keasler Nutrition GmbH tkun tista' tisfrutta d-drittijiet tagħha tal-kummerċjalizzazzjoni, hemm bżonn li jinbidel isem id-detentur tal-awtorizzazzjoni. Għaldaqstant, jenħtieġ li r-Regolament ta' Implimentazzjoni (UE) 2016/329 jiġi emendat skont dan.

(5)

Billi r-raġunijiet tas-sikurezza ma jeħtiġux l-applikazzjoni immedjata tal-emendi previsti minn dan ir-Regolament, huwa xieraq li jiġi previst perjodu tranżitorju li matulu l-addittiv tal-għalf 6-fitażi, kif ukoll it-taħlitiet lesti minn qabel u l-għalf kompost li fihom dan l-addittiv tal-għalf, li huma konformi mad-dispożizzjonijiet li japplikaw qabel id-data tad-dħul fis-seħħ ta' dan ir-Regolament, jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-titlu, il-kelmiet “detentur tal-awtorizzazzjoni Lohmann Animal Nutrition GmbH” huma sostitwiti bil-kelmiet “detentur tal-awtorizzazzjoni Keasler Nutrition GmbH”.

(2)

Fl-Anness, fit-tieni kolonna tat-tabella, intitolata “Kunjom tad-detentur tal-awtorizzazzjoni”, il-kelmiet “Lohmann Animal Nutrition GmbH” huma sostitwiti bil-kelmiet “Kaesler Nutrition GmbH”.

5.12.2017   

MT

Il-Ġurnal Uffiċjali tal-Unjoni Ewropea

L 319/30

(1)

Fit-23 ta' Marzu 2006, il-Kummissjoni adottat ir-Regolament (KE) Nru 553/2006 li jistabbilixxi miżuri antidumping provviżorji fuq l-importazzjonijiet ta' ċertu żraben bil-parti ta' fuq tal-ġilda (“żraben”) li joriġinaw mir-Repubblika tal-Poplu taċ-Ċina (ir-“RPĊ” jew “iċ-Ċina”) u mill-Vjetnam (ir-“Regolament provviżorju”) (2).

(2)

Permezz tar-Regolament (KE) Nru 1472/2006 (3), il-Kunsill impona dazji antidumping definittivi għal sentejn u li jvarjaw bejn 9,7 % u 16,5 % fuq l-importazzjonijiet ta' ċertu żraben bil-parti ta' fuq tal-ġilda, li joriġinaw mill-Vjetnam u mir-RPĊ (“ir-Regolament (KE) Nru 1472/2006” jew “ir-Regolament ikkontestat”).

(3)

Permezz tar-Regolament (KE) Nru 388/2008 (4), il-Kunsill estenda l-miżuri antidumping definittivi fuq l-importazzjonijiet ta' ċerti tipi ta' żraben bil-parti ta' fuq tal-ġilda li joriġinaw mir-RPĊ għal importazzjonijiet ikkunsinjati mir-Reġjun Amministrattiv Speċjali (“RAS”) tal-Macao, kemm jekk iddikjarati li joriġinaw mir-RAS tal-Macao u kemm jekk le.

(4)

Wara rieżami tal-iskadenza mibdi fit-3 ta' Ottubru 2008 (5), il-Kunsill estenda ulterjorment il-miżuri antidumping għal 15-il xahar permezz tar-Regolament (UE) Nru 1294/2009 (6), jiġifieri sal-31 ta' Marzu 2011, meta l-miżuri skadew (“ir-Regolament ta' Implimentazzjoni (UE) Nru 1294/2009”).

(5)

Brosmann Footwear (HK) Ltd, Seasonable Footwear (Zhongshan) Ltd, Lung Pao Footwear (Guangzhou) Ltd u Risen Footwear (HK) Co Ltd, kif ukoll Zhejiang Aokang Shoes Co. Ltd (“l-applikanti”) ikkontestaw ir-Regolament ikkontestat fil-Qorti tal-Prim'Istanza (issa: il-Qorti Ġenerali). Permezz tas-sentenzi tal-4 ta' Marzu 2010 fil-Kawża T-401/06 Brosmann Footwear (HK) et. vs il-Kunsill u tal-4 ta' Marzu 2010 fil-Kawżi Magħquda T-407/06 u T-408/06 Zhejiang Aokang Shoes u Wenzhou Taima Shoes vs il-Kunsill, il-Qorti Ġenerali rrifjutat dawk il-kontestazzjonijiet.

(6)

L-applikanti appellaw minn dawn is-sentenzi. Fis-sentenzi tagħha tat-2 ta' Frar 2012 fil-Kawża C-249/10 P Brosmann Footwear (HK) et. vs il-Kunsill u tal-15 ta' Novembru 2012 fil-Kawża C-247/10 P Zhejiang Aokang Shoes vs il-Kunsill (“is-sentenzi Brosmann u Aokang”), il-Qorti tal-Ġustizzja annullat dawn is-sentenzi.Hija sostniet li l-Qorti Ġenerali wettqet żball fil-liġi meta hija ddeċidiet li l-Kummissjoni ma kinitx meħtieġa li teżamina talbiet għal trattament ta' ekonomija tas-suq (“TES”) skont l-Artikolu 2(7)(b) u (c) tar-Regolament bażiku minn negozjanti mhux inklużi fil-kampjun (il-paragrafu 36 tas-sentenza fil-Kawża C-249/10 P u l-paragrafu 29 u 32 tas-sentenza fil-Kawża C-247/10 P).

(7)

Il-Qorti mbagħad tat sentenza hi stess fuq din il-kwistjoni. Hija ddeċidiet li “il-Kummissjoni kellha teżamina t-talbiet dokumentati li l-appellanti ppreżentawlha fuq il-bażi tal-Artikolu 2(7)(b) u (c) tar-Regolament bażiku sabiex jibbenefikaw minn SES fil-kuntest tal-proċedura antidumping prevista mir-Regolament kontenzjuż. Barra minn hekk għandu jiġi kkonstatat li mhuwiex eskluż li eżami bħal dan kien iwassal għall-impożizzjoni, fir-rigward tagħhom, ta' dazju antidumping definittiv differenti mid-dazju ta' 16,5 % li huwa applikabbli fir-rigward tagħhom bis-saħħa tal-Artikolu 1(3) tar-Regolament ikkontestat. Fil-fatt, minn din l-istess dispożizzjoni jirriżulta li dazju antidumping definittiv ta' 9,7 % ġie impost fir-rigward tal-operatur uniku taċ-Ċina li jidher fil-kampjun li kiseb is-SES. Issa, hekk kif jirriżulta mill-punt 38 tas-sentenza preżenti, kieku l-Kummissjoni kienet ikkonstatat li l-kundizzjonijiet ta' ekonomija tas-suq kienu jipprevalu wkoll għall-appellanti, dawn tal-aħħar, meta l-kalkolu ta' marġni tad-dumping individwali ma kienx possibbli, kellhom jibbenefikaw ukoll minn din l-aħħar imsemmija rata” (il-paragrafu 42 tas-sentenza fil-Kawża C-249/10 P u l-paragrafu 36 tas-sentenza fil-Kawża C-247/10 P).

(8)

B'konsegwenza ta' dan, hija annullat ir-Regolament ikkontestat sa fejn dan jirrigwarda lill-applikanti kkonċernati.

(9)

F'Ottubru 2013, il-Kummissjoni, permezz ta' avviż ippubblikat f'Il-Ġurnal Uffiċjali tal-Unjoni Ewropea  (7), ħabbret li kienet iddeċidiet li tissokta l-proċediment antidumping fil-punt eżatt li fih saret l-illegalità, u li kienet se teżamina jekk il-kundizzjonijiet tal-ekonomija tas-suq ipprevalewx għall-applikanti fil-perjodu mill-1 ta' April 2004 sal-31 ta' Marzu 2005. L-avviż stieden lill-partijiet interessati sabiex jippreżentaw ruħhom u juru min huma.

(10)

F'Marzu 2014, il-Kunsill, permezz tad-Deċiżjoni ta' Implimentazzjoni 2014/149/UE (8), irrifjuta l-proposta tal-Kummissjoni li jiġi adottat Regolament ta' Implimentazzjoni tal-Kunsill li jerġa' jimponi dazju antidumping definittiv u jiġbor b'mod definittiv id-dazju provviżorju impost fuq ċertu xedd tas-saqajn bil-parti ta' fuq tal-ġilda li joriġinaw mir-Repubblika tal-Poplu taċ-Ċina u prodotti minn Brosmann Footwear (HK) Ltd, Seasonable Footwear (Zhongshan) Ltd, Lung Pao Footwear (Guangzhou) Ltd, Risen Footwear (HK) Co. Ltd u Zhejiang Aokang Shoes Co. Ltd u ttermina l-proċedimenti fir-rigward ta' dawk il-produtturi. Il-Kunsill kien tal-fehma li l-importaturi, peress li kienu xtraw żraben mingħand dawk il-produtturi esportaturi, li għalihom id-dazji doganali rilevanti kienu ġew rimborżati mill-awtoritajiet nazzjonali kompetenti fuq il-bażi tal-Artikolu 236 tar-Regolament tal-Kunsill (KEE) Nru 2913/1992 tat-12 ta' Ottubru 1992 li jwaqqaf il-Kodiċi Doganali tal-Komunità (9) (il-“Kodiċi Doganali tal-Komunità”), kisbu aspettattivi leġittimi fuq il-bażi tal-Artikolu 1(4) tar-Regolament ikkontestat, li kien għamel id-dispożizzjonijiet tal-Kodiċi Doganali Komunitarju, u b'mod partikolari l-Artikolu 221 tiegħu, applikabbli għall-ġbir tad-dazji.

(11)

Tliet importaturi tal-prodott ikkonċernat, C&J Clark International Ltd (“Clark”), Puma SE (“Puma”) u Timberland Europe B.V. (“Timberland”) (“l-importaturi kkonċernati”) ikkontestaw il-miżuri antidumping fuq importazzjonijiet ta' ċertu lbies għar-riġlejn miċ-Ċina u mill-Vjetnam u invokaw il-ġurisprudenza msemmija fil-premessi minn (5) sa (7) quddiem il-Qrati nazzjonali tagħhom, li rreferew il-kwistjoni lill-Qorti tal-Ġustizzja għal deċiżjoni preliminari.

(12)

Fl-4 ta' Frar 2016, fil-Kawżi Magħquda C-659/13 C&J Clark International Limited u C-34/14 Puma SE (10), il-Qorti tal-Ġustizzja ddikjarat ir-Regolament tal-Kunsill (KE) Nru 1472/2006 u (UE) Nru 1294/2009 bħala invalidi sa fejn il-Kummissjoni Ewropea ma eżaminatx it-talbiet għal TES u għal trattament individwali (“TI”) ippreżentati mill-produtturi esportaturi fir-RPĊ u l-Vjetnam li ma kinux inklużi fil-kampjun (“is-sentenzi”), kuntrarji għar-rekwiżiti stabbiliti fl-Artikoli 2(7)(b) u 9(5) tar-Regolament tal-Kunsill (KE) Nru 384/96 tat-22 ta' Diċembru 1995 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (11).

(13)

Rigward il-Kawża C-571/14, Timberland Europe, il-Qorti tal-Ġustizzja ddeċidiet fil-11 ta' April 2016 li tħassar il-kawża mir-reġistru fuq talba tal-qorti nazzjonali tar-rinviju.

(14)

L-Artikolu 266 tat-TFUE jistipula li l-istituzzjonijiet iridu jieħdu l-miżuri neċessarji biex jikkonformaw mas-sentenzi tal-Qorti. Fil-każ ta' annullament ta' att adottat mill-istituzzjonijiet fil-kuntest ta' proċedura amministrattiva, bħall-antidumping, il-konformità mas-sentenza tal-Qorti tikkonsisti fis-sostituzzjoni tal-att annullat b'att ġdid, li fih l-illegalità identifikata mill-Qorti tiġi eliminata (12).

(15)

Skont il-ġurisprudenza tal-Qorti, il-proċedura għas-sostituzzjoni tal-att annullat tista' tissokta fil-punt eżatt li fih saret l-illegalità (13). Dan jimplika b'mod partikolari li, f'sitwazzjoni fejn att li jikkonkludi proċedura amministrattiva jiġi annullat, l-annullament mhux neċessarjament jaffettwa l-atti preparatorji, bħall-ftuħ tal-proċedura antidumping. F'sitwazzjoni fejn regolament li jimponi miżuri definittivi ta' antidumping jiġi annullat, dan ifisser li wara l-annullament il-proċedura antidumping tkun għadha miftuħa, għaliex l-att li jikkonkludi l-proċediment antidumping ikun għeb mill-ordni legali tal-Unjoni (14), ħlief jekk l-illegalità tkun saret fl-istadju tal-ftuħ.

(16)

Minbarra l-fatt li l-istituzzjonijiet ma eżaminawx it-talbiet għal TES u TI li ġew ippreżentati minn produtturi esportaturi fir-RPĊ u l-Vjetnam li ma kinux inklużi fil-kampjun, il-konklużjonijiet l-oħra kollha tar-Regolamenti tal-Kunsill (KE) Nru 1472/2006 u (UE) Nru 1294/2009 jibqgħu validi.

(17)

F'dan il-każ, l-illegalità saret wara l-ftuħ. Għalhekk, il-Kummissjoni ddeċidiet li tissokta b'dan il-proċediment antidumping li kien għadu miftuħ wara s-sentenzi fil-punt eżatt li fih saret l-illegalità u li teżamina jekk kinux jipprevalu l-kundizzjonijiet tal-ekonomija tas-suq għall-produtturi esportaturi kkonċernati għall-perjodu mill-1 ta' April 2004 sal-31 ta' Marzu 2005, li kien il-perjodu ta' investigazzjoni (“il-perjodu ta' investigazzjoni”). Il-Kummissjoni eżaminat ukoll, fejn xieraq, jekk il-produtturi esportaturi kkonċernati kinux jikkwalifikaw għal TI f'konformità mal-Artikolu 9(5) tar-Regolament tal-Kunsill (KE) Nru 1225/2009 (15) (ir-“Regolament bażiku qabel ġie emendat”) (16).

(18)

Permezz tar-Regolament ta' Implimentazzjoni tal-Kummissjoni (UE) 2016/1395 (17), il-Kummissjoni reġgħet imponiet dazju antidumping definittiv u ġabret b'mod definittiv id-dazju provviżorju impost fuq l-importazzjonijiet ta' Clark u Puma ta' ċertu żraben bil-parti ta' fuq tal-ġilda li joriġinaw fir-RPĊ u prodotti minn tlettax-il produttur esportatur Ċiniż li ppreżentaw talbiet għal TES u għal TI, iżda li ma kinux ġew inklużi fil-kampjun.

(19)

Permezz tar-Regolament ta' Implimentazzjoni (UE) 2016/1647 (18), il-Kummissjoni reġgħet imponiet dazju antidumping definittiv u ġabret b'mod definittiv id-dazju provviżorju impost fuq l-importazzjonijiet ta' Clark, Puma u Timberland ta' ċertu żraben bil-parti ta' fuq tal-ġilda li joriġinaw mill-Vjetnam u prodotti minn ċerti produtturi esportaturi Vjetnamiżi li ppreżentaw talbiet għal TES u għal TI, iżda li ma kinux ġew inklużi fil-kampjun.

(20)

Permezz tar-Regolament ta' Implimentazzjoni (UE) 2016/1731 (19), il-Kummissjoni reġgħet imponiet dazju antidumping definittiv u ġabret b'mod definittiv id-dazju provviżorju impost fuq l-importazzjonijiet ta' Puma u Timberland ta' ċerti tipi ta' lbies għar-riġlejn bil-parti ta' fuq tal-ġilda li joriġinaw mir-Repubblika tal-Poplu taċ-Ċina u prodotti minn produttur esportatur wieħed fil-Vjetnam u minn żewġ produtturi esportaturi fir-RPĊ li ppreżentaw talbiet għal TES u għal TI, iżda li ma kinux ġew inklużi fil-kampjun.

(21)

Il-validità tar-Regolament (UE) 2016/1395, ir-Regolament (UE) 2016/1647 u r-Regolament (UE) 2016/1731 ġiet ikkontestata minn Puma u Timberland quddiem il-Qorti Ġenerali fil-Kawżi T-781/16 Puma et vs il-Kummissjoni u T-782/16 Timberland Europe vs il-Kummissjoni. Barra minn hekk, il-validità tar-Regolament (UE) 2016/1395 ġiet ikkontestata wkoll fil-Qorti Ġenerali minn Clark fil-Kawżi T-790/16 C & J Clark International vs il-Kummissjoni u T-861/16C & J Clark International vs il-Kummissjoni.

(22)

Fid-dawl tal-implimentazzjoni tas-sentenza fil-Kawżi Magħquda C-659/13 C & J Clark International Limited u C-34/14 Puma SE msemmija fil-premessa (12), il-Kummissjoni adottat ir-Regolament ta' Implimentazzjoni (UE) 2016/223 li jistabbilixxi proċedura għall-valutazzjoni ta' ċerti talbiet għal trattament ta' ekonomija tas-suq u għal trattament individwali li saru minn produtturi esportaturi miċ-Ċina u mill-Vjetnam, u li jimplimentaw is-sentenza tal-Qorti tal-Ġustizzja fil-Kawżi Magħquda C-659/13 u C-34/14 (20). Fl-Artikolu 1 ta' dak ir-Regolament, il-Kummissjoni tat struzzjoni lill-awtoritajiet doganali nazzjonali biex jibagħtu t-talbiet kollha għar-rimborż tad-dazji antidumping definittivi mħallsa fuq l-importazzjonijiet ta' żraben li joriġinaw fiċ-Ċina u fil-Vjetnam magħmula minn importaturi abbażi tal-Artikolu 236 tal-Kodiċi Doganali Komunitarju u abbażi tal-fatt li produttur esportatur mhux fil-kampjun kien talab għal TES jew TI fl-investigazzjoni li wasslet għall-impożizzjoni tal-miżuri definittivi permezz tar-Regolament (KE) Nru 1472/2006 (“l-investigazzjoni oriġinali”). Il-Kummissjoni għandha tivvaluta t-talba rilevanti għal TES jew TI u timponi mill-ġdid ir-rata ta' dazju xierqa. Abbażi ta' dan, jenħtieġ li l-awtoritajiet doganali nazzjonali sussegwentement jieħdu deċiżjoni dwar it-talba għal ħlas lura u remissjoni tad-dazji antidumping.

(23)

Wara notifika mingħand l-awtoritajiet doganali Franċiżi f'konformità ma-Artikolu 1 tar-Regolament ta' Implimentazzjoni (UE) 2016/223, il-Kummissjoni identifikat żewġ produtturi esportaturi Ċiniżi li pprovdew talbiet għal TES u għal TI fl-investigazzjoni oriġinali, iżda li ma kinux ġew inklużi fil-kampjun. Ġie identifikat produttur esportatur ieħor li kien fornitur ta' Deichmann, importatur Ġermaniż li kkontesta l-ħlas ta' dazji. B'konsegwenza ta' dan, il-Kummissjoni analizzat il-formola ta' talbiet għal TES u TI mingħand dawn it-tliet produtturi esportaturi Ċiniżi.

(24)

B'riżultat ta' dan ta' hawn fuq, permezz tar-Regolament ta' Implimentazzjoni (UE) 2016/2257 (21), il-Kummissjoni imponiet mill-ġdid dazju antidumping definittiv u ġabret b'mod definittiv id-dazju provviżorju impost fuq importazzjonijiet ta' ċerti żraben bil-parti ta' fuq tal-ġilda li joriġinaw fir-Repubblika tal-Poplu taċ-Ċina u prodotti minn tliet produtturi esportaturi li kienu ppreżentaw talbiet għal TES u TI iżda li ma kinux ġew inklużi fil-kampjun.

(25)

F'konformità mal-Artikolu 1 tar-Regolament ta' Implimentazzjoni (UE) 2016/223, l-awtoritajiet doganali tar-Renju Unit (“UK”), tal-Belġju (“BE”) u tal-Iżvezja (“SE”) innotifikaw lill-Kummissjoni bit-talbiet għal rimborż tal-importaturi fit-12 ta' Lulju 2016 (UK), fit-13 ta' Lulju 2016 (BE) u fis-26 ta' Lulju 2016 (SE). B'riżultat ta' dawn in-notifiki, il-Kummissjoni analizzat formoli ta' talbiet TES u TI minn dsatax-il produttur esportatur u, permezz tar-Regolament (UE) 2017/423 (22), imponiet mill-ġdid dazju antidumping definittiv u ġabret b'mod definittiv id-dazju provviżorju impost fuq l-importazzjoni ta' ċerti tipi ta' żraben bil-parti ta' fuq tal-ġilda li joriġinaw mir-RPĊ u mill-Vjetnam u prodotti minn dawn id-dsatax-il produttur esportatur.

(26)

Matul l-investigazzjoni msemmija hawn fuq, permezz ta' kummenti magħmula minn bosta partijiet interessati wara d-divulgazzjoni, ħames kumpaniji/gruppi ta' kumpaniji addizzjonali ġew identifikati li kienu jew huma stess jew permezz ta' produttur esportatur Ċiniż jew Vjetnamiż ressqu formola ta' talba għal TES u għal IT matul l-investigazzjoni oriġinali, iżda li ma ġewx inklużi fil-kampjun u li ma ġew ivvalutati fl-ebda eżerċizzju ta' implimentazzjoni preċedenti. Dawn il-kumpaniji kienu elenkati fl-Anness VI tar-Regolament (UE) 2017/423 u kienu parti minn erba' gruppi ta' kumpaniji.

(27)

Fuq din il-bażi, il-Kummissjoni identifikat erba' gruppi ta' kumpaniji li flimkien huma magħmula minn seba' kumpaniji individwali li kienu produtturi esportaturi Ċiniżi jew Vjetnamiżi li ma ġewx inklużi fil-kampjun fl-investigazzjoni oriġinali u vvalutat il-formoli ta' talba għal TES u għal TI ppreżentati minn dawn il-kumpaniji matul l-investigazzjoni oriġinali. B'riżultat ta' dan, permezz tar-Regolament ta' Implimentazzjoni (UE) 2017/1982 (23), il-Kummissjoni imponiet mill-ġdid dazju antidumping definittiv u ġabret b'mod definittiv id-dazju provviżorju impost fuq l-importazzjonijiet ta' ċerti tipi ta' żraben bil-parti ta' fuq tal-ġilda li joriġinaw mir-Repubblika tal-Poplu taċ-Ċina u prodotti minn dawn il-produtturi esportaturi li kienu ppreżentaw talbiet għal TES u għal TI iżda li ma kinux ġew inklużi fil-kampjun.

(28)

Barra minn hekk, fl-Artikolu 3 tar-Regolament ta' Implimentazzjoni (UE) 2017/423, il-Kummissjoni ssospendiet b'mod temporanju l-valutazzjoni tas-sitwazzjoni tal-kumpaniji elenkati fl-Anness III tiegħu sakemm l-importatur li qed jitlob rimborż mingħand l-awtoritajiet doganali nazzjonali jkun informa lill-Kummissjoni bl-ismijiet u l-indirizzi tal-produtturi esportaturi kkonċernati li mingħandhom in-negozjanti jkunu akkwistaw iż-żraben. Fil-fatt, filwaqt li l-Kummissjoni tqis li l-oneru tal-provi għall-identifikazzjoni tal-produtturi esportaturi rilevanti fiċ-Ċina u/jew fil-Vjetnam jaqa' fuq l-importaturi li qed jitolbu rimborż tad-dazji antidumping imħallsa, irrikonoxxiet ukoll li jaf mhux l-importaturi kollha li xtraw iż-żraben mingħand in-negozjanti kienu konxji mill-ħtieġa li jinfurmaw lill-Kummissjoni bl-ismijiet tal-produtturi esportaturi mingħand min dawk in-negozjanti akkwistaw iż-żraben tagħhom. Għaldaqstant, il-Kummissjoni kkuntattjat speċifikament lill-importaturi kollha kkonċernati min-notifiki tar-Renju Unit, tal-Belġju u tal-Iżvezja u stednithom jipprovdu l-informazzjoni neċessarja, jiġifieri l-ismijiet u l-indirizzi tal-produtturi esportaturi fir-RPĊ u fil-Vjetnam sa skadenza speċifikata.

(29)

B'konsegwenza ta' dan, tliet importaturi, jiġifieri Pentland Brands Ltd., Puma UK Ltd. u Deichmann Shoes UK Ltd. ipprovdew l-ismijiet u l-indirizzi tal-fornituri rispettivi tagħhom fiċ-Ċina u/jew fil-Vjetnam fit-18 ta' April 2017 (Puma UK Ltd.), fis-27 ta' April 2017 (Pentland Brands Ltd.) u fil-15 ta' Mejju 2017 (Deichmann Shoes UK Ltd.), rispettivament.

(30)

Fis-7 ta' April 2017, f'konformità mal-Artikolu 1 tar-Regolament ta' Implimentazzjoni (UE) 2016/223, l-awtoritajiet doganali tal-Ġermanja nnotifikaw lill-Kummissjoni bit-talbiet għal rimborż tal-importaturi fl-Unjoni u pprovdew dokumenti ta' sostenn. Fl-20 ta' Ġunju 2017, l-awtoritajiet doganali tal-Ġermanja bagħtu addendum għan-notifika oriġinali tagħhom u nnotifikaw lill-Kummissjoni b'talbiet addizzjonali tal-importaturi.

(31)

Fit-23 ta' Mejju 2017, f'konformità mal-Artikolu 1 tar-Regolament ta' Implimentazzjoni (UE) 2016/223, l-awtoritajiet doganali tan-Netherlands innotifikaw lill-Kummissjoni bit-talbiet għal rimborż tal-importaturi fl-Unjoni u pprovdew dokumenti ta' sostenn. Fil-21 ta' Lulju 2017, l-awtoritajiet doganali tan-Netherlands bagħtu addendum għan-notifika oriġinali tagħhom u nnotifikaw lill-Kummissjoni b'talbiet addizzjonali tal-importaturi.

(32)

B'riżultat ta' dan, il-Kummissjoni rċeviet ismijiet u indirizzi li b'kollox jammontaw għal 600 kumpanija li kienu rrapportati bħala fornituri taż-żraben fir-RPĊ u fil-Vjetnam.

(33)

Għal 431 minn dawn il-kumpaniji (elenkati fl-Anness III ta' dan ir-Regolament), il-Kummissjoni ma għandhiex rekord li dawn il-kumpaniji ppreżentaw xi formola ta' talba għal TES jew għal TI fl-investigazzjoni oriġinali. Dawn il-kumpaniji lanqas ma kienu kapaċi juru li huma kkollegati ma' xi produttur esportatur Ċiniż jew Vjetnamiż li kien ippreżenta talba għal TES/TI fl-investigazzjoni oriġinali.

(34)

Mill-kumpaniji li jifdal, 19-il produttur esportatur diġà kienu vvalutati b'mod individwali jew bħala parti minn grupp ta' kumpaniji magħżul fil-kampjun ta' produtturi esportaturi Ċiniżi jew Vjetnamiżi fil-kuntest tal-investigazzjoni oriġinali (elenkati fl-Anness IV ta' dan ir-Regolament). Peress li l-ebda waħda minn dawn il-kumpaniji ma rċeviet rata ta' dazju individwali, japplika dazju għar-RPĊ ta' 16,5 %, jew ta' 10 % għall-Vjetnam, għall-importazzjonijiet ta' żraben minn dawn il-kumpaniji rispettivament. Dawn ir-rati ma ġewx affettwati mis-sentenza msemmija fil-premessa (12).

(35)

Mill-kumpaniji li jifdal, 72 produttur esportatur (elenkati fl-Anness V ta' dan ir-Regolament) kienu diġà ġew ivvalutati b'mod individwali jew inkella bħala parti minn grupp ta' kumpaniji fil-kuntest tal-implimentazzjoni tas-sentenza msemmija fil-premessa (12): jiġifieri fid-Deċiżjoni ta' Implimentazzjoni 2014/149/UE jew fir-Regolamenti ta' Implimentazzjoni (UE) 2016/1395, (UE) 2016/1647, (UE) 2016/1731, (UE) 2016/2257 u (UE) 2017/1982 rispettivament.

(36)

Il-kumpaniji jew il-gruppi ta' kumpaniji vvalutati permezz tad-Deċiżjoni ta' Implimentazzjoni 2014/149/UE ma kienu ġew soġġetti għall-ebda impożizzjoni mill-ġdid ta' dazju antidumping, kif imsemmi fil-premessa (10), fuq il-bażi li kien diġà sar ir-rimborż tad-dazji lil dawn il-kumpaniji u b'hekk kien hemm aspettattivi leġittimi min-naħa tagħhom li mhux se jiġu imposti mill-ġdid. Min-naħa l-oħra, jenħtieġ li t-talbiet għar-rimborż tal-importaturi fl-Unjoni relatati ma' kumpaniji jew ma' gruppi ta' kumpaniji vvalutati permezz tar-Regolamenti ta' Implimentazzjoni (UE) 2016/1395, (UE) 2016/1647, (UE) 2016/1731, (UE) 2016/2257 u (UE) 2017/1982, ma jingħatawx. Dan għaliex dawn l-importaturi jinsabu f'sitwazzjoni legali differenti minn dawk ivvalutati permezz tad-Deċiżjoni ta' Implimentazzjoni 2014/149/UE, speċjalment għax ma kisbu l-ebda aspettattiva leġittima.

(37)

Is-70 kumpanija li kien għad fadal (elenkati fl-Anness II tar-Regolament) kienu produtturi esportaturi Ċiniżi jew Vjetnamiżi li ma ġewx inklużi fil-kampjun fl-investigazzjoni oriġinali u li kienu ppreżentaw formola ta' talba għal TES/TI. Il-Kummissjoni għalhekk ivvalutat it-talbiet għal TES u għal TI provduti mingħand dawn il-kumpaniji.

(38)

Fil-qosor, f'dan ir-Regolament, il-Kummissjoni vvalutat il-formoli ta' talba għal TES/TI ta': Aiminer Leather Products Co., Ltd, Best Health Ltd., Best Run Worldwide Co. Ltd, Bright Ease Shoe Factory, Cambinh Shoes Company, Dong Anh Footwear Joint Stock Company, Dong Guan Bor Jiann Footwear Co., Ltd, Dongguan Hongguo Shoes Co. Ltd., Freetrend Industrial Ltd, Freeview Company Ltd, Dongguan Hopecome Footwear Co Ltd, Dongguan Houjie Baihou Hua Jian Footwear Factory, Dongguan Qun Yao Shoe Co., Ltd, Dongyi Shoes Co., Ltd, Doozer (Fujian) Shoes Co., Ltd, Emperor (VN) Co., Ltd, Everlasting Industry Co., Ltd, Fu Jian Ching Luh Shoes Co., Ltd, Fu Jian Lion Score Sport Products Co., Ltd, Fujian Footwear & Headgear Import & Export (Holdings) Co., Ltd, Fujian Jinjiang Guohui Footwear & Garment Co., Ltd, Gan Zhou Hua Jian International Footwear Co., Ltd, Golden Springs Shoe Co., Ltd, Haiduong Shoes Stock Company, Hangzhou Forever Shoes Factory, Hua Jian Industrial Holding Co., Ltd, Huu Nghi Danang Company, Hwa Seung Vina Co., Ltd, Jason Rubber Works Ltd, Jinjiang Hengdali Footwear Co., Ltd, Jinjiang Xiangcheng Footwear and Plastics Co., Ltd, JinJiang Zhenxing Shoes & Plastic Co., Ltd, Juyi Group Co., Ltd, K Star Footwear Co., Ltd, Kangnai Group Wenzhou Lucky Shoes and Leather Co., Ltd, Khai Hoan Footwear Co., Ltd, Lian Jiang Ching Luh Shoes Co., Ltd, Li-Kai Shoes Manufacturing Co., Ltd, New Star Shoes Factory, Ngoc Ha Shoe Company, Nhi Hiep Transportation Construction Company Limited, Ophelia Shoe Co., Ltd, Ormazed Shoes (Zhao Qing City) Ltd, Ormazed Shoes Ltd (Dong Guan) Ltd, Pacific Joint - Venture Company, Phuc Yen Shoes Factory, Phuha Footwear Enterprise, Phuhai Footwear Enterprise, Phulam Footwear Joint Stock Company, Putian Dajili Footwear Co., Ltd, Right Rich Development VN Co., Ltd, Saigon Jim Brother Corporation, Shenzhen Harson Shoes Ltd, Shunde Sunrise (II) Footwear Co., Ltd, Splendour Enterprise Co., Ltd, Stellar Footwear Co., Ltd, Sung Hyun Vina Co., Ltd, Synco Footwear Ltd, Thai Binh Shoes Joint Stock Company, Thang Long Shoes Company, Thanh Hung Co, Ltd, Thuy Khue Shoes Company Ltd, Truong Loi Shoes Company Limited, Wenzhou Chali Shoes Co, Ltd, Wenzhou Dibang Shoes Co., Ltd, Wenzhou Gold Emperor Shoes Co., Ltd, Xiamen Sunchoose Import & Export Co., Ltd, Xingtaiy Footwear Industry & Commerce Co., Ltd, Zhuhai Shi Tai Footwear Company Limited, u Zhuhai Shun Tai Footwear Company Limited.

(39)

Il-Kummissjoni għandha l-possibbiltà li tirrimedja l-aspetti tar-Regolament ikkontestat li wasslu għall-annullament tiegħu, filwaqt li ma tbiddilx il-partijiet tal-valutazzjoni li ma kinux affettwati mis-sentenza (24).

(40)

Dan ir-Regolament ifittex li jirrimedja l-aspetti tar-Regolament ikkontestat li nstab li huma inkonsistenti mar-Regolament bażiku, u li għalhekk wasslu għad-dikjarazzjoni ta' invalidità f'dak li jirrigwarda l-produtturi esportaturi msemmija fil-premessa (30).

(41)

Il-konklużjonijiet kollha l-oħra magħmula fir-Regolament ikkontestat u fir-Regolament ta' Implimentazzjoni (UE) Nru 1294/2009, li ma ġewx iddikjarati invalidi mill-Qorti, jibqgħu validi u huma hawnhekk inkorporati f'dan ir-Regolament.

(42)

Għaldaqstant, il-premessi li ġejjin huma limitati għall-valutazzjoni l-ġdida meħtieġa għall-konformità mas-sentenzi tal-Qorti.

(43)

Il-Kummissjoni eżaminat jekk it-TES jew it-TI kinux prevalenti għall-produtturi esportaturi kkonċernati msemmija fil-premessa (38) li ppreżentaw talbiet għal TES/TI għall-perjodu ta' investigazzjoni. L-iskop ta' din il-konstatazzjoni huwa li jkun aċċertat sa fejn l-importaturi kkonċernati huma intitolati li jirċievu ħlas lura ta' dazju antidumping imħallas fir-rigward ta' dazji antidumping imħallsa fuq esportazzjonijiet ta' dawn il-fornituri.

(44)

Jekk l-analiżi tiżvela li t-TES kellu jingħata lill-produtturi esportaturi kkonċernati li l-esportazzjonijiet tagħhom kienu soġġetti għad-dazju antidumping imħallas mill-importaturi kkonċernati, trid tiġi attribwita rata ta' dazju individwali lil dak il-produttur esportatur u l-ħlas lura tad-dazju jkun limitat għal ammont li jikkorrispondi għad-differenza bejn id-dazju mħallas u r-rata ta' dazju individwali, jiġifieri, fil-każ ta' importazzjonijiet miċ-Ċina, id-differenza bejn 16,5 %, u d-dazju impost fuq l-unika kumpanija esportatriċi fil-kampjun li kisbet TES, jiġifieri 9,7 %; u fil-każ ta' importazzjonijiet mill-Vjetnam, id-differenza bejn 10 % u r-rata ta' dazju individwali kkalkulata għall-produttur esportatur ikkonċernat, jekk ikun hemm.

(45)

Jekk l-analiżi tiżvela li t-TI kellu jingħata lil produttur esportatur li għalih it-TES ġie rrifjutat, rata ta' dazju individwali trid tiġi attribwita lill-produttur esportatur ikkonċernat u l-ħlas lura tad-dazju jkun limitat għal ammont li jikkorrispondi għad-differenza bejn id-dazju mħallas, jiġifieri, fil-każ ta' importazzjonijiet miċ-Ċina 16,5 % u fil-każ ta' importazzjonijiet mill-Vjetnam 10 %, u d-dazju individwali kkalkulat għall-produttur esportatur ikkonċernat, jekk ikun hemm.

(46)

Min-naħa l-oħra, f'każ li l-analiżi ta' tali talbiet tat-TES u tat-TI tiżvela li kemm it-TES kif ukoll it-TI għandhom jiġu miċħuda, ma jista' jingħata l-ebda ħlas lura ta' dazji antidumping.

(47)

Kif spjegat fil-premessa (12), il-Qorti tal-Ġustizzja annullat ir-Regolament ikkontestat u r-Regolament ta' Implimentazzjoni (UE) Nru 1294/2009 fir-rigward tal-esportazzjonijiet ta' ċertu żraben minn ċerti produtturi esportaturi Ċiniżi u Vjetnamiżi, għaliex il-Kummissjoni ma eżaminatx it-talbiet għal TES u għal TI ppreżentati minn dawn il-produtturi esportaturi.

(48)

Għaldaqstant, il-Kummissjoni eżaminat it-talbiet għal TES u għal TI tal-produtturi esportaturi kkonċernati biex tistabbilixxi r-rata tad-dazju applikabbli għall-esportazzjonijiet tagħhom. Dik il-valutazzjoni indikat li l-informazzjoni pprovduta ma wrietx li l-produtturi esportaturi kkonċernati kienu joperaw f'kundizzjonijiet ta' ekonomija tas-suq jew li kienu jikkwalifikaw għal trattament individwali (għal spjegazzjoni dettaljata ara l-premessa (49) u dawk sussegwenti hawn taħt).

(49)

Huwa meħtieġ li jiġi indikat li l-oneru tal-provi jaqa' fuq il-produttur li jixtieq jibbenefika mit-TES skont l-Artikolu 2(7)(b) tar-Regolament bażiku. Għal dan il-għan, l-ewwel subparagrafu tal-Artikolu 2(7)(c) jipprevedi li t-talba ppreżentata minn produttur bħal dan trid tinkludi provi suffiċjenti, kif stipulat f'dik id-dispożizzjoni, li l-produttur jopera f'kundizzjonijiet ta' ekonomija tas-suq. B'hekk, ma hemm l-ebda obbligu fuq l-istituzzjonijiet tal-Unjoni li jagħtu prova li l-produttur ma jissodisfax il-kundizzjonijiet stipulati għar-rikonoxximent ta' tali status. Għall-kuntrarju, huma l-istituzzjonijiet tal-Unjoni li għandhom jivvalutaw jekk il-provi fornuti mill-produttur ikkonċernat humiex biżżejjed sabiex juru li l-kriterji stabbiliti fl-ewwel subparagrafu tal-Artikolu 2(7)(c) tar-Regolament bażiku humiex issodisfati biex jingħata TES, u hija l-qorti tal-Unjoni li għandha tivverifika jekk din l-evalwazzjoni hijiex ivvizzjata minn żball manifest (il-paragrafu 32 tas-sentenza fil-Kawża C-249/10 P u l-paragrafu 24 tas-sentenza fil-Kawża C-247/10 P).

(50)

F'konformità mal-Artikolu 2(7)(c) tar-Regolament bażiku, il-ħames kriterji kollha elenkati f'dan l-Artikolu għandhom jiġu ssodisfati biex produttur esportatur ikun jista' jingħata TES. Għaldaqstant, il-Kummissjoni kkunsidrat li jekk ma jkunx issodisfat kriterju wieħed biss, dan ikun biżżejjed biex tiġi miċħuda t-talba għal TES.

(51)

L-ebda wieħed mill-produtturi esportaturi kkonċernati ma seta' juri li jissodisfa l-kriterju 1 (Deċiżjonijiet tan-negozju). B'mod aktar speċifiku, il-Kummissjoni rriżultalha li l-Kumpaniji 34, 36, 37, 38, 39, 42, 43, 44, 45, 46,47, 48, 53, 54, 58, 65, 66, 67, 69, 72, 77, 79, 80, 82, 84, 85, 88, 89, 92, 93, 94, 96, 97, 98, 99, 100, 101 u 102 (25) ma setgħux jiddeterminaw b'mod ħieles il-kwantitajiet tal-bejgħ tagħhom għal swieq domestiċi u ta' esportazzjoni. F'dan ir-rigward, il-Kummissjoni stabbiliet li kien hemm limitazzjonijiet fuq l-output u/jew limitazzjoni għal kwantitajiet tal-bejgħ fi swieq speċifiċi (domestiċi jew ta' esportazzjoni). Ċerti Kumpaniji 33, 35, 39, 49, 50, 51, 52, 53, 54, 55, 58, 59, 60, 61, 62, 63, 66, 67, 68, 69, 70, 72, 73, 74, 75, 77, 81, 83, 84, 85, 86, 87, 91, 96, 97, 101 u 102 ma pprovdewx biżżejjed informazzjoni dwar l-istruttura tas-sjieda, l-azzjonisti, il-bord tad-diretturi tagħhom jew is-selezzjoni tad-diretturi biex juru li d-deċiżjonijiet tan-negozju tagħhom kienu ttieħdu f'konformità mas-sinjali tas-suq mingħajr interferenza sinifikanti mill-Istat. Barra minn hekk, ċerti kumpaniji ma pprovdewx liċenzja tan-negozju jew traduzzjoni bl-Ingliż tagħha (il-Kumpaniji 33, 35, 59, 60, 62, 81 u 87), jew ma pprovdewx l-Artikoli ta' Assoċjazzjoni jew traduzzjoni bl-Ingliż tagħhom (il-Kumpaniji 34, 40, 41, 51, 59, 63, 64, 95, 101 u 102). Flimkien ma' dan, ċerti kumpaniji ma pprovdewx biżżejjed informazzjoni dwar il-fornituri tagħhom (il-Kumpaniji 42, 43, 44, 46, 49, 51, 57, 60, 64, 65, 69, 74, 76 u 95) jew ma setgħux juru li s-selezzjoni tal-manodopera kienet indipendenti biżżejjed mill-awtoritajiet lokali (il-Kumpaniji 38, 39, 42, 45 u 46) u għaldaqstant ma pprovdewx biżżejjed evidenza li d-deċiżjonijiet ta' negozju ttieħdu mingħajr interferenza sinifikanti min-naħa tal-Istat.

(52)

Flimkien ma' dan, il-Kumpaniji 33, 34, 35, 40, 41, 43, 44, 45, 46, 47, 48, 49, 50, 51, 57, 59, 60, 61, 62, 63, 64, 65, 66, 67, 68, 69, 70, 72, 73, 74, 75, 76, 79, 80, 81, 82, 84, 85, 86, 87, 88, 91, 93, 94, 95, 96, 97, 100, 101 u 102 ma kinux kapaċi juru li kienu jissodisfaw il-kriterju 2 (il-Kontabilità). B'mod aktar speċifiku, il-Kumpaniji 33, 43, 45, 46, 47, 48, 49, 50, 51, 59, 60, 61, 62, 63, 64, 65, 66, 67, 68, 73, 74, 75, 76, 79, 80, 81, 82, 84, 85, 86, 87, 88, 91, 93, 94, 96, 97, 101 u 102 ma wrewx li kellhom sett ċar ta' rekords kontabbilistiċi bażiċi li jiġu verifikati indipendentement skont standards internazzjonali tal-kontabilità. B'mod partikolari, il-valutazzjonijiet tat-TES żvelaw li dawn il-kumpaniji ma pprovdewx lill-Kummissjoni b'opinjoni/rapport ta' awditur indipendenti, jew inkella li l-kontijiet tagħhom ma ġewx awditjati, jew kienu nieqsa minn noti ta' spjegazzjoni dwar diversi entrati tal-karta tal-bilanċ jew tar-rapport tal-introjtu. Kumpaniji oħra ma pprovdewx traduzzjoni bl-Ingliż tagħhom (il-Kumpaniji 34, 35, 40, 41, 51, 57, 69, 70, 95 u 100). Barra minn hekk, il-kontijiet awditjati ta' ċerti Kumpaniji 43, 44, 45, 57, 65 u 72 instabu li kellhom inkonsistenzi sinifikanti, fost l-oħrajn, diskrepanzi fid-dejta rrappurtata għal snin differenti, differenzi bejn il-verżjoni oriġinali u t-traduzzjoni bl-Ingliż, dubju dwar il-korrettezza tal-metodu ta' deprezzament, tal-inventarju u tar-rendikont tal-istokkijiet, jew problemi osservati mir-rapport tal-awdituri li sussegwentement ma ġewx irrettifikati. Għaldaqstant, il-kumpaniji ma ssodisfawx il-kriterju 2.

(53)

Fir-rigward tal-kriterju 3 (Assi u “riport”), bosta kumpaniji naqsu milli juru li ma ġiet riportata l-ebda distorsjoni mis-sistema ta' ekonomija mhux tas-suq. B'mod partikolari, il-Kumpaniji 33, 34, 35, 36, 37, 38, 39, 42, 43, 44, 47, 48, 58, 59, 60, 61, 62, 63, 64, 65, 66, 67, 70, 72, 74, 75, 76, 77, 80, 81, 83, 84, 85, 86, 87, 88, 91, 94, 95, 96, 97, 101u 102 ma tawx informazzjoni essenzjali u kompluta dwar it-termini u l-valur tad-drittijiet ta-użu tal-art. Apparti minn hekk, il-Kumpaniji 34, 35, 37, 38, 39, 42, 43, 45, 46, 52, 53, 54, 57, 60, 63, 65, 66, 72, 77, 79, 84, 85, 87, 93, 94, 95 u 98 ma pprovdewx informazzjoni dwar devjazzjonijiet mir-rata tat-taxxa standard jew ir-rekord tal-ħlas ta' din it-taxxa, filwaqt li l-Kumpaniji 37, 42, 43, 44, 57, 84, 87 u 94 ma pprovdewx informazzjoni dwar il-provvista jew il-prezz tal-elettriku tagħhom. Il-Kumpaniji 40 u 41 ma pprovdewx traduzzjoni bl-Ingliż tal-informazzjoni essenzjali li tirrigwarda l-assi tagħhom.

(54)

F'dak li jirrigwarda l-kriterju 4 (Ambjent legali), il-Kumpaniji 76, 101 u 102 ma wrewx li huma operaw taħt liġijiet tal-falliment u tal-proprjetà li jiggarantixxu stabbiltà u ċertezza tad-dritt.

(55)

Il-Kumpanija 70 ma wrietx li kienet tissodisfa l-Kriterju 5 (“Kambju tal-munita”) peress li, skont in-Noti tal-kontijiet, il-kumpanija użat rata ta' kambju fissa għan-negozju tal-munita barranija, li mhijiex konformi mal-kriterju 5, li jistipula li l-konverżjonijiet tar-rati tal-kambju jsiru bir-rata tas-suq.

(56)

Apparti minn hekk, il-Kumpaniji 56, 71, 78 u 90 ma pprovdewx evidenza dwar il-produzzjoni tal-prodott ikkonċernat, is-sjieda tal-materja prima prinċipali, is-sjieda tal-prodott ikkonċernat u l-kontroll fuq l-iffissar tal-prezzijiet. Għaldaqstant, it-talbiet tagħhom għal TES ma kinux soġġetti għal analiżi dettaljata.

(57)

Il-Kummissjoni informat lill-produtturi esportaturi kkonċernati li l-ebda wieħed minnhom ma għandu jingħata TES u stednithom iressqu l-kummenti. Ma wasal l-ebda kumment.

(58)

Għaldaqstant, l-ebda wieħed mis-sebgħin produttur esportatur Ċiniż ikkonċernat ma ssodisfa l-kundizzjonijiet kollha stabbiliti fl-Artikolu 2(7)(c) tar-Regolament bażiku u, b'riżultat ta' dan, it-TES huwa miċħud għalihom kollha.

(59)

Skont l-Artikolu 9(5) tar-Regolament bażiku qabel ġie emendat, fejn japplika l-Artikolu 2(7)(a) tal-istess Regolament, għandu madankollu jiġi speċifikat dazju individwali għall-esportaturi li jistgħu juru li huma jissodisfaw il-kriterji kollha stabbiliti fl-Artikolu 9(5) tar-Regolament bażiku qabel ġie emendat.

(60)

Kif imsemmi fil-premessa (49) huwa meħtieġ li jiġi indikat li l-oneru tal-provi jaqa' fuq il-produttur li jkun jixtieq jitlob għal TI skont l-Artikolu 9(5) tar-Regolament bażiku qabel ġie emendat. Għal dan l-għan, l-ewwel subparagrafu tal-Artikolu 9(5) tar-Regolament bażiku qabel ġie emendat jipprevedi li t-talba ppreżentata trid tiġi sostanzjata kif suppost. B'hekk, ma hemm l-ebda obbligu fuq l-istituzzjonijiet tal-Unjoni sabiex jagħtu prova li l-esportatur ma jissodisfax il-kundizzjonijiet stipulati għar-rikonoxximent ta' tali status. Għall-kuntrarju, huma l-istituzzjonijiet tal-UE li għandhom jivvalutaw jekk l-evidenza pprovduta mill-esportatur hijiex biżżejjed biex turi li l-kriterji stipulati fl-Artikolu 9(5) tar-Regolament bażiku qabel ġie emendat huma ssodisfati sabiex jingħata t-TI.

(61)

F'konformità mal-Artikolu 9(5) tar-Regolament bażiku qabel ġie emendat, jenħtieġ li l-esportaturi juru, fuq il-bażi ta' talba sostanzjata kif suppost, li l-ħames kriterji kollha elenkati f'dan l-Artikolu huma ssodisfati sabiex ikun jistgħu jingħataw it-TI. Għaldaqstant, il-Kummissjoni kkunsidrat li n-nuqqas li jiġi ssodisfat mill-inqas kriterju wieħed kien biżżejjed sabiex tiġi miċħuda t-talba għal TI.

(62)

Il-ħames kriterji huma dawn li ġejjin:

(63)

Is-sebgħin produttur esportatur ikkonċernat kollha li talbu għal TES, talbu wkoll għal TI fil-każ li ma jingħatawx TES. Il-Kummissjoni għalhekk ivvalutat it-talbiet għal TI ta' kull produttur esportatur ikkonċernat, apparti li ċaħdet it-talbiet tagħhom għal TES kif deskritt fil-premessi minn (49) sa (57).

(64)

Fir-rigward tal-kriterju 1 (Ripatrijazzjoni tal-kapital u tal-profitti), il-Kumpaniji 69, 77, 86 u 95 naqsu milli jagħtu prova li turi li kienu liberi li jirripatrijaw il-kapital u l-profitti u għalhekk ma wrewx li dan il-kriterju ġie ssodisfat.

(65)

Fir-rigward tal-kriterju 2 (Bejgħ u prezzijiet tal-esportazzjonijiet iddeterminati b'mod liberu), il-Kumpaniji 33, 34, 35, 36, 37, 40, 41, 43, 44, 45, 46, 47, 48, 52, 53, 54, 58, 59, 60, 62, 64, 66, 67, 69, 72, 74, 75, 79, 80, 82, 84, 85, 88, 89, 92, 93, 94, 95, 96, 97, 98, 99 u 100 naqsu milli jagħtu prova li deċiżjonijiet tan-negozju bħall-prezzijiet u l-kwantitajiet tal-esportazzjoni, u l-kundizzjonijiet u t-termini tal-bejgħ kienu ddeterminati b'mod liberu bħala reazzjoni għal sinjali tas-suq, peress li l-evidenza analizzata, bħall-artikoli tal-assoċjazzjoni jew il-liċenzji tan-negozju, uriet limitazzjoni fl-output u/jew fuq il-kwantitajiet tal-bejgħ taż-żraben fi swieq speċifiċi.

(66)

Fir-rigward tal-kriterju 3 (il-kumpanija — maniġment u ishma ewlenin — hija indipendenti biżżejjed minn interferenza mill-Istat), il-kumpaniji 33, 34, 35, 36, 37, 38, 39, 40, 41, 42, 43, 44, 49, 50, 51, 52, 53, 54, 55, 57, 58, 59, 60, 61, 62, 63, 64, 65, 66, 67, 68, 69, 70, 72, 73, 74, 75, 76, 77, 80, 81, 82, 83, 84, 85, 86, 87, 91, 93, 94, 95, 96, 97, 98, 101 u 102 naqsu milli juru li d-deċiżjonijiet tan-negozju saru b'mod indipendenti biżżejjed minn interferenza mill-Istat. Fost l-oħrajn, ma ngħatat l-ebda informazzjoni jew ma ngħatatx biżżejjed informazzjoni fir-rigward tal-istruttura tas-sjieda tal-kumpanija u dwar kif kienu jittieħdu d-deċiżjonijiet. Barra minn hekk, il-Kumpaniji 33, 34, 35, 36, 37, 38, 39, 42, 43, 44, 58, 59, 60, 61, 62, 63, 64, 65, 66, 67, 70, 72,74, 75, 76, 77, 80, 81, 83, 84, 85, 86, 87, 91, 94, 95, 96, 97, 101, 102 ma pprovdewx biżżejjed informazzjoni dwar kif ġew ittrasferiti d-drittijiet tal-użu tal-art lil dawn il-kumpaniji u b'liema termini u kundizzjonijiet. Il-Kumpaniji 33, 34, 35, 40, 41, 51, 59, 62, 81 u 95 ma pprovdewx traduzzjoni bl-Ingliż tad-dokumenti rilevanti.

(67)

Fl-aħħar nett, il-Kumpanija 70 naqset milli turi li l-konverżjonijiet tar-rati tal-kambju saru bir-rata tas-suq. Għalhekk, ma ssodisfatx ir-rekwiżiti tal-kriterju 4 (Ir-rata ta' kambju bbażata fuq is-suq).

(68)

Barra minn hekk, il-Kumpaniji 33, 34, 35, 36, 37, 38, 39, 40, 41, 42, 43, 44, 49, 50, 51, 52, 53, 54, 55, 57, 58, 59, 60, 61, 62, 63, 64, 65, 66, 67, 68, 69, 70, 72, 73, 74, 75, 76, 77, 80, 81, 82, 83, 84, 85, 86, 87, 91, 93, 94, 95, 96, 97, 98, 101 u 102 naqsu wkoll milli jagħtu prova li kienu jissodisfaw ir-rekwiżiti tal-kriterju 5 (Ċirkomvenzjoni) fuq il-bażi li ma ġiet ipprovduta l-ebda informazzjoni dwar kif ittieħdu d-deċiżjonijiet fil-kumpanija u dwar jekk l-Istat eżerċitax influwenza sinifikanti f'dan it-teħid ta' deċiżjonijiet fil-kumpanija.

(69)

Apparti minn hekk, il-Kumpaniji 56, 71, 78 u 90 ma pprovdewx evidenza dwar il-produzzjoni tal-prodott ikkonċernat, is-sjieda tal-materja prima prinċipali, is-sjieda tal-prodott ikkonċernat u l-kontroll fuq l-issettjar tal-prezzijiet. Għaldaqstant, it-talbiet tagħhom għal TI ma kinux soġġetti għal analiżi dettaljata.

(70)

Fid-dawl ta' dak ta' hawn fuq, l-ebda wieħed mis-sebgħin produttur esportatur ikkonċernat ma ssodisfa l-kundizzjonijiet stabbiliti fl-Artikolu 9(5) tar-Regolament bażiku qabel ġie emendat u għalhekk it-TI ġie miċħud lilhom kollha. Il-Kummissjoni infurmat lill-produtturi esportaturi kkonċernati dwar dan u stednithom iressqu l-kummenti tagħhom. Ma wasal l-ebda kumment.

(71)

Id-dazju residwu antidumping applikabbli għaċ-Ċina u għall-Vjetnam, ta' 16,5 % u 10 % rispettivament, jenħtieġ għalhekk li jiġi impost għall-esportazzjonijiet magħmula mis-sebgħin produttur esportatur ikkonċernat għall-perjodu ta' applikazzjoni tar-Regolament tal-Kunsill (KE) Nru 1472/2006. Il-perjodu ta' applikazzjoni ta' dak ir-Regolament kien inizjalment mis-7 ta' Ottubru 2006 sas-7 ta' Ottubru 2008. Wara li nbeda rieżami ta' skadenza fit-30 ta' Diċembru 2009, dan ġie estiż sal-31 ta' Marzu 2011. L-illegalità identifikata fis-sentenzi hija li l-istituzzjonijiet tal-Unjoni naqsu milli jistabbilixxu jekk il-prodotti prodotti mill-produtturi esportaturi kkonċernati għandhomx ikunu soġġetti għal dazju residwu jew għal dazju individwali. Fuq il-bażi tal-illegalità identifikata mill-Qorti, ma hemmx raġuni legali għal eżenzjoni sħiħa tal-prodotti prodotti mill-produtturi esportaturi kkonċernati minn kwalunkwe dazju antidumping. Att ġdid li jirrimedja l-illegalità identifikata mill-Qorti għalhekk jeħtieġ biss li jagħmel valutazzjoni mill-ġdid tar-rata tad-dazju antidumping applikabbli, u mhux tal-miżuri nfushom.

(72)

Billi l-Kummissjoni kkonkludiet li jenħtieġ li d-dazju residwu applikabbli għaċ-Ċina u l-Vjetnam rispettivament jiġi impost mill-ġdid fir-rigward tal-produtturi esportaturi kkonċernati bl-istess rata li kienet ġiet oriġinarjament imposta permezz tar-Regolament ikkontestat u tar-Regolament (UE) Nru 1294/2009, ma hija meħtieġa l-ebda bidla fir-Regolament tal-Kunsill (KE) Nru 388/2008. Dan ir-Regolament tal-aħħar jibqa' validu.

(73)

Wara d-divulgazzjoni, il-Kummissjoni rċeviet kummenti f'isem (i) il-FESI u l-Footwear Coalition (26) li jirrappreżentaw lill-importaturi taż-żraben fl-Unjoni; (ii) C&J Clark International, Cortina, Deichmann and Wortmann (“Clarks et al”), importaturi taż-żraben fl-Unjoni, (iii) Sino Pro Trading, u (iv) Schuhhaus SIEMES Einkaufs & Beteiligungs GmBH (“SIEMES”), it-tnejn li huma importaturi taż-żraben miċ-Ċina u mill-Vjetnam.

(74)

Il-FESI u l-Footwear Coalition allegaw li skont il-fajl miftuħ tal-Kummissjoni, kumpanija bl-isem ta' Fortune Footwear Co. Ltd issottomettiet talba għal TES/TI għall-perjodu ta' investigazzjoni u għaldaqstant ma għandhiex tkun elenkata fl-Anness III ta' dan ir-Regolament. Madankollu, ma hemm l-ebda rekord ta' talba għal TES/TI sottomessa minn din il-kumpanija u l-FESI u l-Footwear Coalition ma pprovdewx provi ulterjuri oħra li din il-kumpanija tabilħaqq isottomettiet talba ta' din ix-xorta. Għaldaqstant, din l-affermazzjoni ma tintlaqax.

(75)

Il-FESI u l-Footwear Coalition allegaw ukoll li kumpanija bl-isem ta' Foshan Nanhai Shyang Yuu/Hu Footwear kienet elenkat b'mod skorrett fl-Anness III billi din il-kumpanija kienet allegatament issottomettiet talba għal TES/TI. Madankollu ma hemm l-ebda kumpanija bl-isem ta' Foshan Nanhai Shyang Yuu/Hu Footwear elenkata fl-Anness III jew xi Anness ieħor ta' dan ir-Regolament. Kumpanija b'isem simili (Nanhai Shyang Ho Footwear Co. Ltd) hija elenkata fl-Anness III iżda l-FESI u l-Footwear Coalition ma pprovdew l-ebda prova li din hija l-istess kumpanija bħal Foshan Nanhai Shyang Yuu/Hu Footwear. Għaldaqstant, din l-allegazzjoni ma tintlaqax.F'ġieħ il-kompletezza, wieħed irid jirrimarka wkoll li fir-Regolament (UE) 2016/2257 ġiet ivvalutata kumpanija b'isem simili, Foshan Nanhai Shyang Yuu Footwear Ltd. Madankollu, bl-istess mod, ma hemm l-ebda prova disponibbli li din tal-aħħar hija l-istess kumpanija bħal Foshan Nanhai Shyang Yuu/Hu Footwear.

(76)

Il-FESI u l-Footwear Coalition komplew isostnu li Guangzhou Panyu Xintaiy Footwear Industry Commerce Co., Ltd issottomettiet talba għal TES/TI u li din it-talba jmissha ġiet ivvalutata mill-Kummissjoni. Qiegħed jiġi ċċarat li din it-talba għal TES/TI ta' din il-kumpanija fil-fatt ġiet ivvalutata. Il-kumpanija ma kinitx tissodisfa l-kriterji għal TES u għal TI u l-affermazzjoni tagħha għaldaqstant ma ntlaqatx. Konsegwentement, jenħtieġ li d-dazju definittiv ikun impost mill-ġdid fir-rigward tagħha u l-kumpanija għalhekk hija elenkata fl-Anness II tar-Regolament. Għaldaqstant l-allegazzjoni tal-FESI u tal-Footwear Coalition f'dan ir-rigward ma tintlaqax.

(77)

Il-FESI u l-Footwear Coalition apparti minn hekk allegaw li kumpanija bl-isem ta' Mega Power Union Co. Ltd issottomettiet talba għal TES/TI. Madankollu, il-Kummissjoni ma għandha l-ebda rekord ta' talba għal TES/TI l-FESI u l-Footwear Coalition naqsu milli jipprovdu provi ulterjuri oħra li din il-kumpanija tabilħaqq isottomettiet talba ta' din ix-xorta. Għaldaqstant l-allegazzjoni tal-FESI u tal-Footwear Coalition f'dan ir-rigward ma tintlaqax.

(78)

Fl-aħħar nett, il-FESI u l-Footwear Coalition allegaw li grupp bl-isem ta' “the Evervan group” (il-grupp Evervan) issottometta talba għal TES/TI u li l-grupp ta' kumpaniji kien għaldaqstant elenkat b'mod skorrett fl-Anness III. Madankollu, filwaqt li sitt kumpaniji elenkati fl-Anness III għandhom ismijiet li fihom hemm il-kelma “Evervan” (Evervan, Evervan Deyang Footwear Co., Ltd, Evervan Golf, Evervan Qingyuan Footwear Co., Ltd, Evervan Qingyuan Vulcanized, Evervan Vietnam), il-FESI u l-Footwear Coalition naqsu milli jipprovdu xi prova li dawn kienu fil-fatt parti minn grupp. Il-FESI u l-Footwear Coalition naqsu wkoll milli jipprovdu prova li dan il-grupp fl-intier tiegħu tabilħaqq issottometta talba għal TES/TI. Għaldaqstant, din l-affermazzjoni ma tintlaqax. F'ġieħ il-kompletezza, wieħed irid jirrimarka li kumpanija bl-isem ta' “Guangzhou Evervan Footwear Co., Ltd” issottomettiet talba għal TES/TI li ġiet ivvalutata u rrifjutata fir-Regolament (UE) 2017/1982. Ma hemm l-ebda prova għad-dispożizzjoni li tippermetti li tiġi stabbilita relazzjoni mal-kumpaniji l-oħra li għandhom il-kelma “Evervan” bħala parti minn isimhom u li huma elenkati fl-Anness III.

(79)

Il-FESI u l-Footwear Coalition qalu li l-oneru tal-prova meta jiġu vvalutati t-talbiet għal TES/TI huwa tal-Kummissjoni, peress li l-produtturi esportaturi Ċiniżi u Vjetnamiżi kienu ssodisfaw l-oneru billi ressqu talbiet għal TES/TI fl-investigazzjoni oriġinali. Il-FESI u l-Footwear Coalition qalu wkoll li l-produtturi esportaturi kkonċernati mill-implimentazzjoni attwali kellhom jingħataw l-istess drittijiet proċedurali bħal dawk mogħtija lill-produtturi esportaturi fil-kampjun matul l-investigazzjoni oriġinali. Il-FESI u l-Footwear Coalition argumentaw b'mod partikolari li twettqet biss analiżi tad-dokumenti u li ma saritx żjara ta' verifika fuq il-post u li l-produtturi esportaturi Ċiniżi u Vjetnamiżi ma ngħatawx l-opportunità li jikkomplementaw il-formuli tat-talbiet għal TES/TI tagħhom permezz ta' ittri ta' nuqqasijiet.

(80)

Il-FESI u l-Footwear Coalition argumentaw ukoll li l-produtturi esportaturi kkonċernati minn din l-implimentazzjoni ma ngħatawlhomx l-istess garanziji proċedurali bħal dawk li jingħataw fl-investigazzjonijiet antidumping standard iżda ġew applikati standards aktar stretti. Il-FESI u l-Footwear Coalition qalu li l-Kummissjoni ma qisitx iż-żmien li għadda bejn il-preżentazzjoni tat-talba għal TES/TI fl-investigazzjoni oriġinali u l-valutazzjoni ta' dawn it-talbiet. Barra minn hekk, il-produtturi esportaturi matul l-investigazzjoni oriġinali ngħataw biss 15-il jum biex jimlew it-talbiet għal TES/TI, minflok il-perjodu normali ta' 21 jum.

(81)

Fuq din il-bażi, il-FESI u l-Footwear Coalition allegaw li l-prinċipju legali fundamentali li l-partijiet interessati tingħatalhom l-opportunità sħiħa li jeżerċitaw id-drittijiet tagħhom ta' difiża stipulat fl-Artikolu 41 tal-Karta tad-Drittijiet Fundamentali tal-Unjoni Ewropea u fl-Artikolu 6 tat-Trattat dwar l-Unjoni Ewropea ma ġiex irrispettat. Fuq din il-bażi, ġie argumentat li meta l-produtturi esportaturi ma ngħatatilhomx l-opportunità li jikkompletaw l-informazzjoni nieqsa, il-Kummissjoni għamlet użu ħażin mis-setgħa tagħha u effettivament invertiet l-oneru tal-prova fl-istadju tal-implimentazzjoni.

(82)

Fl-aħħar nett, il-FESI u Footwear Coalition qalu wkoll li dan l-approċċ ikun diskriminatorju mhux biss fil-konfront tal-produtturi esportaturi Ċiniżi u Vjetnamiżi li kienu inklużi fil-kampjun fl-investigazzjoni oriġinali, imma wkoll fil-konfront ta' produtturi esportaturi f'pajjiżi li ma għandhomx ekonomija tas-suq li kienu suġġetti għal investigazzjoni antidumping u li ppreżentaw talbiet għal TES/TI f'dik l-investigazzjoni. Għalhekk, il-kumpaniji Ċiniżi u Vjetnamiżi kkonċernati mill-implimentazzjoni attwali ma għandhomx ikunu suġġetti għall-istess livell limitu ta' għoti ta' informazzjoni kif applikat f'investigazzjoni normali ta' 15-il xahar u ma għandhomx ikunu soġġetti għal standards proċedurali aktar stretti.

(83)

Il-FESI u l-Footwear Coalition qalu wkoll li l-Kummissjoni applikat il-fatti de facto disponibbli, fis-sens tal-Artikolu 18(1) tar-Regolament bażiku, filwaqt li l-istess Kummissjoni ma osservatx ir-regoli proċedurali stipulati fl-Artikolu 18(4) tar-Regolament bażiku.

(84)

Il-Kummissjoni tfakkar li skont il-ġurisprudenza l-oneru tal-prova jaqa' fuq il-produttur li jkun jixtieq jitlob TES/TI skont l-Artikolu 2(7)(b) tar-Regolament bażiku. Għal dan il-għan, l-ewwel subparagrafu tal-Artikolu 2(7)(c) jipprovdi li t-talba ppreżentata minn produttur bħal dan trid tinkludi provi suffiċjenti, kif stabbiliti f'dik id-dispożizzjoni, li l-produttur jopera f'kundizzjonijiet ta' ekonomija tas-suq. B'hekk, l-istess kif ikkonstatat il-Qorti fis-sentenzi Brosmann u Aokang, ma hemm l-ebda obbligu fuq l-istituzzjonijiet li jagħtu prova li l-produttur ma jissodisfax il-kundizzjonijiet stipulati għar-rikonoxximent ta' dan l-istatus. Għall-kuntrarju, hija l-Kummissjoni li trid tivvaluta jekk il-provi provduti mill-produttur ikkonċernat humiex biżżejjed biex juru li l-kriterji stipulati fl-ewwel subparagrafu tal-Artikolu 2(7)(c) tar-Regolament bażiku huma ssodisfati sabiex jingħata TES/TI (ara l-premessa (49)). F'dan ir-rigward, huwa mfakkar li ma hemm l-ebda obbligu għall-Kummissjoni fir-Regolament bażiku u lanqas fil-ġurisprudenza li tagħti l-possibbiltà li l-produttur esportatur jikkomplementa t-talba TES/TI bl-informazzjoni fattwali kollha nieqsa. Il-Kummissjoni tista' tibbaża l-valutazzjoni tagħha fuq l-informazzjoni sottomessa mill-produttur esportatur.

(85)

Fir-rigward tal-argument li saret biss analiżi tad-dokumenti, il-Kummissjoni tinnota li analiżi tad-dokumenti hija proċedura li permezz tagħha t-talbiet għal TES/TI jiġu analizzati abbażi tad-dokumenti sottomessi mill-produttur esportatur. L-applikazzjonijiet kollha għal TES/TI huma soġġetti għal analiżi tad-dokumenti mill-Kummissjoni. Barra minn hekk, il-Kummissjoni tista' tiddeċiedi li twettaq spezzjonijiet fuq il-post ukoll. L-ispezzjonijiet fuq il-post, madankollu, mhumiex meħtieġa u lanqas ma jitwettqu għal kull applikazzjoni għal TES/TI. L-ispezzjonijiet fuq il-post, meta jitwettqu, ġeneralment ikollhom bħala għan li jikkonfermaw xi valutazzjoni preliminari magħmula mill-istituzzjonijiet u/jew li tiġi kkontrollata l-veraċità tal-informazzjoni pprovduta mill-produttur esportatur ikkonċernat. Fi kliem ieħor, jekk il-provi sottomessi mill-produttur esportatur juru b'mod ċar li TES/TI mhuwiex iġġustifikat, normalment ma ssirx spezzjoni fuq il-post, li hija ħaġa addizzjonali u fakultattiva. Hija l-Kummissjoni li tivvaluta jekk żjara ta' verifika tkunx opportuna (27). Il-Kummissjoni għandha d-diskrezzjoni tiddeċiedi dwar il-mezzi biex tivverifika l-informazzjoni f'formula ta' talba għal TES/TI. B'hekk, meta, bħal f'dan il-każ, il-Kummissjoni tiddeċiedi, abbażi ta' analiżi tad-dokumenti, li għandha biżżejjed provi biex tiddeċiedi dwar talba għal TES/T, la tkun meħtieġa żjara ta' verifika u lanqas ma tkun tista' tintalab.

(86)

Rigward l-affermazzjoni li d-drittijiet tad-difiża ma ġewx irrispettati kif xieraq mid-deċiżjoni tal-Kummissjoni li ma tibgħatx ittri ta' nuqqasijiet, qabel xejn wieħed ifakkar li d-drittijiet tad-difiża huma drittijiet individwali, u li l-FESI u l-Footwear Coalition ma jistgħux jinvokaw il-ksur ta' dritt individwali ta' kumpaniji oħra. It-tieni, il-Kummissjoni tikkontesta l-affermazzjoni li hemm prassi tal-Kummissjoni li jkun hemm ammont sinifikanti ta' skambju ta' informazzjoni u proċess dettaljat ta' kkompletar tan-nuqqasijiet meta ssir biss analiżi tad-dokumenti minflok analiżi tad-dokumenti flimkien ma' verifika fuq il-post. Fil-fatt, il-FESI u l-Footwear Coalition ma kinux kapaċi jipprovdu evidenza li turi l-kuntrarju.

(87)

Il-kummenti tal-FESI u tal-Footwear Coalition dwar id-diskriminazzjoni jkollhom ukoll jiġu miċħuda għaliex bla bażi. Wieħed ifakkar li l-prinċipju ta' trattament ugwali jinkiser meta l-istituzzjonijiet tal-Unjoni jittrattaw każijiet simili b'mod differenti, u b'hekk ipoġġu lil xi negozjanti fi żvantaġġ meta mqabbla ma' oħrajn, mingħajr ma din id-differenzazzjoni tkun iġġustifikata mill-eżistenza ta' differenzi oġġettivament sostanzjali (28). Madankollu, dan huwa eżattament dak li l-Kummissjoni mhux qed tagħmel: billi tirrikjedi lill-produtturi esportaturi Ċiniżi u Vjetnamiżi mhux inklużi fil-kampjun jissottometu talbiet għal rivalutazzjoni tat-TES/TI, hija għandha l-intenzjoni li ġġib lil dawn il-produtturi esportaturi li qabel ma kinux fil-kampjun fuq l-istess livell bħal dawk li kienu inklużi fil-kampjun fl-investigazzjoni inizjali. Barra minn hekk, billi r-Regolament bażiku ma jistabbilixxix perjodu minimu f'dan ir-rigward, dment li l-qafas taż-żmien għal dan l-għan ikun raġonevoli u jipprovdi lill-partijiet b'opportunità suffiċjenti biex jiġbru (jew jiġbru mill-ġdid) l-informazzjoni meħtieġa filwaqt li fl-istess ħin jitħarsu d-drittijiet tad-difiża tagħhom, mhi qed issir l-ebda diskriminazzjoni.

(88)

Sa fejn huma kkonċernati l-argumenti rigward l-Artikolu 18(1) tar-Regolament bażiku, il-Kummissjoni tixtieq tirrimarka li, fil-każ attwali, ma applikatx l-Artikolu 18 tar-Regolament bażiku. Fil-fatt, hija aċċettat l-informazzjoni pprovduta mill-produtturi esportaturi kkonċernati, ma ċaħditx din l-informazzjoni, u bbażat il-valutazzjonitagħha fuqha. Minn dan isegwi li ma kienx hemm bżonn li tiġi segwita l-proċedura skont l-Artikolu 18(4) tar-Regolament bażiku. Il-proċedura skont l-Artikolu 18(4) tar-Regolament bażiku hija segwita fil-każijiet meta l-Kummissjoni jkun beħsiebha tirrifjuta ċerta informazzjoni pprovduta mill-parti interessata u minflok tuża l-fatti disponibbli.

(89)

Importatur ieħor, jiġifieri Sino Pro Trading Limited, qal li l-Kummissjoni ma setax kellha biżżejjed żmien biex tinvestiga t-talbiet għal TES/TI ta' 600 kumpanija f'perjodu ta' ftit xhur biss, u allega li l-investigazzjoni mwettqa mill-Kummissjoni ma setgħetx twassal għal riżultati solidi. Din il-parti allegat ukoll li l-eżitu tal-investigazzjoni, jiġifieri t-talbiet kollha għal TES/TI li ġew ivvalutati ġew ukoll miċħuda, jindika li l-investigazzjoni tal-Kummissjoni ma kinitx imparzjali. Min-naħa l-oħra, din il-parti argumentat wkoll li ma ġewx investigati biżżejjed talbiet għal TES/TI, jiġifieri 70 biss mis-600 li kellhom oriġinarjament ikunu investigati. Barra minn hekk, l-istess importatur argumenta li peress li l-valutazzjonijiet tal-kumpaniji fil-premessi minn (49) sa (72) kienu fuq bażi anonima, il-partijiet interessati ma setgħux jikkollegaw is-sejbiet li saru ma' kumpanija speċifika. Fl-aħħar nett, dan l-importatur allega li l-fornitur tiegħu minkejja li elenkat fl-Anness II ta' dan ir-Regolament, ma kienx ġie investigat, iżda li kien intbagħat biss kwestjonarju lil dan il-fornitur bi żmien għat-tweġiba li ma kienx biżżejjed.

(90)

Rigward l-affermazzjonijiet ta' hawn fuq, il-Kummissjoni l-ewwel iċċarat li kien ipprovdut mal-ismijiet ta' 600 kumpanija mill-awtoritajiet doganali Ġermaniżi jew Netherlandiżi jew ipprovdut mit-tliet importaturi msemmija fil-premessa (29) bħala fornituri taż-żraben fiċ-Ċina u fil-Vjetnam. Kif spjegat fil-premessa (33), għall-biċċa l-kbira ta' dawn il-kumpaniji, il-Kummissjoni ma kellha l-ebda rekord li dawn kienu ssottomettew xi talba għal TES jew għal TI matul l-investigazzjoni oriġinali. Għal għadd sostanzjali tal-bqija tal-kumpaniji, il-Kummissjoni diġà kienet ivvalutat it-talba tagħhom għal TES u għal TI f'eżerċizzji preċedenti ta' implimentazzjoni. Din il-proċedura hija spjegata fid-dettall fil-premessi minn (34) sa (36) u l-kumpaniji rilevanti kif ukoll l-atti legali rilevanti huma elenkati fl-Annessi minn IV sa VI ta' dan ir-Regolament. L-argument li l-Kummissjoni allegatament investigat 600 kumpanija f'dan l-eżerċizzju mhuwiex korrett u jrid, skont dan, ikun irrifjutat.

(91)

Apparti minn hekk, il-Kummissjoni ċċarat li, kif jissemma fil-premessa (17), il-Kummissjoni ssoktat b'dan il-proċediment antidumping fil-punt eżatt li fih saret l-illegalità u għalhekk eżaminat jekk kinux jipprevalu l-kundizzjonijiet tal-ekonomija tas-suq għall-produtturi esportaturi kkonċernati għall-perjodu mill-1 ta' April 2004 sal-31 ta' Marzu 2005, jiġifieri matul il-perjodu ta' investigazzjoni li wassal għall-impożizzjoni tad-dazji antidumping definittivi fl-2006. Għaldaqstant, il-Kummissjoni ma ġabritx informazzjoni ġdida, iżda bbażat il-valutazzjoni tagħha fuq it-talba għal TES/TI sottomessa mill-produttur esportatur rilevanti matul din l-investigazzjoni. Il-konklużjonijiet ta' dawn il-valutazzjonijiet ġew iddivulgati lill-produtturi esportaturi rilevanti li ngħataw perjodu ta' żmien biex jikkummentaw. Kif stabbilit fil-premessa (70), l-ebda esportatur ikkonċernat, inkluż il-fornitur ta' Sino Pro Trading Ltd ma pprovda xi kummenti f'din id-divulgazzjoni.

(92)

Fl-aħħar nett, qed ikun enfasizzat li l-informazzjoni pprovduta mill-produtturi esportaturi fit-talbiet tagħhom għal TES/TI hija kkunsidrata bħala kunfidenzjali fis-sens tal-Artikolu 19 tar-Regolament bażiku. Għaldaqstant. sabiex tiġi protetta l-kunfidenzjalità, l-ismijiet tal-kumpaniji ġew sostitwiti b'numri.

(93)

L-allegazzjonijiet kollha ta' hawn fuq kellhom għalhekk jiġu rrifjutati.

(94)

Il-FESI u l-Footwear Coalition argumentaw li l-Kummissjoni tkun qed tikser l-Artikolu 266 TFUE, peress li dan l-Artikolu ma jagħtihiex il-bażi ġuridika għall-ftuħ mill-ġdid tal-investigazzjoni fir-rigward ta' miżura li skadiet. Il-FESI u l-Footwear Coalition tennew ukoll li l-Artikolu 266 TFUE ma jippermettix l-impożizzjoni ta' dazji antidumping retroattivament, b'riferiment għas-sentenza tal-Qorti tal-Ġustizzja fil-Kawża C-458/98P Industrie des poudres sphériques vs il-Kunsill  (29).

(95)

F'dan ir-rigward, il-FESI u l-Footwear Coalition argumentaw li l-proċediment antidumping fir-rigward tal-importazzjonijiet ta' żraben miċ-Ċina u mill-Vjetnam kien ġie konkluż fl-31 ta' Marzu 2011 flimkien mal-iskadenza tal-miżuri. Għal dan l-għan, il-Kummissjoni kienet ħarġet avviż f'Il-Ġurnal Uffiċjali tal-Unjoni Ewropea, dwar l-iskadenza tad-dazji fis-16 ta' Marzu 2011 (30) (“avviż ta' skadenza”), l-industrija tal-Unjoni ma kienet qalet xejn dwar kontinwazzjoni ta' dumping u s-sentenza tal-Qorti tal-Ġustizzja tal-Unjoni Ewropea lanqas ma kienet ixxejjen l-avviż ta' skadenza.

(96)

Barra minn hekk, l-istess partijiet argumentaw li lanqas ir-Regolament bażiku ma jagħti l-ebda setgħa li tippermetti lill-Kummissjoni terġa' tiftaħ l-investigazzjoni antidumping.

(97)

F'dan il-kuntest, il-FESI u l-Footwear Coalition argumentaw li barra minn hekk, l-issoktar tal-investigazzjoni u tal-valutazzjoni tat-talbiet għal TES/TI ppreżentati mill-produtturi esportaturi Ċiniżi u Vjetnamiżi kkonċernati fl-investigazzjoni oriġinali qed jikser il-prinċipju universali tal-preskrizzjoni jew tal-limitazzjoni. Dan il-prinċipju huwa stipulat fil-Ftehim tad-WTO u fir-Regolament bażiku li jistabbilixxu terminu preskrittiv ta' ħames (5) snin għad-durata tal-miżuri u fl-Artikoli 236(1) u 221(3) tal-Kodiċi Doganali Komunitarju li jistabbilixxi perjodu ta' tliet (3) snin għall-importaturi biex jitolbu l-ħlas lura ta' dazji antidumping fuq naħa u għall-awtoritajiet doganali nazzjonali biex jiġbru d-dazji tal-importazzjoni u d-dazji antidumping fuq in-naħa l-oħra (31). L-Artikolu 266 TFUE ma jippermettix devjazzjoni minn dan il-prinċipju.

(98)

Finalment, intqal li l-Kummissjoni ma pprovdiet l-ebda ġustifikazzjoni jew ġurisprudenza preċedenti li tappoġġa l-użu tal-Artikolu 266 TFUE bħala bażi ġuridika għall-ftuħ mill-ġdid tal-proċedura.

(99)

Rigward in-nuqqas ta' bażi ġuridika biex terġa' tinfetaħ l-investigazzjoni, il-Kummissjoni tfakkar dwar il-ġurisprudenza ċċitata hawn fuq fil-premessa (15), skont liema l-Kummissjoni tista' tissokta bl-investigazzjoni mill-punt preċiż li fih tkun seħħet l-illegalità. F'kull każ, kif fakkar dan l-aħħar l-Avukat Ġenerali, l-Artikolu 266 TFUE jagħti s-setgħa lill-Kummissjoni biex tieħu azzjoni biex treġġa' lura l-legalità b'mod konsistenti mal-konklużjonijiet ta' sentenza li tiddikjara invalida l-miżura inkwistjoni kif ukoll jobbligaha li ġġib il-kondotta tagħha konformi mal-kontenut ta' dik is-sentenza (32). Il-każ f'Il-Kummissjoni vs McBride et  (33), invokat mill-FESI u mill-Footwear Coalition, ma japplikax f'dan il-kuntest għaliex f'dak il-każ r-regoli li jikkonferixxu l-kompetenza għall-adozzjoni ta' att (bħala sostituzzjoni għal dak annullat) ma kinux għadhom jinsabu fid-dritt tal-UE, filwaqt li f'dan il-każ il-bażi ġuridika ma għebitx u li l-unika bidla kienet li l-kompetenza ġiet ikkonferita lill-Kummissjoni (34).

(100)

Sa fejn huma kkonċernati l-aspettattivi leġittimi, jeħtieġ li jitfakkar li l-legalità ta' Regolament antidumping trid tiġi vvalutata fid-dawl tan-normi oġġettivi tad-dritt tal-Unjoni, u mhux minn prassi deċiżjonali, saħansitra f'każijiet fejn tali prassi teżisti (li mhuwiex il-każ hawnhekk). Għalhekk, il-prassi tal-imgħoddi tal-Kummissjoni, quod non, ma tistax toħloq aspettattivi leġittimi: skont il-ġurisprudenza stabbilita tal-Qorti, l-aspettattivi leġittimi jistgħu jinħolqu biss meta l-istituzzjonijiet ikunu taw assigurazzjonijiet speċifiċi li jippermettu lil parti interessata li leġittimament tiddeduċi li l-istituzzjonijiet tal-Unjoni kienu jaġixxu b'ċertu mod (35). La l-FESI u lanqas il-Footwear Coalition ma ppruvaw juru li dawn l-assigurazzjonijiet ingħataw f'dan il-każ. Dan huwa iktar u iktar il-każ minħabba li l-prassi preċedenti msemmija ma tikkorrispondix għas-sitwazzjoni fattwali u ġuridika ta' dan il-każ u d-differenzi jistgħu jiġu spjegati b'differenzi fattwali u ġuridiċi fil-każ preżenti.

(101)

Dawn id-differenzi huma kif ġej: l-illegalità identifikata mill-Qorti ma tikkonċernax is-sejbiet dwar id-dumping, id-dannu u l-interess tal-Unjoni, u għalhekk il-prinċipju tal-impożizzjoni tad-dazju, iżda tikkonċerna biss ir-rata preċiża tad-dazju. L-annullamenti preċedenti invokati mill-partijiet interessati, għall-kuntrarju, kienu jikkonċernaw is-sejbiet dwar id-dumping, id-dannu u l-interess tal-Unjoni. L-istituzzjonijiet jistgħu għalhekk jikkalkulaw mill-ġdid ir-rata tad-dazju preċiża għall-produtturi esportaturi kkonċernati.

(102)

B'mod partikolari, f'dan il-każ, ma kien hemm ebda ħtieġa li tintalab aktar informazzjoni mingħand il-partijiet interessati. Minflok, il-Kummissjoni kellha tivvaluta l-informazzjoni li kienet ġiet ippreżentata lilha, iżda li ma kinitx ġiet ivvalutata qabel l-adozzjoni tar-Regolament (KE) Nru 1472/2006. F'kull każ, kif innotat fil-premessa (99), il-prassi preċedenti f'każijiet oħra ma tikkostitwix assigurazzjoni preċiża u inkundizzjonata għal dan il-każ.

(103)

Fl-aħħar nett, il-partijiet kollha li kontrihom huwa dirett il-proċediment, jiġifieri l-produtturi esportaturi kkonċernati, kif ukoll il-partijiet fil-kawżi quddiem il-Qorti u l-assoċjazzjoni li tirrappreżenta waħda minn dawn il-partijiet, ġew infurmati bid-divulgazzjoni tal-fatti rilevanti li abbażi tagħhom il-Kummissjoni beħsiebha tadotta din il-valutazzjoni għal TES/TI. Għalhekk, id-drittijiet tad-difiża tagħhom huma salvagwardjati. F'dan ir-rigward, għandu jiġi nnutat b'mod partikolari li importaturi mhux relatati, fi proċediment antidumping, ma jgawdux minn drittijiet ta' difiża, peress li dawn il-proċedimenti mhumiex diretti kontrihom.

(104)

Fir-rigward tal-argument li l-miżuri inkwistjoni skadew fil-31 ta' Marzu 2011, il-Kummissjoni ma tarax raġuni għaliex l-iskadenza tal-miżura għandha tkun ta' rilevanza għall-possibbiltà li l-Kummissjoni tadotta att ġdid li jissostitwixxi l-att annullat wara sentenza li tannulla l-att inizjali. Skont il-ġurisprudenza msemmija fil-premessa (15), il-proċedura amministrattiva jenħtieġ li tissokta fil-waqt li fih seħħet l-illegalità. Il-Kummissjoni fetħet l-investigazzjoni mill-ġdid eżattament f'dak il-punt sabiex tivvaluta jekk it-talbiet għal TES/TI li ma kinux ġew ivvalutati kellhomx jingħataw, u flimkien ma' dan, possibbilment li kienet dovuta rata ta' dazju aktar baxxa (li min-naħa tagħha kienet kieku tippermetti lil dawn il-kumpaniji kkonċernati biex jitolbu ħlas lura ta' dawk id-dazji mħallsa aktar milli suppost permezz tal-awtorità doganali kompetenti tagħhom flimkien mal-imgħax (36)). Avviż ta' skadenza, filwaqt li uffiċjalment jittermina l-proċediment, ma jistax ikollu l-effett li jċaħħad lil dawk il-kumpaniji mid-dritt li t-talbiet tagħhom għal TES/TI jkunu rieżaminati – dritt li, wara kollox, kien dovut lilhom matul l-investigazzjoni, kif irrikonoxxut mill-Qorti fi C&J Clark  (37). L-investigazzjoni, għaldaqstant, infetħet mill-ġdid fis-17 ta' Marzu 2016, u se tingħalaq b'dan ir-Regolament f'konformità mal-Artikolu 9(4) tar-Regolament bażiku.

(105)

Il-FESI u l-Footwear Coalition ressqu wkoll l-argument li l-proċedura adottata għall-ftuħ mill-ġdid tal-investigazzjoni u għall-impożizzjoni retroattiva tad-dazju tikkorrispondi għal abbuż ta' poter min-naħa tal-Kummissjoni u tikser it-TFUE. Il-FESI u l-Footwear Coalition jargumentaw f'dan ir-rigward li l-Kummissjoni ma għandhiex l-awtorità li tinterferixxi mal-Artikolu 236(1) tal-Kodiċi Doganali Komunitarju billi ma tħallix il-ħlas lura tad-dazji antidumping isir. Huma argumentaw li kien f'idejn l-awtoritajiet doganali nazzjonali li jisiltu l-konsegwenzi tal-invalidazzjoni tad-dazji antidumping u li huma jkunu wkoll obbligati jirrimborżaw dawk id-dazji antidumping li kienu ġew iddikjarati invalidi mill-Qorti.

(106)

F'dan ir-rigward, il-FESI u l-Footwear Coalition qalu li l-Artikolu 14(3) tar-Regolament bażiku ma jippermettix lill-Kummissjoni tidderoga mill-Artikolu 236 tal-Kodiċi Doganali Komunitarju, peress li dawn iż-żewġ leġiżlazzjonijiet huma ta' ordni ġuridiku ugwali u r-Regolament bażiku ma jistax jitqies bħala lex specialis tal-Kodiċi Doganali Komunitarju.

(107)

Barra minn hekk, l-istess partijiet komplew jgħidu li l-Artikolu 14(3) tar-Regolament bażiku ma jirreferix għall-Artikolu 236 tal-Kodiċi Doganali Komunitarju u jgħid biss li jistgħu jiġu adottati dispożizzjonijiet speċjali mill-Kummissjoni, iżda l-ebda deroga mill-Kodiċi Doganali Komunitarju.

(108)

Bi tweġiba għal dan, huwa importanti li jiġi enfasizzat li l-Artikolu 14(1) tar-Regolament bażiku ma jrendix ir-regoli li jirregolaw il-leġiżlazzjoni doganali tal-Unjoni awtomatikament applikabbli għall-impożizzjoni tad-dazji antidumping individwali (38). Għall-kuntrarju, l-Artikolu 14(3) tar-Regolament bażiku jagħti lill-istituzzjonijiet tal-Unjoni d-dritt li jittrasponu u japplikaw, meta jkun neċessarju u utli, ir-regoli li jirregolaw il-leġiżlazzjoni doganali tal-Unjoni (39).

(109)

Din it-traspożizzjoni ma teħtieġx applikazzjoni sħiħa tad-dispożizzjonijiet kollha tal-leġiżlazzjoni doganali tal-Unjoni. L-Artikolu 14(3) tar-Regolament bażiku espliċitament jipprevedi dispożizzjonijiet speċjali fir-rigward tad-definizzjoni komuni tal-kunċett tal-oriġini, eżempju tajjeb ta' fejn isseħħ devjazzjoni mid-dispożizzjonijiet tal-leġiżlazzjoni doganali tal-Unjoni. Huwa fuq din il-bażi li l-Kummissjoni għamlet użu mis-setgħat li jirriżultaw mill-Artikolu 14(3) tar-Regolament bażiku u ħtieġet lill-awtoritajiet doganali nazzjonali biex temporanjament ma jħallsux rimborżi. Dan ma jikkontestax il-kompetenza esklużiva tal-awtoritajiet doganali nazzjonali f'rabta ma' tilwim dwar dejn doganali: l-awtorità tat-teħid ta' deċiżjonijiet tibqa' dik tal-awtoritajiet doganali tal-Istati Membri. L-awtoritajiet doganali tal-Istati Membri għadhom jiddeċiedu, fuq il-bażi tal-konklużjonijiet li tasal għalihom il-Kummissjoni fir-rigward ta' talbiet għal TES u għal TI, jekk għandux jingħata rimborż jew le.

(110)

B'hekk, għalkemm huwa minnu li ma hemm xejn fil-leġiżlazzjoni doganali tal-Unjoni li jippermetti li jinħolqu ostakoli għar-rimborż ta' dazji doganali mħallsa bi żball, l-ebda tali dikjarazzjoni ġġeneralizzata ma tista' ssir f'dak li jirrigwarda r-rimborż ta' dazji antidumping. Għaldaqstant, u minħabba l-ħtieġa ġenerali li jiġu protetti r-riżorsiproprji tal-Unjoni minn talbiet mhux iġġustifikati għal ħlas lura u d-diffikultà relatata li din kienet tikkawża biex wara jinġabru ħlasijiet lura mhux ġustifikati, il-Kummissjoni kellha tiddevja temporanjament mil-leġiżlazzjoni doganali tal-Unjoni billi tagħmel użu mis-setgħat tagħha skont l-Artikolu 14(3) tar-Regolament bażiku.

(111)

Il-FESI u l-Footwear Coalition argumentaw ukoll li bi ksur tal-Artikolu 296 TFUE, il-Kummissjoni naqset milli tipprovdi dikjarazzjoni adegwata tar-raġunijiet u indikazzjoni tal-bażi ġuridika li fuqha d-dazji ġew imposti mill-ġdid retroattivament u għaldaqstant iċ-ċaħda tar-rimborż tad-dazji lill-importaturi kkonċernati mill-implimentazzjoni attwali. Għaldaqstant, il-FESI u l-Footwear Coalition affermaw li l-Kummissjoni kienet kisret id-dritt għal protezzjoni ġudizzjarja effettiva tal-partijiet interessati.

(112)

SIEMES, wieħed mill-importaturi li pprovda l-kummenti fid-divulgazzjoni, qal ukoll li r-Regolament ta' Implimentazzjoni tal-Kummissjoni ma fihx il-ġustifikazzjonijiet xierqa, li huwa fi ksur tal-Artikolu 296 TFUE, mingħajr iżda ma kompla jispjega din l-affermazzjoni f'aktar dettall. Insostenn tal-affermazzjoni tagħha, din il-parti rreferiet għas-sentenza T-310/12 Yuanping Changyuan Chemicals vs il-Kunsill  (40).

(113)

Il-Kummissjoni qieset li r-raġunament legali estensiv mogħti fid-dokument ta' divulgazzjoni ġenerali u f'dan ir-Regolament, inkluż ir-riferiment għall-bażijiet ġuridiċi għal dan ir-Regolament, jimmotiva kif dovut dan tal-aħħar.

(114)

Il-FESI u l-Footwear Coalition allegaw ukoll li l-korrezzjoni retroattiva tal-miżuri skaduti tikser il-prinċipju tal-protezzjoni tal-aspettattivi leġittimi. Il-FESI argumentat li, l-ewwel nett, il-partijiet inklużi l-importaturi ħassewhom assigurati li l-miżuri skadew fil-31 ta' Marzu 2011 u li minħabba ż-żmien li għadda minn mindu saret l-investigazzjoni oriġinali l-partijiet kienu intitolati jkollhom aspettattivi ġġustifikati li l-investigazzjoni oriġinali mhux se tissokta jew terġa' tinfetaħ. Bl-istess mod, il-produtturi esportaturi Ċiniżi u Vjetnamiżi kienu intitolati jkollhom aspettattivi leġittimi ġġustifikati li t-talbiet tagħhom għal TES/TI fl-investigazzjoni oriġinali ma kinux se jiġu rieżaminati aktar mill-Kummissjoni, abbażi tas-sempliċi fatt li dawn it-talbiet ma kinux qed jiġu vvalutati fil-perjodu ta' tliet xhur applikabbli matul l-investigazzjoni oriġinali.

(115)

Rigward l-aspettattivi leġittimi tal-partijiet interessati li l-miżuri antidumping skadew u li l-investigazzjoni mhux se terġa' tinfetaħ aktar, qed issir referenza għall-premessa (104), li fiha dawn l-affermazzjonijiet kienu ġew indirizzati fid-dettall.

(116)

F'dak li jirrigwarda l-aspettattivi leġittimi tal-produtturi esportaturi Ċiniżi u Vjetnamiżi li t-talbiet tagħhom għal TES/TI ma jerġgħux jiġu rieżaminati, qed isir riferiment għall-premessa (99), li fiha dan ġie indirizzat daqstant ieħor fid-dawl tal-ġurisprudenza tal-Qorti dwar din il-kwistjoni.

(117)

Il-FESI u l-Footwear Coalition issottomettew li l-impożizzjoni ta' miżuri antidumping b'effett retroattiv tikkostitwixxi diskriminazzjoni ta' (i) l-importaturi kkonċernati mill-implimentazzjoni attwali vis-à-vis l-importaturi kkonċernati mill-implimentazzjoni tas-sentenzi Brosmann u Aokang imsemmija fil-premessa (6) li ġew rimborżati dazji mħallsa fuq importazzjonijiet ta' żraben mill-ħames produtturi esportaturi kkonċernati b'dawn is-sentenzi, kif ukoll (ii) diskriminazzjoni tal-produtturi esportaturi kkonċernati bl-implimentazzjoni attwali vis-à-vis il-ħames produtturi esportaturi kkonċernati mis-sentenzi Brosmann u Aokang li ma kienu suġġetti għall-ebda dazju wara d-Deċiżjoni ta' Implimentazzjoni 2014/149/UE.

(118)

Rigward l-affermazzjoni dwar id-diskriminazzjoni, il-Kummissjoni tfakkar qabelxejn ir-rekwiżiti għal diskriminazzjoni, kif stipulat fil-premessa (87).

(119)

Imbagħad, qed ikun irrimarkat li d-differenza bejn l-importaturi kkonċernati minn din l-implimentazzjoni u dawk li huma kkonċernati mill-implimentazzjoni tas-sentenzi Brosmann u Aokang hija li dawn tal-aħħar iddeċidew li jikkontestaw ir-Regolament (KE) Nru 1472/2006 quddiem il-Qorti Ġenerali, filwaqt li oħrajn ma għamlux hekk.

(120)

Deċiżjoni adottata minn istituzzjoni tal-Unjoni, li ma tkunx ġiet ikkontestata mid-destinatarju tagħha fit-terminu ta' żmien previst mis-sitt paragrafu tal-Artikolu 263 TFUE ssir definittiva fil-konfront tiegħu. Din ir-regola hija bbażata b'mod partikolari fuq il-kunsiderazzjoni li t-termini li fihom iridu jinbdew il-proċedimenti legali huma intiżi sabiex iħarsu ċ-ċertezza tad-dritt billi jipprevjenu li miżuri tal-Unjoni li jipproduċu effetti legali jiġu ddubitati b'mod indefinittiv (41).

(121)

Dan il-prinċipju proċedurali tad-dritt tal-Unjoni bilfors li joħloq żewġ gruppi: dawk li kkontestaw miżura tal-Unjoni u li setgħu kisbu pożizzjoni favorevoli minħabba f'hekk (bħal Brosmann u l-erba' produtturi esportaturi l-oħra), u dawk li ma għamlux hekk. Madankollu, dan ma jfissirx li l-Kummissjoni ma ttrattatx iż-żewġ partijiet b'mod ugwali, bi ksur tal-prinċipju tal-ugwaljanza fit-trattament. Rikonoxximent li parti taqa' taħt il-kategorija tal-aħħar minħabba deċiżjoni konxja li ma tikkontestax miżura tal-Unjoni ma jiddiskriminax kontra dak il-grupp.

(122)

Għalhekk, il-partijiet interessati kollha kienu qed jibbenefikaw mill-protezzjoni ġudizzjarja fil-qrati tal-Unjoni l-ħin kollu.

(123)

Sa fejn jirrigwarda l-allegata diskriminazzjoni tal-produtturi esportaturi kkonċernati minn din l-implimentazzjoni li ma kienu soġġetti għall-ebda dazju wara d-Deċiżjoni ta' Implimentazzjoni 2014/149/UE, għandu jiġi nnutat li d-deċiżjoni tal-Kunsill li ma jimponix mill-ġdid dazji ttieħdet b'mod ċar fir-rigward taċ-ċirkostanzi partikolari tas-sitwazzjoni speċifika kif kienet fiż-żmien meta l-Kummissjoni għamlet il-proposta tagħha għall-impożizzjoni mill-ġdid ta' dawk id-dazji u b'mod partikolari minħabba li l-miżuri antidumping ikkonċernati kienu diġà ġew rimborżati, u sal-punt li l-komunikazzjoni oriġinali tad-dejn lid-debitur inkwistjoni kienet ġiet irtirata wara s-sentenzi Brosmann u Aokang. Skont il-Kunsill, dan ir-rimborż kien ħoloq aspettattivi leġittimi min-naħa tal-importaturi kkonċernati. Peress li ma sar l-ebda rimborż komparabbli lil importaturi oħra, dawn mhumiex f'sitwazzjoni paragunabbli ma' dik tal-importaturi kkonċernati mid-Deċiżjoni tal-Kunsill.

(124)

F'kull każ, il-fatt li l-Kunsill għażel li jaġixxi b'ċertu mod, minħabba ċ-ċirkostanzi partikolari tal-każ quddiemu, ma jistax jorbot lill-Kummissjoni timplimenta sentenza oħra eżattament bl-istess mod.

(125)

Barra minn hekk, il-FESI u l-Footwear Coalition qalu li l-Kummissjoni ma għandhiex il-kompetenza tadotta r-Regolament li jimponi dazju antidumping b'mod retroattiv fl-eżerċizzju ta' implimentazzjoni attwali, u li din il-kompetenza fi kwalunkwe każ tkun tal-Kunsill. Din l-affermazzjoni kienet ibbażata fuq l-argument li jekk l-investigazzjoni titkompla mill-punt preċiż li fih seħħet l-illegalità, għandhom ikunu applikabbli wkoll l-istess regoli li kien hemm fiż-żmien tal-investigazzjoni oriġinali, meta l-miżuri definittivi kienu ġew adottati mill-Kunsill. Dawn il-partijiet argumentaw li skont l-Artikolu 3 tar-Regolament (UE) Nru 37/2014 tal-Parlament Ewropew u tal-Kunsill tal-15 ta' Jannar 2014 li jemenda ċerti Regolamenti relatati mal-politika kummerċjali komuni fir-rigward tal-proċeduri għall-adozzjoni ta' ċerti miżuri (imsejjaħ ukoll “ir-Regolament Omnibus I”) (42), il-proċedura l-ġdida tat-teħid ta' deċiżjonijiet fil-qasam tal-politika kummerċjali komuni ma tapplikax f'dan il-kuntest minħabba li qabel id-dħul fis-seħħ tar-Regolament Omnibus I, il-Kummissjoni (i) kienet diġà adottat att (ir-Regolament provviżorju), (ii) il-konsultazzjonijiet li kienu meħtieġa skont ir-Regolament tal-Kunsill (KE) Nru 384/96 tat-22 ta' Diċembru 1995 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea kienu nbdew u konklużi, u (iii) il-Kummissjoni kienet diġà adottat proposta għal Regolament tal-Kunsill li jadotta miżuri definittivi. Fuq din il-bażi, dawn il-partijiet ikkonkludew li għandhom japplikaw il-proċeduri tat-teħid tad-deċiżjonijiet ta' qabel id-dħul fis-seħħ ta' Regolament Omnibus I.

(126)

Din l-affermazzjoni, madankollu, tiffoka fuq id-data tal-ftuħ tal-investigazzjoni (li hija fil-fatt rilevanti f'dak li jirrigwarda l-emendi sostantivi l-oħra li saru fir-Regolament bażiku) iżda naqset milli tinnota li r-Regolament (UE) Nru 37/2014 juża kriterju differenti (jiġifieri, il-bidu tal-proċedura għall-adozzjoni tal-miżuri). Il-pożizzjoni tal-FESI u tal-Footwear Coalition hija għalhekk ibbażata fuq interpretazzjoni żbaljata tar-regola tranżizzjonali fir-Regolament (UE) Nru 37/2014.

(127)

Fil-fatt, meta wieħed iqis ir-referenza fl-Artikolu 3 tar-Regolament (UE) Nru 37/2014 għal “proċeduri mibdija għall-adozzjoni ta' miżuri”, li tistabbilixxi r-regoli tranżizzjonali għall-bidliet fil-proċeduri tat-teħid tad-deċiżjonijiet għall-adozzjoni ta' miżuri antidumping, u fid-dawl tat-tifsira ta' “proċedura” fir-Regolament bażiku, għal investigazzjoni li nbdiet qabel id-dħul fis-seħħ tar-Regolament (UE) Nru 37/2014, iżda fejn il-Kummissjoni ma kinitx nediet il-konsultazzjoni mal-kumitat rilevanti bil-ħsieb li jiġu adottati miżuri qabel dan id-dħul fis-seħħ, japplikaw ir-regoli l-ġodda għall-proċedura għall-adozzjoni tal-miżuri antidumping imsemmija. L-istess jgħodd għal proċedimenti li fihom kienu ġew imposti miżuri fuq il-bażi tar-regoli qodma u qed jiġu rieżaminati, jew għal miżuri fejn kienu ġew imposti dazji provviżorji fuq il-bażi ta' regoli qodma, iżda l-proċedura għall-adozzjoni ta' miżuri definittivi ma kinitx għadha tnediet meta daħal fis-seħħ ir-Regolament (UE) Nru 37/2014. Fi kliem ieħor, ir-Regolament (UE) Nru 37/2014 japplika għal “proċedura għall-adozzjoni” speċifika u mhux għall-perjodu kollu ta' investigazzjoni partikolari jew saħansitra proċediment.

(128)

Ir-Regolament ikkontestat ġie adottat fl-2006. Il-leġiżlazzjoni rilevanti applikabbli għal dan il-proċediment hija r-Regolament (UE) 2016/1036. Għaldaqstant, din l-affermazzjoni hija miċħuda.

(129)

Fir-rigward ta' Clarks et al, l-ewwel intqal li l-Kummissjoni ma kellhiex bażi ġuridika biex tinvestiga t-talbiet għal TES/TI ppreżentati mill-produtturi esportaturi fl-investigazzjoni oriġinali. Clarks et al argumentaw li l-proċediment, li ngħalaq bl-iskadenza tal-miżuri fil-31 ta' Marzu 2011, ma kienx ġie invalidat mis-sentenza fil-Kawżi Magħquda C-659/13 u C-34/14, u li għalhekk ma jistax jinfetaħ mill-ġdid.

(130)

B'risposta għal dan il-kumment, il-Kummissjoni tirreferi għall-ispjegazzjoni mogħtija fil-premessi minn (99) sa (104).

(131)

It-tieni, Clarks et al qalu li l-proċediment attwali huwa bi ksur tal-prinċipji tan-nonretroattività u taċ-ċertezza tad-dritt stabbiliti fl-Artikolu 10 tar-Regolament bażiku. Barra minn hekk, SIEMES, importatur ieħor taż-żraben, b'mod simili, afferma li kieku ma jkun hemm l-ebda bażi ġuridika għall-impożizzjoni ta' dazji antidumping fuq bażi retroattiva u rrefera għall-ġurisprudenza, jiġifieri l-Kawża C-458/98 P, Industrie des poudres sphériques vs il-Kunsill  (43), u għall-prassi preċedenti tal-Kummissjoni f'dan ir-rigward.

(132)

Fir-rigward tal-affermazzjoni dwar ir-retroattività abbażi tal-Artikolu 10 tar-Regolament bażiku u tal-Artikolu 10 tal-Ftehim Antidumping tad-WTO (“WTO ADA”), l-Artikolu 10(1) tar-Regolament bażiku, li jimxi mat-test tal-Artikolu 10.1 tad-WTO ADA, jistipula li miżuri provviżorji u dazji antidumping definittivi għandhom jiġu applikati biss għal prodotti li jidħlu f'ċirkolazzjoni libera wara ż-żmien meta l-miżuri meħuda skont l-Artikolu 7(1) jew 9(4) tar-Regolament bażiku, skont il-każ, jidħlu fis-seħħ. F'dan il-każ, id-dazji antidumping inkwistjoni huma applikati biss għal prodotti li daħlu f'ċirkolazzjoni libera wara li r-Regolament (definittiv) provviżorju u kkontestat li sar skont 7(1) u 9(4) tar-Regolament bażiku rispettivament kien daħal fis-seħħ. Ir-retroattività fis-sens tal-Artikolu 10(1) tar-Regolament bażiku, madankollu, tirreferi biss għal sitwazzjoni fejn l-oġġetti jkunu ġew introdotti f'ċirkolazzjoni libera qabel ma jkunu ġew introdotti l-miżuri, kif jirriżulta mill-istess test ta' din id-dispożizzjoni kif ukoll mill-eċċezzjoni prevista mill-Artikolu 10(4) tar-Regolament bażiku.

(133)

Il-Kummissjoni tosserva wkoll li la hemm ksur tal-prinċipju tar-retroattività u lanqas ksur taċ-ċertezza tad-dritt u tal-aspettattivi leġittimi fil-każ preżenti.

(134)

Rigward ir-retroattività, il-ġurisprudenza tal-Qorti tiddistingwi, meta tivvaluta jekk miżura hijiex retroattiva, bejn l-applikazzjoni ta' regola ġdida għal sitwazzjoni li tkun saret definittiva (li tissemma wkoll bħala sitwazzjoni legali eżistenti jew definittivament stabbilita), u sitwazzjoni li bdiet qabel id-dħul fis-seħħ tar-regola l-ġdida, iżda li għadha mhix definittiva (li tissemma wkoll bħala sitwazzjoni temporanja).

(135)

F'dan il-każ, is-sitwazzjoni tal-importazzjonijiet tal-prodotti kkonċernati li seħħew matul il-perjodu ta' applikazzjoni tar-Regolament tal-Kunsill (KE) Nru 1472/2006 għadha ma saritx definittiva, minħabba li, bħala riżultat tal-annullament tar-Regolament ikkontestat, id-dazju antidumping applikabbli għalihom għadu ma ġiex stabbilit b'mod definittiv. Fl-istess ħin, l-importaturi taż-żraben ġew avżati li dan id-dazju jista' jiġi impost bil-pubblikazzjoni tan-Notifika tal-Inizjazzjoni u tar-Regolament provviżorju. Hija ġurisprudenza stabbilita tal-Qrati tal-Unjoni li l-operaturi ma jistgħux jakkwistaw aspettattivi leġittimi sakemm l-istituzzjonijiet ma jkunux adottaw att li jagħlaq il-proċedura amministrattiva, li jkun sar definittiv.

(136)

Dan ir-Regolament jikkostitwixxi applikazzjoni immedjata għall-effetti fil-futur ta' sitwazzjoni li għadha għaddejja: id-dazji fuq iż-żraben ġew imposti mill-awtoritajiet doganali nazzjonali. Bħala riżultat tat-talbiet għal rimborż, li ma ġewx deċiżi b'mod definittiv, dawn jikkostitwixxu sitwazzjoni li għadha għaddejja. Dan ir-Regolament jistabbilixxi r-rata tad-dazju applikabbli għal dawn l-importazzjonijiet, u b'hekk jirregola l-effetti fil-futur ta' sitwazzjoni li għadha għaddejja.

(137)

Fi kwalunkwe każ, anki jekk kien hemm retroattività fis-sens tad-dritt tal-Unjoni, quod non, din ir-retroattività hija ġġustifikata għar-raġuni li ġejja:

(138)

ir-regoli sostantivi tad-dritt tal-Unjoni jistgħu japplikaw għas-sitwazzjonijiet eżistenti qabel id-dħul fis-seħħ tagħhom sa fejn jirriżulta b'mod ċar mit-termini, l-objettivi jew l-iskema ġenerali tagħhom li jridu jingħataw dan l-effett. B'mod partikolari, fil-Kawża C-337/88 Società agricola fattoria alimantare (SAFA), ġie deċiż li għalkemmb'mod ġenerali l-prinċipju taċ-ċertezza legali jipprekludi li miżura tal-Komunità tieħu effett f'punt fiż-żmien qabel il-pubblikazzjoni tagħha, dan jista' jkun eċċezzjonalment il-każ fejn l-iskop li jrid jintlaħaq ikun jitlob hekk u fejn l-aspettattivi leġittimi ta' dawk ikkonċernati jkunu rrispettati kif xieraq (44).

(139)

F'dan il-każ, l-iskop huwa li jiġi rrispettat l-obbligu tal-Kummissjoni skont l-Artikolu 266 TFUE. Ladarba fis-sentenzi msemmija fil-premessa (12) il-Qorti sabet illegalità biss fir-rigward tad-determinazzjoni tar-rata ta' dazju applikabbli, u mhux fir-rigward tal-impożizzjoni tal-miżuri nfushom (jiġifieri, fir-rigward tas-sejba ta' dumping, dannu, kawżalità u interess tal-Unjoni), il-produtturi esportaturi kkonċernati ma setgħux leġittimament jistennew li ma jiġux imposti miżuri antidumping definittivi. Konsegwentement, dik l-impożizzjoni, anki jekk kienet retroattiva, quod non, ma tistax titqies li kisret l-aspettattivi leġittimi.

(140)

It-tielet, Clarks et al qalu li jkun diskriminatorju u fi ksur tal-Artikolu 266 TFUE li jerġa' jiġi impost dazju antidumping fuq is-sebgħin produttur esportatur ikkonċernat, ladarba l-ebda dazju antidumping ma reġa' ġie impost wara s-sentenzi Brosmann u Aokang.

(141)

Din l-affermazzjoni hija bla bażi. Importaturi li kienu importaw mingħand Brosman u l-erba' produtturi esportaturi l-oħra kkonċernati mis-sentenzi fil-kawżi C-247/10 P u C-249/10 P, huma f'sitwazzjoni fattwali u legali differenti, minħabba li l-produtturi esportaturi tagħhom iddeċidew li jikkontestaw ir-Regolament ikkontestat kif ukoll minħabba li d-dazji tagħhom kienu ġew rimborżati lilhom, u għalhekk ikunu protetti mill-Artikolu 221(3) tal-Kodiċi Doganali Komunitarju. Ma saret l-ebda kontestazzjoni u l-ebda rimborż għall-oħrajn. F'dan ir-rigward, ara wkoll il-premessi minn (118) sa (122).

(142)

Ir-raba', Clarks et al allegaw li kien hemm diversi irregolaritajiet proċedurali li jirriżultaw minn din l-investigazzjoni. Fl-ewwel lok, huma argumentaw li l-produtturi esportaturi kkonċernati jistgħu ma jkunux iktar f'pożizzjoni li jipprovdu kummenti siewja jew li jressqu provi supplimentari biex jappoġġaw it-talbiet tagħhom għal TES/TI li huma għamlu bosta snin ilu. Pereżempju, jista' jkun li l-kumpaniji ma għadhomx jeżistu jew li d-dokumenti rilevanti ma għadhomx disponibbli.

(143)

Barra minn hekk, Clarks et al argumentaw li kuntrarjament għall-investigazzjoni oriġinali, il-miżuri tal-Kummissjoni de facto u de jure jaffettwaw biss lill-importaturi, filwaqt li dawn ma għandhomx il-mezzi biex jipprovdu input sinifikanti u ma jistgħux jirrikjedu lill-fornituri tagħhom biex jikkooperaw mal-Kummissjoni.

(144)

Il-Kummissjoni tosserva li ma hemm xejn fir-Regolament bażiku li jirrikjedi lill-Kummissjoni tagħti lill-kumpaniji esportaturi li jitolbu TES/TI l-possibbiltà li jikkompletaw informazzjoni fattwali nieqsa. Fil-fatt, u kif stipulat fil-premessa (88), l-oneru tal-prova jaqa' fuq il-produttur li jkun jixtieq jagħmel talba għal TES/TI skont l-Artikolu 2(7)(b) tar-Regolament bażiku. Id-dritt għal smigħ jikkonċerna l-valutazzjoni ta' dawn il-fatti, iżda ma jinkludix id-dritt li tiġi rimedjata informazzjoni b'nuqqasijiet. Inkella, il-produttur esportatur ikun jista' jtawwal il-valutazzjoni b'mod indefinit, billi jipprovdi l-informazzjoni biċċa biċċa.

(145)

F'dan ir-rigward, ta' min ifakkar li ma hemm l-ebda obbligu li l-Kummissjoni titlob lill-produttur esportatur jikkomplementa t-talba għal TES/TI. Kif imsemmi fil-premessa (84), il-Kummissjoni tista' tibbaża l-valutazzjoni tagħha fuq l-informazzjoni ppreżentata mill-produttur esportatur. Fi kwalunkwe każ, il-produtturi esportaturi kkonċernati ma kkontestawx il-valutazzjoni tat-talbiet tagħhom għal TES/TI mill-Kummissjoni u ma identifikawx liema dokumenti jew persuni ma għadhomx għad-dispożizzjoni tagħhom. L-allegazzjoni hija għalhekk tant astratta li l-istituzzjonijiet ma jistgħux iqisu dawk id-diffikultajiet meta jwettqu l-valutazzjoni ta' talbiet għal TES/TI. Billi dak l-argument huwa bbażat fuq spekulazzjoni u mhux appoġġjat minn indikazzjonijiet preċiżi dwar liema dokumenti u persuni ma għadhomx aktar disponibbli u dwar x'inhi r-rilevanza ta' dawn id-dokumenti u persuni għall-valutazzjoni tat-talba għal TES/TI, dak l-argument huwa miċħud.

(146)

Għal dak li jirrigwarda l-affermazzjoni li importatur ma jkollu ebda mezz jipprovdi input sinifikanti, il-Kummissjoni tosserva dan li ġej: l-ewwel nett, l-importaturi ma jgawdux minn drittijiet ta' difiża, peress li l-miżura antidumping mhijiex fil-konfront tagħhom iżda fil-konfront tal-produtturi esportaturi. It-tieni, l-importaturi diġà kellhom l-opportunità jikkummentaw fuq dan il-punt matul il-proċedura amministrattiva qabel l-adozzjoni tar-Regolament ikkontestat. It-tielet, jekk l-importaturi ħasbu li kien hemm irregolarità f'dan ir-rigward, huma kellhom jagħmlu l-arranġamenti kuntrattwali neċessarji mal-fornituri tagħhom biex jiżguraw li jkollhom id-dokumentazzjoni neċessarja għad-dispożizzjoni tagħhom. Għaldaqstant, l-affermazzjoni jkollha ma tintlaqax.

(147)

Il-ħames, Clarks et al argumentaw li l-Kummissjoni naqset milli teżamina jekk l-impożizzjoni tad-dazji antidumping ikunux fl-interess tal-Unjoni u argumentat li l-miżuri jkunu kontra l-interess tal-Unjoni minħabba li (i) il-miżuri diġà kellhom l-effett mixtieq tagħhom meta ġew imposti l-ewwel darba; (ii) il-miżuri ma jwasslux għal benefiċċju addizzjonali għall-industrija tal-Unjoni; (iii) il-miżuri ma jaffettwawx lill-produtturi esportaturi u (iv) il-miżuri jimponu kost konsiderevoli fuq l-importaturi fl-Unjoni.

(148)

Dan il-każ jikkonċerna biss it-talbiet għal TES/TI, għax dan huwa l-uniku punt li fih ġie identifikat żball legali mill-Qrati tal-Unjoni. F'dak li jirrigwarda l-interess tal-Unjoni, il-valutazzjoni fir-Regolament tal-Kunsill (KE) Nru 1472/2006 tibqa' valida kollha kemm hi. Barra minn hekk, din il-miżura hija ġġustifikata sabiex jiġu protetti l-interessi finanzjarji tal-Unjoni.

(149)

Is-sitt, Clarks et al affermaw li d-dazju antidumping, jekk jiġi impost mill-ġdid, ma jkunx jista' jinġabar aktar minħabba li l-istatut tal-limitazzjonijiet tal-Artikolu 221(3) tal-Kodiċi Doganali Komunitarju (issa l-Artikolu 103(1) tal-Kodiċi Doganali tal-Unjoni) kien skada. Skont Clarks et al, din is-sitwazzjoni tikkostitwixxi abbuż ta' poter mill-Kummissjoni.

(150)

Il-Kummissjoni tfakkar li skont l-Artikolu 221(3) tal-Kodiċi Doganali Komunitarju/103(1) tal-Kodiċi Doganali tal-Unjoni, l-istatut tal-limitazzjonijiet ma japplikax meta jkun sar appell skont l-Artikolu 243 tal-Kodiċi Doganali Komunitarju/l-Artikolu 44(2) tal-Kodiċi Doganali tal-Unjoni, bħalma huwa l-każ f'dawn il-każijiet kollha, li jikkonċernaw appelli fuq il-bażi tal-Artikolu 236 tal-Kodiċi Doganali Komunitarju/l-Artikolu 119 tal-Kodiċi Doganali tal-Unjoni. Appell fis-sens tal-Artikolu 103(3) tal-Kodiċi Doganali tal-Unjoni, bis-saħħa tal-kjarifika fl-Artikolu 44(2) tal-istess Regolament, jestendi mill-kontestazzjoni inizjali tad-deċiżjoni tal-awtoritajiet doganali nazzjonali li timponi d-dazji sal-fażi finali tas-sentenza mogħtija mill-qorti nazzjonali, inkluż, fejn meħtieġ, rinviju għal deċiżjoni preliminari. Konsegwentement il-perjodu ta' tliet snin jiġi sospiż mid-data li tiġi ddepożitata l-kontestazzjoni.

(151)

Fl-aħħar nett, Clarks et al allegaw li, wara l-iskadenza tal-paragrafu 15(a)(ii) tal-Protokoll tal-Adeżjoni taċ-Ċina mad-WTO fil-11 ta' Diċembru 2016, il-Kummissjoni ma tistax tibqa' tiddependi fuq il-metodoloġija użata biex jiġi ddeterminat il-valur normali għall-esportaturi Ċiniżi fl-investigazzjoni oriġinali (jiġifieri l-metodoloġija tal-pajjiż analogu skont l-Artikolu 2(7)(a) tar-Regolament bażiku).

(152)

Ir-Regolament ikkontestat ġie adottat fl-2006. Il-leġiżlazzjoni rilevanti applikabbli għal din il-proċedura hija r-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea. Għaldaqstant, din l-affermazzjoni ma tintlaqax.

(153)

Barra minn hekk, SIEMES argumenta li t-tul tal-proċedura f'rabta mar-rikjesta li hemm bħalissa għal rimborż tad-dazji antidumping quddiem l-awtoritajiet doganali Ġermaniżi tikser id-dritt ta' amministrazzjoni tajba skont l-Artikolu 41 tal-Karta tad-Drittijiet Fundamentali tal-Unjoni Ewropea. L-ewwel nett, il-Kummissjoni tinnota li d-deċiżjonijiet dwar il-ħlas lura tad-dazji antidumping jaqgħu fil-kompetenza tal-awtoritajiet doganali nazzjonali tal-Istati Membri. It-tieni, il-Kummissjoni, mill-informazzjoni pprovduta lilha, fehmet li r-rikjesta għal rimborż ta' SIEMES tad-19 ta' Marzu 2012 kienet ġiet irrifjutata għaliex is-sentenza li skontha ppreżentat ir-rikjesta tagħha għal rimborż, kienet limitata għal Brosmann u Aokang. Is-sentenza ma kellha l-ebda effett fil-konfront ta' produtturi esportaturi oħra fiċ-Ċina u fil-Vjetnam. Kien biss fl-4 ta' Frar 2016 li l-Qorti tal-Ġustizzja ddikjarat, fil-Kawżi Magħquda C-659/13 C&J Clark International Limited u C-34/14 Puma SE, l-invalidità tar-Regolament ikkontestat sa fejn kien jirrigwarda lill-produtturi esportaturi kollha tal-prodott ikkonċernat (ara l-premessa (12)). Huwa biss f'dan il-punt li SIEMES kien ikkonċernat minn sentenza tal-Qorti, kif kien innotifikat dwarha mill-awtoritajiet doganali Ġermaniżi fl-ittra tagħhom tas-7 ta' Settembru 2016. Il-Kummissjoni implimentat is-sentenza fil-konfront ta' għadd ta' produtturi esportaturi kif deskritt fil-premessi minn (18) sa (38), kif ukoll fil-konfront tal-importaturi li għamlu talba għal rimborż quddiem l-awtoritajiet doganali Ġermaniżi. B'mod partikolari, fir-rigward tal-importazzjonijiet soġġetti għal talbiet għal rimborż innotifikati lill-Kummissjoni mill-awtoritajiet doganali Ġermaniżi f'konformità mal-Artikolu 1 tar-Regolament ta' Implimentazzjoni (UE) 2016/223 (b'riferiment għall-premessa (30)), il-Kummissjoni rrispettat b'mod sħiħ il-limitu ta' żmien ta' tmien xhur għall-implimentazzjoni stabbilit fl-Artikolu 1(2) ta' dak ir-Regolament. Il-Kummissjoni, skont dan, ma qablitx mal-argument li din il-proċedura kisret il-prinċipju ta' amministrazzjoni tajba. Għalhekk din l-affermazzjoni kellha ma tintlaqax.

(154)

Wara li qieset il-kummenti li saru u l-analiżi tagħhom, il-Kummissjoni kkonkludiet li jenħtieġ li d-dazju residwu antidumping applikabbli għaċ-Ċina u għall-Vjetnam, jiġifieri 16,5 % u 10 % rispettivament jiġi impost mill-ġdid għall-perjodu ta' applikazzjoni tar-Regolament.

(155)

Kif issemma fil-premessa (28), il-Kummissjoni ssospendiet il-valutazzjoni tal-kumpaniji elenkati fl-Anness III tar-Regolament ta' Implimentazzjoni tal-Kummissjoni (UE) 2017/423 sakemm l-importatur li qed jitlob rimborż mingħand l-awtoritajiet doganali nazzjonali jkun informa lill-Kummissjoni bl-ismijiet u l-indirizzi tal-produttur(i) esportatur(i) ikkonċernat(i) li mingħandu/hom in-negozjanti rilevanti jkunu akkwistaw iż-żraben, jew, jekk ma tasal l-ebda tweġiba f'dak il-perjodu, sa tmiem l-iskadenza stabbilita mill-Kummissjoni biex tiġi pprovduta dik l-informazzjoni.

(156)

Fl-Artikolu 3 tar-Regolament (UE) 2017/423, il-Kummissjoni tat ukoll struzzjonijiet lill-awtoritajiet doganali nazzjonali biex ma jirrimborżawx id-dazji doganali miġbura sakemm il-Kummissjoni tiffinalizza l-valutazzjoni tat-talbiet rilevanti għal TES/TI.

(157)

Minħabba f'hekk, kif issemma fil-premessa (29), Pentland Brands Ltd., Puma UK Ltd. u Deichmann Shoes UK Ltd ippreżentaw ruħhom u identifikaw il-fornituri tagħhom. Il-Kummissjoni analizzat it-talbiet għal TES/TI tal-fornituri identifikati fir-Regolament attwali. Minn dan jirriżulta li l-Kummissjoni ffinalizzat il-valutazzjoni tas-sitwazzjoni tal-kumpaniji elenkati fl-Anness III tar-Regolament (UE) 2017/423. Minħabba f'hekk, għall-kumpaniji elenkati fl-Anness III tar-Regolament ta' Implimentazzjoni tal-Kummissjoni (UE) 2017/423, il-Kummissjoni ma għandhiex rekord li dawn il-kumpaniji ppreżentaw xi formola ta' talba għal TES/TI fl-investigazzjoni oriġinali. Għaldaqstant jenħtieġ li t-talba rilevanti għal rimborż tal-importaturi ma tingħatax peress li r-Regolament ikkontestat ma kienx ġie annullat sa fejn huma kkonċernati. Għal riferiment iffaċilitat, il-Kummissjoni rriproduċiet l-Anness II tar-Regolament (UE) 2017/423 bħala l-Anness VI ta' dan ir-Regolament.

(158)

Il-produtturi esportaturi kkonċernati, l-importaturi li kienu kkonċernati min-notifika tal-awtoritajiet doganali tal-Ġermanja u tan-Netherlands, l-importaturi li ppreżentaw ruħhom u pprovdew l-ismijiet u l-indirizzi tal-fornituri rispettivi tagħhom fiċ-Ċina u/jew fil-Vjetnam, kif ukoll il-partijiet kollha li ppreżentaw ruħhom kienu infurmati bil-fatti u l-kunsiderazzjonijiet essenzjali li fuq il-bażi tagħhom kien maħsub li tkun rakkomandata l-impożizzjoni mill-ġdid tad-dazju antidumping definittiv fuq l-esportazzjonijiet tas-70 produttur esportatur ikkonċernat. Dawn ingħataw perjodu ta' żmien li fih kellhom jagħmlu r-rappreżentazzjonijiet sussegwenti għad-divulgazzjoni.

(159)

Dan ir-Regolament huwa f'konformità mal-opinjoni tal-Kumitat stabbilit mill-Artikolu 15(1) tar-Regolament (UE) 2016/1036,

—

“ilbies għar-riġlejn għall-isports” għandha tfisser ilbies għar-riġlejn fis-sens tan-nota 1 tas-subtitlu tal-Kapitolu 64 tal-Anness I tar-Regolament tal-Kummissjoni (KE) Nru 1719/2005 (47);

—

“żraben li jinvolvu teknoloġija speċjali” għandha tfisser żraben li għandhom prezz CIF għal kull par ta' mhux inqas minn EUR 7,5, għall-użu f'attivitajiet sportivi, b'qiegħ iffurmat b'saff wieħed jew diversi, mhux injettat, manifatturat minn materjali sintetiċi ddisinjati b'mod li jassorbi l-impatt ta' movimenti vertikali jew laterali u b'karatteristiċi tekniċi bħal boroż ermetiċi li fihom gass jew fluwidu, komponenti mekkaniċi li jassorbu jew jinnewtralizzaw l-impatt, jew materjali bħal polimeri ta' densità baxxa u li jaqgħu taħt il-kodiċijiet NM ex 6403 91 11, ex 6403 91 13, ex 6403 91 16, ex 6403 91 18, ex 6403 91 91, ex 6403 91 93, ex 6403 91 96, ex 6403 91 98, ex 6403 99 91, ex 6403 99 93, ex 6403 99 96, ex 6403 99 98;

—

“żraben b'kappa ta' protezzjoni għas-swaba'” għandha tfisser żraben li jinkorporaw kappa ta' protezzjoni għas-swaba' b'reżistenza għall-impatti ta' mill-anqas 100 joule (48) u li jaqgħu taħt il-kodiċijiet NM: ex 6403 30 00 (49), ex 6403 51 11, ex 6403 51 15, ex 6403 51 19, ex 6403 51 91, ex 6403 51 95, ex 6403 51 99, ex 6403 59 11, ex 6403 59 31, ex 6403 59 35, ex 6403 59 39, ex 6403 59 91, ex 6403 59 95, ex 6403 59 99, ex 6403 91 11, ex 6403 91 13, ex 6403 91 16, ex 6403 91 18, ex 6403 91 91, ex 6403 91 93, ex 6403 91 96, ex 6403 91 98, ex 6403 99 11, ex 6403 99 31, ex 6403 99 33, ex 6403 99 36, ex 6403 99 38, ex 6403 99 91, ex 6403 99 93, ex 6403 99 96, ex 6403 99 98 u ex 6405 10 00;

—

“papoċċi u żraben oħra ta' ġewwa” għandha tfisser dawk iż-żraben li jaqgħu taħt il-kodiċi NM ex 6405 10 00.