|
1.12.2007 |
MT |
Il-Ġurnal Uffiċjali ta’ l-Unjoni Ewropea |
139 |
DIRETTIVA TAL-KUMMISSJONI 2006/65/KE
tad-19 ta' Lulju 2006
li temenda d-Direttiva tal-Kunsill 76/768/KEE, li tikkonċerna l-prodotti kożmetiċi, bl-iskop li tadatta l-Annessi II u III tagħha skond il-progress tekniku
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar prodotti kosmetiċi (1), u b’mod partikolari l-Artikolu 8(2) tagħha,
Wara li kkonsultat il-Kumitat Xjentifiku dwar il-Prodotti Kożmetiċi u l-Prodotti Mhux ta' l-Ikel maħsuba għall-Konsumaturi,
Billi:
|
(1) |
Wara l-pubblikazzjoni ta’ studju xjentifiku fl-2001, bl-isem “L-użu ta’ żebgħa permanenti tax-xagħar u r-riskju tal-kanċer tal-bużżieqa ta’ l-awrina”, il-Kumitat Xjentifiku dwar il-Prodotti Kożmetiċi u Prodotti li Mhumiex ta’ l-Ikel maħsuba għal Komsumaturi (il-SCCNFP) ikkonkluda li r-riskji potenzjali kienu ta’ tħassib. Dan irrakkomanda li l-Kummissjoni tieħu iżjed passi biex tikkontrolla l-użu tal-kimiċi taż-żebgħa tax-xagħar. |
|
(2) |
L-SCCNFP irrakkomanda wkoll strateġija ta' evalwazzjoni kumplessiva tas-sikurezza għaż-żebgħa tax-xagħar li tinkludi r-rekwiżiti għall-ittestjar ta’ l-ingredjenti kożmetiċi taż-żebgħa tax-xagħar għall-ġenotossiċità/mutaġeniċità potenzjali tagħhom. |
|
(3) |
Wara l-opinjonijiet ta’ l-SCCNFP, il-Kummissjoni flimkien ma’ l-Istati Membri u l-partijiet interessati qablu dwar strateġija kumplessiva biex tirregola ż-żebgħa tax-xagħar li, skond liema, l-industrija ġiet obbligata tressaq il-fajls bid-dejta xjentifika dwar iż-żebgħa tax-xagħar biex ikunu evalwati mill-SCCNFP. |
|
(4) |
Bħala l-ewwel pass għall-implimentazzjoni ta’ l-istrateġija ġie deċiż li tingħata prijorità lis-sustanzi taż-żebgħa tax-xagħar permanenti li għalihom ma ġie espress l-ebda interess espliċitu matul il-konsultazzjoni pubblika bħala difiża għall-użu tagħhom fiż-żebgħa tax-xagħar. Għaldaqstant dawk is-sustanzi għandhom jiġu projbiti. |
|
(5) |
Skond l-opinjoni ta’ l-SCCNFP ċerti żebgħat azo jqiegħdu fir-riskju s-saħħa tal-konsumatur. Għaldaqstant, ġew imneħħija mil-lista pożittiva ta’ aġenti li jagħtu l-kulur li huma permessi jintużaw fil-prodotti kożmetiċi fl-Anness IV għad-Direttiva 76/768/KEE. Għall-istess raġuni għandu jiġi pprojbit ukoll l-użu tagħhom fiż-żebgħa tax-xagħar. |
|
(6) |
Għal sustanzi taż-żebgħa tax-xagħar permessi proviżorjament fil-parti 2 ta’ l-Anness III għad-Direttiva 76/768/KEE l-perjodu proviżorju għandu jiġi estiż. |
|
(7) |
L-Annessi II u III tad-Direttiva 76/768/KE għandhom għalhekk jiġu emendati kif xieraq. |
|
(8) |
Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Prodotti Kożmetiċi, |
ADOTTAT DIN ID-DIRETTIVA:
Artikolu 1
L-Annessi II u III għad-Direttiva 76/768/KEE huma emendati skond l-Anness għal din id-Direttiva.
Artikolu 2
L-Istati Membri se jieħdu l-miżuri neċessarji kollha biex jiżguraw li mhux aktar tard mill-1 ta’ Diċembru 2006 l-prodotti kożmetiċi li jonqsu milli jikkonformaw ma' din id-Direttiva ma jitqiegħdux fis-suq mill-manifatturi tal-Komunità jew mill-importaturi stabbiliti fi ħdan il-Komunità, u lanqas ma jinbiegħu jew jingħataw lill-konsumatur finali.
Artikolu 3
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva sa mhux aktar tard mill-1 ta' Settembru 2006. L-Istati Membri għandhom jipprovdu lill-Kummissjoni minnufih bit-test ta' dawn id-dispożizzjonijiet u t-tabella ta’ korrelazzjoni bejn dawn id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, dawn għandu jkollhom referenza għal din id-Direttiva jew ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-riferenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 4
Din id-Direttiva għandha tidħol fis-seħħ fl-għoxrin jum wara dak li fih tiġi pubblikata fil-Ġurnal Uffiċjali ta' l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmula fi Brussell, 19 ta' Lulju 2006.
Għall-Kummissjoni
Günter VERHEUGEN
Membru tal-Kummissjoni
(1) ĠU L 262, 27.9.1976, p. 169. Direttiva kif l-aħħar emendata bid-Direttiva tal-Kummissjoni 2005/80/KE (ĠU L 303, 22.11.2005, p. 32).
ANNESS
Id-Direttiva 76/768/KEE hi emendata kif ġej:
|
(1) |
fl-Anness II jiżdiedu n-numri ta’ referenza 1212 u 1233:
|
|
(2) |
Il-kolonna g fil-Parti 2 ta’ l-Anness III hija emendata kif ġej:
|