1.   Dan ir-Regolament jistabbilixxi l-Orizzont Ewropa - il-Programm Qafas għar-Riċerka u l-Innovazzjoni (il-"Programm") għad-durata tal-QFP 2021-2027, jistabbilixxi r-regoli għall-parteċipazzjoni u d-disseminazzjoni li jikkonċernaw azzjonijiet indiretti taħt il-Programm u jiddetermina l-qafas li jirregola l-appoġġ mill-Unjoni għall-attivitajiet tar-R&I għall-istess durata.

Dan ir-Regolament jistabbilixxi l-għanijiet tal-Programm, il-baġit għall-perijodu 2021 sa 2027, il-forom ta' finanzjament tal-Unjoni u r-regoli għall-għoti ta' tali finanzjament.

2.   Il-Programm għandu jiġi implimentat permezz ta':

3.   Dan ir-Regolament ma japplikax għall-programm speċifiku ta' riċerka dwar id-difiża msemmi fil-punt (b) tal-paragrafu 2 ta' dan l-Artikolu, ħlief għall-Artikoli 1 u 5, l-Artikolu 7(1) u l-Artikolu 12(1).

4.   It-termini "Orizzont Ewropa", "il-Programm" u "programm speċifiku" użati f'dan ir-Regolament jirriferu għal materji li huma rilevanti biss għall-programm speċifiku msemmi fil-punt (a) tal-paragrafu 2, sakemm ma jkunx speċifikat mod ieħor.

5.   L-EIT għandu jimplimenta l-Programm f'konformità mal-objettivi strateġiċi tiegħu għall-perijodu 2021 sa 2027, kif stabbilit fl-Aġenda Strateġika ta' Innovazzjoni tal-EIT, b'kunsiderazzjoni tal-ippjanar strateġiku imsemmi fl-Artikolu 6 u fil-programm speċifiku msemmi fil-punt (a) tal-paragrafu 2 ta' dan l-Artikolu.

1.   L-għan ġenerali tal-Programm huwa li jiżgura l-impatt xjentifiku, teknoloġiku, ekonomiku u soċjetali tal-investimenti tal-Unjoni fir-R&I biex isaħħaħ il-bażi xjentifika u l-bażi teknoloġika tal-Unjoni u jrawwem il-kompetittività tal-Unjoni fl-Istati Membri kollha inkluż fl-industrija tagħha, iwettaq il-prijoritajiet strateġiċi tal-Unjoni u jikkontribwixxi biex jitwettqu l-objettivi u l-politiki tal-Unjoni, biex jiġu indirizzati l-isfidi globali, inklużi l-SDGs billi jsegwi l-prinċipji tal-Aġenda 2030 u l-Ftehim ta' Pariġi, u biex tissaħħaħ iż-ŻER. Il-Programm għandu b'hekk jimmassimizza l-valur miżjud tal-Unjoni billi jiffoka fuq għanijiet u attivitajiet li ma jistgħux jitwettqu b'mod effettiv mill-Istati Membri meta jaġixxu waħedhom, iżda b'kooperazzjoni.

2.   Il-Programm għandu l-għanijiet speċifiċi li ġejjin:

1.   Għall-programm speċifiku msemmi fil-punt (a) tal-Artikolu 1(2) u l-EIT, il-Programm għandu jkun strutturat f'partijiet kif ġej, li jikkontribwixxu għall-objettivi ġenerali u speċifiċi stabbiliti fl-Artikolu 3:

2.   Il-linji prinċipali tal-attivitajiet tal-Programm huma stabbiliti fl-Anness I ta' dan ir-Regolament.

1.   Il-Programm għandu jiġi implimentat permezz ta' ġestjoni diretta jew permezz ta' ġestjoni indiretta mill-korpi ta' finanzjament.

2.   Il-finanzjament taħt il-Programm jista' jiġi pprovdut permezz ta' azzjonijiet indiretti fi kwalunkwe waħda mill-forom stabbiliti fir-Regolament Finanzjarju, iżda l-għotjiet għandhom ikunu l-forma ewlenija ta' appoġġ taħt il-Programm. Il-finanzjament taħt il-Programm jista' jiġi wkoll ipprovdut permezz ta' premjijiet, akkwisti u strumenti finanzjarji fi ħdan operazzjonijiet ta' taħlit u appoġġ ta' ishma taħt l-Aċċeleratur.

3.   Ir-regoli għall-parteċipazzjoni u d-disseminazzjoni stabbiliti f'dan ir-Regolament għandhom japplikaw għall-azzjonijiet indiretti.

4.   It-tipi ewlenin ta' azzjoni li jridu jintużaw taħt il-Programm huma definiti fl-Artikolu 2. Il-forom ta' finanzjament imsemmija fil-paragrafu 2 ta' dan l-Artikolu għandhom jintużaw b'mod flessibbli fl-objettivi kollha tal-Programm bl-użu tagħhom jiġi ddeterminat abbażi tal-ħtiġijiet u l-karatteristiċi tal-objettivi partikolari.

5.   Il-Programm għandu jappoġġa wkoll azzjonijiet diretti. Fejn dawk l-azzjonijiet diretti jikkontribwixxu għal inizjattivi stabbiliti taħt l-Artikolu 185 jew 187 TFUE, dik il-kontribuzzjoni ma għandhiex titqies bħala parti mill-kontribuzzjoni finanzjarja allokata lil dawk l-inizjattivi.

6.   L-implimentazzjoni tal-programm speċifiku msemmi fil-punt (a) tal-Artikolu 1(2) u l-KKI tal-EIT’s għandha tkun appoġġata minn ippjanar trasparenti u strateġiku ta' attivitajiet tar-R&I kif stabbilit fil-programm speċifiku msemmi fil-punt (a) tal-Artikolu 1(2), b'mod partikolari fil-każ tal-pilastru "Sfidi Globali u Kompetittività Industrijali Ewropea" u jkopru wkoll attivitajiet rilevanti f'pilastri oħra u l-parti "Twessigħ tal-parteċipazzjoni u tisħiħ taż-ŻER".

Il-Kummissjoni għandha tiżgura l-involviment bikri ta' Stati Membri u skambji estensivi mal-Parlament Ewropew, li għandhom ikunu kkomplementati b'konsultazzjonijiet mal-partijiet ikkonċernati u l-pubbliku inġenerali.

L-ippjanar strateġiku għandu jiżgura l-allinjament ma' programmi rilevanti oħra tal-Unjoni u l-konsistenza mal-prijoritajiet u l-impenji tal-Unjoni u jżid il-komplementarjetà u s-sinerġiji mal-programmi ta' finanzjament u l-prijoritajiet nazzjonali u reġjonali, biex b'hekk tissaħħaħ iż-ŻER. L-oqsma għal missjonijiet possibbli u l-oqsma għal Sħubiji Ewropej Istituzzjonalizzati possibbli għandhom jiġu stabbiliti fl-Anness VI.

7.   Fejn ikun adatt, sabiex jingħata aċċess aktar veloċi għall-fondi lil konsorzji kollaborattivi żgħar, tista' tiġi proposta proċedura ta' rotta rapida lejn ir-riċerka u l-innovazzjoni (il-proċedura FTRI, Fast Track to Research and Innovation) taħt uħud mis-sejħiet għal proposti dedikati biex jintgħażlu azzjonijiet ta' riċerka u innovazzjoni jew azzjonijiet ta' innovazzjoni taħt il-partijiet taħt il-pilastru "Sfidi Globali u Kompetittività Industrijali Ewropea" u l-Pathfinder tal-Kunsill tal-Innovazzjoni Ewropea.

Sejħa għal proposti taħt il-proċedura FTRI għandu jkollha l-karatteristiċi kumulattivi li ġejjin:

Il-programm ta' ħidma għandu jidentifika s-sejħiet għal proposti li jużaw il-proċedura FTRI.

8.   L-attivitajiet tal-Programm għandhom jitwettqu primarjament permezz ta' sejħiet miftuħa u kompetittivi għal proposti, inklużi dawk ma' missjonijiet u Sħubiji Ewropej.

1.   L-attivitajiet ta' riċerka u innovazzjoni mwettqa taħt il-programm speċifiku msemmi fil-punt (a) tal-Artikolu 1(2) u taħt l-EIT għandu jkollhom enfasi esklussiva fuq l-applikazzjonijiet ċivili. M'għandhomx ikunu permessi trasferimenti baġitarji bejn l-ammont allokat lill-programm speċifiku msemmi fil-punt (a) tal-Artikolu 1(2) u l-EIT u l-ammont allokat lill-programm speċifiku msemmi fil-punt (c) tal-Artikolu 1(2) u għandha tiġi evitata d-duplikazzjoni mhux meħtieġa bejn iż-żewġ programmi.

2.   Il-Programm għandu jiżgura approċċ multidixxiplinari u, fejn ikun adatt, għandu jipprevedi l-integrazzjoni tal-SSH fir-raggruppamenti u fl-attivitajiet kollha żviluppati taħt il-Programm, inklużi sejħiet speċifiċi għal proposti dwar suġġetti relatati mal-SSH.

3.   Il-partijiet kollaborattivi tal-Programm għandhom jiżguraw bilanċ bejn TRLs baxxi u dawk ogħla, biex b'hekk tiġi koperta l-katina tal-valur kollha.

4.   Il-Programm għandu jiżgura l-promozzjoni u l-integrazzjoni effettivi tal-kooperazzjoni ma' pajjiżi terzi u ma' organizzazzjonijiet u inizjattivi internazzjonali abbażi ta' benefiċċji reċiproċi, l-interessi tal-Unjoni, impenji internazzjonali u, fejn ikun adatt, ir-reċiproċità.

5.   Il-Programm għandu jgħin lill-pajjiżi li jħejju għat-twessigħ tal-parteċipazzjoni biex iżidu l-parteċipazzjoni tagħhom fih u biex jippromwovu kopertura ġeografika wiesgħa fi proġetti kollaborattivi, anke permezz tat-tixrid tal-eċċellenza xjentifika, it-tisħiħ ta' rabtiet kollaborattivi ġodda, l-istimolu taċ-ċirkolazzjoni tal-imħuħ kif ukoll permezz tal-implimentazzjoni tal-Artikolu 24(2) u l-Artikolu 50(5). Dawk l-isforzi għandhom jiġu riflessi b'miżuri proporzjonali mill-Istati Membri, anke bl-istabbiliment ta' salarji attraenti għar-riċerkaturi, bl-appoġġ tal-fondi tal-Unjoni, nazzjonali u reġjonali. Mingħajr ma jiġu mminati l-kriterji ta' eċċellenza, għandha tingħata attenzjoni partikolari lill-bilanċ ġeografiku, soġġett għas-sitwazzjoni fil-qasam tar-R&I kkonċernat, fil-panels ta' evalwazzjoni u korpi bħal bordijiet u gruppi esperti.

6.   Il-Programm għandu jiżgura l-promozzjoni effettiva tal-opportunitajiet indaqs għal kulħadd u l-implimentazzjoni tal-integrazzjoni ta' materja relattiva għall-ugwaljanza bejn is-sessi, inkluża l-integrazzjoni tad-dimensjoni tal-ugwaljanza bejn is-sessi fil-kontenut tar-R&I. Huwa għandu jkollu l-għan li jindirizza l-kawżi tal-iżbilanċ fit-trattament tas-sessi. Għandha tingħata attenzjoni partikolari biex ikun żgurat, sa fejn hu possibbli, bilanċ bejn is-sessi f'panels ta' evalwazzjoni u f'korpi konsultattivi rilevanti oħra bħall-bordijiet u l-gruppi ta' esperti.

7.   Il-Programm għandu jiġi implimentat f'sinerġija ma' programmi oħrajn tal-Unjoni filwaqt li jimmira lejn is-simplifikazzjoni amministrattiva massima. Lista mhux eżawrjenti ta' sinerġiji ma' programmi oħrajn tal-Unjoni tinsab inkluża fl-Anness IV.

8.   Il-Programm għandu jikkontribwixxi biex jiżdied l-investiment pubbliku u privat fir-R&I fl-Istati Membri u b'hekk jgħin biex jinkiseb investiment globali ta' mill-inqas 3 % tal-PDG tal-Unjoni fir-riċerka u fl-iżvilupp.

9.   Meta timplimenta l-Programm, il-Kummissjoni għandha tkompli timmira lejn is-simplifikazzjoni amministrattiva u t-tnaqqis tal-piż għall-applikanti u għall-benefiċjarji.

10.   Bħala parti mill-objettiv ġenerali tal-Unjoni tal-integrazzjoni tal-azzjonijiet klimatiċi fil-politiki settorjali tal-Unjoni u fil-fondi tal-Unjoni, l-azzjonijiet taħt dan il-Programm għandhom jikkontribwixxu mill-inqas 35 % tan-nefqa għall-objettivi klimatiċi, fejn ikun adatt. L-integrazzjoni tal-azzjoni klimatika għandha tkun inkluża b'mod adegwat fil-kontenut tar-R&I.

11.   Il-Programm għandu jippromwovi l-ħolqien konġunt u d-disinn konġunt permezz tal-involviment taċ-ċittadini u tas-soċjetà ċivili.

12.   Il-Programm għandu jiżgura t-trasparenza u r-responsabbilizzazzjoni tal-finanzjament pubbliku fi proġetti tar-R&I, biex b'hekk jitħares l-interess pubbliku.

13.   Il-Kummissjoni jew il-korp ta' finanzjament rilevanti għandhom jiżguraw li jsiru disponibbli gwida u informazzjoni suffiċjenti għall-parteċipanti potenzjali kollha meta tiġi ppubblikata s-sejħa għal proposti, b'mod partikolari l-mudell applikabbli ta' ftehim tal-għotja.

1.   Il-missjonijiet għandhom ikunu pprogrammati fi ħdan il-pilastru "Sfidi Globali u Kompetittività Industrijali Ewropea", iżda jistgħu jibbenefikaw ukoll minn azzjonijiet imwettqa f'partijiet oħra tal-Programm kif ukoll azzjonijiet komplementari mwettqa taħt programmi oħrajn tal-Unjoni. Il-missjonijiet għandhom jippermettu soluzzjonijiet li jikkompetu, li jirriżultaw f'valur miżjud u impatt pan-Ewropej.

2.   Il-missjonijiet għandhom jiġu definiti u implimentati f'konformità ma' dan ir-Regolament u l-programm speċifiku msemmi fil-punt (a) tal-Artikolu 1(2), u b'hekk jiżguraw l-involviment attiv u bikri tal-Istati Membri u skambji estensivi mal-Parlament Ewropew. Il-missjonijiet, u l-objettivi, baġit, miri, kamp ta' applikazzjoni, indikaturi u objettivi intermedji tagħhom għandhom jiġu identifikati fil-pjanijiet strateġiċi tar-R&I jew fil-programmi ta' ħidma kif xieraq. L-evalwazzjonijiet tal-proposti taħt il-missjonijiet għandhom isiru f'konformità mal-Artikolu 29.

3.   Matul l-ewwel tliet snin tal-Programm, massimu ta' 10 % tal-baġit annwali tal-Pilastru II għandu jiġi pprogrammat permezz ta' sejħiet speċifiċi għal proposti għall-implimentazzjoni tal-missjonijiet. Għas-snin li jkun fadal tal-Programm, dak il-perċentwal jista' jiżdied soġġett għal valutazzjoni pożittiva tal-għażla tal-missjoni u tal-proċess tal-ġestjoni. Il-Kummissjoni għandha tikkomunika s-sehem baġitarju totali ta' kull programm ta' ħidma dedikat għall-missjonijiet.

4.   Il-missjonijiet għandhom:

5.   Il-Kummissjoni għandha timmonitorja u tevalwa kull missjoni f'konformità mal-Artikoli 50 u 52 u l-Anness V, inkluż il-progress lejn miri fuq medda qasira, medja u twila ta' żmien, li jkopru l-implimentazzjoni, il-monitoraġġ u l-eliminazzjoni gradwali tal-missjonijiet. Għandha ssir valutazzjoni tal-ewwel missjonijiet stabbiliti taħt il-Programm mhux iktar tard mill-2023 u qabel ma tittieħed kwalunkwe deċiżjoni dwar il-ħolqien ta' missjonijiet ġodda, il-kontinwazzjoni, it-terminazzjoni jew ir-riorjentazzjoni ta' missjonijiet li għadhom għaddejjin. Ir-riżultati ta' dik il-valutazzjoni għandhom isiru pubbliċi u għandhom jinkludu, iżda ma jkunux limitati għal, analiżi tal-proċess tal-għażla tagħhom u tal-governanza, baġit, enfasi u progress tagħhom, aġġornata sad-data tal-pubblikazzjoni.

1.   Il-Kummissjoni għandha tistabbilixxi l-EIC bħala punt uniku ta' servizz ġestit ċentralment għall-implimentazzjoni ta' azzjonijiet taħt il-Pilastru III "Ewropa Innovattiva" li huma relatati mal-EIC. L-EIC għandu jiffoka prinċipalment fuq l-innovazzjoni rivoluzzjonarja u interruttiva, billi jimmira b'mod partikolari lejn l-innovazzjoni li toħloq is-swieq, filwaqt li jappoġġa wkoll it-tipi kollha ta' innovazzjoni, inklużi dawk inkrimentali.

L-EIC għandu jopera f’konformità mal-prinċipji li ġejjin:

2.   L-EIC għandu jkun miftuħ għat-tipi kollha ta' innovaturi inklużi individwi, universitajiet, organizzazzjonijiet ta' riċerka u kumpaniji (SMEs, inklużi negozji ġodda u, f'każijiet eċċezzjonali, mid-caps żgħar) kif ukoll benefiċjarji uniċi u konsorzji multidixxiplinari. Mill-inqas 70 % tal-baġit tal-EIC għandu jkun iddedikat għal SMEs, inklużi negozji ġodda.

3.   Il-Bord tal-EIC u l-elementi tal-ġestjoni tal-EIC huma deskritti fid-Deċiżjoni (UE) 2021/764.

1.   Partijiet mill-Programm jistgħu jiġu implimentati permezz ta' Sħubiji Ewropej. L-involviment tal-Unjoni fis-Sħubiji Ewropej għandu jkollu kwalunkwe waħda mill-forom li ġejjin:

2.   Is-Sħubiji Ewropej għandhom:

3.   Is-Sħubiji Ewropej taħt il-punti (a) u (b) tal-paragrafu 1 ta' dan l-Artikolu għandhom jiġu identifikati fil-pjanijiet strateġiċi tar-R&I qabel ma jiġu implimentati fil-programmi ta' ħidma.

4.   Id-dispożizzjonijiet u l-kriterji għall-għażla, l-implimentazzjoni, il-monitoraġġ, l-evalwazzjoni u t-tneħħija gradwali tas-Sħubiji Ewropej huma stabbiliti fl-Anness III.

1.   Il-pakkett finanzjarju għall-implimentazzjoni tal-Programm għall-perijodu mill-1 ta' Jannar 2021 sal-31 ta' Diċembru 2027 għandu jkun ta' EUR 86 123 000 000 fi prezzijiet attwali għall-programm speċifiku msemmi fil-punt (a) tal-Artikolu 1(2) u għall-EIT u ta' EUR 7 953 000 000 fi prezzijiet attwali għall-programm speċifiku msemmi fil-punt (c) tal -Artikolu 1(2).

2.   Id-distribuzzjoni indikattiva tal-ammont imsemmi fil-paragrafu 1 għall-programm speċifiku msemmi fil-punt (a) tal-Artikolu 1(2) u għall-EIT għandu jkun ta':

3.   Bħala riżultat tal-aġġustament speċifiku għall-Programm previst fl-Artikolu 5 tar-Regolament (UE, Euratom) Nru 2020/2093 l-ammont imsemmi fil-paragrafu 1 għall-programm speċifiku msemmi fil-punt (a) tal-Artikolu 1(2) ta' dan ir-Regolament u għall-EIT għandu jiżdied b'allokazzjoni addizzjonali ta' EUR 3 000 000 000 fi prezzijiet kostanti tal-2018 kif speċifikat fl-Anness II tar-Regolament (UE, Euratom) Nru 2020/2093.

4.   Id-distribuzzjoni indikattiva tal-ammont imsemmi fil-paragrafu 3 għandha tkun kif ġej:

5.   Sabiex twieġeb għal sitwazzjonijiet mhux previsti jew żviluppi u ħtiġijiet ġodda, il-Kummissjoni tista', bil-proċedura baġitarja annwali, tvarja mill-ammonti msemmija fil-paragrafu 2 sa massimu ta' 10 %. Ma għandu jkun hemm ebda tali varjazzjoni fir-rigward tal-ammonti msemmija fil-punt (b)(vii) tal-paragrafu 2 u l-ammont totali stipulat għall-Parti "Twessigħ tal-Parteċipazzjoni u Tisħiħ taż-ŻER" tal-paragrafu 2.

6.   L-ammont imsemmi fil-paragrafi 1 u 3 ta' dan l-Artikolu għall-programm speċifiku msemmi fil-punt (a) tal-Artikolu 1(2) u għall-EIT jista' jkopri wkoll spejjeż ta' preparazzjoni, ta' monitoraġġ, kontroll, awditjar, evalwazzjoni u attivitajiet oħra u nefqiet meħtieġa għall-ġestjoni u l-implimentazzjoni tal-Programm, inkluż l-infiq amministrattiv kollu, kif ukoll għall-evalwazzjoni tal-ksib tal-għanijiet tiegħu. In-nefqiet amministrattivi relatati mal-azzjonijiet indiretti ma għandhomx jaqbżu 5 % tal-ammont totali tal-azzjonijiet indiretti tal-programm speċifiku msemmi fil-punt (a) tal-Artikolu 1(2) u għall-EIT. Barra minn hekk, l-ammont imsemmi fil-paragrafi 1 u 3 ta' dan l-Artikolu għall-programm speċifiku msemmi fil-punt (a) tal-Artikolu 1(2) u għall-EIT jista' jkopri wkoll:

7.   Jekk ikun meħtieġ sabiex jippermettu l-ġestjoni ta' azzjonijiet mhux kompletament imwettqa sal-31 ta' Diċembru 2027, jistgħu jiddaħħlu approprjazzjonijiet fil-baġit tal-Unjoni lil hinn mill-2027 biex ikopru l-ispejjeż previsti fil-paragrafu 6.

8.   L-impenji baġitarji għal azzjonijiet li jestendu lil hinn minn sena finanzjarja waħda jistgħu jinqasmu fi ħlasijiet parzjali annwali fuq diversi snin.

9.   F'konformità mal-punt (a) tat-tieni subparagrafu tal-Artikolu 193(2) tar-Regolament Finanzjarju, fil-każijiet debitament ġustifikati speċifikati fid-deċiżjoni dwar il-finanzjament u għal perijodu limitat, l-attivitajiet appoġġati skont dan ir-Regolament u l-ispejjeż sottostanti jistgħu jitqiesu eliġibbli mill-1 ta' Jannar 2021, anki jekk ikunu ġew implimentati u mġarrba qabel ma ġiet ippreżentata l-applikazzjoni għal għotja.

1.   Soġġett għall-Artikolu 3(3), (4), (7) u (9) tar-Regolament (UE) 2020/2094, il-miżuri msemmija fl-Artikolu 1(2) ta' dak ir-Regolament għandhom jiġu implimentati taħt il-Programm bl-ammonti msemmijin fil-punt (a)(iv) tal-Artikolu 2(2) ta’ dak ir-Regolament.

2.   L-ammonti msemmija fil-punt (a)(iv) tal-Artikolu 2(2) tar-Regolament (UE) 2020/2094 għandhom jikkostitwixxu dħul assenjat estern kif stabbilit fl-Artikolu 3(1) ta' dak ir-Regolament. Dawk l-ammonti addizzjonali għandhom jiġu allokati esklużivament għal azzjonijiet għar-R&I mmirati biex jindirizzaw il-konsegwenzi tal-kriżi tal-COVID-19, b’mod partikolari l-konsegwenzi ekonomiċi, soċjali u soċjetali tagħha. Għandha tingħata prijorità lil SMEs innovattivi u għandha tingħata attenzjoni speċjali lill-integrazzjoni tagħhom fil-proġetti kollaborattivi taħt il-Pilastru II.

3.   Id-distribuzzjoni indikattiva tal-ammonti msemmija fil-punt (a)(iv) tal-Artikolu 2(2) tar-Regolament (UE) 2020/2094 għandha tkun:

1.   Il-Programm għandu jinkoraġġixxi x-xjenza miftuħa bħala approċċ għall-proċess xjentifiku bbażat fuq il-ħidma kooperattiva u t-tixrid tal-għarfien, b'mod partikolari f'konformità mal-elementi li ġejjin li għandhom jitwettqu f'konformità mal-Artikolu 39(3) ta' dan ir-Regolament:

2.   Il-prinċipju tar-reċiproċità fix-xjenza miftuħa għandu jiġi promoss u mħeġġeġ fil-ftehimiet kollha ta' assoċjazzjoni u ta' kooperazzjoni ma' pajjiżi terzi, inklużi l-ftehimiet iffirmati minn korpi ta' finanzjament fdati bil-ġestjoni indiretta tal-Programm.

3.   Il-ġestjoni responsabbli tad-data tar-riċerka għandha tkun żgurata f'konformità mal-prinċipji "traċċabilità" (findability), "aċċessibilità" (accessibility), "interoperabilità" (interoperability) u "riutilizzabilità" (reusability) (il-prinċipji ‘FAIR’). Għandha tingħata attenzjoni wkoll għall-preservazzjoni fit-tul tad-data.

4.   Għandhom jiġu promossi u mħeġġa prattiki oħra tax-xjenza miftuħa, anke għall-benefiċċju tal-SMEs.

1.   Il-Programm għandu jiġi implimentat f'sinerġija ma' programmi oħra tal-Unjoni, f'konformità mal-prinċipju stabbilit fl-Artikolu 7(7).

2.   Is-Siġill ta' Eċċellenza għandu jingħata għas-sejħiet għal proposti speċifikati fil-programmi ta' ħidma. F'konformità mad-dispożizzjoni rilevanti tar-Regolament dwar id-Dispożizzjonijiet Komuni għall-2021-2027 u mad-dispożizzjoni rilevanti tar-Regolament dwar il-Pjan Strateġiku tal-PAK, il-FEŻR, il-FSE+ jew il-FAEŻR jistgħu jappoġġjaw:

3.   Il-kontribuzzjonijiet finanzjarji taħt il-programmi kofinanzjati mill-FEŻR, il-FSE+, il-FEMS u l-FAEŻR jistgħu jitqiesu bħala kontribuzzjoni tal-Istat Membru parteċipanti għas-Sħubiji Ewropej taħt il-punti (b) u (c) tal-Artikolu 10(1) ta' dan ir-Regolament, dment li jkun hemm konformità mad-dispożizzjonijiet rilevanti tar-Regolament dwar id-Dispożizzjonijiet Komuni għall-2021-2027 u mar-regolamenti speċifiċi għall-fondi.

4.   Azzjoni li tkun irċeviet kontribuzzjoni minn programm tal-Unjoni ieħor tista' tirċievi wkoll kontribuzzjoni skont il-Programm, sakemm il-kontribuzzjonijiet ma jkoprux l-istess spejjeż. Ir-regoli tal-programm rilevanti tal-Unjoni għandhom japplikaw għall-kontribuzzjoni korrispondenti għall-azzjoni. Il-finanzjament kumulattiv ma għandux jaqbeż il-kostijiet eliġibbli totali tal-azzjoni. L-appoġġ mill-programmi differenti tal-Unjoni jista' jiġi kkalkulat fuq bażi proratarja skont id-dokumenti li jistipulaw il-kundizzjonijiet tal-appoġġ.

5.   Ir-riżorsi allokati lill-Istati Membri taħt ġestjoni kondiviża jistgħu, fuq it-talba tal-Istat Membru kkonċernat, jiġu trasferiti lill-Programm soġġett għall-kundizzjonijiet stabbiliti fid-dispożizzjonijiet rilevanti tar-Regolament dwar id-Dispożizzjonijiet Komuni għall-2021-2027. Il-Kummissjoni għandha timplimenta dawk ir-riżorsi direttament skont il-punt (a) tal-ewwel subparagrafu tal-Artikolu 62(1) tar-Regolament Finanzjarju jew indirettament skont il-punt (c) ta' dak is-subparagrafu. Dawk ir-riżorsi għandhom jintużaw għall-benefiċċju tal-Istat Membru kkonċernat.

6.   Fejn il-Kummissjoni ma tkunx daħlet f'impenn legali taħt ġestjoni diretta jew indiretta għar-riżorsi ttrasferiti f'konformità mal-paragrafu 5, ir-riżorsi mhux impenjati korrispondenti jistgħu jiġu ttrasferiti lura għal programm wieħed jew aktar ta' sors rispettiv, fuq talba tal-Istat Membru, f'konformità mal-kundizzjonijiet stabbiliti fid-dispożizzjonijiet rilevanti tar-Regolament dwar id-Dispożizzjonijiet Komuni għall-2021-2027.

1.   Il-Programm għandu jkun miftuħ għall-assoċjazzjoni tal-pajjiżi terzi li ġejjin (pajjiżi assoċjati):

2   L-assoċjazzjoni mal-Programm ta' kull wieħed mill-pajjiżi terzi skont il-punt (d) tal-paragrafu 1 għandha tkun skont il-kundizzjonijiet stipulati fi ftehim li jkopri l-parteċipazzjoni ta' pajjiż terz fi kwalunkwe programm tal-Unjoni, sakemm dak il-ftehim:

Il-kontribuzzjonijiet imsemmija fil-punt (b) tal-ewwel subparagrafu ta' dan il-paragrafu għandhom jikkostitwixxu dħul assenjat f'konformità mal-Artikolu 21(5) tar-Regolament Finanzjarju.

3.   L-ambitu tal-assoċjazzjoni ta' kull pajjiż terz fil-Programm għandu jieħu kont ta' analiżi tal-benefiċċji għall-Unjoni u l-objettiv li jiġi stimolat it-tkabbir ekonomiku fl-Unjoni permezz tal-innovazzjoni. Għaldaqstant, bl-eċċezzjoni tal-membri taż-ŻEE, tal-pajjiżi fil-proċess ta' adeżjoni mal-Unjoni, tal-pajjiżi kandidati u tal-kandidati potenzjali, xi partijiet tal-Programm jistgħu jiġu esklużi minn ftehim ta' assoċjazzjoni ma' xi pajjiż speċifiku.

4.   Il-ftehim ta' assoċjazzjoni għandu jipprevedi, sa fejn possibbli, il-parteċipazzjoni reċiproka tal-entitajiet legali stabbiliti fl-Unjoni fi programmi ekwivalenti tal-pajjiżi assoċjati skont il-kundizzjonijiet stabbiliti f’dawk il-programmi.

5.   Il-kundizzjonijiet li jiddeterminaw il-livell ta' kontribuzzjoni finanzjarja għandhom jiżguraw korrezzjoni awtomatika regolari ta' kwalunkwe żbilanċ sinifikanti meta mqabbel mal-ammont li l-entitajiet stabbiliti fil-pajjiż assoċjat jirċievu permezz tal-parteċipazzjoni fil-Programm, b'kont meħud tal-ispejjeż fil-ġestjoni, l-eżekuzzjoni u l-operat tal-Programm. L-allokazzjoni tal-kontribuzzjonijiet finanzjarji għandhom jieħdu kont tal-livell ta' parteċipazzjoni tal-entitajiet legali tal-pajjiżi assoċjati f'kull parti tal-Programm.

1.   Ir-regoli stabbiliti f'dan it-Titolu ma japplikawx għal azzjonijiet diretti mwettqa mill-JRC.

2.   F'każijiet debitament ġustifikati, il-korpi ta' finanzjament jistgħu jiddevjaw mir-regoli stabbiliti f'dan it-Titolu, bl-eċċezzjoni tal-Artikoli 18, 19 u 20 jekk:

1.   Mingħajr preġudizzju għall-paragrafu 2 ta' dan l-Artikolu, huma biss l-azzjonijiet li jimplimentaw l-objettivi msemmija fl-Artikolu 3 li għandhom ikunu eliġibbli għal finanzjament.

L-oqsma ta' riċerka li ġejjin ma għandhomx jiġu ffinanzjati:

2.   Ir-riċerka fuq iċ-ċelloli staminali umani, kemm adulti kif ukoll tal-embrijuni, tista' tiġi ffinanzjata b'mod li l-finanzjament ikun jiddependi kemm fuq il-kontenut tal-proposta xjentifika kif ukoll fuq il-qafas legali tal-Istati Membri involuti. Ma għandux jingħata finanzjament, la fl-Unjoni u lanqas barra minnha, għal attivitajiet ta' riċerka li huma projbiti fl-Istati Membri kollha. L-ebda finanzjament ma għandu jiġi pprovdut fi Stat Membru għal attività ta' riċerka li tkun projbita f'dak l-Istat Membru.

1.   L-azzjonijiet imwettqa taħt il-Programm għandhom ikunu konformi ma' prinċipji etiċi u l-liġijiet rilevanti tal-Unjoni, nazzjonali u internazzjonali, inklużi l-Karta u l-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali u l-Protokolli Supplimentari tagħha.

Għandha tingħata attenzjoni partikolari lill-prinċipju tal-proporzjonalità, lid-dritt għall-privatezza, lid-dritt għall-protezzjoni tad-data personali, lid-dritt għall-integrità fiżika u mentali ta' persuna, lid-dritt għan-nondiskriminazzjoni u lill-ħtieġa li jiġu żgurati l-ħarsien tal-ambjent u livelli għoljin ta' protezzjoni tas-saħħa umana.

2.   L-entitajiet ġuridiċi li jipparteċipaw f'azzjoni għandhom jipprovdu:

3.   Il-proposti għandhom jiġu skrinjati b'mod sistematiku sabiex jiġu identifikati l-azzjonijiet li jqajmu kwistjonijiet etiċi kumplessi jew serji u jiġu ppreżentati għal valutazzjoni tal-etika. Il-valutazzjoni tal-etika għandha ssir mill-Kummissjoni sakemm ma tiġix delegata lill-korp ta' finanzjament. L-azzjonijiet kollha li jinvolvu l-użu ta' ċelloli staminali tal-embrijuni umani jew embrijuni umani għandhom ikunu soġġetti għal valutazzjoni tal-etika. L-eżamijiet u l-valutazzjonijiet tal-etika għandhom isiru bl-appoġġ ta' esperti tal-etika. Il-Kummissjoni u l-korpi ta' finanzjament għandhom jiżguraw it-trasparenza tal-proċeduri tal-etika mingħajr preġudizzju għall-kunfidenzjalità tal-kontenut ta' dawk il-proċeduri.

4.   L-entitajiet ġuridiċi li jipparteċipaw f'azzjoni għandhom jiksbu l-approvazzjonijiet kollha jew dokumenti mandatorji oħra mingħand il-kumitati tal-etika rilevanti nazzjonali jew lokali jew minn korpi oħrajn bħall-awtoritajiet tal-protezzjoni tad-data qabel jinbdew l-attivitajiet rilevanti. Dawk id-dokumenti għandhom jinżammu maħżuna u jiġu pprovduti lill-Kummissjoni jew lill-korp ta' finanzjament rilevanti meta jintalbu.

5.   Jekk adatt, għandhom jitwettqu kontrolli tal-etika mill-Kummissjoni jew mill-korp ta' finanzjament rilevanti. Għal kwistjonijiet serji jew kumplessi ta' etika, il-kontrolli tal-etika għandhom isiru mill-Kummissjoni sakemm il-Kummissjoni ma tiddelegax dan il-kompitu lill-korp ta' finanzjament.

Il-kontrolli tal-etika għandhom isiru bl-appoġġ ta' esperti tal-etika.

6.   L-azzjonijiet li ma jissodisfawx ir-rekwiżiti tal-etika msemmija fil-paragrafi 1 sa 4 u għalhekk ma jkunux etikament aċċettabbli, għandhom jiġu miċħuda jew terminati ladarba l-inaċċettabilità etika tkun ġiet stabbilita.

1.   L-azzjonijiet imwettqa taħt il-Programm għandhom jikkonformaw mar-regoli applikabbli dwar is-sigurtà u b'mod partikolari r-regoli dwar il-protezzjoni tal-informazzjoni klassifikata kontra żvelar mhux awtorizzat, inkluża konformità ma' kwalunkwe liġi rilevanti tal-Unjoni u nazzjonali. Fil-każ ta' riċerka mwettqa barra l-Unjoni bl-użu jew li tirriżulta fil-ġenerazzjoni ta' informazzjoni klassifikata, għandu jkun ukoll meħtieġ li, barra l-konformità ma' dawk ir-rekwiżiti, ikun ġie konkluż ftehim dwar is-sigurtà bejn l-Unjoni u l-pajjiż terz li fih se titwettaq ir-riċerka.

2.   Fejn ikun adatt, il-proposti għandhom jinkludu awtovalutazzjoni ta' sigurtà li tidentifika kwalunkwe kwistjoni ta' sigurtà u tiddeskrivi kif dawk il-kwistjonijiet se jiġu indirizzati sabiex ikunu konformi mal-liġi rilevanti tal-Unjoni u nazzjonali.

3.   Fejn ikun adatt, il-Kummissjoni jew il-korp ta' finanzjament rilevanti għandhom iwettqu proċedura ta' skrutinju tas-sigurtà għal proposti li jindikaw kwistjonijiet tas-sigurtà.

4.   Fejn xieraq, l-azzjonijiet imwettqa taħt il-Programm għandhom ikunu konformi mad-Deċiżjoni (UE, Euratom) 2015/444 u r-regoli ta' implimentazzjoni tagħha.

5.   L-entitajiet ġuridiċi li jipparteċipaw f'azzjoni għandhom jiżguraw protezzjoni kontra żvelar mhux awtorizzat ta' informazzjoni klassifikata użata jew iġġenerata mill-azzjoni. Huma għandhom jipprovdu prova tal-approvazzjoni tas-sigurtà tal-persunal jew tal-approvazzjoni tas-sigurtà tal-faċilità mill-awtoritajiet rilevanti tas-sigurtà nazzjonali, qabel il-bidu tal-attivitajiet ikkonċernati.

6.   Jekk esperti esterni indipendenti jkollhom jittrattaw informazzjoni klassifikata, l-approvazzjoni adatta tas-sigurtà għandha tkun meħtieġa qabel jinħatru dawk l-esperti.

7.   Fejn ikun adatt, il-Kummissjoni jew il-korp ta' finanzjament rilevanti jistgħu jwettqu kontrolli tas-sigurtà.

8.   L-azzjonijiet li ma jikkonformawx mar-regoli tas-sigurtà taħt dan l-Artikolu jistgħu jiġu miċħuda jew terminati fi kwalunkwe mument.

1.   Kwalunkwe entità ġuridika, irrispettivament mill-post fejn ġiet stabbilita u inklużi entitajiet ġuridiċi minn pajjiżi terzi mhux assoċjati jew organizzazzjoni internazzjonali, tista' tipparteċipa f'azzjonijiet taħt il-Programm, sakemm il-kundizzjonijiet stabbiliti f'dan ir-Regolament ikunu ġew sodisfatti flimkien ma' kwalunkwe kundizzjoni oħra stabbilita fil-programm ta' ħidma jew fis-sejħa għall-proposti.

2.   Ħlief f'każijiet debitament ġustifikati fejn il-programm ta' ħidma jipprevedi mod ieħor, l-entitajiet ġuridiċi li jifformaw konsorzju għandhom ikunu eliġibbli għall-parteċipazzjoni f'azzjonijiet taħt il-Programm sakemm il-konsorzju ikun jinkludi:

3.   L-azzjonijiet ta' riċerka fil-fruntieri tal-għarfien tal-ERC, l-azzjonijiet tal-EIC, l-azzjonijiet ta' taħriġ u ta' mobbilità jew azzjonijiet ta' kofinanzjament ta' programm jistgħu jiġu implimentati minn entità ġuridika waħda jew aktar, sakemm waħda minn dawk l-entitajiet ġuridiċi tkun stabbilita fi Stat Membru jew pajjiż assoċjat abbażi ta' ftehim konkluż f'konformità mal-Artikolu 16.

4.   L-azzjonijiet ta' koordinazzjoni u appoġġ jistgħu jiġu implimentati minn entità ġuridika waħda jew aktar, li tista' tkun stabbilita fi Stat Membru, f'pajjiż assoċjat [jew f'pajjiż terz ieħor.

5.   Għal azzjonijiet relatati mal-assi strateġiċi, l-interessi, is-sigurtà jew l-awtonomija tal-Unjoni, il-programm ta' ħidma jista' jipprevedi li l-parteċipazzjoni tista' tkun limitata għal entitajiet ġuridiċi stabbiliti biss fi Stati Membri jew entitajiet ġuridiċi stabbiliti f'pajjiżi assoċjati jew pajjiżi terzi oħra speċifikati flimkien mal-Istati Membri. Kwalunkwe limitazzjoni tal-parteċipazzjoni ta' entitajiet ġuridiċi stabbiliti f'pajjiżi assoċjati li jkunu membri taż-ŻEE għandha tkun konformi mat-termini u mal-kundizzjonijiet tal-Ftehim dwar iż-Żona Ekonomika Ewropea. Għal raġunijiet debitament ġustifikati u eċċezzjonali, sabiex tiġi ggarantita l-protezzjoni tal-aħjar interessi tal-Unjoni u tal-Istati Membri tagħha, il-programm ta’ ħidma jista’ jeskludi wkoll il-parteċipazzjoni ta’ entitajiet ġuridiċi stabbiliti fl-Unjoni jew f'pajjiżi terzi assoċjati kkontrollati direttament jew indirettament minn pajjiżi terzi mhux assoċjati jew minn entitajiet ġuridiċi ta’ pajjiżi terzi mhux assoċjati minn sejħiet individwali għal proposti, jew jagħmel il-parteċipazzjoni tagħhom soġġetta għal kundizzjonijiet stabbiliti fil-programm ta’ ħidma.

6.   Fejn ikun xieraq u debitament ġustifikat, il-programm ta' ħidma jista' jipprevedi kriterji ta' eliġibbiltà b'żieda ma' dawk stipulati fil-paragrafi 2 sa 5 biex jieħu kont ta' rekwiżiti speċifiċi ta' politika jew tan-natura u l-għanijiet tal-azzjoni, inklużi n-numru ta' entitajiet ġuridiċi, it-tip ta' entità ġuridika u l-post ta' stabbiliment.

7.   Għal azzjonijiet li jibbenefikaw minn ammonti taħt l-Artikolu 15(5), il-parteċipazzjoni għandha tkun limitata għal entità ġuridika waħda stabbilita fil-ġurisdizzjoni tal-awtorità amministrattiva deleganti, ħlief jekk ikun miftiehem mod ieħor ma' dik l-awtorità amministrattiva.

8.   Fejn ikun indikat fil-programm ta' ħidma, il-JRC jista' jipparteċipa f'azzjonijiet.

9.   Il-JRC, organizzazzjonijiet internazzjonali Ewropej tar-riċerka u entitajiet ġuridiċi istitwiti taħt il-liġi tal-Unjoni għandhom jitqiesu bħala stabbiliti fi Stat Membru li tkun differenti minn dawk li fihom ikunu stabbiliti entitajiet ġuridiċi oħra li jipparteċipaw fl-azzjoni.

10.   Għal azzjonijiet ta' riċerka fil-fruntieri tal-għarfien tal-ERC, azzjonijiet ta' taħriġ u ta' mobbiltà u, fejn previst fil-programm ta' ħidma, organizzazzjonijiet internazzjonali bil-kwartieri ġenerali fi Stat Membru jew pajjiż assoċjat għandhom jitqiesu bħala stabbiliti f'dak l-Istat Membru jew pajjiż assoċjat. Għal partijiet oħra tal-Programm, l-organizzazzjonijiet internazzjonali għajr organizzazzjonijiet internazzjonali tar-riċerka Ewropea għandhom jitqiesu bħala stabbiliti f'pajjiż terz mhux assoċjat.

1.   L-entitajiet ġuridiċi għandhom ikunu eliġibbli għall-finanzjament jekk ikunu stabbiliti fi Stat Membru jew f'pajjiż assoċjat. Huma biss l-entitajiet ġuridiċi stabbiliti fil-ġuriżdizzjoni tal-awtorità amministrattiva deleganti li għandhom ikunu eliġibbli għal finanzjament għal azzjonijiet li jibbenefikaw minn ammonti taħt l-Artikolu 15(5), ħlief jekk miftiehem mod ieħor minn dik l-awtorità amministrattiva.

2.   L-entitajiet ġuridiċi stabbiliti f'pajjiż terz mhux assoċjat għandhom iħallsu l-ispejjeż tal-parteċipazzjoni tagħhom. Madankollu, entità ġuridika stabbilita f'pajjiż terz mhux assoċjat bi dħul baxx sa medju u, eċċezzjonalment, pajjiż terz mhux assoċjat ieħor, għandhom ikunu eliġibbli għall-finanzjament f'azzjoni jekk:

3.   L-entitajiet affiljati huma eliġibbli għall-finanzjament f'azzjoni jekk huma stabbiliti fi Stat Membru, f'pajjiż assoċjat, jew f'pajjiż terz identifikat fil-programm ta' ħidma adottat mill-Kummissjoni.

4.   Il-Kummissjoni għandha tagħmel disponibbli fuq bażi regolari lill-Parlament Ewropew u lill-Kunsill informazzjoni dwar l-ammont tal-kontribuzzjonijiet finanzjarji tal-Unjoni pprovduti lil entitajiet stabbiliti f'pajjiżi terzi assoċjati u mhux assoċjati. Fir-rigward tal-pajjiżi assoċjati, dik l-informazzjoni għandha tinkludi wkoll informazzjoni dwar il-bilanċ finanzjarju tagħhom.

1.   Il-kontenut tas-sejħiet għal proposti għall-azzjonijiet kollha għandu jkun inkluż fil-programm ta' ħidma.

2.   Jekk ikun meħtieġ biex jinkisbu l-għanijiet tagħhom, is-sejħiet għal proposti jistgħu, f'każijiet eċċezzjonali, ikunu ristretti biex jiġu żviluppati attivitajiet addizzjonali jew biex jiżdiedu sħab addizzjonali għal azzjonijiet eżistenti. Barra minn hekk, il-programm ta' ħidma jista' jipprevedi l-possibbiltà li entitajiet ġuridiċi minn pajjiżi bi prestazzjoni baxxa fir-R&I jingħaqdu f'attivitajiet kollaborattivi, diġà magħżula, tar-R&I, soġġett għall-qbil tal-konsorzju rispettiv u dment li l-entitajiet ġuridiċi minn tali pajjiżi ma jkunux diġà qed jipparteċipaw fihom.

3.   Mhijiex meħtieġa sejħa għal proposti għal azzjonijiet ta' koordinazzjoni u appoġġ jew għal azzjonijiet ta' kofinanzjament ta' programm li:

4.   Il-programm ta' ħidma għandu jispeċifika s-sejħiet għal proposti li għalihom jistgħu jingħataw Siġilli ta' Eċċellenza. B'awtorizzazzjoni minn qabel mill-applikant, l-informazzjoni li tikkonċerna l-applikazzjoni u l-evalwazzjoni jistgħu jiġu kondiviżi ma' awtoritajiet ta' finanzjament interessati, soġġett għall-konklużjoni ta' ftehimiet ta' konfidenzjalità.

1.   L-azzjonijiet jistgħu jinvolvu jew ikollhom bħala l-għan primarju tagħhom l-akkwist prekummerċjali jew l-akkwist pubbliku ta' soluzzjonijiet innovattivi li għandhom jitwettqu mill-benefiċjarji li jkunu awtoritajiet kontraenti jew entitajiet kontraenti kif definiti fid-Direttivi 2014/24/UE (29) u 2014/25/UE (30) tal-Parlament Ewropew u tal-Kunsill.

2.   Il-proċeduri tal-akkwist:

Fil-każ tal-akkwist prekummerċjali, fejn ikun adatt u mingħajr preġudizzju għall-prinċipji elenkati fil-punt (a), il-proċedura tal-akkwist tista' tkun waħda ssimplifikata u/jew aċċellerata u tista' tipprevedi kundizzjonijiet speċifiċi bħal-limitazzjoni tal-post tal-prestazzjoni tal-attivitajiet akkwistati għat-territorju tal-Istati Membri u tal-pajjiżi assoċjati.

3.   Il-kuntrattur li jiġġenera riżultati fl-akkwist prekummerċjali għandu jkollu s-sjieda mill-inqas tad-drittijiet tal-proprjetà intellettwali relattivi għal dawk ir-riżultati. L-awtoritajiet kontraenti għandhom mill-inqas igawdu d-dritt tal-aċċess mingħajr ħlas ta' drittjiet għar-riżultati għall-użu tagħhom proprju u d-dritt li jagħtu, jew li jirrikjedu mill-kuntratturi parteċipanti li jagħtu, liċenzji mhux esklussivi lil partijiet terzi biex jisfruttaw ir-riżultati għall-awtorità kontraenti taħt kundizzjonijiet ġusti u raġonevoli mingħajr ebda dritt ta' subliċenzjar. Jekk kuntrattur jonqos milli jisfrutta kummerċjalment ir-riżultati fi żmien perjodu partikolari wara l-akkwist prekummerċjali kif identifikat fil-kuntratt, l-awtoritajiet kontraenti, wara li jkunu kkonsultaw il-kuntrattur dwar ir-raġunijiet għan-nuqqas ta' sfruttament, jistgħu jirrikjedu minnu li jittrasferixxi kwalunkwe sjieda tar-riżultati lill-awtoritajiet kontraenti.

1.   Barra mill-eċċezzjonijiet imsemmija fl-Artikolu 198(5) tar-Regolament Finanzjarju, il-kapaċità finanzjarja għandha tiġi vverifikata biss għall-koordinatur u biss jekk il-finanzjament mitlub mill-Unjoni għall-azzjoni jkun ugwali għal jew aktar minn EUR 500 000.

2.   Minkejja l-paragrafu 1, jekk ikun hemm raġunijiet biex tiġi ddubitata l-kapaċità finanzjarja ta' applikant, jew jekk ikun hemm riskju akbar minħabba l-parteċipazzjoni f'diversi azzjonijiet kurrenti ffinanzjati minn programmi tal-Unjoni tar-R&I, il-Kummissjoni jew il-korp ta' finanzjament rilevanti għandhom jivverifikaw ukoll il-kapaċità finanzjarja ta' applikanti oħrajn, jew ta' koordinaturi anke fejn il-finanzjament mitlub ikun taħt il-limitu msemmi fil-paragrafu 1.

3.   Jekk il-kapaċità finanzjarja tkun strutturalment garantita minn entità ġuridika oħra, il-kapaċità finanzjarja tal-entità ġuridika l-oħra għandha tiġi verifikata.

4.   Fil-każ li l-kapaċità finanzjarja tkun żgħira, il-Kummissjoni jew il-korp ta' finanzjament rilevanti jistgħu jagħmlu l-parteċipazzjoni tal-applikant kondizzjonali fuq l-għoti ta' dikjarazzjoni dwar obbligazzjoni in solidum minn entità affiljata.

5.   Il-kontribuzzjoni lejn il-Mekkaniżmu stabbilit fl-Artikolu 37 ta' dan ir-Regolament għandha titqies bħala garanzija suffiċjenti taħt l-Artikolu 152 tar-Regolament Finanzjarju. L-ebda garanzija jew sigurtà addizzjonali ma għandha tiġi aċċettata minn benefiċjarji jew imposta fuqhom.

1.   Proposta għandha tiġi evalwata abbażi tal-kriterji tal-għotja li ġejjin:

2.   Huwa biss il-kriterju msemmi fil-punt (a) tal-paragrafu 1 li għandu japplika għall-proposti għal azzjonijiet ta' riċerka fil-fruntieri tal-għarfien tal-ERC.

3.   Il-programm ta' ħidma għandu jistabbilixxi aktar dettalji dwar l-applikazzjoni tal-kriterji tal-għotja stabbiliti fil-paragrafu 1, inklużi kwalunkwe piż, limitu u fejn rilevanti kwalunkwe regola biex jiġu trattati proposti ex-aequo, b'kont meħud tal-objettivi tas-sejħa għal proposti. Il-kundizzjonijiet biex jiġu ttrattati proposti ex-aequo jistgħu jinkludu, iżda ma għandhomx ikunu limitati għal, il-kriterji li ġejjin: SMEs, ugwaljanza bejn is-sessi u diversità ġeografika.

4.   Il-Kummissjoni u l-korpi ta' finanzjament l-oħra għandhom iqisu l-possibbiltà ta' proċedura ta' preżentazzjoni u ta' evalwazzjoni f'żewġ stadji u, fejn adatt, proposti anonimizzati jistgħu jiġu evalwati matul l-ewwel stadju ta' evalwazzjoni abbażi ta' xi wieħed jew aktar mill-kriterji tal-għoti msemmija fil-paragrafu 1.

1.   Il-proposti għandhom jiġu evalwati mill-kumitat ta' evalwazzjoni li għandu jkun kompost minn esperti esterni indipendenti.

Fil-każ ta' attivitajiet tal-EIC, ta' missjonijiet u f'każijiet debitament ġustifikati kif ikun stabbilit fil-programm ta' ħidma adottat mill-Kummissjoni, il-kumitat ta' evalwazzjoni jista' jkun kompost parzjalment jew, fil-każ ta' azzjonijiet ta' koordinazzjoni u appoġġ, parzjalment jew kollu kemm hu minn rappreżentanti tal-istituzzjonijiet tal-Unjoni jew korpi kif imsemmija fl-Artikolu 150 tar-Regolament Finanzjarju.

Il-proċess ta' evalwazzjoni jista' jiġi segwit minn osservaturi indipendenti.

2.   Fejn ikun applikabbli, il-kumitat ta' evalwazzjoni għandu jikklassifika l-proposti li għaddew il-limiti applikabbli, skont:

Fil-każ tal-attivitajiet tal-EIC, ta' missjonijiet u f'każijiet oħra debitament ġustifikati kif stabbiliti fil-programm ta' ħidma adottat mill-Kummissjoni fid-dettall, il-kumitat ta' evalwazzjoni jista' wkoll jipproponi aġġustamenti għall-proposti sa fejn dawk l-aġġustamenti jkunu meħtieġ għall-konsistenza tal-approċċ tal-portafoll. Dawk l-aġġustamenti għandhom ikunu f'konformità mal-kundizzjonijiet għall-parteċipazzjoni u jikkonformaw mal-prinċipju tat-trattament indaqs. Il-Kumitat tal-Programm għandu jiġi infurmat dwar tali każijiet.

3.   Il-proċess ta' evalwazzjoni għandu jiġi mfassal biex jevita konflitti ta' interess u parzjalità. It-trasparenza tal-kriterji tal-evalwazzjoni u tal-metodu ta' punteġġ tal-proposta għandha tkun garantita.

4.   F'konformità mal-Artikolu 200(7) tar-Regolament Finanzjarju, l-applikanti għandhom jirċievu feedback fl-istadji kollha tal-evalwazzjoni u, fejn il-proposta tiġi miċħuda, ir-raġunijiet għaċ-ċaħda.

5.   L-entitajiet ġuridiċi stabbiliti f’pajjiżi bi prestazzjoni baxxa fir-R&I li pparteċipaw b'suċċess fil-komponent "twessigħ tal-parteċipazzjoni u tixrid tal-eċċellenza" għandhom jirċievu, fuq talba, rekord tal-parteċipazzjoni tagħhom, li jista' jakkumpanja proposti għall-partijiet kollaborattivi tal-Programm li huma jikkoordinaw.

1.   Applikant jista' jitlob reviżjoni ta' evalwazzjoni jekk jikkonsidra li l-proċedura applikabbli ta' evalwazzjoni ma ġietx applikata b'mod korrett għall-proposta tiegħu (31).

2.   Huma biss l-aspetti proċedurali ta' evalwazzjoni li jistgħu ikunu s-suġġett ta' talba għal rieżami ta' evalwazzjoni. L-evalwazzjoni tal-merti ta' proposta ma għandhiex tkun is-suġġett ta' rieżami ta' evalwazzjoni .

3.   Talba għal rieżami ta' evalwazzjoni għandha tkun relatata ma' proposta speċifika u għandha tiġi ppreżentata fi żmien 30 jum wara l-komunikazzjoni tar-riżultati tal-evalwazzjoni.

Kumitat ta' rieżami ta' evalwazzjoni għandu jagħti opinjoni dwar l-aspetti proċedurali tal-evalwazzjoni, u għandu jiġi presedut minn, u jinkludi, membri tal-persunal tal-Kummissjoni jew tal-persunal tal-korp ta' finanzjament rilevanti li ma kinux involuti fl-evalwazzjoni tal-proposti. Il-kumitat ta' rieżami tal-evalwazzjoni jista' jirrakkomanda waħda minn dawn li ġejjin:

4   Rieżami ta' evalwazzjoni ma għandux idewwem il-proċess tal-għażla għal proposti li ma jkunux is-suġġett ta’ dak ir-rieżami.

5.   Il-Kummissjoni għandha tiżgura l-eżistenza ta' proċedura għal parteċipanti biex ikunu jistgħu jagħmlu mistoqsijiet u lmenti diretti dwar l-involviment tagħhom fil-Programm. L-informazzjoni dwar kif wieħed għandu jirreġistra l-mistoqsijiet jew l-ilmenti għandha ssir disponibbli online.

1.   Permezz ta’ deroga mill-ewwel subparagrafu tal-Artikolu 194(2) tar-Regolament Finanzjarju, il-perjodi li ġejjin għandhom japplikaw:

2.   Il-programm ta' ħidma jista' jistabbilixxi perjodi iqsar minn dawk previsti fil-paragrafu 1.

3.   Minbarra l-eċċezzjonijiet stabbiliti fit-tieni subparagrafu tal-Artikolu 194(2) tar-Regolament Finanzjarju, il-limiti tal-perjodi msemmija fil-paragrafu 1 ta' dan l-Artikolu jistgħu jinqabżu fil-każ ta' azzjonijiet tal-ERC, ta' missjonijiet u meta l-azzjonijiet ikunu sottomessi għal valutazzjoni ta’ etika jew għal skrutinju ta’ sigurtà.

1.   Jekk benefiċjarju jonqos milli jikkonforma mal-obbligi tiegħu fir-rigward tal-implimentazzjoni teknika tal-azzjoni, il-benefiċjarji l-oħra għandhom jikkonformaw ma' dawk l-obbligi mingħajr finanzjament addizzjonali mill-Unjoni, sakemm ma jkunux espressament meħlusa minn dak l-obbligu. Ir-responsabbiltà finanzjarja ta' kull benefiċjarju għandha tkun limitata għad-dejn proprju tiegħu, soġġett għad-dispożizzjonijiet relatati mal-Mekkaniżmu.

2.   Il-ftehim tal-għotja jista' jistabbilixxi objettivi intermedji u ħlas parzjali ta' prefinanzjament relatat. Jekk ma jinkisbux l-objettivi intermedji, l-azzjoni tista' tiġi sospiża, emendata jew, fejn ikun debitament ġustifikat, terminata.

3.   Azzjoni tista' tiġi terminata wkoll fejn ir-riżultati mistennija jkunu tilfu r-rilevanza tagħhom għall-Unjoni għal raġunijiet xjentifiċi jew teknoloġiċi jew, fil-każ tal-Aċċeleratur, ukoll għal raġunijiet ekonomiċi jew, fil-każ tal-EIC u ta' missjonijiet, ukoll minħabba r-rilevanza tagħhom bħala parti minn portafoll ta' azzjonijiet. Il-Kummissjoni għandha tgħaddi minn proċedura mal-koordinatur tal-azzjoni u, jekk xieraq, ma’ esperti esterni indipendenti, qabel ma tiddeċiedi li ttemm azzjoni, f'konformità mal-Artikolu 133 tar-Regolament Finanzjarju.

1.   Il-Kummissjoni għandha, f'kooperazzjoni mill-qrib ma' Stati Membri, tfassal mudelli ta' ftehimiet ta' għotja bejn il-Kummissjoni jew il-korp ta' finanzjament rilevanti u l-benefiċjarji f'konformità ma' dan ir-Regolament. Jekk tkun meħtieġa modifika sinifikanti ta’ mudell ta' ftehim ta' għotja għall-fini, fost oħrajn, ta' aktar simplifikazzjoni għall-benefiċjarji, il-Kummissjoni għandha, f'kooperazzjoni mill-qrib mal-Istati Membri, tirrevedi dak il-mudell ta' ftehim ta' għotja kif adatt.

2.   Il-ftehimiet ta' għotja għandhom jistabbilixxu d-drittijiet u l-obbligi tal-parteċipanti u jew tal-Kummissjoni jew tal-korp ta' finanzjament rilevanti f'konformità ma' dan ir-Regolament. Huma għandhom jistabbilixxu wkoll id-drittijiet u l-obbligi ta' entitajiet ġuridiċi li jsiru benefiċjarji matul l-implimentazzjoni tal-azzjoni, kif ukoll ir-rwol u l-kompiti ta' koordinatur.

1.   Għandha tapplika rata unika ta' finanzjament għal kull azzjoni għall-attivitajiet kollha li hija tiffinanzja. Ir-rata massima għal kull azzjoni għandha tiġi stabbilita fil-programm ta' ħidma.

2.   Jistgħu jiġu rimborżati sa 100 % tal-kostijiet eliġibbli totali ta' azzjoni taħt il-Programm, ħlief għal:

3.   Ir-rati ta' finanzjament determinati f'dan l-Artikolu għandhom japplikaw ukoll fil-każ ta' azzjonijiet fejn il-finanzjament ikun iffissat fil-forma ta' rata fissa, ta' kostijiet unitarji jew ta' somma f'daqqa għall-azzjoni sħiħa jew għal parti minnha.

1.   Il-kostijiet eliġibbli indiretti għandhom ikunu 25 % tal-kostijiet eliġibbli diretti totali, esklużi l-kostijiet eliġibbli diretti għal subkuntratti, appoġġ finanzjarju għal partijiet terzi u kwalunkwe kost unitarjujew somma f'daqqa li jinkludu kostijiet indiretti.

Fejn jixraq, il-kostijiet indiretti inklużi f'kostijiet unitarji jew f'somom f'daqqa għandhom jiġu kkalkulati billi tintuża r-rata fissa msemmija fl-ewwel subparagrafu, ħlief għal kostijiet unitarji fil-każ ta' merkanzija u servizzi fatturati internament, li għandhom jiġu kkalkulati abbażi tal-kostijiet attwali, skont il-prattika abitwali ta' kontabbiltà tal-kost tal-benefiċjarji.

2.   Minkejja l-paragrafu 1, jekk previst fil-programm ta' ħidma, il-kostijiet indiretti jistgħu jiġu dikjarati fil-forma ta' somma f'daqqa jew ta' kostijiet unitarji.

1.   Barra mill-kriterji stabbiliti fl-Artikolu 186 tar-Regolament Finanzjarju, għal benefiċjarji b'remunerazzjoni bbażata fuq il-proġett, il-kostijiet tal-persunal huma eliġibbli sar-remunerazzjoni li persuna titħallas għal xogħol fi proġetti tar-R&I ffinanzjati minn skemi nazzjonali inklużi imposti tas-sigurtà soċjali u kostijiet oħra marbuta mar-remunerazzjoni tal-persunal assenjat għall-azzjoni, li jirriżultaw mil-liġi nazzjonali jew mill-kuntratt ta' impjieg.

2.   Permezz ta’ deroga mill-Artikolu 190(1) tar-Regolament Finanzjarju, il-kostijiet tar-riżorsi li jsiru disponibbli minn partijiet terzi permezz ta' kontribuzzjonijiet in natura għandhom ikunu eliġibbli sal-kostijiet eliġibbli diretti tal-parti terza.

3.   Permezz ta’ deroga mill-Artikolu 192 tar-Regolament Finanzjarju, id-dħul iġġenerat mill-isfruttament tar-riżultati ma għandux jitqies bħala riċevuti tal-azzjoni.

4.   Il-benefiċjarji jistgħu jużaw il-prattiki kontabilistiċi abitwali tagħhom biex jidentifikaw u jiddikjaraw il-kostijiet imġarrba b'rabta ma' azzjoni f'konformità mat-termini u l-kundizzjonijiet kollha stabbiliti fil-ftehim ta' għotja, u f'konformità ma' dan ir-Regolament u mal-Artikolu 186 tar-Regolament Finanzjarju.

5.   Permezz ta’ deroga mill-Artikolu 203(4) tar-Regolament Finanzjarju, għandu jkun obbligatorju ċertifikat dwar ir-rendikonti finanzjarji meta jsir il-pagament tal-bilanċ, jekk l-ammont mitlub bħala kostijiet reali u kostijiet unitarji kkalkulat skont il-prattiki abitwali ta' kontabbiltà tal-kost ikun ugwali għal, jew aktar minn, EUR 325 000.

Iċ-ċertifikati dwar ir-rendikonti finanzjarji jistgħu jsiru minn awditur estern approvat jew, fil-każ ta' korpi pubbliċi, jinħarġu minn uffiċjal pubbliku kompetenti u indipendenti f'konformità mal-Artikolu 203(4) tar-Regolament Finanzjarju.

6.   Fejn xieraq, għall-azzjonijiet ta' taħriġ u mobbiltà tal-MSCA, il-kontribuzzjoni tal-Unjoni għandha tieħu kont debitu ta' kwalunkwe spiża addizzjonali tal-benefiċjarju relatata ma' leave tal-maternità, leave tal-ġenituri, leave minħabba mard, leave speċjali jew ma' bidla tal-organizzazzjoni ospitanti tar-reklutaġġ jew ma' bidla fl-istat ċivili tar-riċerkatur matul il-perjodu tal-ftehim ta' għotja.

7.   Il-kostijiet relatati mal-aċċess miftuħ, inklużi l-pjanijiet ta' ġestjoni tad-data, għandhom ikunu eliġibbli għal rimborż kif stipulat aktar fil-ftehim ta' għotja.

1.   B'dan huwa stabbilit mekkaniżmu ta' assigurazzjoni reċiproka (il-"Mekkaniżmu") li għandu jissostitwixxi u jieħu post il-fond imwaqqaf skont l-Artikolu 38 tar-Regolament (UE) Nru 1290/2013. Il-Mekkaniżmu għandu jkopri r-riskju assoċjat man-nuqqas ta' rkupru ta' somom dovuti mill-benefiċjarji:

Il-kopertura tar-riskju fir-rigward tal-korpi ta' finanzjament imsemmija fil-punt (c) tal-ewwel subparagrafu tista' tiġi implimentata permezz ta' sistema ta' kopertura indiretta stabbilita fil-ftehim applikabbli filwaqt li titqies in-natura tal-korp ta' finanzjament.

2.   Il-Mekkaniżmu għandu jiġi ġestit mill-Unjoni, rappreżentata mill-Kummissjoni li taġixxi bħala aġent eżekuttiv. Il-Kummissjoni għandha tistabbilixxi regoli speċifiċi għall-operazzjoni tal-Mekkaniżmu.

3.   Il-benefiċjarji għandhom jagħmlu kontribuzzjoni ta' 5% tal-finanzjament tal-Unjoni għall-azzjoni. Abbażi ta' evalwazzjonijiet trasparenti perjodiċi, il-Kummissjoni tista' żżid dik il-kontribuzzjoni sa 8% jew tnaqqasha għal inqas minn 5%. Il-kontribuzzjoni tal-benefiċjarji għall-Mekkaniżmu għandha tiġi kkumpensata mill-prefinanzjament inizjali u titħallas lill-Mekkaniżmu f'isem il-benefiċjarji. Dik il-kontribuzzjoni ma għandhiex teċċedi l-ammont tal-prefinanzjament inizjali.

4.   Il-kontribuzzjoni tal-benefiċjarji għandha tingħata lura meta jsir il-pagament tal-bilanċ.

5.   Kwalunkwe ritorn finanzjarju ġġenerat mill-Mekkaniżmu għandu jiżdied mal-Mekkaniżmu. Jekk ir-ritorn ikun insuffiċjenti, il-Mekkaniżmu ma għandux jintervjeni, u l-Kummissjoni jew il-korp ta' finanzjament rilevanti għandhom jirkupraw kwalunkwe ammont dovut direttament mill-benefiċjarji jew minn partijiet terzi.

6.   L-ammonti rkuprati għandhom jikkostitwixxu dħul assenjat lill-Mekkaniżmu fis-sens tal-Artikolu 21(5) tar-Regolament Finanzjarju. Ladarba l-għotjiet kollha li r-riskju għalihom ikun kopert direttament jew indirettament mill-Mekkaniżmu jkunu ngħataw kompletament, kwalunkwe somma li jkun għad fadal għandha tiġi rkuprata mill-Kummissjoni u mdaħħla fil-baġit tal-Unjoni, soġġett għad-deċiżjonijiet tal-awtorità leġiżlattiva.

7.   Il-Mekkaniżmu jista' jiġi estiż għall-benefiċjarji ta' kwalunkwe programm ieħor tal-Unjoni li jkun direttament ġestit. Il-Kummissjoni għandha tadotta l-kundizzjonijiet għall-parteċipazzjoni tal-benefiċjarji ta' programmi oħrajn.

1.   Il-benefiċjarji għandhom ikunu s-sidien tar-riżultati li huma jiġġeneraw. Huma għandhom jiżguraw li kwalunkwe dritt tal-impjegati tagħhom jew ta' kwalunkwe parti oħra fir-rigward tar-riżultati jista' jiġi eżerċitat b'mod kompatibbli mal-obbligi tal-benefiċjarji taħt il-ftehim tal-għotja.

Żewġ benefiċjarji jew aktar għandhom ikunu s-sidien b'mod konġunt tar-riżultati fejn:

Is-sidien konġunti għandhom jiftiehmu bil-miktub dwar l-allokazzjoni u t-termini tal-eżerċizzju tas-sjieda konġunta tagħhom. Sakemm ma jiġix miftiehem mod ieħor fil-ftehim tal-konsorzju jew fil-ftehim ta' sjieda konġunta, kull sid konġunt jista' jagħti liċenzji mhux esklussivi lil partijiet terzi sabiex jisfruttaw ir-riżultati li tagħhom ikun sid b'mod konġunt (mingħajr ebda dritt ta' subliċenzjar), jekk is-sidien konġunti l-oħra jingħataw notifika minn qabel u kumpens ġust u raġonevoli. Is-sidien konġunti jistgħu jiftiehmu bil-miktub li japplikaw sistema oħra minflok sjieda konġunta.

2.   Il-benefiċjarji li jkunu rċevew finanzjament mill-Unjoni għandhom jipproteġu b'mod adegwat ir-riżultati tagħhom jekk il-protezzjoni tkun possibbli u ġustifikata, waqt li jqisu l-kunsiderazzjonijiet kollha rilevanti, inklużi l-prospetti għall-isfruttament kummerċjali u kwalunkwe interess leġittimu ieħor. Meta jiddeċiedu dwar il-protezzjoni, il-benefiċjarji għandhom jikkunsidraw ukoll l-interessi leġittimi tal-benefiċjarji l-oħra fl-azzjoni.

1.   Kull benefiċjarju li jkun irċieva finanzjament mill-Unjoni għandu juża l-aqwa sforzi tiegħu biex jisfrutta r-riżultati tiegħu, jew jara li jiġu sfruttati minn entità ġuridika oħra. L-isfruttament jista' jsir direttament mill-benefiċjarji jew indirettament b'mod partikolari permezz tat-trasferiment u l-liċenzjar tar-riżultati skont l-Artikolu 40.

Il-programm ta' ħidma jista' jipprevedi obbligi addizzjonali ta' sfruttament.

Jekk, minkejja l-akbar sforzi ta' benefiċjarju sabiex jisfrutta r-riżultati tiegħu direttament jew indirettament, ma jsir ebda sfruttament tar-riżultati fi żmien perjodu partikolari kif stabbilit fil-ftehim tal-għotja, il-benefiċjarju għandu juża pjattaforma online adatta kif identifikata fil-ftehim tal-għotja biex isib partijiet ikkonċernati sabiex jisfruttaw dawk ir-riżultati. Il-benefiċjarju jista' jiġi eżonerat minn dak l-obbligu fuq talba tal-benefiċjarju jekk dan ikun iġġustifikat.

2.   Il-benefiċjarji għandhom jiddisseminaw ir-riżultati tagħhom malli jkun fattibbli, f'format disponibbli għall-pubbliku, soġġett għal kwalunkwe restrizzjoni minħabba l-protezzjoni tal-proprjetà intellettwali, ir-regoli tas-sigurtà jew interessi leġittimi.

Il-programm ta' ħidma jista' jipprevedi obbligi addizzjonali ta' disseminazzjoni filwaqt li jissalvagwardja l-interessi ekonomiċi u xjentifiċi tal-Unjoni.

3.   Il-benefiċjarji għandhom jiżguraw li l-aċċess miftuħ għall-pubblikazzjonijiet xjentifiċi japplika taħt it-termini u l-kundizzjonijiet stabbiliti fil-ftehim tal-għotja. B'mod partikulari, il-benefiċjarji għandhom jiżguraw li huma jew l-awturi jżommu biżżejjed drittijiet tal-proprjetà intellettwali sabiex jikkonformaw mar-rekwiżiti tagħhom ta' aċċess miftuħ.

L-aċċess miftuħ għad-data tar-riċerka għandu jkun ir-regola ġenerali taħt it-termini u l-kundizzjonijiet stabbiliti fil-ftehim tal-għotja, filwaqt li jiżgura l-possibbiltà ta' eċċezzjonijiet skont il-prinċipju "miftuħ kemm jista' jkun, magħluq kemm meħtieġ", filwaqt li jittieħdu f'kunsiderazzjoni l-interessi leġittimi tal-benefiċjarji inklużi l-isfruttament kummerċjali u kwalunkwe restrizzjoni, bħal regoli tal-protezzjoni tad-data, privatezza, kunfidenzjalità, sigrieti kummerċjali, l-interessi kompetittivi tal-Unjoni, regoli tas-sigurtà jew drittijiet tal-proprjetà intellettwali.

Il-programm ta' ħidma jista' jipprevedi inċentivi jew obbligi addizzjonali għall-fini tal-adeżjoni ma' prattiki tax-xjenza miftuħa.

4.   Il-benefiċjarji għandhom jamministraw id-data tar-riċerka kollha ġġenerata f'azzjoni taħt il-Programm skont il-prinċipji FAIR u f'konformità mal-ftehim tal-għotja u għandhom jistabbilixxu Pjan ta' Ġestjoni tad-Data.

Il-programm ta' ħidma jista' jipprevedi, fejn ġustifikat, obbligi addizzjonali li jintuża l-EOSC għall-ħżin u l-għoti tal-aċċess għad-data tar-riċerka.

5.   Il-benefiċjarji li jkollhom l-intenzjoni li jiddisseminaw ir-riżultati tagħhom għandhom jinnotifikaw minn qabel lill-benefiċjarji l-oħra fl-azzjoni. Kwalunkwe benefiċjarju ieħor jista' joġġezzjona jekk jista' juri li d-disseminazzjoni tar-riżultati tkun ta' dannu sinifikanti għall-interessi leġittimi tiegħu fir-rigward tar-riżultati jew tat-tagħrif eżistenti tiegħu. F'tali każijiet, ir-riżultati ma għandhomx jiġu disseminati sakemm ma jittieħdux passi adatti biex ikunu salvagwardjati dawk l-interessi leġittimi.

6.   Sakemm il-programm ta' ħidma ma jipprevedix mod ieħor, il-proposti għandhom jinkludu pjan għall-isfruttament u d-disseminazzjoni tar-riżultati. Jekk l-isfruttament mistenni tar-riżultati jinvolvi l-iżvilupp, il-ħolqien, il-manifattura u l-kummerċjalizzazzjoni ta' prodott jew proċess, jew il-ħolqien u l-għoti ta' servizz, il-pjan għandu jinkludi strateġija għal tali sfruttament. Jekk il-pjan jipprevedi l-isfruttament tar-riżultati primarjament f'pajjiżi terzi mhux assoċjati, l-entitajiet ġuridiċi għandhom jispjegaw kif dak l-isfruttament għandu jibqa' jitqies bħala fl-interess tal-Unjoni.

Il-benefiċjarji għandhom jaġġornaw il-pjan għall-isfruttament u d-disseminazzjoni tar-riżultati matul, u wara t-tmiem ta', l-azzjoni, f'konformità mal-ftehim ta' għotja.

7.   Għall-finijiet tal-monitoraġġ u tad-disseminazzjoni mill-Kummissjoni jew mill-korp ta' finanzjament rilevanti, il-benefiċjarji għandhom jipprovdu kwalunkwe informazzjoni miluba dwar l-isfruttament u d-disseminazzjoni tar-riżultati tagħhom, f'konformità mal-ftehim ta' għotja. Soġġett għall-interessi leġittimi tal-benefiċjarji, tali informazzjoni għandha ssir disponibbli għall-pubbliku.

1.   Il-benefiċjarji jistgħu jittrasferixxu s-sjieda tar-riżultati tagħhom. Huma għandhom jiżguraw li l-obbligi tagħhom japplikaw ukoll għas-sid il-ġdid u li dan tal-aħħar ikollu l-obbligu li jgħaddihom lil ħaddieħor fi kwalunkwe trasferiment sussegwenti.

2.   Sakemm ma jkunx miftiehem mod ieħor bil-miktub għal partijiet terzi speċifikament identifikati, inklużi entitajiet affiljati, jew sakemm ikun ma jkunx impossibbli taħt il-liġi applikabbli, il-benefiċjarji li jkollhom l-intenzjoni li jittrasferixxu s-sjieda tar-riżultati għandhom jinnotifikaw minn qabel lil kwalunkwe benefiċjarju ieħor li jkun għad għandu drittijiet ta' aċċess għar-riżultati. In-notifika għandha tinkludi informazzjoni suffiċjenti dwar is-sid il-ġdid biex benefiċjarju jkun jista' jivvaluta l-effetti fuq id-drittijiet ta' aċċess tiegħu.

Sakemm ma jkunx miftiehem mod ieħor bil-miktub għal partijiet terzi speċifikament identifikati, inklużi entitajiet affiljati, benefiċjarju jista' joġġezzjona għat-trasferiment tas-sjieda ta' riżultati minn benefiċjarju ieħor jekk ikun jista' juri li t-trasferiment ser jaffettwalu ħażin id-drittijiet ta' aċċess tiegħu. F'dan il-każ, it-trasferiment ma għandux iseħħ sakemm ma jkunx intlaħaq ftehim bejn il-benefiċjarji kkonċernati. Il-ftehim tal-għotja għandu jistabbilixxi skadenzi f'dan ir-rigward.

3.   Il-benefiċjarji jistgħu jagħtu liċenzji għar-riżultati tagħhom jew b'mod ieħor jagħtu d-dritt tal-isfruttament tagħhom, inkluż fuq bażi esklussiva, jekk dan ma jkunx jaffettwa l-konformità mal-obbligi tagħhom. Jistgħu jingħataw liċenzji esklussivi għal riżultati soġġett għall-kunsens mill-parteċipanti l-oħra kollha kkonċernati li huma jirrinunzjaw għad-drittijiet ta' aċċess tagħhom għalihom.

4.   Fejn ġustifikat, il-ftehim dwar l-għotja għandu jipprevedi d-dritt għall-Kummissjoni jew għall-korp ta' finanzjament rilevanti li joġġezzjonaw għal trasferimenti ta' sjieda tar-riżultati, jew għal għotjiet ta' liċenzja esklussiva fir-rigward tar-riżultati, jekk:

Jekk ikun previst id-dritt ta' oġġezzjoni, il-benefiċjarju għandu jinnotifika minn qabel l-intenzjoni tiegħu li jittrasferixxi s-sjieda tar-riżultati jew li jagħti liċenzja esklussiva fir-rigward tar-riżultati. Id-dritt ta' oġġezzjoni jista' jiġi rrinunzjat bil-miktub rigward trasferimenti jew għotjiet lil entitajiet ġuridiċi identifikati speċifikament jekk hemm fis-seħħ miżuri li jissalvagwardjaw l-interessi tal-Unjoni.

1.   It-talbiet biex jiġu eżerċitati drittijiet ta' aċċess u r-rinunzji ta’ drittijiet ta' aċċess għandhom isiru bil-miktub.

2.   Sakemm ma jkunx miftiehem mod ieħor ma' min jagħti l-konċessjoni, id-drittijiet tal-aċċess ma għandhomx jinkludu d-dritt ta' subliċenzjar.

3.   Qabel ma jaċċedu għall-ftehim tal-għotja, il-benefiċjarji għandhom jinfurmaw lil xulxin dwar kwalunkwe restrizzjoni għall-għoti ta' aċċess għat-tagħrif eżistenti tagħhom.

4.   Jekk benefiċjarju m'għadux aktar involut f'azzjoni, dan ma għandux jaffettwa l-obbligi tiegħu li jagħti aċċess.

5.   Jekk benefiċjarju jonqos milli jadempixxi l-obbligi tiegħu, il-benefiċjarji jistgħu jaqblu li dak il-benefiċjarju ma jkollux aktar drittijiet ta' aċċess.

6.   Il-benefiċjarji għandhom jagħtu aċċess għal:

7.   Sakemm ma jkunx miftiehem mod ieħor mill-benefiċjarji, huma għandhom ukoll jagħtu aċċess għar-riżultati tagħhom u, soġġett għal kwalunkwe restrizzjoni msemmija fil-paragrafu 3, għat-tagħrif eżistenti tagħhom lil entità ġuridika li:

L-aċċess għandu jingħata taħt kundizzjonijiet ġusti u raġonevoli li jridu jiġu miftiehma.

8.   Talba għal aċċess għal skopijiet ta' sfruttament tista' ssir sa sena wara t-tmiem tal-azzjoni, sakemm il-benefiċjarji ma jaqblux dwar limitu ta' żmien differenti.

9.   Il-benefiċjarji li jkunu rċevew finanzjament mill-Unjoni għandhom jagħtu l-aċċess għar-riżultati tagħhom mingħajr ħlas ta' drittjiet lill-istituzzjonijiet, il-korpi, l-uffiċċji jew l-aġenziji tal-Unjoni għall-iżvilupp, l-implimentazzjoni u l-monitoraġġ tal-politiki jew il-programmi tal-Unjoni. L-aċċess għandu jkun limitat għall-użu mhux kummerċajli u mhux kompetittiv.

Tali drittijiet ta' aċċess ma għandhomx jestendu għat-tagħrif eżistenti tal-benefiċjarji.

F'azzjonijiet taħt ir-raggruppament "Sigurtà Ċivili għas-Soċjetà", il-benefiċjarji li jkunu rċevew finanzjament mill-Unjoni għandhom ukoll jagħtu aċċess għar-riżultati tagħhom mingħajr ħlas ta' drittjiet lill-awtoritajiet nazzjonali tal-Istati Membri, għall-iżvilupp, l-implimentazzjoni u l-monitoraġġ tal-politiki jew il-programmi tagħhom f'dak il-qasam. L-aċċess għandu jkun limitat għal użu mhux kummerċajli u mhux kompetittiv u għandu jkun soġġett għal ftehim bilaterali li jiddefinixxi l-kundizzjonijiet speċifiċi bil-għan li jiġi żgurat li dawk id-drittijiet ta’ aċċess jintużaw biss għall-fini maħsub u li jkunu fis-seħħ obbligi ta' kunfidenzjalità adatti. L-Istat Membru, l-istituzzjoni, il-korp, l-uffiċċju jew l-aġenzija tal-Unjoni li jagħmlu t-talba għandhom jinnotifikaw lill-Istati Membri kollha dwar tali talbiet.

10.   Il-programm ta' ħidma jista' jipprevedi, fejn xieraq, drittijiet ta' aċċess addizzjonali.

1.   Dispożizzjonijiet speċifiċi dwar is-sjieda, l-isfruttament u d-disseminazzjoni, it-trasferiment u l-liċenzjar kif ukoll dwar id-drittijiet tal-aċċess jistgħu japplikaw għall-azzjonijiet tal-ERC, l-azzjonijiet ta' taħriġ u ta' mobbilità, l-azzjonijiet ta' akkwist prekummerċjali, l-azzjonijiet ta' akkwist pubbliku ta' soluzzjonijiet innovattivi, l-azzjonijiet ta' kofinanzjament ta' programm u l-azzjonijiet ta' koordinazzjoni u appoġġ.

2.   Id-dispożizzjonijiet speċifiċi msemmija fil-paragrafu 1 għandhom jiġu stipulati fil-ftehim ta' għotja u ma għandhomx ibiddlu l-prinċipji u l-obbligi dwar l-aċċess miftuħ.

1.   Sakemm ma jkunx speċifikat mod ieħor f'dan il-Kapitolu, il-premjijiet ta' inkoraġġiment jew ta' rikonoxximent taħt il-Programm għandhom jingħataw u jiġu ġestiti skont it-Titolu IX tar-Regolament Finanzjarju.

2.   Sakemm ma jkunx previst mod ieħor fil-programm ta' ħidma jew fir-regoli tal-kontestazzjoni, kwalunkwe entità ġuridika, irrispettivament mill-post ta' stabbiliment tagħha, tista' tipparteċipa f'kontestazzjoni.

3.   Il-Kummissjoni jew il-korp ta' finanzjament rilevanti jistgħu, fejn xieraq, jorganizzaw kontestazzjonijiet għal premjijiet ma':

4.   Il-programmi ta' ħidma jew ir-regoli tal-kontestazzjonijiet għandhom jinkludu obbligi dwar il-komunikazzjoni u, fejn xieraq, l-isfruttament, id-disseminazzjoni, is-sjieda u d-drittijiet ta' aċċess, inklużi dispożizzjonijiet dwar il-liċenzjar.

1.   Sakemm ma jkunx speċifikat mod ieħor f'dan il-Kapitolu, l-akkwist taħt il-Programm għandu jsir skont it-Titolu VII tar-Regolament Finanzjarju.

2.   L-akkwist jista' wkoll jieħu l-forma ta' akkwist pre-kummerċjali jew ta' akkwist pubbliku ta' soluzzjonijiet innovattivi mwettqa mill-Kummissjoni jew mill-korp ta' finanzjament rilevanti għan-nom tagħhom stess jew b'mod konġunt ma' awtoritajiet kontraenti minn Stati Membri u pajjiżi assoċjati. F'tali każijiet, għandhom japplikaw ir-regoli stabbiliti fl-Artikolu 26.

1.   Il-komponenti tal-għotja u tal-avvanzi rimborsabbli tal-finanzjament imħallat tal-Orizzont Ewropa u tal-finanzjament imħallat tal-EIC għandhom ikunu soġġetti għall-Artikoli 34 sa 37.

2.   Il-finanzjament imħallat tal-EIC għandu jiġi implimentat skont l-Artikolu 48 ta’ dan ir-Regolament. L-appoġġ taħt il-finanzjament imħallat tal-EIC jista' jingħata sa meta l-azzjoni tkun tista' tiġi ffinanzjata bħala operazzjoni ta' taħlit jew bħala operazzjoni ta' finanzjament u investiment kompletament koperta mill-garanzija tal-Unjoni taħt il-Programm InvestEU. Permezz ta’ deroga mill-Artikolu 209 tar-Regolament Finanzjarju, il-kundizzjonijiet stabbiliti fil-paragrafu 2 ta' dak l-Artikolu u, b'mod partikolari, il-punti (a) u (d) tiegħu, ma għandhomx japplikaw meta ssir l-għotja ta' finanzjament imħallat tal-EIC.

3.   Il-finanzjament imħallat tal-Orizzont Ewropa jista' jingħata lil azzjoni ta' kofinanzjament ta' programm fejn programm konġunt ta' Stati Membri u pajjiżi assoċjati jipprevedi l-użu ta' strumenti finanzjarji b'appoġġ ta' azzjonijiet magħżula. L-evalwazzjoni u l-għażla ta' tali azzjonijiet għandhom isiru skont l-Artikoli 15, 23, 24, 27, 28 u 29. Il-kundizzjonijiet għall-implimentazzjoni tal-finanzjament imħallat tal-Orizzont Ewropa għandhom jikkonformaw mal-Artikolu 32 b'analoġija mal-Artikolu 48(10) u ma' kwalunkwe kundizzjoni addizzjonali u ġustifikata stabbilita fil-programm ta' ħidma.

4.   Il-ħlasijiet lura inklużi l-avvanzi rimborżati u d-dħul tal-finanzjament imħallat tal-Orizzont Ewropa u l-finanzjament imħallat tal-EIC għandhom jitqiesu bħala dħul assenjat intern skont il-punt (f) tal-Artikolu 21(3) u l-Artikolu 21(4) tar-Regolament Finanzjarju.

5.   Il-finanzjament imħallat tal-Orizzont Ewropa u l-finanzjament imħallat tal-EIC għandhom ikunu provduti b'mod li jippromwovi l-kompetittività tal-Unjoni filwaqt li ma jfixkilx il-kompetizzjoni fis-suq intern.

1.   Il-Pathfinder għandu jipprovdi għotjiet lil proġetti innovattivi ta' riskju għoli, implimentati minn konsorzji jew benefiċjarji singoli, bil-għan li jiġu żviluppati innovazzjonijiet radikali u opportunitajiet ġodda għas-suq. Il-Pathfinder għandu jipprovdi appoġġ għall-istadji bikrija ta' riċerka u żvilupp xjentifiċi, teknoloġiċi jew teknoloġikament avvanzati, inklużi l-prova ta' kunċett u l-prototipi għall-validazzjoni teknoloġika.

Il-Pathfinder għandu jiġi implimentat primarjament permezz ta' sejħa miftuħa għal proposti minn isfel għal fuq b'dati ta' skadenza regolari kull sena u għandu jipprevedi wkoll sfidi kompetittivi sabiex jiġu żviluppati objettivi strateġiċi ewlenin li jeħtieġu ħsieb kemm teknoloġikament avvanzat kif ukoll radikali.

2.   L-attivitajiet ta' transizzjoni tal-Pathfinder għandhom jgħinu lil kull tip ta' riċerkaturi u l-innovaturi jiżviluppaw il-mogħdija għall-iżvilupp kummerċjali fl-Unjoni, bħall-attivitajiet ta' dimostrazzjoni u l-istudji tal-fattibbiltà biex jivvalutaw każijiet kummerċjali potenzjali, u għandhom jappoġġaw il-ħolqien ta' spin-offs u ta' negozji ġodda.

It-tnedija u l-kontenut tas-sejħiet għal proposti għall-attivitajiet ta' transizzjoni tal-Pathfinder għandhom jiġu determinati b'kont meħud tal-għanijiet u l-baġit stabbiliti mill-programm ta' ħidma b'rabta mal-portafoll ta' azzjonijiet ikkonċernat.

Jistgħu jingħataw għotjiet addizzjonali ta' ammont fiss li ma jaqbiżx il-EUR 50 000 lil kull proposta diġà magħżula taħt il-Pathfinder, u fejn rilevanti l-attivitajiet ta' transizzjoni tal-Pathfinder, permezz ta' sejħa għal proposti, biex jitwettqu azzjonijiet komplementari, inklużi azzjonijiet urġenti ta' koordinazzjoni u ta' appoġġ, għat-tisħiħ tal-komunità ta' benefiċjarji tal-portafoll, bħall-valutazzjoni ta' spin-offs possibbli, innovazzjonijiet li potenzjalment joħolqu suq jew l-iżvilupp ta' pjan ta' negozju. Il-Kumitat tal-Programm stabbilit taħt il-programm speċifiku għandu jkun infurmat b'tali każijiet.

3.   Il-kriterji tal-għoti msemmija fl-Artikolu 28 għandhom japplikaw għall-Pathfinder.

1.   L-Aċċeleratur għandu jkollu l-għan li, essenzjalment, jappoġġa l-innovazzjoni li toħloq suq. Huwa għandu jappoġġa biss benefiċjarji singoli u għandu prinċipalment jipprovdi finanzjament imħallat. Taħt ċerti kundizzjonijiet, jista' jipprovdi wkoll appoġġi f'forma ta' għotja biss u f'forma ta' ishma biss.

L-aċċeleratur għandu jipprovdi it-tipi ta' appoġġ li ġejjin:

L-appoġġ f'forma ta' għotja biss taħt l-Aċċeleratur għandu jiġi pprovdut biss taħt il-kundizzjonijiet kumulattivi li ġejjin:

2.   Il-benefiċjarju tal-Aċċeleratur għandu jkun entità ġuridika, li tikkwalifika bħala negozju ġdid, SME jew f'każijiet eċċezzjonali bħala mid-cap żgħira li jkollha l-intenzjoni li tespandi, stabbilita fi Stat Membru jew f'pajjiż assoċjat. Il-proposta tista' tiġi ppreżentata mill-benefiċjarju, jew, soġġett għal qbil minn qabel mill-benefiċjarju, minn persuna fiżika jew entità ġuridika, waħda jew aktar, li jkollhom l-intenzjoni li jistabbilixxu jew jappoġġjaw lil dak il-benefiċjarju. Fil-każ tal-aħħar, il-ftehim ta' finanzjament għandu jiġi ffirmat biss mal-benefiċjarju.

3.   Deċiżjoni unika tal-għotja għandha tkopri u tipprovdi finanzjament għal kull forma ta' kontribuzzjoni tal-Unjoni prevista taħt finanzjament imħallat tal-EIC.

4.   Il-proposti għandhom jiġu evalwati fuq il-merti individwali tagħhom minn esperti esterni indipendenti u magħżula għall-finanzjament permezz ta' sejħa miftuħa għal proposti b'dati ta' skadenza, ibbażata fuq l-Artikoli minn 27, 28 u 29, soġġett għall-paragrafu 5 ta' dan l-Artikolu.

5.   Il-proposti ppreżentati għandhom jiġu evalwati fuq il-bażi tal-kriterji tal-għoti li ġejjin:

6.   Bil-qbil tal-applikanti kkonċernati, il-Kummissjoni jew il-korpi ta' finanzjament li jimplimentaw il-Programm (inklużi il-KKIs tal-EIT’s) jistgħu jippreżentaw, direttament għall-evalwazzjoni taħt il-kriterju tal-għoti msemmi fil-punt (c) tal-paragrafu 4, proposta għal azzjoni ta' innovazzjoni u ta' użu fis-suq li diġà tissodisfa il-kriterji tal-għoti msemmija fil-punti (a) u (b) tal-paragrafu 4, soġġett għall-kundizzjonijiet kumulattivi li ġejjin:

7.   Jista' jingħata Siġill ta' Eċċellenza soġġett għall-kundizzjonijiet kumulattivi li ġejjin:

8.   Fil-każ ta' proposta li tkun għaddiet mill-evalwazzjoni, l-esperti esterni indipendenti għandhom jipproponu appoġġ korrispondenti tal-Aċċeleratur, ibbażat fuq ir-riskju affaċċjat u r-riżorsi u l-ħin meħtieġa biex l-innovazzjoni tinġieb u tintuża fis-suq.

Il-Kummissjoni tista' tiċħad, għal raġunijiet ġustifikati, proposta tal-esperti esterni indipendenti, inkluż minħabba nuqqas ta' konformità mal-għanijiet tal-politiki tal-Unjoni. Il-Kumitat tal-Programm għandu jiġi infurmat bir-raġunijiet għal tali ċaħda.

9.   Il-komponent tal-għotja jew tal-avvanz rimborsabbli tal-appoġġ tal-Aċċeleratur ma għandux jeċċedi 70 % tal-kostijiet eliġibbli totali tal-azzjoni magħżula ta' innovazzjoni.

10.   Il-kundizzjonijiet tal-implimentazzjoni tal-komponenti tal-ishma u tal-appoġġ ripagabbli tal-appoġġ tal-Aċċeleratur huma stipulati fid-Deċiżjoni (UE) 2021/764.

11.   Il-kuntratt għall-azzjoni magħżula għandu jistabbilixxi objettivi intermedji speċifiċi li jistgħu jitkejlu kif ukoll il-prefinanzjament u l-pagamenti bin-nifs korrispondenti tal-appoġġ tal-Aċċeleratur.

Fil-każ tal-finanzjament imħallat tal-EIC, jistgħu jiġu varati attivitajiet li jikkorrispondu għal azzjoni ta' innovazzjoni u jitħallas l-ewwel prefinanzjament tal-għotja jew l-avvanz rimborsabbli, qabel l-implimentazzjoni ta' komponenti oħra tal-finanzjament imħallat mogħti mill-EIC. L-implimentazzjoni ta' dawk il-komponenti għandha tkun soġġetta għall-kisba ta' objettivi intermedji speċifiċi stabbiliti fil-kuntratt.

12.   F'konformità mal-kuntratt, l-azzjoni għandha tiġi sospiża, emendata jew, jekk ikun debitament ġustifikat, terminata jekk ma jinkisbux objettivi intermedji li jistgħu jitkejlu. Tista' tiġi terminata wkoll fejn l-użu mistenni fis-suq, speċjalment fl-Unjoni, ma jkunx jista' jitwettaq.

F'każijiet eċċezzjonali u fuq parir mill-bord tal-EIC, il-Kummissjoni tista' tiddeċiedi li żżid l-appoġġ tal-Aċċeleratur soġġett għal rieżami tal-proġett minn esperti esterni indipendenti. Il-Kumitat tal-Programm għandu jiġi infurmat b'tali każijiet.

1.   L-esperti esterni indipendenti għandhom jiġu identifikati u magħżula abbażi ta' sejħiet għal espressjonijiet ta' interess minn individwi u permezz ta' sejħiet indirizzati lil organizzazzjonijiet rilevanti, bħal aġenziji ta' riċerka, istituzzjonijiet ta' riċerka, universitajiet, organizzazzjonijiet ta' standardizzazzjoni, organizzazzjoni tas-soċjetà ċivili, jew impriżi bil-għan li tiġi stabbilita bażi ta' data ta' kandidati.

Permezz ta’ deroga mill-Artikolu 237(3) tar-Regolament Finanzjarju, il-Kummissjoni jew il-korp ta' finanzjament rilevanti jistgħu, b'mod eċċezzjonali u f'każijiet debitament iġġustifikati, jagħżlu b'mod trasparenti kwalunkwe individwu espert bil-ħiliet adatti mhux inkluż fil-bażi ta' data, dment li sejħa għal espressjoni ta' interess ma tkunx identifikat esperti esterni indipendenti adegwati.

Tali esperti għandhom jiddikjaraw l-indipendenza u l-kapaċità tagħhom biex jappoġġaw l-objettivi tal-Programm.

2.   F'konformità mal-Artikolu 237(2) u (3) tar-Regolament Finanzjarju, l-esperti esterni indipendenti għandhom jiġu remunerati abbażi ta' kundizzjonijiet standard. Jekk ikun iġġustifikat, u f'każijiet eċċezzjonali, jista' jingħata livell adatt ta' remunerazzjoni li jiżboq il-kundizzjonijiet standard ibbażati fuq standards rilevanti tas-suq, speċjalment għal esperti speċifiċi ta' livell għoli. Tali spejjeż għandhom jiġu koperti mill-Programm.

3.   Barra mill-informazzjoni msemmija fl-Artikolu 38(2) u (3) tar-Regolament Finanzjarju, l-ismijiet ta' esperti esterni indipendenti li jevalwaw l-applikazzjonijiet għal għotjiet, li jiġu maħtura f'kapaċità personali, għandhom jiġu ppubblikati, flimkien mal-qasam ta' kompetenza esperta tagħhom, mill-inqas darba fis-sena fil-website tal-Kummissjoni jew tal-korp ta' finanzjament. Tali informazzjoni għandha tinġabar, tiġi pproċessata u ppubblikata f'konformità mar-Regolament (UE) 2018/1725 tal-Parlament Ewropew u tal-Kunsill (33).

4.   Il-Kummissjoni jew il-korp ta' finanzjament rilevanti għandhom jieħdu l-miżuri adatti biex jevitaw konflitti ta' interess fir-rigward tal-involviment ta' esperti esterni indipendenti f'konformità mal-Artikolu 61 u l-Artikolu 150(5) tar-Regolament Finanzjarju.

Il-Kummissjoni jew il-korp ta' finanzjament rilevanti għandhom jiżguraw li espert li jiffaċċja konflitt ta' interess fir-rigward ta' materja li fuqha l-espert ikun meħtieġ jipprovdi opinjoni ma jagħtix evalwazjoni, parir jew assistenza dwar il-materja speċifika fil-kwistjoni.

5.   Meta jaħtru esperti esterni indipendenti, il-Kummissjoni jew il-korp ta' finanzjament rilevanti għandhom jieħdu l-miżuri adatti biex jippruvaw jiksbu kompożizzjoni bbilanċjata fi ħdan il-gruppi tal-esperti u l-bordijiet ta' evalwazzjoni fir-rigward ta' ħiliet, esperjenza, għarfien, inkluż fir-rigward ta' speċjalizzazzjoni, b'mod partikolari dwar l-SSH, id-diversità ġeografika u s-sess, b'kont meħud tas-sitwazzjoni fil-qasam tal-azzjoni.

6.   Fejn xieraq, għal kull proposta għandu jiġi żgurat għadd adegwat ta' esperti esterni indipendenti sabiex tkun garantita l-kwalità tal-evalwazzjoni.

7.   L-informazzjoni dwar il-livell ta' remunerazzjoni tal-esperti esterni indipendenti kollha għandu jsir disponibbli għall-Parlament Ewropew u għall-Kunsill.

1.   Il-Kummissjoni għandha timmonitorja kontinwament il-ġestjoni u l-implimentazzjoni tal-Programm, tal-programm speċifiku msemmi fil-punti (a) tal-Artikolu1(2) u tal-attivitajiet tal-EIT. Sabiex tiżdied it-trasparenza, id-data għandha ssir disponibbli għall-pubbliku wkoll b'mod aċċessibbli fil-website tal-Kummissjoni skont l-aħħar aġġornament. B'mod partikolari, id-data għal proġetti ffinanzjati taħt l-ERC, is-Sħubiji Ewropej, il-missjonijiet, l-EIC u l-EIT għandha tiġi inkluża fl-istess bażi ta' data.

Il-bażi ta' data għandha tinkludi:

2.   Sabiex tiġi żgurata l-valutazzjoni effettiva tal-progress tal-Programm lejn il-kisba tal-għanijiet tiegħu, il-Kummissjoni hija mogħtija s-setgħa li tadotta atti delegati skont l-Artikolu 55 biex temenda l-Anness V fir-rigward tal-indikaturi tad-direzzjoni tal-impatt, fejn ikun meqjus neċessarju, u biex tistabbilixxi linji ta' referenza u miri kif ukoll biex tissupplimenta dan ir-Regolament b’dispożizzjonijiet dwar l-istabbiliment ta’ qafas ta’ monitoraġġ u evalwazzjoni.

3.   Is-sistema ta' rappurtar dwar il-prestazzjoni għandha tiżgura li d-data għall-monitoraġġ tal-implimentazzjoni u r-riżultati tal-Programm jinġabru b'mod effiċjenti, effettiv u f'waqtu, mingħajr ma jiżdied il-piż amministrattiv għall-benefiċjarji. Għal dan il-għan, għandhom jiġu imposti rekwiżiti proporzjonati ta' rappurtar fuq dawk li jirċievu l-fondi tal-Unjoni, inkluż fil-livell tar-riċerkaturi involuti fl-azzjonijiet sabiex ikunu jistgħu jiġu segwiti fil-karriera u l-mobbiltà tagħhom, u, fejn xieraq, fuq l-Istati Membri.

4.   L-analiżi kwalitattiva mill-Kummissjoni u mill-korpi ta' finanzjament tal-Unjoni jew nazzjonali għandha tikkomplementa kemm jista' jkun id-data kwantitattiva.

5.   Il-miżuri bil-għan li jiffaċilitaw rabtiet ta' kollaborazzjoni fil-qasam Ewropew tar-R&I għandhom jiġu monitorjati u rieżaminati fil-kuntest tal-programmi ta' ħidma.

1.   Dawk li jirċievu l-finanzjament tal-Unjoni għandhom jirrikonoxxu l-oriġini ta’ dawk il-fondi u jiżguraw il-viżibbiltà tal-finanzjament tal-Unjoni, b'mod partikolari meta jippromwovu l-azzjonijiet u r-riżultati tagħhom (inkluż għall-premji), billi jipprovdu informazzjoni mmirata li tkun koerenti, effettiva u proporzjonata lil diversi udjenzi, inklużi l-media u l-pubbliku.

2.   Il-Kummissjoni għandha timplimenta azzjonijiet ta' informazzjoni u ta' komunikazzjoni relatati mal-Programm, ma' azzjonijiet taħt il-Programm u mar-riżultati miksuba. Barra minn hekk, għandha tipprovdi informazzjoni dettaljata u f'waqtha lill-Istati Membri u lill-benefiċjarji. Għandhom jiġu pprovduti servizzi ta' tlaqqigħ ibbażati fuq l-evidenza li jkunu informati mill-analitika u affinitajiet tan-netwerks lill-entitajiet interessati sabiex jgħaqqdu konsorzji għal proġetti kollaborattivi, b'attenzjoni partikolari għall-identifikazzjoni ta' opportunitajiet ta' netwerking għal entitajiet ġuridiċi minn pajjiżi bi prestazzjoni baxxa fir-R&I. Fuq il-bażi ta' tali analiżi, jistgħu jiġu organizzati avvenimenti mmirati ta' tlaqqigħ li jservu ta' sejħiet speċifiċi għall-proposti.

3.   Il-Kummissjoni għandha tistabbilixxi wkoll strateġija ta' disseminazzjoni u sfruttament li żżid id-disponibbiltà u t-tixrid kemm tar-riżultati tar-R&I kif ukoll tal-għarfien tal-Programm biex jiġi aċċellerat l-isfruttament lejn l-adozzjoni mis-suq u jitqawwa l-impatt tal-Programm.

4.   Ir-riżorsi finanzjarji allokati lill-Programm għandhom jikkontribwixxu wkoll għall-komunikazzjoni korporattiva tal-prijoritajiet politiċi tal-Unjoni kif ukoll għal attivitajiet ta' informazzjoni, komunikazzjoni, pubbliċità, disseminazzjoni u sfruttament sa fejn dawk il-prijoritajiet ikunu relatati mal-għanijiet imsemmija fl-Artikolu 3.

1.   L-evalwazzjonijiet tal-programm għandhom jitwettqu b'mod f'waqtu sabiex jikkontribwixxu għall-proċess deċiżjonali tal-Programm, il-programm qafas suċċessur tiegħu u inizjattivi oħra rilevanti għar-R&I.

2.   L-evalwazzjoni interim tal-Programm għandha titwettaq bl-assistenza ta' esperti indipendenti magħżula abbażi ta' proċess trasparenti ladarba jkun hemm biżżejjed informazzjoni disponibbli dwar l-implimentazzjoni tal-Programm, iżda mhux aktar tard minn erba' snin wara l-bidu tal-implimentazzjoni tal-programm. Hija għandha tinkludi analiżi tal-portafoll u valutazzjoni tal-impatt fit-tul ta' programmi qafas preċedenti u għandha tifforma l-bażi biex jiġi aġġustat jew riorjentat il-Programm, skont il-każ. Hija għandha tivvaluta l-Programm f'termini ta' effikaċja, effiċjenza, rilevanza, koerenza u valur miżjud tal-Unjoni.

3.   Fi tmiem l-implimentazzjoni tal-Programm, iżda mhux aktar tard minn erba' snin wara t-tmiem tal-perijodu speċifikat fl-Artikolu 1, għandha titlesta, mill-Kummissjoni, evalwazzjoni finali tal-Programm. Hija għandha tinkludi valutazzjoni tal-impatt fit-tul ta' programmi qafas preċedenti.

4.   Il-Kummissjoni għandha tippubblika u tikkomunika l-konklużjonijiet tal-evalwazzjonijiet, akkumpanjati mill-osservazzjonijiet tagħha, u għandha tippreżentahom lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.

1.   Is-sistema ta' kontroll għall-Programm għandha tiżgura bilanċ adegwat bejn il-fiduċja u l-kontroll, filwaqt li jitqiesu l-kostijiet amministrattivi u kostijiet oħra tal-kontrolli fil-livelli kollha, speċjalment għall-benefiċjarji. Ir-regoli tal-awditjar għandhom ikunu ċari, konsistenti u koerenti tul il-Programm.

2.   L-istrateġija tal-awditi għall-Programm għandha tkun ibbażata fuq l-awditu finanzjarju ta' kampjun rappreżentattiv tan-nefqa fil-firxa tal-Programm kollu. Il-kampjun rappreżentattiv għandu jkun ikkomplementat b'għażla bbażata fuq valutazzjoni tar-riskji relatati man-nefqa. L-azzjonijiet li jirċievu finanzjament konġunt minn programmi differenti tal-Unjoni għandhom jiġu awditjati darba biss, u dan għandu jkopri l-programmi kollha involuti u r-regoli applikabbli rispettivi tagħhom.

3.   Barra minn hekk, il-Kummissjoni jew il-korp ta' finanzjament rilevanti jistgħu jiddependu fuq awditi ta' sistemi u proċessi fil-livell tal-benefiċjarji. Dawk l-awditi għandhom ikunu fakultattivi għal ċerti tipi ta' benefiċjarji u għandhom jeżaminaw is-sistemi u l-proċessi ta' benefiċjarju, ikkomplementati minn awditu tat-tranżazzjonijiet. Għandhom isiru minn awditur indipendenti kompetenti li jkun ikkwalifikat biex iwettaq awditi statutorji ta' dokumenti kontabilistiċi f'konformità mad-Direttiva 2006/43/KE tal-Parlament Ewropew u tal-Kunsill (34). L-awditi ta' sistemi u proċessi jistgħu jintużaw mill-Kummissjoni jew mill-korp ta' finanzjament rilevanti sabiex jiddeterminaw l-assigurazzjoni ġenerali dwar il-ġestjoni finanzjarja tajba tan-nefqa u għall-kunsiderazzjoni mill-ġdid tal-livell tal-awditi u ċ-ċertifikati dwar dikjarazzjonijiet finanzjarji.

4.   F'konformità mal-Artikolu 127 tar-Regolament Finanzjarju, il-Kummissjoni jew il-korp ta' finanzjament jistgħu jiddependu fuq awditi dwar l-użu ta' kontribuzzjonijiet tal-Unjoni mwettqa minn persuni jew entitajiet oħra li jkunu indipendenti u kompetenti, inkluż minn min ma jkollux mandat mill-istituzzjonijiet jew korpi tal-Unjoni.

5.   L-awditi jistgħu jitwettqu sa sentejn wara l-pagament tal-bilanċ.

6.   Il-Kummissjoni għandha tippubblika linji gwida dwar l-awditjar, bil-għan li tiżgura applikazzjoni u interpretazzjoni affidabbli u uniformi tal-proċeduri u r-regoli tal-awditjar matul il-perijodu kollu tal-Programm.

1.   Is-setgħa ta' adozzjoni ta' atti delegati hija mogħtija lill-Kummissjoni soġġett għall-kundizzjonijiet stabbiliti f'dan l-Artikolu.

2.   Is-setgħa ta' adozzjoni ta' atti delegati msemmija fl-Artikolu 50(2) hija mogħtija lill-Kummissjoni sal-31 ta' Diċembru 2028.

3.   Id-delega tas-setgħa msemmija fl-Artikolu 50(2) tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni ta' revoka għandha ttemm id-delega tas-setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. Ma għandhiex taffettwa l-validità ta' kwalunkwe att delegat li diġà jkun fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 50(2) għandu jidħol fis-seħħ biss jekk l-ebda oġġezzjoni ma tkun ġiet espressa jew mill-Parlament Ewropew jew mill-Kunsill fi żmien perijodu ta' xahrejn min-notifika ta' dak l-att lill-Parlament Ewropew u lill-Kunsill jew jekk, qabel l-iskadenza ta' dak il-perijodu, il-Parlament Ewropew u l-Kunsill ikunu t-tnejn li huma għarrfu lill-Kummissjoni li mhumiex ser joġġezzjonaw. Dak il-perijodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

1.   Dan ir-Regolament m'għandux jaffettwa l-kontinwazzjoni jew il-modifika ta' azzjonijiet mibdija taħt ir-Regolamenti (UE) Nru 1290/2013 u (UE) Nru 1291/2013 li għandhom jibqgħu japplikaw għal dawk l-azzjonijiet sal-għeluq tagħhom. Il-programmi ta' ħidma u l-azzjonijiet previsti fil-pjanijiet ta' ħidma adottati taħt ir-Regolament (UE) Nru 1290/2013 u taħt l-atti bażiċi korrispondenti tal-korpi ta' finanzjament għandhom ukoll jibqgħu regolati mir-Regolament (UE) Nru 1290/2013 u minn dawk l-atti bażiċi sat-tlestija tagħhom.

2.   Il-pakkett finanzjarju għall-Programm jista' jkopri wkoll l-ispejjeż tal-assistenza teknika u amministrattiva li jkunu meħtieġa biex tiġi żgurata t-transizzjoni bejn il-Programm u l-miżuri adottati skont ir-Regolament (UE) Nru 1291/2013.