Iris Oifigiúil |
GA Sraith L |
2024/298 |
18.1.2024 |
RIALACHÁN TARMLIGTHE (AE) 2024/298 ÓN gCOIMISIÚN
an 7 Samhain 2023
lena bhforlíontar Rialachán (AE) 2019/1700 ó Pharlaimint na hEorpa agus ón gComhairle trí líon agus teideal na n-athróg a shonrú le haghaidh ábhar ad hoc 2025 ‘Fuinneamh agus an comhshaol’ i bhfearann an ioncaim agus na ndálaí maireachtála
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1700 ó Pharlaimint na hEorpa agus ón gComhairle an 10 Deireadh Fómhair 2019 lena mbunaítear creat comhchoiteann le haghaidh staidreamh Eorpach a bhaineann le daoine agus le teaghlaigh, staidreamh a bhunófar ar shonraí ar an leibhéal aonair arna mbailiú ó shamplaí, lena leasaítear Rialacháin (CE) Uimh. 808/2004, (CE) Uimh. 452/2008 agus (CE) Uimh. 1338/2008 ó Pharlaimint na hEorpa agus ón gComhairle, agus lena n-aisghairtear Rialachán (CE) Uimh. 1177/2003 ó Pharlaimint na hEorpa agus ón gComhairle agus Rialachán (CE) Uimh. 577/98 (1) ón gComhairle, agus go háirithe Airteagal 6(1) de,
De bharr an mhéid seo a leanas:
(1) |
Soláthraítear le fearann an ioncaim agus na ndálaí maireachtála, a leagtar amach in Airteagal 3(1), pointe (b) de Rialachán (AE) 2019/1700, an fhaisnéis a cheanglaítear leis an Seimeastar Eorpach (2) agus le Colún Eorpach na gCeart Sóisialta (3), go háirithe maidir le dáileadh ioncaim, leis an mbochtaineacht agus le heisiamh sóisialta. Soláthraítear leis freisin faisnéis le haghaidh beartais éagsúla eile an Aontais a bhaineann le dálaí maireachtála agus leis an mbochtaineacht. |
(2) |
Is ríthábhachtach an t-ábhar ad hoc a bheidh le bailiú in 2025 maidir le ‘Fuinneamh agus an comhshaol’ i gcomhréir le Rialachán Tarmligthe (AE) 2020/256 (4) ón gCoimisiún, go háirithe i bhfianaise na Teachtaireachta ‘Oiriúnach do 55’ (5) ón gCoimisiún lena mbeartaítear togra le haghaidh moladh (6) maidir le haistriú i dtreo na haeráidneodrachta a áirithiú. |
(3) |
Ba cheart don Choimisiún líon agus teideal na n-athróg le haghaidh ábhar ad hoc‘Fuinneamh agus an comhshaol’ a shonrú. |
(4) |
De bhun Airteagal 6(2) de Rialachán (AE) 2019/1700, níor cheart líon na n-athróg a bheidh le bailiú a dhul thar 5 % de líon na n-athróg a bailíodh le haghaidh fhearann an ioncaim agus na ndálaí maireachtála amhail an 3 Samhain 2019, |
TAR ÉIS AN RIALACHÁN SEO A GHLACADH:
Airteagal 1
Is san Iarscríbhinn a leagtar amach líon agus teideal na n-athróg le haghaidh ábhar ad hoc 2025 maidir le ‘Fuinneamh agus an comhshaol’ i bhfearann an ioncaim agus na ndálaí maireachtála.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 7 Samhain 2023.
Thar ceann an Choimisiúin
An tUachtarán
Ursula VON DER LEYEN
(1) IO L 261 I, 14.10.2019, lch. 1.
(2) Is é an Seimeastar Eorpach creat an Aontais Eorpaigh maidir le comhordú agus faireachas beartas eacnamaíoch agus sóisialta.
(3) D’fhógair Parlaimint na hEorpa, an Chomhairle agus an Coimisiún Colún Eorpach na gCeart Sóisialta in 2017 ag Cruinniú Mullaigh Göteborg. Leagtar amach sa Cholún 20 príomhphrionsabal a bheidh ina dtreoir againn i dtreo Eoraip láidir shóisialta atá cothrom, ionchuimsitheach agus lán deiseanna sa 21ú haois.
(4) Rialachán Tarmligthe (AE) 2020/256 ón gCoimisiún an 16 Nollaig 2019 lena bhforlíontar Rialachán (AE) 2019/1700 ó Pharlaimint na hEorpa agus ón gComhairle trí phleanáil rollach ilbhliantúil a bhunú (IO L 54, 26.2.2020, lch. 1).
(5) Teachtaireacht ón gCoimisiún ‘Oiriúnach do 55’: lena mbaintear Sprioc Aeráide 2030 an Aontais amach ar an mbealach i dtreo na haeráidneodrachta’ (COM(2021) 550 final).
(6) Togra le haghaidh Moladh ón gComhairle maidir le haistriú cóir i dtreo na haeráidneodrachta a áirithiú (COM(2021) 801 final).
IARSCRÍBHINN
Líon agus teideal na n-athróg le haghaidh ábhar ad hoc 2025 ‘Fuinneamh agus an comhshaol’ i bhfearann an ioncaim agus na ndálaí maireachtála:
Modúl |
Aitheantóir na hathróige |
Ainm na hathróige |
Ábhar ad hoc 2025 maidir le Fuinneamh agus an comhshaol (20 athróg éigeantach) |
HEE01 |
Fad siúil chuig an spás glas poiblí is gaire |
PW201 |
Sásamh le spásanna glasa poiblí sa cheantar áitiúil |
|
PEE03 |
Cumas rochtain a fháil ar an obair/scoil/ollscoil ar iompar poiblí, ar rothar nó de shiúl na gcos laistigh d’uair an chloig |
|
PEE04 |
Modh iompair príomhúil a úsáidtear |
|
PEE05 |
Modh iompair tánaisteach a úsáidtear |
|
HC006 |
Bliain a tógadh an phríomhtheaghais |
|
HC003A |
Athchóiriú ar mhaithe le héifeachtúlacht fuinnimh (insliú teirmeach, fuinneoga nó córas téimh) |
|
HEE07 |
Baic ar an éifeachtúlacht fuinnimh a fheabhsú |
|
PEE08 |
Damáiste a rinneadh don teach/árasán de dheasca na haimsire/an chomhshaoil |
|
HEE09 |
Buidéil phlaisteacha á scaradh sa bhaile |
|
PEE10 |
Cé chomh minic a itear feoil, éineoil nó iasc |
|
HEE11 |
Líon na ngluaisteán príobháideach, léasaithe nó cuideachta sa teaghlach |
|
HEE12 |
An cineál gluaisteáin (is úire) |
|
HEE13 |
An bhliain a cláraíodh an gluaisteán (is úire) den chéad uair |
|
HEE14 |
An bhliain a cláraíodh an gluaisteán (is sine) den chéad uair |
|
PEE15 |
Líon na n-eitiltí príobháideacha nó gnó laistigh den Eoraip |
|
PEE16 |
Líon na n-eitiltí príobháideacha nó gnó lasmuigh den Eoraip |
|
PEE17 |
Líon na n-uaireanta a chaitear i ngluaisteán neamhleictreach mar thiománaí le linn ghnáth-thréimhse 7 lá |
|
PEE20 |
Iarracht a dhéanamh fón póca a dheisiú agus é briste |
|
PEE21 |
Beart a dhéantar nuair nach féidir an fón póca a úsáid |
ELI: http://data.europa.eu/eli/reg_del/2024/298/oj
ISSN 1977-0839 (electronic edition)