|
16.5.2022 |
MT |
Il-Ġurnal Uffiċjali tal-Unjoni Ewropea |
L 137/177 |
LINJA GWIDA (UE) 2022/747 TAL-BANK ĊENTRALI EWROPEW
tal-5 ta’ Mejju 2022
li temenda l-Linja Gwida 2012/120/UE dwar ir-rekwiżiti ta’ rapportaġġ statistiku tal-Bank Ċentrali Ewropew fil-qasam tal-istatistika esterna (BĊE/2011/23) (BĊE/2022/23)
Il-Kunsill Governattiv tal-Bank Ċentrali Ewropew,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikli 3.1, 3.3, 5.1, 12.1 u 14.3 tiegħu,
Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1), u b’mod partikolari l-Artikolu 4 tiegħu,
Billi:
|
(1) |
F’sistema finanzjarja globali kumplessa b’konnessjonijiet transfruntiera dejjem jiżdiedu, l-entitajiet magħrufa bħala entitajiet bi skop speċjali (SPEs) għandhom rwol importanti. L-intrapriżi multinazzjonali (MNEs) jistabbilixxu SPEs biex jidderieġu l-investimenti finanzjarji tagħhom, iżidu l-aċċess għal diversi swieq finanzjarji, u jorganizzaw l-assi tanġibbli u intanġibbli tagħhom globalment. L-SPEs saru dejjem aktar rilevanti fl-istatistika esterna peress li jistgħu jieħdu l-forma ta’ entitajiet finanzjarji speċjalizzati, jew, aktar reċentement, anki entitajiet speċjalizzati mhux finanzjarji li l-MNEs jistabbilixxu biex jiġġertixxu d-drittijiet tal-proprjetà intellettwali, ir-riċerka u l-iżvilupp, il-kummerċ u attivitajiet oħra bħala parti minn strateġija ta’ massimizzazzjoni finanzjarja u tal-profitt għall-grupp kollu. |
|
(2) |
L-informazzjoni statistika relatata mal-SPEs tippermetti lill-Eurosistema li tikseb fehim aħjar tar-rwol ta’ dawn l-entitajiet fis-sistema ekonomika u finanzjarja taż-żona tal-euro. B’mod partikolari, l-informazzjoni statistika dwar l-attività tal-SPEs fl-Istati Membri li l-munita tagħhom hija l-euro b’konċentrazzjoni għolja ta’ SPEs tippermetti lill-Eurosistema tanalizza u tinterpreta l-interkonnettività transfruntiera mill-flussi u l-pożizzjonijiet tal-SPEs u tivvaluta r-riskji finanzjarji u ekonomiċi assoċjati għall-fini tal-analiżi tal-istabbiltà finanzjarja. Madankollu, filwaqt li l-informazzjoni statistika dwar l-SPEs, bħala unitajiet istituzzjonali, diġà tinġabar fil-livell nazzjonali, din mhijiex irrappurtata separatament lill-Bank Ċentrali Ewropew (BĊE). It-tagħrif statistiku dwar l-SPEs għandu għalhekk jiġi rrapportat mill-banek ċentrali nazzjonali (BĊNi) lill-BĊE fuq bażi trimestrali. |
|
(3) |
It-tagħrif statistiku relatat mal-SPEs jista’ jinġabar u/jew jiġi kkompilat minn awtoritajiet tal-istatistika kompetenti minbarra l-BĊN. Għalhekk, ir-rapportar ta’ dik l-informazzjoni lill-BĊE jista’ jeħtieġ kooperazzjoni bejn il-BĊN u dawn l-awtoritajiet kompetenti. |
|
(4) |
Il-BĊE kien membru tat-Task Force dwar l-SPEs, imwaqqfa fl-2016 mill-Kumitat dwar l-Istatistika tal-Bilanċ tal-Pagamenti tal-Fond Monetarju Internazzjonali (FMI). Waħda mill-kwistjonijiet indirizzati mit-Task Force kienet in-nuqqas ta’ definizzjoni miftiehma internazzjonalment tal-SPEs, u ġiet stabbilita proposta għal tali definizzjoni fir-rapport finali tagħha (2). Ir-rekwiżiti imposti fuq il-BĊNi fir-rigward tar-rapportar ta’ tagħrif statistiku dwar l-SPEs għandhom għalhekk iqisu din id-definizzjoni. |
|
(5) |
Għaldaqstant, il-Linja Gwida 2012/120/UE (BĊE/2011/23) (3) għandha tiġi emendata f’dan is-sens, |
ADOTTA DIN IL-LINJA GWIDA:
Artikolu 1
Emendi
Il-Linja Gwida 2012/120/UE (BĊE/2011/23) hija emendata kif ġej:
|
1. |
fl-Artikolu 1, huwa miżjud il-punt (18) li ġej:
|
|
2. |
fl-Artikolu 2 għandu jiddaħħal il-paragrafu 1b li ġej: “1b. Il-BĊNi għandhom jirrapportaw lill-BĊE data trimestrali dwar it-tranżazzjonijiet u l-pożizzjonijiet internazzjonali tal-SPEs residenti kif definit fit-Tabella 10 tal-Anness II u skont l-iskadenzi definiti fl-Artikolu 3(2).”; |
|
3. |
fl-Artikolu 6(3), il-kliem introduttorju hu ssostitwit b’dan li ġej: “Meta d-dejta għal partita fit-Tabelli 1 sa 5 u 10 tal-Anness II tkun ta’ daqs negliġibbli jew insinifikanti għaż-żona tal-euro u l-istatistika nazzjonali, jew id-dejta għal dak l-oġġett ma tistax tinġabar bi spiża raġonevoli, il-BĊN għandhom jirrappurtaw dejta dwar l-aħjar bażi ta’ stima bbażata fuq metodoloġiji statistiċi sodi; sakemm il-valur analitiku tal-istatistika ma jiġix kompromess. Barra minn hekk, il-BĊN għandhom jirrapportaw data fuq bażi tal-aħjar stima għar-rendikonti li ġejjin fit-Tabelli 1, 2, 4, 6 u 10 tal-Anness II:”; |
|
4. |
jiddaħħal l-Artikolu 8a li ġej: “Artikolu 8a L-ewwel trażmissjoni ta’ data relatata ma’ tranżazzjonijiet transfruntiera u stokks ta’ SPEs residenti wara d-dħul fis-seħħ tal-Linja Gwida (UE) 2022/747 (BĊE/2022/23) Wara d-dħul fis-seħħ tal-Linja Gwida (UE) 2022/747 tal-Bank Ċentrali Ewropew (BĊE/2022/23) (*1), l-ewwel trażmissjoni ta’ data relatata ma’ tranżazzjonijiet transfruntiera u stokks ta’ SPEs residenti stabbiliti fit-Tabella 10 tal-Anness II, għandha ssir f’Marzu 2023 fir-rigward ta’ data għar-raba’ trimestru tal-2022. Id-data trimestrali fir-rigward tal-perjodu mill-ewwel trimestru tal-2020 għandha tiġi trażmessa mhux aktar tard minn Settembru 2023. (*1) Linja Gwida (UE) 2022/747 tal-Bank Ċentrali Ewropew tal-5 ta’ Mejju 2022 li temenda l-Linja Gwida 2012/120/UE dwar ir-rekwiżiti ta’ rapportar tal-istatistika tal-Bank Ċentrali Ewropew fil-qasam tal-istatistika esterna (BĊE/2011/23) (BĊE/2022/23) (ĠU L 137, 16.5.2022, p. 177).”;" |
|
5. |
L-Annessi I u II huma emendati skont l-Anness ta’ din il-Linja Gwida. |
Artikolu 2
Dħul fis-seħħ
Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, il-5 ta’ Mejju 2022.
Għall-Kunsill Governattiv tal-BĊE
Il-President tal-BĊE
Christine LAGARDE
(1) ĠU L 318, 27.11.1998, p. 8.
(2) Il-Kumitat tal-FMI dwar l-Istatistika tal-Bilanċ tal-Pagamenti (BOPCOM), “Final Report of the Task Force on Special Purpose Entities” (Rapport Finali tat-Task Force dwar l-Entitajiet bi Skop Speċjali), Dokument BOPCOM 18/03, 2018. Disponibbli fuq is-sit elettroniku tal-IMF fuq www.imf.org
(3) Linja Gwida 2012/120/UE tal-Bank Ċentrali Ewropew tad-9 ta’ Diċembru 2011 dwar ir-rekwiżiti ta’ rapportar statistiku tal-Bank Ċentrali Ewropew fil-qasam tal-istatistika esterna (BĊE/2011/23) (ĠU L 65, 3.3.2012, p. 1).
ANNESS
L-Annessi I u II tal-Linja ta’ Gwida 2012/120/UE (BĊE/2011/23) huma emendati kif gej:
|
1. |
fl-Anness I, tiżdied it-Taqsima 6 li ġejja: “6. Tranżazzjonijiet transkonfinali trimestrali u stokks ta’ SPEs residenti
L-objettiv tat-tranżazzjonijiet u stokkijiet transkonfinali trimestrali tal-SPEs residenti huwa li jinftiehem aħjar ir-rwol ta’ dawn it-tipi ta’ unitajiet fil-komponenti differenti tal-kontijiet tas-settur estern. Informazzjoni relatata ma’ dan it-tip ta’ unità tista’ tiġi rrapportata bħala partita separata li tippermetti fehim aħjar tar-rwol tagħhom fis-sistema ekonomika u finanzjarja taż-żona tal-euro.
Il-BĊNi għandhom jirrapportaw informazzjoni dwar it-tranżazzjonijiet transkonfinali trimestrali u l-istokks ta’ SPEs residenti kif speċifikat fl-Anness II, Tabella 10.”; |
|
2. |
L-Anness II huwa emendat kif gej:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||