29.1.2008 |
MT |
Il-Ġurnal Uffiċjali ta’ l-Unjoni Ewropea |
L 24/6 |
REGOLAMENT TAL-KUMMISSJONI (KE) Nru 77/2008
tat-28 ta’ Jannar 2008
li jiffisa l-obbligi għall-konsenja għaz-zokkor tal-kannamieli li għandu jiġi importat taħt il-Protokoll ta' l-AKP u l-Ftehim ma' l-Indja għall-perjodu ta' konsenja 2007/2008
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 318/2006 ta' l-20 ta' Frar 2006 dwar l-organizzazzjoni komuni tas-swieq fis-settur taz-zokkor (1), u b'mod partikolari l-Artikolu 31 tiegħu,
Billi:
(1) |
L-Artikolu 12 tar-Regolament tal-Kummissjoni (KE) Nru 950/2006 tat-28 ta' Ġunju 2006 li jistabbilixxi regoli ddettaljati ta' applikazzjoni għas-snin tas-suq 2006/2007, 2007/2008 u 2008/2009 għall-importazzjoni u l-irfinar tal-prodotti taz-zokkor skond ċerti kwoti tariffarji u ftehimiet preferenzjali (2) jipprovdi għal regoli ddettaljati għall-iffissar ta' l-obbligi tal-konsenja bħala mingħajr dazju għal prodotti li jaqgħu taħt il-kodiċi NM 1701, espressi f'ekwivalenti ta' zokkor abjad, għall-importazzjonijiet li joriġinaw f'pajjiżi li huma firmatarji għall-Protokoll ta' l-AKP u l-Ftehim ma' l-Indja. |
(2) |
L-applikazzjoni ta' l-Artikoli 3 u 7 tal-Protokoll AKP, l-Artikoli 3 u 7 tal-Ftehim ma' l-Indja u l-Artikolu 12(3) u l-Artikoli 14 u 15 tar-Regolament (KE) Nru 950/2006 wasslu lill-Kummissjoni biex tiffissa l-obbligi tal-konsenja għal kull pajjiż ta' esportazzjoni għall-perjodu ta' esportazzjoni 2007/2008 fuq il-bażi ta' l-informazzjoni kurrentement disponibbli. |
(3) |
Ir-Regolament tal-Kummissjoni (KE) Nru 505/2007 (3) jiffissa proviżorjament obbligi ta’ konsenja għal zokkor tal-kannamieli li għandu jiġi impurtat taħt il-Protokoll AKP u l-Ftehim ma’ l-Indja għall-perjodu ta’ konsenja 2007/2008. |
(4) |
Huwa għalhekk neċessarju li jiġu stabbiliti l-obbligi għall-konsenja għall-perjodu 2007/2008 skond il-punt (b) ta' l-Artikolu 12(2) tar-Regolament (KE) Nru 950/2006 |
(5) |
Il-miżuri pprovduti f'dan ir-Regolament huma f'konformità ma' l-opinjoni tal-Kumitat tal-Ġestjoni taz-Zokkor, |
ADOTTAT DAN IR-REGOLAMENT:
Artikolu 1
L-obbligi ta' konsenja għall-importazzjonijiet li joriġinaw fil-pajjiżi firmatarji għall-Protokoll ta' l-AKP u għall-Ftehim ma' l-Indja fir-rigward ta' prodotti li jaqgħu taħt il-kodiċi NM 1701, espressi f'ekwivalenti ta' zokkor abjad, fil-perjodu għall-konsenja 2007/2008 għal kull pajjiż ta' esportazzjoni kkonċernat, għandhom ikunu kif stabbiliti fl-Anness.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta’ Jannar 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 58, 28.2.2006, p. 1. Ir-Regolament kif emendat l-aħħar bir-Regolament (KE) Nru 1260/2007 (ĠU L 283, 27.10.2007, p. 1).
(2) ĠU L 178, 1.7.2006, p. 1. Ir-Regolament kif emendat l-aħħar bir-Regolament (KE) Nru 371/2007 (ĠU L 92, 3.4.2007, p. 6).
(3) ĠU L 119, 9.5.2007, p. 22.
ANNESS
L-obbligi għall-kunsinni ta' l-importazzjonijiet ta' zokkor preferenzjali li joriġina fil-pajjiżi firmatarji għall-Protokoll ta' l-AKP u għall-Ftehim ma' l-Indja espressi f'ekwivalenti ta' tunnellati ta' zokkor abjad, għall-perjodu 2007/2008:
(tunnellati) |
|
Protokoll ta' l-AKP jew għall-Ftehim ma' l-Indja. Pajjiżi firmatarji |
Obbligi ta' konsenja 2007/2008 |
Il-Barbados |
32 864,83 |
Il-Beliże |
53 741,88 |
Il-Kongo |
10 186,10 |
Il-Kosta ta' l-Avorju |
10 123,12 |
Il-Fiġi |
162 656,25 |
Il-Gujana |
170 203,57 |
L-Indja |
9 999,83 |
Il-Ġamajka |
132 129,06 |
Il-Kenja |
5 017,07 |
Il-Madagaskar |
9 905,00 |
Il-Malawi |
19 898,32 |
Il-Mawrizju |
476 789,70 |
Il-Możambik |
5 965,92 |
Saint Kitts u Nevis |
0,00 |
Is-Surinam |
0,00 |
Is-Sważiland |
117 368,72 |
It-Tanzanija |
9 672,60 |
It-Trinidad u t-Tobago |
47 513,60 |
L-Uganda |
0,00 |
Iż-Żambja |
8 179,91 |
Iż-Żimbabwe |
37 660,14 |
Total |
1 319 875,62 |