18.7.2023 |
GA |
Iris Oifigiúil an Aontais Eorpaigh |
L 181/44 |
RIALACHÁN CUR CHUN FEIDHME (AE) 2023/1472 ÓN gCOIMISIÚN
an 17 Iúil 2023
Lena leasaítear Rialachán(CE) Uimh 1055/2008 a mhéid a bhaineann lena mhinice a sholáthraíonn Ballstáit a dtuarascáil cháilíochta
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh 184/2005 ó Pharlaimint na hEorpa agus ón gComhairle an 12 Eanáir 2005 maidir le staidreamh comhphobail a bhaineann le comhardú íocaíochtaí, le trádáil idirnáisiúnta seirbhísí agus infheistíocht dhíreach ón gcoigríoch (1), agus go háirithe Airteagal 4(3) de,
De bharr an mhéid seo a leanas:
(1) |
Déantar an measúnú cáilíochta ar na sonraí i réimse an staidrimh maidir le comhardú na n-íocaíochtaí (CNI), an staidrimh maidir leis an staid infheistíochta idirnáisiúnta,(SII) staidrimh maidir le trádáil idirnáisiúnta seirbhísí agus an staidrimh maidir le hinfheistíocht dhíreach choigríche i gcomhréir le Rialachán(CE) Uimh 223/2009ó Pharlaimint na hEorpa agus ón gComhairle (2). Thairis sin, leagtar amach i Rialachán(CE) Uimh 1055/2008 ón gCoimisiún (3) na critéir cháilíochta agus ábhar agus minicíocht na dtuarascálacha cáilíochta. |
(2) |
Tá sé ríthábhachtach faireachán a dhéanamh ar cháilíocht na sonraí agus ba cheart é a dhéanamh go tráthúil. Ba cheart an chothromaíocht cheart a bhaint amach idir an gá atá le faireachán a dhéanamh agus le minicíocht maidir le tuairisciú na faisnéise ábhartha a dhéanamh do Pharlaimint na hEorpa agus don Chomhairle chun ualach díréireach a sheachaint. |
(3) |
Ba cheart, dá bhrí sin, an mhinicíocht bhliantúil a gcuireann na Ballstáit tuarascáil cháilíochta ar fáil don Choimisiún léi (Eurostat) a athrú go tuairisciú débhliantúil. |
(4) |
Ba cheart do na Ballstáit a gcéad tuarascáil eile a chur faoi bhráid an Choimisiún (Eurostat) tráth nach déanaí ná an 31 Bealtaine 2025 agus gach dhá bhliain ina dhiaidh sin. |
(5) |
Ba cheart, dá bhrí sin, Rialachán (CE) Uimh. 1055/2008 a leasú dá réir. |
(6) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCóras Staidrimh Eorpach, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (CE) Uimh 1055/2008 mar a leanas:
(a) |
cuirtear an méid seo a leanas in ionad Airteagal 1: ‘Airteagal 1 Ón mbliain 2025 agus ag tosú ón mbliain sin, Soláthróidh na Ballstáit ar bhonn débhliantúil tuarascáil cháilíochta a tharraingeofar suas i gcomhréir leis na rialacha a leagtar síos san Iarscríbhinn.’ |
(b) |
cuirtear an méid seo a leanas in ionad Airteagal 2: ‘Airteagal 2 Soláthróidh na Ballstáit a dtuarascáil cháilíochta tráth nach déanaí ná an 31 Bealtaine gach dara bliain’ |
(c) |
cuirtear an téacs a leagtar amach san Iarscríbhinn a ghabhann leis an Rialachán seo in ionad na hIarscríbhinne. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 17 Iúil 2023.
Thar ceann an Choimisiúin
An tUachtarán
Ursula VON DER LEYEN
(1) IO L 35, 8.2.2005, lch. 23.
(2) Rialachán (CE) Uimh. 223/2009 ó Pharlaimint na hEorpa agus ón gComhairle an 11 Márta 2009 maidir le staidreamh Eorpach agus lena n-aisghairtear Rialachán (CE, Euratom) Uimh. 1101/2008 ó Pharlaimint na hEorpa agus ón gComhairle maidir le tarchur sonraí atá faoi réir rúndachta staidrimh chuig Oifig Staidrimh na gComhphobal Eorpach, Rialachán (CE) Uimh. 322/97 ón gComhairle maidir le Staidreamh Comhphobail, agus Cinneadh 89/382/CEE, Euratom ón gComhairle lena mbunaítear Coiste um Chláir Staidrimh na gComhphobal Eorpach (IO L 87, 31.3.2009, lch. 164).
(3) Rialachán (CE) Uimh. 1055/2008 ón gCoimisiún an 27 Deireadh Fómhair 2008 lena gcuirtear chun feidhme Rialachán (CE) Uimh. 184/2005 ó Pharlaimint na hEorpa agus ón gComhairle a mhéid a bhaineann leis na critéir cháilíochta agus le tuairisciú cáilíochta i ndáil le staidreamh maidir le comhardú íocaíochtaí (IO L 283, 28.10.2008, lch. 3).
IARSCRÍBHINN
‘IARSCRÍBHINN
1. Réamhrá
Beidh idir tháscairí cainníochtúla agus táscairí cáilíochtúla sa tuarascáil cháilíochta. Soláthróidh an Coimisiún (Eurostat) torthaí na dtáscairí cainníochtúla do gach Ballstát a ríomhfar ar bhonn na sonraí a chuirfear ar fáil. Déanfaidh na Ballstáit iad a léirmhíniú agus trácht a dhéanamh orthu, i bhfianaise a modheolaíochta bailiúcháin.
2. Amlíne
— |
Gach dara bliain, faoi dheireadh na chéad ráithe, soláthróidh an Coimisiún (Eurostat) dréachtdhoiciméid do na Ballstáit le haghaidh tuarascálacha cáilíochta, bunaithe ar shonraí a sheolfar an bhliain roimhe sin agus beidh siad réamhlíonta i bpáirt le formhór na dtáscairí cainníochtúla agus le faisnéis eile atá ar fáil don Choimisiún (Eurostat). |
— |
Gach dara bliain, laistigh de dhá mhí agus tar éis dóibh an tuarascáil cáilíochta réamhlíonta a fháil agus tráth nach déanaí ná an 31 Bealtaine, soláthróidh na Ballstáit an tuarascáil cháilíochta chríochnaithe don Choimisiún (Eurostat). |
3. Critéir cháilíochta
Sa tuarascáil cháilíochta, beidh táscairí cainníochtúla agus cáilíochtúla lena gcumhdófar na critéir cháilíochta uile a leagtar amach in Airteagal 12(1) de Rialachán (CE) Uimh 223/2009.