15.3.2013   

MT

Il-Ġurnal Uffiċjali tal-Unjoni Ewropea

L 72/1

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

F’konformità mal-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni tal-Ġermanja għar-reġistrazzjoni tad-denominazzjoni “Spargel aus Franken” jew “Fränkischer Spargel” jew “Franken-Spargel”, ġiet ippubblikata f’Il-Ġurnal Uffiċjali tal-Unjoni Ewropea  (3).

(3)

Ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha għalhekk tiġi rreġistrata,

15.3.2013   

MT

Il-Ġurnal Uffiċjali tal-Unjoni Ewropea

L 72/3

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

F’konformità mal-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni tal-Italja għar-reġistrazzjoni tad-denominazzjoni “Mela Rossa Cuneo” ġiet ippubblikata f’Il-Ġurnal Uffiċjali tal-Unjoni Ewropea  (3).

(3)

Ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha għalhekk tiġi rreġistrata,

15.3.2013   

MT

Il-Ġurnal Uffiċjali tal-Unjoni Ewropea

L 72/5

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

Skont l-Artikolu 6(2) tar-Regolament (KE) Nru 510/2006, it-talba mill-Finlandja biex id-denominazzjoni “Kitkan viisas” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (3).

(3)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

15.3.2013   

MT

Il-Ġurnal Uffiċjali tal-Unjoni Ewropea

L 72/7

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006, tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

F’konformità mal-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni tal-Italja biex id-denominazzjoni “Ficodindia di San Cono” tiddaħħal fir-reġistru, ġiet ippubblikata f’Il-Ġurnal Uffiċjali tal-Unjoni Ewropea  (3).

(3)

Ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha għalhekk tiġi rreġistrata,

15.3.2013   

MT

Il-Ġurnal Uffiċjali tal-Unjoni Ewropea

L 72/9

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

15.3.2013   

MT

Il-Ġurnal Uffiċjali tal-Unjoni Ewropea

L 72/11

(1)

Abbażi tal-Artikolu 6 tad-Deċiżjoni 2005/387/ĠAI, tħejja rapport ta’ valutazzjoni tar-riskju dwar l-4-metilamfetammina minn sessjoni speċjali tal-Kumitat Xjentifiku estiż taċ-Ċentru Ewropew għall-Monitoraġġ tad-Droga u d-Dipendenza fuq id-Droga, u sussegwentement wasal għand il-Kummissjoni fid-29 ta’ Novembru 2012.

(2)

L-4-metilamfetammina hija derivattiv sintetiku metilat fiċ-ċirku tal-amfetammina li fil-biċċa l-kbira tinstab f’forma ta’ trab u ta’ pejst f’kampjuni li fihom l-amfetammina u l-kaffeina, iżda li deheret ukoll f’forma ta’ pilloli u f’forma ta’ likwidu. Ġie żvelat fis-suq tal-amfetammina illeċita fejn tinbiegħ u tintuża bħala d-droga kkontrollata, amfetammina. Kien hemm rapport dwar is-sustanza li nstabet f’prodott kummerċjali mibjugħ fuq l-Internet. Il-prekursur kimiku prinċipali għas-sinteżi tal-4-metilamfetammina huwa 4-metilbenżil metil keton (4-metil-BMK), li jidher li hu kummerċjalment disponibbli fuq l-Internet u mhux ikkontrollat skont il-Konvenzjoni tan-Nazzjonijiet Uniti tal-1988 kontra t-Traffikar Illeċitu fi Drogi Narkotiċi u Sustanzi Psikotropiċi.

(3)

L-effetti fiżiċi speċifiċi tal-4-metilamfetammina ġew rarament rrappurtati mill-utenti, billi l-utenti tipikament ma jkunux konxji li ħadu is-sustanza. Madankollu, il-ftit rapporti li huma disponibbli jissuġġerixxu li għandha effetti ta’ tip ta’ stimulant. Id-dejta limitata disponibbli relatata mal-bnedmin tissuġġerixxi li l-effetti negattivi tal-4-metilamfetammina jinkludu ipertermija, pressjoni għolja, anoreksja, dardir, għaraq, problemi gastriċi, sogħla, remettar, uġiegħ ta’ ras, palpitazzjoni, insomnja, paranojja, ansjetà u dipressjoni. Id-data attwali mhix biżżejjed biex tistabbilixxi l-potenzjal relattiv tal-produzzjoni tad-dipendenza tas-sustanza.

(4)

Skont is-sorsi tad-data limitati disponibbli, it-tossiċità akuta tal-4-metilamfetammina hija simili għal dik ta’ stimulanti oħra. Ċerta evidenza tissuġġerixxi li taħlita ta’ 4-metilamfetammina ma’ sustanzi oħra, inklużi l-amfetammina u l-kaffeina, tista’ tirriżulta f’riskju ogħla ta’ tossiċità globali miżjuda.

(5)

Kien hemm total ta’ 21 fatalitajiet irreġistrati f’erba’ Stati Membri fejn l-4-metilamfetammina weħida jew f’kombinazzjoni ma’ sustanza waħda jew aktar, speċjalment l-amfetammina, instabet f’kampjuni post-mortem. Filwaqt li f’dawn il-fatalitajiet mhuwiex possibbli li mill-informazzjoni disponibbli jiġi ddeterminat b’ċertezza r-rwol tal-4-metilamfetammina, f’xi każijiet is-sustanza instabet bħala d-droga predominanti, b’livelli komparabbli għal dawk misjuba f’ċerti każijiet ta’ mewt ikkawżat mill-konsum tal-amfetammina.

(6)

L-4-metilamfetammina instabet fi 15-il Stat Membru, filwaqt li Stat Membru wieħed irrapporta il-manifattura tas-sustanza fit-territorju tiegħu. Prevalenza speċifika għall-4-metilamfetammina hija diffiċli li tiġi stmata. Ma hemm l-ebda informazzjoni dwar domanda speċifika għas-sustanza minn gruppi ta’ utenti u hija mhix ikkummerċjalizzata fis-suq permezz ta’ ħwienet fuq l-Internet.

(7)

L-informazzjoni disponibbli tissuġġerixxi li l-4-metilamfetammina hija prodotta u mqassma mill-istess gruppi kriminali organizzati li huma involuti fil-manifattura u t-traffikar tal-amfetammina.

(8)

L-4-metilamfetammina ma għandha l-ebda valur jew użu mediku magħruf, stabbilit jew rikonoxxut fl-Unjoni Ewropea u ma hemm l-ebda awtorizzazzjoni għall-kummerċjalizzazzjoni tas-sustanza fl-Unjoni. Minbarra l-użu tagħha bħala standard analitiku ta’ referenza u fir-riċerka xjentifika, ma hemm l-ebda indikazzjoni li tista’ tintuża għal xi skopijiet leġittimi oħra.

(9)

L-4-metilamfetammina attwalment mhix għaddejja minn l-ebda proċess ta’ valutazzjoni u ma għaddiet mill-ebda proċess ta’ valutazzjoni mis-sistema tan-Nazzjonijiet Uniti. Tmien Stati Membru jikkontrollaw is-sustanza skont il-leġislazzjoni dwar il-kontroll tad-droga bis-saħħa tal-obbligi tagħhom skont il-Konvenzjoni tan-Nazzjonijiet Uniti dwar Sustanzi Psikotropiċi tal-1971. Żewġ Stati Membri oħrajn japplikaw id-definizzjoni ġenerika ta’ fenetilammina fil-leġislazzjoni nazzjonali tagħhom għall-prodott filwaqt li Stat Membru wieħed jikkontrollaha skont il-leġislazzjoni tiegħu tal-mediċini.

(10)

Għalkemm ir-rapport tal-valutazzjoni tar-riskju jiżvela li hemm evidenza xjentifika limitata disponibbli dwar il-karatteristiċi u r-riskji tal-4-metilamfetammina u jiġbed l-attenzjoni li huma meħtieġa aktar studji dwar ir-riskji ġenerali għas-saħħa u dawk soċjali assoċjati mas-sustanza. Madankollu, l-evidenza disponibbli tipprovdi biżżejjed raġunijiet biex jissottoponu lill-4-metilamfetammina għall-miżuri ta’ kontroll madwar l-Unjoni. Bħala riżultat tar-riskji għas-saħħa li din tippreżenta, kif dokumentat fl-iskoperta tagħha f’diversi fatalitajiet irrapportati, speċjalment meta użata flimkien ma’ sustanzi oħra; ix-xebħ qawwi tagħha fid-dehra u l-effetti mal-amfetammina; il-fatt li l-utenti jistgħu bla ma jafu jikkunsmaw is-sustanza u l-valur mediku jew l-użu limitat tagħha, l-4-metilamfetammina għandha tkun soġġetta għall-miżuri ta’ kontroll fl-Unjoni.

(11)

Minħabba li għaxar Stati Membri diġà jikkontrollaw l-4-metilamfetammina, il-fatt li titqiegħed taħt miżuri ta’ kontroll fl-Unjoni jista’ jgħin biex jiġu evitati problemi ta’ infurzar transkonfinali tal-liġi kif ukoll problemi ta’ kooperazzjoni ġudizzjarja,

(12)

Il-miżuri ta’ kontroll fl-Unjoni kollha jistgħu jgħinu wkoll fil-prevenzjoni tal-4-metilamfetammina li tiżviluppa bħala alternattiva għall-amfetammina fis-swieq tad-drogi illeċiti,

15.3.2013   

MT

Il-Ġurnal Uffiċjali tal-Unjoni Ewropea

L 72/13

(1)

L-Anness I tad-Direttiva 98/8/KE fih il-lista tas-sustanzi attivi approvati fil-livell tal-Unjoni għall-inklużjoni fil-prodotti bijoċidali. Id-Direttiva tal-Kummissjoni 2009/87/KE tad-29 ta’ Lulju 2009 li temenda d-Direttiva 98/8/KE tal-Parlament Ewropew u tal-Kunsill biex tinkludi l-indoxacarb bħala sustanza attiva fl-Anness I għaliha (2) żiedet is-sustanza attiva indoxacarb mal prodotti li jappartjenu għat-tip ta’ prodotti Nru 18: Insettiċidi, akariċidi u prodotti għall-kontroll ta’ artropodi oħra, kif iddefinit fl-Anness V tad-Direttiva 98/8/KE.

(2)

Id-Direttiva 2009/87/KE teħtieġ li l-Istati Membri jivvalutaw, bl-iskop li tingħata l-awtorizzazzjoni għal prodott, kwalunkwe xenarju rilevanti ta’ użu li ma ġiex indirizzat b’mod rappreżentattiv fil-valutazzjoni tar-riskji fil-livell tal-Unjoni.

(3)

Il-kumpanija DuPont de Nemours (Deutschland) GmbH (“l-applikant”) bagħtet applikazzjoni lir-Renju Unit għal awtorizzazzjoni ta’ prodott li fih l-indoxacarb (“il-prodott ikkontestat”) skont l-Artikolu 8 tad-Direttiva 98/8/KE. L-ismijiet u n-numri ta’ referenza tal-prodott ikkontestat fir-Reġistru għall-Prodotti Bijoċidali (“R4BP”) huma indikati fl-Anness ta’ din id-deċiżjoni.

(4)

Fit-28 ta’ Ottubru 2011, ir-Renju Unit awtorizza l-prodott ikkontestat għall-kontroll tan-nemel. Skont dik l-awtorizzazzjoni, il-prodott jista’ jiġi applikat biss fid-djar residenzjali u madwarhom, f’faċilitajiet industrijali, f’uffiċċji, imħażen, kċejjen kummerċjali, sptarijiet, skejjel, ċentri tal-kura, lukandi, karozzi tal-linja, ferroviji, ajruplani u stabbilimenti kummerċjali u ta’ bejgħ bl-imnut. Dik l-awtorizzazzjoni tipprevedi wkoll li l-applikazzjoni tal-prodott ikkontestat f’żoni fejn jiġi servit l-ikel jew l-għalf jew stabbilimenti tal-għalf tista’ sseħħ biss bħala trattament fil-qsim u x-xquq. L-awtorizzazzjoni stabbilixxiet li fuq il-prodott kellu jkun hemm tikketta bil-kliem li ġej: “Mhux għall-użu f’żoni fejn ikel/għalf, utensili għall-ikel jew uċuħ li jintużaw għall-ipproċessar tal-ikel jistgħu jiġu f’kuntatt mal-prodott jew ikkontaminati minnu”.

(5)

Fil-21 ta’ Diċembru 2011, l-applikant bagħat applikazzjoni kompluta lill-Ġermanja għal rikonoxximent reċiproku tal-ewwel awtorizzazzjoni fir-rigward tal-prodott ikkontestat.

(6)

Fit-23 ta’ April 2012, il-Ġermanja nnotifikat lill-Kummissjoni, lill-Istati Membri l-oħra u lill-applikant dwar il-proposta tagħha li tirrestrinġi l-ewwel awtorizzazzjoni skont l-Artikolu 4(4) tad-Direttiva 98/8/KE billi teskludi l-protezzjoni tal-ikel mill-użi awtorizzati maħsuba tal-prodott ikkontestat.

(7)

Bħala ġustifikazzjoni għan-notifika, il-Ġermanja fis-sottomissjoni tagħha sostniet li l-prodotti użati għall-protezzjoni tal-ikel huma koperti, għal dan il-għan, bir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (3), u huma għalhekk esklużi mill-kamp ta’ applikazzjoni tad-Direttiva 98/8/KE jekk l-ikel protett jikkonsisti minn pjanti jew prodotti tal-pjanti fi ħdan it-tifsira tal-Artikolu 3(5) u (6) tar-Regolament (KE) Nru 1107/2009.

(8)

Il-Kummissjoni stiednet lill-Istati Membri l-oħra u lill-applikant biex jissottomettu kummenti bil-miktub rigward in-notifika fi żmien 90 jum skont l-Artikolu 27(1) tad-Direttiva 98/8/KE. Intbagħtu kummenti qabel l-iskadenza mir-Renju Unit, Franza u Spanja. In-notifika ġiet diskussa wkoll bejn ir-rappreżentanti tal-Kummissjoni u r-rappreżentanti tal-Awtoritajiet Kompetenti tal-Istati Membri għall-prodotti bijoċidali waqt il-laqgħa tal-Grupp li Jiffaċilita l-Awtorizzazzjoni tal-Prodotti u r-Rikonoxximent Reċiproku tat-22-23 ta’ Mejju 2012 li fiha l-applikant kien preżenti.

(9)

Peress li ma hemmx dubju dwar li l-prodott huwa kopert bid-definizzjoni ta’ prodott bijoċidali fl-Artikolu 2(1)(a) tad-Direttiva 98/8/KE, li jrid jiġi eżeminat huwa sempliċiment jekk il-prodott huwiex madankollu eskluż mill-kamp ta’ applikazzjoni tad-Direttiva 98/8/KE permezz tal-Artikolu 1(2)(r) ta’ dik id-Direttiva għal finijiet ta’ ċerti użi, f’liema każ dawk l-użi partikolari jkunu jeħtieġu awtorizzazzjoni addizzjonali skont ir-Regolament (KE) Nru 1107/2009.

(10)

Għaldaqstant skont l-Artikolu 2(1)(a) tar-Regolament (KE) Nru 1107/2009 dak ir-Regolament ma japplikax għal prodotti li l-għan ewlieni tagħhom huwa meqjus li huwa l-iġjene iktar milli l-protezzjoni ta’ pjanti jew ta’ prodotti tal-pjanti.

(11)

Il-prodott ikkontestat huwa, fost affarijiet oħra, maħsub għall-użu bħala insettiċida kontra n-nemel fil-kċejjen kummerċjali. Waħda mill-intenzjonijiet ta’ tali użu tista’ tkun il-protezzjoni ta’ prodotti tal-pjanti kif iddefinit fl-Artikolu 3(6) tar-Regolament (KE) Nru 1107/2009, li jistgħu jinkludu l-ikel.

(12)

Il-prodott ikkontestat huwa maħsub wkoll għal għadd kbir ta’ oqsma ta’ użu, fejn mhux se jaqdi l-għan li jipproteġi l-ikel li jikkonsisti minn pjanti jew prodotti tal-pjanti. Barra minn hekk, anki l-applikazzjoni fil-kċejjen kummerċjali ma tistax titqies bħala maħsuba l-ewwel u qabel kollox għall-protezzjoni tal-prodotti tal-pjanti: L-ewwel nett, il-prodott ikkontestat ma għandux jiġi applikat direttament fuq l-ikel jew indirettament jiġi f’kuntatt mal-ikel permezz tal-applikazzjoni fuq strutturi vojta. It-tieni, ħafna mill-prodotti użati fi kċina kummerċjali mhumiex prodotti tal-pjanti (4). It-tielet, Stati Membri oħra minbarra l-Ġermanja infurmaw lill-Kummissjoni li l-prodott ikkontestat jintuża fil-kċejjen għall-konformità mar-rekwiżiti ta’ iġjene ġenerali skont l-Anness II tar-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-oġġetti tal-ikel (5) għall-istadji kollha tal-produzzjoni, l-ipproċessar u t-tqassim.

(13)

Peress li l-iskop ewlieni tal-prodott ikkontestat huwa l-iġjene iktar milli l-protezzjoni ta’ pjanti jew ta’ prodotti tal-pjanti, il-prodott mhuwiex eskluż mill-kamp ta’ applikazzjoni tad-Direttiva 98/8/KE bis-saħħa tal-Artikolu 1(2)(r) ta’ dik id-Direttiva għall-iskop tal-użu tiegħu fil-kċejjen kummerċjali. Il-Kummissjoni għalhekk tikkunsidra li r-restrizzjoni mitluba mill-Ġermanja ma tistax tkun iġġustifikata għar-raġunijiet ippreżentati.

(14)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,