|
2.2.2010 |
MT |
Il-Ġurnal Uffiċjali tal-Unjoni Ewropea |
L 29/5 |
DIRETTIVA TAL-KUMMISSJONI 2010/3/UE
tal-1 ta’ Frar 2010
li temenda għall-għan ta’ adattament għall-progress tekniku, l-Annessi III u VI tad-Direttiva tal-Kunsill 76/768/KEE li għandha x’taqsam mal-prodotti kożmetiċi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet tal-Istati Membri li għandhom x’jaqsmu mal-prodotti kożmetiċi (1), u b’mod partikolari l-Artikolu 8 (2) tagħha,
Wara li kkonsultat lill-Kumitat Xjentifiku dwar is-Sikurezza tal-Konsumatur,
Billi:
|
(1) |
Il-Kumitat Xjentifiku għall-Prodotti tal-Konsumatur (SCCP), li minn dak iż-żmien ‘il hawn inbidel mill-Kumitat Xjentifiku dwar is-Sikurezza tal-Konsumatur (SCCS) bid-Deċiżjoni tal-Kummissjoni 2008/721/KE (2), ikkonkluda fl-opinjoni tiegħu tal-15 ta’ April 2008 li l-Ethyl Lauroyl Arginate HCl huwa sikur għall-konsumatur, meta jintuża sal-konċentrazzjoni massima awtorizzata ta’ 0,8 % fis-sapun, fix-shampoos kontra l-brija, u fid-deodoranti mingħajr sprej. Għalhekk, dan għandu jkun inkluż fl-Anness III għad-Direttiva 76/768/KEE. |
|
(2) |
L-SCCP ikkonkluda fl-istess opinjoni li l-Ethyl Lauroyl Arginate HCl mhuwiex sikur għall-konsumatur, meta jintuża sal-konċentrazzjoni massima awtorizzata ta’ 0,4 % bħala preservattiv fil-prodotti kożmetiċi. Madankollu, il-Kumitat ikkunsidra li dan m’għandux jintuża fi prodotti tax-xofftejn, prodotti tal-ħalq u sprej minħabba potenzjal ta’ irritazzjoni tas-sistema respiratorja u mukosali. Għalhekk dan għandu jkun inkluż flimkien ma’ dawn ir-restrizzjonijiet fl-Anness VI għad-Direttiva 76/768/KEE. |
|
(3) |
Id-Direttiva 76/768/KEE għandha għalhekk tiġi emendata skont dan. |
|
(4) |
Il-miżuri stipulati f’din id-Direttiva huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DIN ID-DIRETTIVA:
Artikolu 1
L-Annessi III u VI għad-Direttiva 76/768/KEE huma emendati skont l-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux iktar tard mill-1 ta’ Settembru 2010, il-liġijiet, ir-regolamenti u d-dispożizzjonijiet amministrattivi neċessarji sabiex ikunu f’konformità ma’ din id-Direttiva. Huma għandhom jikkomunikaw minnufih lill-Kummissjoni t-test ta’ dawn id-dispożizzjonijiet.
Huma għandhom japplikaw dawn id-dispożizzjonijiet mill-1 ta’ Marzu 2011.
Meta l-Istati Membri jadottaw dawn il-miżuri, għandhom jinkludu referenza għal din id-Direttiva jew għandhom ikunu akkumpanjati b’tali referenza fil-ħin tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, l-1 ta’ Frar 2010.
Għall-Kummissjoni
José Manuel BARROSO
Il-President
(1) ĠU L 262, 27.9.1976, p. 169.
(2) ĠU L 241, 10.9.2008, p. 21.
ANNESS
|
(1) |
Fit-tabella mfassla fil-Parti 1 tal-Anness III tad-Direttiva 76/768/KEE, ġiet miżjuda d-daħla li ġejja:
|
|||||||||||||||||||||||||||
|
(2) |
Fit-tabella mfassla fil-Parti 1 tal-Anness VI tad-Direttiva 76/768/KEE, ġiet miżjuda d-daħla li ġejja:
|
(*) Għall-użu bħala preservattiv, ara l-Anness VI, Parti 1, daħla Nru 58.”
(**) Għal użi oħra għajr bħala preservattivi, ara l-Anness III, il-Parti I, id-daħla Nru 207”.