19.12.2008   

MT

Il-Ġurnal Uffiċjali ta’ l-Unjoni Ewropea

C 325/1

—

jaqbel bis-sħiħ li t-theddida globali tat-terroriżmu li qed niffaċċjaw hija theddida serja għad-demokrazija, id-drittijiet tal-bniedem u l-iżvilupp ekonomiku u soċjali fil-komunità internazzjonali kollha kemm hi;

—

jenfasizza li l-awtoritajiet lokali u reġjonali ser ikunu ċentrali għall-implimentazzjoni tal-istrateġija tal-UE kontra t-terroriżmu. B'mod partikulari, dawn l-awtoritajiet ser imexxu l-element tal-Prevenzjoni u l-inizjattivi tal-ġejjieni kontra t-terroriżmu u d-deradikalizzazzjoni fl-Istati Membri;

—

jagħraf l-importanza tal-istrateġija tal-UE kontra r-radikalizzazzjoni li hija implimentata flimkien mal-istrateġija tal-UE kontra t-terroriżmu, iżda jenfasizza li dawn l-istrateġiji għandhom iqisu l-implimentazzjoni lokalizzata, jużaw l-esperjenza u l-fehim lokali, jiżviluppaw qafas ċar għall-informazzjoni komunitarja u jipprovdu l-appoġġ u r-riżorsi għall-awtoritajiet lokali sabiex, fejn hemm bżonn, iwettqu proġetti kontra r-radikalizzazzjoni vjolenti; jenfasizza li l-iżvilupp ta' rwol ta' amministrazzjoni pubblika reġjonali u lokali fil-prevenzjoni tat-terroriżmu u r-radikalizzazzjoni vjolenti għandu jitwettaq fi sħubija mal-UE u l-gvernijiet tal-Istati Membri;

—

jirrakkomanda li fl-Istati Membri ssir konsultazzjoni fil-livell lokali sabiex jiġi stabbilit fehim tad-diversi aspetti tal-esperjenzi u l-kunċetti tat-terroriżmu lokali u l-motivazzjonijiet għall-estremiżmu. L-Istati Membri għandhom jassiguraw li l-konsultazzjoni u l-impenn jiftħu l-parteċipazzjoni għal dawk li s-soltu ma jkollhomx interazzjoni mad-demokrazija lokali;

—

jilqa' t-tieni evalwazzjoni bejn il-pari (peer review) tal-pjanijiet ta' ġestjoni tal-kriżi li qiegħda ssir bħalissa mill-Kummissjoni; madankollu, isejjaħ lill-Kummissjoni sabiex tassigura li l-awtoritajiet lokali u reġjonali jaqdu rwol sħiħ u attiv fir-reviżjoni;

—

isejjaħ lill-Unjoni sabiex tassigura li kull politika kontra t-terroriżmu jkollha konsiderazzjoni diretta għad-drittijiet tal-ugwaljanza u tal-bniedem u tassigura li l-interventi ma jirriżultawx f'esperjenza negattiva għal ċerti komunitajiet, li twassal għall-aljenazzjoni jew tħeġġeġ l-estremiżmu

Rapporteur

:

Lord Graham TOPE (UK/ALDE), Membru tal-muniċipju ta' Sutton, Londra, u tal-Awtorità tal-Pulizija Metropolitana (Metropolitan Police Authority)

1.

jaqbel bis-sħiħ li t-theddida globali tat-terroriżmu li qed niffaċċjaw hija theddida serja għad-demokrazija, id-drittijiet tal-bniedem u l-iżvilupp ekonomiku u soċjali fil-komunità internazzjonali kollha kemm hi;

2.

jagħraf li, inevitabbilment, l-attenzjoni ser tiffoka fuq it-terroriżmu ispirat mill-Al Qaeda u r-radikalizzazzjoni fil-komunitajiet tagħna lejn l-estremiżmu vjolenti; madankollu, ifakkar li ħafna atti ta' terroriżmu reċenti saru minn persuni li twieldu u trabbew fil-pajjiż fejn twettaq l-att jew f'xi pajjiż ieħor tal-UE, ħafna drabi bħala reazzjoni għas-sitwazzjoni interna tal-pajjiż fejn twettaq l-att, u jista' jkun li l-motivazzjoni prinċipali tagħhom ma kenitx ir-reliġjon. Madankollu, il-KtR jagħraf li t-theddida tat-terroriżmu ispirat mill-Al Qaeda llum hija kwistjoni ewlenija li qiegħda tiffaċċja l-UE fl-ambitu tas-sigurtà;

3.

huwa tal-fehma li l-ħidma tal-UE kontra t-terroriżmu għandha tiffoka fuq żewġ aspetti: (i) attakk dirett fuq l-attivitajiet terroristiċi; u (ii) azzjoni ta' prevenzjoni. Aktar ma l-ħoloq fil-katina tal-kawżi li jwasslu għall-attività terroristika jinħallu malajr, aktar aħjar. F'dan ir-rigward, ir-riċerka dwar il-kawżi u l-motivazzjoni li jwasslu lin-nies biex jappoġġjaw, jiffinanzjaw jew jieħdu sehem f' attivitajiet terroristiċi tista' tkun utli ħafna;

4.

huwa tal-fehma li l-fatturi reliġjużi marbuta mat-terrorizmu m'għandhomx jiġu injorati. Jeħtieġ li l-messaġġ li l-attività terroristika ma tista' tiġi ġġustifikata bl-ebda mod jixxerred aktar;

5.

għalhekk jemmen li l-UE għandha tieħu l-inizjattiva u tappoġġja miżuri maħsuba għat-tnaqqis tat-terroriżmu permezz tad-djalogu reliġjuż u kulturali;

6.

huwa tal-fehma li l-kooperazzjoni tal-UE mal-pajjiżi li mhumiex imsieħba fl-UE hija strument importanti ħafna għall-prevenzjoni tat-terroriżmu. Għandhom jittieħdu passi biex tingħata spinta lill-istrateġiji għall-kooperazzjoni esterna ta' dan it-tip bl-għan kemm li jiġi promoss l-iskambju ta' informazzjoni kif ukoll li titħeġġeġ aktar il-kooperazzjoni prattika fi ħdan il-korpi tal-pulizija u fl-amministrazzjonijiet tad-dwana;

7.

jenfasizza li l-awtoritajiet lokali u reġjonali ser ikunu ċentrali għall-implimentazzjoni tal-istrateġija tal-UE kontra t-terroriżmu. B'mod partikulari, dawn l-awtoritajiet, flimkien mal-imsieħba nazzjonali u reġjonali tal-infurzar tal-liġi li għandhom is-setgħa biex jipproteġu l-persuni u l-proprjetà, ser ikunu l-istrument li jimplimenta l-element tal-Prevenzjoni u l-inizjattivi tal-ġejjieni kontra t-terroriżmu u d-deradikalizzazzjoni fl-Istati Membri;

8.

jiġbed l-attenzjoni lejn il-progress konsiderevoli li sar fit-twettiq tat-tliet elementi l-oħra: il-Ħarsien, il-Prosekuzzjoni u r-Reazzjoni fl-Istati Membri minn meta twaqqfet il-leġiżlazzjoni qafas tal-2002. Barra minn hekk, jilqa' l-proposti fi ħdan l-inizjattiva attwali għall-intensifikar tal-ġlieda kontra t-terroriżmu; għat-twaqqif ta' bażi legali għal xi aspetti tal-istrateġija kontra t-terroriżmu, inklużi l-kriminalizzazzjoni tat-taħriġ, ir-reklutaġġ terroristiku u l-provokazzjoni pubblika li twassal għal reati terroristiċi, il-prevenzjoni tal-użu tal-isplużivi minn terroristi u l-użu tal-informazzjoni dwar il-passiġġieri tal-ajruplani fl-investigazzjonijiet tal-infurzar tal-liġi, il-prevenzjoni u l-penalizzazzjoni tal-finanzjament tat-terroriżmu, kif ukoll ir-rikonoxximent tal-ħtieġa għar-riċerka u l-iżvilupp tat-teknoloġija sabiex din tikkontribwixxi għas-sorveljanza fl-Unjoni għall-protezzjoni taċ-ċittadini minn attakki terroristiċi;

9.

madankollu jistqarr li, għat-tisħiħ tal-ġlieda kontra t-terroriżmu, l-UE għandha tintensifika l-investiment fl-iżvilupp tal-element tal-Prevenzjoni fi sħubija mal-Istati Membri, l-aġenziji tal-infurzar tal-liġi u l-awtoritajiet reġjonali u lokali, flimkien mal-korpi ta' infurzar tal-liġi li jiddependu minnhom. Il-prevenzjoni tat-terroriżmu u tal-estremiżmu vjolenti ma tistax tinkiseb bil-mezzi leġiżlattivi u l-infurzar waħedhom. Barra minn hekk, il-miżuri punittivi waħedhom mhux ser ikunu effettivi u l-isforzi għandhom jiffukaw fuq l-għoti ta' prospetti pożittivi u post fis-soċjetà lill-persuni li huma partikularment suxxettibbli għar-radikalizzazzjoni u r-reklutaġġ tat-terroriżmu;

10.

jemmen li approċċ essenzjali sabiex jiġi indirizzat it-terroriżmu jikkonsisti mill-prevenzjoni bbażata fuq il-ġlieda kontra l-fatturi li huma marbutin mill-qrib ma' u li jħeġġu r-radikalizzazzjoni u li jistgħu jwasslu għat-terroriżmu;

11.

jirrikonoxxi li t-terroriżmu huwa ħafna drabi ta' natura u ispirazzjoni globali. Madankollu, jistqarr li l-impatt tat-terroriżmu huwa esperjenzat direttament miċ-ċittadini u l-komunitajiet b'mod reali u individwali. Dawk li qegħdin jippjanaw u jappoġġjaw reati ta' estremiżmu vjolenti jgħixu u jaġixxu b'mod ħieles fil-komunitajiet tagħna, jagħmlu użu u jinteraġixxu mal-provvedituri ta' servizzi lokali, id-demokrazija lokali u n-nies lokali bħala ċittadini ħielsa. Għaldaqstant, b'riżultat tal-esperjenzi miksuba madwar l-UE, l-Istati Membri jagħrfu l-bżonn li janalizzaw bis-sħiħ, jiċċaraw u jindirizzaw ir-raġunijiet u l-proċessi li jwasslu liċ-ċittadini Ewropej biex jaqbdu t-triq tal-estremiżmu vjolenti u jissieħbu fil-moviment tal-Al Qaeda;

12.

jemmen li l-indirizzar tar-radikalizzazzjoni jeħtieġ azzjoni mmirata fil-livell lokali. Ir-rwol tal-awtoritajiet lokali u reġjonali, li huma eqreb tal-gruppi suxxettibbli, huwa importanti, b'mod partikulari biex jassigura li l-persuni residenti fl-UE jkunu integrati soċjalment bl-aqwa mod possibbli, mingħajr diskriminazzjoni u f'kundizzjonijiet ta' paċi u demokrazija;

13.

ifakkar li fl-2003 il-Kungress tal-Kunsill tal-Ewropa adotta rakkomandazzjonijiet speċifiċi dwar ir-rwol tal-awtoritajiet lokali fil-ġlieda kontra t-terroriżmu;

14.

jilqa' l-isforzi li saru mill-Kummissjoni Ewropea sabiex tiffoka l-attenzjoni tagħha fuq l-element tal-Prevenzjoni tal-istrateġija kontra t-terroriżmu u jilqa' l-pjanijiet għall-pubblikazzjoni ta' Komunikazzjoni dwar il-ġlieda kontra r-radikalizzazzjoni vjolenti fl-2008. Madankollu, jinnota li l-Prevenzjoni hija bidla kulturali sinifikanti għall-aġenziji kontra t-terroriżmu u teħtieġ l-għarfien, l-esperjenza u l-kooperazzjoni tal-awtoritajiet lokali u reġjonali;

15.

jilqa' l-inizjattiva tal-UE li tiddikjara l-2008 bħala s-Sena Ewropea għad-Djalogu Interkulturali, billi dan huwa mod eċċellenti sabiex jitħeġġeġ id-djalogu effettiv, it-tolleranza u l-fehim bejn kulturi u twemmin differenti;

16.

jenfasizza li l-iżvilupp ta' rwol ta' amministrazzjoni pubblika reġjonali u lokali fil-prevenzjoni tat-terroriżmu u r-radikalizzazzjoni vjolenti għandu jitwettaq fi sħubija mal-UE u l-gvernijiet tal-Istati Membri. Għalhekk jirrakkomanda li titwaqqaf sistema ta' netwerks ta' awtoritajiet lokali u reġjonali f'kull Stat Membru fi sħubija mal-gvernijiet nazzjonali, il-pulizija (bil-parteċipazzjoni tal-korpi reġjonali b'poteri esklużivi fil-qasam tal-ħarsien tal-persuni u l-proprjetà) u l-komunitajiet lokali sabiex jiġi ffaċilitat l-iskambju tal-prattika t-tajba fir-rigward tal-integrazzjoni soċjali, it-tagħlim professjonali u l-fehim tal-estremiżmu vjolenti li jinbet fid-distretti u nħawi lokali;

17.

jirrakkomanda li l-konsultazzjoni fil-livell lokali titwettaq fl-Istati Membri sabiex jiġi stabbilit fehim tad-diversi aspetti tal-esperjenzi u l-kunċetti tat-terroriżmu lokali u l-motivazzjonijiet għall-estremiżmu. L-Istati Membri għandhom jassiguraw li l-konsultazzjoni u l-impenn jiftħu l-parteċipazzjoni għal dawk li normalment ma jkollhomx interazzjoni mad-demokrazija lokali;

18.

għandu l-intenzjoni li jżid ma' din l-opinjoni billi jappoġġja lill-Kummissjoni u lill-Koordinatur għall-azzjoni kontra t-terroriżmu fit-tfassil ta' gwida prattika li tinkorpora l-aħjar prattika miż-żoni li jwettqu l-proġetti ta' impenn u sħubija kontra r-radikalizzazzjoni;

19.

jirrakkomanda li l-KtR jorganizza avveniment annwali għall-iffaċilitar tat-tagħlim strateġiku permezz tal-iskambju tal-esperjenzi bejn l-awtoritajiet lokali u reġjonali fuq livell pan-Ewropew u li jipprovdi appoġġ għall-iżvilupp addizzjonali ta' interventi lokali għall-prevenzjoni tat-terroriżmu u t-toroq li jwasslu għall-estremiżmu vjolenti;

20.

jagħraf l-importanza tal-istrateġija tal-UE kontra r-radikalizzazzjoni li hija implimentata flimkien mal-istrateġija tal-UE kontra t-terroriżmu, iżda jenfasizza li dawn l-istrateġiji għandhom iqisu l-implimentazzjoni lokalizzata, jużaw l-esperjenza u l-fehim lokali, jiżviluppaw qafas ċar għall-informazzjoni komunitarja u jipprovdu l-appoġġ u r-riżorsi għall-awtoritajiet lokali sabiex, fejn hemm bżonn, iwettqu proġetti kontra r-radikalizzazzjoni vjolenti;

21.

jirrakkomanda l-adozzjoni tad-dispożizzjonijiet tal-Konvenzjoni ta' Prüm dwar it-tisħiħ tal-kooperazzjoni transkonfinali sabiex jiġi miġġieled it-terroriżmu;

22.

isejjaħ lill-Istati Membri u lill-pulizija sabiex jiżviluppaw sistemi ċari u sikuri għall-iskambju tal-informazzjoni bejn l-imsieħba lokali u reġjonali (li jinkludu unitajiet tal-pulizija lokali u reġjonali) mal-unitajiet kontra t-terroristi u kontra r-radikalizzazzjoni vjolenti;

23.

jenfasizza li s-sistemi għall-ġbir tal-informazzjoni komunitarja għandhom iqisu b'mod ċar l-implikazzjonijiet għas-sigurtà, il-protezzjoni tad-data u d-drittijiet fundamentali taċ-ċittadini fl-iskambju ta' kull informazzjoni bejn l-imsieħba lokali u l-pulizija. Iċ-ċittadini għandhom jingħataw il-possibbiltà li jinfurmaw lill-awtoritajiet muniċipali u lill-pulizija b'mod anonimu b'attakki terroristiċi potenzjali;

24.

barra minn hekk, jikkunsidra li huwa essenzjali li r-rwol preċiż tal-pulizija, l-aġenziji tal-pulizija u l-awtoritajiet lokali fl-ambitu tal-informazzjoni komunitarja jkun definit b'mod ċar; li jiġu stabbiliti sistemi għall-provvista ta' msieħba lokali u reġjonali bl-assigurazzjoni li l-parteċipazzjoni ma tkunx ta' ħsara għar-relazzjonijiet komunitarji; li s-sorsi ta' informazzjoni jkunu mħarsa u li l-imsieħba li mhumiex pulizija jkollhom rwol volontarju supplimentari;

25.

jipproponi li l-linji gwida jitfasslu mill-Unjoni Ewropea sabiex ikun hemm appoġġ għall-iżvilupp tal-iskambju tal-informazzjoni u jiġi assigurat li s-sistemi jkunu sodi, ġusti u sikuri;

26.

isejjaħ lill-Istati Membri sabiex jappoġġjaw lill-awtoritajiet lokali biex jistabbilixxu relazzjonijiet ta' ħidma iktar sodi mal-pulizija (inklużi l-korpi nazzjonali kif ukoll dawk reġjonali) u l-awtoritajiet tal-ġustizzja kriminali bil-għan li jwettqu proġetti kontra r-radikalizzazzjoni; u li jitwaqqfu u jiġu identifikati proġetti bbażati fuq informazzjoni ċara mħejjija permezz tal-informazzjoni tal-pulizija u l-għarfien u l-esperjenzi lokali u reġjonali;

27.

jissuġġerixxi li jingħata appoġġ lid-djalogu interkulturali u lit-twaqqif ta' pjanijiet ta' integrazzjoni soċjali fil-livell lokali, sabiex jiġu evitati r-radikalizzazzjoni u l-użu tal-forza;

28.

jagħraf li r-riżorsi użati mill-Istati Membri ser ivarjaw skont ix-xena tal-informazzjoni. Madankollu, jenfasizza li r-rabtiet mal-komunitajiet għadhom meħtieġa sabiex tiġi analizzata l-effikaċja tal-proġetti attwali, tinbena relazzjoni fit-tul bejn iċ-ċittadini, l-aġenziji tal-infurzar tal-liġi u l-gvernijiet fl-ambitu tal-ġlieda kontra t-terroriżmu, u sabiex jiġu kkunsidrati l-bidliet fil-fehmiet u d-demografija. Għaldaqstant, l-enfasi tar-riżorsi u l-proġetti għandha tiġi adattata skont dawn il-kunsiderazzjonijiet;

29.

jirrakkomanda li l-Istati Membri u l-awtoritajiet lokali u reġjonali jiżviluppaw proġetti mal-komunitajiet sabiex ixekklu l-ideoloġija tal-estremiżmu vjolenti u jappoġġjaw l-ideoloġija tradizzjonali. Proġetti bħal dawn għandhom jiġu appoġġjati minn parir professjonali sod u għandhom jiġu evalwati b'mod indipendenti sabiex tiġi analizzata l-effikaċja tagħhom. Għaldaqstant, il-KtR jipproponi li l-Istati Membri u l-korpi lokali u reġjonali flimkien jidentifikaw mexxejja aċċettati fil-komunità sabiex titnaqqas il-kredibilità tal-elementi vjolenti radikali u jiġu appoġġjati messaġġi kredibbli bħala alternattiva għal dawk ta' dawn l-estremisti;

30.

jinnota l-fenomenu magħruf li t-terroriżmu jsib art għammiela fejn in-nies ikunu diżappuntati bis-soċjetà u jħossu li huma esklużi u li m'għandhom l-ebda poter. F'soċjetà demokratika li taħdem tajjeb, hemm inqas riskju li l-ideat terroristiċi u n-netwerks terroristiċi jrabbu l-għeruq u jikbru. Għalhekk, il-KtR jemmen li huwa importanti ħafna li l-promozzjoni tad-demokrazija u tar-rispett tad-drittijiet ċivili u politiċi tkun element prinċipali ta' kwalunkwe azzjoni kontra t-terroriżmu;

31.

jagħraf li t-terminoloġija hija kwistjoni kumplessa u sensittiva, li teħtieġ għarfien u riċerka konsiderevoli min-naħa ta' dawk inkarigati mill-ġestjoni tal-inizjattivi kontra r-radikalizzazzjoni;

32.

jirrakkomanda li l-Istati Membri u l-awtoritajiet reġjonali jappoġġjaw lill-istituzzjonijiet lokali vulnerabbli bħall-iskejjel, iċ-ċentri tal-edukazzjoni kontinwa, l-universitajiet, il-moskej u l-istituzzjonijiet reliġjużi, sabiex jiġu identifikati l-attivitajiet tar-radikalizzazzjoni vjolenti fil-post tat-tagħlim, bil-għan li r-“radikalizzaturi” jitwaqqfu u li dawk li huma vulnerabbli għar-radikalizzazzjoni vjolenti jiġu megħjuna biex ma jagħtux widen lill-messaġġi estremisti billi jiġu pprovduti b'alternattivi pożittivi u konvinċenti;

33.

jirrakkomanda li l-Istati Membri jaħdmu mill-qrib mas-servizzi tal-ħabs u tal- probazzjoni/riabilitazzjoni sabiex jidentifikaw, ifixklu u jiskoraġġixxu r-“radikalizzaturi” vjolenti li qegħdin jinżammu fid-detenzjoni;

34.

jemmen li t-twettiq ta' proġetti bħal dawn għandu jiġi kkoordinat fil-livell reġjonali mal-pulizija u l-aġenziji tal-pulizija u għandu jiġi ssorveljat mill-awtoritajiet lokali u reġjonali jew l-ekwivalenti tagħhom, li imbagħad iħejju rapport għall-awtorità ċentrali sabiex jiġi evalwat l-iżvilupp;

35.

jikkunsidra li sabiex jiġu appoġġjati proġetti bħal dawn, huwa essenzjali li l-Unjoni Ewropea, l-Istati Membri u l-pulizija jiżviluppaw in-netwerks tal-UE — li jinkludu l-unitajiet tal-pulizija dipendenti mir-reġjuni b'kompetenzi fil-ħarsien tal-persuni u tal-proprjetà jew unitajiet ta' azzjoni kontra l-attività terroristika — bil-għan li jiġu stabbiliti l-aħjar prattiki, il-linji gwida, l-appoġġ u t-taħriġ għal dawk inkarigati mit-twettiq fil-livell lokali;

36.

jagħraf li r-rwol tat-tmexxija tal-awtoritajiet lokali u reġjonali huwa essenzjali għat-twettiq tal-prevenzjoni tal-istrateġiji tat-terroriżmu fl-Istati Membri;

37.

jirrakkomanda li l-awtoritajiet lokali u reġjonali jsaħħu r-reżistenza tal-komunità kontra l-estremisti vjolenti permezz ta' tmexxija qawwija. Għaldaqstant, jirrakkomanda li l-awtoritajiet għandhom ifittxu li:

38.

jemmen li servizz tal-pulizija trasparenti u responsabbli huwa fundamentali għall-iżvilupp tal-kunfidenza u l-fiduċja fil-pulizija tal-antiterroriżmu u l-appoġġ pubbliku għall-operazzjonijiet kontra t-terroristi u interventi nazzjonali u lokali kontra l-estremiżmu vjolenti. Għaldaqstant, il-KtR jipproponi li kemm l-Istati Membri kif ukoll l-awtoritajiet reġjonali b'kompetenza fis-sigurtà u l-ħarsien tal-persuni u l-proprjetà li għandhom unitajiet speċjalizzati fil-ġlieda kontra t-terroriżmu jikkunsidraw mezzi li bihom tista' tissaħħaħ ir-responsabbiltà lokali tal-pulizija, billi jfittxu l-appoġġ u t-tagħlim mill-imsieħba Ewropej u internazzjonali fejn dan ikun xieraq;

39.

isejjaħ lill-Kummissjoni sabiex tipproponi mezzi li bihom tista' tappoġġja lill-Istati Membri sabiex janalizzaw kif il-pulizija tal-antiterroriżmu jistgħu jiġu integrati fis-servizz tal-pulizija u b'hekk jiġi ffaċilitat it-tagħlim bejn l-Istati Membri u l-forzi fejn dan ikun xieraq;

40.

jagħraf l-importanza ta' servizz tal-pulizija li jirrifletti d-diversità tal-popolazzjoni għall-iżvilupp tal-fiduċja u l-kunfidenza u għall-ftuħ ta' mezzi ta' komunikazzjoni pożittivi bejn il-pulizija u l-pubbliku. Għaldaqstant, il-KtR jemmen li d-diskussjonijiet pożittivi għall-promozzjoni tad-diversità u l-ugwaljanza tal-opportunitajiet fil-pulizija għandhom jiġu ffaċilitati fil-livell lokali fl-Istati Membri kollha;

41.

jilqa' t-tieni evalwazzjoni bejn il-pari (peer review) tal-pjanijiet ta' ġestjoni tal-kriżi li qegħdin jitwettqu bħalissa mill-Kummissjoni;

42.

madankollu, isejjaħ lill-Kummissjoni sabiex tassigura li l-awtoritajiet lokali u reġjonali jaqdu rwol sħiħ u attiv fir-reviżjoni. Fid-dawl tar-riżultat tal-analiżi tal-bombi ta' Londra ta' Lulju 2005, il-Kummissjoni għandha tassigura li tiġi stabbilita, b'mod urġenti, diviżjoni ċara tar-responsabbiltà u l-ġerarkija tal-kmand bejn id-diversi aġenziji u korpi inkarigati mit-tħejjija tal-pjanijiet ta' kontinġenza u li jipprovdu s-servizzi ta' emerġenza;

43.

jappoġġja bis-sħiħ it-twaqqif ta' netwerks ta' assoċjazzjonijiet li jipprovdu l-appoġġ għall-vittmi tal-attakki terroristiċi u jagħraf ir-rwol tal-KtR fl-iffaċilitar tal-iskambju ta' għarfien bejn l-Istati Membri.

44.

jilqa' l-pjanijiet għall-provvista ta' appoġġ għar-riċerka u l-iżvilupp ta' soluzzjonijiet tekniċi li jgħinu lill-pulizija madwar l-Unjoni biex iħarsu liċ-ċittadini minn attakki terroristiċi; isejjaħ lill-Unjoni sabiex tappoġġja s-soluzzjonijiet teknoloġiċi fl-erba' elementi. F'dan il-kuntest l-Internet għandu jsir post ostili għall-estremisti; dan huwa eżempju ta' kif l-iżviluppi jistgħu jmorru lil hinn mill-qasam tal-infurzar tal-liġi. Għaldaqstant, il-KtR isejjaħ lill-Istati Membri sabiex jipprovdu r-riżorsi adattati għal proġetti ta' żvilupp bħal dawn;

45.

isejjaħ lill-Istati Membri sabiex iwaqqfu mekkaniżmi ta' koordinazzjoni b'konformità mal-poteri ta' infurzar tal-liġi tal-awtoritajiet lokali u reġjonali, sabiex, fil-limiti tal-kompetenza tagħhom, ikunu jistgħu jassiguraw is-sigurtà pubblika f'postijiet iffullati, partikularment fir-rigward tal-użu tal-ippjanar urban fil-ġlieda kontra t-terroriżmu;

46.

isejjaħ lill-Unjoni sabiex tassigura li kull politika kontra t-terroriżmu jkollha konsiderazzjoni diretta għad-drittijiet tal-ugwaljanza u tal-bniedem u tassigura li l-interventi ma jirriżultawx f'esperjenza negattiva għal ċerti komunitajiet, li twassal għall-aljenazzjoni jew tħeġġeġ l-estremiżmu.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/6

—

jara l-ħtieġa li t-titjib tal-effiċjenza fl-użu tal-enerġija jsir permezz tal-innovazzjoni teknoloġika u tal-iżvilupp ta' alternattivi tat-trasport li jirrispettaw iktar l-ambjent. Jeżistu diversi modi kif dan jista' jsir. It-trasport għandu jiffoka fuq l-iktar mezz ta' trasport li jirrispetta l-ambjent u li hu effiċjenti fl-użu tal-enerġija billi jiġu internalizzati l-ispejjeż esterni;

—

huwa tal-fehma li għandha tiġi stabbilita lingwa komuni għall-ġestjoni tat-trasport bil-ferrovija;

—

iqis li t-trasport tal-merkanzija bil-ferrovija jaqsam partijiet kbar mil-linji tal-ferrovija mat-trasport tal-passiġġieri. Dan jista' jillimita il-kapaċitajiet u l-kredibilità taż-żewġ sistemi kemm fil-konurbazzjonijiet metropolitani kif ukoll fiż-żoni interreġjonali. Bil-kooperazzjoni tal-Istati Membri, l-UE għandha tanalizza dawn il-kunflitti u tirrifletti dwar kif jistgħu jingħelbu, billi dejjem tfittex li tagħmel l-aħjar użu mill-infrastruttura ferrovjarja attwali u futura. Aktar 'il quddiem l-UE u l-Istati Membri għandhom jaħdmu biex jinħolqu netwerks tat-trasport separati għall-merkanzija u għall-passiġġieri — dejjem sakemm in-nuqqas ta' art mhuwiex ostakolu — billi jibdew bin-netwerks tal-ferroviji bl-ikbar volum ta' traffiku;

—

iqis li l-ippjanar tat-trasport urban, partikolarment għas-sistemi ta' ġarr ta' merkanzija, għandu bżonn l-attenzjoni speċjali tal-awtoritajiet lokali, biex l-organizzazzjoni tad-distribuzzjoni urbana ssir aktar effiċjenti kemm f'termini ambjentali kif ukoll ekonomiċi.

—

iqis li l-awtoritajiet lokali u reġjonali jistgħu joffru kontribut importanti għat-twettiq ta' politika għat-trasport tal-merkanzija sostenibbli biex isaħħu l-portijiet tal-passaġġi tal-ilma interni u jagħmluhom aċċessibbli

—

iqis li huwa xieraq li tittejjeb l-interazzjoni bejn is-sistemi ferrovjarji u dawk marittimi li f'xi żoni għadhom mhumiex effettivi, iqis li jkun utli li l-awtoritajiet lokali u reġjonali li jinsabu fiż-żoni interni jiżviluppaw soluzzjonijiet loġistiċi mmirati li joħolqu pjattaformi loġistiċi u interportijiet, li huma strumenti fundamentali għat-titjib tas-sistema tad-distribuzzjoni globali tal-merkanzija u li jippromovu l-iżvilupp u l-koeżjoni tat-territorji interni;

Rapporteur

:

José CORREIA (PPE/PT), Sindku ta' Tavira

1.

Il-komunikazzjonijiet tal-Kummissjoni dwar it-trasport tal-merkanzija ħarġu fid-dawl tal-preokkupazzjonijiet politiċi li ħarġu fil-White Paper tal-2001 dwar it-trasport u r-reviżjoni ta' nofs it-term ippubblikata fl-2006. Bħala parti minn din il-ħidma, ġew organizzati 13-il seminar u konferenza u aktar minn 30 avveniment estern. Tressqu 160 kontribuzzjoni bil-miktub. Il-Kummissjoni rċeviet 500 rapport ieħor dwar punti ta' konġestjoni fil-loġistika.

2.

Ir-reviżjoni tal-White Paper tirrifletti l-iżviluppi fis-sitwazzjoni mill-2001, ikkaratterizzati mill-aċċelerazzjoni tal-globalizzazzjoni tal-produzzjoni, in-nuqqas ta' sigurtà tal-provvisti tal-enerġija, l-iggravar tat-tibdil fil-klima u l-espansjoni tal-UE wara d-dħul tal-pajjiżi tal-Ewropa Ċentrali u tal-Lvant. Fid-dawl ta' dawn l-iżviluppi, huwa rakkomandat li titwessa' l-firxa u l-istrumenti tal-politika tat-trasport biex ilaħħqu mal-isfidi l-ġodda. B'mod partikolari hemm il-ħtieġa li tissaħħaħ l-effiċjenza tal-mezzi varji tat-trasport, jintużawx waħedhom jew f'kombinazzjoni ma' oħrajn (komodalità)

3.

fid-dawl tal-linji gwida li joħorġu mill-istudji msemmija hawn fuq, sensiela ta' miżuri politiċi joħorġu biċ-ċar għal aktar żvilupp. Dawn jinkludu:

4.

kif ukoll:

5.

u:

6.

Jikkonsidra li fit-tul, hemm bżonn li tinħoloq infrastruttura għat-trasport bil-ferrovija li jkollha kapaċità suffiċjenti, li tkun affidabbli u li ma toħloqx kunflitti bejn it-trasport tal-merkanzija u objettivi oħra fil-qasam jew interessi soċjali oħra, kif ukoll li toffri t-tip ta' kundizzjonijiet li jiggarantixxu l-prestazzjoni ta' servizz tat-trasport effiċjenti fil-konsum tal-enerġija u kompatibbli mal-ħtiġijiet ambjentali;

7.

Huwa tal-opinjoni li fi żmien qasir hemm bżonn li qabel xejn jiġu identifikati u jitneħħew il-kawżi tal-konġestjoni u n-nuqqas ta' kapaċità fis-sistema;

8.

Iqis li minkejja l-fatt li t-trasport tal-merkanzija jitqies f'termini ta' kurituri nazzjonali u internazzjonali ewlenin, dan ma jaħdimx mingħajr il-kontribut tal-awtoritajiet lokali u reġjonali fejn il-linji tat-trasport jaqsmu ż-żoni tagħhom.

9.

Iqis li l-ippjanar urban u reġjonali fil-qasam tad-distribuzzjoni tal-merkanzija għandu importanza kbira biex jinħoloq fluss tat-trasport tal-merkanzija li huwa kapaċi li jiffranka l-enerġija u li hu kompatibbli mal-ħtiġijiet tal-ambjent. Għalhekk, kull politika ta' trasport ġdida trid isserraħ fuq l-appoġġ attiv tas-suġġetti kollha li jistgħu jagħtu kontribut siewi lejn l-effettività tagħha, speċjalment dawk li, peress li joperaw fil-livell lokali, huma f'pożizzjoni li jsolvu l-problemi lokalment;

10.

Jista' jinħoloq settur tat-trasport tal-merkanzija ekonomiku u li jirrispetta l-ambjent, l-iktar bl-użu, fejn hu possibbli, tal-passaġġi tal-ilma interni. B'dan il-mod tista' titnaqqas ukoll il-konġestjoni tat-traffiku bejn il-portijiet u ż-żoni interni.

11.

Jikkunsidra li ċ-ċentri tat-trasbord u l-portijiet huma elementi importanti mill-infrastruttura fit-terminali tas-sistemi tat-trasport intermodali. L-ippjanar u l-lokalità tagħhom huma f'idejn l-awtoritajiet lokali u reġjonali. Huwa importanti li l-bliet jikkunsidraw impjanti bħal dawn fi stadju bikri tal-ippjanar tal-belt, u għal dan jeħtieġ li l-UE u l-awtoritajiet nazzjonali joħolqu kundizzjonijiet stabbli u fit-tul għall-ippjanar tal-bliet;

12.

Peress li madwar 40 % tal-vetturi fl-UE jintużawgħad-distribuzzjoni jew il-konsenja tal-prodotti u s-servizzi, u peress li ħafna mill-konsumaturi huma fil-bliet, il-flussi qawwija tat-traffiku li jinħolqu fil-bliet iridu jiġu ġestiti. Għandna naħsbu biex jinxterdu l-aħjar prattiki ta' politiki dwar it-trasport tal-merkanzija urbana.

13.

Jinnota li l-ħolqien ta' awtoritajiet tat-trasport reġjonali jew tal-bliet f'diversi Stati Membri joffri sostenn imprezzabbli sabiex jinġiebu flimkien xewqat, ħtiġijiet u riżultati differenti. Il-KtR jiġbed l-attenzjoni għall-fatt li dan irid isir b'konformità mal-prinċipju tas-sussidjarjetà;

14.

Jenfasizza li l-awtoritajiet lokali u reġjonali għandhom il-kapaċità ulterjuri ta' djalogu mal-produtturi u l-klijenti tal-merkanzija;

15.

Hemm bżonn li tingħata attenzjoni speċjali lid-distribuzzjoni ta' servizzi u merkanzija fil-bliet, peress li ppjanar għaqli tal-loġistika urbana huwa fattur ewlieni fil-mobbiltà urbana;

16.

Iqis li fil-futur, deċiżjonijiet dwar il-post tat-terminali, iċ-ċentri tal-loġistika tad-distribuzzjoni u l-ħwienet infushom ser jirrikjedu dejjem iktar il-parteċipazzjoni tal-awtoritajiet lokali;

17.

Barra min hekk jenfasizza li l-loġistika fil-livell reġjonali ser tkun politika ġdida li ser tiżviluppa malajr fil-futur. Iqis li ser issir ħaġa essenzjali li l-ġestjoni tal-inter-konnessjonijiet tiġi deċentralizzata f'idejn l-awtoritajiet reġjonali, filwaqt li d-definizzjoni ta' kurituri internazzjonali ewlenin tibqa' r-responsabbiltà tal-Istati Membri;

18.

Iqis li l-awtoritajiet lokali li għandhom politiki urbani tajbin, jistgħu jgħinu ħafna fil-passi sabiex it-trasport bil-ferrovija jsir aktar mgħaġġel; kontribut ta' dan it-tip huwa ta' valur imprezzabbli;

19.

Jikkunsidra li servizzi ferrovjarji anċillari, partikolarment terminals u stazzjonijiet tat-tqassim tal-merkanzija jistħoqqilhom attenzjoni speċjali mill-fondi strutturali;

20.

Iqis li l-ippjanar tat-trasport urban, partikolarment għas-sistemi ta' ġarr ta' merkanzija, għandu bżonn l-attenzjoni speċjali tal-awtoritajiet lokali, biex l-organizzazzjoni tad-distribuzzjoni urbana ssir aktar effiċjenti kemm f'termini ambjentali kif ukoll ekonomiċi. Għal dan il-għan, għandna naħdmu biex intejbu l-kwalità ekoloġika tal-vetturi u nżidu l-fatturi tat-tagħbija sabiex in-numru ta' vjaġġi jkun pari mat-tunnellati ta' merkanzija trasportata;

21.

L-awtoritajiet lokali u reġjonali jistgħu joffru kontribut importanti għat-twettiq ta' politika għat-trasport tal-merkanzija sostenibbli biex isaħħu l-portijiet tal-passaġġi tal-ilma interni u jagħmluhom aċċessibbli;

22.

L-awtoritajiet lokali u reġjonali jistgħu jħeġġu n-navigazzjoni għat-trasport permezz tal-politika għat-territorju, u b'mod partikolari bl-għażla tal-allokazzjoni tal-artijiet tal-intrapriżi. L-artijiet għall-intrapriżi b'attivitajiet marbuta mal-ilma, ir-rotot tan-navigazzjoni u l-portijiet tal-passaġġi tal-ilma interni jistħoqqilhom attenzjoni partikolari mill-fondi strutturali.

23.

Jenfasizza li l-awtoritajiet lokali u reġjonali għandhom rwol dejjem aktar importanti fit-tfassil ta' strateġiji loġistiċi għal pjanifikazzjoni, infrastrutturi u koordinazzjoni li jkunu effiċjenti u adattati;

24.

Jinnota li parti kbira mit-trasport tal-merkanzija jgħaddi min-netwerks tat-trasport tal-Ewropa ċentrali anke meta d-destinazzjoni finali ma tkunx hemm. Għalhekk, fid-dawl tal-problemi bil-kapaċità tan-netwerks tat-trasport tal-Ewropa ċentrali huwa importanti ħafna li l-UE tappoġġja l-bini ta' konnessjonijiet u kurituri li ma jkunux ta' piż fuq dawn in-netwerks jew li jtaffulhom xi ftit mill-piż. Il-kurituri tat-trasport bejn il-Lvant u l-Punent huma eżempju ta' konnessjonijiet ta' din ix-xorta u fl-istess ħin jgħinu fl-iżvilupp ta' dawn ir-reġjuni. L-istrateġija futura għall-Baħar Baltiku, li qiegħda titħejja bħalissa, fost ħwejjeġ oħra ser tenfasizza l-importanza ta' netwerks tat-trasport effiċjenti u s-soluzzjonijiet multimodali għall-ħolqien ta' reġjuni sostenibbli u kompetittivi. Huwa importanti ħafna li l-UE tkompli tipprovdi r-riżorsi għal dan it-tip ta' inizjattivi, pereżempju permezz tal-Fondi Strutturali jew programmi speċifiċi għas-settur;

25.

Jiġbed l-attenzjoni għall-fatt li t-trasport tal-merkanzija bil-baħar huwa importanti ferm għar-reġjuni li jipproduċu l-materja prima. L-industrija tal-manifattura tiddependi mill-forniment sigur tal-materja prima matul is-sena kollha. Sabiex it-trasport bil-baħar jaħdem anke fix-xitwa għandha tingħata prijorità lit-tagħmir għat-tkissir tas-silġ u dan għandu jiġi inkluż fit-TEN-T;

26.

Huwa tal-fehma li l-UE għandu jkollha approċċ integrat wieħed fl-ippjanar tal-infrastruttura fi ħdan l-Unjoni Ewropea kif ukoll bejn l-UE u l-pajjiżi u r-reġjuni ġirien. Għaldaqstant, il-pakkett għat-trasport tal-merkanzija tal-UE għandu jitfassal b'tali mod li jkun konformi mal-pjanijiet ta' trasport u infrastruttura li diġà tħejjew u ġew adottati mill-UE bħat-TEN-T u l-mappa tal-kurituri tat-trasport transkonfinali;

27.

Ifakkar li f'dawn l-aħħar snin, numru sostanzjali ta' reġjuni fasslu stateġiji ta' dan it-tip biex jikkalkulaw il-volum fit-trasport fi żmien qasir u, fuq il-bażi ta' dawn il-previżjonijiet, jaslu għall-konklużjonijiet adattati. Dan ifisser dejjem iktar koordinazzjoni transkonfinali u transnazzjonali fil-proġetti loġistiċi Ewropej. Eżempju ta' din it-tendenza hija l-inizjattiva “Il-loġistika tal-prodotti kimiċi fl-Ewropa ċentrali” li nbdiet min-netwerk Ewropew tar-reġjuni li jipproduċu l-kimika biex itejbu il-kundizzjonijiet globali fit-tul taċ-ċentri tal-produzzjoni tal-industrija tal-kimika li għandhom il-bażi tagħhom fl-Ewropa ċentrali u tal-lvant permezz ta' strateġija koordinata. Eżempju ieħor huwa l-proġett ta' kostruzzjoni ta' kuritur ferrovjarju (EU4SeaRail) bejn il-baħar Baltiku, il-Baħar tat-Tramuntana, il-Mediterran u l-Baħar l-Iswed. Xi eżempji importanti oħra ta' kurituri tat-trasport fl-Ewropa ta' Fuq huma l-Kuritur ta' Bothnia u l-Konnessjoni tat-Tramuntana. Ir-reġjuni kellhom rwol importanti biex joħolqu spazji loġistiċi li jippermettu l-komplimentarjetà u l-iskambju dinji, b'mod partikolari tal-merkanzija, biex b'hekk isir l-aħjar użu minn kull modalità tat-trasport, bħal fil-każ tal-pjattaforma loġistika PLAZA, fir-reġjun Spanjol tal-Aragona, u l-konnessjonijiet tiegħu mal-pjattaformi l-oħrajn, bħall-Eurocentre f'Tolosa u ċ-ċentri differenti preżenti fil-penisola Iberika;

28.

Huwa tal-opinjoni li trasport effiċjenti bejn il-pajjiżi tal-Ewropa jista' jtejjeb it-tkabbir ekonomiku b'mod sinifikanti. Għalhekk jistieden lill-Kummissjoni biex dan tikkunsidrah fit-tħejjija tar-reviżjoni futura tad-direttivi dwar in-netwerks trans-Ewropej fl-2009-2010, billi, l-ewwel u qabel kollox, tippromovi l-implimentazzjoni ta' proġetti li diġà ġew approvati u li ddaħħlu fin-netwerk bħala prijorità. B'mod partikolari dawk marbuta mal-partijiet fejn it-trasport effiċjenti tal-merkanzija huwa diffiċli, pereżempju, dawk transkonfinali u dawk li jaqsmu ż-żoni muntanjużi;

29.

Jilqa' l-isforzi li saru s'issa, speċjalment mill-Presidenza Finlandiża u dik Ġermaniża sabiex jassiguraw il-progress f'dan il-qasam;

30.

B'mod wiesa' jaqbel mal-analiżi u l-miżuri rakkomandati fil-komunikazzjonijiet li flimkien jagħmlu dan il-pakkett tat-trasport bil-ferroviji;

31.

Madankollu, jirrakkomanda li tingħata kas lill-ħtieġa għal rabtiet tajbin mal-awtoritajiet lokali u reġjonali, kif indikat fil-punt t'hawn fuq;

32.

Huwa konxju li kwalunkwe politika ġdida tat-trasport tal-merkanzija li tkun effettiva ma tistax taħdem mingħajr il-kooperazzjoni sħiħa tal-awtoritajiet lokali u l-gvernijiet reġjonali ikkonċernati; b'mod urġenti tappella sabiex dawn ir-rabtiet b'saħħithom jiġu stabbiliti u lest li jagħmel kull ma jista' biex jikkontribwixxi lejn dan;

33.

Jirrakkomanda li jsiru sforzi ulterjuri sabiex l-awtoritajiet politiċi kollha jsiru konxji minn din il-kwistjoni, filwaqt li titqies l-importanza kbira ta' dan is-settur tal-PGD u l-impatt dirett u indirett tiegħu fuq l-ekonomija u s-soċjetà b'mod ġenerali;

34.

Jidhirlu li mhux xieraq li ssir ir-reviżjoni tad-direttiva 96/53/KE. Hemm bżonn li jinżamm l-approċċ li jiffavorixxi soluzzjonijiet li huma aktar kompatibbli mal-ambjent, jiġifieri żieda fin-numru tal-ferroviji iżda mhux bil-fors fin-numru tat-trakkijiet;

35.

Jirrimarka li l-konurbazzjonijiet metropolitani huma d-destinazzjoni ta' parti sostanzjali tat-trasport kollu tal-merkanzija. Għalhekk, l-ippjanar tat-tqassim tal-merkanzija fil-bliet huwa importanti ħafna sabiex jinħolqu flussi tat-trasport li jiffrankaw l-enerġija u li jirrispettaw l-ambjent. Il-post ta' fejn isiru t-trasferimenti b'rabta man-netwerk tat-trasport tal-merkanzija b'mod ġenerali huwa importanti immens hawnhekk. Għal din ir-raġuni għandu jkun hemm kooperazzjoni tajba bejn il-livell lokali u reġjonali u l-politika ġenerali tal-UE għal-loġistika tat-trasport tal-merkanzija. Il-Kumitat iqis li l-politika tat-trasport tal-merkanzija għandha tkun konformi mal-pjan ta' azzjoni dwar it-trasport urban;

36.

Fid-dawl tal-prezz tal-enerġija, l-innovazzjoni fis-settur tal-bijokarburanti hija importanti ħafna, iżda trid iseħħ b'rispett lejn l-ekwilibriji importanti tad-dinja tal-agrikoltura. Għalhekk jistieden lill-Kummissjoni Ewropea biex issaħħaħ ir-riċerka f'dan il-qasam;

37.

Jirrakkomanda l-liberalizzazzjoni tas-settur kollu tal-ferroviji sakemm ikun hemm regoli ta' koordinazzjoni li jirrispettaw l-interess pubbliku;

38.

Iqis li jkun xieraq li safejn hu possibbli jsir progress f'dak li jikkonċerna l-linji prijoritarji għall-merkanzija;

39.

Jikkunsidra li n-netwerks tat-trasport għandhom jiġu integrati dejjem aktar fil-politiki ta' loġistika bil-parteċipazzjoni tal-awtoritajiet lokali u reġjonali, filwaqt li jiġi żviluppat il-kunċett ta' portijiet xotti (dry ports) u tingħata risposta lill-preokkupazzjonijiet evidenti ta' natura ambjenali;

40.

Fl-opinjoni tiegħu huwa xieraq li tittejjeb l-interazzjoni bejn is-sistemi ferrovjarji u dawk marittimi li f'xi żoni għadhom mhumiex effettivi, iqis li jkun utli li l-awtoritajiet lokali u reġjonali li jinsabu fiż-żoni interni jiżviluppaw soluzzjonijiet loġistiċi mmirati li joħolqu pjattaformi loġistiċi u interportijiet, li huma strumenti fundamentali għat-titjib tas-sistema tad-distribuzzjoni globali tal-merkanzija u li jippromovu l-iżvilupp u l-koeżjoni tat-territorji interni;

41.

Jenfasizza l-bżonn li fil-futur jiġu armonizzati l-mezzi u standards teknoloġiċi sabiex il-ferroviji jkunu jistgħu jegħlbu malajr l-ostakli attwali dovuti għad-differenzi fis-sistemi ta' provvista elettrika u fid-diversità tal-gauges;

42.

Huwa konvint li l-Protokoll ta' Kyoto u l-effetti tiegħu fuq il-politiki tat-trasporti se jkollhom riperkussjonijiet evidenti ħafna fuq il-loġistika tal-merkanzija;

43.

Iqis li għall-futur ikun objettiv ideali li tkun possibbli li wieħed jaqsam l-Ewropa kollha b'ferroviji b'veloċità għolja minn Liżbona għall-Mediterran kollu, sal-Baltiku u l-fruntieri l-ġodda mal-pajjiżi terzi;

44.

Jipproponi li jiġu approfonditi l-istudji li għandhom l-iskop li jidentifikaw u jadottaw miżuri biex jiġu eliminati r-restrizzjonijiet fil-livell tal-infrastruttura u tar-regolamenti eżistenti; iqis li biex isir progress aktar mgħaġġel fl-identifikazzjoni ta' dawn il-problemi u biex jinstabu s-soluzzjonijiet hemm bżonn li jinħolqu netwerks ta' skambju tal-għarfien u ta' prattiki tajbin fost iċ-ċentri speċjalizzati fil-loġistika u l-intermodalità, fuq il-livell lokali u reġjonali;

45.

Iqis li huwa meħtieġ li jiġu definiti l-istrateġiji u l-pjanijiet ta' azzjoni fit-tul sabiex jitwessgħu il-kurituri Ewropej;

46.

Japprova il-miżuri li jiggarantixxu kundizzjonijiet ekwi ta' konkorrenza bejn l-Istati Membri;

47.

Huwa favur l-armonizzazzjoni u s-semplifikazzjoni tan-normi u r-regolamenti, b'mod partikolari dawk dwar id-dimensjonijiet u l-piż, in-normi tas-sikurezza marbuta mal-irbit tat-tagħbija u mar-responsabbiltajiet tal-partijiet, ir-regoli dwar l-ugwaljanza tat-trasportaturi kollha quddiem il-liġi, indipendentement mill-post tar-residenza tagħhom, lingwa komuni għall-kontroll tat-traffiku u fl-aħħar l-importazzjonijiet mill-pajjiżi barra mill-UE;

48.

Iqis li hemm bżonn li jingħelbu l-ostakli amministrattivi, billi kemm jista' jkun id-dokumenti jintbagħtu b'mod elettroniku;

49.

Jirrakkomanda li jkun hemm iktar effiċjenza fit-trasport, fejn jidħol l-iżvilupp u l-użu tal-kapaċità ta' kull modalità, kif ukoll l-iżvilupp u l-promozzjoni tal-intermodalità;

50.

Jirrakkomanda sistemi tat-trasport aktar effiċjenti, u jipproponi li għal dan il-għan tinħoloq politika loġistika aktar avvanzata għall-portijiet u t-terminali;

51.

Fl-aħħar iqis li huwa xieraq li l-internet jintuża biex titwassal informazzjoni dwar il-kundizzjonijiet lokali u l-karatteristiċi tal-portijiet.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/12

—

jixtieq jiżgura li l-iskemi ta' appoġġ ikunu aċċessibbli għall-produtturi tal-enerġija rinnovabbli fil-livelli kollha, inklużi l-istabbilimenti ż-żgħar, u jemmen li għall-konsistenza l-appoġġ għall-enerġija rinnovabbli għandu jkun akkumpanjat mit-tneħħija gradwali tas-sussidji għall-produzzjoni u l-użu tal-karburanti fossili (bl-eċċezzjoni tal-possibbiltà li jingħata appoġġ lill-impjanti tal-koġenerazzjoni li jipprovdu tisħin distrettwali) u l-produzzjoni u l-użu tal-enerġija nukleari. Ser issir eċċezzjoni wkoll għall-każijiet fejn il-qbid u l-ħżin tal-karbonju jintuża biex jitnaqqsu l-kwantitajiet ta' dijossidu tal-karbonju emessi mill-użu tal-karburanti fossili;

—

jirrakkomanda li jkun hemm koordinazzjoni kbira bejn l-atti leġiżlattivi Ewropej ewlenin f'dawn l-oqsma, jiġifieri d-Direttiva dwar il-prestazzjoni enerġetika tal-bini, id-Direttiva dwar l-effiċjenza fl-użu tal-enerġija u s-servizzi tal-enerġija, it-tielet pakkett tal-liberalizzazzjoni tal-enerġija u d-diversi elementi tal-pakkett tal-enerġija rinnovabbli u t-tibdil fil-klima, fosthom id-Direttiva dwar l-enerġija rinnovabbli;

—

iħeġġeġ lill-Kummissjoni sabiex temenda l-Artikolu 4 u titlob l-involviment tal-awtoritajiet lokali u reġjonali fit-tfassil tal-Pjanijiet ta' Azzjoni Nazzjonali u tikkunsidra dan il-fattur sewwa hija u tevalwa l-Pjanijiet ta' Azzjoni Nazzjonali;

—

jiġbed l-attenzjoni għall-fatt li l-istabbiliment ta' mira ta' 10 % għall-użu tal-bijokarburanti fit-trasport jista' biss ikollu l-konsegwenzi pożittivi mistennija jekk il-bijokarburanti jkunu prodotti minn sorsi li jinkisbu b'mod li ma jfixkilx il-bilanċ naturali tal-ambjent u l-bilanċ ekonomiku fis-suq.

Rapporteur

:

Paula BAKER (UK/ALDE), Membru tal-Kunsill Muniċipali ta' Basingstoke u Deane

1.

jilqa' d-Direttiva dwar l-Enerġija Rinnovabbli għax jemmen li l-produzzjoni tal-enerġija rinnovabbli tista' tnaqqas l-emissjonijiet tal-gassijiet b'effett ta' serra, ittejjeb is-sigurtà tal-provvista tal-enerġija, tippromovi l-iżvilupp teknoloġiku, tkattar l-opportunitajiet ta' impjieg u tikkontribwixxi għall-iżvilupp reġjonali;

2.

jenfasizza li sabiex jintlaħqu l-objettivi tad-Direttiva, huwa ferm importanti li tinħoloq alleanza strateġika tal-awtoritajiet reġjonali u lokali sabiex jiġi assigurat l-iżvilupp tal-enerġija rinnovabbli mill-aktar livell baxx;

3.

iħeġġeġ it-tfassil ta' qafas legali li jipprovdi stabbiltà fuq perijodu twil għad-deċiżjonijiet ta' investiment sabiex proġetti innovattivi ta' enerġija rinnovabbli, li jużaw il-firxa wiesgħa ta' teknoloġiji li huma disponibbli llum-il-ġurnata, ikunu jistgħu jsiru kompetittivi fir-rigward tat-teknoloġiji tradizzjonali;

4.

jilqa' l-adozzjoni ta' objettivi vinkolanti fil-qasam tal-enerġija rinnovabbli. Madankollu, jinsisti fuq il-fatt li sabiex tiġi żgurata implimentazzjoni rapida tal-objettivi finali, jeħtieġ li l-objettivi intermedji ddefiniti fil-parti B tal-Anness tal-proposta għal Direttiva jkunu vinkolanti wkoll. Jappella għall-involviment tal-awtoritajiet lokali u reġjonali fit-taħditiet mal-Istati Membri dwar it-tħejjija tal-Pjanijiet ta' Azzjoni Nazzjonali bil-għan li l-objettivi intermedji jiġu kkunsidrati kif inhu xieraq u li l-miżuri ta' implimentazzjoni li għandhom jiġu adottati jiġu ddefiniti fil-livell lokali;

5.

jilqa' bis-sħiħ il-proposta tal-Kummissjoni biex l-Istati Membri jiżviluppaw infrastruttura tad-distribuzzjoni tal-elettriku biex jakkomodaw il-produzzjoni tal-elettriku minn sorsi rinnovabbli u jagħtu lil din l-enerġija aċċess prijoritarju għad-distribuzzjoni, iżda jenfasizza l-fatt li l-aċċess għandu jkollu prezz ġust u kompetittiv, jinkisibx permezz ta' feed-in-tariff jew mod ieħor;

6.

bl-istess mod, jenfasizza l-importanza li jkun hemm infrastruttura tad-distribuzzjoni għall-gass u t-tisħin minn sorsi rinnovabbli u s-sħana residwa u li dan it-tip ta' enerġija jingħata aċċess prijoritarju għas-sistemi ta' distribuzzjoni.

7.

jemmen li l-fornituri tad-distribuzzjoni għandhom jagħmlu, u jerfgħu l-ispejjeż ta', aġġustamenti raġjonevoli sabiex jagħtu aċċess għas-sorsi ta' enerġija rinnovabbli. Dawn l-ispejjeż m'għandhomx jinqasmu fost il-konsumaturi kollha tal-enerġija;

8.

jappoġġja l-inizjattiva tal-Kummissjoni Ewropea li tħeġġeġ lill-awtoritajiet nazzjonali, reġjonali u lokali japplikaw politiki li jippromovu l-bini b'konsum baxx tal-enerġija u l-bini passiv. Minkejja l-fatt li dawn il-politiki jridu jiġu indirizzati separatament, huma kollha importanti ħafna u rilevanti biex jintlaħqu l-objettivi tad-Direttiva dwar l-enerġija rinnovabbli. Jirrakkomanda li d-dispożizzjonijiet dwar dan fil-proposta għal Direttiva dwar l-enerġija rinnovabbli jiġu kkunsidrati fir-reviżjoni li jmiss tad-Direttiva dwar il-prestazzjoni enerġetika tal-bini. B'mod ġenerali, jirrakkomanda li jkun hemm koordinazzjoni kbira bejn l-atti leġiżlattivi Ewropej ewlenin f'dawn l-oqsma, jiġifieri d-Direttiva dwar il-prestazzjoni enerġetika tal-bini, id-Direttiva dwar l-effiċjenza fl-użu tal-enerġija u s-servizzi tal-enerġija, it-tielet pakkett tal-liberalizzazzjoni tal-enerġija u d-diversi elementi tal-pakkett tal-enerġija rinnovabbli u t-tibdil fil-klima, fosthom id-Direttiva dwar l-enerġija rinnovabbli. Għandha tingħata attenzjoni lill-implimentazzjoni nazzjonali tad-Direttiva dwar l-Enerġija Rinnovabbli bil-għan partikolari li jinkisbu miri nazzjonali vinkolanti.

9.

jemmen li l-awtoritajiet lokali u reġjonali għandhom l-esperjenza u kisbu l-kompetenza neċessarja biex jinfluwenzaw l-infrastruttura u l-politiki tal-enerġija fir-reġjuni tagħhom. Ħafna reġjuni Ewropej diġà qegħdin juru impenn politiku favur il-promozzjoni tal-enerġija rinnovabbli fi ħdan ir-reġjuni tagħhom; stabbilixxew objettivi konkreti f'dan il-qasam u qegħdin jimplimentawhom b'mod attiv. Diġà qegħdin jinfluwenzaw l-infrastruttura u l-politiki tal-enerġija bl-azzjonijiet tagħhom fl-ippjanar tal-użu tal-art u l-iżvilupp reġjonali, fejn għandhom impatt fuq l-imġiba taċ-ċittadini. F'ħafna okkażjonijiet huma ppromovew l-applikazzjonijiet innovattivi tal-enerġija rinnovabbli (ix-xemx, is-sorsi ġeotermali, il-bijomassa, l-enerġija idroelettrika u r-riħ) fl-oqsma tal-bini u tat-trasport kif ukoll f'oqsma oħra;

10.

jinnota li l-bidla minn sorsi ta' enerġija mhux rinnovabbli għal sorsi rinnovabbli timplika żieda fil-produzzjoni enerġetika lokali fuq skala relattivament baxxa, li ser tikkontribwixxi sabiex tiġi evitata l-ħela involuta fit-trasport tal-elettriku fuq distanzi kbar u ser tinvolvi u teffettwa l-attivitajiet tal-awtoritajiet lokali u reġjonali kollha;

11.

jirrikonoxxi l-fatt li l-attivitajiet imwettqa mill-awtoritajiet lokali u reġjonali li permezz tagħhom dawn tal-aħħar jistgħu jikkontribwixxu biex jintlaħqu l-objettivi tad-Direttiva jinkludu:

12.

iħeġġeġ lill-Kummissjoni biex tirreżisti l-pressjoni li titlob lill-Istati Membri jwaqqfu korpi amministrattivi uniċi u ċentralizzati li jitrattaw l-applikazzjonijiet u l-assistenza għal installazzjonijiet rinnovabbli ġodda;

13.

iwissi kontra l-livelli ta' “enerġija żejda” li qed jiġu applikati b'mod retroattiv għall-bini pubbliku;

14.

dejjem fuq il-bażi tal-esperjenza tal-Pjanijiet ta' Azzjoni Nazzjonali għall-Effiċjenza fl-Enerġija, jistieden lill-Kummissjoni talloka r-riżorsi neċessarji kollha (inkluż f'termini ta' riżorsi umani) u tieħu l-miżuri kollha li hemm bżonn (inklużi l-azzjoni legali u r-rikors għas-sanzjonijiet finanzjarji) sabiex tiggarantixxi li l-Istati Membri jressqu, sad-data stabbilita, Pjanijiet ta' Azzjoni Nazzjonali għall-Enerġija Rinnovabbli ta' kwalità li jippermettu li jintlaħqu l-objettivi tad-direttiva;

15.

jiġbed l-attenzjoni għall-fatt li barra minn hekk, l-awtoritajiet lokali u reġjonali jikkontrollaw baġits kbar għall-akkwist u l-ksib pubbliku ta' prodotti u servizzi li jikkunsmaw l-enerġija; jenfasizza l-fatt li fil-fażijiet bikrin tal-bidla lejn Ewropa b'settur tal-enerġija ddominat — ferm iktar milli huwa bħalissa — mill-enerġija rinnovabbli, ir-rwol sinifikanti tal-awtoritajiet lokali u reġjonali fl-ispeċifikazzjoni, l-innovazzjoni u n-negozjar tas-setturi tal-enerġija rinnovabli għandu jiġi promoss;

16.

jirrikonoxxi l-fatt li l-attivitajiet tal-awtoritajiet lokali u reġjonali għat-tnaqqis tad-domanda totali għall-enerġija, permezz ta' miżuri għat-titjib tal-effiċjenza enerġetika, jirrappreżentaw kontribut importanti biex jinkisbu l-objettivi tad-Direttiva dwar l-Enerġija Rinnovabbli.

17.

jemmen li ħafna mill-miżuri (ara, pereżempju, l-Artikolu 12) li ser jiġu inklużi fil-Pjanijiet ta' Azzjoni Nazzjonali ser ikollhom jiġu implimentati mill-awtoritajiet lokali u reġjonali. Dawn tal-aħħar diġà wettqu ħidma konsiderevoli f'dan ir-rigward u din l-esperjenza għandha tintuża bis-sħiħ fil-produzzjoni, l-implimentazzjoni u l-monitoraġġ tal-Pjanijiet ta' Azzjoni Nazzjonali;

18.

għalhekk iħeġġeġ lill-Kummissjoni sabiex temenda l-Artikolu 4 u titlob l-involviment tal-awtoritajiet lokali u reġjonali fit-tfassil tal-Pjanijiet ta' Azzjoni Nazzjonali u tikkunsidra dan il-fattur sewwa hija u tevalwa l-Pjanijiet ta' Azzjoni Nazzjonali;

19.

filwaqt li jfakkar fl-esperjenza tal-Pjanijiet ta' Azzjoni Nazzjonali għall-Effiċjenza fl-Enerġija, jistieden lill-Kummissjoni tippubblika, f'waqthom, il-linji gwida għat-tħejjija tal-Pjanijiet ta' Azzjoni Nazzjonali, inkluż mudell ta' pjan. L-involviment tal-awtoritajiet reġjonali u lokali fit-tħejjija tal-Pjanijiet ta' Azzjoni Nazzjonali b'hekk tiġi ppreżentata bħala punt ewlieni tal-proċess ta' tħejjija tal-Programmi ta' Azzjoni Nazzjonali f'kull mudell, pjan ta' direzzjoni u kull tip ta' rakkomandazzjoni ppubblikata mill-Kummissjoni dwar il-Pjanijiet ta' Azzjoni Nazzjonali.

20.

jappella lill-Kummissjoni sabiex tieħu l-passi meħtieġa biex tħeġġeġ l-użu tal-iskemi ta' appoġġ għall-enerġija rinnovabbli bħall-Fondi Strutturali, l-aċċess għas-self mill-BEI, l-iskema tal-enerġija intelliġenti għall-Ewropa fil-kuntest tal-Programm Qafas għall-Kompetittività u l-Innovazzjoni, id-diversi programmi u inizjattivi fi ħdan is-Seba' Programm Qafas għar-Riċerka, u l-pjanijiet tal-Kummissjoni msemmija fil-Komunikazzjoni dwar “Il-Pjan Strateġiku għat-Teknoloġija tal-Enerġija” COM(2007) 723 finali;

21.

jixtieq jiżgura li l-iskemi ta' appoġġ ikunu aċċessibbli għall-produtturi tal-enerġija rinnovabbli fil-livelli kollha, inklużi l-istabbilimenti ż-żgħar, u jemmen li għall-konsistenza l-appoġġ għall-enerġija rinnovabbli għandu jkun akkumpanjat mit-tneħħija gradwali tas-sussidji għall-produzzjoni u l-użu tal-karburanti fossili (bl-eċċezzjoni tal-possibbiltà li jingħata appoġġ lill-impjanti tal-koġenerazzjoni li jipprovdu tisħin distrettwali) u l-produzzjoni u l-użu tal-enerġija nukleari. Ser issir eċċezzjoni wkoll għall-każijiet fejn il-qbid u l-ħżin tal-karbonju jintuża biex jitnaqqsu l-kwantitajiet ta' dijossidu tal-karbonju emessi mill-użu tal-karburanti fossili;

22.

jixtieq li l-Kummissjoni tirrikonoxxi l-kontribut tar-riċerka u l-iżvilupp u tiggarantixxi li jkun hemm biżżejjed riżorsi sabiex dan is-settur jitħeġġeġ jisfrutta s-sorsi ta' enerġija marittimi nodfa u rinnovabbli, pereżempju l-enerġija mir-riħ, mill-mewġ, mill-marea u mill-kurrenti tal-oċean. Ifakkar li l-programmi ta' għajnuna nazzjonali u reġjonali, li jipprovdu soluzzjonijiet adattati għal sitwazzjonijiet nazzjonali, reġjonali u lokali, urew li huma kapaċi jippromovu l-enerġija rinnovabbli b'suċċess. F'dan il-kuntest, u anke jekk appoġġ addizzjonali mil-livell Ewropew jibqa' bżonjuż, il-programmi ta' għajnuna nazzjonali u reġjonali għandhom jibqgħu l-istrumenti ta' promozzjoni ewlenin. Kwalunkwe standardizzazzjoni tat-termini u l-kundizzjonijiet tal-programmi ta' għajnuna fil-livell Ewropew għandha tiġi evitata.

23.

jinnota li l-proposta tal-Kummissjoni għall-istabbiliment ta' garanziji tal-oriġini fl-UE kollha li jiggarantixxu li l-elettriku u l-enerġija għat-tisħin u t-tkessiħ jiġu minn sorsi rinnovabbli taqbel mal-opinjoni tal-Kumitat tar-Reġjuni dwar “Il-limitazzjoni tal-bidla klimatika globali” (1) li sejħet għall-introduzzjoni ta' ċertifikat tal-enerġija ekoloġika;

24.

jemmen li l-użu tal-garanziji tal-oriġini fl-oqsma tal-kummerċ u l-accounting huwa kkumplikat wisq u jissuġġerixxi li l-Kummissjoni terġa' teżaminah u tiċċarah, sabiex tiggarantixxi s-sigurtà legali u t-trasparenza tas-sistema. Jissuġġerixxi wkoll li fl-istess ħin il-Kummissjoni tiggarantixxi li s-sistema ta' skambju u kummerċ tal-garanziji tal-oriġini ma tirrappreżentax riskju għall-implimentazzjoni u l-effikaċja tal-programmi ta' għajnuna nazzjonali u reġjonali, u tikkunsidra ċertifikat separat għall-kummerċ volontarju;

25.

iqis li l-kontribut tal-mikroġenerazzjoni jrid jiġi kkunsidrat sabiex dan l-element tal-pakkett tal-enerġija ta' kull Stat Membru jkun rikonoxxut u appoġġjat.

26.

jinnota li l-produzzjoni, id-distribuzzjoni u l-użu tal-enerġija qegħdin jinbidlu malajr u jemmen li r-rata ta' bidla ser tiżdied fis-snin li ġejjin; għalhekk l-informazzjoni u t-taħriġ għandhom jiġu pprovduti fuq firxa wiesgħa sabiex il-produtturi, l-installaturi u l-konsumaturi tal-enerġija jkollhom fehim adegwat tat-teknoloġiji l-ġodda bil-għan li dan it-tibdil jidħol fis-seħħ b'mod effiċjenti u ġust;

27.

jappoġġja l-proposta tal-Kummissjoni li l-Istati Membri jieħdu ħsieb li jitħejjew informazzjoni, linji gwida u skemi ta' akkreditazzjoni adegwati;

28.

jenfasizza l-fatt li l-awtoritajiet lokali u reġjonali għandhom rwol importanti x'jaqdu fl-edukazzjoni u t-taħriġ u ċ-ċittadini qegħdin jappellaw dejjem iktar sabiex dawn itejbu l-kwalità tal-informazzjoni disponibbli; ser ikunu wkoll direttament involuti fl-implimentazzjoni ta' linji gwida dwar il-kontrolli tal-ippjanar u l-istandards tal-bini l-ġdid. Għalhekk jappella biex l-awtoritajiet lokali u reġjonali jkunu involuti bis-sħiħ fl-iżvilupp u l-implimentazzjoni ta' skemi ta' informazzjoni, sensibilizzazzjoni, parir, edukazzjoni u taħriġ.

29.

jinnota li l-awtoritajiet lokali u reġjonali ppromovew l-użu tal-bijokarburanti billi, pereżempju, ġabru ż-żejt tat-tisjir użat biex jipproduċu l-bijodiesel għall-vetturi tal-kunsilli lokali jew ippromovew il-produzzjoni tal-bijogass mid-dranaġġ u skart organiku ieħor bil-għan li dan il-gass jintuża mill-karozzi tal-muniċipju, u l-produzzjoni ta' wood pellets, li jintużaw prinċipalment għat-tisħin iżda wkoll flimkien ma' skemi ta' koġenerazzjoni, minn foresti b'ġestjoni lokali u minn injam skartat. L-inizjattivi li tnedew f'diversi reġjuni Ewropej favur il-ħolqien ta' “netwerks tal-bijokarburanti” għandhom jissaħħu wkoll. Dawn in-netwerks jikkoordinaw il-produzzjoni u l-konsum tal-bijokarburanti fil-livell reġjonali. Sakemm il-bijokarburanti huma prodotti b'mod sostenibbli li jqis l-aspetti ekonomiċi, ambjentali u soċjali kollha, dawn in-netwerks jistgħu jikkontribwixxu għall-iżvilupp tal-ekonomiji reġjonali;

30.

jemmen li l-mira ta' 10 % għall-enerġija rinnovabbli fit-trasport tista' tintlaħaq l-aħjar billi jiżdied l-użu tal-vetturi elettriċi mħaddma b'elettriku ġġenerat minn sorsi rinnovabbli;

31.

isostni li l-bijokarburanti prodotti mill-iskart, prodotti kollaterali u residwi jġibu magħhom żewġ vantaġġi għall-bidla fil-klima, minn naħa billi jnaqqsu l-emissjonijiet mill-mezzi tat-trasport u jneħħu ċerti materjali mill-flussi tal-iskart, ħaġa li tippermetti li jkun hemm ġestjoni kawta tar-riżorsa tal-bijomassa, u min-naħa l-oħra billi jevitaw kull kompetizzjoni mal-produzzjoni tal-ikel;

32.

jiġbed l-attenzjoni għall-fatt li użu akbar tal-bijokarburanti fit-trasport jista' biss ikollu l-konsegwenzi pożittivi mistennija jekk il-bijokarburanti jkunu prodotti minn sorsi li jinkisbu b'mod li ma jfixkilx il-bilanċ naturali tal-ambjent, il-provvista tal-ikel, il-bilanċ ekonomiku fis-suq, jew il-bilanċ soċjali;

33.

jinnota li l-emmissjonijiet mill-bijokarburanti użati fit-trasport ta' sostanzi li jniġġsu l-arja u li huma ta' ħsara għas-saħħa tal-bniedem ivarjaw skont is-sors. Għalhekk il-bijokarburanti għandhom il-potenzjal li jikkontribwixxu għal titjib jew deterjorament tal-kwalità tal-arja, qasam li fih il-gvernijiet lokali għandhom rwol ewlieni x'jaqdu;

34.

għalhekk, isejjaħ għal riċerka komprensiva dwar l-emissjonjiet mit-tubi tal-exhaust għal diversi bijokarburanti u jitlob li l-effetti fuq il-kwalità tal-arja jitqiesu flimkien mal-valutazzjoni tas-sostenibbiltà, b'mod olistiku;

35.

jirrakkomanda li l-Pjanijiet ta' Azzjoni Nazzjonali, li l-awtoritajiet lokali u reġjonali ser ikunu involuti fit-tħejjija tagħhom, jinkludu dispożizzjonijiet speċifiċi relatati mar-riżorsi li ser jintużaw għall-produzzjoni tal-bijokarburanti. Il-Pjanijiet ta' Azzjoni Nazzjonali għandhom jikkunsidraw in-natura speċifika tar-riżorsi naturali tal-Istati Membri;

36.

jappella sabiex jiġu appoġġjati l-bijokarburanti li joffru ffrankar sinifikanti u kkwantifikat tal-emissjonijiet tal-gassijiet b'effett ta' serra;

37.

jinnota li l-bijomassa miċ-ċellulosa (2) u l-alka tista' tiġi prodotta b'inqas interferenza fis-settur tal-ikel u b'piż iżgħar fuq ir-riżorsi tal-art; dejjem sakemm din tkun kompatibbli ma' attivitajiet marittimi oħra; għalkemm il-metodi ta' produzzjoni għadhom qed jiġu żviluppati, hemm il-possibbiltà li jiġu ffrankati 90 % tal-emissjonijiet tal-gassijiet b'effett ta' serra (3). Barra minn hekk, il-karburanti għall-vetturi jistgħu jiġu prodotti wkoll mill-iskart billi jiġi prodott bijogass permezz ta' proċessi ta' bijodegradazzjoni fl-assenza tal-ossiġnu (anaerobic digestion), bi tnaqqis korrispondenti fl-emissjonijiet tal-gassijiet b'effett ta' serra;

38.

jistieden lill-Kummissjoni Ewropea tiżviluppa iktar il-kriterji ta' sostenibbiltà ambjentali għall-bijokarburanti msemmija fl-Artikolu 15 tal-abbozz ta' Direttiva. Dawn il-kriterji għandhom jgħinu biex tinstab soluzzjoni għall-kwistjonijiet li ġejjin:

Barra minn hekk, fuq l-eżempju tan-netwerks reġjonali msemmija hawn fuq, jistieden lill-Kummissjoni tikkunsidra kif jixraq lill-potenzjal tal-katini reġjonali ta' produzzjoni/konsum;

39.

jitlob evalwazzjoni rigoruża tas-sostenibbiltà tal-bijokarburanti li ssegwi l-bidla teknoloġika u tibdil fl-iffrankar minimu tal-gassijiet b'effett ta' serra hekk kif it-teknoloġija tiżviluppa;

40.

jemmen li l-kriterji ta' sostenibbiltà għandhom jiġu applikati lill-bijokarburanti prodotti fl-UE u dawk mhux prodotti fl-UE sabiex il-pubbliku jkun jista' jieħu d-deċiżjonijiet ta' xiri tiegħu mingħajr tħassib u jafda fl-iskemi tal-awtorità lokali tiegħu;

41.

iqis li l-bijokarburanti għandhom jiġu prodotti b'mod sostenibbli u li jillimita kemm jista' jkun l-impatt fuq il-klima. Fl-ebda ċirkustanza m'għandna neqirdu l-foresti biex l-art tintuża għall-uċuh tar-raba' li jintużaw għall-produzzjoni tal-enerġija u li jassorbu inqas dijossidu tal-karbonju.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/19

—

jħeġġeġ lill-Kummissjoni biex ma ddumx biex tapprova l-leġiżlazzjoni għall-inklużjoni tat-trasport bl-ajru fl-ETS u biex tinkorpora s-settur tat-trasport marittimu fl-ETS mingħajr dewmien;

—

huwa mħasseb li d-direttiva ma tħeġġiġx it-tnaqqis tal-emissjonijiet ta' gassijiet b'effett ta' serra fis-settur tal-ġestjoni tal-iskart, Settur partikolarment kritiku kemm għall-emissjonijiet u kemm għall-ippjanar tal-użu tal-art;

—

jirrakkomanda li għall-inqas 30 % tad-dħul mill-irkant tal-kwoti jitwarrab mill-Istati Membri għall-awtoritajiet lokali u reġjonali sabiex jiġi mħeġġeġ l-użu ta' enerġiji rinovabbli u l-effiċjenza enerġetika fl-użu finali, biex sal-2020 jintlaħaq l-impenn Komunitarju għall-użu ta' 20 % ta' enerġiji rinovabbli u għaż-żieda tal-effiċjenza fl-enerġija b'20 %; sabiex jiġu mħeġġa miżuri għat-tnaqqis tal-gassijiet b'effett ta' serra fis-setturi li ma jaqgħux taħt l-ETS, b'mod partikulari s-setturi tat-trasport u l-iskart;

—

jirrakkomanda miżuri li jappoġġjaw ċerti industriji intensivi fl-enerġija f'każ ta' rilaxx tal-karbonju potenzjali:

—

mhux aktar minn sitt xhur wara d-dħul fis-seħħ ta' din id-Direttiva, il-Kummissjoni, wara li tkun ikkonsultat lill-imsieħba soċjali rilevanti kollha u lill-Kumitat tar-Reġjuni, ser tressaq proposti konkreti għall-prevenzjoni tar-rilaxx tas-CO2 mis-setturi u s-sotto setturio li jużaw ħafna enerġija.

Rapporteur

:

Pietro MARRAZZO (IT/PES), President tar-Reġjun ta' Lazio

1.

ifakkar li l-awtoritajiet lokali u reġjonali jagħtu kontribut kruċjali għas-suċċess ta' inizjattivi Ewropej u jaqdu rwol kritiku fl-implimentazzjoni ta' politiki ambjentali, industrijali u li jikkonċernaw l-enerġija;

2.

japprova l-applikazzjoni prattika tal-prinċipju ta' “min iniġġes iħallas” fil-politiki Komunitarji kollha li għandhom x'jaqsmu mal-ħarsien ambjentali u l-klima; l-internalizzazzjoni tal-ispiża ambjentali tal-prodotti u s-servizzi hija parti essenzjali ta' politika pubblika tajba mmexxija mill-prinċipji ta' żvilupp ekonomiku sostenibbli, bilanċjat u li jirrispetta l-ambjent;

3.

japprezza, għaldaqstant, l-isforzi li saru s'issa mill-Kummissjoni Ewropea biex jinbena suq tal-karbonju effettiv li jirnexxielu jidentifika “l-prezz tat-tniġġis f'tunnellata dijossidu tal-karbonju” f'sistema ta' negozjar ħieles;

4.

jilqa' t-tibdil u l-aġġornar propost tal-ETS (l-iskema għall-iskambju ta' kwoti ta' emissjonijiet), b'koerenza mar-riżultati miksuba s'issa u l-evidenza li nstabet matul l-ewwel perijodu taħt l-iskema (2005-2007);

5.

jidhirlu li minkejja l-progress li sar, jeħtieġ li tkompli tiżdied it-trasparenza u l-affidabilità dejjiema tal-ETS u li nibqħu attenti għar-riperkussjonijiet soċjali u ambjentali li ser ikollhom il-miżuri proposti, speċjalment fil-livell reġjonali u lokali;

6.

ifakkar li s-simplifikazzjoni proposta mill-Kummissjoni, inkluża l-possibbiltà li jiġu esklużi l-iżgħar impjanti industrijali u li jiġi kkjarifikat il-kunċett ta' impjant ta' kombustjoni, ser tgħin biex iżżid l-affidabilità, l-effiċjenza u t-trasparenza tas-suq tal-karbonju in ġenerali;

7.

madankollu jitlob lill-Kummissjoni tispeċifika l-miżuri ekwivalenti li jistgħu jiġu adottati mill-Istati Membri biex isegwu tnaqqis fl-emissjonijiet fl-impjanti ż-żgħar, biex b'hekk tmur lil hinn mir-referenza ġenerika għal miżuri possibbli ta' politika fiskali (taxxa fuq il-karbonju);

8.

jinnota li, f'dak li hu irkant tal-kwoti, ikun xieraq li niċċaqilqu minn allokazzjoni kompletament ħielsa għal allokazzjoni progressiva u gradwali permezz ta' rkanti pubbliċi; jappoġġja bis-sħiħ il-ħtieġa li jitħarsu l-ifqar sezzjonijiet tal-pubbliku, għall-fatt li l-prezzijiet tal-prodotti industrijali, b'mod aktar speċifiku, tal-elettriku u sorsi oħra ta' enerġija, possibilment jogħlew, kif ukoll billi jiġu megħjuna biex iżidu l-effiċjenza fl-użu tal-enerġija u l-insulazzjoni fid-djar tagħhom;

9.

jaqbel mal-Kummissjoni dwar il-bidla proposta fl-approċċ li ttieħed s'issa għall-adozzjoni tal-Pjanijiet Nazzjonali ta' Adozzjoni għal kull Stat Membru u jilqa' d-deċiżjoni li jiġu individwati l-għanijiet Komunitarji komuni, bħala parti minn approċċ waħdieni u unitarju għall-UE in ġenerali;

10.

jaqbel mal-proposta tal-Kummissjoni li l-ġbir, it-trasport u l-ħżin ġeoloġiku tal-gassijiet b'effett ta' serra jiġu inklużi fl-ETS u jittama li f'dan ir-rigward jingħata appoġġ xieraq lir-riċerka ta' tekonoloġiji relatati li jeħtieġu aktar żvilupp u investiment, sakemm jitqies l-impatt negattiv li l-ħżin tal-karbonju jista' jkollu fuq l-ekosistemi li jintlaqtu;

11.

ifakkar l-importanza tar-rwol li tista' taqdi r-riċerka fil-qasam tal-enerġija u tal-ambjent fejn jidħol tnaqqis ta' emissjonijiet u tibdil u jittama li d-Direttiva sservi ta' strument effettiv biex tassigura sors regolari ta' fondi għal attivitajiet ta' dan it-tip;

12.

isostni biex l-inklużjoni ta' setturi u attivitajiet ġodda fl-ETS tiġi evalwata mhux biss mill-perspettiva tar-riskju li l-industrija Ewropea tista' ssir anqas kompetittiva fis-swieq internazzjonali, imma wkoll tat-tniġġis reali li joħroġ minn dan is-settur u tal-potenzjal għal żvilupp teknoloġiku tas-setturi kkonċernati u jara sa fejn hu possibbli li l-ispejjeż żejda jgħaddu għal għand l-utenti aħħarija;

13.

għalhekk iħeġġeġ lill-Kummissjoni tħaffef l-approvazzjoni tal-leġiżlazzjoni biex it-trasport bl-ajru jiġi inkluż fl-ETS u biex tinkorpora s-settur tat-trasport marittimu fl-ETS mingħajr dewmien (ara l-Punt 65 tal-Opinjoni KtR 22/2008);

14.

japprova l-prinċipju ta' kooperazzjoni u solidarjetà bejn l-Istati Membri kif introdott fis-sistema l-ġdida tal-ETS bejn pajjiżi li huma teknoloġikament aktar avvanzati (b'setturi industrijali aktar effiċjenti fl-użu tal-enerġija) u pajjiżi anqas żviluppati (li għandhom ekonomiji b'konsum ogħla ta' enerġija u li jeħtieġu li jżidu r-rati ta' tkabbir tagħhom);

15.

japprezza l-isforzi li saru mill-UE s'issa bis-sehem tagħha fin-negozjati internazzjonali dwar l-implimentazzjoni tal-protokoll ta' Kyoto, aktar riċentament fil-konferenza ta' Bali, u bl-identifikar tal-istrateġiji globali komuni, b'mod partikulari biex jinqasam il-piż bejn il-pajjiżi għonja u dawk li qed jiżviluppaw; jittama għaldaqstant li r-riżultati li nkisbu s'issa jkomplu jissaħħu u jiġu żviluppati permezz ta' ftehim fil-konferenzi internazzjonali li ġejjin f'Poznan u Kopenħagen;

16.

jitlob miżuri addizzjonali fil-ġlieda kontra l-bidla fil-klima u fiż-żieda tal-objettivi stabbiliti għall-ETS sabiex jiġu ggwidati lejn il-mira ta' tnaqqis ġenerali ta' 30 % fl-emissjonijiet wara l-qbil internazzjonali dwar is-suġġett;

17.

jenfasizza l-bżonn li l-ftehim internazzjonali propost iwassal għat-trattament ugwali tas-setturi kkonċernati madwar id-dinja; għalhekk hemm bżonn li jiġu stabbiliti l-ħtiġijiet minimi li jeħtieġ li jikkonforma magħhom il-ftehim sabiex ikun jista' jitqies bħala ftehim internazzjonali fil-qafas tad-Direttiva;

18.

isostni l-ħtieġa li jsiru analiżi tajba tal-benefiċċji f'dak li huwa nfiq fir-rigward tal-inklużjoni tas-setturi produttivi ġodda fl-ETS sabiex jiġu evitati distorzjonijiet kompetittivi bejn setturi varjanti bħala riżultat tat-tnaqqis fil-produzzjoni tal-gassijiet b'effett ta' serra;

19.

jinsab imħasseb li d-Direttiva ma tħeġġiġx it-tnaqqis tal-emissjonijiet ta' gassijiet b'effett ta' serra fis-settur tal-ġestjoni tal-iskart, settur speċjalment kritiku kemm għall-emissjonijiet u għall-ippjanar tal-użu tal-art;

20.

jinnota li, flimkien mal-iskema għall-iskambju ta' kwoti ta' emissjonijiet, fadal ħafna xi jsir fuq kollox sabiex issir bidla għal mezzi ta' trasport li jirrispettaw l-ambjent. Gvernijiet nazzjonali għandhom jassumu r-responsabbiltà biex jespandu l-infrastruttura tat-trasport bil-ferrovija u fuq l-ilma u biex jippromovu t-trasport intermodali b'mod ġenerali;

21.

jinnota li r-riskju li tonqos il-kompetittività fost is-setturi industrijali għadu jrid jiġi evalwat sew mill-Kummissjoni u li d-Direttiva l-ġdida għadha ma tipprovdix miżuri xierqa biex tappoġġja u tiddefendi l-ekonomiji Ewropej; isostni f'dan ir-rigward l-importanza ta' ambjent stabbli u attraenti għall-investimenti u l-ħtieġa urġenti li jiġu indirizzati l-perikli li jiġu trasferiti emissjonijiet lil pajjiżi bi standards ambjentali inqas stretti u bi spejjeż aktar baxxi (ħruġ mhux intenzjonat tal-karbonju); jitlob lill-Kummissjoni sabiex sat-30 ta' Ġunju 2009 tkun ressqet il-proposti tagħha għal Regolamenti Komunitarji u armonizzati bis-sħiħ għall-allokazzjoni mingħajr ħlas taċ-ċertifikati. Dawn ir-Regolamenti m'għandhomx jiġu stabbiliti fil-proċedura tal-komitoloġija iżda għandhom jagħmlu parti mid-Direttiva stess. Jeħtieġ li tiġi kkunsidrata b'mod partikolari s-sitwazzjoni tas-setturi u s-sotto-setturi li jużaw ħafna enerġija u li jinsabu f'riskju li jgħaddu minn bidla sinifikanti fl-emissjonijiet tas-CO2.

22.

jitlob biex l-isforzi involuti fil-ġlieda kontra l-bidla fil-klima jinqasmu b'mod xieraq bejn l-operaturi industrijali involuti u l-utenti aħħarin, u b'hekk jiġi żgurat li dawn tal-aħħar ma jkollhomx iġorru l-piż kollu tal-ispiża addizzjonali tal-istrateġiji adottati f'ċerti setturi produttivi b'mod partikulari;

23.

jinnota li l-proposta tal-Kummissjoni ma tagħtix biżżejjed attenzjoni lill-ħtieġa li jiġi evitat impatt negattiv fuq is-sezzjonijiet ifqar tas-soċjetà, partikolarment minħabba l-effett li d-Direttiva jista' jkollha fuq il-prezzijiet tal-elettriku; jitlob għalhekk lill-Kummissjoni tissorvelja s-swieq aktar mill-qrib, issaħħaħ il-kunfidenza tal-konsumatur u tillimita r-riskju ta' manipulazzjoni tas-suq;

24.

japprova li huma u jiġu allokati ċ-ċertifikati b'xejn tal-emissjonijiet jiġi rikonoxxut it-tnaqqis li diġà kisbu xi intrapriżi individwali, u li dawk l-istallazzjonijiet li fis-settur tal-produzzjoni tagħhom kisbu l-anqas livell ta' emissjonijiet ta' gassijiet b'effett ta' serra għal kull unità tal-produzzjoni jiksbu ċ-ċertifikati totalment (100 %) b'xejn;

25.

jenfasizza li l-awtoritajiet lokali u reġjonali jinsabu fuq quddiem fil-ġestjoni tal-konsegwenzi tal-bidla fil-klima u għalhekk iridu jkunu involuti sewwa fl-adozzjoni ta' kwalunkwe strateġiji biex din tiġi miġġielda u biex isir tibdil;

26.

jitlob lill-Kummissjoni biex, waqt ir-reviżjoni tal-ETS, tqis mhux biss il-konsegwenzi fuq il-kompetizzjoni fil-livell nazzjonali u internazzjonali, imma wkoll il-perikli li jeżistu għall-kompetittività u l-attrazzjoni tal-bosta reġjuni tal-UE;

27.

għalhekk jitlob li tingħata kunsiderazzjoni xierqa lit-talbiet tal-politiki reġjonali ta' żvilupp u jinnota li sabiex jitħeġġeġ suq tal-karbonju aktar trasparenti u effettiv, jistgħu jiġu ristrutturati numru ta' impjanti industrijali biex jitneħħew mis-sistema produttiva dawk l-impjanti li huma inqas effiċjenti jew dawk li diġà jinsabu fi kriżi; fl-istess vena, jitlob għal azzjoni biex jiġi appoġġjat il-proċess ta' tiġdid industrijali u taħriġ mill-ġdid tal-ħaddiema kkonċernati;

28.

f'dak li huwa t-tisħiħ u l-aġġustament tal-ETS, jagħraf il-ħtieġa li tittejjeb il-koerenza ġenerali tal-azzjonijiet u li jiġu stabbiliti objettivi aktar ambizzjużi li, skont il-qbil internazzjonali li qed jiġi diskuss, jistipulaw mira ta' tnaqqis ta' 30 % fl-emissjonijiet tal-gassijiet b'effett ta' serra sal-2020;

29.

jaħseb li għandu jsir aktar biex il-pubbliku jiġi involut fl-isforzi li qed tagħmel l-UE biex tindirizza l-bidla fil-klima, bl-għajnuna tal-awtoritajiet lokali u reġjonali; din l-attività ta' sensibilizzazzjoni għandha tiffoka kemm biex tħeġġeġ imġiba personali responsabbli kif ukoll biex tgħin lill-pubbliku jifhem il-kwistjonijiet industrijali u teknoloġiċi ewlenin li spiss ikun hemm wara l-istrateġiji li jiġu adottati;

30.

jara l-ħtieġa li tissaħħaħ il-ħidma tal-awtoritajiet lokali u reġjonali fil-qasam tat-taħriġ u informazzjoni għall-utenti aħħarin u għal operaturi ta' negozji żgħar u ta' daqs medju koperti mid-Direttiva ETS.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/28

—

jesprimi t-tħassib tiegħu dwar in-nuqqas ta' mezzi finanzjarji għall-iżvilupp rurali. Fir-rigward tal-investiment addizzjonali fl-Isfidi l-Ġodda, l-ambitu ma jridx jinkludi biss ir-riżorsi tal-Pilastru 1 u għaldaqstant iħeġġeġ u jorbot dan it-tħassib ma' politiki oħra tal-UE, speċjalment il-politika tal-koeżjoni;

—

jissuġġerixxi bil-qawwa li jitrawmu s-sinerġiji bejn il-politika tal-iżvilupp rurali u l-politiki l-oħra tal-UE, speċjalment il-politika tal-koeżjoni;

—

jappoġġja s-sejħiet li qed jiżdiedu għall-investiment fir-riċerka dwar kwistjonijiet agrikoli u għall-applikazzjoni tar-riżulati tar-riċerka, u jilqa' s-suġġeriment tal-KE li tinstab sinerġija mal-Qafas tal-Għarfien;

—

jemmen li sabiex jiġu indirizzati l-isfidi l-ġodda, l-Ewropa għandha timmira lejn ekonomija ta' ċirku sħiħ u għaldaqstant, għandha tqanqal u tappoġġja l-innovazzjoni tal-argikoltura kollha kemm hi;

—

iħoss li sabiex tiġi miġġielda l-bidla fil-klima, għandhom jiġu mħeġġa l-istrateġiji integrati;

—

iħoss li kieku jnaqqsu l-marka tal-karbonju tagħhom, ir-reġjuni għandhom jiġu mħeġġu jiżviluppaw u jippromovu l-produzzjoni lokali tal-ikel u prodotti marbuta mal-ikel;

—

jissuġġerixxi li ż-żieda proposta diġà għandha togħla b'2 % fis-sena, iżda jissuġġerixxi wkoll li l-Kummssjoni għandha tassigura l-pożizzjoni tal-bdiewa f'żoni vulnerabbli, jekk din il-pożizzjoni tiddgħajjef b'riżultat taż-żieda fil-kwota tal-ħalib;

—

iħoss li l-Ewropa għandha r-responsabbiltà soċjali li tagħmel mill-aħjar li tista' sabiex il-prinċipji tal-Poplu, il-Pjaneta u l-Profitt jiġu ankrati fir-riżultati tan-negozjati attwali u futuri tad-WTO;

—

jixtieq jenfasizza li l-korpi lokali u reġjonali fil-biċċa l-kbira tal-Istati Membri ggwadanjaw esperjenza u kompetenza konsiderevoli fil-qasam tal-iżvilupp rurali, u jilqa' kull stedina sabiex jaċċetta responsabbiltajiet b'ambitu usa' għall-implimentazzjoni u l-identifikazzjoni tal-politika tal-UE għall-Iżvilupp Agrikolu u Rurali;

Rapporteur

:

Is-Sinjura Lenie DWARSHUIS-VAN DE BEEK (NL/ALDE), Membru tal-Kunsill Eżekuttiv għall-Provinċja tan-nofsinhar tal-Olanda

1.

iħares lejn l-importanza strateġika tal-industriji tal-agrikoltura u l-ikel agrikolu għall-Ewropa; jikkunsidra l-isfera ta' attività tal-kumpaniji, li hija ferm multinazzjonali, u jappoġġja produzzjoni agrikola ta' kwalità għat-territorji kollha; jaqbel mal-Kummissjoni Ewropea (KE) dwar l-importanza ta' Politika Agrikola Komuni;

2.

jaqbel li biex, fejn hemm bżonn, ngħammru ruħna b'sistema li tiggarantixxi lill-popolazzjoni Ewropea ċertu livell ta' awtosuffiċjenza fl-ikel, neħtieġu ġestjoni ta' kriżi; jagħraf li fir-rigward tal-produzzjoni tal-ikel, is-suq mhux dejjem ikun jista' jsib il-bilanċ bejn il-problema tal-qligħ tal-produttur u d-domanda pubblika globali. Għalhekk hemm bżonn ta' Politika Agrikola Komuni;

3.

rigward ir-rakkomandazzjonijiet li huma diġà inkorporati fil-proposti leġiżlattivi, jenfasizza li ħafna mir-rakkomandazzjonijiet li saru fl-opinjoni ta' prospettiva tiegħu dwar l-Evalwazzjoni tal-istat ta' saħħa tal-politika agrikola komuni (CdR 197/2007) għadhom jgħoddu; barra mill-proposti leġiżlattivi mressqa, hemm bżonn ta' aktar semplifikazzjonijiet sabiex ikun jista' jitnaqqas il-piż burokratiku kemm għall-awtoritajiet reġjonali li huma responsabbli mill-implimentazzjoni tal-PAK kif ukoll għall-bdiewa. Hemm bżonn ta' semplifikazzjonijiet akbar fejn jidħol il-prinċipju tal-kundizzjonalità. F'dan il-kuntest huwa importanti wkoll li żieda fil-kundizzjonijiet ta' Anness III ma twassalx għal aktar piż burokratiku u jeħtieġ li fl-implimentazzjoni tal-miżuri individwali skont l-istandards ta' Anness III, jiġu kkunsidrati l-kundizzjonijiet reġjonali u naturali differenti li jeżistu. Importanti wkoll li r-regoli li diġà ġew stabbiliti f'dan il-qasam jiġu rrispettati;

4.

għall-kuntrarju ta' dak li ġie affermat fl-opinjoni ta' prospettiva tiegħu, jappella għat-tneħħija tal-obbligu tas-serħan tal-art permezz ta' miżuri ekoloġiċi fakultattivi għal art speċifika fil-qafas tat-tieni pilastru;

5.

jirrakkomanda li, fil-kuntest tas-sitwazzjoni attwali tas-suq tal-ħalib, jerġgħu jiġu kkunsidrati l-proposti biex jiżdiedu l-kwoti bħala tħejjija għat-tmiem tar-regolament dwar il-kwoti. Għandhom jintgħażlu l-istrumenti adatti u jekk ikun meħtieġ jiġu offruti r-riżorsi finanzjarji sabiex tiġi evitata l-possibbiltà li t-tneħħija tal-kwoti jkollha konsegwenzi ħorox wisq fuq l-inqas reġjuni vantaġġjati b'rabta mal-kompetittività u s-sitwazzjoni naturali;

6.

l-evalwazzjoni tal-istat ta' saħħa tal-PAK ma tistax sempliċement testendi r-riforma tal-2003 mingħajr ma tindirizza s-sitwazzjoni dinjija tal-ikel. Il-KtR isejjaħ għall-prudenza sabiex matul l-evalwazzjoni tal-istat ta' saħħa, l-istrumenti eżistenti tas-suq (minbarra l-istrument tal-obbligu tas-serħan tal-art) ma jitneħħewx b'mod irriversibbli. Fil-kuntest tal-volatilità tas-swieq dinjin tal-ikel, għandu jkun possibbli li dawn l-istrumenti jerġgħu jiġu attivati anke jekk ma jkunux qed jintużaw;

7.

jaqbel dwar l-importanza tal-Isfidi l-Ġodda u jaqbel li hemm bżonn inċentiv qawwi fl-Istati Membri l-ġodda sabiex jirnexxu fit-tnedija tal-operazzjonijiet tal-Isfidi l-Ġodda;

8.

madankollu jibża' li l-forma tal-modulazzjoni proposta mill-Kummissjoni tfisser li b'mod ġenerali id-dħul finanzjarju tal-bdiewa jista' jitnaqqas b'mod sinifikanti, jiddependi mir-reġjun;

9.

iħoss li l-Kummissjoni m'għandhiex tissottovaluta l-importanza tal-affidabilità tal-qafas finanzjarju miftiehem dwar il-PAK sal-2013;

10.

jipproponi li xi wħud mir-riżorsi jistgħu jiġu investiti f'miżuri oħrajn minbarra dawk li jridu jinħolqu għall-Isfidi l-Ġodda, bħal fil-miżuri l-ġodda ta' appoġġ ta' Pilastru I għas-settur Komunitarju tan-nagħaġ u l-mogħoż li huwa ta' importanza soċjali, ekonomika u ambjentali kbira u li huwa settur fejn hemm riskju kbir ta' tnaqqis drastiku fin-numru ta' bhejjem madwar l-Ewropa, u anke dawk li jinsabu fil-miżuri tal-Pilastru II relatati mal-farms, f'diversi miżuri ġodda fil-Pilastru II il-ġdid li għandhom jgħinu lill-bdiewa jadattaw għas-sitwazzjoni l-ġdida tal-Pilastru I, jew f'miżuri ġodda oħrajn tal-Pilastru II, li għandhom jħallsu l-ispejjeż tad-diversi miżuri tal-agrikoltura multifunzjonali għall-pubbliku ġenerali;

11.

iħoss li l-bilanċ bejn l-objettivi u l-miżuri jista' jkun differenti għar-reġjuni li s'issa diġà implimentaw ħafna miżuri biex ikunu jistgħu jindirizzaw l-Isfidi l-Ġodda jew li diġà użaw ir-riżorsi tagħhom b'konformità mal-Isfidi l-Ġodda;

12.

iħoss li sabiex il-politika agrikola Ewropea tirrispetta l-elementi fundamentali tal-politika Ewropea, l-applikazzjoni tal-modulazzjoni għandha tkun ibbażata l-ewwel u qabel kollox fuq il-kondizzjonijiet tal-produzzjoni qabel ma jiġu analizzati l-kriterji globali tal-kompetizzjoni;

13.

jemmen li d-deċiżjonijiet dwar il-modulazzjoni l-aħjar li jittieħdu fil-livell deċentralizzat sabiex jirriflettu aħjar id-diversità tal-ħtiġijiet lokali u reġjonali. L-Istati Membri u r-reġjuni għandu jkollhom l-iskop li jallokaw fondi għall-miżuri tal-Pilastru II ibbażati fuq ħtiġijiet attwali;

14.

f'din l-opinjoni dwar il-proposti leġiżlattivi, jesprimi t-tħassib tiegħu dwar in-nuqqas ta' mezzi finanzjarji għall-iżvilupp rurali b'mod ġenerali u għall-isfidi l-ġodda b'mod partikulari jistqarr b'mod ċar li għal investiment addizzjonali fl-Isfidi l-Ġodda, fil-futur qrib l-ambitu ma jridx jinkludi biss ir-riżorsi tal-Pilastru 1 u għaldaqstant iħeġġeġ u jorbot dan it-tħassib ma' politiki oħra tal-UE, speċjalment il-politika tal-koeżjoni;

15.

f'din l-opinjoni jiffoka fuq l-ambitu tal-proposti għar-Regolament (KE) Nru 1698/2005 dwar l-iżvilupp rurali, u jimmira għall-aħjar riżultati fl-isfidi l-ġodda;

16.

f'din l-opinjoni jagħti opinjoni dwar il-futur tal-PAK f'perspettiva globali, inklużi l-kwistjonijiet b'rilevanza mad-WTO, bħall-proprjetà intellettwali u l-kwalità tal-UE u t-tikkettar tal-użu tal-enerġija;

17.

f'din l-opinjoni jitlob lill-Kummissjoni tistieden lill-KtR sabiex jagħmel kontribut għad- dibattiti addizzjonali u t-tfassil ta' politika u jħabbar inizjattivi ġodda tal-KtR, bħall-organizzazzjoni ta' konferenza ta' partijiet interessati u t-tfassil ta' karta ta' viżjoni għall-agrikoltura u l-iżvilupp rurali fl-Ewropa u jiffoka fuq l-impatt tat-teħid tad-deċiżjonijiet fil-livell reġjonali u l-isforzi li għaddejjin sabiex joħolqu kondizzjonijiet ambjentali aħjar fl-agrikoltura;

18.

jisħaq l-importanza tal-industrija agroalimentari indiġena Ewropea u l-importanza kritika tas-sikurezza u s-sigurtà tal-ikel issa li l-UE hija l-akbar importatur agrikolu fid-dinja;

19.

sabiex ikun hemm transizzjoni mingħajr xkiel mill-iskadenza tal-kwota tal-ħalib fl-2015, hemm bżonn ta' “inżul ġentili”, il-Kumitat jiffavorixxi żidiet annwali fil-kwota tal-ħalib li jkunu talinqas 2 %, almenu għal dawk ir-reġjuni u l-pajjiżi b'potenzjal ikbar għall-produzzjoni. Billi bħalissa qed iseħħu varjazzjonijiet sinifikanti fil-volum u l-prezzijiet, il-mekkaniżmi tal-ġestjoni tas-suq għandhom jibqgħu fejn qegħdin sakemm tiskadi s-sistema tal-kwoti;

20.

jemmen li l-Politika Agrikola Komuni (PAK) hija importanti llum u għandha l-potenzjal li tibqa' importanti fil-futur qrib, hekk kif l-andament tal-PAK ser ikompli jiġi diskuss fil-perspettiva taż-żieda fid-domanda globali għall-ikel, l-għalf, il-karburanti u l-fibri;

21.

jesprimi l-fehma li f'dinja dejjem aktar globalizzata l-agrikoltura Ewropea ma jistax ma jkollhiex politika komuni Ewropea b'saħħitha b'mekkaniżmi tar-regolamentazzjoni tas-suq li, filwaqt li tqis id-diversità ġeografika, soċjali u ekonomika tar-reġjuni Ewropej, tiffoka fuq objettivi strateġiċi u d-domanda tal-konsumaturi, toffri l-possibbiltajiet għall-opportunità u l-parteċipazzjoni fil-livell reġjonali, speċjalment fl-isfidi l-ġodda, tkun sostenibbli mil-lat ekonomiku, soċjali u ambjentali u tikkontribwixxi għall-prosperità rurali;

22.

jaqbel mal-fehma tal-Kummissjoni li l-bidla fil-klima, il-bijokarburanti, il-ġestjoni tal-ilma u l-bijodiversità ser iġibu magħhom sfidi kbar fil-ġejjieni, anke għall-agrikoltura. B'rabta ma' dan, għandha ssir analiżi ta' kif il-PAK tista' tagħti kontribut bħala aġġustament għall-miżuri ta' appoġġ mingħajr ma jkun hemm konsegwenzi negattivi; jitlob li tingħata konsiderazzjoni xierqa mill-Istati Membri u r-reġjuni għall-pagamenti minn qabel;

23.

jinsab imħasseb dwar il-proposti tal-Kummissjoni għaż-żarmar tal-miżuri ta' intervenzjoni Komunitarja, fil-kuntest ta' nuqqas ta' stabbiltà fis-suq; jikkunsidra li huwa importanti li jinżammu strumenti ta' intervenzjoni fis-suq finanzjati bis-saħħa tal-fondi Komunitarji eżistenti;

24.

ser ikompli l-ħidma tiegħu sabiex jassigura li l-analiżi meħtieġa tal-PAK ma tirriżultax fin-nazzjonalizzazzjoni mill-ġdid ta' din il-politika — u b'hekk ifisser li minkejja li l-eżekuzzjoni u l-ko-finanzjament tal-politika jistgħu jiġu allokati lir-reġjuni u lill-Istati Membri, il-politika tal-PAK innifisha, inklużi l-istrateġija u l-baġit, għandha tiġi assigurata fuq livell komuni. Barra minn hekk, sa tmiem il-perijodu finanzjarju l-KtR ser jappoġġja ż-żamma tal-limitu tal-fondi għall-PAK adottat fil-qafas finanzjarju 2007-2013;

25.

fid-dawl tas-sitwazzjoni ekonomika attwali u l-kriżi serja li qed tolqot lill-pajjiżi Ewropej, u li qed tħalli effett negattiv fuq is-soċjetà rurali, jirrakkomanda lill-Kummissjoni sabiex ma tieħu l-ebda pass li jista' jżid il-qgħad u jkabbar it-telf tal-attività ekonomika;

26.

jikkunsidra li l-għajnuna diretta kollha għandha tkun marbuta maż-żamma tal-attività agrikola, għalkemm jista' jsir diżakkoppjar mill-produzzjoni stess; f'dan il-kuntest, l-evalwazzjoni tal-istat ta' saħħa m'għandhiex isservi bħala opportunità sabiex l-għajnuna diretta tinħall iktar;

27.

huwa tal-fehma li kemm il-mudell storiku kif ukoll dak reġjonali għandhom jimxu b'mod gradwali lejn għajnuna uniformi, ibbażata fuq unitajiet fil-livell Komunitarju, modulat skont il-prodotti u s-servizzi forniti lis-soċjetà fil-kuntest ta' industrija tal-biedja multi-funzjonali;

28.

josserva li l-proposta tal-Kummissjoni li tistabbilixxi limitu li taħtu ma tiġix koperta l-għajnuna, tista' ssir miżura rigressiva f'termini soċjali u, fil-kuntest tad-diversità reġjonali, jista' jkollha impatt soċjali kbir fuq ħafna reġjuni; għaldaqstant jikkunsidra li l-miżuri ta' semplifikazzjoni għandhom jiġu applikati fil-kuntest intern ta' kull Stat Membru;

29.

fid-dawl tal-proposta tal-Kummissjoni sabiex tippreżenta rapport qabel it-30 ta' Ġunju 2011 dwar il-kundizzjonijiet għat-tneħħija gradwali tal-kwoti tal-ħalib, il-KtR jikkunsidra li kull deċiżjoni dwar il-futur tas-sistema tal-kwoti għandha tiġi posposta sa dik id-data;

30.

jinnota r-rikonoxximent tal-Kummissjoni nnifisha li tmiem is-sistema tal-kwoti, jew sempliċement il-permess sabiex il-kwoti jogħlew gradwalment, eventwalment jista' jwassal għal prezzijiet iktar baxxi;

31.

jipproponi li sabiex jiġi amministrat il-volum eċċessiv u l-fluttwazzjonijiet tal-prezzijiet b'netwerk tas-sigurtà, il-mekkaniżmi tal-ġestjoni tas-suq xierqa għandhom jibqgħu fil-qafas tal-evalwazzjoni tal-istat ta' saħħa u anke wara li tintemm is-sistema tal-kwota;

32.

jirrakkomanda li sakemm jitqiesu bħala utli, anki wara l-2015, l-istrumenti tas-suq għall-ħalib u l-prodotti tal-ħalib għandhom jinżammu għal li jista' jinqala';

33.

iħeġġeġ lill-KE sabiex twaqqaf fond baġitarju straordinarju tal-Komunità supplementat jekk hemm bżonn minn riżorsi Statali, bil-għan li tittejjeb il-fattibbiltà tal-farms li jinsabu f'reġjuni inqas kompetittivi u/jew f'reġjuni jew ċirkostanzi bi żvantaġġ naturali;

34.

jissuġġerixxi li l-Istati Membri għandhom jitħallew jappoġġjaw dawn il-farms f'diversi modi, pereżempju billi jaħtru mill-ġdid iż-Żoni inqas Favorevoli, billi joffru miżuri tal-Pilastru 2 u/jew billi japplikaw l-Artikolu 68, biex b'hekk jipprovdu xibka ta' sigurtà;

35.

isejjaħ għall-prudenza sabiex matul l-evalwazzjoni tal-istat ta' saħħa, ma jitneħħewx il-mekkaniżmi tas-suq tal-ħalib u l-prodotti tal-ħalib; jikkunsidra li dawk il-mekkaniżmi stabbiliti għandhom jinżammu;

36.

huwa tal-fehma li l-impatt tal-agrikoltura fuq l-ambjent huwa sfida kbira u li l-UE għandha tħeġġeġ agrikoltura li tiffavorixxi iktar l-ambjent; għalhekk jixtieq jenfasizza l-importanza ta' diskussjoni kontinwa dwar il-kondizzjonijiet ambjentali fil-qasam tal-agrikoltura;

37.

jinsab imħasseb li l-isforzi sabiex jintuża t-terminu globali “żvilupp rurali” ħalli jiġu inkorporati għadd jiżdied ta' kwistjonijiet, jistgħu jkunu problematiċi u jistaqsi jekk numru minn dawn l-isfidi jistgħux jiġu indirizzati aħjar permezz ta' programmi dwar l-iżvilupp rurali;

38.

fil-fatt jassumi li d-diskrepanza li qed tikber bejn il-mezzi disponibbli fit-tieni pilastru u l-impatt tal-objettivi għandha tiġi indirizzata, billi kemm “l-isfidi l-ġodda” kif ukoll “l-isfidi attwali” huma relatati mal-kwalità ekonomika, soċjali u ambjentali taż-żoni rurali;

39.

jemmen li l-PAK hija l-ewwel nett intiża għall-agrikoltura u m'għandhiex tiġi trasformata sempliċement f'aspett ieħor tal-politika tal-koeżjoni territorjali. Meta l-PAK tqis l-ispeċifitajiet reġjonali u s-sistemi differenti tal-produzzjoni tikkontribwixxi wkoll għall-koeżjoni territorjali; kwalunkwe proposta għal bidla b'riżultat tal-evalwazzjoni tal-istat ta' saħħa għandha tqis biżżejjed l-ispeċifiċitajiet reġjonali u s-sistemi ta' produzzjoni li jeżistu fl-Unjoni Ewropea;

40.

jilqa' l-proposta sabiex l-Artikolu 69 tar-Regolament (KE) 1782/2003 isir iktar flessibbli, iżda jikkunsidra wkoll li din il-miżura mhijiex biżżejjed sabiex tittratta ż-żarmar tal-mekkaniżmi tas-suq proposti mill-Kummissjoni, b'mod partikulari l-implikazzjonijiet ta' tmiem il-kwoti tal-ħalib;

41.

iressaq l-opinjoni li l-iżvilupp taż-żoni rurali fid-direzzjoni tal-innovazzjoni, is-sostenibbiltà u l-kwalità tas-servizzi għal kull abitant u l-partijiet interessati ekonomiċi kollha, imur ħafna iktar lil hinn mill-qafas tal-iżvilupp agrikolu;

42.

jappoġġja s-sejħiet li qed jiżdiedu għall-investiment fir-riċerka dwar kwistjonijiet agrikoli u għall-applikazzjoni tar-riżulati tar-riċerka, u jilqa' s-suġġeriment tal-KE li tinstab sinerġija mal-Qafas tal-Għarfien;

43.

jitlob bil-ħerqa lill-KE sabiex tassigura li l-ħtieġa li jitħeġġu l-innovazzjoni u l-modernizzazzjoni tal-farms u ta' intrapriżi oħrajn relatati mal-ikel, li jirriżultaw mill-ħtieġa li jiġu indirizzati l-isfidi l-ġodda relatati mal-kompetittività l-ġdida, ma tixxekkilx mill-politika tal-għajnuna mill-Istat;

44.

jissuġġerixxi bil-qawwa li jitrawmu s-sinerġiji bejn il-politika tal-iżvilupp rurali u l-politiki l-oħra tal-UE, partikularment il-politika tal-koeżjoni u jilqa' kull opportunità sabiex jikkontribwixxi lejn il-konsultazzjonijiet futuri dwar id-dibattiti, bil-għan li jesplora dawn is-sinerġiji.

45.

jenfasizza li t-twettiq ta' kull miżura tal-PAK għandu impatt lokali, jenfasizza li l-livell reġjonali huwa fl-aħjar pożizzjoni sabiex joħloq l-aħjar riżultati fl-implimentazzjoni ta' politika komuni; madankollu, għandha tiġi evitata d-distorsjoni fil-kompetizzjoni bejn l-Istati Membri u r-reġjuni;

46.

jixtieq jenfasizza li l-korpi lokali u reġjonali fil-biċċa l-kbira tal-Istati Membri ggwadanjaw esperjenza u kompetenza konsiderevoli fil-qasam tal-iżvilupp rurali, bħall-eżekuzzjoni tal-programmi PRODER u LEADER matul dawn l-aħħar għaxar snin, u jilqa' kull stedina sabiex jaċċetta responsabbiltajiet b'ambitu usa' għall-implimentazzjoni u l-identifikazzjoni tal-politika tal-UE għall-Iżvilupp Agrikolu u Rurali;

47.

jixtieq jenfasizza li huwa l-livell reġjonali li huwa l-iktar adattat għat-twaqqif ta' miżuri għat-tnaqqis tal-ispejjeż tal-PAK; jikkunsidra li l-possibbiltà li l-bdiewa li jirċievu għajnuna li taqa' taħt ċertu limitu jiġu eżentati mill-modulazzjoni obbligatorja, f'ċerti reġjuni tirrappreżenta tnaqqis sinifikanti f'dawn l-ispejjeż amministrattivi;

48.

josserva li l-bidla minn mudell storiku lejn wieħed ta' pagament reġjonali, kif irrakkomandat il-Kummissjoni, ser teħtieġ li jiġu applikati kriterji li jkunu determinati ħafna iktar mil-lat ġeografiku u li jiġu indirizzati l-kompetenzi lokali u reġjonali, bħall-ġestjoni tal-ilma, il-provvista tal-enerġija u l-ippjanar spazjali;

49.

jesprimi l-bżonn għall-appoġġ għall-implimentazzjoni tal-politika tal-iżvilupp rurali b'appoġġ imsaħħaħ fil-qasam tekniku u edukattiv;

50.

jenfasizza l-ħtieġa li l-awtoritajiet lokali u reġjonali jipprovdu aktar u aktar informazzjoni komprensiva għall-prodotti u l-konsumaturi dwar kwistjonijiet agrikoli sabiex jitkabbar l-għarfien u s-sens ta' responsabbiltà tal-gruppi soċjali differenti fir-rigward tal-importanza tal-agrikoltura għall-ħajja tagħna ta' kuljum sabiex tinġibed l-attenzjoni għar-rwol importanti li l-agrikoltura kellha, għandha u ser jibqa' jkollha fl-iżviluppi ekonomiċi, soċjali u ambjentali;

51.

jissuġġerixxi li għandu jiġi definit u introdott element addizzjonali għall-klassifika tal-intrapriżi skont il-limitu tal-modulazzjoni, ħalli ssir distinzjoni bejn l-intrapriżi l-kbar amministrati ċentralment minn dawk l-intrapriżi lokali iżda li huma amministrati minn kooperazzjoni. B'hekk l-Istati Membri jkunu jistgħu japplikaw miżuri ta' appoġġ, u b'hekk joħolqu “inżul ġentili” għal dawn il-kooperazzjonijiet;

52.

jinnota li żieda qawwija fid-domanda kwantitattiva għall-prodotti agrikoli u l-ikel, ikkawżata miż-żieda esplussiva fil-popolazzjoni dinjija, flimkien maż-żieda fil-prosperità u l-poter tal-akkwist, ser isseħħ fil-futur u tiġi sostnuta fis-snin li ġejjin;

53.

jinnota li t-tkabbir fil-popolazzjoni u l-poter tal-akkwist ser iwasslu wkoll għal żieda qawwija fid-domanda għal ikel ta' kwalità għolja, ikel ipproċessat, prodotti tal-laħam u l-ħalib u li dan imbagħad ser iwassal għal skarsezza li tiżdied tal-uċuħ tal-ikel, inklużi ż-żrieragħ, il-fibri u l-istokk tal-għalf agrikolu u materji primi oħrajn;

54.

jinsab imħasseb li ż-żieda proposta fil-kwota tal-ħalib b'1 % kull sena mill-2009 sal-2013 tista' ma tkunx biżżejjed u jissuġġerixxi li ż-żieda proposta diġà għandha tiżdied b'2 % fis-sena, iżda jissuġġerixxi wkoll li l-Kummssjoni għandha tassigura l-pożizzjoni tal-bdiewa f'żoni vulnerabbli, jekk din il-pożizzjoni tiddgħajjef b'riżultat taż-żieda fil-kwota tal-ħalib;

55.

jikkunsidra li hemm bżonn ta' liġi Komunitarja li tippermetti qafas iktar ambizzjuż tar-relazzjonijiet inter-professjonali, li twassal, fost affarijiet oħra, li jiġu implimentati miżuri fil-livell reġjonali jew Statali sabiex jiġu regolati l-marġni tal-profitti ta' kull ħolqa fil-katina tal-ikel mingħajr ma dan jirrappreżenta bidla fir-regoli tal-kompetizzjoni;

56.

jikkunsidra li l-PAK għandha tkompli tissielet sabiex jinkisbu l-objettivi tagħha li tipprovdi ċ-ċittadini tal-UE b'ikel ta' kwalità tajba fi kwantitajiet xierqa, b'garanziji għas-saħħa bi prezzijiet ġusti, li jinħolqu farms fattibbli, tippreserva l-wirt rurali tagħna u tħares l-ambjent rurali u żviluppat sabiex tilqa' l-isfidi u l-bżonnijiet li qed jinbidlu, filwaqt li fl-istess ħin tistabbilixxi kondizzjonijiet ta' kompetizzjoni ġusta li jwasslu sabiex l-agrikoltura Ewropea żżomm il-preżenza b'saħħitha fis-suq dinji;

57.

sabiex jinħolqu kundizzjonijiet ugwali xierqa fil-livell globali, il-Kumitat iħeġġeġ li jiġu applikati standards fitosanitarji, veterinarji u ambjentali uniformi għall-prodotti tal-ikel li jiġi kkunsmat fl-UE, kemm jekk ikun prodott fl-UE jew f'pajjiżi terzi u jħeġġeġ biex l-Uffiċċju Veterinarju u tal-Ikel (FVO) u l-Awtorità Ewropea dwar is-Sigurtà fl-Ikel (EFSA) ikollhom riżorsi xierqa;

58.

jinnota li l-produzzjoni tal-ikel tibqa' l-fokus u l-kompitu ewlieni tal-agrikoltura; jagħraf li l-kultivazzjoni tal-impjanti għall-produzzjoni tal-enerġija tagħti kontribut addizzjonali għall-ksib tal-għanijiet tal-politika Komunitarja tal-enerġija u l-klima u tirrappreżenta ħolqien potenzjali ta' valur għall-agrikoltura u ż-żoni rurali u jissuġġerixxi li s-suġġett għandu jerġa' jiġi indirizzat skont l-Isfidi l-Ġodda;

59.

iħoss li l-Ewropa għandha r-responsabbiltà soċjali li tagħmel mill-aħjar li tista' sabiex il-prinċipji tal-Poplu, il-Pjaneta u l-Profitt jiġu ankrati fir-riżultati tan-negozjati attwali u futuri tad-WTO;

60.

jissuġġerixxi li l-Kummissjoni għandha tilħaq ftehim dwar il-proprjetà intellettwali li jkopri l-indikazzjonijiet ġeografiċi (prodotti reġjonali rikonoxxuti) qabel ma tiffirma ftehim agrikolu mad-WTO;

61.

jissuġġerixxi li l-Kummissjoni għandha tiddefinixxi Marka tal-Ikel Ewropew, ibbażata fuq il-kriterji stabbiliti attwalment.

62.

jixtieq jenfasizza li l-isfidi l-ġodda li qed tiffaċċja l-PAK ma jistgħux jiġu indirizzati mill-PAK waħidha; għandhom jintużaw il-politiki Komunitarji kollha sabiex jiġu indirizzati;

63.

iħoss li sabiex tiġi miġġielda l-bidla fil-klima, l-istrateġiji integrati tal-ikel għandhom jitħeġġu u b'hekk jitnaqqsu d-distanzi koperti mill-ikel, li jkopru l-ġestjoni tal-iskart u l-enerġija u jwaqqfu sistema tat-tikkettar, li tkun ibbażata fuq il-kriterji li jiddefinixxu l-oriġini, il-kwalità u sostenibbiltà u tindika l-enerġija globali li tintuża sa minn meta l-prodott jasal għand il-konsumatur;

64.

iħoss li r-reġjuni għandhom jiġu mħeġġa jiżviluppaw u jippromovu l-produzzjoni lokali tal-ikel u prodotti relatati mal-ikel, jekk dan jippermetti li jikkonsolidaw l-ekwilibriju ambjentali tagħhom;

65.

huwa konxju li l-Artikolu 28 u l-Artikolu 29 tat-Trattat tal-KE jipprojbixxu r-restrizzjonijiet kwantitattivi fuq l-importazzjoni, l-esportazzjoni jew il-merkanzija fi transizzjoni u l-miżuri kollha għandhom effett ekwivalenti bejn l-Istati Membri, iżda jħoss li l-azzjonijiet kif issemmew fil-punt 60 u 61 tal-opinjoni jistgħu jiġu permessi, fil-kuntest li l-Qorti tal-Ġustizzja tippermetti azzjonijiet li huma fl-interess komuni tal-pubbliku, bħall-ġlieda kontra l-bidla fil-klima; u għaldaqstant isejjaħ għal analiżi addizzjonali tal-għażliet;

66.

jixtieq iżid li, billi nimmiraw lejn ċertu livell ta' awtosuffiċjenza għal ċerti prodotti, dan m'għandux jikkontradixxi l-importazzjoni minn pajjiżi oħrajn;

67.

f'dan ir-rigward isejjaħ biex is-sussidji għall-esportazzjoni jingħataw biss jekk ikun meħtieġ għall-appoġġ tas-swieq domestiċi u ma jagħmlux ħsara lill-espansjoni tas-swieq fil-pajjiżi li qed jiżviluppaw;

68.

jenfasizza l-importanza tal-industrija agroalimentari indiġena Ewropea u l-importanza kritika tas-sikurezza u s-sigurtà tal-ikel u l-kapaċità għar-Riċerka u l-Iżvilupp għall-iżvilupp ta' teknoloġija marbuta mas-sostenibbiltà, fejn l-UE issa hija l-akbar importatur agrikolu fid-dinja;

69.

iħoss li l-agrikoltura Ewropea tista' torbot b'mod ċar l-objettivi kemm ta' Liżbona (l-għarfien, ir-riċerka, l-innovazzjoni) kif ukoll ta' Goteborg (is-sostenibbiltà) u tagħti eżempju dinji.

70.

jemmen li l-PAK, b'tieni pilastru adattat, għandha twassal għal żvilupp rurali ppreparat għall-attivitajiet ekonomiċi kollha fiż-żoni rurali u l-kondizzjonijiet il-ġodda tal-biedja, kif ukoll għal żvilupp rurali aktar komprensiv li jkopri ż-żoni rurali kollha tal-UE, partikularment l-aktar żoni vulnerabbli bħal ma huma dawk bi żvantaġġi naturali (żoni bi ftit li xejn abitanti li l-pożizzjoni ġeografika tagħhom ixxekkel l-iżvilupp tagħhom, fuq livell għoli, fuq gżejjer u dawk periferali), kif ukoll l-iktar żoni dinamiċi, bħal dawk periurbani li jkunu inkarigati sabiex jitimgħu l-maġġoranza taċ-ċittadini tal-UE u li jkunu jistgħu jilqgħu l-isfida tal-iżvilupp tal-għarfien, u jintegrahom fil-gruppi geografiċi ewlenin tal-UE;

71.

jinnota li evidenza riċenti tissuġġerixxi li l-biċċa l-kbira tal-popolazzjoni dinjija qiegħda tgħix f'żoni urbanizzati fil-konfini tal-bliet u li din il-popolazzjoni hija dipendenti fuq l-effiċjenza tal-ġestjoni tal-art rurali għall-provvista tal-ikel u l-ilma ħelu u jinnota li ż-żoni urbanizzati, b'żieda ma' dan, jippreżentaw bżonn kbir għar-riżervi naturali u attraenti u pajsaġġ aċċessibbli. Sabiex dawn jinżammu b'mod sostenibbli, għandu jingħata appoġġ xieraq lid-dħul tal-bdiewa li jieħdu ħsieb dawn iż-żoni, biex b'hekk ikunu kompetittivi u l-farms tagħhom jibqgħu vijabbli minkejja li jkollhom jirrispettaw ħtiġijiet ferm aktar stretti minħabba l-liġi Komunitarja;

72.

isostni li l-mudell multifunzjonali agrikolu tal-UE jrid jikkontribwixxi għall-ġlieda kontra l-bidla fil-klima, jinkorpora l-kunċetti ta' sostenibbiltà, kompetittività, diversità, awtosuffiċjenza fl-ikel, sensibbiltà għas-soċjetà, il-konsumaturi u l-ġid pubbliku fejn prattiki agrikoli tajbin, ħarsien ambjentali u l-ġid tal-annimali huma integrali; dawn il-kontributi mill-agrikoltura huma fl-interess tal-pubbliku u jirrappreżentaw valur finanzjarju li għandu jiġi promoss, li l-ispejjeż ogħla ma jiġux ikkumpensati bi prezzijiet ġusti fis-suq miftuħ; għandha tingħata attenzjoni partikolari wkoll f'dan il-kuntest għall-iżgurar li l-komunità tal-biedja tgawdi mill-progress ekonomiku u soċjali;

73.

isejjaħ għat-tneħħija tal-Artikolu 13(2), li jistipula li “L-Istati Membri għandhom jagħtu prijorità lill-bdiewa li jirċievu aktar minn EUR 15 000 f'pagamenti diretti kull sena” b'konformità mal-kundizzjonijiet għall-parteċipazzjoni fis-sistemi ta' konsulenza tal-farms;

74.

jinnota li l-bidla fil-klima teħtieġ miżuri addizzjonali għall-ġestjoni tal-ilma li jinkludu miżuri bħall-ħażna tal-ilma, il-kontroll tal-livelli, il-prevenzjoni tal-għargħar, il-prevenzjoni tal-iskarsezza u l-ġestjoni tal-provvista tal-ilma;

75.

iħoss li l-Ewropa għandha tqanqal u tappoġġja l-użu u l-produzzjoni ta' enerġija ġenwinament rinnovabbli fl-agrikoltura, u mhux li tiffoka biss fuq l-uċuħ tar-raba' għall-produzzjoni tal-uċuħ tar-raba' bijoloġiċi u l-bijokarburanti, iżda wkoll fuq l-enerġija mix-xemx, l-enerġija mir-riħ, l-enerġija idroelettrika, is-sħana ġeotermali u l-koġenerazzjoni;

76.

jemmen li sabiex jiġu indirizzati l-isfidi l-ġodda, l-Ewropa għandha timmira lejn ekonomija ta' ċirku sħiħ u għaldaqstant, għandha tqanqal u tappoġġja l-innovazzjoni tal-argikoltura kollha kemm hi, mhux biss billi tindirizza l-istituzzjonijiet tal-għarfien, iżda wkoll billi tippromovi l-modernizzazzjoni tal-intrapriżi kollha fil-qasam tal-ikel li jagħmlu parti mill-produzzjoni, l-ipproċessar, il-ġestjoni tal-iskart, it-trasport u l-katina tad-distribuzzjoni;

77.

jaħseb li l-ġestjoni professjonali tal-art għandha tiġi implimentata sabiex tassigura li l-art agrikola għammiela tinżamm f'kondizzjoni tajba sabiex jiġi assigurat l-użu sostenibbli għall-produzzjoni tal-ikel għas-suq intern u estern;

78.

iħoss li ż-żoni agrikoli speċifiċi huma tal-ikbar importanza għall-preservazzjoni u r-ristawr tal-valuri tal-bijodiversità u n-natura u li dawn l-interessi taċ-ċittadini jirrappreżentaw valur finanzjarju, eliġibbli għall-ħlas;

79.

iħoss li ż-żoni agrikoli speċifiċi huma tal-ikbar importanza għall-possibbiltajiet ta' divertiment u li dawn l-interessi taċ-ċittadini jirrappreżentaw valur finanzjarju, eliġibbli għall-ħlas;

80.

iħoss li ż-żoni agrikoli speċifiċi huma tal-ikbar importanza għat-twettiq tal-ġestjoni tal-ilma u li dan l-interess taċ-ċittadini jirrappreżenta valur finanzjarju, eliġibbli għall-ħlas;

81.

huwa tal-fehma li filwaqt li mill-bidu tagħha l-PAK addattat b'suċċess għal sfidi differenti, jaħseb li l-Kummissjoni u l-aġenti tagħha jridu jagħmlu aktar biex jinfurmaw u jinteraġixxu maċ-ċittadini dwar l-għan, il-kisbiet u l-prijoritajiet tal-PAK u li dan għandu jkun prijorità għall-Kummissjoni ta' komunikazzjoni fil-futur;

19.12.2008   

MT

Il-Ġurnal Uffiċjali ta’ l-Unjoni Ewropea

C 325/44

—

jilqa' b'sodisfazzjon il-Komunikazzjoni tal-Kummissjoni għax toffri l-ewwel introduzzjoni suffiċjenti sabiex jitfassal il-kunċett bażiku li jirregola l-akkwisti pubbliċi prekummerċjali u kif dawn jistgħu jitwettqu. Madankollu, xorta waħda baqa' xi nuqqasijiet rigward l-implimentazzjoni konkreta tal-proċedura proposta;

—

jenfasizza li jekk l-awtoritajiet lokali u reġjonali jagħżlu l-proċedura tal-akkwisti pubbliċi prekummerċjali sabiex jippromovu l-innovazzjoni fir-rigward tal-problemi li qegħdin jippruvaw isolvu bis-saħħa tar-riżultati miksuba b'dan il-mekkaniżmu, huma jridu jħabbtu wiċċhom ma' diversi sfidi li ma ġewx analizzati biżżejjed fil-Komunikazzjoni tal-Kummissjoni;

—

jaħseb li l-Kummissjoni Ewropea għandha tfassal linji gwida ċari u dettaljati u mezzi ta' tagħlim u taħriġ b'rabta ma' kif jintużaw l-akkwisti pubbliċi prekummerċjali tas-servizzi tar-riċerka u l-iżvilupp għall-awtoritajiet lokali u reġjonali kontraenti, bil-għan li kemm jista' jkun ma jiksrux il-liġi Komunitarja;

—

barra minn hekk, jemmen li d-direzzjonijiet u l-istruzzjonijiet li jistgħu jingħataw isiru dejjem iktar indispensabbli hekk kif il-proċeduri tal-akkwisti pubbliċi prekummerċjali jqajmu kwistjonijiet importanti marbuta mad-drittijiet tal-proprjetà intellettwali u industrijali, u s-servizzi legali stess tal-awtoritajiet ċentrali s'issa ftit li xejn indirizzaw din il-kwistjoni legali.

Rapporteur

:

Is-Sur TSIGKOUNIS (EL/PPE), Sindku ta' Leonidio (Arcadia)

1.

jitlob li d-dibattiti li għad iridu jsiru janalizzaw ir-rwol li għandhom jaqdu l-awtoritajiet lokali u reġjonali biex jiffaċċjaw problemi soċjali importanti, b'mod partikolari l-kura tas-saħħa bi prezz raġonevoli, ta' kwalità tajba u adatta għat-tixjiħ tal-popolazzjoni, l-indirizzar tal-adattament għall-ġlieda kontra l-bidla fil-klima, it-titjib tal-effiċjenza tal-enerġija, il-garanzija ta' tagħlim mill-aqwa u mill-iktar aċċessibbli, u l-ġestjoni effikaċi tat-theddid fil-qasam tas-sigurtà;

2.

billi dawn l-isfidi x'aktarx jirrikjedu soluzzjonijiet ġodda u innovattivi, li minħabba l-limitazzjonijiet teknoloġiċi għadhom mhux disponibbli fis-suq jew — jekk jeżistu u jiġu offruti — ma jissodisfawx biżżejjed il-kundizzjonijiet imposti u għalhekk jinħtieġu minnufih iktar sforzi fil-qasam tar-riċerka u l-iżvilupp, jipproponi li l-awtoritajiet lokali u reġjonali jiġu involuti b'mod attiv fit-tfassil ta' qafas ġdid għall-akkwisti pubbliċi prekummerċjali u li jissaħħu l-possibbiltajiet tagħhom fir-rigward tal-ġestjoni u l-eżekuzzjoni effiċjenti ta' dan it-tip ta' akkwist pubbliku;

3.

jemmen li bis-saħħa tal-integrazzjoni tar-riċerka u l-iżvilupp fl-akkwisti pubbliċi bil-għan li jiġu promossi soluzzjonijiet innovattivi, l-awtoritajiet lokali u reġjonali ser ikollhom il-possibbiltà li jikkontribwixxu b'mod deċiżiv biex jassiguraw riżultati tajbin u l-effiċjenza tas-servizzi li joffru fuq perijodu medju u twil ta' żmien, ser jagħtu kontribut ukoll biex iħeġġu l-kompetittività tal-industrija Ewropea permezz tal-innovazzjoni;

4.

billi parti kbira min-nefqa għall-akkwisti pubbliċi ssir mill-awtoritajiet lokali u reġjonali, jaħseb li dawn tal-aħħar għandhom ikunu ppreparati sew biex jaqdu rwol importanti fl-inkoraġġiment tar-riċerka u l-iżvilupp madwar l-Ewropa kollha kemm hi;

5.

jitlob lill-Kummissjoni Ewropea tikkunsidra l-prijoritajiet politiċi tal-Kumitat għall-2008-2010, fosthom l-implimentazzjoni tal-istrateġija ta' Liżbona għat-tkabbir u l-impjiegi, ir-reazzjoni għall-isfidi tal-bidla fil-klima, id-diversifikazzjoni u l-użu sostenibbli tar-riżorsi tal-enerġija, it-titjib tal-kwalità tal-ħajja taċ-ċittadini li tinkludi l-kooperazzjoni transkonfinali b'rabta mal-aċċess għal servizzi tas-saħħa ta' kwalità aħjar, il-promozzjoni min-naħa tal-awtoritajiet lokali u reġjonali tas-solidarjetà, id-djalogu bejn il-kulturi u r-reliġjonijiet u l-inkoraġġiment ta' kull xorta ta' kultura u tradizzjoni lokali, il-parteċipazzjoni fid-dibattitu rigward il-politika komuni dwar l-immigrazzjoni u l-ażil u b'mod speċjali fl-iskambju tal-aħjar prattiki għall-integrazzjoni, kif ukoll il-prijorità li ngħatat lis-suq uniku modern bi strateġija li tippromovi l-kwalità tas-servizzi soċjali. Dawn huma l-osqma ta' azzjoni li jinteressaw lill-awtoritajiet lokali u reġjonali, u li huma kapaċi jiġu integrati b'mod promettenti fil-qasam tal-akkwisti pubbliċi sabiex jippromovu r-riċerka u l-iżvilupp fit-teknoloġiji tal-informazzjoni u l-komunikazzjoni, u li huma partikolarment adatti għall-eżekuzzjoni tal-akkwisti pubbliċi prekummerċjali;

6.

jilqa' b'sodisfazzjon il-Komunikazzjoni COM(2007) 799 finali tal-Kummissjoni għax toffri l-ewwel introduzzjoni suffiċjenti sabiex jitfassal il-kunċett bażiku li jirregola l-akkwisti pubbliċi prekummerċjali u kif dawn jistgħu jitwettqu. Madankollu, xorta waħda baqa' xi nuqqasijiet rigward l-implimentazzjoni konkreta tal-proċedura proposta;

7.

jenfasizza li jekk l-awtoritajiet lokali u reġjonali jagħżlu l-proċedura tal-akkwisti pubbliċi prekummerċjali sabiex jippromovu l-innovazzjoni fir-rigward tal-problemi li qegħdin jippruvaw isolvu bis-saħħa tar-riżultati miksuba b'dan il-mekkaniżmu, huma jridu jħabbtu wiċċhom ma' diversi sfidi li ma ġewx analizzati biżżejjed fil-Komunikazzjoni tal-Kummissjoni COM(2007) 799 finali;

8.

huwa tal-fehma li l-liġi attwali tal-akkwisti pubbliċi hija diġà pjuttost kumplikata, u bosta awtoritajiet lokali u reġjonali qed iħabbtu wiċċhom ma' diffikultajiet sostanzjali biex japplikawha tajjeb. Barra minn hekk, huma ma tantx ser ikunu lesti jintroduċu mekkaniżmu kumpless ieħor — bħal din l-inizjattiva tal-Kummissjoni Ewropea — fl-organizzazzjoni amministrattiva u l-proċeduri tagħhom; għalhekk jitlob li l-liġi tal-akkwisti pubbliċi ma tiġix applikata għall-akkwisti pubbliċi prekummerċjali;

9.

jipproponi li l-Kummissjoni teżamina l-possibbiltà li tiġi emendata d-Direttiva dwar l-akkwist pubbliku biex l-innovazzjonijiet ikunu jistgħu jinħolqu, pereżempju, fil-qafas ta' proġetti ta' sħubija. Il-proċess riġidu tal-akkwisti pubbiċi jxekkel ħafna l-innovazzjonijiet il-ġodda. Ir-rekwiżit ta' trattament ġust u mhux diskriminatorju li ħareġ mit-Trattat li jistabbilixxi l-Komunità Ewropea m'għandux jiġi interpretat b'tali mod li fil-prattika jeskludi l-possibbiltà li l-kumpaniji u l-entitajiet ta' akkwist jibbenefikaw mill-isforzi tal-kumpaniji għar-Riċerka u l-Iżvilupp;

10.

huwa konvint li t-tfassil u t-tħejjija ta' verżjonijiet partikolarment tekniċi tas-sejħiet għall-offerti bil-għan li jippromovu l-innovazzjoni jeħtieġu għarfien u kompetenzi speċifiċi li ġeneralment l-awtoritajiet lokali u reġjonali ma jkollhomx. Fil-fatt, din ix-xorta ta' għarfien u kwalifiki, anke fl-amministrazzjoni ċentrali ta' ħafna Stati Membri, aktarx tkun tinsab biss f'xi ftit dipartimenti;

11.

bl-istess mod, jaħseb ukoll li l-istadji differenti tal-għażla li jinsabu fil-proċedura tal-akkwist pubbliku prekummerċjali tas-servizzi tar-riċerka u l-iżvilupp jeħtieġu livell ta' għarfien tekniku u ta' kompetenza fil-kwistjonijiet ikkonċernati li normalment l-awtoritajiet reġjonali ma jkollhomx;

12.

jisħaq li anke jekk l-akkwist pubbliku prekummerċjali tas-servizzi tar-riċerka u l-iżvilupp fl-aħħar mill-aħħar jirnexxi, mhux ser ikun inqas diffiċli biex jirnexxilna nqanqlu lill-politiċi u ċ-ċittadini jieħdu azzjoni u jimpenjaw ruħhom favur il-livell lokali u reġjonali. Fattur importanti ferm għad-deċiżjonijiet tal-awtoritajiet lokali u reġjonali huwa li l-ispiża pubblika tal-organizzazzjoni ta' sejħa għall-offerti prekummerċjali għas-servizzi tar-riċerka u l-iżvilupp huma diretti u jitħallsu mill-ġestjoni attwali, filwaqt li l-benefiċċji li jirriżultaw minn dan normalment jinfirxu fuq perijodu twil ta' żmien, u biex iċ-ċittadini jsiru konxji ta' dan jinħtieġ ftit taż-żmien li ġeneralment ikun itwal miż-żmien bejn żewġ elezzjonijiet konsekuttivi fil-livell lokali u reġjonali;

13.

jinsab imħasseb li f'każ li l-possibbiltà li ssir sejħa għall-offerti għall-akkwist pubbliku prekummerċjali tas-servizzi tar-riċerka u l-iżvilupp tkun marbuta ma' kontroversji politiċi, x'aktarx wara kampanja elettorali li għaliha jkun intuża l-poter lokali jew reġjonali, il-partijiet li jkunu ressqu dawn l-oġġezzjonijiet jerġgħu jqajmu dubju dwar is-segwitu tal-proċedura rilevanti għall-prodott kummerċjali, li sadattant ikun diġà tqiegħed fis-suq, u b'hekk jiċċajpru l-vantaġġi ġenwini li kienet qed tistenna l-awtorità kontraenti fis-sejħa għall-offerti inizjali;

14.

jaħseb li l-awtoritajiet lokali u reġjonali ser ikollhom problema politika kbira jekk min finalment jikseb il-kuntratt tal-akkwist pubbliku prekummerċjali tas-servizzi tar-riċerka u l-iżvilupp ma jkunx stabbilit fil-lokalità jew fir-reġjun tal-awtorità kontraenti jew, iktar u iktar, jekk ikollu s-sede tiegħu fi Stat Membru ieħor;

15.

jirrimarka li f'każ li s-sejħa għall-offerti għal akkwist pubbliku prekummerċjali tas-servizzi tar-riċerka u l-iżvilupp ma tħallix frott, possibbiltà li ma tistax tiġi eskluża, b'mod speċjali għal ċerti oqsma tas-settur fejn ir-rata ta' suċċess għadha kemxejn baxxa, l-awtoritajiet lokali u reġjonali ser isibu ruħhom f'pożizzjoni partikolarment diffiċli biex jiġġustifikaw ruħhom u jikkonvinċu liċ-ċittadin li minkejja dan ir-riżultat huwa aħjar li tintuża din il-proċedura milli jsir investiment f'teknoloġija li diġà teżisti u hija ttestjata mil-lat kummerċjali;

16.

fid-dawl tal-problemi msemmija hawn fuq li x'aktarx ser ikollhom l-awtoritajiet lokali u reġjonali fir-rigward tal-akkwisti pubbliċi prekummerċjali tas-servizzi tar-riċerka u l-iżvilupp, jipproponi li l-Kummissjoni Ewropea u l-Istati Membri jfasslu u jintroduċu sensiela ta' miżuri li fl-opinjoni tiegħu huma indispensabbli sabiex dawn l-akkwisti jilħqu l-objettiv tagħhom fil-livell lokali u reġjonali. Dan jinfluwenza b'mod konsiderevoli l-prestazzjoni iktar ġenerali tal-partijiet interessati Ewropej fil-qasam tar-riċerka u l-iżvilupp fil-konfront tal-kompetituri tagħhom fis-suq dinji;

17.

jiġbed l-attenzjoni għall-fatt li jekk l-Unjoni Ewropea ma jirnexxilhiex tintroduċi l-proċeduri tal-akkwisti pubbliċi prekummerċjali rigward ir-riċerka u l-iżvilupp fil-livell lokali u reġjonali b'mod funzjonali u regolari, fil-livell Komunitarju l-qasam tar-riċerka u l-iżvilupp jitlef xi riżorsi;

18.

jaħseb li l-Kummissjoni Ewropea għandha tfassal linji gwida ċari u dettaljati u mezzi ta' tagħlim u taħriġ b'rabta ma' kif jintużaw l-akkwisti pubbliċi prekummerċjali tas-servizzi tar-riċerka u l-iżvilupp għall-awtoritajiet lokali u reġjonali kontraenti, bil-għan li kemm jista' jkun ma jiksrux il-liġi Komunitarja;

19.

barra minn hekk, jemmen li d-direzzjonijiet u l-istruzzjonijiet li jistgħu jingħataw isiru dejjem iktar indispensabbli hekk kif il-proċeduri tal-akkwisti pubbliċi prekummerċjali jqajmu kwistjonijiet importanti marbuta mad-drittijiet tal-proprjetà intellettwali u industrijali, u s-servizzi legali stess tal-awtoritajiet ċentrali s'issa ftit li xejn indirizzaw din il-kwistjoni legali;

20.

iħeġġeġ lill-Istati Membri u lill-Kummissjoni Ewropea biex jiżviluppaw strutturi ta' appoġġ bil-għan li l-awtoritajiet lokali u reġjonali li jagħżlu li jniedu sejħa għall-offerti għal akkwist pubbliku prekummerċjali tas-servizzi tar-riċerka u l-iżvilupp ikunu jistgħu jirrikorru għalihom u minnhom jiksbu informazzjoni ċara li tista' tintuża u għajnuna sostanzjali, b'mod partikolari rigward l-iktar tqassim konkret tar-riskji u l-benefiċċji bejn l-awtorità kontraenti u l-kandidati li finalment jintgħażlu;

21.

l-akkwisti pubbliċi prekummerċjali tas-servizzi tar-riċerka u l-iżvilupp fuq perijodu qasir ta' żmien għandhom riskji ċari u identifikati tajjeb għal-livell lokali u reġjonali, jiġifieri l-awtorità kontraenti kkonċernata, u min-naħa l-oħra huwa diffiċli li jiġu identifikati l-benefiċċji fuq perijodu twil ta' żmien li ġeneralment ikunu ta' natura vaga — għal din ir-raġuni l-awtoritajiet lokali u reġjonali ta' spiss iħossuhom imħassba, u bir-raġun. Għaldaqstant, il-Kumitat tar-Reġjuni jenfasizza li l-Istati Membri u l-Kummissjoni Ewropea għandhom joffrulhom appoġġ xieraq f'diversi livelli billi jfiehmu lill-partijiet interessati kollha involuti li l-possibbiltà ta' falliment hija parti integrali minn proċedura li tipprova ssib soluzzjonijiet innovattivi għall-problemi li ilha ftit jew wisq ta' żmien tħabbat wiċċha magħhom is-soċjetà Ewropea;

22.

josserva li, billi huma miftuħa għall-partijiet interessati mill-Istati Membri kollha, huwa inevitabbli li s-sejħiet għall-offerti għall-akkwisti pubbliċi prekummerċjali tar-riċerka u l-iżvilupp kapaċi jittrasferixxu, dejjem parzjalment, ir-riżorsi reġjonali maħsuba għall-finanzjament ta' din l-attività għal reġjuni f'pajjiż ieħor tal-Unjoni Ewropea. Għalkemm dan il-fenomenu ma joħloq l-ebda problema fil-livell tal-Unjoni Ewropea, huwa ma jħeġġeġ assolutament xejn lill-awtoritajiet fil-livell lokali jew reġjonali biex jiffinanzjaw tali akkwist pubbliku;

23.

jappella lill-Kummissjoni Ewropea biex turi li l-akkwisti pubbliċi prekummerċjali huma siewja għar-reġjun li jniedi sejħa għall-offerti ta' dan it-tip, anke jekk il-partijiet interessati li jwieġbu għal din is-sejħa ma jkunux stabbiliti fir-reġjun tiegħu;

24.

iqanqal lill-Kummissjoni Ewropea biex tħeġġeġ u tappoġġja r-raggruppamenti l-kbar tal-awtoritatjiet lokali u reġjonali li jingħaqdu biex jagħmlu akkwist pubbliku prekummerċjali bil-għan li jnaqqsu r-riskji li jkollha awtorità lokali jew reġjonali jekk tidħol għal sejħa għall-offerti ta' din ix-xorta waħedha fi Stat Membru;

25.

jagħraf li t-twaqqif ta' netwerks pan-Ewropej u ta' kuntatti bejn l-awtoritajiet lokali u reġjonali ta' diversi Stati Membri li għandhom ħtiġijiet simili huwa l-iktar element importanti kemm għall-kooperazzjoni bejn il-pajjiżi, ir-reġjuni u l-lokalitajiet fil-qasam tal-akkwisti pubbliċi prekummerċjali tas-servizzi tar-riċerka u l-iżvilupp kif ukoll għall-koordinazzjoni tal-proċeduri għal dan it-tip ta' akkwist pubbliku;

26.

jaqbel li l-finanzjament tal-azzjonijiet li jippruvaw jiżviluppaw u jistabbilixxu l-akkwisti pubbliċi prekummerċjali tas-servizzi tar-riċerka u l-iżvilupp fil-livell tal-awtoritajiet lokali u reġjonali jsir billi jiġu allokati mill-ġdid ir-riżorsi tal-baġit tal-Unjoni Ewropea li jirriżultaw mir-reviżjoni tal-Politika Agrikola Komuni;

27.

huwa tal-fehma li ż-Żona Ewropea Komuni tar-Riċerka u l-Iżvilupp tista' tieħu forma ġdida u tikseb xprun ġdid jekk il-proċeduri rigward l-akkwisti pubbliċi prekummerċjali tas-servizzi tar-riċerka u l-iżvilupp jiġu integrati fil-mekkaniżmi attwali tal-akkwist pubbliku;

28.

jisħaq fuq l-idea li l-istrateġija ta' promozzjoni tal-akkwisti pubbliċi prekummerċjali tas-servizzi tar-riċerka u l-iżvilupp tista' tiġi ffaċilitata ħafna jekk jiġu sfruttati l-universitajiet, iċ-ċentri tar-riċerka u, fuq kollox, l-intrapriżi ż-żgħar u ta' daqs medju li għandhom livell għoli sew ta' għarfien u innovazzjoni teknoloġika u li jinsabu fil-lokalitajiet jew fir-reġjuni. Dan jista' jsir bis-saħħa ta' qafas ġdid ta' kooperazzjoni mal-awtoritajiet lokali jew reġjonali tal-Istat Membru fejn huma stabbiliti, u permezz tat-twaqqif ta' netwerk mal-awtoritajiet lokali u reġjonali ta' Stati Membri oħra u mal-istituzzjonijiet universitarji, stabbilimenti tar-riċerka u l-SMEs simili;

29.

isostni li jekk fi ħdan l-awtoritajiet lokali u reġjonali jinħolqu ċentri tal-informazzjoni jew bażijiet tad-data dwar il-problemi tal-lokalitajiet u r-reġjuni li jirrikjedu b'mod prijoritarju soluzzjonijiet innovattivi, u jekk in-nies jiġu infurmati bil-potenzjal tar-reġjun fil-qasam tar-riċerka u l-iżvilupp, ikunu jistgħu jitlaqqgħu flimkien ir-reġjuni li jkollhom diffikultajiet komuni kif ukoll iċ-ċentri tar-riċerka u l-intrapriżi li għandhom kapaċitajiet kumplementari jew addizzjonali sabiex tinstab soluzzjoni għall-problemi bil-għajnuna tas-sinerġiji fil-qasam tal-innovazzjoni;

30.

jirrakkomanda li r-riżorsi disponibbli mill-Fond Ewropew għall-Iżvilupp Reġjonali, mill-Fond ta' Koeżjoni u mill-Fond Soċjali Ewropew jintużaw għal azzjonijiet li, fil-qasam li jiffinanzjaw, huma marbuta mar-riċerka u l-iżvilupp permezz tal-akkwisti pubbliċi prekummerċjali.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/48

—

jaqbel dwar il-fatt li hemm kunsens wiesa' fl-Ewropa dwar il-ħtieġa li l-edukazzjoni u t-taħriġ vokazzjonali fl-Ewropa jridu jimmodernizzaw u jitjiebu. L-assigurazzjoni tal-kwalità fl-edukazzjoni u t-taħriġ vokazzjonali hija fattur essenzjali għal dan l-objettiv.

—

iqis li d-diffikultajiet biex jiġu rikonoxxuti r-riżultati tat-tagħlim fi Stati Membri differenti tellfu mill-mobbiltà fl-UE u huma ostaklu għal esperjenzi ġenwini fil-kamp tat-tagħlim tul il-ħajja.

—

jenfasizza li f'ħafna Stati Membri l-edukazzjoni u t-taħriġ vokazzjonali huma r-responsabbiltà tal- tal-awtoritajiet lokali u reġjonali.

—

jilqa' b'mod favorevoli ż-żewġ rakkomandazzjonijiet tal-Kummissjoni, peress li jimmiraw li jsibu soluzzjonijiet li jirrispondu għall-isfidi tal-ekonomija dinija li ngħixu fiha, bbażata fuq l-għarfien. Barra minn hekk qed jiġi propost li tikber il-mobbiltà fl-Unjoni Ewropea, barra milli nippromovu l-iskambju tal-kompetenzi. Għal din ir-raġuni, il-KtR iqis li dawn huma essenzjali għall-iżvilupp ta' setturi li huma ta' importanza fundamentali għaċ-ċittadini u għall-attivitajiet li jidħlu fil-kompetenza tal- tal-awtoritajiet reġjonali u lokali.

—

iqis li l-qafas Ewropew ta' referenza ta' assigurazzjoni tal-kwalità ser jintuża essenzjalment mill-korpi nazzjonali, reġjonali u lokali responsabbli mill-assigurazzjoni tal-kwalità u t-titjib fl-edukazzjoni u t-taħriġ.

—

jitlob li l-awtoritajiet lokali u reġjonali kompetenti jiġu involuti fil-proċess meħtieġ ta' koordinament bejn l-oqfsa tal-kwalifika nazzjonali/reġjonali u l-ECVET;

—

jiġbed l-attenzjoni għall-fatt li l-prova tas-suċċess ta' din is-sistema tinsab fl-implimentazzjoni u l-adozzjoni tagħha. L-awtoritajiet lokali u reġjonali ser ikunu sieħba importanti għall-promozzjoni tas-sistema minħabba fin-netwerks tagħhom u biex din tkun kredibbli u tista' tintuża.

Rapporteur

:

Is-Sur Kent JOHANSSON (SV/ALDE), Membru tal-Kunsill tar-reġjun ta' Västra Götaland

1.

jinnota li l-edukazzjoni u t-taħriġ vokazzjonali huma importanti ħafna biex jintlaħqu l-objettivi tal-istrateġija ta' Liżbona dwar it-tkabbir ekonomiku, il-kompetittività u l-inklużjoni soċjali. L-edukazzjoni u t-taħriġ, il-kompetenzi u t-tagħlim tul il-ħajja jidħlu fil-prijoritajiet politiki ewlenin tal-KtR;

2.

iqis li d-diffikultajiet biex jiġu rikonoxxuti r-riżultati tat-tagħlim fi Stati Membri differenti tellfu mill-mobbiltà fl-UE u huma ostaklu għal esperjenzi ġenwini fil-kamp tat-tagħlim tul il-ħajja;

3.

jaqbel dwar il-fatt li hemm kunsens wiesa' fl-Ewropa dwar il-ħtieġa li l-edukazzjoni u t-taħriġ vokazzjonali fl-Ewropa jridu jimmodernizzaw u jitjiebu. L-assigurazzjoni tal-kwalità fl-edukazzjoni u t-taħriġ vokazzjonali hija fattur essenzjali għal dan l-objettiv;

4.

jenfasizza li f'ħafna Stati Membri l-edukazzjoni u t-taħriġ vokazzjonali huma r-responsabbiltà tal-awtoritajiet lokali u reġjonali. It-taħriġ vokazzjonali fil-fatt huwa ffinanzjat minn korpi varji, anke jekk fil-parti l-kbira tal-Istati Membri huwa ffinanzjat mill-gvern kemm nazzjonali kif ukoll reġjonali, l-awtoritajiet reġjonali u lokali jagħtu wkoll kontribut importanti;

5.

jesprimi l-fehma tiegħu dwar iż-żewġ Komunikazzjonijiet li jikkonċernaw il-kooperazzjoni Ewropea fil-qasam tat-taħriġ vokazzjonali. Jilqa' b'sodisfazzjon iż-żewġ komunikazzjonijiet u l-proposti tagħhom. Fir-rigward tat-twaqqif ta' sistema Ewropea ta' credits għall-edukazzjoni u t-taħriġ vokazzjonali, il-proċess ta' konsultazzjoni wasal fi stadju aktar avvanzat meta mqabbel ma' dak tad-dokument dwar l-assigurazzjoni tal-kwalità fl-edukazzjoni u t-taħriġ vokazzjonali. Għaldaqstant huwa importanti u mixtieq li jkun hemm aktar konsultazzjoni;

6.

jilqa' b'mod favorevoli ż-żewġ rakkomandazzjonijiet tal-Kummissjoni, peress li jimmiraw li jsibu soluzzjonijiet li jirrispondu għall-isfidi tal-ekonomija dinjija li ngħixu fiha, bbażata fuq l-għarfien. Barra minn hekk qed jiġi propost li tikber il-mobbiltà fl-Unjoni Ewropea, barra milli nippromovu l-iskambju tal-kompetenzi. Għal din ir-raġuni, il-KtR iqis li dawn huma essenzjali għall-iżvilupp ta' setturi li huma ta' importanza fundamentali għaċ-ċittadini u għall-attivitajiet li jidħlu fil-kompetenza tal-awtoritajiet reġjonali u lokali;

7.

josserva li s-sistema Ewropea ta' credits għall-edukazzjoni u t-taħriġ vokazzjonali (ECVET), hija strument li jiddeskrivi l-kwalifiki f'termini ta' unitajiet ta' riżultati ta' tagħlim, bil-marki tagħhom, biex dawn ikunu jistgħu jiġu trasferiti u akkumulati. Qed jiġi propost li dan ikun strument metodoloġiku li jaġevola t-trasferiment tal-credits għar-riżultati tat-tagħlim minn sistema ta' kwalifiki għall-oħra jew minn linja ta' studju għall-oħra;

8.

mill-banda l-oħra, iqis li l-qafas Ewropew ta' referenza ta' assigurazzjoni tal-kwalità ser jintuża essenzjalment mill-korpi nazzjonali, reġjonali u lokali responsabbli mill-assigurazzjoni tal-kwalità u t-titjib fl-edukazzjoni u t-taħriġ. Għall-kuntrarju tal-ECVET, il-qafas jimmira li jkabbar it-trasparenza u l-koerenza fl-evoluzzjoni tal-politiki fil-qasam tal-edukazzjoni u t-taħriġ vokazzjonali;

9.

jaqbel li l-parteċipazzjoni fl-implimentazzjoni tas-sistema Ewropea tal-credits fl-edukazzjoni u t-taħriġ vokazzjonali u fil-qafas ta' referenza għall-assigurazzjoni tal-kwalità fl-edukazzjoni u t-taħriġ vokazzjonali trid tkun fuq bażi volontarja. Madankollu jenfasizza li huwa indispensabbli li jinħolqu qafas u linji gwida għat-tmexxija tas-sistema. Barra minn hekk, il-gruppi ta' utenti tas-sistema ECVET u n-netwerk Ewropew għall-assigurazzjoni tal-kwalità fl-edukazzjoni u t-taħriġ vokazzjonali jrid ikollhom rappreżentanti li għandhom mandat dirett mill-awtoritajiet lokali u reġjonali. Bl-istess mod iridu jkunu rappreżentati wkoll iċ-ċittadini privati u l-partijiet soċjali;

10.

jiġbed l-attenzjoni għall-fatt li indipendentement mill-għażla tal-pajjiżi differenti dwar jekk jieħdux sehem fl-implimentazzjoni tal-qafas ta' referenza u tas-sistema tal-credits, ir-reġjuni li minħabba fil-kostituzzjoni huma responsabbli mis-sistema tal-edukazzjoni, irid ikollhom aċċess dirett għall-forum komuni responsabbli mill-iżvilupp tas-sistema;

11.

jiġbed l-attenzjoni għall-mumenti importanti u diffiċli li ser niltaqgħu magħhom fil-futur meta jrid jinstab ekwilibriju san bejn l-iżvilupp tal-mobbiltà taċ-ċittadini li jsir possibbli minħabba f'sistemi ta' credits li jkunu trasferibbli u l-iżvilupp tal-kwalità fuq naħa, u l-ħtieġa li tiġi promossa d-diversità tas-sistemi tal-edukazzjoni u l-formazzjoni li huma r-responsabblità tal-awtoritajiet lokali u reġjonali f'ħafna Stati Membri, fuq in-naħa l-oħra;

12.

jfakkar li l-qafas ta' referenza u s-sistema tal-credits jiffurmaw parti minn qasam ta' inizjattivi aktar wiesa' fl-edukazzjoni u t-taħriġ li fosthom hemm ukoll is-sistema Ewropea tat-trasferiment tal-credits akkademiċi (ECTS), il-Europass, il-karta Ewropea tal-kwalità għall-mobbiltà, il-prinċipji Ewropej għall-identifikazzjoni u ċ-ċertifikazzjoni tat-tagħlim informali u non-formali u l-qafas Ewropew tal-kwalifiki għat-tagħlim tul-il-ħajja (EQF);

13.

fl-opinjonijiet preċedenti osserva li l-kundizzjonjiet tax-xogħol li l-ħin kollu jinbidlu, li jdaħħlu sistemi ġodda tax-xogħol u l-adattament għal teknoloġiji ġodda joħolqu l-ħtieġa li l-forza tax-xogħol tibqa' taġġorna ruħha. It-taħriġ vokazzjonali, li jsir tul il-ħajja kollha, jista' jkun strument importanti fl-iżvilupp ta' forza tax-xogħol ikkwalifikata, li tkun tirrappreżenta l-elementi li fuqha jibbaża l-iżvilupp ekonomiku u soċjali sostenibbli (1). B'mod aktar partikolari, fid-dawl tal-iżviluppi demografiċi, hemm bżonn li l-forza tax-xogħol li diġà teżisti tintuża b'mod aktar effettiv;

14.

jinnota li hemm bżonn ta' aktar riżorsi finanzjari biex is-sistemi jiġu ppruvati u żviluppati aktar;

15.

josserva li t-tagħlim u l-attività professjonali transkonfinali għandhom storja twila fl-Ewropa. Barra minn hekk huma kienu importanti fl-iżvilupp tal-attività artiġjanali, industrijali u kummerċjali, barra mill-impreditorija, li min-naħa tagħha ġabet ġid fil-livell lokali, reġjonali u nazzjonali;

16.

it-tagħlim u l-attività professjonali transkonfinali għandhom importanza kbira f'ekonomija li hija globalizzata b'mod wiesgħa. Biex il-mobbiltà tiġi żgurata f'dawn l-oqsma hemm bżonn ta' strumenti li jkunu aġġornati maż-żminijiet u fl-opinjoni tal-KtR l-ECVET huwa wieħed minn dawn l-istrumenti;

17.

jinnota li l-ħtiġijiet ta' kompetenzi qed jiġu identifikati dejjem aktar fil-livell reġjonali. Il-KtR enfasizza li l-iżvilupp lokali u reġjonali jippreżenta kundizzjonijiet u punti ta' tluq differenti ħafna, iżda m'għandux jidher, bl-aktar mod assolut, bħala xi proċess iżolat mill-bqija tad-dinja. Ir-reġjuni u l-komunitajiet għandhom bżonn jiżviluppaw setturi produttivi ġodda li bil-mod il-mod jieħdu post impjiegi li qed jispiċċaw, biex ma nsibux ruħna quddiem ir-riskju ta' staġnar, esklużjoni soċjali minħabba fil-qgħad, livell għoli ta' waqfien mix-xogħol minħabba mard u tendenzi ta' tluq kmieni mis-suq tax-xogħol (2);

18.

jenfasizza l-bżonn ta' flessibbiltà kbira fid-dinja professjonali fl-Ewropa, fil-qafas ta' garanzija soda fil-livell soċjali, hekk kif inhi spjegata fid-dokument tal-Kummissjoni bit-titlu: Lejn Prinċipji Komuni ta' Flessigurtà (3);

19.

fil-passat il-KtR kien diġà qabel mal-Kummissjoni li l-oqfsa nazzjonali u l-Qafas Ewropew tal-kwalifiki jħaffu r-rikonoxximent tal-għarfien miksub fil-kuntesti kollha possibbli (4);

20.

jilqa' b'mod favorevoli il-Qafas Ewropew tal-Kwalifiki li ġie mfassal mill-Kummissjoni u jappoġġja ż-żewġ għanijiet tiegħu li jżid it-trasparenza tal-kwalifiki u li jippromovi l-mobbiltà fl-Unjoni;

21.

kif kien diġà talab fir-rigward tal-Qafas Ewropew tal-Kwalifiki, jitlob li l-awtoritajiet lokali u reġjonali kompetenti jiġu involuti fil-proċess meħtieġ ta' koordinament bejn l-EQF u l-ECVET;

22.

jfakkar dak li l-Kummissjoni stqarret, jiġifieri li l-ECVET hija “kulturalment u teknikament adattata għall-kuntesti (…) regionali”, u jfakkar li l-awtoritajiet regionali ta' spiss huma inkarigati biex jidentifikaw, jiżviluppaw u jimplimentaw sistemi b'rabta mal-kwalifiki u t-tagħlim tul il-ħajja f'kuntesti formali, informali u mhux formali;

23.

jenfasizza li ħafna mit-taħriġ vokazzjonali tul il-ħajja jsir minn intrapriżi jew netwerks ta' intrapriżi b'konċentrazzjoni għolja ta' kompetenzi u, ħaġa li qed issir dejjem aktar komuni, f'qafas transkonfinali;

24.

f'ħafna pajjiżi hemm ħafna esperjenzi validi ta' kooperazzjoni bejn l-organizzazzjonijiet inter-professjonali u r-reġjuni fil-qasam tat-taħriġ vokazzjonali bi skema komuni u r-rikonoxximent reċiproku (5). Huwa indispensabbli li wieħed jippromovi u japprofitta minn inizjattivi bħal dawn;

25.

jenfasizza li sistema ta' rikonoxximent trid tinkludi diversi suġġetti, dawk li joffru s-servizz, kemm fil-qasam pubbliku kif ukoll dak privat, l-intrapriżi u l-partijiet soċjali;

26.

jilqa' b'sodisfazzjon il-ħolqien ta' grupp ta' utenti tas-sistema ECVET inkarigat mill-aġġornament u l-koordinazzjoni tal-proċess. Madankollu jinsisti, li l-awtoritajiet lokali u reġjonali jiġu inklużi fil-grupp, flimkien mal-intrapriżi lokali u l-imsieħba soċjali, sabiex ikunu jistgħu jgawdu mill-aċċess dirett għas-sistema, dejjem fir-rispett tal-liġijiet u r-regoli nazzjonali;

27.

jenfasizza li ta' spiss huma l-awtoritajiet lokali u reġjonali li jimplimentaw miżuri effettivi fil-qasam tal-edukazzjoni u t-taħriġ vokazzjonali;

28.

josserva li l-ECVET, hija sistema ta' credits bbażata fuq l-unitajiet, li toffri l-possibblità li r-riżultati miksuba fil-kuntest tat-tagħlim jitkejlu, jiġu mqabbla, u trasferiti minn istituzzjoni għall-oħra;

29.

huwa sodisfatt li l-ECVET hija kompatibbli mas-sistemi kollha tal-kwalifiki, b'mod partikolari mas-sistema Ewropea tat-trasferiment tal-credits li tippromovi u taġevola l-mobbiltà tal-istudenti universitarji fl-Ewropa u 'l barra minnha;

30.

madankollu jiġbed l-attenzjoni għall-fatt li l-prova tas-suċċess ta' din is-sistema tinsab fl-implimentazzjoni u l-adozzjoni tagħha. L-awtoritajiet lokali u reġjonali ser ikunu sieħba importanti għall-promozzjoni tas-sistema minħabba fin-netwerks tagħhom u biex din tkun kredibbli u tista' tintuża;

31.

iqis li biex is-sistema tkun tisa' tintuża' hemm bżonn ta' eżempji konkreti ta' tħaddim prattiku tas-sistema meta din titnieda. Dan ikun ta' xprun fuq front aktar wiesa' sabiex il-possibbiltajiet li toffri l-ECVET jiġu sfruttati;

32.

josserva li, fil-qafas tal-edukazzjoni u t-taħriġ vokazzjonali, huwa possibbli li jkun hemm effiċjenza akbar fil-livell soċjoekonomiku billi l-edukazzjoni u t-taħriġ vokazzjonali jkunu aktar mmirati li jissodisfaw il-bżonnijiet li dejjem qed jinbidlu tas-suq tax-xogħol fis-soċjetàtal-informazzjoni, b'mod partikolari billi tiġi promossa forza tax-xogħol bi kwalifiki għoljin u li tkun kapaċi taffronta l-isfidi tal-globalizzazzjoni;

33.

jiġbed l-attenzjoni li s-sistemi tal-edukazzjoni u t-taħriġ m'għandhomx jiżviluppaw, kif ġieli jiġri, b'mod separat mill-ambjent tal-intraprenditorija, l-aspett soċjali u l-innovazzjoni tal-lokalità jew ir-reġjun minkejja l-fatt li t-tkabbir, il-kompetittività u l-prospetti tax-xogħol f'dik iż-żona jkunu jiddependu dejjem aktar mill-kompetenzi tal-forza tax-xogħol tagħha fil-preżent u fil-futur, kif ukoll mill-mod kif it-taħriġ vokazzjonali, it-taħriġ kontinwu u t-taħriġ mill-ġdid jistgħu jikkontribwixxu sabiex dawn il-kwalifiki jitkomplew u jiġu żviluppatti b'mod effettiv;

34.

jenfasizza li għaldaqstant huwa importanti li l-EQAF tintrabat mal-bżonnijiet tas-suq tax-xogħol lokali u jitlob li fil-qafas ta' dan il-proċess isir progress fir-rikonoxximent taċ-ċentrital-edukazzjoni u t-taħriġ vokazzjonali;

35.

jieħu nota tal-valur miżjud li l-EQAF iġġib lill-iżvilupp tal-politika tal-edukazzjoni u t-taħriġ kontinwu fl-UE, b'mod partikolari fil-promozzjoni tat-tagħlim reċiproku, tal-mobbiltà u l-iskambji tal-aħjar prattiki;

36.

jilqa' l-impostazzjoni bi prinċipju tal-EQAF bħala ċiklu ta' titjib u jenfasizza li l-indikaturi tal-kwalità għandhom jiġu kkunsidrati bħala punt ta' referenza, u mhux bħala indikazzjonijiet, li jistgħu jiġu żviluppati b'mod kostanti pereżempju f'kuntesti bilaterali u mulitlaterali;

37.

jenfasizza li hemm bżonn li l-EQAF ma tillimitax lilha nnifsha billi ssir sistema statistika jew li jkollha l-funzjoni ta' kontroll, iżda hemm bżonn li tkun ikkunsidrata bħala strument effettiv li jġib żvilupp kostanti fil-kwalità f'ħafna livelli u fost ħafna suġġetti u persuni interessati;

38.

jirrakkomanda li l-qafas ta' riferiment ma jkunx hemm biss għall-livell nazzjonali iżda li jinbdew proċessi simili fil-livelli lokali u reġjonali wkoll. Daqstant ieħor għandu jsir għas-sistema ta' tagħlim li hi barra mis-sistema pubblika tat-tagħlim, biex b'hekk jintlaħaq l-objettiv ta' titjib u żvilupp kontinwu;

39.

huwa tal-fehma li għandha tiġi kkunsidrata l-għamla li tingħata lill-qafas ta' referenza u kemm jeħtieġ li jkun dettaljat biex jintlaħqu l-għanijiet tiegħu. Il-Kumitat jaħseb li l-indikaturi m'għandhomx ikunu daqshekk dettaljati li l-implimentazzjoni tal-qafas ta' referenza u s-segwitu tiegħu jwasslu għal sitwazzjoni fejn is-sistemi edukattivi jkunu suġġetti għal kontroll indirett;

40.

jenfasizza li l-indikaturi ta' referenza proposti mill-Kummissjoni

Għalhekk ikun vantaġġ li, utenti varji jistgħu jagħżlu l-iktar indikaturi rilevanti għall-ħtiġijiet tas-sistemi ta' assigurazzjoni tal-kwalità tagħhom;

41.

jenfasizza li d-dimensjoni lokali u reġjonali jridu jiġu rinforzati b'mod partikolari permezz tal-appoġġ għan-netwerks lokali u reġjonali f'dan il-qasam u jiddispjaċih li r-rakkomandazzjoni ma tagħrafx biżżejjed u b'mod espliċitu biżżejjed l-importanza tal-parteċipazzjoni tal-awtoritajiet lokali u reġjonali;

42.

jitloqb li l-awtoritajiet lokali u reġjonali jiġu involuti aktar, b'mod dirett fin-netwerk Ewropew għall-assigurazzjoni tal-kwalità fl-edukazzjoni u t-taħriġ vokazzjonali. Barra min hekk hemm bżonn li jiġi promoss u appoġġjat il-ħolqien ta' netwerk magħmul minn diversi reġjuni u intrapriżi dwar l-EQAF;

43.

jipproponi li tidħol it-tikketta tal-kwalità għall-istituzzjonijiet tal-edukazzjoni u t-taħriġ vokazzjonali, fuq il-mudell tal-klassifikazzjoni li diġà teżisti għall-istituzzjonijiet tal-edukazzjoni għolja;

44.

jindika li t-titjib fis-sistema tal-edukazzjoni u t-taħriġ vokazzjonali huma ta' vantaġġ kbir kemm għall-individwi kif ukoll għas-soċjetà. It-titjib ġenerali fil-livell tal-edukazzjoni u tal-kompetenzi professjonali jikkontribwixxi lejn it-titjib fl-indikaturi ekonomiċi, bħall-produttività u l-impjiegi u l-indikatui soċjali bħall-parteċipazzjoni fil-ħajja ċivika, il-kriminalità u l-ispiża fuq is-saħħa;

45.

josserva li t-taħriġ vokazzjonali jista' jiffavorixxi l-inklużjoni soċjali ta' gruppi żvantaġġjati fis-suq tax-xogħol, bħal pereżempju l-migranti, iċ-ċittadini ta' età aktar avvanzata u ż-żgħażagħ li jkunu ħarġu kmieni mill-iskola;

46.

jenfasizza li mhux biżżejjed li wieħed iqis il-gruppi li jgawdu mit-taħriġ iżda hemm bżonn li naħsbu wkoll fl-individwi li m'għandhomx aċċess għas-sistema li dan hu diffiċli għalihom kif ukoll dawk li jabbandunawha.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/52

—

jenfasizza l-importanza tal-inizjattiva tal-Proċess ta' Barċellona: Unjoni għall-Mediterran, li reġgħet qiegħdet il-Mediterran fil-quċċata tal-aġenda Ewropea u qajmet dibattitu u ispirat riflessjonijiet dwar l-isfidi li l-Mediterran qiegħed jiffaċċja;

—

huwa konvint li l-inizjattivi min-naħa jew oħra tal-Mediterran li jikkonċernaw unikament l-approċċ diplomatiku mhux ser jagħtu soluzzjonijiet sostenibbli sakemm id-demokrazija lokali ma titqiegħedx fil-qalba tad-dibattitu, kemm fir-rigward tat-tisħiħ tagħha, kif ukoll fir-rigward tal-kooperazzjoni diretta bejn ir-reġjuni u l-bliet taż-żewġ ixtut tal-Mediterran fl-ambitu tal-Proċess ta' Barċellona: Unjoni għall-Mediterran;

—

ifakkar li l-livell reġjonali huwa livell ta' gvernanza li jista' jfassal soluzzjonijiet sabiex ikun hemm adattament u reazzjoni għall-isfidi tal-globalizzazzjoni b'kooperazzjoni mill-qrib mal-livelli istituzzjonali l-oħra. L-awtoritajiet lokali u reġjonali, b'mod partikolari fl-Ewropa kulma jmur qed jaffermaw ruħhom bħala livell rilevanti fit-tfassil ta' dawn is-soluzzjonijiet;

—

konsegwentement, itenni s-sejħa tiegħu sabiex l-awtoritajiet lokali u reġjonali jiġu rikonoxxuti bħala msieħba ewlenin fil-Proċess ta' Barċellona u fil-kooperazzjoni Ewro-Mediterranja;

—

beħsiebu jippromovi t-twaqqif ta' Assemblea Reġjonali u Lokali Ewro-Mediterranja (ARLEM) magħmula minn membri tal-Kumitat tar-Regjuni, minn rappreżentanti tal-assoċjazzjonijiet Ewropej u internazzjonali impenjati fil-kooperazzjoni Ewro-Mediterranja u minn numru ndaqs ta' rappreżentanti tal-awtoritajiet lokali u reġjonali tal-ixtut tan-Nofsinhar u l-Lvant tal-Mediterran bħala pjattaforma permanenti ta' djalogu, ta' skambju u ta' kooperazzjoni. Huwa jsejjaħ ukoll sabiex din il-pjattaforma tiġi rikonoxxuta bħala korp konsultattiv fi ħdan il-gvernanza futura tal-Proċcess ta' Barċellona: Unjoni għall-Mediterran, hekk kif seħħ fil-każ tal-EMPA fil-livell tal-parlamenti nazzjonali.

Rapporteur ġenerali

:

is-Sur Isidoro GOTTARDO, Membru tal-Kunsill ta' Sacile

1.

jenfasizza l-importanza tal-inizjattiva tal-Proċess ta' Barċellona: Unjoni għall-Mediterran, li reġgħet qiegħdet il-Mediterran fil-quċċata tal-aġenda Ewropea u qajmet dibattitu u ispirat riflessjonijiet dwar l-isfidi li l-Mediterran qiegħed jiffaċċja; jilqa' kemm id-dimensjoni pragmatika kif ukoll il-viżjoni politika tal-proġett imniedi mill-Presidenza Franċiża tal-Kunsill tal-Unjoni Ewropea li hu appoġġjat minn 16-il membru tal-pajjiżi msieħba tan-Nofsinhar u l-Lvant tal-Mediterran;

2.

huwa kuntent bis-suċċess li kisbu sal-lum xi wħud mill-miżuri u l-inizjattivi tal-Proċess ta' Barċellona; madankollu, jiddispjaċih bin-nuqqas ta' progress sinifikanti fl-oqsma tal-paċi, tas-sigurtà u tal-iżvilupp umani u soċjali, kif ukoll bin-nuqqas ta' parteċipazzjoni tal-awtoritajiet lokali u reġjonali;

3.

jenfasizza li bil-format il-ġdid tiegħu, il-Proċess ta' Barċellona: Unjoni għall-Mediterran għandu jippermetti li s-sistema ta' kooperazzjoni purament intergovernattiva tinbidel fi proġett ta' djalogu bejn iċ-ċittadini tat-tlitt ixtut, u b'mod partikolari, ta' kooperazzjoni bejn il-pajjiżi tan-Nofsinhar u tal-Lvant tal-Mediterran, filwaqt li jgħaqqad lill-awtoritajiet lokali u reġjonali tagħhom permezz ta' qafas ta' proġetti konkreti u miftehma li jidħlu fl-istrateġija globali bbażata fuq il-bżonnijiet taċ-ċittadini u fuq is-solidarjetà;

4.

jikkunsidra li waħda mill-kondizzjonijiet għas-suċċess tal-kooperazzjoni bejn il-pajjiżi Ewro-Mediterranji għat-tisħiħ tas-sħubijia permezz tal-Proċess ta' Barċellona: Unjoni għall-Mediterran hija li jiġu identifikati suġġetti interessanti ġodda sabiex il-benefiċċji prattiċi tagħha jkunu mifhuma miċ-ċittadini u dan billi d-dikjarazzjonijiet ta' prinċipju jsiru miżuri tanġibbli. Dan kollu jirrikjedi involviment qawwi tal-awtoritajiet lokali u reġjonali u komunikazzjoni ċara u tinftiehem malajr;

5.

jinnota li azzjoni aktar b'saħħitha min-naħa tal-awtoritajiet lokali u reġjonali u s-soċjetà ċivili għall-politika pubblika hija sikwit illimitata minħabba d-dgħufija tad-demokrazija lokali u n-nuqqas ta' proċess ġenwin ta' deċentralizzazzjoni fil-pajjiżi tan-Nofsinhar u tal-Lvant tal-Mediterran;

6.

bl-istess mod, jinnota li d-deċentralizzazzjoni u l-gvernanza lokali u parteċipattiva mhux dejjem imorru flimkien b'mod sistematiku. F'xi Stati Membri tal-UE u pajjiżi terzi l-awtoritajiet lokali u reġjonali jiffaċċjaw sfidi simili: iż-żieda tal-parteċipazzjoni fl-elezzjonijiet, il-promozzjoni tal-parteċipazzjoni taċ-ċittadini, u t-tisħiħ tal-involviment tal-assoċjazzjonijiet fit-tfassil ta' strateġiji u fit-tħejjija ta' proġetti kbar, urbani jew reġjonali;

7.

huwa konvint li l-inizjattivi min-naħa jew oħra tal-Mediterran li jikkonċernaw unikament l-approċċ diplomatiku mhux ser jagħtu soluzzjonijiet sostenibbli sakemm id-demokrazija lokali ma titqiegħedx fil-qalba tad-dibattitu, kemm fir-rigward tat-tisħiħ tagħha, kif ukoll fir-rigward tal-kooperazzjoni diretta bejn ir-reġjuni u l-bliet taż-żewġ ixtut tal-Mediterran fl-ambitu tal-Proċess ta' Barċellona: Unjoni għall-Mediterran;

8.

f'dan il-kuntest, jilqa' d-dikjarazzjoni tal-Kapijiet tal-Istat u l-Gvernijiet tal-Isħubija Ewro-Mediterranja, li ltaqgħu f'Pariġi fit-13 ta' Lulju, li tenfasizza li huwa importanti li s-soċjetà ċivili, l-awtoritajiet lokali u reġjonali u s-settur privat jipparteċipaw b'mod attiv fl-implimentazzjoni tal-Proċess ta' Barċellona: Unjoni għall-Mediterran;

9.

madankollu, ma jħossx li huwa xieraq li l-awtoritajiet lokali u reġjonali, li huma demokratikament leġittimi, u s-soċjetà ċivili u s-settur privat, li mhumiex demokratikament leġittimi, jitpoġġew fuq l-istess livell;

10.

jaqbel ukoll mal-istqarrija tal-Kapijiet tal-Istat u l-Gvernijiet tal-Isħubija Ewro-Mediterranja li jekk ikun hemm tqassim akbar tar-responsabbiltà tal-proċess, jekk il-gvernanza tiġi bbazżata fuq l-ugwaljanza bejn il-partijiet kollha u jekk mill-proċess joħorġu proġetti konkreti li jkunu aktar viżibbli għaċ-ċittadini, dan kollu jippermetti li r-relazzjonijiet bejn it-tliet ixtut tal-Mediterran isiru aktar sodi u aktar viżibbli bis-saħħa ta' proġetti reġjonali u subreġjonali addizzjonali rilevanti għaċ-ċittadini tar-reġjun;

11.

jinnota r-rieda u l-impenn tal-awtoritajiet lokali u reġjonali sabiex isaħħu l-Proċess ta' Barċellona: Unjoni għall-Mediterran li jippromovi id-demokrazija lokali u l-kooperazzjoni deċentralizzata;

12.

ifakkar l-esperjenza tal-implimentazzjoni tal-politiki Ewropej li numru kbir minnhom jirrikjedu l-impenn, ir-riżorsi u l-azzjoni tal-awtoritajiet lokali għall-implimentazzjoni tagħhom u jenfasizza wkoll l-esperjenza sħiħa u l-għarfien espert tal-awtoritajiet lokali u reġjonali Ewropej fit-trattament u l-ġestjoni tal-kwistjonijiet urbani u rurali marbuta mal-ambjent, l-enerġija, it-trasport, il-protezzjoni ċivili, il-migrazzjoni, l-iżvilupp ekonomiku u għadd ta' prijoritajiet oħra tal-Proċess ta' Barċellona li jibqaw validi, bħad-djalogu interkulturali, l-edukazzjoni, id-dimensjoni umana u soċjali; għalhekk, jiddispjaċih li ma kienx hemm konsultazzjoni minn qabel mal-awtoritajiet lokali u reġjonali dwar il-proġetti ta' żvilupp annessi mal-konklużjonijiet tas-summit ta' Pariġi minkejja l-ħtieġa tal-involviment tagħhom fl-implimentazzjoni futura ta' dawn il-proġetti u jenfasizza l-ħtieġa li dan l-approċċ intergovernattiv jiġi rivedut sabiex kull livell ta' gvernanza kkonċernat jiġi involut;

13.

fid-dawl tal-opinjonijiet preċedenti dwar din il-kwistjoni, jenfasizza l-importanza tal-involviment tal-awtoritajiet lokali u reġjonali mhux biss fil-fażi tal-implimentazzjoni iżda wkoll tul il-proċess kollu ta' kooperazzjoni li jibda bit-tfassil tal-istrateġiji, jkompli bl-implimentazzjoni tal-programmi u tal-proġetti u jintemm bil-monitoraġġ tal-istrateġiji u l-evalwazzjoni tar-riżultati. Dan japplika b'mod partikolari meta l-inizjattivi jkunu marbuta ma' oqsma fejn l-awtoritajiet lokali u reġjonali jkollhom kompetenzi wiesa' u diretti, fost l-oħrajn, pereżempju l-ippjanar tal-bliet u l-kampanja, il-ġestjoni tal-ilma, il-ġestjoni u l-ipproċessar tal-iskart, l-ambjent u l-konsegwenzi lokali tal-bidla fil-klima, l-iżvilupp ekonomiku lokali, il-ġestjoni u t-tisħiħ tal-wirt kulturali u storiku, l-iżvilupp tat-turiżmu lokali, is-saħħa tal-bniedem, il-politiki ta' integrazzjoni u tal-koeżjoni soċjali;

14.

jilqa' t-tnedija imminenti tal-programm CIUDAD il-ġdid fi ħdan l-Istrument Ewropew ta' Viċinat u Sħubija attwali, li jfittex li jippromovi l-kooperazzjoni fl-iżvilupp urban u d-djalogu fir-reġjun tal-Mediterran. Jaqbel li l-oqsma ta' prijorità jinkludu s-sostenibbiltà ambjentali, l-effiċjenza enerġetika, l-iżvilupp ekonomiku sostenibbli u t-tnaqqis tad-differenzi soċjali, oqsma fejn l-awtoritajiet lokali u reġjonali għandhom poteri mifruxa u diretti, u fejn l-awtoritajiet lokali u reġjonali Ewropej jistgħu joffru esperjenza u għarfien prattiku;

15.

jinnota li, sal-lum, l-aspetti finanzjarji tal-Proċess ta' Barċellona: Unjoni għall-Mediterran għadhom ma ġewx speċifikati u li l-awtoritajiet lokali u reġjonali jistgħu jkunu kemm imsieħba politiċi, kif ukoll imsieħba tekniċi u finanzjarji fit-tfassil u l-implimentazzjoni tal-istrateġiji u l-proġetti li min-naħa jissodisfaw l-bżonnijiet reali taċ-ċittadini u minn oħra jilħqu l-objettivi tal-Proċess ta' Barċellona: Unjoni għall-Mediterran; jinnota ukoll li l-inizjattiva l-Proċess ta' Barċellona: Unjoni għall-Mediterran ma tbiddel xejn, f'termini programmatiċi u finanzjarji, mid-dimensjoni mediterranja tal-politika Ewropea tal-viċinat;

16.

ifakkar li l-livell reġjonali huwa livell ta' gvernanza li jista' jfassal soluzzjonijiet sabiex ikun hemm adattament u reazzjoni għall-isfidi tal-globalizzazzjoni b'kooperazzjoni mill-qrib mal-livelli istituzzjonali l-oħra. L-awtoritajiet lokali u reġjonali, b'mod partikolari fl-Ewropa kulma jmur qed jaffermaw ruħhom bħala livell rilevanti fit-tfassil ta' dawn is-soluzzjonijiet;

17.

konsegwentement, itenni s-sejħa tiegħu sabiex l-awtoritajiet lokali u reġjonali jiġu rikonoxxuti bħala msieħba ewlenin fil-Proċess ta' Barċellona u fil-kooperazzjoni Ewro-Mediterranja;

18.

jirrikonoxxi r-rwol u l-esperjenza tad-diversi netwerks u assoċjazzjonijiet tal-awtoritajiet lokali, reġjonali, nazzjonali, Ewropej u internazzjonali li qegħdin jaħdmu għall-kooperazzjoni deċentralizzata Ewro-Mediterranja, u jirrikonoxxi wkoll il-kompetenza esperta u l-għarfien tat-territorju tagħhom (1). Għalhekk hemm bżonn li jkun hemm aktar kooperazzjoni u li l-objettivi tal-proġetti ta' kooperazzjoni deċentralizzata jingħaqdu ma' dawk tal-isħubija Ewro-Mediterranja sabiex jinkisbu l-aħjar riżultati possibbli;

19.

itenni l-appoġġ tiegħu għad-dikjarazzjoni tar-rappreżentanti tal-awtoritajiet lokali u reġjonali tal-Mediterran u l-Ewropa li ltaqgħu fit-23 ta' Ġunju 2008 waqt Forum tal-awtoritajiet lokali u reġjonali tal-Mediterran f'Marsilja;

20.

u f'dan il-kuntest, jaqsam ir-rieda tar-rappreżentanti lokali u reġjonali eletti u tal-assoċjazzjonijiet rappreżentattivi tagħhom sabiex joħolqu strument istituzzjonali li jiżgura r-rappreżentanza politika permanenti u l-kontribut attiv tagħhom għall-Proċess ta' Barċellona: Unjoni għall-Mediterran, strument rilevanti għat-territorjalizzazzjoni; u jtenni li l-Kumitat tar-Reġjuni diġà ressaq din it-talba f'opinjonijiet preċedenti b'rabta ma' din it-tema;

21.

għalhekk, beħsiebu jwaqqaf Assemblea Reġjonali u Lokali Ewro-Mediterranja (ARLEM) magħmula minn numru ugwali ta' rappreżentanti lokali u reġjonali eletti tal-Unjoni Ewropea u rappreżentati eletti tal-pajjiżi msieħba tal-Mediterran, u dan fid-dawl tal-Assemblea Parlamentari Ewro-Mediterranja (EMPA) li twaqqfet biex tirrapreżenta d-dimensjoni parlamentari;

22.

iħeġġeġ lill-korpi governattivi tal-Proċess ta' Barċellona: Unjoni għall-Mediterran sabiex minbarra li jirrikonoxxu politikament lill-awtoritajiet lokali u reġjonali jinkorporawhom b'mod formali u effettiv fil-proċess ta' kooperazzjoni u fil-Proċess ta' Barċellona: Unjoni għall-Mediterran;

23.

għalhekk, isejjaħ għat-tfassil ta' dokumenti ta' ħidma ġodda li jiddefinixxu r-rwol tal-awtoritajiet lokali u reġjonali bħala msieħba sħaħ tal-proċess ta' kooperazzjoni fl-ambitu tat-tnedija mill-ġdid tal-Proċess ta' Barċellona: Unjoni għall-Mediterran;

24.

iħeġġeġ bis-saħħa lill-awtoritajiet lokali u reġjonali sabiex flimkien mal-gvernijiet ċentrali jipparteċipaw sa mill-ewwel fażi fit-tfassil ta' ftehim bejn l-assoċjazzjonijiet, ta' dokumenti strateġiċi u ta' pjanijiet ta' azzjoni li huma mfassla b'mod bilaterali bejn l-Unjoni Ewropea u l-pajjiżi msieħba tan-Nofsinhar u l-Lvant tal-Mediterran b'mod partikolari fl-ambitu tal-Politika Ewropea tal-Viċinat;

25.

għalhekk, isejjaħ lill-gvernijiet Ewro-Mediterranji sabiex iwaqqfu mekkaniżmi ta' djalogu nazzjonali strutturat u ta' konsultazzjoni bejn l-atturi sottonazzjonali (lokali u reġjonali), l-imsieħba soċjali u s-soċjetà ċivili billi jagħqdu n-netwerks u l-assoċjazzjonijiet tal-awtoritajiet lokali u reġjonali;

26.

beħsiebu jippromovi t-twaqqif ta' Assemblea Reġjonali u Lokali Ewro-Mediterranja (ARLEM) magħmula minn membri tal-Kumitat tar-Regjuni, minn rappreżentanti tal-assoċjazzjonijiet Ewropej u internazzjonali impenjati fil-kooperazzjoni Ewro-Mediterranja u minn numru ndaqs ta' rappreżentanti tal-awtoritajiet lokali u reġjonali tal-ixtut tan-Nofsinhar u l-Lvant tal-Mediterran bħala pjattaforma permanenti ta' djalogu, ta' skambju u ta' kooperazzjoni. Huwa jsejjaħ ukoll sabiex din il-pjattaforma tiġi rikonoxxuta bħala korp konsultattiv fi ħdan il-gvernanza futura tal-Proċcess ta' Barċellona: Unjoni għall-Mediterran, hekk kif seħħ fil-każ tal-EMPA fil-livell tal-parlamenti nazzjonali;

27.

iħeġġeġ lill-Kummissjoni Ewropea sabiex tarmonizza, tikkoordina u torbot sew flimkien l-approċċ il-ġdid mal-programmi differenti, l-proġetti u l-istrumenti Komunitarji (2) u ma' dawk il-programmi, il-proġetti u l-istrumenti korrispondenti tal-kooperazzjoni Ewro-Mediterranja li diġà qegħdin fis-seħħ (3), bil-għan li tapprofitta mill-esperjenzi, li tevita r-ripetizzjoni tal-attivitajiet u li takkumula l-progress;

28.

jipproponi lijsir studju ta' fattibbiltà sabiex jiġu adattati l-istrumenti ta' appoġġ strutturali eżistenti għall-kuntest tal-Mediterran — dan jinvolvi politika ta' koeżjoni ekonomika u soċjali li tippermetti kooperazzjoni bejn l-awtoritajiet lokali u reġjonali tal-Unjoni Ewropea u l-pajjiżi tal-Mediterran ibbażata fuq dimensjoni reġjonali;

29.

iħeġġeġ lill-korpi governattivi tal-Proċess ta' Barċellona: Unjoni għall-Mediterran sabiex tapprofitta mill-okkazzjoni ta' din it-tnedija mill-ġdid tal-proċess sabiex timxi pass 'l quddiem fir-riforma tal-gvernanza lokali u d-deċentralizzazzjoni fil-pajjiżi tan-Nofsinhar u tal-Lvant tal-Mediterran u sabiex tniedi l-proċess ta' deċentralizzazzjoni f'pajjiżi oħra;

30.

għalhekk, jipproponi li tingħata prijorità lill-istrateġiji ta' tisħiħ istituzzjonali tal-awtoritajiet lokali u reġjonali u li jitniedu programmi għall-modernizzazzjoni tal-amministrazzjonijiet u proġetti ta' taħriġ dwar ir-riżorsi umani lokali u reġjonali;

31.

jikkunsidra li jekk tingħata responsabbiltà akbar lir-rappreżentanti eletti fil-livell lokali u reġjonali tinħoloq gvernanza fuq diversi livelli li tgħaqqad livelli istituzzjonali differenti fil-proċess tat-teħid ta' deċiżjonijiet, tat-tfassil, u tal-implimentazzjoni u l-evalwazzjoni tal-politiki pubbliċi u l-politiki ta' żvilupp;

32.

jissuġġerixxi l-użu tar-riżorsi umani lokali, tekniċi u akkademiċi għat-twaqqif ta' proġetti u li jkun hemm parteċipazzjoni kbira kemm jista' jkun taċ-ċittadini sabiex jieħdu f'idejhom is-sjieda tal-proċess ta' kooperazzjoni u l-proġetti sussegwenti;

33.

fl-aħħar nett, jikkunsidra li d-dinamika tal-Proċess ta' Barċellona: Unjoni għall-Mediterran tista' toffri lill-atturi, f'diversi livelli, opportunitajiet ta' tagħlim, relazzjonijiet ġodda, mezzi ta' rikonoxximent reċiproku u fl-istess ħin tippromovi t-tagħlim ta' approċċ ġdid għall-iżvilupp u d-demokrazija lokali fost l-atturi differenti involuti (l-amministrazzjoni ċentrali u deċentralizzata, l-awtoritajiet lokali u reġjonali, s-soċjetà ċivili eċċ.);

34.

jagħti istruzzjonijiet lill-President tiegħu sabiex iressaq din l-opinjoni lill-Presidenza Franċiża tal-UE, lill-Ko-Presidenza tal-Unjoni għall-Mediterran, lill-Parlament Ewropew u lill-Kumitat Ekonomiku u Soċjali Ewropew, lill-Assemblea Parlamentari Ewro-Mediterranja u lill-Kapijiet tal-Istat tal-pajjiżi tan-Nofsinhar u tal-Lvant tal-Mediterran.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/56

—

jitlob biex l-awtoritajiet lokali u reġjonali ma jibqgħux jitpoġġew fl-istess kategorija tas-soċjetà ċivili u l-imsieħba ekonomiċi u soċjali fejn jidħlu s-sħubijiet, peress li huma korpi eletti li jirrispondu direttament għaċ-ċittadini tal-UE;

—

jiġbed l-attenzjoni għall-fatt li n-nuqqas ta' metodoloġija fil-livell tal-UE għat-tħaddim tas-sħubijiet fit-tħejjija, l-implimentazzjoni, il-monitoraġġ u l-evalwazzjoni tal-programmar u d-dokumenti tal-ippjanar tal-iżvilupp territorjali jagħmilha impossibbli li wieħed jiġġudika jekk il-proċess fir-realtà involviex sħubija jew jekk dan sarx bil-kliem biss, u x'kien l-effett reali tagħha;

—

jirrakkomanda li l-PE u l-Kummissjoni Ewropea jevalwaw il-possibilitajiet għall-użu tal-kapaċità tal-awtoritajiet nazzjonali u/jew reġjonali fil-monitoraġġ tal-implimentazzjoni tal-programmi operattivi u kif jintnefqu l-Fondi Strutturali u ta' Koeżjoni, sabiex jiġu verifikati l-ispejjeż u r-riżultati li nkisbu;

—

jinsab konvint li l-Kumitat tar-Reġjuni għandu jingħata rwol ikbar fit-tħejjija, l-implimentazzjoni u l-monitoraġġ tal-politiki tal-UE, permezz tal-involviment attiv tal-membri tal-Kumitat fid-djalogu fuq livell lokali u reġjonali;

—

huwa impenjat favur inizjattivi ta' ppjanar u ta' implimentazzjoni biex jitkattru l-aħjar prattiki fl-użu tas-sħubija għat-twaqqif ta' prijoritajiet ta' politika.

Rapporteur

:

Is-Sur Vladimir KISSIOV (BG/PPE), Membru tal-Kunsill Muniċipali ta' Sofia

1.

jappoġġja bis-sħiħ l-inizjattiva biex tiġi analizzata u studjata s-sħubija fil-kuntest tal-gvernanza fil-livell nazzjonali, reġjonali u lokali u l-ippjanar ta' proġetti fil-qasam tal-politika reġjonali, fil-preparazzjoni u l-implimentazzjoni ta' dokumenti tal-programm u ta' ppjanar għall-iżvilupp territorjali;

2.

jilqa' l-isforzi li qed isiru mill-Istati Membri u l-awtoritajiet lokali u reġjonali lejn il-ħolqien u l-introduzzjoni sistematika ta' sħubijiet bejn l-istituzzjonijiet statali, reġjonali u lokali u r-rappreżentanti tas-soċjetà ċivili, l-imsieħba soċjali u l-qasam kummerċjali fit-tħejjija ta' dokumenti ta' ppjanar għall-iżvilupp u l-implimentazzjoni tal-politiki tal-ippjanar u l-iżvilupp reġjonali;

3.

jilqa' b'mod speċjali l-fatt li, fl-Istati Membri, il-gvernijiet qegħdin jagħmlu sforzi sabiex jippromovu djalogu mal-awtoritajiet reġjonali u lokali billi jiddeterminaw mhux biss il-miri, il-prijoritajiet u r-riżorsi għall-iżvilupp territorjali, iżda wkoll l-implimentazzjoni tiegħu, fil-kuntest ta' politiki Ewropej u nazzjonali;

4.

jenfasizza r-rwol ta' tmexxija tal-bliet u r-reġjuni fit-tħejjija ta' dokumenti ta' strateġija, l-implimentazzjoni ta' programmi u l-monitoraġġ u l-implimentazzjoni ta' politiki tal-UE;

5.

jitlob biex l-awtoritajiet lokali u reġjonali ma jibqgħux jitpoġġew fl-istess kategorija tas-soċjetà ċivili u l-imsieħba ekonomiċi u soċjali fejn jidħlu s-sħubijiet, peress li huma korpi eletti li jirrispondu direttament għaċ-ċittadini tal-UE. Għalhekk, kull sħubija bejn l-istituzzjonijiet nazzjonali ta' Stat Membru, il-korpi tal-UE u l-awtoritajiet lokali u reġjonali hija fuq livell ta' kwalità differenti minn forom oħrajn ta' sħubija. Ir-rwol tal-awtoritajiet lokali u reġjonali, li jiġu eletti mill-pubbliku u fdati bi dmirijiet statali jrid ikun stipulat fir-regoli u d-dokumenti ġenerali;

6.

jinsab konvint li l-prinċipji ta' gvernanza tajba jistgħu jitħaddmu fil-prattika fil-qasam tal-politika lokali u reġjonali permezz ta' involviment akbar tar-rappreżentanti tas-soċjetà ċivili u l-imsieħba ekonomiċi u soċjali;

7.

jappoġġja analiżi komprensiva tal-gvernanza tal-politika strutturali fi ħdan is-sistema fuq ħafna livelli tal-Unjoni Ewropea;

8.

jemmen li huwa kruċjali għal gvernanza tajba fil-qasam tal-politika reġjonali li strumenti ta' politika jiġu applikati b'mod integrat, li l-partijiet interessati kollha jkunu involuti, u li jkun hemm enfasi ċara fuq l-implimentazzjoni effiċjenti u effettiva tal-politika bbażata fuq integrazzjoni orizzontali u vertikali tal-istrumenti varji sabiex jinkisbu riżultati ċari u li jistgħu jitkejlu;

9.

jagħraf ir-rwol tal-politika strutturali Ewropea fl-għoti ta' appoġġ effettiv għall-proċessi ta' diċentralizzazzjoni amministrattiva f'bosta pajjiżi Ewropej bħala parti mill-iżvilupp tal-ippjanar reġjonali u l-proċessi ġestjonali bbażati fuq indikaturi li taw kontribut kbir lejn it-titjib ta' inizjattivi pubbliċi fil-livell lokali u reġjonali;

10.

jemmen li l-mudell attwali ta' gvernanza fil-qasam tal-politika strutturali joffri bażi tajba għall-politika strutturali futura;

11.

jiġbed l-attenzjoni għall-fatt li n-nuqqas ta' metodoloġija fil-livell tal-UE għat-tħaddim tas-sħubijiet fit-tħejjija, l-implimentazzjoni, il-monitoraġġ u l-evalwazzjoni tal-programmar u d-dokumenti tal-ippjanar tal-iżvilupp territorjali jagħmilha impossibbli li wieħed jiġġudika jekk il-proċess fir-realtà involviex sħubija jew jekk dan sarx bil-kliem biss, u x'kien l-effett reali tagħha;

12.

iqis bħala suċċess l-isforzi sabiex tissaħħaħ is-sħubija bil-ħsieb li tiġi żviluppata politika aktar sostenibbli għal integrazzjoni vertikali u orizzontali ta' gvernanza u sħubija fil-livell nazzjonali, reġjonali u lokali li hija eqreb u iktar b'saħħitha;

13.

jikkunsidra bħala kisba demokratika l-isforzi li saru mill-gvernijiet fl-Istati Membri l-ġodda sabiex jintroduċu l-prinċipji ta' gvernanza tajba fil-proċess tat-tfassil u l-implimentazzjoni ta' dokumenti programmatiċi;

14.

jidhirlu li l-awtoritajiet nazzjonali u reġjonali, flimkien ma' dawk amministrattivi, għandhom iħejju u jadottaw metodoloġija għall-użu ta' sħubijiet fil-politika reġjonali b'rabta mal-programmar u l-ippjanar tad-dokumenti. Il-metodoloġija għandha tiddefinixxi b'mod ċar l-operazzjoni u l-istadju minimu ta' sħubija fl-istadji kollha: it-tħejjija, l-implimentazzjoni, il-monitoraġġ u l-evalwazzjoni. Għandhom jitqiesu żewġ livelli ta' sħubija, li huma differenti mhux ħażin fil-kwalità tagħhom:

L-imsieħba involuti huma differenti minn xulxin fl-ambitu tal-operazzjoni, l-ispeċjalizzazzjoni, il-ħiliet u l-kontribut li kapaċi jagħtu. Din il-metodoloġija għandha tqis ukoll il-bosta livelli ta' deċentralizzazzjoni fl-Istati Membri individwali u teżamina jekk il-korpi lokali u reġjonali tagħhom humiex l-awtorità li tmexxi l-programmi operazzjonali;

15.

jaħseb li, bis-saħħa tal-prattiki tajbin tagħhom, l-Istati Membri l-antiki tal-UE, b'mod partikulari dawk li huma deċentralizzati ħafna, taw kontribut sostanzjali għat-titjib tas-sistema ta' sħubija b'rabta ma' gvernanza tajba fil-livell nazzjonali, reġjonali u lokali u l-ippjanar ta' proġetti fil-qasam tal-politika reġjonali u jistgħu jaqsmu l-aħjar prattiki tagħhom ma' pajjiżi oħrajn;

16.

jargumenta li l-inklużjoni ta' netwerks ta' msieħba fl-iżvilupp u l-implimentazzjoni ta' politiki tal-iżvilupp reġjonali toffri opportunitajiet konsiderevoli għall-attur u l-parteċipanti varji sabiex jesprimu l-interessi tagħhom u ssaħħaħ il-fiduċja tan-nies fil-gvern. Madankollu jrid jiġi żgurat li l-imsieħba kkonċernati għandhom il-mandat it-tajjeb li permezz tiegħu jistgħu jieħdu azzjoni, kif ukoll l-għarfien u l-ħila meħtieġa, u li s-sehem tagħhom ser jagħti kontribut siewi. Irid ikollhom ukoll il-finanzjament meħtieġ biex jaqdu rwol tajjeb fid-diskussjonijiet. Dan il-finanzjament jista' jkun parti mill-għajnuna teknika u għandu jkopri wkoll it-tħejjija ta' studji u riċerka tassew ġustifikati fil-livell tal-UE, u dak nazzjonali u lokali;

17.

jitlob lill-Kummissjoni Ewropea, la din hija xi ħaġa li mhix inkluża f'numru ta' programmi operazzjonali, tawtorizza u tħeġġeġ lill-awtoritajiet lokali u reġjonali, l-assoċjazzjonijiet nazzjonali u sopranazzjonali tagħhom u l-imsieħba rilevanti l-oħra jużaw ir-riżorsi ta' għajnuna teknika; dan jippermettilhom iwettqu studji u analiżi fil-livelli lokali, reġjonali, nazzjonali u tal-UE biex jidentifikaw il-ħtiġijiet u l-prijoritajiet tal-politika l-ġdida ta' koeżjoni;

18.

jinsab konvint mill-importanza dejjem tikber tat-tisħiħ tas-sħubija f'dik li hi gvernanza u ppjanar ta' proġetti fl-istadji kollha tat-tfassil tal-politika tal-UE fil-qasam tal-iżvilupp lokali u reġjonali — it-tħejjija, l-implimentazzjoni, il-monitoraġġ u l-evalwazzjoni;

19.

jikkunsidra li fit-tħejjija, l-implimentazzjoni, il-monitoraġġ u l-evalwazzjoni tal-politika tal-UE dwar l-iżvilupp territorjali, il-gvernanza u s-sħubija għandhom jingħataw rwol iktar sinifikanti fl-istrateġija ta' komunikazzjoni tal-UE;

20.

isejjaħ lill-Parlament Ewropew u lill-Kummissjoni Ewropea biex jistrieħu iktar fuq is-sħubija u l-gvernanza tajba u l-metodu miftuħ ta' koordinazzjoni fl-iżvilupp ta' politiki tal-UE, sabiex dan jinkludi l-ikbar numru possibbli ta' partijiet interessati, l-iktar l-awtoritajiet lokali u reġjonali, bħala l-livell tal-gvern fejn is-soltu jitwettaq proporzjon sinifikanti tal-politiki Komunitarji. Jitlob lill-Kummissjoni tiżgura li l-awtoritajiet reġjonali u lokali kollha interessati u li għandhom il-ħiliet meħtieġa biex imexxu programmi Ewropej tal-iżvilupp reġjonali jinħatru bħala Awtoritajiet ta' Ġestjoni ta' programmi operattivi;

21.

jinsisti li ssir rabta bejn il-kwistjonijiet ta' gvernanza u sħubija fil-livell nazzjonali u reġjonali fit-tħejjija tal-istrateġija nazzjonali, reġjonali u lokali u d-dokumenti ta' ippjanar u l-kunsiderazzjoni u t-tnedija ta' inizjattivi sabiex jingħelbu sfidi bħall-bidla fil-klima, it-trasport urban, l-iżvilupp tax-xjenzi tal-ħajja u l-bijoteknoloġija, attivitajiet xjentifiċi u ta' riċerka u l-innovazzjoni fl-UE u f'reġjuni oħrajn;

22.

jemmen li, fil-kuntest tat-tħejjija tal-politika l-ġdida ta' koeżjoni ekonomika, soċjali u reġjonali, l-iktar għar-reġjuni li għandhom żvantaġġi kbar u permanenti naturali u demografiċi, ser ikun importanti ħafna li niżguraw li fuq kollox l-awtoritajiet lokali u reġjonali u l-assoċjazzjonijiet nazzjonali u sopranazzjonali tagħhom iżda wkoll l-imsieħba ekonomiċi u soċjali u s-soċjetà ċivili, jkollhom sehem fl-istadji l-iktar kmieni possibbli tat-tiswir ta' pożizzjonijiet u prijoritajiet nazzjonali u t-tħejjija ta' dokumenti u li l-fehmiet tagħhom jitqiesu kif xieraq;

23.

jaħseb li jkun xieraq li titkompla l-analiżi bir-reqqa tal-prattiki tal-Istati Membri u l-esperjenzi tagħhom fl-użu ta' sħubijiet sabiex jistabbilixxu prijoritajiet għall-iżvilupp lokali, reġjonali, nazzjonali u sopra-nazzjonali. L-evalwazzjonijiet jappoġġjaw l-implimentazzjoni ta' forom ta' komunikazzjoni iżjed sempliċi u effiċjenti bejn l-imsieħba fil-livell lokali u reġjonali;

24.

huwa tal-fehma li meta wieħed iqis il-gradi differenti ta' deċentralizzazzjoni fl-Istati Membri, jeżistu wkoll differenzi fil-proċess ta' konsultazzjoni u fil-mod kif il-gvernanza titmexxa fejn jidħol l-ippjanar ta' proġetti;

25.

jagħraf il-ħtieġa li l-parteċipanti involuti fil-gvernanza u s-sħubija fil-livell nazzjonali u reġjonali fl-Istati Membri tul il-perijodu ta' ppjanar li jmiss tal-UE jkunu ppreparati biex jagħmlu dan permezz ta' metodi effettivi li ġew ittestjati għal konsultazzjoni mal-imsieħba u l-atturi tas-soċjetà ċivili, bħal manwali ta' gwida dwar il-prattika tajba, is-sħubijiet bejn il-pubbliku u l-privat u l-kooperazzjoni mal-imsieħba tas-soċjetà ċivili f'konsultazzjonijiet dwar l-ippjanar tal-iżvilupp futur lokali u reġjonali;

26.

b'konformità mal-objettiv tal-istrateġija ta' Liżbona għall-iżvilupp ta' ekonomija msejsa fuq l-għarfien, jirrakkomanda li miżuri mmirati jkunu jinvolvu l-universitajiet, l-istituzzjonijiet tar-riċerka u xjentifiċi u ċ-ċentri tat-teknoloġija fil-preparazzjoni ta' pożizzjonijiet nazzjonali u ta' dokumenti għall-perijodu l-ġdid ta' programmar, mhux biss fil-livell nazzjonali, iżda wkoll fil-livelli reġjonali u lokali;

27.

iqis bħala imperattiv li bħala parti mill-isforzi globali għat-tisħiħ tal-kapaċità amministrattiva, il-prijorità għandha tkun li jiġu introdotti miżuri mmirati li jinkludu ż-żgħażagħ fl-istadji l-iktar bikrija tat-tħejjija, id-diskussjoni u l-ipprogrammar ta' politiki tal-iżvilupp territorjali. Dan għandu jkollu impatt profond u dejjiemi fuq l-implimentazzjoni tal-politiki tal-UE u għandu wkoll iħeġġeġ iż-żgħażagħ biex jaqdu rwol attiv fil-ħajja ċivili;

28.

jagħraf il-ħtieġa li nkomplu nsaħħu s-sħubija attiva (fuq l-inizjattiva tal-awtoritajiet lokali u reġjonali kif ukoll organizzazzjonijiet mhux governattivi) fil-proċess tal-gvernanza. Għal dan il-għan jemmen li l-Istati Membri għandhom jieħdu azzjoni adattata għaċ-ċirkostanzi nazzjonali speċifiċi tagħhom, sabiex iħeġġu l-komunitajiet ta' msieħba tagħhom biex jorganizzaw ruħhom, sabiex isaħħu l-involviment, ir-responsabilità u l-interess tal-partijiet interessati tas-soċjetà ċivili;

29.

jirrakkomanda li l-PE u l-Kummissjoni Ewropea jevalwaw il-possibilitajiet għall-użu tal-kapaċità tal-awtoritajiet nazzjonali u/jew reġjonali fil-monitoraġġ tal-implimentazzjoni tal-programmi operattivi u kif jintnefqu l-Fondi Strutturali u ta' Koeżjoni, sabiex jiġu verifikati l-ispejjeż u r-riżultati li nkisbu. Dan għandu jgħin kemm sabiex jiġu simplifikati l-proċeduri kif ukoll sabiex titnaqqas l-ispiża;

30.

jaħseb li hemm il-ħtieġa li jiġu żviluppati strumenti istituzzjonali sabiex tiġi faċilitata l-implimentazzjoni ta' approċċi orizzontali u vertikali. Dawn jistgħu jinkludu pjattaformi, ġestjoni ta' politika fil-livell reġjonali u round tables, li jiffaċilitaw il-komunikazzjoni fin-netwerks bbażati fuq setturi fil-livelli politiċi u amministrattivi;

31.

jaħseb li għandu jitqies ir-rwol tar-Raggruppamenti Ewropej għall-Kooperazzjoni Territorjali, u jingħata spinta ġdida, fil-qasam tal-gvernanza fil-politika reġjonali. Dawn ir-raggruppamenti ġodda mhumiex sempliċiment strument għall-ġestjoni tal-fondi tal-UE; qabel xejn iħeġġu nies minn setturi differenti biex jaħdmu flimkien fl-interess tas-soċjetà ċivili f'reġjuni fil-viċinat ta' xulxin;

32.

jaħseb li, f'evalwazzjonijiet ta' sħubija fil-gvernanza u l-ippjanar ta' proġetti, l-enfasi għandha tkun dejjem iktar fuq l-indikaturi kwalitattivi minflok fuq dawk kwantitattivi. Għalhekk, huwa essenzjali li l-imsieħba ċentrali, reġjonali u lokali fil-proċess ta' gvernanza ma jiġux evalwati kollha l-istess, iżda jiġu kategorizzati skont il-kapaċitajiet u l-kontribut potenzjali tagħhom;

33.

meta wieħed iqis id-diffikultà biex jiġi żgurat li politiki reġjonali jkollhom impatt pubbliku, hija ta' importanza kbira ħafna li l-interfaces meħtieġa jiġu żviluppati fil-livelli differenti li fihom il-politiki jorbtu mad-diversi setturi involuti;

34.

waħda mill-ħidmiet ewlenin tal-awtoritajiet lokali, reġjonali u ċentrali għandha tkun li tissaħħaħ il-kapaċità amministrattiva u li jkun hemm titjib kontinwu fiha. Evalwazzjonijiet annwali tal-kapaċità amministrattiva għandhom jitbiddlu minn formalità għal analiżi ta' dak li nkiseb, li mbagħad għandha ssir pubblika u sservi ta' bażi għal sforzi futuri fil-bini tal-kapaċità;

35.

jinsab konvint li l-Kumitat tar-Reġjuni għandu jingħata rwol ikbar fit-tħejjija, l-implimentazzjoni u l-monitoraġġ tal-politiki tal-UE, permezz tal-involviment attiv tal-membri tal-Kumitat — fil-kapaċità tagħhom bħala rappreżentanti tal-interessi tal-awtoritajiet lokali u reġjonali — fid-djalogu fuq livell lokali u reġjonali mal-organizzazzjonijiet pubbliċi u tas-soċjetà ċivili. Dan huwa prerekwiżit għall-ippjanar b'suċċess tal-iżvilupp territorjali kif ukoll għall-bini u l-estensjoni tal-kapaċità amministrattiva u komunikattiva fil-livell lokali u reġjonali, bil-għan li jingħeleb id-defiċit amministrattiv li fid-dokumenti tal-UE ta' sikwit jissemma' bħala xkiel għall-iżvilupp;

36.

ser ifassal rakkomandazzjonijiet annwali għat-titjib tas-sħubija fil-livell reġjonali u lokali, li ser jiġu inkorporati bħala parti integrali fid-diskussjonijiet annwali ta' livell għoli;

37.

ser jappoġġja l-inizjattivi kollha mmexxija mill-Istati Membri, il-Parlament Ewropew u l-Kummissjoni Ewropea bil-għan li jiġu żviluppati sħubijiet mal-awtoritajiet lokali u reġjonali, mhux biss matul il-fażi ta' monitoraġġ tal-implimentazzjoni tal-politiki, iżda wkoll, u l-iktar importanti, matul l-abbozzar tagħhom;

38.

jaħseb li sħubijiet ma' NGOs u ma' dawk li jħaddmu fil-livelli l-iktar baxxi tal-gvern għandhom jiġu appoġġjati, promossi u żviluppati permezz ta' inizjattivi diversi, b'mod partikulari fl-istadju tal-ippjanar u matul l-implimentazzjoni ta' miżuri speċifiċi. L-awtoritajiet lokali għandhom ikunu involuti fil-komunikazzjoni, peress li huma l-iktar adattati biex ifissru l-impatt tal-Unjoni Ewropea fil-ħajja ta' kuljum taċ-ċittadini;

39.

huwa impenjat favur inizjattivi ta' ppjanar u ta' implimentazzjoni biex jitkattru l-aħjar prattiki fl-użu tas-sħubija għat-twaqqif ta' prijoritajiet ta' politika lokali, reġjonali, nazzjonali u sopra-nazzjonali fl-Istati Membri;

40.

ser jieħu l-passi neċessarji sabiex jagħmel l-aħjar użu mill-mekkaniżmi għall-koordinazzjoni u l-implimentazzjoni ta' politiki Ewropej, nazzjonali u reġjonali disponibbli permezz tar-REKT (Raggruppament Ewropew għall-Kooperazzjoni Territorjali), bħala mezz ta' kooperazzjoni internazzjonali deċentralizzata li tista' tintuża wkoll biex gruppi ta' msieħba differenti jiġu involuti b'mod iktar effettiv fil-gvernanza.

19.12.2008   

MT

Il-Ġurnal Uffiċjali ta’ l-Unjoni Ewropea

C 325/60

—

jenfasizza li t-tnaqqis tal-emissjonijiet industrijali hi l-aktar importanti fir-rigward tat-tniġġis tal-arja; id-Direttiva dwar l-Emissjonijiet Industrijali hi miżura importanti Ewropea li tippermetti l-Istati Membri jilħqu l-miri tal-emissjonijiet sal-2020;

—

jemmen li d-Direttiva mhijiex ambizzjuża biżejjed fir-rigward tat-tniġġis tal-arja u hu diżappuntat bil-valuri limitu dgħajfa tal-emissjonijiet (ara l-Appendiċi I) tal-impjanti ta' kombustjoni kbar; il-Kumitat jinnota wkoll li hemm differenza sinifikanti bejn il-valuri limitu tal-emissjonijiet tal-proposta u dak tad-dokument tal-BREF għall-Impjanti ta' Kombustjoni Kbar (Dokument ta' Referenza tal-Aħjar Tekniki Disponibbli għall-impjanti ta' kombustjoni kbar, ara l-Appendiċi 1). Dawn il-valuri għandhom jiġu sinkronizzati u msaħħa;

—

jirrakkomanda bil-qawwi l-inklużjoni ta' sistema prattika ta' reviżjoni li tippermetti r-reviżjoni parzjali tad-Direttiva (pereżempju. il-kapitoli tekniċi u l-valuri limitu tal-emissjonijiet) permezz tal-proċedura ta' ko-deċiżjoni. Barra minn hekk hu mħasseb ukoll bl-adattamenti futuri tal-leġiżlazzjoni li ser jitwettqu skont il-proċess ta' Sevilja (ara l-Appendiċi I), li mhijiex proċedura legali stipulata bit-Trattat u mhijiex suġġetta għal skrutinju demokratiku;

—

ma jaqbilx bil-qawwi mal-proposta tal-Kummissjoni li tistabbilixxi kriterji għall-għoti tad-deroga fuq il-bażi ta' kondizzjonijiet lokali bi qbil mal-proċedura ta' komitoloġija;

Rapporteur

:

Is-Sur LAMERS (NL/PPE), Sindku ta' Houten

1.

jinnota li l-awtoritajiet lokali u reġjonali fl-Istati Membri differenti tal-UE għandhom rwol ewlieni fl-implimentazzjoni ta' politiki ambjentali u industrijali, u għandhom firxa wiesgħa ta' kompetenzi f'politiki ta' prevenzjoni u fl-infurzar tal-kontroll tat-tniġġis.

2.

jappoġġja bil-qawwi l-prevenzjoni tat-tniġġis u l-prinċipju ta' min iniġġes iħallas, u għalhekk japprezza din il-mira tad-Direttiva dwar l-Emissjonijiet Industrijali.

3.

jenfasizza l-importanza tal-miżuri msejsa fuq is-sors. Hu kruċjali li, bl-aktar mod ekonomikament u ambjentalment favorevoli jiġu identifikati l-kawżi tat-tniġġis u li l-emissjonijiet jiġu trattati f'ras il-għajn.

4.

jinnota li l-kwalità tal-arja, l-ilma u l-ħamrija fiż-żoni urbani u rurali hi kwistjoni li taffettwa b'mod dirett il-ħajja ta' kuljum taċ-ċittadini. L-installazzjonijiet industrijali l-kbar fl-UE għadhom responsabbli mill-emissjoni ta' proporzjon konsiderevoli ta' inkwinanti ewlenin.

5.

jinnota li l-politiki dwar l-arja nadifa u l-ilma għandhom dimensjoni transkonfinali u għalhekk jeħtieġu azzjoni fil-livell tal-UE. għalhekk jilqa' d-Direttiva dwar l-Emissjonijiet Industrijali għaliex hi strument biex jitnaqqsu l-emissjonijiet industrijali f'ras il-għajn.

6.

jemmen bil-qawwi li l-proposta tinkludi miżuri meħtieġa u li għandhom potenzjal konsiderevoli biex jinkisbu benefiċċji ambjentali. F'dan il-kuntest japprezza l-użu mtejjeb tad-dokumenti tal-BREF (Dokumenti ta' referenza tal-Aħjar Tekniki Disponibbli, ara l-Appendiċi 1) hekk kif proposti mid-Direttiva, għaliex dan ser iwassal għal żieda fil-benefiċċji ambjentali.

7.

jenfasizza li t-tnaqqis tal-emissjonijiet industrijali hi l-aktar importanti fir-rigward tat-tniġġis tal-arja. Id-Direttiva dwar l-Emissjonijiet Industrijali hi miżura importanti Ewropea li tippermetti l-Istati Membri jilħqu l-miri tal-emissjonijiet sal-2020. Għalhekk l-inklużjoni ta' kategorija aktar baxxa ta' impjanti ta' kombustjoni kbar, minn 20 sa 50 megawatt (MW) hi aspett importanti tad-Direttiva l-ġdida.

8.

jemmen li d-Direttiva mhijiex ambizzjuża biżejjed fir-rigward tat-tniġġis tal-arja:

9.

għalhekk hu mħasseb li d-Direttiva tista' twassal l-aktar għal benefiċċji temporanji. Hu mħasseb ħafna dwar il-possibbiltà ta' benefiċċji għat-tul (ara l-paragrafu 17).

10.

jenfasizza li l-permessi (ara Appendiċi I) tal-IPPC (Tniġġis Integrat u Kontroll ta' Prevenzjoni) għandu jibqa msejjes fuq approċċ integrat li jqis l-ambjent, il-produzzjoni, il-fattibbiltà teknika, il-kost effettività u importanti ukoll, il-kondizzjonijiet lokali.

11.

jaqbel mal-Kummissjoni Ewropea li, attwalment, id-Direttiva tal-IPPC mhijiex implimentata tajjeb f'kull Stat Membru. Id-Direttiva tal-IPPC kienet kemxejn diffiċli biex tiġi implimentata u d-dokumenti tal-BREF mhux dejjem intużaw, anke minħabba n-natura kemxejn teknika u diffiċli tagħhom.

12.

jinnota li l-permessi jirriflettu aktar l-istandards u r-rekwiżiti ċentralizzati u omoġenizzati dikjarati. Madankollu, għalkemm jidher li dan hu pożittiv, qed isir aktar diffiċli li mill-analiżi tal-permessi wieħed jiskopri x'jagħmlu l-kumpaniji biex jipproduċu, jittrattaw jew jottimizzaw.

13.

jemmen li d-Direttiva għall-Emissjonijiet Industrijali (li tinkludi evalwazzjoni tad-Direttiva tal-IPPC) ġiet imressqa ftit ġimgħat biss wara l-iskadenza għall-implimentazzzjoni tal-leġiżlazzjoni attwali tal-IPPC stabbilità għall-31 ta' Ottubru 2007. Għalhekk l-evalwazzjoni qed isseħħ qabel ma l-leġiżlazzjoni tal-IPPC attwali kellha ċ-ċans li turi l-prattiċità u l-effiċjenza tagħha, u aktar minn hekk, qabel ma ġie evalwat bis-sħiħ l-impatt tagħha fir-rigward tat-tnaqqis tal-emissjonijiet.

14.

jemmen li l-konsolidazzjoni ta' seba' Direttivi f'Direttiva waħda hu approċċ ambizzjuż ħafna, forsi kien ikun aħjar approċċ meqjus fi stadji differenti jew qafas ta' Direttiva b'direttivi filjali. Direttiva ta' qafas tippreżenta wkoll opportunità għal Direttivi oħrajn b'rabta diretta, bħad-Direttiva għad-Drenaġġ Urban, li għandha tiġi inkluża mingħajr ma tipperikola r-reviżjonijiet futuri tad-Direttiva ta' qafas.

15.

hu favur il-prinċipju ta' Regolamentazzjoni Aħjar. Il-proposta tal-Kummissjoni sabiex tikkonsolida seba' Direttivi tidher li taqbel ma' dan il-prinċipju. Sa ċertu punt, id-Direttiva l-ġdida tissemplifika l-proċeduri għall-ħruġ ta' permessi. Madankollu jemmen, li l-partijiet differenti tad-Direttiva ma ġewx ikkonsolidati kompletament u minħabba li għad hemm differenzi konsiderevoli bejn id-Direttiva u d-dokumenti tal-BREF, mhux ser jissolvu d-diffikultajiet prattiċi kollha.

16.

jistaqsi jekk l-inkonsistenzi attwali u d-diskrepanzi fid-definizjonijiet humiex ser jissolvew f'din il-proposta. Pereżempju, mhuwiex ċar x'effett ser ikollha d-definizzjoni l-ġdida tal-BAT (minn l-aħjar teknoloġija disponibbli għall-aħjar teknika disponibbli). Meta wieħed iqis il-firxa usa' ta' teknoloġija minflok teknika waħda, dan jgħin biex issir konnessjoni aħjar mal-investiment kummerċjali, biex jibbenefika minn kondizzjonijiet ekwi u dan iwassal għal aktar soluzzjonijiet kreattivi għall-isfidi ambjentali.

17.

jinsab imħasseb ħafna dwar il-konsegwenzi li l-konsolidazzjoni jista' jkollha fuq l-evalwazzjonijiet futuri. Il-proposta issa tinkludi bosta oqsma ta' għarfien espert differenti. It-tul u b'mod speċjali l-kumplessità tad-Direttiva ser jagħmluha diffiċli ħafna, jekk mhux impossibbli, li din tiġi riveduta fil-ġejjieni, u biex tiġi adattata l-leġiżlazzjoni għall-ħtiġijiet tal-ġejjieni u għall-iżviluppi teknoloġiċi billi jiġu stipulati ħtiġijiet operazzjonali aktar stretti, eż, valuri limitu tal-emissjonijiet.

18.

jifhem li l-Kummissjoni qed tipproponi li tiffaċċja l-problema ta' reviżjonijiet diffiċli fil-ġejjieni permezz tar-rabta bejn id-Direttiva u d-dokumenti tal-BREF. Id-Direttiva tistipula standards minimi li jridu jintlaħqu u d-dokumenti tal-BREF, li jistgħu jiġu riveduti faċilment, ser iżommu s-sistema aġġornata skont l-iżviluppi teknoloġiċi u livelli ta' limitu aktar stretti tal-emissjonijiet assoċjati (BAT-AEL, ara l-Appendiċi I). Għandu tħassib serju dwar id-differenzi futuri li jistgħu jinħolqu bejn il-BAT-AELs (fid-dokumenti tal-BREF li jistgħu jiġu riveduti) u l-valuri limitu tal-emissjonijiet (fid-Direttiva). Hemm riskju sostanzjali li s-sistema tista' ssir obsoleta u għalhekk ftit li xejn tkun tista' toffri kontribut għall-iżviluppi ambjentali fil-ġejjieni.

19.

jirrakkomanda bil-qawwi l-inklużjoni ta' sistema prattika ta' reviżjoni li tippermetti r-reviżjoni parzjali tad-Direttiva (pereżempju. il-kapitoli tekniċi u l-valuri limitu tal-emissjonijiet) permezz tal-proċedura ta' ko-deċiżjoni. Barra minn hekk hu mħasseb ukoll bl-adattamenti futuri tal-leġiżlazzjoni li ser jitwettqu skont il-proċess ta' Sevilja (ara l-Appendiċi I), li mhijiex proċedura legali stipulata bit-Trattat u mhijiex suġġetta għal skrutinju demokratiku.

20.

hu sodisfatt bit-titjib reċenti tad-dokumenti tal-BREF u tikkunsidrahom bħala dokumenti utli ta' referenza. Madankollu, il-parti ewlenija tad-dokumenti tal-BREF hi disponibbli biss bl-Ingliż, u dan jista' joħloq diffikultajiet għall-awtoritajiet reġjonali u lokali li joħorġu l-permessi. Għalhekk jitlob għal traduzzjoni tal-kapitoli essenzjali tad-dokumenti tal-BREF (pereżempju dawk li jistabbilixxu l-aħjar teknika disponibbli (BAT, ara Appendiċi I) għal industrija speċifika) fil-lingwi kollha tal-UE.

21.

jikkunsidra mhux ġustifikat li d-dokumenti tal-BREF mhumiex użati aktar ta' spiss fl-UE, u jirrakkomanda titjib fl-użu tagħhom. Għalhekk aħna naqblu mal-istatus il-ġdid tad-dokumenti tal-BREF, kif ukoll mal-obbligu miżjud li jintużaw fil-proċedura ta' permessi. Jinterpreta l-istatus il-ġdid tad-dokumenti tal-BREF bħala aktar vinkolanti, minħabba li dawn id-dokumenti (li attwalment huma biss dokumenti ta' referenza, li għandhom jiġu konsultati iżda li mhumiex obbligatorji) ser isiru realment obbligatorji.

22.

jemmen li hemm possibbilitajiet għal titjib fid-dokumenti tal-BREF. Xi drabi l-innovazzjonijiet u t-titjib skont il-proċess ta' produzzjoni huwa nieqes. Pereżempju, il-monitoraġġ tal-varjazzjonijiet fil-kampjunar, attwalment jintużaw biex jiġu penalizzati l-kumpaniji, filwaqt li jistgħu jintużaw ukoll biex jittejbu t-tekniki. Eżempju ieħor hu n-nuqqas ta' qbil bejn il-kapitolu tad-Direttiva dwar il-komposti organiċi volatili u d-dokumenti ekwivalenti tal-BREF. Hemm il-biża' li bħala riżultat ta' dan l-approċċ l-aktar nadif mhux dejjem jingħata prijorità. Jekk hu possibbli, l-innovazzjonijiet sabiex jittejjeb l-ambjent lokali għandhom dejjem jiġu promossi mill-awtoritajiet lokali u l-kwalità tad-dokumenti tal-BREF għandha tkun tajba biżżejjed biex tgħin lill-awtoritajiet kompetenti.

23.

jemmen li l-istatus tad-dokumenti tal-BREF ser isaħħaħ il-konsistenza politika bil-għan li jinħarġu l-permessi għat-tniġġis u b'konsegwenza ser jikkontribwixxi għal ħolqien ta' sitwazzjoni ekwa għall-kumpaniji Ewropej li qed jikkompetu.

24.

jikkonsidra l-proċess ta' Sevilja (ara l-Appendiċi I) bħala wieħed meħtieġ u stabbilit sew. Id-dokumenti tal-BREF ta' Sevilja huma maħluqa u aġġornati fuq il-bażi ta' laqgħat bejn l-uffiċjali tal-Kummissjoni Ewropea u esperti minn Stati Membri, industriji u NGOs. Il-kooperazzjoni bejn dawn il-partijiet hi essenzjali biex jiġu stabbiliti l-aħjar tekniki disponibbli u sabiex jinħolqu dokumenti tal-BREF ġodda jew riveduti. Għalhekk, bħal ma qed jiġri issa, dan il-proċess għandu jkun estiż aktar fid-Direttiva.

25.

jinnota li r-rappreżentanti tal-awtoritajiet lokali u reġjonali mhumiex parti mill-proċess ta' Sevilja u jitlob li dawn ir-rappreżentanti jiġu mistiedna għall-proċess ta' Sevilja. Bħala awtoritajiet li joħorġu l-permessi u/jew korpi b'responsabbiltà għall-ispezzjonijiet, l-awtoritajiet reġjonali u lokali għandhom għarfien importanti dwar l-aħjar tekniki disponibbli, u b'konsegwenza l-proċess ta' Sevilja jista' jittejjeb bil-parteċipazzjoni ta' rappreżentanti tal-awtoritajiet lokali u reġjonali.

26.

jixtieq jindika li l-istatus il-ġdid tad-dokumenti tal-BREF jista' jkollu impatt negattiv fuq il-proċess ta' Sevilja (ara l-Appendiċi I). Qbil dwar l-aħjar tekniki disponibbli ser ikun aktar ta' sfida minħabba n-natura l-ġdida tad-dokumenti tal-BREF, minħabba li l-Istati Membri, l-industriji u l-NGOs jistgħu jadottaw imġiba aktar strateġika meta jiġi determinat il-BREF. Minħabba l-ispejjeż ta' produzzjoni, l-industriji jibbenefikaw minn standards anqas innovattivi fid-dokumenti tal-BREF. F'dan il-każ, il-proċess ta' Sevilja jista' jsir proċess politiku dgħajjef u sfukat aktar milli proċess ta' riċerka għall-aħjar soluzzjonijiet tekniċi.

27.

jemmen li din is-sitwazzjoni tista' twassal għal dokumenti aktar dgħajfa. Bħala riżultat ta' dan ser nispiċċaw bi strument skadut u dgħajjef li ma jagħtix spinta lill-innovazzjoni jew itejjeb il-kwalità ambjentali, iżda saħansitra jdgħajjef l-implimentazzjoni tad-Direttiva l-ġdida tal-Emissjonijiet Industrijali.

28.

jaqbel mal-miri tad-direttiva l-ġdida dwar l-emissjonijiet industrijali li ttejjeb l-konsistenza politika bil-għan li jinħarġu permessi għat-tniġġis.

29.

jixtieq jinnota li l-awtoritajiet lokali u reġjonali għandhom kompetenzi li jvarjaw minn Stat Membru għall-ieħor fil-ħruġ tal-permessi. Pereżempju fid-Danimarka, kemm l-awtoritajiet lokali kif ukoll il-gvern nazzjonali huma responsabbli mill-ħruġ tal-permessi. Fl-Olanda, il-muniċipalitajiet u l-provinċji joħorġu liċenzji lil min iniġġes, filwaqt li fir-Renju Unit, t-tniġġis tal-arja minn sorsi ewlenin hi responsabbiltà tal-Gvern ċentrali. It-tendenza ewlenija fl-involviment tal-awtoritajiet lokali u reġjonali f'din il-politika madwar l-UE hu li t-tfassil tal-istandards iseħħ f'livell nazzjonali u l-infurzar f'livell sotto-nazzjonali.

30.

jinnota li fil-komunitajiet lokali qed isseħħ l-innovazzjoni ta' produzzjoni aktar nadifa. L-iżvilupp ta' produzzjoni aktar nadifa sseħħ bejn gruppi differenti, bħall-NGOs, il-kumpaniji u l-awtoritajiet kompetenti. Attwalment l-awtoritajiet lokali jimmonitorjaw biss. Id-Direttiva għandha toffri wkoll possibbilitajiet għal kooperazzjoni bejn il-gruppi differenti (l-amministrazzjonijiet u l-kumpaniji lokali) li jippermettulhom jistimulaw l-innovazzjoni. jistgħu jinstabu eżempji tajbin ta' dan kemm fl-Olanda u fid-Danimarka, kif ukoll fil-pajjiżi Ewropej tal-Lvant bħar-Rumanija.

31.

jenfasizza l-ħtieġa għal xi flessibbiltà. Iċ-ċirkostanzi lokali jvarjaw u l-installazzjonijiet, anke meta jsiru prodotti simili, joperaw b'mod differenti madwar l-UE, minħabba d-differenzi fil-kondizzjonijiet lokali. L-awtoritajiet lokali u reġjonali joħolqu soluzzjonijiet speċjalizzati għaż-żona ġeografika tagħhom. Fil-livell reġjonali u lokali, dejjem hemm tħassib dwar il-ħolqien ta' bilanċ bejn il-protezzjoni adegwata tal-motivazzjonijiet ambjentali u ekonomiċi. Anke jekk it-titjib tal-ambjent hu l-objettiv ġenerali tal-politika, normalment huma l-awtoritajiet reġjonali u lokali li jiddeċiedu bejn il-parametri ambjentali differenti u ħafna drabi jagħtu kumpensi bejn l-impatti ambjentali ta' miżuri differenti. Fil-ħruġ tal-permessi, il-flessibbiltà fl-għoti tad-derogi mill-valuri limitu tal-emissjonijiet ibbażati fuq l-aħjar teknoloġiji disponibbli (BATs) hu importanti, speċjalment għal dawk ir-reġjuni f'dawk l-Istati Membri fejn kien hemm tradizzjoni ta' ftehimiet volontarji mal-industrija u fejn id-diskrezzjoni amministrattiva ma ixxekklitx bil-leġiżlazzjoni.