|
11.11.2010 |
MT |
Il-Ġurnal Uffiċjali tal-Unjoni Ewropea |
L 293/60 |
DEĊIŻJONI TAL-KUMMISSJONI
tad-9 ta’ Novembru 2010
li temenda d-Deċiżjoni 97/555/KE dwar il-proċedura għaċ-ċertifikazzjoni tal-konformità ta’ prodotti għall-bini permezz tal-Artikolu 20(2) tad-Direttiva tal-Kunsill 89/106/KEE għal dak li jirrigwarda s-siment, il-ġir tal-bini u binders idrawliċi oħrajn
(notifikata bid-dokument numru C(2010) 7603)
(Test b’relevanza għaż-ŻEE)
(2010/683/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 13(4)(a) tagħha,
Wara li kkonsultat il-Kumitat Permanenti dwar il-Kostruzzjoni,
Billi:
|
(1) |
Il-Kummissjoni adottat id-Deċiżjoni 97/555/KE tal-14 ta’ Lulju 1997 dwar il-proċedura għaċ-ċertifikazzjoni tal-konformità ta’ prodotti għall-bini permezz tal-Artikolu 20(2) tad-Direttiva tal-Kunsill 89/106/KEE għal dak li jirrigwarda s-siment, il-ġir tal-bini u binders idrawliċi oħrajn (2), |
|
(2) |
Wara reviżjoni tal-familja tal-prodott “ġir tal-bini”, l-Istati Membri u l-Kummissjoni qisuh neċessarju li jsaħħu r-rwol tat-tielet parti involuta fil-verifika taċ-ċertifikazzjoni tal-produzzjoni tal-fabbrika, |
|
(3) |
Għaldaqstant, id-Deċiżjoni 97/555/KE għandha tiġi emendata skont dan, |
ADOTTAT DIN ID-DEĊIŻJONI:
Artikolu 1
L-Anness III tad-Deċiżjoni 97/555/KE hu emendat skont l-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, id-9 ta’ Novembru 2010.
Għall-Kummissjoni
Antonio TAJANI
Viċi President
(1) ĠU L 40, 11.2.1989, p. 12.
(2) ĠU L 229, 20.8.1997, p. 9.
ANNESS
Fl-Anness III tad-Deċiżjoni 97/555/KE, l-entrata marbuta mal-familja tal-prodott “Ġir tal-bini, inklużi Ġir tal-kalċju, Ġir dolomitiku, Ġir idrawliku” tinbidel kif ġej:
|
“Ġir tal-bini, li jinkludi:
|
|
— |
2 +” |