19.10.2017   

MT

Il-Ġurnal Uffiċjali tal-Unjoni Ewropea

L 269/1

(1)

Fit-30 ta' Awwissu 2017, il-Kunsill adotta r-Regolament (UE) 2017/1509.

(2)

Fit-3 ta' Ottubru 2017, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 1718 (2006) tal-KSNU iddeżinja erba' bastimenti bis-saħħa tal-paragrafu 6 tar-Riżoluzzjoni 2375 (2017) tal-KSNU.

(3)

Għalhekk jenħtieġ li l-Anness XIV għar-Regolament (UE) 2017/1509 jiġi emendat skont dan,

19.10.2017   

MT

Il-Ġurnal Uffiċjali tal-Unjoni Ewropea

L 269/3

(1)

Skont l-Artikolu 26 tar-Regolament (UE) Nru 1151/2012, il-Polonja ressqet l-ismijiet “Półtorak staropolski tradycyjny”, “Dwójniak staropolski tradycyjny”, “Trójniak staropolski tradycyjny”, “Czwórniak staropolski tradycyjny”, “Kiełbasa jałowcowa staropolska”, “Kiełbasa myśliwska staropolska”, “Olej rydzowy tradycyjny” u “Kabanosy staropolskie” bil-għan li jkunu jistgħu jiddaħħlu fir-reġistru tal-Ispeċjalitajiet Tradizzjonali Garantiti previst fl-Artikolu 22 tar-Regolament (UE) Nru 1151/2012, bir-riżervar tal-ismijiet.

(2)

L-ismijiet “Półtorak”, “Dwójniak”, “Trójniak”, “Czwórniak”, “Kiełbasa jałowcowa”, “Kiełbasa myśliwska”, “Olej rydzowy” u “Kabanosy” kien diġà ġew irreġistrati (2) bħala speċjalitajiet tradizzjonali garantiti mingħajr ir-riżervar tal-ismijiet, skont l-Artikolu 13(1) tar-Regolament tal-Kunsill (KE) Nru 509/2006 (3).

(3)

Wara l-proċedura ta' oppożizzjoni nazzjonali msemmija fit-tieni subparagrafu tal-Artikolu 26(1) tar-Regolament (UE) Nru 1151/2012, l-ismijiet “Półtorak”, “Dwójniak”, “Trójniak” u “Czwórniak” ġew ikkomplementati bit-terminu “staropolski tradycyjny”, l-ismijiet “Kiełbasa jałowcowa” u “Kiełbasa myśliwska” ġew ikkomplementati bit-terminu “staropolska”, l-isem “Olej rydzowy” ġie kkomplementat bit-terminu “tradycyjny”, u l-isem “Kabanosy” ġie kkomplementat bit-terminu “staropolskie”. Dawn it-termini komplementari jidentifikaw il-karattru tradizzjonali tal-isem, skont it-tielet subparagrafu tal-Artikolu 26(1) tar-Regolament (UE) Nru 1151/2012.

(4)

L-ismijiet imressqa “Półtorak staropolski tradycyjny”, “Dwójniak staropolski tradycyjny”, “Trójniak staropolski tradycyjny”, “Czwórniak staropolski tradycyjny”, “Kiełbasa jałowcowa staropolska”, “Kiełbasa myśliwska staropolska”, “Olej rydzowy tradycyjny” u “Kabanosy staropolskie” ġew eżaminati mill-Kummissjoni, u wara ġew ippubblikati f'Il-Ġurnal Uffiċjali tal-Unjoni Ewropea  (4).

(5)

Il-Kummissjoni rċeviet dikjarazzjoni ta' oppożizzjoni dwar ir-reġistrazzjoni ta' “Kabanosy staropolskie”. Għaldaqstant, ir-reġistrazzjoni ta' dan l-isem hija soġġetta għall-eżitu tal-proċedura ta' oppożizzjoni li ssir b'mod separat.

(6)

Billi l-Kummissjoni ma rċeviet ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012 fir-rigward tal-ismijiet għajr “Kabanosy staropolskie”, jenħtieġ li l-ismijiet “Półtorak staropolski tradycyjny”, “Dwójniak staropolski tradycyjny”, “Trójniak staropolski tradycyjny”, “Czwórniak staropolski tradycyjny”, “Kiełbasa jałowcowa staropolska”, “Kiełbasa myśliwska staropolska” u “Olej rydzowy tradycyjny” jiddaħħlu fir-reġistru bir-riżervar tal-ismijiet,

19.10.2017   

MT

Il-Ġurnal Uffiċjali tal-Unjoni Ewropea

L 269/5

(1)

Skont l-Artikolu 26 tar-Regolament (UE) Nru 1151/2012, ir-Repubblika Ċeka ressqet l-ismijiet “Tradiční Lovecký salám”/“Tradičná Lovecká saláma” u “Tradiční Špekáčky”/“Tradičné Špekačky” bil-għan li jkunu jistgħu jiddaħħlu fir-reġistru tal-Ispeċjalitajiet Tradizzjonali Garantiti previst fl-Artikolu 22 tar-Regolament (UE) Nru 1151/2012, bir-riżervar tal-ismijiet.

(2)

L-ismijiet “Lovecký salám”/“Lovecká saláma” u “Špekáčky”/“Špekačky” kienu diġà ġew irreġistrati (2) bħala speċjalitajiet tradizzjonali garantiti mingħajr ir-riżervar tal-ismijiet, skont l-Artikolu 13(1) tar-Regolament tal-Kunsill (KE) Nru 509/2006 (3).

(3)

Wara l-proċedura ta' oppożizzjoni nazzjonali msemmija fit-tieni subparagrafu tal-Artikolu 26(1) tar-Regolament (UE) Nru 1151/2012, l-ismijiet “Lovecký salám”/“Lovecká saláma” ġew ikkomplementati bit-termini “Tradiční” u “Tradičná” rispettivament, u l-ismijiet “Špekáčky”/“Špekačky” ġew ikkomplementati bit-termini “Tradiční” u “Tradičné” rispettivament. Dawn it-termini komplementari jidentifikaw il-karattru tradizzjonali tal-ismijiet, skont it-tielet subparagrafu tal-Artikolu 26(1) tar-Regolament (UE) Nru 1151/2012.

(4)

L-ismijiet imressqa “Tradiční Lovecký salám”/“Tradičná Lovecká saláma” u “Tradiční Špekáčky”/“Tradičné Špekačky” ġew eżaminati mill-Kummissjoni, u wara ġew ippubblikati f'Il-Ġurnal Uffiċjali tal-Unjoni Ewropea  (4).

(5)

Billi l-Kummissjoni ma rċeviet ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, jenħtieġ li l-ismijiet “Tradiční Lovecký salám”/“Tradičná Lovecká saláma” u “Tradiční Špekáčky”/“Tradičné Špekačky” jiddaħħlu fir-reġistru bir-riżervar tal-ismijiet,

19.10.2017   

MT

Il-Ġurnal Uffiċjali tal-Unjoni Ewropea

L 269/7

(1)

Skont l-Artikolu 50(2)(a) tar-Regolament (UE) Nru 1151/2012, l-applikazzjoni tal-Kroazja biex l-isem “Varaždinsko zelje” jiddaħħal fir-reġistru bħala denominazzjoni ta' oriġini protetta ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

“Varaždinsko zelje” hija kaboċċa derivata mill-varjetà ta' konservazzjoni awtoktona “Varaždinski kupus” (Brassica oleracea var. capitata f. alba) li hija prodotta fil-konfini amministrattivi tal-Kontea ta' Varaždin fil-Kroazja.

(3)

Fis-7 ta' Ottubru 2015, il-Kummissjoni rċeviet l-avviż ta' oppożizzjoni mis-Slovenja. Fl-4 ta' Diċembru 2015, il-Kummissjoni rċeviet id-dikjarazzjoni ta' oppożizzjoni motivata relatata.

(4)

Peress li din l-oppożizzjoni setgħet tintlaqa', bl-ittra tat-28 ta' Jannar 2016 il-Kummissjoni stiednet lill-Kroazja u lis-Slovenja biex jikkonsultaw lil xulxin b'mod xieraq għal perjodu ta' tliet xhur biex jilħqu qbil bejniethom skont il-proċeduri interni tagħhom.

(5)

Fuq talba tal-applikant, l-iskadenza għall-konsultazzjoni ġiet estiża bi tliet xhur oħra.

(6)

Ma ntlaħaq l-ebda qbil bejn il-partijiet. L-informazzjoni dwar il-konsultazzjonijiet xierqa li seħħew bejn il-partijiet Kroati u Sloveni ngħatat kif mistenni lill-Kummissjoni. Għalhekk, jenħtieġ li l-Kummissjoni tadotta deċiżjoni skont il-proċedura msemmija fl-Artikolu 52(3)(b) tar-Regolament (UE) Nru 1151/2012, filwaqt li tqis ir-riżultati ta' dawn il-konsultazzjonijiet.

(7)

F'konformità mal-Artikolu 10(1)(b) u (c) tar-Regolament (UE) Nru 1151/2012, l-avversarji allegaw li r-reġistrazzjoni ta' “Varaždinsko zelje” bħala Denominazzjoni ta' Oriġini Protetta tmur kontra l-Artikolu 6(2) tar-Regolament (UE) Nru 1151/2012 u tipperikola l-eżistenza ta' isem ta' prodott identiku li ilu legalment fis-suq għal aktar minn ħames snin qabel id-data tal-pubblikazzjoni prevista fil-punt (a) tal-Artikolu 50(2).

(8)

Qed jiġi ddikjarat li l-isem “Varaždinsko zelje” huwa f'kunflitt mal-isem omonimu ta' varjetà ta' kaboċċi li ilha rreġistrata mill-1967. Il-varjetà “Varaždinski” ġiet elenkata fil-Lista ta' varjetajiet ta' żrieragħ domestiċi jew ta' żrieragħ barranin domestikati tal-ispeċijiet ta' pjanti agrikoli tar-Repubblika Federali Soċjalista tal-Jugoslavja (SFRY) fl-1967. Imbagħad, fl-1989, ġiet irreġistrata f'dik l-istess Lista bħala “Varaždinski kupus”/“Varaždinsko zelje”. Attwalment, din il-varjetà hija elenkata fil-Listi tal-istati kollha li tfaċċaw wara li sfaxxat tal-SFRY. Ir-Repubblika tas-Slovenja rreġistrat il-varjetà “Varaždinski”/“Varaždinsko” wara l-indipendenza. Il-varjetà Kroata “Varaždinski kupus” u l-varjetajiet Sloveni “Varaždinsko 2” u “Varaždinsko 3” huma kollha elenkati fil-Katalogu komuni ta' varjetajiet u ta' speċijiet ta' ħxejjex tal-Unjoni Ewropea.

(9)

Skont l-avversarju, fis-Slovenja, fis-Serbja, fil-Bosnja-Ħerzegovina, fil-F.Y.R.O.M. (l-Eks-Repubblika Jugoslava tal-Maċedonja) u fil-Montenegro, il-prodott agrikolu li ġej minn dawn il-varjetajiet huwa magħruf bħala “Varaždinsko zelje”. Fir-Repubblika tas-Slovenja, il-kaboċċa Varaždinsko allegatament ilha tiġi prodotta għal aktar minn 75 sena. B'mod partikolari, is-suq tal-produzzjoni tal-kaboċċa Varaždinsko friska fis-Slovenja huwa stmat għal madwar 2 800-4 000 tunnellata kull sena.

(10)

Fil-fehma tal-avversarju, ir-reġistrazzjoni ta' “Varaždinsko zelje” tista' tqarraq bil-konsumaturi Sloveni, peress li l-produtturi u l-konsumaturi fir-Repubblika tas-Slovenja ma jassoċjawx il-“Varaždinsko zelje” mal-oriġini indikata jew mat-territorju indikat fil-punt 4 tad-dokument uniku, iżda fuq kollox jassoċjawha mal-kwalità u ma' kemm din hija adattata għall-pikles.

(11)

L-avversarju jsostni li r-reġistrazzjoni tal-isem propost tipperikola l-eżistenza tal-isem identiku Sloven “Varaždinsko zelje” fir-rigward tal-varjetà, minħabba li hemm prodotti oħra b'dak l-isem li jiġu ikkummerċjalizzati legalment fir-Repubblika tas-Slovenja. Ir-reġistrazzjoni tal-isem propost tirriżulta f'dannu ekonomiku għall-produtturi tal-“Varaždinsko zelje” fir-Repubblika tas-Slovenja, peress li huma se jkunu mġiegħla jabbandunaw il-produzzjoni. Dan jipperikola wkoll il-produzzjoni ta' żrieragħ għal żewġ varjetajiet Sloveni tal-kaboċċi li huma rreġistrati fil-Katalogu Komuni tal-Unjoni Ewropea, jiġifieri Varaždinsko 2 u Varaždinsko 3, peress li l-prodott jinbiegħ fis-Slovenja bħala l-kaboċċa Varaždinsko.

(12)

Il-Kummissjoni vvalutat l-argumenti mogħtija fid-dikjarazzjonijiet motivati ta' oppożizzjoni u fl-informazzjoni mogħtija lill-Kummissjoni fir-rigward tal-konsultazzjonijiet bejn il-partijiet interessati u kkonkludiet li jenħtieġ li l-isem “Varaždinsko zelje” jiġi rreġistrat bħala DOP.

(13)

Ir-rekwiżiti għar-reġistrazzjoni ta' “Varaždinsko zelje” bħala DOP huma ssodisfati. Il-prodott għandu karatteristiki, b'mod partikolari l-kontenut totali għoli ta' fenol u ta' flavonojd, il-kontenut għoli ta' materja niexfa u l-kontenut eċċezzjonalment għoli ta' zokkor, li jirriżultaw essenzjalment mill-fatturi naturali u umani tal-ambjent ġeografiku partikolari tiegħu. Il-kontenut għoli ta' materja niexfa u l-kontenut eċċezzjonalment għoli ta' zokkor tal-“Varaždinsko zelje” jirriżultaw mill-metodu ta' produzzjoni, jiġifieri l-fatt li l-prodott, li jista' jittollera temperaturi baxxi, jitħalla fl-għalqa sa tard fil-ħarifa. Il-kontenut totali għoli ta' fenol u ta' flavonojd tal-“Varaždinsko zelje” jirrizulta mill-karatteristiki ġenetiċi tal-prodott, kif ukoll mill-kundizzjonijiet ambjentali u tat-tkabbir. Il-“Varaždinsko zelje” hija prodotta biss miż-żerriegħa tal-varjetà ta' konservazzjoni “Varaždinski kupus” elenkata fir-reġistru tal-varjetajiet tal-UE. It-terminu “varjetà ta' konservazzjoni” jindika li ż-żerriegħa tiġi prodotta biss fiż-żona ġeografika ddefinita u mkien ieħor.

(14)

Fir-rigward tad-dikjarazzjoni li tikkonċerna n-natura qarrieqa tal-isem, il-Kummissjoni tqis li l-isem jirreferi għaż-żona tal-produzzjoni tal-prodott. L-isem ma jistax fih innifsu jqarraq bil-konsumatur dwar l-oriġini tal-prodott.

(15)

Fir-rigward tad-dikjarazzjoni li l-isem li jrid jiġi rreġistrat huwa omonimu ma' żewġ varjetajiet ta' kaboċċi rreġistrati u li r-reġistrazzjoni tipperikola l-eżistenza tal-prodott agrikolu li jkun ġej minn dawn il-varjetajiet, li huwa magħruf bħala Varaždinsko zelje, fis-Slovenja, fis-Serbja, fil-Bosnja-Ħerzegovina, fil-F.Y.R.O.M. u fil-Montenegro, il-Kummissjoni tosserva li, għal dak li jirrigwarda l-prodott ikkummerċjalizzat fis-Slovenja, it-terminu “Varaždinsko”, użat bħala attribuzzjoni ta' “zelie” (kaboċċa bis-Sloven), jirrappreżenta biss il-varjetà tal-kaboċċa. L-isem “Varaždinsko zelje”, kif użat fis-Slovenja, jindika li l-prodott jikkonsisti minn kaboċċa tal-varjetà Varaždinsko. Ma nstabet l-ebda evidenza tal-użu tal-isem irrispettivament mill-varjetà tal-kaboċċa. Fid-dawl ta' dan ta' hawn fuq u billi l-funzjoni tal-indikatur tal-varjetajiet tat-terminu “Varaždinsko” hija predominanti, il-Kummissjoni tikkunsidra li mhux xieraq li jingħata perjodu tranżizzjonali għall-użu tal-isem Sloven “Varaždinsko zelje” bħala tali.

(16)

Madankollu, l-użu fuq it-tikketti tal-ismijiet tal-varjetajiet Varaždinsko 2 u Varaždinsko 3, irreġistrati fil-Katalogu Komuni ta' Varjetajiet ta' Speċijiet ta' Ħxejjex tal-Unjoni Ewropea, xorta għadu permess għal żrieragħ u għal prodotti tal-kaboċċi prodotti 'l barra miż-żona ġeografika, mingħajr limitu ta' żmien. Skont l-Artikolu 42 tar-Regolament (UE) Nru 1151/2012, minkejja r-reġistrazzjoni tal-isem “Varaždinsko zelje” bħala DOP, l-ismijiet Varaždinsko 2 u Varaždinsko 3 jistgħu jintużaw fuq it-tikketti sakemm il-kundizzjonijiet elenkati fuqhom ikunu ssodisfati. B'mod partikolari, għall-prodott tal-kaboċċa, it-tikketta jenħtieġ li turi b'mod ċar l-indikazzjoni tal-pajjiż ta' oriġini u ma talludi bl-ebda mod għall-Kroazja. Barra minn hekk, dan se jiggarantixxi informazzjoni korretta għall-konsumaturi meta mqabbel mal-prodott ikkummerċjalizzat bid-DOP irreġistrata.

(17)

Fid-dawl ta' dan ta' hawn fuq, jenħtieġ li l-isem “Varaždinsko zelje” jiddaħħal fir-Reġistru tad-denominazzjonijiet ta' oriġini protetta u tal-indikazzjonijiet ġeografiċi protetti.

(18)

Il-miżuri stipulati f'dan ir-Regolament huma konformi mal-opinjoni tal-Kumitat għall-Politika dwar il-Kwalità tal-Prodotti Agrikoli,

19.10.2017   

MT

Il-Ġurnal Uffiċjali tal-Unjoni Ewropea

L 269/10

(1)

Ir-Regolament (UE) Nru 1151/2012 daħal fis-seħħ fit-3 ta' Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

F'konformità mal-Artikolu 6(2) tar-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel, l-applikazzjoni tad-Danimarka għar-reġistrazzjoni tal-isem “Danbo” bħala indikazzjoni ġeografika protetta (IĠP) ġiet ippubblikata f'Il-Ġurnal Uffiċjali tal-Unjoni Ewropea  (3).

(3)

L-Awstrija, l-Arġentina flimkien ma' Centro de la Industria Lechera — il-Federazzjoni tal-Industrija tal-Ħalib tal-Arġentina, l-Awstralja flimkien ma' Dairy Awstralja, New Zealand flimkien ma' Dairy Companies Association of New Zealand, l-Urugwaj, l-Office of the United States Trade Representative u l-Consortium for Common Food Names tal-Istati Uniti tal-Amerka ssottomettew l-oppożizzjonijiet għar-reġistrazzjoni f'konformità mal-Artikolu 7(2) tar-Regolament (KE) Nru 510/2006. Dawn l-oppożizzjonijiet tqiesu ammissibbli skont l-Artikolu 7(3) ta' dak ir-Regolament, ħlief għal dik tal-Awstrija li ma waslitx sal-iskadenza preskritta.

(4)

L-oppożizzjonijiet jikkonċernaw nuqqas ta' konformità mal-kundizzjonijiet stipulati fl-Artikolu 2 tar-Regolament (KE) Nru 510/2006, sostitwit bl-Artikolu 5 tar-Regolament (UE) Nru 1151/2012, b'mod partikolari fir-rigward tal-argument li “Danbo” ma għandux kwalità, reputazzjoni jew karatteristiċi oħrajn speċifiċi li huma attribwibbli għall-oriġini ġeografika. Jinsistu wkoll li l-isem “Danbo” ma jkunx qed jikkwalifika bħala isem nonġeografiku tradizzjonali u li ma teżisti l-ebda ċirkostanza eċċezzjonali li tkun tiġġustifika d-denominazzjoni tad-Danimarka kollha bħala żona ġeografika delimitata. L-oppożizzjonijiet isostnu wkoll li l-isem “Danbo” sar isem ġeneriku kif previst fl-Artikolu 3(1) tar-Regolament (KE) Nru 510/2006, sostitwit bl-Artikoli 6(1) u 41 tar-Regolament (UE) Nru 1151/2012. F'dan ir-rigward huma jinnutaw li “Danbo” kien soġġett għall-Istandard Codex Alimentarius sa mill-1966 kif ukoll kien inkluż fl-Anness B tal-Konvenzjoni ta' Stresa tal-1951. In-natura ġenerika tal-isem tintwera mill-fatt li “Danbo” għandu wkoll il-linja tat-tariffa tiegħu stess. L-oppożizzjonijiet komplew jindikaw l-importanza tal-produzzjoni u tal-konsum ta' “Danbo” f'diversi pajjiżi tal-UE u mhux tal-UE, li wħud minnhom għandhom standard legali speċifiku għalih.

(5)

Permezz tal-ittri tat-18 ta' Settembru 2012, f'konformità mal-Artikolu 7(5) tar-Regolament (KE) Nru 510/2006, il-Kummissjoni stiednet lill-partijiet interessati biex jibdew il-konsultazzjonijiet li jixirqu.

(6)

Peress li ma ntlaħaq l-ebda qbil fiż-żmien stipulat, il-Kummissjoni jenħtieġ li tadotta deċiżjoni skont il-proċedura li ssir referenza għaliha fl-Artikolu 52(3)(b) tar-Regolament (UE) Nru 1151/2012.

(7)

Fir-rigward tal-allegat nuqqas ta' konformità tal-isem “Danbo” mal-Artikolu 2 tar-Regolament (KE) Nru 510/2006, sostitwit bl-Artikolu 5 tar-Regolament (UE) Nru 1151/2012, jenħtieġ li wieħed jinnota li d-dispożizzjoni rilevanti fis-seħħ ma tiddistingwix pajjiż bħala każ eċċezzjonali għal indikazzjoni ġeografika. Bl-istess mod, l-apprezzament dwar jekk “Danbo” huwiex “isem nonġeografiku tradizzjonali” ma għadux meħtieġ iktar. Ir-reġistrazzjoni ta' “Danbo” bħala IĠP hija attwalment applikata abbażi tar-reputazzjoni tiegħu li hija attribwibbli għall-oriġini ġeografika tiegħu skont it-tifsira tal-Artikolu 5(2)(b) tar-Regolament (UE) Nru 1151/2012 u li hija deskritta b'mod estensiv fid-dokument uniku ppubblikat u fl-ispeċifikazzjoni tal-prodott. L-opponenti ma pprovdewx raġunament validu li jisfida dik id-deskrizzjoni.

(8)

L-opponenti ssottomettew diversi biċċiet ta' evidenza li allegatament juru li l-isem inkwistjoni huwa ġeneriku. Madankollu, li jkollu Standard Codex Alimentarius speċifiku kif ukoll l-inklużjoni ta' “Danbo” fl-Anness B tal-Konvenzjoni ta' Stresa ma jfissirx li dan l-isem sar ipso facto ġeneriku. Kif indikat mill-Qorti tal-Ġustizzja fil-ġurisprudenza stabbilita tagħha, il-kodiċijiet tat-tariffa huma marbutin ma' kwistjonijiet doganali u għalhekk mhumiex rilevanti għad-drittijiet ta' proprjetà intellettwali. Barra minn hekk, id-dejta limitata sottomessa fir-rigward, b'mod partikolari, tal-produzzjoni ta' “Danbo” barra mill-Unjoni Ewropea mhijiex rilevanti meta jitqies il-prinċipju ta' territorjalità inerenti għar-Regolament (UE) Nru 1151/2012, skont liema n-natura ġenerika possibbli ta' isem trid tiġi vvalutata b'rabta mat-territorju tal-UE. Il-perċezzjoni ta' dan it-terminu barra mill-Unjoni Ewropea u l-eżistenza possibbli tal-istandards regolatorji tal-produzzjoni marbutin ma' pajjiżi terzi mhumiex meqjusa rilevanti għad-deċiżjoni preżenti.

(9)

Ma ġiet ipprovduta l-ebda evidenza fil-proċedura ta' oppożizzjoni fir-rigward tal-importazzjonijiet ta' tali ġobon minn pajjiżi terzi lejn l-Unjoni Ewropea. B'konsegwenza ta' dan, ma hemmx raġunijiet biex jingħata perjodu tranżizzjonali lil produtturi speċifiċi f'pajjiżi terzi skont l-Artikolu 15(1) tar-Regolament (UE) Nru 1151/2012.

(10)

Ir-rabta bejn id-Danimarka u “Danbo” hija bbażata fuq ir-reputazzjoni. Id-Danimarka kienet issottomettiet għadd kbir ta' pubblikazzjonijiet u referenzi speċjalizzati li juru li teżisti rabta ta' reputazzjoni bejn id-Danimarka u “Danbo”. Ir-reputazzjoni tiegħu hija kkonfermata ulterjorment peress li jipparteċipa f'wirjiet u kompetizzjonijiet nazzjonali kif ukoll internazzjonali u għaliex rebaħ għadd kbir ta' premji.

(11)

Fir-rigward tat-territorju tal-UE, “Danbo” huwa prodott essenzjalment fid-Danimarka u huwa wkoll essenzjalment mqiegħed fis-suq fid-Danimarka.

(12)

Id-Danimarka pprovdiet evidenza mhux kontestata li l-konsum ta' “Danbo” u l-għarfien dwaru huma kkonċentrati fil-parti l-kbira tagħhom fid-Danimarka, u li l-maġġoranza l-kbira tal-konsumaturi Daniżi fil-fatt jirrikonoxxu r-rabta persistenti tiegħu mad-Danimarka. Barra mid-Danimarka, l-għarfien ta' dan il-ġobon huwa estremament limitat. Nuqqas ta' għarfien bħal dan ma jistax iwassal biex “Danbo” jkun ikkunsidrat bħala isem ġeneriku.

(13)

Fid-dawl ta' dan ta' hawn fuq, jenħtieġ li l-isem “Danbo” jiddaħħal fir-“reġistru tad-denominazzjonijiet tal-oriġini protetti u tal-indikazzjonijiet ġeografiċi protetti”.

(14)

Il-miżuri previsti f'dan ir-Regolament huma konformi mal-opinjoni tal-Kumitat ta' Politika ta' Kwalità tal-Prodotti Agrikoli,

19.10.2017   

MT

Il-Ġurnal Uffiċjali tal-Unjoni Ewropea

L 269/13

(1)

Ir-Regolament tal-Kummissjoni (UE) Nru 1031/2010 (2) jistipula regoli dwar l-għażla taż-żmien, l-amministrazzjoni u aspetti oħra ta' rkantar ta' kwoti skont id-Direttiva 2003/87/KE. B'mod partikolari, ir-Regolament (UE) Nru 1031/2010 jistabbilixxi l-volumi ta' kwoti li jridu jiġu rkantati kull sena. Għalhekk, ir-Regolament (UE) Nru 1031/2010 jiżgura li l-irkantar ta' kwoti jkun proċess li jaħdem sew. Attwalment dan il-proċess jitwettaq minn pjattaforma komuni tal-irkant għal 25 Stat Membru u minn għadd żgħir ta' pjattaformi ta' esklużjoni.

(2)

Skont id-Deċiżjoni (UE) 2015/1814 tal-Parlament Ewropew u tal-Kunsill (3), trid tiġi stabbilita riżerva tal-istabbiltà tas-suq (“riżerva”) fl-2018 u trid tibda titħaddem mill-1 ta' Jannar 2019. Skont ir-regoli stabbiliti minn qabel ta' din id-Deċiżjoni, il-volumi tal-kwoti jridu jitqiegħdu fir-riżerva jew jiġu rilaxxati minnha, filwaqt li jiġu aġġustati l-volumi ta' kwoti li jridu jiġu rkantati fuq perjodu ta' 12-il xahar li jibda fl-1 ta' Settembru ta' sena partikolari. Dawk ir-regoli għall-funzjonament tar-riżerva huma meħtieġa biex jindirizzaw sitwazzjonijiet li fihom l-għadd totali ta' kwoti fiċ-ċirkolazzjoni għas-sena ta' qabel, ippubblikat mill-Kummissjoni fil-15 ta' Mejju tas-sena partikolari, ikun barra mill-firxa stabbilita minn qabel. Fl-ewwel sena tat-tħaddim tar-riżerva, l-ewwel aġġustament fil-volumi tal-irkant irid isir mill-1 ta' Jannar sal-1 ta' Settembru 2019.

(3)

Id-Deċiżjoni (UE) 2015/1814 tistipula wkoll li 900 miljun kwota li oriġinarjament kienu ppjanati li jiġu introdotti mill-ġdid fl-2019 u fl-2020, kif stabbilit bir-Regolament tal-Kummissjoni (UE) Nru 176/2014 (4), ma jridux jiġu rkantati iktar iżda jridu jitqiegħdu fir-riżerva. Barra minn hekk, id-Deċiżjoni (UE) 2015/1814 tistipula li l-kwoti mhux allokati mir-riżerva ta' dawk li jidħlu ġodda, jew dawk li mhumiex allokati għal installazzjonijiet minħabba l-għeluq jew il-waqfien parzjali tagħhom skont l-Artikoli 10a(7), 10a(19) u 10a(20) tad-Direttiva 2003/87/KE, iridu jitqiegħdu fir-riżerva fl-2020 iktar milli jiġu rkantati.

(4)

Skont id-Deċiżjoni (UE) 2015/1814, il-kalendarji tal-irkantijiet tal-pjattaforma komuni tal-irkant u, meta jkun applikabbli, il-pjattaformi tal-irkant ta' esklużjoni jridu jiġu aġġustati biex jinżamm amment tal-volum ta' kwoti li jitqiegħdu fir-riżerva jew li jridu jiġu rilaxxati minnha.

(5)

Bil-ħsieb li l-parteċipanti fis-suq ikollhom ċarezza u ċertezza dwar il-volumi ta' kwoti li jridu jiġu rkantati fi żmien perjodu ta' minn tal-inqas 12-il xahar, jenħtieġ li l-bidliet fil-kalendarju tal-irkantijiet ta' sena partikolari, li jirriżultaw mill-applikazzjoni tad-Deċiżjoni (UE) 2015/1814, isiru flimkien mal-istabbiliment u mal-pubblikazzjoni tal-kalendarju tal-irkantijiet tas-sena ta' wara. Barra minn hekk, sabiex jiġi żgurat li l-implimentazzjoni tal-aġġustamenti fil-volumi tal-irkantijiet timxi ħarir, filwaqt li jiġu evitati impatti negattivi fuq l-irkantijiet, jenħtieġ li l-parteċipanti fis-suq jiġu infurmati fil-ħin dwar l-impatt tad-Deċiżjoni (UE) 2015/1814 fuq il-volumi tal-irkantijiet għat-12-il xahar li jmiss. Għaldaqstant, jenħtieġ li l-bidliet rilevanti fil-kalendarji tal-irkantijiet ta' sena partikolari u fil-kalendarji tal-irkantijiet għas-sena ta' wara jiġu ppubblikati bil-quddiem, ferm qabel l-1 ta' Settembru ta' sena partikolari meta jibdew japplikaw l-aġġustamenti rilevanti fil-volumi tal-irkantijiet.

(6)

L-Artikoli 1(5) u 1(8) tad-Deċiżjoni (UE) 2015/1814 fihom derogi mir-regoli ġenerali għall-funzjonament tar-riżerva fir-rigward tal-10 % tal-kwantità totali ta' kwoti li jridu jiġu rkantati u li jiġu distribwiti fost xi Stati Membri għal skopijiet ta' solidarjetà skont l-Artikolu 10(2)(b) tad-Direttiva 2003/87/KE. Għalhekk, is-sehem ta' kwoti tal-Istati Membri li jridu jiġu rkantati għal kwalunkwe sena partikolari jridu jiġu stabbiliti wkoll skont id-dispożizzjonijiet tat-tieni sottoparagrafu tal-Artikolu 1(5) u tal-Artikolu 1(8) tad-Deċiżjoni (UE) 2015/1814 fir-rigward tar-regoli speċifiċi biex jiġi stabbilit is-sehem tal-Istati Membri fit-tqegħid ta' kwoti fir-riżerva sa tmiem l-2025 u r-rilaxx sussegwenti ta' kwoti mir-riżerva.

(7)

L-Artikolu 60(1) tar-Regolament (UE) Nru 1031/2010 jistipula lista mhux eżawrjenti ta' informazzjoni mhux kunfidenzjali li trid tiġi ppubblikata fuq is-sit web dedikat aġġornat tal-irkantar u li hi miżmuma fil-pjattaforma tal-irkant kkonċernata. Jenħtieġ li l-lista ta' persuni li jitħallew iwettqu l-offerti fl-irkantijiet titqies bħala biċċa informazzjoni mhux kunfidenzjali li hi rilevanti għall-irkantijiet fuq pjattaforma tal-irkant partikolari.

(8)

Ir-Regolament (UE) Nru 1031/2010 fih diversi inkonsistenzi li jirriżultaw minn emendi preċedenti għal dak ir-Regolament, u jenħtieġ li jiġu kkoreġuti. B'mod partikolari, jenħtieġ li l-Artikolu 10(3) jiġi emendat biex jiġi ċċarat li l-kalkolu tal-volum tal-kwoti li jridu jiġu rkantati kull sena jqis kull aġġustament skont l-Artikoli 24 u 27 tad-Direttiva 2003/87/KE. Ir-Regolament tal-Kummissjoni (UE) Nru 1143/2013 (5) introduċa fir-Regolament (UE) Nru 1031/2010 r-regola li entità tista' tiġi maħtura biss bħala pjattaforma tal-irkant jekk tkun awtorizzata bħala suq regolat li fih l-operatur tiegħu jorganizza suq sekondarju tal-kwoti jew tad-derivattivi tal-kwoti. Sabiex tiġi żgurata l-konsistenza ma' dik ir-regola, jeħtieġ li jiġu emendati l-Artikoli 19, 20 u 35 tar-Regolament (UE) Nru 1031/2010.

(9)

Skont l-Artikolu 30(4) tar-Regolament (UE) Nru 1031/2010, fit-18 ta' Frar 2011 ir-Renju Unit informa lill-Kummissjoni bid-deċiżjoni tiegħu li ma jipparteċipax fl-azzjoni konġunta kif previst fl-Artikolu 26(1) u (2) ta' dak ir-Regolament, u li se jaħtar il-pjattaforma tal-irkant tiegħu stess.

(10)

Fit-30 ta' April 2012, ir-Renju Unit innotifika lill-Kummissjoni bl-intenzjoni li jaħtar lill-ICE Futures Europe (“ICE”) bħala pjattaforma tal-irkant kif jissemma fl-Artikolu 30(1) tar-Regolament (UE) Nru 1031/2010. It-termini tal-ħatra u l-kundizzjonijiet applikabbli għall-ICE bħala pjattaforma tal-irkant għar-Renju Unit għall-perjodu mill-10 ta' Novembru 2012 sad-9 ta' Novembru 2017 iddaħħlu fl-Anness III tar-Regolament (UE) Nru 1031/2010 bir-Regolament tal-Kummissjoni (UE) Nru 1042/2012 (6).

(11)

Fis-16 ta' Novembru 2016, ir-Renju Unit innotifika lill-Kummissjoni bl-intenzjoni li jaħtar lill-ICE Futures Europe (“ICE”) bħala t-tieni pjattaforma tal-irkant tiegħu skont l-Artikolu 30(1) tar-Regolament (UE) Nru 1031/2010. B'din in-notifika, it-termini u r-rekwiżiti tal-ħatra tal-ICE jibqgħu l-istess bħal dawk li ġew innotifikati fit-30 ta' April 2012 u r-regoli ta' skambju tal-ICE li huma applikabbli għall-irkantijiet ġew emendati sabiex tiġi żgurata l-konformità mal-kundizzjonijiet u mal-obbligi għall-elenkar tagħha fl-Anness III tar-Regolament (UE) Nru 1031/2010, skont il-punt 6 tar-ringiela dwar l-obbligi tat-tabella għall-pjattaformi tal-irkant maħtura mir-Renju Unit, stabbiliti f'dak l-Anness. Barra minn hekk, wara talba mill-Kummissjoni, ir-Renju Unit ipprovda iktar informazzjoni u kjarifika li jissupplimentaw in-notifika skont dan.

(12)

Sabiex jiġi żgurat li l-ħatra proposta tal-ICE bħala t-tieni pjattaforma tal-irkant tar-Renju Unit imsemmija fl-Artikolu 30(1) tar-Regolament (UE) Nru 1031/2010, u b'mod partikolari li r-regoli ta' skambju tal-ICE jissodisfaw ir-rekwiżiti ta' dak ir-Regolament u li jikkonformaw mat-tieni sottoparagrafu tal-Artikolu 10(4) tad-Direttiva 2003/87/KE, jixraq li l-kundizzjonijiet u l-obbligi tal-ICE, stabbiliti fl-Anness III tar-Regolament (UE) Nru 1031/2010, jiġu estiżi għall-elenkar tal-ICE bħala t-tieni pjattaforma tal-irkant ta' esklużjoni tar-Renju Unit bl-adattamenti meħtieġa biex jiġi żgurat li l-għan tagħhom jintlaħaq filwaqt li jitqiesu t-termini speċifiċi ta' implimentazzjoni stipulati fir-regoli applikabbli ta' skambju tal-ICE.

(13)

Għalhekk, jenħtieġ li r-Regolament (UE) Nru 1031/2010 jiġi emendat skont dan.

(14)

Il-miżuri previsti f'dan ir-Regolament huma skont l-opinjoni tal-Kumitat dwar it-Tibdil fil-Klima,

(1)

l-Artikolu 10 huwa emendat kif ġej:

(2)

fl-Artikolu 11, il-paragrafu 1 jinbidel b'dan li ġej:

“1.   Il-pjattaformi tal-irkant maħtura skont l-Artikolu 26(1) jew (2) ta' dan ir-Regolament għandhom jistabbilixxu u jippubblikaw il-perjodi għall-offerti, il-volumi individwali, id-dati tal-irkantijiet, kif ukoll il-prodott irkantat, id-dati tal-ħlas u tal-kunsinna tal-kwoti koperti bil-Kapitolu III tad-Direttiva 2003/87/KE li jridu jiġu rkantati f'irkantijiet individwali kull sena kalendarja, sat-30 ta' Ġunju tas-sena ta' qabel, jew malajr kemm jista' jkun minn dakinhar 'il quddiem, ladarba qabel ikunu kkonsultaw lill-Kummissjoni u kisbu l-opinjoni tagħha dwar dan. Il-pjattaformi tal-irkant ikkonċernati għandhom iqisu għalkollox l-opinjoni tal-Kummissjoni.”;

(3)

fl-Artikolu 14, il-paragrafu 1 huwa emendat kif ġej:

(4)

l-Artikolu 19 huwa emendat kif ġej:

(5)

fl-Artikolu 20(1), it-tieni sottoparagrafu jinbidel b'dan li ġej:

“Il-membri jew il-parteċipanti fis-suq sekondarju organizzat mill-pjattaforma tal-irkant ikkonċernata li jissodisfaw ir-rekwiżiti tal-Artikolu 19(1) għandhom jitħallew iwettqu l-offerti mingħajr ma japplikaw skont l-ewwel sottoparagrafu ta' dan il-paragrafu.”;

(6)

fl-Artikolu 30(6), il-punt (b) jinbidel b'dan li ġej:

(7)

l-Artikolu 32 huwa emendat kif ġej:

(8)

fl-Artikolu 35, il-paragrafu 1 jinbidel b'dan li ġej:

“1.   L-irkantijiet għandhom jitwettqu biss fi pjattaforma tal-irkant awtorizzata bħala suq regolat li fih l-operatur tiegħu jorganizza suq sekondarju tal-kwoti jew tad-derivattivi tal-kwoti.”;

(9)

fl-Artikolu 60(1), l-ewwel sottoparagrafu jinbidel b'dan li ġej:

“1.   Kull leġiżlazzjoni, gwida, struzzjoni, formola, dokument u tħabbira, inkluż il-kalendarju tal-irkantijiet, kull informazzjoni oħra mhux konfidenzjali rilevanti għall-irkantijiet fi pjattaforma tal-irkant partikolari, inkluż il-lista ta' persuni li jitħallew iwettqu l-offerti fl-irkantijiet, kull deċiżjoni, inkluż kull deċiżjoni skont l-Artikolu 57, li timponi daqs massimu tal-offerta u kull miżura korrettiva oħra li tkun meħtieġa biex tnaqqas ir-riskju reali jew potenzjali li jkun hemm ħasil tal-flus, finanzjament tat-terroriżmu, attività kriminali jew abbuż tas-suq fuq dik il-pjattaforma tal-irkant, għandhom jiġu ppubblikati f'sit web tal-irkantar aġġornat u dedikat għalhekk li jinżamm fil-pjattaforma tal-irkant ikkonċernata.”;

(10)

L-Anness III huwa emendat b'konformità mal-Anness I ta' dan ir-Regolament;

(11)

L-Anness IV jinbidel bit-test tal-Anness II ta' dan ir-Regolament.

19.10.2017   

MT

Il-Ġurnal Uffiċjali tal-Unjoni Ewropea

L 269/22

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003 ġew ippreżentati applikazzjonijiet għall-awtorizzazzjoni tal-preparazzjonijiet ta' Pediococcus parvulus DSM 28875, Lactobacillus casei DSM 28872 u Lactobacillus rhamnosus DSM 29226. Ma' dawk l-applikazzjonijiet intbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dawk l-applikazzjonijiet jikkonċernaw l-awtorizzazzjoni tal-preparazzjonijiet ta' Pediococcus parvulus DSM 28875, Lactobacillus casei DSM 28872 u Lactobacillus rhamnosus DSM 29226 bħala addittivi tal-għalf għall-ispeċijiet kollha tal-annimali, li għandhom jiġu klassifikati fil-kategorija tal-addittivi “addittivi teknoloġiċi”.

(4)

Fl-opinjonijiet rispettivi tagħha tas-6 ta' Diċembru 2016 (2) u tal-24 ta' Jannar 2017 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet (4) li, skont il-kundizzjonijiet proposti tal-użu, il-preparazzjonijiet ta' Lactobacillus rhamnosus DSM 29226, Pediococcus parvulus DSM 28875 u Lactobacillus casei DSM 28872 ma għandhomx effett negattiv fuq saħħet l-annimali, saħħet il-bniedem jew fuq l-ambjent. L-Awtorità kkonkludiet ukoll li l-preparazzjonijiet ikkonċernati għandhom il-potenzjal li jtejbu l-produzzjoni tal-għalf insilat magħmul minn foraġġ li huwa faċli u moderatament diffiċli li jinħażen fis-silos billi jnaqqas it-telf tal-materja xotta u jtejjeb il-preżervazzjoni tan-nutrijenti. L-Awtorità tqis li ma hemmx bżonn ta' rekwiżiti speċifiċi għas-sorveljanza ta' wara t-tqegħid fis-suq. L-Awtorità vverifikat ukoll ir-rapporti dwar il-metodi ta' analiżi tal-addittivi fl-għalf, f'għalf ippreżentat mil-Laboratorju Komunitarju ta' Referenza li twaqqaf permezz tar-Regolament (KE) Nru 1831/2003.

(5)

Il-valutazzjoni tal-preparazzjonijiet ta' Pediococcus parvulus DSM 28875, Lactobacillus casei DSM 28872 u Lactobacillus rhamnosus DSM 29226 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dawk il-preparazzjonijiet jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/27

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni ta' preparazzjoni ta' Bacillus licheniformis DSM 28710. Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni tal-preparazzjoni ta' Bacillus licheniformis DSM 28710 bħala addittiv fl-għalf tat-tiġieġ għas-simna u tat-tiġieġ imkabbra għall-bajd, biex tiġi kklassifikata fil-kategorija tal-addittivi “addittivi żootekniċi”.

(4)

Fl-opinjoni tagħha tat-18 ta' Ottubru 2016 (2) l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjoni ta' Bacillus licheniformis DSM 28710 ma għandhiex effett negattiv fuq is-saħħa tal-annimali, fuq is-saħħa tal-bniedem jew fuq l-ambjent, u li għandha l-potenzjal li ttejjeb il-proporzjon għalf/piż fit-tiġieġ għas-simna u li din il-konklużjoni tista' tiġi estiża għat-tiġieġ imrobbija għall-bajd. L-Awtorità ma tikkunsidrax li hemm bżonn ta' xi rekwiżiti speċifiċi għas-sorveljanza ta' wara t-tqegħid fis-suq. Hija vverifikat ukoll ir-rapport dwar il-metodu ta' analiżi tal-addittiv fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni ta' Bacillus licheniformis DSM 28710 turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant jenħtieġ li l-użu ta' din il-preparazzjoni jiġi awtorizzat kif speċifikat fl-Annessi ta' dan ir-Regolament.

(6)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/30

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' preparazzjoni tas-Saccharomyces cerevisiae CNCM I-1079. Mal-applikazzjoni nhemżu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni tas-Saccharomyces cerevisiae CNCM I-1079 bħala addittiv tal-għalf għat-tiġieġ tas-simna u għal speċijiet minuri ta' tjur imrobbija għas-simna, li għandu jiġi klassifikat fil-kategorija tal-addittivi “addittivi żootekniċi”.

(4)

Fl-opinjoni tagħha tas-6 ta' Diċembru 2016 (2) l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-preparazzjoni tas-Saccharomyces cerevisiae CNCM I-1079 ma għandhiex effett ħażin fuq is-saħħa tal-annimali, is-saħħa tal-bnedmin jew fuq l-ambjent, u meta tintuża fl-għalf tat-tjur, din hi effikaċja biex tnaqqas il-kontaminazzjoni tal-karkassi bis-Salmonella spp. L-Awtorità ma jidhrilhiex li hemm bżonn rekwiżiti speċifiċi għal monitoraġġ wara l-introduzzjoni fis-suq. Din ivverifikat ukoll ir-rapport dwar il-metodu tal-analiżi tal-addittiv fl-għalf, fl-għalf li ppreżenta l-Laboratorju ta' Referenza stabbilit mir-Regolament (KE) Nru 1831/2003.

(5)

Il-valutazzjoni tal-preparazzjoni tas-Saccharomyces cerevisiae CNCM I-1079 turi li ntlaħqu l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003. Għaldaqstant, l-użu ta' dik il-preparazzjoni jenħtieġ jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/33

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' preparat tal-endo-1,4-beta-ksilanażi (KE 3.2.1.8) prodotta mit-Trichoderma citrinoviride Bisset (IMI SD135). Ma' dik l-applikazzjoni ntbagħtu wkoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni ta' preparat tal-endo-1,4-beta-ksilanażi (KE 3.2.1.8) prodott mit-Trichoderma citrinoviride Bisset (IMI SD135) bħala addittiv tal-għalf għat-tiġieġ imrobbija għall-bajd u għall-ispeċijiet minuri ta' tjur imrobbija għall-bajd, biex tiġi kklassifikata fil-kategorija tal-addittivi “addittivi żootekniċi”.

(4)

Dak il-preparat kien diġà awtorizzat bħala addittiv tal-għalf għal għaxar snin bir-Regolament ta' Implimentazzjoni tal-Kummissjoni (UE) 2015/1043 (2) għat-tiġieġ għat-tismin, għad-dundjani għat-tismin, għat-tiġieġ li jbidu, speċijiet minuri tat-tjur għas-simna u l-bajd, għall-ħnienes miftuma u għall-ħnieżer għas-simna.

(5)

Fl-opinjonijiet tagħha tal-25 ta' Jannar 2017 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet tal-użu proposti, il-preparat tal-endo-1,4-beta-ksilanażi (KE 3.2.1.8) prodott mit-Trichoderma citrinoviride Bisset (IMI SD135) ma għandux effett avvers fuq saħħet l-annimali, saħħet il-bniedem jew l-ambjent. L-awtorità kkonkludiet li l-addittiv huwa kkunsidrat bħala effikaċi għat-tiġieġ imrobbija għall-bajd u għall-ispeċijiet minuri ta' tjur imrobbija għall-bajd. L-Awtorità tqis li ma hemmx bżonn ta' rekwiżiti speċifiċi għas-sorveljanza ta' wara t-tqegħid fis-suq. Hija vverifikat ukoll ir-rapport dwar il-metodu tal-analiżi tal-addittiv fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(6)

Il-valutazzjoni ta' preparat tal-endo-1,4-beta-ksilanażi (KE 3.2.1.8) prodott mit-Trichoderma citrinoviride Bisset (IMI SD135) turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dak il-preparat jiġi awtorizzat kif speċifikat fl-Anness ta' dan ir-Regolament.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/36

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' preparazzjoni ta' żewġ varjanti ta' Lactobacillus plantarum (KKP/593/p u KKP/788/p) u ta' Lactobacillus buchneri (KKP/907/p). Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni tal-preparazzjoni ta' Lactobacillus plantarum (KKP/593/p u KKP/788/p) u Lactobacillus buchneri (KKP/907/p) bħala addittiv fl-għalf għall-baqar u għan-nagħaġ li għandu jiġi kklassifikat fil-kategorija ta' addittivi “addittivi teknoloġiċi”.

(4)

Fl-opinjoni tagħha tal-4 ta' Diċembru 2013 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-preparazzjoni ta' Lactobacillus plantarum (KKP/593/p u KKP/788/p) u Lactobacillus buchneri (KKP/907/p) ma għandhiex effett avvers fuq saħħet l-annimali, saħħet il-bniedem jew fuq l-ambjent. L-Awtorità kkonkludiet ukoll li l-preparazzjoni kkonċernata għandha l-potenzjal li ttejjeb il-produzzjoni ta' għalf insilat magħmul minn materjal li jista' jiġi pproċessat f'materjal għall-ħżin f'silos b'mod faċli, b'mod moderatament diffiċli u b'mod diffiċli. L-Awtorità tqis li ma hemmx bżonn ta' rekwiżiti speċifiċi għas-sorveljanza ta' wara t-tqegħid fis-suq. L-Awtorità vverifikat ukoll ir-rapport dwar il-metodu tal-analiżi tal-addittiv fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

L-evalwazzjoni tal-preparazzjoni ta' Lactobacillus plantarum (KKP/593/p u KKP/788/p) u Lactobacillus buchneri (KKP/907/p) turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' dik il-preparazzjoni għandu jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/39

(1)

Skont l-ewwel subparagrafu tal-Artikolu 4(2) tal-Att ta' Adeżjoni tal-2005, id-dispożizzjonijiet tal-acquis ta' Schengen minbarra dawk elenkati fl-Anness II għal dak l-Att, li għalihom il-Bulgarija u r-Rumanija jaderixxu fil-mument tal-adeżjoni, għandhom japplikaw fil-Bulgarija u Rumanija bis-saħħa ta' deċiżjoni tal-Kunsill għal dak l-effett wara verifika li l-kondizzjonijiet meħtieġa għall-applikazzjoni tal-partijiet kollha tal-acquis ta' Schengen ikunu ġew issodisfati.

(2)

Fid-9 ta' Ġunju 2011, il-Kunsill ikkonkluda, skont il-proċeduri ta' evalwazzjoni ta' Schengen applikabbli, li l-kondizzjonijiet fl-oqsma kollha tal-acquis ta' Schengen li jirrigwardaw il-Fruntieri tal-Ajru, il-Fruntieri tal-Art, il-Kooperazzjoni tal-Pulizija, il-Protezzjoni tad-Data, is-Sistema ta' Informazzjoni ta' Schengen, il-Fruntieri tal-Baħar u l-Viżi kienu ġew issodisfati mill-Bulgarija u r-Rumanija.

(3)

Ġie introdott reġim simplifikat għall-kontroll tal-persuni fuq il-fruntieri esterni f'konformità mad-Deċiżjoni Nru 565/2014/UE tal-Parlament Ewropew u tal-Kunsill (2). Dak ir-reġim huwa bbażat fuq ir-rikonoxximent unilaterali mill-Bulgarija, il-Kroazja, Ċipru u r-Rumanija ta' ċerti dokumenti, b'mod partikolari l-viżi ta' Schengen, bħala ekwivalenti għall-viżi nazzjonali tagħhom għat-transitu minn fuq it-territorji tagħhom jew permanenzi intiżi f'dawk it-territorji, li ma jaqbżux id-90 jum fi kwalunkwe perijodu ta' 180 jum.

(4)

Huwa xieraq li, sa mid-dħul fis-seħħ ta' din id-Deċiżjoni, il-Bulgarija u r-Rumanija jkollhom aċċess biex ikunu jistgħu jikkonsultaw, fil-modalità ta' qari biss, id-data tas-Sistema ta' Informazzjoni dwar il-Viża (VIS) mingħajr id-dritt li jdaħħlu, jemendaw jew iħassru d-data fil-VIS. Dan isir biex tiġi ffaċilitata l-proċedura ta' applikazzjoni għall-viża nazzjonali tagħhom għall-prevenzjoni tal-frodi u kwalunkwe abbuż ta' viżi ta' Schengen billi jiġu vverifikati l-validità u l-awtentiċità tagħhom abbażi tad-data maħżuna fil-VIS, biex jiġu ffaċilitati — fir-rigward ta' ċittadini ta' pajjiżi terzi li jkollhom viża ta' Schengen –kontrolli f'punti ta' qsim tal-fruntieri fil-fruntieri esterni u fit-territorju tal-Istati Membri, biex tiġi ffaċilitata d-determinazzjoni tal-Istat Membru responsabbli għall-applikazzjonijiet għal protezzjoni internazzjonali, biex jiġi ffaċilitat l-eżami ta' tali applikazzjonijiet, u biex jiżdied il-livell tas-sigurtà interna fit-territorju tal-Istati Membri billi tiġi ffaċilitata l-ġlieda kontra l-kriminalità serja u t-terroriżmu. L-aċċess għall-konsultazzjoni u l-użu tad-data tal-VIS għandu jgħin ukoll fl-identifikazzjoni ta' kwalunkwe persuna li jista' jkun ma tissodisfax, jew m'għadhiex tissodisfa, l-kondizzjonijiet għad-dħul, jew għall-permanenza, fit-territorju tal-Istati Membri kkonċernati.

(5)

Għaldaqstant, huwa tajjeb li tiġi adottata deċiżjoni li tapplika d-dispożizzjonijiet korrispondenti tal-VIS kif imsemmi fl-Anness, kif ukoll l-iżviluppi sussegwenti kollha ta' dawk id-dispożizzjonijiet. L-applikazzjoni ta' tali dispożizzjonijiet għandha tkun limitata għal dawk li jirrigwardaw l-aċċess għall-konsultazzjoni ta' data tal-VIS f'format ta' qari biss. Għalhekk, il-Bulgarija u r-Rumanija għandhom jiġu awtorizzati li jkollhom aċċess għad-data tal-VIS għall-konsultazzjoni u skont il-proċeduri u l-kondizzjonijiet speċifikati fid-dispożizzjonijiet applikati. L-Anness għandu jkun fih l-acquis rilevanti relatat mal-aċċess għall-konsultazzjoni ta' data tal-VIS. Madankollu, ir-Regolament (UE) Nru 1077/2011 tal-Parlament Ewropew u tal-Kunsill (3) u d-Deċiżjoni tal-Kunsill 2004/512/KE (4) u id-Deċiżjoni tal-Kummissjoni 2006/648/KE (5) diġà japplikaw għall-Bulgarija u r-Rumanija. Għaldaqstant, dawn mhumiex inklużi fl-Anness.

(6)

Ikun tajjeb ukoll li tiġi ffissata data li minnha għandhom jibdew japplikaw dawk id-dispożizzjonijiet tal-acquis ta' Schengen li jirrigwardaw il-VIS, kif stabbilit skont ir-Regolament (KE) Nru 767/2008 tal-Parlament Ewropew u tal-Kunsill (6) fir-rigward tal-Bulgarija u r-Rumanija. Dan għandu jsir hekk kif il-Bulgarija u r-Rumanija jkunu nnotifikaw lill-Kummissjoni li l-ittestjar komprensiv relatat kollu li għandu jsir minn eu-LISA jkun tlesta b'mod pożittiv.

(7)

It-tneħħija tal-kontrolli fil-fruntieri interni tal-Istati Membri kkonċernati u l-parteċipazzjoni sħiħa tagħhom fl-acquis ta' Schengen relatat mal-politika komuni dwar il-viżi għandhom jkunu soġġetti għal deċiżjoni separata tal-Kunsill adottata b'unanimità skont l-Artikolu 4(2) tal-Att ta' Adeżjoni tal-2005. Sal-adozzjoni ta' dik id-deċiżjoni, li ser tagħti effett lid-dispożizzjonijiet applikabbli fil-qasam tal-viżi għal soġġorn qasir minbarra dawk elenkati fl-Anness għal din id-Deċiżjoni fir-rigward tal-Bulgarija u r-Rumanija, u li jinkludu b'mod partikolari l-Kodiċi dwar il-Viżi (7) u d-dispożizzjonijiet adottati għall-fini tal-implimentazzjoni tiegħu, il-Bulgarija u r-Rumanija ma jistgħux joħorġu viżi ta' Schengen u għandhom ikomplu joħorġu viżi għal soġġorn qasir taħt il-liġi nazzjonali tagħhom. Sad-data ffissata f'dik id-Deċiżjoni, ir-restrizzjonijiet dwar l-użu tal-VIS li jirriżultaw minn din id-Deċiżjoni, b'mod partikolari dawk li jikkonċernaw id-dritt li tiġi introdotta data rilevanti, għandhom jinżammu.

(8)

Madankollu, ikun tajjeb li matul dak il-perijodu ta' transizzjoni, l-awtoritajiet kompetenti tal-viża tal-Bulgarija u r-Rumanija jingħataw aċċess għall-konsultazzjoni tad-data tal-VIS f'format ta' qari biss għall-finijiet tal-eżami ta' applikazzjonijiet għal viżi għal soġġorn qasir maħruġa minnhom taħt il-liġi nazzjonali tagħhom u d-deċiżjonijiet relatati ma' dawk l-applikazzjonijiet. Dan għandu jinkludi d-deċiżjoni jekk għandhiex tkun annullata, revokata, estiża jew imqassra l-validità tal-viża maħruġa skont id-dispożizzjonijiet nazzjonali rilevanti tagħhom.

(9)

Peress li l-verifika f'konformità mal-proċeduri applikabbli tal-evalwazzjoni ta' Schengen li jikkonċernaw il-Bulgarija u r-Rumanija diġà ġiet ikkompletata bis-saħħa tal-Artikolu 4(2) tal-Att tal-Adeżjoni tal-2005, il-verifika taħt l-Artikolu 1(1)(b) tar-Regolament tal-Kunsill (UE) Nru 1053/2013 (8) mhijiex ser issir fir-rigward ta' dawk l-Istati Membri. Wara l-adozzjoni ta' din id-Deċiżjoni, id-dispożizzjonijiet elenkati fl-Anness għandhom isiru effettivi biss wara li l-Bulgarija u/jew ir-Rumanija jkunu temmew pożittivament it-testijiet komprensivi mwettqa minn eu-LISA u wara li dawn ikunu ġew debitament notifikati lill-Kummissjoni. Barra minn hekk, ikun tajjeb li l-Bulgarija u r-Rumanija jistiednu esperti minn Stati Membri u mill-Kummissjoni biex iwettqu kontrolli tal-applikazzjoni ta' dawk id-dispożizzjonijiet.

(10)

Fir-rigward tal-Iżlanda u n-Norveġja, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta' dawn tal-aħħar mal-implimentazzjoni, l-applikazzjoni u l-iżvilupp tal-acquis  (9) ta' Schengen li jaqgħu fil-qasam imsemmi fil-punti B u G tal-Artikolu 1 tad-Deċiżjoni tal-Kunsill 1999/437/KE (10).

(11)

Fir-rigward tal-Iżvizzera, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen (11) li jaqgħu fil-qasam imsemmi fil-punti B u G tal-Artikolu 1 tad-Deċiżjoni 1999/437/KE flimkien mal-Artikolu 3 tad-Deċiżjoni tal-Kunsill 2008/146/KE (12).

(12)

Fir-rigward tal-Liechtenstein, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat ta' Liechtenstein dwar l-adeżjoni tal-Prinċipat ta' Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen (13) li jaqgħu fil-qasam imsemmi fil-punti B u G tal-Artikolu 1 tad-Deċiżjoni 1999/437/KE flimkien mal-Artikolu 3 tad-Deċiżjoni tal-Kunsill 2011/350/UE (14),

(a)

l-eżami ta' applikazzjonijiet għal viżi għal soġġorn qasir li jinħarġu mill-Bulgarija u mir-Rumanija taħt il-liġi nazzjonali tagħhom;

(b)

deċiżjoni dwar dawk l-applikazzjonijiet, inkluża d-deċiżjoni jekk għandhiex tkun annullata, revokata, estiża jew imqassra l-validità tal-viża maħruġa skont id-dispożizzjonijiet nazzjonali rilevanti tagħhom.

19.10.2017   

MT

Il-Ġurnal Uffiċjali tal-Unjoni Ewropea

L 269/44

(1)

Fis-27 ta' Mejju 2016, il-Kunsill adotta d-Deċiżjoni (PESK) 2016/849.

(2)

Fit-3 ta' Ottubru 2017, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 1718 (2006) tal-KSNU iddeżinja erba' bastimenti bis-saħħa tal-paragrafu 6 tar-Riżoluzzjoni 2375 (2017) tal-KSNU.

(3)

Għalhekk jenħtieġ li l-Anness IV għad-Deċiżjoni (PESK) 2016/849 jiġi emendat skont dan,

19.10.2017   

MT

Il-Ġurnal Uffiċjali tal-Unjoni Ewropea

L 269/46

(1)

Id-Direttiva 91/68/KEE tiddefinixxi l-kundizzjonijiet tas-saħħa tal-annimali li jirregolaw il-kummerċ tan-nagħaġ u tal-mogħoż fl-Unjoni. Din tistabbilixxi l-kundizzjonijiet li permezz tagħhom l-Istati Membri jew ir-reġjuni tagħhom jistgħu jitqiesu uffiċjalment ħielsa mill-bruċellożi (Brucella melitensis).

(2)

Id-Deċiżjoni tal-Kummissjoni 93/52/KEE (4) tistipula li r-reġjuni tal-Istati Membri msemmija fl-Anness II tagħha huma meqjusin uffiċjalment ħielsa mill-bruċellożi (B. melitensis) skont il-kundizzjonijiet stabbiliti fid-Direttiva 91/68/KEE.

(3)

Spanja ressqet dokumentazzjoni quddiem il-Kummissjoni li tixhed il-konformità tal-Komunitajiet Awtonomi ta' La Rioja u ta' Valenzja u tal-Provinċji ta' Albacete, Cuenca u Guadalajara tal-Komunità Awtonoma ta' Kastilja-La Mancha mal-kundizzjonijiet stabbiliti fid-Direttiva 91/68/KEE biex jitqiesu uffiċjalment ħielsa mill-bruċellożi (B. melitensis) fir-rigward tal-merħliet ovini u kaprini.

(4)

Wara l-evalwazzjoni tad-dokumentazzjoni mressqa minn Spanja, jenħtieġ li l-Komunitajiet Awtonomi ta' La Rioja u ta' Valenzja u tal-Provinċji ta' Albacete, Cuenca u Guadalajara tal-Komunità Awtonoma ta' Kastilja-La Mancha jitqiesu uffiċjalment ħielsa mill-bruċellożi (B. melitensis) fir-rigward tal-merħliet ovini u kaprini.

(5)

Għalhekk l-entrata għal Spanja fl-Anness II tad-Deċiżjoni 93/52/KEE jenħtieġ li tiġi emendata skont dan.

(6)

Id-Direttiva 64/432/KEE tapplika għall-kummerċ tal-annimali bovini u suwini fl-Unjoni. Din tistabbilixxi l-kundizzjonijiet li permezz tagħhom Stat Membru jew reġjun tiegħu jista' jiġi ddikjarat uffiċjalment ħieles mill-bruċellożi jew uffiċjalment ħieles mil-lewkożi enzootika bovina fir-rigward tal-merħliet bovini.

(7)

Id-Deċiżjoni 2003/467/KE (5) tistipula li l-Istati Membri u r-reġjuni tagħhom li huma elenkati rispettivament fil-Kapitoli 1 u 2 tal-Anness II tagħha jiġu ddikjarati uffiċjalment ħielsa mill-brużellożi fir-rigward tal-merħliet bovini. Id-Deċiżjoni 2003/467/KE tistipula wkoll li l-Istati Membri u r-reġjuni tagħhom li huma elenkati rispettivament fil-Kapitoli 1 u 2 tal-Anness III tagħha jiġu ddikjarati uffiċjalment ħielsa mil-lewkożi enzootika bovina fir-rigward tal-merħliet bovini.

(8)

Ċipru ressaq dokumentazzjoni quddiem il-Kummissjoni li tixhed il-konformità tat-territorju kollu tiegħu mal-kundizzjonijiet stabbiliti fid-Direttiva 64/432/KEE biex jiġi ddikjarat uffiċjalment ħieles mill-bruċellożi fir-rigward tal-merħliet bovini.

(9)

Wara l-evalwazzjoni tad-dokumentazzjoni mressqa minn Ċipru, jenħtieġ li dak l-Istat Membru jitqies uffiċjalment ħieles mill-bruċellożi fir-rigward tal-merħliet bovini u elenkat kif xieraq fil-Kapitolu 1 tal-Anness II tad-Deċiżjoni 2003/467/KE.

(10)

Spanja ressqet dokumentazzjoni quddiem il-Kummissjoni li tixhed il-konformità tal-Komunitajiet Awtonomi tal-Katalonja, ta' Kastilja-La Mancha u tal-Galicja u tal-Provinċja ta' Zamora tal-Komunità Awtonoma ta' Kastilja u León, mal-kundizzjonijiet stabbiliti fid-Direttiva 64/432/KEE biex jiġu ddikjarati uffiċjalment ħielsa mill-bruċellożi fir-rigward tal-merħliet bovini.

(11)

Wara l-evalwazzjoni tad-dokumentazzjoni mressqa minn Spanja, jenħtieġ li l-Komunitajiet Awtonomi tal-Katalonja, ta' Kastilja-La Mancha u tal-Galicja u tal-Provinċja ta' Zamora tal-Komunità Awtonoma ta' Kastilja u León jiġu ddikjarati reġjuni uffiċjalment ħielsa mill-bruċellożi fir-rigward tal-merħliet bovini u elenkati kif xieraq fil-Kapitolu 2 tal-Anness II tad-Deċiżjoni 2003/467/KE.

(12)

Attwalment ċerti reġjuni tal-Italja huma elenkati fil-Kapitolu 2 tal-Anness III tad-Deċiżjoni 2003/467/KE reġjuni uffiċjalment ħielsa mil-lewkożi enzootika bovina. L-Italja issa resqet dokumentazzjoni quddiem il-Kummissjoni li tixhed il-konformità tat-territorju kollu tagħha mal-kundizzjonijiet stabbiliti fid-Direttiva 64/432/KEE biex tiġi ddikjarata uffiċjalment ħielsa mil-lewkożi enzootika bovina fir-rigward tal-merħliet bovini.

(13)

Wara l-evalwazzjoni tad-dokumentazzjoni mressqa mill-Italja, jenħtieġ li dak l-Istat Membru jiġi ddikjarat uffiċjalment ħieles mil-lewkożi enzootika bovina fir-rigward tal-merħliet bovini, jiġi elenkat kif xieraq fil-Kapitolu 1 tal-Anness III tad-Deċiżjoni 2003/467/KE u jitħassru r-referenzi għal ċerti reġjuni ta' dak l-Istat Membru fil-Kapitolu 2 tal-Anness.

(14)

Għalhekk, jenħtieġ li l-Annessi II u III tad-Deċiżjoni 2003/467/KE jiġu emendati skont dan.

(15)

Id-Deċiżjoni tal-Kummissjoni 2005/779/KE (6) ġiet adottata wara tifqigħat tal-marda vexxikulari tal-ħnieżer fl-Italja. Din tistipula regoli dwar is-saħħa tal-annimali rigward il-marda vexxikulari tal-ħnieżer għar-reġjuni ta' dak l-Istat Membru li huma meqjusin ħielsa mill-marda vexxikulari tal-ħnieżer u li huma elenkati fl-Anness I ta' dik id-Deċiżjoni, u anke għar-reġjuni ta' dak l-Istat Membru li mhumiex meqjusin ħielsa minn dik il-marda u li huma elenkati fl-Anness II ta' dik id-Deċiżjoni.

(16)

Għal diversi snin fl-Italja ġie implimentat programm għall-eradikazzjoni u l-monitoraġġ tal-marda vexxikulari tal-ħnieżer bil-għan li r-reġjuni kollha ta' dak l-Istat Membru jiksbu l-istat ta' ħielsa mill-marda vexxikulari tal-ħnieżer. L-Italja ressqet informazzjoni ġdida quddiem il-Kummissjoni fir-rigward tal-istat ta' ħelsien mill-marda vexxikulari tal-ħnieżer fir-reġjun tal-Campania, li turi li din il-marda nqerdet minn dak ir-reġjun.

(17)

Wara l-eżami tal-informazzjoni mressqa mill-Italja, jenħtieġ li r-reġjun tal-Campania jitqies ħieles mill-marda vexxikulari tal-ħnieżer u li dak ir-reġjun jitħassar mil-lista fl-Anness II tad-Deċiżjoni 2005/779/KE u minflok jiġi elenkat fl-Anness I ta' dik id-Deċiżjoni.

(18)

Għalhekk, jenħtieġ li l-Annessi I u II tad-Deċiżjoni 2005/779/KE jiġu emendati skont dan.

(19)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

19.10.2017   

MT

Il-Ġurnal Uffiċjali tal-Unjoni Ewropea

L 269/53

(1)

Permezz ta' email bid-data tat-2 ta' April 2014, Gámaþjónustan hf. (“min qed jilmenta”) ippreżentat ilment quddiem l-Awtorità dwar allegata għajnuna illegali mill-istat mogħtija mill-Belt ta' Reykjavík (“il-Belt”) permezz tal-kiri ta' proprjetà u art fiż-żona ta' Gufunes f'Reykjavík, l-Iżlanda, lil Íslenska Gámafélagið (“ÍG”), allegatament anqas mill-prezz tas-suq (2).

(2)

Wara eżami preliminari, fit-30 ta' Ġunju 2015, l-Awtorità adottat id-Deċiżjoni Nru 261/15/COL biex tinbeda investigazzjoni formali fl-allegata għajnuna. Permezz ta' ittra bid-data tal-1 ta' Ottubru 2015, (3) l-awtoritajiet Iżlandiżi wieġbu d-deċiżjoni tal-Awtorità.

(3)

Fl-24 ta' Settembru 2015, id-Deċiżjoni tal-Awtorità biex tinbeda l-proċedura ta' investigazzjoni formali ġiet ippubblikata f'Il-Ġurnal Uffiċjali tal-Unjoni Ewropea u fis-Suppliment taż-ŻEE tiegħu, u l-partijiet interessati ngħataw xahar biex jikkummentaw dwar il-fehmiet preliminari tal-Awtorità (4).

(4)

Wara li rċeviet estensjoni ta' ġimgħa, ÍG ippreżentat kummenti permezz ta' ittra bid-data tad-29 ta' Ottubru 2015 (5). L-Awtorità ma rċeviet l-ebda kumment ieħor. Wara li skada ż-żmien ta' xahar biex jiġu ppreżentati l-kummenti, l-Awtorità rċeviet informazzjoni dwar is-suq minn min qed jilmenta permezz ta' ittra bid-data tal-25 ta' Novembru 2015 (6). Permezz ta' ittra bid-data tas-26 ta' Novembru 2015, (7) l-Awtorità bagħtet il-kummenti u l-informazzjoni dwar is-suq lill-awtoritajiet Iżlandiżi li ngħataw l-opportunità li jirrispondu. L-awtoritajiet Iżlandiżi rrispondew b'ittra bid-data tal-5 ta' Jannar 2016 (8). Il-kwistjoni ġiet diskussa wkoll bejn rappreżentanti tal-awtoritajiet Iżlandiżi u l-Awtorità f'laqgħa f'Reykjavík fit-12 ta' Frar 2016.

(5)

Finalment, l-Awtorità rċeviet informazzjoni addizzjonali dwar l-iżviluppi fiż-żona ta' Gufunes minn min qed jilmenta permezz ta' bosta emails bid-data tal-21 ta' Mejju 2016, (9) tas-27 ta' Mejju 2016 (10) u l-15 ta' Diċembru 2016 (11).

(6)

Iż-żona ta' Gufunes tinsab fid-distrett ta' Grafarvogur f'Reykjavík, l-Iżlanda. Sas-sena 2001, il-fabbrika tal-fertilizzant, Áburðarverksmiðjan, kienet qiegħda topera fiż-żona. Fl-2002, il-fond tal-ippjanar ta' Reykjavík (Skipulagssjóður Reykjavíkur, “SR”) xtara l-fabbrika u ż-żona tal-madwar mill-azzjonisti ta' Áburðarverksmiðjan (“il-ftehim ta' akkwist”). Skont l-awtoritajiet Iżlandiżi, f'dak iż-żmien il-pjan kien li jitneħħew il-bini u l-installazzjonijiet kollha miż-żona. Fl-2007, SR ġiet xolta u twaqqaf fond ġdid, Eignasjóður, biex jieħu f'idejh l-assi u l-kompiti ta' SR.

(7)

Skont il-Pjan Muniċipali ta' Tqassim f'Żoni 2001-2024 ta' Reykjavík, iż-żona ta' Gufunes hija maħsuba għal għanijiet residenzjali u mhux għal attivitajiet industrijali (12). Barra minn hekk, iż-żona hija maħsuba għall-bini tal-awtostrada Sundabraut, li tgħaqqad Laugarnes ma' Gufunes. Barra minn hekk, skont il-Pjan Muniċipali ta' Reykjavík għall-2010-2030, iż-żona industrijali ta' Gufunes sejra lura u fil-futur hija antiċipata żona urbana mħallta ta' unitajiet residenzjali u attivitajiet kummerċjali nodfa (13). L-ebda pjan ma jipprevedi li fil-futur l-attivitajiet industrijali se jkomplu jkunu fiż-żona.

(8)

Fi Frar 2002, meta SR xtrat l-art u l-proprjetajiet fiż-żona ta' Gufunes, iż-żona kienet okkupata minn għadd ta' kerrejja (primarjament minn kuntratturi u żviluppaturi). F'dak iż-żmien, ÍG kellha ftehim ta' kiri ma' Áburðarverksmiðjan, li ġie konkluż fid-29 ta' Ottubru 1999 (“il-Ftehim tal-1999”). Il-Ftehim tal-1999 stabbilixxa ħlas ta' kera fix-xahar ta' ISK 159 240, fuq il-bażi ta' prezz għal kull metru kwadru (14). ÍG użat l-art għan-negozju tagħha ta' ġestjoni tal-iskart. Skont il-ftehim ta' akkwist, SR ħadet f'idejha l-obbligi u d-drittijiet kollha minn Áburðarverksmiðjan dwar il-ftehimiet ta' kiri eżistenti, inkluż il-Ftehim tal-1999 ma' ÍG.

(9)

Skont il-Belt, iż-żona ta' Gufunes kienet b'mod kontinwu impenjattiva u diffiċli biex timmaniġġaha. Barra minn hekk, il-bini u l-installazzjonijiet kienu fi stat ħażin, xi kerrejja ma kinux qed iħallsu l-kera u kien hemm akkumulazzjoni ta' ruttam, bħal tifrik ta' karozzi. Għalhekk kien ċar għall-Belt li biex taqdi r-rwol tagħha bħala proprjetarju tal-art, kien se jkollha timpjega persunal biex jikkontrolla ż-żona bi nhar u bil-lejl.

(10)

Fid-dawl ta' din is-sitwazzjoni, ma kienx ikkunsidrat realistiku li ż-żona tingħata bħala offerta għal skopijiet ta' kiri. Għalhekk ġie deċiż li l-ftehimiet ta' kiri attwali ma jiġġeddux u minflok jiġi konkluż ftehim ma' parti waħda biss. Konsegwentament, SR iddeċidiet li tinnegozja t-termini dwar il-kiri, it-tindif u s-superviżjoni taż-żona ma' ÍG, li dak iż-żmien kienet l-akbar kerrejja unika, minbarra li kienet fil-ħin mal-pagamenti ta' kera tagħha (15). Li ġejja hija ħarsa ġenerali tal-ftehimiet konklużi bejn SR u ÍG:

(11)

Skont il-Belt, għalkemm id-daqs tal-art mikrija minn ÍG huwa ta' 130 000 m2, 110 000m2 biss jistgħu jintużaw għall-għanijiet tagħhom. Id-daqs totali rreġistrat tal-bini huwa ta' 24 722 m2. Skont ir-Reġistru tal-Proprjetà tal-Iżlanda, il-valur tal-art preċedentement proprjetà ta' Áburðarverksmiðjan huwa ta' ISK 211 000 000. Il-valur tal-art li ÍG tikri ma ġiex ivvalutat, iżda l-valur tal-art kollha li preċedentement kienet proprjetà ta' Áburðarverksmiðjan huwa stmat mill-Belt li jlaħħaq madwar ISK 137 000 000. Il-valur totali rreġistrat tal-bini mikri minn ÍG huwa ta' ISK 850 323 512 (22).

(12)

Skont l-Artikolu 4(2) tal-Att Iżlandiku dwar id-Dħul Muniċipali Nru 4/1995, is-sid tal-proprjetà għandu jħallas it-taxxa tal-proprjetà ħlief fejn huma involuti farms mikrija, lottijiet mikrja jew użu kuntrattwali ieħor ta' art, u li f'dan il-każ it-taxxa għandha titħallas mir-resident jew mill-utent. L-art, il-bini u l-installazzjonijiet inkwistjoni huma fuq żona definita tal-port li tappartjeni lil Faxaflóahafnir sf. u hija mikrija lill-Belt. Għalhekk, il-Belt tħallas it-taxxa tal-proprjetà fuq l-art mikrija u l-proprjetajiet mikrija lil ÍG.

(13)

Għalkemm l-ebda ftehim ma jinkludi informazzjoni dwar il-valur tas-servizzi pprovduti minn ÍG, il-Belt ipprovdiet tabella li tistabbilixxi stima tal-ispejjeż ta' ÍG stipulati fil-Ftehim Ġenerali tal-Kiri tal-2005 u f'emendi sussegwenti (minn issa 'l quddiem imsejħa kollettivament bħala “ftehimiet tal-kiri”) miż-żmien meta l-Ftehim Ġenerali tal-Kiri tal-2005 ġie konkluż u sal-aħħar tal-perjodu ta' kiri fl-2018 (23). L-istima saret mill-analisti espertital-Belt. Barra minn hekk, l-informazzjoni pprovduta fiha l-ispiża kemm tal-proġetti ta' twaqqigħ lesti kif ukoll ta' dawk mhux lesti. Skont l-informazzjoni pprovduta, l-ispiża medja fix-xahar imġarrba minn ÍG hija ta' ISK 10 815 624, inkluż il-ħlas tal-kera. Għalhekk, il-kera fix-xahar hija madwar 25 % tal-ispiża totali fix-xahar ta' ÍG.

(14)

Meta l-ftehim tal-kiri bid-data tat-22 ta' Frar 2005 ġie konkluż, SR ma imponiet l-ebda obbligazzjoni fuq ÍG. L-obbligazzjonijiet ta' ÍG ġew introdotti mal-Ftehim Ġenerali tal-Kiri tal-2005 tal-14 ta' Ottubru 2005 u ddeterminati fid-dawl tat-twaqqigħ propost u spejjeż stmati ta' tindif, rimi u superviżjoni taż-żona. L-obbligazzjonijiet ta' tindif u rimi ġew ikkunsidrati estensivi fid-dawl tal-kundizzjoni taż-żona. Hawn taħt hawn evalwazzjoni tal-ispejjeż tal-ÍG f'konformità mal-obbligazzjonijiet tagħhom stipulati fil-Ftehim Ġenerali tal-Kiri tal-2005 (24):

(15)

Fil-bidu tal-2014, il-Kunsill tal-Belt ta' Reykjavík qabel li jistabbilixxi kumitat ta' tmexxija biex jippreżenta viżjoni għaż-żona ta' Gunfues (25). Il-kumitat ippropona kompetizzjoni miftuħa ta' ideat dwar l-ippjanar għall-futur taż-żona ta' Gufunes. F'Ġunju 2015, f'laqgħa tal-Kunsill tal-Belt ta' Reykjavík, sar qbil fuq li jiġi ppubblikat reklamar li jħabbar kompetizzjoni fejn il-partijiet interessati ġew imħeġġa jippreżentaw ideat dwar l-organizzazzjoni futura taż-żona ta' Gufunes (26). Il-Belt rċeviet erba' ideat wara r-reklamar. Waħda mis-sottomissjonijiet ġiet minn RVK Studios, kumpanija ta' produzzjoni tal-films, li esprimiet l-interess tagħha li tixtri parti mill-bini fiż-żona ta' Gufunes bl-objettiv li tiġi stabbilita industrija tal-films fiż-żona. Il-bini li RVK Studios esprimiet interess f'li tixtri huwa xi proprjetajiet antiki ta' Áburðarverksmiðjan li nkrew lil ÍG permezz tal-ftehimiet ta' kiri.

(16)

Il-Belt u RVK Studios sussegwentement kellhom żewġ aġenti indipendenti tal-proprjetà immobbli biex jivvalutaw il-parti taż-żona ta' Gufunes inkwistjoni (27). F'laqgħa tal-Kunsill tal-Belt li saret fit-18 ta' Novembru 2015, il-Kunsill qabel li jassenja lill-Uffiċċju tal-Ġestjoni tal-Proprjetà u tal-Ekonomija biex jinbdew negozjati mal-Istudios RVK fuq il-bażi tal-evalwazzjonijiet (28). Barra minn hekk, il-Kunsill assenja l-Uffiċċju biex jinbdew negozjati ma' ÍG dwar evakwazzjoni u rilokazzjoni possibbli skont id-dispożizzjonijiet tal-Ftehim Ġenerali ta' Kiri tal-2005.

(17)

Fid-19 ta' Mejju 2016, il-Kunsill tal-Belt ta' Reykjavík qabel li jidħol fi ftehim ma' RVK Studios għall-akkwist ta' ċerti proprjetajiet fiż-żona ta' Gufunes (29). Sussegwentement, il-Belt ħabbret li ÍG se ċċaqlaq l-operazzjonijiet tagħha f'żona industrijali ġdida tal-Belt f'Esjumelar (30). Fl-20 ta' Mejju 2016, is-Sindku ta' Reykjavík u l-Uffiċjal Kap Eżekuttiv (CEO) ta' ÍG iffirmaw ftehimiet dwar it-terminazzjoni tal-ftehimiet ta' kiri u r-rilokazzjoni ta' ÍG, u taw bidu għall-bini ġdid ta' ÍG f'Esjumelar. Fis-27 ta' Mejju 2016, il-Belt iffirmat ftehim ma' RVK Studios dwar il-bejgħ ta' xi proprjetajiet antiki ta' Áburðarverksmiðjan (31). Id-daqs tal-proprjetajiet mibjugħin lil RVK Studios huwa ta' 8 400 m2 u l-prezz tax-xiri kien ta' ISK 301 650 000. Il-Belt tat ukoll lil RVK Studios għażla għax-xiri ta' żona li qiegħda fil-Lvant tal-bini, b'total ta' 19 200 m2. L-Istudios RVK se jħallsu ISK 1 000 għal kull m2 fis-sena għall-għażla.

(18)

Skont min qed jilmenta, il-Belt tat għajnuna illegali mill-istat lil ÍG permezz tal-kiri tal-proprjetà u l-art fiż-żona ta' Gufunes bi prezzijiet li huma taħt ir-rati tas-suq. Fl-ilment tiegħu lill-Awtorità, min qed jilmenta jiddikjara li għalkemm huwa diffiċli biex jiġi identifikat l-ammont eżatt ta' għajnuna, il-prezz huwa b'mod ċar bil-bosta anqas mill-prezz tas-suq raġonevoli. Billi ÍG mhux qed tħallas prezz tas-suq normali, il-kumpanija qed tgawdi minn vantaġġ kompetittiv. Barra minn hekk, skont min qed jilmenta, l-art f'Gufunes hija ta' interess għal ħafna kumpaniji li jeħtieġu art spazjuża għall-operazzjonijiet tagħhom, pereżempju ċentri tat-trasport u kumpaniji għall-ħżin.

(19)

Min qed jilmenta nnota li l-prezz tal-kera ġie stabbilit għal ISK 2 miljun fil-Ftehim Ġenerali tal-Kiri tal-2005, b'żidiet annwali skont l-indiċi tal-prezzijiet għall-konsumatur (it-taxxa tal-proprjetà, li mhijiex imħallsa minn ÍG, iżda mis-sid tal-proprjetà, jiġifieri, il-Belt, tammonta għal 41 % tal-ammont ta' kera fis-sena). Barra minn hekk, ÍG għandha ċerti obbligazzjonijiet ta' manutenzjoni, li huma kkunsidrati bħala parti mill-prezz tal-kera, għalkemm l-ispejjeż approssimati ta' dawk l-obbligazzjonijiet mhux se jinstabu fil-ftehimiet. Barra minn hekk, il-ftehimiet tal-kiri ma jipprojbixxux lil ÍG milli tissulloka l-art lil terzi persuni. Min qed jilmenta jisħaq li ma hemm l-ebda evalwazzjoni fil-ftehimiet tal-kiri dwar id-dħul possibbli mill-partijiet li qed jissullokaw partijiet mill-proprjetà, u jekk dan huwiex affettwat mill-prezz tal-kera.

(20)

Min qed jilmenta jinnota wkoll li mhuwiex ċar x'inhu l-prezz għal kull metru kwadru u kif ġie ddeterminat il-prezz tal-kera. Skont min qed jilmenta, il-prezz tas-suq għall-kiri tal-proprjetà jinħtieġ li jkun bejn ISK 12 miljun u ISK 41 miljun kull xahar, ibbażat fuq metodoloġiji tal-ipprezzar differenti rikonoxxuti. Min qed jilmenta jsostni li l-kiri tal-proprjetà lil ÍG bi prezz li huwa bil-bosta anqas mill-valur tas-suq imur kontra r-regoli taż-ŻEE dwar l-għajnuna mill-Istat.

(21)

Fid-Deċiżjoni Nru 261/15/COL, l-Awtorità vvalutat b'mod preliminari jekk il-ftehimiet konklużi bejn il-Belt u ÍG dwar il-kiri taż-żona ta' Gufunes jikkostitwixxux għajnuna mill-Istat fis-sens tal-Artikolu 61(1) tal-Ftehim dwar iż-ŻEE u, jekk iva, jekk l-għajnuna mill-Istat tistax tiġi kkunsidrata kompatibbli mal-funzjonament tal-Ftehim dwar iż-ŻEE.

(22)

Wara li vvalutat l-informazzjoni ppreżentata mill-awtoritajiet Iżlandiżi, l-Awtorità waslet għall-konklużjoni preliminari li ma jistax jiġi eskluż li l-ftehimiet bejn il-Belt u ÍG jikkostitwixxu għajnuna mill-Istat fis-sens tal-Artikolu 61(1) tal-Ftehim dwar iż-ŻEE. L-aspetti li ġejjin ġew identifikati fid-Deċiżjoni Nru 261/15/COL:

(23)

Skont l-Awtorità, kien hemm bżonn ta' aktar evidenza biex jiġi ddeterminat jekk it-termini tal-ftehimiet ta' kiri jistgħux jitqiesu bħala kompatibbli mal-funzjonament tal-Ftehim dwar iż-ŻEE.

(24)

Għaldaqstant, l-Awtorità kellha dubji dwar jekk il-ftehimiet tal-kiri bejn il-Belt u ÍG ikkostitwewx għajnuna mill-istat, u jekk iva, jekk dawn jistgħux jinstabu bħala kompatibbli mal-funzjonament tal-Ftehim dwar iż-ŻEE skont l-Artikolu 61(3)(c) tiegħu.

(25)

Skont il-Belt, il-ftehimiet ma' ÍG ma jinvolvux l-għajnuna mill-istat fis-sens tal-Artikolu 61(1) tal-Ftehim dwar iż-ŻEE, billi ÍG ma rċevietx vantaġġ.

(26)

Skont il-Belt, il-ftehimiet bid-data tat-22 ta' Frar 2005 u l-14 ta' Ottubru 2005 saru fuq bażi ta' kundizzjonijiet normali tas-suq, billi l-ħlas tal-kera kien ibbażat fuq il-ħlas tal-kera ddeterminat wara proċess miftuħ ta' reklamar lejn it-tmiem tas-sena 2003 u kien f'konformità mal-analiżijiet/stimi mwettqa mill-esperti tal-Belt

(27)

Il-Belt tirrifjuta li l-metodoloġiji li ppreżenta min qed jilmenta huma xierqa biex jiġi ddeterminat il-prezz tal-kera tas-suq. Minflok, il-Belt tqabbel il-kera ta' proprjetà oħra, jiġifieri, il-fabbrika antika tas-siment tal-Istat f'Sævarhöfði 31, li tinsab f'żona industrijali simili għal Gufunes.

(28)

Fl-2014, il-Belt xtrat il-proprjetà Sævarhöfði 31. Fl-2013, l-Akkwist Pubbliku Ċentrali (Ríkiskaup), f'isem l-Istat Iżlandiż, irreklama l-proprjetà għall-kiri. Meta l-Belt xtrat il-proprjetà, hija wegħdet li taċċetta l-ogħla offerta skont ir-reklamar. L-Akkwist Pubbliku Ċentrali rċieva erba' offerti, l-ogħla ISK 420 000 għal kull xahar, mingħajr ebda servizz speċjali jew obbligazzjoni stabbiliti għall-kerrej. L-evalwazzjoni tal-proprjetà tal-proprjetà f'Sævarhöfði 31 hija ta' ISK 293 028 000. Għalhekk, l-ogħla offerta tal-kiri bħala perċentwal tal-evalwazzjoni tal-proprjetà huwa ta' 0,147 %. B'paragun, il-prezz tal-kera skont il-Ftehim Ġenerali tal-Kiri tal-2005 ma' ÍG huwa ta' 0,320 % tal-evalwazzjoni tal-proprjetà ta' Gufunes. Il-Belt tenfasizza li l-prezz tal-kera ta' Sævarhöfði 31 instab wara proċedura miftuħa tar-reklamar u jirrifletti b'mod ġust il-valur tas-suq taż-żoni industrijali fil-Belt skont kundizzjonijiet normali tas-suq. Dan il-paragun juri li l-prezz tal-kera mħallas minn ÍG bl-ebda mod ma jista' jitqies anqas mill-valur tas-suq taż-żoni industrijali fil-Belt, speċjalment jekk wieħed iżomm f'moħħu li l-prezz tal-kera għal Sævarhöfði 31 ma kkunsidrax il-fatturi li affettwaw il-prezz tal-kera għaż-żona ta' Gufunes.

(29)

Skont il-Belt, il-fatt li partijiet oħra wara kienu interessati fiż-żona, huwa ta' ftit rilevanza meta tiġi vvalutata d-domanda għaż-żona fiż-żmien meta ġie konkluż il-Ftehim Ġenerali tal-Kiri tal-2005, jiġifieri f'Ottubru 2005. F'dak iż-żmien ma kienx ikkunsidrat realistiku li ż-żona tiġi offruta għal skopijiet ta' kiri. ÍG ħallset l-ispejjeż kollha għat-tindif taż-żona u biex il-bini jkun f'kundizzjonijiet xierqa. Barra minn hekk, partijiet oħra ma wrewx interess meta fl-2003 iż-żona ġiet reklamata għall-kiri. Għalhekk jeħtieġ jiġi preżunt li l-imgħax ta' inadempjenza huwa relatat mal-kundizzjoni taż-żona wara li ÍG ħadet f'idejha l-ġestjoni taż-żona.

(30)

Skont il-Belt, l-ogħla prezz mhuwiex biss l-uniku fattur li l-Awtorità jinħtieġ li tqis meta jiġi applikat it-test tal-operatur fl-ekonomija tas-suq. Minflok, il-mistoqsija rilevanti hija jekk l-operatur fl-ekonomija tas-suq ikunx daħal fi tranżazzjoni inkwistjoni taħt l-istess termini (32). Barra minn hekk, il-paragun bejn l-aġir ta' investituri pubbliċi u privati jrid isir b'referenza għall-attitudni li investitur privat kien ikollu fiż-żmien tat-tranżazzjoni inkwistjoni, wara li dak iż-żmien ikun ikkunsidra l-informazzjoni disponibbli u l-iżviluppi prevedibbli.

(31)

Meta l-ftehimiet ġew konklużi bejn il-Belt u ÍG, il-kundizzjonijiet tas-suq ma kinux normali billi ma nstabx suq attiv għall-proprjetà industrijali ta' dan it-tip u f'dik il-kundizzjoni. Għalhekk, skont il-Belt, il-kundizzjonijiet normali tas-suq iridu jiġu vvalutati mill-perspettiva oġġettiva u verifikabbli li eżistiet f'dak iż-żmien. B'referenza għal dak li ntqal hawn fuq, il-Belt tqis li din l-informazzjoni tinstab fid-dokumenti li Reykjavik ippreżentat f'dan il-każ. Barra minn hekk, jekk wieħed jista' juri l-kundizzjonijiet normali tas-suq għaż-żoni industrijali ta' dan it-tip, l-eżempju tal-prezz tal-kera miksub fis-sena 2014 għal dik li kienet fabbrika tas-siment tal-Istat f'Sævarhöfði 31 juri l-valur tas-suq għaż-żoni industrijali bħal Gufunes.

(32)

Skont il-Belt, l-obbligazzjonijiet imposti fuq ÍG mill-ftehimiet tal-kiri ma jistgħux jitqabblu mal-obbligizzjonijiet ikkontestati fil-każ ta' Haslemoen Leir  (33). L-obbligazzjoni tat-tnaqqis fil-prezz li ġie kkontestat f'dak il-każ kien jikkonċerna telf possibbli għal Haslemoen AS li ma jkunx jista' jikri ċertu bini. Madankollu, l-obbligazzjonijiet imposti fuq ÍG ikkonċernaw ix-xogħol ta' manutenzjoni u t-titjib fuq il-proprjetà, twaqqigħ, il-pajpijiet ta' rikonnessjoni għall-elettriku, ilma u sħana u bini ieħor fiż-żona. L-ispejjeż ta' dawn l-obbligazzjonijiet ġew stmati mill-analisti esperti tal-Belt abbażi tar-riżultati ta' offerti riċenti għal proġetti simili. Minkejja n-nuqqas ta' dokumentazzjoni li tappoġġa l-impatt ekonomiku preċiż tas-servizzi fdati lil ÍG u l-inċertezza tat-tqassim f'żoni, l-Awtorità għandha taċċetta li dawn l-obbligazzjonijiet kellhom l-effett li jnaqqsu l-prezz tal-kera. Skont il-Belt, ma jkunx raġonevoli li jiġi skartat l-impatt tal-obbligazzjonijiet, speċjalment minħabba li l-ispejjeż attwali li ÍG ħallset minħabba l-obbligazzjonijiet huma f'konformità mal-istima.

(33)

Skont il-Belt, hija aġixxiet bħala operatur tal-ekonomija tas-suq u qieset il-konsiderazzjonijiet tat-tqassim f'żoni meta kkonkludiet il-ftehimiet ta' kera ma' ÍG. Il-Belt inkludiet klawżoli ta' terminazzjoni onerużi u qosra ħafna biex tkun tista' titnaddaf iż-żona fi żmien qasir, jekk u meta l-Istat qabel li jibda l-bini tal-awtostrada ta' Sundabarut. SR kienet familjari ħafna mal-proprjetajiet u ż-żona, u kienet f'pożizzjoni tajba biex tagħmel valutazzjoni oġġettiva dwar jekk il-kundizzjoni taż-żona kinitx xierqa biżżejjed biex tkun tista' tinkera fis-suq. Investitur privat dejjem joqgħod attent għall-pjanijiet ta' tqassim f'żoni meta jkunu qed jittieħdu deċiżjonijiet dwar l-użu tal-plot u l-propertajiet.

(34)

Fid-dawl tal-kunsiderazzjonijiet ta' hawn fuq, il-Belt issostni li l-ftehimiet tal-kera ma' ÍG jikkonformaw mat-test tal-operatur fl-ekonomija tas-suq.

(35)

Skont ÍG, id-daqs kbir tal-art huwa ta' benefiċċju limitat ħafna għalihom bħala kerrejja u jagħmel l-obbligazzjonijiet tal-manutenzjoni u s-superviżjoni aktar iebsin u għaljin. Barra minn hekk, għalkemm il-bini huwa voluminuż f'metri kwadri dan huwa f'kundizzjoni ħażina ħafna. ÍG tenfasizza li l-bini nxtara biex jitwaqqa'. Kienet ippjanata demolizzjoni totali u kien previst li se jkun hemm żona residenzjali u awtostrada fil-post. Għalhekk, kwalunkwe kalkolu bbażat fuq metri kwadri jew id-daqs tal-art huwa irrilevanti għall-finijiet biex jiġi ddeterminat il-valur tal-kera tas-suq taż-żona.

(36)

Fl-2003, SR użat iż-żona u l-bini f'Gufunes biex tipprovdi ħażna għal bosta individwi u kumpaniji li ġew ordnati minn SR biex jevakwaw żoni oħra fil-Belt. Mil-lat loġistiku, dan l-arranġament malajr sar problematiku għal SR, u għalhekk SR offriet lil ÍG biex tikri ż-żona kollha bil-għan li ż-żona titnaddaf. Fil-bidu, ÍG ma aċċettatx li tieħu f'idejha l-kompitu billi ż-żona ppreżentat diversi problemi, bħal kerrejja diffiċli u ġbir ta' tifrik ta' karozzi u skart industrijali.

(37)

Għal dawn l-aħħar 10 snin ÍG nefqet ISK 16,5 miljun fuq medja kull xahar fil-manutenzjoni u spejjeż oħra li normalment kellhom jiġġarrbu mill-kerrej. Dawn l-ispejjeż jinħtieġ li jiġu kkunsidrati meta jiġi vvalutat il-valur tas-suq tal-kiri.

(38)

Skont ÍG, il-kundizzjonijiet tal-bini fiż-żona ta' Gufunes huma gravi, minkejja r-riżorsi li ntefqu fuq ir-rinovazzjonijiet. Kważi kull bini jnixxi u l-maġġoranza tas-soqfa tal-bini fihom ħsara u ma jintużawx. Barra minn hekk, kważi t-twieqi kollha minbarra fil-bini tal-uffiċċju huma bi ħsara u ma jintużawx, ħafna sulari tal-bini huma f'kundizzjonijiet ta' periklu u hemm toqob f'xi postijiet u t-taraġ li ma jissodisfawx il-kundizzjonijiet regolatorji. Barra minn hekk, il-maġġoranza ta' bini ma għandhomx ilma, tojlits u elettriku li ma jikkonformax mal-miżuri regolatorji.

(39)

Barra minn hekk, ÍG għal ħafna mill-perjodu ta' kera ħabbtet wiċċha mal-fatt li l-Belt setgħet titlob lura l-art fuq avviż qasir. Il-provvediment ta' terminazzjoni qasira ta' 18-il xahar u l-obbligu li parti mill-art tintradd lura fuq talba b'avviż ta' 12-il xahar biss, kien nuqqas fl-operat ta' negozju bħar-rimi tal-iskart, li jinvolvi makkinarju u tagħmir tqil.

(40)

Skont ÍG, l-imgħax ta' inadempjenza ta' min qed jilmenta illimita t-tifsira fil-valutazzjoni tad-domanda għaż-żona meta l-Ftehim Ġenerali tal-Kiri tal-2005 ġie konkluż. Is-sitwazzjoni fl-2005 kienet tali li f'dak iż-żmien ma kienx meqjus realistiku li wieħed joffri ż-żona għal skopijiet ta' kiri. Minn dak iż-żmien, ÍG nefqet riżorsi konsiderevoli biex tirristawra, tnaddaf u żżomm iż-żona. Għalhekk għandu jiġi preżunt li l-imgħax ta' inadempjenza huwa relatat mal-kundizzjoni taż-żona wara li ÍG ħadet f'idejha l-ġestjoni taż-żona.

(41)

Finalment, ÍG ippreżentat valutazzjoni tal-kiri indipendenti, datata l-15 ta' Ottubru 2015, minn Reykjavík Fasteignasala (34). Il-valutazzjoni tal-kiri tipprovdi stima tal-valur tal-Ftehim Ġenerali tal-Kiri tal-2005 f'Ottubru 2005 fuq il-bażi tal-valur u l-kundizzjoni tal-proprjetajiet individwali. Il-konklużjoni tal-istimatur hija li l-valur tal-kiri totali fix-xahar tal-proprjetajiet u ż-żona huwa ta' ISK 1 870 000.

(42)

L-Artikolu 61(1) tal-Ftehim dwar iż-ŻEE huwa kif ġej:

“Sakemm ma jkunx stipulat mod ieħor f'dan il-Ftehim, kull għajnuna mogħtija mill-Istati Membri tal-KE, l-Istati tal-EFTA jew permezz ta' riżorsi tal-Istat fi kwalunkwe forma li twassal biex ixxekkel jew thedded li xxekkel il-kompetizzjoni billi tiffavorixxi ċerti impriżi jew il-produzzjoni ta' ċerti prodotti, safejn tolqot il-kummerċ bejn il-Partijiet Kontraenti, tkun inkompatibbli mal-funzjonament ta' dan il-Ftehim.”

(43)

Dan jimplika li miżura tikkostitwixxi għajnuna mill-Istat skont it-tifsira tal-Artikolu 61(1) tal-Ftehim dwar iż-ŻEE jekk il-kundizzjonijiet li ġejjin ikunu ssodisfati kumulattivament: il-miżura: (i) tingħata mill-Istat jew permezz ta' riżorsi tal-istat; (ii) tagħti vantaġġ ekonomiku selettiv lill-benefiċjarju; (iii) tista' taffettwa l-kummerċ bejn il-Partijiet Kontraenti u responsabbli li toħloq distorsjoni tal-kompetizzjoni.

(44)

F'dan li ġej, l-Awtorità tistabbilixxi r-raġunament tagħha għaliex waslet għall-konklużjoni li l-ftehimiet tal-kiri ma jipprovdux lil ÍG b'vantaġġ fit-tifsira tal-Artikolu 61(1) tal-Ftehim dwar iż-ŻEE.

(45)

Vantaġġ, fit-tifsira tal-Artikolu 61(1) tal-Ftehim dwar iż-ŻEE, huwa kull benefiċċju ekonomiku li impriża ma kinitx tikseb taħt kundizzjonijiet normali tas-suq, jiġifieri fin-nuqqas ta' intervent mill-Istat, u b'hekk titqiegħed f'pożizzjoni iżjed favorevoli mill-kompetituri tagħha (35). Jekk it-tranżazzjoni tkun saret skont termini favorevoli, fis-sens li ÍG kienet qiegħda tħallas il-kiri taħt il-prezz tas-suq, il-kumpanija tkun qed tirċievi vantaġġ fis-sens tar-regoli dwar l-għajnuna mill-Istat.

(46)

Biex tiġi eżaminata din il-kwistjoni, l-Awtorità tapplika t-test tal-“operatur tal-ekonomija tas-suq” (“MEO”) fejn l-imġiba tal-istati jew tal-awtoritajiet pubbliċi meta jbigħu jew jikru assi hija mqabbla ma' dik tal-operaturi ekonomiċi privati (36).

(47)

L-għan tat-test MEO huwa li jiġi vvalutat jekk l-Istat tax vantaġġ lil impriża billi ma aġixxiex bħala operatur privat tal-ekonomija tas-suq fir-rigward ta' ċerta tranżazzjoni, pereżempju, il-bejgħ jew il-kiri ta' assi (37). L-awtorità pubblika ma għandhiex tqis l-objettivi tal-politika pubblika u minflok għandha tiffoka fuq l-għan uniku li tikseb rata ta' redditu jew profitt tas-suq fuq l-investimenti tagħha u prezz tas-suq għall-bejgħ jew il-kiri tal-assi (38). Madankollu, l-Awtorità tinnota li din il-valutazzjoni normalment trid tqis kwalunkwe dritt jew obbligazzjoni speċjali marbuta mal-assi kkonċernat, b'mod partikolari dawk li jistgħu jaffettwaw il-prezz tas-suq.

(48)

Konformità mal-kundizzjonijiet tas-suq, u jekk il-prezz miftiehem fi tranżazzjoni jikkorrispondix għall-prezz tas-suq, tista' tiġi stabbilita permezz ta' ċerti prokuri. L-organizzazzjoni ta' proċedura ta' preżentazzjoni ta' offerti miftuħa, trasparenti u mhux kundizzjonali hija ġeneralment mezz xieraq kif jiġi żgurat li l-bejgħ jew il-kiri tal-assi mill-awtoritajiet nazzjonali jkunu konsistenti mat-test MEO tal-bejjiegħ privat u li jitħallas valur tas-suq ġust għall-prodotti u s-servizzi inkwistjoni. Madankollu, dan ma jfissirx awtomatikament li n-nuqqas ta' proċedura ta' preżentazzjoni ta' offerti xierqa jew difett possibbli fi proċedura bħal din jiġġustifika preżunzjoni tal-għajnuna mill-Istat. L-Awtorità tista' tiddependi wkoll fuq prokuri oħra, inklużi valutazzjonijiet esperti.

(49)

Fid-dawl tal-kunsiderazzjoni ta' hawn fuq, l-Awtorità l-ewwel trid teżamina jekk il-Belt organizzatx proċedura tal-offerti, adatta u xierqa biex jiġi stabbilit prezz tas-suq (39). Madankollu, f'dan il-każ ġie kkonfermat li ma nbdiet l-ebda sejħa għall-offerti pubblika rigward iż-żona inkwistjoni. Barra minn hekk, ma saritx valutazzjoni indipendenti bil-quddiem tal-Ftehim Ġenerali tal-Kiri tal-2005.

(50)

Madankollu, il-Belt enfasizzat li l-bosta ftehimiet ta' kiri eżistenti fiż-żona, li ġew konklużi wara reklamar miftuħ fil-midja Iżlandiża fl-2003, ġew ikkunsidrati meta ġie ddeterminat il-kiri fil-Ftehim Ġenerali tal-Kiri tal-2005 ma' ÍG. Madankollu, l-Awtorità tqis li dan ir-reklamar sempliċiment kien sejħa għal interess u ma jikkostitwixxix proċedura ta' offerti miftuħa u kompetittiva. Barra minn hekk, dan ma jirrigwardax iż-żona fl-intier tagħha, offruta għall-kiri lil kerrej wieħed, iżda pjuttost proprjetajiet individwali f'dik iż-żona.

(51)

Għalhekk l-Awtorità tikkonkludi li din il-proċedura ta' reklamar ma tissodisfax ir-rekwiżiti tat-test MEO. Għaldaqstant, din il-proċedura ma tistax tipprovdi prokura kredibbli għall-istabbiliment tal-prezz tas-suq għad-dritt ta' kirja inkwistjoni.

(52)

Kif ġie ddikjarat hawn fuq, in-nuqqas ta' proċess ta' sejħa għall-offerti suffiċjenti ma jeskludix il-possibbiltà li l-Awtorità tapplika t-test MEO. Madankollu, l-Awtorità jeħtieġ li teżamina s-sustanza tat-tranżazzjoni inkwistjoni, u b'mod partikolari tqabbel il-prezz miftiehem mal-prezz tas-suq. Għal dan l-iskop, l-Awtorità normalment tirreferi għal studju ta' valwazzjoni esperta indipendenti bħala indikatur għall-prezz tas-suq. Idealment tali studju għandu jitħejja fiż-żmien tat-tranżazzjoni. Madankollu, l-Awtorità tista' tiddependi wkoll fuq studju ta' evalwazzjoni ex post fil-valutazzjoni tagħha (40).

(53)

Il-Belt iddikjarat li hemm bosta kwistjonijiet li jaffettwaw il-prezz tal-kera tas-suq għaż-żona ta' Gufunes. L-ewwel nett, il-bini u l-installazzjonijiet kienu fi stat ħażin, xi kerrejja ma kinux qed iħallsu l-kera u kien hemm akkumulazzjoni ta' ruttam li kellu bżonn jitnaddaf. It-tieni nett, kien hemm inċertezza kbira fuq il-pjanijiet ta' tqassimf'żoni għaż-żona ta' Gufunes. L-attività industrijali qed tirtira fiż-żona skont Pjanijiet Muniċipali preċedenti u attwali u għaldaqstant il-Belt ma tistax tikkonkludi ftehim ta' kiri fuq perjodu twil għall-proprjetà. It-tielet, ÍG għandha l-obbligu li tirritorna l-parti tal-art fuq talba b'avviż ta' 12-il xahar u l-perjodu ta' avviż għaż-żona kollha, inkluż il-bini, kien wieħed qasir ta' 18-il xahar.

(54)

Kif ġie nnutat qabel, il-Belt kellha żewġ aġenti indipendenti ta' proprjetà immobbli jivvalutaw il-valur tal-proprjetajiet u d-drittijiet tal-kirja meta dawn wettqu n-negozjati tagħhom ma' RVK Studios għall-bejgħ tal-bini fiż-żona ta' Gufunes. Għalkemm dawn il-valutazzjonijiet indipendenti ma jikkonċernawx direttament il-prezz tal-kera tas-suq għall-proprjetajiet, huma jikkonfermaw l-istat ħażin tal-proprjetajiet u l-valur tas-suq tagħhom. Iż-żewġ stimaturi indipendenti jenfasizzaw li l-bini jnixxi, huwa iżolat b'mod insuffiċjenti, fih skart industrijali konsiderevoli miż-żmien meta l-art kienet okkupata minn kumpanija tal-fertilizzant, u ġeneralment fi stat delapidat. Barra minn hekk, uħud mill-bini fihom l-asbestos, u ieħor jeħtieġ li jitwaqqa'.

(55)

Kif innutat preċedentement, il-Belt ipprovdiet ukoll paragun ma' proprjetà industrijali simili li tinsab f'Sævarhöfði 31. Il-proprjetà ġiet reklamata għall-kiri mill-Akkwist Pubbliku Ċentrali u ġiet aċċettata l-ogħla fost erba' offerti, li tiswa ISK 420 000 kull xahar. Dan il-ftehim ta' kiri ma inkludiex xi servizzi jew obbligazzjonijiet speċjali li għandhom jitwettqu mill-kerrej. L-ogħla offerta ta' kiri bħala perċentwal tal-evalwazzjoni tal-proprjetà kien ta' 0,147 % filwaqt li l-prezz tal-kiri skont il-Ftehim Ġenerali tal-Kiri tal-2005 ma' ÍG kien ta' 0,320 % tal-evalwazzjoni tal-proprjetà taż-żona ta' Gufunes.

(56)

Barra minn hekk, 101 Reykjavík Fasteignasala għamlet evalwazzjoni indipendenti tal-Ftehim Ġenerali ta' Kiri tal-2005 (41). L-evalwazzjon hija bid-data tal-15 ta' Ottubru 2015. Din hija bbażata fuq il-valur u l-istat tal-proprjetajiet individwali, li ġew ivvalutati u skrutinizzati individwalment. L-evalwazzjoni tħares lejn il-kundizzjonijiet tal-proprjetajiet u ż-żona fiż-żmien meta fl-2005 ġie konkluż il-Ftehim Ġenerali tal-Kiri kif ukoll il-kundizzjonijiet tas-suq prevalenti ta' dak iż-żmien. Il-konklużjoni tal-istimatur hija li l-valur tal-kera totali fix-xahar tal-proprjetajiet kien ta' ISK 1 870 000 f'Ottubru 2005. Madankollu, skont il-Ftehim Ġenerali tal-Kiri tal-2005, il-ħlas tal-kera fix-xahar għal ÍG kien ta' ISK 2 000 000, filwaqt li jiġi kkalkolat mill-ġdid kull xahar skont l-indiċi tal-prezzijiet għall-konsumatur (42). Il-ħlas imħallas fix-xahar minn ÍG għalhekk huwa ogħla mill-prezz tal-kera tas-suq skont l-evalwazzjoni tal-esperti.

(57)

Wara li kkunsidrat dak kollu li ntqal hawn fuq, l-Awtorità tqis li l-Ftehim Ġenerali tal-Kiri tall-2005 ma ddaħħalx taħt il-prezz tas-suq.

(58)

Finalment, l-Awtorità tinnota li la l-paragun mal-proprjetà li tinsab f'Sævarhöfði 31 u lanqas il-valutazzjoni ppreparata minn 101 Reykjavík Fasteignasala ma jqisu l-obbligazzjonijiet speċjali li hemm fil-ftehimiet tal-kiri, b'mod partikolari l-perjodu qasir ta' avviż (li issa ġie evokat) u l-bosta obbligazzjonijiet ta' manutenzjoni. L-impatt finanzjarju ta' dawn l-obbligazzjonijiet fuq il-prezz tal-kera huma diffiċli biex jiġu kwantifiki. Madankollu, b'mod inerenti huma jiffavorixxu l-Belt b'detriment għal ÍG, filwaqt li jikkonsolidaw aktar il-konklużjoni tal-Awtorità li l-Ftehim Ġenerali tal-Kiri tal-2005 ġie konkluż fuq termini tas-suq.

(59)

Fid-dawl ta' dak li ntqal hawn fuq, l-Awtorità tikkonkludi li ÍG ma rċeviet ebda vantaġġ ekonomiku mill-ftehimiet tal-kiri.

(60)

Fuq il-bażi tal-valutazzjoni ta' hawn fuq, l-Awtorità tqis li l-ftehimiet tal-kiri konklużi bejn il-Belt u ÍG dwar il-kiri taż-żona ta' Gufunes ma jinvolvux għajnuna mill-Istat fis-sens tal-Artikolu 61(1) tal-Ftehim dwar iż-ŻEE.