Iris Oifigiúil |
GA Sraith L |
2024/1038 |
10.4.2024 |
RIALACHÁN (AE) 2024/1038 ÓN gCOIMISIÚN
an 9 Aibreán 2024
lena leasaítear Rialachán (AE) Uimh. 2023/915 a mhéid a bhaineann le huasleibhéil tocsainí T-2 agus HT-2 i mbia
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CEE) Uimh. 315/93 ón gComhairle an 8 Feabhra 1993 lena leagtar síos nósanna imeachta Comhphobail maidir le héilleáin i mbia (1), agus go háirithe Airteagal 2(3) de,
De bharr an mhéid seo a leanas:
(1) |
Le Rialachán (CE) Uimh. 2023/915 (2) ón gCoimisiún socraítear uasleibhéil le haghaidh éilleáin áirithe i mbia. |
(2) |
Míceatocsainí is ea iad tocsainí T-2 agus HT-2 arna dtáirgeadh ag speicis éagsúla Fusarium. Meitibilítear an tocsain T-2 chuig líon mór táirgí go tapa, agus príomhmheitibilít is ea an tocsain HT-2. |
(3) |
In 2018 ghlac an tÚdarás Eorpach um Shábháilteacht Bia (‘an tÚdarás’) tuairim eolaíoch maidir leis na rioscaí a d'fhéadfadh a bheith i gceist do shláinte ainmhithe agus do shláinte an phobail de bharr láithreacht tocsainí T-2 agus HT-2 i mbeatha agus i mbia. (3). Bhunaigh an tÚdarás iontógáil laethúil infhulaingthe (TDI) grúpa ina bhfuil 0,1 μg/kg de mheáchan coirp (bw) do shuim thocsainí T-2 agus HT-2. Tugtar le fios le meastacháin maidir le teagmháil chothúcháin ainsealach an duine le suim tocsainí T-2 agus HT-2, meastacháin atá bunaithe ar na sonraí tarluithe atá ar fáil, go raibh daoine i ngach aoisghrúpa faoin TDI grúpa, agus dá bhrí sin níorbh ábhar imní láithreach iad ó thaobh na sláinte de. |
(4) |
Agus conclúidí thuairim eolaíoch2011 á gcur san áireamh, glacadh Moladh 2013/165/AE ón gCoimisiún (4) chun tuilleadh sonraí a bhailiú maidir le tocsainí T-2 agus HT-2 i ngránaigh agus i dtáirgí gránach, chun tuiscint níos fearr a fháil ar an athrú sa mhinicíocht ó bhliain go bliain agus chun tuilleadh faisnéise a bhailiú maidir le tionchar na próiseála bia (e.g. cócaireacht) agus tosca agranamaíocha ar láithreacht tocsainí T-2 agus HT-2. |
(5) |
In 2017, ghlac an tÚdarás tuairim eolaíoch maidir lena iomchuí a bhí sé luach treoraíochta grúpa sláintebhunaithe a shocrú do thocsainí T-2 agus HT-2 agus a bhfoirmeacha modhnaithe (5). Socraíodh géardháileog thagartha ghrúpa (ARfD) arb é atá inti 0,3 μg/kg de mheáchan coirp do shuim thocsainí T-2 agus HT-2 agus a bhfoirmeacha modhnaithe. Ina theannta sin, socraíodh TDI grúpa do shuim thocsainí T-2 agus HT-2 agus a bhfoirmeacha modhnaithe arb é atá ann 0,02 μg/kg de mheáchan coirp , a tháinig in ionad an TDI grúpa a bhí ann roimhe sin (0,1 μg/kg de mheáchan coirp). |
(6) |
Ina theannta sin, d'fhoilsigh an tÚdarás tuarascáil eolaíoch in 2017 maidir le teagmháil chothúcháin daoine agus ainmhithe le tocsainí T-2 agus HT-2 (6). Níor tugadh le fios sa mheastachán ar an ngéartheagmháil chothúcháin go raibh an ARfD grúpa arna bhunú ag an Údarás á shárú. I gcásanna áirithe a bhain le teagmháil chothúcháin ainsealach bia, bhí sárú beag ann ar an TDI grúpa i gcás naíonán, lapadán agus leanaí eile, áfach, agus ag leibhéil arda teagmhála i measc déagóirí, rud a léiríonn go bhfuil imní féideartha ann don tsláinte. |
(7) |
Chun leibhéal ard cosanta sláinte poiblí a áirithiú, dá bhrí sin, tá sé iomchuí uasleibhéil a bhunú maidir le láithreacht tocsainí T-2 agus HT-2 i mbia, agus na sonraí tarluithe is déanaí á gcur san áireamh. Ní bhaineann na huasleibhéil reatha ach le suim foirmeacha modhnaithe tocsainí T-2 agus HT-2, áfach, toisc nach bhfuil ach sonraí tarluithe an-srianta ar fáil, agus toisc nach bhfuil aon ghnáthmhodh anailíse ar fáil chun anailís a dhéanamh orthu. |
(8) |
Chun a áirithiú go gcuirfear dea-chleachtais talmhaíochta i bhfeidhm chun láithreacht tocsainí T-2 agus HT-2 a laghdú i ngránaigh, tá sé tábhachtach uasleibhéal a leagan síos do ghránaigh neamhphróiseáilte. Ós rud é go gcuirtear coirce neamhphróiseáilte ar an margadh agus an crotal air roimh an muilleáil, nó sula gcuirtear le táirgí gránaigh é lena gcur ar an margadh don tomhaltóir deiridh, ba cheart na huasleibhéil do thocsainí T-2 agus HT-2 i ngráinní coirce neamhphróiseáilte a chur i bhfeidhm maidir le gráinní coirce neamhphróiseáilte a bhfuil an crotal orthu, fiú amháin mura bhfuil an crotal inite. |
(9) |
Ós rud é go bhfuil na rátaí tarluithe tocsainí T-2 agus HT-2 is airde ann i ngráinní coirce, tá sé tábhachtach go ndéanfar iarrachtaí breise láithreacht tocsainí T-2 agus HT-2 i ngráinní coirce a laghdú a thuilleadh agus go gcuirfear an Coimisiún ar an eolas maidir leis an dul chun cinn a dhéantar agus maidir leis na sonraí tarluithe nua, d'fhonn uasleibhéil tocsainí T-2 agus HT-2 a laghdú a thuilleadh i ngráinní coirce agus táirgí grán coirce sa todhchaí. |
(10) |
Dá bhrí sin, ba cheart Rialachán (AE) 2023/195 a leasú dá réir. |
(11) |
Is iomchuí foráil a dhéanamh maidir le hidirthréimhse do bhia a cuireadh ar an margadh go dleathach roimh dháta chur i bhfeidhm an Rialacháin seo agus é á chur san áireamh go bhfuil seilfré fhada ag bianna áirithe a chumhdaítear leis an Rialachán seo. |
(12) |
Chun é a chur ar a gcumas d'oibreoirí eacnamaíocha ullmhú do na rialacha nua arna dtabhairt isteach leis an Rialachán seo, is iomchuí foráil a dhéanamh maidir le tréimhse réasúnach go dtí go mbeidh na huasleibhéil nua i bhfeidhm. |
(13) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) 2023/915 mar a leanas:
(1) |
In Airteagal 8, cuirtear mír 5 seo a leanas leis: ‘5. Faoin 1 Eanáir 2028, cuirfidh na Ballstáit agus na páirtithe leasmhara in iúl don Choimisiún torthaí na n-imscrúduithe a rinneadh agus an dul chun cinn a rinneadh maidir le bearta coisctheacha a chur i bhfeidhm chun éilliú ó thocsainí T-2 agus HT-2 a sheachaint i ngráinní coirce agus i dtáirgí grán coirce. Cuirfidh na Ballstáit agus na páirtithe leasmhara tuarascálacha faoi bhráid an Údaráis ar bhonn tráthrialta maidir leis na sonraí tarluithe a bhaineann le tocsainí T-2 agus HT-2 i ngráinní coirce agus i dtáirgí grán coirce’. |
(2) |
Leasaítear Iarscríbhinn I i gcomhréir leis an Iarscríbhinn a ghabhann leis an Rialachán seo. |
Airteagal 2
Bia a liostaítear san Iarscríbhinn a chuirtear ar an margadh go dleathach roimh an 1 Iúil 2024, féadfaidh sé fanacht ar an margadh go dtí an dáta íosmharthanachta nó an dáta deiridh úsáide.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Iúil 2024.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 9 Aibreán 2024.
Thar ceann an Choimisiúin
An tUachtarán
Ursula VON DER LEYEN
(1) IO L 37, 13.2.1993, lch. 1.
(2) Rialachán (AE) 2023/915 ón gCoimisiún an 25 Aibreán 2023 maidir le huasleibhéil le haghaidh éilleáin áirithe i mbia agus lena n-aisghairtear Rialachán (CE) Uimh. 1881/2006 (IO L 119, 5.5.2023, lch. 103).
(3) Scientific opinion on the risks for animal and public health related to the presence of T-2 and HT-2 toxin in food and feed. [Tuairim eolaíoch maidir leis na rioscaí a d'fhéadfadh a bheith i gceist do shláinte ainmhithe agus don phobal de bharr láithreacht tocsainí T-2 agus HT-2 i mbeatha agus i mbia.]. (EFSA Journal [Iris EPSA] 2011;9(12):2481, https://doi.org/10.2903/j.efsa.2011.2481).
(4) Moladh 2013/165/AE ón gCoimisiún an 27 Márta 2013 maidir le láithreacht thocsain T-2 agus HT-2 i ngránaigh agus i dtáirgí gránach (IO L 91, 3.4.2013, lch. 12).
(5) Tuairim eolaíoch maidir lena iomchuí atá sé luach treoraíochta grúpa sláintebhunaithe a shocrú do thocsain T2 agus HT2 agus a fhoirmeacha modhnaithe: (EFSA Journal [Iris EFSA], 2017;15(1):4655, https://doi.org/10.2903/j.efsa.2017.4655).
(6) Tuarascáil eolaíoch maidir le teagmháil chothúcháin daoine agus ainmhithe le tocsain T-2 agus HT-2. (EFSA Journal [Iris EFSA], 2017;15(8):4972, https://doi.org/10.2903/j.efsa.2017.4972).
IARSCRÍBHINN
Cuirtear an iontráil seo a leanas 1.9 (Míceatocsainí T-2 agus HT-2) isteach i roinn 1 (Míceatocsainí) d'Iarscríbhinn I a ghabhann le Rialachán (AE) 2023/915:
‘1.9 |
Tocsainí T-2 agus HT-2 |
Uasleibhéal (μg/kg) |
Tráchtanna |
|
|
Suim tocsainí T-2 agus HT-2 |
Maidir le suim tocsainí T-2 agus HT-2, tagraíonn uasleibhéil do thiúchain cuimse íochtair, a ríomhtar ag glacadh leis gurb ionann na luachanna go léir faoi bhun na teorann cainníochtaithe agus nialas. |
1.9.1 |
Gráinní gránaigh neamhphróiseáilte seachas táirgí a liostaítear in 1.9.1.1., 1.9.1.2, 1.9.1.3 agus 1.9.1.4 |
50 |
Seachas gráinní arbhair Indiaigh neamhphróiseáilte atá le próiseáil trí fhliuchmhuilleáil agus seachas rís. Tá feidhm ag an uasleibhéal maidir le gráinní gránaigh neamhphróiseáilte a chuirtear ar an margadh le haghaidh próiseáil chéadchéime (6). |
1.9.1.1 |
Gráinní eorna bhraiche neamhphróiseáilte |
200 |
Tá feidhm ag an uasleibhéal maidir le gráinní eorna bhraiche neamhphróiseáilte a chuirtear ar an margadh le haghaidh próiseáil chéadchéime (6). |
1.9.1.2 |
Gráinní eorna neamhphróiseáilte seachas gráinní eorna bhraiche |
150 |
Tá feidhm ag an uasleibhéal maidir le gráinní eorna neamhphróiseáilte a chuirtear ar an margadh le haghaidh próiseáil chéadchéime (6). |
1.9.1.3 |
Gráinní arbhair Indiaigh neamhphróiseáilte agus gráinní cruithneachta crua neamhphróiseáilte |
100 |
Seachas gráinní arbhair Indiaigh neamhphróiseáilte a bhfuil sé soiléir ina leith e.g. trí lipéadú nó trí cheann scríbe, go bhfuil sé beartaithe iad a úsáid i bpróiseas fliuchmhuilleáil amháin (táirgeadh stáirse). Tá feidhm ag an uasleibhéal maidir le gráinní arbhair Indiaigh neamhphróiseáilte agus gráinní cruithneachta crua neamhphróiseáilte a chuirtear ar an margadh le haghaidh próiseáil chéadchéime (6). |
1.9.1.4 |
Gráinní coirce neamhphróiseáilte a bhfuil crotal do-ite orthu |
1 250 |
Tá feidhm ag an uasleibhéal maidir le gráinní coirce neamhphróiseáilte a bhfuil crotal orthu a chuirtear ar an margadh le haghaidh próiseáil chéadchéime (6). Tá feidhm ag an uasleibhéal maidir leis na gráinní coirce a bhfuil an crotal do-ite orthu. |
1.9.2 |
Gránaigh a chuirtear ar an margadh don tomhaltóir deiridh seachas táirgí a liostaítear in 1.9.2.1 agus 1.9.2.2 |
20 |
Seachas rís. |
1.9.2.1 |
Coirce a chuirtear ar an margadh don tomhaltóir deiridh |
100 |
|
1.9.2.2 |
Eorna, arbhar Indiach agus cruithneacht crua a chuirtear ar an margadh don tomhaltóir deiridh |
50 |
|
1.9.3 |
Táirgí muilleála gránach seachas na táirgí a liostaítear in 1.9.3.1 agus 1.9.3.2 |
20 |
Seachas táirgí muilleála ríse. |
1.9.3.1 |
Táirgí muilleála coirce (lena n-áirítear bran coirce) |
100 |
|
1.9.3.2 |
Bran ó ghránaigh seachas coirce agus táirgí muilleála arbhair Indiaigh |
50 |
|
1.9.4 |
Earraí bácála seachas na táirgí a liostaítear in 1.9.5, pasta, sneaiceanna gránaigh agus gránaigh bricfeasta seachas na táirgí a liostaítear in 1.9.6, 1.9.7 agus 1.9.8 |
20 |
Seachas táirgí ríse. Lena n-áirítear earraí beaga bácála. Ciallaíonn pasta pasta (tirim) le cion uisce de thart ar 12 %. |
1.9.5 |
Earraí bácála ina bhfuil 80 % ar a laghad de tháirgí muilleála coirce |
100 |
Seachas táirgí ríse. Lena n-áirítear earraí beaga bácála. |
1.9.6 |
Calóga coirce |
100 |
|
1.9.7 |
Gránaigh bricfeasta ina bhfuil 50 % ar a laghad de bhran gránaigh, táirgí muilleála gráinní coirce, táirgí muilleála gráinní arbhair Indiaigh, slánghráinní coirce, gráinní eorna, gráinní arbhair Indiaigh nó gráinní cruithneachta crua, agus ina bhfuil 40 % ar a laghad de tháirgí muilleála gráinní coirce agus slánghráinní coirce. |
50 |
|
1.9.8 |
Gránaigh bricfeasta ina bhfuil 50 % ar a laghad de bhran gránaigh, táirgí muilleála gráinní coirce, táirgí muilleála gráinní arbhair Indiaigh, slánghráinní coirce, gráinní eorna, gráinní arbhair Indiaigh nó gráinní cruithneachta crua, agus atá comhdhéanta de ar a laghad de tháirgí muilleála gráinní coirce agus slánghráinní coirce. |
75 |
|
1.9.9 |
Bia do naíonáin agus bia gránachbhunaithe próiseáilte do naíonáin agus leanaí óga (3) |
10 |
Seachas táirgí ríse. Tá feidhm ag an uasleibhéal maidir le hábhar tirim (5) an táirge mar a chuirtear ar an margadh é. |
1.9.10 |
Bia chun críoch speisialta míochaine atá ceaptha do naíonáin agus do leanaí óga (3) |
10 |
Seachas táirgí ríse. Tá feidhm ag an uasleibhéal maidir le hábhar tirim (5) an táirge mar a chuirtear ar an margadh é.’ |
ELI: http://data.europa.eu/eli/reg/2024/1038/oj
ISSN 1977-0839 (electronic edition)