|
29.9.2023 |
MT |
Il-Ġurnal Uffiċjali tal-Unjoni Ewropea |
L 241/73 |
REGOLAMENT TAL-KUMMISSJONI (UE) 2023/2086
tat-28 ta’ Settembru 2023
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 fir-rigward tal-użu tal-ħall ibbaferjat bħala preservattiv u regolatur tal-aċidità
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikoli 10(3) u 14 tiegħu,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel (2), u b’mod partikolari l-Artikolu 7(5) tiegħu,
Billi:
|
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel u l-kundizzjonijiet tal-użu tagħhom. |
|
(2) |
Ir-Regolament tal-Kummissjoni (UE) Nru 231/2012 (3) jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008. |
|
(3) |
Skont l-Artikolu 3(1) tar-Regolament (KE) Nru 1331/2008, il-lista tal-Unjoni tal-addittivi tal-ikel u l-ispeċifikazzjonijiet għall-addittivi tal-ikel jistgħu jiġu aġġornati jew fuq inizjattiva tal-Kummissjoni jew wara applikazzjoni minn Stat Membru jew minn parti interessata. |
|
(4) |
F’Marzu 2021, tressqet applikazzjoni lill-Kummissjoni għall-awtorizzazzjoni tal-użu tal-ħall ibbaferjat bħala preservattiv u regolatur tal-aċidità f’varjetà wiesgħa ta’ kategoriji tal-ikel. Wara dan, l-applikazzjoni saret disponibbli għall-Istati Membri skont l-Artikolu 4 tar-Regolament (KE) Nru 1331/2008. |
|
(5) |
Fl-opinjoni ppubblikata fl-1 ta’ Lulju 2022 (4), l-Awtorità Ewropea dwar is-Sigurtà fl-Ikel (“l-Awtorità”) evalwat is-sikurezza tal-użu propost tal-ħall ibbaferjat bħala addittiv tal-ikel. Peress li l-aċidu aċetiku u l-imlieħ tiegħu huma l-kostitwenti primarji tal-ħall ibbaferjat, l-Awtorità rreferiet għall-valutazzjoni preċedenti tagħha tal-aċetiku bħala sustanza attiva tal-pestiċidi fl-2013 (5) li fiha kkonkludiet li l-istabbiliment ta’ doża aċċettabbli ta’ kuljum (ADI) għall-aċidu aċetiku mhuwiex meqjus meħtieġ. Din il-konklużjoni tintlaħaq għal sustanzi li jkunu ta’ tħassib żgħir ħafna rigward is-sikurezza u biss jekk tkun teżisti informazzjoni affidabbli kemm dwar l-esponiment kif ukoll dwar it-tossiċità, u l-probabbiltà li jkun hemm effetti negattivi fuq is-saħħa tal-bnedmin f’dożi li ma jwasslux għal żbilanċ nutrittiv fl-annimali tkun żgħira (6). Filwaqt li qieset il-valutazzjoni tal-aċidu aċetiku fl-2013 u li l-ħall ibbaferjat jiddissoċja fl-anjon aċetiku, kostitwent naturali tad-dieta tal-bniedem u tal-ġisem tal-bniedem li għalih teżisti data estensiva dwar l-effetti bijoloġiċi tiegħu, l-Awtorità vvalutat is-sikurezza tal-ħall ibbaferjat mingħajr data bijoloġika jew tossikoloġika miksuba b’dan l-addittiv tal-ikel u kkonkludiet li ma hemm l-ebda tħassib dwar is-sikurezza għall-użu tal-ħall ibbaferjat bħala addittiv tal-ikel fil-livelli massimi tal-użu proposti. |
|
(6) |
Il-Parti C tal-Anness II tar-Regolament (KE) Nru 1333/2008 tiddefinixxi l-gruppi kollha tal-addittivi. Il-Grupp I tal-Parti C jelenka l-addittivi tal-ikel għajr il-kuluri u s-sustanzi li jagħtu l-ħlewwa, li ma hemmx bżonn ta’ doża aċċettabbli ta’ kuljum numerika għalihom, u li huma awtorizzati biex jintużaw f’għadd kbir ta’ oġġetti tal-ikel f’konformità mal-prinċipju ta’ quantum satis iddefinit fl-Artikolu 3(2), il-punt (h) ta’ dak ir-Regolament. L-eżitu tal-valutazzjoni tas-sikurezza tal-ħall ibbaferjat jippermetti l-inklużjoni tiegħu fil-Parti C, il-Grupp I, tal-Anness II tar-Regolament (KE) Nru 1333/2008. |
|
(7) |
Il-ħall ibbaferjat huwa prodott likwidu jew imnixxef ippreparat biż-żieda ta’ idrossidi tas-sodju/tal-potassju (E 524-525) u ta’ karbonati tas-sodju/tal-potassju (E 500-501) fil-ħall, li huwa konformi mal-Istandard Ewropew EN 13188:2000 u jinkiseb esklussivament minn sors agrikolu ta’ oriġini (ħlief l-injam/iċ-ċelluloża) permezz ta’ fermentazzjoni doppja (alkoħolika u aċetuża). Il-ħall ibbaferjat huwa maħsub għall-użu bħala alternattiva għal preservattivi jew regolaturi tal-aċidità awtorizzati oħra, b’mod partikolari għall-aċidu aċetiku u l-imlieħ tiegħu (E 260-263). Il-buffering iżid il-pH u jippermetti l-użu bħala preservattiv jew regolatur tal-aċidità f’ħafna kategoriji tal-ikel mingħajr ma jkollu impatt fuq il-kwalità tal-ikel. |
|
(8) |
Għalhekk jixraq li jiġi awtorizzat l-użu tal-ħall ibbaferjat bħala addittiv tal-ikel u li jiġi assenjat E 267 bħala n-numru E lil dak l-addittiv. |
|
(9) |
L-ispeċifikazzjonijiet għall-ħall ibbaferjat (E 267) jenħtieġ li jiġu inklużi fl-Anness tar-Regolament (UE) Nru 231/2012 peress li dan l-addittiv huwa inkluż għall-ewwel darba fil-lista tal-Unjoni tal-addittivi tal-ikel stabbilita fl-Anness II tar-Regolament (KE) Nru 1333/2008. |
|
(10) |
Għalhekk, jenħtieġ li r-Regolamenti (KE) Nru 1333/2008 u (UE) Nru 231/2012 jiġu emendati skont dan. |
|
(11) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat f’konformità mal-Anness I ta’ dan ir-Regolament.
Artikolu 2
L-Anness tar-Regolament (UE) Nru 231/2012 huwa emendat f’konformità mal-Anness II ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Settembru 2023.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 16.
(2) ĠU L 354, 31.12.2008, p. 1.
(3) Ir-Regolament tal-Kummissjoni (UE) Nru 231/2012 tad-9 ta’ Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1).
(4) EFSA Journal 2022;20(7):7351.
(5) EFSA Journal 2013;11(1):3060.
(6) EFSA Journal 2014;12(6):3697; Dikjarazzjoni dwar qafas kunċettwali għall-valutazzjoni tar-riskju ta’ ċerti addittivi tal-ikel ivvalutati mill-ġdid skont ir-Regolament tal-Kummissjoni (UE) Nru 257/2010.
ANNESS I
L-Anness II tar-Regolament (KE) Nru 1333/2008 huwa emendat kif ġej:
|
(a) |
fil-Parti B, il-punt 3 “Addittivi għajr kuluri u sustanzi li jagħtu l-ħlewwa” l-entrata l-ġdida li ġejja tiddaħħal wara l-entrata għall-addittiv tal-ikel E 263, Aċitat tal-kalċju:
|
|
(b) |
fil-Parti C, il-Grupp I, l-entrata għal E 267 tiddaħħal wara l-entrata għal E 263, Aċitat tal-kalċju:
|
|
(c) |
il-Parti E hija emendata kif ġej:
|
ANNESS II
Fl-Anness tar-Regolament (UE) Nru 231/2012, tiddaħħal l-entrata l-ġdida li ġejja wara l-entrata għall-addittiv tal-ikel E 263 AĊETAT TAL-KALĊJU:
|
“E 267 ĦALL IBBAFERJAT |
|
|
Sinonimi |
Ħall ibbaferjat (likwidu); ħall ibbaferjat (trab) |
|
Definizzjoni |
Il-ħall ibbaferjat huwa prodott likwidu jew imnixxef ippreparat biż-żieda ta’ aġenti ta’ buffering mal-ħall. L-aġenti ta’ buffering użati huma l-idrossidi tas-sodju/tal-potassju (E 524 sa E 525) u l-karbonati tas-sodju/tal-potassju (E 500 sa E 501). Il-ħall huwa konformi mal-Istandard Ewropew EN 13188:2000 u jinkiseb esklussivament minn sors agrikolu ta’ oriġini (ħlief l-injam/iċ-ċelluloża) permezz ta’ permezz ta’ fermentazzjoni doppja, alkoħolika u aċetuża. Il-kostitwenti primarji tal-ħall ibbaferjat huma l-aċidu aċetiku u l-imlieħ tiegħu. |
|
Assaġġ |
Likwidu: 15–40 % (w/w) ekwivalenti tal-aċidu aċetiku |
|
Trab: 55–75 % (w/w) ekwivalenti tal-aċidu aċetiku |
|
|
2 sa 20 % (w/w) aċidu aċetiku ħieles |
|
|
Deskrizzjoni |
Likwidu: likwidu viskuż bla kulur sa kannella |
|
Trab: trab kristallin minn abjad għal lewn il-krema |
|
|
Identifikazzjoni |
Likwidu: pH 4,75–7,5 |
|
Trab: pH 4,75–6,75 (soluzzjoni milwiema ta’ 10 %) |
|
|
Purità |
|
|
Katjoni |
Likwidu: Mhux aktar minn 10 % sodju u 30 % potassju |
|
Trab: Mhux aktar minn 30 % sodju u 40 % potassju |
|
|
Kontenut ta’ ilma |
Trab: Mhux aktar minn 18 % (Metodu Karl Fischer) |
|
Etanol |
Mhux aktar minn 0,5 % w/w |
|
Arseniku |
Mhux aktar minn 0,05 mg/kg |
|
Ċomb |
Mhux aktar minn 0,05 mg/kg |
|
Kadmju |
Mhux aktar minn 0,05 mg/kg |
|
Merkurju |
Mhux aktar minn 0,05 mg/kg” |