3.4.2013 |
MT |
Il-Ġurnal Uffiċjali tal-Unjoni Ewropea |
L 91/12 |
RAKKOMANDAZZJONI TAL-KUMMISSJONI
tas-27 ta’ Marzu 2013
dwar il-preżenza tat-tossini T-2 u HT-2 fiċ-ċereali u l-prodotti taċ-ċereali
(Test b’relevanza għaż-ŻEE)
(2013/165/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-Artikolu 292 tiegħu,
Billi:
(1) |
It-tossini T-2 u HT-2 huma mikotossini prodotti minn diversi speċijiet Fusarium. It-tossina T-2 tiġi metabolizzata malajr għal għadd kbir ta’ prodotti, filwaqt li t-tossina HT-2 hija metabolit maġġuri. |
(2) |
Il-Panil Xjentifiku dwar il-Kontaminanti fil-Katina Alimentari (il-panil CONTAM) tal-Awtorità Ewropea dwar is-Sigurtà fl-Ikel (EFSA) adotta opinjoni dwar domanda mill-Kummissjoni marbuta mar-risjki għas-saħħa tal-annimali u dik pubblika marbuta mal-preżenza tat-tossini T-2 u HT-2 fl-ikel u l-għalf (1). |
(3) |
Il-Panil CONTAM stabbilixxa doża tollerabbli ta’ kuljum tal-grupp (group TDI — tolerable daily intake) ta’ 100 ng/kg skont il-piż tal-ġisem għaż-żewġ tossini T-2 u HT-2 flimkien. L-estimi tal-esponiment kroniku fid-dieta tal-bniedem għas-somma tat-tossini T-2 u HT-2 ibbażati fuq id-dejta disponibbli dwar l-okkorrenza huma inqas mit-TDI għal popolazzjonijiet tal-gruppi tal-etajiet kollha, u għalhekk mhux ta’ tħassib immedjat dwar is-saħħa. |
(4) |
Fir-rigward tar-riskju għas-saħħa tal-annimali, il-Panil CONTAM ikkonkluda li għar-ruminanti, il-fniek u l-ħut, l-esponiment stmat preżenti għat-tossini T-2 u HT-2 huwa kkunsidrat bħala improbabbli li jkun ta’ tħassib għas-saħħa. Għall-ħnieżer, it-tjur, iż-żwiemel u l-klieb, l-estimi tal-esponiment għat-tossini T-2 u HT-2 jindikaw li l-effetti avversi tar-riskju tas-saħħa huma baxxi. Il-qtates huma fost l-ispeċijiet tal-annimali mill-aktar sensittivi. Minħabba d-dejta limitata u l-effetti avversi severi tas-saħħa f’livelli ta’ doża baxxa, ma setgħux jiġu stabbiliti n-NOAEL (livell bla effett ħażin osservat) jew il-LOAEL (livell bl-inqas effett ħażin osservat). Għalhekk din ir-Rakkomandazzjoni ma tapplikax għall-għalf tal-qtates, li għalih se jiġu stabbiliti miżuri iktar stretti. |
(5) |
Il-Panil CONTAM kompla jikkonkludi li l-migrazzjoni tat-tossini T-2 u HT-2 mill-għalf għall-prodotti tal-ikel ta’ oriġini tal-annimali hija limitata u għalhekk tikkontribwixxi biss għal limitu negliġibbli għall-esponiment tal-bniedem. |
(6) |
Filwaqt li jitqiesu l-konklużjonijiet tal-opinjoni xjentifika, flimkien mal-varjazzjoni kbira minn sena għal sena fl-okkorrenza tat-tossini T-2 u HT-2, jixraq li tinġabar iktar dejta dwar T-2 u HT-2 fiċ-ċereali u l-prodotti taċ-ċereali u aktar informazzjoni dwar l-effetti tal-ipproċessar tal-ikel (jiġifieri t-tisjir) u tal-fatturi agronomiċi fuq il-preżenza tat-tossini T-2 u HT-2. Barra minn hekk, jeħtieġ li tinkiseb iktar informazzjoni dwar il-fatturi differenti li jwasslu għal livelli relattivament għoljin tat-tossini T-2 u HT-2 fiċ-ċereali u l-prodotti taċ-ċereali sabiex inkunu nistgħu nidentifikaw il-miżuri li għandhom jittieħdu biex nevitaw jew innaqqsu l-preżenza tat-tossini T-2 u HT-2 fiċ-ċereali u l-prodotti taċ-ċereali. Iridu jsiru l-investigazzjonijiet sabiex tinġabar l-informazzjoni dwar il-fatturi li jirriżultaw f’livelli relattivament għoljin ta’ tossini T-2 u HT-2 fiċ-ċereali u l-prodotti taċ-ċereali u dwar l-effetti tal-ipproċessar tal-għalf u tal-ikel. Abbażi tad-dejta disponibbli, T-2 u HT-2 ma jokkorrux jew jokkorru biss f’livelli baxxi ħafna fir-ross u l-prodotti tar-ross u għalhekk jixraq li dawn il-prodotti jiġu esklużi mill-kamp ta’ applikazzjoni ta’ din ir-Rakkomandazzjoni. |
(7) |
Ir-riżultati tal-monitoraġġ taċ-ċereali u l-prodotti taċ-ċereali se jintużaw biex jivvalutaw il-bidliet u x-xejriet fl-esponiment tal-bniedem u tal-annimali għat-tossini T-2 u HT-2. Għalhekk jixraq li jintużaw metodi ta’ analiżi b’sensittività suffiċjenti. |
(8) |
Jixraq li jiġu pprovduti valuri indikattivi li fuqhom tali investigazzjonijiet ikunu jixirqu sabiex jipprovdu orjentazzjoni f’liema każijiet ikun jixraq li jitwettqu dawn l-investigazzjonijiet. Sabiex jiġu determinati dawn il-valuri indikattivi intużat id-dejta tal-okkorrenza disponibbli fil-bażi tad-dejta tal-EFSA. It-traċċabbiltà hija ta’ importanza maġġuri biex jitwettqu l-investigazzjonijiet. |
(9) |
Fl-2015 għandha titwettaq valutazzjoni tal-informazzjoni miġbura fil-qafas ta’ din ir-Rakkomandazzjoni. Id-dejta tal-monitoraġġ miksuba b’riżultat ta’ din ir-Rakkomandazzjoni se tħeġġeġ ukoll fehim aħjar tal-varjazzjoni minn sena għal sena u l-preżenza tat-tossini T-2 u HT-2 fil-firxa wiesgħa tal-prodotti taċ-ċereali, il-fatturi li jirriżultaw f’livelli ogħla u l-miżuri li jistgħu jittieħdu bħala prevenzjoni kontra l-preżenza jew l-mitigazzjoni tal-preżenza tat-tossini T-2 u HT-2, inkluż permezz ta’ fatturi agronomiċi u permezz tal-ipproċessar. |
ADOTTAT DIN IR-RAKKOMANDAZZJONI:
(1) |
L-Istati Membri għandhom, bl-involviment attiv tal-operaturi kummerċjali tal-għalf u l-ikel, iwettqu monitoraġġ għall-preżenza tat-tossini T-2 u HT-2 fiċ-ċereali u l-prodotti taċ-ċereali. Għall-fini ta’ din ir-Rakkomandazzjoni r-ross mhux inkluż fiċ-ċereali u l-prodotti tar-ross mhumiex inklużi fil-prodotti taċ-ċereali. |
(2) |
L-Istati Membri għandhom iħeġġu li l-kampjuni jiġu analizzati fl-istess ħin għall-preżenza ta’ T-2 u HT-2 u tossini Fusarium oħrajn bħal deoksinivalenol, żearalenone u fumonisin B1 + B2 sabiex jippermettu l-valutazzjoni tal-livell tal-kookkorrenza. Fil-każ li l-metodu użat tal-analiżi jiffaċilitaha, jixraq ukoll li jiġu analizzati l-mikotossini mistura b’mod partikolari l-konġugati mono u diglikosilat tat-tossini T-2 u HT-2. |
(3) |
It-teħid tal-kampjuni u l-analiżi taċ-ċereali u l-prodotti taċ-ċereali intenzjonati għall-konsum mill-bniedem għandhom jitwettqu skont id-dispożizzjonijiet ipprovduti fir-Regolament tal-Kummissjoni (KE) Nru 401/2006 tat-23 ta’ Frar 2006 li jistabbilixxi l-metodi tat-teħid ta’ kampjuni u l-metodi ta’ analiżi għall-kontroll uffiċjali tal-livelli ta’ mikotossini fl-oġġetti tal-ikel (2) b’mod partikolari
Il-proċedura tat-teħid tal-kampjuni applikata mill-operatur tal-kummerċ tal-ikel tista’ tiddevja mid-dispożizzjonijiet tar-Regolament (KE) Nru 401/2006 iżda għandha tkun rappreżentattiva tal-lott li jittieħed il-kampjun minnu. |
(4) |
It-teħid tal-kampjuni u l-analiżi taċ-ċereali u l-prodotti taċ-ċereali intenzjonati għall-għalf u l-għalf kompost għandhom jitwettqu skont id-dispożizzjonijiet ipprovduti fir-Regolament tal-Kummissjoni (KE) Nru 152/2009 tas-27 ta’ Jannar 2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf (3). L-LOQ preferibbilment ma għandux ikun ogħla minn 10 μg/kg għat-tossini T-2 u HT-2 individwalment. Fil-każ tal-użu ta’ teknika analitika tal-monitoraġġ, il-limitu tad-detezzjoni preferibbilment ma għandux ikun ogħla minn 25 μg/kg għat-tossini T-2 u HT-2 flimkien. Il-proċedura tat-teħid tal-kampjuni applikata mill-operatur tal-kummerċ tal-għalf tista’ tiddevja mid-dispożizzjonijiet tar-Regolament (KE) Nru 152/2009 iżda għandha tkun rappreżentattiva tal-lott li jittieħed il-kampjun minnu. |
(5) |
L-Istati Membri, bl-involviment attiv tal-operaturi tal-kummerċ tal-għalf u l-ikel, għandhom iwettqu l-investigazzjonijiet biex jidentifikaw il-fatturi li jirriżultaw f’dawn il-livelli li huma iktar mil-livell indikattiv u jiddeterminaw il-miżuri li għandhom jittieħdu biex jevitaw jew inaqqsu t-tali preżenza fil-futur. Dawn l-investigazzjonijiet għandhom ċertament jitwettqu fil-aż ta’ sejbiet ripetuti matul perjodu partikolari ta’ żmien ta’ livelli ogħla mil-livelli indikattivi tat-tossini T-2 u HT-2 fiċ-ċereali u l-prodotti taċ-ċereali msemmija fl-Anness ta’ din ir-Rakkomandazzjoni. It-teħid tal-kampjuni u l-analiżi bil-għan li tinkiseb iktar informazzjoni dwar il-fatturi differenti, inkluż il-fatturi agronomiċi, li jwasslu għal livelli relattivament għoljin tat-tossini T-2 u HT-2 fiċ-ċereali u l-prodotti taċ-ċereali, għandhom ikunu fil-mira tal-ipproċessar primarju taċ-ċereali u l-prodotti taċ-ċereali. |
(6) |
L-Istati Membri, bl-involviment attiv tal-operaturi tal-kummerċ tal-għalf u l-ikel, għandhom iwettqu l-investigazzjonijiet fuq l-effeti tal-ipproċessar tal-għalf u l-ikel bil-preżenza tat-tossini T-2 u HT-2. Dawn l-investigazzjonijiet għandhom ċertament jitwettqu fil-każ ta’ sejbiet ripetuti matul perjodu partikolari ta’ żmien ta’ livelli ogħla mil-livelli indikattivi tat-tossini T-2 u HT-2 fil-prodotti taċ-ċereali. |
(7) |
L-Istati Membri għandhom jiżguraw li r-riżultati analitiċi huma pprovduti fuq bażi regolari lill-EFSA biex jidħlu f’bażi tad-dejta unika u li r-riżultat tal-investigazzjonijiet jiġi pprovdut lill-Kummissjoni Ewropea kull sena, l-ewwel darba sa Diċembru 2013. Se tiġi elaborata nota ta’ gwida sabiex tiżgura l-applikazzjoni uniformi ta’ din ir-Rakkomandazzjoni u biex tiżgura r-rapportar komparabbli tar-riżultati tal-investigazzjonijiet. |
Magħmul fi Brussell, is-27 ta’ Marzu 2013.
Għall-Kummissjoni
Tonio BORG
Membru tal-Kummissjoni
(1) Bord tal-EFSA dwar il-Kontaminanti fil-Katina Alimentari (CONTAM); Opinjoni Xjentifika dwar ir-riskji għas-saħħa tal-annimali u pubblika marbuta mal-preżenza tat-tossini T-2 u HT-2 fl-ikel u l-għalf. EFSA Journal 2011; 9(12):2481. [187 pp.]. doi:10.2903/j.efsa.2011.2481. Disponibbli fuq l-Internet: www.efsa.europa.eu/efsajournal
ANNESS
Livelli indikattivi għaċ-ċereali u l-prodotti taċ-ċereali (*) (**)
|
Livelli indikattivi għal T-2 u HT-2 (μg/kg) flimkien li minnhom/fuqhom għandhom jitwettqu l-investigazzjonijiet, ċertament fil-każ ta’ sejbiet ripetuti (*) |
||
1. Ċereali mhux proċessati (***) |
|||
|
200 |
||
|
1 000 |
||
|
100 |
||
2. Grani taċ-ċereali għall-konsum dirett mill-bniedem (****) |
|||
|
200 |
||
|
100 |
||
|
50 |
||
3. Prodotti taċ-ċereali għall-konsum mill-bniedem |
|||
|
200 |
||
|
100 |
||
|
50 |
||
|
75 |
||
|
25 |
||
|
15 |
||
4. Prodotti taċ-ċereali għall-għalf u għalf kompost (*****) |
|||
|
2 000 |
||
|
500 |
||
|
250 |
(*) Il-livelli msemmija f’dan l-Anness huma livelli indikattivi li fuqhom, ċertament fil-każ ta’ sejbiet ripetuti, għandhom jitwettqu l-investigazzjonijiet dwar il-fatturi li jwasslu għall-preżenza tat-tossini T-2 u HT-2 jew fuq l-effetti tal-ipproċessar tal-għalf u l-ikel. Il-livelli indikattivi huma bbażati fuq id-dejta tal-okkorrenza disponibbli fil-bażi tad-dejta tal-EFSA kif hemm ippreżentat fl-opinjoni tal-EFSA. Il-livelli indikattivi mhumiex livelli tas-sikurezza tal-għalf u l-ikel.
(**) Għall-fini ta’ din ir-Rakkomandazzjoni r-ross mhux inkluż fiċ-ċereali u l-prodotti tar-ross mhumiex inklużi fil-prodotti taċ-ċereali.
(***) Iċ-ċereali mhux proċessati huma ċereali li ma ħadux xi trattament fiżiku jew termali apparti t-tnixxif, tindif u separar.
(****) Il-grani taċ-ċereali intenzjonati għall-konsum dirett mill-bniedem huma grani taċ-ċereali li għaddew minn proċessi tat-tnixxif, tindif, tneħħija tal-fosdqa u separar u li fuqhom mhux se jitwettqu iktar proċessi tat-tindif u separar qabel ma komplew jiġu pproċessati fil-katina alimentari.
(*****) Il-livelli indikattivi għaċ-ċereali u l-pordotti taċ-ċereali intenzjonati għall-għalf u l-għalf kompost huma relattivi għall-għalf li għandu kontenut tal-ilma ta’ 12 %.